<a href="https://kyzylorda-news.kz/">Kyzylorda-news.kz.</a>&nbsp; Атақты әнші Роза Бағланованың 100 жылдық мерейтойы аясында Париждегі ЮНЕСКО штаб-пәтерінде Қазақстан өнер шеберлерінің концерті өтті. Сахнада Қазақстанның еңбек сіңірген артисі Майра Мұхамедқызы, Қазақстанның еңбек сіңірген қайраткерлері Ренат Гайсин, Жұбаныш Жексенұлы, Медет Шотабаев және тағы басқалар өнер көрсетті.
Іс-шараны ашқан Қазақстанның Мәдениет және спорт министрі Дәурен Абаев әншінің 100 жылдық мерейтойын ЮНЕСКО-ның атаулы күндер күнтізбесіне енгізу Роза Бағланованың сіңірген еңбегі мен талантын жоғары мойындау екенін атап өтті.
«Роза Тәжібайқызының шығармашылығы мен өмір жолын Қазақстаннан тыс жерлерде біледі. Ол біздің мәдениетіміз бен өнерімізді насихаттай отырып, көптеген елдерге гастрольдік сапарлармен шыққан. Оның бұлбұл дауысы 50-ден астам елдің көрерменін таңдандырды. 1957 жылы ол Венгрия, Германия, Қытай, Польша, Чехословакия, Ауғанстан, Үндістан, Австрия, Бельгия, Бирма, Швеция, Канадада концерттер берді. Оның репертуарында қазақ халық әндері, заманауи композиторлардың шығармалары, әлем халықтарының әндері үйлесімді көрініс тапты. Мұның бәрі Роза Бағланованың жай әнші емес екенін, оның есімі тарихта алтын әріптермен жазылған бүкіл дәуірдің алтын дауысы екенін көрсетеді», - деді Дәурен Абаев. &nbsp;
Айта кету керек, өткен жылы ЮНЕСКО-ның 2022-2023 жылдарға арналған халықаралық мерейтойлар тізімі қабылданды және ол тізімге Қазақстанның ұсынысы бойынша Роза Бағланованың 100 жылдығы қосылды.
Сонымен қатар, Парижде Дәурен Абаев ЮНЕСКО-ның Бас директоры Одри Азулемен кездесті. Тараптар мәдени-гуманитарлық өзара іс-қимыл мәселелерінің кең ауқымын және одан әрі ынтымақтастықтың келешегін талқылады.
Кездесу барысында Дәурен Абаев Одри Азулеге Қазақстанның материалдық емес мәдени мұрасын насихаттауға және жаңғыртуға, сондай-ақ еліміздің мәдени іс-шаралары мен айтулы күндерін ЮНЕСКО күнтізбесіне енгізуге қосқан үлесі үшін алғыс білдірді.
Сондай-ақ, ЮНЕСКО-ның Париждегі штаб-пәтерінде әлемге әйгілі ақын және қоғам қайраткері Олжас Сүлейменов басқаратын Халықаралық мәдениеттерді жақындастыру орталығының тұсаукесері өтті.
Тұсаукесер барысында Халықаралық мәдениеттерді жақындастыру орталығының ақпараттық материалдарымен, оның ішінде "Білгамеш" әлеуметтік және мәдени зерттеулер альманахының арнайы нөмірінің таныстырылымы мен көрме ұйымдастырылды. Көрме секцияларында орталық қызметінің негізгі бағыттары мен нәтижелері туралы ақпарат, сондай-ақ адамзаттың басқа мәдениеттерімен өзара байланыс контекстінде түркі мәдениетіне арналған материалдар ұсынылды.
Сонымен қатар, Францияға жұмыс сапары аясында ҚР МСМ Мәдениет комитетінің төрағасы Роза Кәріпжанова мен ҚР Ұлттық музейі директорының м.а. Айбек Сыдықов Лувр музейінің басшылығымен кездесті. Тараптар Парижде алдағы көрмені ұйымдастыру, бірлескен зерттеулер жүргізу және екіжақты ынтымақтастық мәселелерін талқылады.
Француз тарапы Қазақстандағы ислам тарихына және соңғы уақытта жүргізіліп жатқан археологиялық қазбаларға байланысты экспонаттарға қызығушылық танытты. Кездесу соңында тараптар бірнеше жобаны одан әрі бірлесіп іске асыру туралы уағдаласты.
<img src="https://knadmin.beoblood.kz/uploads/6d036e6a83db8a2937d70bc35172f0ad_1280x720_14e8484ea3.jpg" alt="6d036e6a83db8a2937d70bc35172f0ad_1280x720.jpg">
<img src="https://knadmin.beoblood.kz/uploads/1a29638c7dfddb73b10216c1ae501fef_1280x720_5f1f542292.jpg" alt="1a29638c7dfddb73b10216c1ae501fef_1280x720.jpg">
<img src="https://knadmin.beoblood.kz/uploads/ded3cdc1aa453ae6cc6e2dfd19146473_1280x720_31d7227c15.jpg" alt="ded3cdc1aa453ae6cc6e2dfd19146473_1280x720.jpg">

