<a href="https://kyzylorda-news.kz/">Kyzylorda-news.kz</a> &nbsp;Мәдениет – ұлттың мәйегі. Осы бір сала ұлттың ұлылығын, елдің елдігін айшықтап тұратындай. Қыркүйек айының 21-22 күндері Алматы қаласында Қызылорда облысының өнер күндері өтеді.&nbsp;&nbsp;Маңызды шараға сырдың сақа өнерпаздарының да дайындығы қызу. Күрделі шығармалар дайындалап, әлемнің бес тілінде әуезді әндер шырқалмақ. Мақпал мақам мен сұлу сазға шөліркеген Алматылық ағайынға жыршылар да жырдан шашу шашпақ. Оңтүстік астанада өтетін өнер күндерінің дайындығын облыстық мәдениет, архивтер және құжаттама басқармасының басшысы Мира Қазбекова баяндап берді.<blockquote>&nbsp;– Алматыда өтетін өнер күндеріне дайындық жүйелі жүргізілуде. Алматылықтар ең алдымен "Сыр өңірі – Түркі өркениетінің алтын бесігі" атты көрмемен танысады. Көрмеге аймақтың жетістіктері мен әлеуметтік-экономикалық дамуын суреттейтін құнды экспонаттар қойылады. Әсіресе, археологиялық қазба жұмыстары кезінде табылып, жаңғыртудан өткен "Шірік-Рабат сақ жауынгері"," Сығанақ ханшайымы" мүсіндері көпшілікке ұсынылады. Әншілердің де репертуары толық өзгерді. Жаңа бағдарламамен Алматыға жол тартпақпыз. Облыс әкімінің қолдауымен әртістерімізге жаңа костюмдер әзірленді. Гала-концертте Алматыдағы жерлестеріміз де бой көрсетеді. Сондай-ақ терме бағыты бойынша білім алып жатқан Қызылордалық студенттерге де жыршы-жырауларымыздың шеберлік сағаты өткізіледі деп жоспарлануда,- деді Мира Жомартқызы.</blockquote><img src="https://knadmin.beoblood.kz/uploads/ALMATY_ALASYNDA_YZYLORDA_OBLYSYNY_NER_K_NDERI_TEDI_1_8bc779da92.jpg" alt="АЛМАТЫ ҚАЛАСЫНДА ҚЫЗЫЛОРДА ОБЛЫСЫНЫҢ ӨНЕР КҮНДЕРІ ӨТЕДІ 1.jpg"><img src="https://knadmin.beoblood.kz/uploads/ALMATY_ALASYNDA_YZYLORDA_OBLYSYNY_NER_K_NDERI_TEDI_2_82000281a4.jpg" alt="АЛМАТЫ ҚАЛАСЫНДА ҚЫЗЫЛОРДА ОБЛЫСЫНЫҢ ӨНЕР КҮНДЕРІ ӨТЕДІ 2.jpg">Фото: Қызылорда облысының Өңірлік коммуникациялар қызметі

