<a href="https://kyzylorda-news.kz/">Kyzylorda-news.kz.</a> Елімізде суға түсу маусымы ресми түрде үш айға созылады – 1 маусымнан 31 тамызға дейін, деп хабарлайды <a href="https://www.inform.kz/kz/kazakstanda-shomylu-mausymy-ayaktaldy_a4108549">ҚазАқпарат</a>.Төтенше жағдайлар министрлігінің мәліметінше, жаз мезгілінде ведомствоның құтқарушылары судан 136 адамды құтқарды, оның 51-і – балалар. 177 адам суға батып кетті, оның ішінде 53-і – кәмелетке толмағандар. Өткен 2022 жылғы шомылу маусымында су айдындарында 184 адам көз жұмса, (-4%), соның ішінде 62-сі – кәмелетке толмағандар (-15%).<blockquote>«Суға батқандардың 98 пайызы жабдықталмаған жағажайларда шомылған. Судағы өлімнің негізгі себептері – өз күштерін асыра бағалау, мас күйде шомылу, жүзе алмау. Ал балалардың суға кетуінің басты себебі – ересектердің оларды қараусыз қалдыруы», - дейді ТЖМ ресми өкілі Жанна Дәуренбекова.</blockquote>Айта кетейік, жалпы республика бойынша шомылуға рұқсат етілген 612 орын бар. 4285 орын суға түсуге қауіпті деп танылып, демалысқа тыйым салынған орындар тізіміне енгізілген.Тыйым салынған және рұқсат етілген шомылу аймақтары туралы деректер 2GIS платформасында орналастырылған.

Елімізде шомылу маусымы аяқталды

<a href="https://kyzylorda-news.kz/">Kyzylorda-news.kz.</a> Қызылорда қаласындағы көлік ағымы көп Сұлтан Бейбарыс көшесінің Назарбаев даңғылынан «Қызылорда-Құмкөл» трассасына дейінгі бөлігін қайта жаңғырту, кеңейту, абаттандыру жұмыстары жүргізілді. Тұрғындардың ұсынысына сәйкес көше көркін бұзатын жерүсті жылу құбырлары жер астына салынды.&nbsp;Айта кетейік, бүгінде облыс көлемінде жақсы жағдайдағы жолдар үлесі 82 пайызды құраса, жыл қорытындысымен бұл көрсеткіш 87,5 пайызға жеткізіледі. Ол үшін республикалық және облыстық бюджеттен 36 млрд. теңге бөлініп, ұзындығы 569 шақырым автомобиль жолы жөндеуден өткізіледі.Қала жолдарын жақсарту үшін 12 млрд. 473 млн. теңге бөлініп, 320 көшеге қайта жаңғырту, орташа жөндеу жұмыстары жүргізілуде.Бүгінде көлік көп жүретін Н.Назарбаев пен Астана даңғылы жөнделуде. Сұлтан Бейбарыс көшесінің 4,2 шақырымы 4 жолақты жолға, 1 шақырымы 6 жолақты жолға ауыстырылды. Көлік кептелісін болдырмау, жол қауіпсіздігінің алдын алу үшін көшелер кеңейтілді. Алдағы уақытта Яссауи көшесі 4 жолақты жолға ауыстырылады.

Құбырлар орны ауыстырылды

<a href="https://kyzylorda-news.kz/">Kyzylorda-news.kz.</a> Еліміздің басым бөлігінде атмосфералық фронтальды бөлімдердің өтуімен ауа райының тұрақсыз сипаты сақталады, жаңбыр жауады, Қазақстанның шығысында күндіз қатты жаңбыр жауады, деп хабарлайды Қазгидромет.Елдің солтүстік-батысында, оңтүстігінде, оңтүстік-шығысында және орталығында негізінен жауын-шашынсыз ауа райы күтіледі. Республика бойынша найзағай, екпінді жел тұрып, республиканың солтүстігінде, таулы аудандардың оңтүстік-шығысында бұршақ жауады. ҚР солтүстік-батыста, солтүстікте, орталығында тұман түседі.Жамбыл облысында, Қызылорда облысының шығысында, оңтүстігінде, орталығында, Атырау облысының солтүстік-батысында, оңтүстігінде, Ақтөбе облысының батысында, Батыс Қазақстан облысының оңтүстік-батысында, солтүстік-батысында, солтүстігінде, шығысында төтенше өрт қаупі сақталады.Батыс Қазақстан облысының орталығында, оңтүстігінде, Қарағанды облысының оңтүстігінде, Ұлытау облысында, Маңғыстау облысының солтүстік-батысында, оңтүстігінде жоғары өрт қаупі бар.