Парижде Роза Бағланованың 100 жылдығына арналған мерекелік концерт өтті

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұхтар Оразбаев пен аудандық мәслихат хатшысы Бақытжан Жарылқап Қазалы қаласындағы тұрғындарға жаңадан берілген 180 гектар аумаққа арнайы барып, бірқатар сала басшыларымен бірге тез арада халыққа көгілдір отын беру жағын талқылады.
Бүгінгі күні жаңа тұрғын кварталында орналасқан тұрғын үйлерге табиғи газға қосу үшін жұмыстар жүргізілуде.&nbsp;
Атап айтар болсақ, мердігер мекеме орын алған ақаулықтары қайта қалпына келтіріп, жоғарғы ауа қысымымен тексеріп сынау, үрлеп-тазалау жұмыстарын жүргізуде. Тексеру жұмыстары аяқталғаннан кейін «ҚазТрансГазАймақ» АҚ Қызылорда өндірістік филиалына пайдаланудағы газ желісіне қосу үшін ұсынылады.&nbsp;
Жаңа кварталда атқарылып жатқан жұмыстармен танысқан аудан әкімі Мұхтар Оразбаев бұл аймақтағы үйлерді табиғи отынға тез арада қосуды тиісті сала басшыларына тапсырды.
Мұнан соң Мұхтар Әуесұлы Әйтеке би кентінің 5 квартал аумағына барды.&nbsp;
Қазіргі таңда аудан орталығындағы бұрын инфрақұрылымы жүргізілген 210 гектар жер учаскесінен есепке алынбаған тұрғын үйлерді газбен және электрмен жабдықтау жұмыстары жүргізілуде.&nbsp;
Мердігер мекеме «Ремстрой» ЖШС келісім-шартқа сәйкес құрылыс-монтаж жұмыстарын бастап, белгіленген мерзімде аяқтауды жоспарлап отыр.
<img src="https://knadmin.beoblood.kz/uploads/b03d7c87_e289_4d5b_9fe1_962768949f51_8a76d2535a.jpg" alt="b03d7c87-e289-4d5b-9fe1-962768949f51.jpg">
<img src="https://knadmin.beoblood.kz/uploads/04_1fba4fd1b0.jpg" alt="04.jpg">
&nbsp;

