Қызылордада «AMANAT» партиясының бастамасымен, облыс әкімдігінің қолдауымен ауыл әкімдерінің форумы өтті.&nbsp;Жиынға «AMANAT» партиясының хатшысы Ержан Жылқыбаев, Парламент Сенатының депутаты Наурызбай Байқадамов, Ұлттық экономика министрлігі өңірлік даму департаментінің директоры Нұрлан Мақсұтов, барлық деңгейдегі әкімдер, облыстық мәслихат төрағасы мен депутаттары, басқарма, департамент және құқық қорғау органдарының басшылары қатысты.Форумда аймақ басшысы Нұрлыбек Нәлібаев ауыл әкімдерінің жұмысына қатысты нақты тапсырмалар жүктеді. «Мемлекет басшысы Қасым-Жомарт Кемелұлының Қазақстан Республикасы Президенті лауазымына кіріскеннен кейінгі ең алғашқы қол қойған Жарлығы &nbsp;«Ауылдық аумақтарды дамытудың 2023-2027 жылдарға арналған тұжырымдамасы» болды. Ауылдарды дамыту – мемлекеттік саясаттың маңызды стратегиялық мақсаттарының бірі.&nbsp; Президентіміз биылғы Жолдауында «Үкімет пен әкімдер экономиканың құрылымын өзгертуге баса назар аударуға тиіс. Басты мақсат – азаматтардың табысын арттыру» деп, аса жауапты міндеттер жүктеді.Қазір халық сайлады деп арқаны кеңге салып, қол қусыратын уақыт емес. Мемлекет басшысы «Бізге ешкім сырттан келіп, ештеңе жасап бермейтіні анық, бәрі өз қолымызда» &nbsp;деген болатын. Халыққа берген уәдені орындап, Президентіміздің Әділетті қоғамды қалыптастырудағы реформалары мен саясатын өздеріңіз басқаратын аумақта жүзеге асыру қажет.Ауыл тұрғындарының табысын арттыру үшін «Ауыл аманаты» жобасын тиімді іске асырыңыздар. Кәсіпкерлікті дамытуда жұртшылыққа мемлекеттік қолдауларды түсіндіріп, кәсібін ұйымдастыруға көмектесу қажет. Әрбір әкім өзі басқаратын елді мекендегі жұмыссыздар санын азайту, жаңа жұмыс орындарын ашу, халықтың табыс көзін арттыру, салық базасын ұлғайту секілді негізгі міндеттерге баса назар аударуы керек.Жер телімдері мақсатына сай пайдаланылуы, заңсыз немесе пайдаланылмай жатқан жер мемлекет меншігіне қайтарылуы тиіс, – деді аймақ басшысы.Бүгінде Президентіміздің, Үкіметтің ерекше қолдауының арқасында облыс бюджеті 744 млрд. теңгеден асты. Осыдан екі жыл бұрын 364 млрд. теңге болатын. Өсім 204,4 пайызды құрады.Бұл қаражат аймақтағы ең өзекті деген мәселелерді шешуге, тұрғындардың өмір сүру сапасын арттыруға және ауқымды инфрақұрылымдық жобаларды жүзеге асыруға жұмсалуда.Облыс халқын табиғи газбен қамту деңгейі 75 пайыз, қалалар мен аудан орталықтары және 29 ауылдық елді мекен газға қосылған. Биыл газдандыру жобаларына 30 млрд. теңге қаржы бөлінді. Аталған қаржыға 306 шақырым газ желілері салынды. Бұл 20 мыңнан астам халқы бар 17 елді мекенге «көгілдір отын» қосуға мүмкіндік береді.2022 жылдан бері ауыз сумен қамтуда 16 млрд. 800 млн. теңгенің 55 жобасы жүзеге асып, халыққа орталықтандырылған таза су беру деңгейі 98,6 пайызға жетті. Электр энергиясымен қамтуда 2022 жылдан бері 18 млрд. теңгенің 70 жобасы іске қосылды, биылдың өзінде 11 млрд. теңгеге 38 жоба қолға алынды. Бұл электр желілерінің тозуын 62 пайызға төмендетеді. Аймақта 43 млрд теңгеден астам қаржыға 300 шақырымға жуық автомобиль жолдары мен көпір өткелдері жөндеуден өтуде. «Ауылдық денсаулық сақтауды жаңғырту» ұлттық жобасы аясында 27 нысан салынуда. Өткен жылы елді мекендерде 16 жаңа дәрігерлік амбулатория ел игілігіне табысталды.&nbsp; Басқосуда ,«AMANAT» партиясының хатшысы Ержан Жылқыбаев, Парламент Сенатының депутаты Наурызбай Байқадамов, Ұлттық экономика министрлігі өңірлік даму департаментінің директоры Нұрлан Мақсұтов, партияның Қызылорда облыстық филиалының төрағасы Алмасбек Есмаханов сөз сөйледі.Жиын соңында өңірдің әлеуметтік-экономикалық дамуына қосқан үлесі, ел мүддесі жолында атқарған еңбегі үшін аудан әкімдері, сала басшылары мен мамандары Президенттің Алғыс хатымен марапатталды.

