<a href="https://kyzylorda-news.kz/ru">Kyzylorda-news.kz.</a>&nbsp;Қызылорда қаласындағы Назарбаев Зияткерлік мектебінің оқушылары Максим Усольцев пен Дінмұхаммед Абдиев робототехникадан халықаралық олимпиадада (World Robot Olympiad) қоладан медаль тақты.Әлемнің үздік робот құрастырушылар арасындағы жарыс Панама елінің астанасында өтті. 100-ден астам мемлекеттен келген 1300-ге жуық қатысушы цифрлық индустрия үшін инфрақұрылым мен логистиканы жасайтын роботтармен жұмыс істеп, өнертабыстарын ұсынды.<blockquote>«Қазақстан атынан 13 команда қатысты, нәтижесінде отандық құрама 3 категориядан жүлделі орын алды. Мектебіміздің оқушыларымен бірге ІІІ және ІІ орынды Астана қаласының Роботек командасы иеленді», — дейді сырбойылық педагог Серік Ахметов.</blockquote>Әлемдік додада Қызылордадағы NIS намысын төрт оқушы қорғады. Жерлестеріміз Нұрдаулет Әділбек пен Ернұр Сәду жақсы нәтиже көрсетіп, үздік бестіктер қатарынан көрінді.<figure class="image"><img src="https://knadmin.beoblood.kz/uploads/400746335_3495859490743960_3016792428543568866_n_cc117107d0.jpg" alt="400746335_3495859490743960_3016792428543568866_n.jpg"></figure>&nbsp;<figure class="image"><img src="https://knadmin.beoblood.kz/uploads/400864894_3495859574077285_6388524653875539035_n_004bfe7a3d.jpg" alt="400864894_3495859574077285_6388524653875539035_n.jpg"></figure>

WRO-2023: Қызылордалық зияткерлер дүниежүзілік чемпионатта ІІІ орынмен марапатталды 

<a href="https://adyrna.kz/index.php/post/141332">ФОТО</a><a href="https://kyzylorda-news.kz/ru">Kyzylorda-news.kz.</a> &nbsp;Гуманитарлық-педагогикалық институтының ұйымдастыруымен «Білім беру бағдарламалары: қажеттілік пен сұраныс» тақырыбында дөңгелек үстел өтті.Дөңгелек үстелдің мақсаты – Гуманитарлық-педагогикалық институтының білім беру бағдарламаларына жұмыс берушілер тарапынан талдау жасап, еңбек нарығындағы қажеттілік пен сұранысты анықтау. Сондай-ақ, институттың 2021-2022, 2022-2023 оқу жылының жұмысқа орналаспаған түлектерін жұмыс берушілермен, облыстық еңбек мобильділігі орталығы мамандарымен кездестіріп, жұмысқа орналасу мәселесін талқылау.Дөңгелек үстелге облыстық еңбек мобильділігі орталығы КММ бөлім басшысы Абылай Самыратов, Бағдаулет Төребек, Рекрутинг және мансап басқармасының басшысы Жандос Оразмаханов, жұмыс беруші білім беру бағдарламаларының филиалдарынан «Сыр медиа» ЖШС бас директорының орынбасары Айжан Абдуллаева, Н.Ахмадеева атындағы №112 орта мектебінің қазақ тілі мен әдебиеті мұғалімі Ұлжан Жорабекова, ағылшын тілін үйрету орталықтарының әкімшіліктері және өзге де мектеп директорлары қатысты.Дөңгелек үстелде түлектер өз мамандығы бойынша жұмысқа орналасудың тәртібін, ваканттық бос орын конкурсына қатысу мүмкіндіктері туралы толық ақпарат алды. Іс-шара нәтижесінде Гуманитарлық-педагогикалық институтының білім беру бағдарламаларына жұмыс берушілер тарапынан қажеттілік пен сұраныс анықталды, өз саласы бойынша жұмысқа орналаспаған түлектер бос орын конкурстарына қатысу тәртібін үйреніп, жұмыс берушілермен келіссөздер жүргізді.<figure class="image"><img src="https://knadmin.beoblood.kz/uploads/Whats_App_Image_2023_11_10_at_11_41_21_1_ac6855d3da.jpeg" alt="WhatsApp Image 2023-11-10 at 11.41.21 (1).jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2023_11_09_at_12_27_08_14aab25f74.jpeg" alt="WhatsApp Image 2023-11-09 at 12.27.08.jpeg"></figure>

Түлектердің жұмыспен қамтылуы қалай ұйымдастырылып жатыр?

