<a href="https://kyzylorda-news.kz/ru/">Kyzylorda-news.kz</a>. МӘМС жүйесін енгізу балалар денсаулығы профилактикасына және оларды емдеуге көбірек қаражат бөлуге мүмкіндік берді. Бір бала үшін жұмсалатын денсаулық сақтау жүйесінің шығындары 22 %-ға өсті. Әлеуметтік медициналық сақтандыру қорында балаларға медициналық көмекке қанша қаражат жұмсалғаны туралы есеп берілді.Өздеріңіз білетіндей, 2022 жыл Балалар жылы болып жарияланды. Әлеуметтік медициналық сақтандыру қоры қазақстандық балалар МӘМС жүйесінде автоматты түрде сақтандырылғанын еске салды. Олар үшін жарналарды ЖСН алған сәттен бастап кәмелетке толғанға дейін мемлекет төлейді. Бұл балаларға ТМККК аясында ғана емес, міндетті әлеуметтік медициналық сақтандыру пакетіне кіретін медициналық көмекті де алуға мүмкіндік береді. &nbsp;Әлеуметтік медициналық сақтандыру қорында хабарлағандай, емханаларға тіркелген балалар саны жыл сайын артып келеді. 2020 жылы &nbsp; &nbsp; туғаннан бастап 17 жасқа дейінгі 6 млн 290 мыңға жуық, 2021 жылы 6 млн 467 мыңнан астам, ал 2022 жылдың 9 айының қорытындысы бойынша 6 млн 568 мыңнан астам бала тіркелген.&nbsp;<blockquote>«Өткен жылы балаларға ТМККК және МӘМС аясында жалпы 350 млрд теңгеге медициналық көмек көрсетілді. Биыл 33 %-ға өсім күтілуде. 2022 жылдың 9 айында 324 млрд теңгеге медициналық қызметтер көрсетілді», – деп Қорда атап өтті.</blockquote>Шығыстардың негізгі үлесін амбулаториялық-емханалық көмек (53%) құрайды. Ағымдағы жылдың 9 айында оған 232 млрд теңге жұмсалды. Осы кезеңде балалар тәулік бойғы стационарларда 300 мың жағдайда 70 млрд теңгеге жуық, күндізгі стационарларда 39 мың жағдайда 3 млрд теңгеге жуық қаражатқа емделді. Бұдан басқа, ауылдық стационарларда 15 млрд теңгеден астам сомаға 120 мыңға жуық бала ем алды. 2022 жылдың 9 айының қорытындысы бойынша балаларға жоғары технологиялық медициналық көмек көрсетуге 768 жағдай бойынша шамамен 3,4 млрд теңге бөлінді.МӘМС жүйесі енгізілгелі медициналық оңалту сынды маңызды бағыт қарқынды дамып келеді. &nbsp;Балалар көрсеткіштері бойынша оңалтуға тегін жіберіледі. Аталған кезеңде тәулік бойғы және күндізгі стационарлар жағдайында 70 мыңға жуық бала 12,6 млрд теңгеден астам қаражатқа емделді.Сондай-ақ аурулардың алдын алуға көп көңіл бөлінеді. Аталған кезеңде балаларды профилактикалық тексеруге шамамен 30 млрд теңге бағытталды. 9 айдың қорытындысы бойынша мектеп медицинасы қызметтері үшін 20 млрд теңге төленді. 9 айдың қорытындысы бойынша күндізгі стационар жағдайында бағдарламалық гемодиализ қызметтері 13 млрд теңгеден астам сомаға көрсетілді. Балаларды амбулаториялық дәрі дәрмекпен қамтамасыз етуге 5 млрд теңге бөлінді.<blockquote>«МӘМС жүйесі халықтың әлеуметтік осал топтарына тегін стоматологиялық көмек көрсетуге мүмкіндік беретіні белгілі. Талдау көрсеткендей, МӘМС бойынша стоматологиялық көмектің негізгі тұтынушылары балалар болып табылады. 2022 жылдың 9 айында 25,1 млрд теңгеге 8,8 млн-ға жуық стоматологиялық қызмет көрсетілді», – деп мәлімдеді Қор өкілдері.</blockquote>Жалпы алғанда, 1 балаға арналған шығыстар 2021 жылғы 54,1 мың теңгеден 2022 жылы 65,8 мың теңгеге дейін ұлғайды.Егер сізде медциналық қызмет көрсету бойынша сұрақтар туындаса, оларды өз емханаңыздағы «Пациенттерді қолдау» қызметіне хабарласып, қоя аласыз. Егер ол жерде мардымды жауап ала алмасаңыз, Әлеуметтік медициналық сақтандыру қорының өзіңізге ыңғайлы байланыс арнасы арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.Дәл осы құралдар сақтандыру мәртебесін тексеруге мүмкіндік береді. Сондай-ақ, жүргізілген төлемдер туралы ҚР электрондық үкіметінің egov.kz сайтында, «Денсаулық сақтау» бөлімінде, «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы білуге болады.<img src="https://knadmin.beoblood.kz/uploads/Deti_PMSP_kaz_837d2c92df.png" alt="Дети_ПМСП каз.png">

