<a href="https://kyzylorda-news.kz/">Kyzylorda-news.kz</a> Сырдария ауданы экономикасы жағынан өңірдегі аудандардың көшін бастап тұрған өңірдің бірі. Биыл да ауданның барлық саласында оң динамика қалыптасқан. Мәселен, өнеркәсіп өндірісі 51,5 пайызға артса, негізгі капиталға тартылған инвестициядағы өсім 66,5 пайызды құрап отыр. Сондай-ақ, аудандағы құрылыс жұмыстарының көлемі де 65,7 пайызға ұлғайған. &nbsp;Өңірлік коммуникациялар қызметінің ақпарат алаңында Сырдария ауданының әкімі Берік Сәрменбаев жыл басынан бері атқарылған жұмыстарды баяндады.<blockquote>– Өздеріңізге белгілі, Сырдария ауданы – аграрлы аймақ болып есептеледі. Соған сәйкес биыл ауыл шаруашылығы саласындағы өнім 2,5 пайызға артты. Ауданда 34 263 гектар жерге ауыл шаруашылығы дақылдарын орналастырдық. Оның ішіндегі күріштің көлемі 21 852 гектар болды. Суды үнемдеу және тиімді пайдалану мақсатында ауданда 13 шаруашылық құрылымы 31 дана заманауи лазерлік жер тегістегіш техникасымен 3 340 гектар жерге тегістеу жұмыстары жүргізілді. Ал, жаңбырлатып суару әдісімен 40 гектар жерге егілсе, 10 гектарға жүгері, 50 гектарға бақша дақылдарын орналастырдық. Қазіргі таңда егілген 2 368 гектар бидайдың 1 000 гектарынан 500 тонна өнім жинадық. Сонымен қатар, Мемлекет басшысының бастамасымен халықтың табысын арттыру бағытында құрылған «Ауыл аманаты» жобасына біздің ауданның тұрғындары да белсенді қатысуда. Өткен жылы 193 жоба ұсынылса, биыл 444 жоба жинақталды. Мемлекеттік және өңірлік бағдарламалар аясында 249 жобаға қаржылай қолдау көрсетілетін болады. Одан бөлек, жаңадан ашылған кәсіпкерлік нысандардың қатарында Бесарық ауылында ашылған «Сыр құсы» ет өңдеу цехы, Айдарлы ауылында ашылған жүннен жасалған бұйымдар өндіру цехы және Қоғалыкөл ауылында ашылған жөндеу орталықтары мен Қалжан Ахунда ашылған пескоблок өндірі, жылыжай, көлік жуу кәсіптері бар,- деді Берік Әбдіғаппарұлы.</blockquote>Фото: Қызылорда облысының Өңірлік коммуникациялар қызметі

