<a href="https://kyzylorda-news.kz/">Kyzylorda-news.kz</a>&nbsp;Оқу-ағарту министрі Ғани Бейсембаев Қызылордада сыныптастары кәмелетке толмаған қызды жезөкшелікпен айналысуға мәжбүрлеген оқиғаға қатысты сұрақтарға жауап берді. &nbsp;Бұл туралы Stan.kz ақпарат агенттігі хабарлайды.&nbsp;Министр қазір сотқа дейінгі тергеу жүріп жатқанын еске салып, бұл мәселені бақылауда ұстайтынына сендірді.<blockquote>"Қазір тергеу жүріп жатыр. Мен бұл мәселені бақылауда ұстаймын. Облыс басшылығымен сөйлестім. Тергеу әлі жалғасып жатыр, бізге шыдам қажет. Интернеттегі кейбір нәрселер мүлдем шындыққа жанаспайды. Сондықтан тергеу аяқталғанша күтеміз, содан кейін шешім қабылдаймыз. Кейбір тексерілмеген фактілерге және тағы басқаға негізделген асығыс шешім қабылдау арқылы адамның тағдырын бұзуға болады ", – деді Бейсембаев.</blockquote>

Қызылордадағы 16 жасар қыздың оқиғасы: Оқу-ағарту министрі пікір білдірді

<a href="https://kyzylorda-news.kz/">Kyzylorda-news.kz</a> Қазақстан Республикасының Мәдениет және ақпарат министрлігі Мемлекет басшысы тағайындаған «Тәуелсіздік ұрпақтары» грантына конкурс басталғаны туралы хабарлайды.2024 жылы «Тәуелсіздік ұрпақтары» бойынша 3 млн теңгеден 30 грант берілетін болады.Мақсат – белсенді шығармашыл жастар қауымдастығын қалыптастыруға бағытталған жастардың жаңа және қолданыстағы бастамаларын мемлекет тарапынан қолдау.Конкурсқа Қазақстан Республикасының он төрт жастан бастап, отыз бес жасқа дейінгі (34 жас қоса алғанда) азаматтары үміткер бола алады.Гранттар 6 бағыт бойынша беріледі:«Ғылым» – жаңа ғылыми жобаларды және зерттеулерді іске асыруға арналған;«Мәдениет» – Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобаларды іске асыруға арналған;«Ақпараттық технологиялар» – жаңа IT шешімдер мен жобаларды, оның ішінде жаңадан басталған стартап жобаларды іске асыруға және әзірлеуге арналған;«Бизнес» – жаңа бизнес-идеяларды іске асыруға арналған;«Медиа» – жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған;«Волонтерлік» – &nbsp;өзекті, әлеуметтік проблемаларды шешуге бағытталған волонтерлік жобаларды (бастамаларды) іске асыруға арналған.Үміткерлердің конкурстық өтінімдері 2024 жылғы 05 тамыз бен 06 қазан аралығында t.urpaktary2024@mail.kz электронды поштасы арқылы қабылданады.Байланыс нөмірі: 8 (7172) 74-12-78.Конкурстық өтінімдер мемлекеттік және (немесе) орыс тілдерінде қабылданады және:1-қосымшаға сәйкес нысан бойынша конкурстық өтінім;2-қосымшаға сәйкес нысан бойынша жобаның сипаттамасы;Жоба бойынша (60 секундтан аспайтын) бейнематериал немесе (10 слайдтан аспайтын) презентация;3-қосымшаға сәйкес нысан бойынша шығындар сметасының жобасы;PDF форматындағы зияткерлік меншік туралы мәліметтер (бар болса);PDF форматындағы жеке куәлік немесе туу туралы куәліктің көшірмесі болуы тиіс.

