<a href="https://kyzylorda-news.kz/">Kyzylorda-news.kz.</a> Наннан құдіретті не бар? Бір замандары «Нан болса, ән де болады» дедік. Бұл ақиқат сөз еді. Әлемде бір үзім нанға зар болып отырған миллиондар аз ба? Айлығы шайлығына жетпей, қалт-құлт етіп бір үзім нан үшін базар жағалап жүргендер өзімізде де баршылық емес пе? Олар жанының қадірін білмесе де, нанның қадірін жақсы түсінеді. Біз бұл арада жасып жүргендерді ғана емес, асып ішіп, тасып жүргендердің нанды аяқ асты ете бастағанын да меңзеп отырмыз.Қазір әлеуметтік желі арқылы әркім өз базынасын әлемге жеткізе алады. Ол рас. Десек те, кейде бір мәселені көтергенде оның екінші тұсын ескере бермейміз. Мәселен, дүкендерде сатылатын 1 бөлке нанның салмағы қанша? Ал мемлекеттік стандартта нанның салмағы қанша грамм болуы керек? Шиелі кенті ардагерлер кеңесінің төрағасы Болат Күлімбет біраз уақыт бұрын өзінің фейсбук парақшасында нанға қатысты бір мәселе көтерген болатын. Аудан тұрғындарының талқысына түскен нанның бағасы мен қадірі жайында біз де толығырақ тарқатып көргенді жөн санадық. Сонымен Б.Күлімбет:&nbsp;<blockquote>– Мемлекеттік стандарт тек медициналық құралдарда ғана бар деп ойласам, олай емес барлық жерде бар екен. Мысалы, 1 бөлке нан мемлекеттік стандарт бойынша 620 грамм болуы керек болса, «Қазына» сауда орталығынан сатып алған 1 бөлке нан 370 грамм болып шықты. Әрине бұған дүкеннің еш қатысы жоқ. Мәселе наубайханада болып тұр. Биыл 2024 жылы кәсіпкерлерді тексермеу туралы мараторий 1 қаңтардан бастап тоқтатылды. Сіздің жеп отырған наныңызды салмағы қанша грамм? Наубайханашылар қандай уәж айтар екен? – деді.&nbsp;</blockquote>Алдымен дүкен сөрелеріндегі нан бағасын зерделедік. Кент орталығындағы бірнеше дүкенге бас сұғып, 1 бөлке нанның бағасы 110-115 теңгеден сатылып жатқанын білдік. Енді ардагердің сауалына жауап іздеп Тәуелсіздік көшесі бойындағы «Дархан» наубайханасына жол тарттық. Бізді Сұлтан Дәулет есімді азамат күтіп алды.&nbsp;<blockquote>– 1 бөлке нанның қамыр күйіндегі салмағы 420 грамм, ал піскен нан 380 грамм болады. Біз дүкендерге нанның 1 данасын 100 теңгеден жеткізіп береміз. Егер 1 нанның салмағы 620 грамм болуы керек болса, бізде нанды 200 теңгеден өткізуге тура келеді. Себебі мемлекеттен көрсетілетін жәрдем бойынша ұнды келісім шартпен СПК «Байқоңыр» арқылы 7800 теңгеден алатынбыз. Алайда ол ұннан жасалған нан піспейді, сапасы өте нашар. Халық ол нанды өзімізге қайтарып әкеліп берді. Сондықтан келісімшартты үзіп, 1 жылдан бері ұнды 10 500 теңгеден сатып алудамыз. Сондай-ақ 5 адамды жұмыспен қамтып отырмыз. Олардың айлық жалақысы 150-200 мыңның арасында. Одан бөлек жанар жағар май, жарық пен жылу, салықты қоссақ, наубайханашыға қалар табыс тиын-тебен ғана, – деді наубайханашы.&nbsp;Расында ас атасына балайтын нанның қандай еңбекпен дастархан басына келетінін кейде ескере бермейді екенбіз. Қазіргі таңда ауданда ірі 7 наубайхана бар. Мәселен, 50 келі 1 қап ұн 10 500 теңге болса, одан 130 нан шығады. Ал 130 дана нан 13 000 теңге болады. Одан наубайханаға 2500 теңге пайда қалады. Енді ол пайдасы әр дүкенге нан тасымалдайтын көлігінің жанар жағар майына, жұмысшылардың жалақысына, салық пен жылуына шашқанда қандай пайда қалмақ? Оны да ойламасқа болмайды.&nbsp;</blockquote><blockquote>– Менің наубайханада жұмыс істегеніме 20 жыл болыпты. Осыдан 20 жыл бұрын бір шөлмек минералды су 60 теңге, нанның бір бөлкесі 60 теңге болды. Ал қазір екеуінің арасындағы айырма жер мен көктей. Мәселен, су 500 теңге болса, нан бағасы – 110 теңге. Бұл – нанның қадірін түсірмей ме?. Қазір «ішкенің – алдыңда, ішпегенің – артыңданың» заманы. Бұрын жерге түскен нанның қиқымын теріп, қасиетті санасақ, қазір қоқыс жәшіктерінің жанынан өте қалсаң, жаның түршігеді. Жағалай шашылған – нан. Осыдан соң 5 теңге қосылса «нан қымбаттады» деп шуылдап жатамыз. Меніңше, нанның шынайы бағасы 150-200 теңгеден болуы керек. Сонда ғана нанның қадірін түсінетін шығармыз, – деді Жанар апай.