<a href="https://kyzylorda-news.kz/ru">Kyzylorda-news.kz.</a>&nbsp; Батыс Қазақстан облысы «Атамекен» өнер орталығында С.Айтбаев атындағы көркемсурет галереясының «Сырдың сырлы әлемі» атты жылжымалы көрмесі ашылды.Аталған көрмені Батыс Қазақстан облысының мәдениет, тілдерді дамыту және архив ісі басқармасы басшысының орынбасары Қуанышбек Мұханғалиев ашып, Сыр елінен рухани-мәдени байланысты ту етіп келген қонақтарға Ақжайық жұртшылығы атынан алғыс білдірді.Қызылорда облыстық тарихи-өлкетану музейінің директоры &nbsp;Сапар Көзейбаев өз сөзінде екі өңір арасындағы мәдени ынтымақтастық пен байланыс ретіндегі аталмыш көрме оралдықтар мен сыр жұртшылығы үшін тың серпіліс, рухани нәр, тарихи байланыс болып қалыптасатындығын жеткізіп, естелік сый тарту етті.Көрмеде С. Айтбаев атындағы галерея қорынан еліміздің танымал қылқалам шеберлері мен облыс суретшілерінің 73 шығармасы көрермен назарына ұсынылды.Аталған көрме 10-23 қараша аралығында жұмыс істейді.<figure class="image"><img src="https://knadmin.beoblood.kz/uploads/401083435_17938611296754489_8422443655519447205_n_47496b5d60.jpg" alt="401083435_17938611296754489_8422443655519447205_n.jpg"></figure>&nbsp;<figure class="image"><img src="https://knadmin.beoblood.kz/uploads/400996552_17938611308754489_871359109539273841_n_c3398167e8.jpg" alt="400996552_17938611308754489_871359109539273841_n.jpg"></figure>

Ақжайықта «Сырдың сырлы әлемі» атты жылжымалы көрмесі ашылды

<a href="https://kaz.tengrinews.kz/events/bishmbaevtyin-buryingyi-ayel-okigaga-katyistyi-pkr-bldrd-355509/">ФОТО</a><a href="https://kyzylorda-news.kz/ru">Kyzylorda-news.kz.</a> &nbsp;Қуандық Бишімбаевтың бұрынғы әйелі Назым оқиғаға қатысты пікір білдірді, - деп хабарлайды <a href="https://kaz.tengrinews.kz/">Tengrinews.kz</a>.9 қарашада экс-министр Қуандық Бишімбаевтың ұсталғаны &nbsp;белгілі болды. Астанадағы мейрамханалардың бірінде келушілер арасында жанжал шығып, салдарынан бір әйел алған жарақатынан көз жұмған. Болжам бойынша, әңгіме экс-министрдің әйелі туралы. Бишімбаевтың ұсталғаны туралы хабарламамен қатар Астана полициясы ер адамның ұсталғаны туралы пікір білдірді. Бірақ оның аты-жөнін нақтыламады.Экс-министрдің бұрынғы әйелі Назым бірнеше жыл бұрын Қуандық Бишімбаевпен ресми түрде ажырасқанын растады. Оның айтуынша, кеше оқиғаға байланысты оған көптеген қоңырау түскен.<blockquote>"Иә, бұл - сұмдық. Қоңыраулар келе бастағанда, не болып жатқанын мүлде түсінбедім... Шок", - деді Бишімбаевтың бұрынғы әйелі.</blockquote>Назымның айтуынша, ол Қуандық Бишімбаевпен ресми некеде 14 жыл болған. Ерлі-зайыпты 2020 жылы, экс-министр түрмеден шыққаннан кейін бір жылдан кейін ажырасқан. Олардың үш баласы бар.<blockquote>"Біз 2020 жылдың 5 қазанынан бастап ресми түрде ажырасқанбыз, бірге тұрмағанымызға одан көп болды. Біз сирек араласатынбыз, тек балалар тақырыбында. Балаларға көмектесетін, араласатын, бірақ соңғы жылы өте сирек. Бұл - трагедия. Салтанаттың отбасына қайғырып, көңіл айтамын", - деді Қуандық Бишімбаевтың бұрынғы әйелі Назым Tengrinews.kz тілшісіне берген сұхбатында.</blockquote>Еске салайық, 2017 жылы Қуандық Бишімбаевқа қатысты басталған сот процесінде сотта оның бұрынғы әйелі Назым қоғамдық қорғаушысы болды.Атышулы іс бойынша барлық сот процестеріне Назым өзі қатысты.

