<a href="https://kyzylorda-news.kz/">Kyzylorda-news.kz</a> Республикалық референдумда Қызылорда облысының жастары «Мен алғаш рет дауыс бердім» акциясына белсенді қатысып, азаматтық жауапкершіліктің жоғары үлгісін көрсетті.Өңір жастары, әсіресе ауыл жастары, қоғамдық маңызы зор саяси науқанға ерекше қызығушылық танытып, өз таңдауларын жасауға асыға келгені байқалды.Облыс бойынша референдум күні 36 жас 18 жасқа толып, алғаш рет дауыс беру құқығына ие болды. Олар референдум учаскелерінде арнайы ұйымдастырылған фотозонада естелік суретке түсіп, ерекше көңіл-күй мен қуанышты эмоцияларын бөлісті. Олардың қатарында Жас сайлаушылар клубының мүшелері де бар.<blockquote>Жас дауыс берушілердің айтуынша, бұл күн олардың өміріндегі маңызды белес болды. «Бүгін алғаш рет дауыс беріп, өз таңдауымды жасадым. Бұл — мен үшін үлкен жауапкершілік әрі мақтаныш», — деді жас қатысушылардың бірі. Ал тағы бір жас: «Болашағымызға бейжай қарамай, өз пікірімізді білдіру — әрбір жастың міндеті деп ойлаймын», — деп атап өтті.</blockquote>Айта кетейік, дауыс беру 20.00-ге дейін жүзеге асады.

Қызылорда жастары “Мен алғаш рет дауыс бердім” атты ерекше фотоаймағында

<a href="https://kyzylorda-news.kz/">Kyzylorda-news.kz</a> &nbsp;Референдум күні дауыс беруші азаматтар үшін бірнеше платформалар іске қосылған. Соның бірі – тізімде мүлдем жоқ азаматтарды уақытша тіркеу. Қызылорда қаласында 5 арнайы учаске жабдықталған. Мұнда Халыққа қызмет көрсету орталығының мамандары жұмыс жасауда. Яғни дауыс берушілер тізімінде жоқ азаматтарды уақытша тіркеп, оларға дауыс беруге жағдай жасап отыр.<blockquote>-Біздің №198 референдум учаскесінде онлайн сервис арқылы 13 азамат уақытша тіркеліп, олар дауыс берді. Жеке куәлігін көрсету арқылы мүлдем тіркеуде болмаған азаматтар онлайн сервис көмегімен уақытша тіркелуде,-деді комиссия төрағасы.</blockquote> Айта кетейік, осы уақытқа дейін Қызылорда қаласындағы 5 учаскеде 44 азамат уақытша тіркеліп, дауыс берген.

Тізімде жоқ азаматтар онлайн сервистер арқылы тіркелуде

<a href="https://kyzylorda-news.kz/">Kyzylorda-news.kz</a> Жалағаш кентіндегі №31 орта мектепте орналасқан №130 референдум учаскесінде «AMANAT» партиясы Жалағаш аудандық филиалының атқарушы хатшысы Қаншагүл Мұстафаева бастаған аманаттықтар да өз таңдауын жасады. Партия қатары жыл сайын жастармен толығып келеді.<img src="https://knadmin.beoblood.kz/uploads/AMANAT_partiyasy_filialyny_at_arushy_hatshysy_z_ta_dauyn_zhasady_562806b5f3.jpg" alt="«AMANAT» партиясы филиалының атқарушы хатшысы өз таңдауын жасады.jpg"><blockquote>-Бүгін баршамыз үшін ерекше жауапты күн. Конституция мен тәуелсіздік егіз ұғым. Конституция - еліміз тәуелсіздігінің баянды болуының кепілі. Жаңа Ата заңымыздың аясында қазақ халқының ұлттық намысы мен қадір-қасиеті оянады, рухани құндылықтарымыз да қайта оралады деп есептеймін. Осындай жауапты сәтте ел болшағына сеніммен қараймыз, біз өз таңдауымызды жасадық, - деді Қаншагүл Мұстафаева.</blockquote>

