Kyzylorda-news.kz. Жаңа оқу жылының басында облыс орталығындағы үш ауысымдағы 6 мектептің 4-не 1850 орынға арналған қосымша ғимарат пайдалануға берілді. Бұған қоса, Бәйтерек мөлтек ауданынан пайдалануға берілген 600 орындық жаңа мектеп 2 мектептің сыйымдылық жүктемесін төмендетуге мүмкіндік берді.Осы жөнінде Өңірлік коммуникациялар қызметінің баспасөз алаңында облыстық білім басқармасының басшысы Асқарбек Есжанов айтты.<blockquote>&nbsp;Өткен аптада Шиелі ауданы, Байсын ауылында 250 орындық мектеп ғимараты ел игілігіне табысталды. Жыл соңына дейін Қазалы ауданы, Әйтеке би кентіндегі 250 орындық және Жаңақорған кентіндегі 300 орындық жаңа мектеп пайдалануға беріледі. Бұдан бөлек, «Білім беру инфрақұрылымын қолдау қоры» есебінен 8 мектептің құрылысын салуға тиісті ұсыныстар берілді. Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 12 300 орындық 21 мектеп салынады, - деді Асқарбек Темірбекұлы.</blockquote>

«Жайлы мектеп»: Аймақта 12 300 орындық 21 мектеп салынады

Kyzylorda-news.kz. ҚР Премьер-министрінің бірінші орынбасары Р.В.Склярдың тапсырмасымен ҚР Өнеркәсіп және құрылыс вице-министрі Тимур Қарағойшин сапалы аумақтық жоспарлауды, коммуналдық және тұрғын үй инфрақұрылымын тиімді дамытуды қамтамасыз ету, сондай-ақ құрылыс және тұрғын үй-коммуналдық шаруашылық саласында ұсынымдар беру, тәжірибе алмасу үшін Қызылорда облысына іссапармен келді.Вице-министр аймақ басшысы Нұрлыбек Нәлібаевпен бірге Шиелі ауданына барып, құрылыс жұмыстарының көлемі бойынша республикада көшбасшылар қатарына орныққан Сыр өңіріндегі жаңадан салынған нысандарды көрді, аймақтың озық тәжірибесі мен жоғары жұмыс қарқынын атап өтті.Алдымен Тимур Жиенбайұлы Шиелі ауданы Байсын ауылындағы 250 орындық мектеп жұмысымен танысты. Биыл облыста 5 жаңа мектеп пайдалануға берілсе, 4 мектепке 1 850 орындық қосымша ғимарат салынды. Жуырда пайдалануға берілген Байсын ауылының мектебі солардың қатарында.Биылғы облыс бюджетінің 60 пайыздан астамы әлеуметтік салаға бағытталған. Соның ішінде, білім саласына 278 млрд теңге бөлінді. Президент қолдауымен «Жайлы мектеп» ұлттық жобасы аясында құны 98 млрд теңге болатын 21 мектеп салынады, оның біреуі Шиелі ауданында бой көтермек. «Білімді қолдау қоры» есебінен Қызылорда қаласында физика-математика бағытындағы 300 орындық жатақханасы бар мектеп-интернат құрылысы қарқынды жүргізілуде. Сонымен қатар, облыс орталығында демеушілер есебінен 2,3 млрд теңгеге 350 орындық заманауи үлгідегі Оқушылар сарайының, Сырдария өзенінің сол жағалауында құны 4,8 млрд теңге болатын музыкалық колледждің жаңа ғимаратының құрылысы басталмақ.Әрі қарай вице-министр аудан орталығынан салынған &nbsp;екі пәтерлік 25 үйді көрді. &nbsp; Аймақта, оның ішінде Шиелі ауданында пайдалануға берілген үй көлемі жыл сайын артуда. Тамыз айында «Көкшоқы» мөлтек ауданындағы 3 қабатты 18 пәтерлі 4 тұрғын үйден 70-тен аса отбасы жаңа баспана алды. Облыс бойынша халықтың әлеуметтік осал топтары үшін 1000 пәтер сатып алу жоспарланған. Оның 400-і аудандарға тиесілі.<img src="https://knadmin.beoblood.kz/uploads/FB_IMG_1700840566915_0baae1751f.jpg" alt="FB_IMG_1700840566915.jpg"><img src="https://knadmin.beoblood.kz/uploads/FB_IMG_1700840545579_62e4498d33.jpg" alt="FB_IMG_1700840545579.jpg"><img src="https://knadmin.beoblood.kz/uploads/FB_IMG_1700840571123_53d8cf8ba8.jpg" alt="FB_IMG_1700840571123.jpg"><img src="https://knadmin.beoblood.kz/uploads/FB_IMG_1700840536379_50a5c3586e.jpg" alt="FB_IMG_1700840536379.jpg">

