<a href="https://kyzylorda-news.kz/">Kyzylorda-news.kz</a>. Мемлекет басшысы ХХХІІ жазғы Олимпиада ойындары қарсаңында Қазақстанның ұлттық құрама командасының мүшелерімен кездесті, деп хабарлайды <a href="https://www.akorda.kz/kz/kasym-zhomart-tokaev-olimpiada-oyyndaryna-katysatyn-kazakstan-kurama-komandasymen-kezdesti-265110?fbclid=IwAR1L1gOY7b4d9WdOInEfbvpFKYkR1SLIyYqI3LvmlOwZVB-_4LJgo7gfqU0">Ақорда.</a>
Қазақстан құрама командасының негізгі бөлігі кездесуге Алматы облысындағы «Ақбұлақ» олимпиадалық орталығынан телекөпір арқылы қатысты. Онда спортшылар Токиоға аттанар алдындағы соңғы жаттығу жиындарын өткізіп жатыр.
Президент Олимпиадаға баратын спортшылардың алдында сөйлеген сөзінде әлемнің басты спорт бәсекесінде ел намысын қорғау мәртебелі міндет, үлкен абырой, зор жауапкершілік екенін айтты.
<img src="https://akorda.kz/assets/media/daa-2075-2.jpg" alt="" />
Мемлекет басшысы Тәуелсіздік жылдарында Қазақстаннан Олимпиаданың 16 жеңімпазы, 71 жүлдегері шыққанын, жүзден астам ірі спорт кешені, оның ішінде,16 халықаралық деңгейдегі нысандар бой көтергенін атап өтті.
Қасым-Жомарт Тоқаев аса күрделі кезеңде Токиода жағылатын Олимпиада алауы бүкіл адамзат үшін жаһандық індетпен күрестің символы болатынын айтты. Президент әлемнің түгелге жуық елінде ұзаққа созылған локдаунның қалыпты тыныс-тіршілікке ауыр соққы жасағанына тоқталды. &nbsp;&nbsp;
<blockquote>
 – Сіздер халықаралық деңгейдегі өздеріңіздің көшбасшылық орындарыңызды нығайту үшін нағыз чемпионға тән мінез көрсетіп, Олимпиада лицензиясын иелендіңіздер. Осындай қиын-қыстау жағдайда сіздер спорттың өзін-өзі шектейтін қатаң режимін сақтап, өзгелерге үлгі көрсеттіңіздер, – деді Қасым-Жомарт Тоқаев. &nbsp;
</blockquote>
<img src="https://akorda.kz/assets/media/dsc-4772.jpg" alt="" />
Президент қазақстандықтардың Олимпиада ойындары барысында біздің спортшыларға көрсететін күшті қолдауы оларға қосымша рух беретініне сенім білдірді.
<blockquote>
 – Тәуелсіздігіміздің 30 жылдығында Олимпиада тұғырына көтерілу сіздердің ғана жетістіктеріңіз емес, бүкіл ұлтымыздың абыройы. Олимпиада шыңы мыңдаған жасты спортпен шұғылдануға, салауатты өмір салтын ұстануға және көздеген мақсаттарына жетуге шабыттандырады, – деді Қасым-Жомарт Тоқаев. &nbsp;
</blockquote>
<img src="https://akorda.kz/assets/media/dsc-4657.jpg" alt="" />
Мемлекет басшысы өз сөзінде бұқаралық және балалар мен жасөспірімдер спортын дамытуға басымдық берілетінін атап өтті.
<blockquote>
 – Бұқаралық спортты дамыту арқылы біз ұлтымыздың денсаулығын жақсартамыз және бүкіл еліміз мақтан тұтатын Олимпиада жеңімпаздарының – спорт жұлдыздарының жаңа буынын тәрбиелеп шығарамыз. Мұндай саясат спорт секциялары мен аулалық клубтардың дамуына тың серпін береді. Сондай-ақ балалар жаттықтырушыларын ынталандыруға ықпал етіп, дарынды атлеттердің жаңа шоғырын айқындауға септігін тигізеді, – деді Президент. &nbsp;&nbsp;
</blockquote>
Қасым-Жомарт Тоқаев спортшыларымыздың Токиода рекордтық нәтижелер көрсететініне, еліміздің әлемдегі жетекші спорт державаларының арасындағы беделін нығайтатынына сенім білдірді. Президенттің айтуынша, атлеттердің әрбір жеңісінің артында, көбінесе назардан, камералардан тыс қалатын, олардың жаттықтырушыларының қажырлы еңбегі тұр. &nbsp;&nbsp;
Рәсім барысында Қасым-Жомарт Тоқаев Қазақстан Республикасының Мемлекеттік Туын алғаш рет екі бірдей ту ұстаушыға – жеңіл атлетикадан Олимпиада чемпионы Ольга Рыпакова мен бокстан әлем чемпионатының күміс жүлдегері Қамшыбек Қоңқабаевқа табыстады.
<img src="https://akorda.kz/assets/media/kz1-1221-1.jpg" alt="" />
Ольга Рыпакова Мемлекет басшысына жылы қабылдап, ізгі тілек білдіргені үшін ұлттық құраманың атынан алғыс айтты.
<blockquote>
 – Сіздің ақ тілегіңіз – бізге ерекше күш-жігер береді. Халқымыздың риясыз махаббатын сезінеміз және өзімізге жүктелген жауапкершілікті түсінеміз. Сондықтан Отанымыздың абыройын арттыру үшін бар күшімізді салып, шеберлігімізді паш етеміз, – деді Ольга Рыпакова.
</blockquote>
<img src="https://akorda.kz/assets/media/daa-2190-2.jpg" alt="" />
Қамшыбек Қоңқабаев&nbsp; Президентке отандастарымыздың сенімін ақтау үшін құрама команда барын салатынын жеткізді. &nbsp;&nbsp;
<blockquote>
 – Сіздің қолыңыздан еліміздің Туын алу – үлкен абырой, зор жауапкершілік. Олимпиадаға қатысушы спортшылар қастерлі санайтын осы Тудың Токио төрінде жиі көтеріліп, Әнұранымыздың шырқалуы үшін барымызды саламыз, – деді бокстан Қазақстан құрама командасының капитаны.
</blockquote>
<img src="https://akorda.kz/assets/media/dsc-4161.jpg" alt="" />
<img src="https://akorda.kz/assets/media/kz1-1366-2.jpg" alt="" />
<img src="https://akorda.kz/assets/media/dsc-4742.jpg" alt="" />
<img src="https://akorda.kz/assets/media/dsc-4880.jpg" alt="" />
<img src="https://akorda.kz/assets/media/dsc-9091.jpg" alt="" />
<img src="https://akorda.kz/assets/media/dsc-9096.jpg" alt="" />

