<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Біріккен Араб Әмірліктеріне жұмыс сапары барысында сарапшылармен жасанды интеллектті (ЖИ) дамыту мәселесін талқылады, – деп хабарлайды <a href="https://www.akorda.kz/kz/memleket-basshysy-zhasandy-intellekt-salasyndagy-sarapshylarmen-kezdesti-1504533">Akorda.kz</a>.Мемлекет басшысы ЖИ қазіргі замандағы прогрестің ең басты қозғаушы күштерінің бірі саналатынын әрі экономиканы түбегейлі өзгерте алатынын атап өтті.<blockquote>– Қазақстанда жасанды интеллектті ілгерілетуге берік негіз қалау үшін маңызды қадамдар жасалып жатыр. Институционалдық орта қалыптастыруға, инфрақұрылым мен адам капиталын дамытуға баса мән беріліп отыр. Институционалдық құрылым аясында Жасанды интеллект жөніндегі халықаралық консультативтік кеңес құрылады. Оған өзім жетекшілік жасаймын. Бұл кеңес әлемдік деңгейдегі сарапшылармен диалог жүргізіп, пікір алмасатын стратегиялық алаңға айналады. ЖИ саласындағы ұлттық саясатқа қатысты ұсынымдар әзірлеп, халықаралық ынтымақтастықты нығайту мақсатында оның жұмысына инженерлер, зерттеушілер мен кәсіпкерлер кеңінен тартылады, – деді Президент.</blockquote>Қасым-Жомарт Тоқаев Қазақстан ЖИ саласына жоғары санатты маман даярлау және қолдау ісіне айрықша басымдық беріп отырғанына тоқталды. Президенттің айтуынша, ЖИ-дің қолданысқа табысты енуі осындай технологияларды әзірлейтін және пайдаланатын адамдардың біліктілігі мен тәжірибесіне тікелей байланысты.Сонымен қатар Мемлекет басшысы елімізде AlemAI озық технологиялар орталығы құрылғанын мәлімдеді. Орталық әлемдегі үздік тәжірибелерді игеріп, инновациялық шешімдердің енгізілуіне ықпал етеді. Президент жасанды интеллектке байланысты бастамаларды жүзеге асыратын хабта мектептерге, университеттерге және кәсіби даярлық орталықтарына арналған білім беру бағдарламалары жасақталатынын айтты. Сондай-ақ онда зерттеушілерге, стартаптар мен компанияларға арналған кеңселер, тәжірибе алмасу алаңдары орналасады.<blockquote>– Біз ЖИ саласындағы адам капиталын дамыту мақсатында AI-Sana деп аталатын инновациялық білім беру бағдарламасын жасадық. Бағдарлама түрлі сала мамандарының пәнаралық даярлығын қамтамасыз етеді және ЖИ-ге қатысты озық шешімдерді әзірлеуге септігін тигізеді, – деді Президент.<img class="image_resized" style="width:100%;" src="https://knadmin.beoblood.kz/uploads/Prezident_zhasandy_intellekt_zhajly_1695feb03c.jpg" alt="Президент жасанды интеллект жайлы.jpg"></blockquote>Қасым-Жомарт Тоқаев сөз соңында Қазақстан жаһандық жасанды интеллект экожүйесінің белсенді мүшесі болуға ұмтылатынын жеткізді. Сонымен қатар кездесуге қатысушыларды ғылыми зерттеуден бастап этикалық стандарттарды бекітуге дейінгі сан салалы жұмысқа атсалысуға шақырды.Жиынға Polynome компаниясының негізін қалаушы Александр Ханин, G42 компаниясының жасанды интеллект жөніндегі бас директоры Эндрю Джексон, Абу Дабидегі Халифа ғылым және технология университетінің профессоры Дебба Меруан, БҰҰ-ның «Игілікке арналған ЖИ» бастамасы атқарушы кеңесінің төрағасы Әл Мазруи Эбтесам, Core42 компаниясының мемлекет істері және серіктестік жөніндегі директоры Әл Каисси Талал, Мұхаммед бен Заид атындағы Жасанды интеллект университетінің ректоры және профессоры Тимати Болдуин, Saal.ai компаниясының жасанды интеллект бөлімінің жетекшісі Абдулнаби Абрар, Mubadala Investment Company венчурлық жобалар және даму бөлімінің жетекшісі Әл Мазруи Фарис Сухейл қатысып, пікір білдірді.Фото: Akorda.kz