Қазалыда жаңа аумақтарға табиғи газ жүргізіліп жатыр  

<a href="https://kyzylorda-news.kz/">Kyzylorda-news.kz.</a> ҚР Премьер-Министрі Әлихан Смайыловтың төрағалығымен өткен Үкімет отырысында қала құрылысы кадастры жүйесін құру және жол қозғалысы қауіпсіздігін қамтамасыз ету мәселелері қаралды. Жиынға салалық министрлер мен онлайн режимде өңір әкімдері қатысты.
Жол қауіпсіздігі мәселесі бойынша Ішкі істер министрі Марат Ахметжанов жыл басынан бері жол көлік оқиғалары өскенін жасырмады. Әсіресе, Алматы, Жамбыл және Түркістан облыстарында көрсеткіш жоғары. Аталған өңірлерге Қазақстан бойынша барлық жол көлік оқиғаларының 56 пайызы, жарақат алғандардың 55 пайызы және қаза тапқандардың 41 пайызы тиесілі. Сондай-ақ, масаң күйде көлік жүргізу, құжатсыз көлік айдау оқиғалары жиілеп кеткенін ашып айтты.&nbsp;
<blockquote>«Есепті кезеңде полиция 4,5 млн-ға жуық жол қозғалысы ережелерін бұзу фактісінің жолын кесті, 17,5 мыңнан астам мас жүргізуші ұсталды, 20 мың жүргізуші көлік басқару құқығынан айырылды»,-деді министр.</blockquote>
Премьер-Министр аталған салаларға қатысты нақты тапсырмалар жүктеп, нәтижелі жұмыс көрсету қажет екенін еске салды.
Үкімет тапсырмаларын орындау бағытында облыс әкімі Нұрлыбек Нәлібаев жол көлік оқиғаларына нақты талдау жүргізу, рейдтік шараларды қатаң қолға алуды тапсырды. Әсіресе, облыс аумағындағы трассаларда оқыс оқиғалары жиі көрініс табатындықтан, полиция департаментіне бақылау тетіктерін күшейтуді міндеттеді. Ал, көлік инспекциясына бақылау және тексеру жұмыстарын жауапкершілікпен атқаруды ескертті.&nbsp;
Себебі биылғы жылдың 8 айында Қызылорда өңірінде 247 жол-көлік оқиғасы тіркелген. Оның салдарынан 91 адам қаза болып, 304 адам түрлі дене жарақатын алған.
<img src="https://knadmin.beoblood.kz/uploads/akk_aa80b420ae.jpg" alt="акк.jpg">
Сондай-ақ, 8 айдың қорытындысымен республикалық маңызы бар М-32 «Самара-Шымкент» автожолының бойында барлығы 68 жол көлік оқиғасы тіркелсе, оның басым бөлігі Қызылорда қаласынан Ақтөбе облысына қарай бағыттағы ІІ техникалық санаттағы жолда орын алған.
<blockquote>«Өкінішке қарай, көлікті масаң күйде жүргізу, жүргізушілердің түнгі уақытта жол үстінде қалғып кетуі салдарынан қайғылы оқиғалар жиі орын алуда. Қараусыз қалған сиыр, жылқылардың жол бойына шығып кетуі де жол көлік оқиғаларын азайтпай тұр. Кеше ғана Қармақшы ауданының тұсында жол үстінде ұйықтап кеткен жүргізушінің әрекетінен оқыс оқиға орын алып, бірнеше азамат көз жұмды. Қаншама отбасы үшін бұл ауыр соққы. Жолда көлік айдау жауапсыздықты, жүгенсіздікті көтермейді. Сондықтан бұл мәселеге бей-жай қарауға болмайды»,-деді Нұрлыбек Нәлібаев.&nbsp;</blockquote>Қала, аудандардағы жол көлік оқиғаларын саралаған аймақ басшысы иесіз жүрген малдарға қатысты пада ұйымдастыру, патрульдік нарядтардың жұмысын қайта жолға қою қажеттігін қатаң ескертті. Бұл ретте жүргізушілермен түсіндірме жұмыстарын ұдайы жүргізу керек деді. Әсіресе, екінші санаттағы жолдарда туындайтын келеңсіздіктерге жете мән беріп, рейдтік шараларға жиірек шығуды тапсырды.Жиында қала мен ауылға қатынайтын ауыр жүк көліктердің де мәселесі қаралды. Егін жинау науқаны кезінде жүк көліктерінің шамадан тыс мөлшерде өнім тиеп, қатынауы жолдың сапасына да әсер етеді. Бұл ретте аймақ басшысы көлік тізгіндеген жүргізушілердің талапты сақтауы қатаң қадағаланатынын жеткізді.&nbsp;<img src="https://knadmin.beoblood.kz/uploads/Pahuaddin_20f6172f19.jpg" alt="Пахуаддин.jpg">

Нұрлыбек Нәлібаев: Көлік жүргізу жауапсыздық пен жүгенсіздікті көтермейді

<a href="https://kyzylorda-news.kz/">Kyzylorda-news.kz.</a> Бүгін еліміздің 5 облысында дауылды ескерту жарияланды, деп хабарлайды Қазгидромет.
Күндіз Қызылорда облысының орталығында шаңды дауыл, жел солтүстік-шығыстан, шығыстан соғады. Желдің жылдамдығы 15-20 м/с күтіледі.
Облыс орталығында күндіз шаңды дауыл күтіледі. Жел шығыстан соғып, екпіні 17 м/с күтіледі.

