<a href="https://kyzylorda-news.kz/">Kyzylorda-news.kz</a> &nbsp;Жыл сайын білімге құмартып, оқуға ынталы жандарға облыс әкімінің арнайы гранты тағайындалып келеді. Сонау 2013 жылдан бері өңірдің әлеуметтік-экономикалық дамуын айқындайтын мамандықтар бойынша облыс әкімінің грантын тұрмысы төмен және көпбалалы отбасылардан шыққан білімге құштар мыңнан аса түлек иеленіп келді.&nbsp;Биыл да білімге бой ұрған жандарға жақсы мүмкіндік туындады. Қанша грант тағайындалды? Қандай мамандықтарға басымдық берілді? Осы сұрақтардың жауабын Өңірлік коммуникациялар қызметінің ақпарат алаңында Облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев баяндап берді.<blockquote>– “Арнайы комиссия шешімдерімен жалпы қосымша бекітілген 47 гранттың 44-і тағайындалды. Атап айтқанда, Қорқыт ата атындағы Қызылорда университетіне бөлінген 36 гранттың 33-і, Қызылорда «Болашақ» университетіне бөлінген 1 гранттың 1-і, Нұр – Мүбарак Египет Ислам мәдениеті университетіне бөлінген гранттың 1-і, Қарағанды медицина университетіне бөлінген &nbsp;2&nbsp;гранттың 2-не, С.Ж. Асфендияров атындағы Қазақ Ұлттық медицина университетіне бөлінген 7 гранттың 7-де тағайындалды. Тағайындалған гранттар бойынша археология және этнология мамандығына – 4грант, әлеуметтік жұмыс – 2, дизайн – 1, журналистика және репортер ісі – 1, экология және табиғатты пайдалану – 10, дәстүрлі музыка өнері – 1, аударма ісі - 6, ақпараттық жүйе – 2, ақпараттық қауіпсіздік жүйелері – 6, көлікті пайдалану және жүк қозғалысымен тасымалдауды ұйымдастыру - 1, исламтану мамандығына – 1, жалпы медицинаға - 9 грант тағайындалды.</blockquote>Әлеуметтік санаттар бойынша грант иегерлерінің:- 22-і көп балалы отбасылардан;- 6-ы ата анасының біреуі мүгедек;- 5-і аз қамтылған отбасынан;- 7-уі асыраушысынан айырылған отбасынан;- 2-уі мүгедектігі бар баланы тәрбиелеуші;- 2-і толық емес отбасынан.Қызылорда қаласы мен аудандар бөлінісінде Арал ауданына бөлінген 3 гранттың 3-і, Қазалыда 1 гранттың 1-і, Қармақшыда 3 гранттың 3-і, Жалағашта 1 гранттың 1- і, Сырдарияда 2 гранттың 2 - і, Шиеліде 8 гранттың 6 - ы, Жаңақорғанда 2гранттың 2-уі, Қызылорда қаласында 27 гранттың 26-ы тағайындалды.Үш мамандық бойынша, оның ішінде Шиелі ауданынан журналистика және аударма ісі бойынша 2 грант, Қызылорда қаласында ақпараттық қауіпсіздік жүйелері мамандығы бойынша 1 грант үміткерлердің өз еркімен бас тартуына байланысты тағайындалды.<blockquote>Қорытындысымен екінші отырыста белгіленген 47 мамандықтың&nbsp;44 игерілді. Барлығы әлеуметтік тұрғыдан халықтың осал топтарынан білім алуға бөлінген 100 гранттың 69-ы арнайы комиссия шешімдерімен облыс әкімі грантымен жоғарғы оқу орнындарында білім алуға қолдау білдірілді”,- деді Ғабит Жұмабекұлы.</blockquote>Фото:&nbsp;Өңірлік Коммуникациялар қызметі

