<a href="https://kyzylorda-news.kz/">Kyzylorda-news.kz.</a> Бүгін Сырдария аудандық тарихи-өлкетану музейінің «Еңбек даңқы» залында өткен «Алаш ақиықтары» атты тақырыптық экскурсияға аудан әкімі Берік Сәрменбаев, аудан ардагерлері мен жастары қатысты.&nbsp;Іс-шараның негізгі мақсаты: Жастарға қазақ халқының ғасырлар бойы өткен қиыншылықтарын айта келіп, осы зұлмат жылдары елінің азаттығын аңсаған ұлт зиялыларына тоқталу, өз елін, жерін қорғайтын ұрпақ тәрбиелеу болатын.&nbsp;<blockquote>– Музей ісі қоғамдағы өзгерістермен, қоғам дамуымен тығыз байланысты ерекше сала. Ол ғылымның, мәдениеттің, білімнің қалыптасуына тікелей әсер ететін ғылыми мекеме. Сондықтан да біздің алдымыздағы өзекті міндет – ұрпақ тәрбиесіне ұлтымыздың болашағын тәрбиелеуге үлес қосу. Музей – тарих айнасы, ұлттық рух көрсеткіші. Еліміздің егемендігімен бірге санамыздың да тәуелсіз болып, тарихымызды түгендеп, тегімізге тереңдеп, төрімізге озған тәуелсіздігімізді асқақтату музей қызметінің басты міндеті. Аудандық тарихи-өлкетану музейі алғаш қоғамдық бастамамен 1990 жылы ұйымдастырылып, 1993 жылдың наурыз айынан бастап облыстық тарихи-өлкетану музейінің филиалы болып, 1996 жылдың сәуір айынан бастап Тереңөзек аудандық тарихи-өлкетану музейі болып қайта құрылды. 2000 жылы музейге қосымша 2 көрме залы қосылды. 2011 жылы Қазақстан Республикасының Тәуелсіздігіне 20 жыл толуына орай «Тәуелсіз Қазақстан» залы ашылды. 2014 жылы «Археология және Этнография» залына реэкспозиция жұмыстары жүргізілсе, 2015 жылы музейге 2 млн. теңгеге құнды жәдігерлер сатып алынып, музей қоры толықтырылды. 2017 жылы Елбасы Н.Ә.Назарбаевтың «Болашаққа бағдар: рухани жаңғыру» атты бағдарламалық мақаласы аясында музейге қосымша ғимарат беріліп, «Еңбек даңқы» залы &nbsp;ашылды. Ғимаратқа 5264,0 теңгеге жөндеу жұмыстары мен 4500,0 теңгеге реэкспозиция жұмыстары жүргізілді. Музей қорында 10965 экспонат бар, оның негізгі қоры – 6598, көмекші қоры – 4367. &nbsp;Музей материалдары ауданның қалыптасу және даму тарихы, даңқты істері, өндірістік және мәдени өсуі туралы мәліметтер береді. &nbsp;Музей экспозициясында Кеңес Одағының Батырлары, Социалистік Еңбек Ерлері, Қазақ ССР-нің Жоғарғы Кеңесінің депутаттары, білікті аудан басшылары, Қазақ ССР-не еңбегі сіңген мұғалімдер, Қазақстанның көрнекті жазушылары, ауданымыздың мақтанышына айналған ғұламалар мен ғалымдарымыз, дәрігерлер, қолөнер шеберлері мен суретшілер туралы мәліметтер бар. Сонымен қатар, музей жәдігерлерінің ішінде Аралбай батырдың қылышы, Бес қару, ат әбзелдері, Абай тұтынған асадал (шкаф), Сауранбай болыстың кебежесі, ағаш табағы мен керсені, Марқа Қобландиннің сандығы, 200 жылдық тарихы бар шаңырақ, 1 ғасырлық тарихы бар ағаш төсек, киіз үйдің есігі (сықырлауық), түкті және тақыр кілемдер, тұскиіздер, қоржындар мен кесеқаптар, мыс көзелер және керамикалық көзе, қобыз коллекциялары, зергерлік бұйымдар, құнды қолжазбалар, түрлі деректі суреттер мен құжаттар, ҚР Суретшілер Одағының мүшелері Ш.Сейтмұратовтың, Ш.Сәменовтың Ж.Маханбеттің, Ж.Исмағұловтың туындылары – музейдің тарих шырақшысы, ұрпақтан-ұрпаққа тәлім-тәрбие беретін маңызы зор тарихи орын екенін дәлелдей түскен, – деді аудан басшысы. &nbsp;</blockquote>Сонымен қатар шараға қатысушыларға зал экспозициясы таныстырылып, музей қорындағы құнды экспонаттармен қатар өлкетанушы, ҚР Суретшілер Одағының мүшесі Жәнібек Маханбеттің өз туындылары автордың таныстыруымен көпшілікке ұсынылды.

Сырдарияда «Алаш ақиықтары» тақырыптық экскурсиясы ұйымдастырылды

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қазіргі уақытта «Балық шаруашылығын дамыту мәселелері туралы» Қазақстан Республикасы Үкіметінің 2021 жылғы 5 сәуірдегі №208 қаулысымен бекітілген балық шаруашылығын дамытудың 2021 – 2030 жылдарға арналған бағдарламасы іске асырылуда.Жалпы 2021-2030 жылдары болжамды есептеулер бойынша Бағдарламаны іске асыруға 541,3 млрд теңге, оның ішінде мемлекеттік бюджет қаражаты есебінен 200,7 млрд теңге және бюджеттен тыс қаражат есебінен 340,5 млрд теңге қажет болады.Бұл ретте, балық шаруашылығын субсидиялауға 2021 жылдан 2023 жылға дейін 5,6 млрд теңге бөлінді. Мәселен, 2023 жылдың өткен кезеңінде балық шаруашылығы субъектілері 600 млн теңгеден астам сомаға субсидия алды.Қазіргі уақытта ҚР Экология және табиғи ресурстар министрлігі Балық шаруашылығын дамытудың 2030 жылға дейінгі бағдарламасының балық ресурстарын сақтау, өсімін молайту және орнықты пайдалану, мемлекеттік қолдаудың жаңа шараларын енгізу, сондай-ақ ғылыми және кадрлық қамтамасыз етуді күшейту жөніндегі шараларды көздеу бөлігінде өзгерістер пысықталуда.Бағдарлама іс-шараларының практикалық іске асырылуы Қазақстан Республикасының Үкіметі мен Экология және табиғи ресурстар министрлігінің бақылауында.

Балық шаруашылығын дамытудың арнайы бағдарламасы іске асырылуда

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы Полиция департаменті бастығының орынбасары полиция полковнигі Өтегенов Әміржан Сермаханұлының төрағалығымен ZOOM режимінде жедел кеңес өтті. Жиынға Жалағаш, Сырдария, Шиелі және Жаңақорған аудандық полиция бөлімдерінің басшылары және жеке құрамы қатысты. Кеңес әр аудан үшін бөлек белгіленген уақытта ZOOM платформасында өтті.Жедел кеңес барысында полиция органдарының жедел – қызметтік жұмысы талқыланды. Әміржан Сермаханұлы жуырда Мемлекет басшысы Қасым-Жомарт Тоқаевтың төрағалығымен өткен Ішкі істер министрлігінің кеңейтілген алқа отырысында пысықталған шешімдер мен берілген тапсырмаларды аудандық полиция бөлімдерінің жеке құрамының назарына жеткізді.ZOOM режимінде өткен Жедел кеңес барысында полицияның жұмысын жақсарту, ішкі істер органдарын цифрландыру, полицияны халыққа жақындату, оң имиджін нығайту, халықтың сенім деңгейін арттыру және полиция қызметінің өзекті мәселелері туралы халықты жан-жақты және шынайы ақпараттандыру, полиция қызметін жетілдіру бағытындағы шаралар туралы айтылды.Әміржан Сермаханұлы аудандық полиция бөлімдеріне құқық бұзушылықтардың, оның ішінде жасөспірімдер қылмысының алдын алуға, алаяқтық, ұрлыққа қарсы іс-қимылға, есірткі қылмысына қарсы күреске, жол қауіпсіздігін қамтамасыз етуге және тағы басқа мәселелер бойынша тиісті тапсырмалар берді.Сонымен қатар, департамент бастығының орынбасары Мемлекет басшысының тапсырмасына сәйкес 2023 жылғы 1 шілдеден бастап тұрмыстық зорлық-зомбылық үшін жауапкершілікті күшейтетін заңнамалық өзгерістердің күшіне енгендігіне тоқталып өтті.&nbsp;Кеңес қорытындысы бойынша Әміржан Сермаханұлы жедел-қызметтік жұмыстарды қорытындылап, алдағы уақытта бұл жұмыстардың тиімділігін арттыру бойынша нақты шараларды белгіледі.<figure class="image"><img src="https://knadmin.beoblood.kz/uploads/5115f9c3_92fd_437d_9e13_79b4b8b412d2_63cdf3112f.jpg" alt="5115f9c3-92fd-437d-9e13-79b4b8b412d2.jpg"></figure>

