<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев 5 мың студенттің газетке жазылуына субсидия бөлмек. Бұл туралы Астанада Өңірлік мерзімді басылымдар форумында «Сыр медиа» ЖШС бас директоры Аманжол Оңғарбаев мәлімдеді.Жастар газет оқудан, руханияттан алшақтап бара жатқан заманда Қызылорда облысының әкімі тың бастаманы қолға алмақ. Яғни, 5 мың студенттің мерзімді басылымдарға жазылуына субсидия бөлуді қарастырып жатыр.<blockquote>«Мұны жастарға жасаған жанашырлығы әрі елдік мүддені ту еткен мерзімді басылымдарға көрсеткен қолдауы деп түсіну керек. Қазіргі таңда Сыр өңіріндегі жоғары оқу орындарында 15 мыңнан астам студент, колледждерде 20 мыңның үстінде студент оқиды. Солардың арасынан ықылас танытқан жастарға тегін газетке жазып беру мүмкіндігі қарастырылатын болады», - деді Аманжол Сақыпұлы.</blockquote>Айта кетейік, «Сыр медиа» ЖШС - Қызылорда облысындағы медиа құрылым. Оның құрамына 3 облыстық, 1 қалалық, 7 аудандық, Kyzylorda-news.kz ақпарат агентті және басқа да бірнеше интернет-ресурстар кіреді.

Қызылорда облысының әкімі студент жастардың газетке жазылуына субсидия бөлмек

<a href="https://kyzylorda-news.kz/">Kyzylorda-news.kz.</a> Синоптиктер 25 қаңтарға арналған ауа райы болжамын жариялады.Кең ауқымды солтүстік-батыс антициклонының әсерінен Қазақстан Республикасының басым бөлігінде жауын-шашынсыз күн райы сақталады. Еліміздің тек солтүстігі мен шығысында атмосфералық бөліктердің өтуімен қар жауады, жаяу бұрқасын болып, жел күшейеді. Солтүстігінде, батысында және оңтүстігінде тұман күтіледі.

25 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Ақпан мен наурыз айында күн күрт жылынған жағдайда су тасқыны болуы мүмкін. Бұл туралы Экология және табиғи ресурстар министрі Зүлфия Сүлейменова айтты, деп хабарлайды <a href="https://www.inform.kz/kz/akpan-men-nauryzda-su-tasuy-mumkin-ekologiya-ministri_a4027132">ҚазАқпарат.</a><blockquote>«Топырақтың күзгі ылғалдылығының көрсеткіштері келесідей. Орташа көпжылдық мәндерден жоғары: Ақмола, Солтүстік Қазақстан, Қостанай, Атырау, Ақтөбе және Батыс Қазақстан облыстарында. Қарағанды, Ұлытау, Ақмола облысының жекелеген өзендерінде және Ақтөбе облысында төмен көрсеткіштер байқалады. Сонымен қатар, Батыс Қазақстан, Атырау және Ақтөбе облыстарында топырақтың қату тереңдігі былтырғы көрсеткіштерден орта есеппен 7-ден 35 см-ге дейін жоғары. Қарағанды, Ақмола, Солтүстік Қазақстан және Қостанай облыстарында өткен жылғы көрсеткіштерден орта есеппен 7-ден 59 см-ге дейін төмен. Жоғарыда аталған факторларды ескере отырып, ақпан және наурыз айларында температураның күрт көтерілуі және қатты жаңбыр болған жағдайда су тасқыны пайда болуы мүмкін», - деді Зүлфия Сүлейменова.</blockquote>Оның атап өтуінше, алдын ала болжамға сәйкес, ақпан айында республиканың басым бөлігіндегі ауа температурасы климаттық нормаға жақын, Қазақстанның қиыр оңтүстігінде-нормадан 1°С жоғары болады. Ақпан айында жауын-шашын мөлшері республиканың басым бөлігінде нормаға жуықтайды. Ал Атырау, Маңғыстау, Батыс Қазақстан, Ақтөбе және Қостанай облыстарының батысында нормадан аз, Түркістан облысында нормадан көп болады деп болжанады. Қызылорда, Жамбыл облыстарының басым бөлігінде, Алматы, Жетісу облыстарының оңтүстік жартысында нормадан аз болады деп жорамалданады.<blockquote>«Алдын ала болжамға сәйкес наурыз айында республиканың басым бөлігінде ауа температурасы климаттық нормаға, батыс өңірлерде - 1° нормадан жоғары, нормадан 1° төмен - елдің оңтүстік аймақтарының солтүстік-шығысында, орталығында және солтүстігінде байқалады», - деді ол.</blockquote>