Балаларға 324 млрд теңгеге медициналық қызмет көрсетілді 

<a href="https://kyzylorda-news.kz/ru/">Kyzylorda-news.kz</a> Мемлекеттің экономиалық және әлеуметтік реттеуін жүзеге асыруға серпін беретін маңызды механизмдердің бірі – қоғамның қаржы жүйесі. Осы қаржы жүйесінің ең маңызды саласы – мемлекеттік бюджет. Бюджеттің тиіс орындарға уақытылы жетуі, тұрақты жоспармен, ұтымды пайдалануы ел дамуына ықпал етеді.Осы орайда Жалағаш ауданында аудандық мәслихатының кезектен тыс 26 сессиясы өтті. Сессия отырысында депутаттар бес мәселе қарап, тиісті сала басшыларының баяндамаларына құлақ түрді. Жиында аудан әкімінің орынбасары Алтынбек Дәрібаев, аудандық мәслихат хатшысы Гүлзат Құрманбаева, мәслихат депутаттары, кент, ауыл әкімдері, мекеме, бөлім басшылары қатысты.Күн тәртібіндегі бірінші мәселе бойынша хабарлама жасаған аудандық экономика және бюджеттік жоспарлау бөлімінің басшысы Жұпар Баймаханова «2022-2024 жылдарға арналған аудандық бюджет туралы» Жалағаш аудандық &nbsp;мәслихатының &nbsp;2021 жылғы 22 желтоқсандағы №12-1 шешіміне өзгерістер енгізуге тоқталды.&nbsp;<blockquote>«2022 жылға арналған аудан бюджетін нақтылау биыл он айдың қорытындысымен барлық бюджеттік бағдарлама әкімшілерінің биылғы жылға арналған қаржыландыру жоспарларына қайта есептеу жүргізілді. Нәтижесінде бюджеттік бағдарлама әкімшілерінен үнемделген және нақты төлемнен қалатын 124 045,8 мың теңге &nbsp;анықталды. &nbsp;2022 жылға нақтыланған аудан бюджетінің 2 121 208,3 мың теңге жергілікті кірістер болжамы 204 265 мың теңгеге орындалмайды. Жылдың аяқталуына аз ғана уақыт қалуына байланысты аудан бюджетінің шығыс бөлігінің бюджеттік бағдарламаларынан &nbsp;120 661 мың теңге қысқартылады. Сәйкесінше аудан бюджетінің жергілікті кірістер болжамының орындалмауына байланысты салық түсімдері қысқартылады», – деген бөлім басшысы салық түсімдері корпоративтік табыс салығы 5 786 мың теңге, жеке табыс салығы 30591 мың теңге, әлеуметтік салық 54 393 мың теңге, жер учаскелерiн сатудан түсетін түсiмдерден 5 000,0 мың теңге, азаматтардан пәтерлер сатудан түсетін түсімдерден 24 891 мың теңге екенін де айта кетті.&nbsp;</blockquote>Баяндамашының сөзінше, бюджеттік бағдарлама әкімшілерінен үнемделген 3384,8 мың теңге және өткен жылдың қорытындысымен аудан бюджетінде қалыптасқан бос қалдықты бюджеттік бағдарламаларға қайта бағыттау жобаланбақ.Айта кетейік, бюджеттік бағдарламаларға бағытталатын қаржы аудан әкімдігі бойынша аппараттың ағымдағы шығындарына, оның ішінде еңбекақы мен әлеуметтік төлемдерге, іс-сапар шығындарына, түрлі шығындарына, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі бойынша «Ауылдық жерлерде тұратын денсаулық сақтау, білім беру, әлеуметтік қамтамасыз ету, мәдениет, спорт саласынаң &nbsp;мамандарына отын сатып алуға Қазақстан Республикасының заңнамасына сәйкес, әлеуметтік көмек көрсету» &nbsp;бюджеттік бағдарламасына, &nbsp;ауданның құрылыс, сәулет және қала құрылысы бөлімі бойынша «Спорт объектілерін дамытуға» ауданның дене шынықтыру және спорт &nbsp;бөлімі бойынша «Әртүрлі спорт түрлері бойынша аудан құрама командаларының мүшелерін дайындау және олардың облыстық спорт жарыстарына қатысуы» бюджеттік бағдарламасына, «Ведомстволық бағыныстағы мемлекеттік мекемелер мен ұйымдардың күрделі шығыстарына» ауданның мәдениет және тілдерді дамыту бөлімі бойынша «Мәдени демалыс жұмысын қолдау» бюджеттік бағдарламасына &nbsp;жұмсалады. Яғни аудандық мәдениет үйінің “Алтын күз – 2022” іс-шарасын өткізу, Мәдениет және өнерді дамыту орталығының &nbsp;Т.