Алматы қаласында Қызылорда облысының өнер күндері өтеді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Шиелі ауданына жұмыс сапары кезінде №252 мектеп-гимназияның 375 орындық қосымша оқу ғимаратының құрылысымен танысты.Аудан орталығындағы мектеп-гимназия 1967 жылы салынған, екі қабатты, газбен жылытылады. Наурыз айында 375 орындық, үш қабатты қосымша оқу ғимаратының құрылысы басталған. Бас мердігер «Ахат+ГС» ЖШС, жоба құны – 625,6 млн. теңге. Аймақ басшысы құрылысты сапалы әрі жылдам жүргізуді тапсырды.Айта кетейік, жаңа оқу жылында Шиелі ауданының «Жансейіт» елді мекенінде 100 орындық жаңа мектеп ел игілігіне берілді. Аудан орталығында 200 орындық оқушылар үйі мен 50 орындық өнер мектебінің құрылысы жақын арада басталмақ. Мемлекет басшысының бастамасымен қолға алынған «Жайлы мектеп» ұлттық жобасы аясында 900 орындық мектеп салынады.Шиелі кентінде 30 төсектік жұқпалы аурулар бөлімшесі мен көпбейінді орталық аудандық ауруханаға қосымша ғимарат қосылып, қайта жаңғырту жұмыстары басталды. Өткен жылы Бала би, Досбол датқа, «Бұланбай бауы» елді мекендерінде медициналық амбулаториялар пайдалануға берілді. Биыл облыс аумағында қолға алынған 11 дәрігерлік амбулаторияның 5-уі «Алмалы», Тәжібаев, «Ортақшыл», «Тартоғай», «Бестам» ауылдарында бой көтермек.Шиеліде «Руханият» орталығының құрылысы қарқын алды. Атап өту қажет, дәл осындай ғимараттар өңірдің барлық ауданында салынуда. Орталықтар жыл соңына дейін қолданысқа беріледі.<img src="https://knadmin.beoblood.kz/uploads/Shieli_bilim_m_alim_453e71c3fe.jpg" alt="Шиелі білім мұғалім.jpg"><img src="https://knadmin.beoblood.kz/uploads/Shieli_bilim_o_ushylar_a26e1330db.jpg" alt="Шиелі білім оқушылар.jpg"><img src="https://knadmin.beoblood.kz/uploads/Shieli_o_ushylar_2f93df0cf5.jpg" alt="Шиелі оқушылар.jpg">Фото: Қызылорда облысы әкімінің баспасөз қызметі

Аймақ басшысы Шиелі ауданындағы мектеп құрылысымен танысты

<a href="https://kyzylorda-news.kz/">Kyzylorda-news.kz</a>&nbsp; Алматыда 7-сынып оқушысы&nbsp;сегізінші қабаттан құлап қаза тапқан оқиғаның куәгерлері жаңа деректерді бөлісті. Бұл туралы <a href="https://stan.kz/yyiktatatin-dariler-pishaktar-bar-dayindalip-kelgen-alm-406370/">Stan.kz </a>ақпарат агенттігі КТК телеарнасына сілтеме жасап хабарлайды.Тұрғындар жеткіншектер секіріп кеткен жерден&nbsp;адамның бұлшық етін босатып, ұйықтататын әсері бар бірнеше дәрі тауып алған. Қазір оқиғаға қатысты полиция тергеу жүргізіп жатыр. Әзірге белгілісі екі оқушы сабақ ортасында мектептен шығып кеткен екен.Тоғыз қабатты тұрғын үй қазір құқық қорғау органдарының ерекше бақылауында. Мектеп формасын киген екі қыз үйдің бейнебақылау камерасына түсіп қалған. Таңғы сағат 10 шамасында жасөспірімдер көтеріңкі көңіл-күймен подъездердің біріне кіріп кеткен.<blockquote>“Біреуінің беті&nbsp;төмен қарап жатты. Екіншісі былай. Мен оларды танымаймын. 25 мектептен дейді. Біреуі күрте киген, екіншісі рюкзакпен болды”, &nbsp;–&nbsp;дейді оқиға&nbsp;куәгері&nbsp;Галина Васильева.</blockquote>Куәгерлердің айтуынша, қыздар шатырда жарты сағаттай болған. Қайғылы жағдайдан кейін тұрғындар шатырдан белгісіз препараттарды тауып алған.<blockquote>“Ұйықтататын дәрілер, пышақтар, аяқ киімдер бар. Қысқасы, қыздар дайындалып келген.&nbsp;Оның үстіне олар құлаған кезде ешкім айқайлаған жоқ. Түсінесіз бе? Олар бірдеңе тұтынған”, –&nbsp;дейді оқиға куәгері.</blockquote>Бұл уақытта оқушы қыздардың неліктен сабақта болмағаны әзірге белгісіз. Қыздар оқитын гимназия әкімшілігі түсініктеме беруден бас тартты. Ал қалалық білім басқармасы мектепте тексеріс жүргізіп жатыр, арнайы комиссия құрылған.<blockquote>“Бүгін Алмалы ауданында екі қыздың өмірін қиған қайғылы оқиғаға байланысты Алматы қалалық білім басқармасы істің барлық мән-жайын зерделеу үшін тиісті мемлекеттік органдардың қызметкерлерін тарту арқылы комиссия құрды”, –&nbsp;деді Алматы қалалық білім басқармасының басшысы Сайран Сайфеденов.</blockquote>Сондай-ақ Алматыдағы&nbsp;барлық тұрғын үйлердің шатырлары мен шатырларға&nbsp;кіру жолдары тексерілетін болады.<blockquote>“Алмалы ауданы полиция басқармасы қылмыстық іс қозғады. Оқиғаның себеп-салдары мен мән-жайы анықталып жатыр”, –&nbsp;деді&nbsp;Алматы ПД ресми өкілі Салтанат Әзірбек.</blockquote>Еске салсақ, бұған дейін&nbsp;Алматыда екі оқушы қыз тоғызыншы қабаттан құлап мерт болғаны туралы жазған едік.&nbsp;Фото: Stan.kz&nbsp;

