<a href="https://kyzylorda-news.kz/">Kyzylorda-news.kz.</a> Қазгидромет синоптиктері 15 тамызға арналған ауа райы болжамын ұсынды.Атмосфералық фронттардың әсерінен елдің басым бөлігінде найзағайлы жаңбыр жауады, оңтүстік-шығыс пен шығыста таулы аудандарда жауын-шашын (жаңбыр және жылбысқы қар) жауады.Тек республикамыздың оңтүстігі жоғары атмосфералық қысым ықпалында болғандықтан мұнда жауын-шашын жаумайды.Республика бойынша екпінді жел тұрады.Елдің солтүстігінде түнде және таңертең тұман түседі. Күндіз Қарағанды облысының солтүстігінде, шығысында бұршақ жаууы ықтимал.Күндіз Атырау, Ақтөбе, Батыс Қазақстан облыстарының басым бөлігінде 37°С-қа дейін қатты ыстық болады.Атырау, Маңғыстау, Жамбыл, Қызылорда, Ақтобе облыстарында, Қостанай облысының оңтүстігінде, Қарағанды облысының орталығында, Алматы облысының солтүстігінде, орталығында, Түркістан облысының солтүстігінде, батысында, оңтүстігінде, шөлді аудандарында, Батыс Қазақстан облысының батысында, оңтүстік-шығысында, орталығында, Жетісу облысының батысында төтенше өрт қаупі бар.Батыс Қазақстан облысының басым бөлігінде, Солтүстік Қазақстан облысының солтүстігінде, шығысында, Ақмола облысының батысында өрт қаупі жоғары.

15 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; 2021 жылы ел Президенті Қасым-Жомарт Кемелұлы Тоқаевтың тапсырмасымен «Кәсіпкерлікті дамытудың 2021-2025 жылдарға арналған ұлттық жобасын» әзірлеген еді.&nbsp;Нәтижесінде «Күміс жас» жобасы іске қосылып, жобаға 50 жастан кез-келген жұмыссыз азаматтар бағдарлама аясында жұмысқа орналасуға мүмкіндіктері пайда болды.&nbsp;Расында да &nbsp;бүгінде зейнетке әлі шықпаған егде жастағы адамдардың жұмыс табуы қиын. Жұмыссыздардың көпшілігі – үйде бала күтімімен отырып қалғандар немесе түрлі себептермен еңбек ету мүмкіндігі болмағандар. Жоғарыда аталған жоба осындай жұмыссыз жүрген жандарға зейнетке шыққанға дейін еңбек етіп, нәпақа табуына үлкен көмек.Айта кетейік, «Күміс жас» жобасы: 50 жастан асқан жұмыссыз адамдар «Күміс жас» жобасына қатысушылары болып табылады. Ұзақтығы: 36 айдан аспайды. Жалақы: ай сайынғы жалақысының субсидия мөлшері:1) қатысудың бірінші 12 айында 70 %-ын құрайды, бірақ 30 (отыз) АЕК-тен (ағымдағы жылы 103 500 теңгені құрайды) аспайды. 2) қатысудың 13 айынан бастап 24 айына дейін 65 %-ын құрайды, бірақ &nbsp; &nbsp; &nbsp; &nbsp; &nbsp; &nbsp; &nbsp; &nbsp;30 (отыз) АЕК-тен аспайды. 3) қатысудың 24 айынан бастап 36 айына дейін 60 %-ын құрайды, бірақ &nbsp; &nbsp; &nbsp; &nbsp; &nbsp; &nbsp; &nbsp; &nbsp; 30 (отыз) АЕК-тен аспайды.Жобаға қатысу мерзімі аяқталған соң, жұмыс беруші зейнет жасына жақындаған адамды зейнетке шыққанға дейін кемінде 12 айдан кем емес мерзімге тұрақты жұмыспен қамтуға міндетті.&nbsp;Жоба бойынша жұмыс іздеуші ретінде тіркелу үшін «Арал ауданының Мансап орталығы» филиалына немесе www.enbek.kz мемлекеттік интернет-ресурсы арқылы биржасына арқылы жүгінуге болады.Ауданда жұмыспен қамту мәселесі күн тәртібінен түскен емес. Аталған бағдарламаларды мейлінше ел игілігіне жарату мақсатында тұрғындардың әлеуметтік жағдайының көтерілуіне оң ықпал ететін «Күміс жас» жобасы ауданымызда да &nbsp;қолға алынып жатыр.&nbsp; Соның айғағындай, өткен жылы 9 адам жұмыспен қамтылса, ағымдағы жылы жоба шеңберінде ауданда 42 адам жұмыс істеуде.&nbsp;Бүгінгі күнге, жеке кәсіпкерде жұмыс жасап, 3 адам зейнетке шықты, -дейді сала қызметкері «Арал ауданы бойынша Мансап орталығы» филиалының азаматтарды әлеуметтік осал санаттарын уақытша жұмысқа орналастыру жөніндегі бөлімшесінің басшысы Еркін Талғатұлы. Солардың бірі – Умбетова Кульмира:<blockquote>– Жұмысты өз бетінше іздеп таба алмадым. Осылайша халықты жұмыспен қамту орталығына (қазіргі «Арал ауданы бойынша Мансап орталығы» филиалы) барып көмекке жүгіндім. Олар маған бағдарлама шарттарын сатылап түсіндірді. Осылайша, «Күміс жас» жобасы туралы естігенде қатты қуандым. Өте керемет жоба. Өзімнің барлық қатарласымды және зейнеталды жастағы адамдарды осы жоба арқылы жұмысқа орналасуға, мемлекет ұсынып жатқан қолдауды пайдалануға шақырамын. Аллаға шүкір, аталған мекеме арқылы жеке кәсіпкерлерде жұмыс істеп, бүгінде зейнетке шығып, бейнетімнің зейнетін көріп отырмын, – дейді К.Умбетова.</blockquote>Елімізде әлеуметтің әлеуетін көтеру, бұқараны жұмыспен қамту мақсатында қабылданып жатқан бағдарламаларда көрсетілген міндеттерді орындап, жоспарларды жүзеге асыру – жергілікті биліктің міндеті. «Күміс жас» жобасы – адамның ең әлеуметтік белсенді кезеңі.&nbsp; Бұл барға қанағат етіп, мәнді-мағыналы өмір сүруге барынша мүмкіндік берілген сәт. Осы мүмкіндікке қол жеткізу үшін мемлекет тарапынан жасалған «Күміс жас» жобасы зейнеталды жастағы адамдардың әлеуетін арттырады деген үміттеміз.