Мәдиев, К.Бердәулетовтерді еске алу арналған іс-шараны өткізу шығындарына бағытталады. Аппараттың ағымдағы шығындарына 789 мың теңге ауыстырылу арқылы бағыттау &nbsp;жобаланды.&nbsp;Ал аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Қ.Бөлембаев Жалағаш аудандық мәслихатының 2020 жылғы 28 қазандағы №64-2 «Әлеуметтiк көмек көрсету, оның мөлшерлерiн белгiлеу және мұқтаж азаматтардың жекелеген санаттарының тiзбесiн айқындау қағидаларын бекіту туралы» шешіміне өзгерістер енгізу туралы сөз етті.&nbsp;Бөлім басшысының айтуынша, енгізілетін өзгерістерде өмірлік қиын жағдай туындаған кезде мұқтаж азаматтардың жекелеген санаттарына әлеуметтік көмек &nbsp;көрсетілмек. Атап айтар болсақ, табиғи зілзаланың немесе өрт оқиғасы орын алған мекен-жай бойынша тұрақты тіркелген, табиғи зілзаланың немесе өрттің салдарынан зардап шеккен азаматтарға осы &nbsp;өмірлік қиын жағдайда туындаған сәттен бастап алты ай ішінде жан басына шаққандағы орташа табысы есепке алынбай көмек көрсетілмек.&nbsp;Тарқатып айтсақ, қайтыс болған әрбір отбасы мүшесіне бір рет қырық айлық есептік көрсеткіш, азаматқа не оның мүлкіне зиян келтірілген жағдайда бір рет жүз елу айлық есептік көрсеткіш мөлшерінде, өмірлік қиын жағдайда қалған, оның ішінде әлеуметтік мәні бар аурулардың және &nbsp;айналадағыларға қауіп төндіретін аурулардың салдарынан тыныс-тіршілігі шектеулі адамдарға, яғни туберкулез ауруымен диспансерлік есепте тұрған адамдарға жан басына шаққандағы орташа табысы есепке алынбай, ай сайын он айлық есептік көрсеткіш мөлшерінде, гемобластоздар мен апластикалық анемияны қосқанда, гемотологиялық аурулармен диспансерлік есепте тұрған балалардың ата-аналарына немесе өзге де заңды өкілдеріне жан басына шаққандағы орташа табысы есепке алынбай, ай сайын 7,6 айлық есептік көрсеткіш мөлшерінде, адамның иммун тапшылығы вирусынан туындаған диспансерлік есепте тұрған балалардың ата-аналарына немесе өзге де заңды өкілдеріне жан басына шаққандағы орташа табысы есепке алынбай, тиісті қаржы жылына арналған республикалық бюджет туралы заңында белгіленген ең төмен күнкөріс деңгейінің ай сайын екі еселенген мөлшерінде көмек көрсетіледі.Бұдан бөлек, сессия отырысында Қазақстан Республикасының жоғары оқу орындарында күндізгі оқу нысаны бойынша білім алатын, заңда белгіленген ең төменгі күнкөріс деңгейінің үш еселенген шамасынан төмен халықтың әлеуметтік осал топтарынан шыққан адамдарға өтелетін әлеуметтік көмек туралы да сөз болды. Мәселен, жетім, мүгедектігі бар, ата-анасының қамқорлығынсыз қалған балаларға, балалар үйлері мен балалар ауылдарының тәрбиеленушілеріне, асыраушысынан айырылу жағдайы бойынша берiлетiн мемлекеттiк әлеуметтiк жәрдемақы алатын, ата-анасының екеуі де жасына байланысты зейнеткер болып табылатын немесе біреуі мүгедектігі бар адам болып табылатын, құрамында бірге тұратын кәмелетке толмаған төрт және одан көп балалары, оның ішінде кәмелеттік жасқа толғаннан кейін білім беру ұйымдарын бітіретін уақытқа дейін орта, техникалық және кәсіптік, орта білімнен кейінгі, жоғары және жоғары оқу орнынан кейінгі білім беру ұйымдарында күндізгі оқу нысаны бойынша білім алатын балалары бар көпбалалы, мүгедектігі бар балаларды тәрбиелеп отырған, толық емес отбасыларындағы балаларға, студенттерге әлеуметтік көмек оқу орындары ұсынатын білім беру қызметі мөлшерінде жыл сайынғы бір жолғы төлемнен, сонымен қатар жетпіс екі айлық есептік көрсеткіш мөлшерінде тамақтануға және тұруға кететін шығындарды өтейтін бір жолғы әлеуметтік көмектен тұрады.