Ақпан мен наурызда су тасуы мүмкін - Экология министрі

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаевтың төрағалығымен өткен мәжілісте 2022 жылға жоспарланған халықты жұмыспен қамту бағытындағы көрсеткіштердің орындалу барысы мен 2023 жылға қойылған міндеттер талқыланды. Жиынға басқарма басшылары мен селекторлық режимде қала, аудан әкімдері қатысты.Облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев Мемлекет басшысы берген тапсырмалардың орындалуы және 2023 жылға қойылған міндеттер бойынша баяндама жасады.Еске салсақ, ел Президенті Қасым-Жомарт Кемелұлы Тоқаев әкімдерге 10 мың халыққа 100 жұмыс орнын ашу жөнінде тапсырмасы 2022 жылы артығымен орындалып, Қызылорда облысы республика бойынша жоғары көрсеткішге қол жеткізген аймақтардың қатарында. Басқарма басшысы 2023 жылың қорытындысымен өңірде жұмыссыздық деңгейін 4,8%-ға, ал жастар жұмыссыздығы деңгейін 3,9 %-ға дейін жеткізу жоспарланғанын мәлімдеді.Өз кезегінде, аймақ басшысы бірқатар аудан, басқармалармен ашылмаған жұмыс орындары жоспарды толық орындауға кері әсер етіп отырғанын атап өтіп, өткен жылы төмен нәтиже көрсеткен Қармақшы, Жалағаш, Қазалы, Жаңақорған аудандары мен облыстық кәсіпкерлік және өнеркәсіп, ауыл шаруашылығы және жер қатынастары басқармаларына биылғы жылы бекітілген Өңірлік жұмыспен қамту картасына енгізілген жобалардың толығымен жүзеге асырылуын қажеттігін қатаң ескертті.<blockquote>«Біздің басты міндетіміз - халықтың әл ауқатын арттыру үшін жұмыс орындарын құрып, жұмыссыздар санын азайту. Сондықтан, осы бағыттағы жұмыстарға бар күш-жігерімізді салуымыз қажет», - деді облыс әкімі.</blockquote>Жиын қорытындысымен облыстық жұмыспен қамтуды үйлестіру және әлеуметтік бағдарламалар басқармасына Қызылорда қаласы және аудан әкімдерімен, жауапты басқармалар және «Қазавтожол» акционерлік қоғамы Қызылорда облыстық филиалы, «Қазсушар» шаруашылық жүргізу құқығындағы республикалық мемлекеттік кәсіпорнының Қызылорда филиалымен бірлесіп, &nbsp;Өңірлік жұмыспен қамту картасы аясында 2023 жылы ұлттық жобалар және жеке бастамалар есебінен жүзеге асырылатын жобалар шеңберінде 43898 жұмыс орнын ашуды қамтамасыз етуді, &nbsp;Мемлекет басшысының әкімдерге 10 мың халыққа 100 жұмыс орнын ашу жөнінде берген тапсырмасына сәйкес 10 651 жұмыс орнын құру бойынша жұмыстарды жүргізуді және &nbsp;жұмыспен қамтудың белсенді шаралары және ашылған жұмыс орындарының зейнетақы аударымдарының 100% аударылуын қамтамасыз етуді тапсырды. Сондай-ақ, Қызылорда қаласы және аудан әкімдеріне облыстық бақылау жөніндегі басқармасымен бірлесіп жұмыспен қамтылғандардың еңбек келісім шартының 100% болуын және электронды еңбек биржасына тіркелуін қамтамасыз ету жөнінде міндет қойылды.Мұнан бөлек, жиында облыс бойынша санитарлық тазалық мәселесі қаралды.Аймақ басшысы облыстық және республикалық маңызы бар жолдар мен магистральді темір жол бойындағы тазалық мәселесі сын көтермейтінгін баса айтты.&nbsp;<blockquote>«Облыс әкімі аппаратымен апта сайын тазалық мәселесіне рейдтер жүргізіліп, қорытындысымен шұғыл қалыпқа келтіру бойынша тапсырмалар берілуде. Дегенмен, жауапты мекемелер мен қызметкерлер әлі де немқұрайлық танытуда. Мысалы, аудан және қалада бірнеше аумақ стихиялық қоқыс аумағына айналған. Жергілікті жерде тазалықпен айналысатын мекемелер бар. Ең алдымен солардың жауапкершілігін күшейту қажет. Мәселенің барлығын жеке секторларға немесе тұрғындарға артып қоюға болмайды. Бұдан бөлек, республикалық және облыстық маңызы бар жолдардың, сондай-ақ магистральді темір жол бойында орналасқан нысандардың санитарлық тазалық мәселесі сын көтермейді. Өткен аптада бұл мәселе қаралды. Берілген тапсырмадан нәтиже шықпайтын болса, тиісті шешімдер қабылданатын болады», - деді Н.Нәлібаев.</blockquote>Тазалықтың жай-күйін арнайы дайындалған слайдтар арқылы саралаған аймақ басшысы жауапты мекеме басшыларына орын алған олқылықтарды тез арада жойып, алдағы уақытта жол бойы мен темір жол стансалары және оның маңындағы нысандардың сыртқы келбетін талапқа сай ұстауды қатаң тапсырды.<figure class="image"><img src="https://knadmin.beoblood.kz/uploads/327093491_1233614550566894_6124671419498445702_n_9de522c1cc.jpg" alt="327093491_1233614550566894_6124671419498445702_n.jpg"></figure><figure class="image"><img src="https://knadmin.beoblood.kz/uploads/327060939_831484928717861_8904332228734599430_n_1581ad0f25.jpg" alt="327060939_831484928717861_8904332228734599430_n.jpg"></figure><figure class="image"><img src="https://knadmin.beoblood.kz/uploads/327141063_563120652367486_3531575189422315565_n_8f6718a281.jpg" alt="327141063_563120652367486_3531575189422315565_n.jpg"></figure>