Күміс жас: Жоба көпке пайдалы

<a href="https://kyzylorda-news.kz/">Kyzylorda-news.kz.</a> 2023 жылдың 7 ай қорытындысы бойынша ауданның макроэкономикалық көрсеткіштерінде өсім қалыптасып, Жалағаш ауданы облыс көлемінде алдыңғы қатарға шықты. Атап айтқанда:Өнеркәсіп өнімдерін өндіру 72,4 пайызға өсіп, 20 млрд. 423 млн. теңгенің өнімі өндірілді. Оның ішінде өңдеу өнеркәсібі шаруашылықтардың күріш ақтау есебінен 27,8 пайызға артып, 5 млрд. 415 млн. теңгенің өнімі өндірілді. Негізгі капиталға тартылған инвестиция көлемі 203,0 пайызға артып 9 млрд. 312 млн. теңгені құрады. Ауыл шаруашылығы өнімінің көлемі 5 млрд. 160,6 млн. теңгені құрап, 101,6 пайызға орындалды. Тұрғын үй көлемі 13 960 шаршы метр болатын 44 жеке тұрғын үй пайдалануға берілді. Бұл өткен жылмен салыстырғанда 103,6 пайызды құрады. Бөлшек сауда көлемі 1358,1 млн.теңге болып, 103,2 пайызға орындалды. Құрылыс жұмыстарының көлемі 3 422,0 млн. теңгеге орындалып, 31,8 пайызға артты.

Жалағаш ауданы облыс көлемінде алдыңғы қатарға шықты

<a href="https://kyzylorda-news.kz/">Kyzylorda-news.kz.</a> Балабақша тәрбиешілерінің жалақысы тағы көтеріледі, деп хабарлайды оқу-ағарту министрлігі.Мектепке дейінгі білім беру депаратментінің басшысы Наталья Жұмаділдаеваның айтуынша, соңғы үш жылдың ішінде білім беру қызметкерлерінің жалақысы жыл сайын 25 пайызға көтеріліп тұрды. 2023 жылы қыркүйектің 1-інен бастап тағы 30 пайызға артады. Осылайша, 97 мыңнан астам мұғалімнің жалақысы 2,5 есеге өседі.<blockquote>«Мектепке дейінгі, орта, техникалық және кәсіптік білім беруді дамытудың 2023-2029 жылдарға арналған тұжырымдамасы қабылданды. Әдістемелік кабинеттер жанынан мектепке дейінгі тәрбие мен оқыту педагогтарына әдістемелік көмек көрсету үшін мобильді топтар құрылды», - дейді Жұмаділдаева.</blockquote>Айта кетері, бүгінде 39 жоғары оқу орны мен 119 колледжде «Мектепке дейінгі тәрбие және оқыту» бағыты бойынша маман даярланады. Оған қоса, колледждер мектепке дейінгі ұйымдармен бірлесіп өңірлік ерекшеліктерді ескере отырып, «Педагог» кәсіби стандарты негізінде білім беру бағдарламаларын әзірлейді және оқу бағдарламалары мен жоспарларын жаңартып отырады.Сондай-ақ, педагогикалық колледждерге қойылатын біліктілік талаптары қайта қаралды. Биыл мектепке дейінгі білім беру мекемелерінің 20 мыңнан астам педагогы біліктілікті арттыру курстарынан өтеді.

