<a href="https://kyzylorda-news.kz/">Kyzylorda-news.kz.</a> «Болашақ» университетінің мәселесі түбегейлі шешіліпті. Бақберген Досманбетов Мемлекет басшысымен кездесті, оқу орнының лицензия бір айдың ішінде қайтарылады» деген ақпарат әлеуметтік желілерде тарауда. Алайда бұл ақпараттар жалған болып шықты. Бұл туралы Болашақ университетінің құрылтайшы Бақберген Досманбетов мәлімдеді.Құрылтайшының Президентпен кездескенін нақтылау үшін <a href="https://kyzylorda-news.kz/">Kyzylorda-news.kz</a> ақпараттық агенттігінің тілшісі хабарласқан болатын. Бақберген Сәрсенұлының айтуынша, бұл мәселе бойынша іс қайтадан соттың қаралуына берілген.&nbsp;<blockquote>«Президентпен кездескен жоқпын. Ол жалған ақпарат. Ол кісі Біріккен Араб Әмірліктерінде жүр ғой», - деді Бақберген Досманбетов.</blockquote><figure class="image"><img src="https://knadmin.beoblood.kz/uploads/Whats_App_Image_2023_01_17_at_15_57_52_15a1059d73.jpeg" alt="WhatsApp Image 2023-01-17 at 15.57.52.jpeg"></figure>

Президентпен кездескен жоқпын - Бақберген Досманбетов желіде тараған ақпаратқа түсінік берді

