<a href="https://kyzylorda-news.kz/">Kyzylorda-news.kz.</a>&nbsp;Атадан балаға мирас болып келе жатқан ұлы өнерімізді ұлтымыз қашан да ұлықтаған. Өйткені, қолөнер ешқашан өшпейтін өлшеусіз өнер. Бүгінде ағаштан түрлі бұйым жасауды жаңғыртып, қазақтың осы бір өнерін дамытып, бабалардың өнегелі жолын жалғаған қолөнер шеберлері Шиеліде де жетерлік. Сол ерекше бір қасиетті өнерді жанына серік еткен қос ағайынды Біржан Ділманов пен Орынбасар Әлиевтің қолөнер туындылары сұранысқа ие.Кейіпкеріміз Біржан Ділманов Шиелі ауданындағы Ақтоған ауылының тұрғыны. Ол жастайынан ұлттық музыкалық аспаптарға, олардың тарихы мен өндірісіне қызығушылық танытты. Мектеп қабырғасынан бастап, әсіресе, жазғы демалыс кезінде музыкалық аспаптар жасау шеберханасында тәжірибе жинақтады. Алматы қаласында жүріп, арнайы музыкалық аспаптар жасау шеберханасында шыңдалды. Содан ол «Даму» мемлекеттік қорынан 6 процентке жеңілдетірілген несие алады. Көп ойланбастан жеке хоббиін кәсіпке айналдыру мақсатында Қызылорда қаласынан «Жетіген» саз аспаптар жасайтын шеберханасын ашады.<blockquote>«Мемлекеттік қолдаудың арқасында мен хоббиімді табысты іске асырдым. Өзімнің де музыкалық аспаптар жасауға деген қызғушылығым бар еді. Көмек сұрап, «Даму» мемлекеттік қорына жүгіндім. Көп ұзамай осы қолдау қоры бойынша 2,5 млн теңге қаржы алдым. Қаражатқа қажетті құрал-жабдықтар сатып алып, жұмыс жасаудамын. Өндірісте отандық және шетелдік материалдарды пайдаланамыз. Мысалы, жаңғақ ағашын, шырша, үйеңкі, қызыл ағашты, африкалық тропикалық ағаштарды қолданамыз. Өйткені, біз үшін сапалы бұйым әзірлеу өте маңызды. Музыкалық аспаптардың басым бөлігі ұлттық нақышты сақтай отырып, ерекше этно-стильде дайындалады», - деді жас кәсіпкер.&nbsp;</blockquote>Шеберханада Б.Базарбекұлы аспаптардың бірнеше түрін дайындайды. Олардың арасында домбыра, прима домбыра, қобыз сияқты аспаптарға деген сұраныс жоғары. Сондай-ақ жетіген, дауылпаз, сыбызғы, шертер, басқа да ұлттық аспаптар ерекше танымал екенін сөз етті.Ал, Орынбасар Әлиев қыз-келіншектердің талғамын дөп басатын кәнігі шебер. Өйткені ағашты ойып, тұрмыстық жиһаздар жасау оның бүгінгі кәсібі. Ас үй, қонақ бөлме жиһаздарынан бастап қажетіңізді айтсаңыз ерекше үлгіде әзірлеп бере қояды. Қос қолынан өнер тамған ағаш ұстасы жеке кәсіп ашып, кәсіпкерлікті қолға алғалы да 3 жылдан астам уақыт өткен. Бүгінде Қызылорда қаласынан «Mebelingz» жиһаз жасау шеберханасын ашты.<blockquote>«Әр саланың қызығы мен қиындығы қатар жүреді. Сол секілді жиһаз жасаудың да өзіндік қыр-сыры бар. Біршама жылдан бері осы кәсіпті дамытуға бар күшімді салып келемін. Жасаған жиһаздарымды тұтынушылар мақтап жатады», – дейді ол.&nbsp;</blockquote>Иә, қазір қолынан іс келетін адамға кәсіп көп. Тек ізденіп, ерінбей еңбек етсе болғаны.