«AMANAT»  партиясы филиалының атқарушы хатшысы өз таңдауын жасады

<a href="https://kyzylorda-news.kz/">Kyzylorda-news.kz</a>&nbsp; &nbsp; &nbsp;Орталық референдум комиссиясы хабарлайды: облыстардың, республикалық маңызы бар қалалардың және астананың аумақтық комиссиялары ұсынған деректерге сәйкес сағат 14.00-дегі жағдай бойынша өңірлерде азаматтардың келуі мынаны құрады:Абай облысы 61,04% Ақмола облысы 60,05% Ақтөбе облысы 61,37% Алматы облысы 56,13% Атырау облысы 56,54% Батыс Қазақстан облысы 49,97% Жамбыл облысы 51,13% Жетісу облысы 59,82% Қарағанды облысы 57,32% Қостанай облысы 56,51% Қызылорда облысы 64,63% Маңғыстау облысы 53,14% Павлодар облысы 53,31% Солтүстік Қазақстан облысы 52,37% Түркістан облысы 58,03% Ұлытау облысы 52,06% Шығыс Қазақстан облысы 59,60% Астана қаласы 40,68% Алматы қаласы 21,68% Шымкент қаласы 58,24%.Жалпы сағат 14.00-дегі жағдай бойынша республиканың 6 471 378 азаматы бюллетень алды. Ол тізімге енгізілген азаматтардың 51,93% құрады. «Республикалық референдум туралы» Қазақстан Республикасының Конституциялық заңының 31-бабы 2 тармағына сәйкес егер референдумға қатысу құқығы бар азаматтардың жартысынан көбі дауыс беруге қатысқан болса, референдум өткізілген деп саналады. Дауыс беру учаскелеріне келу туралы келесі ақпарат жергілікті уақыт бойынша 16.00-де беріледі.

Сағат 14:00-дегі жағдай бойынша азаматтардың учаскелерге келуі туралы

<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданында өтіп жатқан республикалық референдум аясында ұлттық дәстүрді дәріптеуге бағытталған ерекше шара – «Бауырсақ party» ұйымдастырылды. Іс-шара барысында аудан тұрғындары бір алаңға жиналып, қазақтың ұлттық тағамы бауырсақ пісіріп, көпшілікке ұсынды.Шараға қатысқан ақ жаулықты әжелер мен ауылдың белсенді тұрғындары ұлттық дастарқан жайып, келген азаматтарды бауырсақпен қарсы алды. Сонымен қатар, тұрғындарға қымыз бен шұбат ұсынылып, қонақжайлық дәстүрдің көрінісі көпшілікке ерекше әсер сыйлады.Референдум күні ұйымдастырылған бұл бастама тұрғындардың бірлігін арттырып, ұлттық құндылықтарды насихаттауға бағытталды. Дауыс беруге келген азаматтар шараға белсенді қатысып, көтеріңкі көңіл-күймен ел болашағына қатысты маңызды таңдауын жасады.Жалпы, Сырдария ауданында референдум жоғары деңгейде ұйымдастырылып, тұрғындардың белсенді қатысуымен өтуде. Осындай тағылымды шаралар аудан халқының ұйымшылдығы мен бірлігін айқындай түсті.

Сырдария ауданында референдум аясында «Бауырсақ party» ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданындағы республикалық референдум жұмысы жалғасын табуда. Учаскеге келе алмайтын тұрғындар өз үйінен дауыс беріп, таңдауларын жасауда.Олардың қатарында биыл 100 жасты жүзіктеген тыл және еңбек ардагері, ауданның ең қарт тұрғынының бірі – Алмагүл Кенбаева анамыз да бар.Ол шаңырағына №30 мектепте орналасқан №100 референдум учаскесінен келген азаматтарға аналық алғысын айтып, мемлекеттік маңызды сәтте өз таңдауын жасады. Сонымен қатар бейбітшілік заманда өмір сүріп жатқан еліміздің өсіп-өркендеуіне тілеулестігін білдіріп, ақ басын берді.