6 қыркүйекке арналған ауа райы болжамы

Kyzylorda-news.kz. Қымбатты қала тұрғындары мен қонақтары, ағымдағы жылғы 5-7 қыркүйек аралығында «Қорғау-2023» республикалық штабтық жаттығуы өтуде, оның шеңберінде 6 қыркүйекте алдын ала болжам бойынша 09 caғат 00 минутта теле-радио арналарды қамти отырып, электродабылдарын қосу арқылы Қызылорда қаласының құлақтандыру жүйелерін тексеруін жүргізеді.Естеріңізге сала кетсек, тетенше жағдай орын алған кезде халықтың назарын аудару үшін электродабылдар немесе басқа да дабыл құралдары қосылады, ол «Баршаңыздың назарына!» бірінғай құлақтандыру дабылын білдіреді. Бұл дабылды естіген кезде тұрғындар орын алған жағдайда әрекет ету туралы нұсқаулар мен ақпарат алу үшін міндетті түрде қолжетімді ақпарат қабылдау құралдарын (теледидарлар, радиолар және т.б.) қосулары керек. Қымбатты қала тургындары мен қонақтары, Қызылорда облысының Төтенше жағдайлар департаменті қала турғындарын сабырлық, сақтауға, үрейленбеуге шақырады.

«Қорғау-2023» республикалық штабтық жаттығуы өтуде

<a href="https://kyzylorda-news.kz/">Kyzylorda-news.kz.</a> Бұл мереке ұлт ұстазы Ахмет Байтұрсынұлының туған күніне орай қойылған. Тілдер мерекесі қарсаңында аймақта бірнеше іс-шара ұйымдастырылады. Осы жөнінде Өңірлік коммуникациялар қызметінің баспасөз алаңында қоғамдық даму басқармасының басшысы Алмасбек Есмаханов тарқатты.<blockquote>«Мемлекет басшысы Қасым-Жомарт Тоқаев «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауында: «Қазақ тілі, шын мәнінде, білім мен ғылымның, мәдениет пен іс жүргізудің тіліне айналуда. Ата заң бойынша Қазақстанда бір ғана мемлекеттік тіл бар. Бұл – қазақ тілі. Болашағын Отанымызбен байланыстыратын әрбір азамат қазақ тілін үйренуге ден қоюға тиіс» деп атап өткен болатын. Тілдер мерекесі – Қазақстанда тұратын барлық этнос өкілдерінің ана тіліне құрмет көрсететін ортақ мейрам. Осыған сәйкес, Қазақстан халқы тілдерінің күні мерекесінің негізгі шараларын 4-9 қыркүйек аралығында атап өтудің апталығын жариялаймыз», - деді Алмасбек Әбілқасымұлы.</blockquote>Апталықтың алғашқы күнінде Қызылорда қаласындағы «Сыр бөбегі» және «Сыр жұлдызы» атты балабақшаларда «Тілді сүю – талбесіктен» атты акциясын бастау алды. Әрі қарай «Шешеннің тілі – шебердің бізі» атты облыстық полиглоттар байқауымен жалғасты. Бұған қоса, қалада «Тіл – татулық тірегі» атты облыстық фестиваль, мектеп және колледж оқушыларының арасында «Өзге тілдің бәрін біл, өз тіліңді құрметте!» тақырыбында пікірсайыс, «Туған тілде сыры терең жаным бар» лирикалық поэзиялық концерт, «Рухани болмысты жаңғырту – ұрпақ ұлағаты» атты облыстық ділмар шешендер байқауы, «Ана тілім ардақ тұтар айбыным» атты жыр кеші, «Мың бала» республикалық мәдени-ағарту жобасы аясында жалпықазақстандық диктант, этнос жастары арасында «Жүзден жүйрік, мыңнан тұлпар» интеллектуалдық сайысы өтеді. Сонымен қатар, мерейлі мерекеде тіл жанашырлары назардан тыс қалмайды. Олардың еңбегі еленіп, әртүрлі іс-шараларда марапат мінберінен көрінеді. Қаладан бөлек, аудан арасында да біршама байқау мен жыр кештерін өткізу жоспарлануда.