Біржан Ділманов: Қор бойынша 2,5 млн теңге қаржы алдым

<a href="https://kyzylorda-news.kz/">Kyzylorda-news.kz.</a> Бүгін Қызылорда қалалық пробация есебіндегі жастар арасында шағын футболдан жарыс өтті. Бұл туралы Қызылорда облысы бойынша Қылмыстық атқару-жүйесі департаментінің баспасөз қызметі хабарлады.Облыстық жастар ресустық орталығы мен пробация қызметі ұйымдастырған жарысқа пробация есебіндегі жастардан 3 команда құрылып, жарыс көркін қыздырды.&nbsp;«Ақсуат», «Достар», «Асылан» секілді командалар қатысқан жарыстың ашылуында облыстық жастар ресустық орталығы басшысының орынбасары &nbsp;Сисенбиев Ерлан Мырзалыұлы командаларға сәттілік тілеп, алдағы уақытта өткізілетін спорттық шараларға қатысуға шақырды.&nbsp;Қызу да, тартысты өткен доп додасында командалар, бар шеберліктерін салды. Спорттық шараның әділ өтуіне &nbsp;қалалық спорт бөлімінің нұсқаушылары Ж.Жолаханов, Д.Өтегенов қазылық етті.Жарыс қорытындысы бойынша «Асылан» командасы жүлделі ІІІ орынға тұрақтады, ал, «Ақсуат» командасы ІІ орынды еншіледі. Алдына қара салмаған «Достар» құрамасы болса қарсыластарын қапы қалдырып, жарыс жеңімпазы атанды.Сайыстың іріктеу кезеңінің жеңімпазы атанған «Достар» командасы облыстық кезеңге жолдама алды. Облыстық кезеңде барлық аудан, қалалық іріктеуден өткен командалар жеңіс кубогы мен қаржылай сыйлыққа таласқа түсетін &nbsp;болады.

 Қызылорда: Кіші турнирдің іріктеу кезеңі басталды 

<a href="https://kyzylorda-news.kz/">Kyzylorda-news.kz.</a> Қызылорда облыстық ішкі саясат басқармасының дін мәселелерін зерттеу орталығының және облыстық ішкі істер департаментінің ұйымдастыруымен Қазалыда «Қызылорда облысының тұрғындары арасында дәстүрлі емес діни ағымдардың алдын алу» тақырыбында кездесу өткізілді.Қазалы қаласы мен Әйтеке би кентінің мәдениет үйінде болған жиынға облыстық «Сыр дидары» газетінің редакторы, дәстүртанушы, облыстық АТТ мүшесі Сәкен Алдашбаев қатысып, түсіндірме жұмыстарын жүргізді.&nbsp; Дінтанушы жалпы еліміз көп ұлттың отаны бола білген зайырлы мемлекет болғандықтан діни ахуал басты назарда екендігін және діни сауаттылығын арттыру аясында атқарылған жұмыстар туралы айтып, дәстүрлі емес діни ағымдарды болдырмау мақсатында нақты шаралар атқаруымыз қажеттігін жеткізді.&nbsp;Сондай-ақ діни экстремизм мен терроризмге қарсы профилактикалық жұмыстардың тиімді тәсілдерін пайдалана отырып, жан-жақты насихаттық жұмыстарын жүргізуіміз керектігін тілге тиек етіп, бұл жолда барлығы бірлесіп әрекет етуі тиіс екендігіне де тоқталып өтті.<blockquote>«Жалпы, дәстүрлі емес діни ағымдардың көздеген мақсаты – халықты айтқанға көнетін ойсыз топқа айналдырып, оларды жанды қуыршақ сияқты басқару, санасына әмір жүргізу болып табылады. Кез келген адамды халықтың, не болмаса қандай да бір ұйымның құрамдас бөлігі ретінде қарастырсақ, тұлға ұйымның ортасына түскен кезде сол ұйымның ықпалына бейімделгіш келетіні белгілі. Тұлға ұйымның арасында қалған сәттен бастап бұрынғы табиғи қалпынан өзгеріп, мүлде басқаша ойлай бастайды, сол ұйымға тән іс-әрекеттерді жасайтын болады. Мәселен, ерік-жігері төмен жандар сыртқы күштердің әсерімен болған өзгерістерге бейімделгіш келеді. Дәстүрлі емес діни ұйымындағыларды салқын санамен ойлау, ой қорыту қабілеті мүлде тән емес десек, артық айтпаймыз. Осы орайда, бейімделгіш жанды ерекше қаһармандықты, не болмаса қатыгездікті талап ететін әрекеттерге оңай айдап салуға болады. Мұндай жағдайда, жүрексіну, тіпті өзін-өзі сақтау инстинктіне де бағынбауы ықтимал. Себебі ол өзін шексіз күшті сезінеді. Тағы бір айта кетерлігі, бейімделгіш жандар аңғал, сенгіш келеді. Оларды алдап-арбау, қандай да бір теріс мақсаттарға қолдану дәстүрлі емес діни ұйым көсемдері үшін аса қиын шаруа емес», – деп сөзін толықтырды маман.</blockquote>Дін – мемлекеттің негізін құраушы ең маңызды фактордың бірі болғандықтан, ішкі тұрақтылықтың да кепілі. Еліміздегі ортақ ауызбіршілік, елжандылық, адамды сүю, бейбітшілік пен тыныштық – дәстүрлі діндерінің басты ұстанымы, ал ұлттық қауіпсіздігімізге қатер төндіретін жат ағымдардан бойымызды аулақ ұстаудан ұтылмасымыз анық.

