<a href="https://kyzylorda-news.kz/">Kyzylorda-news.kz</a> «Мөлдір бұлақ» – өзен, көлдер маңына тазалық жұмыстарын жүргізіп, жағажайларды қоқыстан тазартуға бағытталған экологиялық акциялардан тұрады. Нақ осы республикалық «Таза Қазақстан» экологиялық акциясының «Мөлдір бұлақ» апталығына Қызылорда облысының әр елдімекен тұрғындары бір кісідей атсалысты. Бұл әдемі үрдіс шежірелі өлке&nbsp;Шиелі ауданы да үн қосты. «Мөлдір бұлақ» атты апталыққа шиелілік 500-ге тарта еріктілердің, қоғам белсенділері мен тұрғындардың қатысуымен су айдындары мен арналарында тазалық жұмыстары ұйымдастырылды.Сенбілік барысында су арналарының жағасы күл-қоқыс пен қураған ағаштардан, арам шөптерден тазартылып, ретке келтірілді.Шиелі кентінің тұрғыны, ардагер, Шиелі аудандық ардагерлер кеңесінің төрағасы Өркен Исмаил "Таза Қазақстан" акциясы дұрыс бастама деп есептейтінін жеткізді.<blockquote>– Әдемі акция аясында ауыл тұрғындары мен жастар біздің саябақтардағы бұлақтар мен өзендерді тазалау үшін көшеге шығып, ауданның барлық тұрғындарын эко-акцияға қатысуға шақырды. Мен туған өлкемнің патриоты ретінде жас ұрпаққа үлгі болатын ауқымды іс-шараға өз үлесімді қостым, – деді Өркен Исмаил.</blockquote>Жалпы экологиялық акцияға Шиелі ауданындағы елді мекен тұрғындары да білек сыбана қатысқан-ды. Ауылдық округтердегі мекеме аулаларына тазалық жұмыстары жүргізіліп, көше бойларындағы қоқыстарды тазалау, су арналарын ашу жұмыстары атқарылды.&nbsp;Мәселен, акция барысында Шиелі іргесіндегі Ортақшыл елді мекеніне аяқ су келетін Л5 каналы арнайы техниканың көмегімен механикалық тазалаудан өткізілген болатын.

Шиеліліктер "Мөлдір бұлақ" акциясына үн қосты

<a href="https://kyzylorda-news.kz/">Kyzylorda-news.kz.</a>&nbsp; Қай жеріңіз ауырса, жаныңыз сол жерде. Ауру жаныңа батып тұрғанда ең жақын адамға емес, ақ халатты жандардың көмегіне жүгініп жатамыз. Осындай сенімді үлкен жауапкершілікпен атқарып, таңдаған мамандығына жанашырлықпен қарап, жұмысын жан аямай атқаратындар бұл салада аз емес. Солардың бірі – Қармақшы ауылындағы &nbsp;«Балбөбек» бөбекжай-бақшасында алғашқы көмек медбикесі Тұрсынкүл Әуез.&nbsp;Медицина маманы – адам денсаулығының сақшысы. Тұрсынкүл Ораққызы бұл істе алда. Ол 1991-1994 жылдары Қызылорда қаласындағы медициналық училищесін тамамдаған медбике 30 жылға жуық осы саланың ыстығына күйіп, суығына тоңып, тынымсыз еңбек етуде. Ол басы ауырып, балтыры сыздаған жандардан көмегін аяған емес. Негізі медицина саласында «ерліктің көбін медбикелер жасайды» деген тәмсіл бар. Әсілі бұл сөздің айтылуы да тегін емес.<blockquote>– Мен әрқашан адамдарға көмектескім келіп тұрады. Медицина мамандығын таңдауымның да бір себебі – осы. Жұмыстың оңайы жоқ. Әр саланың қиындығы мен қызығы болады. Ал медицинаның жауапкершілігі зор. Жалпы, қандай қиындықтар кездессе де, бұл саланы таңдағаныма еш өкінбеймін, – дейді ол.</blockquote>Медбикенің мамандығына адалдығы, адамдарға қамқорлығының арқасында бүлдіршіндерге дер кезінде медициналық көмек көрсетіледі. Расымен де, қарапайым ғана жұмыс болып көрінгенімен, мейірбикелер атқаратын жұмыс асқан жауапкершілікті қажет етеді.<blockquote>– Жалпы сатып та, сұрап та ала алмайтын, әрбір адамның тек өзіне керек дүние ол – денсаулық. Ал оны бала күнінен саулыққа үйрету біздің жұмыстағы басты міндетіміз. Мейірбикелер науқастың күтім процесіне толығымен жауапты, сол үшін де балаға бірінші кезекте мейірім көрсетуге тырысамыз. Сонымен қатар күн сайын балалардың дене қызуын да қадағалап отырамыз, – дейді кейіпкеріміз.</blockquote>Бүгінде Тұрсынкүл Ораққызы өз қызметінде білікті маман болса, Ал үйде сүйікті жар, асыл ана. Жолдасы Мырзабек Сүлеймен темір жол саласында жол жөндеуші болып жұмыс істейді. Үлкен ұлы Жандос Қызылорда станциясы желілік полиция бөлімі парульдік полиция взводының &nbsp;полицейі болып еңбек етеді. Кенжесі &nbsp;Нұрымжан «Орда» &nbsp;колледжінің студенті, қазіргі таңда Алматы қаласындағы Бауыржан Момышұлы атындағы №5571 әскери бөлімінде Отан алдындағы борышын өтеп жүр. Әңгіме арасында Нұрымжанның жақында әскери борышын өтеп, туған жерге оралатынын айтып, қуанышты хабарын да жеткізді. &nbsp;Білікті, жан-жақты адам қашан да айналасындағылардың тілін тауып, жылы шырай танытады, қолынан келген көмегін аянып қалмайды. Кейіпкеріміз де дәл сондай жанның бірі. Жұмыста да, үйде де ауызбіршілікті, бірлікті алдыңғы орынға қояды. &nbsp;

