<a href="https://kyzylorda-news.kz/">Kyzylorda-news.kz</a>.&nbsp; Облыстық дене шынықтыру және спорт басқармасының басшысы Жақсылық Оспанов Өңірлік коммуникациялар қызметінің ақпараттық алаңында 2021 жылдың 1-жартыжылдығында атқарылған жұмыстар және Токио Олимпиадасына жолдама алған Сыр спортшылары жайлы баспасөз-конференциясын өткізді.
Сондай-ақ, баспасөз-конференциясына каратэден ҚР халықаралық дәрежедегі спорт шебері Мөлдір Жаңбырбай қатысып, өзінің дайындығымен бөлісті.
Қазіргі таңда, өңірімізде дене шынықтыру және спортпен жүйелі түрде шұғылданушылар қатары 31,3 пайызға көтеріліп, 254 101 адамға жетіп отыр.
Бұқаралық спортты одан әрі дамыту үшін 282 спорт нұсқаушы 138 елді мекенде,42 мың адамды тұрақты дене шынықтырумен шұғылдануға баулып келеді.
Бұқаралық спортты дамытудың негізгі жолы – жарыстарды көптеп өткізіп, халықты спортқа тарту. 
Осы мақсатта облыс аумағында жыл басынан бері 375 бұқаралық спорттық іс-шаралар өткізіліп, оған 31 219 адам қатысты.
Есепті кезеңде спорт түрлерінен 6 Қазақстан Республикасының чемпионаты мен кубогы(самбо, ауыр атлетика онлайн жүйеде 2 рет өткізілді, гандбол, спорттық би, велоспорт),19 республикалық және​ 72 облыс біріншіліктері ұйымдастырылды. Аталған жарыстар ҚР Тәуелсіздігінің 30 жылдығы аясында өткізілді. 
Халықтың спорттық нысандарға қолжетімділігін арттыру мақсатында ​ 5 спорт кешені «Ауыл ел бесігі» бағдарламасы аясында осы жылы құрылысы басталады.
Сонымен бірге, «Самрұқ» корпоративтік қорының демеушілігімен Қызылорда қаласы, Ж.Махамбетов ауылдық округінен көпфункционалды спорт кешенінің құрылысы салынады.
Сондай-ақ, «Нұрсәт» теннис орталығының 4 жабық теннис кортының және байдарка, каноэде есу базасының құрылыстары аяқталды.
Бұқаралық спортты дамыту мен қатар бәсекеге қабілетті біліктілігі жоғары спортшыларды әзірлеу жұмыстары жүргізілуде. 
Жоғарғы білікті спортшылар және спорт резервін әзірлеу бағытында балаларға арналған мектеп-интернат-колледжі, облыстық жоғары спорт шеберлігі мектебі, олимпиадалық даярлау орталығы және 21 балалар мен жасөспірімдер спорт мектептерінде 20​ 516 оқушы 47 спорт түрімен тегін шұғылданады.
Атқарылған жұмыстардың нәтижесінде, облыс спортшылары ҚР чемпионаттары мен кубоктарында 557 медальдарды жеңіп алса, Әлем және Азия чемпионаттарында 47 медальдарға қол жеткізді. 
18 – ҚР спорт шебері, 147 – ҚР спорт шеберлігіне үміткер, 32 – І-ші cпорттық разрядты спортшылар дайындалды. 
Үстіміздегі жылдың 4 шілде күні Нұр-Сұлтан қаласында Қазақстан Республикасының Тұңғыш Президенті жүлдесі үшін өтетін​ «Қазақстан барысы» республикалық турниріне облыстан Нұрым Сәлімгереев пен Мақсат Исағабылов қатысады.
Коронавирус пандемиясына байланысты бір жылға шегерілген Жапония астанасы Токиодағы өтетін XXXII жазғы Олимпиада ойындары биыл 23 шілде мен 8 тамыз аралығында өтеді. 
Төрт жылда бір рет келетін ең ірі халықаралық кешенді​ спорттық жарыс – Токио Олимпиадасына​ Қызылорда облысынан 3 спортшы жолдама алды.
Оның ішінде,​ 2019 жылы Нұр-Сұлтан қаласында еркін күрестен өткен Әлем чемпионатында Дәулет Ниязбеков 65 келі салмақта күмісті иеленіп, Токионың алғашқы жолдамасын жеңіп алған болатын.
2020 жылы Иордания астанасы​ – Амман​ қаласында бокстан өткізілген лицензиялық турнирде​ Қамшыбек Қоңқабаев 91 келіден жоғары салмақта қола жүлдені иеленіп, облыстан екінші​ жолдаманы иеленді. 
Ал биылғы жылдың 11-13 маусым күндері Францияның Париж қаласында каратэден өткен лицензиялық турнирде Мөлдір Жаңбырбай 55 келі салмақта күміс жүлдені еншілеп, үшінші жолдаманы жеңіп алды. Қазіргі таңда​ спортшылар соңғы жарыстары мен оқу-жаттығу жиындарына қатысуда, содан кейін Токиоға аттанады.