Қызылорда облысы әкімінің грант иегерлері анықталды

<a href="https://kyzylorda-news.kz/">Kyzylorda-news.kz</a>&nbsp; Қазақстан атом электр станциясын салуға соңғы үлгідегі реакторларды қолдануды жоспарлап отыр. Заманауи технологиялар зиянды қалдықтардан қорғап қана қоймай, қауіпсіздікті үздіксіз қамтамасыз етуге қауқарлы, деп хабарлайды 24kz арнасы.&nbsp;Қазақстан атом электр станцияларында соңғы үлгідегі реакторларды қолдануды жоспарлап отыр. Олардың бірнеше қабаттан тұратын қауіпсіздік жүйесі апаттың алдын алуға қауқарлы.Ұлттық ядролық орталық бас инженерінің орынбасары Денис Зарваның айтуынша, атом реакторлары ішкі және сыртқы күштерге төзімді. Заманауи қорғаныс жүйесі қауіптің кез келген түріне тойтарыс бере алады. Штаттан тыс жағдайды жойып, реакторды қалыпты режимге қайтарады.<blockquote>Қазір әлемде реакторлардың 3+ буыны қолданылады. Қазақстанда да сондай реакторлар салу жоспарланған. Мамандар қауіпсіздікке өте көп мән берген. Оның қорғанысы бірнеше қабаттан тұрады. Сондықтан апат болу ықтималдығы өте төмен. Есеп бойынша 10 млн жылда бір рет штаттан тыс жағдай болуы мүмкін. Ал реакторлардың қолдану мерзімі 60-80 жылдан аспайды, - дейді «ҚР Ұлттық ядролық орталығы» РМК бас инженерінің орынбасары Денис Зарва.</blockquote>Ал Атом энергетикасы жөніндегі халықаралық агенттіктің бұрынғы қызметкері Тарик Рауф болашақта атом қуатына сұраныс артады деген пікірде.Біріккен ұлттар ұйымының дерегінше, әлемдегі 60 ел ауаға зиянды шығындылардың таралуын қысқарту бойынша міндеттеме алған. Бұл қатарда Қазақстан да бар.<blockquote>Бірнеше қуат көзін пайдаланған дұрыс. Көптеген мемлекет қазір суды осы мақсатта қолданып жүр. Мұнай мен газдан бас тартып, атом энергиясын, баламалы қуат көздерін пайдалануға болады. Сондықтан алдағы 40-50 жылда атом қуатының маңызы артады. Сондай-ақ ол елдің тұрақты дамуы мен көмірқышқыл газының шығындысын азайтуға ықпал етеді, - дейді Атом энергетикасы жөніндегі халықаралық агенттіктің бұрынғы бөлім басшысы Тарик Рауф.</blockquote>Агенттіктің дерегінше, қазір әлемнің 31 елінде 400-ден астам энергетикалық блоктар жұмыс істеп тұр. Олардың қуаты 300 гигаваттан асады. Ал 15 мемлекет соңғы үлгідегі 59 реактор салып жатыр. Атом электр станциясының саны бойынша АҚШ оқ бойы озық тұр. Онда 90 энергетикалық блок жұмыс істейді.фото: darminaopel.ru

Қазақстан АЭС салуға соңғы үлгідегі реакторларды қолданбақ

<a href="https://kyzylorda-news.kz/">Kyzylorda-news.kz</a> &nbsp;Қызылордада жолшылар балаларға ерекше шара өткізді. Аймақтағы Жол активтерінің ұлттық сапа орталығының қызметкерлері балаларына жұмыс орнын таныстыру үшін экскурссия ұйымдастырды.&nbsp;Кішкентайлар ата-анасы еңбек ететін жол зертханасына келді. Олар асфальт-бетон материалдарына сынама жұмыстары қалай жүргізілетініне куә болды. Бүгінде ең озық технологиялармен қамтылған орталықта жылына мыңнан аса зертханалық тексеру жүргізіледі. Қайнаған тіршіліктің ортасына түскен балалар ата-аналарының күнделікті жұмысын көріп, бойында мақтаныш сезімі ұялады.<blockquote>«Әрбір бала үшін үлгі тұтар адамы ол ата-анасы. Жауапкершілік жүгі ауыр салада еңбек ететін біздің мамандар маусымдық кезеңде жер-жерде салынып жатқан жолдардың сапасын тексеруге шығып, апталап-айлап сыртта жүреді. Сондықтан осындай қауырт кезеңге қарамастан үйдегі балаларды зертханаға әкеліп, ата-анасының еселі еңбегін көрсін дедік. Бұл отбасылық құндылықты арттыра түседі деп ойлаймызә»,- дейді филиал директоры Ерболат Көштаев.</blockquote><img src="https://knadmin.beoblood.kz/uploads/7_f42aba5dac.jpg" alt="7.jpg">