Президент ҚР Туын Қамшыбек Қоңқабаев пен Ольга Рыпаковаға табыстады

<a href="https://kyzylorda-news.kz/">Kyzylorda-news.kz</a>. Қазақстандық спортшылар Токиода өтетін жазғы Олимпиада ойындарына спорттың 27 түрінен 96 жолдама жеңіп алды.
Токио Олимпиадасы 23 шілде күні басталады және төртжылдықтың басты додасында барлығы 339 медаль жиынтығы сарапқа салынады.
<blockquote>
 “Токиоға ел намысын абыроймен қорғайтын спортшыларды жасақтадық. Барлық Олимпиадалық отбасының атынан мемлекет басшысына және ел үкіметіне қазақстандық спортшыларды қолдап, барлық қажетті жағдайды жасағаны үшін алғыс айтқым келеді”, – деді Қазақстан Ұлттық Олимпиада комитетінің президенті Тимур Құлыбаев.
</blockquote>
Қазақстан бірінші рет Олимпиада бағдарламасына жаңадан енгепорт түрлері, атап айтқанда, спорттық құзға өрмелеу және каратэ бойынша қатысады. Каратэ бойынша бірден бес спортшы, ерлерден&nbsp;Дархан Асаділов, Нұрқанат Әжіқанов, Данияр Юлдашев пен әйелдерден Мөлдір Жаңбырбай мен Софья Берульцева,&nbsp;ал құзға өрмелеуден&nbsp;Ришат Хайбуллин&nbsp;бақ сынайды.
Танымал қазақстандық жеңіл атлет&nbsp;Ольга Рыпакова&nbsp;отандық олимпиадалық құрамның көшбасшысы болатыны сөзсіз. Бұл дода Ольганың спорт мансабындағы төртінші Олимпиадасы болмақ. Бүгінде оның қоржынында олимпиада медальдарының толық жиынтығы бар. Осыған дейінгі қатысқан барлық Олимпиада ойындарында ол жүлдемен оралған болатын.
Су добынан ерлер құрамасы командалық ойын түрлерінен жарысқа қатсатын қазақстандық жалғыз құрама болып отыр. Олар Олимпиада ойындарына сегіз жылдан кейінгі үзілістен соң оралды.
Дәстүр бойынша&nbsp;Қамшыбек Қоңқабаев&nbsp;бастаған бокстан ерлер командасы толық құраммен, сегіз салмақ бойынша қатысады. Ел қоржынындағы тоғыз жолдама боксшыларға тиесілі.
Гимнаст&nbsp;Милад Карими&nbsp;жалғыз өзі жеті жолдаманы еншілеп, іріктеу кезеңін сәтті аяқтады.
Жүзуден біз үш жолдаманы иелендік. Оның екеуі Олимпиада чемпионы&nbsp;Дмитрий Баландинге&nbsp;тиесілі.
<blockquote>
 “Отандасымыз&nbsp;Руслан Құрбанов&nbsp;Халықаралық семсерлесу федерациясының жеке рейтингі бойынша құрлықтық квотаны жеңіп алған алты спортышының қатарына енді. Афиныдағы Олимпиада ойындарынан кейін (2004) алғаш рет Қазақстанның үш велошабандозы топтық жарыста бақ сынайды. Мұндай нәтижеге қол жеткізуге &nbsp;команда көшбасшысы&nbsp;Алексей Луценко&nbsp;үлкен үлес қосты. Ол Қазақстанға жалпы алғанда Азия құрлығының бірде-бір мемлекеті еншілемеген ұпайды әкелді”, – деп толықтырды комитет.
</blockquote>
Тректегі велоспорт (спринт, омниум және кейрин) бойынша үш лицензия жеңіп алды. Айта кетерлігі, спорттың бұл түрі бойынша жолдама Қазақстан үшін тарихи болып есептеледі. Себебі, осы уақытқа дейін қазақстандық спортшылар аталған дисциплина бойынша Олимпиада ойындарына қатыспаған.
Садақ атудан 20 жылдан кейін алғаш рет Қазақстаннан үш садақшы Олимпиада ойындарында командалық жарысқа қатысады.
Бүгінде он бір жолдама балуандарға тиесілі болса, жеңіл атлеттер де осы мөлшерде лицензия жеңіп алды. Теннисшілер жеті, ал байдарка мен каноэде есуден алты жолдама қоржында. Рейтингтік жарыстар нәтижесі бойынша дзюдошылар алты жолдаманы иеленді. Токио төрінде белдесетін татами шеберлерінің арасында тәжірибелі&nbsp;Елдос Сметов&nbsp;бар.&nbsp;
Үстел теннисінен Қазақстан құрамасының еншісінде қос жолдама, сондай-ақ, таеквондо мен слаломды есу бойынша спортшылар екі лицензия алды.
Қазіргі таңда ҰОК кейбір спорт түрлерінен халықаралық федерациялардың лицензияларды қайта бөлу, үлестіру нәтижелерін күтуде.
Олимпиада ойынарына қатысатын спортшылардың соңғы әрі нақты тізімі 5 шілдеден кейін белгілі болады.
Қазақстандық делегацияның басым бөлігі екі апталық карантиннен кейін Қазақстаннан Токиоға аттанады.
Олимпиада ойындарының ашылу салтанаты 23 маусымда Токио Олимпиада стадионында өтеді.
<a href="https://olympic.kz/kk/article/21366">Olympic.kz.</a>