Жедел қызметтік жұмыс талқыланды

<a href="https://kyzylorda-news.kz/">Kyzylorda-news.kz.</a>&nbsp; Кәсіпкерлік ел экономикасын дамытушы бірден-бір күш. Мемлекет кәсіппен айналысып, еңбек етемін деген адамға түрлі қолдау шараларын ұйымдастырып келеді. Түрлі кәсіптің жан-жақты жандануы бір жағынан жұмыссыздар санын кемітсе, екіншіден тұрғындарға қолайлы жағдай туғызуда. Осы ретте кәсіпкерлік саласын дамыту жайы Мемлекет басшысының назарынан тыс қалған емес.Президент Қасым-Жомарт Тоқаев халыққа Жолдауында кәсіпкерлік саласын басынан бастап реттеу керегін айтып өткен болатын. Еңбек адамына құрмет көрсетіп, кәсіпкерлерге жағдай жасау қажеттігіне де тоқталған.Мемлекет басшысының тапсырмасына сәйкес біршама жұмыстар біздің ауданда да атқарылып келеді. Ауданымызда түрлі бағыттағы халыққа қызмет көрсететін орталықтар іске қосылуда. Бұл бір жағынан кәсіпкерлікті дамытса, екіншіден ауданымыздың гүлденіп, қажеттіліктің барлығын қалаға бармай-ақ ауданнан табуға жол ашуда. Әсіресе, жастар жағы еңбекке етене араласып, мемлекеттік бағдарламалар аясында өз кәсіптерін жандандыруда.Осы ретте аудан әкімі Берік Сәрменбаев аудандағы жас кәсіпкерлермен кездесіп, ұсыныс-пікірлеріне құлақ түрді. Ауданда түрлі бағдарлама игілігін көріп отырған жастар баршылық. Жастар арасында кәсіпкерлік қарқынын арттыру – бүгінгі күннің басты мәселесінің бірі. Осы мақсатта аудан әкімі жас кәсіпкерлермен еркін форматта кездесіп, алдағы істеріне бағыт-бағдар берді. Аудан әкімінің жас кәсіпкерлермен кездесуі еркін форматта өтіп, қатысушылар емін-еркін пікір алмасты. Аудан әкімі ауданның жастар саясатына қолдау жасап жүрген жас кәсіпкерлерге алғыс білдіріп, алдағы жұмыстарына сәттілік тіледі.<blockquote>– Құрметті жас кәсіпкерлер! Бүгін Сіздермен жүздесіп отырғаныма өте қуаныштымын! Мемлекет басшысы «Барлық жастарды қолдауға, озық идеялар мен бизнес бастамаларын іске асыруға және қарым-қабілетін шыңдау үшін бар мүмкіндікті жасауға тиіспіз» деп бүгін мен болашақтың жүгін сеніммен жүктеді. Мұны ортақ мүдде деп қарастыруымыз керек. Ел ертеңі – жастарға тиесілі. Еліміздің әлеуметтік дамуы жолында жастардың ықпалы қашанда үстем. Мемлекет басшысының бастамасымен бірнеше мемлекеттік бағдарламалар қабылданып, жастардың жобаларын жүзеге асыру үшін жеңілдетілген шағын несиелер мен мемлекеттік гранттар берілуде. Осы орайда, өңірімізде жастарды қолдауға, озық идеялар мен бизнес бастамаларын іске асыруға бағытталған нақты іс-шаралар қолға алынуда. Бүгінде жас кәсіпкерлердің ел болашағы үшін өзіне зор жауапкершілік алуға дайындығы да аса маңызды. Мемлекет басшысының «Бізге ешкім сырттан келіп, ештеңе жасап бермейтіні анық, бәрі өз қолымызда» деген сөзі бар. Баршаңызды жұдырықтай жұмылып, аймағымыздың, ауданымыздың дамуына аянбай үлес қосуға шақырамын. Жастық жалындарыңыз бен күш-жігерлеріңізді ауданның дамуына, өсіп-өркендеуіне жұмсайтындырыңызға сенемін , – деді аудан әкімі.</blockquote>Мұнан соң жастар бригадаларының жұмыстарына тоқталып, алдағы жылы жұмыс ауқымын ұлғайтуды жүктеді. Ал ұсыныс-пікір кезеңінде жас кәсіпкерлер түрлі ұсыныстарын айтып, қолдау қажет екендігін жеткізді. Аудан әкімі жас кәсіпкерлерге қолдауды күшейту мақсатында тиісті салалық бөлім басшыларына тапсырма берді.Айта кетейік, ауданымызда шағын және орта бизнес саласында 678 жас кәсіпкер бар. Жалпы тіркелген ШОК субъектілерінің саны 3378 болса, олардың ішінде жастардың үлесі 20 пайызды құрайды. Биылғы жылы мемлекеттік бағдарламалар арқылы жас кәсіпкерлердің 22 жобасы 131 миллион теңгеге қаржы ұйымдары арқылы қаржыландырылған. Одан бөлек, Аграрлық несие корпорациясы арқылы жастарды оның ішінде жас кәсіпкерлерді қолдау мақсатында жеңілдетілген 2,5 пайызбен несие беру жұмыстары басталды. 2023 жылдың 5 айында 13 жас кәсіпкер 59,8 миллион теңгенің несие қаржысын алып, жұмыстарын жүргізуде. Сондай-ақ, мемлекеттік бағдарламалар шеңберінде 28,9 миллион теңгеден астам сомаға 21 жас кәсіпкер әртүрлі салада қайтарымсыз грант иеленіп, қазіргі таңда кәсіптерін дөңгелетіп отыр.Сондай-ақ кәсібін дөңгелетіп отырған яки кәсіппен айналысуға ниетті жас кәсіпкерлерді қолдау мақсатында ауданда «Жастар бастауы – кәсіпкерлік негізі» атауымен кәсіпкерлік жобалар байқауы өтеді. Байқауға қатысу үшін өтінімдер 20 шілдеге дейін жалғасады. Байқауға қатысушыларға қойылатын талаптар:&nbsp;- Жобаға кез келген 14-35 жас аралығындағы Сырдария ауданының тұрғыны қатыса алады;&nbsp; - IT технологияларды қолдану арқылы жүзеге асатын жобалар; - Сырдария өңірінің туристік брендін жасауға және отандық, шетелдік туристерді тартуға бағытталған жобалар; - Білім беру саласында тұрғындардың бәсекеге қабілеттілігін арттыру және білімді ұрпақ қалыптастыру бағытындағы жобалар; - Агробизнес саласында инновациялы ауыл шаруашылықты қалыптастыру бағытындағы жобалар; - Әлеуметтік кәсіпкерлікті (орта және шағын) бизнес субъектілерін тарту арқылы аудан тұрғындарының өмір сүру деңгейін көтеруге бағытталған жобалар; - Азаматтық қоғам жастар арасында патриоттыққа баулуға, ұлттық-салт дәстүрлерді қайта жаңғырту мен ұлттық бірегейлікті сақтау және т.б. бағыттардағы жобалар; - Өнеркәсіп және өндірістік тұтыну тауарларын өндіруге алдыңғы қатарлы технологияларды пайдалануға бағытталған жобалар мақұлданады.Бағдарлама шартына сай келетін әр кәсіпкер іріктеуге бір жаңашыл бизнес-жоба ұсынуы қажет.&nbsp; Жобалардың басты шарттары: сұраныс, тиімділік және жастардың жеке қабілеттерінің болуы. Инновациясыз, көп таралған және сұранысы жоқ жобаларға қолдау берілуінің ықтималдылығы аз.Байқаудың қорытындысы бойынша үздік танылған жобалар І-орын, ІІ-орын, ІІІ-орын бағалы сыйлықтармен және арнайы сертификат, дипломдармен марапатталатын болады.&nbsp;Бұрын осы жобаға қатысып, қолдау алған жеңімпаздар қайта қатыстырылмайды.