Б.Сәрменбаев: Ауданның өнеркәсіп өндірісі 50 пайызға артқан

<a href="https://kyzylorda-news.kz/">Kyzylorda-news.kz</a> Желі түлектер гранттың басым көпшілігі су тасқынынан зардап шеккен аймақтардың оқушыларына беріліп кеткеніне наразы. Сөздерінше,&nbsp;төтенше жағдай деген жеңілдігі барлардан жоғары балл алса да, грантқа өтпей қалу әділетсіз деп санайды. Бұл туралы<a href="https://stan.kz/zhelide-tulekter-zhoo-ga-tusu-grantinin-basim-kopshilig-404267/"> Stan.kz</a> ақпарат агенттігі хабарлады.&nbsp;Түлектердің біршамасы жоғары баллмен грантқа түспей жатқан кезде төтенше жағдайдан зардап шеккен аймақтардың түлектері төмен баллмен конкурсқа ілігіп кеткендерін айтады.Наразы ата-аналар мен талапкерлер петиция жариялауға дайын.“Соңғы деректерге сәйкес, гранттың 20%-ы су тасқынынан зардап шеккен аймақтың түлектеріне бөлінді. Бұл мүмкіндік расымен талантты және дайындығы мол студенттердің лайықты білім алуына кері әсер етті.Олар экзамендерге барынша дайындалып, бар уақытын білімге арнады, бірақ нәтижесіз қалды. Грантты әділетсіз бөлу білім жүйесіне деген сенімсіздік тудырады. Министрліктен грантты бөлу қағидасын қайта қарауды сұраймыз. Төтенше жағдайда қалған аймақтың түлектеріне бөлек грант бөлінсін”, –&nbsp;делінген енді жарияланатын петиция мәтінінде.<blockquote>“Туризм мамандығына 97 баллмен түспедік, бірақ кейбіреулер 52 баллмен оп-оңай өтіп кетті”, “105 баллмен ешқандай мамандыққа грантқа ілікпедім, ал мен қалаған мамандыққа жұрттар 70-80 баллмен өтіп кетіпті, Әділетсіз”, “112 баллмен грантқа түспедім, ал менің мамандығыма бәрі дерлік 60-70 баллмен өтіпті”, “122 балыммен университетке түсе алмадым, себебі көп аймақты су басты” –&nbsp;деп жазды желідегілер.</blockquote>Бұл жағдайға жоғары білім және ғылым министрі Саясат Нұрбек жауап берді.“Біз жоғары білім алуға гранттардың аз ғана бөлігін зардап шеккен өңір түлектеріне бөлдік. Саны көп те емес, 5112 грант. 20 мыңнан астам түлек су басқан өңірден бітірсе, соның 10 мыңнан астам түлегі өздеріңізбен бірдей жалпы конкурспен өтті. Біз оны әділ және ашық түрде бөлуге бар күш-жігерімізді салдық.Биылғы конкурсқа қатысушылар саны өткен жылмен салыстырғанда 11 мыңға көп, сондықтан бәсекелестік те өте жоғары болды.<blockquote>Су тасқынынан зардап шеккен аймақтар үшін квота қарастырылғанымен, сол аймақтардың талапкерлері жалпы конкурс бойынша грант ұтып алды. Грант алғандардың тек 1130-ы немесе 1,7%-ы мүмкіндікті пайдаланды. Бұл аймақтарды қолдау үшін талапкерлерге дайындалу және конкурсқа құжаттарын тапсыру үшін мерзімі кеңейтілді, және конкурсқа ең жақсы ҰБТ нәтижесі бар сертификатын ұсыну мүмкіндігі берілді”, –&nbsp;деді Саясат Нұрбек.</blockquote>Министрдің айтуынша, жоғары балл жинаған 10 мыңнан астам адам грант ала алмады, оның ішінде 7 мыңнан астамы шығармашылық мамандықтар.Дене шынықтыру мұғалімдерін даярлау бойынша 1 орынға 11 адам, сән және дизайн бойынша 9 адам, ал стоматологияға 1 орынға 35 адамнан келген екен.Министр грантты иеленудің бірнеше мүмкіндіктерін атап өтті:3 мыңға дейін талапкер гранттан бас тартуы мүмкін, олар келесі жоғары балл жинаған талапкерлерге беріледі. Жергілікті атқарушы органдардың яғни әкімдік гранттары бар. KazEnergy қауымдастығының гранттарын қосыңыз. Х.А.Яссауи атындағы ХҚТУ-де білім алу үшін Түркия Республикасының 500 гранты. Жұмыс берушілердің гранттары. Түркістандағы Халықаралық туризм және қонақжайлылық университеті 800 мақсатты грант ұсынады. Қазақстан халқына қоры 850 грант бөледі. Ректорладың гранты, мысалы Тұран-Астана университеті Алтын белгі иегерлеріне гранттар бөледі. Сессия қорытындысы бойынша бос грант алу мүмкіндігі және бар.Видеодан скриншот

Желіде түлектер ЖОО-ға түсу грантының басым көпшілігі су тасқынынан зардап шеккендерге берілгеніне қарсы шықты