Қызылорда облысында ауыл әкімдерінің форумы өтті

<a href="https://kyzylorda-news.kz/">Kyzylorda-news.kz</a> Қызылорда облысында республикалық «Қызылорда-Жезқазған» автожолын қайта жаңғырту жұмыстары қарқынды жүріп жатыр. Бүгінде үш учаскіде жұмыстар аяқталуға жақындады. &nbsp;Осыған орай, ҚР Көлік министрлігінің бастамасымен Автомобиль жолдары комитеті мен «Жол активтері сапасының ұлттық орталығы» РМК мамандары және «ҚазАвтоЖол» АҚ компаниясы бірлесіп, БАҚ өкілдеріне «Сапа керуені» баспасөз турын өткізді.Қызылорда мен Жезқазған аралығында 424 шақырым жолдың 204 км Сыр өңірінің аумағына тиесілі. Еліміздің орталығы мен оңтүстігін жалғайтын төте жол көлік логистикасын жақсартып қоймай, әлеуметтік-экономикалық тұрғыда маңызы зор. Сыр өңірінде күре жолдың біршама бөлігінде жабынның жоғарғы қабаты төселіп, үш учаскеде үш қабат асфальт жабындысын аяқталуға жақын. Яғни, облыс шекарасынан бастап Қызылорда бағытына қарай 90 шақырым пайлалануға беріліп, 50 шақырым қоса жолда ішінара қозғалыс ұйымдастырылады. Жалпы жоспарға сәйкес 140 шақырым асфальт жабынымен қозғалыс берілетін болады. Қазіргі уақытта 3 учаске бойынша соңғы жабын бойынша асфальт төсеу жұмыстары аяқталуға жақындап, жол таңбаларын сызу, жол белгілерін орнату және жол жиегін нығайту жұмыстары жүріп жатыр.<blockquote>— Жалпы «Қызылорда-Жезқазған» автожолы бойынша Қызылорда облысы аумағында 192 шақырымы қайта жаңғыртудан өтуде. Осы жылдың аяғына дейін ішінара 140 шақырымында жаңа асфальт қабатымен жол қозғалысын ашу жоспарлануда. Жоспар бойынша жобаның аяқталу мерзімі Қызылорда облысында 2026 жылы деп белгіленген. Сонымен қатар, жобада мердігер компаниялар жолды абаттандыру, екі жағын тегістеу жұмыстарын жүргізіп жатыр. Осы ауқымды жол құрылысына 700-дей адам және 400 бірлікке жуық арнайы техника жұмылдырылып отыр,- деді ҚР Көлік министрлігі автомобиль жолдары комитетінің басқарма басшысы Нұртілек Хасенов.</blockquote>Жалпы қайта жаңғыртудан өтіп жатқан күре жол 5 учаскеге бөлінген. Мердігерлердің 4-еуі қытайлық компания, біреуі жергілікті «Қыран» ЖШС. Және отандық кәсіпорын алғашқылардың бірі болып жұмысын аяқтағанын ерекше атап өткен жөн. Мұның өзі қазақстандық компаниялардың ауқымды жобаларға қатысып қана қоймай, халықаралық талаптарға сай жол салуға қауқарлы екенін көрсетіп отыр. Себебі, Еуропалық даму және қайта құру банкі арқылы қаржыландырылған жобада мердігерлерге өте жоғары талап қойылған. Осы үдеден шығу абыройлы міндет. «Қызылорда-Жезқазған» автожолының сапалы салынуы «Жол активтері сапасының ұлттық орталығы» РМК мамандарының ұдайы бақылауында. Мәселен, 2024 жылы жылжымалы зертханамен қайта жаңғыртудан өтіп жатқан жолға 1028 рет тексеру жүргізілген. Жол жабындысы мен құрылыс материалдарынан 4,2 мың сынама алынып, соның 20 пайызы (857) зертханалық зерделеу барысында талапқа сай шықпаған. Алайда, анықталған олқылықтарды мердігерлер өз қаржысы есебінен қайта қалпына келтіріп, 167,1 миллион теңгенің жұмысын жүргізген.<blockquote>— Бұл республикалық маңызы бар автожол Мемлекет басшысының тікелей назарында. ҚР Көлік министрі де үнемі бақылауында ұстап отыр. Қандай да бір ахау анықталса, мердігер компания дер кезінде кемшіліктерді жойып, талапқа сай жұмыс істеп жатыр. Ал қазір салынған үш учаскедегі жолдың тегістігіне келетін болсақ, зерттеу жұмыстарының қорытындысымен 96-98 балл жүйесімен бағаланып, нормативтік талаптара сай келетінін көрсетіп отыр. Яғни, бұл өте жақсы деген көрсеткіш. Және тағы бір айта кету керек, жолды салғаннан кейін де мердігерлерге 5 жылға дейін кепілдік мерзімі қаралған. Яғни, жолдың кейбір жерлері сыр беріп жатса, өз қаржысы есебінен қайта қалпына келтіретін болады,-деді «Жол актвитері сапасының ұлттық орталығы» РМК бас директоры Болатбек Айтбаев.</blockquote>«Сапа керуені» баспасөз туры аясында БАҚ өкілдері жаңа жолдың үстімен жүріп, Қызылорда облысының шекарасына дейінгі атқарылған жұмыстарды көзбен көрді. Жол салып жатқан жолшылардың тыныс-тіршілігімен танысып, қызу тірлікке куә болды. Жалпы жыл аяғына дейін «Қызылорда-Жезқазған» автожолының 140 шақырымында &nbsp;көліктерде қозғалыс ашу күтілуде.

«Қызылорда-Жезқазған» автожолы: үш учаскіде асфальт төсеу жұмыстары аяқталуға жақын