Басты міндет – жұмыссыздардың санын азайту

<a href="https://kyzylorda-news.kz/">Kyzylorda-news.kz.</a>&nbsp;Кең ауқымды солтүстік-батыс антициклонының әсерінен Қазақстан аумағының басым бөлігінде жауын-шашынсыз күн райы сақталады, деп хабарлайды Қазгидромет.Ал республиканың солтүстігінде, шығысы мен орталығында, сондай-ақ оңтүстігіндегі таулы аймақтарда атмосфералық бөліктердің өтуімен қар, жаяу бұрқасын күтіледі.Елдің оңтүстігінде, солтүстігі мен шығысында жел күшейеді, оңтүстігі мен солтүстігінде, сонымен қатар тұман болжанады.

24 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев өңірге арнайы жұмыс сапарымен келген ҚР Президенті жанындағы әйелдер істері және отбасылық-демографиялық саясат жөніндегі Ұлттық комиссия мүшесі Қарақат Әбденмен кездесті.Кездесу барысында аймақта гендерлік, отбасылық саясат және қыз-келіншектердің заңды құқығын қорғап, жан-жақты қолдау көрсету барысы сөз болды. Қарақат Әбден осы саладағы өзекті мәселелерді атап өтіп, Сыр еліне келу мақсаты – облыс әкімі жанындағы әйелдер істері және отбасылық-демографиялық саясат жөніндегі комиссияның жұмысымен танысу екенін мәлімдеді.Өз кезегінде аймақ басшысы облыста әйел аналарды қолдауға бағытталған жұмыстар туралы айтты. Атап айтқанда, кәсіпкерлердің қолдауымен «Анаға тағзым» орталығының құрылысы жүргізіліп жатқандығын мәлімдеді. Құны 1,5 млрд. теңгені құрайтын заманауи үлгідегі орталық өңірдің қыз-келіншектеріне, жас отбасыларға, балаларға ұлттық құндылықтарды дәріптеп, әдет-ғұрып, салт-дәстүрлерді жаңғыртуға мол мүмкіндік бермек.Айта кетейік, Қарақат Әбден өңірге жұмыс сапары барысында қиын жағдайға түскен әйелдер тұратын дағдарыс орталығына барып, орталық тұрғындарымен әңгімелеседi және кәсіпкер әйелдер мен студент жастармен кездеседі. Сонымен қатар,М.Мәметова атындағы Қызылорда педагогикалық жоғары колледжі жанынан құрылған «Көшбасшы қыздар» клубының жұмысымен және №140 мектеп жанынан құрылған «Отбасы мектебі» облыстық пилоттық жобасымен танысу жоспарланған.