Тұрсынкүл Әуез: Бала денсаулығы басты назарда 

<a href="https://kyzylorda-news.kz/">Kyzylorda-news.kz</a> Жалағаш ауданы Қ.Қазантаев атындағы мәдениет үйінде ұлағатты ұстаз, сыршыл ақын, Қазақ ССР Халық ағарту ісінің озық қызметкері, ҚР Білім беру ісінің құрметті қызметкері, Ы.Алтынсарин медалінің иегері Зайра Мамырованың 75 жас мерейтойына арналған «Аманат» атты шығармашылық кеші өткізілді.&nbsp;Мерейтой иесін Жалағаш ауданы әкімінің орынбасары А.Нұрмағанбетов құттықтап, аудан әкімінің алғысын табыстап, сый-құрмет көрсетті.Мамырова Зайра Қалиасқарқызы – Шығыс Қазақстан өңірінің тумасы. 1972 жылы Қарағанды мемлекеттік университетін бітіріп, Қызылорда облыстық телерадио хабарларын тарату компаниясында журналист, «Ленин жолы» газетінде корректор болып қызмет еткен. Ал 1978 жылдан бастап Жалағаш ауданы Бұқарбай батыр ауылындағы №33 орта мектепте қазақ тілі мен әдебиеті пәнінен сабақ беріп, шәкірт тәрбиеледі. Олардың алды республикалық олимпиадалардан жүлделі орын алып жүретін. Бүгінде әрқайсысы өз саласының мықты маманына айналған. Сонымен қатар, мектептің жас мұғалімдері де білім берудегі шығармашылық ізденістерінде Зайра апайдан тәлім алып, тәжірибе жинақтайтын.<blockquote>– Өз мамандығымызға деген адалдығымыз болар, бар зейінімізбен жұмысқа берілгенбіз. Үйде болғаннан, мектепте өтетін уақытымыз көбірек еді. Жасыратыны жоқ, отбасындағы кей шаруаларымыз кейінге қалып, орындалмай да жататын. Әйтсе де үміт артып, дайындаған шәкірттеріміз әркез үздік шығып, биіктерден көрінген кезде сол қиындықтардың бәрін ұмытып, ерекше сезімге бөленетінбіз. Ұстаз бақыты дегеніміз бәлкім, осы шығар, – дейді Зайра апай.&nbsp;</blockquote>Ол өзінің қырық жылға жуық ұстаздық жолында қазақ тілі мен әдебиетін тереңдетіп оқытудың бағдарламасын жасап, жас мұғалімдерге жан-жақты шығармашылық қолдау көрсетті. Сабақтарында халықтық педагогика элементтерін пайдалана отырып, шәкірттерін өз бетінше ізденіп, таным деңгейін арттыруға баулыды. Алаш зиялыларының идеясын ұғындырып, қазақ көркем әдебиетінің жауһарларын жасөспірімдердің жадына сіңіре білді. Сондай-ақ шәкірттерінің әлем әдебиетімен танысып, білім көкжиегін кеңейтуіне күш салды. Осылайша ұстаздың өскелең ұрпақ бойына адами құндылықтар мен отаншылдық рухын дарытып, сол арқылы өз ісіне деген жауапкершілікке тәрбиелейтінін аңғаруға болады. Бұдан бөлек, жеке шығармашылығынан «Аманат», «Ғибратты ғұмыр» кітаптары жарық көрді. Тағдыр табыстырған жолдасы Жақсылық Кенеевпен үш бала тәрбиелеп өсірді. Олардың алды Америкада, өзіміздің өңірде&nbsp; еңбек етіп жүр.Ұлағатты ұстаздың мерейтойында осы жолда ізін басып, қатар жүріп еңбек еткен Рауаш Әлиқызы, Мария Орманова секілді білікті де бірегей ұстаздар ыстық ықыластарын білдірді. Сондай-ақ Зүбәйра Қорғанбекова, Жанар Шілдебаева, Жанар Жұбанова, Алматбек Кенжебеков, Нұргүл Мыханова сынды мұғалімдер ардақты ұстаздың абыройлы ізін жалғастырып келе жатқанын айтып өткеніміз жөн болар.Иә, ұстаз үмітін ақтаған шәкірттері еліміздің әр қиырында еңбек етіп жүр. Олардың бірі – Сыр журналистикасында жемісті еңбек етіп жүрген, «Ақмешіт апталығы» газетінің бас редакторы Гүлмира Ділдабекова.<blockquote>– Зайра апайымыздың әрбір сабағына зор ынтамен қатысып, әдебиетке, шығармашылыққа деген құштарлығымыз арта түсетін. Өйткені апай өлең жазатын. Жүрегінен шыққан жыр шумақтарымен санамызды селт еткізіп, әдептілікке, әдемілікке тәрбиелейтін. Бүгінде қолыма қалам алып, журналистика саласына келуіме ұстазымның ықпалы бар деп айтар едім,– дейді Г.Ділдабекова.</blockquote>Рухани тағылымды кеште ақын шығармалары оқылып, сонымен қатар, оның сөзіне жазылған әндер орындалды. Аудандық білім бөлімі, әріптестері, шәкірттері ыстық ықыласын білдіріп, құрмет-қошемет көрсетті. Әдеби-сазды кешті ақын Қуат Ахетов, жыршы Бейсенбек Төлеубаев жүргізді.