<a href="https://kyzylorda-news.kz/ru">Kyzylorda-news.kz</a> Облыс әкімі Нұрлыбек Нәлібаевтың қатысуымен «Нашақорлыққа жол жоқ» тақырыбында үйлестіру кеңесінің кеңейтілген отырысы өтті. Кеңеске қала, аудан әкімдері, құқық қорғау органдарының, жауапты салалардың басшылары қатысты.Аймақ басшысы осы бағытта атқарылған жұмыстарға тоқталып, алдағы міндеттерді айқындады.<blockquote>«Бүгінгі үйлестіру кеңесінің тақырыбы – аса маңызды, қоғамымыз үшін өте өзекті. Нашақорлықтың таралуына жол бермеу, есірткі қылмыстарының алдын алу – біздің басты міндетіміз. Президентіміз Қасым-Жомарт Кемелұлы «Адал адам – Адал еңбек – Адал табыс» атты Ұлттық құрылтайдың үшінші отырысында «Нашақорлық, әсіресе, балалар арасында тез таралып, жастарымыз уланып жатыр. Есірткімен күрес белсенді жүргізілмесе, ертең бәрі кеш болуы мүмкін» деген болатын.Жасөспірімдердің құқығы мен өмірін қорғауға айрықша көңіл бөлініп, балаларды құмар ойынға жетелегендер заң бойынша жазаға тартылады. Кәмелетке толмаған балаларға зорлық-зомбылық көрсеткенге берілетін жаза қатаңдады. Балалар қауіпсіздігін қамтамасыз етуді, әйелдер мен балаларға қарсы қылмыстың алдын алуды көздейтін заң қабылданды.Кәмелет жасына толмағандар арасында нашақорлықтың алдын алуға бағытталған танымдық-тәрбиелік іс-шараларды мектептерде көптеп өткізу қажет. Әскери және құқық қорғау органдарының қызметкерлеріне арналған скринингтің оң тәжірибесін мектеп педагогтеріне қолдану мәселесін қарастырыңыздар. Балалардың бос уақытын тиімді үйлестіруде бірлескен шаралар қабылдаңыздар. Әсіресе, ерекше бақылауды қажет ететін, түрлі санаттағы отбасы балаларын шығармашылық және спорттық секцияларға тарту керек.Саламатты өмір салтын қалыптастыруда, балалар мен жасөспірімдердің денсаулығын нығайтуда "Жастар денсаулығы" орталығының жұмысын күшейтіңіздер. Түрлі санаттағы отбасылардың цифрлық картасының мүмкіндігін пайдалану қажет. Бұл есірткі тұтынушының әлеуметтік-экономикалық портретін электронды форматта қалыптастыруға мүмкіндік береді. Қоғамдық пікір көшбасшыларын, журналистерді, белсенді блогерлерді тартып, нашақорлықтың зияны туралы танымдық іс-шаралар ұйымдастырыңыздар. Рейдтік жұмыстардың балама әдістерін қарастыру, жасөспірімдер мен жастар арасындағы нашақорлыққа, құқық бұзушылыққа, кибербуллингке, заңсыз ойындарға тосқауыл қою шаралары өте маңызды», - деді Н.Нәлібаев.</blockquote><figure class="image"><img src="https://knadmin.beoblood.kz/uploads/akimat_b2d51f58ad.webp" alt="акимат.webp"></figure>Жастар мен жасөспірімдердің уақытын тиімді өткізу, жат әрекеттерден сақтандыру, бәсекеге қабілетті ұлт тәрбиелеу мақсатында соңғы 3 жылда жаңадан 21 мәдениет нысанын салуға бюджеттен қаржы қаралды, 10 нысан пайдалануға берілді. Тағы 11 нысанның құрылысы жыл соңына дейін аяқталады.Кеңесте облыс прокуроры Ризабек Ожаров, Бас прокуратураның стратегиялық даму департаментінің бастығы Әлжан Нұрбеков, облыс прокурорының орынбасары Мәди Сарпеков, облыстық полиция департаменті бастығының орынбасары Серік Тоқтыбаев, Мәдениет және ақпарат министрлігі Жастар және отбасы ісі жөніндегі комитет төрағасының орынбасары Біржан Әлімжанов, мемлекет және қоғам қайраткері Бақытбек Смағұл, «Әкелер одағы» республикалық бірлестігінің төрағасы Мақсұтбек Айтмағанбет сөз сөйледі.Жиында жат әдетпен күреске азаматтық қоғамның әрбір мүшесін жұмылдыру ұсынылды. Бірлескен іс-шаралар жоспары таныстырылып, облысымызда нашақорлыққа қарсы бір айлық акция өткізу туралы бастама көтерілді.Қатысушылар прокуратура бастамасын қолдап, есірткінің заңсыз айналымын түбегейлі жою мақсатында бірлесе қызмет атқару туралы ортақ келісімге келді.<figure class="image"><img src="https://knadmin.beoblood.kz/uploads/akimat_2_88eeb2e95f.webp" alt="акимат 2.webp"></figure>Фото: Қызылорда облысы әкімдігінің баспасөз қызметі

Қызылордада «Нашарқорлыққа жол жоқ» тақырыбында үйлестіру кеңесінің кеңейтілген отырысы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ұлттық мереке - Республика күні қарсаңында қала орталығындағы жаңадан бой көтерген &nbsp;«Мерей» көпқабатты тұрғын үй кешенінің құрылыс жұмыстарымен танысты.Аумағы &nbsp;11 113 шаршы метрлік тұрғын үй 7 қабатты, 82 пәтері бар. Кешендегі негізгі жұмыстар аяқталған, аумағы абаттандырылып, сыртқы және ішкі әрлеу жұмыстары жүргізілуде.Айта кетейік, биыл мемлекеттік қолдау мен ұлттық жобалар аясында қаржыландырудың барлық көзінен өңірде 863 900 шаршы метр тұрғын үй пайдалануға беріледі. Мемлекеттік бюджеттен бөлінген 37 млрд 100 млн теңгеге 3 мыңға жуық пәтер табысталып, 13 мың тұрғын қоныстой тойлайды.2022-2023 жылдары 4 мыңға жуық пәтер беріліп, 17 мың тұрғынның баспана мәселесі шешілген болатын.