Балалар жол зертханасының жұмысымен танысты

<a href="https://kyzylorda-news.kz/">Kyzylorda-news.kz</a> &nbsp;“Қазгидромет” РМК 27-29 тамызға ауа райы болжамын жариялады.<blockquote>Синоптиктердің мәліметінше, найзағаймен жаңбыр жауады, республиканың солтүстігінде, оңтүстігінде және оңтүстік-шығысында 29 тамызда қатты жаңбыр күтіледі. Жоғары қысым алқабының енуімен еліміздің &nbsp;батысында жауын-шашынсыз ауа райы күтіледі. Қазақстан бойынша желдің күшеюі болжанады, елдің солтүстігінде, оңтүстігінде және оңтүстік-шығысында дауыл мен бұршақ жауады. Түнгі және таңертеңгі уақытта солтүстік және шығыс аймақтарда тұман күтіледі.</blockquote>Сондай-ақ, ауа температурасының біртіндеп жоғарылауы болжанады: күндіз батыс аймақтарда 27-35 градус жылыға дейін; &nbsp;солтүстік-батыс аймақтарда 20-30 градус жылыға дейін; солтүстікте 17-25 градус жылыға дейін; орталықта 18-28 градус &nbsp;жылыға дейін; елдің шығысында негізгі температураның фоны 18-28 градус жылы, оңтүстік және оңтүстік-шығыс облыстарда ауа температурасының 22-30 градус жылыға дейін төмендеуі күтіледі.Фото: казинформ

Алдағы үш күнге ауа райы болжамы жарияланды

<a href="https://kyzylorda-news.kz/">Kyzylorda-news.kz</a> Жанқош Тұраров оған қатысты зорлық-зомбылық жасады деп арыз түсірген Әнару Құрманәлінің үстінен арыз түсірген. Бұл туралы бүгін Алматыдағы баспасөз мәслихатында оның адвокаты Самат Мамутов мәлім етті, деп хабарлайды&nbsp;<a href="https://azattyq-ruhy.kz/">Azattyq Rýhy.</a><blockquote>«Осы күнге дейін Жанқош Тұраров зорлық жасады деген ақпаратқа пікір айтпаған себебіміз -&nbsp; сотқа дейінгі тергеп-тексеруге кедергі жасамайық деген шешім болған. Бірақ, арызданушы Әнару Құрманәлінің ақпарат құралдарына сұхбат беріп, Жанқош Тұраровтың ар-намысына нұсқан келтіріп, абыройын түсіруге бағытталған әрекеттерден кейін қысқаша сұхбат берейік деген шешім қабылдадық. Арызданушы Әнару Құрманәлінің Жанқош Тұраровқа қатысты арызы бойынша қылмыстық іс тіркеліп, тиісті сараптамалар тағайындалғаны баршаңызға белгілі. Жанқош Тұраров арызданушы Әнару Құрманәлінің арызында көрсетілген және БАҚ сұхбаттарында айтылғандай зорлық болғанын растамайды. Бәрі жалған. Ойдан шығарылған деп есептейді. Ақиқат орын алатына сенеді», - дейді оның адвокаты.</blockquote>Самат Мамутов егер Әнару Құрманәлінің арызында көрсетілген жайттар дәлелденбесе, онда ол көрінеу жалған ақпарат таратқаны үшін 8 жылға дейін сотталуы мүмкін екенін ескертті. Әнаруды ғана емес, оның сұхбатын жазған бұқаралық ақпарат құралдарына да «жалған ақпарат таратпауларыңызды сұраймыз» деп ескерту жасады. Бірақ, журналистердің әртүрлі сұрақтарына жауап бермей, Қылмыстық-процесуалдық кодекстің 201 бабына сай, тергеу жүріп жатқанда ақпаратты жария етпейміз деді. Дәл осы бапты бұзды деп санағаны үшін Жанқош Тұраров Әнару Құрманәлінің үстінен арыз түсірген.<blockquote>«Бұдан басқа, арызданушы Әнару Құрманәлі ҚР Қылмыстық-процестік кодекстің 201 бабы бойынша «сотқа дейінгі тергеп-тексеру деректерін жария етпеймін» деп 2024 жылдың 20-тамызы күні қолхат берген болатын. Бірақ осы күнге дейін өзінің уәждерін бұқаралық ақпарат құралдарына сұхбат ретінде беріп, халыққа жалған ақпарат таратып, қоғамдық пікірді өз пайдасына бұру мақсатында сотқа дейінгі тергеп-тексеруге қысым көрсететін әрекеттер жасап жүр. Бұл деректер бойынша сотқа дейінгі тергеп-тексеру органына арызданушы Құрманәліге үстінен Қылмыстық&nbsp; 423 бабы бойынша қылмыстық іс тіркеп, жаупақа тарту бойынша өтініш берілді. Яғни, сотқа дейінгі іс жүргізудің деректерін жария еткені үшін», - деді Мамутов.&nbsp;</blockquote>&nbsp;Фото: dalanews.kz

