<a href="https://kyzylorda-news.kz/ru">Kyzylorda-news.kz.</a> Қызылорда облыстық тарихи-өлкетану музейі – Сыр өңірінің 85 жылдығынан сыр шертетін асыл қазынаның ордасы болып табылады. Осыған орай, Сыр елінің 85 жылдығы аясында алғаш рет «Алтын киімді Ұлы дала» атты көрме ұйымдастырылып, қасиетті мекендегі құнды жәдіргерлер жұртшылыққа таныстырылды. Бүгінде облыстық музейдің қорында өлке тарихы мен мәдениетіне қатысты 65 мыңнан астам экспонат сақтаулы. Сондай-ақ мұнда екі мыңнан астам әйгілі Хорезм археологиялық-этнографиялық бұйым бар.&nbsp;Қызылорда облысының өңірлік коммуникациялар қызметінің ақпарат алаңында облыстық тарихи-өлкетану музейінің директоры Сапар Көзейбаев аталмыш мекеменің жұмысымен таныстырып, алдағы жоспарларымен бөлісті.<blockquote>«Бүгінде облыстық музей қорындағы құнды экспонаттарды цифрландыру және қолжетімділігін арттыру мақсатында «АС-Музей» автоматтандырылған ақпараттық жүйесі орнатылды. Сонымен қатар Қызылорда облысының 85 жылдығы аясында жыл басынан бері мәдени, тарихи-танымдық шаралар мен «Музей энциклопедиясы», «Тарих көмбесі», «Тұлғатану», «Бір әулеттің тарихы», «Тарихтағы сандар», «Музей радиосы», «Жас өлкетанушы», «Бұл үйде, кім тұрған?!» атты музейлік жобалары жүзеге асуда. Бұдан бөлек, Сыр өңірінің тарихы мен мәдениетін, көненің көзіне айналған жәдігерлерімізді Арқа жұртшылығына таныстыру мақсатында Қараған облыстық тарихи-өлкетану музейінде «Сыр өңірі – Түркі өркениетінің алтын бесігі» атты көрме ұйымдастырылды. Ал Маңғыстау облыстық музейінде зергерлік бұйымдар коллекциясынан «Сыр өңірінің зергерлік өнері» тақырыбында этнографиялық көрме ұйымдастырылды. Алдағы уақытта ортағасырлық Сығанақ қалашығынан табылған археологиялық материалдар негізінде сақ жауынгерінің реконструкциясын дайындау жоспарланып отыр», – деді Сапар Көзейбаев.&nbsp;</blockquote>

Тарихи мекеменің қорында 65 мыңнан астам экспонат сақталған

<a href="https://kyzylorda-news.kz/ru">Kyzylorda-news.kz.</a> Облыс әкімі Нұрлыбек Нәлібаев Жанақорған ауданына жұмыс сапарымен барып, әлеуметтік нысандардың құрылыс жұмыстарымен танысты.Алдымен аймақ басшысы Жайылма ауылдық округіндегі 150 орындық ауылдық клубтың құрылыс алаңына барды. Нысанның бас мердігері – «Астана Сервис ЛТД» ЖШС құрылысты 2021 жылы тамыз айында бастаған. Алдағы тамыз айында аяқталмақ.Әрі қарай Нұрлыбек Машбекұлы осы ауылдық окруктегі егіс алқабын аралады.Биыл Жаңақорған ауданында 38 мың гектарға жуық жерге майлы және мал азықтық дақылдар, картоп, көкөніс-бақша дақылдары және т.б. егілген. Мұнан бөлек, облыс әкімінің тапсырмасымен картоп, көкөніс-бақша дақылдарын егуге ынталы азаматтарға 295 гектар жер дайындалып берілді. Еске салсақ, өткен жылдан бері ауылдарда өздерін қажетті азық-түлікпен қамтуға және қосымша табыс табуға ниет білдірген отбасыларға осындай қолдау шарасы қарастырылған.Мұнан әрі аймақ басшысы аудан орталығындағы 300 орындық мектеп құрылысымен танысты. Білім ошағы 2020 жылдан бері салынуда, алдағы оқу жылында пайдалануға берілмек. Облыс әкімі мектеп құрылысын сапалы жүргізіп, уақытылы аяқтауды тапсырды.Сапар соңында Нұрлыбек Машбекұлы Жаңақорған кенті С.Қожанов көшесіндегі теміржол өткеліне барды. Ұзындығы 92 метр көпір өткен ғасырдың 60-шы жылдары салынған. Алдағы уақытта нысанның техникалық жағдайына сараптама жасалады. Пайдалануға жарамды болса, оған қайта жаңғырту жұмыстары жүргізілмек.<figure class="image"><img src="https://knadmin.beoblood.kz/uploads/363829868_586361440351771_2839277059190323900_n_8b1df24b09.jpg" alt="363829868_586361440351771_2839277059190323900_n.jpg"></figure>&nbsp;<figure class="image"><img src="https://knadmin.beoblood.kz/uploads/363971779_586361380351777_7618099508127201607_n_1bf009d753.jpg" alt="363971779_586361380351777_7618099508127201607_n.jpg"></figure>&nbsp;<figure class="image"><img src="https://knadmin.beoblood.kz/uploads/363825169_586361383685110_478718203172521923_n_6707c603a9.jpg" alt="363825169_586361383685110_478718203172521923_n.jpg"></figure>

