<a href="https://kyzylorda-news.kz/">Kyzylorda-news.kz</a> «Ел Дауысы» қоғамдық қоры 2026 жылғы 15 наурызда Қазақстанда өткен республикалық референдумды тәуелсіз қоғамдық бақылаудың қорытындыларына арналған ашық баспасөз конференциясын өткізді.Кездесу аясында қор басшылығы дауыс беру күні байқаушылар желісінің жұмысы туралы айтып, бақылаудың алдын ала нәтижелерін ұсынды, сондай-ақ сайлау учаскелеріндегі дауыс беру процесін ұйымдастыруға қатысты негізгі қорытындылармен бөлісті.<blockquote>«Ел Дауысы»&nbsp;қоры 2020 жылдан бері жұмыс істеп келеді. Осы кезеңде біз 6 мыңнан астам байқаушыны оқытып, даярладық.&nbsp;Бүгінге дейін өткен барлық электоралдық процестерге, соның ішінде парламенттік және президенттік сайлауларға қатыстық. Референдумды бақылау тәжірибеміз де бар. Биыл референдум өтетіні жарияланған сәттен бастап біз бірден үн қатып, аккредиттеу мерзімі жыл соңында аяқталғандықтан, оны жаңартып, тәуелсіз бақылауды ұйымдастыруға кірістік. Сонымен қатар, биыл 2020 жылдан бері бізбен тұрақты жұмыс істеп келе жатқан байқаушылар пулының қалыптасуының арқасында бақылау географиясын кеңейте алдық. Олардың тәжірибесінің арқасында бізге жаңа қатысушылар қосылды. Бұдан бөлек, жаңа байқаушылар әлеуметтік желілер арқылы маған тікелей хабарласты», – деді қор жетекшісі Аида&nbsp;Жексен.</blockquote>Оның айтуынша, биыл қордың қоғамдық бақылау жобасы Қазақстанның 32 қаласын қамтыды. Олардың қатарында ірі өңірлік орталықтармен қатар шағын қалалар да бар. Қор байқаушылары Астана, Алматы, Шымкент, Қарағанды, Павлодар, Өскемен, Қостанай, Ақтау, Атырау, Тараз, Түркістан, Петропавл, Қызылорда қалаларында, сондай-ақ Екібастұз, Жезқазған, Сәтбаев, Кентау, Талғар, Қонаев, Степногорск, Риддер және өзге де бірқатар елді мекендерде жұмыс істеді.Аида&nbsp;Жексен дауыс беру күні бойы қор байқаушылары учаскелердің ашылуын, дауыс беру процесінің ұйымдастырылуын, учаскелердегі рәсімдердің сақталуын, комиссиялардың жұмысын, сондай-ақ дауыстарды санау мен қорытынды құжаттарды рәсімдеу процесін тіркеп отырғанын атап өтті.Учаскелерден түскен ақпарат өңірлік үйлестірушілер арқылы жеткізіліп, қордың орталық штабында жинақталды.Алдын ала бақылау нәтижелері бойынша, учаскелердің басым бөлігінде дауыс беру ұйымдасқан әрі тыныш жағдайда өтті.Бақылау барысында рәсімдік сипаттағы жекелеген ескертулер мен сигналдар тіркелді, алайда олардың нәтижеге елеулі әсері жоқ.Қор жетекшісі Аида Джексенова азаматтардың қоғамдық бақылауға белсенді қатысу деңгейі жоғары болғанын атап өтті:<blockquote>«Қазақстанда азаматтық бақылауға деген қызығушылықтың артып келе жатқанын көріп отырмыз, мұны келушілер белсенділігінен де байқауға болады. Дауыс беру күні біздің байқаушылар еліміздің әртүрлі қалаларында жұмыс істеп, учаскелердегі жағдайды тіркеп, ақпаратты қор штабына жіберіп отырды. Біз үшін адамдардың қоғамдық процестерге қатысуға және рәсімдердің ашықтығы үшін жауапкершілік алуға дайын болуы маңызды», – деді ол.</blockquote>Қор жетекшісі қоғамдық бақылаудың негізгі миссиясы рәсімдердің ашықтығын қамтамасыз ету және заңнаманың сақталуын қадағалау екенін атап өтті.

