<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен әлеуметтік әріптестік пен әлеуметтік және еңбек қатынастарын реттеу жөніндегі өңірлік үшжақты комиссия отырысы өтті. Комиссия отырысында өңірдегі бірқатар кәсіпорындағы жұмысшылардың еңбек жағдайы туралы мәселе талқыланды.Кез келген мекемеде жұмыс ырғағы қалыпты, еңбек өнімді болуы үшін ұжым мүшелеріне лайықты жағдай жасалуы керек. Жеткілікті әрі уақытылы жалақы төлеу, әлеуметтік көтермелеу шараларын тұрақты жүзеге асыру өте маңызды.Жиында «Торғай Петролеум» АҚ, «АГМ-Табыс» ЖШС, «Қамқор Вагон» ЖШС секілді бірқатар кәсіпорын мен ұйым басшылары қазіргі жағдайларын баяндады.Облыс әкімі Нұрлыбек Машбекұлы кәсіпорын, мекеме, жауапты сала басшыларына бірінші кезекте жұмысшылардың әлеуметтік жағдайына баса көңіл бөлу керектігін ескертті.<blockquote>«Президентіміз Қасым-Жомарт Тоқаев еңбек адамын құрметтеу, өз ісін сапалы атқаратын адамдарды үнемі көтермелеу туралы айтты. Кез келген мекеменің тірегі – оның қызметкерлері. Сондықтан ұжым мүшелерінің еңбек жағдайларын жақсартуға барлық мүмкіндік көздерін қарастыру керек», – деді аймақ басшысы.</blockquote>Мәжілісте облыс әкімі көтерілген мәселелерге жеке-жеке тоқталып, жауапты тұлғаларға тиісті тапсырмалар берді.<figure class="image"><img src="https://knadmin.beoblood.kz/uploads/336657229_582129967285489_1255029566089554552_n_c7a1100df6.jpg" alt="336657229_582129967285489_1255029566089554552_n.jpg"></figure>&nbsp;<figure class="image"><img src="https://knadmin.beoblood.kz/uploads/336644452_911463873310119_6109005905633279229_n_34a9987e48.jpg" alt="336644452_911463873310119_6109005905633279229_n.jpg"></figure>

Еңбек жағдайын жақсарту мәселесі талқыланды

<a href="https://kyzylorda-news.kz/">Kyzylorda-news.kz.</a> 17-наурыз күні Қазақстанның басым бөлігі антициклонның ықпалында болғандықтан, күн жауын-шашынсыз болады, деп хабарлайды Қазгидромет.Елдің солтүстігінде, оңтүстік-шығысында, шығысында атмосфералық фронталды бөліктердің өтуімен жауын жауады (жаңбыр, қар), көктайғақ болады. Республика бойынша тұман түсіп, жел күшейеді, елдің оңтүстік-батысында, батысында-шаңды дауыл тұрады.

Жұма күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp;Облыс әкімі Нұрлыбек Нәлібаев кезектілік тәртібімен жазылған азаматтарды қабылдады. Жеке қабылдауға 9 адам келді.Қабылдауға келген тұрғындардың басым бөлігі тұрғын үй алу және жұмысқа орналасу жөнінде көмек сұрады. Мұнан бөлек, жер телімін алу, ерекше білім беруді қажет ететін баланы арнайы балабақшаға орналастыру, қаржылай көмек көрсету мәселелері көтерілді.Облыс әкімі алдағы уақытта қабылдауға келген азаматтардың мәселелері зерттеліп, шешімі заң талаптарына сәйкес қарастырылатынын жеткізді. Кейбір жағдаяттар бойынша жауапты тұлғалар заң аясында түсіндірме беріп, тиісті шешу жолдарын ұсынды.Мәселен, 43 жастағы қала тұрғыны сол жағалау аумағынан мектеп салып беруді сұрады. Оған аталған ауданда 900 орындық мектеп құрылысы ағымдағы жылы басталып, 2024 жылы пайдалануға берiлетiнi және 2024 жылы жобалық қуаты 1500 орындық мектеп құрылысын бастап , 2025 жылы іске қосылатыны айтылды.Еске салсақ, Қызылорда облысында «Жайлы мектеп» ұлттық жобасы аясында алдағы 3 жылда 15 100 орынға арналған, құны 100 млрд. теңгеден асатын 21 мектептің құрылысы жүргізіледі. Оның ішінде, биыл 10 мектептің құрылысы басталады. Мұнан бөлек, «Қызылорда қаласында дарынды балаларға арналған физика-математика мектеп-интернатының» құрылысын салу жобасы Үкіметте қолдау тапты. Білімді қолдау қоры қаражаты есебінен қаржыландырылатын мектептер құрылысы тізіміне 1775 орынға арналған 4 мектеп құрылысын аяқтау енгізілді. Олар – №101 Ә.Мүсілімов және №2 «Абай» атындағы білім беру ұйымдарына қосымша құрылыстар, Жезқазған трассасы бойында 600 орындық жаңа мектеп және Шиелі ауданы Байсын ауылындағы 250 орындық мектеп.Осы уақытқа дейін облыс әкімі 28 жеке қабылдау өткізіп, 600-ден астам тұрғынның өзекті мәселесіне ден қойды.Айта кетейік, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<img src="https://knadmin.beoblood.kz/uploads/335631521_6183565168366441_6430352097332020883_n_39580fc750.jpg" alt="335631521_6183565168366441_6430352097332020883_n.jpg"><img src="https://knadmin.beoblood.kz/uploads/335949571_620607180064023_4487090606938389138_n_f32bf84c4e.jpg" alt="335949571_620607180064023_4487090606938389138_n.jpg"><img src="https://knadmin.beoblood.kz/uploads/335985854_176378955151061_3649385682325919592_n_1720c7c9d8.jpg" alt="335985854_176378955151061_3649385682325919592_n.jpg">