5 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Нұрлыбек Нәлібаев білім беру саласына елеулі үлес қосқан, саналы ғұмырын ұрпақ тәрбиесіне арнаған ардагер ұстаз Марк Подольскийдің шаңырағына барып, ұстаздар күніне орай ел Президенті Қасым-Жомарт Тоқаевтың құттықтауын жеткізіп, «Алтын барыс» төсбелгісін тақты.
<blockquote>«Сіз саналы ғұмырыңызды білім саласының дамуына арнап, өлшеусіз үлес қостыңыз, шәкірт тәрбиелеп, құрметке бөлендіңіз. Нағыз ұстаз қарапайым келеді деген ұғым бар. Сіз қарапайым болмысыңызбен шәкірттеріңізге әкедей қамқор, ұстаздарға жанашыр бола білдіңіз. Мемлекет Басшысы Қасым-Жомарт Кемелұлы Тоқаев осы орасан еңбегіңізді елеп, арнайы құттықтау жолдады. Мерейлі мерекеде деніңізге саулық, ұзақ ғұмыр, отбасыңызға амандық тілеймін», - деді Нұрлыбек Нәлібаев.</blockquote>
Білім саласында табанды тер төккен ұлағатты ұстаз айрықша құрмет үшін алғаусыз алғысын білдірді.
<blockquote>«Мен үшін бүгін күтпеген айрықша сәт, сәл толқып та тұрмын. 60 жыл білім саласында қызмет етіп, 20 жылдан астам мектеп басқарыппын, ең бастысы шәкірттеріме ақадал тәлім-тәрбие беруге тырыстым. Осы еңбегімді елеп-ескеріп, маған арнайы марапат жолдаған Президентімізге шынайы ризашылығымды білдіремін», - деді ұстаз.</blockquote>Марк Подольский - білікті маман, сауатты басшы және шебер ұйымдастырушы ретінде аймақтың дамуына елеулі үлес қосқан қабырғалы қайраткер. Мықты шәкірттер тәрбиелеп, ұстаздық жолға қосқан.Тоқсанның төріне шыққан ардагер ұстаз білім саласына сіңірген ерлеулі еңбегі үшін «Парасат» ордені мен «Ерең еңбегі үшін» медалімен марапатталған.Сондай-ақ, биыл тұңғыш рет Тамыз кеңесінде ардагер ұстазға Қызылорда облысының «Құрметті азаматы» атағы берілді.Айта кетейік, Президент тапсырмасы аясында мұғалімдердің жалақысы 4 жыл қатарынан 25 пайызға көбеюде. Ал, аймақта жыл қорытындысымен еңбегімен көзге түсіп, үздік 10 мұғалімге бірреттік 900 мың теңге қаржылай сертификат табысталмақ.Мұнан бөлек, шәкірттері халықаралық, республикалық білім додаларында топ жарған ұстаздарға ынталандыру шаралары іске асады. Мемлекет қамқорлығы аясында биыл өңірде 6 мемлекеттік, 3 жеке мектеп салынды. Жеке мектептердің үлесі артып, қазір саны 22-ге жетті. Президент бастамасымен келер жылы «Жайлы мектеп» жобасы бастау алады. Өңірде бұл бағытта 16 жаңа мектеп салу жоспарда бар.<img src="https://knadmin.beoblood.kz/uploads/M_Ark_15b6438208.jpg" alt="МАрк.jpg"><img src="https://knadmin.beoblood.kz/uploads/M_Ark1_edd0f561e0.jpg" alt="МАрк1.jpg">

Нұрлыбек Нәлібаев ардагер ұстаз Марк Подольскийге Президенттің құттықтауын табыстады

<a href="https://kyzylorda-news.kz/">Kyzylorda-news.kz.</a> Биыл Қызылорда облысында 188,5 мың гектар жерге ауыл шаруашылық дақылдар егілді. Ал басты дақыл күріштің көлемі &nbsp;78,6 мың гектарды құрады. Сәйкесінше, егілген егін көлемі өткен жылмен салыстырғанда 451 гектарға артық егілген.&nbsp;
Бүгінде 72 мың гектар күрішке орақ салынып, оның 65,4 мың гектары бастырылды. Тиісінше, егілген әр гектардан орташа есеппен 53,5 центнер өнім алынуда. Бұл жөнінде Өңірлік коммуникациялар қызметінде өткен брифингте облыстық ауыл шаруашылығы және жер қатынастары басқармасы басшысының орынбасары Қайратбек Сәрсенбаев хабарлады.&nbsp;
<blockquote>«Қазіргі таңда егілген дақылдардан өнім жинап алу жұмыстары қарқынды түрде жүргізілуде. Нақтырақ айтсақ, күздік бидайдан - 10,2 мың тонна, жаздық бидайдан - 4,2 мың тонна, ал егілген 358 гектар қант құмайынан 1,6 мың тонна өнім алынды. Сонымен қатар картоп, көкөніс және бақша дақылдарын жинау жұмыстары да жүргізілуде. Атап айтқанда, картоптан – 3,4 мың гектар, көкөністен – 6,4 мың гектар, бақша дақылдарынан – 8,8 мың гектар жинақталды. Сыр елінің басты «бренді» саналатын күрішке орақ салу 20 тамыздан басталған болатын. Бүгінгі күні 72,0 мың гектар жерге орақ салынып, орылған көлемнің 65,4 мың гектары бастырылды. Сыр салысы елімізге ғана емес, алыс-жақын шет мемлекеттерге де экспортталуда. Биыл 54,8 мың тонна күріш өнімі экспортталып, былтырғы жылмен салыстырғанда 148,6 пайызға артты. Облыста егін жинау жұмыстары 10 қазаннан кешіктірмей толық аяқтау көзделуде», - деді басқарма басшысының орынбасары Қайратбек Әубәкірұлы.</blockquote>
Айта кетейік, биыл 60 мың тонна Сыр дәмі әлемнің 20 мемлекетіне эскпортталып, есепті кезеңмен салыстырғанда 157 пайызды құрады.
<img src="https://knadmin.beoblood.kz/uploads/Sarsenbaev_026f23a579.jpg" alt="Сарсенбаев.jpg">