Сырдария ауданының әкімі жас кәсіпкерлермен кездесті

<a href="https://kyzylorda-news.kz/">Kyzylorda-news.kz.</a>&nbsp;2023 жылдың шілде айының 14-15 күндері аралығында Қызылорда қаласында және барлық аудан орталықтарында «Жолда қабылдау» акциясын өткізу жоспарлануда.1. Сағат &nbsp;10:00-ден 16:00-ге дейін Қызылорда қаласы Тасбөгет кенті, Жаңадария көшесі, №91 мекен-жайында орналасқан «Мамандандырылған халыққа қызмет көрсету орталығында»;Жауапты: &nbsp;Пазылов Нұрмахан Сансызбайұлы– Қызылорда облысы ПД Әкімшілік полиция басқармасының бастығы;&nbsp;2. Сағат &nbsp;10:00-ден 16:00-ге дейін &nbsp;Қызылорда қаласы Н.Назарбаев №13 мекен жайында орналасқан «МАГНУМ»&nbsp; сауда орталығында;Жауапты: &nbsp;Қордабай Нұрлыбек Құрбанәліұлы – Қызылорда қаласы Полиция басқармасы бастығының міндетін атқарушы;3. Сағат &nbsp;10:00-ден 16:00-ге дейін &nbsp;Қызылорда облысы Арал қаласы, Қ.Ерімбетов көшесі, № 10 ғимаратында орналасқан «Халыққа қызмет көрсету орталығы»;Жауапты: Шүкіров Қуанышбек Сәнтайұлы - Қызылорда облысы Арал АПб бастығының бірінші орынбасары;4. Сағат &nbsp;10:00-ден 16:00-ге дейін Қазалы ауданы Әйтеке би кенті &nbsp;Қ.Пірімов көшесі, Қазалы қаласының Орталық алаңында;Жауапты: &nbsp;Құрманалиев Ғани Айбергенұлы – Қызылорда облысы Қазалы АПб бастығының бірінші орынбасары;&nbsp;5. Сағат &nbsp;10:00-ден 16:00-ге дейін &nbsp; Қызылода облысы Қармақшы ауданы, Жосалы кенті Теміржол вокзалының алдында;&nbsp;Жауапты: &nbsp;Әмірбеков Ақылбек Өмірбекұлы – Қызылорда облысы Қармақшы ауданы АПб бастығының бірінші орынбасары;&nbsp;6. Сағат &nbsp;10:00-ден 16:00-ге дейін Қызылорда облысы Жалағаш кенті, Қазыбек Би көшесі, № 4 ғимаратта орналасқан «Халыққа қызмет көрсету орталығы» &nbsp;алдында;Жауапты: Өсер Мәулен Жайшылықұлы &nbsp;- Қызылорда облысы Жалағаш ауданы АПб бастығының бірінші орынбасары;&nbsp;7. Сағат &nbsp;10:00-ден 16:00-ге дейін Қызылорда облысы Сырдария ауданы,&nbsp;Тереңөзек кенті А.Иманов көшесі, №86 ғимаратта орналасқан Сырдария АПб-нің алдында;Жауапты: Оспанов Азамат Айдуллаұлы – Қызылорда облысы Сырдария ауданы АПб бастығының бірінші орынбасары;&nbsp;8. Сағат &nbsp;10:00-ден 16:00-ге дейін &nbsp;Қызылода облысы Шиелі ауданы, С.Сейфуллин көшесінде орналасқан Вокзалдың жанында;Жауапты:&nbsp; &nbsp;Жаукеев Ердаулет Баянбайұлы – Қызылорда облысы Шиелі ауданы АПб бастығының орынбасары;9. Сағат &nbsp;10:00-ден 16:00-ге дейін &nbsp; Қызылода облысы Жанақорған кенті З.Мұсаханов көшесінің бойында орналасақан «Орталық саябақтың» алдында;Жауапты:&nbsp; Жақсыбеков Ерзақ Өмірзақұлы&nbsp;– Қызылорда облысы Жаңақорған ауданы АПб бастығының орынбасары;&nbsp;10. Сағат &nbsp;10:00-ден 16:00-ге дейін &nbsp;Қармақшы ауданы Төретам кенті, Жанқожа Батыр көшесінде орналасқан Стационарлы полиция пунктінде; &nbsp;Жауапты: Жакупов Жалғасхан Алмасұлы – ҚР ІІМ-нің Байқоңыр қаласындағы өкілдігінің бастығының орынбасары;Бұл күндері &nbsp;Қызылорда облысы Полиция Департаментіне &nbsp;8 &nbsp;(7242) 30-81-56, 30-47-75 «жедел желі» арқылы хабарласуға болады.