Мемлекет басшысы жасанды интеллект саласындағы сарапшылармен кездесті

<a href="https://kyzylorda-news.kz/">Kyzylorda-news.kz</a> ҚР Премьер-министрінің орынбасары – Ұлттық экономика министрі Серік Жұманғариннің төрағалығымен Экономиканың нақты секторын дамыту мәселелері жөніндегі штаб отырысы өтті.Жиынға облыс әкімі Нұрлыбек Нәлібаев, Су ресурстары және ирригация вице-министрі Нұрлан Алдамжаров, «Ұлттық ақпараттық технологиялар» АҚ интеграцияланған шешімдер департаменті инвестициялық жобалар басқармасының басшысы Мағжан Серікбаев, «Тау-кен Самұрық» ұлттық тау-кен компаниясы» АҚ басқарма төрағасының міндетін атқарушы Нариман Абсаметов, «АКК» АҚ басқарма төрағасының орынбасары Айдын Досқараев, «Даму» кәсіпкерлікті қолдау қоры» АҚ басқарушы директоры Нұрбол Жаңабеков пен жауапты сала басшылары селекторлық режим арқылы қатысты.Күн тәртібінде үш мәселе қаралды. Атап айтсақ, Ұлттық цифрлық инвестициялық платформаның жұмыс барысы, Қызылорда облысының әлеуметтік-экономикалық дамуы, инвестициялық жобалары және ірі инвестициялық жобалардың проблемалық мәселелері.​Басқосуда Серік Жұманғарин Мемлекет басшысының экономиканы әртараптандыру, өңірлер мен экономиканың нақты секторларын кешенді дамыту туралы тапсырмаларын орындау негізгі басымдық екенін айтып, Сыр еліндегі жұмыстарға оң бағасын берді.<blockquote>​«Экономикалық өсуді қамтамасыз ету жөніндегі жедел штабтың осы жылғы алғашқы отырысын өткіземіз. Мемлекет басшысының тапсырмасына сәйкес елдің инвестициялық ахуалын жақсарту мақсатында өткен жылдың желтоқсан айында Ұлттық цифрлық инвестициялық платформа іске қосылды. Бұған дейінгі көшпелі отырыстың қорытындысы бойынша мемлекеттік органдар мен ұйымдарға бірқатар тапсырма берілді, оның ішінде цифрлық платформаны ақпаратпен сапалы толтыру тапсырылды. Өңдеу өнеркәсібі, тау-кен, металлургия және агроөнеркәсіптік кешенді қамтитын, осы жылы жүзеге асырылатын инвестициялық жобалар пулын қалыптастыру жөніндегі жұмысты жалғастыру қажет. Бұл жұмысқа мемлекеттік органдардың, әкімдіктер мен қаржы институттарының белсенді қатысуы талап етіледі. Жалпы әкімдіктер аймақтың ерекшеліктерін ескеріп, өңдеу өнеркәсібіндегі шағын және орта бизнес кәсіпорындарының үлесін арттыруы, экономиканың нақты секторларындағы инвестициялық жобаларға басымдық беруі, қолдауды күшейтуі қажет. Әрбір өңірде аймақтық дамудың берік негізін құрайтын ірі жобалар болуға тиіс. Атап өту қажет, Қызылорда өңірінің даму қарқыны өте жақсы. Барлық секторда белсенділік танытып келеді. Осы жұмыстарды одан әрі жалғастыру маңызды. Қаражатты мақсатты жұмсап, ауқымды жобаларды сәтті жүзеге асыратын аймақтарға біздің тарапымыздан әрқашан қолдау көрсетіледі», – деді С. Жұманғарин.</blockquote>Штаб отырысында облыс әкімі Нұрлыбек Нәлібаев аймақтың әлеуметтік-экономикалық жағдайына тоқталып, алдағы жоспарлар туралы айтты.<blockquote>«Президентіміздің, Үкіметтің ерекше қолдауының арқасында Қызылорда облысының әлеуметтік-экономикалық дамуында оң тенденция сақталды. 2024 жылдың қорытындысымен экономикалық көрсеткіш 107,0 пайызды (2023 жылы – 107,3%) құрады. Жоспар бойынша жалпы өңірлік өнімнің көлемі 3,2 трлн. теңге, өсім 6,3 пайыз болады деп күтілуде. Бюджеттің өз кірістерінің көлемі 44 пайызға ұлғайды, барлық негізгі макроэкономикалық көрсеткіштің өсімі қамтамасыз етілді. Өңдеу өнеркәсібі 19,6 пайызға, ауыл шаруашылығы 2,3 пайызға, тұрғын үй 16,9 пайызға, көлік 2,8 пайызға, сауда 6,6 пайызға, құрылыс жұмыстарының көлемі 53,8 пайызға артты. Өткен жылы облысымызға барлық көздерден 639 млрд. 500 млн теңге инвестиция тартылды. 2023 жылмен салыстырғанда өсім 21,7 пайыз, республикалық көрсеткіштен (РК – 107,5%) 3 есе артық орындалды. Жеке инвестициялардың үлесі 70,5 пайыз. Өңірге шетелдік инвесторларды, озық технологияларды тарту бойынша белсенді жұмыс жалғасуда», – деді Н.Нәлібаев.</blockquote>Сондай-ақ, жиында облыс әкімінің орынбасары Ардақ Зебешев өңірдің әлеуметтік-экономикалық дамуы және инвестициялық жобалар туралы баяндады. «Шалқия мырыш ЛТД» АҚ бас директоры Асқар Тілеулин, «Арал Сода» ЖШС құрылтайшысы Дәурен Мұқашев өндірістегі мәселелерді ортаға салды.Фото: Қызылорда облысы әкімінің баспасөз қызметі

Экономиканың нақты секторын дамыту мәселелері қаралды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде электрондық сауданы дамыту, Харбин қаласындағы IХ қысқы Азия ойындарына дайындық, Үкімет қаулыларының жобалары қаралды. Жиынға облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін аймақ басшысының төрағалығымен аталған мәселелер бойынша міндеттер айқындалған мәжіліс өтті. Қызылорда қаласы, аудан әкімдері мен жауапты сала басшыларына тапсырмалар жүктелді.<blockquote>«Жергілікті кәсіпкерлерді электронды сауда негіздеріне оқыту жұмыстарын ұйымдастырыңыздар. Электронды саудадағы экспорт көлемін арттыру мақсатында бұл саладағы кәсіпорындардың интернет маркетплейстарға тіркелуіне көмек беріп, тиісті жұмыстарды жүргізіңіздер. Тұтынушылардың құқықтарын қорғау бағытында электронды саудадағы тауар сапасына аса мән беріп, дер кезінде қажетті шараларды қабылдаңыздар.</blockquote>2025 жылғы 7 ақпан – 14 наурыз аралығында Қытайдың Харбин қаласында тоғызыншы Қысқы Азия ойындары өтеді. Жарысқа мемлекетімізден 139 спортшы қатысып, ел намысын қорғайтын болады. Дене шынықтыру және спорт басқармасы, қысқы спорт түрлерін дамыту бойынша нақты шаралар қабылдап, осы бағытта қызмет көрсетететін спорт мектептерінің санын арттыру қажет. Жұмыстарды күшейтіп «Мұз айдыны» спорт кешенінің, өңірдегі спорт мектептерінің әлеуеттерін барынша пайдалануымыз керек»,- деді аймақ басшысы.Айта кетейік, өңірде тауарлар мен қызметтерді өткізу үшін интернет-ресурсты пайдаланатын 10 кәсіпорын тіркелген.Аталған кәсіпорындармен 2023 жылы 18 мыңнан аса тапсырыс жасалып, сауда айналымы 281 млн. теңгені құрады.Тапсырыстарды сақтау мен жеткізу бағытында аймақта «Қазпошта» желісінің 11 супермаркеті және өзгеде интернет дүкендердің тарату пунктері жұмыс жасайды. Қазіргі таңда тауар өндірушілер электронды портал арқылы өз өнімдерін сатуда.Облыста барлығы 14 822 спорттық секцияда 342 223 адам, оның ішінде қысқы спорт түрлері бойынша 14 секцияда 153 спортшы спортпен шұғылданады. Спорт түрлеріне облыстық бюджеттен барлығы 1 млрд 869 млн. теңге бөлінсе, соның ішінде қысқы спорт түрлеріне 51 млн. 476 мың теңге қаржы бөлінген.Аймақтың климаттық ерекшелігіне байланысты «Мұз айдыны» спорт кешенінде қысқы спорттың 3 түрі бойынша үйірмелер жұмыс жасайды.Бүгінгі таңда республикалық чемпионаттарда орын алып жүрген 4 спортшымыз бар. Оның екеуі шорт-тректен кіші жасөспірімдер арасында болса, екеуі мәнерлеп сырғанаудан. Өңірде барлығы 22 балалар мен жасөспірімдер спорт мектептері жұмыс жасаса, оның ішінде1 спорт мектебінде қысқы спорт түрлерінен қызмет көрсетіледі.<img src="https://knadmin.beoblood.kz/uploads/kimet_otyrysynda_y_k_terilgen_m_seleler_bojynsha_mindetter_aj_yndaldy_1_3c38504feb.jpg" alt="Үкімет отырысындағы көтерілген мәселелер бойынша міндеттер айқындалды 1.jpg"><img src="https://knadmin.beoblood.kz/uploads/kimet_otyrysynda_y_k_terilgen_m_seleler_bojynsha_mindetter_aj_yndaldy_2_38701d4f32.jpg" alt="Үкімет отырысындағы көтерілген мәселелер бойынша міндеттер айқындалды 2.jpg"><img src="https://knadmin.beoblood.kz/uploads/kimet_otyrysynda_y_k_terilgen_m_seleler_bojynsha_mindetter_aj_yndaldy_3_3e775a086c.jpg" alt="Үкімет отырысындағы көтерілген мәселелер бойынша міндеттер айқындалды 3.jpg">Фото: Қызылорда облысы әкімінің баспасөз қызметі