Референдумды бақылау: «Ел Дауысы» қоры алдын ала қорытындыларын жариялады

<a href="https://kyzylorda-news.kz/">Kyzylorda-news.kz</a> Жаңақорған ауданының Төтенше жағдайлар бөлімінің қызметкерлері аудан аумағындағы дүкендер мен қоғамдық тамақтану орындарында (кафе, асхана фастфуд) тұрмыстық газ баллондарын қауіпсіз пайдалану талаптарының сақталуын тексеру мақсатында рейдтік іс-шара өткізді.Рейд барысында газ баллондарын сақтау, орнату және пайдалану тәртібі, олардың техникалық жағдайы мен қауіпсіздік талаптарына сәйкестігі қаралды.Сауда және қоғамдық тамақтану нысандарының иелеріне газ баллондарын дұрыс қолдану, өрт қауіпсіздігі ережелерін сақтау бойынша түсіндіру жұмысы жүргізілді.Аталған іс-шара барысында 7 қоғамдық тамақтану орынынан газ балондары анықталып, жеке кәсіпкерлерге түсіндіру жұмысы жүргізілді.&nbsp;Фото freepik

Жаңақорған аумағындағы қоғамдық тамақтану нысандарында газ қауіпсіздігі тексерілді

<a href="https://kyzylorda-news.kz/">Kyzylorda-news.kz</a> Бүгін қалалық мәдение және демалыс паркі аумағында «Наурызнама» онкүндігінің «16 наурыз – Мәдениет және ұлттық салт-дәстүр күніне» орай ұйымдастырылған «Санамызды сергіткен салт-дәстүрім - Наурыз» атты мерекелік концерт өтті.Шарада ұлттық өнеріміз дәріптеліп, әсем ән мен күмбірлеген күй, мың бұралған би көрерменге көтеріңкі көңіл-күй сыйлады. Халқымыздың ғасырлар бойы сақталып келе жатқан салт-дәстүрлері насихатталып, ұлттық құндылықтардың маңызы кеңінен дәріптелді.Бірлік пен берекені арттыратын осындай игі шаралар жалғаса береді. Ұлыс оң, Ақ мол болсын!<img src="https://knadmin.beoblood.kz/uploads/M_deniet_zh_ne_ltty_salt_d_st_r_k_ni_ly_taldy1_0c828f2cfc.jpg" alt="Мәдениет және ұлттық салт-дәстүр күні ұлықталды1.jpg">

Мәдениет және ұлттық салт-дәстүр күні ұлықталды

<a href="https://kyzylorda-news.kz/">Kyzylorda-news.kz</a> Көктемнің шуақты лебі сезіліп, табиғат жаңарған шақта халқымыздың ең қастерлі мерекелерінің бірі – Ұлыстың ұлы күні қарсаңындағы Көрісу күні ерекше мәнге ие.Дәстүр мен тағылым тоғысқан бұл мерекеде халқымыздың бір-бірімен қауышып, амандық сұрасуы, үлкенге құрмет, кішіге ізет көрсетуі – ұрпақ сабақтастығының айқын көрінісі.Осы игі мереке аясында 14 наурыз күні ұлттық салт-дәстүрімізді ұлықтаған «Амал келді, жыл келді» атты тағылымды шара өтті. Арнайы безендірілген алаңда киіз үйлер тігіліп, ұлттық нақыштағы көріністер қойылды. Киіз үй жанындағы шетенде жаңа туған қозы-лақтар көрініс тауып, табиғат пен тіршіліктің жаңаруын айшықтады.<img src="https://knadmin.beoblood.kz/uploads/Kyzylordinczy_otmetili_prazdnik_Amal_K_risu_k_ni_2_9d9e09f924.jpg" alt="Кызылординцы отметили праздник Амал (Көрісу күні)2.jpg">Шараның шымылдығы көпшілік тамашалаған ұлттық нақыштағы көрмеден кейін үш бүлдіршіннің тұсау кесу рәсімімен ашылды. «Жақсылардан жұғым болсын» деген ізгі ниетпен Бағдатұлы Дінмұхаммед, Айдосұлы Ердәулет және Әлішерқызы Айлиннің тұсауы кесіліп, ел ағалары ақ батасын берді. Бұл – болашаққа қадам басқан жас ұрпаққа ақ жол тілеген халқымыздың көне дәстүрінің нышаны.Салтанатты сәттен кейін мерекелік бағдарлама ұлттық би мен театрландырылған қойылымға ұласып, жас әртістер көрісу күнінің мәні мен маңызын көркем бейнеледі. Балалар мен үлкендердің көрісу дәстүрі, табиғаттың жаңаруы, Нәурізек құсының келуі арқылы бірлік пен берекенің символдық көрінісі сахналанды.<img src="https://knadmin.beoblood.kz/uploads/Kyzylordinczy_otmetili_prazdnik_Amal_K_risu_k_ni_3_05bca1f689.jpg" alt="Кызылординцы отметили праздник Амал (Көрісу күні)3.jpg">Мерекелік жиында сөз алған қала әкімінің орынбасары Ділмұхамед Абизов жиналған көпшілікті көрісу күнімен құттықтап, ел бірлігі мен берекесінің арта беруіне тілектестік білдірді.Шара соңы концерттік бағдарламаға ұласып, өнерпаздар ән мен биден шашу шашты.<img src="https://knadmin.beoblood.kz/uploads/Kyzylordinczy_otmetili_prazdnik_Amal_K_risu_k_ni_ee53c3767c.jpg" alt="Кызылординцы отметили праздник Амал (Көрісу күні).jpg">Ұлыстың ұлы күні қарсаңындағы осындай тағылымды шаралар ұлттық құндылықтарымызды дәріптеп, жас ұрпақтың бойына салт-дәстүрге деген құрметті қалыптастыра түсетіні анық.