Зайра Мамырованың 75 жас мерейтойына арналған «Аманат» атты шығармашылық кеш өтті 

<a href="https://kyzylorda-news.kz/">Kyzylorda-news.kz</a>&nbsp; 2024&nbsp;жылғы 15&nbsp;мамыр-15&nbsp;маусым&nbsp;аралығында "Мерейлі&nbsp;отбасы"&nbsp;ұлттық&nbsp;байқауының&nbsp;І&nbsp;кезеңі&nbsp;өткізілетінін&nbsp;хабарлаймыз.Байқаудың&nbsp;мақсаты -&nbsp;отбасы&nbsp;институтын&nbsp;нығайту,&nbsp;ата-аналардың&nbsp;бала&nbsp;тәрбиесіндегі&nbsp;жауапкершілігін&nbsp;арттыру,&nbsp;отбасылық&nbsp;құндылықтарды&nbsp;көрсету&nbsp;және&nbsp;кеңінен&nbsp;насихаттау,&nbsp;қазақстандық&nbsp;отбасының&nbsp;жағымды&nbsp;имиджін&nbsp;насихаттау&nbsp;болып&nbsp;табылады.&nbsp;Конкурсқа&nbsp;қатысуға&nbsp;еңбектегі,&nbsp;спорттағы,&nbsp;шығармашылық,&nbsp;зияткерлік,&nbsp;ғылыми&nbsp;жетістіктері&nbsp;жоғары&nbsp;отбасылар&nbsp;жіберіледі.&nbsp;Байқау&nbsp;үш&nbsp;кезеңде:&nbsp;бірінші –&nbsp;аудандық,&nbsp;екінші –&nbsp;өңірлік (облыстық),&nbsp;үшінші –&nbsp;ұлттық&nbsp;кезеңдерде&nbsp;өткізіледі.Конкурсқа&nbsp;қатысу&nbsp;үшін&nbsp;өтінім&nbsp;келесі&nbsp;құжаттармен&nbsp;бірге&nbsp;аудандық&nbsp;комиссияға&nbsp;беріледі:1.&nbsp;ата-аналардың (қорғаншылардың,&nbsp;қамқоршылардың)&nbsp;жеке&nbsp;басын&nbsp;куәландыратын&nbsp;құжаттардың&nbsp;көшірмелері,&nbsp;балалардың&nbsp;туу&nbsp;туралы&nbsp;куәліктерінің&nbsp;көшірмелері;2.&nbsp;асырап&nbsp;алушы (қорғаншы)&nbsp;отбасылар&nbsp;үшін-жергілікті&nbsp;уәкілетті&nbsp;органның&nbsp;кәмелетке&nbsp;толмаған&nbsp;балаға&nbsp;қорғаншылықты (қамқоршылықты)&nbsp;белгілеу&nbsp;туралы&nbsp;шешімінен&nbsp;үзінді&nbsp;көшірме;3.&nbsp;неке&nbsp;қию&nbsp;туралы&nbsp;куәліктің&nbsp;көшірмесі (бар&nbsp;болса);4.&nbsp;ата –анасының&nbsp;біреуі&nbsp;қайтыс&nbsp;болған&nbsp;жағдайда&nbsp;қайтыс&nbsp;болу&nbsp;туралы&nbsp;куәліктің&nbsp;көшірмесі-бар&nbsp;болса;5.&nbsp;балаларды&nbsp;тәрбиелегені&nbsp;үшін&nbsp;көтермелеулердің,&nbsp;белгілі&nbsp;бір&nbsp;жетістіктері&nbsp;үшін&nbsp;көтермелеулердің&nbsp;бар&nbsp;екенін&nbsp;куәландыратын&nbsp;құжаттардың&nbsp;көшірмелері;6.&nbsp;балалардың,&nbsp;ата-аналардың (қорғаншылардың,&nbsp;қамқоршылардың)&nbsp;жұмыс (оқу)орнынан&nbsp;анықтамалар&nbsp;және&nbsp;мінездемелер;7.&nbsp;ұсыныстар (әріптестер,&nbsp;көршілер,&nbsp;достар);8.&nbsp;отбасы&nbsp;мүшелерінің&nbsp;еңбектегі,&nbsp;спорттағы,&nbsp;шығармашылық,&nbsp;зияткерлік,&nbsp;ғылыми&nbsp;жоғары&nbsp;жетістіктерін&nbsp;растайтын&nbsp;құжаттардың&nbsp;көшірмелері.Ұсынылатын&nbsp;құжаттардың&nbsp;көшірмелерін&nbsp;үміткерлер&nbsp;ұсынған&nbsp;түпнұсқалар&nbsp;негізінде&nbsp;аудандық&nbsp;комиссияның&nbsp;төрағасы&nbsp;куәландырады.Ұлттық&nbsp;конкурсқа&nbsp;қатысуға&nbsp;ниет&nbsp;білдірген&nbsp;тұлғалар 2024&nbsp;жылғы 15&nbsp;мамырдан - 15&nbsp;маусымға&nbsp;дейін&nbsp;Қазақстан&nbsp;Республикасы,&nbsp;Қызылорда&nbsp;облысы ,&nbsp;Жаңақорған&nbsp;ауданы,&nbsp;Жаңақорған&nbsp;кенті,&nbsp;Манап&nbsp;Көкенов&nbsp;көшесі, 33 мекен-жайы&nbsp;бойынша "Жаңақорған&nbsp;ауданының&nbsp;қоғамдық&nbsp;даму&nbsp;бөлімі" КММ-не&nbsp;өтінім&nbsp;береді.