Қазалыда тұрғындар арасында дәстүрлі емес діни ағымдардың алдын алу бағытында кездесу өтті

<a href="https://kyzylorda-news.kz/">Kyzylorda-news.kz.</a> Есбосынова Дина Жұбанышқызы «Азамат» ЖШС-нің құрылтайшысы қалалық ауруханада офтальмолог дәрігер болып қызмет атқарды.1996 жылы өзінің кәсібін бастауға шешім қабылдап, алдымен ем алушыларға өзі жалғыз медициналық қызметін көрсетті. Бір жыл жұмыс істегеннен кейін мамандарды жинап, ғимаратты жалға алып, медициналық қызмет көрсету бойынша «Атлант» клиникасын ашты.&nbsp;Клиниканың жергілікті тұрғындар арасында танымалдығы тез арада артып, 2002 жылы кәсіпкер жинақтаған қаражатына жалға алып өзі жұмыс жасап жүрген ғимаратын сатып алды, кейін клиника штатын ұлғайтып, қызмет көрсету аясын кеңейтті.Бүгінгі таңда «Атлант» клиникасы нарықта орташа бағамен сапалы қызмет көрсететін көпсалалы медициналық мекеме болып табылады. Клиника жоғары білікті мамандар, заманауи жабдықтар мен жаңа диагностикалық және емдік технологиялар есебінен Қызылорда өңірі үшін денсаулық сақтау саласында сапалы қызмет ұсынуда.2022 жылы &nbsp;2021-2025 жылдарға арналған кәсіпкерлікті дамыту жөніндегі ұлттық жоба шеңберінде «Даму» Қорының субсидия және кепілдік құралдарын қолдана отырып, клиниканы қайта құру, яғни клиника ауданын ұлғайту жұмыстарын жүргізді.