Нұрлыбек Нәлібаев «Мерей» тұрғын үй кешеніне барды 

&nbsp;Бүгін Өнер орталығында облыс әкімі Нұрлыбек Нәлібаевтың қатысуымен Республика күніне арналған салтанатты шара өтті. Оған құқық қорғау органдарының, басқарма, департаменттердің басшылары, зиялы қауым өкілдері мен облыстық мәслихат депутаттары қатысты.Аймақ басшысы жиналған қауымды ұлттық мереке – Республика күнімен құттықтап, өңірдің әлеуметтік-экономикалық дамуындағы жетістіктерге тоқталды.<blockquote>«Баршаңызды еліміздің ең басты ұлттық мерекесі – Республика күнімен шын жүректен құттықтаймын! Ұлтымыз ұлықтаған атаулы күнді Сыр өңірі толағай табыстармен қарсы алуда.Президентіміз Қасым-Жомарт Кемелұлы бірлік пен берекенің, өнер мен мәдениеттің құтты ұясы – Сыр өңіріне келген сапарында облысымызға дамудың үлкен перспективалары бар стратегиялық маңызды аймақ деп оң бағасын берді.Бүгінде Президентіміздің, Үкіметтің ерекше қолдауының арқасында облыс бюджеті 744 млрд теңгеден асты. Екі жыл бұрын 364 млрд теңге болатын.Аймақта 43 млрд теңгеге 300 шақырымға жуық автомобиль жолдары мен көпір өткелдері жөнделуде. Соңғы үш жылда жөнделген жол 1 271 шақырымға жетті. Осылайша жақсы жағдайдағы жолдардың үлесі 92 пайыздан асады.Электр энергиясымен қамту бағытында 2022 жылдан бері18 млрд теңгеге 70 жоба іске қосылды. Биылдың өзінде 11 млрд теңгеге 38 жоба қолға алынды. Бұл тозған желілерді 72-ден 62 пайызға төмендетеді.Облыста 30 млрд теңгеге 11 елдімекен (Сексеуіл және Төретам кенті, Абай, Ақсу, Шәменов, Сейфуллин, Тоқмағанбетов, Алмалы, Досбол Датқа, Бестам, Төменарық ауылдары) газдандырылуда. Осы жұмыстар аяқталғанда өңірді газбен қамту көрсеткішін 75-тен 78 пайызға жеткіземіз.Елді мекендерді сапалы ауыз сумен қамтуда 2022 жылдан бері 16 млрд 800 млн теңгенің 55 жобасы жүзеге асты. Жыл соңына дейін көрсеткіш 98,1-ден 98,6 пайызға артады. Келесі жылдың соңында облыстағы барлық елді мекенге орталықтандырылған ауыз су қосамыз.Егемендікке қол жеткізуді аңсап, өмірін күреспен өткізген ата-бабаларымыздың асыл арманы Тәуелсіздігімізді баянды ету – бүгінгі ұрпақ үшін жауапкершілігі зор міндет. Баршаңызды Республика күнімен тағы да құттықтап, отбасыларыңызға амандық, бақ-береке, толайым табыстар тілеймін! Еліміздің өркендеуі жолындағы адал қызметтеріңіз табысты, еліміз еңселі, Тәуелсіздігіміз тұғырлы болғай!», – деді Н.Нәлібаев.</blockquote>Мемлекеттік қолдау мен ұлттық жобалар шеңберінде қаржыландырудың барлық көзінен биыл 863 900 шаршы метр тұрғын үй пайдалануға беріледі. 2022-2023 жылдары 4 мыңға жуық пәтер табысталып, 17 мың тұрғынның баспана мәселесі шешілді.«Болат Өтемұратов қорының» демеушілігімен Қорқыт ата әуежайының жаңа терминалы салынды. Жерлестеріміз үшін бұл – өте маңызды жоба. Жақын арада ел игілігіне табысталады. Қуаттылығы 240 мегаваттық жаңа жылу-электр орталығының құрылысы қарқынды жүруде. Нысан келесі жылы қыркүйек айында пайдалануға беріледі. Қызылорда қаласын ыстық сумен қамту жобасы оң шешімін тапты. Ол бойынша 623 көпқабатты тұрғын үйге ыстық су қосылады.Республика күніне орай ұйымдастырылған іс-шара мерекелік концертке ұласты.<img src="https://knadmin.beoblood.kz/uploads/464287675_849412400713339_4697775875639955025_n_9cbb6ac6bc.jpg" alt="464287675_849412400713339_4697775875639955025_n.jpg"><img src="https://knadmin.beoblood.kz/uploads/464227771_849412614046651_5769564006466514051_n_1ebda50703.jpg" alt="464227771_849412614046651_5769564006466514051_n.jpg"><img src="https://knadmin.beoblood.kz/uploads/464089181_849413120713267_3278496780285714485_n_46d0366887.jpg" alt="464089181_849413120713267_3278496780285714485_n.jpg"><figure class="media"><div data-oembed-url="https://youtu.be/YB0l6xBP_pY?feature=shared"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/YB0l6xBP_pY" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: Қызылорда облысы әкімінің баспасөз қызметі

Республика күніне орай мерекелік шара өтті (видео)

<a href="https://kyzylorda-news.kz/">Kyzylorda-news.kz</a> Бүгін Ұлттық мереке – Республика күні қарсаңында Мемлекет басшысы Қасым-Жомарт Кемелұлы Тоқаевтың «Қазақстан Республикасының мемлекеттік наградаларымен наградтау туралы» Жарлығы шықты. Жарлықта еліміздің әлеуметтік-экономикалық және мәдени дамуына, халықтар арасындағы достық пен ынтымақты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталғаны жарияланған.Олардың қатарында білім беру, денсаулық сақтау, мәдениет және ғылым қайраткерлері, өндіріс, бизнес салаларының көрнекті өкілдері, депутаттар, мемлекеттік және құқық қорғау органдарының қызметкерлері, әскери қызметшілер, спортшылар және еңбек ардагерлері бар.Бүгін Ақордада Республика күніне орай өткен салтанатты жиында Мемлекет басшысы Қасым-Жомарт Кемелұлы Тоқаев сөз сөйледі. Қазақстандықтарды ұлтымыздың ең ұлық мерекесімен құттықтап, бұл азаттықтың алтын қазығын қаққан күн екенін атап өтті. Еліміздің Егемендігі туралы декларация қабылданған күнді қасиетті Тәуелсіздігіміздің бастауына балады.Мемлекет басшысы өз сөзінде болашаққа сеніммен қарайтын ұлт қана табысқа жете алатынына назар аударып, өмір болған соң түрлі қиындық та кездесетініне тоқталды.<blockquote>«Еліміз таңдаған даму жолынан ешқашан айнымайды. Мұны биылғы табиғи апат кезінде тағы да дәлелдедік. Алапат тасқын, шын мәнінде, еліміз үшін зор сынақ болды. Қаншама елді мекенді қарғын су басты. Қазақстанның 10 аймағында төтенше жағдай жарияланды. Мыңдаған адам баспанасыз қалды, мал-мүлкін жоғалтты. Күрделі сәтте менің халыққа арнайы үндеу жариялағанымды білесіздер. Онда бір де бір адам ескерусіз қалмайтынын нақты айттым. Мемлекет сол уәдесін орындады. Қысқа мерзім ішінде 2700-ге жуық үй салынды. Баспанасын қалпына келтіру үшін 9 мыңнан астам отбасына өтемақы берілді. Сондай-ақ 6 мыңға жуық үй сатып алынды. Жаздан бері мыңдаған отбасы қоныс тойын тойлады. Мемлекет бүлінген инфрақұрылымның көпшілігін аз уақытта қалпына келтірді», – деді Президент.</blockquote>Қасым-Жомарт Тоқаев мұның бәрін қоғамның бірлесе атқарған жұмысының нәтижесі деп бағалап, апат салдарын жоюға атсалысқандарға, әсіресе, құтқарушыларға, еріктілерге, кәсіпкерлерге және басқа да жанашыр азаматтарға алғыс айтты.<blockquote>«Өзара тілеулестік пен қамқорлықтың арқасында сынақтан сүрінбей өттік. Шын мәнінде, біздің барлық жетістігіміз берекелі бірлік пен ырысты ынтымақтан бастау алады. Бұл – ұйысқан ұлт, мықты мемлекет болудың басты кепілі. Елде тұрақтылық болмаса, ешқандай даму болмайтынын қазір әлемде болып жатқан оқиғалардан анық аңғаруға болады. Өкінішке қарай, көптеген елдер алауыздық пен түрлі жанжалдың кесірінен тоқырауға ұшырап отыр. «Бірлік бар жерде ғана тірлік бар». Бұл – ақиқат. Біз елімізде жан-жақты реформаларды жүзеге асырып жатырмыз. Бұл – ең алдымен, халқымыздың тұтастығы мен бірлігінің арқасы. Себебі, біз таңдаған жол – өркендеу мен даму жолы. Бүгінде оның жемісін барша азаматтарымыз көруде», – деді Мемлекет басшысы.</blockquote>Салтанатты іс-шарада Мемлекет басшысы Қасым-Жомарт Кемелұлы Тоқаев ІІІ дәрежелі «Барыс» орденін Қызылорда облысының әкімі Нұрлыбек Машбекұлы Нәлібаевқа тапсырды.Жалпы биылғы мемлекеттік наградаларды тағайындауда қарапайым жұмысшылардың мәртебесін асыруға, еңбек әулеттерінің қоғамдағы абырой-беделін арттыруға айрықша мән берілді. Марапат иелерінің қатарында 450-ден астам жұмысшы, 137 педагог, 80-нен аса ғалым, 100-ге жуық құтқарушы мен ерікті бар.Еңбек династияларын марапаттау дәстүрі биыл да жалғасын тапты. Бұл жолы мұғалімдер, өндірісшілер, теміржолшылар әулеттері құрметке бөленді.<img src="https://knadmin.beoblood.kz/uploads/464290449_848701407451105_7313676181005745828_n_f68c714ef6.jpg" alt="464290449_848701407451105_7313676181005745828_n.jpg">