«Мерейлі отбасы» ұлттық байқауының аудандық кезеңі басталады

<a href="https://kyzylorda-news.kz/">Kyzylorda-news.kz</a> &nbsp;Құқық қорғау саласы мамандарының жүгі ауыр жұмысы қоғам қауіпсіздігінің кепілі екені анық. Кейде бұл ұғымның маңызын түсінгенімізбен олардың нендей кедергіден өтетінін, қандай қауіпке қарсы тұратынын аңдай бермейтініміз бар. «Аталған мамандықтың мәні не, маңызы қандай?» деген сауал да туындайтыны орынды. Бүгінгі кейіпкеріміз құқық қорғау саласының ардагері Орынбасар Мақсұтұлының өмір жолы бұл сауалға жауап болары сөзсіз.Оның есімі сырбойылықтарға жақын таныс. Ол ұзақ жыл аймақ тыныштығын сақтауға атсалысты, қазір зейнетте. Ізінен ерген буынға ақыл-кеңесін айтудан жалықпай, саланың салғырт тұсын көрсетуде де еңбегі ерек. Қызылорданың тумасы болғасын қаладағы қайырымдылық шара мен жастарға жәрдемдесу ісінен қалыс қалған емес.Кейіпкеріміздің мұндай өмір үрдісіне ілесуінің басты себебі – бала арманы. Олай дейтінміз, ол жас күнінен елге қызмет етуді мақсат тұтып, халықты қорғайтын сақшы болуды армандайды. Арман жолында 1984-1986 жылдары Германияда әскери борышын өтеп, қаладағы комсомол ұйымына жұмысқа тұрған. Ол таңдауының сырын былайша жеткізді.<blockquote>– 1989 жылы КСРО басшысы М.Горбачевтің жұмысшы жасақтар құру туралы пәрмені тарады. Соған сәйкес, милиция бөлімдеріне комсомол жастардан ерікті-көмекшілер тарту жұмысы жүрген болатын. Мен де ерікті қатарына қосылып, құқық қорғау саласына қадам бастым. Жүйелі жұмыс, тынымсыз еңбектің нәтижесінде 1990 жылы қалалық ішкі істер бөлімінің патрульдік қызмет ротасына қатардағы милиционер болып тұрақты жұмысқа қабылданғаным есімде, – дейді ол.</blockquote>Алғаш қызметке кіріскеннен-ақ қиындық аз болмаған. Қиын-қыстау кезеңге дөп келгендіктен материалдық-техникалық базаның жетіспеуі ішкі істер бөліміне де тән жағдай-тын. Қылмыс болып жатқан аймаққа тексеру жүргізуге шұғыл түрде барудың өзі мұң. Қызметтік көлік тапшылығынан бекітілген аймақты жаяу аралап, құқықбұзушылықтың алдын алуға тырысатын кез. Алайда сақшылар сақтық танытып, күні-түні қырағы болуға ұмтылды. Жетістік пен нәтиженің алда екенінен үміт үзбеді.Қызметтік өрлеу көп күттірмеді. 1994 жылы взвод командирі міндеті жүктеліп, сол кездегі облыстық ішкі істер басқармасына ауысқан. Сенім үдесінен шығып, әкімшілік қамау орнының, медициналық айықтырғыш арнайы мекемесінің басшысы болды.Орынбасар Мақсұтұлы 1993-1995 жылы Шымкент қаласындағы арнайы милиция мектебін бітірген соң өз саласының үздігі ретінде көрінді. Сол тұста, нақтырақ айтқанда, 1998 жылы ішкі істер бөлімдеріндегі ең қиын саланың бірі – әкімшілік қамау орнының бастығы қызметіне келді. Мұнда бір жарым жылдан соң медициналық айықтырғыш арнайы мекемесінің басшысы қызметін қоса атқарғаны бар. Ал &nbsp;2000 жылдары басшылардың таңдауымен облыстық патрулдік полиция басқармасының басшысы деген лауазымға ие болды. Кейін облыста жаңа құрылым – қоғамдық қауіпсіздік басқармасы пайда болғанда, басшының орынбасары міндеті жүктеліп, арнайы мемлекеттік күзет қызметі бөлімінің тізгінін ұстады.Кейіпкеріміздің өмір жолындағы маңызды кезең Қармақшы ауданымен байланысты. Ол 2002 жылдан 2006 жылға дейін Қармақшы аудандық ішкі істер бөлімі басшысының қызмет істері жөніндегі орынбасары лауазымына &nbsp;тағайындалады. Ауданда жүріп, саланың жүгін көтерді. Абыройлы қызметінің дәлелі болар, сол кезде аудандағы сала басшысы Бақыт Муятовпен бірлесе елді мекендегі учаскелік полицейлердің барлығын қызметтік тұрғын үймен қамтуға қол жеткізгені ел есінде.Жұмыс барысындағы нәтиже де мақтауға тұрарлық. Әсіресе, Қармақшы ауданындағы қызметінде халықаралық маңызы бар қылмыстық істің ашылуына ықпал еткенін айта кеткен жөн. Мәнісі мынада. Орынбасар Мақсұтұлы кей басшыдай кабинет аумағында іс бітірген жан емес. Жұмыстың басында, жүйенің ішінде жүргенге жаны әуес. Сол әдетке сай аудандағы кезекті пунктті аралау барысында автожолға келеді. Қырағы полицей жол бойында тексерістен өтіп, кетуге оқталған жүк көлігіне көзі түседі. Сұрастырса, көлік толы азық. Түйсігі сезді ме, қызметкерлерге көлікті қайта тексеруге пәрмен береді. Жіті тексерістен жүк арасына жеңіл көлік жасырылғаны анықталады. Осылайша, түн торыған қылмыстық топты құрықтап, марапат биігінен көрінгені бар.Орынбасар Мақсұтұлының кәсіби шеберлігі бір бөлек, көзсіз ерлігі бір басқа. Олай дейтініміз, ол қызмет барысында ел амандығы үшін отқа да, суға да түсуге даяр екенін сан мәрте дәлелдеген. Мысалы, Байқоңырдан ұшқан зымыран жерге құлап, даланы гептил жайлаған қысылтаяң шақта ондаған күн оқиға орнынан тапжылмай қызмет атқарды. Сала министрінің тікелей тапсырмасын орындап, залалсыздандыру жұмысына жансала көмек көрсетті. Мамандықтың мәні адам өмірі үшін күресу, қауіпсіздігін қамтамасыз ету екенін ісімен ұқтырды.<blockquote>– Кәсіби толысу жолында алдыңғы буын ағалардың ақылы мен үзеңгілес жолдастардың жәрдемінсіз жетістікке жету мүмкін емес. Менің де алға қойған мақсатымның орындалуына сол кездегі басшылар көмегін тигізді. Серікбол Тұңғышбаев, Ғазымбек Алпысбаев, Қасым Байкенжеев, Алдан Жәлімбетов секілді сала саңлақтарының қолдауы мен білгенін үйретуі мол өмірлік сабақ болып қалыптасты, – деді Орынбасар Әділ.</blockquote>Абыройлы қызмет қашанда құрметке лайық. Кейіпкеріміз саладағы өнегесінің арқасында мерей төрінен көрінді. Оның ішінде ҚР ІІМ мерекелік медальдары, ІІМ-дегі «Үздік қызметі үшін» төсбелгісі мен ішкі істер органдарындағы мінсіз қызметі үшін алған І, ІІ, ІІІ дәрежелі медалімен марапатталды. Сырбойылықтардың тыныштығын сақтап, қауіпсіздігін қорғаған маман майор шенін иеленген. 2010 жылға дейін медициналық айықтырғыш арнайы мекемесінің басшысы болып, сол мекемеден зейнетке шықты.Орынбасар Мақсұтұлы – білікті маман ғана емес, отбасының өнеге алар тұлғасы. Бүгінде үш перзенті әке жолын жалғап, құқық қорғау саласында еңбек етуде. Үлкен ұлы Ғалымжан Орынбасарұлы заңгер қызметін атқарса, кіші ұлы Шыңғыс Орынбасарұлы облыстық қылмыстық атқару жүйесі департаментіне қарасты мемлекеттік мекемеде еңбек етуде. Ал қызы Айгүл Әділова – облыстық полиция департаменті тергеу басқармасында аға тергеуші, полиция капитаны. Осылайша берекесі жарасқан отбасыдан антына берік болған полицей, халқына қорған азамат ержетті десек болатындай.Биыл кейіпкеріміз мерейлі алпыс жаста. Өмірлік ұстанымы арқылы талай жасқа үлгі болған ол құқық қорғау саласының дамуына аянбай еңбек етті. Болашақта да білгенін бөлісіп, өскелең буынның тәжірибе шыңдауына септесуге пейілді.Е.БАЛТАБЕКҰЛЫ &nbsp;