«Спортшы кері арыз түсірді»: Жанқош Тұраров журналистер келген жиынға өзі келмей қалды

Фото: ErtenMedia.kz<a href="https://kyzylorda-news.kz/">Kyzylorda-news.kz</a> Париж Олимпиадасы аяқталғаннан кейін де оның төңірегінде түрлі дау тоқтамады. Соның бірі — дін тақырыбы. Нұрлан имам есімімен танымал Нұрлан Байжігітұлы Елдос Сметовке, спорт пен дін тақырыбына қатысты пікір білдірді, —&nbsp;деп хабарлайды&nbsp;<a href="https://ertenmedia.kz/">ErtenMedia.kz.</a>Оның сөзінше, сақал мен балақ тақырыбынан алыстай алмай жүруіміз — ұят тірлік.<blockquote>«Сақал қойды ма, сақал қоймады ма, Олимпиаданың шыңын бағындырып келген жоқ па?! Қазақтың туын көтеріп, Әнұранды биік дәрежеде шырқатты. Бүкіл қазақтың рухын оятып берген бір Елдостың қуанышында оның сақалын талдайтын дәрежеге жеттік пе?! Біз бір-бірімізді қолдауымыз керек, ол өзінің жеке өмірі. …Салафилік, уахабилықты сақалға байлаған қателік болды. Қазір салафи ағымын ұстанатындар сақалдарын алып тастады. Бірақ ішкі дүниесі өзгерген жоқ. Біз баяғы сақал мен дамбалдың төңірегінде таласып жүрміз. Ұят емес пе?! Сақал мен балақтан әлі шыға алмай жүрміз», — деді Нұрлан имам.</blockquote>

«Сақал мен дамбалдың төңірегінде жүрміз»: Нұрлан имам Елдос Сметовке қатысты пікір білдірді

<a href="https://kyzylorda-news.kz/">Kyzylorda-news.kz</a> Көлік министрінің «Республикалық маңызы бар Үшарал-Достық жалпыға ортақ пайдаланылатын автомобиль жолын (учаскесін) ақылы негізде пайдалану туралы» бұйрығы дайындалды, деп хабарлайды Politico.kz.Ақылы жолдың ұзындығы – 180 шақырым. Автобустар мен жүк көліктері үшін ондағы ақы мөлшерлемесі белгіленді. Бұл жолдың жалпы қызмет ету мерзімі – 20 жыл. Құжат 9 қыркүйекке дейін қоғамдық талқылау үшін «Ашық НҚА» сайтына орналастырылды.Бұған дейін Қазақстанда ақылы жолдардағы тарифтерді тағы 20 пайызға көтеру жоспарланып отырғаны хабарланған болатын.