Тәрбиешілердің жалақысы өседі

<a href="https://rus.azattyq-ruhy.kz/society/47533-stroitelstvo-shkol-na-dengi-korruptsionerov-na-spetsschet-postupili-120-mlrd-tenge">ФОТО</a><a href="https://kyzylorda-news.kz/">Kyzylorda-news.kz.</a> Биыл тамыз айының соңына дейін 460 мыңға жуық оқушыны мектеп формасымен, кеңсе заттарымен қамтамасыз ету бағытында отбасыларға көмек беріледі. Бұл туралы Оқу-ағарту министрлігі жеткізді. &nbsp;<blockquote>«Жыл сайын Қазақстан Республикасы Үкіметінің 2008 жылғы 25 қаңтардағы № 64 Қаулысына сәйкес, жергілікті бюджет қаражаты есебінен аз қамтылған отбасылардағы оқушылар 100% мектеп формасымен және кеңсе тауарларымен қамтамасыз етіледі. 2022 жылдан бастап материалдық көмек көрсету мектеп формасы мен кеңсе тауарларын сатып алу үшін ата-аналардың карта-шоттарына ақша аудару арқылы жүзеге асырылады. Сондай-ақ, бұл тәсіл әр балаға көмек көрсету қаражатының көлемін реттеді (ең төменгі күнкөріс деңгейінен төмен емес, 2023 жылы - 40 567 теңге)», - делінген Оқу-ағарту министрлігінің «ҚазАқпарат» агенттігіне берген жауабында.</blockquote>Жергілікті атқарушы органдардың ұсынған ақпаратына сәйкес, биыл жалпыға бірдей білім беру қоры 65 млрд теңгеден астам соманы құрады. Оның ішінде киіммен, аяқ киіммен және кеңсе заттарымен қамтамасыз етуге 18 млрд теңге бөлінді.<blockquote>«Бұл қаражатқа 458 299 оқушыға материалдық көмек беру жоспарланған. 2023 жылғы 10 тамыздағы жағдай бойынша өңірлер 313 150 баланы (68,3%) қамти отырып, ата-аналар шотындағы картаға 12 млрд теңгеден астам қаржы аударған. Биылғы тамыз айының соңына дейін өңірлерде жергілікті бюджеттен ата-аналардың шоттарына 100% қаражат аудару ескерілген», - деп аталып өткен министрлік ақпаратында.</blockquote>

Отбасыларға бір реттік көмек ретіндегі қаражат айдың соңына дейін аударылады

<a href="https://kyzylorda-news.kz/">Kyzylorda-news.kz.</a>&nbsp; Аралдықтардың соңғы жылдары кәсіп ашып, өз шаруашылғын дөңгелетумен қатар халық қажетін өтеп отырғаны туралы жиі айтып жүрміз. Айтып қана қоймай тың бастамаларымен танылған кәсіпкерлерді насихаттауды да ұмытқан емеспіз. Мемлекет басшысы Қасым-Жомарт Тоқаев ауылшаруашылық саласын дамыту, импортқа тәуелділікті бәсеңдетіп, ішкі нарықты толықтай қамтамасыз етуге жол ашатындығын баса айтуда. Және бұл тиісінше ел экономикасының өсуіне де септігін тигізеді. Мемлекет тарапынан кәсіпкерлік жобаларды қолдауға жеңілдетілген несиелер, қайтарымсыз қаражаттар берілуде. Мұндай игілікті аралдықтардың да сезінуінің нәтижесінде кәсіпкерлік өсім алып отыр.&nbsp;Аудандағы жергілікті «Берекет» шаруа қожалығы «Ет және ет өнімдерін өндіру» жобасын жүзеге асыруды 2016 жылдың соңында қолға ала бастады. Белгілі кәсіпкер Күнтуар Жайназаровқа «Бизнестің жол картасы – 2020» бағдарламасы аясында индустриялық аймақ құру үшін Арал қаласының солтүстік-шығыс бөлігінен 10 гектар жер телімі бөлінген еді. Осылайша, мемлекет кәсіп иелерін қолдауды осыдан бірнеше жыл бұрын бастады. Нақты кезеңде аталған өндірістік аймақта 2 жобаны жүзеге асыруды көздеген.Аталған шаруа қожалығының «Ет және ет өнімдерін өндіру» жобасының жанынан жуырда «Тұшпара шығару» цехы іске қосылды. Бүгінде тұшпара цехының жұмыстарымен шаруа қожалығының иесі Күнтуар Жайназаровтың келіні Гүлбағым Жұбандықова айналысуда.<blockquote>– Негізінен «Берекет» шаруа қожалығы ет бағытында асыл тұқымды қазақтың ақбас сиырын өсірумен айналысады. Мемлекет тарапынан индустриялық аймақ құру мақсатында жер телімін алған болатынбыз. Онда мал сою алаңы мен тұшпара цехын орналастыру жоспарда болған еді. Мал сою алаңы өткен жылы іске асырылып, қазіргі 11 адам тұрақты жұмыспен қамтылып отыр. Жоспарға сәйкес тұшпара цехын жуырда аштық, - дейді цехқа жауапты Г.Жұбандықова</blockquote>Заманауи техникалық және санитарлық талаптарға сәйкес келетін кәсіпорында күніне 50 қаптама дайын өнім өндіріліп, &nbsp;жаңа жұмыс орындары құрылды. «Арал тұшпарасы» хаттамасымен дайындалған өнім дүкен сөрелеріннен орын тепті.&nbsp;<blockquote>– Цехтың өз жұмысын бастағанына бір айдай ғана уақыт болды. 4 адамды жұмыспен қамтып отырмыз. Аудан көлемінде дүкендер мен асханаларды дайын өніммен қамтамасыз етіп келеміз. Бағасы да қолайды. Ең бастысы тұшпара табиғи таза өнімнен жасалған, - дейді Гүлбағым Жұбандықова.</blockquote>Ет және ет өнімдерін өндіруді басты кәсіп еткен «Берекет» шаруа қожалығы осылайша өз кәсібінің көкжиегін кеңейтумен қатар аудан халықын табиғи таза дайын өніммен қамтамасыз етуді қолға алып отыр. Кәсіпорын алдағы уақытта көрші аудандар мен қалалардың нарығын жаулауды мақсат еткен. Әрине, бұл мақсаттың орындалары шүбәсіз. Таза еттен жасалған дәмді тұшпара аз уақытта өз тұтынушысын тапты.