ҚР Өнеркәсіп және құрылыс вице-министрі Сыр өңіріндегі жаңа нысандармен танысты

Kyzylorda-news.kz. Сыр өңіріне жұмыс сапарымен келген ҚР Өнеркәсіп және құрылыс вице-министрі Тимур Қарағойшин облыс әкімдігінде құрылыс және тұрғын үй инфрақұрылымын дамыту мәселелері бойынша республикалық кеңес өткізді.&nbsp;Іс-шараға министрлік өкілдері, республикалық мекеме басшылары, еліміздің барлық өңірінен құрылыс және энергетика саласына жетекшілік жасайтын облыс әкімінің орынбасарлары, басқарма басшылары және орынбасарлары, Қызылорда қаласы мен аудан әкімдері қатысты.Жиын сапалы аумақтық жоспарлауға, коммуналдық және тұрғын үй инфрақұрылымын тиімді дамытуды қамтамасыз етуге, &nbsp;құрылыс және тұрғын үй-коммуналдық шаруашылық саласына қатысты ұсынымдар айтуға, тәжірибе алмасуға арналды.Облыс әкімі Нұрлыбек Нәлібаев өз баяндамасында Сыр өңірінде жүзеге асырылған жобаларды таныстырып, әріптестерін тәжірибе бөлісуге шақырды.<blockquote>«Мемлекет басшысы мен Үкіметтің қолдауы арқасында өңірімізде негізгі макроэкономикалық көрсеткіштер бойынша оң динамика қалыптасты. Облыс өңдеу өнеркәсібі, ауыл шаруашылығы, негізгі капиталға тартылған инвестиция мен тұрғын үйді пайдалануға беру бойынша көшбасшылардың қатарында. Өткен айда Мемлекет басшысы Қасым-Жомарт Кемелұлы арнайы жұмыс сапарымен келіп, өңірдің әлеуметтік-экономикалық дамуымен танысты. Аймақтың даму бағытына жоғары бағасын берді. Құрылыс, энергетика салаларында да оң қарқын бар. Биыл бюджет қаржысына &nbsp;1346 пәтерлік 26 көпқабатты тұрғын үй салынуда. «Сыр жастары» арнайы бағдарламасын қабылдап, &nbsp;100 жас отбасыға алғаш рет тұрғын үй табыстамақпыз. Халықтың әлеуметтік осал топтары үшін 1 302 пәтер сатып алынады. Нәтижесінде биыл 2708 пәтер беріліп, 12 мыңнан аса тұрғынның баспана мәселесі шешіледі. Алдағы жылы 1594 пәтерлік 21 тұрғын үйдің құрылысы &nbsp;жүргізіледі», – деді аймақ басшысы.</blockquote><img src="https://knadmin.beoblood.kz/uploads/FB_IMG_1700848125274_b3eebbe1db.jpg" alt="FB_IMG_1700848125274.jpg">Нұрлыбек Машбекұлы өңірде мемлекеттік бағдарламалар аясында және жеке инвестиция есебінен салынған әлеуметтік нысандар, демеушілер көмегімен қолға алынған игі жобалар туралы баяндады. Атап айтқанда, Мемлекет басшысының еліміздегі жылу-электр орталықтарының жұмысын жандандыру тапсырмасына сәйкес Қызылорда қаласында жаңа жылу-электр орталығының іргетасы қаланды. Тәуелсіздік жылдарындағы инвестор қаржысына салынатын ең ауқымды, теңдессіз жоба электр энергиясын сырттан сатып алудан арылтып, өндірілген электр энергиясының бір бөлігін аймақтан тыс жерлерге сатуға мүмкіндік бермек.Президент тапсырмасына сәйкес «Жайлы мектеп» ұлттық жобасы аясында Қызылорда облысында 21 мектеп салынады. Жоба құны – 98 млрд теңге. Қазір 10 мектептің құрылысы жүргізілуде, қалған 11-і келесі жылы басталады. 2025 жылы толық тапсырылады. «Білімді қолдау қоры» есебінен Қызылорда қаласында 400 орындық оқу ғимараты және 300 орындық жатақханасы бар физика-математика бағытындағы мектеп-интернат бой көтеруде.&nbsp;Мұнан бөлек, Қызылорда қаласындағы 4 іргелі мектептің жанынан 2 000 орынға арналған қосымша ғимараттар салынды. Осылайша балалар қатынауына жақын, ыңғайлы &nbsp;мектепке барды әрі бюджет қаражатын үнемдеу мүмкіндігі пайда болды.Облыс орталығында 36,4 млрд теңгеге бір ауысымда&nbsp; 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Медициналық ұйымдарды сапалы қанмен қамтамасыз ету мақсатында құны 2,9 млрд теңгені құрайтын Қан орталығының құрылысы жүргізілуде. &nbsp;«Ауылдық денсаулық сақтауды жаңғырту» ұлттық жобасы аясында елді мекендерде 27 нысан салынады. Оның 15-і желтоқсан айының алғашқы онкүндігінде тапсырылады. Жыл соңына дейін облыстық көпбейінді аурухананың жанынан 70 төсектік перинаталдық орталық халық игілігіне беріледі.Құны 20,9 млрд теңге болатын 7 мың орынға арналған Орталық стадион, сондай-ақ, жабық бассейні бар көпсалалы дене шынықтыру-сауықтыру кешені салынады. Аудандарда 11 дене шынықтыру кешені құрылысына 2,6 млрд теңге бөлінді. Оның 6-уы тапсырылды, қалғаны жақын күндері пайдалануға беріледі. Құны 1,6 млрд теңгенің Отбасы орталығы өз қызметін бастады, 3,7 млрд теңгеге салынған Өнер орталығы жыл соңына дейін пайдалануға беріледі.Келер жылы 7 ауданда музей, кітапхана, архив, неке қию залы, ардагерлер және аналар, жастар орталықтары, азаматтық қоғам өкілдері мен тарихи-мәдени, рухани ұйымдарды біріктіретін типтік үлгідегі «Руханият» орталықтары салынады.Облыста негізгі капиталға салынған инвестиция 2021 жылмен салыстырғанда 52 пайызға өсіп, 472 млрд теңгені құрады. Оның 74 пайызы – &nbsp;жеке инвестициялар.Мемлекет басшысы Қасым-Жомарт Кемелұлының патриотизм мен әлеуметтік жауапкершіліктің үлгісін көрсету бастамасын қолдаған демеушілер есебінен 37,5 млрд теңге қаржы тартылды. Оған қоса құрылыс, жол компаниялары және кәсіпкерлердің қолдауымен 3,3 млрд. теңгеге 630 жобаның құжаттамасы әзірленді.Құрылыс және инфрақұрылымды дамыту саласындағы аймақтың оң тәжірибесін бөліскен облыс әкімі сөзінің соңында Қызылорда облысына арнайы келіп, министрліктен, барлық өңірден өз саласының тәжірибелі азаматтарын жинап, жиынды ұйымдастырған вице-министрге алғыс білдірді.Өз кезегінде, Тимур Қарағойшин өңірдегі қарқынды жұмыстарды ерекше атап өтті. Жиын барысында бірқатар сала басшылары баяндама жасап, атқарылған жұмыстар мен алдағы міндеттерді таныстырды.<img src="https://knadmin.beoblood.kz/uploads/FB_IMG_1700848097745_34f04ab34a.jpg" alt="FB_IMG_1700848097745.jpg"><img src="https://knadmin.beoblood.kz/uploads/FB_IMG_1700848133303_c898a8c655.jpg" alt="FB_IMG_1700848133303.jpg"><img src="https://knadmin.beoblood.kz/uploads/FB_IMG_1700848105644_b08841f64a.jpg" alt="FB_IMG_1700848105644.jpg">