Облыс әкімі Нұрлыбек Нәлібаев – ІІІ дәрежелі «Барыс» орденінің иегері

Қазалы: Тарихы тағылымға, бүгіні берекеге толы мекен

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев жұмыс сапарымен Қазалы ауданы барды. Аймақ басшысының қатысуымен әлеуметтік осал топтағы отбасылар үшін сатып алынған 120 пәтерлі 60 тұрғын үйдің кілтін табыстау рәсімі өтті. Оған ҚР Парламентінің Сенат депутаты Наурызбай Байқадамов, жауапты сала басшылары, еңбек ардагерлері мен қала тұрғындары қатысты.Өңір басшысы жаңа пәтер иелерін қоныс тойымен құттықтап, облыс көлеміндегі құрылыс жұмыстарын тізбектеді.<blockquote>«Президентіміздің және Үкіметтің қолдауымен Сыр өңірінде соңғы жылдары мақсатты бастамалар қолға алынып, ауқымды жобалар жүзеге асуда.Аймақтағы электр энергия тапшылығы мәселесін шешу мақсатында Қызылорда қаласында қуаттылығы 240 мегаватты құрайтын 215 млрд.теңгеге жаңа жылу электр орталығының құрылысы қарқынды жүруде. Бүгінде инвестор – «Акса Энерджи» түрік компаниясы жылу орталығының құрылысына 115 млрд.теңгеден астам инвестиция салды. Келер жылы қыркүйек айында ел игілігіне табысталады.Мемлекет басшысының қолдауымен аймағымыз қарқынды құрылыс алаңына айналуда. Өңірде құны 123 млрд. 400 млн. теңгеге 81 әлеуметтік нысан салынуда. Құны 58 млрд. 900 млн. теңгеге 332 мың шаршы метрді құрайтын жаңа 452 көппәтерлі тұрғын үйлердің құрылысы жүргізілді.Бұдан бөлек, жергілікті кәсіпкерлер, облыстан шыққан меценаттар Сыр елін көркейтуге, ауылдарды дамытуға белсенді араласып, өз үлестерін қосуда. Аймағымызда демеушілер есебінен барлығы 50 млрд. теңгенің жобалары жүзеге асуда.Қазалы ауданында да тұрғындарының өзекті деген мәселелерін шешуге бағытталған ауқымды жұмыстар атқарылуда.Өткен жылы Қазалы ауданының 95 жылдық мерейтойы қарсаңында халықтың әлеуметтік осал топтары үшін салынған баспаналар кілтін қазалылық 50 отбасыға табыстаған болатынбыз.Биыл да үлгілі үрдіс жалғасын тауып, жаңа үйлерді тұрғындарға табыстаудамыз. Ауданның ажарын айшықтай түсетін бұл үйлер инженерлік инфрақұрылым желілерімен толықтай қамтылған. Қадірлі жерлестер, жаңа пәтер иелері жаңа қоныстарыңыз құтты болсын!», - деді Нұрлыбек Нәлібаев.</blockquote>Іс-шарада жаңа үйлердің құрылысын жүргізген мердігер мекеменің мамандарына облыс әкімінің Алғыс хаты табысталып, Қызылорда қаласы, Арал, Қазалы және Сырдария аудандарының Құрметті азаматы, «Құрмет» орденінің иегері Айтбай Көшербаев батасын берді.Үй беру рәсімінен кейін аймақ басшысы тұрғындармен кездесті. Әлеуметтік-экономикалық дамудың бағыт-бағдары, инфрақұрылымдық жобалардың жүзеге асу барысы туралы айтып, ой-пікірлерді тыңдады.<img src="https://knadmin.beoblood.kz/uploads/azaly_audanynda_120_otbasy_baspanaly_boldy_1_ecae4d1bad.jpg" alt="Қазалы ауданында 120 отбасы баспаналы болды 1.jpg"><img src="https://knadmin.beoblood.kz/uploads/azaly_audanynda_120_otbasy_baspanaly_boldy_2_1577ca649e.jpg" alt="Қазалы ауданында 120 отбасы баспаналы болды 2.jpg"><img src="https://knadmin.beoblood.kz/uploads/azaly_audanynda_120_otbasy_baspanaly_boldy_3_ae25aecdde.jpg" alt="Қазалы ауданында 120 отбасы баспаналы болды 3.jpg">Фото: Қызылорда облысы әкімінің баспасөз қызметі