Облыс әкімі Жаңақорған ауданындағы нысандарды аралады

<a href="https://kyzylorda-news.kz/ru">Kyzylorda-news.kz.</a> 1 тамыз күні атмосфералық фронталды бөліктердің өтуімен еліміздің басым бөлігінде күн райының құбылмалы сипаты сақталып, найзағай мен жаңбыр болжанады. Тек батыста, оңтүстік пен солтүстік-шығыста жауын-шашын болмайды. Барлық өңірде жел тұрады. Солтүстікте түнгі және таңертеңгі сағаттарда тұман күтіледі, деп хабарлайды &nbsp;«Қазгидрометке».Атап айтқанда, күндіз Алматы, Жамбыл, Түркістан, Қызылорда, Ақмола, Атырау облыстарында, сондай-ақ Жетісу, Ұлытау, Абай облыстарында Қостанай, Ақтөбе, Қарағанды, Шығыс Қазақстан, Маңғыстау облыстарының оңтүстігінде 35-40°с қатты ыстық болады.Солтүстік Қазақстан облысында, Батыс Қазақстан облысының батысында, солтүстік-батысы мен орталығында өрт тұтанудың жоғары қаупі күтіледі.Маңғыстау, Түркістан, Алматы, Жамбыл, Шығыс Қазақстан, Қарағанды, Ақтөбе, Қызылорда, Ұлытау, Жетісу, Абай облыстарында, Қостанай облысының оңтүстігінде, Атырау облысының батысында, Павлодар облысының оңтүстігі мен шығысында, Ақмола облысының оңтүстігі мен батысында өрт тұтану қаупі аса жоғары болады.

1 тамызға синоптиктер болжамы

<a href="https://kyzylorda-news.kz/">Kyzylorda-news.kz.</a>&nbsp; Арал ауданында кәсіпкерлікпен айналысушылар саны едәуір артып келеді. Тиісінше, ауданда жыл басынан бері тіркелген шағын және орта кәсіпкерлік субъектісі – 6 599 бірлікті құрап, 38,4 пайызға артты. Тіркелген кәсіпкерлік субъектілерінің ішінде нақты жұмыс істеп тұрғандардың үлесі 95,0 пайызды құрайды.&nbsp;Аталған бағытты қаржылай қолдау мақсатында мемлекеттік бағдарламалар мен жалпы қаржы институттары арқылы 140 жоба несиелендірілі. Бұдан бөлек, кәсібін енді бастаған азаматтарға қайтарымсыз грантпен қаржыландыру бойынша 70 жобаға қолдау көрсетілді.&nbsp;<blockquote>«Өткен жылдың соңында аудан орталығында кәсіпкерлерге арналған «Кәсіпкерлік үйі» бой көтерді. Қазіргі таңда нысан кәсіпкерлерге және кәсібін бастаймын деген азаматтарға кеңес беру секілді қызмет түрлерін ұсынады. Осының нәтижесінде теңізді өлкеде кәсіппен айналысушылар қатары көбейіп келеді. Сондай-ақ қала, кент және ауылдық округ бөлінісінде жоспарланған жобалар тізімі бекітіліп, тұрақты түрде жұмыстар атқарылып келеді. Мәселен жалпы құны – 5 678,5 млн.теңгені құрайтын, іске қосылғанда 388 адамды тұрақты жұмыспен қамтитын 58 жоба іске қосылады деп жоспарланған болатын. Бүгінде оның 13 жобасы өз жұмысын бастап, нәтижесінде 41 адам жұмыспен қамтылды. Осы жылдың өзінде мемлекеттік бағдарламалар аясында айналым қаражатын толтыруға 26 кәсіпкер 335,9 млн.теңге көлемінде төмендетілген несие қаражатын алды. Ауданымыздың бөлшек сауда көлемі де артып, 4,9 млрд. теңгеге жетті. Бұл өткен жылдың тиісті кезеңімен салыстырғанда 37,8 пайызға көбейген», - дейді аудан әкімі Серік Сермағамбетов.</blockquote>