Үкімет отырысындағы көтерілген мәселелер бойынша міндеттер айқындалды

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен актив отырысы өтіп, орын алған бірқатар кадрлық тағайындауларға тоқталды.Алдымен Арал ауданының төтенше жағдайлар бөлімінің бастығы қызметін абыройлы атқарып келген Дархан Шакен Нұрбекұлын құрметті зейнет демалысына шығарып салу рәсімінде еңбек жолына кеңінен тоқталып, ауданның ең жоғарғы наградасы «Құрмет грамотасын» табыстады.Бұл қызметті одан әрі осы салада ұзақ жылдар еңбек етіп, абырой бигінен көрініп жүрген Айдос Мұратұлы Сыдықов атқаратын болады.Аудан әкімі жас әрі білікті кадр Айдос Мұратұлының кандидатурасы қолдау тапқанын айтып, саланың өзіндік жауапкершілігі зор екенін алға тартты.<blockquote>– Айдос Мұратұлы, саланың жауапкершілігін өзіңіз жақсы білесіз. Төтенше жағдай мезгіл таңдамайды. Кез келген сәтте, қай уақытта болсын адам өміріне қауіп төнген жағдайда Сіз басқаратын ұжым қызметкерлері ең алғаш болып оқиға орнынан табылауға міндетті. Ел ортақ болған соң оның жауапкершілігі де ортақ. Төтенше жағдайлардың алдын-алу, адам өмірін құтқару - жауапты миссиясы өзіңізге тікелей жүктеледі. Сондықтан, әлеуметтік нысандардың, жеке секторлардың өрт қауіпсіздігін алдын-алу және тиісті шараларды дер кезінде ұйымдастыруды тапсырамын, – деді аудан әкімі А.Оңғарбаев.</blockquote>Бұған дейін Арал аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы қызметін абыройлы атқарып келген Шерхан Жұбаханұлы Есжанов облыс әкімдігінің келісімі және аудан әкімінің өкімі негізінде аудан әкімінің орынбасары лауазымына тағайындалды.Аудан әкімі мемлекеттік қызметтің түрлі сатысынан өтіп, мол тәжірибе жинақтаған Ш.Жұбаханұлының жаңа қызметіне сәттілік тілеп, міндеттер бөлінісіне сәйкес жетекшілік ететін салар бойынша бірқатар тапсырма жүктеді.Сонымен қатар аудан әкімі Аманжол Сақыпұлы аудан әкімінің орынбасарлары мен аудан әкімі аппараты басшысының міндеттер бөлінісін қайта нақтылап, артылар жауапкершіліктің жоғары екенін атап өтті.Жиын барасында әр жылдары ауданымыздың қоғамдық өміріне белсене араласып, әлеуметтің әлеуетін арттыруда көптеген келелі істердің басы-қасынан табылып, бір мүдде жолында аянбай еңбек етіп келе жатқан бірқатар азаматтар мен еңбек ұжымдарына аудан әкімінің Алғыс хаты табысталды.Фото: Арал ауданының әкімдігі

Арал ауданында актив отырысы өтті

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде электрондық сауданы дамыту, Харбин қаласындағы IХ қысқы Азия ойындарына дайындық, Үкімет қаулыларының жобалары қаралды. Жиынға облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін аймақ басшысының төрағалығымен аталған мәселелер бойынша міндеттер айқындалған мәжіліс өтті. Қызылорда қаласы, аудан әкімдері мен жауапты сала басшыларына тапсырмалар жүктелді.<blockquote>«Жергілікті кәсіпкерлерді электронды сауда негіздеріне оқыту жұмыстарын ұйымдастырыңыздар. Электронды саудадағы экспорт көлемін арттыру мақсатында бұл саладағы кәсіпорындардың интернет маркетплейстарға тіркелуіне көмек беріп, тиісті жұмыстарды жүргізіңіздер. Тұтынушылардың құқықтарын қорғау бағытында электронды саудадағы тауар сапасына аса мән беріп, дер кезінде қажетті шараларды қабылдаңыздар. 2025 жылғы 7 ақпан – 14 наурыз аралығында Қытайдың Харбин қаласында тоғызыншы Қысқы Азия ойындары өтеді. Жарысқа мемлекетімізден 139 спортшы қатысып, ел намысын қорғайтын болады. Дене шынықтыру және спорт басқармасы, қысқы спорт түрлерін дамыту бойынша нақты шаралар қабылдап, осы бағытта қызмет көрсетететін спорт мектептерінің санын арттыру қажет. Жұмыстарды күшейтіп «Мұз айдыны» спорт кешенінің, өңірдегі спорт мектептерінің әлеуеттерін барынша пайдалануымыз керек»,- деді аймақ басшысы.</blockquote>Айта кетейік, өңірде тауарлар мен қызметтерді өткізу үшін интернет-ресурсты пайдаланатын 10 кәсіпорын тіркелген.Аталған кәсіпорындармен 2023 жылы 18 мыңнан аса тапсырыс жасалып, сауда айналымы 281 млн. теңгені құрады. Тапсырыстарды сақтау мен жеткізу бағытында аймақта «Қазпошта» желісінің 11 супермаркеті және өзгеде интернет дүкендердің тарату пунктері жұмыс жасайды. Қазіргі таңда тауар өндірушілер электронды портал арқылы өз өнімдерін сатуда.Облыста барлығы 14 822 спорттық секцияда 342 223 адам, оның ішінде қысқы спорт түрлері бойынша 14 секцияда 153 спортшы спортпен шұғылданады. Спорт түрлеріне облыстық бюджеттен барлығы 1 млрд 869 млн. теңге бөлінсе, соның ішінде қысқы спорт түрлеріне 51 млн. 476 мың теңге қаржы бөлінген. Аймақтың климаттық ерекшелігіне байланысты «Мұз айдыны» спорт кешенінде қысқы спорттың 3 түрі бойынша үйірмелер жұмыс жасайды.Бүгінгі таңда республикалық чемпионаттарда орын алып жүрген 4 спортшымыз бар. Оның екеуі шорт-тректен кіші жасөспірімдер арасында болса, екеуі мәнерлеп сырғанаудан. Өңірде барлығы 22 балалар мен жасөспірімдер спорт мектептері жұмыс жасаса, оның ішінде 1 спорт мектебінде қысқы спорт түрлерінен қызмет көрсетіледі.Фото: Қызылорда облысы әкімінің баспасөз қызметі