Токио Олимпиадасына қазақстаннан 96  спортшы жолдама алды

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықова ел Тәуелсіздігінің 30 жылдығы аясында халықаралық, республикалық олимпиадалар мен ғылыми жоба конкурс жүлдегерлерімен кездесті.
Аймақ басшысы Елбасы бастамалары мен Президенттің білімпаз жастарды ұдайы қолдауының нәтижесінде жастарға арналған түрлі бағдарламалардың қабылданып, зияткер ұрпақтың білім кеңістігіне жол ашуына ерекше мүмкіндік жасалғанын атап өтті. Сондай-ақ, әлемдік деңгейдегі білім мен ғылым додаларында бақ сынап, ел абыройын асқақ етіп жүрген өрелі өрендердің әрбірін жеңісімен құттықтап, ақжолтай тілегін арнады.
<blockquote>
 «Ата-бабамыз «Өсер елді білімді ұрпағынан танисың» деп бекер айтпаған. Сендер болашақта еліміздің өсіп-өркендеуіне қызмет ететін, ата-аналарыңның үкілі үмітін ақтап, туған еліміздің асқақ рухын сақтайтын азаматсыңдар! 
 Біздің туған өлкеміз – Сыр бойы қай кезде де ұлы тұлғаларға кенде болмаған. Атақты жерлесіміз, академик Шахмардан Есенов 34 жасында Геология министрі болса, Асқар Жұмаділдаев 32 жасында физика-математика ғылымдарының докторы атанған. Ел мүддесі жолында адал еңбек еткен қазақ азаматтарының тізімін осылай жалғастыра беруге болады. 
 Біздің жас ұрпақтың бойында білімге, ғылымға деген зор қызығушылық бар. Алдағы уақытта біздің елімізден де талай талантты азаматтардың шығатынына сенім мол. Олардың қатарында өздерің де барсыңдар. Болашақтарың баянды, өмірлерің жарқын болсын»,-деді Гүлшара Әбдіқалықова.
</blockquote>
Биыл облыста 8 оқушы халықаралық олимпиаданың жүлдегері атанып, 38 бала республикалық олимпиада мен ғылыми жарыстарда үздіктер қатарынан көрінді. Ал, «Бастау» республикалық олимпиадасында облыс командасы ІІІ орынды иеленді. Мұнан бөлек, ауыл балаларына арналған «Мың бала» Ұлттық Зияткерлік олимпиадасында 99 оқушы жеңімпаз атанып, мамандандырылған мектептерге қабылдануда. Сондай-ақ, IQanat Олимпиадасында үздік нәтиже көрсеткен 26 оқушы Қапшағайдағы демалыс орталығында тынығып қайтты. 4 оқушы қазіргі кезде Бурабайда орналасқан «Iqanat High shool of Burabai» мектебінде білім алуда.
Өңірде «Елбасы медалі» жобасына облыстан 351 оқушы қатысып, 247 бала қола медаль иегері атанды. Ал, 54 оқушы күміс медальге, 49 оқушы алтын медальді иелену үшін бақ сынамақ.
Салтанатты жиында дарынды оқушылар облыс әкімімен еркін форматта пікірлесіп, көкейде жүрген сауалдарын ортаға салды. Озат оқушылардың ойларын тыңдаған аймақ басшысы дарынды оқушыларға арнайы «Сыр Дарыны» медалін табыстады. Сонымен бірге оқушылар мен студенттер арасында өткен дебаттық турнир жеңімпазы №3 ІТ мектеп-лицейдің бітіруші түлегі, Алтын белгі иегері Арайлым Жақсылыққа Қорқыт ата атындағы Қызылорда университетінің гранты бұйырды.
Жиында республикалық олимпиада қорытындысымен «Үздік 100 мектеп» жобасының жеңімпаздары да марапатталды.
Кездесу соңында Сыр дарындылары атынан мектеп оқушылары Нұрайым Пакуаддинова мен Бағдаулет Жарылқасын сөз алып, жүрекжарды тілегін арнады. Мұнан кейін білімпаз жастар мотивацияға толы «Бір үйдің баласындай» әнін шырқады.
Басқосу соңында Гүлшара Әбдіқалықова Сыр өрендерінің халықаралық, республикалық білім додадарындағы жеңісі Тәуелсіздіктің 30 жылдығына арнайы тарту болғанын атап өтіп, дарындыларға сенім білдірді.
<img src="https://kyzylorda-news.kz/wp-content/uploads/2021/07/203582231_3491471917622519_719080614948238654_n.jpg" alt="" />
<img src="https://kyzylorda-news.kz/wp-content/uploads/2021/07/206467378_3491471717622539_1188005476433061654_n.jpg" alt="" />
<img src="https://kyzylorda-news.kz/wp-content/uploads/2021/07/208049388_3491470830955961_5831281876264693318_n.jpg" alt="" />

Гүлшара Әбдіқалықова: Сыр бойы қай кезде де ұлы тұлғаларға кенде болмаған

<a href="https://kyzylorda-news.kz/">Kyzylorda-news.kz</a>. Еуропа чемпионатында 24 құрамадан 16 команда қалды. Ертең Уэльс пен Дания ширек финалға жолдама кімге бұйыратынын анықтайтын болады.
Еуропа чемпионаты топтық кезеңнің өзінде спортсүйер көрерменге әсерлі көңіл-күй сыйлады. Ертең, 26 маусымда 1/8 финал басталып, қызықты тартыстар өтеді. Назарларыңызға&nbsp;<a href="https://sputnik.kz/">Sputnik Қазақстанның</a>&nbsp;матч өтетін күн мен уақыт кестесін ұсынамыз.
<img src="https://kyzylorda-news.kz/wp-content/uploads/2021/06/17447576.png" alt="" />
<ul>
<li>26 маусым, 22:00: Уэльс – Дания (“Амстердам-Арена”, Нидерланды);</li>
<li>26 маусым, 01:00: Италия – Австрия (“Уэмбли”, Лондон);</li>
<li>27 маусым, 22:00: Нидерланды – Чехия (“Пушкаш Арена”, Будапешт);</li>
<li>27 маусым, 01:00: Бельгия – Португалия (“Олимпико де Севилья – Ла Картуха”, Севилья);</li>
<li>28 маусым, 22:00: Хорватия – Испания (“Паркен”, Копенгаген);</li>
<li>28 маусым, 01:00: Франция – Швейцария (Ұлттық стадион, Бухарест);</li>
<li>29 маусым, 22:00: Англия – Германия (“Уэмбли”, Лондон);</li>
<li>29 маусым, 01:00: Швеция – Украина (“Хэмпден Парк”, Глазго).</li>
</ul>
Ойын уақыты Нұр-Сұлтан уақыты бойынша көрсетілген.
Еске салсақ, Түркия, Ресей, Польша, Венгрия, Солтүстік Македония, Шотландия, Финляндия және Словакия құрамалары турнирден шығып қалды.