<a href="https://kyzylorda-news.kz/">Kyzylorda-news.kz.</a> 2022 жылдың қаңтар-желтоқсан айларында облыстың барлық макроэкономикалық көрсеткіштері бойынша өсім қалыптасты. Оның ішінде, өңдеу өнеркәсібі көлемі-5,6 пайызға, ауыл шаруашылығының жалпы өнімі-1,8 пайызға, инвестициялар тарту-26,8 пайызға, пайдалануға берілген тұрғын үйлер көлемі-3,3 пайызға, құрылыс жұмыстарының көлемі-16,6 пайызға және сауда көлемі- 2,3 пайызға артты.Бүгін кезекті облыстық мәслихатының сессиясында 2023-2025 жылдарға арналған облыстық бюджетті 6,8 млрд.теңгеге алғашқы нақтылау мәселесі қаралды. Нақтылау барысында облыстық бюджеттің өз кірістерін 3,5 млрд.теңгеге ұлғайту, сондай-ақ бірқатар бюджеттік бағдарлама әкімшілерімен оңтайландырылған 1,5 млрд. теңгені қайта бағыттау жоспарланып отыр. Сонымен қатар, 2023 жылдың 1 қаңтарындағы жағдай бойынша облыстық бюджет қаражаты қалдықтарының қайта бөлуге жататын 1,8 млрд.теңгесі қайта бағытталуда.Бұл қаражат есебінен «Сыр жастары» Қызылорда облысының жастарына жеңілдетілген ипотекалық несие беру бағдарламасы шеңберінде, өңір жастарын қолжетімді баспанамен қамтамасыз ету және жас отбасыларды қолдау мақсатында 5 пайыздық мөлшерлемемен 100 отбасыға тұрғын үй сатып алуға несие беруге 1,2 млрд.теңге; ауылдардың әлеуетін арттыру, елді мекендерді көркейту, қолдау мақсатында «Үлгілі елді мекен» іс шарасын өткізу мақсатында жеңімпаз атанған елді мекенді ынталандыру шығындарына 467,4 млн.теңге бағытталмақ.Айта кетейік, «Сыр жастары» бағдарламасы ҚР Президенті Қасым-Жомарт Тоқаевтың тапсырмасына сәйкес облыс әкімі Нұрлыбек Нәлібаев облыстық жастар форумында жариялады. Бағдарламаға 18-35 жас аралығындағы Қызылорда облысында соңғы 2 жылда тіркеуде тұрған Қазақстан Республикасының азаматтары қатыса алады. Жеңілдетілген несие 19 жылға 5% үстемемен «Отбасы банк» арқылы беріледі, қатысушының банкте үйдің бағасының 10% құрайтын салымы болса жеткілікті.Бағдарламаға білім, денсаулық сақтау, спорт, мәдениет, журналистика саласының мамандары, мемлекеттік және азаматтық қызметшілер, ғылыми қызметкерлер, ұлттық холдингтердің жергілікті филиалдарының, екінші деңгейлі банк қызметкерлері, құрылыс, қоғамдық тамақтану және басқа да қызмет көрсету саласының қызметкерлері мен әлеуметтік қызметкерлер қатыса алады.Сондай-ақ, Қызылорда қаласы аумағында көппәтерлі және жеке тұрғын үйлер құрылысының дамуын, кәсіпорындар өндірісінің кеңеюін, шағын және орта бизнестің дамуын ескере отырып облыс орталығының тұтынушыларын үздіксіз сапалы электр энергиясымен қамтамасыз ету үшін электр жүйесін жаңғыртуға және дамытуға 1,6 млрд.теңге жолдау ұсынылды.Еске салсақ, облыс әкімінің тапсырмасымен өңірдегі электр қуатымен жабдықтау нысандарын тексеру мақсатында комиссия құрылып, бірінші кезекте қаржы талап ететін нысандар бойынша ұсыныс берілген болатын. Комиссия жұмысының нәтижесімен әзірленген ұсыныстар бүгін мәслихат сессиясының қарауына беріліп, кезек күттірмейтін нысандарды жөндеу немесе ауыстыруға қаржы қаралды.Мұнан бөлек, «Қызылорда су жүйесі» мекемесінің материалды-техникалық базасының төмендігінен облыс орталығын уақытылы санитарлық тазалығын қамтамасыз етуде қиындықтар туындауын ескере отырып халыққа уақытылы және сапалы коммуналдық қызметтер көрсетуге арнайы техника алу үшін 992,8 млн.теңге; Қызылорда қаласында салынатын 7 мың орындық стадион құрылысының жоба-сметалық құжаттамасын әзірлеп, мемлекеттік сараптамадан өткізуге 59,7 млн.теңге; жергілікті бюджеттен қаржыландырылатын полиция қызметкерлерінің лауазымдық жалақыларына үстеме ақы төлеуге 368,1 млн.теңге және медициналық ұйымдарды медициналық-техникалық қамтамасыз етуге қосымша 472,1 млн.теңге қарау ұсынылды.<figure class="image"><img src="https://knadmin.beoblood.kz/uploads/325731967_496195785982887_8096128340312076018_n_1912aebae9.jpg" alt="325731967_496195785982887_8096128340312076018_n.jpg"></figure><figure class="image"><img src="https://knadmin.beoblood.kz/uploads/325479782_734277061661190_7664359720930014293_n_be80bcac2e.jpg" alt="325479782_734277061661190_7664359720930014293_n.jpg"></figure>