Тілдер мерекесіне орай бірнеше іс-шаралар ұйымдастырылады

<a href="https://kyzylorda-news.kz/">Kyzylorda-news.kz.</a> Оқу-ағарту министрі Ғани Бейсембаев педагогтерді аттестаттау жүйесінің жеңілдетілгенін айтты.<blockquote>«Педагог мәртебесін көтеруде біз ұстаздарға деген көзқарасты өзгертуіміз керек. Елімізде 350 мыңнан аса мұғалім бар. Олар балаларымыздың білім-біліктілігін арттыруда, жас жеткіншектерімізді тұлға етуде үлкен қызмет жасап жатыр. Сондықтан да мұғалімнің жұмысы шығармашылық жұмыс болуы керек. Ол ешнәрсеге алаңдамауға тиіс. Осы мәселені зерттей, зерделей келе, әріптестермен ақылдаса келе бұған дейін портфолио жинайтын болса, оны алып тастауды шештік. Өйткені ол қағазбастылыққа, мұғалімнің негізгі жұмысынан алаңдатуға алып келетіні дәлелденді», - деді ол.&nbsp;</blockquote>Ғани Бейсембаевтың айтуынша, қажетсіз тесттер алынып тастауы керек.&nbsp;<blockquote>«Екіншіден қажетсіз тестулеудің көп екені айтылды. Оны да зерделедік. Сондықтан да педагогика-психологияға қатысты тестерді алып тастап, тек мұғалімнің өз пәніне қатысты тесті қалдырдық. Негізгі ұстаным - мұғалімнің жетістігі - оқушының жетістігімен бағалануы керек. Яғни мұғалім неғұрлым оқушыны жетістікке жеткізіп, білімін ұштап жатса, соғұрлым ондай мұғалдімдерді іздеп тауып, көтермелеуіміз, қолдауымыз керек», - деді оқу-ағарту министрі Ғани Бейсембаев.</blockquote><a href="https://massaget.kz/basty-zhaalytar-438/90061/">massaget.kz</a>