«Атлант» клиникасы қызылордалықтарға қызмет көрсетеді

 Сырдарияда «Сервистік полиция» жобасы іске асты

<a href="https://kyzylorda-news.kz/">Kyzylorda-news.kz.</a> Қазалы аудан әкімі Мұхтар Оразбаев Қазалы қаласындағы бірқатар көшелердің жол құрылысымен танысты. Сондай-ақ, Әйтеке би кентіндегі Желтоқсан және В.Счастнов көшесіндегі көпқабатты үйлерде жүріп жатқан жұмыстарды көрді.&nbsp;Аудан басшысы ең әуелі Қазалы қаласындағы Т.Құлахметов және Түркебаев көшелерінің жол құрылысымен танысты. Жауапты мердігер мекеме - “Қыран” ЖШС қызметкерлерімен кездесіп, жолдың сапалы болуына қатты мән беру қажет екенін айтты.&nbsp;Сондай-ақ, аудан әкімінің орынбасары Жалғас Сүйеубаев пен аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтановқа жұмыстың күндіз-түні қатаң бақылауда болуын тапсырды. Оның үстіне техникалық қадағалаушылар үнемі жұмыстың басында болуы қажет екенін жеткізді.&nbsp;Бұдан бөлек аудан әкімі Қазалы қаласы мен Әйтеке би кенті аралығындағы төрт жолақты жолдың жайынан да хабар алды. Жүргізіліп жатқан жол құрылысының басына арнайы барып, тиісті жұмыстарды жеделдетуді тапсырды.&nbsp; Мұнан соң аудан басшысы В.Счастнов және Желтоқсан көшелеріндегі көппәтерлі тұрғын үйлердің күрделі жөндеу жұмыстарын көрді.Жауапты қызметкерлердің айтуынша, бүгінгі таңда жоба сметалық құжаттама бойынша құрылыс жұмыстарының 90 проценті орындалып тұр.Бас мердігер - «N строй сервис» ЖШС &nbsp;қызметкерлері көппәтерлі тұрғын үйлердің шатыр жабынын толықтай ауыстырып, қасбеттерін сылап, кіреберістерді жөндеді. Аудан басшысы мердігер мекеме мамандарына әрбір пәтердің кіреберісіндегі электр желілерін қалыпқа келтіруді тапсырды.&nbsp;Сол тұста аталған көппәтерлі тұрғын үйлердің тұрғындары нысанның құрылысын назардан қалдырмай бақылауда ұстап отырғанын Мұхтар Әуесұлына ризашылықтарын білдіріп, алғыстарын айтты.&nbsp; Бұдан кейін аудан басшысы В.Счастнов көшесінде жүріп жатқан жолдың құрылысын көрді. Мердігер мекеме «Строймодуль Астана» ЖШС мамандарына бірінші кезекте жол сапасына мән беру қажет екенін ескертті.