Аралда 6 мыңнан астам кәсіпкерлік субъектісі тіркелді

<a href="https://kyzylorda-news.kz/ru">Kyzylorda-news.kz.</a> Алашқа ана атанған Сыр өңірінің құт қонған өлкесінің бірі – Жалағаш ауданы. Бұл жер облыстағы Сыр маржанының үштен бір бөлігіне жуығын өндіретін ынтымағы артқан, ырысы тасыған аудан ретінде де жұртшылыққа белгілі. Төскейінде төрт түлігін түлеткен де осы жұрт. Халқымыз «Жер жомарт, жерге сенген ел жомарт, еңбек еткен ер жомарт» деген. “Ақ күріштің Қостанайы” атанған &nbsp;Жалағаштың &nbsp;диқандары ел ризығын еселеу жолында қашанда табандылық танытып келеді. Осы орайда шаруа қожалықтардың алдағы орақ салу науқанына дайындығын білмек мақсатында егінші ауылдарға баспасөз турын ұйымдастырған болатынбыз.&nbsp;Осы мақсатпен апта басында Есет батыр ауылындағы Ибраев шаруа қожа-лығына ат басын бұрдық. Бірден қожалық төрағасының үйіне табан тіреген бізді төраға бастаған бір топ жұмысшы күтіп алды. Қорада егінге арналған бірнеше техника тұр, ал жұмысшылар сол техникаларларды алдағы орақ салу науқанына дайындау үстінде. Екі қолдары қара май болған жұмысшыларды көріп, диқаншылар үшін ең маңызды жұмыстың әлі де алда екені түсінікті болды. Техникалардың жағдайымен хабардар болып, әрі қарайғы шаруа қожалықпен сұхбатымызды алқап басында жалғасытыруды жөн көрдік. Төрағаның айтуынша, шаруа қожалығының жұмысы ілгерілеген сайын ауылдың әлеуетін жақсартуға жұмыстар жасалуда. Науқан аман-есен аяқталса, балаларға арнап ойын алаңы құрылысы басталмақ. «Әрине асып-тасып жатқан ештеңеміз жоқ, осы ауылдың тұрғыны ретінде ауылымыздың көркейгенін қалайтынымыз рас» деп ағынан жарылды ағамыз. Тағы бір айта кететін жайт, облыс әкімінің суармалы жерлерден картоп, көкөніс, бақша дақылдарын орналастыратын жер дайындау жұмыстарын ұйымдастыруға қатысты тапсырмасына сәйкес, қожалық 5 гектар жер бөліп, бақташылықпен айналысамын деген ауыл тұрғындарына үлестіріп беріпті.&nbsp;Алқап басы керемет сары түстес кілем төселгендей көрініс беріп тұрды. Кереқарыс масақтар жерге иіліп, сап-сары баданадай дәндер ерекше күтіммен қаралғаны көзге анық байқалды. «Осы көріністің бәрі әуелі Жер Ананың, содан кейін күрішшілердің арқасы» дейді күліп төраға. Сол сәтте керемет көріністің себепкері де қасымызға тұрақтады. Бізде дереу сұхбат ала кеттік. – Биыл шаруашылықтан 50 гектар жерге «Лидер» тұқымы егілді. Былтыр 120 гектар жерге еккен болатынбыз. Орташа өніміміз де жаман болмай, гектарына 65 центнерден күріш алдық. Биыл су тапшылығы болады деген соң егістік көлемін қысқартқан жайымыз бар. Тәуекелге баруды жөн көрмедік. Өздеріңіз көріп тұрғандай диқандардың тынымсыз еңбегінің нәтижесінде егініміз бітік шығып, науқанды бастағалы тұрмыз. Су тапшылығы алдыңғы жылдағыдай емес, биыл бұл мәселе шешімін тапты. Себебі науқан басталарда барлық су келетін каналдарды қазып, тазарттық. Сосын күріштен бөлек 133 гектар жерге жоңышқа тұқымы егілді. Ал жұмысшыларға келетін болсам, қазіргі таңда 7 адамды жұмыспен қамтып отырмын. Оның екеуі күрішші, тағы бір кісіні «Күміс жас» бағдарламасымен жұмысқа алдым. Жұмысшылардың барлығы да өте еңбекқор, өз істеріне жауапты. Сол еңбектеріне сай науқан соңында қосымша сыйақы да белгілейміз, – дейді төраға Бақыт Ибраев.Рақымжан Серіков ауылдағы аталған шаруашылықта 7 жылдан бері жұмыс жасайды. Бастапқыда қарапайым жұмысшы, кейін механизатор болып еңбек еткен Рақымжан, қазір 5 жылдан бері күрішші ретінде жұмыс істеуде. Алғашында 45-50 гектар жерге «Янтар» күріш тұқымын егіп бастап, өнім көлемінде өсім қалыптастырып, төраға артқан сенім үдесінен шыға біліпті. – Биыл тек күріштің “Лидер” сұрпын ектік. Рас, “Лидерге” қарағанда “Янтарға” айтарлықтай күтім қажет емес. Оның үстіне Сыр салысының бұл сұрпы “Лидерге” қарағанда суға төзімді келеді. Пісіп-жетілу уақытында да айырмашылық бар. Мәселен, “Лидер” 120-125 күннен кейін ораққа ілінсе, “Янтарды” 90-100 күннен кейін жинай беруге әбден болады. Ал салмақ жағына келгенде бәрібір “Лидердің” маңызы жоғары. Биыл тек күріштің осы сұрпын егуі сондықтан. Биыл суды тамыздың 15-не бастық. Бұйырса қырқүйектің басында орақ саламыз, – дейді білікті маман.&nbsp; «Ибраев» қожалығының қарқынды тірлігі көз алдымызда тоқтаусыз жалғасып жатты. Осындай иен даланы игеріп, молшылық майданына айналдырған дала дарабоздарына қырман тасысын дейміз.

Шаруашылықтардың шаруасы ширақ

<a href="https://kyzylorda-news.kz/ru">Kyzylorda-news.kz.</a> Қазақстан Республикасының Президенті Қасым-Жомарт Тоқаев 2022 жылғы 13 сәуірде мемлекеттік аппарат қызметін бюрократиядан арылту жөніндегі шаралар туралы Жарлыққа қол қойды.Жарлықта мемлекеттік аппаратта шешімдер қабылдаудың тиімділігі мен жеделділігін арттыру, атқарушы билік қызметін шамадан тыс заңнамалық реттеуді болдырмау, құжат айналымы мен есептілікті қысқарту, мемлекеттік органдар басшыларының дербестігі мен дербес жауапкершілігін арттыру көзделді.Бүгінгі күні мемлекеттік аппараттың жұмысында сөзбұйдалық пен төрешілдік көріністеріне жол бермеу үшін мемлекеттік органдардың уәкілеттілігіне кешенді талдау жүргізіп, олардың тиімділігін арттыру қажеттілігі өзекті мәселе болып отыр.Осы бағытта Мемлекеттік қызмет істері агенттігінің Қызылорда облысы бойынша департаментімен ағымдағы жылдың 1-жартыжылдығында талдау және мониторинг жұмыстары жүргізілді. Талдау жұмыстарының аясында сауда және қаржы салаларызерделеніп, бюрократиядан арылту бағытында 15 ұсыныс әзірленді.Соныменқатар,Департаментрұқсат беру рәсімдері мен монополияға қарсы заңнаманы бюрократияданарылту,өндірушілерге,экспорттаушыларға,импорттаушыларға және жер қойнауын пайдаланушыларғақатысты әкімшілік рәсімдердібюрократияданарылту бойынша мониторинг жұмыстарын жүргізіп,Агенттікке жалпы 21 ұсыныс жолдады.Тұрғындардың, бизнес субъектілерінің, тіпті кейбір мемлекеттік қызметшілер арасында бюрократиялық кедергілер бойынша ұсыныс берілгенімен, жоғары тұрған заң шығарушы органдардан қолдау таппайды деген қате түсінік қалыптасқан.Алайда, бұл қате түсінік. Мысалы, осы кезге дейін Агенттікке жолданған 21 ұсыныстың ішінен 15-і қолдау тапты. Мәселен, мемлекеттік аппараттың сервистік және клиентке бағдарланған қызметі бойынша келесі мән-жайлар анықталды.ҚР Денсаулық сақтау министрінің 2020 жылғы 18 қарашадағы №ҚР ДСМ-198/2020 бұйрығымен бекітілген еңбекке уақытша жарамсыздық парағының нысанында бас дәрігердің қолы талап етілген.Талдау кезінде, еңбекке жарамсыздық парақтарына бас дәрігердің орнына емхананың емдеу ісі жөніндегі орынбасары қол қоятындығы, ол өз кезегінде науқасты көрмей, тек тиісті дәрігердің қолы болғанына сүйеніп шешім қабылдайтындығы белгілі болды. Яғни, бас дәрігердің парақшаға қол қоюы формальды сипатта жүргізілген. Одан бөлек, аудан орталығынан 50 км қашықтықта орналасқан елді-мекен амбулаторийінде 2021-2022 ж. ж. 249 еңбекке жарамсыздық парағы ашылған. Еңбекке жарамсыздық парағын жабу үшін азаматтар бас дәрігердің қолын қойдыруға аудан орталығына баруға мәжбүр болған.Аталған рәсімді бюрократиялық кедергі деп тауып, еңбекке уақытша жарамсыздық парағының нысанында бас дәрігердің қолы болу талабын алып тастау жөнінде ұсыныс берілді. Нәтижесінде бас дәрігердің қолы электрондық нысанда қойылатын болып шешімін тапты. Яғни, нақты дәйектерге негізделген бюрократиялық кедергілер бойынша ұсынылған ұтымды әрі сапалы ұсыныстар қолдау табуда.Мемлекет басшысының «Азаматтардан ең көп сұраныс барпроцедуралар оңтайландырылып, қайта қаралуға тиіс» деген тапсырмасын жүзеге асырпу мақсатында, биыл мемлекеттік аппаратты бюрократияданарылту бойынша мониторинг жұмыстарыбизнесті қолдау бағытындағы салалардағы бюрократиялық кедергілерді анықтау бойынша жүргізілуде. Осы бағыттағы мониторинг жұмыстарын жүргізу үшін арнайы фокус-топтар құрылып, орталық деңгейде 200адамнан тұратын және жергілікті деңгейде 1000 адамнан тұратын фокус-топтар жұмыс жасады.Фокус-топтар өз кезегінде бюрократиядан арылту бойыншаұсыныстарын Агенттікке жолдады. Яғни, азаматтар фокус-топтарға қатысу арқылы мемлекеттік аппараттың одан әрі дамуынаөз үлестерін косуда.Елінің болашағына қызмет ететін әр саланың кәсіби мамандары қоғамдағы шешілуі күрделі әкімшілік кедергілердіеңсере отырып, мемлекеттік аппаратты бюрократиядан арылту бойынша жүйелі жұмыстарды жүргізген жағдайда ғана мемлекет, қоғам және бизнес пайда көретіні анық.Нұржан Сүлейменов,ҚР Мемлекеттік қызмет істері агенттігінің Қызылорда облысы бойынша&nbsp;департаментінің мемлекеттік қызметтер басқармасының басшысы &nbsp;