Облыс әкімі тұрғындарды жеке мәселелерімен қабылдады

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының кәсіпкерлер палатасы аймақтан шығатын өнімдердің жинағын әзірлеуді қолға алды.Жинақта жергілікті тауарөндірушілер мен олардың өнімдері туралы барлық ақпаратты көрсету көзделуде. Жинаққа өнімін енгізгісі келген кәсіпкерлерді 1 сәуірге дейін Кәсіпкерлер палатасына ақпарат ұсынуын сұраймыз. Жинаққа енетін санаттар тізімі:«Ауыл шаруашылығы өнімдері, жеміс-көкөніс өнімдері»; «Ет өнімдері»; «Нан-тоқаш &nbsp;және ұн өнімдері»; «Майлар»; «Сүт, жұмыртқа өнімдері»; «Консервіленген өнімдер»; «Құрылыс материалдары және қоспалар»; «Жиһаз өнеркәсібі»; «Алкогольсіз сусындар»; «Жеңіл өнеркәсіп»; «Қолөнершілер өнімдері»; «Өндеу өнеркәсібі»; «Фармацевтика және химия»; «Алкогольді сусындар» және т.б. тауарлар.Барлық сұрақ бойынша Қызылорда қаласы, Қорқыт ата көшесі 123 мекенжайындағы «Бизнеске арналған үкімет» ғимаратының 3-қабат, №312 кабинетінде орналасқан Қызылорда облысы кәсіпкерлер палатасы Жобаларды сүйемелдеу бөлімінің сарапшысы Малика Тютебаеваға хабарласа аласыздар. Тел.: 8 /7242/ 40-09-81, +7 707 988 50 80, эл.адрес: project-support.kzo@atameken.kz. &nbsp; &nbsp;<figure class="image"><img src="https://knadmin.beoblood.kz/uploads/atameken_2_989b926563.jpg" alt="атамекен (2).jpg"></figure>&nbsp;<figure class="image"><img src="https://knadmin.beoblood.kz/uploads/atameken_1_b39575c6a2.jpg" alt="атамекен (1).jpg"></figure>

Қызылорда: Кәсіпкерлер палатасы аймақтан шығатын өнімдердің жинағын әзірлеуді қолға алды 