Қармақшылық 100 жастағы Алмагүл әжей республикалық референдумға шаңырағынан дауыс берді

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданында ауыл шаруашылығы саласындағы еңбек ұжымдары республикалық референдумға белсенді түрде қатысты.Дауылкөл ауылдық округіндегі №109 учаскесінде, Ақжар ауылдық округінде №108 учаскесінде, сондай-ақ ІІІ Интернационал елді мекеніндегі №105 учаскесінде ұйымдастырылып, барлық қатысушылар өз таңдауын жасады.

Қармақшыда ауыл шаруашылығы қызметкерлері өз таңдауларын жасады

<a href="https://kyzylorda-news.kz/">Kyzylorda-news.kz</a>&nbsp; Қазақстанда өтіп жатқан республикалық референдумға халықаралық бақылаушылар да қатысуда. Солардың қатарында Тәжікстан Республикасының Орталық сайлау және референдум комиссиясының төрағасы Худоёрзода Бахтиёр бар.Ол Қазақстанға ТМД, Шанхай ынтымақтастық ұйымы, Парламентаралық ассамблея және Ұжымдық қауіпсіздік туралы шарт ұйымының миссиясы құрамында келгенін айтты.<blockquote>«Біз Қазақстанның Орталық сайлау комиссиясының шақыруымен референдумды дайындау және өткізу барысын бақылауға келдік. Астанада болған уақыт ішінде референдумға дайындық жұмыстарымен таныстық, сондай-ақ бүгін дауыс беру процесін тікелей бақыладық», – деді Худоёрзода Бахтиёр.</blockquote>Бақылаушының пікірінше, референдумды ұйымдастыру үшін ауқымды және жан-жақты дайындық жұмыстары жүргізілген. Учаскелік және аумақтық комиссия мүшелері референдум өткізудің барлық кезеңдері бойынша арнайы дайындықтан өткен.<blockquote>«Бұл Қазақстанның Орталық сайлау комиссиясы саяси науқанды жоғары деңгейде ұйымдастырғанын көрсетеді. Дауыс беру құқығы бар азаматтар учаскелерге еркін және өз еркімен келіп, дауыс беруде. Бұл – референдум өткізу кезінде азаматтардың еркін таңдауы мен ашықтық принциптерінің сақталып отырғанының дәлелі», – деді ол.</blockquote>Сөз соңында ол Қазақстан халқына бейбітшілік, бірлік пен тұрақты даму тілейтінін жеткізді.

Тәжікстандық ОСК басшысы: «Қазақстандағы референдум жоғары деңгейде ұйымдастырылған»