Мемлекеттік аппаратты бюрократиядан арылтудың маңыздылығы

Kyzylorda-news.kz. Арал ауданында «2021-2025 жылдарға арналған Индустриялық даму тұжырымдамасы» аясында жалпы құны 168,7 млрд. теңгені құрайтын, іске қосылғанда 1303 адамды жұмыспен қамтитын 9 жоба енгізілген. Оның ішінде жалпы құны 3,6 млрд. &nbsp;теңге болатын 2 жоба іске қосылып, 268 азамат жұмыспен қамтылды.&nbsp; Атап айтқанда, қуаттылығы 120 мың тонна ас тұзын өндіретін «Аралтұз» АҚ, жылдық қуаттылығы 120 мың тонна байытылған кварц құмын өндіретін «Арал кварц» ЖШС-нің жобалары тұрақты жұмыс жасауда. &nbsp;Қазір бірыңғай индустрияландыру картасына жалпы құны 7,2 млрд. теңге болатын, іске қосылғанда 439 азаматты жұмыспен қамтитын 4 жобаны енгізу үшін тиісті жұмыстар жүргізілуде.&nbsp; Атап айтқанда, «Арал Полимер» ЖШС-ның қап шығару жобасы. Жоба құны – 4 млрд. теңге, 323 адамға жұмыс көзі ашылады. &nbsp;«Құрғақ құрылыс ұнтақтарын өндіру» жобасының бастамашысы «Aral Quartz» ЖШС 73 адамды жұмыспен қамтуды жоспарлаған. &nbsp; Кәсіпкер Ықылас Алпысбаевтың мал бордақылау алаңы және шұжық өндіру цехын ашу жобасының құны – 336 млн. теңге. Қазір бизнес жоспар даярлануда.Ал «Аван құрылыс» ЖШС-ның «Профлист өндірісін ашу» жобасы іске қосылғанда 15 адам тұрақты жұмысқа тұрады. Арал қаласының индустриялық аймағындағы жер телімдері толықтай игеріліп, &nbsp;қосымша 10 гектар жер табысталды. Қазіргі уақытта аймақтың жалпы көлемі 16 гектарды құрайды.Осыдан бірнеше күн бұрын индустриялық аймақта орналасқан «Берекет» шаруа қожалығының «Ет және ет өнімдерін өндіру» жобасы аясында айына 1 тонна өнім өндіретін тұшпара цехы іске қосылып, 4 адамды жұмысқа алды.&nbsp;

Арал ауданында индустриялық жобалар іске асырылуда 

<a href="https://kyzylorda-news.kz/ru">Kyzylorda-news.kz.</a> Аймақта тамыз айының басында ауа температурасы күндіз +39+44, түнде +23+28 градус болады деп күтілуде. Бұл туралы Өңірлік коммуникациялар қызметінің ақпараттық алаңында өткен брифингте «Қазгидромет» РМК Қызылорда облысы бойынша филиалының бөлім басшысы Айгерім Жөкелова мәлімдеді.&nbsp;<blockquote>«Тамыз айының ортасында ауа температурасы аздап төмендейді. Түнде +20+25, күндіз +30+35 градус болады. Сондай-ақ, облыстың солтүстігінде, орталығында жаңбыр, найзағай күтіледі», - деді Айгерім Болатбекқызы.</blockquote>

Тамыз айында ауа райы қандай болады?