Аралда тұшпара цехы іске қосылды

<a href="https://kyzylorda-news.kz/">Kyzylorda-news.kz.</a> Ауыл тұрғындарының әл-ауқатын жақсарту және оларға қолдау білдіру мақсатында «Ауыл аманаты» жобасы бастау алды. Аталған жобаның тиімділігі – ауыл тұрғындарына &nbsp;2,5 пайызбен жеңілдетілген несие беру қарастырылған. Осы бағытты жүзеге асыру мақсатында биыл облысқа 3,0 млрд теңге қаржы бөлініп, бағдарламаға құжат қабылдау жүргізілуде. Бұл жөнінде Қызылорда облысының өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасының бөлім басшысы Гүлмира Исабергенова хабарлады.&nbsp;<blockquote>«Жалпы бағдарлама 5 бағыт бойынша қаржыландырылады. Атап айтқанда, өңдеу, егін шаруашылығы, кооперативтерді дамыту және азық-түлік қауіпсіздігін қамтамасыз ету, мал және басқа да бағыттағы бизнес жобалар қамтылған. Тұрғындарға берілетін микрокредиттер – 5 жылға дейін, ал мал шаруашылығы саласындағы жобалар үшін – 7 жылға дейін несие беріледі. Бүгінге дейін сенім білдірген өкіл ретінде «Байқоңыр» ӘКК» АҚ анықталып, бөлінген қаржы толығымен аударылды. Сонымен қатар, бағдарламаға құжат қабылдау шарттары барынша жеңілдетілді. Қазіргі таңда 1 млрд 637,0 млн теңгені құрайтын 240 жобаның құжаттары қабылданып, несие комитетіне ұсынылды. Мақұлданған жобалар кепілге ұсынылатын мүліктерді тәуелсіз бағалау ұйымдарынан өткеннен кейін несиелендіру бойынша төлемдер жүргізілетін болады», - деді Гүлмира Рахымжанқызы.</blockquote>«Ауыл аманаты» жобасын іске асыру мақсатында «Байқоңыр» ӘКК» АҚ жанынан 20 штаттық бірліктен тұратын арнайы департамент құрылды. Осыған сәйкес, 15 тамыз күні тұрғындардан келіп түскен несие өтінімдерін қарау мақсатында арнайы комиссия отырысы өткізілетін болады.&nbsp;<blockquote>«Комиссияда 120-дан астам жоба ұсынылып, қаржыландырудың оң шешімі қабылданғаннан кейін тексерілетін болады. Сондай-ақ тәуелсіз бағалау туралы есептері сұратылып, мүліктері кепілге тіркелген соң, қаржыландыру жұмыстары жасалады. Ерекше айта кететін жайт, «Ауыл аманаты» бағдарламасы басталған сәттен бастап, алаяқтыққа жол берген бірқатар азаматтар кездесті. Осы орайда, бағдарламаға қатысушылардың тек ресми ақпаратқа жүгінуін сұраймыз», - деді «Байқоңыр» ӘКК» АҚ басқарушы директоры Мадали Әлішерұлы.&nbsp;</blockquote>