Әйелдердің құқығын қорғау мәселелері пысықталды

<a href="https://kyzylorda-news.kz/">Kyzylorda-news.kz.</a>&nbsp;Қызылордада бүгін шетелдік автокөліктерді заңдастыру жұмысы басталды.Дәл қазіргі уақытта бірінші болып қызылордалық Асылбек есімді тұрғын өзінің Ресей мемлекетінен келген «Nexia» автокөлігін заңдастырды.&nbsp;Автокөлік жүргізушінің айтуынша, ресейлік көлікті аударуға 200 мың теңге, ал құжаттарға 15 мың теңге қаржы төлеген.&nbsp;Шетелдік автокөліктерді заңдастыру қағидаларыШетелдік автокөліктерді заңдастыру кезеңдерін тез әрі дұрыс өту жолдары келесі нұсқаулықта көрсетіледі:&nbsp;1. Ең алдымен, сіз eGov.kz порталы арқылы деректерді тексеруге өтініш беруіңіз керек. Дербес компьютерге қол жеткізе алмайтын автокөлік иелері, еліміздің кез келген ХҚКО-ларында өзіне-өзі қызмет көрсету секторы арқылы өтініш бере алады. ЕДБ қосымшаларында (Kaspi, HomeBank) бұл қызметті алу бойынша жұмыстар жүргізілуде. Автокөліктің тіркеу деректері қатесіз толтырылуы қажет.&nbsp;2. Өтінімді Қазақстан Республикасының Ішкі істер министрлігі қарайды. Егер сіздің жеке кабинетіңізге өтініштен бас тарту жөнінде хабарлама келген жағдайда, МХҚО-ға барудыңқажетіжоқ. Бас тарту себептерінбілуүшін тікелей мемлекеттік органға хабарласуыңыз керек. Сіздің өтінішіңіз қабылданған болса, автокөлікті тексеру үшінМХҚО-ғаонлайн кезекке тұру қажет. Ол үшін мәртебе парағында «кезекке тұру» батырмасын басып, мекенжайлар тізімінде көрсетілген МХҚО-ның бірін таңдап, соныңда күнімен уақытын белгілеу керек. Алдын ала онлайн кезекке тұрмаған жағдайда,азаматтарғақызметкөрсетілмейді.&nbsp;3. Заңдастыруға рұқсат алған автокөлікті МХҚО-ның тексеру пунктіне белгіленген уақыттан 20 минут бұрын әкелу керек. Талонды тексеру пунктінде немесе «ХҚКО» мобильді қосымшасы арқылы алуға болады.&nbsp;4. Тексеруді толық өткеннен кейін, сіз автокөлікті тіркеу үшін МХҚО ғимаратына өтуіңіз керек. Одан әрі, сіз қызметкерге автокөлікке меншік құқығын растайтын құжаттың түпнұсқасын жәнекөліктің шетелдік техникалық паспорттын тапсыруыңыз қажет.&nbsp;5. Осыдан кейін алғашқы тіркеу үшін 200 000 теңге, техпаспорт үшін мемлекеттік баж - 4 313 теңге, мемлекеттік нөмір үшін - 9 660 теңге мөлшерінде төлейсіз. Төлемді QR арқылы орталықта төлеуге болады.&nbsp;6. Төлем жүргізілгеннен кейін сол күні сізге техникалық паспорт және Қазақстан Республикасының мемлекеттік нөмірлік белгілері беріледі.&nbsp;Шетелдік автокөліктерді заңдастыру жұмыстары бір реттік акция ретінде ұйымдастырылып жатыр.&nbsp;Айта кетейік, бұл ережелер 2023 жылдың 1 шілдесіне дейін күшінде болады және жеңіл автокөліктерге, шағын, орта автобустарға (толық салмағы 5 тоннаға дейін) және шағын жүк автокөліктеріне (толық салмағы 3,5 тоннаға дейін), оның ішінде басқару органдарының оң жақты орналасуына қолданылады. Тіркелетін шетелдік автокөліктерге жасына және экологиялық сыныбына талаптар қойылмайды.<figure class="media"><div data-oembed-url="https://youtu.be/QPETu7q9K3Q"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/QPETu7q9K3Q" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылорда тұрғыны шетелдік автокөлігін заңдастырды