<a href="https://kyzylorda-news.kz/">Kyzylorda-news.kz</a> Париж олимпиадасында ел намысын қорғап, Қазақстан қоржынына алтын мен күміс түсірген Елдос Сметов пен Ғұсман Қырғызбаев елге оралды. Оларды қазақстандықтар Алматы әуежайында қарсы алды. Онда дзюдошы Ғұсман Қырғызбаевқа көлік сыйланды, - деп хабарлайды<a href="https://massaget.kz/basty-zhaalytar-438/113284/"> Massaget.kz</a> тілшісі.<blockquote>"Өте тамаша атмосфера. Әрине, Олимпиада ойындарының алдын аламын деп барғанмын, бірақ қолдан келгенді салдым. Бұйырғаны қола болды. Бәрі жақсы болды. Барша қазақ еліне алғысымды білдіргім келеді", - деді спортшы.</blockquote>Автокөлікті Алматы қаласы дзюдо федерациясы Али Хамхоев пен Ержан Зайдинов сыйлаған. Оның маркасы -&nbsp;Toyota.Бұл көліктің нарықтағы бағасы 40 миллион теңгеге дейін барады.&nbsp;<img src="https://knadmin.beoblood.kz/uploads/5_e54609b338.jpg" alt="5.jpg">Фото: massaget.kz

Олимпиада жүлдегері Ғұсман Қырғызбаевқа 40 миллион теңгенің көлігі сыйлыққа берілді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен шағын өндірістік жобаларды жүзеге асыру бойынша мәжіліс өтті. Жиынға облыс әкімінің орынбасарлары мен жауапты сала басшылары қатысты.Айта кету керек, кешегі жиында аймақ басшысы нақты, пайдалы, қажетті жобаларды жан-жақты сараптан өткізіп барып ұсынуды тапсырған болатын.<blockquote>«Қала, аудан әкімдеріне шағын өндірістік жобаларды ұсыну жөнінде тапсырма берілді. Оларды жан-жақты зерделеп, нақтылаңыздар. Жұртшылықтың күнделікті тұрмыс-тіршілігіне қажетті, пайдалы тиімділеріне қолдау көрсетуге дайынбыз. Жобаларды «Ауыл аманаты» бағдарламасымен және «Байқоңыр» ӘКК арқылы қаржыландыру бойынша жұмыс жүргізіңіздер. Бұдан бөлек, қала, аудан әкімдеріне негізгі тұтыну тауарларының 65 түрі бойынша көрсеткіштерді қалпына келтіру жөнінде тапсырма бердім. Бұл тапсырмалардың уақыты әрі сапалы орындалуы жеке бақылауымда болады», - деді Н.Нәлібаев.</blockquote>Биылға «Ауыл аманаты» бойынша республикалық бюджет есебінен 4,6 млрд. теңге қаралған. Орта есеппен 8 млн. теңгеден алғанда 575 жобаны қаржыландырып, 610 жұмыс орнын ашу көзделген. Жалпы облыс бойынша 154 жобалық топ құрылып, 146 ауылдық округте скрининг жұмыстары толығымен жүргізілді.Бағдарламаға барлық елді мекенді бірдей қатыстыру үшін халық санына қарай ауылдық округтерді түгел қамту жоспарлануда.Ауылдардың мамандануын ескере келе, несие қаржысы 4 бағытқа бағытталады. Атап айтсақ, ауыл шаруашылығы өнімдерін өңдеу саласына 108 жоба, егіншілік саласына 81, мал шаруашылығына 123, басқа да түрлі бағытқа 263 жоба.Бүгінде "Ауыл аманатының" жобалар пулы қалыптастырылып, қаржыландыру күтілуде.Фото: Қызылорда облысы әкімінің баспасөз қызметі