Бишімбаевтың бұрынғы әйелі оқиғаға қатысты пікір білдірді

<a href="https://kyzylorda-news.kz/ru">Kyzylorda-news.kz.</a> Қызылорда облысында мұнай өнімдерінің заңсыз айналымына қатысты 7 іс тіркелсе, 6 істің өндірісі аяқталып, сотқа жолданған. Ал, көлеңкелі экономика бағытында жедел іздестіру нәтіжесінде 21 қылмыстық іс тіркелген. Бұл туралы Қызылорда облысы бойынша экономикалық тергеп-тексеру департаментінің басшысы Бақыт Қайшыбеков мәлімдеді.&nbsp;Департамент басшысының айтуынша, осы жылдың 10 айында өндірісте 36 іс болып 14 іс – өндіріспен аяқталған. Мемлекетке келтірілген залал мөлшері 200 млн. теңгені құрап, сотқа дейінгі тергеу жұмыстары нәтижесінде 145 млн. теңге өндіріліп, залалдың өндірілу үлесі 72,5 пайызды құраған.<blockquote>«Экономикалық қылмыстарды халықтың әлеуметтік жағдайынан бөліп қарауға болмайды. Экономикалық өсу мен дамуға тосқауыл болатын әрбір қылмыстық әрекеттің қоғамға және адамдарға залалы орасан. Сондай қылмыстардың бірі – заңсыз ойын бизнесімен байланысты. Заңсыз ойын ұйымдастыру бойынша соңғы 2 жылда Департамент өндірісінде 22 қылмыстық іс болып, 20 ойын орны жабылды. Барлық қылмыстық істер аяқталып, соттың шешімі шықты», - деді департамент басшысы.</blockquote>Департаменттің өндірісіндегі ауқымды жұмыстардың бірі - қаржы пирамидасы мен алаяқтық. Бұл тұрғыда есептік кезеңде департамент Q-Net пирамида ұйымына қатысты қылмыстық істі аяқтап, сотқа жолдаған. Сотқа дейінгі тергеп тексеру барысында 40 жәбірленушіге 53 млн. теңге көлемінде келтірілген залал толығымен өндіріліп, 47 млн. теңге көлеміндегі мүлікке тыйым салынды. Сонымен қатар, департамент «Chia-Tai» қаржы пирамидасының Қызылорда қаласындағы құрылымдық бөлімшесін басқарған күдіктіні қамауға алған.БАҚ өкілдерімен болған брифингте департамент басшысы қаржылық сауаттылық негізінде атқарылып жатқан жұмыстарды да сөз етті. Сондай-ақ, ҚМА-ның экономикалық құқық бұзушылық фактілерін хабарлауға арналған арнайы телеграмм боттың іске қосылғанына ерекше тоқталды.<figure class="image"><img src="https://knadmin.beoblood.kz/uploads/400233582_304266405828874_3134858695136467278_n_2bfe15f1de.jpg" alt="400233582_304266405828874_3134858695136467278_n.jpg"></figure>