<blockquote>«16 желтоқсан – Тәуелсіздік күні Қазақстандағы 1986 жылғы 17-18 желтоқсан оқиғаларына қатысқан, осы оқиғаларда қасақана кісі өлтіргені және милиция қызметкерінің, халық жасақшысының өміріне қастандық жасағаны үшін сотталған, өздеріне қатысты қылмыстық істерді қайта қараудың қолданылып жүрген тәртібі сақталатын адамдарды қоспағанда, басқаларға 100 000 теңге мөлшерінде көмек көрсету ұсынылады. Сонымен бірге ата-аналарымен немесе олардың орнындағы адамдармен бірге бас бостандығынан айыру орындарында, айдауда, жер аударуда немесе арнайы қоныс аударуда болған саяси қуғын-сүргін құрбандарының балаларына, сондай-ақ қуғын-сүргін кезінде он сегіз жасқа толмаған және оны қолдану нәтижесінде ата-анасының немесе олардың біреуінің қамқорлығынсыз қалған саяси қуғын-сүргін құрбандарының балаларына 3 айлық есептік көрсеткіш мөлшерінде көмек көрсетуді де назарға алып отыр», – деген аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Қанат Бөлембаев сессия отырысының үшінші мәселесіне көшті.&nbsp;</blockquote>Жалағаш аудандық мәслихатының 2021 жылғы 17 қарашадағы №10-2 «Жалағаш ауданында мүгедектер қатарындағы кемтар балаларды жеке оқыту жоспары бойынша үйде оқытуға жұмсаған шығындарын өндіріп алу тәртібі мен мөлшерін айқындау туралы» шешіміне өзгерістер енгізу туралы баяндаған бөлім басшысы бұл ретте де бірқатар өзгерістердің барын жеткізді.&nbsp;<blockquote>«Қазақстан Республикасының кейбір заңнамалық актілеріне мүгедектігі бар адамдардың өмір сүру сапасын жақсарту мәселелері бойынша өзгерістер мен толықтырулар енгізу туралы» Қазақстан Республикасының Заңына сәйкес, Жалағаш аудандық мәслихатының «Жалағаш ауданында мүгедектер қатарындағы кемтар балаларды жеке оқыту жоспары бойынша үйде оқытуға жұмсаған шығындарын өндіріп алу тәртібі мен мөлшерін айқындау туралы» шешіміне бірқатар өзгерістер енгізу ұсынылып отыр. №10-2 шешімінде көрсетілген «мүгедектер» деген сөз «мүгедектігі бар балалар» деген сөзбен ауыстыру және «өндіріп алу» &nbsp;деген сөз «өтеу» деген сөзбен жаңа редакцияда жазылуы нақтыланды», –деді бөлім басшысы Қ.Шамшатұлы.</blockquote>Мұнан бөлек басқосуда аудандық мәслихат депутаты, комиссия төрағасы Г.Айтжанова аудандық мәслихаттың «Әлеуметтік-мәдени даму, халықты әлеуметтік қорғау мәселелері, заңдылық және азаматтар құқығы» жөніндегі тұрақты комиссия төрағасының есебіне тоқталса, аудандық мәслихат депутаты, комиссия төрағасы Ж.Тәттібаев Жалағаш аудандық мәслихатының «Өнеркәсіп, құрылыс, көлік, коммуналдық шаруашылық, аграрлық, кәсіпкерлік және қоршаған ортаны қорғау мәселелері» жөніндегі тұрақты комиссия төрағасының есебі бойынша хабарлама жасады. Соңғы екі мәселе бұған дейін де тұрақты комиссия отырысында жан-жақты талқыланғанын алға тартқан мәслихат депутаттары бұған қатысты ешқандай қарсылық жоқ екенін жеткізді.Сессияда қаралған күн тәртібіндегі мәселелер жан-жақты талқыланып, баяндамашыларға депутаттар тарапынан сұрақтар қойылды. Аудандық мәслихаттың кезектен тыс өткен 26 сессиясының күн тәртібіне ұсынылған мәселелердің барлығы депутаттар тарапынан қолдау тапты, бірауыздан бекітілді. &nbsp;<img src="https://knadmin.beoblood.kz/uploads/236167234_689807789085765_8810628800500462801_n_9b717f5e1a.jpg" alt="236167234_689807789085765_8810628800500462801_n.jpg">