<a href="https://kyzylorda-news.kz/">Kyzylorda-news.kz</a> Мемлекеттің басты байлығы - халық. Сол байлықты сақтау жолында Үкімет әрдайым елдің талап-тілегіне құлақ асып, мәселелер межесіне жетіп, қолға алған шаруалар оңынан шешілуі тиіс. Мәжіліс мінберіндегілердің де алға қойған мақсаты сол, елдің дегеніне құлақ түру. Осы арқылы бұқараның базынасын билікке жеткізіп, қос жақты көпірді нығайту. Осы ұранмен, өткен аптада Қазақстан Республикасы Парламенті Мәжілісінің депутаты, «ЖСДП» фракциясының мүшесі &nbsp;Наурыз Сайлаубай Қызылорда өңірінің сайлаушыларымен кездесіп, аймақта атқарылған жұмыстарды көзбен көрді.Депутат сапары барысында аймақтың әлеуметтік-экономикалық дамуын, мемлекеттік бағдарламалардың орындалу барысын және тұрғындардың өзекті мәселелерін зерделеді. Көптеген нысандарды аралап, халықтың ұсыныс-тілектерін тыңдады.“Сыр жастары” - аймақ жастарының көзқуанышы болса, “Оқушылар сарайы” бірегей бастамаНаурыз Сайлаубай сапарының алғашқы күні Қызылорда қаласындағы&nbsp;«Отбасы банк» филиалындатұрғындармен және банк басшылығымен кездесуден басталды. Кездесу барысында тұрғын үй бағдарламаларының тиімділігін арттыруға арналған ұсыныстар қарастырылды. Банк басшылығы «Отау» және «Наурыз» бағдарламалары арқылы көптеген отбасының баспана мәселесін шешкенін, жастар үшін «Сыр жастары» бағдарламасының аймақта ерекше маңызға ие екенін атап өтті. Депутат бұл бағдарламаның жастарға жасалған маңызды қолдау екенін атап, алдағы уақытта оның ауқымын кеңейту қажеттігін айтты.<blockquote>Депутат одан әрі&nbsp;Оқушылар сарайының жұмысымен танысты. Бұл мекеме – аймақтағы дарынды балаларды қолдап, олардың шығармашылық және техникалық қабілеттерін дамытуға бағытталған. Хореография, робототехника және вокал үйірмелерінің жетістіктері, балалардың республикалық және халықаралық байқаулардағы жеңістері мақтанарлық. Айта кетерлігі, бұл сынанды “ҚазГерМұнай” АҚ Сыр өрендеріне өз демеушілігімен салып берген еді. Наурыз Сайлаубай:&nbsp;«Бұл мекеме – талантты балалардың болашағына жол ашатын ерекше орын. Мұндай орталықтардың көп болуы – ел болашағына салынған инвестиция», – деді.</blockquote>&nbsp;<blockquote>Сонымен қатар, депутат облыстық&nbsp;Жастар ресурстық орталығында&nbsp;аймақ жастарының басын қосып, олармен еркін форматта кездесу өткізді. Шара барысында жастар ресурстық орталықтарының тиімді жұмыс істеуі үшін тұрақты қаржыландыру және кәсіби мамандардың қажеттілігі туралы ұсыныстар айтылды. Депутат бұл мәселені Парламент деңгейінде көтеруге дайын екенін мәлімдеді.&nbsp;«Жастар – ел болашағы. Біз олардың қажеттіліктерін тыңдап, оларды қолдауға әрдайым дайын болуымыз керек»,&nbsp;– деді Наурыз Сайлаубай.</blockquote>Аудандағы ағайынның да айтары барСырдария ауданында&nbsp;Наурыз Сайлаубай аудан әкімі Берік Сәрменбаевпен кездесті. Ауыл шаруашылығы, құрылыс және инфрақұрылым салаларындағы атқарылған жұмыстар талқыланды. Сонымен қатар, аудан ардагерлері мен мәдениет саласының өкілдерімен кездесуде зейнет жасын қысқарту, ауыл тұрғындарын баспанамен қамтамасыз ету, жастардың әлеуметтік мәселелері сияқты сұрақтар көтерілді.<blockquote>-&nbsp;Біздің ауданда тұрғындардың басты мәселесі – баспананың қолжетімділігі. Жастарымызға қолжетімді шарттармен баспанаға ие болудың тетіктері бар ма? Мемлекеттік бағдарламалардың шарттары ауыл тұрғындарының табысына сай келмей жатады, себебі табыс деңгейі төмен. Осындай бағдарламаларды ауылдық жерлерге бейімдеп, пайыздық мөлшерлемені азайту немесе ауылдық квоталарды қарастыру керек деп ойлаймыз. Зейнет жасын қысқарту туралы ұсынысымыз да маңызды, себебі ауылдағы еңбек жағдайлары қалаға қарағанда ауыр. Ауыл шаруашылығында жұмыс істейтіндер үшін арнайы жеңілдіктер қарастырылса, дұрыс болар еді, - &nbsp;деді аудан тұрғыны.</blockquote>&nbsp;<blockquote>- Бұл көтерілген мәселелер өте өзекті. Әсіресе, баспана қолжетімділігі – мемлекеттің басты назарындағы сұрақтардың бірі. Ауыл тұрғындарына арналған ипотекалық бағдарламаларды жетілдіру бойынша нақты ұсыныстар дайындап, Парламентте көтеремін. Сонымен қатар, зейнет жасына қатысты сіздердің пікірлеріңіздің жауабы бар. Қазіргі таңда бұл мәселе бойынша мораторий жарияланған. Оны қайта қарау нәтижесіз болуы мүмкін. Сол үшін өзге өзекті мәселелерді қозғауды күн тәртібіме енгіземін. &nbsp;Біз осындай ұсыныстарды нақтылау арқылы тиісті органдардың назарын аударуға жұмыс жасаймыз. Ауылдағы еңбек жағдайларын жеңілдету мен әлеуметтік қолдауды арттыру – біздің басты міндетіміз, - деді Мәжіліс депутаты.</blockquote>&nbsp;<blockquote>Шиелі ауданында&nbsp;депутат әкіммен кездесіп, егін шаруашылығы, құрылыс, инфрақұрылым игілігі турасында пікір алмасып, қазіргі шығып жатқан заң нормалары мен үкімет қарауындағы құқықтық шешімдерге байланысты өз ойын білді. Сонымен қатар, «Гежуба Шиелі» цемент зауытының жұмысымен танысты. Зауыт басшысы У Чженьхуа кәсіпорынның толық автоматтандырылған жүйесі, еңбек жағдайлары мен экологиялық стандарттардың сақталуы туралы баяндады. Депутат бұл зауыттың заманауи технологиялардың үлгісі екенін атап өтіп:&nbsp;«Мұндай кәсіпорындар аймақ экономикасына үлкен үлес қосады»,&nbsp;– деді.</blockquote>&nbsp;<blockquote>Жалағаш ауданында&nbsp;Наурыз Сайлаубай белгілі меценат, Қазақстанның Еңбек Ері Имамзада Шағыртаевтың бастамаларымен танысты. Ауыл шаруашылығында күріш пен жүгері өсірумен айналысатын меценаттың ауылдың әлеуметтік-экономикалық дамуына қосқан үлесі жоғары бағаланды. Оның бастамасымен салынған өндіріс орындары мен жұмысшыларға арналған тұрғын үйлер депутат тарапынан ерекше қолдау тапты.&nbsp;«Бұл бастамалар ауылдың әлеуетін көтеріп, халықтың тұрмыс сапасын жақсартуға ықпал етеді»,&nbsp;– деді депутат.</blockquote>&nbsp;<blockquote>Имамзада Шағыртаев ауыл шаруашылығы саласындағы бәсекелестікті арттыру үшін ірі өндірістік кешендерді дамыту қажеттігін айтты.&nbsp;«Бәсекелестікті қалыптастыру – ауыл шаруашылығын жаңа деңгейге көтерудің басты жолы. Бұл халықты жұмыспен қамтуға және аймақ экономикасын нығайтуға мүмкіндік береді»,&nbsp;– деді меценат.</blockquote>Наурыз Сайлаубайдың Қызылорда облысына сапары аймақтың даму бағыттарын анықтап, тұрғындардың көкейіндегі мәселелерін тыңдауға мүмкіндік берді. Барлық аудандардағы ұсыныстар мен талап-тілектер Парламент деңгейінде қаралып, шешімін табуы үшін нақты қадамдар жасалатынына сенім білдірілді.<blockquote>«Сыр елі – ұлттың рухани, мәдени және экономикалық байлығының айқын көрінісі. Мұндағы әрбір бастама елдің жарқын болашағы үшін жасалуда»,&nbsp;– деп атап өтті Наурыз Сайлаубай.</blockquote>Бұл сапар өңірдің әлеуметтік-экономикалық тұрақтылығын арттырып, халықтың сенімін нығайтуға үлес қосты.<img src="https://knadmin.beoblood.kz/uploads/Whats_App_Image_2025_01_14_at_10_18_44_ccf2ef1bd8.jpeg" alt="WhatsApp Image 2025-01-14 at 10.18.44.jpeg">Фото: ЖСДП Қызылорда облыстық филиалының баспасөз қызметі