Қызылордада «Жолда қабылдау» акциясын өткізу жоспарлануда

<a href="https://kyzylorda-news.kz/">Kyzylorda-news.kz.</a>&nbsp; Судың да «қара алтындай» құны бар. Сол үшін мемлекет су шаруашылығында ерекше саясат ұстанады. Тарихы терең «Қазалы су торабы» – өткен ғасырдан бері жұмыс істеп тұрған іргелі өндірістік учаске. Дәуірінде бұл нысанның құрылысын салуға тікелей араласқан Қазақстанның еңбек сіңірген гидротехнигі Әбубәкір Тыныбаев болатын. 2000 жылдан бастап су торабы оның есімімен аталады.Өткен ғасырдың 60 – жылдары Қазалы мен Аралдың төменгі саласында су тапшылығы байқала бастады. Нысан құрылысының басталуына осы жайт түрткі болған. 1970 жылы мұндағы құрылыс-монтаж жабдығына 18,6 миллион сом қаржы бөлініп, мемлекеттік комиссия тоспаны қабылдап, ел игілігіне пайдалануға берген екен. Алғашқы жылдары мекемеде су пайдалану, құрылыс жөндеу, тұрғын үй - коммуналдық шаруашылық, механикалық, есептеу бөлімдері жұмыс атқарды. Оның есебінде сол жылдары Басықара ауылындағы мектеп, балабақша, фелдьшерлік емдеу орны, қысқы-жазғы клуб үйі, орталық асхана, екі дүкен, пошта байланыс үйі, екі пәтерлік 16 тұрғын үй, екі қабатты 16 пәтерлік 2 үй, ауылдағы орталықтандырылған бу қазандығы мен 25 орындық монша болыпты.Кеңес Одағында қайта құру саясаты жүргенде өзгеріске ең бірінші іліккендердің бірі – «Қазалы су торабы». Осы уақыттан бастап бұл нысан Қазалы су шаруашылығы мекемесі құрамына бөлімше болып берілді. Сол кезеңде Қазалы су шаруашылығы мекемесіне Қуаныш Көланов, Басықара елді мекеніндегі «Қазалы су торабы» бөлімшесіне Шәкірат Сейтекенов сияқты азаматтар басшылық етті. Ал 1993 жылы қаңтарда «Қазалы су торабы» мекемесі Қазалы су шаруашылығы теңгерімінен бөлініп, өз алдына дербес ұжым болып қайта құрылды. Тәуелсіздіктің алғашқы жылдарында тірлік оңала бастады. Басшылыққа конкурс жарияланып, Басықара елді мекеніндегі ЖМК-64 мекемесінен мамандар бөлімдерге басшылыққа шақырылды. Сол уақыттан бері су торабының жұмысы тұралаған емес.Енді нысанның қызметіне ойыссақ. Жалпы, «Қазалы су торабы» тоспасы Сырдария өзенінің төменгі ағысындағы судың деңгейін бірқалыпты жағдайға келтіреді. Арал және Қазалы аудандары үшін «Оңжаға», «Солжаға», «Ақсай» су жүйелері магистральді арналары мен егістіктерді, шабындықтарды, қоршаған ортаны экологиялық жақсарту мақсатында кеуіп қалған көлдерді суға толтырып, қос аудан көлемінде кешенді жұмыстар атқарады.1994 жылдан бастап басшылыққа Болатбек Асербаев келді. Кейінгі жылдары мекемеге күрделі жөндеу жұмыстары жүргізілгенін айтпай өтуге болмас. Бұл іске Үкіметтің «Сырдария өзені жағалауын ретке келтіру және Солтүстік Арал теңізі бөлігін сақтап қалу» жобасы бойынша Бүкіләлемдік банктен инвестиция тартылып, қаржы бөлінді. 2004-2006 жылдар аралығында Қытайдың геоинженерлік корпорациясы қаржыны толықтай игеріп, жұмысты аяқтады.<blockquote>– Маңызды нысан болғандықтан су торабы әркез бақылауда тұрады, 2-3 жыл сайын жөндеу жұмыстары жүргізіледі. Қазір мекемеде 22 адам қызмет атқаруда. Антитеррорлық қауіпсіздік шаралары қолға алынған, бейнебақылау бар, – дейді өндірістік бөлімшенің басшысы Болатбек Асербаев.</blockquote>Бұған дейін су тоспасындағы негізгі қақпалар мен су жүйелері магистральді арналары сағаларындағы гидротехникалық нысан ғимараттарына жаңадан темір-бетон плиталары қойылған. Сондай-ақ, құйма темір-бетонмен құрсауланып, суды ашып-жабу қақпалары жаңаланыпты. Жоғары кернеулі электр желілері тартылып, тоспа бойындағы жолдар асфальтталып, төңірегі түгелдей жарықтандырылды. Абаттандыру жұмыстары атқарылып, торап тіршілігі жанданды. Төтенше апатты жағдайлардың алдын алып, топан судан қорғау үшін осы жұмыстарға мемлекеттен қаржы бөлініп, уақытылы игерілді. «Қазалы су торабы» өзіне бекітілген аумақтарға жүйелі бақылау орнатып, қорғаныс бөгеттерінің қауіпті деген аймақтарын қайта жөндеуді толықтай аяқтаған.<blockquote>– Қазір су тапшылығы мәселесі бар екенін жасырмаймыз. Алайда әр тамшы су есептеулі, сұранысқа сай реттеп отырамыз. Өңірімізде күріш егіледі, ағын азайды, бұның бәрі суды үнеммен жұмсауға үйретеді. Таяуда қызметкерлерімізді Қазалы ауданының әкімі Мұхтар Оразбаев қабылдап, лебізін білдірді. Бұл құрметке марқайып қалдық, – дейді бөлімше басшысы.</blockquote>2012 жылы «Қазалы су торабы» өндірістік учаскеге айналды. Сөйтіп, Ауыл шаруашылығы министрлігіне қарасты Су ресурстары комитетінің шаруашылық жүргізу құқығындағы «Қазсушар» республикалық мемлекеттік кәсіпорнының Қызылорда филиалы қарамағына өтті. Осылайша су торабы аймақ үшін ғана емес, бүтін республиканың маңызды нысандарының қатарына қосылды.Уақытында нысанның жоба – сметалық құжаттарын «Средазгипроводхлопок» институты әзірлеген екен. Мұндағы алғашқы құрылысты Қызылорда қаласындағы «Қызылордаводстрой» тресіне қарасты Қазалыдағы №16 жылжымалы механикаландырылған колонна жүргізген. Екпінді құрылысқа Кеңес Одағы республикаларынан келген 25 ұлттың өкілдері қатысып, аянбай тер төккен. Қазір учаске су шаруашылығын ілгерілетіп, ел алғысын алып келеді. Тіршіліктің көзі саналған дариядағы суды егін мен шабындыққа, халықтың ауызсуына реттеп беру қазіргідей су тапшылығы кезінде оңай шаруа емес. Су торабының рөлі бұрынғыдан да арта түсіп, еңбегі еселене берері даусыз.