&nbsp;</blockquote>Арзанның қадірі болмайтыны тәрізді, бидайдың бағасын өмір бойы төмен бағада ұстап тұру да ауыл шаруашылығын өркендетуге кері әсерін тигізері сөзсіз. Өйткені кез келген шаруа тер төгіп өсірген бидайын арзан бағаға бергісі келмейді. Бірақ лаж жоқ, баға сондай болған соң, нарықта белгіленген бағаға өткізуге мәжбүр.​​​Ал дала қосындағы тіршілік техникасыз бітпейді. Демек, техникаға кетер дизель отынының бағасы еткен еңбегіңнің жарымын соған жұмсауға алып келеді. Содан, жер тырнаған диқанның да қай бір шекесі шылқи қойсын?! Нан бағасы, мұның өзі – үлкен бір мәселе. Оның бағасы көтерілер болса, ауылдағы кәсіпкер бидайын қымбатқа өткізіп, жағдайын жақсартар еді, техника паркін жаңалар еді. Ал ауылдың жағдайының жақсарғаны – мемлекетіміздің жағдайының жақсарғаны. Енді бидай бағасы қымбат болса, оны сатқан ауылдағы ағайын біраз пайда табар еді. Демек, келесі жылы ол бидайды көбірек егуге мүдделі болады. Өнімнің көлемімен қатар, сапасын арттыруға тырысады. Ауылда жұмыс болса, жұмыссыз жүрген жастар да баруға ұмтылады. Шыны керек, бәріміз жиылып, қалаға үдере көшкеннен еш пайда жоқ. Ауылға тұрып, жұмысын істеп, малын өсіріп, егінін егіп отырса – нұр үстіне нұр емес пе?!&nbsp;Осы орайда аудандық ауыл шаруашылығы бөлімінің арнайы маманы Қасымхан Құрманалиевпен тілдескен едік. Маман «Ауданда ірі 7 наубайхана СПК «Байқоңырмен» келісімшартқа отыратын. Алайда 2023 жылдың мамыр айынан бастап барлық наубайхана әлеуметтік ұннан бас тартты. Ұн жол шығынымен 7400 теңгеге келеді. Бірақ әлеуметтік ұннан жасалған нан дұрыс піспей, тұрғындардан көп шағым түскендіктен келісім шарт толық үзілді» деп наубайханашылардың сөзін растады. Ал кент тұрғындарының бірі «Нан бағасын қымбаттатуға қарсымын. Өйткені тұрмысы төмен отбасылардың қалтасына салмақ түседі» десе, енді бірі «Бидайдан жасалған ащы судың 1 құтысы 1000 теңгеден кем емес, дәл сол бидайдан жасалған нан неге арзан болуы керек. Қымбаттасын! Ел қадірін білсін!» десті.&nbsp;Расында, тоқшылықтың мәуесін тарылтып алмайық Дамыған елдердің озық тәжірибесін негізге алсақ, Алманияда күнделікті 3 мыңнан астам түрлі нан мен тоқаш пісіріліп, сатылады екен. Елдегі орташа көрсеткіш бойынша бір неміс отбасы жылына 42,4 кило нан тұтынады. Мәселен, Штутгарт қаласында багеттер теңгеге шаққанда – 1 500 теңге. Германиялықтарда ұзақ жылдар бойы наубайшы мамандығы кеңінен өріс алды. Қазіргі таңда неміс наубайшылары өнімдерін әлеуметтік желілер мен көрмелерде жиі жарнамалап жүр. Сөйтіп, кәсіби дағдыларын жетілдіріп, көпшіліктің қалауындағы өнімді ұсынуға тырысады. Алманиялықтардың ас атасына деген сүйіспеншілігі жыл сайын артпаса, кеміген емес. Сол себепті бұл елде нан-тоқаш өнімдерінің 3200 түрі бар. Осыған байланысты мемлекеттің қолдауымен «Неміс нан институты» құрылып, тоқсан сайын арнайы бақылау жүргізіліп тұрады екен. Ал Күншығыс елінде күріш тағамы негізгі өнім болғанымен, кейінгі кездері Батыс иіріміне бет бұрғанын аңғаруға болады. Мәселен, жергілікті тұрғындар дүкен сөрелеріндегі француз багеттері мен америкалық тостерлерді жиі сатып алады. Осы орайда бір нанның бағасы иенге шаққанда – 610 теңге болады екен. Осылайша әлемдік тәжірибенің өзі ас атасына деген құрметтің қандай болатынын аңғартып отыр. Ал біз де ше?&nbsp;Туған күнде тәтті тортты бетке ұрып, бүтін нанды қоқысқа тастаймыз. Тіпті әлеуметтік желіде тренд қуам деп нанды табан асты етіп жатқан жасөспірімдердің ісі ше? «Алты жыл аш жүрсең де, ата салтыңды ұмытпа» деген текті қазақтың ұрпағымыз. Қашанда үлкеннің ғибратын құлаққа ілеміз. Олай болса, нанға зар болғандар мен нантепкі жасап жүргендердің «тірлігін» жұрт болып жұмылып айта алсақ, қане. «Нан қалдығын енді қайда тастаймыз?» дейтіндер де табылар. Көбіне мұрты бұзылмаған тоқаштар көгеріп, үлкен дүкендер мен мейрамханалардан шығады. Мүмкін нан қалдығын жинап, фермермен келісімге келіп, соларға берсе, қасиетті нан қара жерде жатпас па еді? Нан қадірі – жан қадірінен кем емес дегенді әр азамат түсінсе, кіндігінен тараған ұл-қызына ұқтырса, иманды іске ұйытқы болар ма еді? Ал нан бағасы сапасына сай болса қымбатсына қоймайтын шығармыз…