«Ауыл аманаты» жобасы ауыл тұрғындарына үлкен мүмкіндік

<a href="https://kyzylorda-news.kz/">Kyzylorda-news.kz.</a> Жасөспірімдер арасындағы және оларға қарсы жасалатын құқық бұзушылық пен қылмыстардың профилактикасы Қызылорда облысы Полиция департаментінің басым бағыттарының бірі болып табылады.Бүгінгі таңда қоғамның алдында тұрған басты міндеттердің бірі – балалар мен жасөспірімдер арасындағы құқық бұзушылықтың алдын алу, кәмелетке толмағандар арасындағы қылмыстың өсуіне жол бермеу.&nbsp;Кәмелетке толмағандармен және оларға қарсы жасалатын қылмыстардың алдын-алу мақсатында «Жасөспірім», &nbsp;«Түнгі қаладағы балалар» атты жедел профилактикалық іс-шаралары, «Мен және менің полицейім», «Абайлаңыз балалар» атты акциялар өткізілді.Ағымдағы жылдың 7 айында &nbsp;облыс көлемінде &nbsp; ювеналды полиция бөліністерінің қызметкерлерімен 5330 құқық бұзушы ішкі істер органдарына жеткізілсе, оның ішінде &nbsp;218 кәмелетке толмағандарды бейімдеу орталығына жатқызды, 40 жасөспірім қылмыс жасағандары үшін ұсталды. Сондай-ақ түнгі уақытта заңды өкілінсіз тұрғын жайдан тыс жерде жүрген 3934 кәмелетке толмағандардың заңды өкілдері әкімшілік жауапкершілікке тартылды.&nbsp;Қызылорда облысындағы қоғамдық орындар мен көшелерде, түнгі клубтарда, кафе–барлар мен мейрамханаларда мектеп оқушыларының түнгі жүрістерін ырықтау, бей-берекеттіліктің алдын алу, олар тарапынан түн мезгілдерінде орын алатын құқық бұзушылық пен қылмыстың алдын алу мақсатында күнделікті кешкі сағат 22:00-ден бастап рейдтік &nbsp;шаралар жүргізілуде. &nbsp;Әрбір рейд бойынша ата-аналар мен жасөспірімдер арасында түсіндіру жұмыстары жүргізіліп, топтасып жасалған құқық бұзушылықтың зардаптары, оның жауапкершілігі туралы айтылды. &nbsp; &nbsp; &nbsp;&nbsp;Нәтижесінде, кәмелетке толмағандардың түнгі уақытта ойын-сауық мекемелерінде болуына жол берген 102 кәсіпкер, кәмелеттік жасқа толмағандарға және кәмелетке толмағандардың темекі бұйымдарын сату дерегі бойынша 5 тұлғаға, жасөспірімге алкоголь өнімін сатқаны үшін 8 сатушы әкімшілік жауапкершілікке тартылды.Сондай-ақ, балаларының тәрбиесімен айналыспай, ата-аналық міндеттерін орындамаған 4 ата-ананы сот құзырымен ата-аналық құқығынан айырылса, 4 ата-ананың ата-аналық құқығы шектелді. 3 кәмелетке толмағандар Облыстық девиантты мінез-құлықты балаларға арналған мектеп-интернатына және 2 жасөспірім «Абай облысының ерекше режимде ұстайтын арнайы мектеп-интернатына» орналастырылды. &nbsp;

Қызылордада жасөспірімге алкоголь өнімін сатқан  8 сатушы  жауапқа тартылды

<a href="https://kyzylorda-news.kz/">Kyzylorda-news.kz.</a> Биылғы оқу жылында ел бойынша 1-4 сынып оқушылары тегін тамақпен қамтылады, деп хабарлайды ҚазАқпарат.<blockquote>«Мемлекет басшысының тапсырмасы бойынша биыл 1 қыркүйектен бастап аз қамтылған отбасылардан шыққан 1,5 миллионнан астам оқушыны, сондай-ақ әлеуметтік мәртебесіне қарамастан бастауыш сынып оқушыларын тегін тамақтандырумен қамту жоспарланған», &nbsp;делінген Оқу-ағарту министрлігі Балалардың құқықтарын қорғау комитетінін мәліметінде.</blockquote>Республика бойынша тегін тамақтану құны орта есеппен 577 теңгені құрайды, ең жоғары баға Алматы қаласында – 800 теңге.<blockquote>«Алдыңғы жылдары 1-4 сынып оқушыларын тегін тамақпен қамту 56,6% құрады. Бұл Астана, Алматы және Шымкент қалаларының, Павлодар, Батыс Қазақстан, Қарағанды, Ұлытау, Қызылорда және Атырау облыстарының оқушылары болды.</blockquote>Мемлекет басшысының тапсырмасын орындау мақсатында қалған өңірлердің оқушыларын тегін тамақпен қамтамасыз ету бойынша жұмыстар жүргізілді. Осылайша жаңа оқу жылынан бастап 100% көрсеткішке қол жеткізілетін болады», - деді Балалардың құқықтарын қорғау комитеті басқармасының басшысы Дана Мақтаева.Айтылып өткендей, бүгінде министрлік мектептегі тамақтану сапасын арттыру мәселесін пысықтап жатыр.