Қазақстанда тағы бір жол 20 жыл бойы ақылы болады

<a href="https://kyzylorda-news.kz/">Kyzylorda-news.kz</a>&nbsp; ҚР Парламенті Мәжілісіндегі «AMANAT» партиясы фракциясының мүшесі Мархабат Жайымбетов өңірдегі жұмыс сапары кезінде Қазалы ауданына арнайы барып, бірқатар құрылыс жұмыстарын бақылап, кәсіпкерлік нысандарды көрді.Іссапар аясында депутат Әйтеке би кентін көркейту бағытында жасалып жатқан Жанқожа батыр көшесін абаттандыру жұмысымен танысты. Аталған көше көлік қатынасындағы және адам көп жүретін негізгі көшелердің бірі саналады.Биыл абаттандыру жұмыстарына 142 млн. теңге қаржы бөлініп, қазіргі таңда мердігер «Каз Элит Строй Сервис» ЖШС-і тарапынан қырлы тас төсеу, су бұрқақ пен шағын мафтар салу жұмыстары жүруде. Мұнымен қоса жоба аясында ойын алаңдары салынып, спорттық жабдықтар орнату сияқты басқа да жұмыстар жүргізілетін болады.Осы күні халық қалаулысы өңіріміздегі «Руханият жылы» аясында жаңадан салынып жатқан «Руханият орталығының» құрылысымен танысты.Музей, кітапхана, мұрағат, неке қию залы, ардагерлер және аналар кеңесі, жастар орталықтары, азаматтық қоғам өкілдері мен тарихи-мәдени, рухани ұйымдарын біріктіретін орталықтың құрылысы шілде айында басталған. Мердігер «АСАР» ЖШС-і іргетасы астын (подбетонка) құю жұмыстарын толық аяқтап, іргетасын құю жұмыстарын бастауда.Өз кезегінде фракция мүшесі Мархабат Жайымбетұлы кент келбетіне сән беретін абаттандыру және құрылыс жұмыстарын мерзімінде әрі сапалы аяқтап, халық игілігіне табыстау қажеттігін айтты.Мұнан соң, Мәжіліс депутаты Қазалы қаласындағы «MEBEL_MIKO» жиһаз жасау цехының жұмысын көрді.2018 жылы бөлме, ас-үй жиһаздары мен бөлме есіктерін шығаруымен айналысып бастаған шағын өндірістік орын жергілікті тұрғындардың сұранысын қанағаттандырып отыр. Кәсіпкерлікті қолдауға бағытталған мемлекеттік «Еңбек», «БЖК-2025» және «Іскер» бағдарламары аясында 17,0 млн.теңге жеңілдетілген несие алған. Кәсіп иесі Мейрамбек Нұғыманов тапсырыстың жоғары екенін, цехта 6 адам жұмыспен қамтылғанын атап өтті.Ал өз кезегінде депутат кәсіпкерлікті қолдау мен отандық бизнеске қолайлы жағдай жасау бағытында жұмыстар жалғаса беретінін айтып, өндірістік орынның жұмысына сәттілік тіледі.Осы күні халық қалаулысы Бекарыстан би ауылына барып, жергілікті шарулармен кездесті. Бақшалық өнім өсіруді отбасылық кәсіп қылған Серік Бәкішовтың бау-бақша ісінің барысымен танысты.Ауыл тұрғынының бау-бақша дақылдарын өсірумен айналысқанына 20 жылдан аса уақыт болған. Биыл 2,5 гектар жерге қауын-қарбыз, асқабақ, қызанақ, картоп сияқты бақша дақылдарын егіп, 25 тоннадан аса өнім жинауды жоспарлап отыр. Бүгінде жиналған алғашқы өнімдерін аудан орталығына тасымалдап, жергілікті тұрғындарға тиімді бағада ұсынуда.