Электр жүйелерін жаңғыртуға қаржы қаралатын болды

<a href="https://kyzylorda-news.kz/">Kyzylorda-news.kz.</a> Бүгінде &nbsp;облыста &nbsp;білім ордаларының құрылысы қарқынды жүргізілуде. Былтыр өңірде 6 жаңа мектеп, 19 балабақша, 1 оқушылар үйі пайдалануға берілді. Сондай-ақ, 6 мектепке күрделі жөндеу жұмыстары жүргізіліп, қайта жаңартылды. Ал биыл аймақта 5 жаңа білім нысаны ел игілігіне берілмек. Бұл туралы Өңірлік коммуникациялар қызметінде өткен брифингте облыстық білім басқармасы басшысының орынбасары Бағдат Бердәулетов хабарлады.<blockquote>«Өздеріңізге белгілі, білім саласы – жан-жақты әрі жүйелі жұмысты талап ететін ауқымды салалардың бірі. Осы орайда биыл өңірде бірнеше білім беру ұйымы пайдалануға беріліп, оқушылар жаңа ғимаратта сапалы білім алатын болады. Атап айтсақ, Жаңақорған ауданында 300 орындық мектеп, Қазалы ауданы, Әйтеке би кентінде 250 орындық мектеп, Шиелі ауданы, Байсын ауылында 250 орындық білім ордасы мен Қызылорда қаласы, Бәйтерек мөлтек ауданында 600 орындық білім беру ұйымы халық игілігіне пайдалануға беріледі деп жоспарлануда. Бұдан бөлек, мектептерді заманауи құрал-жабдықтармен қамтамасыз ету де – басты міндеттердің бірі. Осыған сәйкес, ауылдық елдімекендердегі 47 мектеп қайта жаңартудан өткізіліп, &nbsp;51 мектепке пәндік кабинеттер жасақталатын болады. Сонымен қатар Мемлекет басшысының бастамасымен 2025 жылға дейін 800 мың баланың заманауи мектепте білім алуына жағдай жасау мақсатында осы жылы «Жайлы мектеп» ұлттық жобасы қолға алынды. Аталмыш жоба аясында алдағы 3 жылда облыста 15 100 орынға арналған 21 мектеп салынады деп жоспарлануда. Ал биыл 10 білім ордасының құрылысы басталады. &nbsp;Апатты мектептерді жою бағытында да бірқатар жұмыстар атқарылды. Былтыр апатты деп танылған 6 мектептің үшеуінің мәселесі оң шешімін тапса, ал қалған 3 мектеп «Жайлы мектеп» жобасы аясында салынады. Жалпы жыл сайын мектептерде орын тапшылығы туындайтыны жасырын емес. Бұл қажеттілікті ескере келе, қаладағы Абай мектебіне 550 орын, №101 мектепке 375 орынға лайықталған қосымша құрылыс жұмыстары басталып, биыл табыстайтын боламыз. Осы арқылы көп жылдардан бері шешімін таппаған үш ауысымдық жүйенің мәселесі &nbsp;түбегейлі шешіледі», - деді басқарма басшысының орынбасары Бағдат Бердәулетов.</blockquote><figure class="image"><img src="https://knadmin.beoblood.kz/uploads/325938266_1810778652633676_5032290792421863598_n_0a8c4b26f3.jpg" alt="325938266_1810778652633676_5032290792421863598_n.jpg"></figure>

Қызылордада 5 жаңа білім ордасы пайдалануға беріледі

<a href="https://kyzylorda-news.kz/">Kyzylorda-news.kz.</a> Бүгін кең ауқымды солтүстік-батыс антициклонының әсерінен еліміздің барлық аймақтарында жауын-шашынсыз ауа райы сақталады, деп хабарлайды Қазгидромет.Республиканың шығысында атмосфералық фронттар жүріп өтеді. Осыған байланысты қар жауады, жел күшейіп, боран соғады.Елдің оңтүстігінде тұман болады.

Сейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Астана қаласына жұмыс сапары барысында бірқатар министрлермен кездесіп, өңір үшін маңызды жобаларды талқылады.Алдымен аймақ басшысы ҚР Экология және табиғи ресурстар министрі Зульфия Сүлейменовамен кездесті. Бүгінде Сыр елінің шаруалары республика бойынша &nbsp;күрішке деген қажеттіліктің 90 пайызын өтеп келеді. Нұрлыбек Машбекұлы шаруаларды алаңдатып отырған проблема - суару желілерінің қанағаттанарлықсыз жағдайын көтерді. Жыл сайын шамамен 2 млрд м3 су жоғалады, бұл республикадағы жалпы су шығынының жартысын құрайды. Мәселені шешу мақсатында өңір басшысы суару жүйелерін қалпына келтіру және жаңғырту жобаларын іске асыруды қамтамасыз ету, су бөлу процестерін автоматтандыру және цифрландыру керектегін ұсынды.Сондай-ақ, өңірдегі өзекті мәселенің бірі – Арал теңізі. Соңғы 12 жылда 8,5 млрд.м3 тартылған теңіздің жағдайы алаңдатарлық. Аймақ басшысы министрге маңызды мәселені айта отыра, вегетациялық кезеңде дарияның жоғарғы сағасындағы елдермен келіссөздер жүргізіп, мәселені шешу жолдарын талқылады.ҚР Ақпарат және қоғамдық даму министрі Дархан Қыдырәлімен кездесу барысында Қызылорда облысының қоғамдық-саяси ахуалы туралы өзекті мәселелер мен жастар саясаты саласындағы жаңа бастамаларды талқылады. Министрдің ұсынысына сәйкес өңірде Дін басқармасы қайта құрылатын болды. Сонымен бірге, ашық азаматтық қоғам және бұқаралық ақпарат құралдарымен өзара байланыс орнатудың жаңа тәсілдері талқыға түсті.Аймақ басшысының ҚР Әділет министрі Азамат Есқараевпен кездесуі барысында облыс әкімдігі тарапынан қабылданып жатқан қаулы-қарарлар мен нормативтік-құқықтық актілердің заңнамалық сипаттамалары сөз болды.Облыстағы норма шығармашылық қызметті жетілдіру мәселелері бойынша ұсыныстар айтылды.Облыс әкімі Нұрлыбек Нәлібаев ҚР Ұлттық экономика министрі Әлібек Қуантыровпен кездесіп, елді мекендерді дамыту мақсатында қаржыландыруға ұсынылатын жобаларды пысықтады. Аймақта аталмыш министрлікпен 2023 жылы жалпы құны 5 млрд.теңгені құрайтын 17 жобаны жүзеге асыру жоспарлануда. Республикалық бюджетті нақтылау барысында тағы да 72 жоба ұсынылмақ. Атап айтқанда, «Ауыл – Ел бесігі» бағдарламасы аясында жалпы құны 7,6 млрд.теңгені құрайтын 41 жоба, «Облыс орталықтарын дамыту» бағдарламасы шеңберінде жалпы құны 17,1 млрд. теңгеге 23 жоба, «Шағын қалаларды дамыту» бағдарламасы бойынша жалпы құны 6,5 млрд.теңге болатын 8 жоба бойынша өтінім берілді. Барлық жобалар елді мекендердің өзекті мәселелерін шешуге және тұрғындарға аса қажетті инфрақұрылымдық желілерді салуға бағытталған.Министрмен кездесу барысында Қызылорда облысының бюджетін көтеру, экономиканы әртараптандыру, кіріс көлемін арттыру бағытында атқарылып жатқан жұмыстар талқыланып, нақты ұсыныстар айтылды.Облыста білім саласын дамытуға бағытталған арнайы бағдарлама қабылданатын болды. Бұл туралы бүгін облыс әкімі Нұрлыбек Нәлібаев пен ҚР Оқу-ағарту министрі Ғани Бейсамбаевтың кездесуі барысында шешім қабылданды. Аталмыш бағдарлама – білім сапасын арттыру, оқу-тәрбие процесін жетілдіру, білім нысандарының инфрақұрылымын дамыту, &nbsp;бала саны көп мектептер жанындағы қосымша құрылыстар мен апатты жағдайдағы білім ошақтарының және бейімделген ғимараттардың мәселелерін шешуге бағытталатын болады. &nbsp;Облыстағы білім беру саласын жетілдіруге бағытталған бұл ұсыныстар министрлік тарапынан қолдау табатын болды.Сонымен қатар, Мемлекет басшысының қолдауымен облыста алдағы 3 жылда Ұлттық жоба аясында 21 жайлы мектептің құрылысы жүргізіледі.<img src="https://knadmin.beoblood.kz/uploads/325714561_843850236696863_820120873066598576_n_d3dc1c9aa1.jpg" alt="325714561_843850236696863_820120873066598576_n.jpg">