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев ел ағаларымен бірге жаңа әуежайдың іргетасын қалау рәсіміне қатысып, жерлестерін береке мен бірлікке бастайтын «Көрісу күні» – Амал мерекесімен құттықтады.<blockquote>«Мемлекет басшысы Қасым-Жомарт Кемелұлының Сыр еліне деген қолдауымен аймақта берекелі істер атқарылуда. Облыс орталығында қала көркін еселеп, ажарын айшықтай түсетін бірқатар зәулім ғимараттың іргетасы қаланып, әлеуметтік нысандарды салу сәтті жүзеге асуда. Өздеріңізге белгілі, әуе қатынасы – өзінің ерекшелігімен үлкен сұранысқа ие, серпінді дамып келе жатқан саланың бірі. Жолаушылар және жүк ағымын ұлғайту, қызмет сапасын жақсарту үшін әуежайдың жаңа терминалын салу жөнінде шешім қабылданып, құрылыс жұмыстары жүргізілуде. Жаңа терминал жеке инвестор Болат Өтемұратов қорының қаржысы есебінен салынуда.Әкімдік әуежайдың сыртқы инженерлік-коммуникациялық инфрақұрылымын жетілдіріп, терминал аумағын абаттандыратын болады. Жаңа терминалда жолаушыларға халықаралық стандарт талаптарына сай барлық жағдай қарастырылған. Аталған жоба өңіріміздің әлеуметтік-экономикалық дамуына оң әсерін тигізеді. Әуе көлігі қызметін халықаралық деңгейге жеткізуге, авиациялық қауіпсіздікті күшейтуге, жаңа әуе бағыттарының ашылуына мүмкіндік артады. «Қорқыт Ата» әуежайының жаңа терминалы ежелгі Сыр жеріндегі заманауи әуе айлағы әрі Қызылорданы көріктендіре түсетін тағы бір айтулы нысан болатынына сенімдіміз», – деді аймақ басшысы.</blockquote>Іс-шара барысында қоғам қайраткері, Арал, Жалағаш, Қармақшы аудандары және Қызылорда қаласының құрметті азаматы, «Құрмет» орденінің иегері Биғали Қаюпов жерлестерін жаңа нысанның құрылысы басталуымен құттықтады. Қоғам қайраткері, Құрмет» орденінің иегері, Жаңақорған, Шиелі, Сырдария аудандары мен Қызылорда қаласының «Құрметті азаматы» Ибрагим Әбибуллаев жұртшылыққа бата берді.Айта кетейік, жаңа әуежай ғимаратының жалпы аумағы 7,5 мың шаршы метрден астам, жалпы құны 31 млн. АҚШ долларын құрайды. Нысан пайдалануға берілген кезде көлік саласының көрсеткіштері бірнеше есе артпақ. Қазір жылына 1400 рейс орындалса, 2025 жылға қарай рейс саны 3000-ға жетеді деп күтілуде. Тасымалданған жолаушы саны 260 мыңнан 500 мыңға дейін ұлғаяды. Ал, жүк тасымалы 150 тоннадан 300 тоннаға дейін артады деп межеленуде.Құрылыс кезінде 600-ден астам адам жұмыспен қамтылады, аяқталғаннан кейін 64 жаңа тұрақты жұмыс орны құрылады.Еске салсақ, биыл Қызылорда қаласы мен қалаға қарасты елді мекендердегі 236 көшеге орташа жөндеу жүргізу үшін 5 млрд. теңгеден астам қаржы бөлінді. Оның ішінде 99 көшеге асфальт және 137 көшеге тас төсеу жоспарлануда.Жолаушылар тасымалын жақсарту үшін 2022 жылы «Өнеркәсіпті дамыту қоры» АҚ арқылы лизингке жаңа үлгідегі 150 автобус алынды. Биыл 1 млрд. 434 млн. теңгеге тағы 150 автобус сатып алуға қаржы бағыттау үшін тиісті құжаттары рәсімделуде.<figure class="image"><img src="https://knadmin.beoblood.kz/uploads/335847586_3464115690531408_3000203748558016426_n_3fef2dc870.jpg" alt="335847586_3464115690531408_3000203748558016426_n.jpg"></figure>&nbsp;<figure class="image"><img src="https://knadmin.beoblood.kz/uploads/335829037_6425467690830729_5215972574497711722_n_a98674494d.jpg" alt="335829037_6425467690830729_5215972574497711722_n.jpg"></figure>&nbsp;<figure class="image"><img src="https://knadmin.beoblood.kz/uploads/335902402_764928468176189_3741350706343443311_n_0c402482c3.jpg" alt="335902402_764928468176189_3741350706343443311_n.jpg"></figure>&nbsp;<figure class="image"><img src="https://knadmin.beoblood.kz/uploads/335820851_472881271630733_5613808260523049709_n_1ebb3af7fb.jpg" alt="335820851_472881271630733_5613808260523049709_n.jpg"></figure>&nbsp;<figure class="image"><img src="https://knadmin.beoblood.kz/uploads/335825366_607637467463576_1802737966415826585_n_2dea2d1940.jpg" alt="335825366_607637467463576_1802737966415826585_n.jpg"></figure>&nbsp;<figure class="image"><img src="https://knadmin.beoblood.kz/uploads/335909453_171785431915137_2067704522159801791_n_8db2d91b9a.jpg" alt="335909453_171785431915137_2067704522159801791_n.jpg"></figure>