Токио Олимпиадасына жолдама алған Сыр спортшыларының дайындығы қандай?

<a href="https://kyzylorda-news.kz/">Kyzylorda-news.kz</a>.&nbsp; Жиырмасыншы маусымда Еуро 2020/2021 чемпионатының үшінші туры басталды. Римде Италия – Уэльс пен Бакуде Швейцария – Түркия кездесуі өтті.
Еуропа чемпионаты тура бір айға – 2021 жылдың 11 маусымынан 11 шілдесіне дейін созылады.
Бұл чемпионат Францияда өткен тұңғыш турнирдің 60 жылдығына арналған болатын. Алайда коронавирус пандемиясына байланысты спорт шарасын 2020 жылдан 2021 жылға ауыстыруға тура келді.
Тартысқа толы жарыс қай күндері және нешеде өтетінін&nbsp;<a href="https://sputnik.kz/">Sputnik</a>&nbsp;инфографикасынан оқыңыз.
<img src="https://kyzylorda-news.kz/wp-content/uploads/2021/06/17397250.png" alt="" />
<h3 id="2020">Еуро-2020 үшінші турының кестесі</h3>
Еуро 2020/2021 топтық кезеңінің үшінші туры Италия мен Уэльс, сондай-ақ Швейцария мен Түркия құрама командаларының арасында өтетін жарыспен ашылды.
А тобы
20 маусым – Италия – Уэльс,&nbsp;Римдегі Олимпиада стадионы (Трансляцияның басталуы – Нұр-Сұлтан уақыты бойынша 22:00)
20 маусым – Швейцария – Түркия,&nbsp;Бакудегі Олимпиада стадионы (Нұр-Сұлтан уақыты бойынша 22:00)
С тобы 
21 маусым – Солтүстік Македония – Нидерланды,&nbsp;Амстердамдағы “Йохан Кройфф Арена” стадионы (Нұр-Сұлтан уақыты бойынша 22:00)
21 маусым – Украина – Австрия,&nbsp;Бухарестегі Ұлттық стадион (Нұр-Сұлтан уақыты бойынша 22:00)
В тобы
21 маусым – Ресей – Дания,&nbsp;Копенгагендегі “Паркен” стадионы (Нұр-Сұлтан уақыты бойынша 22 маусым сағат 01:00)
21 маусым – Финляндия – Бельгия,&nbsp;“Газпром Арена” стадионы (Нұр-Сұлтан уақыты бойынша 22 маусым сағат 01:00)
D тобы
22 маусым – Чехия – Англия,&nbsp;Лондондағы “Уэмбли” стадионы (Нұр-Сұлтан уақыты бойынша 23 маусым сағат 01:00)
22 маусым – Хорватия – Шотландия,&nbsp;Глазгодағы “Хэмпден Парк” стадионы (Нұр-Сұлтан уақыты бойынша 23 маусым сағат 01:00)
Е тобы
23 маусым – Швеция – Польша,&nbsp;Санкт-Петербургтегі “Газпром Арена” стадионы (Нұр-Сұлтан уақыты бойынша 22:00)
23 маусым – Словакия – Испания,&nbsp;Севильядағы Олимпиада стадионы (Нұр-Сұлтан уақыты бойынша 22:00)
F тобы 
23 маусым – Португалия – Франция, Будапешттегі “Пушкаш Арена” (Нұр-Сұлтан уақыты бойынша 24 маусым сағат 01:00)
23 маусым – Германия – Венгрия,&nbsp;Мюнхендегі “Альянц Арена” (Нұр-Сұлтан уақыты бойынша 24 маусым сағат 01:00.
<h3 id="">Еуропа чемпионатына кім қатысады</h3>
Жарысқа 24 команда қатысады: 20 команда біліктілігі бойынша өтсе, тағы төрт құрама УЕФА – Ұлттық лига турнирінің арқасында қатысады.
F тобындағы құрамалар арасындағы жарыс ең тартысты ойын болады деп күтілуде. Мұнда Әлем (Франция) мен Еуропаның (Португалия) қазіргі чемпиондары және алдыңғы әлем чемпиондары (Германия) жиналған.
Бір айға созылатын турнир кезінде жанкүйерлер 51 ойынды тамашалай алады: 36 ойын топтық кезеңде өтеді және тағы 15 кездесу плей-офф аясында өтеді.
<h3 id="2020-1">Еуро-2020 қай қалаларда өтеді</h3>
Еуропа чемпионатының матчтары он бір қалада өтеді: Амстердам, Баку, Будапешт, Бухарест, Глазго, Копенгаген, Лондон, Мюнхен, Рим, Санкт-Петербург және Севилья.
Турнирдің бас қаласы – Лондон. Дәл осы шаһарда құрамалар арасындағы сегіз кездесу, оның ішінде шешуші кездесулер – жартылай финал мен финал өтеді.
Көрермендерге стадиондарға кіруге рұқсат беріледі. Бірақ стадионның көрермендерге толу деңгейі 50%-тен аспауы керек. Турнирдің бойтұмары ретінде фристайл мен көше футболын жақсы көретін Скиллзи атты ұл бала таңдалды.
<a href="https://sputnik.kz/infographics/20210621/17397186/Europa-chempionaty-2020.html">Sputnik</a>