Ғани Бейсенбаев педагогтерге қатысты жаңа өзгеріс туралы айтты

<a href="https://kyzylorda-news.kz/">Kyzylorda-news.kz.</a> Мемлекет басшысы «Батыл тойтарыс-2023» стратегиялық командалық-штабтық әскери оқу-жаттығу жиынына барды, деп хабарлайды Ақорданың баспасөз қызметі.Президент – Қарулы Күштердің Жоғарғы Бас қолбасшысы Қасым-Жомарт Тоқаевтың басшылығымен «Жағалау» оқу-жаттығу полигонында «Батыл тойтарыс-2023» стратегиялық командалық-штабтық әскери оқу-жаттығу жиыны өтті.Әскери әдіс-тәсілдер көрсетер алдында Мемлекет басшысына генерал-майорлар Болат Жорабаев пен Алмаз Жұмакеев қорғаныс операциясы кезіндегі Арнаулы операциялар күштері мен Десанттық-шабуылдау әскерлерінің әрекеті жөнінде баяндады.Десанттық-шабуылдау әскерлерінің бригадалық-тактикалық топтары авиацияның қолдауымен, сондай-ақ Құрлық әскерлері және Арнаулы операциялар күштерінің бөлімшелерімен бірлесе отырып, судан өту арқылы қарсы жағалаудағы жау шебін басып алу үшін тактикалық іс-қимыл жүргізді.Ал Арнаулы операциялар күштері мен Ұлттық ұлан бөлімшелері шартты жау қолына өткен Қапшағай ГЭС-ін азат етті. Төтенше жағдайлар министрлігінің бөлімшелері техногендік апат салдарын жоюмен айналысып, халыққа гуманитарлық көмек көрсету міндетін атқарды.Қарулы Күштердің Бас штабы әзірлеген бірыңғай жоспар мен мақсатқа сәйкес әскерлер оқу-жаттығу жиыны өтетін аудандарға стратегиялық тұрғыда қайта топтастырылды.Атап айтқанда, Әскери-теңіз күштері авиацияның және Арнаулы операциялар күштерінің қолдауымен Каспий теңізі акваториясындағы экономикалық қызмет нысандарының қауіпсіздігін қамтамасыз етті. Алматы, Қарағанды, Солтүстік Қазақстан және Абай облыстарындағы полигондарда да &nbsp; осындай оқу-жауынгерлік міндеттер орындалды.Жауынгерлік әдіс-тәсілдер көрсетілімі аяқталғаннан кейін Жоғарғы Бас қолбасшы әскери қызметшілер алдында сөз сөйледі. Мемлекет басшысы оқу-жаттығу жиынына жұмылдырылған бөлімшелердің дайындық деңгейіне оң баға берді.Сонымен қатар Президент бұл оқу-жаттығу жиындары күрделі геосаяси кезеңде өткізіліп отырғанына назар аударды.<blockquote>«Бүгінде әлемдік қорғаныс жүйесінде ауқымды өзгерістер болып жатыр. Қазіргі ұрыстардың әдіс-тәсілдері де басқа, әсіресе, гибридтік соғыс түрлері кең таралуда. Шабуылдар әскери ғана емес, ақпараттық, психологиялық, саяси, экономикалық және басқа да сипат алуы мүмкін. Сондықтан Қазақстан армиясы кез келген сын-қатерге дайын болуы қажет. Бұл – заманауи әрі кәсіби әскерге қойылатын басты талап. Біздің бір ғана Отанымыз бар. Ол – Қазақстан. Елімізді, жерімізді, азаматтарымыздың қауіпсіздігін қамтамасыз ету, оларды қорғау – баршамызға ортақ қасиетті парыз» – деді Қасым-Жомарт Тоқаев.</blockquote>Президенттің пікірінше, біздің әскеріміз кәсіби деңгейі жоғары, ұтқыр және ең күрделі жауынгерлік тапсырмаларды орындауға дайын болуы қажет.<blockquote>«Ол үшін әскерді жоғары технологиялық қару-жарақпен және сапалы әскери техникамен жарақтандыру, оқ-дәрілермен толықтай қамтамасыз ету айрықша маңызды. Жақында жариялаған Жолдауымда мен жергілікті өнім үлесі жоғары өндіріс циклін құруды тапсырдым. Бронды техника, ұшқышсыз басқарылатын ұшу аппараттары, заманауи атыс қарулары – мұның бәрін біз өзімізде шығара аламыз. Жалпы, қорғаныс-өнеркәсіп кешені әскеріміздің жауынгерлік қабілетіне сенімді тірек болуы қажет», – деді Мемлекет басшысы.