<a href="https://kyzylorda-news.kz/">Kyzylorda-news.kz.</a> Төле би көшесімен өтіп бара жатып қаз-қатар сауда орындарының бірінің маңдайшасынан "Анама және маған" деген жазуды көріп, бұрылдық. жақындағанда оның астынан тағы да "Анашым, бірге кітап оқиық!", "Оқы!", "Дамы!", "Ойна!" деген жазуларды көріп қызығушылығымыз арта түсті. кірдік, көрдік, тілдестік. Иесі Айдана Жұмағалиқызы екен.&nbsp;Балаларға арналған кітап дүкенінің іші жып-жинақы, аурасы бала түгіл ересек адамның өзін баурап алады. Шағын бір бөлменің іші кітапқа сықап тұр. Түрлі бас-паның өнімдері бар. Бір жағындағы сөреде Әліппе оқулығынан бастап, қазақ және әртүрлі ұлттардың ертегілерінің, қатырма қағазды суретті кітапшалардың, 3D нұсқасында жасалған ертегі кітаптардың, авторлық кітаптардың сонымен бірге есепті, логикалық ойындардан тұратын кітаптардың, магнитті математиканың, орысша-қазақша, қазақша-ағылшынша сөздіктердің &nbsp;3 жастан 15 жасқа дейінгі балалардың ақыл-ойын дамытып, толық адам етіп қалыптастыруда таптырмас көрнекі құрал және ұлттық тәрбие беруде де маңызы зор жоба екеніне ешкім дау айта алмайды. Бұл жөнінде Айдананың өзі:– Қазірде бала тәрбиесі, әсіресе жас ұрпаққа ұлттық тәрбие беру өзекті мәселеге айналып отыр. Сонымен бірге баланы тек тәрбиелеп қана қоймай, есі кіріп, айналасын, өзін қоршаған ортасын танығаннан бастап оларға заманға сай білім беріп, ғылым үйрету – тек ата-ананың, тәрбиешінің, мұғалімнің ғана міндеті емес, тұтас қоғамның мойнындағы жауапкершілік. Мен де осы қоғамның бір мүшесімін. Өскелең ұрпақтың келешегі мені де бей-жай қалдырмайды. Өзім де бала тәрбиелеп отырмын. Мен тұрмыс құрып, тұңғышыма аяғым ауыр болған кезден бастап қай қалаға барсам да, балаларға арналған кітап сатып алып, жинай бастадым. Ондағы ойым: бала тәрбиесіне тәжірибем аз болғандықтан, әлгі кітаптарды балама өзінің жасына сәйкес кезең-кезеңі¬мен оқытып, көмекші құрал, қосымша тәрбиеші ретінде пайдаланғым келді және бүгінде ол мақсатым іске асты. Қазір төрт жасар қызымның өзі құралпы балаларға қарағанда дүниетанымы кеңейді, күн өткен сайын кітапқа қызығушылығы артып келеді. Әріп таниды, жүргізіп оқиды және мазмұнды талдай алмаса да, кітап бетіндегі оқиғаға құрылған суреттерге қарап өзіндік ойын айта алады. Ата-ана тек өз баласы үшін ғана емес, өзгенің баласы үшін де өмір сүруі тиіс. Ол сонысымен де ата-ана. Ендеше, мен де тек өз баламның ғана емес, өзге балаларға тілекші ана ретінде ойлана келе осындай дүкен ашуға бел будым. Кітап – адамзатқа ортақ қазына, рухани байлық. Оны жеке қарастыруға және жеке мүддеге пайдалануға болмайды. Сол үшін де мен бұл жұмысыма кәсіп деп қарамаймын, бала тәрбиесіне қосқан үлесім деп ойлаймын. Алайда менің бұл дүкенді ашудағы ең басты мақсатым – таңнан кешке дейін теледидар мен смартфонға телмірген және соған бар уақытын ұрлатып, денсаулығын беріп жатқан балаларға араша түсіп, оларға қызықты кітап ұсыну және оқыту, – дейді.Айдана Жұмағалиқызы кітап дүкенін ашарда мемлекеттің көмегіне жүгінбеген, қолында бар қаржысымен кәсібін бастаған. Ғимаратты да жалға алған. Алайда өзінің айтуынша, дүкенге келушілер, кітап алушылар, тапсырыс берушілер көп екен. Бағалары да қолжетімді. Еліміздегі "Аруна", Алматыкітап" және Ресейдің "Робинс", "Клевер", "Умка" баспаларына тапсырыс беріп алдырады екен. Аталған баспалардың өнімдері мазмұны жағынан да тартымды, көркемдік сапасы да жоғары, салмағы жеңіл, баланың қолына ұстап оқуына ыңғайлы, әріптері ірі, суреттері қанық.&nbsp;Аядай ғана бөлменің бір жақ қабырғасын алып тұрған сөреде орыс тіліндегі ертегілер де бар. Бірақ біздің "аудан тұрмақ, облыстың өзі жүз пайыз қазақша сөйлейді ғой" деген сауалымызды сөзімізден бұрын, көзімізден оқып қойған Айдана: "Иә, аға, әрбір қазақ баласының тілі өз ана тілінде шығуы тиіс және оның обал-сауабы да біздің, яғни ата-аналардың мойнында. Ол келешегіміз үшін аса маңызды. Дегенмен, баланың ой-қиялы шексіз, арманы да айдан ары асып кетеді. Сол секілді тіл үйренемін деген баланың талабына да шектеу қоюға болмайды. Әрі десе, бұл – қазіргі заманның талабы. Бүгінгі бүлдіршін &nbsp;ертеңгі күні ержетіп, бойжетіп студент атанады. Шет елдерде білім алуға толық мүмкіндігі бар. Оның үстіне қазіргі жастар саяхаттап жер көреді, ел көреді, олардың тұрмыс-тіршілігімен, салт-дәстүрімен танысады. Ол өсіп келе жатқан жастардың танымдық деңгейіне оң әсер етеді. Сол сапарлардың барысында көп тіл білгеннің пайдасы болмаса, зияны тимейді. Сондықтан балалар тек орысша ғана емес, сонымен бірге ағылшын, француз, неміс, қытай, араб тілдерін де меңгерсе артық болмайды. Тек өз ана тілін алдыңғы орынға қойса болғаны. "Жеті жұрттың тілін біл" деп бабаларымыз бекер айтқан жоқ қой", – дейді Айдана.&nbsp;Расында мұндай балаларға арналған кітап дүкені аудан түгіл, облыс орта-лығында жоқ қазірде. Біздің білетінімізде Қызылорда қаласында кірсеңіз кітаптың иісі шығып тұратын тек бұрыннан келе жатқан Мұстафа Шоқай атындағы кітап Үйі ғана. Осы тұрғыдан қарағанда, кейіпкеріміз өзі айтқандай, жеке кәсіп емес, игілікті іс бастап отыр. Сондықтан біз Айданаға тілекші болып қана қоймай, оған жан-жақты қолдау білдіруге тиіспіз. Ауданымызда осындай кітап дүкенінің бар екенін көпшілігіміз білмейміз. Оның өз себебі де бар. Аталған кітап дүкені орталықта емес, бір қуыста орналасқан. Рухани дамуды мұрат тұтқан біздің елімізде мұндай дүниелердің тасада тұруы жөн емес."Анама және Маған". Дүкеннің аты қандай әдемі! Одан бөлек "Анашым, бірге кітап оқиық!" дейді. Осы сөздерді кітап дүкенінің маңдайшасынан оқымай-ақ, біреуден естігеннің өзінде, сол көшенің бойында "Анашым, маған кітап алып берші. Үйге барып бірге оқиықшы!" деп анасын қолынан тартып дүкенге сүйрелеп тұрған кішкентай балақай елестейді көз алдыңа. Ал сосын дүкенге кірген ана мен баланы Айдана "Оқы!", "Дамы!", "Ойна!", – деп құшақ жая қарсы алып, күлімсіреп шығарып салады.