Мәжіліс депутаты сырбойылық ағайынның талап-тілегін тыңдады

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаев қала аумағындағы құрылыс нысандарын аралады.Алдымен 2023 жылы Индустрияландыру картасына енгізілген нан-тоқаш, кондитерлік және макарон өнімдерін өндіру кешенінің құрылыс барысымен танысты. Жоба бастамашысы «Қызылорда Нан» серіктестігі, 3,8 млрд теңгеге аумағы 6166 шаршы метр нысан салынуда. Кондитерлік цехта нан-тоқаш өнімдерінің 100-ден астам түрі, жылына 1008 тонна кондитерлік өнім, 1152 макарон түрі өндіріледі. Кешенде тәулігіне 25 тонна ұн, 20 тонна өсімдік майын өндеуге мүмкіндік болады.Әрі қарай Нұрлыбек Машбекұлы жолаушы вагондарын жөндеу және техникалық қызмет көрсету саласындағы «Цифрлық депо» кешенінің жұмысымен танысты. Бұл жоба да Индустрияландыру картасына енгізіліп, құрылыс толығымен аяқталған. Ресейден 54 жабдық жеткізіліп, жақын күндері пайдалануға беріледі.Облыс орталығындағы құрылыс нысандарын аралап шыққан аймақ басшысы кешендер ұзақ уақыт қызмет етуі, халыққа пайдалы, өнімдері сұранысқа сай болуы үшін сәулетті, сапалы етіп салу керектігін ескертті.Айта кетейік, облыста алдағы бесжылдықта 1,9 трлн теңгенің 86 жобасын жүзеге асыру жоспарланған. Өткен жылы 37 млрд.теңгенің 21 жобасы іске қосылды. Оның ішіндегі ірі инвестициялық жобалардың бірі – «Қорқыт ата әуежайының» жаңа терминалы пайдалануға берілді. «Орда Гласс» серіктестігінің шыны зауыты айналасында энергия үнемдейтін шыны өндірісінің жаңа желісі іске қосылды. Одан бөлек, минералды ұнтақ өндірісі, асфальтбетон зауыты, газоблок, шлакоблок, металл өңдеу, 4 мың тонналық көкөніс сақтау қоймасы, құрт өндірісі, балық өңдеу, 5 күріш ақтау зауыты, жүгері өндірісі, тамшылатып суару әдісімен орман питомнигін ұйымдастыру жобалары бар.Биылға 286,8 млрд.теңгеге бағаланған 24 жоба жоспарланған. Түркиялық «Акса Энерджи» компаниясының қуаттылығы 240 мегаваттық жаңа жылу орталығының құрылысы қарқынды жүруде. Орталық екінші жартыжылдықта іске қосылады.Сондай-ақ, жыл соңына дейін жылдық қуаттылығы 720 мың шаршы метр болатын айна өндірісі, түйе сүтінен құрғақ ұнтақ жасайтын, жылына 90 млн.дана керамикалық кірпіш шығаратын өндірістер, жолаушылар вагондарын жөңдеу және техникалық қызмет көрсету кешені ел игілігіне айналады. Қуаттылығы 141,2 МВтболатын 4 күн және 1 жел-электр станциясы да биыл пайдалануға беріледі.<img src="https://knadmin.beoblood.kz/uploads/Ajma_basshysy_rylys_nysandarynda_y_zh_mys_barysyn_k_rdi_1_6704656a2f.jpg" alt="Аймақ басшысы құрылыс нысандарындағы жұмыс барысын көрді 1.jpg"><img src="https://knadmin.beoblood.kz/uploads/Ajma_basshysy_rylys_nysandarynda_y_zh_mys_barysyn_k_rdi_2_ec9c5955dc.jpg" alt="Аймақ басшысы құрылыс нысандарындағы жұмыс барысын көрді 2.jpg"><img src="https://knadmin.beoblood.kz/uploads/Ajma_basshysy_rylys_nysandarynda_y_zh_mys_barysyn_k_rdi_3_9c74679a22.jpg" alt="Аймақ басшысы құрылыс нысандарындағы жұмыс барысын көрді 3.jpg"><img src="https://knadmin.beoblood.kz/uploads/Ajma_basshysy_rylys_nysandarynda_y_zh_mys_barysyn_k_rdi_4_2710085c89.jpg" alt="Аймақ басшысы құрылыс нысандарындағы жұмыс барысын көрді 4.jpg">Фото: Қызылорда облысы әкімінің баспасөз қызметі