Шиеліде нан бағасы қымбаттай ма?

<a href="https://kyzylorda-news.kz/">Kyzylorda-news.kz</a>. 1 наурыздан бастап Қазақстанның он бес өңірі бірыңғай уақыт белдеуіне ауысады. Осылайша бүкіл республикада уақыт теңеседі. Бірыңғай уақытқа кімдер көшеді және ол үшін не істеу керек? Бұл туралы &nbsp;<a href="https://sputnik.kz/?_ga=2.173710886.425154089.1580271483-1869376011.1580271483">Sputnik Қазақстан</a> хабарлады.<h3 style="margin-left:0px;">Қазақстан неліктен бірыңғай уақыт белдеуіне көшкелі отыр</h3>Қазір елімізде UTC+5 және UTC+6 екі уақыт белдеуі қолданылады. Республиканың батысын қоспағанда, елдің көп бөлігі UTC+6 аймағында орналасқан. Ғалымдардың сөзіне сенсек, UTC+6 уақыт белдеуі табиғи күн уақытына сәйкес келмейді. Адам денсаулығы үшін күн сәулесіне, яғни табиғи уақытқа барынша жақын тұрақты уақыт белдеуін қолданған дұрыс.Денсаулық сақтау министрлігі де осы ұстанымды ұстанып отыр. Өйткені уақыттың табиғи тәртібінен озуы шаршаңқылыққа, күйзеліс пен ұйқысыздыққа, созылмалы аурулардың пайда болуына себеп екен.Адам денсаулығына оң әсерінен бөлек, бірыңғай уақыт белдеуі экономикалық шығындарды да азайтпақ.Қазақстандағы уақытты есептеу мәселелері бойынша ведомствоаралық жұмыс тобы бір жыл бойы бірыңғай уақыт белдеуін зерттеп-зерделеп, осындай қорытындыға келген. Сөйтіп елді бір сағатқа – UTC+5 белдеуіне ауыстыруды ұсынған.<h3 style="margin-left:0px;">Сағат тілі артқа жылжиды</h3>Сағат тілі 2024 жылы 29 ақпаннан 1 наурызға қараған түні 00.00-де ауысады.Мына өңірлер жергілікті уақытты 1 сағатқа артқа шегереді:1.Астана2.Алматы3.Шымкент қалалары.АбайАқмолаАлматыЖамбылЖетісуҚарағандыҚостанайПавлодарСолтүстік ҚазақстанТүркістанҰлытауШығыс Қазақстан облыстары.Уақыт өзгермейтін облыстар:1.Атырау2.Ақтөбе3.Маңғыстау4.Батыс Қазақстан5.Қызылорда.Осылайша көктемнің алғашқы күнінен бастап бүкіл Қазақстан UTC+5 уақыт белдеуіне ауысады.<h3 style="margin-left:0px;">Телефонда уақыт қалай ауысады</h3>Азаматтарға түнгі он екіде смартфондағы сағатты өз бетінше 60 минутқа артқа жылжытудың қажеті жоқ. Гаджетте автоматты жаңарту қосулы тұрса және интернет болса уақыт автоматты түрде өзгереді. Құрылғының сағатын бірыңғай уақыт белдеуімен сәйкестендіру үшін операциялық жүйені соңғы нұсқасына дейін жаңарту жеткілікті.Сағат автоматты түрде ауыспаған жағдайда не істеу керектігін толығырақ цифрлық даму министрлігінің <a href="https://www.gov.kz/memleket/entities/mdai/press/news/details/713412?lang=ru">сайтынан </a>оқыңыз.<h3 style="margin-left:0px;">Пойыздар мен ұшақтардың уақыты</h3>Бірыңғай уақытқа ауысуға байланысты ұшаққа немесе пойызға билет алған жолаушылар рейстеріне кешігіп қалмаймыз ба деп алаңдайды.Осыған байланысты Қазақстанның авиация әкімшілігі 29 ақпан мен 2 наурыз аралығында "қауырт желіні" іске қосты. Жолаушылар +7 7172 798214, +77172 798213 нөмірлері арқылы рейстің ұшу уақытын біле алады.Сондай-ақ отандық әуе компанияларына да хабарласуға болады:"Air Astana" + 7727244 44 77, +7 7172 58 44 77, +7 702 702 44 77;"FlyArystan" +7 727 331 1010 (WhatsApp +7 702 702 0227);"SCAT" +7 7252 99 88 80;"Qazaq Air" + 7 727 356 14 14.Ал пойыз жолаушылары анықтамалық ақпаратты 1433 нөмірі бойынша немесе @KTZH_PP_BOT Telegram боты арқылы ала алады.<h3 style="margin-left:0px;">Ұялы байланыс</h3>Жаңа уақыт белдеуіне ауысқан сәтте техникалық жұмыстарға байланысты уақытша байланыс үзіліп, <a href="https://sputnik.kz/20240223/qazaqstanda-biryngay-uaqyt-beldeui-engiziledi-ne-isteu-kerek-42472790.html">мобильді қызметтердің бір бөлігінде шектеулер болуы мүмкін.</a> Осыған байланысты операторлар тариф бойынша төлемді күні бұрын төлеп қоюға кеңес берді.<h3 style="margin-left:0px;">Электронды үкімет уақытша жұмыс істемейді</h3>Бірыңғай уақыт белдеуіне көшуге байланысты "Ұлттық ақпараттық технологиялар" АҚ қызмет көрсететін бірқатар сайт уақытша істен шығады.29 ақпан сағат 22:00-ден 1 наурыз 02:00-ге дейін мына порталдар жұмыс істемейді:eGov.kz порталы және оның құрамдас бөліктері;egov mobile мобильді қосымшасы;"Е-нотариат" бірыңғай нотариаттық ақпарат жүйесі;"Техникалық бақылау" бірыңғай ақпарат жүйесі;"e-Otinish" электрондық өтініштер қызметі және тағы басқалары.<h3 style="margin-left:0px;">Сабақ нешеде басталады</h3>1 наурыздан мектептерде сабақтың басталу уақыты өзгеруі мүмкін. Бұл жайлы журналистерге оқу-ағарту министрі Ғани Бейсембаев мәлімдеген еді."Біз жергілікті атқарушы органдарға, қажет болса, сабақтың басталу уақытын қайта қарауға мүмкіндік береміз. Бұған ешқандай кедергі көріп тұрған жоқпын. Мысалы, таңғы 08.00-ден оқитын мектептер 08.30-да бастай алады. Әрине, мүмкіндік бар", - дейді ведомство басшысы.<h3 style="margin-left:0px;">Намаз уақыты өзгереді</h3>Қазақстан мұсылмандары діни басқармасы еліміз UTC +5 уақытына ауысқаннан кейін намаз уақыты да автоматты түрде өзгеретінін мәлімдеді.Тиісті елді мекендегі намаз уақыты жайлы мүфтият сайтындағы намаз кестесінен білуге болады. Ал жұма намазының жаңа кестесі төменде көрсетілген.<img class="image_resized" style="width:auto;" src="https://sputnik.kz/img/07e8/02/1b/42533795_0:0:1320:1600_1920x0_80_0_0_2f8523e368fdcf91a8e85c61009ff7e5.jpg.webp" alt="Жаңа жұма намаз кестесі - Sputnik Қазақстан, 1920, 28.02.2024" srcset="https://sputnik.kz/img/07e8/02/1b/42533795_0:0:1320:1600_640x0_80_0_0_46384b7cb65ccfe39cb0afe0fef52bc7.jpg.webp 640w,https://sputnik.kz/img/07e8/02/1b/42533795_0:0:1320:1600_1280x0_80_0_0_814cbfc39c34f788316194f54c8ccd29.jpg.webp 1280w,https://sputnik.kz/img/07e8/02/1b/42533795_0:0:1320:1600_1920x0_80_0_0_2f8523e368fdcf91a8e85c61009ff7e5.jpg.webp 1920w" sizes="100vw" width="1920">Жаңа жұма намаз кестесі© <a href="https://www.muftyat.kz/kk/news/qmdb/2024-02-27/43971-namaz-uaqytynyn-ozgeruine-bailanysty-qmdb-habarlamasy/">Мұсылмандар діни басқармасы</a><h3 style="margin-left:0px;">Кәсіпкерлердің кассалық аппараттары</h3>Аппараттық-бағдарламалық кешен саналатын бақылау-кассалық машиналарда 1 наурыз сағат 00:00-де өндірушілер серверінде уақыт автоматты режимде жүргізіледі.Ал "темір" бақылау-кассалық машиналарда уақытты 29 ақпаннан кейін өз бетінше реттеуге тура келеді.Қандай да бір сұрақтар туындаған жағдайда БКМ сүйемелдеу шарттары аясында Техникалық қызмет көрсету орталықтарынан, Мемлекеттік кірістер басқармаларынан немесе байланыс-орталығынан 1414 телефон нөмірі (3) бойынша тегін кеңес алуға болады.Фото:freepik.com