Жалағашта кітап дүкені жұмыс істейді

<a href="https://kyzylorda-news.kz/">Kyzylorda-news.kz.</a> Мәдениеттің, өнердің парқын білетін қазақ халқы өнер десе ішкен асын жерге қояды. «Өнерлінің өрісі кең» дейді халық. Расында, өнер жолы – қасиетті жол. Кезіндегі халықтың көзайымына айналған сал-серілер, әнші-жыршылар сайын даланы дара дауысымен тербеп, қоңыр үнді домбыраның қос ішегінен күмбірлетіп күй төгетін. Той-думан дәстүрлі ән-күйсіз, әдемі айтыссыз өтпейтін. Қазір де мәдениет саласы заманауи деңгейде дәріптеліп келеді. Өнерге деген халықтың ықыласы ыстық, құрметі жоғары. Осы жолда жүрген майталмандардың да еңбегі елеусіз емес. Өнер тарландарының салаға қосып жүрген еңбегі мен қалтқысыз қызметі әрқашан ел жадында.&nbsp;Жалағаш аудандық мәдениет үйінің көркемдік жетекшісі, өңір тумасы Әсет Шілдебаев та осы салада елеулі еңбек етіп жүрген азаматтардың бірі. Ол 1971 жылы &nbsp;17 тамызда Қызылорда облысы, Жалағаш ауданы, &nbsp;Ақсу ауылында дүниеге келген. 1988 жылы &nbsp;ауылдағы №116 орта мектепті бітірген соң 1989-1991 жылдары аралығында Венгрияда Кеңес қарулы күштері қатарында Отан алдындағы әскери борышын өтеген. Сол жылдары Ғ.Мұратбаев атындағы Жетісай педагогикалық колледжінде «Мәдени ұйымдастырушы» мамандығы бойынша, ал Оңтүстік Қазақстан облысы Шымкент университетін &nbsp;«Музыкалық білім» бакалавры бойынша тәмамдап, еңбекке араласа бастаған. Ең алғашқы қызметін 1997-1999 жылдар аралығында &nbsp;Ақсу ауылдық клубының меңгерушісі, 2000-2002 жылдары аудандық мәдениет үйінде әдіс¬кер, нұсқаушы, жылжымалы мәдени-демалыс кешені қызметкері жұмыстарын атқарған. 2002-2015 жылдары аралығында мәдениет үйі жанындағы «Халық» театрының режиссері қызметін атқарып келген ол 2015 жылдан бастап аудандық мәдениет үйінің көркемдік жетекшісі болды.&nbsp;– Жалпы менің бойыма өнердің даруы нағашы әжем Зәру жағынан болса керек. Зәру Жүргенбайқызы кешегі атақты Кенен Әзірбаев, Манап Көкенов сынды шайырлармен сөз қағыстырған, Сыр бойына белгілі ақын-жырау Әбілда Жүргенбаевтың туған қарындасы. Бала кезімде Әбілда көкеміздің талай үйге келіп таңды-таңға ұрып, небір қисса жыр-дастандарды жырлағаны есімде. Ол кезде мұндай кісілерді ел іші кезек-кезек қонақ қылып, құрмет көрсететін. Осының бәрін тыңдап өскендіктен бе, әйтеуір өнерге деген құлшынысым жоғары еді. Мектепте өтетін мәдени шараларды ұйымдастыру, оны жүргізу, сценарий жазуды келе-келе ұстаздарым «Сенің сөз саптауың бөлек» деп маған тапсыратын болды. Қазіргідей ғаламтор жоқ болғандықтан кітапханада кітап ақтарып отырып, үлкен ізденіс үстінде сценарий жазатынмын. Қарап отырсам, кітапхана менің рухани дамуыма көп септігін тигізді, – дейді Ә.Тыныштықұлы.&nbsp;Иә, бойдағы талант, киелі өнерге деген сүйіспеншілік адам баласын қараңғыда қалып қоймай, жарық жұлдыздай жануына, халықтың қалаулы азаматы болуына жетелейді. Он жылдық мектепті бітірген ол 1 жыл шаруашылықта жүріп, ауыл фермасына жұмысқа орналасқан. Дегенмен, фермада жұмыста жүргенмен өнерден қол үзген жоқпын деген Әсет ағамыз сол кездегі ауыл көркемөнерпаздарының концертіне қатысып жүрген. Ақыры бойындағы ерекше дарыны өнерге жетелеп, Т.Жүргенов атындағы театр және кино институтының дайындық курсына қатысады. Онда жүріп белгілі профессор, сахна тілінің маманы Д.Тұранкулова, А.Ықсанов, Р.