<a href="https://kyzylorda-news.kz/ru">Kyzylorda-news.kz.</a> &nbsp;Қазір қыстың қамын жаз ойламасқ, тағы болмайды. Бұған кешегі Екібастұздағы жағдай дәлел болары анық. Қақаған қыста қарапайым халық жылусыз қалса, елдің алдағы жылу маусымын уайыммен өткізетіні тағы да анық. Сондықтан мұндай жағдайлардың алдын алу үшін Жалағаш ауданы алдағы жылу беру маусымына дайындықты бүгіннен бастап кетті. &nbsp;Жалағаш аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі басшысы Ғабит Ерболұлымен хабарласқанымызда қазірдің өзінде аудан алдағы маусымға дайын екенін айтты.Жалағаш ауданында жылытылатын барлығы 99 әлеуметтік, бюджеттік нысандар бар екен. Әлеуметтік нысандардың саны – 81, мемлекеттік мекемелер – 18. Әлеуметтік нысандардың 30-ы сұйық отынмен, 39-ы қатты отынмен, 10-ы газ отынымен, 2-еуі электр қуатымен жылытылады.2023-2024 жылдардағы жылу беру маусымына барлық әлеуметтік және басқа да бюджеттік нысандардың сұйық отын қажеттілігі 2077 тоннаны, қатты отын қажеттілігі 2900 тоннаны құрайды. Бүгінгі күнге дейін нысандарда 28 тонна сұйық отын (қажеттіліктің 1,4 пайызы), 81 тонна қатты отын (қажеттіліктің 2,8 пайызы) қоры бар. Сонымен қатар, 276 тонна сұйық отынға, 1429 тонна қатты отынға жеткізіп берушілермен келісім-шарттар жасалған.&nbsp; 2023-2024 жылдардағы жылу маусымына дайындау жөніндегі іс-шаралар &nbsp;жоспарына сәйкес, дайындық жұмыстары жүргізіліп, қазіргі таңда 75 әлеуметтік нысан (33 білім нысандары, 18 мәдениет, 16 денсаулық, 8 спорт) немесе 92,6 пайызы жылу беру маусымына дайын. Қазақстан Республикасы Энергетика министрінің 2015 жылғы 2 ақпандағы №55 бұйрығымен бекітілген «Энергия өндіруші, энергия беруші ұйымдардың күзгі-қысқы кезеңдегі жұмысқа әзірлік паспортын алу қағидаларына» сәйкес, әзірлік паспорттарын алуға құжаттар үстіміздегі жылдың 15 тамызынан бастап қабылданады.&nbsp; Аудан тұрғындарына 2023-2024 жылдардағы жылу беру маусымына қатты отын қажеттілігі 9000 тоннаны құрайды. Қазіргі таңда &nbsp;350 тонна (4 пайыз) қатты отын қоры былтырғы жылу маусымынан қалып, тұрғындардың өз қоймаларында сақталған. Аудан тұрғындарына жеке кәсіпкерлер 9000 тонна көмірді үстіміздегі жылдың тамыз айынан бастап &nbsp;жеткізіп беруді жоспарлап отыр. олардың қатарында «Олжас-2005» ЖШС &nbsp;(Сейтжанов Олжас, көмірді жеткізу жоспары 2100 тонна), «Ажибеков М.» жеке кәсіпкері (Ажибеков Мейиржан Темирханович, көмірді жеткізу жоспары 2100 тонна), «Мәди» жеке кәсіпкері (Елеусінова Айнұр Алтынбекқызы, көмірді жеткізу жоспары &nbsp;1930 тонна), «Қырмызы» жеке кәсіпкері (Сейтханова Данагуль, көмірді жеткізу жоспары 1610 тонна), «Ясина» жеке кәсіпкері (Садықов Батыржан Нұрлыбекұлы, көмірді жеткізу жоспары 1260 тонна).Ғабит Ерболұлы тұрғындар үшін қажетті көмірді уақытылы жеткізіп және көмірдің бағасын негізсіз өсірмеу мақсатында жеке кәсіпкерлермен &nbsp;меморандумдар &nbsp;жасалғанын айтады. Сонымен қатар, көмірді &nbsp;сату жүзеге асырылатын &nbsp;тауарлық биржалар мен оларға қарасты брокерлердің тізімдері жеке кәсіпкерлерге ұсынылған. Қазіргі таңда жеке кәсіпкерлермен көмірді делдалсыз сатып алу мақсатында брокерлер арқылы көмір разрездерімен келісім-шартқа отыру бағытында жұмыстар жүргізіліп жатыр.Ауданға газ келгелі жергілікті халық көгілдір отынның игілігін көріп отыр. Биылғы жылы ҚР Ұлттық қорынан «Наркескен» спорт клубының қазандығын (жоба құны 16,0 млн теңге) газ отынына көшіруге 14,4 млн теңге, аудандық кітапхананың қазандығын (жоба құны 12,3 млн теңге) газ отынына көшіруге 11,1 млн теңге қаржы бөлінді. Мемлекеттік сатып алу қорытындысымен екі нысан бойынша құрылыс-монтаждау жұмыстарына мердігер мекеме болып «КомпанияГазСтрой» ЖШС анықталды. Мердігер мекемемен 14,6 млн теңгеге (Наркескен) және 11,2 млн теңгеге (кітапхана) келісім-шарттар 05.05.2023 жылы жасалып, 11.05.2023 жылы Қазынашылық басқармасына тіркелді. &nbsp;&nbsp;Аудандық кітапхана бойынша техникалық қадағалаушы «Ақбозат LTD» ЖШС. Құрылыс-монтаждау жұмыстарын бастау үшін облыстық қадағалау басқармасынан 06.06.2023 жылы рұқсат алынды. Қазіргі таңда мердігер мекемемен құрылыс-монтаждау жұмыстары жүргізілуде. Жоспар бойынша жұмыстарды аяқтау мерзімі 2023 жылғы 06 тамызға тура келеді. «Наркескен» спорт клубы бойынша техникалық қадағалаушы «ATM CONSULTING» ЖШС болып табылады. Құрылыс-монтаждау жұмыстарын бастау үшін облыстық қадағалау басқармасынан рұқсат 05.07.2023 жылы алынып, мердігер мекемесімен жұмыстар жүргізілуде. Жоспар бойынша жұмыстарды аяқтау мерзімі 2023 жылы 5 қыркүйекке тура келеді. &nbsp; Сонымен қатар, №123, 246 мектептердің қазандықтарын газ отынына көшіруге жобалау-сметалық құжаттар әзірлеу үшін облыстық бюджеттен 7,2 млн теңге қаржы бөлінді. Мемлекеттік сатып алу рәсімдерінің қорытындысымен «Проект Сервис» ЖШС жеңімпаз болып танылып, 10.06.2023 жылы келісім-шарттар жасалып, жұмыстар жүргізілуде. Ақсу, М.Шәменов елді мекендерін газдандыру жұмыстарын бастауға облыстық бюджеттен 40 млн. теңге қаржы бөлінді. Құрылыс-монтаждау жұмыстарына мемлекеттік сатып алу рәсімдерінің қорытындысымен «АЭS and Limited» ЖШС-мен келісім-шарттар жасалды. Келісім-шарт құнына келсек, Ақсу – 19128 мың теңге, М.Шәменов 19128,0 мың теңгені құрайды. Техникалық қадағалау қызметіне мемлекеттік сатып алу рәсімдері өтуде. 