Еуропа чемпионаты – 2020: 1/8 финалының ойын кестесі

<a href="https://kyzylorda-news.kz/">Kyzylorda-news.kz</a>. Қазақстан Республикасының Тұңғыш Президенті – Елбасы Н.Ә.Назарбаевтың жүлдесі үшін қазақ күресінен «Қазақстан барысы» республикалық турнирі Х рет 4 шілде күні Нұр-Сұлтан қаласындағы Жақсылық Үшкемпіров атындағы жекпе-жек сарайында өтеді.
Дәстүрлі турнир Қазақстан Республикасы Тәуелсіздігінің 30 жылдығы, Қажымұқан Мұңайтпасұлының 150 жылдығын мерекелеу және ұлттық спорт түрлерін дамыту арқылы салауатты өмір салтын қалыптастыру, жастарды ұлттық спорт түрлерімен шұғылдануға тарту арқылы олардың бойында отансүйгіштік сезімді қалыптастыру мақсатын жүзеге асырады.
Qazaq kuresi Ассоциациясының Спортты дамыту директоры Бақдәулет Сәбитов «Қазақстан барысы» жобасының он жыл көлемінде жүріп өткен жолына шолу жасады. Сондай-ақ, Нұр-Сұлтан, Алматы, Шымкент қалалары мен облыстарда өткен іріктеу жарыстарынан 37 балуан жолдамаға ие болғанын айтып өтті.
ҚР МСМ Спорт және дене шынықтыру комитетінің ұлттық спорт және спортта мүмкіндігі шектеулі тұлғалармен жұмыс басқармасының басшысы Махамбетов Мейрамбек өз кезегінде қазақстандықтарды осындай ұлттық жобаның мерейлі мерекесімен құттықтады. Ал, Qazaq kuresi Ассоциациясының бас директоры Имамбаев Самат еліміздегі қазақ күресінің кәсіби негізде дамуын, әлемдік аренадағы орнын қалыптастыру қадамдарын атап кетті. Жобаның үш дүркін жеңімпазы Бейбіт Ыстыбаев «Қазақстан барысы» жобасының жас ұрпаққа, спортшыларға деген ерекше әсеріне тоқталды.
<blockquote>
 «Ақтық финалға жолдама алған 37 балуанның 11-і алғаш рет бақ сынайды, сол үшін де биылғы турнирде біз «Қазақстан барысы» жобасының жаңғыру жолына куә боламыз» – деді «Qazaqstan Barysy» қазақ күресін қолдау және дамыту қорының атқарушы директоры Уразалин Серікбол.
</blockquote>
Турнирді “Nur Otan” партиясы, ҚР Мәдениет және спорт министрлігі, Нұр-Сұлтан қаласы әкімдігінің қолдауымен, «Qazaqstan Barysy» қазақ күресін қолдау және дамыту қоры мен Qazaq kuresi Ассоциациясы ұйымдастыруда. 
Нұр-Сұлтан қаласының қызыл аймақта болуына байланысты, 20 пайыз көрерменге рұқсат етілген. Билеттер zakazbiletov.kz сайтында сатылады. Ресми салмақ өлшеу рәсімі 2 шілде, сағат 19.00- де «Хан Шатыр» СОСО белгіленіп отыр.

«Қазақстан барысы» республикалық турнирі елордада 4 шілдеде өтеді

<a href="https://kyzylorda-news.kz/">Kyzylorda-news.kz</a>. Футболдан Еуропа чемпионатында топтық кезеңі аяқталып, плей-оффқа шыққан барлық командалар белгілі болды.
Е тобы
Словакия – Испания 0:5&nbsp;
Испания алғашы екі матчта ұпай жоғалтқан соң бұл ойында барын салды. Олар Словакияның қақпасына жауапсыз 5 гол соғып, топтан екінші орынмен шықты.
<img src="https://img.prosports.kz/news/content//202106/4391_08d4e8c0127bfbc3dc5dff77b2d12aa8.jpg" alt="" />
Словакия – Испания 0:5&nbsp;(0:2)
Голдар:&nbsp;Дубравка а/г 30, Ляпорт 45+3, Сарабия 56, Торрес 67, Куцка а/г 71.
Швеция – Польша 3:2&nbsp;
Швеция Левандовскидің дубліне қарамастан жеңіске жеттім. Матчтың соңында шведтер есеп 2:2 болып тұрғанда жеңісті жұлып алды. Осылайша олар 1/8 финалға жолдама алды.&nbsp;
<img src="https://img.prosports.kz/news/content//202106/4391_da43be9225129e9ccbb3d855a207bc48.jpg" alt="" />
Швеция – Польша 3:2&nbsp;(1:0)
Голдар:&nbsp;Форсберг 2, 59, Классон 90+4 – Левандовски 61, 84.
F тобы
Германия – Венгрия 2:2&nbsp;
“Өлім тобында” Венгрия екінші ұпайын алды. Франциямен тең түскен олар бұл жолы неміс құрамасын ұпайдан қақты. Ал Германия плей-оффқа үшінші орыннан өтетін болды.
Германия – Венгрия 2:2&nbsp;(0:1)
Голдар:&nbsp;Хаверц 66, Горецка 84 – А. Шалаи 11, Шофер 68.
Португалия – Франция 2:2&nbsp;
Еуропа мен әлем чемпиондар тартысты матчта 4 гол соғып, ұпай бөлісті. Осылайша Франция 1/8 финалға бірінші орыннан шықса, Португалия екінші жолдамаға ие болды.&nbsp;
<img src="https://img.prosports.kz/news/content//202106/4391_14b73f357dc048a07b61b40a8f5839b6.jpg" alt="" />
Португалия – Франция 2:2&nbsp;(1:1)
Голдар:&nbsp;Роналду 31, 60 – Бензема 45+2, 47.
<a href="https://stan.kz/news-348437/">Stan.kz</a>