Мемлекет басшысының «Тәуелсіздік ұрпақтары» грантына конкурс басталды

<a href="https://kyzylorda-news.kz/">Kyzylorda-news.kz</a> Бүгінгі Үкімет отырысынан кейін облыс әкімі Нұрлыбек Нәлібаевтың төрағалығымен мәжіліс өтті. Күн тәртібінде алдағы жылу беру маусымына дайындық мәселелері қаралып, тиісті тапсырмалар берілді.<blockquote>«Жылу беру маусымына дайындық жұмыстарының дер кезінде жүргізілуі өте маңызды. Үкімет барынша қолдау көрсетіп, сұратылған қаржыны бөлді.Биыл жылу көздері мен желілерін жаңғыртуға республикалық және жергілікті бюджеттен 12 млрд.теңге қаржы бағытталды. Оны тиімді игеріп, жұмысты уақытылы, сапалы жүргізу қажет. Алдағы жылу беру маусымында ешқандай мәселе туындамауы тиіс.Биыл 11 әлеуметтік нысанның қазандықтарын газға ауыстыруға 410 млн.теңге бөлінді. Мамыр айында 9 нысанның қазандығына 303 млн.теңге берілген болатын.Қазалы, Жалағаш және Сырдария аудандарының әкімдеріне бюджеттік бағдарлама әкімшілерімен бірлесіп, осы жұмысты 30 тамызға дейін аяқтауды тапсырамын. Білім беру нысандарының күрделі жөндеу жұмыстарын да 30 тамызға дейін аяқтаңыздар. Сондай-ақ, КСК-сы жоқ тұрғын үйлерде еш мәселе туындамауы тиіс.Бүгінде өңірімізде газдандыру қарқынды жақсы. Дегенмен, елді мекендердің негізгі бөлігі әлі де көмір пайдаланады. Облыс тұрғындарын көмірмен қамтамасыз ету өзекті мәселе екені белгілі», – деді Нұрлыбек Нәлібаев.</blockquote>Жиында аймақ басшысы жылу беру маусымына дайындық барысын қажетті деңгейде ұйымдастырмағаны үшін орынбасары Бахыт Жахановқа ескерту беріп, облыстық энергетика және тұрғын үй-коммуналдық шаруашылық басқармасының басшысы Медет Усаинге қатаң сөгіс жариялады. Облыстық денсаулық сақтау басқармасының басшысы Олжас Искаковқа, Қазалы, Қармақшы, Жалағаш, Сырдария, Жаңақорған ауданы әкімдеріне сөгіс берілді.Сонымен қатар, қала және аудан әкімдеріне, бюджеттік бағдарлама әкімшілеріне, коммуналдық кәсіпорын басшыларына әлеуметтік нысандарда жоспарланған күрделі жөндеу, қазандықтарды қайта жаңғырту жұмыстарын бақылауға алуды жүктеді. Тұрғындарды, әлеуметтік нысандарды қатты және сұйық отынмен қамтамасыз ету міндеттелді.«Қызылорда жылу-электр орталығының» қазандықтары мен желілеріндегі жөндеу жұмыстарын 1 қазанға дейін аяқтауға тапсырма берілді. Ал, сол жағалаудағы қазандықтың жұмысын аяқтау үшін мемлекеттік сараптаманың оң қорытындысын алу керек.Айта кетейік, жергілікті бюджет есебінен 2 газотурбиналық қондырғының генераторы мен 11 қазандыққа күрделі, 1 турбина мен 15 қазандыққа ағымдағы жөндеу жүргізілуде. Жұмыс 80 пайызға орындалды.Жаңғыртудан өтетін 9,5 шақырым жылу желісінің 4,2 шақырымы жүргізіліп, жұмыстың 44 пайызы бітті, 741 шақырым электр желісі мен 127 қосалқы станцияға күрделі жөндеу, 45 шақырым электр желіcі мен 48 трансформаторға ағымдағы жөндеу жүргізілуде.Облыстағы 1 067 әлеуметтік нысанның дайындығы 85 пайыз. 2024-2025 жылғы жылу беру маусымына 193 мың тонна, оның ішінде, тұрғындарға 165 мың тонна, әлеуметтік нысандар үшін 28 мың тонна көмір керек. Қазір көмір қоймаларында 32 мың тонна қор бар.<img src="https://knadmin.beoblood.kz/uploads/455812759_804064561914790_8285191062370900366_n_7ed8d2d3ea.jpg" alt="455812759_804064561914790_8285191062370900366_n.jpg"><img src="https://knadmin.beoblood.kz/uploads/455861690_804064551914791_3503192834316964077_n_4baeeed47c.jpg" alt="455861690_804064551914791_3503192834316964077_n.jpg">

Н.Нәлібаев: Жылу беру маусымында ешқандай мәселе туындамауы тиіс

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы бойынша Экономикалық тергеу департаменті басшысының бұрынғы орынбасары А. Қасымбаев пен кәсіпкер Ж. Сәкенов сотталды.Қызылорда облысы бойынша ЭТД басшысының бұрынғы орынбасары сотталды,&nbsp;деп хабарлайды&nbsp;<a href="http://ulysmedia.kz/">Ulysmedia.kz</a>. Алматы қалалық сотымен Қызылорда облысы бойынша Экономикалық тергеу департаменті басшысының бұрынғы орынбасары А. Қасымбаев пен кәсіпкер Ж. Сәкенов сотталды.10 МИЛЛИОН ТЕҢГЕ ПАРА БЕРУГЕ ИТЕРМЕЛЕГЕН Олар алаяқтыққа оқталғаны және Алматы қаласындағы кәсіпорындарының бірінің директорының қылмыстық ісін тоқтату үшін құқық қорғау органдарының қызметкерлеріне 10 млн теңге сомасында пара беруге итермелегені үшін кінәлі деп танылды.ЕКІ АДАМ 7 ЖЫЛҒА СОТТАЛДЫ Сот үкімімен Қасымбаев пен Сәкенов әрқайсысы мемлекеттік органдар мен квазимемлекеттік сектор субъектілерінде қызмет атқару құқығынан өмір бойына айыра отырып, 7 жылға бас бостандығынан айырылды. Сот үкімі заңды күшіне енді.Фото: informburo.kz