«Қазалы су торабының» жұмысы жанданып келеді

<a href="https://kyzylorda-news.kz/">Kyzylorda-news.kz.</a>&nbsp; Мемлекеттік субсидия төңірегіндегі дау мен келеңсіз жайттар әлі де болса бой көрсетіп қалады. Осыған дейін облысымызда бірқатар шаруалар мемлекеттен берілетін субсидияны ала алмай отырғаны талай рет қозғалды. Әуелде gosagro.kz порталынан шикілік шықса, кейіннен «жең ұшынан жалғасқандар» жайлы айтылды. Не де болса, кем-кетік тұстары жетерлік. Сонымен, қазір жағдай оңалды ма, жалпы субсидия тақырыбында шешілмеген қандай түйіндер бар?Ең алдымен, субсидияның не екенін түсінбей жүргендердің де бар екенін айтайық. Мемлекет шаруалардың ісін дөңгелентіп, қолдау көрсету үшін қаржы қарастырады. Мәселен, кәсіпкер 20 пайызбен несие алатын болса, соның 15 пайызын мемлекет субсидиялап береді, шаруа қалған 5 пайызын ғана төлейді. Қолдаудың түрі де көп, жем-шөпке, техникаға арналғаны, әрісі тыңайтқышқа дейін болып жалғаса береді. Қарасаңыз, игі амал. Бірақ сол қолдаудың шарапаты шаруаларға толыққанды жетпеді. Мәселе қайдан шықты?Әріден тартсақ, Ауыл шаруашылығы министрлігі «субсидияға өтініш беретін портал ақпанның басында іске қосылды» деп ресми ақпарат таратты. Көпке дейін жүйе қалыпты жұмыс істеп тұрғанына, барлық мәселе шешілгеніне сендірумен келді. Бірақ жағдай басқа сарында еді. Сәуірдің соңында gosagro.kz порталы арқылы алғашқы үш айда өңірімізден субсидияға қатысты бар болғаны 20 өтінім ғана қабылданғаны мәлім болды. Осылайша облыс фермерлері тиісті төлемдерді ала алмағаны айтылды. Портал жұмысына қатысты шаруалар мен қаржы институттарынан көптеген шағым түскен еді. Біз осы тұста облыстық кәсіпкерлер палатасына хабарласқанымызда ондағы мамандар қазір шаруалар тарапынан шағымның жоқ екенін жеткізді. Бұған қарағанда, шағым айтып шаршаған шаруалар қолын бір сілтегенге ұқсайды. Мәселеге одан әрі зер салу үшін облыстық ауыл шаруашылығы басқармасымен байланыстық. Ондағылар бізге биыл мал шаруашылығы саласы бойынша бөлінетін субсидияда дау болмағанын жеткізді. Оның үстіне мал шаруашылығы саласы бойынша биыл 4,7 млрд теңге бөлінгенін, 1,7 млрд теңгесі игеріліп, 978 шаруашылыққа субсидия төленгенін баяндады. Қош, расында да шаруалардың қолы субсидияға жете бастаған болар.Алайда сәуірде өткен еліміздің әлеуметтік-экономикалық даму мәселелері жөніндегі кеңейтілген кеңесте Мемлекет басшысы Қасым-Жомарт Тоқаев субсидия беру жүйесі сын көтермейтінін айтқан болатын. «Субсидия алған кейбір пысықайлар өндірісті өркендетудің орнына бюджет қаржысын қалтасына басып, шалқып өмір сүрген. Ал қарапайым шаруалар үшін субсидия алу – қияметтің қиыны» деді Президент.Сондай-ақ субсидия беру жүйесі өте күрделі және қажетті мәлімет көпшілікке қолжетімді емес екенін айтып, субсидия бөлуді реттейтін жаңа цифрлық жүйе бұл түйткілді шеше алмай тұрғанын сынға алды. Елімізде шаруалар шамамен 256 млрд теңге көлеміндегі тиісті төлемін ала алмай, жүйенің дұрыс істемеуі салдарынан 40 мың фермер субсидиясыз қалуы мүмкін екені жария болған.Жаңа портал жарытпадыАуыл шаруашылығы министрлігінің сәуірдегі дерегінше, жаңадан қосылған gosagro.kz жүйесі 60 млрд теңге сомасындағы 1,8 мың өтінімді немесе қаржыландыру көлемінің 37 пайызын кері қайтарып үлгерген. Қалыптасқан тәжірибеге сай мұндай өтінімдер 1 пайыздан аспауы тиіс болса, бұл да портал жұмысының толыққанды жетілмегенін көрсетеді. Несиелер бойынша пайыздық мөлшерлемені субсидиялау – ең өзекті мәселелердің бірі. Бұған қатысты министрлік өкілдері бұған дейін қолданыста болған Qoldau.kz платформасындағы деректерді осы жылдың наурызының соңына дейін ала алмағанын айтқан. Соның салдарынан министрлік былтырғы өтінімдерді төлей алмапты. Министрлік қалай ақталса да, зардабын фермерлер көрді. Облыста 22 пайыздық несие алған шаруашылықтар оның 6 пайызын төлеп, қалған 16 пайызын мемлекет субсидиялауы керек еді. Жүйенің жөнді жұмыс істемеуінің кесірінен шаруалар пайыздық мөлшерлемені толығымен өздері төлеуге мәжбүр болды. Біразы шығынның үстіне шығын жамап, кәсібін кері кетірді. Облысымыздағы «Сырдария-1» несие серіктестігі» ЖШС-на қарасты 200 шаруашылық алғашқы төрт айдың ішінде жалпы сомасы 100 млн теңгеден астам субсидия ала алмаған. Бұл қаржы мал шаруашылығы, өсімдік шаруашылығы, техника секілді шаруалар қажетін өтеуі керек. «Сырдария-1» несие серіктестігі» ЖШС мониторинг маманы Мағжан Мырзағұлов та осы жайтты ашына айтқан еді.<blockquote>– Көптеген шаруа мемлекет тарапынан берілетін пайыздық мөлшерлеменің субсидиясын жыл басынан бері ала алмады. Нәтижесінде несиелерін жоғары пайызбен жабуға мәжбүр болды. Кей кәсіпкерлер несие тарихын бұзып алған. Бастапқы екі айын төлеп, одан кейінгі айларда төлем жасай алмаған шаруалар көп болды. Бұл алдағы уақытта олардың несие алуын қиындатпақ, – дейді ол.</blockquote>Жүйеге қатысты бұдан да өзге мәселелер жетерлік. Көктемде Ауыл шаруашылығы министрлігі Алматы, Жетісу, Жамбыл, Қызылорда және Түркістан облыстары фермерлерінен арзандатылған тыңайтқыштарды алу мүмкіндігінің жоқтығы туралы көптеген өтініштер түсіп жатқанын хабарлады. Мұның себебін фермерлерге gosagro.kz порталында өтініш беруге мүмкіндік жоқтығымен түсіндірген. Бұрын Qoldau жүйесінде фермерлер егістіктерді өздері енгізген деректер негізінде цифрландырған. Әрі деректердің дұрыстығы тексерілмей, бір форматты-логистикалық бақылау болмапты. Қазір gosagro.kz порталында субсидияларды алу үшін жердің ғарыштық мониторингінің деректері негізге алынады. Бұл ретте фермер ауыспалы егісті және оның егістіктерінің шекараларын анықтаған кезде параметрлерді қолмен енгізу, яғни, көзбен белгілеу мүмкіндігі жоқ.Gosagro.kz порталындағы деректерге сәйкес, Алматы, Жетісу, Жамбыл, Қызылорда және Түркістан облысының фермерлері үш айдан астам уақытта 23,5 млрд теңгеге тыңайтқыштарды сатып алуды субсидиялауға 837 өтінім берген. 350 өтінімді тиісті өңірлердің ауыл шаруашылығы басқармалары қабылдамай, осы аралықта бар болғаны 47 өтінімді мақұлдапты. Ал әкімдіктердің ақпараты бойынша, мемлекеттік қолдаудан бас тартудың негізгі себебі – агрохимиялық картограммалардың болмауы. Бұл талап 2023 жылы 1 қаңтарда күшіне енген, оған дейін мұндай талап болған жоқ. Мәселені шешу үшін министрлік ережелерге түзетулер енгізіп, агрохимиялық картограммаларды қолдану талабы алынып тасталған болатын.Бұндай мәселелер шешілмесе, азық-түлік өнімдерін өндіру тежеліп, бірқатар тапшылық туып, бағаның да өсуіне алып келері даусыз. Өйткені қиналған шаруа өндірісін тоқтатады, ал бұндай жағдайда мемлекет жетпеген өнімді шетелден алдыруға мәжбүр болып, шығынданады. Онсыз да ауыл шаруашылығы саласында қызмет ететін 300-ге жуық кәсіпкер мемлекет тарапынан берілетін пайыздық мөлшерлеменің қаңтар-ақпан айларына арналған субсидиясын ала алмаған еді. Жоғарыда айтқанымыздай, қазір шағымның жоқтығы, мәселеге байланысты даудың тыншығаны – барлық проблема шешілгеніне айғақ емес.

Мемлекеттен алатын субсидия: Шаруаларға қолдау керек

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен өңірді сумен қамтамасыз ету мәселелеріне арналған жиын өтті.Қазіргі уақытта аймақта егінді сумен қамтамасыз ету күрделі жағдайда өтуде. Дегенмен, жауапты министрліктермен, шаруалармен бірлесіп егінді судан қалдырмау шаралары қабылданған. Облыста арнайы жұмыс тобы құрылып шаруашылықтарға судың кезекпен берілуі бақылауға алынған. Жоғары орналасқан жерлерге су жеткізу және қашыртқыдағы суды екінші мәрте пайдалану үшін 351 насос пайдаланылуда.Аймақ басшысының тапсырмасына сәйкес бақша дақылдарын егу үшін облыс бойынша барлығы 3 мың 342 гектар жер арнайы дайындалды. Мамандар егілген көлемді қайта нақтылау кезінде су тапшылығы байқалған. Кейбір елді мекендерде егіншілер су жеткізе алмай, дизельді насоспен арықтан су алуда.Жергілікті халық қосымша жер дайындауды сұрап, егін егуге ынтасын білдіруде. Себебі биыл бақша дақылдары жоспарланған көлемнен артық егілген. Демек, бұл жұмыстар қарапайым шаруа адамының күнкөріс деңгейіне оң әсер еткен. Облыс әкімі алдағы уақытта жергілікті халықтың сұранысына сәйкес бақша дақылдарын егу үшін жерді жоспармен дайындап, тұрғындардың сұранысын толықтай қанағаттандыруды тапсырды.Қызылорда қаласы мен аудан әкімдеріне «Қазсушар» республикалық мемлекеттік кәсіпорны Қызылорда филиалымен бірлесіп, дақылдардың нақты су тұтыну нормасына сәйкес су беру кестесін шаруалармен келісе отырып, үйлестіру, су деңгейін көтеру бойынша тиісті жұмыстар жүргізу жүктелді.Өңірде су тапшылығын болдырмау үшін шілде-тамыз айларында Шардара су қоймасына түсетін судың көлемі секундына 200 текше метрден кем түспеуі және қоймадан төменгі ағысқа секундына 500 текше метр су жіберілуі қажет. Облыс әкімі жауапты басшыларға егінді судан қалдырмау шараларын бақылауда ұстауды тапсырды.&nbsp;