Аймақ басшысы құрылыс нысандарындағы жұмыс барысын көрді

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев еңбек ардагерлері Хұсейін Әмір-Темір, Сәдуақас Аңсат және Мұхит Әбдікәрімовті мерейтойымен құттықтады.«Мемлекет басшысы Қасым-Жомарт Кемелұлы Ұлттық құрылтайда: «Адал еңбек етіп, адал табыс тапқан адам жетістікке жетеді, құрметке ие болады. Нағыз еңбек адамы бұл – істің адамы, яғни әр ісіне, әр қадамына жауапкершілікпен қарайтын адал азамат. Әділетті Қазақстан және Адал азамат ұғымдары ел тірегі болатын егіз құндылық ретінде әрдайым қатар тұруға тиіс», – деген болатын.Біз, елдік істе адал қызмет атқарып, саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген азаматтарды ардақтап, лайықты құрмет көрсетуді дәстүрге айналдырдық.<blockquote>– Бүгін Н.Бекежанов атындағы өнер ордасындағы жарты ғасырға жуық қызметімен қоғам құрметіне кенелген Қазақстанның еңбек сіңірген қайраткері, «Құрмет» орденінің, «Ерен еңбегі үшін», «Еңбек ардагері» медальдарының иегері, Қызылорда облысының Құрметті азаматы Хұсейін Жүсіпұлы Әмір-Темір ағамыздың мерейлі 85 жасқа, «Халықаралық «Қазақ тілі» қоғамы» қоғамдық бірлестігі Қызылорда облыстық филиалының төрағасы және республикалық «Тіл сақшысы» ақпараттық-танымдық газетінің бас редакторы, мемлекеттік тіліміздің жанашыры, Қармақшы ауданы мен Қызылорда қаласының Құрметті азаматы, «Парасат» орденінің иегері Сәдуақас Аңсат ағамыздың 80 жасқа және Қызылорда қаласының Құрметті азаматы, Қазақстанның еңбек сіңірген қайраткері Мұхит Әбдікәрімов ағамыздың мерейлі 70 жасқа толуына орай арнайы бас қосудамыз. Құрметті ел ағалары, мерейтойларыңыз құтты болсын! Сыр жұртшылығы сіздердің қазақ театр өнерінің өркендеуіне, ана тіліміздің жаңғыруына қосқан елеулі еңбектеріңізді құрметтейді. Абыздық асқақ мерейге, кемеңгерлік кезеңге жетіп, ел ағасы ретінде халықты бірлікке шақырып, туған елдің тұғырын нықтауға бағытталған өрелі істеріңіз кейінгі ұрпаққа әрдайым өнеге болып қала береді! Сіздерді бүгінгі мерейлі жастарыңызбен құттықтап, дендеріңізге саулық, отбасыларыңызға амандық тілеймін. Тойларыңыз тойға ұлассын!», – деді аймақ басшысы.</blockquote>Жиында мерейтой иелеріне Қызылорда облысының Құрмет грамотасы табысталып, халқымыздың игі дәстүріне сай сый-сияпат көрсетілді.Сонымен қатар, Рауан Кенжеханұлы Сәдуақас Аңсатты Ахмет Байтұрсынұлы атындағы төсбелгімен марапаттады.Парламент Сенатының депутаты Наурызбай Байқадамов, халықаралық «Қазақ тілі» қоғамының президенті, Ұлттық құрылтайдың мүшесі Рауан Кенжеханұлы, Ұлттық Ғылым Академиясының академигі, профессор, Қызылорда облысының Құрметті азаматы, Бақберген Досмамбетов, облыстық ардагерлер кеңесінің төрағасы Серік Дүйсенбаев, облыстық қоғамдық кеңес төрағасы Әріп Хожбанов, Қазақстанның еңбек сіңірген қайраткері, Қызылорда облысының Құрметті азаматы, Қазақ ұлттық өнер университетінің профессоры Алмасбек Алматов, Жаңақорған, Шиелі, Сырдария аудандары мен Қызылорда қаласының Құрметті азаматы Ибрагим Әбибуллаев, құттықтау лебіздерін жеткізді.Жиын соңында мерейтой иелері көрсетілген құрметке алғысын айтты. Сыр еліндегі әлеуметтік-экономикалық, мәдени-рухани жетістіктерді атап өтіп, игілікті істердің жалғасын табуына тілектестік білдірді.Фото: Қызылорда облысы әкімінің баспасө қызметі