Облыс әкімі Нұрлыбек Нәлібаев Астана қаласына жұмыс сапары барысында бірқатар министрлермен кездесті

<a href="https://kyzylorda-news.kz/">Kyzylorda-news.kz.</a> Республика аумағының басым бөлігі кең ауқымды антициклонның ықпалында болады. Осыған байланысты жауын-шашынсыз ауа райы сақталады, деп хабарлайды Қазгидромет.Елдің қиыр солтүстігінде, шығысында атмосфералық фронталды бөліктердің өтуімен байланысты қар жауады, жел күшейіп, боран соғады.Елдің оңтүстігінде, оңтүстік-шығысында тұман жүреді деп болжанып отыр.

16 қаңтарға арналған ауа райы болжамы

Сыр мен Арал: Аймақтың этнографиялық ерекшелігі бар

<a href="https://kyzylorda-news.kz/">Kyzylorda-news.kz.</a> Қызылорда облысынан Сенатқа депутат болып Руслан Рүстемұлы Рүстемов барады. Ол бүгінгі сайлауда басым дауыс (95) жинады.<figure class="image"><img src="https://knadmin.beoblood.kz/uploads/Rustemov_e5b8bf1efe.jpg" alt="Рустемов.jpg"></figure>

Қызылорда облысынан Сенатқа кім барады?

<a href="https://kyzylorda-news.kz/">Kyzylorda-news.kz.</a> Бүгін барлық өңірлерде ҚР Парламенті Сенатының депутаттарын сайлау науқаны өтуде. Сыр өңірінде дауыс беру рәсімі басталды.Сайлауға барлық деңгейдегі мәслихат депутаттары дауыс беруге қатысуда.Айта кетейік, Қызылорда облысынан 3 үміткер сайлауға түсті. Олар – «ҚазСуШар» РМК филиалының басшысы Жорабек Нұрымбетов, Қызылорда облысының мәдениет және спорт басқармасының басшысы Руслан Рүстемов және Қызылорда қаласының әкімі Асылбек Шәменов.Еске салсақ, Қазақстан Республикасы Парламенті Сенатының 20 депутатының сайлауы жанама сайлау құқығы негізінде жасырын дауыс беру арқылы таңдаушылар - мәслихаттардың депутаттары болып табылатын Республика азаматтары сайлайды.Сенат депутаттарының сайлауы еліміздің барлық өңірлерінде (астана уақыты бойынша) сағат 11.00-де басталатын таңдаушылардың бірлескен отырыстарында өткізіледі.Парламент Сенатындағы 20 орынға 55 кандидат үміткер тiркелдi.Республика бойынша таңдаушылар тізіміне 3167 мәслихат депутаты енгізілген.<figure class="image"><img src="https://knadmin.beoblood.kz/uploads/325588859_627111249218807_4828305749914647071_n_b6c329a048.jpg" alt="325588859_627111249218807_4828305749914647071_n.jpg"></figure><img src="https://knadmin.beoblood.kz/uploads/325699031_1838963026437687_1516034414619320256_n_0bdd059d76.jpg" alt="325699031_1838963026437687_1516034414619320256_n.jpg"><img src="https://knadmin.beoblood.kz/uploads/325574648_565110138857150_2697430855669332556_n_91b69b5499.jpg" alt="325574648_565110138857150_2697430855669332556_n.jpg"><figure class="image"><img src="https://knadmin.beoblood.kz/uploads/325765280_484334877208680_699706563647530295_n_cf681b0c8b.jpg" alt="325765280_484334877208680_699706563647530295_n.jpg"></figure>