Қызылордалықтар Амал күнін тойлады

<a href="https://kyzylorda-news.kz/">Kyzylorda-news.kz</a> &nbsp;«Наурызнама» онкүндігі аясында 15 наурыз – Қайырымдылық күніне орай «Жібек жолы» сауда, ойын-сауық орталығында креативті қолөнер шеберлерінің сауда көрмесі өтті. Ұлыстың ұлы күні Наурыз мейрамына орайластырылған шара мақсаты – қоғамда қайырымдылық мәдениетін арттыру, ұлттық қолөнерді дәріптеу және жергілікті шеберлерді қолдау.Көрме аясында 20-ға жуық креативті кәсіпкер өз қолдарымен жасаған ерекше туындыларын 30% жеңілдікпен көпшілік назарына ұсынды. Нәтижесінде қала тұрғындары ұлттық нақыштағы әсем әшекейлерді, киізден жасалған бұйымдар мен кәдесыйларды, сондай-ақ ағаш, былғары және басқа да табиғи материалдардан жасалған сәндік-қолданбалы өнер туындыларын тиімді бағада сатып алу мүмкіндігіне ие болды.

Қолданбалы өнер шеберлерінің көрмесі мен жәрмеңкесі

<a href="https://kyzylorda-news.kz/">Kyzylorda-news.kz</a> Алынған мәліметтерге сәйкес, референдумға қатысуға құқығы бар Қазақстан Республикасы азаматтарының жалпы саны 12 миллион 482 мың 613 адамды құрады.Дауыс беруге қатысқан азаматтардың саны референдумға қатысуға құқығы бар азаматтар санының 9 миллион 127 мың 192 адамды немесе 73,12 % құрады.Референдумға қойылған мәселенің оң шешімін жақтап дауыс берген азаматтардың саны 7 миллион 954 мың 667 адам немесе 87,15 % құрады.Фото: ҚР Орталық референдум

ҚР Орталық референдум комиссиясы республикалық референдумда дауыс берудің алдын ала нәтижелерін жариялады