Жалағаш ауданы: Бюджет нақты мақсаттарға бағытталады

<a href="https://kyzylorda-news.kz/ru/">Kyzylorda-news.kz</a>. Атмосфералық фронттардың өтуіне байланысты Қазақстан Республикасының басым бөлігінде құбылмалы ауа райы сақталады, деп хабарлайды Қазгидромет.Елдің солтүстігінде, шығысында, орталығында – қар жауады. Республика бойынша тұман, көктайғақ, оңтүстігінде, оңтүстік-шығысында жел күшеюі, шығысында, орталығында жаяу бұрқасын күтіледі.Қарағанды облысының солтүстігінде, шығысында, орталығында қалың қар, Түркістан, Алматы облыстарының таулы аудандарында қатты жауын-шашын жауады.

Дүйсенбіге арналған ауа райы болжамы

Kyzylorda-news.kz. &nbsp;Қазақстанда президент сайлауы мәресіне жетті, деп хабарлайды ҚазАқпарат.&nbsp;Астана уақытымен сағат 20.00-де еліміздің 15 өңірінде, ал дәл қазір Атырау, Ақтөбе, Батыс Қазақстан, Қызылорда және Маңғыстау облыстарында дауыс беру аяқталды.Осылайша, еліміздің барлық өңірінде ашылған 10 033 сайлау учаскесі жұмысын тоқтатты.Енді учаскелік сайлау комиссияларының мүшелері бюллетендерді санайды.Сағат 18.00-дегі дерекке сәйкес, Қазақстанның шет елдердегі мекемелері жанынан ашылған 68 сайлау учаскесінің 10-ы жұмысын аяқтады.57 сайлау учаскесі жұмысын жалғастырып жатыр. Бір учаске әлі ашылған да жоқ.Нақтырақ айтқанда, Сан-Франциско қаласындағы учаске астана уақытымен сағат 21.00-де ашылады.Сағат 20.00-дегі жағдай бойынша республиканың <a href="https://www.inform.kz/kz/elimizdegi-bukil-saylaushylardyn-69-payyzy-tandauyn-zhasady_a4004037">8 282 607 азаматы</a> бюллетень алды.Бұл - тізімге енген азаматтардың 69,31 пайызы.

Қазақстанда президент сайлауы аяқталды

Kyzylorda-news.kz. Жалағашта 103 жастағы кейуана Бибайша Қайырбаева да саяси науқанда өз таңдауын жасап, сенім білдірген үміткеріне дауыс берді.<blockquote>– Бүгін еліміз үшін саяси науқанға қатысып, немерелерімнің болашағы үшін өз таңдауымды жасадым. Дауыс беру азаматық борышымыз деп білемін. Саяси науқанда әрбір сайлаушының дауысы маңызды. Мен де мемлекетімнің болашағы үшін таңдау жасадым, – дейді ардақты әже.</blockquote>Ақжаулықты әжеміздің иығына шапан жабылып, сый-сыяпат көрсетілді. Расында оның жүзден асқан шағында осындай науқанда төбе көрсетуі қай буынға да үлгі болары сөзсіз.Бибайша Қайырбаева – тыл ардагері, 4 ұл, 4 қыздың анасы. Немере, шөберелердің ардақты әжесі.

103 жастағы жалағаштық кейуана сайлауда дауыс берді

Kyzylorda-news.kz. Бүгін облыс әкімі Нұрлыбек Нәлібаев Президент сайлауында №263 учаскеге барып, дауыс беріп, өз таңдауын жасады.&nbsp;<blockquote>«Бүгін еліміз үшін ерекше күн. Мемлекетіміздің жарқын болашағын айқындайтын бұл күнде әрбір азаматтың дауысы маңызды. Жерлестеріміз ел келешегі үшін бірлік танытып, өз таңдауын жасайтынына сенімдімін»,- деді Н.Нәлібаев.</blockquote>Айта кетейік, аймақта 373 сайлау учаскесі және 482934 сайлаушы бар. &nbsp;<img src="https://knadmin.beoblood.kz/uploads/FB_IMG_1668915773815_6778d2697b.jpg" alt="FB_IMG_1668915773815.jpg"><img src="https://knadmin.beoblood.kz/uploads/FB_IMG_1668915776151_1bd5240325.jpg" alt="FB_IMG_1668915776151.jpg">

Нұрлыбек Нәлібаев Президент сайлауында өз таңдауын жасап, дауыс берді

Kyzylorda-news.kz. Қызылорда облысының әкімі Нұрлыбек Нәлібаев Сыр өңіріне жұмыс сапарымен келген Қазақстан кәсіпкерлерінің құқығын қорғау жөніндегі уәкіл Рустам Жүрсіновпен кездесті.Басқосуда уәкіл Сыр еліндегі кәсіпкерлермен кездесу барысында қозғалған мәселелерді жеткізіп, бизнес иелерінің ортақ мәселелері бойынша пікір алмасты.Аймақ басшысы өңірдегі шағын және орта бизнес саласын дамытуға мүдделі кәсіпкерлерді қорғау жұмыстары әрдайым назарда екенін тілге тиек етіп, өңірде проблемалық мәселелер туындамайтынын жеткізді.&nbsp;Қызылорда облысына жұмыс сапары барысында Рустам Жүрсінов және «Атамекен» ҰКП Басқарма төрағасының орынбасары Ербол Өстеміров кәсіпкерлерді жеке мәселелерімен қабылдап сауалдарына жауап берді және құқық қорғау орган басшыларымен кездесті.Айта кетейік, облыс прокуратурасы органдарымен кәсіпкерлік ортада жүйелі мәселелерді анықтау және шешу мақсатында Кәсіпкерлер палатасымен жол картасы бекітіліп, қала, аудандарға шығу арқылы бизнес өкілдерімен үнемі кездесулер өтіп және «Заң керуені» акциясы шеңберінде ауыл кәсіпкерлеріне құқықтық түсіндіру жұмыстары жүргізілуде.Биылдың өзінде 60 прокурорлық қадағалау актілері енгізіліп, 1 600 кәсіпкердің бұзылған құқықтары қалпына келтірілді.&nbsp;110 құқықтық актілердің күші жойылып, 57 кінәлі тұлға түрлі жауаптылыққа тартылды. &nbsp;&nbsp;

Нұрлыбек Нәлібаев бизнес-омбудсменмен кездесті

Kyzylorda-news.kz. Қазгидромет синоптиктері 19 қараша, сенбіге арналған ауа райы болжамын жариялады.Оған сәйкес, бүгін атмосфералық фронттарға байланысты Қазақстанның басым бөлігінде тұрақсыз ауа райы сақталады.Жаңбыр мен қар жауады, түнде оңтүстіктің таулы аудандарында қатты жауын-шашын болады.Жоғары атмосфералық қысым әсерінен елдің орталығы мен шығысында ғана күн ашық болады, жауын жаумайды.Республика бойынша тұман түсіп, көктайғақ болады, жел күшейеді.Елдің солтүстік-батысында, солтүстігінде жаяу бұрқасын соғады.Түнде Түркістан облысының таулы аудандарында қар мен жаңбыр жауады.