2023 жылдың 20 шілдесіне Жалағаш кентіндегі 2561 тұрғын үй (80,9 пайызы) орталықтандырылған газ желісіне қосылып, газ отынын пайдалануда (Жалағаш кентіндегі тұрғын үй саны 3164).Жалағаш ауданында білім саласы бойынша барлығы 23 нысан бар. Оның ішінде 20 мектептің 17-сі сұйық отынмен, 2-еуі қатты отынмен (№31, 188 мектептер), 1 мектеп (№202 мектеп) газбен жылытылады. Мектептерге жылу беру маусымына сұйық отын қажеттілігі 1581 тонна, қатты отын қажеттілігі 544 тоннаны құрайды (№31 мектеп – 280 тонна, №188 мектеп – 264 тонна). Биылғы жылы мектептерге сұйық отынға &nbsp;464,5 млн теңге, қатты отынға 9,5 млн теңге қаржы бөлінді. 1116 тонна сұйық отынға (360,1 млн теңгеге) жеткізіп берушілермен келісім-шарт жасалып, одан бүгінгі &nbsp;күнге 932 тоннасы алынған. Қазіргі таңда мектептерде 11 тонна &nbsp;сұйық отын қоры бар және 184 тонна сұйық отын келісім-шарт бойынша алашақ. Сұйық отын сатып алуға 99 млн теңге қаржысы бар, 2024 жылдың 15 қаңтарына дейінгі мерзімге &nbsp;380 тонна сұйық отын сатып алуға қосымша 136 млн теңге қаржы қажет. Мектептерге 543 тонна қатты отынға (9,5 млн теңгеге) &nbsp;келісім-шарт жасалып, одан бүгінгі &nbsp;күнге дейін 25 тоннасы алынған, &nbsp;518 тоннасы енді алынады. «Ақтерек» лагеріне сұйық отын қажеттілігі 9 тоннаны, Оқушылар үйіне 22 тоннаны құрайды. «Ақтерек» лагеріне сұйық отын сатып алуға 3 млн теңге, Оқушылар үйіне 7,7 млн теңге қаржысы бар.Индустриалды-аграрлық колледжге қатты отын қажеттілігі 267 тоннаны құрайды. Бүгінгі күнге дейін 8 тонна қатты отын қоры бар немесе қажеттіліктің 3 пайызы болып отыр. Бүгінгі күнге дейін барлық нысандар жылу беру маусымына дайын. Балабақшалар бойынша аудандағы 10 балабақшаның &nbsp;6-ауы сұйық отынмен, &nbsp; &nbsp; &nbsp; 1 нысан («Арай» балабақшасы) қатты отынмен, 3 нысан (Ақмаржан, Күн шуақ, №19 санаториялық балабақша) газбен жылытылады. Балабақшаларға жылу беру маусымына сұйық отын қажеттілігі 226 тонна, қатты отын қажеттілігі 43 тоннаны құрайды. 2023 жылы сұйық отынға 65,6 млн теңге, қатты отынға 720,0 мың теңге қаржы қаралған. 145 тонна сұйық отынға (44,8 млн теңгеге) келісім-шарт жасалып, одан 91 тоннасы алынған. Бүгінгі &nbsp;күнге балабақшаларда 7 тонна &nbsp;сұйық отын қоры бар және 54 тонна сұйық отын келісім-шарт бойынша алашақ. «Арай» балабақшасында 8 тонна қатты отын қоры бар және келісім-шарт бойынша 27 тонна қатты отын алашақ. Бүгінгі күнге барлық балабақшалар жылу беру маусымына дайын.Мәдениет саласы бойынша 20 нысанның 3-еуі сұйық отынмен, 14 нысан қатты отынмен, 2 нысан газбен, 1 нысан электр қуаты арқылы жылытылады. Мәдениет нысандарына жылу беру маусымына сұйық отын қажеттілігі 46 тонна, қатты отын қажеттілігі 939 тоннаны құрайды. 2023 жылы сұйық отынға 16,9 млн теңге, қатты отынға 16,8 млн теңге қаржы бөлінген. 45 тонна сұйық отынға (13,4 млн теңгеге) &nbsp;келісім-шарт жасалып, одан 37 тоннасы &nbsp;алынған. &nbsp;Қазіргі таңда нысандарда 2 тонна сұйық отын қоры бар және келісім-шарт бойынша 8 тонна сұйық отын алашақ. 931 тонна қатты отынға (16,8 млн теңгеге) келісім-шарт жасалып, одан 512 тоннасы алынған. Бүгінгі күнге дейін нысандарда 58 тонна қатты отын қоры бар және 419 тонна қатты отын келісім-шарт бойынша алашақ.&nbsp;Биылғы жылы аудандық кітапхананың қазандығы газ отынына көшірілетін болады. Бүгінгі күнге дейін аудандық кітапханадан, Мәдениет ауылдық клубынан басқа нысандар жылу беру маусымына дайын. Аудан бюджетінен қаржыландырылатын басқа да мекемелердің жылу беру маусымында сұйық отын қажеттілігі 154 тонна, қатты отын қажеттілігі 117 тоннаны құрап отыр. 2023 жылы &nbsp; сұйық отынға 33,1 млн теңге, қатты отынға 2,4 млн теңге &nbsp;қаржы бөлінген. &nbsp;98 тонна сұйық отынға &nbsp;(29,7 млн теңгеге) келісім-шарт жасалып, одан 71 тоннасы алынған. &nbsp;Қазіргі таңда нысандарда 2 тонна сұйық отын қоры бар және 27 тонна сұйық отын келісім-шарт бойынша алашақ. 37 тонна қатты отынға (699,0 мың теңгеге) &nbsp;келісім-шарт жасалып, оның 20 тоннасы &nbsp;алынған. Нысандарда 4 тонна қатты отын қоры бар және 17 тонна қатты отын келісім-шарт бойынша алашақ. Аудандағы денсаулық сақтау саласына қарасты 19 нысанның 3-уі (аудандық аурухана, жұқпалы аурулар бөлімшесі, аудандық емхана) газ отынымен, 16 нысан қатты отынмен жылытылады. Нысандарға &nbsp;жылу &nbsp;беру &nbsp;маусымына қатты отын қажеттілігі 770 тоннаны құрап отыр.&nbsp;Биылғы жылы Жалағаш ауданында қатты отынға 15,2 млн теңге қаржы қаралды. 760 тонна қатты отынға (15,2 млн теңгеге) келісім-шарт жасалып, одан 340 тоннасы &nbsp;алынды. 420 тонна қатты отын &nbsp;келісім-шарт бойынша енді алынады. Бүгінгі күнге дейін Мәдениет, Мақпалкөл дәрігерлік емханаларынан, Жаңақоныс медпунктінен басқа нысандар жылу беру маусымына дайын. Спорт саласы бойынша 9 нысанның 2-уі сұйық отынмен, 5-уі қатты отынмен, 1 нысан электр қуатымен, 1 нысан (бассейн) газ отынымен жылытылады. Спорт нысандарына жылу беру маусымына сұйық отын қажеттілігі 39 тоннаны, қатты отын қажеттілігі 220 тоннаны &nbsp;құрайды. Қазіргі таңда нысандарда 6 тонна сұйық отын қоры бар және 3 тонна сұйық отын келісім-шарт бойынша алашақ. 3 тонна &nbsp;қатты отын қоры бар &nbsp;және 28 тонна қатты отын келісім-шарт бойынша алашақ. Биылғы жылы «Наркескен» спорт клубының қазандығы газ отынына көшірілетін болады. Бүгінгі күнге дейін «Наркескен» спорт клубынан басқа нысандар жылу беру маусымына дайын екен.