Көп дәрі, пышақ табылған: Алматыда шатырдан құлаған қыздардың өліміне қатысты куәгерлер жаңа деректерді бөлісті

Кәсіпкердің өзі Германиядан болса да АҚШ-та жылжымайтын мүлікке ие.Фото: Instagram/atyrauoil.officialАтыраулық Алина Кузняткина 81 жастағы неміс миллиардері Хорст-Дитер Эшке тұрмысқа шықты. Ерлі-зайыптылар бірнеше ай бұрын некелерін заңдастырған, ал жуырда олар қызды болды. Бұл туралы <a href="https://azattyq-ruhy.kz/">Azattyq Rýhy</a> агенттігі <a href="https://www.instagram.com/p/C_3cobsCb79/?img_index=1">atyrauoil.official</a> парақшасына сілтеме жасап хабарлайды.Бұл миллиардердің екінші қызы, бірінші қызы - 1971 жылы Югославия моделінен.Ерлі-зайыптылар қазір Мексикада тұрады. Кәсіпкердің өзі Германиядан болса да АҚШ-та жылжымайтын мүлікке ие.Үйленгеннен кейін Алина бұрынғы достарынан алшақтап, енді тек күйеуінің ортасымен араласады. Қыздың ата-анасы жас айырмашылығына қарамастан оның таңдауын қолдады. Ол қазір сәнді сыйлықтарға толы жабық әлемде өмір сүреді. Өзінің жеке өміріне түсініктеме беруге тыйым салынған.Алинаның ата-анасы киім дүкенінің иелері. Әлеуметтік желіде отбасының сәнді пәтерлері, шетелдегі демалысы туралы суреттер жоқ.