Ұсынылған жобалар жан-жақты зерделенуі қажет

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қызылорда қаласындағы бірқатар нысанды аралап, абаттандыру жұмыстарының барысын көрді.Алдымен жаңа ЖЭО-ның құрылыс алаңына барды. Мұнда қазіргі уақытта жер қазу жұмыстары аяқталған, жабдықты орнатуға негіз қалануда. Алаңға 600-ге жуық адам және 60 техника жұмылдырылған. Жұмыс жоспарға сәйкес жүруде. Нысан 2025 жылы пайдалануға беріледі. «AKSA Energy» түрік компаниясының инвестициясына салынатын жаңа ЖЭО 240МВт электр қуатын өндіре алады. Нысан қазіргі "Қызылорда жылу-электр орталығы" аумағындағы 24,5 гектар жер учаскесінде салынуда.Әрі қарай облыс әкімі сол жағалаудағы «Жайлы мектеп» ұлттық жобасымен бой көтерген мектептің, жеті қабатты тұрғын үйлердің және Оқушылар үйінің құрылысымен танысты. Ұлттық жоба бойынша облыста салынатын 12 300 орынға арналған 21 мектептің биыл 10-ы, алдағы жылы 11-і пайдалануға беріледі. Құрылысы басталатын 11 мектептің жер телімдері белгіленіп, «Самұрық - Қазына Констракшн» акционерлік қоғамына наурыз айында табысталды.Өңірде соңғы 2 жылда 4 мыңға жуық пәтер беріліп, 17 мың тұрғынның баспана мәселесі шешілді. Осы жылы бюджеттен тұрғын үй құрылысына және жеке салушылардан дайын пәтерлер сатып алуға 34 млрд. 100 млн. теңге қаралды. Жыл қорытындысымен 2,5 мыңнан астам пәтер беріледі.Заманауи үлгідегі 350 орындық Оқушылар сарайы «ҚазГерМұнай» компаниясының демеушілігімен салынуда.Аймақ басшысы құрылыс сапасы басты назарда болуы керектігін айтып, сала жетекшілеріне тапсырмалар жүктеді.<img src="https://knadmin.beoblood.kz/uploads/2_48eda60865.jpg" alt="2.jpg"><img src="https://knadmin.beoblood.kz/uploads/3_8451b5fb4d.jpg" alt="3.jpg">Фото: Қызылорда облысы әкімінің баспасөз қызметі

Нысандар құрылысы аймақ басшысының тікелей бақылауында

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен мәжіліс өтіп, «Жайлы мектеп» ұлттық жобасымен салынатын мектептер, көпқабатты тұрғын үйлер құрылысына қатысты мәселелер талқыланды.&nbsp;Аймақ басшысы жауапты тұлғаларға нысандардың сапасын тұрақты қадағалауды тапсырды.&nbsp;<blockquote>"Құрылыс алаңдарындағы жұмыстарды күнделікті бақылау қажет. Сапа бірінші кезекте сұралады, талап етіледі. Жоспарланған жұмыс тиянақты іске асып, белгіленген уақытта аяқталуы тиіс», - деді Нұрлыбек Машбекұлы.</blockquote>Сондай-ақ, жиында облыс орталығы мен барлық ауданда салынатын баспана, өзге әлеуметтік нысандардың құрылыс барысы бағамдалды. Мердігер мекемелерге жұмысты талапқа сай етіп атқару қажеттігі қатаң ескертілді.Фото: Қызылорда облысы әкімінің баспасөз қызметі

Құрылыс саласының өзекті мәселелері талқыланды

<a href="https://kyzylorda-news.kz/">Kyzylorda-news.kz</a> Сырдария ауданында жыл басынан бері құрылыс және коммуналдық сала бойынша қарқынды жұмыстар атқарылып жатыр. Биыл ауданда жол саласына қатысты 5 жобаға қаржы бөлінсе, ауданға қарасты бірнеше елді мекеннің электр желілері қайта жаңармақ. Бұл туралы Өңірлік коммуникациялар қызметінің ақпарат алаңында Сырдария ауданының әкімі Берік Сәрменбаев айтты.<blockquote>– Тұрғындарды сапалы ауыз сумен қамту – әрқашан күн тәртібінен түскен емес. Бүгінде аудан тұрғындары орталықтандырылған ауыз сумен 100 пайыз қамтамасыз етілген. Алайда, ауыз су жүйелерінің тозығы жетуіне байланысты қайта жаңғырту жұмыстары жүргізілуде. Аманкелді, Қоғалыкөл, Шіркейлі және Н.Ілиясов елді мекендеріне 4 су мұнарасы жаңадан орнатылуда. Сонымен бірге, ауданды табиғи газбен қамтамасыз ету көрсеткіші 35 пайызды құрайды. Биыл С.Сейфуллин және А.Тоқмағамбетов ауылдарын газдандыру жұмыстары толық аяқталса, Шаған мен Н.Ілиясов елді мекендерінде жұмыстар басталуда. Одан бөлек, Тереңөзек кентіндегі жаңа шағын аудандардың инфрақұрылымына «Ауыл – ел бесігі» бағдарламасымен қиыршық тас және газ тарату желілерінің құрылысы жүргізілуде. Айта кету керек, Мемлекет басшысының «Жасыл экономикаға» көшу жөніндегі тұжырымдамасына сәйкес, Тереңөзек кентінде қатты тұрмыстық қалдықтарды сұрыптау полигоны салынуда. Құрылыс жұмыстары жыл соңына дейін аяқталып, пайдалануға берілетін болады,-деді Берік Әбдіғаппарұлы.</blockquote>Фото: Қызылорда облысының Өңірлік коммуникациялар қызметі