Қайратбек Сәрсенбаев: Қызылордада 72 мың гектар күрішке орақ салынды

<a href="https://kyzylorda-news.kz/">Kyzylorda-news.kz.</a> Қызылорда облысында биылғы жылдың қаңтар-тамыз айларында 57 738,4 &nbsp;млн. теңгенің өнімі өндірілді. Бұл туралы Қызылорда облыстық ауыл шаруашылығы және жер қатынастары басқармасының баспасөз қызметі хабарлады.&nbsp;
Аталған көрсеткіш өткен жылдың сәйкесті кезеңімен салыстырғанда нақты көлем индексі 102 пайызға артты.
Биылғы жылы өңірде 188,5 мың гектарға ауыл шаруашылығы дақылдары орналастырылды. Оның ішінде дәндi дақылдар 91,7 мың гектар, майлы дақылдар 5,9 мың гектар, мал азықтық дақылдар 71,3 мың гектар, картоп, көкөнiс, бақша дақылдары 19,6 мың гектар, қант қызылшасы 3,5 гектарға орналастырылған. Негізгі дақыл күрiштің көлемі 78,6 мың гектарды құрап отыр. Жалпы айтқанда, ауыл шаруашылығы дақылдары өткен жылмен салыстырғанда 451 гектарға артық егіліп отыр. Сонымен қатар, облыста егісті әртараптандыру бағытында жүгері дақылы 1 945 гектарға, соя 189 гектарға, қант құмайы 358 гектарға, 3,5 гектарға қант қызылшасы дақылы егілді.
Сондай-ақ облыстың ауыл шаруашылығы құрылымдары биылғы жылы егілген дақылдарға күтіп - баптау жұмыстарын агротехникалық талаптарға сай өз мерзімінде жүргізді. Аймақта егілген 78,6 мың гектар күріш егісінің 61,4 мың гектары арам шөптерге қарсы гербицидтермен толық өңделді. Сонымен қатар 65 мың гектары тыңайтқыштармен толық үстеп қоректендірілді.
<img src="https://knadmin.beoblood.kz/uploads/egin_4c7682772c.jpg" alt="egin.jpg">