Орынбасар Әділ: Құқық қорғау саласы мамандарының жүгі ауыр

<a href="https://kyzylorda-news.kz/">Kyzylorda-news.kz</a>&nbsp; Жаз жақындап, бақша егу маусымы басталғанда Қызылордада ауызсу өзекті мәселенің бірі болуы дәстүрге айналған.&nbsp;Жыл сайын дәл осы уақытта қала тұрғындары ауызсу сапасына жиі сын айтады. Әлеуметтік желі қолданушылары да кейінгі уақытта судың сапасына наразылық білдіруде.Олардың айтуынша, ауызсу құбырынан кәдімгі қоңыр түсті су ағады екен. Бұл суды, әрине, пайдалану мүмкін емес болғандықтан, оны тазарар деген үмітпен ағызып қоюға мәжбүр. Одан бөлек, судың қысымы төмен, жоғарғы қабаттарға көтерілмейді. Тұрғындар арнайы құрылғы көмегінсіз мүлде су ақпай қалатынына да наразы.Мәселеге қатысты облыстық энергетика және тұрғын үй-коммуналдық шаруашылығы басқармасы басшысының орынбасары Бауыржан Ізмағамбетов жауап берді. Айтуынша, су сапасы жалпы Қазақстан Республикасында бекітілген стандарттарға сәйкес. Қызылорда қаласын «Қызылорда су жүйесі» мекемесі ауызсумен қамтамасыз етеді. Сапа кәсіпорынның базалық зертханасында күнделікті бақыланып, талданып отырады.<blockquote>– Облыс орталығында ауызсу тұтыну көлемі – тәулігіне 61-62 мың текше метр. Жаз айларында бұл көрсеткіш екі есе, 100-130 мыңға дейін өседі. Кейінгі кезде әлеуметтік желіде ауызсу сапасына қатысты сыни материалдар жариялануда. Көпшілігі «Арай», «Арай-2», «Арай-3» пен қаланың сол жағалауы тұрғындары. Қаланың бұл аумақтары «Арай» су алу құбырынан ауызсумен қамтамасыз етіледі. Бұл 2013 жылы пайдалануға берілген. Қазір 13 ұңғыма бар. Ережеге сәйкес таза су жинау резервуарларын екі жылда бір рет тазарту қажет болса, «Қызылорда су жүйесі» бұл жұмыстарды жылына екі рет жүргізуде, – дейді Бауыржан Ізмағамбетов.</blockquote>Сонымен қатар, басқарма басшысының орынбасары «Геоинвест» ЖШС мекемесімен судың сапасын талдау жұмыстарына келісім-шарт жасалғанын да атап өтті. Қазіргі уақытта ұңғымалардан су сынамасы алынып, зертханаларда талдануда.Ал «Қызылорда су жүйесі» мекемесінің директоры Бауыржан Әбдіқаппарұлының айтуынша, аталған мекеме жақын күндері ұңғымаларды тазартуға кіріседі. Қазір барлығынан анализ алынып, зертханаға тапсырылған. Қорытындысы Алматыдан 13-14 мамырда шығады. Сол қорытынды бойынша жұмыс жүргізіледі.<blockquote>– «Арай», «Арай-2», «Арай-3» шағын аудандары тұрғындарының мәселесі үнемі назарда. Бізде ұңғымадан 400 милиметр құбырмен шыққан су «Арай» шағын ауданына барып құяды. Одан әрі кварталішілік 200-250 милиметр диаметрлі құбырмен таралады. Бұл құбырлардың барлығы ақпан айының соңынан бастап әлі де тазартылуда. Әр аптаның жұма күні кешкі 16-18 сағат аралығында судың бәрін ағызамыз. Себебі сенбі-жексенбі күндері судың қысымы, оның салдарынан шөгінді лайдың барлығы жоғары көтеріледі. Сондықтан қазір біз сол құбырлардың барлығын тазалап жатырмыз. Әрқайсысы мың текше метрлік 4 резервуар бар. Соның екеуі тазартылды. Үшіншісі тазартылуда. Төртіншісін де осы айдың аяғында тазарта бастаймыз, – дейді Бауыржан Әбдіқаппарұлы.</blockquote>Мамандар облыс орталығынан бөлек, аймақтың өзге елді мекендерінде де ауызсу сапасы үнемі бақылауда екенін айтады. Қызылорда қаласынан басқа 7 ауданның, қаланың айналасындағы шағын ауылдардың барлығына ауызсу таратумен «Арал» салынып жатқан кәсіпорындардың бірлескен дирекциясы айналысады. Облыс бойынша 190 елді мекен, 475 мың халыққа, яғни 91 мың абонентке қызмет көрсетіп отырған мекеме жылына екі рет құбырлардың бойын тазартып, залалсыздандырып отырады.<blockquote>– Ауызсу топтық су құбырлары мен оқшау су желілері арқылы беріледі. Сапасын ұдайы қадағалап отырамыз. Жыл сайын конкурс арқылы мекеме ұтып алып, бізге талдау қорытындысымен ұсыныстар береді. Филиалдарымыздың теңгерімінде 2 мың шақырым магистральді су желісі, 4600 шақырым ішкі тарату желілері бар. 223 ұңғыма, 197 сорғы станциясы, 11 кәріз сорғы станциясы, 2 кәріз тазарту станциясы бар. Осылар арқылы залалсыздандыру жұмыстарын уақытылы атқарып отырмыз. Биыл сәуірде бұл жұмыстар атқарылды, – дейді «Нұра» топтық су құбыры ШЖҚ РМК «Арал» СЖКБД филиалы директорының орынбасары Ержан Әмиша.</blockquote>Айта кетсек, биылғы 4 айда «Арал» салынып жатқан кәсіпорындардың бірлескен дирекциясы 4 831 мың текше метр су өндіріп, халыққа таратқан.Жалпы, ауызсу мәселесі қалада, облыста өз шешімін тауып келеді. Қала халқы жыл сайын өсіп, аумағы да кеңеюде. Сол үшін таза ауызсумен тұрақты қамтамасыз ету – ең басты мәселе. Оның жетпеуін, қысымының азаюын мамандар жүйелі түрде шешімін табатын шараларды қажет ететін мәселе деп түсіндірді.Сонымен қатар жаз мезгілінде ауызсуды тұтыну екі есе өсетінін, тұрғындар онымен бақша суаратынын да тілге тиек етті. Мұның барлығы насос қондырғыларының жұмысын күшейтеді. Одан бөлек, техникалық су тасымалдайтын желі болмағандықтан, көлік жуу секілді орындарға да таза су беріледі.<blockquote>– Мәселе ауызсуды аяқсу ретінде пайдаланудан болып отыр. Негізі Су кодексіне сәйкес оған тыйым салынған. Бірақ тұрғындардың басым көпшілігі пайдаланып жатыр. Соған қарамастан қазіргі таңда қолдағы инфрақұрылымнан бөлек жаңадан кен орындарын қосу қажеттілігі туындап отыр. Халық саны көбейіп, жаңадан әлеуметтік нысандар салынуда. Тұрғын үйлер көбеюде. Сол себепті сол жағалаудың арғы жағында «Тораңғыл сай» жерасты суы кен орнын пайдалану үшін жоба-сметалық құжаттар әзірлеудеміз. Себебі, «Арайдан» шығып жатқан ұңғыма сол жағалауға көзделмеген.«Тораңғыл сай» кен орны тәулігіне 47 мың текше метр су беруге қауқарлы. Егер қосылса, сол жағалауды толықтай ауызсумен қамтамасыз етіп, артылғаны қаланың өзге аудандарына бағытталады, – дейді Б.Ізмағамбетов.</blockquote>Тұрғындардың ауызсумен бақша суаратыны – ең түйткілді мәселенің бірі. Қаланы аяқсумен қамту күн тәртібінен түспей, мәселенің толыққанды шешімін тауып, түйткілдің түйінін тарқату жолдары қарастырылуда. Негізгі міндеттерінің бірі каналдар мен арық жүйелерін тазалау саналатын «Жасыл Қызылорда» мемлекеттік мекемесінің мәліметінше, бұл жұмыстарға қаржы бағытталған.<blockquote>– Қазір қала әкімдігі тарапынан аяқсуға көп көңіл бөлінуде. Қаланың 60 пайыздан астамы қамтамасыз етіліп жатыр. Дегенмен, мәселе әлі де бар, – дейді мамандар.</blockquote>Мысалы, жылу беру маусымы басталғаннан кейін Қызылорда халқы аяқсуды пайдалануды тоқтатады. Сол кезде 105-110 мың текше метр күнделікті беріліп тұрған ауызсу тұтыну көлемі 45 мың текше метрге дейін азаяды. Қарап тұрсаңыз, судың жетіспеушілігі, қысымының төмен болуы халықтың оны аяқсу орнына пайдалануынан.<blockquote>– Мысалы, өткен сәуір айында су тұтыну көрсеткіші бірден 45 мыңнан 75 мың текше метрге көтерілді. Бұл – халық оны аяқсуға пайдаланып жатыр деген сөз. Соған қарамастан, қысымын көтеру бойынша жұмыстар жасалуда. Мысалы, былтыр көпқабатты үйлердегі судың қысымын көтеру үшін қаржы бөлінді. Бұл қаржыға арнайы қондырғылар алынды. Қазір орнатылуда. Жоба облыс орталығында орналасқан 63 көпқабатты үйдің су қысымын реттеуге бағытталған, – дейді мамандар.</blockquote>Қазір жауапты мамандар тұрғындарға түсіндірме жұмыстарын жүргізуде. Аяқсу бола тұра, бақша суаруға ауызсуды пайдаланып жатқандарға айыппұл салынатыны ескертілуде. Бұдан бөлек, облыс орталығында 200-ден астам көлік жуу орны бар. Оның ішінде қазір жұмыс істеп тұрғаны – 106. Бұлардың барлығына өздерінің жеке ұңғымасы болуы керектігі немесе техникалық су пайдалануы қажет екені ескертілген.Фото: Нұрболат Нұржаубай