Сенбіге арналған ауа райы болжамы 

<a href="https://kyzylorda-news.kz/ru/">Kyzylorda-news.kz</a>. Бүгін аймақ басшысы Нұрлыбек Нәлібаев ел ағаларымен бірге көпбалалы отбасыларға сол жағалау аймағынан іргесі көтерілген 40 пәтерлі жаңа арендалық көпқабатты тұрғын үйді тарту етіп, көпбалалы отбасыларды қоныс тойымен құттықтады.<blockquote>«Туған жеріміз Қызылорда қаласы соңғы уақытта қарқынды құрылыс аймағына айналды. Зәулім ғимараттар бой түзеп, жаңа ықшам аудандар салынып, шаһардың сәулеттік келбеті көркейе түсті.Ел Президенті Қасым-Жомарт Тоқаевтың Сыр еліне қолдауы негізінде облыс орталығында қала көркін еселеп, ажарын аша түсетін бірнеше зәулім ғимараттың іргетасы қаланып, жаңа әлеуметтік нысан салу бастамасы сәтті түрде жүзеге асуда. Нәтижесінде облыс орталығы соңғы уақытта қарқынды құрылыс аймағына айналды.Бүгін салтанатты түрде сол жағалау аймағынан іргесі көтерілген жаңа арендалық көпқабатты тұрғын үйді жерлестерімізге тарту ету үшін жиналдық.Шаңырақтарыңызға шаттық орнап, әр жанұяға жақсылық, ынтымақ пен бірлік, амандық тілеймін»,-деді өңір басшысы Нұрлыбек Нәлібаев.</blockquote>Шарада қоғам қайраткері Айтбай Көшербаев тұрғындарды қуанышымен құттықтап, ақ тілегін арнады. Сондай-ақ, баспаналы болған аналар атынан сөз сөйлеген Әйгерім Нұрадинқызы шексіз қуанышқа кенелгенін жасырмады.<blockquote>«Мен 5 баланың анасымын. Бүгін қонысқа кіріп, қуанышқа кенелудеміз. Қобалжып та тұрмын. Балаларымның жылы әрі кең үйде тұрып, лайықты білім алғанын қалайтынмын. Шүкір, баспаналы болу бақытын біз де сезіндік. Шаңырағымызда тек жақсылық орнасын»,-деді Әйгерім Нұрадинқызы.</blockquote>Айта кетейік, «Асар» жауапкершілігі шектеулі серіктестігінің есебінен 2600 шаршы метрді құрайтын 5 қабатты 40 пәтерлік арендалық тұрғын үй ұзақ жылдан бері кезекте тұрған көпбалалы аз қамтылған отбасыларға берілді.Биыл қаржыландырудың барлық көздері есебінен 683 мың шаршы метр тұрғын үйді пайдалануға беру жоспарланды.Аймақта «Нұрлы жер» мемлекеттік бағдарламасы аясында 1764 пәтерді құрайтын 41 тұрғын үй құрылысы жүргізілуде. Оның ішінде 1044 пәтерді құрайтын 26 тұрғын үйдің құрылысын жыл аяғына дейін ел игілігіне берілмек.<img src="https://knadmin.beoblood.kz/uploads/315600745_432724889048761_1323254027006133833_n_6001a85d6c.jpg" alt="315600745_432724889048761_1323254027006133833_n.jpg"><img src="https://knadmin.beoblood.kz/uploads/315970227_432724895715427_8274499721531160142_n_afdaaa6276.jpg" alt="315970227_432724895715427_8274499721531160142_n.jpg"><img src="https://knadmin.beoblood.kz/uploads/316131696_432724989048751_4693353432732700580_n_2e20612c0d.jpg" alt="316131696_432724989048751_4693353432732700580_n.jpg">