Еуропа чемпионаты: Үшінші турдың кестесі

<a href="https://kyzylorda-news.kz/">Kyzylorda-news.kz</a>. Токио-2020 Олимпиадасына қатысушылардың бірінде жаңа коронавирус жағдайы анықталды, деп хабарлайды «Хабар 24».
Бокстан Уганданың құрама командасындағы тоғыз спортшы мен жаттықтырушы Токио маңындағы Нарита әуежайына кешкі сағат алты шамасында ұшып келді, әуежайдағы спортшылардың бірінде Covid-19-ға сынама тапсыру кезінде оң нәтиже көрсеткен.
Угандалық спортшы екі рет сынама тапсырған. Екеуінде де оң нәтиже берген соң, ол арнайы тағайындалған мекемеде оқшауға алынды, ал қалғандары өздерінің жаттығуын өткізетін Осака қаласына барады.
Хабарламада айтылғандай, Уганда командасының барлық мүшелері екі рет AstraZeneca вакцинасын алған және Жапонияға кетерден 72 сағат бұрын сынақтан өткен.
Айта кетейік, Токио-2020 жазғы ойындарына әлемнің түкпір-түкпірінен мыңдаған адам шоғырланатындықтан, аталмыш жарыс кейінге қалдырылған болатын.&nbsp;
Ұйымдастырушылар отандық көрермендерді ойындарға арналған стадиондарға кіргізуге байланысты арнайы шешімдер қабылдады, шетелдік көрермендер төртжылдықтың бас додасына кіргізілмейді.
Токио-2020 президенті Денсаулық сақтау саласындағы мемлекеттік сарапшылар жеке аудиторияға қарсы ескерту жасағанына қарамастан, бір орынға 10 000 адамнан келетін шекті көлемді қарастырған.
Ашылу салтанатына шенеуніктер 20000 адамға қатысуға рұқсат беруді қарастыруда, деп хабарлады жапондық Nippon Television телекомпаниясы жексенбіде.
Алғаш болып 1 маусымда Жапония астанасына софтболдан Австралияның әйелдер құрамасы келген, ал Уганда командасы турнирге келген шетелдік спортшылардың екінші тобы болды.