Қазалы: Жолдардың сапасы басты назарда болуы қажет

<a href="https://kyzylorda-news.kz/">Kyzylorda-news.kz.</a> Бүгінде Қызылорда қаласында демеушілердің қолдауымен көптеген әлеуметтік нысандар салынуда. Одан бөлек, халық көп жүретін қала орталығын абаттандыруда да жеке кәсіпкерлердің қолдауы ерекше. Осыған орай, Қызылорда қаласы әкімінің әлеуметтік салаларға жауапты мамандары БАҚ өкілдерімен бірге бірнеше нысандарға барып, атқарылып жатқан жұмыстарды таныстырды. Оның алғашқысы - Қызылорда темір жол вокзалындағы жолаушылар өткелінің құрылысы. Он жылға жуық жөндеу көрмеген бұл өткелге «RS жол сервис» ЖШС демеушілігімен асфальт жабындысы төселуде. Жолаушылар өткелінің жалпы ұзындығы - 5200 шаршы метрді құрайды. Кеше басталған жөндеу жұмыстары он күн ішінде аяқталады деп жоспарлануда.&nbsp;<blockquote>«Облыс әкімінің тапсырмасына сәйкес шаһардағы Қызылорда темір жол вокзалының жүргіншілер жолына демеушілер есебінен асфальт төсеу жұмыстары басталып кетті. Бұдан былай өткел жолдарының қайта жаңғыртылуы арқылы жолаушылардың жүріп-тұруы ыңғайлы болмақ. Одан бөлек, кәсіпкерлердің қолдауымен темір жол аумағы абаттандырылып, ондағы субұрқақты қайта қалпына келтіру жұмыстары жүргізіліп жатыр», - деді Қызылорда қаласы әкімінің орынбасары Ғалымжан Еркебай. «RS&nbsp;</blockquote>жол сервис» ЖШС 2022 жылдан бері жол желілерінің құрылысымен айналысуда. Қызылорда темір жол вокзалындағы жолаушылар өткелінің қайта жөнделуіне барлығы 10-ға жуық техника мен 15-тен аса адам жұмылдырылған. Жаңа асфальттың қалыңдығы шамамен - 5 см құрайды.&nbsp;<blockquote>«Жолаушылар өткелінің құрылысын бастағанымызға бүгін екінші күн. Біздің қызметкерлер мұндағы көнерген жолды тегістеп, жолаушыларға ыңғайлы етіп қайта жөндеуде. Одан бөлек, он күн ішінде вокзал аумағындағы автотұрақтарды қайта қалпына келтіру жұмыстары да қолға алынады. Осы арқылы сапалы қызметімізді халыққа ұсынамыз», - деді «RS жол сервис» ЖШС директоры Руслан Исматуллаев.&nbsp;</blockquote>Одан әрі БАҚ өкілдері Қызылорда қаласындағы көпқабатты тұрғын үйдің ауласын абаттандыру жұмысымен танысты. Жалпы қалада 815 көпқабатты тұрғын үй мен 281 аула бар. Соның ішінде 44 көппәтерлі тұрғын үйдің ауласы қайта жаңғыртуды қажет етеді. Осыған орай, бірінші кезекте абаттандыруды керек ететін 17 аулаға күрделі жөндеу жұмыстары жүргізілмек. Жобаның мердігері – «Азамат-Құрылыс» ЖШС.&nbsp;<blockquote>«Қазіргі таңда облыс әкімінің қолдауымен шаһарымыздағы 17 аулаға күрделі жөндеу жұмыстары жүргізілуде. Жобаның жалпы құны – 780 млн.теңгені құрайды. Абаттандырылып жатқан аулалардың барлығына жаңа асфальт төселіп, жарық шамдар мен балалар ойын алаңы салынатын болады. Қайта жөндеу жұмыстарына 7 техника мен 50-ге жуық жұмысшы қамтылған. Жобаны тамыз айына дейін аяқтауды жоспарлап отырмыз», - деді қала әкімінің орынбасары Ғалымжан Бақтығалиұлы.</blockquote>

Қызылорда қаласында демеушілердің қолдауымен абаттандыру жұмыстары жүргізілуде

Мәдениет – өмір мәйегі

<a href="https://kyzylorda-news.kz/">Kyzylorda-news.kz.</a> Қазалы көлік-техникалық жоғары колледжінде Қызылорда облысы әкімінің орынбасары Нұрымбет Сақтағановтың тапсырмасына сәйкес 26 маусым-Халықаралық нашақорлыққа қарсы күрес күні &nbsp;аясында атқарылатын іс-шаралар жоспары», салааралық байланыста бекітілген «Нашақорлыққа және есірткінің заңсыз айналымына қарсы халықаралық күрес күніне» орай І курс студенттері арасында &nbsp;нашақорлықтың алдын алу бағытында «Есті алған есірткі» тақырыбында денсаулық саласы мамандарының қатысуымен бірлескен түсіндірме сағаты болып өтті.&nbsp;Іс-шараның &nbsp;мақсаты-жасөспірімдер арасында нашақорлықтың алдын алу, психикаға белсенді әсер ететін заттарды тұтынудың әсері мен есірткінің зияндылығы туралы ақпараттармен бөлісу, студенттерге салауатты өмір салтын насихаттау болып табылады.Шара барысында Қазалы аудандық Жастар денсаулығы бөлімінің дәрігері Ә.Алиева мен Жастар денсаулық орталығының мейіркеші М.Жалғасбаева студенттерге жасөспiрiмдер арасындағы &nbsp;нашақорлықтың зиянды әсері мен оның алдын алу шаралары туралы айтты. Жасөспірімдерге психикаға әсер ететін &nbsp;заттарды тұтынудың алдын алу, есірткінің зияндығы туралы &nbsp;бейнероликтер көрсетіліп, жадынамалар таратылды.