 Тереңөзекте тұрмыстық қалдықтарды сұрыптайтын полигон салынуда

<a href="https://kyzylorda-news.kz/">Kyzylorda-news.kz</a> &nbsp; Партияның облыстық филиалының қоғамдық қабылдау бөлмесінде облыстық мәслихаттағы «AMANAT» партиясы фракциясының мүшесі Шәменова Балжан Мөрәліқызы қабылдау өткізді.Қабылдау барысында қала тұрғындары қоғамдық және әлеуметтік мәселелерді шешу бойынша ұсыныстар, соғыс ардагерлері үшін әлеуметтік қолдау шаралары, қала аумағындағы көшелерді газдандыру және өзге де тақырыптар бойынша мәселелерін атады.Қаржыландыруды талап ететін мәселелер бойынша бюджеттік-сметалық құжаттарды жасақтау, мемлекеттік сараптамадан өткізу және қаражат бөлу жұмыстары бойынша түсіндірме жұмыстары жүргізілді. Ұсыныстарды құзырлы мекемелермен талқылап, жүзеге асыру мүмкіндіктері қаралатыны айтылды.Б. Шәменова қабылдау барсында аталған мәселелерді фракция мүшесі ретінде қадағалап, ұсыныстардың орындалуын өз бақылауында ұстайтынын жеткізді.&nbsp;

Фракция мүшесі қабылдау өткізді	

<a href="https://kyzylorda-news.kz/">Kyzylorda-news.kz</a> &nbsp; «Ардагерлерді ардақтайық» жобасы аясында аға ұрпаққа қамқорлық көрсету - «AMANAT» партиясының басым бағыттарының бірі. Жоба арқылы партияластарымыз үлкенге құрмет көрсетіп, қарттардың хал-ахуалына тұрақты түрде көңіл бөлуді өзгелерге үлгі етуде.«AMANAT» партиясы облыстық филиалының төрағасы Алмасбек Есмаханов, облыстық «Невада-Семей» қоғамдық бірлестігінің төрағасы Әбіш Сәбит ауылшаруашылығы саласының ардагері, Кеңес одағы тұсында «Социалистік жарыстың» жеңімпазы, 1979 жылы Алматы қаласында Қазақстан Компартиясы Орталық Комитетінің бірінші хатшысы Д.А. Қонаевтың табыстауымен «Победитель Соцсоревнования» төсбелгісінің иегері Ауғанбай Айғараевтың құтты шаңырағында болып, еңбек адамын 90 жасқа толған мерейлі мерекесімен құттықтады.Облыстық филиал төрағасы Алмасбек Әбілқасымұлы еңбек ардагеріне туған жердің елжанды азаматы ретінде Отан алдындағы азаматтық міндетіне адалдық танытып, күллі адамзат баласына зор қауіп төндірген Семей ядролық полигоны зардаптарын болдырмау бағытында қажырлы еңбек сіңіргені үшін ерекше алғыс білдіріп, алдағы уақытта да атамекеннің адал перзенті ретінде елдің бірлігі мен берекесіне, ынтымағы мен ырысына өз ықпалын тигізіп, қоғам өрісіне айрықша атсалыса беруіне тілектестік білдірді.Сонымен қатар ардагерге арнайы алғыс хат табысталып, иығына шапан жабылды. Мұнан бөлек «Невада-Семей» антиядролық қозғалысының құрылғанына 35 жыл толуына орай мерекелік төс белгі тағылды.