Қызылордада Сенат депутатын сайлау басталды

<a href="https://kyzylorda-news.kz/">Kyzylorda-news.kz.</a> ҚР аумағының басым бөлігіне әлі де Арктикалық антициклон әсерінен жауын-шашынсыз ауа райы сақталады, деп хабарлайды Қазгидромет.Республиканың шығысында, солтүстігінде, орталығында атмосфералық фронтальды бөлімдердің өтуімен қар жауады, жаяу бұрқасынмен жел күшейеді.Түнде Алматы, Жамбыл облыстары мен Жетісу облысының солтүстігінде, таулы аудандарында 30-33 градус қатты аяз сақталады. Түркістан облысында 25 градус қатты аяз сақталады.

14 қаңтарға арналған ауа райы болжамы

&nbsp;<a href="https://kyzylorda-news.kz/">Kyzylorda-news.kz.</a> Шетелдік автокөліктерді біржолғы заңдастыру 23 қаңтарда басталады. Бұл жөнінде Өңірлік коммуникациялар қызметінде өткен брифингте Қызылорда облысы Полиция департаменті Әкімшілік полиция басқармасының бастығы Нұрмахан Пазылов хабарлады. Оның айтуынша, елге өткен жылдың 1 қыркүйегіне дейін әкелінген көліктер заңдастырылады. Енгізілген тиісті өзгерістерге сәйкес, көлік иелері утилизациялық алым төлемейді. Дегенмен, 200 мың теңге мөлшеріндегі бір реттік төлем жасайды.<blockquote>«Өздеріңізге белгілі, Мемлекет басшысы елімізге 2022 жылдың 1 қыркүйегіне дейін әкелінген және ҚР заңнамасына сәйкес мемлекеттік тіркеуден өтпеген шетелдік автокөліктерді біржолғы заңдастырудан өткізу туралы шешім шығарды. Осыған сәйкес, еліміздегі шетелдік көліктерді бастапқы мемлекеттік тіркеуден өткізу үшін 200 мың теңге көлемінде төлем қажет. Осыдан кейін алғашқы ресми жарияланған он күн өткен соң қолданысқа енгізіледі, яғни сол күннен бастап біз шетелдік автокөліктерді заңдастыруға кірісеміз. Жалпы шетелдік автокөліктерге бірнеше талаптар қойылады. Атап айтқанда, елге 2022 жылғы 1 қыркүйекке дейін әкелінуі керек, іздеуде болмауы шарт, басқа мемлекетте бұрынғы тіркелген жері бойынша есептен шығарылуы керек, кедендік тазартудан өтуі қажет», - деді Нұрмахан Сансызбайұлы.</blockquote>Айта кетейік, аталған ережелер 2023 жылдың 1 шілдесіне дейін күшінде болады. Сонымен қатар жеңіл автокөліктерге, шағын, орта автобустарға (толық салмағы 5 тоннаға дейін) және шағын жүк автокөліктеріне, оның ішінде басқару органдары оң жақты орналасқан көліктерге қолданылады.<figure class="image"><img src="https://knadmin.beoblood.kz/uploads/324869446_2347778408706483_4779134741044173198_n_3631ea6c6c.jpg" alt="324869446_2347778408706483_4779134741044173198_n.jpg"></figure>

 Шетелдік көліктер 23 қаңтардан бастап заңдастырылады

<a href="https://kyzylorda-news.kz/">Kyzylorda-news.kz.</a> 13 қаңтарда еліміздің тоғыз өңірінде қолайсыз ауа райына байланысты ескерту жарияланды, деп хабарлайды Қазгидромет.Ел аумағының басым бөлігінде жауын-шашынсыз аязды ауа райы сақталады. Себебі арктикалық антициклон әсер етеді.Республиканың шығысында, солтүстігінде, орталығында атмосфералық фронтальды бөліктердің өтуімен қар жауады, аздаған қарлы боранмен жел күшейеді. Республиканың оңтүстік-шығысында - тұман болады.

Қазақстан және Қызылорда облысының басты жаңалықтары