27 жастағы атыраулық 81 жастағы неміс миллиардеріне тұрмысқа шықты

БЕС ЖАҢАЛЫҚ: Апталық шолу

<a href="https://kyzylorda-news.kz/">Kyzylorda-news.kz</a> Мемлекетке ең бастысы – шекара, іргеңді бүтіндеу.Қазір ел ішінде әскердегі сарбаздардың жағдайы қызу талқыланып жатыр. Жас жігіттер сау болып барып, мүгедек болып қайтып, тіпті сорақысы, табытпен оралып жатқан жайттар бар. Бұл жағжайлар баласы ер жетіп отырған ата-ананың уайымына айналып, тыныштық берер емес. Бұл сұмдықты қалай тоқтатамыз, осыдан кейін ата-аналарға қалай сенім ұялатып, әскерге өз еркімен баратын жастарды қалай жинаймыз? Осы туралы Мәжіліс депутаты, Әлеуметтік-мәдени даму комитетінің мүшесі Ринат Зайытов Qasqa Jol YouTube арнасына берген сұхбатында айтты, деп хабарлайды<a href="http://sn.kz/"> Skifnews.kz</a> ақпарат порталы.Ринат Зайытов Қоғамдық бақылау туралы Заңның жұмыс тобында болған кезде Еділ Жаңбыршин және Қорғаныс министрлігінің өкілімен болған талқыны еске алды.<blockquote>«Қоғамдық ұйымдар, әскери бөлімшелерге кіруге рұқсат берілу керек дегенде жауапты министрлік «сендер шпиондарға жол ашып беріп отырсыңдар» деп уәж айтқан. Ол сенің қару қойылған қоймаңа бармайды, құжаттарыңа қол сұқпайды. Ол тек сенің казармаңды тексеріп, әскердегі сарбаздармен сөйлеседі.&nbsp;Сол кезде Еділ Дерекбайұлы «Мен әскерде болдым, қатардағы сарбаз болған кезде, бүкіл офицерлердің қағазын толтырдым. Сол қағазда жазылған тапсырманы, жаттығуларды сарбаз орындайтын болса, казармаға төрт аяқтап кіріп ұйықтағаннан басқаға шамасы келмейтін еді» деді. Мынаның іш пысқандықтан болып жатыр. Тамағы тоқтық, жұмысы жоқтық аздырар адам баласын. Міне, біздің әскердегі проблема! Осы шешілсе, бұл біржақты болатын мәселе. Мұны талап ететін де, қадағалайтын да адам жоқ.Біз осындай оқиғалар болған кезде ғана шулаймыз. Одан кейін ұмытып кетеміз. Астанада бес бала өртенгеннен кейін Қазақстанда бала өртенген жоқ па?", - дейді Зайытов.</blockquote>Сонымен қатар депутат, 2024 жылы 12 қыркүйекте ҚР Қорғаныс министрлігіне жолданған «Қазақстанда міндетті әскери қызметті алып тастау керек» деген петицияға қатысты пікір білдірді.<blockquote>«Әрбір ата-ана баласына алаңдайды, бірақ мемлекетке ең бастысы – шекара, іргеңді бүтіндеу. Оны қорғайтын блогерлер мен әншілер ме?! Әскери адамдар шығар. Әскер керек бізге. Егер қажет болатын болса, тіпті екі жыл қылсын қайтадан. Мен бұған дейін де әскерді түзеу үшін не істеу керек дегенде, бір ғана жауап айтқанмын. Әкімдер, депутаттар, министрлердің балаларын әскерге баруға міндеттеу керек. Бір әкімнің баласы, облыстағы бір әскері бөлімде жүрсе, ол жерде «бардак» болмайды. Министрдің баласы барса да, дәл солай болады», - деді депутат.</blockquote>Фото: smi24.kz<figure class="media"><div data-oembed-url="https://youtu.be/SdXKLdeeuDU"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/SdXKLdeeuDU" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

«Қайтадан екі жыл қылсын»: Ринат Зайытов әскери қызметке қатысты петиция туралы айтты

<a href="https://kyzylorda-news.kz/">Kyzylorda-news.kz</a> Аймақ кәсіпкерлерінің назарына!Кәсіпкерлік кодексінің 131-1 бабына сәйкес, бақылау және қадағалау органдары жыл сайын қыркүйектің соңғы бейсенбісінде бизнес-қауымдастық алдында есеп береді.Бақылау және қадағалау органдарының бизнес-қауымдастық алдындағы бірыңғай есебі биыл 26 қыркүйекте өтеді.Оған – кәсіпкерлік субъектілері, бақылау және қадағалау органдарының өкілдері, мемлекеттік қызмет саласындағы уәкілетті органның, сыбайлас жемқорлыққа қарсы іс-қимыл жөніндегі уәкілетті органның, сондай-ақ тиісті аумақтық бірліктің прокуратура органдарының өкілдері қатысады.Аталған маңызды іс-шараға қатысу үшін тіркеу төмендегі байланыс нөмірлері арқылы жүргізіледі: +7 (7242) 60-54-10&nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;«Қызылорда облысы кәсіпкерлік және өнеркәсіп басқармасы» КММФото: pavlodarnews.kz

Қызылорда: Бірыңғай есеп беру күні өткізіледі

<a href="https://kyzylorda-news.kz/">Kyzylorda-news.kz</a> Айтыскер ақын, коуч-психолог Айнұр Тұрсынбаева денсаулығы сыр бергенін айтты, - деп хабарлады <a href="https://www.paryz.kz/">paryz.kz</a>.Өнер иесі ауруханада жатқан жерінен халыққа үндеу жасады.“Үш-ақ сағаттық ұйқымен ауруханаға келдім. Менің медициналық тексеруден өтіп жүргенімді білесіздер. Маған қатерлі ісікке күдік бар деп айтқан. Биопсия тапсырдым. Бірақ таза шықты. Аллаға шүкір! Енді асқазанымды тексереді. Наркозға дайындап жатыр”, – деді айтыскер ақын әлеуметтік желіде.фото: әлеуметтік желіден