Чахкиев сынды білікті ұстаздардан дәріс алады. Кейін Қызылорда қаласындағы агроөнеркәсіп инженерлерін дайындайтын оқу орнында білім алады. Бір қызығы, бала жастан қанына сіңген, санасында сайрап тұрған өнер құдіреті жалынды жасты &nbsp;ауылдық клуб меңгерушісі қызметіне әкеледі. Сол кездегі драма үйірмесі, бұл күнде «Халық» театрының қойған спектаклдерінде түрлі рөлдерді сомдап, көзі қарақты көрерменнің ыстық ықыласына бөленген. &nbsp;Ол сомдаған туындылардың қатарында С.Жүнісовтың «Ажар мен ажал» трагедиясы, Қ.Ысқақовтың «Охран бастығында», Қ.Аманжоловтың «Досымның үйленуінде», Қ.Мұхамеджановтың «Бөлтірік бөрік астында» комедиясы, Д.Исабековтың «Тыныштық күзетшісі» драмасы және тағы басқа да спектакльдер бар.&nbsp;Мәдениет – халықтың ең үлкен рухани азығы екенін ұғынған Әсет Шілдебаев саналы ғұмырында көптеген жетістіктерге жетіп, марапат төрінен көрініп те үлгерді. Мәселен, 2006 жылы Қызылорда &nbsp;қаласында &nbsp;өткен &nbsp;Халық театрлары &nbsp;мен &nbsp;драма &nbsp;ұжымдарының &nbsp; облыстық «Театр көктемі» фестиваліне ұсынған &nbsp;қойылымында үздік режиссерлік шешім &nbsp;мен &nbsp;шеберлік үлгісін көрсеткені үшін «Ең үздік режиссер-қоюшы» номинациясының &nbsp;иегері, 2009 жылы өткен Халық &nbsp;театрлары мен драма &nbsp;ұжымдары &nbsp;фестивалінің &nbsp;бас &nbsp;жүлдегері, 2009 жылдың қортындысымен аудан әкімінің «Өнер тарланы» номинациясының иегері, 2011 жылдың қортындысымен Ел Тәуелсіздігінің 20 жылдығына орай «Қазақстан Тәуелсіздігіне 20 жыл» мерекелік медалінің иегері, 2015 жылы өткен Ұлы Жеңістің 70 жылдығына арналған «Елге мұра, ұрпаққа ұран» атты клуб қызметкерлерінің арасында облыстық жабық сценарийлер &nbsp;байқауының ІІІ дәрежелі дипломының, сондай-ақ 2016 жылы ЭКСПО-2017 көрмесіне орай өткізілген облыстық жабық сценарийлер байқауының үшінші орын иегері, 2016 жылы аудандағы Ел Тәуелсіздігінің 25 жылдығының қорытындысымен «Мәдениет үздігі» номинациясының және Нұржан ата ишан қоғамдық қорының «Ерен еңбегі үшін» медалінің иегері. 2018 жылы Нұр-Отан партиясы облыстық филиалының, 2019 жылы Облыстық мәдениет басқармасының алғыс &nbsp;хаттарымен, «Жалағаш ауданына 80 жыл» мерекелік медалімен, Батыс Қазақстан облысы Бөрлі ауданы әкімінің «Құрмет» грамотасымен, 2020 жылы облыс әкімінің алғыс хаттарымен марапатталған.&nbsp;Жалпы кейіпкеріміздің атқарған адал қызметі, өнерге деген ерекше ықыласы кейінгі буынға үлгі-өнеге. Ауданның мәдениет саласының өркендеуіне өзіндік үлес қосып жүрген азамат бүгінде аудандық Қ.Қазантаев атындағы мәдениет үйінің көркемдік жетекшісі. Ол жаңа толқын жас буынға бағыт-бағдар беріп, өнердегі өмірлік тәжірибесімен бөлісіп отырады. Сондай-ақ өнер атты өлкеге қадам басқан жас мамандар белгілі қоғам қайраткері Ілияс Омаровтың «Мәдениет – халықтың ең үлкен рухани азығы. Бұл салаға кез келген жан келе бермейді, халыққа мәдени қызмет көрсететін маманның өзі мәдениет пен білімді кемел игерген адам болуы тиіс. Жеңіл ойлы адамға жұмысы оңай көрінетін бұл салаға қызығып келушілердің ұзақ уақыт тұрақтап қалуы сирек құбылыс. Осы саланың ыстығына күйіп, суығына тоңуға шыдауға әзір адамдар ғана мәдениет пен өнерді көркейтуге өз үлестерін қоса алады» деген сөзін үнемі естен шығармаса екен деген ойтолғанысын жеткізді.

Бірнеше спектакльдерде ойнаған жалағаштық әртіс

<a href="https://kyzylorda-news.kz/">Kyzylorda-news.kz.</a> Қармақшы ауданындағы азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі комиссия отырысының тапсырмасына сәйкес құрылған жұмысшы топ сауда нысандарын аралады.Сондай-ақ, әлеуметтік маңызы бар азық-түлік тауарларының баға үстемесін негізсіз көтермеу, шекті бағадан асырған жағдайда әкімшілік құқық бұзушылық фактісі бойынша шаралар қолданылатындығы туралы түсіндірме жұмыстары жүргізілді.