Қызылордада заңсыз 20 ойын бизнесінің жолы кесілді 

<a href="https://kyzylorda-news.kz/ru">Kyzylorda-news.kz.</a>&nbsp; Отбасы, әйелдер және балалардың құқығын қорғау мәселелері бойынша «AMANAT 111» &nbsp;бірыңғай мемлекеттік байланыс орталығы жұмыс істейді.&nbsp;

«AMANAT 111»  бірыңғай мемлекеттік байланыс орталығы құрылды

<a href="https://kyzylorda-news.kz/ru">Kyzylorda-news.kz.</a> Қармақшы ауданының әкімі Жандос Еркінбекұлы аудан орталығындағы бірнеше білім ошағын аралады.Аудан басшысы әуелі Шоқан Уәлиханов атындағы №26 мектеп оқушы­лар­ының қауіпсіздігін қамтамасыз етілуімен, мектеп базасындағы интернаттың жұмысымен көрді. Сонымен қатар бітіруші сынып оқушыларының үлгерімін жақсартуды тапсырды. Одан кейін Ә. Егізбаев атындағы №121 мектеп пен С. Есқараев атындағы №27 мектептердегі «Жасыл мектеп» жобасы аясында атқарылып жатқан жұмыстармен таныс­ты. Өткен жылы күрделі жөн­деуден өткен №121 мектептің білім алушы оқушыларының көрмесін тамашалады.Мұнан соң №250 мектеп-лицейінің базасында болып, мектептің жарқын жетістіктерін атап өтіп, оқушылардың бос уақытын тиімді пайдалану жұмыстарына оң бағасын берді.<blockquote>"Мемлекет басшысы Қасым-Жомарт Тоқаевтың Жолдауында «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс» -деп баса айтқан болатын. Ел болашағының жарқын болуы білімді, жан-жақты тәрбие алған ұрпақтың қолында. Келер келешегіміздің келісті келбетін қалыптастыру олардың сапалы білім алуларына байланысты. Бәсекеге қабілетті өскелең буынды тәрбиелеу жолында әрбір мұғалім жаңартылған мазмұндағы білім беру бағдарламасын сапалы іске асыруы тиіс. Себебі сапалы білім ұлт діңгегі болып саналады"-деді Жандос Еркінбекұлы білім беру саласы басшыларына.</blockquote><img src="https://knadmin.beoblood.kz/uploads/397612674_2467478990089659_8703298435472723312_n_kopiya_2_089db43f16.jpg" alt="397612674_2467478990089659_8703298435472723312_n - копия (2).jpg"><img src="https://knadmin.beoblood.kz/uploads/397541861_2467479280089630_8266492618574538464_n_kopiya_2_da0d73c5f0.jpg" alt="397541861_2467479280089630_8266492618574538464_n - копия (2).jpg"><img src="https://knadmin.beoblood.kz/uploads/397558302_2467479083422983_6367217689770642413_n_d5ab07d2ac.jpg" alt="397558302_2467479083422983_6367217689770642413_n.jpg"><img src="https://knadmin.beoblood.kz/uploads/397573749_2467479333422958_8393265747562269474_n_kopiya_2_d3f64eead0.jpg" alt="397573749_2467479333422958_8393265747562269474_n - копия (2).jpg">