"Қатерлі ісікке күдік бар": Айнұр Тұрсынбаева халыққа үндеу жасады

<a href="https://kyzylorda-news.kz/">Kyzylorda-news.kz</a> Бүгін Қазалы аудандық Халықтық штабының төрағасы Ғазиз Әліш бастаған бір топ штаб мүшелері аудандағы ірі өндіріс орны саналатын Қазалы локомотив жөндеу зауытының жұмысшыларымен кездесіп, АЭС-тің болашағы мен оның тиімділігін талқылады.«Элeктр энeргeтикaсы eл экономикасының тұрaқты дaмуынa нeгіз бoлaтын бірeгeй сaлa. Қaзіpдің өзіндe біздің eліміздe элeктp энeргиясының тaпшылығы бaйқaлaды. Энeргия көздeрінің жeтіспeуі aлдaғы уaқыттa ірі өндірістік oрындap үшін дe үлкeн мәсeлeге aйнaлуы мүмкін. Өйткeні, бoлжам бойынша елімізде энергия тұтыну көлемі тұрақты өсіп келеді. Осы тұста елімізде атом электр станциясының салынуы электр қуатының тапшылығы мәселесінің бірден-бір шешімі болары сөзсіз», – деді штаб төрағасы Ғазиз Әліш.Ал штаб мүшесі Арғын Орымбаевтың айтуынша, елімізде атом электр станциясын салу үшін барлық объективті алғышарттар орын алған. Атап, айтқанда уранның бай қоры, оны өңдеу мен өдіру үшін дамыған инфрақұрылым, сондай-ақ қуатты ғылыми база бар.Жиын соңында штаб мүшесі, Қазалы локомотив жөндеу зауытының директоры Нұрлан Алмағамбетов еліміздегі АЭС қажеттілігі бойынша маңызды ақпарт алғандарын айтып, ұжым болып қолдайтындықтарын білдірді.

Қазалы ауданындағы халықтық штаб мүшелері зауыт жұмысшыларымен кездесті

<a href="https://kyzylorda-news.kz/">Kyzylorda-news.kz</a> Сауда нарығы қазіргі қоғамның қозғаушы күші. Әлеуметтік экономикалық ахуалымыздың термометрі. Шаһарымыздағы сауда үйлері халық әлеуетінің артуының негізгі бағыты. Облыстық Халықтық штаб өкілдерінің кезекті кездесуі «Алатау» сауда үйінде ұйымдастырылды.Мақсат – сауда орында жүрген тұтынушылармен кездесіп, АЭС-тің оң әсерін назарына ұсыну. Халықтық штаб мүшелері жасыл энергияның ел экономикасына оның ішінде халық әлеуетіне және қоршаған ортаға тигезетін оң әсері жайлы азаматтарға кеңінен жеткізді.&nbsp; «Энергетикалық кешенді дамыту бағытын таңдау мемлекеттің ұзақ мерзімді дамуына айтарлықтай әсер етеді. Бүгінде Қазақстанның энергетикалық секторы елімізде өндірілетін барлық электр энергиясының шамамен 70% қамтамасыз ететін көмір электр станцияларына тәуелді. Сондықтан жасыл энергия көзін өндірудің өзінде елімізде дербес атом электр станциясын салу қажеттіліктен туындаған жаңашылдық бастауы. Бұл – Қазақстан энергетика секторын трансформациялаудың маңызды қадамы болмақ», – деді штаб мүшесі Алтын Есқараева азаматтармен болған талқылау барысында.Әлем елдерінде атом электр станцияларын пайдаланудың көп жылғы тәжірибесі бар. Мамандар мұны адамдарға және табиғатқа зиянсыз екенін растайды. Ғалымдар ірі жылу электр станциясы аймағындағы жеке сәулелену дозалары атом электр станциясының жанындағы ұқсас дозадан 5-10 есе артық екенін эксперименталды түрде анықтады. Сондықтан ядролық энергия «жасыл» деп танылды. Бұл энергия көзі жаңартылатын энергия көздерімен салыстырғанда экологиялық таза болып танылған. Кездесуде азаматтарды толғандырған сауалдардың да басым бөлігі қауіпсіздік мәселесі болатын.Кездесуде штаб мүшесі Айгүл Мұсабаева: – Елімізде жұмыс істеп тұрған станциялардың тозу деңгейі жоғары. Электр энергиясын тұтыну жыл сайын 3%-ға өсуде. Қазақстан 2060 жылға қарай көміртегі бейтараптығына қол жеткізуді қоса алғанда, жаһандық экологиялық міндеттемелерді өзіне жүктемек ниетте. Сондай-ақ, көмір жобаларын қаржыландыру да экологиялық шектеулерге байланысты күрделене түсуде. Бұл тұрғыдан алғанда энергетикалық тәуелділіктен арылудың тиімді жолы АЭС салу екенін дұрыс бағыттан түсіну қажет. Бұл ел ертеңі үшін маңызды, – деді.Энергетика министрлігінің болжамы бойынша, 2035 жылға қарай Қазақстанда электр энергиясын тұтыну 152,4 млрд кВт/сағ құрамақ. Бұл жұмыс істеп тұрған электр станциялары небәрі 135 млрд кВт/сағ қамтамасыз етпек.&nbsp;Сауда үйі тұтынушыларымен болған жиын осылай қорытындыланды.&nbsp;