Қызылордада биыл ауыл шаруашылығы дақылдары 451 гектарға артық егілген

<a href="https://kyzylorda-news.kz/">Kyzylorda-news.kz.</a> Қызылорда облысында халықтың 96,5 пайызы қазақ ұлты болса, 3,5 пайызын 35 өзге ұлт өкілі құрайды. Этностардың басым бөлігі Қызылорда және Байқоңыр қалаларында орналасқан.&nbsp;
Жыл басынан бері Қызылорда облысында этносаралық саладағы ахуал және этностық топтар арасындағы өзара қарым-қатынас тұрақты әрі қалыпты деңгейде сақталды. Этникалық белгілеріне сәйкес кикілжіңдер тіркелген жоқ.
Мемлекеттік этносаясатты жүзеге асыруда облыстық Қазақстан халқы ассамблеясы құрамында 11 этномәдени бірлестіктер, аудандарда 5 этнобағытталған үкіметтік емес ұйымдар және 8 қоғамдық құрылым жұмыс атқарады. Сонымен қатар Қорқыт Ата атындағы Қызылорда университетінің «Қазақстан халқы Ассамблеясы» орталығымен тығыз әріптестік байланыс орнатылған. Сондай-ақ жоспарлы түрде және жоспардан тыс онлайн және офлайн форматта барлығы 237 шара ұйымдастырылған. Бұл іс-шараларда 22 мыңнан аса адам қамтылды.
Облыстық Қазақстан халқы ассамблеясымен жыл бойы «Сыр өңірі – бейбітшілік пен келісім мекені» жобасы аясында облыстық этномәдени бірлестіктердің ашық есік күндері, түрлі бағыттағы семинарлар, этностардың мәдени күндері және ұлттық мерекелері аталып өтілуде.&nbsp;
Биылғы жылдың 21 маусымда Қызылорда облысының әкімі, облыстық Қазақстан халқы ассамблеясының төрағасы Нұрлыбек Нәлібаевтың төрағалығымен аймақтық Қазақстан халқы ассамблеясының XXIV сессиясы өтті. Кеңес отырысында облыстық Қазақстан халқы ассамблеясының қоғамдық негіздегі орынбасары болып өзбек этномәдени бірлестігінің жетекшісі Кахар Дадашев тағайындалды.
Жыл басынан бері ҚХА жанындағы этномәдени бірлестіктердің ұйымдастыруымен аймақта түрлі форматтағы 50-ден іс-шара ұйымдастырылып, оған 8000-нан аса адам тартылды. Сонымен қатар облыстық Қазақстан халқы ассамблеясы жанындағы Қоғамдық келісім кеңесі 5 отырысын ұйымдастырып, ақпараттық-түсіндіру тобының құрамында 13 кездесулерге қатысты.&nbsp;
Қызылорда облыстық Қазақстан халқы ассамблеясы жанындағы Аналар кеңесі жыл басынан бері түрлі шараларды ұйымдастырып келеді. Атап айтқанда биыл барлық аудандарда «Мәдениетті ана - мәдениетті ұлт» жобасы аясында Аналар кеңесінің форумы өткізілді. Жоба бойынша қыркүйек айының екінші он күндігінде Қызылорда қаласында аталған форум қорытындыланды. &nbsp;
Аймақта медиация қызметін үйлестіруде облыс көлемінде биылғы жылы облыстық Қазақстан ассамблеясымен бірлесіп жұмыс атқаратын 45 медиатордың тізімі жасақталған.&nbsp;
Жыл басынан бері ассамблея медиаторларына барлығы 11 өтініш келіп түскен. Оның ішінде этносаралық даулар орын алған жоқ. Есепті мерзімде облыс көлемінде медиацияға қатысты 22 түрлі форматты кездесулер, жиындар мен түсіндіру шаралары ұйымдастырылса, аталмыш шараларға 400-ден астам тұрғын қамтылды.&nbsp;
Мемлекеттік тіл саясаты шеңберінде этнос өкілдеріне арналған мемлекеттік тіл үйрету курстары тұрақты ұйымдастырылады. &nbsp;&nbsp;
Жыл басынан бері облыс бойынша «Мәміле» клубы аясында 9 іс-шара ұйымдастырылып, оған 100-ден астам адам қамтылды. Ассамблея ұжымы қайырымдылық акцияларына үнемі атсалысып келеді. Жыл басынан бері 53 іс-шара ұйымдастырылып, 3000 адамға қайырымдылық көмек көрсетілді. Атап айтқанда, «Мектепке жол» акциясы шеңберінде 102 отбасының 127 баласына 1 500 000 теңге көлемінде мектепке қажетті құрал-жабдықтармен және киім-кешектермен қамтамасыз етілді.
<img src="https://knadmin.beoblood.kz/uploads/Assambleya_9b7e3db1b4.jpg" alt="Ассамблея.jpg"> &nbsp;