Бүгін түнде сағат тілі ауысады: қазақстандықтар не істеуі керек?

<a href="https://kyzylorda-news.kz/">Kyzylorda-news.kz</a>. Облыс әкімі Нұрлыбек Нәлібаевтың төрағалығымен өткен ауыл шаруашылығы құрылымдары өкілдерімен кездесуде болжамды су көлеміне сәйкестендіріп егін егу мәселесі талқыланды.<blockquote>«Облыстың ірі шаруашылықтары ауыспалы егіс тәртібін сақтаудың, атыздарды лазерлік тегістеудің суды үнемдеудегі, өнімділікті көтерудегі тиімділігіне көз жеткізуде.Мемлекет басшысы Үкіметтің кеңейтілген отырысында көрші елдердің тәжірибесін зерттеп, су үнемдеу технологияларын кеңінен енгізуді тапсырған болатын. Күріш алқабындағы суды үнемдеудің бірден-бір жолы – атыздарды лазерлік тегістеу. Өзбекстан Республикасында ЮНЕСКО-ның «ZEF/UNESCO» жобасы шеңберінде іске асқан ғылыми зерттеулерге талдау жүргізілді. Нәтижесінде суармалы суды 20 пайызға дейін үнемдеуге және өнімділікті 30 пайызға дейін арттыруға болатыны дәлелденді. Бұл әдісті аймағымыздың диқандары 2013 жылдан бері инженерлік жүйеге келтірілген ауыспалы күріш егістігінің 55 пайызына енгізді. Алдағы уақытта бұл жұмыстарды әрі қарай жалғастырамыз», – деді аймақ басшысы.</blockquote><figure class="image"><img src="https://knadmin.beoblood.kz/uploads/417544960_701371292184118_999321490571127946_n_dacb2f746c.jpg" alt="417544960_701371292184118_999321490571127946_n.jpg"></figure>Нұрлыбек Машбекұлы ҚР Су ресурстары және ирригация министрі Нұржан Нұржігітовтен лазерлік тегістеу әдісін су үнемдеу технологияларының қатарына қосу жөніндегі ұсынысты қолдауды сұрады.Жиында бірқатар компания басшылары суды үнемдеп пайдалану бағытындағы тәжірибелерін баяндап, зерттеу нәтижелерін ұсынды.Кездесу қорытындысымен облыс әкімі жауапты мекемелерге бірқатар тапсырма беріп, жергілікті шаруашылық иелерін суды ысырапсыз пайдалануға шақырды.Фото: облыс әкімінің баспасөз қызметі&nbsp;<img src="https://knadmin.beoblood.kz/uploads/417444262_701371388850775_313401130689798375_n_816f8e40cd.jpg" alt="417444262_701371388850775_313401130689798375_n.jpg"><img src="https://knadmin.beoblood.kz/uploads/417492059_701371688850745_7946082127237537479_n_8a90c6a792.jpg" alt="417492059_701371688850745_7946082127237537479_n.jpg">