 Айгүл Мұсабаева: АЭС  ел ертеңі үшін маңызды

&nbsp;<a href="https://kyzylorda-news.kz/">Kyzylorda-news.kz</a> Тұрсын Алагөзов пен Баян Мақсатқызы қыздары Алисаның қырқынан шығару рәсімен өткізді, деп хабарлайды <a href="https://ozgeris.info/">Ozgeris.info</a>&nbsp;Қырқынан шығару тойында Баянның күйеуі Тұрсын келген қонақтардың барлығына медициналық маска үлестіріп берген. Осы тұста жұлдызды әкенің бұл әрекеті көпке жақпай қалды.«Тамақты қалай ішеді?», «Одан да қонаққа шақырмаған дұрыс, көргенсіз адам ғана осылай жасайды», «Кәрі қыз бала таппайды, тапса, қоярға жер таппайды деген осы», «Тәлпіштер, одан да онлайн істей салмаған ба», деп жазды жұрт.&nbsp;Алайда Алагөзовтің бұл ісін жақтап жатқандар да бар. Бірі қазір қауіпті вирус жүріп жатыр десе, енді бірі жасанды жолмен туылған балалар әлсіз болады десті.Фото: ozgeris.info

Келген қонақтарына маска кигізіп қойған Алагөзовтің әрекеті талқығы түсті

<a href="https://kyzylorda-news.kz/">Kyzylorda-news.kz</a> Қаланың Алмалы ауданында 16 қыркүйек күні ек қыз көпқабатты үйдің терезесінен құлап кеткен, деп хабарлайды <a href="https://qaz.ulysmedia.kz/kogam/19749-almatyda-eki-okushynyn-m-iiti-tabyldy/">Ulysmedia.kz.</a>Тұрғын үй кешенінің маңындағы асфальттан оқушы қыздардың мәйіті табылған. Оқиға куәгерлері төтенше жағдайлар қызметіне хабарлаған. Қайғылы оқиға орнына жедел-жәрдем дәрігерлері мен полиция қызметкерлері жеткенімен, балаларды аман алып қала алмаған.Аталған жағдайға Алматы облысы Полиция департаментінің баспасөз қызметі жауап берді.<blockquote>Бұл дерек бойынша Алмалы аудандық полиция Басқармасы қылмыстық іс қозғады. Оқиғаның себебі мен мән-жайы анықталып жатыр, - деді Алматы қаласы полиция департаментінің ресми өкілі Салтанат Әзірбек.</blockquote>Фото: Ulysmedia.kz.

Қазақстан және Қызылорда облысының жаңалықтары