Қармақшы ауданының әкімі мектептердің жағдайын аралап көрді 

<a href="https://kyzylorda-news.kz/ru">Kyzylorda-news.kz.</a> Кейінгі жылы әйелдерге қатысты зорлық қылмыстары көбеймесе азайған жоқ. Ranking.kz мәліметінше, 2022 жылы 70 әйел тұрмыстық зорлық кезінде қайтыс болған. Күні кеше Ұлттық экономика министрлігін бұрын басқарған Қуандық Бишімбаев әйелін мейрамханада аяусыз ұрып тастаған. Әйел жедел жәрдем келгенше жан тапсырған, деп хабарлайды <a href="https://massaget.kz/basty-zhaalytar-438/94317/">Massaget.kz.</a>Бірінші кездесуде өлтіріп кеткен20 қазанда Алматының Түрксіб ауданында арықтан қыз өлі табылған болатын. Қалаға әке-шешесін асырау үшін барған ару қаза болмастан бұрын әпкесімен тілдескен екен. Марқұм қыз әпкесіне жігітпен кездесуге барып келетінін айтқан. &nbsp;<blockquote>"Жігітпен сағат 20:30-да кездескен. Ол жігіт туралы маған айтқан. 1991 жылы туған алматылық жігіт №148 мектепте оқыған. "Бір сағат кездесемін, ертең жұмыс, ертерек келіп, демалуым керек" деген ол қайтып келмеді", - деді марқұмның әпкесі Әйгерім Кенчебаева.</blockquote>Кафедегі кездесу көңілінен шықпаған қыз, арада жанжал шыққан соң 102-ге хабарласып үлгерген. Әпкесінің айтуынша, далаға қашып шыққан қызды күдікті итеріп жіберген.<blockquote>"Арықтың ішіне құлаған қыздың басына қан құйылған. Ал жігіт кетіп қалады. Бірақ 15-20 минуттан кейін келіп, Айнагүлдің телефонын жанына қояды да, қайта кетеді. Сұмдық қой, көріп тұрып, көмек көрсетпеген", - деді марқұмның әпкесі Әйгерім Кенчебаева.</blockquote>Қайтып келмеген қызының мәйітін тануға сағат 02:00 шамасында әкесі барған. Қол-аяғы қалтырап қайтқан күйі Айнагүл екеніне сенбеген. Алайда ақ халаттылар миына қан құйылған деп диагноз шығарып беріпті.Қазіргі таңда бұл іске қатысты сотқа дейінгі тергеу жүріп жатыр. 1991 жылы туған күдікті ұсталып, қамауға алынды.&nbsp;18 жерінен пышақталған заңгердің өліміне қатысты іске нүкте қойылдыБір жыл бұрын Алматыда жантүршігерлік қылмыс болды. Алматылық адвокат Айман Асанова өз үйінде өлі табылды. Тергеушілер танымал адвокаттың өліміне оның бұрынғы күйеуі 52 жастағы Талғат Нұртаев кінәлі екенін анықтаған. Бір қызығы Нұртаев бастапқыда адам өлтіргені үшін небәрі 1,5 жылға сотталған болатын.&nbsp;Қазақстандық заңгер Айман Асанова былтыр 12 қазанға қараған түні ауруханада қайтыс болды. Қайғылы оқиға болардан төрт күн бұрын оның бұрынғы күйеуі Талғат Нұртаев Айман Асановамен "мүлікті бөлісуді талқылауға" келген. Экс-жұбайлар арасында дау туып, Нұртаев Асанованы 18 жерінен пышақтап тастаған. Соққының көбі 42 жастағы заңгердің басы мен мойын тұсына тиген. &nbsp;Бастапқыда ауыр қылмыс жасаған Талғат Нұртаев алты күндей жасырынып, артынша Алматының Алмалы ауданындағы полиция бөліміне өзі адвокатымен бірге келген. &nbsp;Бірінші инстанциядағы сот Талғат Нұртаев қылмысты аффект жағдайында жасады деп шешіп, небәрі 18 айға, яғни 1,5 жылға бас бостандығынан айырған болатын. Марқұмның туыстары соттың бұл шешімімен мүлде келіспеді. Оның үстіне сот шешімі қоғамда қызу талқыға түсіп, дау тудырды.&nbsp;Осылайша 27 маусымда Алматының қалалық сотының апелляциялық коллегиясы сот үкімінің күшін жойып, істі толық тергеуге жіберген болатын. Күні кеше заңгер Айман Асанованы өлтірді деген экс-күйеуіне қатысты жаңа сот үкімі шықты. Бұл жолы сот Нұртаев Асанованы қасақана өлтірді деген шешім шығарды. Сот Нұртаев заңсыз, қасақана адам өлімі үшін кінәлі деп танып, 11 жылға бас бостандығынан айыру жазасын тағайындады.