<a href="https://kyzylorda-news.kz/">Kyzylorda-news.kz</a> 14 наурызда Қазақстанда жерге орналастыру, геодезия және картография күні атап өтіледі. Бұл – жер кадастрын жүргізуді қамтамасыз ететін, геодезиялық деректердің дәлдігін сақтауға және жер ресурстарын ұтымды пайдалануға үлес қосатын мамандардың кәсіби мерекесі.«Азаматтарға арналған үкімет» мемлекеттік корпорациясының мәліметінше, 2026 жылдың басынан бері жер кадастры бағыты бойынша қазақстандықтарға 68 мыңға жуық мемлекеттік қызмет көрсетілген. Ал 2025 жылы бұл көрсеткіш шамамен 487 мың қызметті құраған. Бұл жер қатынастары саласындағы қызметтерге сұраныстың жоғары екенін көрсетеді.Кәсіби мереке қарсаңында Мемлекеттік корпорация өкілдері «Жерге орналастыру және кадастр: заманауи тәсілдер мен цифрлық құралдар» тақырыбында өткен ғылыми семинарға қатысты. Іс-шара Жер ресурстары, сәулет және дизайн институтында өтті.Семинар барысында «Азаматтарға арналған үкімет» мемлекеттік корпорациясы КЕАҚ Жер кадастры департаментінің өкілдері «Жер кадастрындағы цифрлық технологиялар» тақырыбында баяндама жасады. Баяндамашылар цифрлық жер кадастрын дамыту және «Жылжымайтын мүліктің бірыңғай мемлекеттік кадастры» ақпараттық жүйесінің мүмкіндіктері туралы айтты.Заманауи тәсілдер мен цифрлық құралдарды талқылау жер қатынастары саласындағы мемлекеттік қызметтерді дамытуға тікелей байланысты. Бүгінде Мемлекеттік корпорация азаматтарға жер кадастры саласы бойынша бірқатар қызмет көрсетеді. Олардың қатарында мемлекеттік жер кадастрынан мәлімет беру, жер учаскелеріне кадастрлық құжаттарды дайындау және жердің кадастрлық құнын анықтау қызметтері бар.Сонымен қатар жер учаскелерінің нысаналы мақсатын өзгерту, жалға алу мерзімін ұзарту және жер учаскелерін сатып алу қызметтері көрсетіледі. 2026 жылдан бастап бұл қызметтер автоматтандырылып, оларды алу үдерісі жеңілдетілді әрі қызмет көрсету мерзімдері қысқартылды.<blockquote>«Жер қатынастары саласындағы мемлекеттік қызметтерді жетілдіру Мемлекеттік корпорацияның жұмысының басым бағыттарының бірі болып табылады. Біз қызмет көрсету процестерін тұрақты түрде жақсартып, бірқатар рәсімдерді автоматтандыру және жеңілдету бағытында жұмыс жүргізіп келеміз. Бұл азаматтарға жер учаскелерін рәсімдеу мәселелерін жылдам әрі ыңғайлы шешуге мүмкіндік береді», – деді «Азаматтарға арналған үкімет» Мемлекеттік корпорациясы КЕАҚ басқарма төрағасы Арман Кенжеғалиев.</blockquote>Сондай-ақ бүгін Мемлекеттік корпорацияда саланың қызметкерлеріне арналған салтанатты іс-шара өтті. Жалпы ел бойынша 209 жер саласының мамандары марапатталды. Атап айтқанда, 21 маман «Құрметті жерге орналастырушы» төсбелгісімен, 19 маман «Үздік жерге орналастырушы» құрмет дипломымен марапатталды, ал 75 маманға Мемлекеттік корпорацияның мерейтойлық медалі табысталды. Сонымен қатар сала өкілдеріне Мемлекеттік корпорацияның Басқарма төрағасының және ҚР Индустрия және инфрақұрылымдық даму &nbsp;министрлігінің бірінші вице-министрінің атынан алғыс хаттар табысталды.Фото: Азаматтарға арналған үкімет

14 наурыз – Жерге орналастыру, геодезия және картография күні

<a href="https://kyzylorda-news.kz/">Kyzylorda-news.kz</a> Қазақстанда өткен республикалық референдум кезінде халықаралық бақылаушылар тарапынан ешқандай заңбұзушылық тіркелмеген. Бұл туралы баспасөз конференциясында Ресей Федерациясы Орталық сайлау комиссиясының хатшысы Наталья Бударина мәлімдеді.Оның айтуынша, дауыс беру процесі мен референдумды ұйымдастыру Қазақстан Республикасының қолданыстағы заңнамасына толық сәйкес өткен.<blockquote>«Заңбұзушылықтарға қатысты қандай да бір ескерту айтуға негіз жоқ. Өйткені барлық рәсімдер Қазақстан Республикасының заңнамасына сәйкес жүргізілді. Мұны өз көзіңмен көргенде анық байқайсың. Шын мәнінде, мұның артында Орталық комиссияның басшылығымен жұмыс істеген референдум комиссияларының, сондай-ақ барлық жауапты органдардың үлкен еңбегі жатыр. Олар азаматтардың дауыс беруіне барлық мүмкіндіктердің жоғары деңгейде қамтамасыз етілуіне жағдай жасады», – деді Бударина.</blockquote>Ол дауыс беру нәтижелері қазақстандықтардың азаматтық жауапкершілігінің жоғары екенін көрсететінін атап өтті.<blockquote>«Мұны біз дауыс беру нәтижелерінен көріп отырмыз. Бұл азаматтардың қоғамдық-саяси үдерістерге жауапкершілікпен қарайтынын көрсетеді. Сонымен қатар дауыс беру үшін барлық мүмкіндіктердің толық қамтамасыз етілгенін аңғартады. Бұған комиссиялардың дауыс беру тәртібі мен рәсімдері туралы жүргізген кең ауқымды ақпараттық-түсіндіру жұмыстары да ықпал етті. Тағы да атап өткім келеді – бұл мүмкіндіктер толық әрі жан-жақты қамтамасыз етілді», – деді Ресей ОСК өкілі.</blockquote>Наталья Бударина сондай-ақ дауыс беру учаскелеріндегі атмосфераға тоқталды.<blockquote>«Учаскелерде өте жылы әрі достық атмосфера қалыптасты. Мұны референдумға қатысушылар да, бақылаушылар да байқады. Кейбір жерлерде кезек болғанына қарамастан, бәрі өте сыпайы әрі ұйымшыл жағдайда өтті», – деп қосты ол.</blockquote>Оның айтуынша, атқарылған жұмыстар референдумның ашық әрі қолжетімді өтуіне мүмкіндік берген.Фото: Ресей ОСК өкілі