Күріш өсірудің озық тәжірибесі таныстырылды

&nbsp;<a href="https://kyzylorda-news.kz/">Kyzylorda-news.kz</a>. Қазіргі таңда мемлекет тарапынан жергілікті әкімдіктерге қойылып отырған бірінші талап – кәсіпкерлікті дамытып, жұмыс орындарын ашу, жергілікті салық базасын ұлғайту және қоғамдық саяси тұрақтылықты сақтау. Бұл бағытта ауданда бірқатар жұмыстар жүзеге асты. Орта және шағын бизнестің дамуына қолдау ретінде түрлі бағдарламалар іске қосылып, нәтижесін беруде. Яғни, кәсіпкерлік көкжиегінің кеңеюі жұмыссыздық мәселесінің оң шешілуіне ықпал етіп келеді. Осыған орай, Қызылорда облысы кәсіпкерлер палатасының Шиелі ауданындағы филиалының биылғы жылды қалай қорытындылағанына тоқталуды жөн көрдік.Бүгінде Шиелі ауданында инфрақұрылым мен құрылыс қарқынды дамуда. Жыл басынан бері құрылыс саласындағы сапалы жұмыстарды газет бетіне жариялаған болатынбыз. Ал инфрақұрылым жақсы дамымайынша, кәсіпкерлік саласының өркендеуі мүмкін емес. Сондықтан осы саланың қанат жаюына аудан халқы дән риза. Жеке кәсібін ашып, өз ісін дербес жүргіземін деген азаматтар қашан да қолдауға, көмекке мұқтаж келеді. Ал Ұлттық кәсіпкерлер палатасы елімізде билік пен бизнестің арасын жалғастырушы дәнекер қызметін ғана емес, кәсіпкерлерге қолдау, кеңес беру ісін де жүзеге асырып отыр.<blockquote>– «Атамекен» Шиелі аудандық кәсіпкерлер палатасына келген әрбір кәсіпкерге көмек қолын созып, кәсібін дөңгелетуге бар күш-жігерімізді жұмсаудамыз. Кәсіпкерлікті өрістетуге жан-жақты жағдай жасау, жаңа жұмыс орындарын ашу, отандық өнімді қолдау, білікті мамандар даярлау, халықты бизнеске сауаттандыру мәселелері біз үшін күн тәртібінен түскен емес. Жаңа ғасырда, жаһандық бәсекелестік жағдайында ілгерілеудің негізгі шешуші факторы еңбек болмақ, тек тынымсыз еңбектің арқасында біз қандай да бір қаржылық қиындықтарды жеңіп, ел экономикасын өрге сүйрей алатынымыз анық. Бизнес жұмыс істесе, ол – қосымша салық, қосымша жалақы, жаңа жұмыс орны, ал жұмыс орны – әлеуметтік жағдайдың маңызды индикаторы, – деді «Атамекен» Шиелі аудандық кәсіпкерлер палатасының басшысы Бекзатхан Бауыржанұлы.</blockquote>Мекеме басшысының сөзіне сүйенсек, соңғы 6 айда 277 азаматқа 650 кеңес берілді. Олардың 172-сі кәсіпкерлік субъектісі болса, қалғаны кәсіпкерлік бастамасы бар азаматтар. Сондай-ақ «Ауыл аманаты» жобасымен несие алуға ниетті 75 азаматқа бизнес жоспар әзірленген. Нәтижесінде жалпы құны 157 миллион теңгені құрайтын 37 жоба мақұлданып, 38 жоба қаралуда. Оған қоса «Мен кәсіпкер» жобасының «Кәсіпке бағыт» бағдарламасы аясында 20 жылдан астам уақыттан бері күріш, көкөніс пен бақша дақылдарын өсіруге маманданған эксперттен бақша және көкөніс шаруашылығы бойынша 14 кәсіпкер теориялық және практикалық білім алып, біліктілігін көтергенін де тілге тиек етті.Кәсіпкерлікке қолдау көрсету мемлекеттің әлеуетін нығайтуға тікелей әсер ететіні баршаға мәлім. Сондықтан да Мемлекет басшысының Жолдауларында бұл салаға қажетті мәселелер басым айтылады. Өндіріс қабілетін арттырып, өнім көлемін көбейту үшін «Бизнестің жол картасы» мен «Қарапайым заттар экономикасы» бағдарламаларын біріктіріп, шағын және орта кәсіпкерлікті қолдайтын кешенді бағдарламаға айналдыру керегін нұсқады. Міне, сол бағытта толымды жұмыстар атқарылып, ауданнан жуырда ғана қызанақ пастасын өндіру цехы ашылды. Бәйтерек ауылдық округінде бой көтерген «Barly Bai &amp; K» өндірістік кооперативі, мемлекет тарапынан аз пайызбен 27,6 млн теңге көлеміндегі қаражат алған болатын. Осылайша, кәсіптің көзін тапқан шиеліліктер өз өнімдерімен дүкен сөрелерін толықтыруда. Бүгінде Патима Махамбеттің «Тамаша» шұжығы, Қанат Мұсаевтың қызанақ томат пастасы, Жансая Имантаеваның кондитерлік өнімдері аудан хылқының сұранысын қанағаттандырып отыр.Береке – бірлік бар жерге орнайды десек, табыс – тіршілікте тірлік істеген адамға келеді екен. Сондықтан да кәсіп ашамын деген жанға мемлекеттік бағдарламалар түрлі бағыт ұсынуда. Бұл жасалып жатқан мемлекеттік көмек пен қолдаудың түпкі мақсаты – еліміздің «Қазақстан-2050» стратегиясына сай әлемнің аса дамыған 30 елінің қатарынан көрінуі болатын. Ал бұл міндетті орындау үшін әрбір қазақстандық кәсіпкерше ойлай біліп, еңбек етуі тиіс. Кәсіпкерліктің үлесі мемлекеттің қаржы секторын жарақтандыруда маңызды рөлге ие. Сол себепті шағын және орта бизнесті дамыту мәселесі өзектілігін жоймайды.