Қызылордада жаңа әуежайдың іргетасы қаланды

<a href="https://kyzylorda-news.kz/">Kyzylorda-news.kz.</a> Жыл бастауы қарсаңында Аралдағы білім саласы қуанышты жаңалықпен басталды. Арал ауданындағы Ж.Әбдірашев атындағы №62 мектеп-лицейі «Ауылдық аймақтардағы тірек мектептерінің әлеуетін арттыру» жобасы аясында «Қазақстан Халқына» қоғамдық қоры мен «Білім беруді тұрақты дамыту» қоры арқылы 250 млн. теңге қаржы бөлініп, білім ұясының базасы толықтай жаңғыртылды.Атап айтар болсақ, мектептегі 33 оқу кабинеті мен қосымша білім беру шеберлік сыныптары, STEM-лабораториялар, арт-студия мен интеллектум-кабинет ашылып, акт залы мен кітапхана заманауи техникамен жарықтандырылды.Бұдан бөлек Арал ауданындағы осы лицейде мектеп телестудиясы да жасақталады. Бұл келешекте мектеп тәжірибесін аудандағы шағын комплектілі мектептерге көрсету мүмкіндігін береді.Айта кетейік, мұндай бағдарлама жеңімпазы атанған әр облыстан бір мектептен болса, оның бірі алғаш болып Арал ауданында жүзеге асуда.Кездесуде аудан әкімі Серік Сермағамбетов аудандағы білім беру сапасының жылдан жылға артып келе жатқандығын айтып, оқушылар жан-жақты білім алу үшін материалдық-техникалық базаларды нығайту бойынша қажетті шаралар жасалынып жатқандығын жеткізді.<blockquote>«Мемлекет басшысы Қасым-Жомарт Кемелұлы Тоқаев өз сөзінде: «Өскелең ұрпақтың үйлесімді дамуы мен бақытты балалық – бұл біздің жалпыұлттық міндетіміз»,-деген болатын. Президент тапсырмасын орындау біздің өңірде де сәтті жүзеге асуда. Урбанизация және демографиялық процестерге байланысты 2025 жылға дейін аудан бойынша 12 мектеп салынса, оның 4-еуі «Жайлы мектеп» бағдарламасы аясында жүзеге асады. Бұған қоса алдағы 2 жылда 4 орта мектепке күрделі жөндеу жұмыстары жүргізілетін болады»,- деді С. Сермағамбетов.</blockquote>Арал ауданындағы білім саласы деңгейі артып келеді. Мәселен, былтыр аудандағы ұлттық бірыңғай тестілеуге қатысқан 532 оқушының 410-ы жоғарғы оқу орнының, 6-ы облыс әкімінің грант иегері атанды. Бұл көрсеткіш алдыңғы жылғымен салыстырғанда 8 пайызға артып отыр.<figure class="image"><img src="https://knadmin.beoblood.kz/uploads/335408641_1294933937724109_3446308134352228014_n_6e7c7d5584.jpg" alt="335408641_1294933937724109_3446308134352228014_n.jpg"></figure>&nbsp;<figure class="image"><img src="https://knadmin.beoblood.kz/uploads/335154134_132006916477433_7902779707938151119_n_b5dc1c42aa.jpg" alt="335154134_132006916477433_7902779707938151119_n.jpg"></figure>&nbsp;<figure class="image"><img src="https://knadmin.beoblood.kz/uploads/335491602_164851676379401_7282927471604996353_n_076d4406c8.jpg" alt="335491602_164851676379401_7282927471604996353_n.jpg"></figure>&nbsp;<figure class="image"><img src="https://knadmin.beoblood.kz/uploads/333618583_1560679174410719_274339724656359489_n_06156f9e83.jpg" alt="333618583_1560679174410719_274339724656359489_n.jpg"></figure>

Арал ауданында мектеп базасы жаңғыртылды

<a href="https://kyzylorda-news.kz/">Kyzylorda-news.kz.</a> Бүгін Қазалы ауданында 14 наурыз – Көрісу күні жоғары деңгейде ұйымдастырылды. Атаулы күнге орай Ақтан батыр ауылында «Наурызнама бастауы – көрісу күні» атты мерекелік шара өтті.&nbsp;Алдымен аудан әкімі Мұхтар Оразбаев ауыл ақсақалдарымен қазақы салтпен қауышты. Мұнан соң ауыл балаларының асық ату, ләңгі тебу, қазақша күрес сияқты ұлттық спорт түрлерінен жарысын тамашалады. &nbsp;Татулық пен бауырмалдыққа шақыратын тағылымы мол мерекеде аудан әкімі Мұхтар Әуесұлы тал көшеттерін отырғызды. Жиналған көпшілік ауыл аналары дайындаған ыстық нан мен қымыздан дәм татты.&nbsp;Мерекелік шарада аудан әкімі Мұхтар Оразбаев жұртшылықты Наурыз мерекесінің бастауы – Көрісу күнімен құттықтады.<blockquote>«Бұл күні адамдар арадағы өкпе-ренішті ұмытып, бір-біріне береке-бірлік тілейді. Біздің еліміз үшін достық пен ынтымақты үлгі ететін осындай жарқын мерекенің маңызы зор. Сондықтан бүгінгі шарада барша қазалылықтарды Көрісу күнімен шын жүректен құттықтаймын! Рухымыз биік, іргеміз берік, еліміз аман, жұртымыз тыныш болсын»,- деді Мұхтар Әуесұлы.&nbsp;</blockquote>Амал мерекесінде Ақтан батыр және Жанқожа батыр ауылдарының әжелері қауышып, әдет-ғұрыпқа сай шашу шашты. Қазақтың ұлттық тағамдарынан дәм ұсынып, Қыдыр ата ақ батасын берді. Ауыл тұрғындары арасында жаңылтпаш, мақал-мәтел мен бата-тілек айтудан сайыс өткізіліп, жеңімпаздар арнайы сыйлықтармен марапатталды. Сондай-ақ, халқымыздың салт-дәстүріне негізделген театрландырылған көрініс пен пен концерттік бағдарлама халық назарына ұсынылды.Өнерпаздар ән мен жырдан шашу шашып, халыққа ерекше қуанышты көңіл-күй сыйлады.<figure class="image"><img src="https://knadmin.beoblood.kz/uploads/335948222_177873028364225_6106115406807779667_n_2255e8e1ad.jpg" alt="335948222_177873028364225_6106115406807779667_n.jpg"></figure>