Әлеуметтік маңызы бар азық-түлік тауарларының бағасына бақылау жүргізілді

<a href="https://kyzylorda-news.kz/">Kyzylorda-news.kz.</a> Мемлекет басшысының тапсырмасы бойынша бос жатқан және заңсыз пайдалануға берілген жерлерді мемлекет меншігіне қайтару шарасы жалғасып жатыр, деп хабарлайды ҚазАқпарат.<blockquote>«Биыл жыл басынан бері мемлекет меншігіне пайдаланылмай тұрған және заңнаманы бұза отырып берілген 1,8 млн гектар ауыл шаруашылығы жерлері қайтарылды. Жыл соңына дейін мемлекет меншігіне жалпы көлемі 5 млн гектар жерді қайтару жоспары бар. Мемлекеттік меншікке қайтарылған жерлер бірінші кезекте халықты жайылымдық жерлермен қамтамасыз етуге бағытталады. Қайтарылған жерлер аудандардың резервіне қойылады. Халық тиісті жайылым жерлермен қамтыған кейін қалған бөлігі конкурсқа шығарылады», - деген жауап алдық Ауыл шаруашылығы министрлігінен ресми сауалға.</blockquote>Министрліктің хабарлауынша, жайылым туралы заңнамаға өзгерістер мен толықтырулар енгізіліп жатыр.<blockquote>«Қазіргі уақытта Парламент мәжілісі депутаттарының бастамасымен әзірленген «Жайылымдарды пайдалану мәселелері бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» заң жобасы аясында елді мекендерге іргелес жатқан жайылымдық жерлерді басқа алқаптарға ауыстыруға тыйым салу бөлігіне, Жер кодексіне, сондай-ақ, «Жайылымдар туралы» заңға рұқсат етілген жүктеме нормасын 20-дан 50% дейін арттыру бойынша түзету енгізілгелі жатыр. Жергілікті атқарушы органдар аталған заңға енгізілетін өзгерістерді назарға ала отырып халықты жайылым жерімен қамтуды жергілікті деңгейде шешуі керек», - дейді ведомстводан.</blockquote>

Биыл 5 млн гектар жер мемлекет меншігіне қайтарылады

<a href="https://kyzylorda-news.kz/">Kyzylorda-news.kz.</a> Жалағаш ауданы бойынша барлығы 331 шаруашылықтың 195-і егінмен және 136-сы мал шаруашылғымен айналысады.Биылғы жылы аудан бойынша барлығы 37 079 гектар жерге ауыл шаруашылығы дақылдары егіліп, күтімге алынды.Су тапшылығы жағдайында аудан шаруашылықтары насос қондырғыларын пайдалану арқылы егінді сумен қамтамасыз етуде. Қазіргі таңда аудан шаруашылықтары 40 дана су тартқыш насос қондырғыларын егінді суаруға пайдалануда.2023 жылы ауыл шаруашылығы техникалары паркін жаңарту мақсатында 168,0 млн. теңгеге 11 дана ауыл шаруашылығы техникалары сатып алынды.Егін шаруашылығымен бірге аудана мал шаруашылығы да тұрақты дамуда.Сонымен қатар, аймақ басшысының тапсырмасы бойынша жергілікті жерлерде картоп, бақша дақылдарын орналастыруға шаруашылықтардың демеушілігімен жаңадан 500 гектар жер дайындалып, 217 гектарына картоп, 63 гектарына көкөніс, 220 гектарына бақша дақылдары егіліп, күтімге алынды. Бұл жерлер 921 отбасыға үлестіріп берілді.Бұдан бөлек, «Ер-Әлі» шаруа қожалығы егінді әртараптандыру бағытында 7,5 гектар жерге тамшылатып суару әдісімен картоп, 2,5 гектар жерге бақша дақылдарын орналастырды.

Жалағашта ауыл шаруашылығы саласы тұрақты дамуда

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев аймақтағы егін шаруашылығымен айналысатын құрылымдардың басшыларымен кездесіп, саладағы өзекті мәселелерді талқылады.Аймақ басшысы Шардара қаласын сапалы ауыз сумен қамтамасыз ету үшін «Шардара» су қоймасынан төменге жіберілетін су көлемін 500 м3/секундтан 250 м3/секундқа дейін азайту жөнінде Үкіметке хат жолданғанын айтты.Нәтижесінде мәселе шешімін табатынын хабарлап, шаруаларды қалыптасқан жағдайды жақсарту үшін су қорын үнемдеуге шақырды.<blockquote>«Шардарадан төменге қарай 1 тамыздан 5 тамызға дейін 450 м3/секунд су жіберілуде. &nbsp;Бұл жағдайды бұрынғыдан да күрделендіретіні анық. Мәселені шешу үшін Үкімет деңгейінде жұмыс жасалды. Осы аптаның басында ҚР Экология және табиғи ресурстар министрі Зулфия Сүлейменовамен бірге Түркістан облысының әкімі Дархан Сатыбалды және біздің облыстан менің бірінші орынбасарым Серік Салауатұлы Өзбекстан Республикасына іссапармен арнайы барды. "Шардара" су қоймасына жоғарыдан қосымша су беру туралы келісімге келді. Алдағы уақытта Мемлекет басшысы мен Үкіметтің қолдауының арқасында "Шардараға" жоғарыдан қосымша &nbsp;150 м3/секунд су түседі деп күтілуде. Біз де өз тарапымыздан аз суды ысырапсыз, тиімді пайдаланудың барлық шараларын қарастыруымыз керек», - деді Нұрлыбек Нәлібаев.</blockquote>Кездесуде шаруашылық басшылары өздерін толғандырған маңызды мәселелерді айтты. Тараптар алдағы уақытта да ортақ мәселелерді тиімді диалог орнату арқылы шешуге келісті.