Еңбекқор, бірлігі мен тірлігі жарасқан ауыл шаруасының кәсібі көпке үлгі екенін айтқан депутат, жаз бойғы еткен адал еңбегінің жемісті болуына тілектестігін білдірді.Арал ауданына жұмыс сапары барысында Мархабат Жайымбетов &nbsp;Ақлақ су тоспасында болды.Ақлақ су тоспасы (гидроузел) 2003 жылы басталып 2011 жылы салынып, құрылысы бітті. Бұл тоспа Балтық деңгейі бойынша 53,50 метрге дейін су деңгейін ұстайды. Қыста 400 текше метр су, ал жаз айларында секундына 515 текше метр су өткізе алады.Ақлақ су тоспасының атқаратын қызметі - тоспаны 53,50 метр биіктіктегі су деңгейіне апарып, суды ұстап, осы деңгей арқылы Сырдария өзенінен келіп жатқан суды Ақлақ су тоспасына дейінгі орналасқан (11 көл) көлдерге, шабындықтарға, каналдар арқылы су жіберіп, балықтың өсуіне және мал азығы үшін шөп дайындауға септігін тигізеді.Осындай жұмыстардың нәтижесінде сол өңірде орналасқан халықтың әлеуметтік жағдайын жақсартуға зор мүмкіндік береді.Халық қалаулысының жұмыс сапары Аманөткел ауылында бой көтеретін 150 адамдық ауыл клубының жобасымен танысумен жалғасты.Мұнда депутат жергілікті ауыл ардагерлерімен кездесіп , ұсыныс тілектерін тындады. Одан әрі Ауыл маныңдағы Тұқы өсіретін тоған балық шаруашылығының жұмысын көрді.«Арал Рыбторг» ЖШС қазіргі уақытта 15 гектар аумақтағы 4 тоғанда балық жіберу жұмыстары бастады.Ағымдағы жылдың маусым айында 7 млн. 700 дана тұқы балықтары тоғанға жіберілді. Күзге дейін тоғандардың ауданы 25 гектарға дейін ұлғайту, содан кейін қуаттылығы жылына 15-20 миллион шабаққа арналған инкубациялық цехты орнату жұмыстары басталатын болады. «Арал Рыбторг» ЖШС тарапынан тауарлы балықтың алғашқы партиясын 2025 жылы алуды жоспарлауда. Жобаның құны: 150 млн. теңге. Ал, қуаттылығы жылына - 300 тонна.Атап өту қажет, ауданда Еуропа нарығына шығуға мүмкіндік беретін «Еврокод» белгісі тек 2 кәсіпорында бар. Олар «Арал балық өңдеу зауыты» және «Арал сервистік дайындау орталығы» ЖШС-і балық өңдеу зауыттары.<figure class="image"><img src="https://knadmin.beoblood.kz/uploads/457109721_919417993557171_1281358574791658838_n_d6fb04d6ab.jpg" alt="457109721_919417993557171_1281358574791658838_n.jpg"></figure>&nbsp;<figure class="image"><img src="https://knadmin.beoblood.kz/uploads/457066566_919412326891071_2424921757105681482_n_ece1e7702a.jpg" alt="457066566_919412326891071_2424921757105681482_n.jpg"></figure>&nbsp;<img src="https://knadmin.beoblood.kz/uploads/456787969_919412393557731_8990864223815824763_n_108ec3e530.jpg" alt="456787969_919412393557731_8990864223815824763_n.jpg">