10 миллион теңге пара беруге итермелеген қызылордалық шенеунік сотталды

<a href="https://kyzylorda-news.kz/">Kyzylorda-news.kz</a>&nbsp; «Digital Kazakstan: Жаңа замандағы білім беру» тақырыбында өткен тамыз кеңесінде білім саласындағы құрылыс қарқыны мен алдағы міндеттер талқыланды.Аймақ басшысы Нұрлыбек Нәлібаевтың айтуынша, өткен жылы облыс орталығындағы 4 мектептің орын тапшылығы мәселесі 1 850 оқушыға арналған қосымша ғимарат салу арқылы шешімін тапты. Бюджетке салмақ салмай, қаржы үнемделді. 1 170 орындық 4 мектеп, жыл басында 550 орындық 2 мектеп ел игілігіне табысталды. Алдағы уақытта жаңадан 14 мектеп және 4 мектепке қосымша құрылыс салынып, пайдалануға беріледі.«Жайлы мектеп» ұлттық жобасы аясында 21 мектеп, «Білім беру инфрақұрылымын қолдау» қоры арқылы дарынды балаларға арналған 400 орындық физика-математика бағытындағы мектеп-интернат, Шиелі ауданында 100 орындық және Жаңақорған ауданында жергілікті бюджет есебінен 150 орындық мектептер салынуда. Аталған білім беру нысандары жақын күндері табысталады.Арал ауданы Тоқабай ауылындағы апатты мектеп және Ақшатау ауылындағы бастауыш мектептің жаңа ғимараты жеке инвесторлардың демеушілігімен бой көтерді.Бұдан бөлек, «Білім беру инфрақұрылымын қолдау» қоры, жергілікті бюджет есебінен Шиелі, Жаңақорған, Қармақшы аудандарындағы, Қызылорда қаласындағы білім ошақтары жанынан оқу ғимараты, асхана, спорт залы сияқты қосымша құрылыстар жүргізілуде.Жеткіншектерді қосымша біліммен қамту үлесін арттыру мақсатында «ҚазГерМұнай» компаниясының демеушілігімен 350 орындық заманауи Оқушылар сарайы, жергілікті бюджет есебінен Жаңақорған ауданында 200 орындық Оқушылар үйі және 50 орындық Өнер мектебі салынып, ел игілігіне табысталмақ. Сол жағалауда «Саутс Ойл» компаниясының демеушілігімен музыкалық колледж ғимараты салынуда. Балалар мен жасөспірімдердің шығармашылығын шыңдау мақсатында биыл облыс орталығынан «Шығармашылық академиясының» іргетасы қаланды.Биыл жергілікті бюджет есебінен 8 мектеп ғимараты күрделі жөнделуде. Білім мазмұнын арттыру мақсатында мектептерді заманауи пәндік кабинеттермен жабдықтауға, бала қауіпсіздігін қамтамасыз ету үшін соңғы үлгідегі бейнекамералар алуға жергілікті бюджеттен 456 млн теңге қаржы бөлініп, 2 016 цифрлық камера орнатылды.Барлық білім беру ұйымдары 100 пайыз қауіпсіздік жүйелерімен қамтылды. Келесі жылға мектеп, балабақша, қосымша білім беру ұйымдарының бейнебақылау жүйесін жаңартуға қосымша қаржы бөлінеді деп жоспарлануда.<img src="https://knadmin.beoblood.kz/uploads/456234068_803581168629796_4349013580318273031_n_38d587b78f.jpg" alt="456234068_803581168629796_4349013580318273031_n.jpg"><img src="https://knadmin.beoblood.kz/uploads/456335591_803581185296461_8107813190451496281_n_8a84ad5d4a.jpg" alt="456335591_803581185296461_8107813190451496281_n.jpg">

Қызылорда: Білім саласында құрылыс қарқынды

<a href="https://kyzylorda-news.kz/">Kyzylorda-news.kz</a>&nbsp; «Digital Kazakstan: Жаңа замандағы білім беру» тақырыбындағы облыстық педагогикалық тамыз кеңесінде аймақ басшысы Нұрлыбек Нәлібаев оқушыларға әлеуметтік қолдау көрсетілетінін, тәрбие ісіне қоғам болып жұмылу қажеттігін айтты.<blockquote>«Түрлі әлеуметтік санаттағы отбасылардан шыққан балаларды қолдау мақсатында пәрменді шаралар қабылдануда. Жетім және ата-анасының қамқорлығынсыз қалған балаларды тұрғын үймен қамтамасыз ету үшін өткен жылы 100 пәтер, биылғы бірінші жартыжылдықта 127 пәтер берілді.Оларды әлеуметтік қолдау жалғасын табады. Биыл жергілікті бюджеттен жалпыға міндетті оқу қорына 5,2 млрд теңге бөлінді, 87 331 оқушыны ыстық тамақпен қамтамасыз етуге бюджеттен 9 млрд теңге қаржы қаралды (52 264 бастауыш сынып). Бұның барлығы – саламатты, білімді ұрпақ тәрбиелеуге көрсетілген мемлекет қолдауы.Педагог қауымы өздеріне жүктелген мәртебелі міндетті абыроймен алып жүруі керек. Білім беру саласына қойылатын негізгі 2 ғана талап пен міндет бар. Оның бірі – сапалы білім беру, екіншісі – саналы тәрбие беру. Балаларымыздың қауіпсіздігін қамтамасыз ету, тәлімі мен тәрбиесін ұштау басты бағытымыз болуы тиіс.Мектеп – оқушы – ата-ана үштағаны үйлесімділікте жұмыс жасауы қажет. Қазір жастар мен жасөспірімдер арасында зорлық-зомбылық, құқық бұзушылық, қылмыс, суицид, кибербуллинг, топтық төбелес, тағы басқа да келеңсіз жағдайлар жиі кездесуде. Біз өз тарапымыздан кәмелетке толмағандар арасында құқық бұзушылық пен қылмыстың алдын алу бағытында шаралар қабылдап келеміз»,– деді Н.Нәлібаев.</blockquote>Жыл басында облыс әкімдігі облыстық прокуратура, облыстық полиция департаментімен бірлескен «Жол картасын» бекітті. Мамыр айының соңында құқық қорғау органдарының басшылары, ата-аналар мен педагогтер қатысқан, тәрбие саласындағы мәселелер талқыға түскен алқалы жиын өткізілді. Келелі кеңесте бала тәрбиесіне қатысты тұшымды ойлар мен ұсыныстар айтылып, сала басшыларына тиісті тапсырмалар берілді.Облыс әкімі өз сөзінде бала тәрбиесіне қоғам болып жұмылу, ұстаздармен қатар, ақсақалдар алқасының, аналар кеңесінің, қауымдастық мүшелерінің бірлескен шаралар қабылдауы өте маңызды екенін атап өтті.Тамыз кеңесіне қатысушылар Халықаралық «Robotek Grand Tournament – 2024» чемпионатында озық шыққан, республикалық ғылыми жоба конкурсында «Black hole» жобасын цифрлық технология негізінде зерттеп жүлдегер атанған, республикалық «Зерде» зерттеу жобалар конкурсында «Сөйлеу қабілеті бұзылған балаларға жасанды интеллект технологиясымен «Logo master» арқылы көмектесу», республикалық ғылыми жоба конкурсында «Устройство урны для автоматической сортировки отходов» атты жобаларымен бірінші орын алған, «First Championship» республикалық робототехника байқауында «Ұйқыға қарсы көзілдірік, Метрологиялық станция» жобасымен бас жүлде иеленген оқушылардың жетістіктері таныстырылған көрмені тамашалады.<img src="https://knadmin.beoblood.kz/uploads/456127067_803593988628514_4492187948563597424_n_94edeef0b9.jpg" alt="456127067_803593988628514_4492187948563597424_n.jpg"><img src="https://knadmin.beoblood.kz/uploads/456165407_803594025295177_7404465953708020105_n_f90994aa50.jpg" alt="456165407_803594025295177_7404465953708020105_n.jpg">