Еңбек ардагерлерін мерейтойымен құттықтады

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаевтың төрағалығымен ішкі істер органдарындағы кадрлық өзгеріске орай актив өтті. Оған Ішкі істер министрінің орынбасары Сәкен Сарсенов, селекторлық режимде қала, аудан әкімдері, басқарма, департамент, құқық қорғау органдарының бірінші басшылары мен ардагерлер қатысты.2023 жылдың мамыр айынан Қызылорда облыстық полиция департаментінің бастығы қызметін атқарған Аблазимов Махсудхан Нұғманұлы Ішкі істер министрінің бұйрығымен құрметті зейнет демалысына шықты.Жиында аймақ басшысы Қызылорда облыстық полиция департаментінің жаңа бастығы Ергешов Серік Жүрсінбайұлын таныстырды.«Мемлекет басшысы «Қылмыспен күресу және қоғамдық тәртіпті сақтау – аса маңызды міндет. Бұл – жауапкершілігі өте үлкен жұмыс. Еліміздің әрбір азаматы өзін қауіпсіз сезінуге тиіс. Ол үшін құқық қорғау жүйесі үйлесімді әрі тиімді жұмыс істеуі қажет» деп атап өткен болатын.Полиция органдарының жұмысын күшейту, қоғамдық қауіпсіздікті сақтау, құқық қорғау саласында пәрменді шаралар қабылдау басшылық құрамның нәтижелі іс-қимылына тікелей байланысты.Ішкі істер органдары – қоғамда құқық тәртібін, азаматтардың қауіпсіздігін қамтамасыз ететін маңызды құрылымдардың бірі. Әсіресе, сақшылардың кәсіби қызметі – зор жауапкершілігімен, тәуекелшілдігімен, қиындыққа төтеп беретін төзімділігімен ерекше құнды әрі мәртебелі.Бізге қоғам тыныштығын күзетіп, қиын жағдайда шұғыл әрі батыл шешім қабылдап, қызметтік парызын адал атқара алатын полиция қызметкерлері керек. Құқық қорғау органдарының жұмысын жүйелі әрі оңтайлы ету үшін әкімдік тұрақты қолдау көрсетіп келеді. Жауапкершілігі зор, күрделі салада Серік Жүрсінбайұлының білімі мен біліктілігі, кәсібилігі, пайымды басшылығы, жинақтаған мол тәжірибесі жетеді деп санаймыз», – деді Н.Нәлібаев.<img src="https://knadmin.beoblood.kz/uploads/kim_zhinalysy_2611f87992.jpg" alt="Әкім жиналысы.jpg">Мәжілісте Ішкі істер министрінің орынбасары Сәкен Сәрсенов жаңа басшының еңбек жолына тоқталып, қызметіне сәттілік тіледі. Сонымен қатар, Қызылорда облысының прокуроры Ризабек Ожаров, облыстық ардагерлер кеңесінің төрағасы Серік Дүйсенбаев, облыстық полиция департаменті ардагерлер кеңесінің төрағасы Серікбол Тұңғышбай, басқа да сала ардагерлері өз құттықтауларын жеткізді.Серік Жүрсінбайұлы Ергешов 1979 жылы дүниеге келген. Еңбек жолын 1996 жылдан ішкі істер органдарында бастаған. Ұзақ жылдар бойы ОҚО ІІД Шымкент қаласының ішкі істер басқармасында түрлі басшылық қызметтер атқарған. 2019 жылдан Шымкент қаласы ПД бастығының орынбасары қызметінде болды.Айта кетейік, 2022-2024 жылдар аралығында полиция органдарының материалдық-техникалық базасын жақсартуға облыстық бюджеттен 8 млрд.теңгеге жуық қаражат бөлінді. Биылдың өзінде 3 млрд. теңгеге жуық қаражат қарастырылған. Қылмысты уақытылы ашу және жедел әрекет ету үшін бейнебақылау камералары желісін көбейтуге мүмкіндік жасалды. Облыстың жеті ауданына 539 бейнебақылау, 49 жылдамдық өлшегіш камерасы орнатылды. Республикада алғашқы болып Қызылорда облысындағы барлық ауданда полиция бөлімдерінің Жедел басқару орталықтары іске қосылды. Бұл орталықтар ұсақ құқық бұзушылықтан бастап ауыр қылмыстардың ізін анықтауға және сақшылардың жұмысын оңтайлы етуге жол ашты.Соңғы 3 жылда департаментке жаңа үлгідегі 128 автокөлік табысталды. Биыл 52 қызметтік автокөлікпен қамтамасыз ету жоспарлануда.Фото: Қызылорда облысы әкімінің баспасөз қызметі

Облыстық полиция департаментінің бастығы тағайындалды

<a href="https://kyzylorda-news.kz/">Kyzylorda-news.kz</a> Бүгін облыс әкімдігінде «Өңірлік дамыту және Арал теңізінің Солтүстік бөлігін қалпына келтіру» жобасы талқыланған мәжіліс өтті. Оған ҚР Су ресурстары және ирригация министрі Нұржан Нұржігітов, Парламент Мәжілісінің депутаты Мархабат Жайымбетов, облыс әкімінің орынбасары Бахыт Жаханов, аталған министрліктің өкілдері, жергілікті атқарушы органдар мен су шаруашылығы саласының басшылары, ардагерлер қатысты.Бахыт Жаханов аймақ басшысының тапсырмасына сәйкес өңірде атқарылған жұмыстарға, алдағы жоспарларға тоқталды.«Өңірлік дамыту және Арал теңізінің Солтүстік бөлігін қалпына келтіру» жобасының 3 негізгі компоненті бар. Соның 2-уі Қызылорда облысында тұрақты экономикалық, әлеуметтік және экологиялық қызметті қолдауға арналған.Екінші компоненттің бес бағыты – балық шаруашылығы, туризм, жасыл белдеу құру, егін және мал шаруашылығы. Оған 39 жоба енгізілген, 13-ін Халықаралық «Аралды құтқару қорының» атқарушы дирекциясы, 13-ін жергілікті әкімдіктер, 4 жобаны Балық шаруашылығы ғылыми зерттеу орталығының Арал филиалы, 3 жобаны Ы.Жахаев атындағы Қазақ күріш шаруашылығы ғылыми-зерттеу институты, 6 жобаны әртүрлі ұйымдар, жеке тұлғалар ұсынған.Жобалар іске асқан жағдайда 1927 адам тұрақты жұмыспен қамтылуы жоспарланған.«Жаңақорған ауданы Сүттіқұдық ауылы аумағындағы суармалы алқаптарда 11 ұңғыманы бұрғылау» жобасы 2022 жылы Үкімет резервінен бөлінген қаржыға іске асырылды. Тағы 3 жоба қолға алынған.Министрдің жұмыс сапары Арал ауданында жалғасады. Онда «Өңірлік дамыту және Арал теңізінің Солтүстік бөлігін қалпына келтіру» жобасының техника-экономикалық негіздемесі талқыланатын мәжіліс өтеді деп жоспарлануда.<img src="https://knadmin.beoblood.kz/uploads/19_0696dcc9a3.jpg" alt="19.jpg">Фото: Қызылорда облысы әкімінің баспасөз қызметі