Жалағаш ауданы жылу беру маусымына дайын

<a href="https://kyzylorda-news.kz/ru">Kyzylorda-news.kz.</a> Жалағаш ауданында жол көлік оқиғаларының алдын алу мақсатында атқарылған жұмыстар өз жемісін беруде. Бұл сөзімізді соңғы жылдары ауданда жол апатының азаюы қуаттайды. Жалағаш аудандық полиция бөлімінің қызметкерлері жол қозғалысы қауіпсіздігін қамтамасыз ету өзекті мәселелердің бірі екенін жақсы біледі және оны қамтамасыз етуді өздерінің басты міндеті деп біледі. 2023 жылдың 6 айында аудан көлемінде жол көлік оқиғалары 36,4 пайзға, яғни 11-ден 7-ге, жарақат алғандар 40 пайызға, яғни 15-тен 9-ға азайған. Ал былтыр жол апатынан 2 адам көз жұмса, биыл қайтыс болғандар тіркелмеген.&nbsp;Жалағаш аудандық полиция бөлімі қызметкерлері жол көлік оқиғаларының негізгі себептері жүргізушілер мен жаяу жүргіншілердің жол қозғалыс ережелерін өрескел бұзуымен байланыстырады. Биыл алты айда қайтыс болған адамдар болмағанымен кент және ішкі жолдарда жол-көлік оқиғалары салдарынан жарақат алғандар 25 пайызға (4-тен 5-ке), жарақат алғандар 50 пайызға (4-тен 6-ға) өскен. Республикалық және облыстық жолдарда соңғы 2 жылда болған жол көлік оқиғалары зерделеніп, басты себептері жүргізушілердің жылдамдықты шамадан тыс асыруы, қарсы бағытқа шығу, маневр ережесін бұзу және ұйықтап кету екендігі анықталған. «Самара-Шымкент» автожолындағы автокөлік қозғалысының көбеюі де себеп болған, қазіргі таңда бұл жолдан тәулігіне 10 мыңға жуық көлік өтеді.Барлық жол көлік оқиғаларының 33-і немесе 64 пайызы төрт түлік малды қағу дерегімен орын алса, одан 8-і дене жарақатын алды. Алдын алу мақсатында жолдың белгіленбеген орнынан өткен 151 (2021ж.-447) ауыл шаруашылық жануарларының жаю қағидаларын бұзу деректері және жол белгілерін талаптарын сақтамаған 286 (2021ж.-253) жүргізушілер әкімшілік жауапкершілікке тартылған. Орталық көшелер бойында орналасқан мектептер жанындағы жаяу жүргіншілер өткелдеріне оқуға келіп-кету кезінде патрульдік және ювеналды полиция инспекторлары қызмет атқаруда. Жалағаш ауданында жол апаттарының алдын алу мақсатында атқарылған жұмыстар аз емес. жылдың алғашқы алты айында жол ережесін бұзудың 1138 (2021ж.-845) дерегі анықталса, оның 623-і жол апатына тікелей әсер ететін өрескел құқық бұзушылықтар болып табылады (немесе 32,6%). Оның ішінде 13-і көлікті мас күйінде басқару, 292-сі көлік құралын басқаруға құқы жоқ немесе құжатсыз &nbsp;басқарғаны &nbsp;анықталды. Жол жүрісіне қатысушыларға қойылатын өзге де талаптарды бұзу бойынша 80 (114), жаяу жүргіншіге жол бермеудің 8 (12), ұялы телефонмен сөйлесу 14 (29), қауіпсіздік белдігін тақпау 24 (37) дерегі анықталса, жаяу жүргіншілермен 51 (34) жол ережесі бұзылған.Жол қозғалысын ұйымдастыру, апаттылықтың алдын алу мақсатында автомобиль жолдары мен жол қозғалысын реттейтін техникалық құрылғылардың жай-күйі жөнінде аудандық жергілікті атқарушы органдарға 15 (2022-17) хабарлама-ұсыныстар, 105 (2022-100) нұсқамалар жолданып, тиісті жол мекемелерімен жаңадан 38 жол белгілері орнатылып, 17-сі қайта қалпына келтірілген, аудан көлемінде 30 шақырым жол жөнделді, 1,6 шақырымды құрайтын (Қазбекби, Желтоқсан көшелері) жасанды жарық жүйелері жүргізілді, кент аумағында 10 көше күрделі жөндеуден өткізіліп, жанартылды.Қазіргі таңда 2023 жыдың 6 ай қорытындысымен жол апатталығының барлық көрсеткіштері төмендеген. Қайтыс болғандар ауданда 100 пайызға (2-ден 0-ге) төмендесе, ЖКО саны 36,4 пайызға, 11-ден 7-ге, жарақат алғандар 40 пайызға, 15-тен 9-ға, оның ішінде республикалық жолдарда 100 пайызға, елді мекендерде 50 пайызға 2-ден 1-ге азайған, ауыларалық ішкі жолдарда қаза тапқандар жоқ (2022 ж. 1). Жылдамдықты асыру себебінен болған жол көлік оқиғаларында қайтыс болғандар орын алмаған.Былтыр балаларды қатысуымен 3 жол көлік оқиғаларынан 3 бала дене жарақатын алса, ағымдағы жылы 2 бала жарақат алған. 2023 жылдың 6 айында барлығы 7 жол көлік оқиғалары орын алған. Оның ішінде «Жосалы-Жалағаш» тас жолында 1, &nbsp;аудан аралық тас жолдарда 2, кент орталығында 4 жол апаты орын алған. Дене жарақатын алғандардың саны тоғызға жетті. Оның «Жосалы-Жалағаш» тас жолында біреуі, кент ішінде алты адам, ауданаралық тас жолдарда 2 (4-әйел азаматша, 1-ересек азамат, 2-жасөспірім) дене жарақатын алған.