Қызылорда облысының тәжірибесі басқа аймақтарға таратылды

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК Қызылорда облысы бойынша филиалы 25 қарашаға арналған ауа райы болжамын жариялады.&nbsp;Кәсіпорынның хабарлауынша Сенбі күні Қызылорда облысының солтүстігінде тұман күтіледі.

Сенбіге арналған ауа райы болжамы

Фото: ehonews.kz<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облысында жыл басынан бері бақылау жөніндегі басқарманың ықпалымен 250 тексеріс жүргізіліп, анықталған заң бұзушылықтарды жою жөнінде 212 нұсқама берілді.&nbsp;Бұл турады Өңірлік коммуникациялар қызметінің ақпарат алаңында өткен брифингте облыстық бақылау жөніндегі басқармасы басшысының міндетін атқарушы Марат Мырзабеков хабарлады.<blockquote>«Биыл біздің басқармамен көрсетілетін 5 түрлі мемлекеттік қызметті алуға «Е-лицензирование» порталы арқылы 968 өтініш&nbsp;келіп түсті. Оның 446-ы лицензиялар мен аттестаттарға берілсе, 238 өтініш тұлғалар біліктілік талаптарына сәйкес келмеуі және құжаттарын толық ұсынбауы себепті бас тартылды. Қалған 284 өтінім тұлғалардың өз арыздарына сәйкес кері қайтарылған. Сондай-ақ, жыл басынан бері облыстың еңбек инспекторлары 18 кәсіпорынның жұмыскерлерге берілетін жалақысы бойынша 32,2 млн.теңге берешегін анықтаған. Қабылданған шаралардың нәтижесінде, 205 жұмыскердің берешегі өтеліп, жұмыс берушілерге заң аясында айыппұл салынды», - деді Марат Мырзабеков.&nbsp;</blockquote>