</blockquote>Қасым-Жомарт Тоқаев офицерлер мен жеке құрамның жауынгерлік машығы мен моральдық рухының жоғары болуы Қарулы Күштер тиімділігінің басты факторы екенін айтты.<blockquote>«Әскери даярлыққа және командирлердің кәсібилігіне жоғары талап қойылады. Сондықтан қазіргі заманғы ұрыс жағдайында бөлімшелер негізгі күштен бөлек, дербес әрекет етуге дайын болуы қажет. Командирлер мен бастықтар батыл шешім қабылдап немесе орынды бастама көтеріп, берілген тапсырманы орындау үшін тың тәсіл қолдануы керек. Олар батылдығымен, төзімділігімен және антқа беріктігімен көпке үлгі болуы қажет. Әскердің күші – тәртіпте! Бұл ретте командирлердің атқаратын рөлі ерекше. Қарулы Күштердегі дайындықтың жоғары деңгейін, өзара үйлесімділікті және қатаң тәртіпті сақтау қажет. Әрбір сарбаз өзіне сеніп тапсырылған қару мен техниканы жетік меңгеріп, оларды ұрыста шебер қолданып, жедел шешім қабылдап, батылдық танытуы керек», – деп сөзін түйіндеді Президент.</blockquote>Мемлекет басшысы Арнаулы операциялар күштерінің қолбасшылығына Жауынгерлік туды салтанатты түрде табыс етті.«Батыл тойтарыс-2023» оқу-жаттығу жиыны барысында мемлекеттік және әскери басқару органдарының қорғаныс операциясын орындауға дайындығы тексерілді. Әскер барлық деңгейдегі штабтарда қабылданған шешімдерді толық жүзеге асырды. Оқу-жаттығу жиынына барлығы 8 мың әскери қызметші жұмылдырылып, 600 әскери техника мен қару-жарақ пайдаланылды. &nbsp;<img src="https://knadmin.beoblood.kz/uploads/asker5_f21ecd858f.jpg" alt="аскер5.jpg"><img src="https://knadmin.beoblood.kz/uploads/asker6_394f34b809.jpg" alt="аскер6.jpg"><img src="https://knadmin.beoblood.kz/uploads/asker7_e7762bcc56.jpg" alt="аскер7.jpg"><img src="https://knadmin.beoblood.kz/uploads/asker8_c6beee8af4.jpg" alt="аскер8.jpg"><img src="https://knadmin.beoblood.kz/uploads/asker9_f94c9fae7c.jpg" alt="аскер9.jpg"><img src="https://knadmin.beoblood.kz/uploads/asker0_b87b1bec14.jpg" alt="аскер0.jpg"><img src="https://knadmin.beoblood.kz/uploads/asker1_ffd44f5c3d.jpg" alt="аскер1.jpg"><img src="https://knadmin.beoblood.kz/uploads/asker2_06d21b0ac7.jpg" alt="аскер2.jpg"><img src="https://knadmin.beoblood.kz/uploads/asker3_e0992b1d48.jpg" alt="аскер3.jpg"><img src="https://knadmin.beoblood.kz/uploads/asker4_f828cb69b1.jpg" alt="аскер4.jpg"><img src="https://knadmin.beoblood.kz/uploads/asker10_4d2f62abd1.jpg" alt="аскер10.jpg"><img src="https://knadmin.beoblood.kz/uploads/asker11_b101dc488d.jpg" alt="аскер11.jpg"><img src="https://knadmin.beoblood.kz/uploads/asker12_c400c9b64e.jpg" alt="аскер12.jpg"><img src="https://knadmin.beoblood.kz/uploads/asker13_2bf1b2c535.jpg" alt="аскер13.jpg"><img src="https://knadmin.beoblood.kz/uploads/asker14_cda7bf1cb5.jpg" alt="аскер14.jpg"><img src="https://knadmin.beoblood.kz/uploads/asker15_62946f2a8f.jpg" alt="аскер15.jpg"><img src="https://knadmin.beoblood.kz/uploads/asker16_9a5ed85e53.jpg" alt="аскер16.jpg"><img src="https://knadmin.beoblood.kz/uploads/asker17_1aaa59ec24.jpg" alt="аскер17.jpg"><img src="https://knadmin.beoblood.kz/uploads/asker18_f4a9c07989.jpg" alt="аскер18.jpg">