Токио Олимпиадасы: Қатысушылар арасында алғашқы Covid-19 жағдайы анықталды

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласындағы Ғани Мұратбаев атындағы орталық стадион манежінде мүмкіндігі шектеулі азаматтар арасында нысана көздеуден іріктеу жарысы өтті.
Жарыстың бас төрешісі Жұмабек Дәрмен хабарлағандай, жарысқа Қызылорда қаласы мен аудан командалары қатысты.
Мақсаты – қыркүйек айында Нұр-Сұлтан қаласында өтетін ҚР спартакиадасына облыс құрамасын жасақтау, салауатты өмір салтын насихаттау, мүмкіндігі шектеулі азаматтардың дене дайындығын жетілдіріп, спортпен тұрақты шұғылдануға тарту.
Жарыс нәтижесінде жекелей сында ерлер арасында R-1 бағдарламасы бойынша Жалағаштан келген Азамат Нұрғали мергендік танытты. Сырдариялық Рахмет Нұрмағанбет – екінші, аралдық Мейрамбек Әлманов үшінші орындарды иеленді. R-2 бағдарламасында әйелдер арасында жалағаштық Салтанат Дәржанның мерейі үстем болды. Сырдариялық Сандуғаш Бакеева – күміс, аралдық Айман Сұлтаева – қола жүлделерге ие болды.
P-1 бағдарламасы бойынша ерлер арасында қызылордалық Александр Огай жеңіс тұғырына көтерілсе, жалағаштық Мұрат Тасберген екінші, сырдариялық Бекболат Қапанов үшінші орындардан көрінді.
P-2 бойынша әйелдер арасында Жалағаш ауданының спортшысы Гүлжанат Кеңесова алтын, сырдариялық Аякөз Әймен күміс, қызылордалық Роза Смағұлова қола жүлделерді еншіледі.
<img src="https://kyzylorda-news.kz/wp-content/uploads/2021/06/203700315_6407303925962440_6004058148149469259_n.jpg" alt="" />
<img src="https://kyzylorda-news.kz/wp-content/uploads/2021/06/205111943_6407301505962682_6227434488222238708_n.jpg" alt="" />
<img src="https://kyzylorda-news.kz/wp-content/uploads/2021/06/204103125_6407303012629198_4441661615698299945_n.jpg" alt="" />
<img src="https://kyzylorda-news.kz/wp-content/uploads/2021/06/204169127_6407305075962325_8006164397368635779_n.jpg" alt="" />
<img src="https://kyzylorda-news.kz/wp-content/uploads/2021/06/204041917_6407304402629059_4708725426049785041_n.jpg" alt="" />
<img src="https://kyzylorda-news.kz/wp-content/uploads/2021/06/204001390_6407301045962728_4229181991931881271_n.jpg" alt="" />
<img src="https://kyzylorda-news.kz/wp-content/uploads/2021/06/203215606_6407300655962767_8513099902755401980_n.jpg" alt="" />