Н.Нәлібаев: Бала тәрбиесіне қоғам болып жұмылу қажет

Kyzylorda-news.kz. Бүгін облыс әкімі Нұрлыбек Нәлібаевтың қатысуымен Өнер орталығында «Digital Kazakstan: Жаңа замандағы білім беру» тақырыбында облыстық педагогикалық тамыз кеңесі өтті. Алқалы жиынға ҚР Парламенті Сенатының депутаттары Руслан Рүстемов, Наурызбай Байқадамов, Мәжіліс депутаттары Мархабат Жайымбетов, Мұрат Ергешбаев, ҚР Оқу-ағарту министрлігі тәрбие жұмысы және қосымша білім беру департаментінің директоры Меруерт Медетбекова, облыстық сот төрағасы мен құқық қорғау органдарының бірінші басшылары, білім беру ұйымдарының басшылары мен аймақ ұстаздары қатысты.Облыс әкімі жас ұрпаққа сапалы білім берудегі, тәрбиелеудегі ұстаздардың еңбегін ерекше атап өтіп, атқарылған жұмыстарды баяндады.<blockquote>«Жылдағы дәстүр бойынша өздеріңізбен Тамыз кеңесінде бас қосып, білім саласындағы жетістіктерімізді саралап, мәселелер мен оларды шешу жолдарын бірлесе талқылауға жиналдық. Мемлекет басшысы Қасым-Жомарт Кемелұлы Ұлттық құрылтайдың екінші отырысында «Мектеп &nbsp;– білімнің ғана емес, тәлім-тәрбиенің ордасы. Баланың бойына біліммен қатар адамгершілік құндылықтарды сіңіру – ұстаздың міндеті. Осыған орай балабақшадағы және мектептегі білім мен тәрбие ісіне бәріміз қоғам болып мән беруіміз керек, сондай-ақ белсене атсалысуымыз қажет» деп атап өткен болатын.Қай кезеңде де мемлекет дамуының басты тетігі, стратегиясы сапалы білімге негізделген. Білім сапасын арттыру, педагогтер қауымы мен оқушыларға жайлы жағдай жасау бүгінгі күннің алғышарты саналады. Бұл – келешегімізді кемел, елдігімізді мәңгі етуді көздейтін мемлекеттік көзқарасымыз және азаматтық ұстанымымыз. Біздің оқу-ағарту саласын дамытуға, білім сапасын көтеруге бағытталған бар жұмысымыз осындай алтын өзекке негізделген.Биылғы тамыз кеңесінің «Digital Kazakstan: Жаңа замандағы білім беру» атауын еншілеуі – білім саласын цифрландыруды әрі қарай жалғастыру қажет екендігінің бір дәлелі.Биыл білім саласына бөлінген қаржы 262,1 млрд теңгеге жетіп, облыс бюджетінің 35,8 %-ын (бюджет 732,8 млрд теңге) құрады. Бұл былтырмен салыстырғанда 8,5%-ға артық (2023 жылы 241,5 млрд теңге).Тиісінше, алдағы жылдары білім саласына бөлінетін қаржы көлемі артады. Жаңа мектептер салу, апатты мектептерді және үш ауысымдық оқуды болдырмау – білім саласындағы басым бағыттардың бірі.Осы жылы балабақшаларды қаржыландыруға 53,7 млрд теңге қаржы бөлініп, өткен жылмен салыстырғанда 9,8 млрд теңгеге артты (2023 жылы &nbsp;43,9 млрд теңге). Өткен жылдың шілде айынан бастап меншік нысанына қарамастан барлық мектепке дейінгі ұйымдарға цифрландыру саласындағы жетістіктеріміздің бірі – Face ID мобильді қосымшасы енгізілді. Бұл арқылы балабақшаға нақты келген тәрбиеленушілерге ғана мемлекеттік тапсырыс орналастырылып, нәтижесінде 3 млрд теңге үнемдеуге мүмкіндік туды.Қазір үйірмелерге нақты келген балаларды есепке алу үшін аталған жүйені мәдениет және спорт саласына енгізудеміз. Бәлкім, бұл жұмыстар оңай ақша тауып үйреніп қалған кейбір кәсіпкерлерге ұнамауы мүмкін. Дегенмен, біз цифрландыру саласындағы жаңашылдықтарды енгізіп, бюджет қаражатының мақсатты жұмсалуына қатаң бақылау орнататын боламыз», – деді Н.Нәлібаев.</blockquote>Педагогтердің басқосуында &nbsp;ҚР Оқу-ағарту министрі Ғани Бейсембаевтың &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; видеоқұттықтауы көрсетілді. Сонымен қатар, Меруерт Медетбекова мен Наурызбай Байқадамов жиналған қауымды Білім күнімен құттықтап, алдағы міндеттерді саралады. Облыстық білім басқармасының басшысы Асқарбек &nbsp;Есжанов «Қызылорда облысында білім беру саласында атқарылған жұмыстар және міндеттер» тақырыбында баяндама жасады. Сондай-ақ, Қорқыт Ата атындағы Қызылорда университетінің басқарма төрағасы-ректоры Бейбіткүл Кәрімова мен «Bilim Land» ЖШС директоры Санжар Кенжеханұлы көпшілікке жаңа ұсыныстар мен тың тақырыптар ұсынды. Сырдария ауданындағы №210 О.Әбілпаттаев атындағы орта мектептің 11-сынып бітіруші түлегі, биылғы оқу жылында бірнеше грант жеңіп алған талантты оқушы Асылжан Абдуллаев ұстаздарға алғысын білдірді.Жиында елеулі еңбектің арқасында ұстаздар қауымы марапат төрінен көрініп, олардың бірқатарына ҚР Оқу-ағарту министрлігінің марапаты табысталды. Атап айтсақ, Ы.Алтынсарин, «Білім беру ісінің Құрметті қызметкері» төсбелгілері, «Арнайы білім беру ісінің үздігі», «Қосымша білім беру ісінің үздігі», «Орта білім беру ісінің үздігі» дипломдары, облыс әкімінің Алғыс хаты табысталды.Сонымен қатар, облыстың «Үздік орта білім ұйымы» грантын жеңіп алған Жалағаш ауданындағы Әл-Фараби атындағы №201 мектеп-лицейіне 34 млн теңгенің сертификаты берілді.<img src="https://knadmin.beoblood.kz/uploads/FB_IMG_1724083842948_177337cbf8.jpg" alt="FB_IMG_1724083842948.jpg"><img src="https://knadmin.beoblood.kz/uploads/FB_IMG_1724083845238_b51a0db0aa.jpg" alt="FB_IMG_1724083845238.jpg"><img src="https://knadmin.beoblood.kz/uploads/FB_IMG_1724083839913_cd82b1321c.jpg" alt="FB_IMG_1724083839913.jpg"><img src="https://knadmin.beoblood.kz/uploads/FB_IMG_1724083834504_ef4bdd08f4.jpg" alt="FB_IMG_1724083834504.jpg"><img src="https://knadmin.beoblood.kz/uploads/FB_IMG_1724083836759_6174a45be3.jpg" alt="FB_IMG_1724083836759.jpg">