Биыл 1-4 сыныптағы барлық оқушыға тегін ыстық тамақ беріледі

<a href="https://kyzylorda-news.kz/">Kyzylorda-news.kz.</a> Заңсыз көмек ұсынатын делдалдардың жолын кесу мақсатында мамандандырылған Халыққа қызмет көрсету орталықтарында жүргізуші куәлігін алу процедуралары қатаңдатылды, деп хабарлайды Сыбайлас жемқорлыққа қарсы іс-қимыл агенттігі.Сыбайлас жемқорлыққа қарсы қызмет Ішкі істер министрлігімен бірлесіп, мамандандырылған Халыққа қызмет көрсету орталықтары қызметіне мониторинг жүргізді. Оған себеп бірнеше жыл бойы көлік құралдарын заңсыз ресімдеумен айналысқан қылмыстық топқа қатысты қылмыстық істер болды.Мониторинг барысында автокөліктерді тіркеу мен жүргізуші куәліктерін заңсыз берудің шарттары анықталған.<blockquote>«Ақпараттық жүйелердің осалдығы, процестердің жеткіліксіз цифрландырылуы, көлікті тіркеу процедурасының жетілдірілмегендігі, емтихандарды қабылдаудағы құқықтық олқылықтар, автомектептерде атүсті оқыту – осы факторлардың барлығы заңсыз делдалдық қызметтердің пайда болуына ықпал еткен, - делінген Антикор мәліметінде.</blockquote>Мониторинг нәтижелері бойынша Сыбайлас жемқорлыққа қарсы іс-қимыл агенттігі уәкілетті мемлекеттік органдардың атына 22 ұсыныс жолдаған. Қазіргі таңда ұсыныстардың жартысынан көбі орындалған.Мәселен, ІІМ өзінің барлық аумақтық бөлімшелерінде автокөлік құралдарының дерекқор базасына түзету енгізу мүмкіндігін жапты.Сонымен қатар Ішкі істер министрінің бұйрығымен жүргізуші куәліктерін беру рәсімі күшейтілді. Онда емтихан алушылардың міндетті биометриясы мен тестілеудің барлық процесін видеотіркеу енгізілді, емтихандарды қайта тапсыру регламенті өзгертілді.Бұдан бөлек, пилоттық режимде автоХҚКО мен ІІМ-де жаңа ақпараттық жүйелер іске қосылды. Жүйеде автомобильдердің деректерін, міндетті төлемдер мен алымдарды, айыппұлдарды автоматты цифрлық салыстыру тетіктері көзделген, кез келген түзетулер үшін мүмкіндіктер алынып тасталды.<blockquote>«Осы ретте мамандандырылған ХҚКО қызметкерлерін сыбайлас жемқорлық құқық бұзушылық субъектілеріне жатқызу ұсынылды. Заң жобасы ҚР Парламентінде қаралуда. Қабылданып жатқан шараларға қарамастан, мамандандырылған ХҚКО-ларда құжаттарды ресімдеуге көмек ұсынатын тұлғалар әлі де болуы мүмкін. «Көмекшілердің» заңсыз қызметтеріне жүгінбеуді сұраймыз. Осындай фактілерге тап болған жағдайда 1424 қысқа нөмірі бойынша Антикорға дереу хабарлау қажет, - деді Антикордан.</blockquote>

АвтоХҚКО-лар жүргізуші куәлігін алу процедурасын қатаңдатты

<a href="https://kyzylorda-news.kz/">Kyzylorda-news.kz.</a>&nbsp; Жексенбі күні облыс әкімі Нұрлыбек Нәлібаев Қызылорда қаласындағы құрылысы қарқын алған бірқатар нысанды аралап, "Қызылорда" су торабындағы жөндеу жұмыстарымен танысты. 2020 жылдан бері апатты жағдайдағы су торабы жөнделуде. Мердігер мекеме «Caspian Contractors Trust» ЖШС жөндеу жұмыстарын биылғы желтоқсан айында аяқтайды деп жоспарланған. Бөгетте 16 метрлік бес аралық бар, олар қақпалармен және апаттық-жөндеу шандорларымен жабылған.Мұнан әрі Нұрлыбек Машбекұлы Сұлтан Бейбарыс көшесіндегі "Неке сарайының" құрылысымен танысты. Жалпы аумағы 2 мың шаршы метрден асатын зәулім ғимараттың құрылысы былтыр қыркүйек айында басталған.Облыс әкімі жақын күндері ашылған тұрғын үй құрылысы комбинатының жұмысымен де танысты. Комбинат еден, жол плитасы, іргетас блоктары, маңдайша, таспалы іргетас, баспалдақ сияқты өнімдер шығарады. Жаңа зауыт сағатына 80 текше метр тауарлы бетон және күніне 120 текше метр темір- бетон бұйымдарын өндіруге қауқарлы. Кәсіпорында 100-ге жуық жаңа жұмыс орны ашылды.Әрі қарай аймақ басшысы «Анаға тағзым» орталығының құрылысын көрді. Нысан жақын арада халық игілігіне табысталмақ. Ғимарат белгілі кәсіпкер, меценат Марат Дүйсенбаевтың демеушілігімен 1,5 млрд.теңгеге салынуда. Бұл орталықта қыз-келіншектерге, жас отбасыларға, балаларға ұлттық құндылықтар дәріптеліп, әдет-ғұрып, салт-дәстүрлер жаңғыртылады. Келушілерге сән мен сымбат, үй тұрмысы, қонақ күтуді үйрететін, жан-жақты психологиялық көмек беретін кабинеттер болады. Мұнан бөлек, ғимаратта шығармашыл жандарға арналған әдебиет және поэзия, дизайн студиясы мен би орталығы, жас отбасыларға қызмет көрсету бөлмелері орналасады.Аймақ басшысы Абай даңғылы №47 «а,б,в», 51, 51 «а» тұрғын үйлердің аулаларын абаттандыру жұмыстарын да көрді. Маусым айынан бері демеушілердің қолдауымен 1 млрд. 100 млн. теңгеге облыс орталығындағы 50 үйдің қасбеттері заманауи панелдермен қапталуда. Оған қоса демеушілер 1 млрд. теңгеге 20 көпқабатты тұрғын үйдің аулаларын абаттандыруда. Заманауи спорт алаңдары, тротуарлар, жарық бағаналары жаңартылуда.Облыс әкімі жылына 33 мың тоннадан астам өнім өңдеуге қауқарлы «Мағжан және К» ЖШС-ның күріш зауытында болды. Кәсіпорын заманауи жоғары технологиялық құрал-жабдықтармен жабдықталған және бірыңғай автоматтандырылған жүйе арқылы басқарылады. Н. Нәлібаев ішкі нарыққа және ішінара экспортқа жіберілетін йодталған техникалық және ас тұзын өндіретін «Ассоль» зауытында да болды. 2021 жылы компания өнімдер мен қызметтердің сапасы бойынша ҚР Президентінің «Алтын сапа» сыйлығының жеңімпазы болған.<figure class="image"><img src="https://knadmin.beoblood.kz/uploads/367397954_593286506325931_5697804948622163970_n_59ab716ec6.jpg" alt="367397954_593286506325931_5697804948622163970_n.jpg"></figure>&nbsp;<figure class="image"><img src="https://knadmin.beoblood.kz/uploads/367402110_593286462992602_3585656666019824107_n_e29ba32b33.jpg" alt="367402110_593286462992602_3585656666019824107_n.jpg"></figure>&nbsp;<figure class="image"><img src="https://knadmin.beoblood.kz/uploads/367418704_593286402992608_4446799390050828723_n_692c09ccda.jpg" alt="367418704_593286402992608_4446799390050828723_n.jpg"></figure>&nbsp;<figure class="image"><img src="https://knadmin.beoblood.kz/uploads/367447681_593286232992625_535843797276655660_n_4a968a06f6.jpg" alt="367447681_593286232992625_535843797276655660_n.jpg"></figure>&nbsp;<figure class="image"><img src="https://knadmin.beoblood.kz/uploads/367442472_593286426325939_5927648123466870678_n_b7ac55bceb.jpg" alt="367442472_593286426325939_5927648123466870678_n.jpg"></figure>