<a href="https://kyzylorda-news.kz/">Kyzylorda-news.kz.</a>&nbsp;Елімізде жауын-шашынсыз ауа райы болжанды, деп хабарлайды Қазгидромет.Қазақстан аумағында күн райын ауқымды солтүстік-батыс антициклоны анықтайды. Онымен жауын-шашынсыз ауа райы болжанады. Республиканың тек солтүстігі мен шығысында атмосфералық бөліктердің өтуімен аздаған қар жауады, жаяу бұрқасын күтіледі. Елдің оңтүстігінде, солтүстігі мен шығысында жел күшейеді. Оңтүстік өңірлерде сондай-ақ тұман болжанады.

23 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;2023 жылғы 23 қаңтардан бастап 1 шілдеге дейін шетелдік автокөліктерді &nbsp;заңдастыруға болады. &nbsp;Біз сіздерге шетелдік автокөліктерді заңдастыру кезеңдерін тез әрі дұрыс өту жолдары бойынша нұсқаулық дайындадық. Сондай-ақ, автокөліктерді тіркеу жұмыстары жүргізілетін МХҚО-лардың мекенжайларымен келесі суреттерде таныс бола аласыздар.<figure class="image image_resized" style="width:100%;"><img src="https://knadmin.beoblood.kz/uploads/Whats_App_Image_2023_01_21_at_10_40_40_1_0f9f912655.jpeg" alt="WhatsApp Image 2023-01-21 at 10.40.40 (1).jpeg"></figure><img src="https://knadmin.beoblood.kz/uploads/Whats_App_Image_2023_01_21_at_10_40_40_2_7d1b63b0c8.jpeg" alt="WhatsApp Image 2023-01-21 at 10.40.40 (2).jpeg"><figure class="image image_resized" style="width:100%;"><img src="https://knadmin.beoblood.kz/uploads/Whats_App_Image_2023_01_21_at_10_40_41_00e32be67a.jpeg" alt="WhatsApp Image 2023-01-21 at 10.40.41.jpeg"></figure><figure class="image image_resized" style="width:100%;"><img src="https://knadmin.beoblood.kz/uploads/Whats_App_Image_2023_01_21_at_10_40_41_1_aad7395c88.jpeg" alt="WhatsApp Image 2023-01-21 at 10.40.41 (1).jpeg"></figure>

23 қаңтардан бастап 1 шілдеге дейін шетелдік автокөліктерді  заңдастыруға болады

<a href="https://kyzylorda-news.kz/">Kyzylorda-news.kz.</a>&nbsp;Қазгидромет 21 қаңтардағы ауа райы болжамын жариялады.Солтүстік-батыс антициклон Қазақстан Республикасындағы синоптикалық жағдайға әлі де өз әсерін сақтайды. Елдің басым бөлігінде жауын-шашынсыз ауа райы болжанады, тек республиканың шығысында атмосфералық бөліктердің өтуімен аздаған қар жауады, оңтүстігінде жел күшейіп, тұман түседі.