Қызылорда халқын сумен қамтамасыз ету мәселелері талқыланды

<a href="https://kyzylorda-news.kz/ru">Kyzylorda-news.kz.</a> Есіңізде болар, бұрында үлкендер қойдың күзем, жабағы жүндерін тиісті жерге өткізіп, аз да болса ақша қылатын. Ал қазір малдың жүнін кәдеге жарата алмаған малшылар далаға тастап, өртеп жіберіп жатыр. Сонда сойылған малдың терісі ештеңеге жарамсыз болып қалғаны ма? Бұрын далаға тасталмайтын малдың жүні бүгінде неге керексіз болып қалды? Баяғы шөптің басына ілініп қалған бір уыс жүнді көрсе, шүйкесіне орап алатын қазақ әйелі қайда?Қойдың жүні қайда кетеді?Шамамен елімізде 6 миллионнан астам ірі қара, 16 миллион ұсақ мал бар. Жылына кем дегенде 5 миллион ұсақ мал, миллионға жуық ірі қара сойылады екен. Бірақ сойылған малдың терісі ештеңеге жарамсыз болып қалуда. Содан да болар, елімізде жылына 13 процент тері өнімі өндіріледі. Әлемдік нарықта сұранысқа ие бренд тауардың бірі саналатын былғары өндірісі біздің елде күннен-күнге жұтаң тартып, кері кетіп барады.Жасыруға келмес, елдегі жеңіл өнеркәсіп саласы ақсап тұр. Мемлекет басшысы халыққа айтқан Жолдауында «5 жыл ішінде агро-өнеркәсіп кешеніндегі еңбек өнімділігін және ауыл шаруашылығы өнімінің кем дегенде 2,5 есеге арттыруды тапсырамын» деген еді. Осы тұста малдың жүн-терісін кәдеге асырып, өнімді экспорттамасақ та, өзімізді сапалы тауармен қамтамасыз етсек те жарар еді. Әйтпесе, малдың терісі мен жүні қадірсіз қоқысға айналып, көрінген жерде құрттап, шіріп, керексіз үйіндіге айналуда. Онсызда біз тұратын аймақ экологиялық зонада тұр. Ендігі жерде жүн-теріні пайдаға жаратпай өртей берсек, тұрғындардың денсаулығы не болмақ? Біреулер бұл іске қолдау жоқ десе, енді бірі арзанға сатылатын жүн-тері бизнесімен айналысуға ешкімнің құлқы мен қызығушылығы жоғын алға тартады. Иә, қазір қойдың бағасы бұрынғысынан едәуір қымбаттаған. Ендігі жерде терісі мен жүнін кәдеге жаратсақ дұрыс әрі маңызды болар еді.Бүгінде жеке шаруалар мен шаруа қожалықтары төрт-түліктен қырқылған жүнін шетелдік бизнесмендердің оңтүстіктегі делдалдары көтерме бағамен сатып алып, сұрыптап, тазалап, оларға жоғары бағамен өткізеді екен. Терінің пайдасын Қытай, Түркия, Таяу Шығыс кәсіпкерлері көруде. Осы күні малдың терісі тон түгіл, тулақ болуға жарамай қалыпты. Қазіргі төсенішіміз – ковролин, жамылғы-жастығымыз – синтепон. Кейінгі кезде бамбук қамысынан өндірілетін талшықтан істелген шұлық, беторамалға дейін тұтына бастадық. Бұл – адам ағзасының бейімделуіне қарай, уақыт өте келе таза табиғи бұйымдарға төзбеушілік дертіне алып келетін қауіпті құбылыс.Тері илеуді қазақ «беске» білетінҚазақ халқы төрт түліктен алынатын барлық өнімді пайдасына асырған. Тұрмыс-тіршілікте малдың етін, сүтін азық етсе, терісі мен жүнінен мата жасап, киім-кешек тігуге пайдаланған. Жүннен бау-шу, арқан-жіп, киім-кешек, қазақ үйдің киізін, әртүрлі төсеніштер мен қап, шекпен сияқты ең қажетті мүліктер жасалған.Малдың әр бөлігінде терісі жұқа, қалың, жүнді болып келетіндігіне байланысты жондық, қабырғалық, үйектік, пұшпақ мойын, таңлақ деген бөліктерге бөледі.Ірі қараның терісін – сиыр терісі, өгіз терісі, тайынша терісі, бұзау терісі деп атаған. Жылқы терісі – бие терісі, жабағы және құлын терісі деп үшке бөлінеді. Түйе терісін – атан тері, бота терісі дейді. Қой терісі – жабағы тері, қырықпа тері, күздік тері, соғым терісі, тақыр тері, тоқтышақ тері, сеңсең тері, елтірі, мари, жылбысқы деп бөлінеді.Жүннен киім-кешекті дайындамас бұрын жақсылап тазартып, жүн дайындау стандартына сәйкес сұрыптап, бояп, өңдеп, иіріп жіп алған. Қазақтар түйенің жабағы жүні мен шудасынан, ешкінің түбітінен, қойдың терісінен әдемі киім-кешектер тіккен. Жылқының жал-құйрығын да пайдасына жаратқан.Көңілге қонымсызы, қазір Осман империясы мен Кашмирге өнімімізді тасымалдаған бабаларымыздың ізін жалғай алмай отырмыз. Осы тұста тарихқа сәл кідіріс жасасақ. XVI ғасырда өмір сүрген Доспамбет жырау «Күдеріден бау тағып, Кіреуке киер күн қайда?» десе, беріде Ақтамберді жырау «Күдеріден бау тағып, ақ кіреуке киер ме екенбіз» дейді. Жыраулар жырлаған «Күдері бау» тіркесі теріден жасалған бау деген мағынада қолданылған. Ал кіреуке – әбден иі қанып жұмсартылған бұғы, бұзау терілерінен иленіп, өңделген былғары. Ол жұмсақ әрі беті барқыт тәрізді түкті болады екен. Жұмсақ болғанымен оңайлықпен жыртыла қоймайды. Күдеріден сырт киім, аяқ киім, қолғаптармен қоса сәнді киімдер тігілген. Оқалы, кестелі, жарғақ шалбарлар және шапан, тұскілем тігу қазақ қолөнерінде кеңінен таралған. Иә, малдың терісін лақтыра салмай, кәдеге жаратсақ, жеңіл өнеркәсіпте дамып, көпке үлгі болар едік.Көбі біледі, түріктер тоқыма өндірісін өркендету арқылы миллиардтаған қаржыны қазына қамбасына құйып, мемлекеттің экономикалық әлеуетін арттыруда.Сол сапалы әрі сәнді тоқыма киім арқылы әлемдегі алдыңғы қатарлы елдердің біріне айналды. Бұл деген сөз – мал жүн-терісінің нарық заманында құнын жоғалтпағанының айғағы. Кеңес одағы дәуірлеп тұрған кезде қалдықсыз өнім саналатын қой жүнінің шайырына дейін игерген заман болған. Ал Қиыр Шығыс, Саха, Бурият елдерінен қой жүнінен жасалған ұйық-байпақ, тері кеудеше, тон секілді киімдерге тапсырыс көп түсетін. Кейінгі кезде осы елдермен де байланыс үзілді.Тұралаған кәсіпті түлетудің жолы қайсы?Қазақстанда кәсіптің бұл түрі мүлдем жоқ деуге де келмейді. Мақаланы жазу барысында зерттеген болатынбыз. Қазақстан бойынша тері өңдейтін 17 кәсіпорын бар екен. Оның алтауы өңделмеген теріден дайын теріге дейін қайта өңдеу жүйесімен жұмыс істейді. 3 кәсіпорын қой терісінен дайын бұйымдар шығарумен айналысса, қалған 8 кәсіпорын жартылай былғары ¬фабрикаттарын шығарады. Жоғарыда айтып өткендей, малдың жүн-терісін жинап, кәсіп қыламын дейтін жандарға қолдау аз. Осыған байланысты аудандық кәсіпкерлік және туризм бөліміне хабарласып көрдік. Ондағылар жыл сайын шағын және орта бизнесті қолдау мақсатында қайтарымсыз гранттар үлестірілетінін, бірақ өтініштердің арасында жүн-тері кәсібін дөңгелетуге ниеттілер кездеспейтінін айтады. Себебі көбі нарық талабына сай заманауи кәсіп түрлерін дамытқысы келеді. Тұралаған ата кәсіпке қолдаудың, табыстың аз болғаны үшін жоламай ма, кім білсін?!ТҮЙІН: Иә, кез келген кәсіп түрін бастығысы келген жанды мемлекет әркез қолдауға әзір. Заман талабына сай түрлі бизнесті ашу да орынды. Әлемжелі қарыштап дамыған сайын сатып-алу сайттарының да саны артты. Бірақ қарапайым қазақ үшін төрт-түлік малдың терісін өңдеп, илеп, қайта жандардыру керек сыңайлы. Сонда өзіміздің қазақы брендтің аты шығып, жеңіл өнеркәсіп те дамиды.