Тамыз кеңесі: Әл-Фараби атындағы №201 мектеп-лицейіне 34 млн теңгенің сертификаты берілді

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгін аймақ басшысы Нұрлыбек Нәлібаевтың төрағалығымен өткен актив отырысында Қызылорда облысы бойынша экономикалық тергеп-тексеру департаментінің басшысы таныстырылды.Облыс әкімі жаңа басшының жауапкершілігі зор қызметіне игі тілектестігін білдірді.<blockquote>«Өздеріңізге белгілі, Қызылорда облысы бойынша экономикалық тергеп-тексеру департаментінің басшысы ретінде абыройлы қызмет атқарған Қайшыбеков Бақыт Сапарғалиұлы Шымкент қаласы бойынша экономикалық тергеп-тексеру департаментінің басшысы қызметіне тағайындалды. Қазақстан Республикасы Президенті Әкімшілігінің келісімі негізінде, Қаржылық мониторинг агенттігі төрағасының бұйрығына сәйкес Қызылорда облысы бойынша экономикалық тергеп-тексеру департаментінің басшысы лауазымына Кеңес Аслан тағайындалды.</blockquote>Бүгінде барлық құқық қорғау органдарымен бірлесіп, аймақтың тұрақтылығы жолында, экономикалық және қаржылық құқық бұзушылықтардың алдын алуда атқарылатын ауқымды міндеттер бар.Бірінші, департаменттің құзыреті шегінде экономикалық және қаржылық құқық бұзушылықтардың алдын алу, анықтау, жолын кесу, ашу және тергеп-тексеру амалдарын жүргізу.Екінші, қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл саласындағы бірыңғай мемлекеттік саясатты іске асыру.Үшінші, көлеңкелі экономикаға қарсы іс-қимыл бағытында қаржы пирамидаларының белгілерін алдын-ала анықтау.Төртінші, қаржылық сауаттылық және қаржылық қауіпсіздік негіздері аясында Қызылорда қаласы, аудан әкімдері мен тиісті салалық басқармалар бірлесіп, кешенді іс-шаралар ұйымдастыруы қажет.Асқан жауапкершілікті талап ететін салада Кеңес Аслан жоғары білімі мен мол тәжірибесін аймақтың игілігіне арнап, әлеуеті жоғары кадр ретінде экономикалық қылмыстарды анықтауға, олардың алдын алуға үлес қосады деп сенім білдіреміз», – деді Н.Нәлібаев.Кеңес Аслан 1978 жылы Солтүстік Қазақстан облысында дүниеге келген. Еңбек жолын 2000 жылы Қазақстан Республикасы Президентінің Күзет қызметінде бастап, әр жылдары қаржы секторында түрлі лауазымда қызмет атқарған. 2019-2020 жылдары Қаржы министрлігі Қаржы мониторингі комитетінің жедел департаменті жедел басқармасының аға уәкілі, басшысы болып жұмыс істеген. 2020-2023 жылдары Қаржы мониторингі агенттігі Батыс Қазақстан облысы бойынша экономикалық тергеу департаменті басшысының орынбасары қызметін атқарған. 2023 жылдың сәуір айынан Қаржы мониторингі агенттігі жедел департаменті басшысының орынбасары лауазымын атқарып келді.Фото: Қызылорда облысы әкімінің баспасөз қызметі

Қызылорда облысы бойынша экономикалық тергеп-тексеру департаментінің басшысы тағайындалды