Қасым-Жомарт Тоқаев: Қазақстан армиясы кез келген сын-қатерге дайын болуы қажет (ФОТО)

<a href="https://kyzylorda-news.kz/">Kyzylorda-news.kz.</a> Сыр өңірінде егін жинау науқаны басталып, күрішке орақ түсті. Облыс әкімі Нұрлыбек Нәлібаев &nbsp;Шиелі ауданы Тұран ауылдық округіндегі «Төңкеріс және К» шаруа қожалығына барып, жиын-терім жұмыстарының басталу рәсіміне қатысты.Аймақ басшысы диқандарға қамба қызылға толып, ырыс-несібе молынан болуына тілектестік білдірді.<blockquote>«Биыл облыс бойынша &nbsp;193,4 мың гектарға егiс егілді. Оның ішінде дәндi дақылдар 99,9 мың гектар, майлы дақылдар 4,5 мың гектар, мал азықтық дақылдар 69,2 мың гектар, қант қызылшасы 5 гектар, картоп, көкөнiс, бақша дақылдары 19,8 мың гектар. Негізгі дақыл – күрiш 89 мың гектарға себілген. Жалпы егіс көлемі өткен жылмен салыстырғанда 4,8 мың гектарға артық. Ендігі міндет – өнімді ысырапсыз жинап, қамбаға құю», – деді Нұрлыбек Машбекұлы.</blockquote>Айта кетейік, «Төңкеріс және К» шаруа қожалығы биыл 1050 гектар күріш еккен. Қожалықта 120 жұмысшы еңбек етеді. Қазір 50-55 центнерден өнім алынуда.Бүгінгі таңда ерте егілген дәнді дақылдар толығымен жиналды. Оның ішінде, 4,3 мың гектар күздік бидайдан 7 мың тонна өнім алынды. Ал 4,4 мың гектар жаздық бидайдан 3,2 мың тонна, 365 гектар жаздық арпадан 209 тонна, &nbsp;сұлыдан 7 тонна өнім жиналды.Биыл ауыл шаруашылығы тауарөндірушілерінің қолындағы 4239 техника (1816 трактор, 842 комбайн, 453 жатка, 333 автомашина және 795 трактор тіркемесі) &nbsp;күзгі &nbsp;дала жұмыстарына қатысады. Ауыл шаруашылығы құрылымдары «ҚазАгроҚаржы» АҚ арқылы &nbsp;1,4 млрд. теңгеге 49 &nbsp;техника сатып алды. Егін жинауға 9,1 мың тонна арзандатылған дизель отыны бөлінген.<img src="https://knadmin.beoblood.kz/uploads/375678441_604583718529543_2440690155615976026_n_0eba28c740.jpg" alt="375678441_604583718529543_2440690155615976026_n.jpg"><img src="https://knadmin.beoblood.kz/uploads/375742638_604583901862858_1435496303262953912_n_ad14871e0a.jpg" alt="375742638_604583901862858_1435496303262953912_n.jpg"><img src="https://knadmin.beoblood.kz/uploads/375749760_604583771862871_5182320167960643503_n_4af991369a.jpg" alt="375749760_604583771862871_5182320167960643503_n.jpg"><img src="https://knadmin.beoblood.kz/uploads/375763924_604583715196210_7232508267683069886_n_d39cd4a4fa.jpg" alt="375763924_604583715196210_7232508267683069886_n.jpg"><img src="https://knadmin.beoblood.kz/uploads/375748817_604584001862848_532785099594029853_n_f22f471dc2.jpg" alt="375748817_604584001862848_532785099594029853_n.jpg">

Шиелі ауданында күрішке орақ түсті

<a href="https://kyzylorda-news.kz/">Kyzylorda-news.kz.</a> 5 қыркүйек – Қазақстан халқы тілдерінің күні мерекесіне және ұлт ұстазы Ахмет Байтұрсынұлының туған күніне орай Қызылорда қаласындағы Достық үйінде «Тіл – татулық тірегі» атты фестиваль өтті.Дәстүрлі сипатқа ие болған бұл фестиваль мемлекеттік тілдің қолдану аясын кеңейту, қазақстандық рухани бірлікті қалыптастыру, байтақ елімізде мекен етіп жатқан түрлі этностардың тілдеріне деген құрметті нығайтуды мақсат етеді.Мерекелік фестивальде Қызылорда облысы әкімі аппаратының басшысы Шахмардан Байманов сөз сөйлеп, барша жиылған қауымды айтулы мерекемен құттықтай отырып, бұл күннің маңыздылығын атап өтті.Өңірдегі тіл саясатын жүргізуге сүбелі үлестерін қосып жүрген бірқатар түрлі сала мамандарын марапаттады. Соның ішінде Қазақстан Республикасы Ғылым және жоғары білім министрлігінің Алғыс хатымен облыстық Қазақстан халқы ассамблеясы жанындағы «Ассамблея жастар» ұйымының белсендісі, Славяне этномәдени бірлестігінің мүшесі Мясцов Никита Николаевич пен «Абай қазынасына саяхат» және «Мәміле» клубының жетекшісі Пак Елена Владимировна марапатталды. &nbsp;Ал «Үздік этномәдени бірлестік» номинациясын &nbsp;облыстық Корей этномәдени бірлестігі иеленді.