Бекзатхан Бауыржанұлы: Жан-жақты жаңа жағдай жасау, жаңа жұмыс орындарын ашу, даярлау маңызды

<a href="https://kyzylorda-news.kz/">Kyzylorda-news.kz</a> Жасанды интелект Қызылорда қаласы туралы қызықты деректер бөлісті деп хабарлайды Kyzylorda news ақпарат агенттігі.Соңғы ғасырдың жартысынан бері түрлі елдің ғалымдары адамның санасы сияқты әртүрлі функцияларды басқара алатын күрделі механизмді жасанды жолмен жасауға тырысып келеді. Әзірге адам санасының аналогы жасалған жоқ. Оны ғылымда "жасанды интеллект" дейді.&nbsp;Бүгінде елімізде жасанды интеллектпен түрлі бағдарлама, ақпараттар дайындалуда.Жасанды интелект бағдарламасына Қызылорда жайында қызықты ақпараттар айтуды сұрадық. Нәтижесінде, мынадай ақпараттарды ұсынды.1. Қызылорда қаласы Қазақстанның орталық бөлігінде Сырдария өзенінің жағасында орналасқан. 2. Қала атауы «қызыл көлдер» немесе «қызыл сулар» деп аударылады, бұл аймақтағы кейбір көлдердегі судың қызыл реңктерін білдіреді. 3. Қызылорда — 19 ғасырдың аяғында іргесі қаланған Қазақстанның ең көне қалаларының бірі. 4. Қала облыстың ірі темір жол торабы және көлік орталығы болып табылады. 5. Қызылордада көптеген тарихи және мәдени көрікті жерлер бар, соның ішінде мұражайлар, ескерткіштер мен сәулет құрылымдары. 6. Қызылорда кілем, тоқыма және керамика сияқты дәстүрлі қолөнер бұйымдарымен танымал. 7. Қала облыстағы ауыл шаруашылығы мен азық-түлік өндірісін дамытудың маңызды орталығы болып табылады. 8. Қызылорда қаласының маңында көлдер, қорықтар, шөлдер сияқты табиғи көрікті жерлер көп.

Жасанды интелект Қызылорда туралы не айтты?

<a href="https://kyzylorda-news.kz/">Kyzylorda-news.kz</a>. Осы жылы Қазақстан елінде ең ұзақ ақпан айы болады деп хабарлайды Kyzylorda news ақпарат агенттігі.29 ақпаннан 1 наурызға қараған түні еліміздің бірнеше аймағында (Батыс пен Қызылордадан басқа) сағат 1 сағатқа шегеріледі. Осыған сәйкес, еліміздің басым бөлігіне 1 сағат қосылып, ең ұзақ ақпан айы болғалы тұр.

 Биыл Қазақстанда ең ұзақ ақпан айы болады

<a href="https://kyzylorda-news.kz/">Kyzylorda-news.kz</a>. Жеті баланың анасы үй қамақта отырғанын айтты, деп хабарлайды EL.kz ақпарат агенттігі «Көреміз»&nbsp;бағдарламасына сілтеме жасап.Гауһар Жұмаділләның күйеуі Түркістан облысы, Темір ауылында бас имам қызметін атқарады.<blockquote>2010 жылы шаңырақ көтердік. Бір аптаның ішінде танысып, асығыс үйлендік. Екінші тұрмысым. Ажырасып, оқуда жүрдім. Бірінші некеде балам шетінеп, ажырасып кеттім, - деді ол.</blockquote>Қазір күйеуі тіпті төркінімен араластырмай, туғандарынан алыстатып жіберген.<blockquote>Мен тіпті ауруханаға өзім бара алмаймын. Өзі апарады. бала туғанда да тексерілуге баруға жібермейді, - деп шағымданды әйел.</blockquote>Аурухана қызметкерлері де оның сөзін растап отыр. Аяғы ауыр кезінде мүлде тексерістен өтпеген. Балаларын да тексеруге апармаған.Қазіргі уақытта Гауһар үйді балаларына беріп, күйеуімен ажырасқысы келетінін айтты. Үй қамақта отырған ол күйеуі аяусыз соққыға жығатынын мәлімдеді. Балалар да әкесінен оңбай таяқ жейтін көрінеді. Белдікпен, телефон қуаттағыштың шнурымен, киім ілгішпен әйелін сабайды екен. Тіпті әйелін «сенің жүрегіңе пышақ тығып өлтіремін» деп бопсалаған. Ол күйеуінің атынан арыз жазбаған, шағымданбаған.Фото: Нұрболат Нұржаубай