&nbsp;Сүйіктісін аяусыз зорлап, металл затпен ұрып өлтірген&nbsp;Қостанай облысының Федоров ауданында ер адам өзінің сүйіктісін аяусыз зорлап, өлгенше ұрып өлтірген. Ер адам әуел бастан агрессия танытып жүргені анықталған. Жәбірленуші ер адаммен екі ай бірге тұрған. Кейін ер адаммен ары қарай бірге өмір сүре алмайтынын түсінген. Сөйтіп екеуі екі жаққа кеткен. &nbsp;Бірақ біраз уақыттан кейін екеуі қайтадан кездескен. Әйел адам ер адам сыйлаған телефонды қайтармақ болған. Татуласамыз деп ойлап қалған күдікті алкоголь ала келген. Екеуі әңгімелесіп отырған кезде қайтадан жанжалдасып, ер адам әйелді бірнеше рет жұдырығымен, металл затпен ұрып тастаған. Әйел қайтыс болған. &nbsp;Ер адам әйелдің ауыр жағдайда жатқанына қарамастан аяусыз зорлап тастаған. Артынша ештеңе болмағандай ұйықтап қалған. Таңертең ер адам жәбірленуші ессіз жатқанын көрген. Сол кезде күдікті танысына хабарласып, ол полицияға хабарлаған. &nbsp;Жәбірленуші тарап күдіктіні максималды жылға соттауды сұраған. Қылмыстың ауырлығын ескере келе күдікті 10 жылға бас бостандығынан айырылды.&nbsp;Үш баланың анасы өлі табылды2022 жылы 3 тамызда Қызылордада жантүршігерлік оқиға болды. Үш баланың анасы, 27 жастағы Ажар Шадиеваны 29 жастағы күйеуі өлтірген. Қылмыскер 12 жылға сотталды. Ажардың үш баласын анасы қамқорлығына алды.&nbsp;Ажар мен күйеуі 2015 жылы үйленген. Туыстарының сөзінше, күйеуі жиі қол көтеретін. Қайғылы оқиға болған күні марқұм әйел күйеуімен туған күнін атап өтуге бармақ болған.&nbsp;Экс-министр әйелін ұрып өлтіргенБұл оқиға күні кеше Астанадағы мейрамханалардың бірінде болған еді. Telegram-арналардағы мәлімет бойынша, бұрынғы шенеунік әйелінің денсаулығына ауыр зиян келтірді деген күдікке ілінген. Ал салдарынан әйел қаза тапқан.<blockquote>"Алдын ала мәліметтер бойынша сыбайлас жемқорлыққа байланысты жазасын өтеген бұрынғы шенеунік мас күйде әйелін мейрамханада ұрып-соққан", - делінген арна мәліметінде.</blockquote>Марқұмның аты-жөні - Салтанат Нүкенова. Дәрігерлер оның 1992 жылы дүниеге келгенін мәлімдеді. Әйел 31 жаста болған. Telegram-арналарда оның Павлодардың тумасы екені айтылып жатыр. Салтанаттың әлеуметтік желідегі парақшасы жабық. Алайда Telegram-арналар мәліметінше, оқырмандары оның бір ай бұрын жүкті екенін айтқанын жазып жатыр.Сонымен қатар, ашық дереккөз мәліметтерінде Салтанат Нүкенова Павлодардың экс-әкімі Қайрат Нүкеновтің туысы екені де айтылады. Ал марқұм әлеуметтік желідегі парақшасында астрологиямен айналысатынын айтып, консультацияларының құнын да көрсеткен. Мәселен, оның астрологиялық консультациясы 80 мың теңге тұрған.&nbsp;Қуандық Бишімбаев 2018 жылғы наурызда 10 жылға бас бостандығынан айырылған болатын. Ол пара алу және ақша жымқыру істерінде айыпты деп танылған еді. Бишімбаевтың сот ісі төрт айдан аса уақытқа созылды. Онымен бірге бұл істе 22 адам сотқа тартылған еді. Олар "Бәйтерек DEVELOPMENT" АҚ экс-қызметкерлері, кәсіпкерлер және құрылыс компанияларының өкілдері болды. Кейін экс-шенеунік 10 жылға сотталса да, тура 19 ай өткенде бостандыққа шықты.&nbsp;