Қазалыда «Есті алған есірткі» тақырыбында түсіндірме сағаты өтті

<a href="https://kyzylorda-news.kz/">Kyzylorda-news.kz.</a> «Қазақтелеком» АҚ Қызылорда облыстық филиалы мекемесі Жаңақорған ауданындағы желілік станциясының орнын ауыстыру жұмыстарын жүргізуі себепті Халыққа қызмет көрсету орталығының Жаңақорған аудандық бөлімінің жұмысы 15 маусым күні толық тоқтатылды. Бұл туралы «Азаматтарға арналған үкімет» мемлекеттік корпорациясы» КЕАҚ Қызылорда облысы бойынша филиалының PR-менеджері Ерқанат Сәрсенбай хабарлайды.Қазіргі уақытта бөлім көрсететін барлық қызметтер интернет байланысының болмауы себепті қолжетімсіз екенін хабарлаймыз. Кей мемлекеттік қызметтерді «eGov» порталы, «eGov mobile», «Цон» қосымшалары арқылы алуға болатынын назарларыңызға саламыз!

Бүгін Жаңақорғандағы ХҚКО жұмыс істемейді

<a href="https://kyzylorda-news.kz/">Kyzylorda-news.kz.</a> ҚР Ішкі істер министрлігінің нұсқауына сәйкес, облыс аумағында 2023 жылдың 14-16 маусым күндері аралығында адам саудасына байланысты қылмыстардың жолын кесуге, анықтауға және ашуға бағытталған «STOP трафик» жедел-профилактикалық іс-шарасына өткізілуде.&nbsp;Осыған орай, Қазалы ауданының полиция бөлімінің криминалдық полиция бөлімшесі мен учаскелік полиция қызметкерлері бірлесе отырып, жедел-алдын алу шарасын өткізуде. Іс-шараның басты мақсаты – адам саудасы, оның ішінде кәмелетке толмағандардың саудасымен байланысты және онымен қоса жүретін жаңа туған нәрестелерді сату, кәмелетке толмағандарды еңбек етуге, қайыр сұрауға мәжбүрлеу және өзге де қанау фактілерін ашу, Қазақстан Республикасының және өзге елдерден келген азаматтарға қатысты еңбекте құлдыққа пайдалану фактілерін анықтау мақсатында мемлекеттік және құрылыс, сондай-ақ ауыл шаруашылық нысандарында адамдарды сауда құрбаны етіп әкелу арналарын анықтау және жою жөнінде жедел-іздестіру және рейдтік іс-шаралары жүзеге асыру, адамдарды жұмысқа орналастыру және оқыту агенттіктері қызметін тексеру, адамдарды тасымалдау, жасыру және сату арналарын анықтау болып табылады.&nbsp;Адамның құқығын еркінен тыс таптау немесе заңсыз еңбекке тарту қылмыстық жауапкершілікке әкеліп соғады. Сондықтан жыл сайын Қазалы ауданының полиция бөлімі бұл бағытта нақты жұмыстар атқаруда. Іс-шара бірнеше бағытты қамтиды. Оның ішінде полиция қызметкерлері кәмелеттік жасқа толмағандарды заңсыз еңбекке тартуға тыйым салуға ерекше басымдық бермек. Сондай-ақ қайыр сұрау және ұрлау, бөтеннің мүлкіне зиян тигізу фактілерін болдырмау. Егерде &nbsp;қандай да бір күмәнді оқиға жөнінде хабардар болсаңыздар, тәуліктің кез келген уақытында 102 нөміріне немесе (872438)-21-5-17 сенім телефонына хабар беруді сұраймыз.