ЕУРО-2020: 1/8 финалға өткен барлық құрамалар белгілі

<a href="https://kyzylorda-news.kz/">Kyzylorda-news.kz</a>.&nbsp; Облыстық дене шынықтыру және спорт басқармасының басшысы Жақсылық Оспанов Өңірлік коммуникациялар қызметінің ақпараттық алаңында 2021 жылдың 1-жартыжылдығында атқарылған жұмыстар және Токио Олимпиадасына жолдама алған Сыр спортшылары жайлы баспасөз-конференциясын өткізді.
Сондай-ақ, баспасөз-конференциясына каратэден ҚР халықаралық дәрежедегі спорт шебері Мөлдір Жаңбырбай қатысып, өзінің дайындығымен бөлісті.
Қазіргі таңда, өңірімізде дене шынықтыру және спортпен жүйелі түрде шұғылданушылар қатары 31,3 пайызға көтеріліп, 254 101 адамға жетіп отыр.
Бұқаралық спортты одан әрі дамыту үшін 282 спорт нұсқаушы 138 елді мекенде,42 мың адамды тұрақты дене шынықтырумен шұғылдануға баулып келеді.
Бұқаралық спортты дамытудың негізгі жолы – жарыстарды көптеп өткізіп, халықты спортқа тарту. 
Осы мақсатта облыс аумағында жыл басынан бері 375 бұқаралық спорттық іс-шаралар өткізіліп, оған 31 219 адам қатысты.
Есепті кезеңде спорт түрлерінен 6 Қазақстан Республикасының чемпионаты мен кубогы(самбо, ауыр атлетика онлайн жүйеде 2 рет өткізілді, гандбол, спорттық би, велоспорт),19 республикалық және​ 72 облыс біріншіліктері ұйымдастырылды. Аталған жарыстар ҚР Тәуелсіздігінің 30 жылдығы аясында өткізілді. 
Халықтың спорттық нысандарға қолжетімділігін арттыру мақсатында ​ 5 спорт кешені «Ауыл ел бесігі» бағдарламасы аясында осы жылы құрылысы басталады.
Сонымен бірге, «Самрұқ» корпоративтік қорының демеушілігімен Қызылорда қаласы, Ж.Махамбетов ауылдық округінен көпфункционалды спорт кешенінің құрылысы салынады.
Сондай-ақ, «Нұрсәт» теннис орталығының 4 жабық теннис кортының және байдарка, каноэде есу базасының құрылыстары аяқталды.
Бұқаралық спортты дамыту мен қатар бәсекеге қабілетті біліктілігі жоғары спортшыларды әзірлеу жұмыстары жүргізілуде. 
Жоғарғы білікті спортшылар және спорт резервін әзірлеу бағытында балаларға арналған мектеп-интернат-колледжі, облыстық жоғары спорт шеберлігі мектебі, олимпиадалық даярлау орталығы және 21 балалар мен жасөспірімдер спорт мектептерінде 20​ 516 оқушы 47 спорт түрімен тегін шұғылданады.
Атқарылған жұмыстардың нәтижесінде, облыс спортшылары ҚР чемпионаттары мен кубоктарында 557 медальдарды жеңіп алса, Әлем және Азия чемпионаттарында 47 медальдарға қол жеткізді. 
18 – ҚР спорт шебері, 147 – ҚР спорт шеберлігіне үміткер, 32 – І-ші cпорттық разрядты спортшылар дайындалды. 
Үстіміздегі жылдың 4 шілде күні Нұр-Сұлтан қаласында Қазақстан Республикасының Тұңғыш Президенті жүлдесі үшін өтетін​ «Қазақстан барысы» республикалық турниріне облыстан Нұрым Сәлімгереев пен Мақсат Исағабылов қатысады.
Коронавирус пандемиясына байланысты бір жылға шегерілген Жапония астанасы Токиодағы өтетін XXXII жазғы Олимпиада ойындары биыл 23 шілде мен 8 тамыз аралығында өтеді. 
Төрт жылда бір рет келетін ең ірі халықаралық кешенді​ спорттық жарыс – Токио Олимпиадасына​ Қызылорда облысынан 3 спортшы жолдама алды.
Оның ішінде,​ 2019 жылы Нұр-Сұлтан қаласында еркін күрестен өткен Әлем чемпионатында Дәулет Ниязбеков 65 келі салмақта күмісті иеленіп, Токионың алғашқы жолдамасын жеңіп алған болатын.
2020 жылы Иордания астанасы​ – Амман​ қаласында бокстан өткізілген лицензиялық турнирде​ Қамшыбек Қоңқабаев 91 келіден жоғары салмақта қола жүлдені иеленіп, облыстан екінші​ жолдаманы иеленді. 
Ал биылғы жылдың 11-13 маусым күндері Францияның Париж қаласында каратэден өткен лицензиялық турнирде Мөлдір Жаңбырбай 55 келі салмақта күміс жүлдені еншілеп, үшінші жолдаманы жеңіп алды. Қазіргі таңда​ спортшылар соңғы жарыстары мен оқу-жаттығу жиындарына қатысуда, содан кейін Токиоға аттанады.

Токио Олимпиадасына жолдама алған Сыр спортшыларының дайындығы қандай?