Ауызсумен қамтамасыз ету – өзекті мәселелердің бірі

<a href="https://kyzylorda-news.kz/">Kyzylorda-news.kz</a> Шиелінің шұрайлы жері жан біткенге шабыт сыйлап тұрары сөзсіз.. Бұл қасиетті жерден еңбек озаттары да, білімнің көзін тапқан ғалым да, елді аузына қаратқан шайырлар мен өнер майталмандары да шыққан. Сондай адуында ақындардың дара жолын жалғап, саф өнердің қалпын бұзбай, өнер қайраткерлерінің ізінен таудай талабымен талпынып келе жатқан талант иесі әнші-сазгер, ақын – Әл-Фараби Бекарысұлы.Ел арасында кеңінен танымал «Найзағай көңіл», «Аппағым менің» секілді халықтың жүрегінен орын алған көптеген әндердің авторы Әл-Фараби Бекарысұлы 1989 жылы дән атасы Ыбырай Жақаев ауылында дүние келген. Аяулы анасының ақ сүтімен дарыған өнерді жанына серік етіп, бүгінде талантымен жұртты тәнті етіп, халықтың сүйікті ұлына айналып үлгерді.&nbsp; Бала күнінен шығармашылықпен шыңдалып, Құдай берген дарынының арқасында ол көптен бері ойға алған мақсатына қол жеткізіп, «қарапайым кітіп» атты еңбегінің тұсауын кесті. Кітапта ақынның өлеңдері мен әңгімелері және анасы Рыскүл Жәлиқызының аманаттап кеткен өлеңдері жинақталып, қалың оқырман қауымына ұсынылды.Бұдабай Қабылұлы атындағы Шиелі аудандық мәдениет үйінде өткен әдеби-сазды кешке арнайы келген Шиелі ауданы әкімінің орынбасары Болатбек Ысмағұлов аудан әкімі Нұржан Ахатовтың құттықтау хаты мен сый-сияпатын табыс етті. Сонымен қатар Шиелі аудандық ардагерлер кеңесінің төрағасы Өркен Исмаил, тарих ғылымдарының докторы, профессор Тастанбек Сәтпай, Жанарыс Бейімбетұлы сөз алып, салтанатты түрде кітаптың лентасын қиды.Мәдеиет үйіне жиналған аудан тұрғындарына қазақ эстрадасының жарық жұлдызы Роза Әлқожа және Үкітай Ерниязов Әл-Фараби Бекарысұлының сөзі мен әніне жазылған туындыларын орындап, ерекше әсер сыйлады. Осындай халық жүрегінен орын алған мән мағынасы үйлескен тамаша әндермен сусындаған көрермендер ризашылығын білдіріп, алғысын жаударды. Осы күнді бала күнінен бері армандаған Әл-Фараби:<blockquote>– Кітаптың аты «Қарапайым кітап» болғанымен мен үшін ерекше құнды. Балалық арман бүгін орындалып, қуанышым қойныма сыймай тұр. «Туған жерге туыңды тік» демекші, туып өскен жерімде кітабымның тұсауын кесу үлкен бақыт екенін сездім. Шиелімнің әр тасы ыстық, себебі бұнда әке-шешемнің ізі қалған. Бүгінгі кешіме алтын басын иіп, ақ пейілін арқалап келген ағайынға үлкен алғысымды білдіремін, – деп жүрекжарды тілегін білдірді.</blockquote>Халық даналығында «Өнерлі болу бір құрмет, өнерді сүю мың құрмет» деген сөз бар. Жиналған жұрт кеш соңына дейін ақын ұлына құрмет көрсетіп, кітабын алуға асықты.&nbsp;

Шиеліде "Қарапайым кітап" жарық көрді

<a href="https://kyzylorda-news.kz/">Kyzylorda-news.kz</a> «Қазгидромет» РМК ел аумағында 13 мамырда болатын қауіпті метеорологиялық құбылыстарға болжам жасады.Синоптиктердің мәліметінше, атмосфералық фронтальды бөлімдер әлі де ҚР-ның басым бөлігіне әсер ететін болады, сондықтан ауа райының тұрақсыз сипаты сақталады. Найзағай ойнап, жаңбыр жауады, солтүстікте қатты жаңбыр жауады, елдің солтүстік-батысында, солтүстігінде, оңтүстік-батысында, оңтүстік-шығысында бұршақ жауады.<blockquote>«Тек республиканың солтүстік-шығысында, шығысында, оңтүстігінде, орталығында жауын-шашынсыз ауа райы күтіледі. Республика бойынша жел күшейеді, солтүстік-батыста, солтүстікте қатты жел, түнде және таңертең шығыста тұман болуы мүмкін», — делінген хабарламада.</blockquote>Қарағанды облысының батысында, оңтүстігінде, Ұлытау облысының орталығында, Ақтөбе облысының қиыр оңтүстігінде, Абай, Қостанай облыстарының оңтүстігінде, Батыс Қазақстан облысының батысында, оңтүстігінде, орталығында, Атырау облысының батысында, Шығыс Қазақстан облысының оңтүстік-шығысында өрт қаупі жоғары, Қызылорда облысының батысында өрт қаупі жоғары Қызылорда облысының Қазалы ауданында, Түркістан облысының шөлді аудандарында, батысында төтенше өрт қаупі сақталуда.Фото: Н.Нұржаубай