Қазалылықтар Көрісу күнін атап өтті

<a href="https://kyzylorda-news.kz/">Kyzylorda-news.kz.</a> Қазақстан Президенті Қасым-Жомарт Тоқаев қазақстандықтарды көрісу күнімен құттықтады.<blockquote>«Барша Қазақстан халқын бүгінгі Амал мерекесімен құттықтаймын! Көктемнің алғашқы лебін ала келетін бұл күнді жұртшылық ежелден асыға күткен. Елдік пен ынтымаққа шақыратын осы мейрам – ұлтымыздың бауырмалдық салтының жарқын көрінісі. Жыл берекелі болсын, ағайын!», - деп жазды Мемлекет басшысы Twitter парақшасында.</blockquote>

Қасым-Жомарт Тоқаев қазақстандықтарды Амал мейрамымен құттықтады

<a href="https://kyzylorda-news.kz/">Kyzylorda-news.kz.</a> ҚР басым бөлігі бұрынғысынша антциклон жырасының ықпалында болады, соған байланысты күн райы жауын-шашынсыз, деп хабарлайды Қазгидромет.Еліміздің батысында, солтүстік-батысында, солтүстігінде атмосфералық фронтальды бөліктердің өтуіне байланысты жаңбыр және қар жауады. Республика бойынша тұман, желдің күшеюі, көктайғақ, солтүстік-батысында, солтүстігінде жаяу бұрқасын, оңтүстік-батысында, батысында шаңды дауыл болжанды.

14 наурызға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылордада Ұлыстың Ұлы күні әз-Наурыз мейрамы Амал мерекесінен бастау алады. Негізгі шаралар &nbsp;21-22 наурыз күндері Орталық алаңда өткізіледі. Бұл туралы Өңірлік коммуникациялар қызметінің ақпараттық алаңында өткен брифингте Қызылорда қаласы әкімінің орынбасары Жанмұрат Сейілов баяндады.&nbsp;Аталмыш мереке Қорқыт ата даңғылынан Ыбырай Жахаев көшесінің кіреберісіне арнайы арка орнатылып, іс-шара басы тақырыптық прологпен басталады.&nbsp;<blockquote>«Ұлыстың ұлы күні Наурыз мерекесі және Қызылорда облысының 85 жылдық торқалы тойы қарсаңында 85 баланың тұсауын кесу рәсімі жасалады. Өнер арбатын бойлай орналасқан жарты киіз үй пішінді нысандардың айналасы тақырыпқа сәйкес безендіріледі. Бұған қоса, «Этно ауыл» салт-дәстүрге негізделген арнайы көрмені тамашалаумен жалғасады. Мұнан өзге, 4 арнайы шатыр тігіліп, облысымыздың құрылу кезеңінен бүгінге дейін сыр шертетін көрме Сыр елінің кешегісі мен бүгінгісіне бағытталған. Одан кейін орталық алаңның негізгі сахнасында тақырыптық прологпен басталатын концерттік бағдарламаға жалғасады», - деді Жанмұрат Сейілов.&nbsp;</blockquote>Орталық алаңды айналдыра 38 киіз үй тігіліп, әр үйге тақырып беріледі. Қала тұрғындары мен қонақтар салт-дәстүр түрлерін және шағын концерттік бағдарламаларды қызықтайтын болады.<blockquote>«Алаңның әрбір нүктесінде мереке ажарын ашатын мәдени, спорттық шаралар ұйымдастырылып, бұқара халық арасында ұлттық спорт түрлерінен жарыстар өткізіледі. Жарыс жеңімпаздары мен жүлдегерлеріне мадақтама грамоталары, медальдар және сыйлықтар табысталады. Мұнан өзге, «Көлтауысарлар сайысы» яғни қымыз ішуден жарыс өтіп, «Атамекен» отбасылық үлгідегі балалар ауылынан шыққан жас жұптың беташар рәсімі жасалады. Сонымен қатар, қолөнершілердің арнайы киіз үйі тігіліп, ұлттық бұйымдар көрмесі ұсынылады», - деді қала әкімінің орынбасары Жанмұрат Сейілов.</blockquote>