<a href="https://kyzylorda-news.kz/">Kyzylorda-news.kz</a>.&nbsp; Жиырмасыншы маусымда Еуро 2020/2021 чемпионатының үшінші туры басталды. Римде Италия – Уэльс пен Бакуде Швейцария – Түркия кездесуі өтті.
Еуропа чемпионаты тура бір айға – 2021 жылдың 11 маусымынан 11 шілдесіне дейін созылады.
Бұл чемпионат Францияда өткен тұңғыш турнирдің 60 жылдығына арналған болатын. Алайда коронавирус пандемиясына байланысты спорт шарасын 2020 жылдан 2021 жылға ауыстыруға тура келді.
Тартысқа толы жарыс қай күндері және нешеде өтетінін&nbsp;<a href="https://sputnik.kz/">Sputnik</a>&nbsp;инфографикасынан оқыңыз.
<img src="https://kyzylorda-news.kz/wp-content/uploads/2021/06/17397250.png" alt="" />
<h3 id="2020">Еуро-2020 үшінші турының кестесі</h3>
Еуро 2020/2021 топтық кезеңінің үшінші туры Италия мен Уэльс, сондай-ақ Швейцария мен Түркия құрама командаларының арасында өтетін жарыспен ашылды.
А тобы
20 маусым – Италия – Уэльс,&nbsp;Римдегі Олимпиада стадионы (Трансляцияның басталуы – Нұр-Сұлтан уақыты бойынша 22:00)
20 маусым – Швейцария – Түркия,&nbsp;Бакудегі Олимпиада стадионы (Нұр-Сұлтан уақыты бойынша 22:00)
С тобы 
21 маусым – Солтүстік Македония – Нидерланды,&nbsp;Амстердамдағы “Йохан Кройфф Арена” стадионы (Нұр-Сұлтан уақыты бойынша 22:00)
21 маусым – Украина – Австрия,&nbsp;Бухарестегі Ұлттық стадион (Нұр-Сұлтан уақыты бойынша 22:00)
В тобы
21 маусым – Ресей – Дания,&nbsp;Копенгагендегі “Паркен” стадионы (Нұр-Сұлтан уақыты бойынша 22 маусым сағат 01:00)
21 маусым – Финляндия – Бельгия,&nbsp;“Газпром Арена” стадионы (Нұр-Сұлтан уақыты бойынша 22 маусым сағат 01:00)
D тобы
22 маусым – Чехия – Англия,&nbsp;Лондондағы “Уэмбли” стадионы (Нұр-Сұлтан уақыты бойынша 23 маусым сағат 01:00)
22 маусым – Хорватия – Шотландия,&nbsp;Глазгодағы “Хэмпден Парк” стадионы (Нұр-Сұлтан уақыты бойынша 23 маусым сағат 01:00)
Е тобы
23 маусым – Швеция – Польша,&nbsp;Санкт-Петербургтегі “Газпром Арена” стадионы (Нұр-Сұлтан уақыты бойынша 22:00)
23 маусым – Словакия – Испания,&nbsp;Севильядағы Олимпиада стадионы (Нұр-Сұлтан уақыты бойынша 22:00)
F тобы 
23 маусым – Португалия – Франция, Будапешттегі “Пушкаш Арена” (Нұр-Сұлтан уақыты бойынша 24 маусым сағат 01:00)
23 маусым – Германия – Венгрия,&nbsp;Мюнхендегі “Альянц Арена” (Нұр-Сұлтан уақыты бойынша 24 маусым сағат 01:00.
<h3 id="">Еуропа чемпионатына кім қатысады</h3>
Жарысқа 24 команда қатысады: 20 команда біліктілігі бойынша өтсе, тағы төрт құрама УЕФА – Ұлттық лига турнирінің арқасында қатысады.
F тобындағы құрамалар арасындағы жарыс ең тартысты ойын болады деп күтілуде. Мұнда Әлем (Франция) мен Еуропаның (Португалия) қазіргі чемпиондары және алдыңғы әлем чемпиондары (Германия) жиналған.
Бір айға созылатын турнир кезінде жанкүйерлер 51 ойынды тамашалай алады: 36 ойын топтық кезеңде өтеді және тағы 15 кездесу плей-офф аясында өтеді.
<h3 id="2020-1">Еуро-2020 қай қалаларда өтеді</h3>
Еуропа чемпионатының матчтары он бір қалада өтеді: Амстердам, Баку, Будапешт, Бухарест, Глазго, Копенгаген, Лондон, Мюнхен, Рим, Санкт-Петербург және Севилья.
Турнирдің бас қаласы – Лондон. Дәл осы шаһарда құрамалар арасындағы сегіз кездесу, оның ішінде шешуші кездесулер – жартылай финал мен финал өтеді.
Көрермендерге стадиондарға кіруге рұқсат беріледі. Бірақ стадионның көрермендерге толу деңгейі 50%-тен аспауы керек. Турнирдің бойтұмары ретінде фристайл мен көше футболын жақсы көретін Скиллзи атты ұл бала таңдалды.
<a href="https://sputnik.kz/infographics/20210621/17397186/Europa-chempionaty-2020.html">Sputnik</a>

Еуропа чемпионаты: Үшінші турдың кестесі

<a href="https://kyzylorda-news.kz/">Kyzylorda-news.kz</a>. Токио-2020 Олимпиадасына қатысушылардың бірінде жаңа коронавирус жағдайы анықталды, деп хабарлайды «Хабар 24».
Бокстан Уганданың құрама командасындағы тоғыз спортшы мен жаттықтырушы Токио маңындағы Нарита әуежайына кешкі сағат алты шамасында ұшып келді, әуежайдағы спортшылардың бірінде Covid-19-ға сынама тапсыру кезінде оң нәтиже көрсеткен.
Угандалық спортшы екі рет сынама тапсырған. Екеуінде де оң нәтиже берген соң, ол арнайы тағайындалған мекемеде оқшауға алынды, ал қалғандары өздерінің жаттығуын өткізетін Осака қаласына барады.
Хабарламада айтылғандай, Уганда командасының барлық мүшелері екі рет AstraZeneca вакцинасын алған және Жапонияға кетерден 72 сағат бұрын сынақтан өткен.
Айта кетейік, Токио-2020 жазғы ойындарына әлемнің түкпір-түкпірінен мыңдаған адам шоғырланатындықтан, аталмыш жарыс кейінге қалдырылған болатын.&nbsp;
Ұйымдастырушылар отандық көрермендерді ойындарға арналған стадиондарға кіргізуге байланысты арнайы шешімдер қабылдады, шетелдік көрермендер төртжылдықтың бас додасына кіргізілмейді.
Токио-2020 президенті Денсаулық сақтау саласындағы мемлекеттік сарапшылар жеке аудиторияға қарсы ескерту жасағанына қарамастан, бір орынға 10 000 адамнан келетін шекті көлемді қарастырған.
Ашылу салтанатына шенеуніктер 20000 адамға қатысуға рұқсат беруді қарастыруда, деп хабарлады жапондық Nippon Television телекомпаниясы жексенбіде.
Алғаш болып 1 маусымда Жапония астанасына софтболдан Австралияның әйелдер құрамасы келген, ал Уганда командасы турнирге келген шетелдік спортшылардың екінші тобы болды.