Мәжіліс депутатының жұмыс сапары Қазалы, Арал аудандарында жалғасты

<a href="https://kyzylorda-news.kz/">Kyzylorda-news.kz</a> Елімізде “Қазақстан мұғалімі - Ұлттық сыйлығы” байқауының финалистері анықталды.&nbsp;2200 үміткер қатысқан ұстаздар додасында терең білімі мен тынымсыз еңбегі арқылы көзге түскен 50 мұғалім үздік деп танылды. Олардың қатарында Арал ауданындағы Ж.Әбдірашев атындағы 62 мектеп-лицейінің информатика пәнінің мұғалімі Алтынбек Кикбаев пен бастауыш сынып мұғалімі Гүлсара Баймаханова бар.Айта кетейік аталған байқауда бақ сынаған қатысушылар бірнеше бағалау талаптары бойынша іріктеліп, ақтық мәреге жолдама алған болатын. Финалдық кезең қазан айында қорытындыланып, жеңімпаздар сол кезде анықталмақ. Үздік шыққан 10 мұғалім жүлдеге іліксе, жеңімпаз байқаудың Халықаралық кезеңіне жолдама алады.&nbsp;

Аралдық мұғалімдер “Қазақстан мұғалімі - Ұлттық сыйлығы” байқауының финалына шықты 

<a href="https://kyzylorda-news.kz/">Kyzylorda-news.kz</a> Танымал актриса Жұлдыз Әбдікәрімова халыққа үндеу жасап, тарихымызды танытуға шақырды. Бұл туралы Stan.kz ақпарат агенттігі хабарлайды.&nbsp;Алдымен өнер иесі балалық шағынан сыр шертіп, қонақжайлықты сөз етті.<blockquote>“Қонақ келе жатыр, үй жинаңдар!" Бала күнімнен білетінім, үйге қонақ келерде айналаны айнадай қылып, жалтыратып қоятынбыз. Анам арнайы ыдысын шығарып, дастарқанға бар тәттісін үйіп-төгетін. Бәріміздің үстімізге әдемі киім кигізіп, шашымызды тас қылып өріп қоятын. Келген қонаққа біздің тек жетістігімізді баяндап, реті келсе жаттаған тақпағымызды айтқызып, 5 деген бағаға толы күнделігімізді көрсетіп қалатын", – деп бастады әңгімесін киножұлдыз.</blockquote>Одан кейін актриса былтырғы Тәжікстанның Қазақстанға келіп өткізген жәрмеңкесін есіне алып, бұл жолы ондай ұятты әрекетке жол бермеуге үндеді.<blockquote>"Айтпағым мынау, 8-16 қыркүйек аралығында Астанаға әлемнің түкпір-түкпірінен 5 мыңнан астам қонақ келеді. "5-Дүниежүзілік көшпенділер ойындары" өтеді. Барынша қонақжайлық танытайықшы. Өткенде тәжік жәрмеңкесіндегі жабайылықты ұмыту мүмкін емес. Қазақ деген ұлттың бейнесін көрсететін біз. Мәселен, өзім шет елге барғанда таңданатын бір жайды айтайыншы. Түркияда әуежайдан қонақүйге жеткенше такси жүргізушісі елінің тарихын, қаланың әсемдігін тамсана баяндайды. Ұлы тұлғаларын айтып мақтанады. Сүйсінесің. Сізге жолыққан әр туристтің алдында қазақ деген халықтың бейнесін көрсетіп тұрғаныңызды әрқайсымыз ұмытпайықшы", – деп өтініш айтты өнер иесі.</blockquote>Еске салайық, былтыр тәжік жәрмеңкесі кезінде астаналықтар көрмеге қойылған жеміс-жидектер мен киіз үйді әсемдеу үшін қойылған тәжік тәрелкелерін алып кеткенін жазған едік.&nbsp;

«Тәжік жәрмеңкесіндегі жабайылықты ұмыту мүмкін емес»: Актриса халыққа үндеу жасады

Фото - Caravan.kz<a href="https://kyzylorda-news.kz/">Kyzylorda-news.kz</a>&nbsp; Танымал отандық журналист Илья Ильин мен зілтемірші Алмас Өтешовтің арасындағы қарым-қатынасқа қатысты өз ойын айтты.Ол бұған журналист Нұрсейіт Жылқышыбайды кінәлады, деп хабарлайды <a href="https://kaz.caravan.kz/">Caravan.kz</a> медиа порталы.Дана Нұржігіт өз ойын желідегі парақшасында <a href="https://www.instagram.com/reel/C_GZAPUt3bR/?igsh=N3p0MGpkd2J3YzJm">білдірді.</a><blockquote>«Мұны ТЕКТІЛІК дейді. Кеше ғана Ильяның атына кір келтіретін әңгіме айтып отырған досын тауып, емдетіп, жағдайын түзеуге барын салып жатқан Ильяға шын риза болдым. Болар елдің баласы бірін бірі батыр дейді! Осы жерде менің қояр сұрағым тек “Уақыт көрсетеді” жобасының авторына ғана. <a href="https://www.instagram.com/nurseiitzhylkyshybai/">@nurseiitzhylkyshybai</a> Ауыр диагноз-алкоголизмге он жылдан бері шалдыққан адамды сөйлетіп, суыртпақтап лас әңгімеге тарту моральдық этика тұрғысынан қаншалықты дұрыс? Қауқарсыз жағдайдағы адамның әлсіздігін пайдалану емес пе?!», — деп жазды ол.</blockquote>