<a href="https://kyzylorda-news.kz/">Kyzylorda-news.kz</a>&nbsp; Республикалық референдум аясында өтіп жатқан «Референдум – 2026» онлайн марафоны жалғасуда. 09:00-де басталған шараның алғашқы үш сағатында қоғамдағы өзекті мәселелер талқыланып, инновациялық жобалар таныстырылды.Медиа кеңістікте алғаш рет онлайн марафонды журналистер робот-жүргізушімен бірге ресми түрде бастады.&nbsp;Марафонның ток-шоу алаңында қоғам үшін өзекті екі тақырып — «Инклюзивті қоғам» және «Бала тәрбиесі: дәстүр мен заманауи әдістің қайшылығы» талқыланды. «Инклюзивті қоғам» тақырыбындағы дискуссия барысында ерекше қажеттілігі бар азаматтарға тең мүмкіндік жасау, қолжетімді орта қалыптастыру және қоғамдағы өзара құрмет мәдениетін дамыту мәселелері сөз болды. Сарапшылар инклюзияның білім беру жүйесіндегі, еңбек нарығындағы және қоғамдық кеңістіктегі рөліне тоқталды.<img src="https://knadmin.beoblood.kz/uploads/e40ad894_b789_4d87_8fe2_0bb2cebb50d5_dd3f9dc269.jpg" alt="e40ad894-b789-4d87-8fe2-0bb2cebb50d5.jpg">«Бала тәрбиесі: дәстүр мен заманауи әдістің қайшылығы» тақырыбындағы талқылауда қазіргі қоғамдағы тәрбие тәсілдерінің өзгеруі, ұлттық құндылықтар мен заманауи психологияның үйлесімі, сондай-ақ ата-аналардың жауапкершілігі мәселелері көтерілді. Бұл туралы отбасылық психолог Ержан Мырзабаев «Қазақта әр дәстүрдің озығы бар, тозығы бар деп айтады. Дәстүр – белгілі бір кезеңде халықтың өмір сүруіне ыңғайланған әдет-ғұрыптардың жиынтығы. Сондықтан кейбір дәстүрлер бір заманда өзекті болса, басқа уақытта өзектілігін жоғалтуы мүмкін” деп, дәстүр мен заман талабының ұштасу маңыздылығын атап өтті.&nbsp;Спикерлер&nbsp; бала тәрбиесінің қай қоғамда да, қай жаста да маңызды деген ортақ пайымға тоқталды.&nbsp;Медиа шарада алғаш рет ұйымдастырылған инновация алаңында отандық өнертапқыштардың ерекше жобалары да таныстырады. Атап айтқанда, ДЦП диагнозы бар адамдарға өте қолайлы жасалған жаңа арба көременге ұсынылды.&nbsp;Бір қызығы осы құралды жүзеге асырған автор Мәулен Бектұрғановқа робот жүргізуші сұрақтарын қойып, қоғам үшін пайдалы екенін атап өтті. Сұхбат соңынан робот өз биімен көпшілікті таңқалдырды.&nbsp;Онлайн марафон аясында Қазақстан Республикасының Орталық референдум комиссиясы жанындағы пресс-орталықтың референдум барысы туралы ресми ақпараттары да ұсынылуда. Атап айтқанда, дауыс беру учаскелерінің ашылуы, дауыс берудің басталуы, шетелдегі учаскелердің жұмысы және азаматтардың келу белсенділігі туралы мәліметтер жарияланды.&nbsp;«Референдум – 2026» онлайн шарасы аясында көрермендерге осы уақытқа дейін белгілі өнерпаздар мен өнер ұжымдары, атап айтқанда ҚР Ұлттық Ұланының Ерлер хоры, электро домбырамен өнер көрсететін шебер Ақтоты Болышева, Рухия Байдүкенова «Жошы» этно-фольклорлық ансамблі, «Алтын домбыра» тобы өнерлерін көрсетті. Өнерпаздардың музыкалық номерлері голограмма шоуы арқылы әрленіп отырды.&nbsp;Қоғамдағы маңызды тақырыптарды талқылап, сарапшылар мен мамандардың пікірін ортаға салуға және елдегі инновациялық бастамаларды кеңінен таныстыруға мүмкіндік беретін онлайын марафон сағат 09:00 - 01:00 аралығанда, 16 сағатқа жалғасады.&nbsp;Тікелей трансляцияға төмендегі сілтемелер арқылы өтуге болады:&nbsp;<ul style="list-style-type:disc;"><li>YouTube -&nbsp;<a href="https://www.youtube.com/live/XI1B-nqakuI?si=gxL0PPqqmZy-46-C">https://www.youtube.com/live/XI1B-nqakuI?si=gxL0PPqqmZy-46-C</a></li><li>Facebook -&nbsp;<a href="https://www.facebook.com/share/v/1EckJhg5S2/">https://www.facebook.com/share/v/1EckJhg5S2/</a></li><li>Instagram -&nbsp;<a href="https://www.instagram.com/qazaqstantv/live/17987331689950875%20/">https://www.instagram.com/qazaqstantv/live/17987331689950875 /</a></li><li>TikTok -&nbsp; <a href="https://vt.tiktok.com/ZS9R1bfLPhNoH-xhVsr/">https://vt.tiktok.com/ZS9R1bfLPhNoH-xhVsr/</a>&nbsp;</li><li>Telegram -&nbsp;<a href="https://t.me/qazaqstantv?livestream">https://t.me/qazaqstantv?livestream</a></li></ul>Ақпарат үшін: Республикалық референдум аясында «Қазақстан» телерадиокорпорациясының ұйымдастыруымен «Референдум – 2026» атты ауқымды онлайн марафон өтіп жатыр.