<a href="https://kyzylorda-news.kz/">Kyzylorda-news.kz</a>&nbsp; Бүгін аймақ басшысы Нұрлыбек Нәлібаевтың төрағалығымен актив отырысы өтті. Жиында Қазақстан Республикасы Президенті Әкімшілігінің келісімі негізінде облыс әкімінің өкімімен облыс әкімі аппаратының басшысы мемлекеттік саяси лауазымына тағайындалған Мұхамедияров Әділхан Мерекеұлы таныстырылды.Нұрлыбек Машбекұлы жаңа қызметке тағайындалған облыс әкімі аппаратының басшысына сәттілік тілеп, алдағы уақыттағы міндеттерге тоқталды.«Әділхан Мерекеұлы – әр жылдары жергілікті атқарушы органдардағы, Президент Әкімшілігіндегі жауапты қызметтерде мол тәжірибе жинаған, тапсырманы тиянақты орындайтын жауапкершілігі жоғары азамат. Оның орталық атқарушы органдармен тығыз қарым-қатынаста жұмыс жасайтынын, жинаған мол тәжірбиесі мен білімін ескере келе, облыс әкімі аппаратының басшысы лауазымына тағайындау туралы шешім қабылдадық. Жаңа басшының кәсіби әлеуеті, біліктілігі аймақтың әлеуметтік-экономикалық өркендеуіне оң ықпал етеді.Әділхан Мерекеұлы аппарат қызметіне басшылық жасаумен қатар, өңірдегі цифрландыру, аумақтық және азаматтық қорғаныс, құқықтық тәртіп, жұмылдыру дайындығы, қылмыстың алдын алу, қоғамдық тәртіпті сақтау бойынша құқық қорғау және арнайы мемлекеттік органдармен өзара іс-қимылды қамтамасыз етеді», – деді Н.Нәлібаев.Әділхан Мерекеұлы 1987 жылы дүниеге келген, Солтүстік Қазақстан облысының тумасы. М.Қозыбаев атындағы Солтүстік Қазақстан мемлекеттік университетін «Мемлекеттік және жергілікті басқару» мамандығы бойынша бітірген. Экономика және бизнес магистрі. Бүгінде Е.Гумилев атындағы Еуразия ұлттық университетінде «Саясаттану» мамандығы бойынша докторантурада білімін жетілдіруде.Еңбек жолын 2008 жылы Солтүстік Қазақстан облысы бойынша салық департаментінің статисі болып бастап, әр жылдары мемлекеттік қызметте жоғары басшылық лауазымдарға дейінгі іздену жолынан өткен. 2008-2011 жылдары Солтүстік Қазақстан облыстық ішкі саясат басқармасының бас маманы, облыс әкімі аппаратының бас маманы, бас инпекторы болған. 2011-2017 жылдары Солтүстік Қазақстан облысы әкімінің көмекшісі, облыс әкімі аппараты ұйымдастыру-инспекторлық бөлімінің меңгерушісі, облыстық кәсіпкерлік және туризм басқармасы басшысының орынбасары болып жұмыс атқарды. 2017-2024 жылдары Қазақстан Республикасы Президенті Баспасөз қызметінің сарапшысы, консультанты, инспекторы жауапты қызметтерін абыроймен атқарған. 2024 жылдың қаңтар айынан Қазақстан Республикасы Президенті Баспасөз қызметінің сектор меңгерушісі қызметін атқарып келді.Бүгінгі кадрлық өзгерістерге сәйкес облыс әкімінің орынбасарлары мен аппарат басшысы арасындағы міндеттер бөлінісі қайта бекітіледі.Облыс әкімінің бірінші орынбасары Жаналинов Данияр Еренғалиұлы экономика және қаржы, мемлекеттік сатып алу, сәулет-құрылыс бақылау, денсаулық сақтау, еңбек қатынастары, жұмыспен қамту салаларына жетекшілік жасайды.Облыс әкімінің орынбасары Жаханов Бахыт Дүйсенұлы ауыл шаруашылығы және жер қатынастары, табиғи ресурстар және табиғат пайдалануды реттеу, ветеринария, құрылыс және сәулет, энергетика және тұрғын үй-коммуналдық шаруашылық салаларына жетекшілік етеді.Облыс әкімінің орынбасары Байманов Шахмардан Асқарұлы қоғамдық даму, мәдениет, дене шынықтыру және спорт, туризмді дамыту, білім, дін және жастар ісі мәселелеріне жетекшілік жасайды.Облыс әкімінің орынбасары Зебешев Ардақ Темірханұлы кәсіпкерлік және өнеркәсіп, инвестициялар және индустриялық-инновациялық даму, жолаушылар көлігі және автомобиль жолдары салаларына жетекшілік жасайтын болады.Облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Нұртай Қайрат Ырзақұлұлы Қазақстан Республикасы Президентінің 2006 жылғы 25 шілдедегі № 155 Жарлығымен бекітілген «Байқоңыр» кешеніндегі Қазақстан Республикасы Президентінің арнаулы өкілі туралы ережеде көзделген міндеттер мен өкілеттіктерді жүзеге асырады.Актив отырысында аймақтың әлеуметтік-экономикалық дамуына үлес қосқан мекемелердің, ауыл шаруашылығы құрылымдарының басшылары облыс әкімінің Алғыс хатымен марапатталды.

Облыс әкімі аппаратының басшысы тағайындалды

<a href="https://kyzylorda-news.kz/">Kyzylorda-news.kz</a>&nbsp;&nbsp; Қазақстандық зілтемірші Илья Ильин Рахим Ошақбаевқа берген <a href="https://www.youtube.com/watch?v=errLIn5sndE">сұхбатында</a> Алмас Өтешовпен қарым-қатынасы туралы айтты, - деп хабарлайды <a href="https://massaget.kz/">Massaget.kz</a>.Ол ауыр атлетикадан әлем чемпионатының күміс жүлдегері, Азия чемпионы болған Алмас Өтешовпен қарым-қатынасы туралы айтты.&nbsp;<blockquote>"Алмас - менің досым, кезінде бірге жаттыққанбыз, командада болып, мені қолдаған жандардың бірі. Бір уақытта бәріне қиын болатын сәт болады. Әрине, оның осындай күйге түскені аянышты. 10 жыл бойы ол ішімдікке үйір болды. Көп шындықты айтты. Реніштері де бар, оның жан дүниесіндегі айқайды қоғамның естігенін қалады. Ол қазір клиникада емделіп жатыр. Жағдайы жақсы. Қоғам оған барын берді, көмектесті, бірақ ол көтере алмады. Ешкім одан теріс айналған жоқ. Сондықтан, мені де, оны да халықтың кіналамағанын қалар едім. Ол ақылға келіп, ішімдік ішуден бас тартса - бұл біздің жеңісіміз болар еді. Жақын күндері ем қабылдап болған соң бейнежазбаға түсіріп, жариялайтын боламын", - деді ол.&nbsp;</blockquote>&nbsp;