Қызылордада Наурыз мерекесі орталық алаңда тойланады

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев Премьер-Министрдің, мемлекеттік органдар басшыларының, облыстар мен Астана, Алматы, Шымкент қалалары әкімдерінің қатысуымен кеңес өткізді, деп хабарлайды <a href="https://www.akorda.kz/kz/memleket-basshysy-akimdermen-zhane-memlekettik-organdardyn-basshylarymen-kenes-otkizdi-1321812?fbclid=IwAR2pXW30s4vZMRA8iBuKMYYsHDHrxoETO4Hg1T0oiV5mqGNstuyTczP1ePY">Ақорданың</a> ресми сайты.&nbsp;Жиында ел өңірлерінің әлеуметтік-экономикалық дамуына қатысты өзекті мәселелер қарастырылды. Қазақстан халқына Жолдауында айтылған міндеттердің іске асырылуына және Президенттің бұған дейін берген тапсырмаларының орындалуына ерекше назар аударылды.<img class="image_resized" style="width:730px;" src="https://www.akorda.kz/public/assets/media/uploadMedia/1678698861_KZ1_7930_2.jpg">Президент елімізде жан-жақты саяси жаңғыру процесі жүріп жатқанын атап өтті.<blockquote>– Оның бағыт-бағдарын былтыр наурыз айындағы Жолдауда айқындап алдық.&nbsp; Еліміз дамудың жаңа кезеңіне қадам басты. Бір жылдың ішінде ауқымды реформаларды жүзеге асырдық. Билік жүйесін жаңа талапқа сай жаңғырту үшін бірнеше саяси науқан өткіздік. Маңызды мәселелерді талқылау үшін Ұлттық құрылтайды құрдық.&nbsp; Мемлекеттігіміздің тұғырын және ел бірлігін нығайтатын жаңа идеологиялық тұжырымдар ұсындық. Наурыз мейрамын жаңаша атап өте бастадық. Республика күнін қайта жаңғырту тарихи қадам болды, – деді Мемлекет басшысы.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1678698872_KZ1_7880_2.jpg">Президенттің айтуынша, Қазақстанда жүргізіліп жатқан реформалар ел ішінде ғана емес, шетелдерде де талқыланып жатыр.<blockquote>– Біздің болашағымыз – айқын, нақты жоспарымыз бар. Мәжіліс және мәслихаттар сайлауы – билік институттарын жаңарту жұмысының қорытынды кезеңі. Осылайша, билік жан-жақты реформаларды жалғастыру үшін жаңа сенім мандатына ие болады. Елімізді дамыту жолында тың бастамалар көтеріп, оны табысты жүзеге асыру – басты міндет. Қазір жетістікке мәз болып отыратын заман емес. Жұмысты тың қарқынмен жалғастыру керек, – деді Президент.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1678698893_DSC_6247_2.jpg">Мемлекет басшысы қоғамдық тұрақтылықты сақтау мәселесіне баса мән беру керек екенін айтты.<blockquote>– Елімізді дамыту үшін саяси жүйені ғана жаңғырту жеткіліксіз. Реформалар, ең алдымен, қоғамда жаңа саяси мәдениет қалыптастыруы керек. Сонымен бірге жаңа құндылықтарды орнықтыруы қажет. Ең алдымен, ел мүддесіне және әр адамның құқығына басымдық беріледі. Геосаяси ахуал ушыққан кезде мемлекеттің және азаматтардың жауапкершілік жүгі артады. Аңдамай айтылған бір ауыз сөз, ойланбай қабылданған бір шешім елге зардабын тигізуі мүмкін. Әрине, мемлекет сөз бостандығына кепілдік береді. Әркімнің қалауынша қарекет жасауына мүмкіндік бар. Бірақ бұл бассыздыққа жол беру деген сөз емес. Әрбір азамат елдің тыныштығын және оның аумақтық тұтастығын сақтауға қатысты заң талаптарын мүлтіксіз орындауға міндетті. Заң мен тәртіп бар жерде тұрақтылық болады. Бұл қағида – барлығына ортақ,&nbsp; – деді Президент.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1678698937_DSC_6402_2.jpg">Мемлекет басшысы халқымыздың ұлттық бірегейлігі мен бірлігін нығайту маңызды міндет екенін айтты.