Қызылордада тіл жанашырлары марапатталды

<a href="https://kyzylorda-news.kz/">Kyzylorda-news.kz.</a> Қызылордалық полицейлер канал жағасына егілген екі есірткі алқабын анықтады, деп хабарлайды Polisia.kz.31 тамыз күні «Қарасора – 2023» жедел-профилактикалық іс-шарасы барысында Қызылорда облысының ПД есірткі қылмысына қарсы іс-қимыл басқармасының қызметкерлері Сырдария ауданы, А.Тоқмағанбетов ауылына қарасты Елтай каналының жағасында екі есірткі алқабын анықтады.Бірінші алқаптан 33 жастағы Түркістан қаласының тұрғыны 106 түп сора өсімдігіне ұқсас өсімдікті егіп баптағаны үшін ұсталды.Екінші алқапта 35 түп сора өсімдігіне ұқсас өсімдік еккен 53 жастағы сол ауданның тұрғыны құрықталды.Бұдан бөлек бұл алқапта 16 калибрлі аңшы мылтығы анықталды.

Қызылордада екі есірткі алқабы анықталды

<a href="https://kyzylorda-news.kz/">Kyzylorda-news.kz.</a> Біздің тәуелсіз ел атанып, бейбіт аспан астында халықтар достығын ту етіп, татулық, ынтымақтық, ауызбіршілік аясында өмір сүріп келе жатқанымызға ширек ғасырдан астам уақыт болды. Осы жылдар ішінде Қазақстанды бүкіл әлем таныды, мойындады. Қазақстанды өркениетті елдердің қатарына қосу еш уақытта күн тәртібінен түскен емес.Президенттің кезекті жолдауында экономикалық, өндірістік және ауыл шаруашылық аспектілеріне ден қоюы еліміздің болашағы үшін, алдыңғы елдер қатарына қосу үшін, барлық азаматтардың бірегейлік пен бірлікте өмір сүру үшін, оған қалай қол жеткізуге болатындығы жайлы мәселелерді саралауынан туындап отыр деп ойлаймын.Соңғы жылдарда болып жатқан саяси және әлеуметтік өзгерістерге халық бейжай қарамайтындығын көрсетті. Мұның өзі &nbsp;- демократиялық даму жолындағы жақсы қадам. Билік пен халық арасында сабақтастық орнаса ғана қоғамда жағымды оң өзгерістер болатыны хақ.Нұрмұрат ЕРМАНОВ, Облыстық ҚХА-ның Ақсақалдар кеңесінің төрағасы, қоғам қайраткері.

Демократиялық даму жолындағы жақсы қадам

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрлігі Медициналық көмекті ұйымдастыру департаментінің директоры Азамат Дүйсенов онокологияға шалдыққан науқастарды емдеуге жыл сайын қанша қаражат бөлінетінін мәлім етті, деп хабарлайды <a href="https://www.inform.kz/kz/onkologiyalyk-naukastardy-emdeuge-kansha-karazhat-bolinedi_a4108204">ҚазАқпарат</a>.<blockquote>«Қазақстанда онкологияға шалдыққан науқастар тегін медициналық көмектің кепілдік берілген көлемі шеңберінде ем алады. Оған жыл сайын шамамен 36 млрд теңге қаражат бөлінеді», - деп жауап берген Азамат Дүйсенов.</blockquote>Сонымен қатар қатерлі ісікке шалдыққандарды емдеу жағдайын жақсарту мақсатында Онкологиялық аурулармен күрес жөніндегі 2023-2027 жылдарға арналған кешенді жоспардың жобасы әзірленген.Мәлім болғандай, алдағы 4 жылда мына бағыттарды дамыту көзделген:- халыққа онкологиялық көмек көрсету мәселелері бойынша нормативтік-құқықтық актілерді жетілдіру;- инфрақұрылымды жетілдіру;- ел халқына онкологиялық көмек көрсету сапасын арттыру;- кадрлық әлеуетті дамыту;- онкологиялық көмекті цифрландыру;- онкологиялық ғылымды дамыту.Қоса кетсек, Қазақстанда онкологиямен ауыратын 210 мыңнан астам адам есепте тұр. Оның ішінде 2021 жылдан бастап 12 848 науқасқа ота жасалған.

Қазақстан және Қызылорда облысының жаңалықтары