Қазалыда «STOP трафик» жедел – алдын алу шарасы өткізілуде

<a href="https://kyzylorda-news.kz/">Kyzylorda-news.kz.</a> Бүгінде Шиелі ауданында кәсіпкерлікті нәсіп қылып отырған қарапайым жандар жетерлік. Расымен, «жұмыс істеп, табыс табамын» деген жандарға мүмкіндіктің көптігі сонша, аз ғана қаражатпен өз ісіңді бастап кетуге әбден болады. Ол үшін адам баласына әуелі ниет пен талпыныс керек. Тынымсыз тіршілікте тынбай әрекет еткен пендеге ғана Құдай берекетін берері сөзсіз. Ал, әрекет бар жерде, әрқашан алға жылу мен қатар келетін нәсіп те бар. Біздің бүгінгі айтпағымыз да осы нәсіп пен кәсіп жайында…Кәсіпкерлік – адам баласына берілген ерекше қабілет, һәм Алладан келген үлкен сый. Десек те, кәсіпкерлік кез-келген адамның қолынан келе бермейтін ұлы құбылыс. Ол айтпаса да түсінікті. Миллиондаған адамның ішінде табыстың көзін тауып, кәсібінің нәсібін көріп отырған жандар жетерлік. Осындай кәсіпкерлердің бірі – Әсия Мұратқызы. Ол «Бал-Зере» контитерлік орталығының негізін қалаушы. Кейіпкеріміз бүгінде кәсібін нәсіп қылып, өз ісінің майталманына айналған.Әсия Мұратқызы 1987 жылы Қызылорда облысы, Шиелі ауданы бұрынғы Сұлутөбе бірлестігінде дүние дидарына келген. Ол мектеп кезінен түрлі дүниелерді безендірумен айналысып, бет әрлеуші болуды армандаған. Жан-жақтылықты жаны қалайтын жайсаң қыз мектеп бітірген соң, Алматы қаласындағы университеттердің біріне есеп және аудитор мамандығы бойынша жоғарғы оқу орнына түседі. Кейіпкеріміз университет қабырғасында жүріп, есепсіз өмірдің жоқтығын түсініп, кәсіп бастау үшін де бұл мамандықтың керек екенін жақсы түсіне бастайды. Бухалтерліктің қыр-сырына қанық болған ол оқу ордасын төрт жылдан соң тәмәмдап, үздік маман атанады. Содан соң өзі алған білімді жетілдіру үшін Алматыдан Шиеліге табан тіреп, туған өлкеге қызмет етуді жөн санайды. Осылайша, ол диплом бойынша аудандық пошта қызметіне «бухалтер» болып жұмысқа орналасады. Ол жерде екі жыл тәжірибе жинап, одан әрі жеке кәсіп ашуды ойлайды. Осылайша, сән әлеміндегі еңбек жолын әуелі бет әрлеуден бастайды. Алғашында кейіпкеріміз еліміздегі ең мықты деген визажист мамандардан сабақ алып, арнайы шеберлік сағаттарына жазылады. Шеберлікте жүріп ол біраз тәжірибе жинап, сұлулық салонынының қыр-сырларын меңгереді. Яғни, түрлі шаш үлгілері, бет әрлеу, тырнақ дизайны секілді дүниелерді оп-оңай меңгеріп алады. Арманына бір табан жақындаған ару 2014 жылы Алматы қаласына келіп, тұрмыс құрады. Келіндік қызмет пен сүйікті ісін қатар алып жүруге әрқашан тырысатын Әсия әуелі Алланың қалауымен, содан соң өзінің қажырлы еңбегінің арқасында 2016 жылы Алматыдан сұлулық салонын ашады. Міне, сол кезден бастап Әсияның ісіне береке келіп, сол жылдан бастап көптеген эстрада жұлдыздарының бет әрлеушісі атанады. Керек