Ресей ОСК өкілі: Дауыс беруге барлық мүмкіндік толық қамтамасыз етілді

<a href="https://kyzylorda-news.kz/">Kyzylorda-news.kz</a> Қызылорда қаласының прокуратурасының ұйымдастыруымен «Құқықтық дәріхана» акциясы аясында ойын-сауық орталығында азаматтарды қабылдау өткізілді.Іс-шараның мақсаты – тұрғындарға құқықтық кеңес беру, олардың құқықтық сауаттылығын арттыру, тегін заң көмегін қолжетімді ету. Кездесу барысында азаматтар өздерін толғандырған түрлі құқықтық мәселелер бойынша сұрақтарын қойып, сала мамандарынан заң талаптарына сәйкес түсіндірмелер алды.Шара барысында прокуратура, полиция, жергілікті атқарушы органдардың өкілдері, заңгерлер мен адвокаттар тұрғындарға тегін құқықтық көмек көрсетіп, сұрақтарына жауап берді.Құқықтық сауаттылықты арттыру және азаматтарға тегін құқықтық көмек көрсету мақсатында Қызылорда қаласында «Құқықтық дәріхана» атты ауқымды акция ұйымдастырылды.Іс-шара барысында тұрғындарға өзекті құқықтық мәселелер бойынша кеңестер беріліп, заң талаптары түсіндірілді.<img src="https://knadmin.beoblood.kz/uploads/yzylordada_y_ty_d_rihana_akcziyasy_jymdastyryldy1_835225e826.jpg" alt="Қызылордада «Құқықтық дәріхана» акциясы ұйымдастырылды1.jpg">Аталған акцияға прокуратура органдарының қызметкерлері, адвокаттар, заң кеңесшілері, сондай-ақ мемлекеттік органдардың өкілдері қатысып, азаматтардың өтініштері мен сұрақтарын тыңдады. Қабылдау барысында тұрғындар алимент өндіру, еңбек даулары, әлеуметтік төлемдер, жер және тұрғын үй мәселелері, атқарушылық өндіріс, несие міндеттемелері секілді әртүрлі құқықтық мәселелер бойынша кеңес алды.Шараның негізгі мақсаты – халыққа құқықтық көмекті барынша қолжетімді ету, азаматтардың құқықтық мәдениетін көтеру және заң талаптарын түсіндіру арқылы олардың өз құқықтары мен заңды мүдделерін қорғауына қолдау көрсету болып табылады.Құқықтық дәріхана» акциясы аясында тұрғындарға құқықтық жадынамалар мен ақпараттық материалдар таратылып, құқықтық кеңес беру жұмыстары жүргізілді. Сонымен қатар, азаматтарға мемлекеттік қызметтерді алу тәртібі, сотқа жүгіну жолдары, құқықтық дауларды шешу тетіктері жөнінде түсіндіру жұмыстары жүргізілді.Бұл форматтағы кездесулер халықтың құқықтық сауаттылығын арттыруға және азаматтар мен мемлекеттік органдар арасындағы ашық диалогты қалыптастыруға мүмкіндік береді.Азаматтардың құқықтық мәселелерін шешуге бағытталған мұндай қабылдаулар алдағы уақытта да тұрақты түрде өткізілетін болады.