Токио Олимпиадасы: Қатысушылар арасында алғашқы Covid-19 жағдайы анықталды

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласындағы Ғани Мұратбаев атындағы орталық стадион манежінде мүмкіндігі шектеулі азаматтар арасында нысана көздеуден іріктеу жарысы өтті.
Жарыстың бас төрешісі Жұмабек Дәрмен хабарлағандай, жарысқа Қызылорда қаласы мен аудан командалары қатысты.
Мақсаты – қыркүйек айында Нұр-Сұлтан қаласында өтетін ҚР спартакиадасына облыс құрамасын жасақтау, салауатты өмір салтын насихаттау, мүмкіндігі шектеулі азаматтардың дене дайындығын жетілдіріп, спортпен тұрақты шұғылдануға тарту.
Жарыс нәтижесінде жекелей сында ерлер арасында R-1 бағдарламасы бойынша Жалағаштан келген Азамат Нұрғали мергендік танытты. Сырдариялық Рахмет Нұрмағанбет – екінші, аралдық Мейрамбек Әлманов үшінші орындарды иеленді. R-2 бағдарламасында әйелдер арасында жалағаштық Салтанат Дәржанның мерейі үстем болды. Сырдариялық Сандуғаш Бакеева – күміс, аралдық Айман Сұлтаева – қола жүлделерге ие болды.
P-1 бағдарламасы бойынша ерлер арасында қызылордалық Александр Огай жеңіс тұғырына көтерілсе, жалағаштық Мұрат Тасберген екінші, сырдариялық Бекболат Қапанов үшінші орындардан көрінді.
P-2 бойынша әйелдер арасында Жалағаш ауданының спортшысы Гүлжанат Кеңесова алтын, сырдариялық Аякөз Әймен күміс, қызылордалық Роза Смағұлова қола жүлделерді еншіледі.
<img src="https://kyzylorda-news.kz/wp-content/uploads/2021/06/203700315_6407303925962440_6004058148149469259_n.jpg" alt="" />
<img src="https://kyzylorda-news.kz/wp-content/uploads/2021/06/205111943_6407301505962682_6227434488222238708_n.jpg" alt="" />
<img src="https://kyzylorda-news.kz/wp-content/uploads/2021/06/204103125_6407303012629198_4441661615698299945_n.jpg" alt="" />
<img src="https://kyzylorda-news.kz/wp-content/uploads/2021/06/204169127_6407305075962325_8006164397368635779_n.jpg" alt="" />
<img src="https://kyzylorda-news.kz/wp-content/uploads/2021/06/204041917_6407304402629059_4708725426049785041_n.jpg" alt="" />
<img src="https://kyzylorda-news.kz/wp-content/uploads/2021/06/204001390_6407301045962728_4229181991931881271_n.jpg" alt="" />
<img src="https://kyzylorda-news.kz/wp-content/uploads/2021/06/203215606_6407300655962767_8513099902755401980_n.jpg" alt="" />

Қызылордада мүмкіндігі шектеулі азаматтар арасында нысана көздеуден жарыс болды

Kyzylorda-news.kz. Футболдан Премьер-лига командалары арасындағы ел біріншілігінің он алтыншы туры мәресіне жетті, деп хабарлайды ҚазАқпарат.
Аталған турда бүгін үш кездесу өткізілді. Ал төрт кездесу кеше болды.
Бүгінгі алғашқы ойында Қостанайдың «Тобылы» өз алаңында Талдықорғанның «Жетісуынан» 2:1 есебімен басым түсті. Бұл кездесудегі үш гол да пенальтиден соғылды. Бірінші кезеңнің 19-минутында талдықорғандық Аслан Әділ сол мүмкіндікті мүлт жіберген жоқ. Ал қостанайлық клубтан Неманья Николич 37, Азат Нұрғалиев 47-минуттарда қақпашыны қапы қалдырды.
Тағы бір кездесуде Қызылорданың «Қайсары» сырт алаңда Ақтаудың «Каспий» клубын 4:2 есебімен жеңді. «Қайсар» құрамынан бірінші кезеңнің 25-минутында Кларенс Битанг қарсыластар қақпасының торын тулатса, екінші кезеңнің 74, 78-минуттарында Каролис Лаукжемис қос голдың авторы атанды. Ал Думан Нәрзілдаев 85-минутта есепті ұлғайтса, оған «Каспий» құрамынан Руслан Мингазов 86, Рамазан Каримов 90-минуттарда екі голмен жауап қайырды. Осылайша қызылордалық команда 12 ойынға созылған сәтсіздіктер сериясын тоқтатты.
Алматының «Қайраты» Түркістанда жергілікті «Тұран» командасының 3:0 есебімен осал тұсын тапты. Ойынның 12-минутында алматылық клубтан Вагнер Лав гол соқса, одан кейін Артур Шушеначев 47, Арсен Буранчиев 66-минуттарда есепті үстемелей түсті.
Айта кетейік, аталған турдағы төрт ойын кеше, 18 маусымда өткізілді. Бұл күні өз алаңында «Қызылжар» «Ақжайықтан», «Ордабасы» «Ақтөбеден» 0:1, «Атырау» «Астанадан» 0:2 есебімен жеңілсе , «Шахтер» «Таразды» 1:0 есебімен тізе бүктірді.