Жалақыны уақытылы төлемеген жұмыс берушілерге айыппұл салынды 

Фото: lada.kz<a href="https://kyzylorda-news.kz/">Kyzylorda-news.kz.</a>&nbsp; Қы­зыл­орда облысының санитарлық-эпидемио­логиялық бақылау департаментінің дерегінше қызылша мен қызамық – бір-біріне өте ұқсас жұқпалы аурулар. Екеуінің қоздырғышы – вирус, ауа арқылы таралады, екеуіне тән белгі –денеде бөртпелердің шығуы.Сондай-ақ дене қызуы көтеріліп, жөтел пайда болып, көз жасаурап, мұрын бітеледі. Бұл жағдай 2-3 күнге дейін созылып, одан соң денеде бөртпелер пайда болады. Алғашында бет аймағында, құлақ артында шығып, содан соң денесіне тарайды. Ауру көзі болып ауру белгілері анық сипатталған және жасырын түрде өтетін науқастар болып табылады. Туа біткен қызамық ауруына шалдыққан нәресте де өте қауіпті болып саналады, себебі ол 1,5 жасқа дейін вирусты қоршаған ортаға бөледі.Соңғы мәліметтер бойынша облыста қызылша ауруының 1129 дерегі анықталды. Балалар арасында жиі шалдығу жағдайлары жалғасуда, 14 жасқа дейінгі балалар арасында 994 жағдай есепке алынды.Эпидемиологиялық ахуалды тұрақтандыру мақсатында атқарылып жатқан шаралар барысы бүгін облыс әкімінің орынбасары Мейрамбек Шермағанбеттің қатысуымен өткен жедел штаб отырысында көтерілді. Проблемалық сұрақтар мен оларды шешу жолдары талқыланды, тиісті тапсырмалар жүктелді.

Қызылша: Қызылордада 1129 адам анықталды

<a href="https://kyzylorda-news.kz/">Kyzylorda-news.kz.</a>&nbsp; Университеттің «Жауқазын» жастар театры жазушы Әбіш Кекілбаевтың шығармасы негізінде көрерменге «Махаббат мұнарасы» қойылымын ұсынды.Пьеса желісі әмірші Ақсақ Темір мен оның әйелі арасындағы оқиға төңірегінде өрбиді. Махаббат мұнарасын тұрғызып, алып ғимарат салдырған кіші ханымның әрекеті әлемді аузына қаратқан әміршінің жүзін төмен қаратты. Қойылым барысында сан алуан өнер бір сахнада тоғысты. Жастар заманауи музыка мен биді керемет ұштастырып, көрерменге ерекше әсер қалдырды.&nbsp;<blockquote>Белгілі қаламгер, мемлекет және қоғам қайраткері Әбіш Кекілбаевтың бұл романын таңдап алуымыз бекер емес. Адамзат баласы үшін рухани құндылықтың құлдырамауы, сенім мен махаббаттың болуы аса маңызды. Қойылымға күн-түн демей дайындалып, қолдау білдірген барша студенттерге алғыс айтамын, – деді «Жауқазын» жастар театрының жетекшісі, 3-курс студенті Ақниет Мәулен. &nbsp;</blockquote><figure class="image"><img src="https://knadmin.beoblood.kz/uploads/405363931_875323664337167_2393411734936546955_n_a5a203dfb1.jpg" alt="405363931_875323664337167_2393411734936546955_n.jpg"></figure>

Университеттің жастар театры көреременге жаңа қойылым ұсынды

<a href="https://kyzylorda-news.kz/">Kyzylorda-news.kz.</a>&nbsp; Қазақстандық синоптиктер алдағы үш күнде – 2023 жылдың 25-27 қарашасы аралығында республикада күн райы қандай болатынын айтты, деп хабарлайды Zakon.kz."Қазгидромет" РМК ұсынған мәлімет бойынша, еліміздің батысы мен солтүстігінде қар жаудырып, боран соқтырған Атлант циклоны біртіндеп солтүстік-шығысқа қарай жылжиды.<blockquote>"Оның соңын ала оңтүстік-батыстан антициклон жылжып келеді, соның ықпалынан жауын-шашын тоқтап, ауа температурасы қысқа мерзімге төмендейді деп болжанды, түнде солтүстік облыстарда ауыр температурасы -5-10°С дейін төмендейді"."Қазгидромет" РМК</blockquote>Болжам бойынша, ауа райы тұрақсыз болады.<blockquote>"Бірақ, антициклон орнығып үлгермей жатып, біздің елден кетуге мәжбүр болады, өйткені оның орнын батыс жақтан келе жатқан басқа циклон алмастырады, бұл қайтадан тұрақсыз ауа райын тудырады: мұзды жауын мен қар жауады, қарлы боран соғады, көктайғақ байқалады. Ал температура фонында күрт өзгерістер күтілмейді"."Қазгидромет" РМК</blockquote>Ал синоптиктердің болжамынша, оңтүстік өңірлерде жауын-шашын болмайды.