Облыс әкімі қаладағы құрылыс нысандарын аралады

<a href="https://kyzylorda-news.kz/">Kyzylorda-news.kz.</a> Қандай да болсын мамандықтың қоғамда алатын орны бар. Сондай мәртебелі мамандықтың бірі – &nbsp;құрылысшы. Иә, құрылысшы – адамзат өркениетiнiң бастауында тұрған мамандық. Тіпті, оларды құрыш қолды құрылысшылар деп те атайды. Өйткені, құрылысшылардың ерен еңбегінің арқасында елімізде тұрғын үй мәселесі шешімін табуда. Сонымен қатар, егемен еліміздiң экономикалық күш-қуаты мен әлеуметтiк тұрақтылығы құрылыс саласының дамуына тiкелей байланысты десек артық айтқандық емес.&nbsp;Мемлекет басшысының қолдауымен Тәуелсiздiк жылдары елiмiзде құрылыс саласын дамытуға барынша жағдай жасалды. Сондай қолдаудың нәтижесімен отандық құрылыс индустриясы қанат жайды. Оның ішінде, Қармақшы құрылысы тарихы тереңді бойлаған. Бұл салада аудан экономикасын нығайтуда көптеген құрыш қолды мамандар еңбек етіп, құрметке бөленді. Кеңес үкіметі жылдарында ауданда «Колхозаралыққұрылыс» пен ұзақ жылдар өңірімізде әлеметтік және азаматтық құрылыс жұмыстарының көшбасшысы атанған «ПМК-2» агроөнеркәсіпқұрылыс мекемесі өңірімізде құрылыс саласы бойынша еселі еңбек етті. Білікті сала маманы, Қазақстан Республикасының Құрметті құрылысшысы Қаршыға Есдәулетов басқарған құрылыс мекемесінің күшімен сол жылдарғы заман талабына сай аудан орталығынан көптеген әлеуметтік мекемелер мен тұрғын үйлер бой көтерді. Көптеген білгір құрылысшылар мемлекет тарапынан марапаттарға ие болды. Олардың қатарында Әбдіраман Тұрғанов, Қаршыға &nbsp;Есдәулетов, Жылқыбай Науанов, Сансызбай Төлебаев, Слам Дөсекбаев, Яхия Омаров сынды атпал азаматтармен бірге омыруларын орден-медальға толтырған &nbsp;құрылысшы &nbsp;Қаншагүл Жүнісова, Ақкүріш Алтаева, аудандық кеңес депутаттары Жаңыл Меңдібаева, Зәкира Төлегенова сынды қыз-келіншектеріміздің есімін &nbsp;аудандағы құрылысшы аға және орта буын өкілдері құрметпен атайды. &nbsp;Міне, осындай құрметті мамандық иесінің бірі &nbsp;– Жосалы кентінің тумасы Наушарбант Баймұратова. Негізінен &nbsp;ол ауданымызда әйелдер арасындағы алғашқы инженер-құрылысшы. Ал, енді Н.Нұрханқызының өмір жолына тоқталсақ, &nbsp;1956 жылы &nbsp;Ұлы Отан соғысы және еңбек ардагері Нұрхан ақсақалдың отбасында &nbsp;тәрбиеленген ол мектепті тәмамдаған соң Өскемен қаласындағы жол-құрылыс институтының «Құрылыс-өндіріс өнімдері мен конструкциясы» бөліміне оқуға түсіп, онда төрт жыл мамандардан құрылыс саласының қыр-сырын терең меңгеріп шығады.Жоғары білімді жас маман туған елге оралғаннан кейін сол жылдарда &nbsp;Тұрар Біләлов басқаратын аудандық «Колхозқұрылыс» мекемесіне жұмысқа инженер-нормировщик &nbsp;болып орналасып, алғашқы еңбек жолын бастайды. Жас маман құрылыс саласында ұзақ жыл еңбек етті. Оның қатысуымен қазіргі Дүр Оңғар, ІІІ Интернационал және басқа да елді мекендерде заман талабына сай әлеуметтік нысандар, оның ішінде ауылдық клуб, &nbsp;мал шаруашылығын өркендетуге арналған &nbsp;мал фермалары, тұрғындар &nbsp;үшін &nbsp;заманауи үлгідегі үйлер &nbsp;бой көтеріп, ел игілігіне пайдалануға берілді. &nbsp;Бірақ 1988 &nbsp;жылы білікті инженер еңбек ететін құрылыс &nbsp;мекемесі аудандағы сол кездергі Қаршыға Есдәулетов басқаратын «ПМК-2» агроөнеркәсіпқұрылыс мекемесімен біріккен соң &nbsp;майталман маман Қаршыға ағамыз шебер маманның тәжірибесіне қанығып, оны бірнеше қызметке тағайындады.