«Референдум – 2026» онлайн марафоны: инклюзивті қоғам мен бала тәрбиесі тақырыптары кеңінен талқыланды

<a href="https://kyzylorda-news.kz/">Kyzylorda-news.kz</a>&nbsp; Астанадағы №282 референдум учаскесіне Ресей Федерациясы Орталық сайлау комиссиясының хатшысы Наталья Бударина халықаралық байқаушы ретінде барып, дауыс беру процесімен танысты.Ол учаскедегі ұйымдастыру жұмыстары жоғары деңгейде екенін атап өтті. Байқаушының айтуынша, азаматтардың еркін әрі объективті түрде дауыс беруі үшін барлық жағдай жасалған.<blockquote>Біз кеше де, бүгін де бірнеше учаскені аралап шықтық. Барлық жерде дауыс беру процесі заң талаптарына сай ұйымдастырылған. Жалпы атмосфера өте жақсы – кейбір жерлерде музыка ойнап, ән айтылып жатыр. Мұның бәрі бүгінгі күннің ерекше әрі маңызды екенін сезіндіреді. Бұл Қазақстан үшін маңызды күн,– деді Наталья Бударина.</blockquote>Халықаралық байқаушы учаскелердегі атмосфераның да ерекше екенін айтты. Оның сөзінше, кейбір учаскелерде музыка қойылып, мерекелік көңіл күй байқалады.<blockquote>Тағы бір ерекше атап өткім келетіні – көптеген адамдардың учаскелерге отбасымен, тіпті кішкентай балаларымен бірге келіп жатқаны. Бұл өте дұрыс үрдіс деп ойлаймын. Өйткені осындай маңызды қоғамдық-саяси оқиғаларға бүкіл отбасының қатысуы – болашақ ұрпақ үшін де үлкен үлгі, – деді ол.</blockquote>Сондай-ақ Бударина учаскелерде көптеген бақылаушы жұмыс істеп жатқанын атап өтті.<blockquote>Тағы бір атап өтетін жайт – әрбір учаскеде көптеген бақылаушылар бар. Оның ішінде халықаралық бақылаушылар да келіп отыр. Бүгінгі оқиғаға бақылаушылардың көп қатысуы – ашықтық пен айқындықтың белгісі деп ойлаймын,-деді ол.</blockquote>

Халықаралық байқаушы: «Қазақстанда референдум ашық әрі жоғары деңгейде өтіп жатыр»

<a href="https://kyzylorda-news.kz/">Kyzylorda-news.kz</a>&nbsp; Жосалы кентінің аграрлы-техникалық колледжінде орналасқан №96 референдум учаскесінде референдум күні учаскелердің жұмысы заң талаптарына сәйкес қалыпты жағдайда өтуде.&nbsp;Учаскелерде барлық қажетті жағдайлар жасалып, тұрғындар өз таңдауларын еркін білдіруде.

Қармақшы тұрғындары саяси науқанға белсенді қатысуда

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданында республикалық референдум өтіп жатқан күнде аналарға ерекше көңіл бөлінді. Жосалы кентіндегі Орталық аудандық ауруханасында референдум күніне сәйкес дүниеге келген сәбилердің аналарын аудандық емхана басшысы Бақытжан Нысанбаев құттықтап, құрмет көрсетті. Құттықтау барысында емхана басшысы аналарға мықты денсаулық, бақыт және еліміздің дамуына үлес қосатын ұрпақ тәрбиелеуді тіледі7 &nbsp;

Қазақстан және Қызылорда облысының жаңалықтары