Облыс әкімі шаруа қожалықтарының басшыларымен кездесті  

<a href="https://kyzylorda-news.kz/">Kyzylorda-news.kz.</a> Жалағаш ауданының автомобиль жолдарының жалпы ұзындығы – 240,9 шақырымды құрайды.Оның 50 шқ республикалық, 60,6 шқ облыстық, 130,3 шқ аудандық маңызы бар автомобиль жолдары.Аудандық маңызы бар автомобиль жолдарының 115 шақырымы немесе 93,1% жақсы және қанағаттанарлық жағдайда, 8,5 шақырымы немесе 6,9% қанағаттанарлықсыз жағдайда.Сонымен қатар, аудан бойынша ұзындығы 239,9 шақырымды құрайтын 228 көше бар.Биылғы жылы облыстық бюджеттен 2 млрд. 258 млн. теңге қаржы бөлініп, жол жөндеу бағытында 10 жоба іске асырылуда.Оның 925 млн. теңгесіне Есет батыр - Жаңадария бағыты мен Жаңаталап - Аққыр бағыттарындағы және Ақсу ауылына кіреберіс аудандық маңыздағы автомобиль жолдарына жөндеу жұмыстары жүргізілуде.Сонымен қатар, 1 млрд. 333 млн. теңгеге Жалағаш кенті және 5 елді мекеннің 19 көшесіне жөндеу жұмыстары.Жүргізіліп жатқан жөндеу жұмыстары аяқталып, пайдалануға берілген жағдайда ішкі көшелердің 148,5 шақырымы немесе 62% жақсы және қанағаттанарлық жағдайға жетеді.Бұл көрсеткіш былтырғы жылмен салыстырғанда 6,3%-ға өсетін болады.Атап өту керек, аудан халқының көкейінде жүрген мәселенің бірі - ол кентті екіге бөліп жатқан теміржолдан жаяу жүргіншілердің өтуі болатын.Осы ретте, аймақ басшысының қолдауымен құны 328,7 млн. теңгені құрайтын теміржол арқылы өтетін жаяу жүргіншілерге арналған аспалы көпір құрылысы басталып, бүгінгі күні белгіленген кестеге сәйкес тиісті жұмыстар жүргізілуде. Аспалы көпір ағымдағы жылдың қараша айында толық пайдалануға берілетін болады.Сонымен қатар, Сырдария өзені арқылы өтетін «Қызылорда-Жалағаш» автомобиль жолының 78,2 шақырымындағы көпірін орташа жөндеу жұмыстары қолға алынды. Бұл жоба 2022 жылдан өтпелі. Жобаны жүзеге асыру үшін бюджеттен 222,0 млн. теңге қаржы бөлінді.Одан бөлек, жол жөндеу бағытында құны 2 млрд. 649,5 млн. теңге құрайтын 11 жобаны қаржыландыру үшін облыстық жолаушылар көлігі және автомобиль жолдары басқармасына бюджеттік өтінімдер тапсырылды.

Жалағаш ауданында жол жөндеу бағытында 10 жоба іске асырылуда

<a href="https://kyzylorda-news.kz/">Kyzylorda-news.kz.</a> Бүгін Корея бұғазындағы әскери-теңіз шайқасындағы жеңісті еске алу қорының төрағасы Чон Дон Хён бастаған делегация өкілдері Достық үйіне келді. Кездесуде ғылым, білім, мәдениет және тарих саласындағы үшжақты меморандумға қол қойылды.Аталмыш қор үшжақты меморандумын жасау үшін Қызылорда облысы қоғамдық даму басқармасының «Қоғамдық келісім» коммуналдық мемлекеттік мекемесімен, «Қазақстан корейлер қауымдастығы» Қызылорда облыстық қоғамдық бірлестігі және Қорқыт Ата атындағы Қызылорда университетімен ынтымақтастық мәселелері талқыланып, бірлескен жобаларды жүзеге асыру туралы келісімге отырды.Меморандум жасасу нәтижесінде аталған мекемелер ынтымақтастық білім, тарих, мәдениет, жалпы білім алмасу саласындағы жобаларды бірлесіп атқаруға мүдделі. Атап айтқанда, серіктес елдің білім алмасу делегацияларының сапарларындағы, білім беру және оқу орындары арасындағы қарым-қатынасты нығайтуға және екі жақтың да білім алуын дамытуға байланысты басқа салалардағы ынтымақтастық.Мазмұнды кездесуде «Қоғамдық келісім» КММ директорының міндетін атқарушы Фархат Әбдібағдатұлы, Қызылорда облыстық корей этномәдени бірлестігінің төрағасының орынбасары Денис Пак және Қорқыт Ата атындағы Қызылорда университеті ректорының міндетін атқарушы Нұрлан Оразбаев сөз сөйлеп, үшжақты қарым-қатынасты дамытуға белсенді түрде атсалысуға дайын екендерін жеткізді. Корея бұғазындағы әскери-теңіз шайқасындағы жеңісті еске алу қорының төрағасы Чон Дон Хённің айтуынша, олар 4 жылдан бері әр елге қоныстанған ата-бабаларының тарихын зерттеумен айналысып келеді. Бұл жолғы іс-сапардың негізгі мақсаты – корей жастарына Сыр өңіріндегі корей этносының тарихын таныту, бүгінгі өмірін көрсету. Сол арқылы екі ел арасындағы байланысты одан әрі ұлғайту дейді.Айта кету керек, делегация құрамында Сыр өңірінің тарихы, мәдениетімен танысу ниетінде Оңтүстік Кореядан келген 40-қа жуық студент, оқушылар өңірлік корей халқы батырлары Ге Бон У, Ом Джу-Пиль, Чхве Бон Соль ұрпақтары, корей этномәдени бірлестігінің өкілдері және жастармен кездесіп, Корея және Қызылорда арасындағы үлкен дәрежедегі достықты, жан-жақты байланысты сөз етті. Құшақ жая қарсы алған Достық үйі мен Қорқыт Ата атындағы университеті басшылығына ризашылығын білдірді.<img src="https://knadmin.beoblood.kz/uploads/364730177_3548328472152974_306372860853745629_n_22d8ea60ac.jpg" alt="364730177_3548328472152974_306372860853745629_n.jpg"><img src="https://knadmin.beoblood.kz/uploads/364771960_3548328548819633_2123464643583753785_n_1be4b1dfba.jpg" alt="364771960_3548328548819633_2123464643583753785_n.jpg"><img src="https://knadmin.beoblood.kz/uploads/364677071_3548327418819746_1897269495431991324_n_e7891fca8b.jpg" alt="364677071_3548327418819746_1897269495431991324_n.jpg">