&nbsp;Ал, ол болса басшылық тапсырған міндеттерді абыроймен атқарып, жауапкершілігімен, еңбеккештігімен, тиянақтылығымен басшылық пен ұжым алдында &nbsp;абыройға бөленеді. Тіпті, бірнеше рет мадақтамалармен марапатталды. «Мені ауданда құрылыс мамандығы бойынша жоғары тұңғыш инженер деп атайды. Ол дұрыс шығар. Байқап қарасақ расында да &nbsp;қыздар арасында &nbsp;мен ауданда алғашқы болып инженер-құрылысшы мамандығын алған екенмін. Бұл мен үшін мақтаныш. Осы мамандықты өзімнің өміріме серік еткелі бері ауданда құрылыс саласында үзіксіз еңбек еттім. Алдымен Тұрар Біләлов, содан кейін Қаршыға Есдәулетов сынды білімді басшылардың қарамағында ауданда көптеген құрылыс нысандарын, оның ішінде заман талабына сай клуб, мектеп, тұрғын үйлер салуға атсалыстым. Құрылыс саласының майталманы Виктор Мур мен Шәмші Сейтәлиевтер менің осы саладағы алғашқы ұстазым болды. Олардан үйренгенім көп. Содан кейін Әбіраман, Яхия, Қәдір, Шәмші, Сансызбай, Ибрагим, Жылқыбай сынды атпал азаматтардан тәлім алды. &nbsp;Аудан мақтаныштары, сылақшылар бригадасының бригадирі Ақкүріш Алтаева, тас қалаушылар бригадирі Телеу Ізжанов сынды ардақты жандардың арқасында ел құрметтілерінің қатарына қосылдық. Шәмші Сейталиевтей атпал азаматты ұстаз тұттым. Света Жалмаханова, Жұпар Әбсаттарова, &nbsp;Әбдібек Байбарақов, Әріпхан Досмұратов, Талжан Мазанова, Мая Қатарбаевалармен бірге қиыншылығы мен қызықшылығы қатар жүретін &nbsp;құрылыстың қыр-сырын бірге меңгердік. Бірақ, 1994 жылы &nbsp;еліміздегі тоқырауға байланысты мекемеміз де жабылып, біздер жаппай жұмыстан қысқардық. &nbsp;Десе де, бүгінгі күні сол бір жылдарда ауданның құрылыс саласына үлкен еңбек сіңірген &nbsp;адамдар жүрегінде &nbsp;өзіндік орын толмас мекеме болып қалғанымен, &nbsp;ұжымдастар бір-бірімізбен кездесіп, қуанышымызды бірге тойлап жүрген жайымыз бар. Бұл үрдіске айналған», – дейді құрыш қолды құрылысшы апай.Осындай өнегемен өмір жолын өрнектеген &nbsp;құрметті құрылысшы Наушарбант Нұрханқызы жұбайы, ұлағатты ұстаз &nbsp;Есет Олжабекұлымен ұл-қыз тәрбиелеп, бүгінде солардан тараған немерелерінің аяулы әжесі атанып отырған жайы бар. &nbsp;Ұлдарының бірі – Руслан анасының жолын қуып, «Азия-Вент» құрылыс компаниясының директоры. Ол да анасы сияқты елімізде құрылыс саласының өркендеуіне елеулі еңбек сіңіріп отырған құрылысшы.&nbsp;Құрылысшы – мәртебелі мамандық. Қоғамның айнымас бөлшегі, экономиканың негізгі тірегі де осы мамандық иелері. Бұл кәсіп иелерінің қоғамға қосар үлесі көп. Әрине, солардың қатарында біздің кейіпкеріміз, ауданымыздан шыққан тұңғыш инженер-құрылысшы Наушарбант Нұрханқызының бар екені біз үшін үлкен мақтаныш.

Қазақстан және Қызылорда облысының жаңалықтары