«Қоғам оған барын берді, бірақ ол көтере алмады»: Илья Ильин Өтешовпен қатынасы туралы айтты

Kyzylorda-news.kz. Бүгін ҚР Ауыл шаруашылығы министрі Айдарбек Сапаров пен облыс әкімі Нұрлыбек Нәлібаевтың қатысуымен Жалағаш ауданы "Таң" ауылының егіс алқабына алғашқы орақ түсу рәсімі өтті.Салтанатты рәсімге республикалық ардагерлер ұйымы төрағасының бірінші орынбасары, профессор Өмірзақ Озғанбаев, &nbsp;Парламент Сенаты мен Мәжілісінің депутаттары, барлық &nbsp;облыс әкімінің орынбасарлары мен ірі ауыл шаруашылығы құрылымдарының басшылары қатысты.Аймақ басшысы ізгі тілегін білдіріп, агросалада атқарылған жұмыстарға тоқталды.<blockquote>"Ауыл шаруашылығы - аймақ экономикасын өрістеткен негізгі бағыттардың бірі. Оның ішінде, аймақтың табиғи ерекшелігіне, ауа райы мен топырақ құрамына бейімделген негізгі дақыл - күріш.Соңғы жылдардағы су тапшылығының кері әсері Сыр диқандарына оңай соқпады. Осы орайда Мемлекет басшысы Қасым-Жомарт Кемелұлы мен Үкімет басшысы Олжас Абайұлының, Үкімет мүшелерінің бастамасымен Сырдария өзенінің жоғарғы ағысындағы мемлекеттермен дер кезінде келіссөз жүргізіліп, &nbsp;қолдау жасалды. Нәтижесінде &nbsp;егісіміз сумен толық қамтамасыз етілді. Сол үшін барша Сыр диқандары атынан шексіз алғысымызды білдіреміз.Вегетация кезеңіне бекітілген су лимитіне сәйкес &nbsp;күрішті 84 мың 300 гектарға ектік.Жыл сайын аграрлық саланы қолдауға қомақты қаржы бөлінуде. Мемлекет басшысы ауыл шаруашылығының жалпы өнім көлемін 5 жылда екі есе ұлғайту жөнінде тапсырма бергені белгілі. Осы ретте егістікті әртараптандыруға, су үнемдеу технологияларын қолданып егіс көлемін &nbsp;арттыруға ден қойылуда. Жеңілдетілген дизель отыны шаруашылықтарға мерзімінде жеткізілді.&nbsp; Диқан қауымы ауызбірліктің үлгісін көрсетіп, &nbsp;суды ысырапсыз пайдаланып, жоспарлы &nbsp;жұмыс жасауда», - деді Н.Нәлібаев.</blockquote>Ауыл шаруашылығы министрі Айдарбек Сапаров жиналған жұртшылықты құттықтап, атқарылған жұмыстарға оң бағасын берді, мемлекет тарапынан тиісті қолдау көрсетілетінін айтты.Егін орағының басталуына арналған іс-шарада&nbsp; азық-түлік қауіпсіздігін қамтамасыз ету мақсатында республиканың әр өңірінен келген кәсіпорындардың келісімге қол қою рәсімі өтті. Нақтырақ айтсақ, &nbsp;«Шымкент» &nbsp;ӘКК АҚ мен «Жан - Арай" ЖШС, &nbsp;«Павлодар» ӘКК АҚ &nbsp;мен «Абай -Дәулет» ЖШС, &nbsp;«Алматы» ӘКК АҚ мен &nbsp;«Алтын Орда» ЖШС арасында меморандумға қол қойылды.Шараға қатысушылар егін жинауға арналған ауыл шаруашылығы техникаларымен, облыста өндірілетін агроөнім түрлерімен танысып, &nbsp;мамандармен пікір алмасты. Сала ардагері Нұрлыбай Ұлықпанұлы ақ батасын берді. Сыр диқандары суды үнемдеу мақсатында соңғы&nbsp; 10 жыл көлемінде күріш егістігінің 55 мың гектарын лазерлік тегістеді. Алдағы 5 жылда бұл &nbsp;72 мың гектарға жеткізіледі. Биыл су үнемдеу технологиясын пайдалану 4,4 мың гектарға жетті, алдағы 5 жылда оны 24,2 мың гектарға арттыру жоспарлануда.Биыл «Таң ЛТД» серіктестігі қытайлық компаниямен бірлесіп, Шиелі ауданында 800 гектарға тамшылатып суару әдісімен дән жүгері екті. 2025-2026 жылдары тамшылатып суарылатын егістік көлемі 3 мың гектарға дейін ұлғайтылады.Сол сияқты Қазалы және Арал аудандарында ауқымды жобалар бастау алды. Арал ауданындағы «Кэмел Про» шаруа қожалығында &nbsp;830 гектар жоңышқаны, &nbsp;Қазалы ауданындағы «РЗА Агро» серіктестігінде 184 гектар мал азықтық дақылдарды жаңбырлатып суару жобалары бар.Сонымен қатар, делегация "Таң" ауылының әлеуметтік-экономикалық дамуымен танысты. Айта кету қажет, «Таң ЛТД» серіктестігінің құрылтайшысы, Қазақстанның Еңбек Ері Имамзада Шағыртаев соңғы жылдары ауылдың әлеуметтік-экономикалық дамуына 1,5 млрд. теңгеден астам қаржы бөліп, &nbsp;әлеуметтік нысандарды жөндеді. &nbsp;"Тағзым", футбол, балалар ойын алаңдарын салып, &nbsp;жолдарды жаңғыртты, &nbsp;көшелерді жарықтандырды.<img src="https://knadmin.beoblood.kz/uploads/FB_IMG_1723924680236_64a9cec5fd.jpg" alt="FB_IMG_1723924680236.jpg"><img src="https://knadmin.beoblood.kz/uploads/FB_IMG_1723924666726_cc6914b985.jpg" alt="FB_IMG_1723924666726.jpg"><img src="https://knadmin.beoblood.kz/uploads/FB_IMG_1723924694679_c734f141a6.jpg" alt="FB_IMG_1723924694679.jpg"><img src="https://knadmin.beoblood.kz/uploads/FB_IMG_1723924684194_bd5f12b7f7.jpg" alt="FB_IMG_1723924684194.jpg"><img src="https://knadmin.beoblood.kz/uploads/FB_IMG_1723924687416_d4a3c3dc7e.jpg" alt="FB_IMG_1723924687416.jpg"><img src="https://knadmin.beoblood.kz/uploads/FB_IMG_1723924701065_137434cdc9.jpg" alt="FB_IMG_1723924701065.jpg"><img src="https://knadmin.beoblood.kz/uploads/FB_IMG_1723924677159_ffa35d996f.jpg" alt="FB_IMG_1723924677159.jpg">