Қызылордада 35 түрлі ұлт өкілі тұрады

<a href="https://kyzylorda-news.kz/">Kyzylorda-news.kz.</a>&nbsp; Қазақстанда салымшыларды қолдау мақсатында Жеке тұлғалардың ұлттық валютада- теңгемен орналастырылған депозиттері бойынша өтемақы (сыйақы) &nbsp;төлеу тәртібі әзірленді. Ол 2022 жылғы 12 қыркүйекте қолданысқа енгізілді. &nbsp;Өтемақы 10%-дық мөлшерде сыйлықақы алуға келісімін растаған және &nbsp;2023 жылғы 1 қаңтарға дейін банктерге -депозиттерге міндетті кепілдік беру &nbsp;жүйесінің қатысушыларына өтінім жолдаған салымшыларға ғана төленеді. &nbsp;Ол жөнінде Fingramota.kz толығырақ айтып береді.
Қандай салымдар бойынша мемлекеттен сыйлықақы алуға болады? Өтемақыны тек 2022 жылғы 24 ақпанға дейін теңгемен ашылған депозиттер бойынша ғана алуға болады.
Өтемақы мынадай салымдар бойынша төленеді:
- жинақ, яғни ақшаны ішінара алу құқығынсыз қайтарып алынбайтын депозит;
- мерзімді салым (білім беру жинақтау салымдарын және тұрғын үй құрылыс жинақтарын қоса алғанда). Сыйлықақы тек осы салымдар бойынша және 20 миллион теңгеден аспайтын сомаға төленетін болады.
Бұл ретте, сыйлықақы мыналарға:
- талап етілгенге дейінгі салымдарға, яғни банк белгісіз мерзімге ашатын және клиенттің бірінші талабы бойынша қайтарылатын салымдарға;
- шартты салымдарға;
- ағымдағы банктік шоттарға қолданылмайды.
Депозиттер бойынша өтемақы төлеу жеке тұлғаларға, резиденттерге және бейрезиденттерге, оның ішінде дара кәсіпкерлерге, жеке нотариустарға, &nbsp;жеке сот орындаушыларына, адвокаттарға, кәсіби медиаторларға төленуге тиіс.
Егер салымшының бір банкте бірнеше депозиті болса, онда өтемақы жалпы сомасы 20 млн теңге көлемінде төленеді. Ал егер салымшыда түрлі банктерде депозиттер болса, онда сыйлықақы әрбір салым бойынша ол да &nbsp;20 млн теңге шегінде төленетін болады.
Салымшылар өздерінің теңгемен салымдары бойынша, егер:
- олардың салымдарының мерзімі аяқталмаған немесе 2023 жылғы 23 ақпанға дейін (бір немесе бірнеше рет) ұзартылған;
- банктік салым шарты тоқтатылмаған және салымшы өзінің барлық жинақтарын депозиттен толығымен алмаған жағдайларда сыйлықақы алуларына болады.
Толығырақ «<a href="https://fingramota.kz/kk/news/post/tegemen-salymdar-bojynsha-temay-turaly-ne-bilu-azhet">Депозиттер</a>» бөлімінен оқыңыз.
&nbsp;

Теңгемен салымдар бойынша өтемақы туралы не білу қажет 

<a href="https://kyzylorda-news.kz/">Kyzylorda-news.kz.</a> Қызылорда облысы кәсіпкерлер палатасы Өңірлік кеңесінің әлеуметтік сала комитетінде мектеп оқушыларына ерте кәсіби бағдар беру мәселесі қаралды.&nbsp;
Шараға облыстық білім басқармасы мен қалалық білім бөлімінің өкілдері, мектеп директорлары қатысты. Отырыста қазіргі таңдағы жұмыссыздықтың себебі талқыланып, еңбек нарығына қажет мамандарды даярлау мәселесі сөз болды.&nbsp;
Комитет мүшесі, білім саласында қызмет көрсететін кәсіпкер Наталья Мишукова әріптестерімен бірге нарық сұранысына жасаған талдауымен бөлісті.
<blockquote>«Біз қазір әріптестерімізбен бірге бірнеше жылдан кейін елімізде жойылуы мүмкін, сондай-ақ қажет болатын мамандықтарға талдау жасап жатырмыз. Бұл ақпарат бізге ата-ана және сала маманы ретінде де аса қажет. Оқушыларға кәсіби бағдар беруде осы мәліметтерді қолданып көрмекпіз. Ол үшін халықаралық аккредитациядан өткен, екі тілде ақпарат қамтылған арнайы платформа жасалды. Кәсіби бағдар беру үшін баладан тест алынып, диагностика жүргізіледі. Жобаға soft skills сабақтары енген. Енді осы платформаны пайдаланып, өңіріміздің окушылары бейім салаларын анықтаса деген ұсынысымыз бар. Сонымен қатар кәсіби бағдар берумен айналысатын педагогтардың біліктіліктерін арттыруға да көмек көрсете аламыз», – деді кәсіпкер Наталья Мишукова.</blockquote>
Жаңа платформаға қатысты ұсынысты Кәсіпкерлер палатасы мамандары мен бизнес өкілдері және тиісті уәкілетті орган бірге қарап, мектептерге енгізу механизмін қарастырмақ.
Айта кету керек, жастарға кәсіби бағдар беру жұмысын ұйымдастыру Кәсіпкерлер палатасы қызметінің басым бағыттарының бірі. Палата облыс жастарын мамандыққа бейімдеу мақсатында 2014 жылдан бастап 25 мыңнан астам мектеп оқушыларына, колледж студенттері және балалар үйінің тәрбиеленушілеріне кәсіпорындарда кәсіби бағдар беру экскурсияларын ұйымдастырды. Пандемияның кезінде бұл шаралар онлайн өткізілді.&nbsp;
<img src="https://knadmin.beoblood.kz/uploads/03_10_2022_OR_Ch_K_b85b51a9c6.jpg" alt="03.10.2022 - ОРЧК.jpg">
&nbsp;
&nbsp;
&nbsp;