Қызылорда: Үшжақты меморандумға қол қойылды

<a href="https://kyzylorda-news.kz/">Kyzylorda-news.kz.</a> Жалағаш ауданы бойынша электр желілерінің жалпы ұзындығы 457,5 шақырым, электр жүйелерінің орташа тозу деңгейі 45,2 пайызды құрайды.Өткен жылы демеушілердің қолдауымен аудан бойынша 5 елді мекенінің электр желілері қайта жаңғырту жұмыстарына жоба-сметалық құжаттары әзірленіп, республикалық бюджеттің нақтылауына ұсынылған болатын.Оның биылғы жылы Ақсу, Қаракеткен елді мекендерінің электр желілері қайта жаңғырту жұмыстарына республикалық бюджеттен 270,3 млн. теңге бөлініп, құрылыс-монтаждау жұмыстары жүргізілуде.Аталған жобалар іске асырылған жағдайда аудан бойынша электр желілерінің тозу деңгейі 45,2 пайыздан 32,9 пайызға дейін төмендеуі күтілуде.Сондай-ақ, Мырзабай ахун , Т.Жүргенов, Есет батыр елді мекендерінің электр желілері қайта жаңғырту жұмыстарын жүргізуге ҚР индустрия және инфрақұрылымдық даму министрлігіне 915,0 млн. теңгеге бюджеттік өтінімдер ұсынылды.Сонымен қатар, «Ақтерек» учаскесінен подстанция құрылысын салуға жоба-сметалық құжаттар әзірлеп, мемлекеттік сараптамадан өткізуге облыстық бюджеттен 18,1 млн. теңге бөлініп, қазіргі таңда ЖСҚ әзірлеу жұмыстары жүргізілуде.

Елді мекендердің электр желілерін жаңарту жұмысы қарқынды жүргізілуде

<a href="https://kyzylorda-news.kz/">Kyzylorda-news.kz.</a> Соңғы жылдары Сыр өңірінде әлеуметтік салаға басымдық беріліп, жаңа нысандар көбірек бой көтере бастады. Оның ішінде Жаңақорған ауданында да спорт, мәдениет, медицина және білім бағытында қаншама ғимараттың іргетасы қаланып, басым көбі ел игіліне берілді. Апта басында облыс әкімі Нұрлыбек Нәлібаев аудандағы арнайы іс-сапармен келіп, салынып жатқан құрылыстарды аралап, тиісті тапсырмалар жүктеді.&nbsp;Биыл аудан көлемінде екі бірдей ауылдық клуб үйі салынуда. Соның бірі Жайылма ауылында. Өңір басшысы алғашқы сапарын Жайылмадағы мәдениет ошағынан бастады. Аудан әкімі Мұрат Жолкелдіұлы жол бастап, құрылысқа жауапты сала мамандары клуб үйінің бүгінгі жай-күйін таныстырды. Тек ауыз су мен жылуы ғана қалған мәдениет үйін аралаған облыс басшысы тездетіп жұмысты бітіруді тапсырды.– Жарты ғасырдан аса уақыт асар әдісімен салынған ескі клуб үйінде қызметте болдық. Ол мекеме әбден тозды, енді міне жаңа ғимаратқа қол жеткізуге сәл қалдық. Қуанып отырмыз, әзірге үш үйірме жұмыс жасайды. Ауданда жалғыз әжелер ансамблі болса, ол бізде. Құрамында онға жуық әжеміз бар, бұйырса қосымша қызметкерлер де алатын боламыз. Үйірменің де санын арттырып, балаларды жаңа аппаратпен дәріс беруге беруге мүмкіндік аламыз. Ең бастысы, мәдениет үйі бітуге жақын қалды, алғанын көре жатармыз, – деді клуб үйінің деректоры Нұрлан Жапеков.Келесі бағыт ауыл іргесіндегі егістікте шаруалармен кездесу. &nbsp;220 шаңырақ, 1527 тұрғыны бар ауылдың негізгі тіршілік көзі мал және егін шаруасымен біте қайнасып жатыр. Бұл ауыл бір кәсіпті қолдап, барлық ағайын бала-шағасымен ерте көктемнен қара күзге дейін егін басында жүретін жайылмалықтардың еселі еңбегіне көпшілік тәнті. Қарбызы бренд болып, ел нарығында ғана емес, Ресейдің базарын да қаматамасыз етіп келеді. Қарбыздың қыр-сырына қанық ауылдағы әрбір отбасы кем дегенде 1 гектардан өнім алуға тырысады. Ауылдағы 38 шаруа қожалық түгелдей бақшамен айналысады, биыл 550 гектарға қарбыз дәнін тастапты. Сонымен қатар қызанақ егуді де ептеп қолға алуда. Нұрлыбек Машбекұлы бастаған делегат қырман басында “Шоқмырза” шаруа қожалығының жұмысымен танысты.– Жігіттер егін бітік болсын, жалпы шаруа қалай? Өнім еңбекті ақтап жатырма?&nbsp;– Рахмет, иә, әзірге қарбыздан шығым жақсы. Биыл қарбыз төккен терді ақтап келеді, енді қызанақты көреміз. Биыл алғаш рет қызанақты қолға алып, егіп көрудеміз. Биыл 3 гектарға ғана қызанақты тәжірибе жүзінде іске асырудамыз. Бұл отбасылық кәсіп деуге болады. Бұйырса келер жылы егін көлемін еселеу ойымызда бар.&nbsp;– Істеріңізге береке берсін, қандай да көмек немесе туындаған мәселе болса айтуға болады. Ауылшаруашылық саласы ел экономикасының драйверіне айналуы тиіс деген Президенттің тапсырмасы бар. Сондықтан мүмкіндігінше осы салаға серпін беруге тырысамыз.&nbsp;Аймақ басшысыменшаруа қожалықтың мүшесі Мұхамедәлі Даулабаевтың екеуара диалогы осылай өрбіді.