Елдегі әйелдерге қатысты жасалған жантүршігерлік қылмыстар  

<a href="https://kyzylorda-news.kz/ru">Kyzylorda-news.kz.</a> Жұмыссыз жүру кім-кімге де оңай тимесі анық. Тұрақты жұмыс болмаған соң табыстың да келуі неғайбыл. Жүйелі жобалар мен түрлі бизнес жоспарлар ұйымдастыру тұрғысында бүгінгі күндері жұмыссыз жүрген жастарға үлкен қолдау жасалуда. Бүгінде облыста екі қолға бір күрек тапқандардың саны 10 374 адамды құраған.&nbsp;Бұл туралы Қызылорда облысының Өңірлік коммуникациялар қызметінің ақпарат алаңында облыстық жұмыспен қамтуды үйлестіру және бағдарламалар басқармасының басшысы Ғабит Жаңабаев хабарлады.<blockquote>&nbsp;«Мемлекет басшысының облыс әкімдеріне 10 мың адамға 100 жұмыс орнын құру тапсырмасына сәйкес, биыл өңірімізде 10 651 жұмыс орнын құру жоспарланған болатын. Бүгінде жылдық жоспардың 97,4 пайызы орындалды. Алдағы уақытта да жастарды жұмыспен қамту жұмыстары жалғасын таппақ»,- деді басқарма басшысы Ғабит Жұмабекұлы.</blockquote>

Биыл 10 374 адам тұрақты жұмысқа орналасты

<a href="https://kyzylorda-news.kz/ru">Kyzylorda-news.kz.</a> Қазақстан аумағында қатты пайдалы қазба кеніштерін игеруші ERG,&nbsp; «Қазақмыс», «АрселорМиттал Теміртау» сияқты алпауыт компаниялардың мемлекетпен жасаған инвестициялық келісімшарттары жалпыға қолжетімді етіп жарияланады, деп хабарлайды <a href="https://kaz.inform.kz/">Kazinform.&nbsp;</a>Бұл туралы Өнеркәсіп және құрылыс вивце-министрі Иран Шархан Әділет министрлігінде өтіп жатқан ведомствоаралық комиссия отырысы кезінде айтты.«Қазір қоғамда бұрынғы Қарағанды металлургия комбинаты Л.Митталдың қолына қалай өткені туралы даулы пікір көп. Сарапшылар осындай инвестициялық келісімшарттар жария түрде бекітілуі керектігін айтып жүр. Заңнамаға осы тұрғыда өзгеріс енгізесіздер ме?», - деп сұрады журналист вице-министрден.<blockquote>«Бізде қазір халықаралық бастама бар. Сол бастамаға біз де қосылдық. Бүкіл лицензиялардың, келісімшарттардың шарты біздің министрлік сайтында жарияланады. Кез келген адам онымен танысатын мүмкіндік болады. Осыған дейін қол қойылған шарттардың мәтіні де жарияланады. Сіз айтып отырған «АрселорМиттал Теміртаудың» да, кез келген жер қойнауын пайдаланушылардың келісімшарттары жарияланады», - деді ол.</blockquote>Министр орынбасарының сөзінше, заңнамадағы бұл өзгеріс күшіне енгенше біраз уақыт керек.<blockquote>«Біз бұл жұмысты бастап кеттік. Лицензиялар сайтымызда жарияланды да. Ал инвестициялық келісімшарттардың мәтіндерімен жұмыс істеп жатырмыз. Осы жылдың аяғына дейін келісімшарттардың жартысын жариялап боламыз. Келесі жылдың ортасына дейін қалғанының бәрін тіркеп боламыз. Мен мұнай саласын айтпай-ақ қояйын, тек қана қатты қазбалар бойынша айтып тұрмын. «Қазақмыс, «ERG, «Арселор» сияқты кәсіпорындардың келісімшарттарының мәтіні жарияланады», - деді Иран Шархан.</blockquote>