Жалағаш ауданы: 6 айда жол апаты 36,4 пайызға азайған

​<a href="https://kyzylorda-news.kz/ru">Kyzylorda-news.kz.</a> ​Бүгін Қызылорда қаласы әкімі аппаратының басшысы, әдеп жөніндегі уәкіл Жасұлан Абатов қалалық мәдениет және спорт бөлімі қызметкерлеріне мемлекеттік қызметшілердің әдеп нормаларын сақтау және сыбайлас жемқорлыққа қарсы іс-қимыл туралы түсіндіру бойынша семинар өткізді.​Кездесу барысында сөз алған аппарат басшысы Жасұлан Абатов әр мемлекеттік қызметшінің жұмыстан тыс уақытта өз іс-әрекеті мен мінез-құлқына жауапты екенін, ал кез келген жағдайда әдеп қағидаттарын сақтау қоғамның мемлекеттік қызметке деген жоғары сенімінің негізі болып табылатындығын есте сақтау қажеттігін тілге тиек етті.​Сонымен қатар, мемлекеттік қызметшілер әріптестерімен қызметтік қарым-қатынаста мемлекеттік қызметшілерге қойылатын жалпыға бірдей қабылданған моралдық-әдептік нормаларды сақтау жөніндегі талаптары да ескертілді.​Жиын соңында аппарат басшысы, әдеп жөніндегі уәкіл &nbsp;Жасұлан Абатов бөлім қызметкерлеріне Қазақстан Республикасы мемлекеттік қызметшілерінің әдеп кодексінің нормаларын сақтау, Сыбайлас &nbsp;жемқорлық көріністерінің әрбір фактісіне мұқият талдау жасау, оларды жою жөнінде шаралар қабылдауды, қызметкерлер арасында басшылардың өз бағыныштылары үшін жауапкершілігі туралы түсіндіру жұмысын жүргізу жөнінде бірқатар тапсырмалар берді.

Сыбайлас жемқорлықтың алдын алу бойынша түсіндіру семинары өтті

<a href="https://kyzylorda-news.kz/ru">Kyzylorda-news.kz.</a>&nbsp; Орман өрт сөндіру стансаларының қызметкерлерін өртке қарсы киіммен қамтамасыз ету үшін үкімет резервінен 918 миллион теңге <a href="https://sputnik.kz/20230731/ukimet-ortke-qarsy-kiim-satyp-aluga-918-mln-tenge-boledi-37146286.html">бөлінеді</a>.Тиісті қаулыға премьер-министр Әлихан Смайылов қол қойды.Құжатқа сәйкес, үкімет резервінен табиғатты қорғау және орман мекемелерінің орман өрт сөндіру стансаларының қызметкерлеріне өртке қарсы киім сатып алуға 918 млн теңге қаражат бөлінеді.Бұл 30 табиғатты қорғау және 16 орман мекемесінің қызметкерлерін механикалық жарақаттанудан, гипотермияның, агрессивті сұйық құрамдардың, жоғары температураның әсерінен қорғауға, жұмысшыларды соққыдан сақтауға, сондай-ақ басқа механикалық әсерлерден қосымша қорғау үшін өртке қарсы киіммен жабдықтауға мүмкіндік береді, деп хабарлайды үкіметтің баспасөз қызметі.

Қазақстан және Қызылорда облысының жаңалықтары