&nbsp;– Нұрлыбек Машбекұлы биыл өзіңіз тапсырғандай ауылдардан қосымша жерлерді егіндікке дайындап бердік. Аяқ суға қатысты шаруаларды да реттеудеміз. Бұл ауылдың бір ұтатыны аяқ суды жер асты суы арқылы пайдаланады. Яғни, керіз жүйесі арқылы егістікке су алып, толықтай ауыл хлқын қамтамасыз етіп отыр. Бұйырса келер жылға жоспар тағы да көлемді кеңейтіп, бақшаға басымдық беруді көздеп отырмыз, – деді аудан әкімі.&nbsp;– Өте дұрыс, шыны керек, қазір аяқ су мәселесі өте өзекті болып тұр. Мемлекет басшысының демеуімен биыл Сыр диқандары тығырықтан шықты, яғни, қажетті құрал-жабдық, яғни насос және өзге де техникаларды республикадан бөлінген қаржыға алудамыз. Сондықтан, мұндай жобаларды қолдау керек, керек болса электр жүйесін тартып берейік, қосымша насос керек десе оны да қарастырайық. Ең бастысы, өз өнімімізді екі есе өндіріп, импорт емес, эксортты арттырайық. Міне, сонда ғана ел әлеуеті реттеледі, – деді облыс әкімі.&nbsp;Биыл Жаңақорған ауданы бойынша үш мектептің құрылысы жүруде. Соның біреуі МАИ бекетіндегі 300 орындық білім ошағы. Құрылысы жыр болған бұл ғимарат мамыр айында ел игілігіне берілуі тиіс болатын. Алайда, бұл мердігер мекеме де мазаны алып тұр. Құрылысы үш жыл бұрын басталған мектептің сапасын облыс басшысы қатты сынға алды.&nbsp;– Бұрынғы мердігер “Қазқұырылыс сервис” ЖШС-нің ісі шала болды. Ол кетті, қайтадан 330 млн қаржы керек болып, мемлекеттік сатып алуға салдық. Одан кейін сіздер ұтып алдыңыздар, уәдені үйіп-төгіп бердіңіздер. Алайда, мектептің бүгінгі кейпі мынау, мынандай мектепті қабылдау өте ұят. Ертең елдің бетіне қалай қараймыз, балаларымыздың алдындағы ар-ұятты қайда қалдырамыз. Осы уақытқа дейін көз жұма қарадық. Қыркүйекке дейін бітіп қалатын шығар деп те үміттендік. Бірақ, мына тірлік өте дұрыс емес. Тапсырма аудан әкімі мен осы құрылысқа жауапты мемлекеттік мекеме қызметкерлері күнде қадағалау жүргізіп, қараша айының 1-не дейін мектеп құрылысы бітетін болсын. Оған дейін бүгінгі мердігер мекемені сотқа беріп, жосықсыз деп тануымыз керек, – деп Нұрлыбек Машбекұлы нақты міндет жүктеді.Бүгінгі мердігер мекеме “Мұнай құрылыс” ЖШС жыл басында сатып алуда жеңімпаз болып, мамыр айында мектепті бітіруге уәде берген еді. Алайда, құрылысы әлі жыр болуда. Халық қырығына да шыдадық, енді қырық біріне шыдаймыз деп отырғаны рас. Енді жыл соңына дейін жаңа мектеп балалардың көз қуанышына айналады деп үміттенейік. Қалғанын уақыт көрсете жатар. Кенттегі келесі сапар Алтынсарин аумағындағы көпірдің келешегі жөнінде талқылау болды. Жарты жолдан құрылысы бітпей қалған көлік жүретін көпірдің негізгі іргетасының қаланғанына 40 жылға жуық уақыт өтті. Кент ардагерлер кеңесінің төрағасы Серқожа Ыдырысов мән-жайды қысқаша түсіндірді. “Бұл көпірдің іргесі 1985 жылдары тұрғызылып, белгілі себептермен тоқтап қалды. Содан бері қаншама облыс әкіміне хат жолдап жүріп, көпірдің керек екенін дәлелдеп келеміз. Өйткені, бұл көпір қыр мен Сырды тікелей байланыстыратын, әрі уақытты үнемдеп, кенттегі жолдардың шырқын бұзбауға да үлкен септігін тигізеді. Сондықтан биыл көпірдің құрылысы қайта жанданса деген үмітпен келеміз” деді ардагер ағамыз.– Бұл көпір туралы мен де білемін. Жақында маған ақсақалдар атынан өтініш келіп түсті. Бұл көпірдің қажеттілігі туралы жазылған екен. Енді қандай жобаларыңыз бар? – деді аймақ басшысы.&nbsp;– Қазір бітпей тұрған көпірдің сапасын тексертіп жатырмыз, жақын арада жауап келіп қалады. Содан кейін жоба-сметасын жасап, ұсынатын боламыз. Бұл көпір тек жүк көлігі мен жеңіл көліктердің қатынауына ғана емес, ерте көктемде төрт түліктің таудағы жайлауға жол жүруіне де ыңғайлы. Қалай дегенде де осы көпірдің құрылысын ертерек қолға алып, бітіріп алсақ нұр үстіне нұр болар еді, – деді аудан басшысы.Иә, облыс әкімінің бүгінгі сапарында құрылыс саласына басымдық беріліп, бірнеше нысандарды аралады. Одан кейін Ақжол ауылындағы спорт кешеніне де жол жүріп, жаңа нысанның құрылысымен танысты. Қай құрылыс болмасын ең бірінші қадағалау мен бақылауды қажет етеді. Әйтпесе, сапасыз жұмыстың нәтижесінде халық зардап шегіп қалатыны белгілі. Сондықтан барлық жұмыстарға қатаңдық қазір аса қажет болып тұрғанын өңір басшысы көрсетті.