десеңіз, театр мен кино актерларына да арнайы «грим» жасауды қолға алады. Ол ол ма? Әсия бір ғана іспен шектеліп қоймай, 2015 жылы түрлі тәттілер пісіріп үйрететін шеберлік сағатына қатысып, өзгелерге өзін жаңа қырынан көрсетеді. «Жалқаулықты жаны сүймейтін ол жыл сайын жаңа дүниені үйренуді қалап, дәмі тіл үйіретін тоқаштар мен торттың түр-түрін үйден пісіріп сата бастайды. Осылайша, көптеген істі қатар алып жүретін Әсия көп ұзамай нағыз «кондитер» атанады. 2019 жыл Әсия үшін ауыр жылдардың бірі еді... Сұм тағдыр оның отбасына тырнағын батырып, ажал құрғыр оның екінші анасын мына жалғаннан мәңгілікке алып кете барады. Қабырғасы қайысқан Әсия мен оның жары сол жылдары елге қоныс аударады. Себебі, ауылдағы үйде олардың жалғыз аталары бар еді. «Шаңырақтың отын сөндірмейік» деп Әсия ауылдың нағыз тұрғынанына айналады.<blockquote>«Мен 2019 жылы отбасылық жағдайларға байланысты Шиеліге отбасыммен қайта көшіп келдім. Алматы қаласында өзімнің жеке сұлулық салоным болды. Бірақ, тағдырдың жазуымен елге оралдық Ауылға келген соң, «жұмыс жоқ» деп жатып алмай, екі қолға бір күрек табуға тырыстым. Қазір бостан-бос отыратын заман емес. Кіндік қаным тамған жерге қызмет ету менің басты парызым. Өздеріңіз білетіндей, соңғы екі жыл еліміз үшін өте ауыр болды. Әлемді жайлаған пандемеяға байланысты көптеген саланың жұмыстары тоқтап қалды. Бірақ, мен ауылда үйден шықпай-ақ табыс табуға тырыстым. Сөйтіп, аудандағы сұлулыққа жаны құмар жастарға сабақ беріп, «бет әрлеуші» деген арнайы сертификаты бар сабақтар өткіздім. Одан бөлек үйден торт пісіріп саттым. Эпид ахуал ақырын азая бастаған соң, аудан орталығындағы «Азия» атты ғимараттың екінші қабатын жалға алып, «Бал Зере» кондитерлік цехын аштым. Оның барлығыныа көмектесіп қолдаған әрине менің күйеуім. Қазіргі таңда кондитерлік цехымыз шағын болса да, ақырын алға жылжып келеді. Тұтынушыларға түрлік мерекелік торттарды безендіріп, қалауынша істеп береміз. Аудан тұрғындары қазіргі таңда сырттан келетін торттарды тұтынады. Мәселен, көршілес Қырғыстан мен Өзбекстаннан келген торт түрлерін қазір Түрлі дүкен сөрелерінен кездестіре аласыз. Алайда, олардың денінде сапа сын көтермейді. Неге десеңіз, оған қосылатын қоспалар таза болмайды. Оның үстіне, ол пісірлген күннен соң, біздің елге үш төрт күннің ішінде келеді. Өздеріңіз ойлап қарасаңыздар, нан өнімдері тек бір немесе екі күннің ішінде сатылып кетуі қажет. Сондықтан да, балғын торттар әрқашан сұранықа ие. Ауданда кондитерлік орталықтар көптеп салынса, мен қуанар едім. Бәсекелестік әрине керек. Десек те, өз өнімін тұтынатын тұрғындар үшін мен қуанышты болар едім. Менің де басты мақсатым – аудан халқын өз өнімімізбен қамтамасыз ету», – дейді Асия Мұратқызы.</blockquote>

Қазақстан және Қызылорда облысының жаңалықтары