«Қайсар» 11 ойыннан кейін жеңіске жетті

<a href="https://kyzylorda-news.kz/">Kyzylorda-news.kz</a>. 16 маусымда Еуро 2020/2021 ойындарының екінші туры басталады. Оны Финляндия – Ресей ойыны ашады, ол Санкт-Петербургта “Газпром Аренада” өтеді
Турнирге 24 команда қатысады. Бірінші тур чемпионаттағы қызықтар енді басталатынын көрсетті.
Екінші турдың кестесі мен трансляцияның басталу уақытын&nbsp;<a href="https://sputnik.kz/?_ga=2.241635205.622814933.1623728501-1999925870.1623728501">Sputnik</a>&nbsp;инфографикасынан көріңіз.
<img src="https://kyzylorda-news.kz/wp-content/uploads/2021/06/17349399.png" alt="" />
<h3 id="2020">Еуро-2020 екінші турының кестесі</h3>
Екінші тур 16 маусымда Санкт-Петербургтегі “Газпром Арена” стадионында басталады. “B” тобында Финляндия құрамасы Ресей құрамасымен кездеседі. Бірінші турда финдер Данияны 0:1 есебімен жеңді, ал ресейліктер бельгиялықтарға 3:0 есебімен ұтылды.
А тобы
<ul>
<li>16 маусым – Түркия – Уэльс, Бакудегі “Олимпийский” стадионы (трансляцияның басталуы Нұр-Сұлтан уақыты бойынша сағат 22:00/ Мәскеу уақыты бойынша 19:00)</li>
<li>16 маусым – Италия – Швейцария, Римдегі Олимпиада стадионы (Нұр-Сұлтан уақыты бойынша сағат 01:00/ Мәскеу уақыты бойынша 22:00)</li>
</ul>
B тобы
<ul>
<li>16 маусым – Финляндия – Ресей, Санкт-Петербургтегі “Газпром Арена” (Нұр-Сұлтан уақыты бойынша 19:00/ Мәскеу уақыты бойынша 16:00)</li>
<li>17 маусым – Дания – Бельгия, Копенгагендегі “Паркен” стадионы (Нұр-Сұлтан уақыты бойынша сағат 22:00/ Мәскеу уақыты бойынша 19:00)</li>
</ul>
С тобы
<ul>
<li>17 маусым – Украина – Солтүстік Македония, Бухаресттегі ұлттық стадион (Нұр-Сұлтан уақытымен сағат 19:00/ Мәскеу уақыты бойынша 16:00)</li>
<li>17 маусым – Нидерланд – Австрия, Амстердамдағы “Йохан Кройфф Арена” (Нұр-Сұлтан уақыты бойынша сағат 01:00/ Мәскеу уақыты бойынша 22:00)</li>
</ul>
D тобы
<ul>
<li>18 маусым – Хорватия – Чехия, Глазгодағы “Хэмпден Парк” стадионы (Нұр-Сұлтан уақыты бойынша сағат 22:00/ Мәскеу уақыты бойынша 19:00)</li>
<li>18 маусым – Англия – Шотландия, Лондондағы “Уэмбли” стадионы (Нұр-Сұлтан уақыты бойынша сағат 01:00/ Мәскеу уақыты бойынша 22:00)</li>
</ul>
Е тобы
<ul>
<li>18 маусым – Швеция – Словакия, Санкт-Петербургтегі “Газпром Арена” (Нұр-Сұлтан уақыты бойынша 19:00/ Мәскеу уақыты бойынша 16:00)</li>
<li>19 маусым – Испания – Польша, Бильбаодағы “Сан-Мамес” стадионы (Нұр-Сұлтан уақыты бойынша сағат 01:00/ Мәскеу уақыты бойынша 22:00)</li>
</ul>
F тобы
<ul>
<li>19 маусым – Венгрия – Франция, Будапештегі “Пушкаш Арена” (Нұр-Сұлтан уақыты бойынша сағат 19:00/ Мәскеу уақыты бойынша 16:00)</li>
<li>19 маусым – Португалия – Германия, Мюнхендегі “Альянц Арена” (Нұр-Сұлтан уақыты бойынша 22:00/ Мәскеу уақыты бойынша 19:00)</li>
</ul>
<h3 id="">Чемпионаттың екінші турын қайдан көруге болады</h3>
Екінші тур ойындарын&nbsp;<a href="https://qazaqstan.tv/live">Qazaqstan</a>&nbsp;және&nbsp;<a href="https://qazsporttv.kz/ru/live">Qazsport</a>&nbsp;телеарналары көрсетеді.
Спутниктік және кабельдік теледидар арқылы матчтарды “Первый канал”, “Ресей 1” және “Матч ТВ” арнасынан көруге болады.
<h3 id="-1">Бірінші тур қалай өтті</h3>
Еуропа чемпионатына қатысатын барлық команда алғашқы турда ойнаған жоқ, бірақ чемпионат эмоцияға толы болды. Оның ішінде Дания құрамасының футболшысы Кристиан Эриксеннің жүрек ұстамасы, оны дәрігерлердің футбол алаңында дефибриллятордың көмегімен реанимациялағаны қызу талқыланды.
Футболдың өзіне келер болсақ, Англия құрамасының тарихи жетістігінен басқа ешқандай сенсация болған жоқ: команда алғаш рет Еуропа чемпионатын жеңіспен бастады.
Сегіз ойында да танымал фавориттер жеңіске жетті. Ерекше жағдай ретінде Дания – Финляндия ойынын атауға болады, бірақ бұл жерде Эриксеннің жағдайы үлкен рөл атқарды. Уэльс пен Швейцария арасында бір ғана тең ойын тіркелді. Матч 1:1 есебімен аяқталды.
Сондай-ақ, 2020/2021 ойындарындағы алғашқы гол ретінде Түркия құрамасының қорғаушысы Мерих Демиралдың автоголы тіркелді. Бұған дейін турнир тарихында автогол алғашқы гол болған емес.
&nbsp;<a href="https://sputnik.kz/?_ga=2.241635205.622814933.1623728501-1999925870.1623728501">Sputnik</a>

Қазақстан және Қызылорда облысының жаңалықтары: Спорт