Қызылордада мүмкіндігі шектеулі азаматтар арасында нысана көздеуден жарыс болды

Kyzylorda-news.kz. Футболдан Премьер-лига командалары арасындағы ел біріншілігінің он алтыншы туры мәресіне жетті, деп хабарлайды ҚазАқпарат.
Аталған турда бүгін үш кездесу өткізілді. Ал төрт кездесу кеше болды.
Бүгінгі алғашқы ойында Қостанайдың «Тобылы» өз алаңында Талдықорғанның «Жетісуынан» 2:1 есебімен басым түсті. Бұл кездесудегі үш гол да пенальтиден соғылды. Бірінші кезеңнің 19-минутында талдықорғандық Аслан Әділ сол мүмкіндікті мүлт жіберген жоқ. Ал қостанайлық клубтан Неманья Николич 37, Азат Нұрғалиев 47-минуттарда қақпашыны қапы қалдырды.
Тағы бір кездесуде Қызылорданың «Қайсары» сырт алаңда Ақтаудың «Каспий» клубын 4:2 есебімен жеңді. «Қайсар» құрамынан бірінші кезеңнің 25-минутында Кларенс Битанг қарсыластар қақпасының торын тулатса, екінші кезеңнің 74, 78-минуттарында Каролис Лаукжемис қос голдың авторы атанды. Ал Думан Нәрзілдаев 85-минутта есепті ұлғайтса, оған «Каспий» құрамынан Руслан Мингазов 86, Рамазан Каримов 90-минуттарда екі голмен жауап қайырды. Осылайша қызылордалық команда 12 ойынға созылған сәтсіздіктер сериясын тоқтатты.
Алматының «Қайраты» Түркістанда жергілікті «Тұран» командасының 3:0 есебімен осал тұсын тапты. Ойынның 12-минутында алматылық клубтан Вагнер Лав гол соқса, одан кейін Артур Шушеначев 47, Арсен Буранчиев 66-минуттарда есепті үстемелей түсті.
Айта кетейік, аталған турдағы төрт ойын кеше, 18 маусымда өткізілді. Бұл күні өз алаңында «Қызылжар» «Ақжайықтан», «Ордабасы» «Ақтөбеден» 0:1, «Атырау» «Астанадан» 0:2 есебімен жеңілсе , «Шахтер» «Таразды» 1:0 есебімен тізе бүктірді.