<blockquote>– Соңғы кезде бір аймаққа ғана белгілі адамдарға ескерткіш орнату сәнге айналды. Жергілікті ономастика комиссиялары бұған жол бермеуге тиіс. Орынсыз шешімдерге Республикалық комиссия тосқауыл қоюы керек. Әркім өз бабасына ескерткіш қоя берсе, елде рушылдық, жершілдік белең алады. Осыған назар аударыңыздар. Кеңестік кезең қайраткерлеріне, соның ішінде жаппай қуғын-сүргінге тікелей қатысы бар адамдарға ескерткіш, бюст орнату ісі әлі жалғасып келеді. Өмірде болмаған ерлік істерге толы өмірбаяндар ойдан құрастырылып жатыр. Олар туралы деректер архив құжаттарында нақтыланбаған немесе мүлде жоқ. Кейбір белсенді топтар азаматтарымызды кеңестік кезеңдегі партия және мемлекет қайраткерлерінің аңызға бергісіз өмірбаяндарына сенуге мәжбүрлеп жүр, – деді Қасым-Жомарт Тоқаев.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1678698949_DSC_6456_2.jpg">Этносаралық қарым-қатынас мәселесі әрдайым өзекті болып қала береді.<blockquote>– Этносаралық келісімді нығайту – еліміздің тұрақты дамуының негізі. Бұл маңызды міндетті жүзеге асыру үшін орталық мемлекеттік органдар мен жергілікті билік, сондай-ақ Қазақстан халқы Ассамблеясы мен жалпы азаматтық қоғам күш біріктіруі қажет, – деді Президент.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1678698962_DSC_6405_2.jpg">Сонымен қатар Мемлекет басшысы рухани құндылықтарымызды сақтау маңызды екеніне назар аударды.<blockquote>– Халқымыздың дүниетанымына сай дәстүрлі исламды дәріптеу аса маңызды. Оның ғылыми-теориялық негізін дамыту қажет. Өскелең ұрпақтың рухани тәрбиесін назардан тыс қалдыруға болмайды. Шын мәнінде, бұл – өте маңызды мәселе. Оны бетімен жіберсек, ұлттық салт-санамыздан айырылып қалуымыз мүмкін. Әкімдерге құзырлы органдармен бірлесіп, дін саласындағы жұмысты жандандыруды тапсырамын, – деді Қасым-Жомарт Тоқаев. &nbsp;&nbsp;</blockquote>Президент халықтың тұрмыс сапасын арттыру Үкімет пен облыс әкімдерінің ең басты міндеттерінің бірі екенін атап өтті. Мемлекет басшысы азаматтарымыз елімізде оң өзгеріс болып жатқанын сезінуі қажеттігіне&nbsp; тоқталды. Ол үшін игі бастамалардың мән-маңызын халыққа ұдайы айтып отырған жөн.&nbsp;<blockquote>– Біз тұрақсыздыққа апаратын әрекеттерге жол бермейміз. Мұндай заңсыз әрекеттердің алдын алу қажет. Елге іріткі салып, қоғамдық тәртіпті бұзуға шақырған адамдар қатаң жазаланады. Арандатуға қарсы күрес заң аясында, жедел әрі жүйелі түрде жүргізілуі керек. Тиісті заңдарымыз бар, оларды қатаң сақтауымыз керек. Әйтпесе әрекетсіздіктің салдары еліміз үшін өте қауіпті болуы мүмкін. Мен бірнеше рет айтқанымдай, бізге, ең алдымен, заң үстемдігі аса қажет.&nbsp; Заң сақталса және азаматтық жауапкершілік жоғары болса, қоғамда тәртіп болады. Тұрақтылық бар жерде ғана даму, өркендеу болады.&nbsp; Ел бірлігі – реформаларды табысты жүзеге асырудың басты кепілі. Сондықтан ырысты ынтымақпен білек сыбана жұмыс істеуіміз қажет. Мемлекетті жан-жақты жаңғыртуға қатысты жұмыс болашақта жалғасын табады. Осы орайда мен бірқатар тың бастамаларды ойластырып жатырмын. Оны сайлаудан кейін жария етемін, – деп&nbsp; Президент сөзін қорытындылады.</blockquote>Сонымен қатар Қасым-Жомарт Тоқаев әкімдер мен мемлекеттік органдар басшыларына азаматтармен өзара байланысты күшейтуді, кездесулер мен жеке қабылдаулар өткізуді тапсырды.Кеңес барысында Премьер-Министрдің орынбасары Алтай Көлгінов, Астана қаласының әкімі Жеңіс Қасымбек, Алматы қаласының әкімі Ерболат Досаев және Шымкент қаласының әкімі Мұрат Әйтенов сөз сөйледі.<img class="image_resized" style="width:730px;" src="https://www.akorda.kz/public/assets/media/uploadMedia/1678698996_KZ4_7357_2.jpg">