21 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Аймақ басшысы Нұрлыбек Нәлібаевтың тапсырмасы бойынша облыс әкімінің орынбасары Мархабат Жайымбетовтің төрағалығымен өткен мәжілісте республикалық және облыстық маңызы бар жолдардың, сондай-ақ магистральдықтемір жол бойында орналасқан нысандардың санитарлық тазалық мәселесі талқыланды.Жиынға «Қаз Авто Жол» және «Қазақстан темір жолы» АҚ облыстық филиал басшылары, селекторлық байланыс арқылы Қызылорда қаласы мен аудан әкімдері қатысты.Мархабат Жайымбетұлы санитарлық тазалық мәселесі аймақ басшысының тұрақты бақылауында екенін атап өтті.<blockquote>«Бүгінгі күні, «Батыс Еуропа-Батыс Қытай» автодәлізі, темір жол бойында орналасқан халық пайдаланатын объектілердің санитарлық тазалық мәселесі өзекті болуда.Бұл бойынша облыс әкімі тарапынан бірқатар сыни ескертпелер айтылды. Өздеріңіз білесіздер,«Батыс Еуропа-Батыс Қытай» автодәлізі-Еуропа елдерінен Қытайға баратын оңтайлы және ірі көлік дәлізі.Қазіргі таңда, осы жол арқылы тәулігіне 10 мыңнан аса автокөлік қатынайды.Сонымен қатар, облыс аумағынан өтетін магистральдық темір жол желісі арқылы айына 500-ге жуық жолаушылар пойызы өтеді.Сондықтан, бірінші кезекте осы жол бойында орналасқан және халық тұтынатын нысандар, көлік инфрақұрылымдары күнделікті тазалықты қажет етеді», - деді Мархабат Жайымбетов.</blockquote>Жиын барысында «Қаз Авто Жол» және «Қазақстан темір жолы» АҚ облыстық филиал басшылары мен қала, аудан әкімдері магистральдық жолдар мен жол бойындағы нысандардың тазалығын қамтамасыз ету бойынша жүргізілген жұмыстарды баяндап, алдағы уақытта аймақ басшысының сын-ескертпелері жойылатынын жеткізді.Мәжілісті қорытындылаған облыс әкімінің орынбасары «ҚазАвтоЖол» АҚ облыстық филиалы, аудан және Қызылорда қаласы әкімдіктеріне тиісті аумақтағы республикалық және жергілікті маңызы бар жолдардың бойында орналасқан жалпы пайдаланымдағы нысандар мен көлік объектілерінің санитарлық тазалығы күнделікті қамтамасыз етуді және «Қазақстан темір жолы» АҚ облыстық филиалы басшыларына магистральді темір жол желісі бойы, темір жол станциялары мен вокзалдарды және олардың аумақтарының санитарлық тазалығын тұрақты негізде қамтамасыз етіп, вокзал кешеніндегі сауда орындары, перрондар, демалыс алаңдары, қоқыс жәшіктерін күнделікті тазалауды және вокзал ғимараттары мен сауда орындарының сыртқы келбеттерін ретке келтіруді тапсырды.