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a> Өмір толқынында елім деп, болашақ деп соққан жүректер өз елінен ештеңені аямайтыны рас. Сондай азаматтардың бірі-Қызылорда облысының Жаңақорған ауданының белгілі азаматы – Әбілахов Қайрат Әбдіманапұлы. Қайраттың есімін ауылдастары ерекше сезіммен, мақтанышпен айтады. Ауданға, облысқа еңбегі сіңген,&nbsp; спорт саласында аянбай еңбек етіп, көптеген шәкірттер тәрбиелеп, бірнеше чемпиондар шығарған , Қазақ күресінің майталманы, қазақша күрестен «Қазақстан спорт шебері», самбо, дзюдо күрестерінің білікті бапкері, ұлағатты ұстаз Әбілахов Қайрат Әбдіманапұлының еңбегін елемеу &nbsp;мүмкін емес.&nbsp;Әбілахов Қайрат Әбдіманапұлы (14.05.1970—19.04.2019), бала күнінен спортқа үлкен қызығушылықпен қарады. Анасы музыка мектебіне қосымша берсе де , өз қалауымен жасырын түрде &nbsp;спорт мектебіне де барып, екі саланы (өнер, спорт) қатар меңгерді. Кез келген музыкалық аспапта еркін ойнап, ән салды. Ал спортта өз жеңісін қазақша күрестен бастады. Бір жасында әкесінен айрылған Қайрат, нағыз ер азамат болып жетілуге талпынды. Әділдікті, шындықты жақтады. Мектепті жақсы оқып, қоғамдық жұмыстарда белсенді болды. Досқа, ағайынға, жалпы адамзатқа адал болды. Таза, әділ күресе жүріп, «Қазақстанның спорт шебері» атанды. Болар бала өзгеше демекші, Қайрат тек күрес, өнер емес, шахмат, дойбы, тоғызқұмалақ ойындарына да жетік болды. Қызылорда облыстық «Тоғызқұмалақ Зияткерлік Қауымдастығы» қоғамдық бірлестігінің төрағасы болды. Республикалық жарыстарда бас төреші дәрежесінде өз міндетін әділ атқарды. Сондай –ақ,&nbsp; Қайрат Әбдіманапұлы спорт саласындағы күрмеуі қиын сұрақтардың&nbsp; шешімін табуды абыроймен орындайтын. Әріптестері де, шәкірттері де ол кісіге нық сенетін.&nbsp; Депудаттыққа үміткер болғанында: «Шындық бар жерде шынайы өмір қалыптасады...»-деген сөзі бар еді. Адал еңбек ете жүріп, әділдік пен шындық сырын талайға ұқтырған Қайрат Әбдіманапұлы еңбегі еленіп, жеңіс тұғырында иеленген медаль-диплом, мақтау қағаздарынан бөлек , «Спорт саласына сіңірген еңбегі үшін» және Бауыржан Момышұлы атындағы «Батыр шапағаты» медальдарымен марапатталды. Суреті ауданның орталық көшесінде ілініп тұрды.Күрес саласындағы еңбегі жайлы айтар болсақ, ауыл-ауылды аралап жүріп, түрлі той-жиындарда сырттай қарап отырып, икемі бар балаларды таңдап, ата –анасынан сұрап әкеліп, өз үйінде жатқызып, мектепке де оқытып, асырап-өсіріп, спортқа дайындап, чемпиондар шығарды. Жол қаражаты болмаған жағдайларда үйіндегі жалғыз малын сатып, оқушыларын жарысқа алып барған сәттері болды. Мұндай жанашырлықты екінің бірі жасай бермесі анық. Десе де, еңбегі, үміті ақталып,&nbsp; шәкірттері Германия жеріне дейін барып, жеңіспен оралды. Адал еңбек, шынайы жүрек еленбей қалмайды екен. Қайрат Әбдіманапұлының ерен еңбегі еленіп, өзі чемпион шығарған Исмайлов Жақсылық Алишерұлы мен Пәзілбек Ерсұлтан Мұхтарұлы бастаған&nbsp;шәкірттері 2023 жылдан бастап, Әбілахов Қайрат Әбдіманапұлын еске алуға арналған Дзюдо күресінен 2008-2009 жылы туылған жасөспірімдер арасында республикалық турнир өткізуді бастады.2023 жылы бірінші рет ұйымдастырылып, өте жоғары деңгейде өтті. Қазақстаннық барлық облыстарынан дерлік 350 спортшы&nbsp; қатысып, жүлделі орындарға диплом- медальдармен қатар, шәкірттерінің демеушілігімен, Қайраттың бауырларының қолдауымен 150 мың теңге көлеміне дейін ақшалай сыйлықтар, медаль ілгіштері, естелік статуеткалар сыйға берілді. Ал 2024 жылдың 29-30 сәуір күндері өткен Республикалық турнирде , су тасқыны сынды&nbsp; кейбір өңірлерде болып жатқан жағдайларға байланысты біршама спортшылар келе алмай, 200-ге жуық спортшы қатысты. Жарыс өте тартымды өтті. Бірінші жылғыға қарағанда балалар төселген. Өткен жылы жеңіліс тапқандар бұл жолы жақсы дайындықпен келіп, жеңіске жетті. 42, 46, 50, 55, 60, 66, 73, 81, +81 келі салмақта күресті. Спортшылардың тәртіп сақтауы&nbsp; облыстық бас төреші Қайрат Төленді тарапынан қатаң бақыланды. Жарыстың әділ өткені үшін осы кісі алғыс шексіз.Өткен жылы Маңғыстау, Атырау, Жаңақорған, тараз спортшылары көбірек жеңіске жетсе, бұл жарыста жүлделі орындарға ие болған спортшылардың басым көпшілігі Түркістан облысы, Тараз, Қызылорда қаласының спорт мектебінің, Жалағаш ауданының спортшылары болды. Дегенмен Жаңақорған ауданының спортшылары да кем түспеді. 60 кг салмақта ІІ орын алса, 73 кг салмақта І орын иеленіп чемпион атанды. Жаңақорғандық чемпион –Байзақ Қажымухан, Бапкерлері : Қайрат Әбдіманапұлының шәкірттері - Темірханұлы Дархан, Пәзілбек Ерсұлтан.Жеңімпаздардың жүлделеріне тоқталсақ: биылғы жылы да дипломдар мен ақшалай, заттай сыйлықтарға қоса кубоктар берілді. Республика көлемінде мұндай турнир өткізу оңай іс емес. Ұйымдастыру жұмыстарында бірлік пен келісім, бір жағадан бас, бір жеңнен қол шығара білу керек. Осы істі қолға алып ұйымдастырып жүрген Жаңақорған ауданының спорт мектебі ұжымына, кезінде Қайраттың шәкірттері болған, бүгінгі күні белді бапкерлер: Жақсылық, Талғат, Ерсұлтан, Дархан сынды барлық жігіттерге алғысымыз шексіз. Ендігі тілегіміз: аудан орталығындағы спорт кешеніне Әбілахов Қайрат есімін берсе артық болмас еді. Қызылорда облысының, Жаңақорған ауданының спорт саласының қызметкерлерінің жүйелі жұмысы нәтижесінде: Әбілахов Қайрат Әбдіманапұлын еске алуға арналған ДЗЮДО күресінен Республикалық турнирді&nbsp; жыл сайын өткізу дәстүрге айналады деп сенеміз.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp; &nbsp; &nbsp; &nbsp; &nbsp; &nbsp;&nbsp;Назерке Маратбекқызы&nbsp;

Еңбегі  елге  еленген

<a href="https://kyzylorda-news.kz/">Kyzylorda-news.kz</a> Қызылорда қаласында бір күнде ересектердің қарауынсыз қалған үш бала көп қабатты үйдің терезесінен құлап кетті, деп хабарлайды Казинформ.Оқиға кеше, 12 мамырда облыс орталығында болған. Сағат 21.37-де көп қабатты үйдің үшінші қабатындағы балконнан үй иесінің 2017 жылғы қызы мен 2018 жылғы туысы құлап кеткен. Олар әртүрлі дене жарақатымен ауруханаға жатқызылды.Сондай-ақ, қаланың сол жағалау бөлігінде көп қабатты үйдің бірінші қабатының терезесінен үй иесінің 2021 жылғы баласы құлап кетті. Ол әртүрлі дене жарақатымен ауруханаға жатқызылған.<blockquote>«Ата-аналардан кішкентай балаларды қараусыз қалдырмауды сұраймыз. Москит торы балаларды терезеден құлаудан қорғай алмайды. Ересектердің қарауынсыз балалардың балконға шығуына рұқсат бермеген жөн. Әрбір баланың өміріне ата-анасы жауапты екенін естен шығармаған жөн», - деп мәлім етті Қызылорда облыстық Төтенше жағдайлар департаментінен.</blockquote>Ведомство мәліметінше, биыл мұндай 7 оқиға тіркелген. Былтыр олардың саны 14 дерекке жетті.Фото: Нұрболат Нұржаубай