Имам әйелін үй қамақта ұстап, қорлық көрсеткен

<a href="https://kyzylorda-news.kz/">Kyzylorda-news.kz</a>. Нәрестені далаға тастаған күдіктілер ұсталды, деп хабарлайды EL.kz ақпарат агенттігі.Қарағандыда полиция қызметкерлері жүргізген кешенді жұмыстардың нәтижесінде нәрестені далаға тастап кеткен күдіктілер анықталды. Олар – 29 жастағы ер адам мен 22 жастағы әйел.Қарағанды облыстық Полиция департаменті бастығының орынбасары Ернат Қалиақпаров оқиғаның толық мән-жайы анықталып жатқандығын мәлімдеді.Өзге ақпараттар тергеу құпиялығына сәйкес жариялауға жатпайды.Еске салайық, бұған дейін Қарағандыда полиция тастанды нәрестенің анасын іздеп жатқаны хабарланды.Фото: Нұрболат Нұржаубай

Сәбиін үйдің дәлізіне тастап кеткендер ұсталды

<a href="https://kyzylorda-news.kz/">Kyzylorda-news.kz</a>. Әлемжеліде Қызылорда қаласындағы автовокзалға қатысты тұрғындар базынасын жеткізді деп хабарлайды Kyzylora news ақпарат агенттігі.Қала тұрғыны Сұлтан Сәбит Facebook парақшасына «Қызылорда қаласының сол жағалауынан салынайын деп жатқан жаңа автовокзалда билетті онлайн алуға мүмкіндік беретін бір бағдарлама орнатсаңыздар немесе билеттерді сататын құрылғы қойсаңыздар» деп ұсынысын жеткізді. Бұған қоса, Бөкейхан көшесінде орналасқан «Салтанат» автовокзалында есепшотсыз қолма-қол ақша төлейміз. Терминал мен кассалық аппарат жоқтығын айтып, жауапты мамандардың жауапсыздығына наразылығын білдірді. Бұл мәселеге қатысты редакция тілшілері ақиқатын анықтады.Бүгінде «Салтанат» автовокзалында 22 жуық қоғамдық көлік бар. Қызылорда облысынан бөлек, Астана, Алматы, Шымкент, Сарыағаш, Түркістан қаласы тіпті Өзбекстан мен Қытай мемлекетіне жолаушыларды тасымалдап отыр. Күнделікті халыққа қызмет етіп отырған мекеме қызылордалық тұрғынның арызынан хабардар екенін жасырмады. Сондай-ақ, кассалық аппараттың бары анықталды.Қала тұрғынының арызын білеміз. Біз халықтың қалауы бойынша жұмыс істеуге тырысып жатырмыз. Қағазға жазылып беретін билетті автоматты түрде компьютермен теріліп, шығаруға жоспарлаудамыз. Бірақ бізде есепшотсыз берілмейді. Билетпен бірге кассалық аппарат арқылы түбіртек беріледі. Ал, ертерек брондағысы келген адамдарға жағдай жасалған. Әлеуметтік желіде кассаның телефондары көрсетілген. Сол арқылы алдын ала брондауға халықтың толықтай мүмкіншілігі бар. 2020 жылы билеттерді сатудың автоматтандырылған жүйесін орнатқымыз келді. Алайда пандемия уақытымен тұспа-тұс келіп, жұмыс жүзеге аспай қалды. Халық қоғамдық көліктерді пайдаланбады. Дегенмен, біз терминалды сатып алдық. Қазір қажетті бағдарламаларды орнатып, терминалды қолданысқа береміз деп жоспарлап отырмыз, - деді автовокзалдың бас кассирі Жанат Иньятова.Азамат АбимолдаФото: Сұлтан Сәбит