Шиелі ауданында мал терісін кәдеге жаратылады

<a href="https://kyzylorda-news.kz/ru">Kyzylorda-news.kz.</a> 90 жылдық тарихы бар Шиелі кенті соңғы жылдары бұрынғысынан да көркейіп, көгалданып келеді. Күрмеуі шешілмеген түйіткілді мәселер де оң шешімін табуда. Әрине, бұл – қуаныш. Дегенмен, кент ішінде қазіргі таңда күн тәртібінен түспей тұрған өзекті мәселелер де жоқ емес. Солардың бірі – кент тазалығы мен ардагерлердің ¬ахуалы. Міне, осындай мақсатта Шиелі кенті әкімі Аманкелді Шералыұлы және кент ардагерлер кеңесінің төрағасы -Болат Күлімбет аудан және кент ардагерлеріне атқарылған жұмыстар бойынша есеп берді.Кездесуде кент әкімі А.Шералыұлы өткен жылы атқарылған істерді баяндап, алдағы уақытта жүзеге асатын жоспарларымен бөлісті. Сонымен қатар бірқатар кемшіліктерге тоқталып, тұрғындардың көкейінде жүрген сауалдарға жауап берді. Баяндама барысында кент аумағын көркейту көгалдандыру, абаттандыру, жол мәселесі бойынша және тазалық жұмыстары жөнінде сөз сөйледі. Ең әуелі А.Шералыұлы:<blockquote>– Жыл сайын кент аумағында көркейту, абаттандыру, сондай-ақ тазалық жұмыстары тұрақты назарда. Өздеріңіз көріп жүргендей, 2022 жылы да бірқатар істер жүзеге асты. Атап айтар болсақ, Жақаев көшесінің бойындағы көп қабатты тұрғын үйлердің ауласын абаттандыру жұмыстары толық аяқталды. Сонымен қатар кенттегі аспалы көпір айналасын абаттандыру жұмыстары жүргізілді. Аталған аспалы көпір үстіне және Яссауи, Дәулеткерей көшелеріндегі бағаналарға жарық шамдары орнатылды. 37 аялдама сырланып, оның бүлінген, сынған жерлері қалыпқа келтірілді. Одан бөлек орталық стадионның қоршау шарбақтары жаңартылып, жаяу жүргіншілер жолы төселді. Кент ішіне 5 дана жарықдиодты «лэд» экран орнатылды. Әбдікәрімов көшесінің бойындағы жаңадан салынған 18 пәтерлі көп қабатты бес тұрғын үйдің ауласын абаттандыру, жаяу жүргіншілер жолына жабындытас төсеу және жарық бағаналары қойылды. Мемлекеттік сатып алу жұмыстары аяқталып, мердігер «Ай Аружан» ЖШС компаниясы арқылы 24 көшеге 240 дана жарық бағаналарын орнатты. Мердігер «Шиелі жарығы» ЖШС компаниясы да жеңімпаз атанып, қазіргі таңда тиісті жұмыстар атқарып жатыр. Аудан әкімі Нұржан Сәбитұлының тапсырмасына сәйкес кент аумағының тазалық жұмыстарына жауапты мердігер мекеме мен кент ішіндегі көшелерден тұрмыстық қатты қалдықтарды алып кету кестесі жасақталып, тиісті жұмыстар атқарылуда. Тазалық жұмыстары бойынша кент аумағандағы иесіз қалдықтарды шығару, көшелерге су себу, қыс мезгілінде қарын күреу, тұз қоспасы бар құм себу жұмыстары бойынша «Магнит» мердігер компаниясы өз жұмыстарына қырағы. Барлық мемлекеттік мекемелер де әр апта сайын сенбілікке шығады. Ал тазалыққа ¬жауапты компаниялар тек кент тазалығын ғана емес, арық ішіндегі қоқыстарды да назардан тыс қалдырмайды. Халықтың сұрауы бойынша, теріскей беттегі өткел жөнделіп жатыр. 2023 жылы да кент ішін көркейту, көгалдандыру бағытында бірқатар істер атқарылатын болады, – деді А.Шералыұлы.</blockquote>Кент әкімінің қысқаша есебінен кейін тұрғындар көкейде жүрген сұрақтарын қойып, өз мәселелерін жеткізді. Атап айтар болсақ, кент ішіндегі көптеген көшеде арнайы қоқыс жәшіктерінің жоқтығы басты мәселеге айналып отыр. Тұрғындардың айтуынша, былтыр әр көшеге орнатылған қоқыс жәшіктері биыл алынып тасталған. Соның салдарынан көшенің сәні кетіп, кент ішіндегі қоқысты ит пен құс шашып, одан шығатын жағымсыз иіс қолқаны қауып, қолайсыздық тудырады. Тұрғындардың бұл базынасына кент әкімі төмендегіше жауап берді:<blockquote>– Кент ішінде 8 мыңға жуық үй бар. Қазіргі таңда әр көшеге қоқыс жәшігін орнатуды жоспарлап отырмыз. Былтырғы жылы тапсырыс берген қоқыс жәшіктерінің көлемі шағын, сапасы нашар болды. Оны тазалыққа жауап беретін мердігер компаниялар да жоққа шығармайды. Жәшіктер – көшенің сәнін кетіріп, қоқыстар шашыла берген соң алынып тасталды, – деді А.Шералыұлы.</blockquote>Бұдан бөлек, кент ішіндегі кейбір көшелердің қазіргі ахуалына бірқатар тұрғындардың көңілі толмайтыны білінді. Мәселен, тұрғындар бұрыннан халық тұратын көшелердің жолы жөнделмей жатып, әлі үй салынбаған көшелерге асфальт төселгеніне наразы.<blockquote>– Мен кент ардагерімін. Жаңа бірқатар көшелерге жөндеу жұмыстарының жүргізіліп жатқанын баяндадыңыз. Мысалы, Шорабаев көшесін айтып отырсыз. Ол жақта мүлде үй жоқ. Ал үй жоқ көшеге асфальт төселсе, ертең су,газ тартылатын болса, көше қайта қазылып, бүлініп, еңбек еш кетеді. Сондықтан қаражаттың өзі дұрыс игерілуі тиіс. Менікі тек ұсыныс қана. Оның орнына теріскей беттегі жөндеуді қажет ететін бірқатар көшелерге қаражатты бағыттау қажет, – деді ардагерлердің бірі.&nbsp;</blockquote><blockquote>– Иә, ұсынысыңыз өте орынды. Сіздің көтеріп отырған мәселеңізді міндетті түрде қайта қарастырамыз. Кент ішінде де күрделі және орташа жөндеуді қажет ететін көшелер жоқ емес. Жалпы 2022 жылы жол жөндеу жұмыстарына 208 млн 860 мың теңге бөлініп, 14609 метр асфальт төселген болатын. Бөлінген қаражаттың игілігін көрмеген көшелер осы жылы жөндеуден өтетін болады. 2023 жылғы жол жөндеу жұмыстарының жоспары ¬бойынша құжаттама әзірленіп, бюджеттік өтінім жолданды. Атап айтар болсақ, қазіргі таңда жобалық құны 570 млн теңге болатын кенттегі орталық көшелерді орташа жөндеу жоспарланып отыр, – деді кент әкімі.</blockquote>Кент ардагерлерінің ұсыныстары мен көтерген мәселелері мұнымен тоқтаған жоқ. Көңіл көншітпейтін өткір де өзекті тақырыптар жиында сөз болып, ашық талқыланды. Көше жарықтары мен ауыз су, аяқ су мәселелері де қозғалып, олардың оң бағытта шешілуі талап етілді. Кент әкімі А.Шералыұлы тұрғындардың талап тілегін тыңдап, мәселелерді кезең-кезеңімен шешілетінін айтып, есеп беру жиынын аяқтады.Бұдан әрі жиында кент ардагерлер кеңесінің төрағасы Болат Күлімбет аудан және кент ардагерлеріне өткен жыл көлемінде атқарылған жұмыстар бойынша есеп берді. Аталған жиында Болат Күлімбет кентте 8 мыңға жуық ардагер барын атап айтып, 2022 жылдың басында олардың саны 87 адамға толыққанын жеткізді. Қазіргі таңда аудандық телекоммуникация және пошта торабынан кент ардагерлерінің бастауыш ұйымдары ашылып, 61 ардагер қосымша есепке алынған. Былтырғы жылы кент ардагерлері бірқатар ауқымды жұмыстар атқарып, кенттің көркеюіне үлес қосқан. Атқарылған ілкімді істер есеп беру барысында толық баяндалды. Сонымен қатар жиын барысында 2023 жылы атқарылатын жұмыстар таныстырылды. Атап айтар болсақ, кент ардагерлерін медициналық тексерістен өткізу, аудандық емхана ішінен қарттарға қарайтын арнайы медицина маманы яғни «гериатр» мамандығын ашуды ұйымдастыру, сондай-ақ кент ардагерлер кеңесіне түскен арыз-шағымды уақытылы қарап, ондағы көтерілетін мәселелердің оңтайлы шешімін табуға ықпал ететіндіктерін жеткізді.