Қазақстан бойынша 25-27 қарашаға арналған күн райы болжамы

Фото: fingramota.kz<a href="https://kyzylorda-news.kz/">Kyzylorda-news.kz.</a> Мерекелер қарсаңында маркетингтік компаниялардың «мен мұндалаған» ұсыныстары мен тиімді жеңілдіктер мен акциялары көздің жауын алады. Дәл осындай «бұрын-соңды болмаған» ұсыныстар азаматтардың эмоцияға беріліп, асығыс сатып &nbsp;алуларға әкеліп, тіпті білімі мен танымы жоғары адамдар жеңілдіктер дүрбелеңінің соңына еріп кетеді. &nbsp;Алайда, мұндай дүрбелең кезінде &nbsp;алаяқтар да бос жатпайды, олар азаматтарды алдап-арбау амалдарын барынша қолданып қалады.&nbsp;Алаяқтарға тап болмай және қажетсіз шығындарға, әсіресе, жомарт жұма күні ұшырамаудың жолдарын Fingramota.kz жобасына киберқауіпсіздік, АТ және коммуникациялар саласындағы тәуелсіз сарапшы Евгений Питолин айтып &nbsp;берді.&nbsp;Сәтті жұма ауқымды сатылымдар мен тұтынушылық дүрбелеңнің белгісіне айналды. Бұл кезеңде алаяқтар да барынша қарманып, бар айла-шарғыларын тәжірибесіз және аңғал сатып алушыларға қолданып жатады.&nbsp;Дәлме-дәл: фишингтік шабуыл&nbsp;Жаппай сатылымдар кезеңінде алаяқтықтың кеңінен тараған түрлерінің ішінде жалған веб-сайттар көш бастайды. Тиімді мәмілеге қол жеткізгісі келетін сатып алушылар алаяқтардың сайтына кездейсоқ түсіп қалулары мүмкін, нәтижесінде олар &nbsp;барлық ақшасынан немесе дербес ақпаратынан айырылып қалады. Қаржылық алаяқтық түрлерінің бірі - қаскүнемдер төлем карталарының деректемелерін, дербес деректерді, SMS-кодты алу мақсатымен &nbsp;кеңінен танымал интернет-дүкеннің, маркетплейстің не әлеуметтік желінің көшірмесін жасайды. &nbsp;&nbsp;Клон-сайттар, әдетте, ресми сайт сияқты болып көрінеді және бір қарағанда, олардың жалған парақшасын осындай жағымсыз жағдайды басынан кешірген адам ғана танып біле алады. Интернет-алаяқтар бірнеше секундтар ішінде сіздің шотыңызды, әсіресе, сіз жалған сайтқа тап болсаңыз, тазалап кетулері мүмкін. &nbsp;Алаяқтар Facebook, Instagram, Telegram, алаяқтық парақтар арқылы әлеуметтік желілерде де белсенділік танытады және азаматтарды сөзге тартып, олармен белсенді хат жазысып, белгілі бір тауарды бүгін және бұрын-соңды болмаған жеңілдікпен сатып алуға үгіттейді. Сізге жіберілген ұсыныстарға өз деректеріңізді енгізсеңіз болды, алаяқтар сіздің дербес деректеріңізге ие болады.Күдікті сілтемелерге кірмеңіз және сатушы жөніндегі ақпаратты үнемі тексеріп отырыңыз.Шоколадтың бағасына телефон:&nbsp;психологиялық әсер ету &nbsp;«Жеңілдіктер!»: тіпті бұл дүкеннен сізге еш нәрсе қажет болмаса да сіз бәрібір онда кіресіз. Себебі адам солай жаратылған. Оны алаяқтар жақсы біледі. Олар тиімді ұсыныстармен адамдарды тарту үшін белгілі брендтердің атауларын әккі пайдаланады. &nbsp;Егер сізге «күдікті» төмен бағаға тауар мен қызмет ұсынып, сатушы мұндай акция бір күн ғана жүреді деп толық алдын ала төлем жасауды ерекше талап етсе, онда сіз 100% алаяқтарға тап болдыңыз. Мұндай әбден әккі болған алаяқтар әдейі қымбат тауар/қызметке хабарландырулар жариялайды және жақсы жеңілдік береді мыс. Олардың жалғыз міндеті психологиялық айла-шарғылардың көмегімен неғұрлым көп адамдар тарту. Нәтижесінде, «сатып алушы» тауарсыз және ақшасыз қалады. Мұндай жағдайларда судың да сұрауы бар екенін естен шығармау керек.Толық құнын жібермес бұрын сайтты зерттеуге, дүкеннің құжаттарын, ақы төлеуге арналған шотты талап етуге кеңес береміз. Егер сатушының сайтында байланыс орнату дерегі ретінде e-mail мекенжай ғана көрсетілсе, бұл күмән тудыруы қажет. Пікірлерді оқып, сайттың сыртқы түрін, бөлімдерін зерделеңіз.Құрықсыз қармақ салу: спуфинг шабуылКез келген дүрбелең кезінде алаяқтар көпке белгілі фишинг шабуылдар жасамай тұрмайды. Олар азаматтардан ақшаны көбірек алдап алу үшін өздерін банктер немесе белгілі өндірушілер немесе танымал дүкендер ретінде көрсетіп, спамдар мен фишинг электрондық хаттар жібереді. Алаяқтар басқа адамның телефон нөмірін пайдаланып, телефон соғады немесе SMS-хабарлар жібереді. Олар адамдардың сеніміне кіру үшін өздерін нақты компанияның қызметкері ретінде таныстырады. Қаскүнемдер үшін бастысы – психологиялық әдістерді пайдаланып, тауарды немесе көрсетілетін қызметті ұтымды бағамен сатып алуға итермелеу.Мысалы, алаяқтар өзінің болашақ құрбанына сәтті жұмаға орай бір күндік науқан жүріп жатқанын хабарлап, шоттан ақша аудару үшін жеке деректерді айтуын сұрайды, SMS-хабармен келген құпия кодты хабарлауын өтінеді. Осы ақпараттың көмегімен қаскүнемдер шоттан ақшаны аударып, клиенттің атына үлкен сомаға кредит ресімдеп жібереді.Басты қағида – ешқашан және ешкімге дербес деректерді, өзіңіздегі мобильді, қаржылық және өзге де сервистерден қандай да бір идентификаттау ақпаратын хабарлауға болмайды.Өзіңізді және жақындарыңызды қорғаудың бес жолы&nbsp;Сайттың шындыққа сәйкес келуін тексеру.&nbsp;Асықпаңыз. Бірдеңе сатып алмас бұрын веб-сайттың сенімділігіне көз жеткізіңіз. Танымал платформаларды немесе сенімді онлайн-дүкендерді пайдаланыңыз. Күмән тудыратын домендер және сенімсіз URL-мекенжайлар алаяқтық белгісі болуы мүмкін.Пікірлер мен рейтингтер – нашар деген сөз емес. Дүкен немесе өнім туралы басқа сатып алушылардың пікірлерін оқыңыз. Бұл сізге компанияның беделі туралы нақты түсінік қалыптастыруға көмектеседі.Өте ұтымды, өте арзан, бәрі «өте».&nbsp;Мұндай ұсыныстардан сақ болыңыз. Тіпті жаппай сатылым болса да, жақсы зат арзан тұрмайды. Алаяқтар көбіне құрбанының назарын аудару үшін жақсы жеңілдіктермен арбайды.Бейтаныс адамдардан келген хаттарға мұқият болыңыз. Банктерден немесе&nbsp;ірі бөлшек желілерден-мыс келген фишинг электрондық хаттар құрыққа түсіруі мүмкін. Жеке немесе қаржылық ақпаратты электрондық хаттар немесе сенімсіз веб-сілтемелер арқылы ешқашан жібермеңіз.Бастысы&nbsp;– ақы төлеудің қауіпсіздігі. Сатып алған затыңыз үшін ақы төлеу кезінде виртуалды картаны пайдаланыңыз, еркін WI-FI-мен төлемеңіз, мүмкіндігінше VPN-ді қосыңыз.Алаяқтардың арбауына түспес үшін осындай схемалар туралы үнемі хабардар болып отырыңыз. Тек осылай ғана сіз Сәтті жұмада барынша ұтымды сауда жасай аласыз. Болуы мүмкін қауіптер туралы туыстарыңыз бен жақындарыңызды міндетті түрде ескертіңіз. Тәуекелді барынша азайтуға болады, бастысы – қалай азайта білу.&nbsp;