«АрселорМиттал Теміртаудың» мемлекетпен жасаған келісімшарт мәтіні жалпыға жарияланады

<a href="https://kyzylorda-news.kz/ru">Kyzylorda-news.kz.</a> Жұмыссыздықты жоюдың басты кілтінің бірі – жастарды кәсіпкерлік саласына бейімдеу. Осы бағытта елімізде бірқатар жоба жүзеге асуда. Жұмыссыз болып тіркелген 15 826 қызылордалық ұлттық жоба шеңберінде субсидияланған жұмыс орындарына жолданды. Одан бөлек, мемлекет бағдарламалар аясында кәсіп бастаған жастар жетерлік.&nbsp;Бұл жөнінде Өңірлік коммуникациялар қызметінің баспасөз алаңында облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев мәлімдеді.<blockquote>Мемлекет басшысының тапсырмасына сәйкес жастардың кәсіпкерлік бастамасын жүзеге асыру үшін 2,5 пайыздық жеңілдетілген несие беріледі. Биыл осы жоба аясында республикалық бюджеттен 457 адамға 2,3 миллиард теңге бөлінді. Қазіргі таңда, 443 жас кәсіпкер 2 миллиард теңге көлемінде бизнес жобаларды іріктеу жөніндегі комиссияның оң қорытындысын алды. Оның ішінде 342 жас кәсіпкер 1,5 миллиард теңгеге қаржыландырылып, өз кәсіптерін бастады, - деді басқарма басшысы Ғабит Жұмабекұлы.</blockquote>Биыл екінші тоқсанның қортындысымен өңірде жұмыссыздық деңгейі 4,9 пайызды құраса, жастар арасындағы жұмыссыздық деңгейі - 3,5 пайызға жетті. Жұмыссыздық жоюға 73 рет бос жұмыс орындары жәрмеңкесі өткізілді. Нәтижесінде 1545 адам тұрақты жұмыс тапса, 414 адам уақытша жұмыс орындарына орналасты.

2,5 пайыздық несие: Қызылордада 342 жас кәсіпкер қаржыландырылды

<a href="https://kyzylorda-news.kz/ru">Kyzylorda-news.kz.</a> Қызылорда облысында жыл басынан бері 9 мың отбасына атаулы әлеуметтік көмек төленді. Сәйкесінше, өткен жылмен салыстырғанда мемлекеттік атаулы көмек алушылар саны 19,8 пайызға азайды.&nbsp;Осы жөнінде Өңірлік коммуникациялар қызметінің баспасөз алаңында облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев мәлімдеді.<blockquote>«Атаулы әлеуметтік көмек алатын отбасындағы бір жастан алты жасты қоса алғанға дейінгі 14 133 балаға 454,1 миллион теңге қосымша төлем төленді. Әлеуметтік келісімшарт негізінде көмек алушылардың қатарындағы еңбекке жарамды жастағы 1119 адам жұмыспен қамтудың белсенді шараларымен қамтылды. Жергілікті атқарушы органдардың шешімдері бойынша жекелеген санаттағы әлеуметтік қолдауды қажет ететін 15 мыңға жуық адамға да әлеуметтік төлемдер төленді», - дейді басқарма басшысы.</blockquote>

Қазақстан және Қызылорда облысының жаңалықтары