Қызылордалық тұрғын автовокзалдың жұмысына наразы

<a href="https://kyzylorda-news.kz/">Kyzylorda-news.kz</a>. ҚР Премьер-министрі Олжас Бектеновтің төрағалығымен өткен мәжілісте күн тәртібінен тыс «Ауыл аманаты» жобасы мен ауыл шаруашылығы саласындағы статистикалық деректердің енгізілу мәселесі де қаралды.Үкімет басшысы барлық статистикалық көрсеткіштерді шұғыл қалпына келтіру жөнінде тапсырма берді.Мәжілістен кейін облыс әкімі Нұрлыбек Нәлібаев берілген тапсырмаларды нақтылады.<blockquote>«Өңірдегі мал саны мен ауыл шаруашылығы өнімдерінің статистикалық деректердегі есебі көбіне сәйкес келмейді. Мұны біз Арал, Қазалы аудандарында қуаңшылыққа қатысты төтенше жағдай жариялаған кезде байқадық. Бұл мәселе барлық ауданға тән. Менің тапсырмама сәйкес мал басын өзектендіру жұмыстары жүргізілді. Ендігі кезекте облыстық ауыл шаруашылығы және жер қатынастары басқармасына қала, аудан әкімдерімен, облыстық жер ресурстарын басқару және статистика департаменттерімен бірлесіп, 1 шілдеге дейін егіс алқаптарын түгендеу жұмыстарын өзектендіруді аяқтауды тапсырамын.«Ауыл аманаты» жобасы бойынша да өткен мәжілісте тапсырмалар берген болатынмын. Биыл өңірге 5,7 млрд теңге қаржы қаралды. Өнім өндіруді арттыру бағытында әсіресе, ауыл шаруашылығы саласындағы ірі жобаларды несиелендіру керек. Қала, аудан әкімдерімен бірлесіп, жобаларды сүйемелдеуді ұйымдастырып, өңірлік жобалар пулын қалыптастыру қажет», – деді аймақ басшысы.</blockquote>Жиында жылу беру маусымының өту барысы қосымша қаралып, аудандардағы әлеуметтік нысандардың жылу желісін газға ауыстыру бойынша жұмыстарды жалғастыру тапсырылды. Бұл ретте көмір қорының жеткілікті болуы, әлеуметтік нысандардың қазандықтарын қайта жаңғырту, тұрғындарды коммуналдық қызметтермен үздіксіз қамтамасыз ету, ажыратуларды болдырмау, алдын алу шараларын қабылдау өте маңызды.Облыс әкімі осыған дейін бірқатар өңірде өрт қауіпсіздігі сақталмағандықтан төтенше жағдайлар орын алғанын айтып, жауапты мекеме басшыларына сақтық шараларын қолға алуды тапсырды.Фото: облыс әкімінің баспасөз қызметі&nbsp;<img src="https://knadmin.beoblood.kz/uploads/417544984_700931202228127_2395996346683253634_n_0362b5bef0.jpg" alt="417544984_700931202228127_2395996346683253634_n.jpg">

Ауыл шаруашылығы саласындағы ірі жобаларды несиелендіру тапсырылды

<a href="https://kyzylorda-news.kz/">Kyzylorda-news.kz</a>. Еліміздің тоғыз өңірінде ауа райының қолайсыздығына байланысты ескерту жасалды. Бұл туралы «Қазгидромет» РМК синоптиктері хабарлады.Синоптиктердің болжамынша, Ақмола облысының батысы мен оңтүстігінде тұман шөгеді.Түркістан облысының оңтүстігінде жауын-шашын (жаңбыр, қар) болуы ықтимал. Облыстың оңтүстігінде, таулы және тау бөктерлі аудандарында тұман түседі. Облыстың таулы аудандарында жаяу бұрқасын күтіледі. Шығыстан жел соғады, облыстың солтүстігінде, таулы аудандарында күші 15-20 м/с болады.Ұлытау облысының солтүстігінде тұман түседі.Қызылорда облысында жел солтүстік-шығыстан соғады, таңертең және күндіз облыстың орталығында, шығысында күші секундына 15-20 метрге жетеді.Павлодар облысының батысы мен оңтүстігінде тұман шөгеді.Қарағанды облысының&nbsp;батысында тұман.Батыс Қазақстан облысының солтүстігінде тұман шөгеді.Ақтөбе облысының солтүстігі мен шығысында тұман.Жамбыл облысының оңтүстігінде, таулы аудандарында тұман түседі. Солтүстік-шығыстан соғатын жел оңтүстік-батысқа ауысады, облыстың оңтүстік-батысында, солтүстік-шығысында, таулы аудандарында екпіні 15-20 м/с болады.Фото: freepik.com

Қазақстанның тоғыз өңірінде ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a>. Ақсуат ауылдық округінің тұрғыны Сәрсенкүл Аралбаева «АҚСУАТ» атауымен шұлық шығаратын цехты іске қосты.&nbsp;Оның айтуынша, мемлекеттік бағдарлама жайлы ауылға келген ақпараттандыруға барып, бұл жобаны іске қосуды отбасымен шешкен.&nbsp;Бүгінде кәсіпкер «Ауыл аманаты» жобасымен 5 миллион теңге жеңілдетілген несиеге қол жеткізіп, сол қаржыға соңғы үлгідегі шұлық дайындайтын құрылғы сатып алған.<blockquote>Бұрын тігін саласымен айналысқан жоқпын. Дегенмен, бұны да көрейін деп шешіп қабылдадым. Мемлекеттің берген қаржысы тиімді. Әрине, алға қойған мақсатына тиімді пайдалана білсеңіз.&nbsp; Казіргі таңда, екі адамды жұмыспен қамтып отырмын. Алдағы уақытта тағы екі адамды жұмысқа жұмылдыру жоспарда бар. Тігінге қажетті материалдар өзімізде өңдірілмегендіктен шет елдерден алуға тура келеді. Көбіне көршілес Ресей, Өзбекстан және Қытайдан алдырамын. Әзірше, күніне 200-300 дана шұлық әзірлеудеміз, - деді кәсіпкер Сәрсенкүл Аралбаева.</blockquote>Қолдың өнері адам жанының айнасы – көнеден қалған көз емес пе еді. Сол себепті қызылордалық Сәрсенкүл Аралбаеваның бастамасы көпке үлгі. Ал, кәсіпкер мұнымен тоқтамай, басқа да кәсіптерге бет бұру жоспарында бар екенін жеткізді.

Қазақстан және Қызылорда облысының басты жаңалықтары