Тазалық мәселесі тұрақты бақылауда болуы тиіс

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Тоқаев Парламент Мәжілісі және мәслихат депутаттарының кезектен тыс сайлауын тағайындау туралы мәлімдеме жасады. Бұл туралы Ақорданың ресми сайты хабарлайды.Құрметті отандастар!Мен Конституцияға сәйкес, Парламент палаталарының төрағаларымен, Премьер-Министрмен кеңесіп, Мәжілісті тарату және мәслихаттардың өкілеттігін мерзімінен бұрын тоқтату туралы Жарлықтарға қол қойдым. Депутаттарға белсенді әрі жемісті жұмысы үшін алғыс айтамын. Мәжіліс пен мәслихат депутаттары еліміздегі ауқымды реформаларды іске асыруға барынша атсалысты. Олар сайлаушылармен жиі кездесу өткізді. Шалғайдағы елді мекендерге барды. Сондай-ақ, жұртты толғандырған өзекті мәселелерді көтеріп, қоғамдық пікірталасқа ұйытқы болды.Жаңадан сайланатын депутаттар да жұмысты осы қарқынмен жалғастырып, еліміздің жан-жақты жаңғыруына ерекше үлес қосады деп сенемін. Мәжілістің кезектен тыс сайлауы 2023 жылғы 19 наурызда өтеді. Барлық деңгейдегі мәслихаттардың сайлауын Орталық сайлау комиссиясы белгілейді.Өздеріңізге мәлім, мен былтыр күздегі Жолдауымда Мәжіліс пен мәслихаттар сайлауы осы жылдың бірінші жартысында болатынын жарияладым, яғни бұл бастама айтылған сәттен сайлауға дейін жарты жылдан астам уақыт өтеді. Тәуелсіздік жылдарында сайлауға дайындалу үшін кандидаттар мен саяси партияларға осыншама көп уақыт берілген емес.Мәжілістің және мәслихаттардың кезектен тыс сайлауы – конституциялық реформаның жалғасы. Былтырғы референдумда халқымыз бұл реформаға қолдау білдірді. Соның нәтижесінде еліміз өкілді билікті жаңа, әділ әрі ашық бәсекеге жол ашатын қағида бойынша жасақтауға көшті.Енді Мәжіліс депутаттарының 70 пайызы партиялық тізім арқылы, ал қалған 30 пайызы бір мандатты округтерден сайланады. Облыстар мен республикалық маңызы бар қалалардағы мәслихат депутаттары да аралас жүйе бойынша сайланады. Депутаттардың 50 пайызы бір мандаттық жүйе арқылы, 50 пайызы партиялық тізім бойынша өтеді. Ал, аудан және облыстық маңызы бар қалалардағы мәслихат сайлауында азаматтар бір мандатты округтерден шыққан кандидаттарға дауыс береді. Осылайша, Мәжіліс пен мәслихаттар жаңа үлгі бойынша жасақталады. Сонда сайлаушылардың мүддесі жалпыұлттық және аймақтық деңгейде толық қорғалады. Өкілді билікке түрлі көзқарастағы азаматтардың келуіне мүмкіндік туады. Азаматтық қоғамның одан әрі дамуына айтарлықтай жағдай жасалады.Конституциялық реформа аясында саяси партияларды тіркеу рәсімі жеңілдетілді. Атап айтқанда, партия мүшелерінің санына қатысты талап өзгерді. Оның төменгі шегі төрт есе төмендеп, 20 мыңнан 5 мыңға дейін азайды. Партиялардың әр аймақтағы өкілдерінің саны кемінде 600 адам болуға тиіс еді, ал қазір 200 адамға дейін төмендеді. Осы және басқа да жүйелі шаралардың нәтижесінде елімізде көп уақыттан бері алғаш рет бірнеше жаңа саяси партия тіркелді.Сонымен бірге, сайлау бюллетеніне «бәріне қарсымын» деген бағанның енгізілуі өте маңызды шешім болды. Партиялардың Мәжіліске өтуіне қажетті дауыстың төменгі шегі 7-ден 5 пайызға дейін азайды. Бұл да – елімізді демократияландыру жолындағы айрықша мәні бар қадам. Сайлау үдерісіне қоғамның түрлі өкілдерін барынша тарту үшін заңнамаға басқа да тың өзгерістер енгізілді. Мысалы, депутаттық мандаттың 30 пайызын әйелдерге, жастарға және ерекше қажеттілігі бар азаматтарға бөлу заң жүзінде бекітілді. Мұның бәрі саяси бәсекені күшейтеді, саяси жүйенің ашықтығын қамтамасыз етеді. Сондай-ақ, саясаткерлердің жаңа буынының қалыптасуына жол ашады.Сайлау науқанын ұйымдастыру және оны өткізу ісінде аумақтық сайлау комиссиялары маңызды рөл атқарады. Енді облыстық сайлау комиссиялары кәсіби түрде тұрақты жұмыс істейді. Бұл шешім сайлауға қатысты іс-шаралардың сапалы атқарылуын қамтамасыз етеді.Алдағы сайлаудың заңға сәйкес өтуіне, әділ әрі ашық болуына қатаң бақылау жасалады. Бұған Орталық сайлау комиссиясы және Бас прокуратура жауапты. Сайлау науқанын отандық және халықаралық байқаушылар жіті қадағалайды. Осы тұста азаматтарымыздың байқаушы ретінде белсенділік танытуы маңызды. Заңға сай барлық кандидат пен партияның бұқаралық ақпарат құралдарына шығуына бірдей мүмкіндік беріледі. Осы сайлау науқаны еліміздегі саяси мәдениеттің жоғары екенін айқын көрсетіп, қоғамымызды ұйыстыра түседі деп сенемін.Біз дамудың жаңа дәуіріне қадам бастық. Қазақстанда қарқынды және жан-жақты жаңару үдерісі жүріп жатыр. Бұл сайлау қоғамдағы өзгерістердің көрінісі ретінде саяси жүйеміздің одан әрі жаңғыруына зор ықпалын тигізеді. Қазір әлемде дәл осындай ауқымды өзгерістерді қолға алған мемлекеттер көп емес.Мәжіліс пен мәслихаттар сайлауы мемлекеттік билік институттарын жаңғырту жұмыстарының қорытынды кезеңі болмақ. Осылайша, «Күшті Президент – ықпалды Парламент – есеп беретін Үкімет» қағидаты толық іске асады.Біз бір ел, бір халық болып, Әділетті Қазақстанды құрып жатырмыз. Осы жолда түрлі сын-қатерді еңсеріп, көптеген маңызды міндетті бірге атқаруымыз керек.Мен баршаңызды азаматтық жауапкершілік танытып, Мәжіліс пен мәслихат сайлауына белсене қатысуға шақырамын.

Қазақстан және Қызылорда облысының басты жаңалықтары