«Ұтымды ойлау режимі»: Сәтті жұмада ақшасыз қалмаудың амалы қандай? 

<a href="https://kyzylorda-news.kz/">Kyzylorda-news.kz.</a> &nbsp; Мемлекет басшысының қолдауымен 2022 жылы «Қазақстан Халқына» қоғамдық қоры» құрылған болатын. Қор құрылған сәттен бастап, Қызылорда облысының әкімдігімен бірлескен түрде денсаулық сақтау, білім беру, әлеуметтік қолдау және оңалту салаларындағы күрмеулі мәселелерге қаржылай қолдау көрсету мақсатында бірқатар жобалар жүзеге асуда.Аталған бағытта соңғы 2 жылда аймаққа 3,0 млрд теңге қаржы бөлінген. Атап айтқанда, онкологиялық скрининг жүргізуге арналған құны 1,1 млрд теңгені құрайтын 2 жылжымалы медициналық кешен өз жұмысына кірісті. Жылжымалы кешен алғаш рет табысталған республиканың 3 өңірінің бірі ретінде Қызылорда облысы таңдалды. Кешен халықтың денсаулығындағы кінәратты ерте анықтаудың мүмкіндігін арттырады.Бұл өз кезегінде, шалғай елді мекендердегі тұрғындардың жоғары мамандандырылған медициналық көмекке қолжетімділігін арттыруға, орташа өмір сүру жасын ұзартуға мүмкіндік береді.2 көліктен тұратын жылжымалы медициналық кешен томосинтез функциясы бар сандық маммографиялық жабдықпен, сарапшылық деңгейдегі ультрадыбыстық жүйемен және жоғары дәлдікпен зерттейтін компьютерлік томографпен жабдықталған. Екі құрал да Жапонияда жасалған. Мұндай кластағы және конфигурациядағы медициналық жабдық Қазақстанда алғаш рет қолданысқа берілуде.&nbsp;«QH Денсаулық жолы» жобасының іске асырылуы онкологиялық ауруға шалдыққандарды ерте сатыда анықтауға мүмкіндік береді. Халықты онкологиялық скринингпен қамту бойынша қазіргі жоспар 60%-ды құрайды. Жобаны енгізу арқылы пилоттық өңірлер бойынша тексерумен қамтуды 70%-ға дейін ұлғайту көзделуде.Атап өту керек, жылжымалы кешен 22 қарашадан бастап, Байқоңыр қаласында өз жұмысын бастады. Ал, желтоқсан айының басынан Арал, Қазалы, Қармақшы, Жалағаш, Сырдария, аудандарына шығып, жыл аяғына дейін 2 мыңнан аса тұрғынды онкоскринингтен өтпеген мақсатты контингетті және де сақтандырылмаған азаматтарды жылжымалы медициналық кешеннің зерттеу түрлерімен қамту жоспарлануда.&nbsp;Мобильді бригада құрамы 12 маманмен, атап айтқанда онколог дәрігері, ультрадыбыстық зерттеу дәрігері, сәулелік диагностика дәрігері, рентген-лаборант және т.б мамандарымен қамтылған.&nbsp;