«Қайсар» 11 ойыннан кейін жеңіске жетті

<a href="https://kyzylorda-news.kz/">Kyzylorda-news.kz</a>. 16 маусымда Еуро 2020/2021 ойындарының екінші туры басталады. Оны Финляндия – Ресей ойыны ашады, ол Санкт-Петербургта “Газпром Аренада” өтеді
Турнирге 24 команда қатысады. Бірінші тур чемпионаттағы қызықтар енді басталатынын көрсетті.
Екінші турдың кестесі мен трансляцияның басталу уақытын&nbsp;<a href="https://sputnik.kz/?_ga=2.241635205.622814933.1623728501-1999925870.1623728501">Sputnik</a>&nbsp;инфографикасынан көріңіз.
<img src="https://kyzylorda-news.kz/wp-content/uploads/2021/06/17349399.png" alt="" />
<h3 id="2020">Еуро-2020 екінші турының кестесі</h3>
Екінші тур 16 маусымда Санкт-Петербургтегі “Газпром Арена” стадионында басталады. “B” тобында Финляндия құрамасы Ресей құрамасымен кездеседі. Бірінші турда финдер Данияны 0:1 есебімен жеңді, ал ресейліктер бельгиялықтарға 3:0 есебімен ұтылды.
А тобы
<ul>
<li>16 маусым – Түркия – Уэльс, Бакудегі “Олимпийский” стадионы (трансляцияның басталуы Нұр-Сұлтан уақыты бойынша сағат 22:00/ Мәскеу уақыты бойынша 19:00)</li>
<li>16 маусым – Италия – Швейцария, Римдегі Олимпиада стадионы (Нұр-Сұлтан уақыты бойынша сағат 01:00/ Мәскеу уақыты бойынша 22:00)</li>
</ul>
B тобы
<ul>
<li>16 маусым – Финляндия – Ресей, Санкт-Петербургтегі “Газпром Арена” (Нұр-Сұлтан уақыты бойынша 19:00/ Мәскеу уақыты бойынша 16:00)</li>
<li>17 маусым – Дания – Бельгия, Копенгагендегі “Паркен” стадионы (Нұр-Сұлтан уақыты бойынша сағат 22:00/ Мәскеу уақыты бойынша 19:00)</li>
</ul>
С тобы
<ul>
<li>17 маусым – Украина – Солтүстік Македония, Бухаресттегі ұлттық стадион (Нұр-Сұлтан уақытымен сағат 19:00/ Мәскеу уақыты бойынша 16:00)</li>
<li>17 маусым – Нидерланд – Австрия, Амстердамдағы “Йохан Кройфф Арена” (Нұр-Сұлтан уақыты бойынша сағат 01:00/ Мәскеу уақыты бойынша 22:00)</li>
</ul>
D тобы
<ul>
<li>18 маусым – Хорватия – Чехия, Глазгодағы “Хэмпден Парк” стадионы (Нұр-Сұлтан уақыты бойынша сағат 22:00/ Мәскеу уақыты бойынша 19:00)</li>
<li>18 маусым – Англия – Шотландия, Лондондағы “Уэмбли” стадионы (Нұр-Сұлтан уақыты бойынша сағат 01:00/ Мәскеу уақыты бойынша 22:00)</li>
</ul>
Е тобы
<ul>
<li>18 маусым – Швеция – Словакия, Санкт-Петербургтегі “Газпром Арена” (Нұр-Сұлтан уақыты бойынша 19:00/ Мәскеу уақыты бойынша 16:00)</li>
<li>19 маусым – Испания – Польша, Бильбаодағы “Сан-Мамес” стадионы (Нұр-Сұлтан уақыты бойынша сағат 01:00/ Мәскеу уақыты бойынша 22:00)</li>
</ul>
F тобы
<ul>
<li>19 маусым – Венгрия – Франция, Будапештегі “Пушкаш Арена” (Нұр-Сұлтан уақыты бойынша сағат 19:00/ Мәскеу уақыты бойынша 16:00)</li>
<li>19 маусым – Португалия – Германия, Мюнхендегі “Альянц Арена” (Нұр-Сұлтан уақыты бойынша 22:00/ Мәскеу уақыты бойынша 19:00)</li>
</ul>
<h3 id="">Чемпионаттың екінші турын қайдан көруге болады</h3>
Екінші тур ойындарын&nbsp;<a href="https://qazaqstan.tv/live">Qazaqstan</a>&nbsp;және&nbsp;<a href="https://qazsporttv.kz/ru/live">Qazsport</a>&nbsp;телеарналары көрсетеді.
Спутниктік және кабельдік теледидар арқылы матчтарды “Первый канал”, “Ресей 1” және “Матч ТВ” арнасынан көруге болады.
<h3 id="-1">Бірінші тур қалай өтті</h3>
Еуропа чемпионатына қатысатын барлық команда алғашқы турда ойнаған жоқ, бірақ чемпионат эмоцияға толы болды. Оның ішінде Дания құрамасының футболшысы Кристиан Эриксеннің жүрек ұстамасы, оны дәрігерлердің футбол алаңында дефибриллятордың көмегімен реанимациялағаны қызу талқыланды.
Футболдың өзіне келер болсақ, Англия құрамасының тарихи жетістігінен басқа ешқандай сенсация болған жоқ: команда алғаш рет Еуропа чемпионатын жеңіспен бастады.
Сегіз ойында да танымал фавориттер жеңіске жетті. Ерекше жағдай ретінде Дания – Финляндия ойынын атауға болады, бірақ бұл жерде Эриксеннің жағдайы үлкен рөл атқарды. Уэльс пен Швейцария арасында бір ғана тең ойын тіркелді. Матч 1:1 есебімен аяқталды.
Сондай-ақ, 2020/2021 ойындарындағы алғашқы гол ретінде Түркия құрамасының қорғаушысы Мерих Демиралдың автоголы тіркелді. Бұған дейін турнир тарихында автогол алғашқы гол болған емес.
&nbsp;<a href="https://sputnik.kz/?_ga=2.241635205.622814933.1623728501-1999925870.1623728501">Sputnik</a>