 Қазалы ауданында 120 отбасы баспаналы болды

<a href="https://kyzylorda-news.kz/">Kyzylorda-news.kz</a> Бүгін Қызылорда қаласындағы «Евразия» спорт кешенінде қазақ күресінен арнаулы және құқық қорғау органдары, күштік құрылымдар арасында ҰҚК Төрағасының жүлдесіне арналған «Ұлттық Қауіпсіздік Барысы» республикалық жарысы ұйымдастырылды.Облыс әкімі Нұрлыбек Нәлібаев қатысушыларға сәттілік тілеп, Сыр спортының жетістіктерін атап өтті.<blockquote>«Елімізде тұңғыш рет қазақ күресінен арнаулы және құқық қорғау органдары, күштік құрылымдар арасында Ұлттық қауіпсіздік комитеті Төрағасының жүлдесіне арналған «Ұлттық Қауіпсіздік Барысы» дүбірлі додасы басталды. Ерекше маңызы бар республикалық жарыстың біздің өңірден бастау алғанына ризашылығымызды білдіреміз.Ел спортының дамуына Сыр спортшыларының қосқан үлесі мол. Биыл ұлттық құрамаға облыстан 690 спортшы қосылды. Жыл басынан бері аймақ спортшылары республика чемпионаттары мен кубоктарынан 668 медаль жеңіп алса, Әлем және Азия чемпионаттары мен кубоктарынан 93 медаль иеленді. Астана қаласында өткен V Дүниежүзілік көшпенділер ойындарында ел намысын қорғағандардың барлығы дерлік жоғары нәтиже көрсетті.Спорт – сан қырлы сала. Ондағы мәселелер мемлекеттің ғана емес, жан-жақты қолдау арқылы шешіледі. Мұны ет-жүрегімен сезінген жанашыр жерлестеріміздің арқасында аймағымызда көптеген жаңа нысан құрылысы жүруде, алдағы уақытта да ауқымды жоспарымыз бар.Жуырда ғана сол жағалаудан Үстел теннисі орталығын ел игілігіне табыстадық.Бүгінде халықаралық стандарттарға сай 10 мың орындық Орталық стадионның құрылысы қарқынды жүруде. Жастар мен балаларды үйірмелермен қамтуға мүмкіндік беретін «Қызылорда Арена» көпбейінді спорт кешені салынады. Сондай-ақ, 10 кешеннің құрылысы басталды.Көшпелілер күресінің бас­ты қағидасы қашанда әділеттілік болған. Сондықтан да қазақ күресінің тәрбиелік маңы­з­ы зор. Бүгін күш-қайраттарыңызды көрсетіп, жарыс көрігін қыздырыңыздар! Қорқыт бабамыздың рухы дем беріп, батырлар мен баһадүрлердің киесі қолдасын! Бақ пен бап қатар шапсын деп тілеймін! Ел іргесі берік, Тәуелсіздігіміз тұғырлы болғай!», – деді Н.Нәлібаев.</blockquote>ҚР ҰҚК Кадрлар департаментінің бастығы Алмас Бекішов пен ҰҚК Қызылорда облысы және Байқоңыр қаласы бойынша департаментінің бастығы Азамат Ищанов адамның рухын асқақтататын, ар-намыс пен қара күшті бойына тоғыстырған нағыз ерлер сыналатын сайыста палуандарға сәттілік тіледі. Жарыс қонақтары қатарында «Қазақстан барысының» жеңімпаздары Бейбіт Ыстыбай мен Мақсат Исағабылов бар.Айтулы бәсекеге 9 командадан, атап айтсақ, ҚР Ұлттық қауіпсіздік комитетінен, Ішкі істер, Төтенше жағдайлар министрліктерінен, ҰҚК Шекара қызметінен, Мемлекеттік күзет қызметінен, Сыбайлас жемқорлыққа қарсы іс-қимыл агенттігінен, мамандандырылған күзет қызметі басқармасынан, Қылмыстық түзеу жүйесі комитетінен 45 спортшы қатысуда.Жарыс 66, 74, 82, 90, 100 келі салмақта командалық есеп бойынша өткізіледі. Палуандарға 10 төреші әділ бағасын береді. Олардың қатарында ұлттық дәрежедегі төрешілер бар. Бозкілемдегі бәсеке кешке дейін жалғасады.<img src="https://knadmin.beoblood.kz/uploads/sport_1_ecdb7db4b3.jpg" alt="спорт 1.jpg"><img src="https://knadmin.beoblood.kz/uploads/sport_2_1f0ecac1d1.jpg" alt="спорт 2.jpg">Фото: Қызылорда облысы әкімінің баспасөз қызметі