ҚР Су ресурстары және ирригация министрі Сыр еліне келді

<a href="https://kyzylorda-news.kz/">Kyzylorda-news.kz</a> &nbsp;EXPO қалашығында орналасқан Жобалық кеңсе елімізде қолға алынған реформалар мен стратегиялық бастамаларды жүзеге асыру ісіне үлес қосуды көздейді.Жоғары билік органы жанындағы мұндай құрылымдар әлемнің бірқатар елінде бар. Мәселен, Ұлыбританияда Премьер-министрдің жобалық кеңсесі (Prime Minister`s Delivery Unit), Малайзияда PEMANDU, Біріккен Араб Әмірліктерінде Акселерация кеңсесі қызмет көрсетеді.Жобалық кеңсе Мемлекет басшысының жолдаулары мен Қазақстанның ұлттық даму жоспарындағы басым бағыттарды сапалы жүзеге асыруға арналған шешімдер әзірлеумен айналысады.Президентке фискалдық орнықтылықты арттыруға арналған платформалық шешімдер енгізу, Маңғыстау облысын өркендету, адами капиталды қалыптастыру және дамыту секілді стратегиялық маңызды жобалардың жүзеге асырылу барысы баяндалды.Бұдан бөлек, Цифрлық даму, инновациялар және аэроғарыш өнеркәсібі министрлігі көлік-логистика, денсаулық сақтау, білім беру және ағарту ісі, энергетика, су, өнеркәсіп және құрылыс, цифрлық, инновациялық әрі өңірлік даму секілді бағыттармен шұғылданатын ведомствоаралық командаларды жасақтады. Бұл нақты саладағы белгілі бір міндетке баса назар аударып, анағұрлым жылдам әрі сапалы нәтижелерге қол жеткізуге мүмкіндік береді.Жобалармен танысқан Қасым-Жомарт Тоқаев еліміздің әлеуметтік-экономикалық дамуында айтарлықтай жетістікке жету үшін Үкімет мүшелері батыл шешім қабылдауы керек екенін атап өтті.<blockquote>– Алдымызда тұрған мақсаттар өте маңызды. Ең бастысы, Мемлекет басшысы берген тапсырмалардың орындалу барысын мұқият бақылауда ұстау қажет. Бұл орталықтың негізгі мақсаты – реформалардың тиімділігін арттыру. Президент Әкімшілігі Басшысының бірінші орынбасары Дархан Сатыбалды осы жұмысты қадағалайды. Министрлер де, әкімдер де батыл шешім қабылдауға дайын болуға тиіс. Мен осыған дейін Үкіметтің алдына нақты міндет қойдым. Еліміздің әлеуметтік-экономикалық дамуына қатысты мәселелер бойынша барынша дербес шешім қабылдануға тиіс. Нақты нәтижелерді талап етемін, – деді Мемлекет басшысы.</blockquote>Президент министрлер мен басшыларды бірқатар міндеттерді назарда ұстауға шақырды.<blockquote>– Біз қазір ірі инфрақұрылымдық жобаларға, цифрландыруға, жасанды интеллект пен ядролық энергетикаға баса мән беріп жатырмыз. Себебі мұның бәрі – мемлекетіміздің негізгі стратегиялық даму бағыттары. Үкімет осы маңызды мәселелерді жұмыс барысында міндетті түрде ескеруге тиіс, – деді Президент.</blockquote>Қасым-Жомарт Тоқаев атом энергетикасын дамыту перспективасына да тоқталды.<blockquote>– Атом электр станциясының құрылысын жеделдету керек. Мен Ana tili газетіне берген сұхбатымда екі үлкен станция салатынымызды айттым. Олардың саны тіпті үшеу болуы да мүмкін. Қазақстанды ядролық энергетикасы дамыған, жасанды интеллект қолданылатын, цифрландыру толық көлемде жүргізілген елге айналдыруымыз керек, – деді Мемлекет басшысы.</blockquote>Фото: Akorda.kz

Қасым-Жомарт Тоқаев Жобалық кеңсенің қызметімен танысты

<a href="https://kyzylorda-news.kz/">Kyzylorda-news.kz</a> &nbsp;Президент Қасым-Жомарт Тоқаев Жобалық кеңсе қызметімен танысу барысында ел дамуының стратегиялық міндеттеріне тоқталды.Олардың қатарына ірі инфрақұрылымдық жобалар, цифрландыру, жасанды интеллект және атом энергетикасы салалары кіреді.Үкiметтің осы бағыттағы жұмыстары экономиканы өркендетуге және жалпы iшкi өнiмнiң құнын арттыруға тың серпін береді.Сонымен қатар Мемлекет басшысы медицина мен білім беру салаларын әлемдік стандарттарға сай дамытудың маңызды екенін атап өтті.Фото: Берік Уәли фейсбук парақшасы

Қазақстан және Қызылорда облысының басты жаңалықтары

Мемлекет басшысы жасанды интеллект саласындағы сарапшылармен кездесті

Экономиканың нақты секторын дамыту мәселелері қаралды

Үкімет отырысындағы көтерілген мәселелер бойынша міндеттер айқындалды

Арал ауданында актив отырысы өтті

Үкімет отырысындағы көтерілген мәселелер бойынша міндеттер айқындалды

Мәжіліс депутаты сырбойылық ағайынның талап-тілегін тыңдады

Аймақ басшысы құрылыс нысандарындағы жұмыс барысын көрді

Еңбек ардагерлерін мерейтойымен құттықтады

Облыстық полиция департаментінің бастығы тағайындалды

ҚР Су ресурстары және ирригация министрі Сыр еліне келді

Қасым-Жомарт Тоқаев Жобалық кеңсенің қызметімен танысты

Мемлекет басшысы ел дамуының стратегиялық міндеттеріне тоқталды