«Қазақстан халқына»: Қызылордада әлеуметтік жобалар жүзеге асырылуда

<a href="https://kyzylorda-news.kz/">Kyzylorda-news.kz.</a>&nbsp; ҚР Премьер-министрі Әлихан Смайыловтың төрағалығымен өткен Үкімет мәжілісінде «Ауылдық денсаулық сақтауды жаңғырту» ұлттық жобасының жүзеге асырылу барысы қаралды.ҚР Денсаулық сақтау вице-министрі Жандос Бүркітбаев өңірлердегі нысандар құрылысы туралы баяндады. Облыс әкімдері атқарылған жұмыстар және алдағы уақытта салынатын нысандар жайлы хабарлама жасады.Қызылорда облысының әкімі Нұрлыбек Нәлібаев аймақта 2023 жылға жоспарланған құны 6,5 млрд. теңге болатын 15 дәрігерлік амбулатория құрылысы туралы айтты. Оның 12-сі 30 қарашада, 3-еуі 5 желтоқсанда халық игілігіне пайдалануға беріледі. Алдағы жылға жоспарланған 11 нысанның жоба-сметалық құжаттамасы әзірленіп, мемлекеттік сараптама қарауына жіберілген. Қорытындысы желтоқсан айында шығады.Үкімет отырысынан кейін аймақ басшысы арнайы мәжіліс өткізіп, облыс аумағында бой көтерген 15 дәрігерлік амбулаторияның жыл соңына дейін пайдалануға берілуін қамтамасыз ету қажеттігін атап өтті.<blockquote>«Үкімет басшысы ұлттық жобаны жүзеге асыруға қатысты бірқатар өзекті мәселелерді көтерді. Әсіресе, биыл салынған денсаулық сақтау нысандарының сапасы мен мерзімінде пайдалануға берілуін қатаң бақылауға алып, тиісті жұмыстарды жүйелі ұйымдастыруды тапсырды. Біз 15 дәрігерлік амбулаторияны жыл соңына дейін пайдалануға беруіміз керек. Осы аптада жауапты мердігер мекеме басшыларымен кездесіп, тиісті тапсырмалар жүктеген болатынбыз. Бұл тек құрылыс басқармасының ғана міндеті емес, аудан әкімдері де жұмысқа жұмылуы қажет. Ұлттық жоба аясында салынған барлық нысандар халыққа ыңғайлы, жайлы, ең бастысы, жан-жағының тазалығы, қасбеттері талапқа сай болуы тиіс», – деп ескертті аймақ басшысы.</blockquote>Нұрлыбек Машбекұлы құрылыс басқармасына ғимараттардың сапасын мұқият қадағалауды тапсырды. Атап айтқанда, жан-жағы талапқа сай абаттандырылуы, ауласына өңірдің климаттық жағдайына бейімделген ағаштар отырғызылуы қажет. Облыстық денсаулық сақтау басқармасы жаңа дәрігерлік амбулаторияларды тиісті медициналық құрал-жабдықтармен қамтамасыз етіп, олардың сапасына мән беруі керек.Еске салайық, Қызылорда облысында «Ауылдық денсаулық сақтауды жаңғырту» ұлттық жобасы аясында салынатын жалпы құны 11,0 млрд. теңгені құрайтын 27 нысан (24 дәрігерлік амбулатория, 2 фельдшерлік-акушерлік бекет, 1 медициналық бекет) тізімі Үкімет қаулысына енгізілген.<figure class="image"><img src="https://knadmin.beoblood.kz/uploads/404997279_647575610897020_4681304242901792323_n_be04c763ad.jpg" alt="404997279_647575610897020_4681304242901792323_n.jpg"></figure>