Мемлекет басшысы әкімдермен және мемлекеттік органдардың басшыларымен кеңес өткізді

​<a href="https://kyzylorda-news.kz/">Kyzylorda-news.kz.</a>&nbsp; Сыр өңірінде Ұлыстың ұлы күні әз-Наурызда 300-ге жуық мерекелік іс-шара ұйымдастырылады. Күн мен түн теңеліп, жер мен көкке жан біткен Наурыз мерекесінде бірқатар әлеуметтік нысандарда ерекше шаралар өткізіліп, аймақ басшысының қатысуымен бірнеше сырбойылықтарға баспана кілті табысталады. Бұл туралы Өңірлік коммуникациялар қызметінде өткен баспасөз конференциясында облыстық қоғамдық даму басқармасының басшысы Алмасбек Есмаханов хабарлады.Басқарма басшысының айтуынша, күні ертең қала мен барлық аудандарда «Амал» мерекесі мен «Сәлемдесу» шаралары өткізіліп, ақсақалдардан бата алу, төс қағыстыру рәсімдері ұйымдастырылады. Бұдан бөлек, Амал күнінде медициналық мекемелер мен әлеуметтік қызмет көрсету нысандарында тұрғындардың қатысуымен мерекелік шаралар өткізілмек.<blockquote>-Ұлыстың Ұлы күні – Наурыз мейрамы іргесі сөгілмес бірліктің, ырысы төгілмес тірліктің мерекесі, жұртшылықтың бір-бірімен қуана қауышатын сәті. Облыс көлемінде әз-Наурызда ұйымдастырылатын негізгі шаралар 21-22 наурыз аралығын қамтиды. Жалпы наурыз мерекесінің нақышын келтіретін қайырымдылық шарасы да жыл сайын дәстүрлі түрде ұйымдастырылып отырады. Осыған орай, облыс әкімінің қатысуымен «Ақмешіт-Сырдария» мешітінде «Қайырымды ұлт» жалпыұлттық қайырымдылық акциясы өтеді. Самарқанның көк тасы еріген, барша түркі халықтары үшін қасиетті саналатын Ұлыстың Ұлы күні балалар үшін де үлкен қуаныш. Осыған орай, аймақтағы барлық білім беру ұйымдарында, жоғары және арнаулы орта оқу орындарында «Наурыз мейрамы» ұғымының пайда болуы, тарихы бойынша танымдық сабақтар өткізіледі. Бұдан бөлек, облыстық жастар ресурстық орталығында сол жағалау тұрғындарына, оның ішінде жас отбасылар мен жеткіншектерге арнап «Төрлет жаңа жылым – Наурызым!» атты мерекелік кеш ұйымдастырылады. Бұл мерекедегі тағы бір қуанышты жаңалық, қаланың сол жағалауында 40 пәтерлі көпқабатты тұрғын үйдің кілті табысталады. Сондай ақ, 84 пәтерлі 7 қабатты тұрғын үй құрылысының іргетасы қаланады. Ал Ә.Тәжібаев атындағы облыстық әмбебап-ғылыми кітапханасында «Жақсылыққа жаршы болған Наурызым» атты мерекелік шара, «Наурыз – береке, Наурыз – мереке» атты кітап көрмесі, бірнеше елдімекенде «Наурыз – думан» тақырыбында ұлттық ойын түрлерінен сайыстар өткізіледі. Сонымен қатар республикалық «Таза табиғат» акциясын өткізуде жоспарланып отыр. Мұнан өзге, мерекеге арналған негізгі мәдени-көпшілік іс-шаралар облыс көлемінде, яғни қала және аудандардың орталық алаңдарында өтеді. Ұлыстың ұлы күнінде барлық ауданда наурыз көже таратылып, ауылдарда ұлттық спорттық ойын түрлерінен сайыстар, ойын-сауық кештері ұйымдастырылады. Жалпы алғанда, аймақтағы 146 кент және ауылдық округтерде мереке аясында барлығы 300-ге жуық мәдени-көпшілік шаралар өткізіледі, - деді басқарма басшысы Алмасбек Әбілқасымұлы.</blockquote>

Қазақстан және Қызылорда облысының басты жаңалықтары