Шиелі: Кент көркейсе қуаныш

<a href="https://kyzylorda-news.kz/ru">Kyzylorda-news.kz.</a> «Адал еңбекпен мал іздемек – ол арлы адамның ісі» деп дана Абай айтқандай расында да, адам баласы пайда болғаннан бері өзінің қажеттілігін тек еңбек арқылы қамтамасыз етіп келеді. Еңбек адамды адалдық, табандылық, жауапкершілік сияқты қасиеттерге баулып игілікке жеткізеді. «Маңдайы терлемегеннің қазаны қайнамайды» деп те жатамыз. Табыстың кілтін тынымсыз тірліктен тауып, бүгінде зейнет жасына шықса да, қоғамның көшінен қалмай, ауданның дамуына өзінің үлесін қосып келе жатқан нағыз еңбек адамының бірі – Аманжол Ермағанбетов ақсақал жайында сөз қозғауды жөн көрдік.Қаламымызға арқау болған кейіпкеріміз Аманжол Ермағанбетов – 1942 жылы Ақмая ауылдық округінде, қарапайым отбасында дүниеге келген. Ол 1961 жылы Жамбыл облысындағы есеп-санақ училещесіне оқуға түсіп, 1962 жылы әскер қатарына шақырылып, борышын өтеп келген соң оқуын қайта жалғастырған. Алғашқы еңбек жолын «Төңкеріс» колхозында есепші болып, сол колхозда бірнеше жауапты қызметтерде болды. Одан кейін де аталған саладан бөлек аудандық ауылшаруашылығы саласында қажырлы еңбек етіп, сол бөлімнің бас маманына дейінгі лауазымдарды абыройлы атқарды. Біз де көненің көзіне айналған ақсақалымыздың қазіргі жастарға деген көз-қарасын білмек болып, әңгімеге тартқан едік.<blockquote>– Иә, қазіргі жастар егеменді елдіктің еркін жастары. Осындай өркендеу жолына түскен еліміздің болашағы жастардың қолында. Мен әңгімемді неге жастарға арнап отыр десеңіз, Мемлекет басшысы біраз жастарды жоғары қызметке тағайындап жатыр. Бұл өте қуанарлық жайт. Себебі оларда тың идея көп. Тағы бір айтарлығы қазіргі таңда «Болашақ» бағдарламасы бойынша шетелде көп жастарымыз білім алуда, елімізде жоғары білім алу үшін білім гранттары да бөлінуде. Мемлекеттік жастар саясаты жаңа белгілі нәтижелер алатыны айқын. Ал жастар өмірі сапалы жаңа деңгейге көтеріледі. Бұл өз деңгейінде мемлекеттің гүлденуіне және азаматтардың жарқын болашағына кепіл болады, – дейді ақсақал.</blockquote>Бүгінде Аманжол Ермағанбетов ақсақал даңғайыр диқан, екі мәрте Социалистік Еңбек Ері, дала академигі «Ы.Жақаевқа – 130 жыл» мерекелік медалімен, «Ел ардақтысы», «Еңбек даңқы» медальдарымен және облыс, аудан әкімінің алғыс хаттарымен марапатталған. Қазіргі таңда ақсақалымыз ұлын ұяға, қызын қияға қондырып, өмірлік жарымен бірге немерелерінің қызығын көруде.

Аманжол Ермағанбетов: Жастар – егеменді елдіктің жаршысы

<a href="https://kyzylorda-news.kz/ru">Kyzylorda-news.kz.</a> 9 жыл бұрын іргесі қаланған «Шиелі-құс» фермасы есіңізде болар. Бірақ өкінішке қарай, аудандағы жалғыз жұмыртқа өндіретін құс фабрикасының ғұмыры ұзақ болмады. Енді бұрынғыдай дүкен сөрелерінен өзімізден өндірілетін құс өнімін кездестірмейміз. Керісінше, сырт жақтан импортталатын жұмыртқа өнімдері самсап тұр. Әлеуметтік маңызы бар тауарлар қатарына кіретін бұл өнімнің бағасы да апшыны қуырады бүгінде.Өткен жылы жұмыртқа бағасы өңірде 55 теңгеден басталып, құны 100 теңгеге дейін шарықтаған болатын. Ұлттық статистика бюросының мәліметінше, былтыр жұмыртқа 20 процентке қымбаттаса, қаңтар айында 30 процентке дейін көтерілген. Сарапшылар бұған тапшылық пен жұмыртқаға маусымдық сұраныстың артуы себеп дейді. Ал биылғы баға қандай? «Күн дыз ете бастап еді, сауда орындары мен дүкен сөрелеріндегі жұмыртқа бағасы 55 теңгеден басталып, 60 теңгеге өсті. Кейбір дүкендерде 70-80 теңгеге дейін сатылуда. Жаз айларында 30 теңгеге сатып алып жүрген жұмыртқаның бағасы жылдам өзгеріп шыға келді. Тұқымның бағасы тағы қымбаттап, «қалтамызға салмақ түседі ме деп алаңдаймыз» дейді аудан тұрғындары.Құс өсіру – агроөнеркәсіптік кешендегі қиын салалардың қатарында. Оған мемлекет тарапынан қолдау көрсетіліп те жатыр. Мәселен, фабрикаларға бір жұмыртқа өндіргені үшін 3 теңге субсидия беріледі. Бірінші санаттағы жұмыртқаның 10 данасы кәсіпорындардан 420-440 теңгеден босатылады. Олай болса, сауда сөрелеріндегі баға неге 670 теңге? Бұл баға қайдан шықты? Фабрикалар өнімділікті арттыру үшін әкімдіктер не істеп жатыр? «Шиелі-құс» фабрикасының жұмысы тоқтап қалған соң, жергілікті өнім болмай қалды.Сондықтан бұл бағытқа мейлінше инвесторлар тарту керек сыңайлы. Себебі қандай да бір өнім түрінің бағасы тұрақты әрі арзан болуын қаласақ, оны өзіміз мол көлемде өндіруіміз қажет. «Ауданда әлеуметтік маңызы бар азық-түлік өнімдерінің 19 түрі бақылауда» екендігін айтады мамандар. Бірақ сол бақылау көрінбейді…2016 жылы небәрі 10 мың бас құспен ашылған ферманың алғашында жұмысы жанданды. Араға бір жыл салып, олардың санын 20 мыңға жетіп, күніне 18-19 мың дана жұмыртқа өндіретін-ді. Алайда субсидияның салдарынан жұмыс тұралап, жабылып қалды. Оған тұрғындардың наразылығын қосыңыз. Оның себебі айтпаса да, ұғынықты болар. Осындай қымбатшылық кезеңде, өзіміздің емес, өзгенің өніміне қалта қағылды.Осыған байланысты «Шиелі-құс» фермасының қожайыны Насыр Мырзабековке байланысқа шықтық. Кәсіпкердің айтуынша, облыстық ауыл шаруашылығы басқармасы және жергілікті әкімдіктің қолдауымен алдағы уақытта жұмыс қайта жанданбақ.

Қазақстан және Қызылорда облысының жаңалықтары