Ұлттық жобаны іске асыру барысы қаралды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Сырдарияның сол жағалауынан бой көтерген жаңа шағын ауданға қоныстанушылар күн санап артып келеді. Бүгін осындағы «Orda school» мектебі жанынан салынған үшінші оқу ғимараты балалар игілігіне пайдалануға берілді.Облыс әкімі Нұрлыбек Нәлібаев білім ордасының ұстаздары мен оқушыларын жайлы да жаңа ғимараттың ашылуымен құттықтады.<blockquote>«Алаш қайраткері, ақын Мағжан Жұмабаев «Қазақтың тағдыры, келешекте ел болуы да мектебінің қандай негізде құрылуына барып тіреледі. Мектебімізді таза, берік һәм өз жанымызға үйлесетін негізде құра білсек, келешегіміз үшін тынбай-ақ серттесуге болады» деген сөзі баланы оқыту үшін ең бірінші жайлы да заманауи мектептің керегін еске салады. Жерлесіміз, мемлекет және қоғам қайраткері Мұрат Бақтиярұлының бастамасымен 2017 жылы мемлекеттік-жекеменшік әріптестік аясында салынған «Orda school» бастауыш мектебі өңірдегі іргелі білім ошақтарының қатарына енді. Бұл салаға инвестиция салған кәсіпкерлер аз емес. Қазірдің өзінде облыстағы 30 жеке мектепте 12 мыңға жуық оқушы білім алуда. Балаларымыздың болашағы жарқын болсын. Санасы сергек, ойы ұшқыр, бәсекеге қабілетті шәкірттеріміз көбейсін!» – деді аймақ басшысы.</blockquote>Рәсімде облыс әкімі мектеп ұжымына ҚР Парламенті Сенатының төрағасы Мәулен Әшімбаевтің құттықтау хатын табыстады.Іс-шарада Мұрат Бақтиярұлы жерлестерін құттықтап, Білім беру ісінің үздігі Серікбай Қошқаров жиналғандарға ақ батасын берді.Облыс әкімі мектеп ғимаратын аралап көріп, конференц зал, робототехника кабинеті, кітапхана, асхана, спорт залдың жұмысымен танысты.Айта кетейік, алғаш ашылған жылы «Orda school» мектебінде 180 бала білім алса, бүгінгі күні оқушы саны 2100-ге жетті. Мұнда 214 педагог оқушыларға білім беруде. Жаңа ғимаратта оқу кабинеттері, шығармашылық бөлмелер талапқа сай жасақталған. Балалардың жан-жақты дамуы мен демалуына барлық жағдай қарастырылған.Биыл Қызылорда облысында 2 жаңа мектеп пайдалануға берілсе, жыл соңына дейін Қазалы ауданы Әйтеке би кентіндегі 250 орындық, Жаңақорған ауданы Май бекетіндегі 300 орындық оқу ордасының ашылуы жоспарлануда. Өткен аптада Шиелі ауданы Байсын ауылындағы 250 орындық мектептің жаңа ғимараты табысталды. Бұдан бөлек, Қызылорда қаласындағы 4 мектепке 1850 орындық қосымша ғимараттар салынды.Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 12 300 орынға лайықталған 21 мектеп салынуда. 10 мектептің құрылысы басталды, оның 5-еуі облыс орталығында. «Білімді қолдау қоры» есебінен 7,9 млрд. теңгеге дарынды балаларға арналған 400 орындық физика-математика бағытындағы мектеп-интернаттың құрылысы қарқынды жүргізілуде.Биыл «ҚазГерМұнай» компаниясының демеушілігімен 350 орындық заманауи үлгідегі Оқушылар сарайы салынады. «Саутс Ойл» компаниясының демеушілігімен Сырдария өзенінің сол жағалауынан 4,8 млрд. теңгеге музыкалық колледждің жаңа ғимаратының құрылысы басталмақ.<img src="https://knadmin.beoblood.kz/uploads/403900803_647571810897400_5104818265688555572_n_27dee0c8d8.jpg" alt="403900803_647571810897400_5104818265688555572_n.jpg"><img src="https://knadmin.beoblood.kz/uploads/403857971_647571724230742_2709856665533769715_n_f0c928a261.jpg" alt="403857971_647571724230742_2709856665533769715_n.jpg"><img src="https://knadmin.beoblood.kz/uploads/405075237_647572050897376_722058130210768347_n_c3d2cf0107.jpg" alt="405075237_647572050897376_722058130210768347_n.jpg"><img src="https://knadmin.beoblood.kz/uploads/403735804_647572010897380_2687956099797204678_n_f55006cac8.jpg" alt="403735804_647572010897380_2687956099797204678_n.jpg"><img src="https://knadmin.beoblood.kz/uploads/403900643_647572217564026_4507562661617980326_n_73d2cc4aeb.jpg" alt="403900643_647572217564026_4507562661617980326_n.jpg"><img src="https://knadmin.beoblood.kz/uploads/403832782_647572180897363_3507355601697092676_n_8438867152.jpg" alt="403832782_647572180897363_3507355601697092676_n.jpg">

Қазақстан және Қызылорда облысының жаңалықтары