Еңбек адамына құрмет көрсетілді

<h2>Шымкентте тұрғын әйелі мен үш айлық қызын аяусыз ұрып-соққан. Ол сәбиді теуіп,&nbsp;жансақтау бөліміне түсірген. Бұл туралы <a href="https://stan.kz/">Stan.kz </a>ақпарат агенттігі <a href="https://tengrinews.kz/kazakhstan_news/pnul-rebenka-ugrojal-nojom-mujchina-jestoko-izbil-jenu-543573/">Tengrinews.kz</a> порталына сілтеме жасап хабарлайды.&nbsp;</h2>Фото:&nbsp;pixabayОқиға туралы желілерде заңгер, ұлттық қоғамдық сенім кеңесінің мүшесі Айгүл Орынбек хбарлады. Айтуынша ол зардап шеккен әйелді ауруханаға жатқызуға көмектескен.Адвокаттың айтуынша, жанжал кезінде 53 жастағы ер адам жұбайын ұрып-соғып, оны пышақпен қорқытқан. Кейін үш айлық қызын тепкен. Сәби ауруханаға жансақтау бөліміне түскен. Деректерге сүйенсек оның&nbsp;миына қан кеткен.Шымкент полиция департаментінің баспасөз қызметі болған оқиғаны растады. Қазір жағдайға байланысты қылмыстық іс қозғалған."Аталған факті бойынша қылмыстық іс қозғалды. Күдікті қамауға алынды. Сот-медициналық сараптама тағайындалды. Тергеу шаралары жүргізілуде", - деді ведомство.

"Үш айлық қызын теуіп, жансақтау бөліміне түсірді": Шымкентте ер адам әйелімен жанжалдасып оған күш көрсеткен

Оқиға бүгін Әйтеке би ауданы Т.Жүргенов ауылында Ырғыз өзенінде болған, деп хабарлайды El.kz ақпарат агенттігі. 1985 жылы туған ер адам суға батқан 2011, 2013, 2017 жылы туған үш баланы құтқармақ болған. Оның екеуі — өз баласы, біреуі туысы.&nbsp;<blockquote>Суға шомылу кезінде балалардың қасында ата-анасы болған. Құтқарушылар, полиция қызметкерлері және жергілікті тұрғындар 4 адамның денесін судан шығарды, - делінген облыстық ТЖД ақпаратында.&nbsp;</blockquote>ТЖМ азаматтарды суға шомылу кезінде қауіпсіздік ережелерін қатаң сақтауды ескертеді.<span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: ©El.kz

Ақтөбеде 3 бала мен әкесі суға кетті

<a href="https://kyzylorda-news.kz/">Kyzylorda-news.kz</a> &nbsp; Орталық басқару орталығында өткен брифингте Ақпараттық қауіпсіздік комитетінің төрағасы Руслан Әбдіхалықов&nbsp;электрондық цифрлық қолтаңбаны беру тәртібін қайта қарау жоспарланып отырғанын айтты.&nbsp;Бұл туралы&nbsp;<a href="https://stan.kz/kazakstanda-elektrondik-cifrlik-koltanbani-beru-tartibi-404209/">Stan.kz</a>&nbsp;ақпарат агенттігі хабарлайды.Руслан Әбдіхалықовтың сөзінше,&nbsp;электрондық цифрлық қолтаңбаны файлдық тасымалдағышпен беру&nbsp;тоқтатылады.“Өздеріңіз&nbsp;білесіздер, биометриялық сәйкестендіру белсенді дамып келеді, яғни бұлтты ЭЦҚ. Сондай-ақ өте сенімді токендер, ЭЦҚ алу мүмкін емес бөлінбейтін медиа. Бұл ретте цифрландыру кезеңінде біздің елімізде барлық азаматты жаппай қамтуға және оларды цифрлық электрондық қолтаңбалармен қамтамасыз етуге мүмкіндік беретін ең қарапайым әдіс файлдық тасымалдағыштарда ЭЦҚ беру болды. Тиісінше, файлдық тасымалдағыштарда ЭЦҚ беру рәсімін тоқтатқымыз келеді”, –&nbsp;деді Руслан Әбдіхалықов.Айта кетейік, 30 сәуірде Қазақстанда криптографиялық стандартқа көшу жүзеге асырылды. Соған сәйкес&nbsp;электронды&nbsp;цифрлық қолтаңбаның форматы өзгерді. Бұған дейін Қазақстанда жаңа ЭЦҚ пайда болатыны туралы жазған едік.Фото: Ашық дереккөзден

Қазақстан және Қызылорда облысының жаңалықтары