Аймақ басшысы көпбалалы отбасыларға жаңа пәтердің кілтін табыстады

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Нұрлыбек Нәлібаев Сыр еліне белгілі кәсіпкер, меценат Марат Дүйсенбаевтың демеушілігімен бастау алған «Анаға тағзым» орталығының құрылысымен танысып, кірпішін қалау рәсіміне қатысты.Құны 1,5 млрд. теңгені құрайтын заманауи үлгідегі орталық өңіріміздің қыз-келіншектерге, жас отбасыларға, балаларға ұлттық құндылықтарды дәріптеп, әдет-ғұрып, салт-дәстүрлерді жаңғыртуға мол мүмкіндік бермек.Іс-шарада облыс әкімі Нұрлыбек Нәлібаев жаңа орталықтың Сыр елінде еңсе тіктеп, бойы көтеруінің үлкен символикалық мәні бар екенін тілге тиек етті.<blockquote>«Біздің өңірімізде Мемлекет басшысы Қасым-Жомарт Кемелұлы Тоқаевтың қолдауымен жаңа заманауи үлгідегі әлеуметтік нысандар салынуда. Оған өздеріңіз куә болып жүрсіздер. Таяуда ғана ардагер ағаларымызбен бірге облыс орталығынан құны 3,7 млрд. теңгеге өнер орталығы, құны 1,6 млрд. теңгені құрайтын заманауи үлгідегі Неке сарайы, 2,9 млрд. теңгені құрайтын «Қан орталығының» құрылысын бастадық. 6-7 ай ішінде жергілікті кәсіпкерлердің қолдауымен 9 млр.теңгеге жуық қаражат тартылып, жаңа жобалар жүзеге асуда. Қоғамның игілігіне қызмет етуді басты қағида еткен туған жерге жанашыр азамат, белгілі кәсіпкер Марат Базарбайұлы өңірімізде "Анаға тағзым" орталығын салуға ниет білдірді. Ана - тек отбасының берекесі ғана емес, елдің ынтымағы мен несібесіне тілекші, бірліктің ұйытқысы. Келешекте жас отбасылар мен кейінгі буын жастар бұл орталықтан рухани құндылықтарды алады деп сенеміз. Барша Сыр халқы атынан шексіз алғысымызды білдіреміз», - деді аймақ басшысы Нұрлыбек Нәлібаев.</blockquote>Жаңа нысанда қыз-келіншектердің сәні мен сымбатты жүруіне арналған арнайы бөлмелер, тұрмыстық жағдай және қонақ күту кабинеті, аруларға жан-жақты психологиялық көмектер беретін кабинеттер болады. Сондай-ақ, шығармашыл жандарға бағытталған әдебиет және поэзия, дизайн студиясы мен би орталығы және жас отбасыларға қызмет көрсету бөлмелері болады.Іс-шарада батыр ана Сәкен Ағатаева сөз алып, ұлттық құндылықтарды дәріптеу ата-бабадан келе жатқан дәстүр екенін тілге тиек етіп, бұл орталықтың жас аналарға, бойжеткендерге берері мол екенін жеткізді.Айта кету керек, Марат Дүйсенбаев жақында ғана елорда төрінде Мемлекет басшысының қолынан «Парасат» орденімен наградталды.Ол туған елге «100 игілікті іс» жоспары негізінде 100 отбасының баспаналы болуына қуаныш &nbsp;сыйлап, әртүрлі жетістіктерге жеткен және әлеуметтік аз қамтылған азаматтарға 100 автокөлік тарту етсе, 100 жастың отбасы құруына қаржылай қолдау көрсеткен.Меценат Марат Дүйсенбаев 30 жыл ішінде 12 млрд.теңге қаржыны өңірдің игілікті ісіне арнаған жомарт азамат.Еске сала кетейік, Сыр өңірінде соңғы 7 ай ішінде 18 жаңа нысан салу бастамасы қолға алынып, ауқымды жобалардың жүзеге асуда. Сонымен қатар келер жылы халықаралық әуежайдың жаңа терминалы, стадион мен заманауи үлгідегі Оқушылар сарайы және көпсалалы аурухана салынады.<figure class="image"><img src="https://knadmin.beoblood.kz/uploads/316267285_432637419057508_9183059994512932105_n_f4b6ec42a1.jpg" alt="316267285_432637419057508_9183059994512932105_n.jpg"></figure><figure class="image"><img src="https://knadmin.beoblood.kz/uploads/315588613_432651669056083_1336915637012676652_n_b2c244eb8e.jpg" alt="315588613_432651669056083_1336915637012676652_n.jpg"></figure><figure class="image"><img src="https://knadmin.beoblood.kz/uploads/315639675_432651565722760_3400391739176647800_n_df85808920.jpg" alt="315639675_432651565722760_3400391739176647800_n.jpg"></figure><figure class="image"><img src="https://knadmin.beoblood.kz/uploads/316118371_432651539056096_8637244694359724625_n_f6c83783c9.jpg" alt="316118371_432651539056096_8637244694359724625_n.jpg"></figure>

Қызылорда облысының әкімі «Анаға тағзым» орталығының кірпішін қалау рәсіміне қатысты