Қызылордада кәсіпкерлер оқушыларға кәсіби бағдар беретін платформа әзірледі 

<a href="https://kyzylorda-news.kz/">Kyzylorda-news.kz.</a> 4 қазанда еліміздің төрт облысында үсік күтіледі, деп хабарлайды Қазгидромет.&nbsp;
4 қазанда түнде Қызылорда облысының солтүстігінде топырақ бетінде 2 градус үсік сақталады.

Сейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Министр Қызылорда облысына жұмыс сапары барысында Қызылорда қаласынан 150 шақырым жердегі 1500 тұрғынға қызмет көрсететін Шиелі ауданы Досбол би ауылдық округінің отбасылық дәрігерлік амбулаториясында болды.
Амбулаторияда 6 медицина қызметкері, оның ішінде 2 жалпы практика дәрігері медициналық көмек көрсетеді.
<blockquote>«Жарты ғасырлық ғимараттың тозығы жеткенін ескере отырып, Мемлекет басшысы бекіткен ұлттық жоба аясында мұнда жаңа дәрігерлік амбулатория салынады», — деді А.Ғиният дәрігерлермен және аудан басшылығымен кездесу барысында.</blockquote>
<blockquote>«Бірақ ғимаратты салу және жабдықтау — бұл бір нәрсе, енді оны қалай толтыру керектігін, ауыл тұрғындарына ыңғайлы болу үшін медициналық көмектің қандай түрлерін іске қосуға болатынын ойластыру керек», — деп жалғастырды министр.</blockquote>
Оның айтуынша, мысал ретінде, оңалту орталығын ашуға болады, оған физиокабинет, массаж, ингаляция кіреді, телемединиялық консультациялар жүргізу дағдыларын меңгеру, дәріхана пунктін ең қажетті дәрі-дәрмектер тізімімен орналастыру қажет.
Одан әрі министр Шиелі ауданындағы 78 мың тұрғынға медициналық көмек көрсететін ауданаралық аурухана базасында медицина қауымымен кездесу өткізді.
Министр аудандық аурухананың негізгі көрсеткіштерімен танысып, сырқаттанушылықты талдауға, әсіресе ауруханаға жатқызудың қайталанған, шұғыл жағдайларына ерекше назар аударды.
<blockquote>«Алдын алуға назар аударыңыздар, инсульттан кейінгі найқастың жағдайы қандай, ол диспансерлік есепке алынды ма, оңалту жүргізіліп жатыр ма, мұның бәрін қадағалау және басқа қызметтермен үйлесімді жұмыс істеу маңызды, осыдан кейін пациент өз денсаулығының жақсарғанын сезінеді», — деп Денсаулық сақтау министрлігінің басшысы дәрігерлермен талқылау барысында атап өтті.</blockquote>Ауылдық денсаулық сақтауды жаңғырту жөніндегі ұлттық жоба шеңберінде Шиелі аудандық ауруханасы КТ, МРТ, ангиографпен және басқа да жабдықтармен жабдықталады, инсульт орталығы, травматология, кардиология бөлімшесі ашылады.<img src="https://kyzylorda-news.kz/wp-content/uploads/2022/10/310160654_470351808468223_8598400445127605614_n.jpg" alt="" srcset="https://kyzylorda-news.kz/wp-content/uploads/2022/10/310160654_470351808468223_8598400445127605614_n.jpg 961w, https://kyzylorda-news.kz/wp-content/uploads/2022/10/310160654_470351808468223_8598400445127605614_n-768x767.jpg 768w" sizes="(max-width: 961px) 100vw, 961px" width="961" loading="lazy"><img src="https://kyzylorda-news.kz/wp-content/uploads/2022/10/310333483_470351815134889_928221843980138480_n.jpg" alt="" srcset="https://kyzylorda-news.kz/wp-content/uploads/2022/10/310333483_470351815134889_928221843980138480_n.jpg 1440w, https://kyzylorda-news.kz/wp-content/uploads/2022/10/310333483_470351815134889_928221843980138480_n-768x768.jpg 768w" sizes="(max-width: 1440px) 100vw, 1440px" width="1440" loading="lazy">

Қазақстан және Қызылорда облысының басты жаңалықтары