Сыр елінде «Ұлттық қауіпсіздік барысы» республикалық жарысы өтуде

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев аймақтағы құрылыс жұмыстарының барысына қатысты арнайы жиын өткізіп, жауапты сала басшылары мен аудан әкімдеріне, мердігер мекеме басшлығына бірқатар тапсырма берді.<blockquote>«Cоңғы он жылда Қызылорда облысында 750 млрд. теңгеге жуық қаржыға мыңнан астам нысан салынып, пайдалануға берілген. Өткен аптада облысымызға келген арнайы жұмыс тобымен бірлесіп, Қызылорда қаласы және аудандарда соңғы 20 жылда пайдалануға берілген құрылыс нысандарының жай-күйін зерделеді. Арнайы жұмыс тобы мыңдаған нысанды түгел қамти алмады, себебі аз ғана уақытта толығымен қарап шығу мүмкін емес.Қызылорда қаласы мен барлық аудан әкімдері, мердігер мекемелермен бірлесіп, анықталған кемшіліктерді заң аясында шұғыл қалпына келтіріңіздер. Жауапты сала басшылары, нысандардың сапалы салынуын, белгіленген мерзімде ел игілігіне табысталуын, техникалық және авторлық қадағалаушылардың жұмысын қатаң бақылауға алыңыздар», – деді Нұрлыбек Нәлібаев.</blockquote>Сонымен қатар, жиында аймақ басшысы құрылыстағы кемшіліктерді шұғыл қалпына келтіру туралы тапсырма орындалмаған жағдайда арнайы құрылған жұмыс тобының қарауына ұсынылатынын жеткізді. Бұл тек құрылыс нысандарына қатысты емес. Жол құрылысы, газ, жылу, жарық желілерін тарту жұмыстарының да сапасы тексерілетін болады.<img src="https://knadmin.beoblood.kz/uploads/rylys_barysynda_y_kemshilikterdi_merdiger_mekemeler_alpyna_keltirui_kerek_2_88786fd6b9.jpg" alt="Құрылыс барысындағы кемшіліктерді мердігер мекемелер қалпына келтіруі керек 2.jpg"><img src="https://knadmin.beoblood.kz/uploads/rylys_barysynda_y_kemshilikterdi_merdiger_mekemeler_alpyna_keltirui_kerek_1_b22d609dca.jpg" alt="Құрылыс барысындағы кемшіліктерді мердігер мекемелер қалпына келтіруі керек 1.jpg">Фото: Қызылорда облысы әкімінің баспасөз қызметі

Н.Нәлібаев: «Құрылыс барысындағы кемшіліктерді мердігер мекемелер қалпына келтіруі керек»

<a href="https://kyzylorda-news.kz/ru">Kyzylorda-news.kz</a>&nbsp; Бүгінгі Үкімет отырысында Премьер-министр Олжас Бектенов Қызылорда облысында қолданылған су үнемдеу тәжірибесін басқа өңірлерге тарату туралы тапсырма берді. Бұл әсіресе, вегетация кезеңінде су тапшылығы қатты сезілетін оңтүстік өңірлерге қатысты.Облыс әкімі Нұрлыбек Нәлібаев су шаруашылығындағы мәселелерге орай нақты міндеттерді айқындады.<blockquote>«2022 жылдың қазан айында Арал теңізіндегі су көлемі 18,5 млрд. текше метрге дейін азайған болса, биыл 22 млрд. текше метрге дейін жетті. Алдағы қыс мезгілінде Шардара су қоймасынан Сырдария өзеніне түсетін мол суды тиімді пайдаланып, теңізге көбірек жіберіп, көлдер жүйесін, шабындықтар мен жайылымдарды суландыру қажет.Мемлекет басшысының тапсырмасына сәйкес «Арна» коммуналдық мемлекеттік мекемесі құрылды. Аталған мекеме елді мекендердегі су нысандарын тазалап, гидротехникалық құрылыстарды жөндейді. Алайда, әлі күнге дейін суға төлем төлеу баяу жүруде. Аудан әкімдері, мәселені тұрақты бақылауға алып, қарызды 1 қарашаға дейін толық өтеу шараларын қабылдаңыздар», – деді Нұрлыбек Нәлібаев.</blockquote>Облыс әкімі су саласын дамытудың 2024-2028 жылдарға арналған кешенді жоспарына енгізілген жобаларды іске асыруда Су ресурстары және ирригация министрлігімен нақты жұмыс жасауды, Ислам Даму банкінің қаржыландыруымен жүргізілетін «Қараөзек» су қоймасы құрылысын 2025 жылы бастау жұмыстарын үйлестіруді жүктеді.Егістікке су үнемдеу технологияларын кеңінен енгізіп, қыстағы мол суды Арал теңізі мен көлдер жүйесіне жіберу, шабындықтар мен жайылымдарды суландыру, 2025 жылдың вегетациялық кезеңіне дейін каналдарды тазалау, жөндеу керек.Жиында Шардарадан жіберілетін судың тиісті көлемін алуды, қауіпсіз өткізуді ұйымдастыру міндеттелді. Сондай-ақ, аймақ басшысы «Қызылорда су торабындағы» жөндеу жұмыстарын осы жылдың 10 қарашасына дейін аяқтауды тапсырды.<img src="https://knadmin.beoblood.kz/uploads/5_acf304978e.jpg" alt="5.jpg"><img src="https://knadmin.beoblood.kz/uploads/6_652df13948.jpg" alt="6.jpg"><img src="https://knadmin.beoblood.kz/uploads/4_5be5fbb3aa.jpg" alt="4.jpg"><img src="https://knadmin.beoblood.kz/uploads/2_63665daad7.jpg" alt="2.jpg"><img src="https://knadmin.beoblood.kz/uploads/3_bb1923de9a.jpg" alt="3.jpg">Фото: Қызылорда облысы әкімінің баспасөз қызметі

Қызылорда облысында қолданылған су үнемдеу тәжірибесін басқа өңірлерге тарату тапсырылды