Аймақ басшысы Жаңақорғандағы салынып жатқан құрылыстарды аралады

<a href="https://kyzylorda-news.kz/">Kyzylorda-news.kz.</a> Биыл Сырдария ауданында өнеркәсіп өндірісі 68,5 пайызға ұлғайса, өңдеу өнеркәсібі 3,4 пайызға, ауыл, орман және балық шаруашылығының өнімі 1,4 пайызға өсті. Ал инвестиция 72,4 пайызға, тұрғын үй 26,9 пайызға және құрылыс жұмыстарының көлемі 5,3 есеге артқан. Бұл туралы Өңірлік коммуникациялар қызметінің ақпараттық алаңында өткен баспасөз конференциясында Сырдария ауданының әкімі Берік Сәрменбаев баяндады.&nbsp;<blockquote>«Осы жылдың соңына дейін құны 1,9 млрд теңгені құрайтын 10 инвестициялық жобаны жүзеге асыру жоспарланды. Ал жеңілдетілген несие алу үшін 414 млн теңгені құрайтын 49 жобаның құжаттары қаржы ұйымдарымен қарастырылуда. Мемлекет басшысының тапсырмасына сәйкес, халықтың табысын арттыру мақсатындағы «Ауыл аманаты» бағдарламасына қатысуға аудан халқы белсенділік танытуда. Бүгінде бағдарлама аясында 3 млрд теңгені құрайтын 489 жобаның құжаты дайындалып, «Байқоңыр» әлеуметтік кәсіпкерлік корпорациясына ұсынылуда», - деді Берік Әбдіғаппарұлы.</blockquote>Сондай-ақ ауданда 3247 шағын және орта кәсіпкерлік субъектісі жұмыс істеп тұр. Бұл өткен жылдың осы кезеңімен &nbsp;салыстырғанда 34 пайызға өскен. Жалпы осы жылдың 6 айында мемлекеттік және өңірлік бағдарламалар аясында 184 жобаға қаржылай қолдау көрсетілген.Ауданда егіс көлемі 7,8 пайызға арттыСонымен қатар биыл ауданда егілген егістің көлемі 7,8 пайызға артқан. Дәлірек айтқанда, 35 мың 732 гектарға ауыл шаруашылығы, оның 23 мың 500 гектарына күріш, 12 мың 232 гектарына басқа дақылдар егілді.&nbsp;<blockquote>«Ауданымыз аграрлы аймақ болып табылады. Осы ретте, егін егу жұмыстары жоспарға сәйкес толығымен жүргізілді. Соңғы жылдары аймақта су тапшылығы мәселе тудырды. Осыған байланысты облыс әкімінің қолдауымен 2022 жылы шаруашылықтарға 22 насос алынды. Биыл қосымша 4 насос алынып, бүгінде ауданда 32 насоспен егінге су жеткізілуде. Нәтижесінде, егіннің күтімін жасауда кедергілер жоқ.Өздеріңіз білетіндей, өткен жылдан бері аймақ басшысының тапсырмасымен азық-түлік қауіпсіздігін қамтамасыз ету мақсатында бақша дақылдарын егу жұмыстары басталды. Ауданда 2022 жылы 210 гектар қосымша жер ашылып, 865 отбасы бақша дақылдарын екті. Ал биыл жер көлемі 359 гектарға дейін артып, 1105 отбасы әлеуметтік маңызы бар картоп, көкөніс, бақша өнімдерін орналастырды. Бұл бағытта жастар белсенділік танытуда. Былтыр 2 ауылда жастар бригадасы 20 гектарға егін ексе, биыл қосымша 4 ауылда жастар бригадалары құрылып, 60 гектарға бақша дақылдарын орналастырды»,-деді аудан әкімі Берік Әбдіғаппарұлы.</blockquote>Сырдарияда серпінді жобалар көпСырдария ауданында әлеуметтік маңызы бар нысандар қатары толығып, құрылыс саласы айтарлықтай дамып келеді. Тиісінше, биыл 7,4 млрд. теңгені құрайтын 62 жоба жүзеге асырылып жатыр. Бұған қоса, осы жылы жол жөндеу саласына қатысты 30 жобаға 1 млрд. теңге қаржы бөлініп, 14,3 шақырым жол қайта жөнделмек.&nbsp;<blockquote>«Биыл ауданымызда «Ауыл ел бесігі» жобасы аясында құны – 488,7 млн. теңгені құрайтын 12 жоба, ал облыстық бюджеттен 335,2 млн. теңге болатын 19 жоба және өтпелі саналған 3 жоба жүргізілуде. Осыған сәйкес, «Қызылорда-Айдарлы-Тартоғай» және «Шымкент-Самара-Тереңөзек» автомобиль жолына қайта жөндеу жұмыстары жүргізілетін болады. Бұдан бөлек, ауданымызда тозығы жеткен электр желілерін қайта жаңарту бойынша тиісті жұмыстар атқарылуда. Қазіргі таңда құны 2,7 млрд. теңгені құрайтын қаржыға Айдарлы, Аманкелді, Жетікөл, Қоғалыкөл, Шаған елді мекендерінің электр бағаналары мен желілері және трансформаторлары толық жаңартылады. Ал Тереңөзек кенті, Қалжан ахун, А.Тоқмағамбетов, С.Сейфуллин елді мекендеріне жаңа электр желілерін орнатуға демеушілер есебінен қажетті жобалар қарастырылады», - деді аудан әкімі Берік Сәрменбаев.</blockquote>Аудан әкімі баспасөз конференциясында ауыз су мәселесіне де тоқталып өтті. Айтуынша, биыл демеушілердің қолдауымен ауыз су құбырын жаңарту үшін 6 жоба әзірленбек. Осылайша, Шаған және Қоғалыкөл елді мекендері толық ауыз сумен қамтылмақ. Ал Тереңөзек кенті мен Аманкелді ауылына қатысты үш жобаны арнайы қаржыландыру күтілуде.&nbsp;

Сырдария ауданында ауқымды істер атқарылуда

<a href="https://kyzylorda-news.kz/">Kyzylorda-news.kz.</a> Биыл Сырдария ауданына қарасты Қалжан Ахун, С.Сейфуллин, А.Тоқмағамбетов, Шаған елді мекендерін көгілдір отынға қосу үшін республикалық бюджеттен арнайы қаржы бөлініп, газ желілері жүргізілетін болады. Бұл жөнінде Қызылорда облысының өңірлік коммуникациялар қызметінде өткен баспасөз конференциясында Сырдария ауданының әкімі Берік Сәрменбаев хабарлады.<blockquote>«Бүгінде Тереңөзек кенті табиғи газбен толық қамтамасыз етілген. Ал ауданға қарасты елді мекендерді газдандыру кезең-кезеңімен жүргізілетін болады. Биыл республикалық бюджеттен құны 298 млн.теңгені құрайтын қаржыға Қалжан ахун ауылына газ желілері жүргізіледі. Ал С.Сейфуллин және А.Тоқмағамбетов ауылдарын газдандыруға 40 млн.теңге қарастырылды. Сонымен қатар, демеушілік есебінен жасалған Н.Ілиясов ауылын газдандыру жобасына бюджеттік өтінім ұсынылса, Бесарық, Ақжарма елді мекендерін көгілдір отынмен қамту жобалары қолға алынды», – деді аудан әкімі Берік Әбдіғаппарұлы.&nbsp;</blockquote>

Қазақстан және Қызылорда облысының жаңалықтары