Журналист Нұрсейіт Жылқышыбайды қауқарсыз жағдайдағы адамның әлсіздігін пайдаланды деп  кінәлады 

Фото - Caravan.kz<a href="https://kyzylorda-news.kz/">Kyzylorda-news.kz</a>&nbsp; Дәстүрлі әнші Айгүл Елшібаева жас қыздарды сынға алды. Танымал кәсіби халық әншісі маһр сұрау әдебіне қатысты сөз айтып, оның өзіндік тәртібін түсіндірді, деп хабарлайды <a href="https://alash.kz/kz/catalog/article/create">Alash.KZ. ұлттық порталы.</a><blockquote>Бүгінде жас қыздардың аузынан "маһр" сөзі түспейтін болыпты. Теледидардан "болашақ күйеуімнен маһрға 3 бөлмелі пәтер сұраймын" деген сөздерді де естідік.Бұл не? Өмірдің жақсарғаны ма, жаңа отбасылық салт па, әлде неоисламизм бе? Қыз үшін берілетін қалың мал о бастан белгілі емес пе? Сонда "маһр" дегені не? Оның байыбына барып жатқан қыздар жоқ, ойлағандары алу ғана. Ертең жағдай өзгеріп жатса, далада қалмайық дегендері болар. Барған жеріне судай сіңіп, тастай батып жатса, оларды кім кемсітеді. Демек осы жерде бір кілтипан бар. Ана болудан басқа есептері де байқалады.Асылы маһр - ислам, қалың мал - түріктік отбасылық дәстүрлер.Маһр осы кезге дейін болған емес, оны енгізіп жүргендер қысқа балақтылар болуға тиіс.Осы ретпен славян халықтарының қыз беру салтын қосуға да болады. Мысалы, орыс фольклорында патшаның қызын алған жігітке патшалықтың тең жарымын сыйға тартқан. Несі бар, үйінің төрт қабырғасында тізесін құшақтап отырып қалғаннан жақсы емес пе. Демек қызды құтты жеріне қондыру басты мақсат болған.Қыз мақсаты - кету дегенді атамыз қазақ та айтқан. "Қыз он беске толған соң" демекші, бой жеткен соң әке-шешесінің үйіне сыймайды. Жас қыз алған кәрі байлар оның әке-шешесін малға қарқ қылып, әлеуметтік жағдайын жақсартқан. Бірақ ешбір түріктік деректерде маһр кездеспейді, - деді әнші.</blockquote>Кейіннен дәстүрлі әнші маһрдың тарихына бойлап, дарақылыққа айналған дәстүрді сынады:&nbsp;<blockquote>Исламдық көрсеткіштер бойынша маһрдың көлемі 500 дирхем, яғни 1487 күміс құрайды екен. Қазақстан діни басқармалары маһрды 30 мың теңгеден бастапты. Ұйғырларда қыз маһр сұрамайды, оған жігіт жағы береді. Оның көлемі 50 мың теңгенің шамасы. Біздегі қызға сырға салу секілді. Ал күйеуге тимей жатып қол жайып жүрген біздің қыздарымыздікі не қылық?Сүннит бағытындағы мұсылмандарда "маһр" деген мүлде болмаған. Сонда оң-солын танымайтын жас қыздардың айтып жүргені қай маһр?Исламның шеит, одан да әрі жатқан тармағынан болып жүрмесін-деді ғалым Тынысбек Қоңыратпай фейсбук парақшасында. Махр мен қалың малды айыра білесіз бе? Сіз не дейсіз, оқырман? - деді Айгүл Елшібаева.</blockquote>

Қазақстан және Қызылорда облысының жаңалықтары