Қызылорда қаласында бір күнде үш бала терезеден құлап кетті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өткен жиында Жалағаш ауданы, «Таң» ауылдық округінің әлеуметтік-экономикалық дамуы, "Қорқыт Ата" әуежайының аумағын абаттандыру мәселелері талқыланды.Сонымен қатар, жиында "Жайлы мектеп" ұлттық жобасы аясындағы білім ошақтарының, физика-математика мектеп-интернатының, теннис корты мен Оқушылар сарайының құрылыс барысындағы мәселелер қаралды. Аймақ басшысы құрылыстардың барлығына қойылатын басты талап - сапа мен мерзім екенін атап айтып, осы талапты бұлжытпай орындауды тапсырды."Бұған дейін жұмыс сапарымен "Таң" ауылына барғанда жүзеге асырылуы керек жобаларға қатысты тапсырмалар бердім. «Батыс Еуропа – Батыс Қытай» автодәлізінен елді мекенге кіреберіске дейін ағаш отырғызу қажет. «Таң – Жаңақоныс», «Таң – Самұрат» автомобиль жолдары мен «Бозарық» каналының көпірін қайта жаңғыртуды пысықтаңыздар. Ауылда жарықтандырылуы тиіс көшелер бар. Жұмысты тиянақты орындап, нысандарды мерзімінде пайдалануға беру керек. Елді мекендегі балабақша, дәрігерлік амбулатория және спорт кешені ғимараттарын арнайы эскиздік жобаға сәйкестендіруді бастау қажет. Құрылыстың сапасы аса маңызды. Қажет болса, жұмысты күнделікті бақылайтын арнайы адам бекітіңіздер."Қорқыт Ата" әуежайының аумағын абаттандыруды уақытылы әрі сапалы жүргізу керек. Инфрақұрылымды дамытуға, абаттандыруға, яғни жылу, су, электр, телефон және кәріз, желілерін, автожол жүргізуге жергілікті бюджеттен 4 млрд 300 млн теңге қаржы бөлінді. Ғимараттың айналасындағы жол құрылысын бақылауға алыңыздар", - деді Нұрлыбек Нәлібаев.Айта кетейік, «Таң LTD» ЖШС Жалағаш ауданының әлеуметтік-экономикалық дамуына үлес қосып, бірқатар маңызды бастаманы іске асыруда. Алда ауыл тұрғындарына арналған екі пәтерлік 10 тұрғын үй салынады. Сондай-ақ, кәсіпорын 3 өндірістік базаны іске қосып, жаңа жұмыс орындарын ашуды жоспарлауда. Қазір шаруа қожалығының иелігінде күріш ақтау зауыты мен ет өңдеу цехы бар. Күріш ақтау зауыты 5 жыл бұрын іске қосылған, тәулігіне 100 тонна өнім өңдеуге қауқарлы, мұнда 15 адам тұрақты жұмыспен қамтылған. Ал 2019 жылы ауылдық округке қарасты «Жаңақоныс» елді мекенінде «Агролидер Таң» ЖШС-ның ет өңдеу цехы ашылған. Кәсіпорын тәулігіне 0,5 тонна ет өндіріп, 15 түрлі (түшпара, манты, қазы, әсіп, бір асым ет және т.б.) өнім шығаруда. Мұнда 8 адам жұмыс істейді.Серіктестіктің демеушілігімен ауылда балалар ойын алаңы мен кіші футбол алаңы салынып, жарықшамдар орнатылды. Сондай-ақ, Ұлы Отан соғысында қаза тапқан боздақтардың құрметіне «Тағзым алаңы» салынып, қазір жаңа спорт кешенінің құрылысы жүргізілуде. Өткен жылы бір ғасыр бұрын салынған «Әбжәли» мешітінің ғимараты жөнделді."Болат Өтемұратов қорының" қолдауымен салынған халықаралық талаптарға сай келетін әуежайдың жаңа терминалында ішкі және халықаралық рейстерге, транзиттік жолаушыларға арналған залдар, CIP-зал, жүкті автоматты түрде беру жүйесі, «Duty Free» аймағы, сауда нүктелері, медпункт, кафе, ғибадат ету, жүк сақтау, ана мен бала бөлмелері бар. Екі қабатты ғимарат сағатына 250 адамға, төлқұжат бақылайтын 10 кабина қызмет етеді. Нысан таяуда ел игілігіне табысталмақ. Жобаға аталған қордан 16 млрд теңге бөлінген.Әуежай аумағын абаттандыруға, яғни жаңбыр суын тазарту, сыртқы кәріз бен жарықтандыру желілерінің құрылысына 1 354 968 млн теңге бөлінді. Жан-жағына гранит жабыны, асфальт, кеспе тас және қиыршық тас төселеді. Құрылыс-монтаждау жұмыстарын «Сәт-Сервис» ЖШС жүргізуде.Ал іргелес аумақты абаттандыруға 634 050 млн теңге бөлініп, 4 жолақты, ұзындығы 480 метр, әр жолақтың ені 3,5 метр болатын жол салынады. Құрылыс-монтаждау жұмыстарын «Иман» ЖШС жүргізеді.Фото: Қызылорда облысы әкімінің баспасөз қызметі

Құрылыс алаңдарындағы жұмыс қадағалаудан тыс қалмайды

<a href="https://kyzylorda-news.kz/">Kyzylorda-news.kz</a> Әлемде қанша мамандық болса, олардың әрбірінің адам үшін маңызы зор. Әйтсе де, адам жанының арашасы болған ақ халатты абзал жандардың, оның ішінде мейіргерлердің орны ерекше екені рас.Бүгін антына адал жандар мерекесі, яғни «12 мамыр – Халықаралық мейірбикелер күніне» орай, облыстық денсаулық сақтау басқармасының ұйымдастыруымен«Достық үйiнде» мерекелік шара болып өтті.Салтанатты шараға облыстық денсаулық сақтау басқармасының басшысы Искаков Олжас Ермекұлы және медицина ұйымдарының бас дәрігерлері мен өңірдің барша мейіргерлері қатысты.Алдымен аймақтың бас дәрігері Олжас Ермекұлы барша мейіргерлерді төл мерекелерімен құттықтап, өзінің жүрекжарды лебізін білдірді.Аймақтың бас дәрігері өз құттықтау сөзінде «Дертке шипа, денге саулық сыйлайтын барша мейірімді маман иелерін бүгінгі кәсіби мерекелерімен шын жүректен құттықтаймын!Осы ретте өңір халқының денсаулығын жақсарту бағытында аянбай еңбек етіп жүрген барша мейіргерлерге зор ризашылығымды білдіремін.Ұлт саулығы - мемлекеттің негізгі капиталы десек, сол баға жетпес қазынаны қызғыштай қорып жүрген Сіздердің еңбектеріңіз қашанда жоғары бағаланады.Мереке тұсында баршаңызға мықты денсаулық, қажымас қайрат, отбасыларыңызға амандық, құт-береке тілеймін!Ел игілігі жолындағы еңбектеріңіз әрқашан нәтижелі болсын», - деп ізгі лебізін білдірді.Одан соң бірқатар саламызға еңбегін сіңірген білікті маман иелерін Қазақстан Республикасы Денсаулық сақтау министрлігінің «Денсаулық сақтау ісінің үздігі», «Денсаулық сақтау ісіне қосқан үлесі үшін» төсбелгісімен, ҚР Денсаулық сақтау министрлігінің «Құрмет» грамотасы, «Алғыс хатымен», облыс, қала әкімінің «Алғыс хаты», «Амаnат» партиясының Қызылорда облыстық филиалының «Алғыс хаты», Қазақстан Республикасының жедел медициналық жәрдем қауыдастығының «Үздік қызметкер» төсбелгісі, «Мейірбике ісіне қосқан үлесі үшін» Мейіргерлер ісі ассоциациясының медалі, «SENIM» Денсаулық сақтау жүйесі жұмыскерлерінің салалық кәсіптік одағы» Республикалық қоғамдық бірлестігінің «Кәсіподақ ұйымының үздігі» төсбелгісі, «SENIM» Денсаулық сақтау жүйесі жұмыскерлерінің салалық кәсіптік одағы» қоғамдық бірлестігінің «Құрмет» грамотасы, «Алғыс» хатымен және «12 мамыр – Халықаралық Мейірбикелер күні» кәсіби мерекесіне орай өткізілген «Үздік маман - 2024» кәсіби конкурсының үздіктері сертификаттармен марапатталды.Мерекелік шара одан әрі концерттік бағдарламаға ұласты.Халықтың денсаулығы жолындағы күресте облыс халқына бүгінде 11335 жуық орта буын мамандары қызмет көрсетеді.

Қазақстан және Қызылорда облысының жаңалықтары