<a href="https://kyzylorda-news.kz/">Kyzylorda-news.kz</a> Бүгін Өнер орталығында облыс әкімі Нұрлыбек Нәлібаевтың қатысуымен дала еңбеккерлерінің дәстүрлі «Алтын күз – 2024» мерекесі өтті. Биылғы диқандар тойы аймақтың орман шаруашылығы саласының 90 жылдығымен және Қала күнімен тұспа-тұс келіп, молшылық маусымындағы дүбірлі мерекеге ұласты.Салтанатты іс-шараға мемлекет және қоғам қайраткерлері, Парламент Сенаты Кеңесінің мүшелері Қуаныш Сұлтанов, Өмірзақ Озғанбаев, Рашид Әкімов, Бірғаным Әйтімова, Динара Нөкетаева арнайы қатысты. Сонымен қатар, Парламент Сенаты мен Мәжілісінің депутаттары, басқарма басшылары, қала, аудан әкімдері, сала ардагерлері, еңбек озаттары және шаруашылық өкілдері де келді.Аймақ басшысы жиналған қауымды молшылық маусымының берекелі мерекесімен құттықтап, өңірдегі жетістіктерге тоқталды.<blockquote>«Президентіміздің, Үкіметтің қолдауымен Сыр өңірінде мақсатты бастамалар қолға алынып, ауқымды жобалар жүзеге асуда. Екі жыл бұрын облыс бюджеті 364 млрд. теңге болатын, бүгінде 744 млрд. теңгеден асты. Бұл қаражат аймақтағы ең өзекті мәселелерді шешуге, тұрғындардың өмір сүру сапасын арттыруға және инфрақұрылымдық жобаларды жүзеге асыруға бағытталды.Осы жылы 8 млрд. 800 млн. теңгеге 250 ауыл шаруашылығы техникасы алынып, машина-трактор паркі 5 пайызға жаңаланды. Оған қоса 7 млрд. теңгенің 11 инвестициялық жобасы жоспарланып, бүгінде 7 жоба жүзеге асты. Қалған 4 жоба жыл соңына дейін іске қосылады. Осылайша ауыл шаруашылығының жалпы өнім көлемі артып, осы жылы 229 млрд. теңгеге жетеді.Ерте көктемнен қара күзге дейін еткен еңбектің, төккен тердің нәтижесінде мол өнім алған диқандарымызды, аймақ табиғатының көркеюіне өлшеусіз үлес қосқан орманшыларымызды құрметпен марапат төріне шығару – біз үшін үлкен мәртебе.Ақ күріштің атасы, дала академигі Ыбырай Жақаевтың ізбасарлары биыл да ерен еңбектің үлгісін көрсетті. Сыр диқандары 189 мың 400 гектар жерге егін екті. Негізгі дақыл – күріштің көлемі 85 мың 600 гектарды құрап (өткен жылдан 3,4 мың гектарға кем), әр гектардан 58 центнерден өнім алынып, жарты миллион тоннаға жуық күріш жиналды. «Мағжан және Компания», «Ер-Әлі», «Таң ЛТД» ірі шаруашылықтары күріштің әр гектарынан орташа 80 центнерге жуық өнім алғанын атап өтуге болады.Адал еңбегімен төрден орын алған дала еңбеккерлерін, орман саласының қызметкерлерін марапаттап, сый-құрмет көрсету дәстүрін жалғастырамыз. Қамбамыз дәнге, қорамыз малға толып, халқымыздың құт-берекесі арта бергей», – деді Нұрлыбек Нәлібаев.</blockquote>Мерекелік іс-шарада еңбек жолын механик болып бастап, кеңшар директоры, аудан әкімі, басқарма басшысы қызметтерін атқарған Әбибуллаев Ибрагим Сражадинұлына «Қызылорда облысының құрметті азаматы» атағы берілді. Еңбек озаттарына сый-құрмет көрсетілді.Мемлекет басшысының су үнемдеу туралы тапсырмасына сәйкес аймақта су көп қажет ететін дақылдар көлемі оңтайландырылып, үнемдеу технологиясы енгізілді. Биыл жаңа технологияларды пайдалану көлемі 4 мың 400 гектарға жетті. Бұл өткен жылмен салыстырғанда 5 есе артық. Шиелі, Қазалы, Арал аудандарында су үнемдеу технологияларын қолдану арқылы 3 ірі жоба іске асуда.Су шығынын азайтуда егістік жерді лазерлік тегістеудің маңызы зор. Соңғы жылдары диқандар 55 мың гектар күріш егістігін лазерлік тегістеуден өткізді. Нәтижесінде суды үнемдеп, өнімділікті 30 пайызға арттырды.Мемлекет басшысының қолдауымен бастау алған «Кең дала - 2» бағдарламасы диқан қауымына қолайлы болды. Бағдарлама аясында егін егу және жинау жұмыстарына жеңілдетілген пайызбен 10 млрд. теңге несие алды.Одан бөлек, саланы кешенді қолдау арқасында шаруашылық құрылымдары егіске қажетті минералды тыңайтқыштар, сапалы тұқымдар және арзандатылған дизель отынымен толық қамтамасыз етілді.Мемлекет басшысының бастамасымен өткен жылдан бері «Ауыл аманаты» жобасы бастау алды. Ауыл халқының тұрмыс-тіршілігін, әл-ауқатын жақсартуға бағытталған бұл жоба аясында өткен жылы 3 млрд. теңгеге 406 жоба жүзеге асып, 713 жаңа жұмыс орны ашылды. Биыл 4 млрд. 600 млн. теңгеге 575 жоба қолға алынған.Агробизнес өкілдері ауылдарды дамытуда, халықтың тұрмысын жақсартуда бизнестің әлеуметтік жауапкершілігі аясында ауқымды жұмыстар атқаруда. Соңғы жылдары елді мекендерді абаттандыру, инженерлік инфрақұрылымды дамыту және әлеуметтік нысандарды қайта жаңғыртуға ауыл шаруашылығы құрылымдары 7 млрд. теңгеден астам қаржы бағыттады.<img src="https://knadmin.beoblood.kz/uploads/Altyn_kuz_90400f8d7b.jpg" alt="Алтын куз.jpg"><img src="https://knadmin.beoblood.kz/uploads/Altyn_k_z_1_13e3b729a7.jpg" alt="Алтын күз 1.jpg"><img src="https://knadmin.beoblood.kz/uploads/Altyn_k_z_3_b3b00563f0.jpg" alt="Алтын күз 3.jpg"><img src="https://knadmin.beoblood.kz/uploads/Altyn_kuz_1_3fbe52763b.jpg" alt="Алтын куз 1.jpg"><img src="https://knadmin.beoblood.kz/uploads/Altynk_z_83f8c38bcc.jpg" alt="Алтынкүз.jpg"><img src="https://knadmin.beoblood.kz/uploads/Altyn_k_z_2_bc62e0beeb.jpg" alt="Алтын күз 2.jpg"><img src="https://knadmin.beoblood.kz/uploads/Alttyn_kuz_2_ad1e831b10.jpg" alt="Алттын куз 2.jpg"><figure class="media"><div data-oembed-url="https://www.youtube.com/watch?v=XbSeS9LARpI"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/XbSeS9LARpI" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: Қызылорда облысы әкімінің баспасөз қызметі

Қазақстан және Қызылорда облысының басты жаңалықтары