Қызылорда облысында егінге орақ түсті

Kyzylorda-news.kz. Сырдария ауданында өткен «Бизнестің әлеуметтік жауапкершілігі – ауылды дамытудың негізі» республикалық семинары барысында облыс әкімі Нұрлыбек Нәлібаев «Үлгілі елді мекен» байқауының жеңімпаздарын марапаттады. &nbsp;Іс-шараға Сыр өңіріне арнайы келген ҚР Ауыл шаруашылығы министрі Айдарбек Сапаров, Парламент Сенатының, Мәжілісінің депутаттары, ведомство басшылары, барлық облыс әкімінің орынбасарлары, ауыл шаруашылығы басқармаларының басшылары және ірі шаруашылық құрылымдарының төрағалары қатысты.Аймақ басшысы ауылды дамыту &nbsp;мемлекеттік саясаттың аса маңызды стратегиялық мақсаттарының бірі екенін атап өтті.<blockquote>«Өздеріңізге белгілі, елімізде Президентіміздің бастамасымен «Таза Қазақстан» республикалық экологиялық акциясы өтуде. Акцияға сырбойылықтар да белсенді &nbsp;атсалысып, туған жеріміздің көркейіп-гүлденуіне &nbsp;үлес қосуда. &nbsp;Елді мекендерді дамыту, оның ішінде ауылдағы ағайынның тұрмыс-тіршілігін жақсарту, &nbsp;көркейту-көгалдандыру бағытында атқарылған жұмыстарды ынталандыру, бағалау мақсатында былтырдан бері «Үлгілі елді мекен» облыстық конкурсын қолға алдық. Өткен жылы конкурс 2 мәрте өткізілді. &nbsp;Жеңімпаздарға облыстық бюджеттен &nbsp;бөлінген 1 млрд. теңгеге &nbsp;күнделікті тұрмысқа қажетті &nbsp;29 арнайы техника табысталды. Ауыл-аймақтың ажарын айшықтап, келбетін көркем етуге бағытталған «Үлгілі елді мекен» конкурсы аудан орталықтары мен ауылдар арасында &nbsp;дәстүрге айнала бермек», - деді Нұрлыбек Машбекұлы.</blockquote>Айта кетейік, осы жолғы байқауға облыстық бюджеттен 564 млн теңге қаржы бөлінді. &nbsp; Зиялы қауым өкілдерінен, облыстық мәслихат депутаттарынан, қоғам белсенділерінен құралған тәуелсіз сарапшылық комиссия жеңімпаздарды анықтап, әділ бағасын берді. «Үлгілі аудан» номинациясы бойынша Сырдария ауданының Тереңөзек кенті үшінші орын, Шиелі кенті екінші орын, Қармақшы ауданы, Жосалы кенті &nbsp;бірінші орын алды. «Үлгілі ауыл» номинациясы бойынша Арал ауданы, Аманөткел ауылы үшінші орын, &nbsp;Жаңақорған ауданы, Қожакент ауылы екінші орын, Жалағаш ауданы, Еңбек ауылы бірінші орынды иеленді. Жеңімпаздарға &nbsp;436 млн теңгенің 19 арнайы техникасы табысталды. Мұнан бөлек, «Үлгілі елді мекен» номинациясы бойынша тірек және серіктес елді мекендер санатына кірмейтін үлгілі ауылдардағы абаттандыру жобаларын қаржыландыруға 15 млн. теңгенің сертификаттары берілді. Марапат Арал ауданы Қосжар ауылына, Қазалы ауданы Өркендеу ауылына, Қармақшы ауданы Қармақшы ауылына, Жалағаш ауданы Аққыр ауылына, Сырдария ауданы Айдарлы ауылына, Шиелі ауданы Ортақшыл ауылына, Жаңақорған ауданы Өзгент ауылына табысталды. Еске салсақ, биыл коммуналдық &nbsp;және абаттандыру &nbsp;мекемелеріне &nbsp;73 техника алынса, жыл соңына дейін тағы да &nbsp;33 арнайы техника әкелініп, &nbsp;ел игілігіне қызмет етеді.<img src="https://knadmin.beoblood.kz/uploads/FB_IMG_1723903294144_3f4053127d.jpg" alt="FB_IMG_1723903294144.jpg"><img src="https://knadmin.beoblood.kz/uploads/FB_IMG_1723903316029_115dbf61aa.jpg" alt="FB_IMG_1723903316029.jpg"><img src="https://knadmin.beoblood.kz/uploads/FB_IMG_1723903310598_4bf0466158.jpg" alt="FB_IMG_1723903310598.jpg"><img src="https://knadmin.beoblood.kz/uploads/FB_IMG_1723903319476_b34ec3ff74.jpg" alt="FB_IMG_1723903319476.jpg">

Қазақстан және Қызылорда облысының басты жаңалықтары