Қызылордада «Құқықтық дәріхана» акциясы ұйымдастырылды

Түркітілдес мемлекеттердің Парламенттік ассамблеясының байқаушылар құрамына кіретін Түркия Ұлы Ұлттық Жиналысының мүшесі Осман Местен миссия мүшелері Астана, Алматы және Түркістан қалаларындағы 115 сайлау учаскесіне барғанын айтты.<blockquote>«Миссия байқаушылары барлық процесс кәсіби, өте жоғары деңгейде өтті деген қорытындыға келді. Дауыс берушілерге қажетті ақпарат толық ұсынылды. Біздің тарапымыздан референдум нәтижесіне әсер етуі мүмкін ешқандай заң бұзушылық анықталған жоқ. Миссия мүгедектігі бар азаматтар үшін қабылданған шараларды оң бағалайды. Сондай-ақ халықаралық байқаушылардың жұмыс істеуіне арналған Қазақстандағы құқықтық жағдайға жоғары баға береді. Миссия 2026 жылғы 15 наурызда өткен референдум Қазақстан Республикасының ұлттық заңнамасына және халықаралық стандарттарға сәйкес өткізілді деген қорытындыға келді», – деді спикер Халықаралық байқаушыларға қолғабыс көрсету орталығында өткен баспасөз конференциясында.</blockquote>Фото: ortcom.kz

ТүркПА байқаушылары: референдум нәтижесіне әсер етуі мүмкін заң бұзушылықтар анықталған жоқ

<a href="https://kyzylorda-news.kz/">Kyzylorda-news.kz</a> Халықаралық байқаушыларға қолғабыс көрсету орталығында өткен баспасөз конференциясында Шанхай ынтымақтастық ұйымы миссиясының басшысы, Бас хатшысының орынбасары Олег Копылов 2026 жылғы 15 наурызда өткен республикалық референдумды дайындау және өткізу барысын бақылау нәтижелері туралы хабардар етті. Оның айтуынша, миссия құрамында ШЫҰ-ға мүше 7 мемлекеттен аккредиттелген 17 бақылаушы жұмыс істеді.<blockquote>«Миссия Қазақстан Республикасының жаңа Конституциясын қабылдау жөніндегі республикалық референдум Қазақстан Республикасының сайлау заңнамасының талаптарына және ел қабылдаған халықаралық міндеттемелерге сәйкес өткенін атап өтеді. Миссия референдумның заңдылығына күмән келтіретін немесе оның нәтижелеріне әсер етуі мүмкін ұлттық заңнама нормаларының бұзылуын тіркеген жоқ. Миссия республикалық референдумды ашық, сенімді және демократиялық деп таниды. Миссия референдум Қазақстан Республикасындағы демократиялық процестердің одан әрі дамуына жасалған маңызды қадам болды деп есептейді. Біздің миссия жұмысының қорытындысы бойынша мәлімдеме қабылданды, ол миссияның барлық мүшелері тарапынан мақұлданды. Мәлімдеме мәтіні белгіленген тәртіппен Орталық референдум комиссиясына жолданып, бұқаралық ақпарат құралдарында жарияланады», – деді спикер.</blockquote>Фото: ortcom.kz

Референдум Қазақстандағы демократиялық процестердің одан әрі дамуына жасалған маңызды қадам – ШЫҰ байқаушылары

<a href="https://kyzylorda-news.kz/">Kyzylorda-news.kz</a> Орталық референдум комиссиясы Конституцияны өзгертуге қатысты өткен референдумның алдын ала нәтижесін жариялады. Дауыс берушілердің 87,15% жаңа Конституцияны қолдаған. Бұл туралы <a href="https://stan.kz/referendumnin-aldin-ala-koritindisi-zhariyalandi-431704/">Stan.kz</a> ақпарат агенттігі хабарлайды.Орталық референдум комиссиясының мәліметінше, дауыс берушілердің 87,15% жаңа Конституцияны қолдаған. &nbsp;Ал 898 099 адам “Жоқ, қабылдамаймын” деп дауыс берген.Референдумға қатысуға құқығы бар Қазақстан Республикасы азаматтарының жалпы саны – 12 миллион 482 мың 613 адам. Дауыс беруге қатысқан азаматтардың саны референдумға қатысуға құқығы бар азаматтар санының 9 миллион 127 мың 192 адамды немесе 73,12 % болды. Референдумда Конституцияны қолдап, дауыс берген азаматтардың саны 7 миллион 954 мың 667 адам немесе 87,15 % болды.Берілген дауыс санын есептеу кезінде 146 558 дана жарамсыз бюллетень анықталған. Ал жарамды, бірақ есепке алынбаған бюллетеньдер саны – 127 868 дана.Фото: pixabay.com

Қазақстан және Қызылорда облысының жаңалықтары