<a href="https://kyzylorda-news.kz/">Kyzylorda-news.kz.</a> Мемлекет басшысы Астанадағы көпқабатты үйде болған өрт кезінде ерлік көрсеткен және бірнеше адамның өмірін құтқарған елордалық өрт сөндірушілерді Қазақстан Республикасының мемлекеттік наградаларымен марапаттау туралы Жарлыққа қол қойды, деп хабарлайды Ақорданың баспасөз қызметі.&nbsp;Қызметтік борышын атқару кезінде көрсеткен батылдығы мен жанқиярлығы үшін Төтенше жағдайлар министрлігі Астана қаласы Төтенше жағдайлар департаменті өрт сөндіру және авариялық-құтқару жұмыстары қызметі жедел кезекшісінің көмекшісі Асқар Забикулин I дәрежелі «Айбын» орденімен, Төтенше жағдайлар министрлігі Астана қаласы Төтенше жағдайлар департаменті өрт сөндіру және авариялық-құтқару жұмыстары қызметі № 10 өрт сөндіру бөлімінің бөлімше командирі Аян Кемпіров III дәрежелі «Айбын» орденімен марапатталды.Забикулин Асқар Серікұлы – азаматтық қорғаныс капитаны<figure class="image"><img src="https://knadmin.beoblood.kz/uploads/Askar_2914bc9252.jpg" alt="Аскар.jpg"></figure>1994 жылы 5 қаңтарда Ақмола облысы Еңбекшілдер ауданы Казгородок ауылында туған.ҚР ІІМ ТЖК Көкшетау техникалық институтын тәмамдаған.Еңбек жолын «Қарақөткел» ӨБ-9 өрт сөндіру постының қарауыл басшысы ретінде бастаған.Төтенше жағдайлар министрлігі Астана қаласы Төтенше жағдайлар департаменті өрт сөндіру және авариялық-құтқар жұмыстары қызметі жедел кезекшісінің көмекшісі лауазымына 2021 жылы тағайындалған.Кемпіров Аян Алматұлы – азаматтық қорғаныс аға сержанты<figure class="image"><img src="https://knadmin.beoblood.kz/uploads/Ayan_d94263cb12.jpg" alt="Аян.jpg"></figure>1988 жылы 5 мамырда Қостанай қаласында туған.Қарағанды политехникалық колледжін сарапшы-механик мамандығы бойынша тәмамдаған.Төтенше жағдайлар министрлігі Астана қаласы Төтенше жағдайлар департаменті өрт сөндіру және авариялық-құтқару жұмыстары қызметі № 10 өрт сөндіру бөлімінің бөлімше командирі қызметіне 2021 жылы тағайындалған.Айта кетейік, Астана қаласында көпқабатты тұрғын үйден өрт шығып, 3 адам ауруханаға түсті. Сондай-ақ 3 адамды құтқарған өрт сөндіруші 80 пайыз күйікпен жансақтау бөлімінде жатыр. Осы уақытта зардап шеккен өрт сөндірушілерге қатысты қызметтік тергеу жүріп жатыр.

Президент өрт сөндірушілерді марапаттау туралы Жарлыққа қол қойды

<a href="https://kyzylorda-news.kz/">Kyzylorda-news.kz.</a> ҚР Төтенше жағдайлар министрі Юрий Ильин Қызылорда облысына жұмыс сапарымен келді.&nbsp;Іссапар барысында министр Қызылорда облысының тұрғындарымен кездесу өткізіп, аймақтың төтенше жағдайдағы дайындық барысын баяндады.&nbsp;Атап айтқанда, өңірде 300-ден астам техника мен 700-ге жуық төтеншелік қысқы мезгілдегі түрлі апаттарға байланысты дайындықтан өткізілген. Сондай-ақ, кездесу барысында Төтенше жағдайлар министрі жыл сайын қысқы кезеңде адамдардың қаза болуын азайту бойынша бірқатар шаралар жүргізілетінін тілге тиек етті.&nbsp;Жалпы, Қызылорда облысында төтенше жағдайлар кезінде қаза тапқандардың саны 37 пайызға азайды.&nbsp;<blockquote>«Төтенше жағдайлар кезінде адам өлімінің азайғаны министрліктің басты көрсеткіші болып табылады. Мәселен, биылғы 10 айда Қызылорда облысы бойынша қаза тапқандар саны 37 пайызға азайды. Бұл ретте төрт жүзден астам төтенше жағдай тіркелді», - делінген министрліктің баспасөз қызметі таратқан хабарламада.</blockquote>Төтенше жағдайлардың негізгі үлесі техногендік сипатта болады, бұл тұрғын үй секторындағы және көліктегі өрттер, ал суық түсуіне байланысты бұл көрсеткіш артады. Өздеріңіз білетіндей, 1 қазаннан бастап елімізде жылыту кезеңі басталды.Айта кетейік, жиын соңында министр аймақ тілшілеріне арнайы брифинг өткізіп, бүгінгі сапардың нәтижесімен бөлісті.<figure class="image"><img src="https://knadmin.beoblood.kz/uploads/Ilin_c4176d9387.jpg" alt="Ильин.jpg"></figure><figure class="image"><img src="https://knadmin.beoblood.kz/uploads/316033478_1668047716924067_8803718027150582813_n_93ea4cdc1d.jpg" alt="316033478_1668047716924067_8803718027150582813_n.jpg"></figure><figure class="image"><img src="https://knadmin.beoblood.kz/uploads/315860025_1668047730257399_8081522347359107990_n_a6baba681d.jpg" alt="315860025_1668047730257399_8081522347359107990_n.jpg"></figure>

Қазақстан және Қызылорда облысының басты жаңалықтары