Еуропа чемпионаты: Екінші турдың кестесі

<a href="https://kyzylorda-news.kz/">Kyzylorda-news.kz</a>. Көкшетау қаласында тас жолдағы велоспорттан жасөспірімдер арасында Қазақстан Республикасының чемпионаты өтті.
Дүбірлі бәсекеде №3 облыстық олимпиадалық резервтің мамандандырылған балалар-жасөспірімдер мектебінің спортшылары жақсы өнер көрсетіп, облыс қоржынына 7 медаль салды.
80 шақырымдық топтық жарыста Аслан Силықбек жеңіс тұғырына көтерілді. 52 шақырымдық топтық жарыста Санжар Магдеев күміс жүлдеге ие болса, 10 шақырымдық жекелей жарыста Аружан Тоқбаеваға қола жүлде бұйырды. 15 шақырымдық жұптық-командалық жарыста Бибінұр Бектаева мен Аружан Тоқбаева мәреге бірінші болып жетті. Ал критериум сайысында Аружан Тоқбаева екінші, Бибінұр Бектаева үшінші орындарға жайғасты.
Енді спортшылар 23-26 маусым аралығында Нұр-Сұлтан қаласында тректен өтетін Қазақстан чемпионатына қатысады.

Қызылордалық велоспортшылар Қазақстан чемпионатында 7 медаль иеленді

<a href="https://kyzylorda-news.kz/">Kyzylorda-news.kz</a>.&nbsp; Тәуелсіздіктің 30 жылдық мерейтойына арналған Қазақстан Республикасының XI жазғы Универсиадасы өз мәресіне жетті. Еліміздегі 100-ден аса жоғары оқу орны ішінен, 60 университет өз студенттеріне&nbsp; шараға қатысуға жағдай жасап, додаға қосты. Қорқыт ата атындағы Қызылорда университетінің спортшылары жалпы командалық есепте бестікке кірді.
Спорттың 20 түрінен 136 спортшы жарыста бақ сынады. Нәтижесінде университет қоржынына 11 алтын, 10 күміс, 25 қола медаль түскен. Спорттың командалық түрлері бойынша тоғызқұмалақтан – 1 орын, армрестлинг, шахмат, волейбол, шағын футболдан – 3 орын иеленді.
<blockquote>
 «Бұл университетте жүйелі түрде спортшыларды жан-жақты қолдауға бағытталған жұмыстардың нәтижесі. Жеңімпаздар елдің құрама командасы сапында 2022 жылы Қытайда өтетін Дүниежүзілік жазғы универсиадаға қатысуға жолдама алды. Университетте студенттер үшін 11 спорттық секция жұмыс жасайды. Оқу ордамызда Әлем чемпионатының – 9, Азия чемпионатының – 27, Қазақстан чемпионатының – 120 жеңімпазы мен жүлдегері білім алуда», – дейді дене шынықтыру және бастапқы әскери дайындық кафедрасының меңгерушісі Талант Бимаханов.
</blockquote>
<img src="https://kyzylorda-news.kz/wp-content/uploads/2021/06/2-3.jpg" alt="" />
<img src="https://kyzylorda-news.kz/wp-content/uploads/2021/06/3.jpg" alt="" />
<img src="https://kyzylorda-news.kz/wp-content/uploads/2021/06/4.jpg" alt="" />

Қызылордалық студенттер дүниежүзілік универсиадаға жолдама алды

<a href="https://kyzylorda-news.kz/">Kyzylorda-news.kz</a>. Қызылорда қаласында КСРО спорт шебері, ҚР еңбек сіңірген жаттықтырушысы Тимур Сегізбаевты еске алуға арналған футболдан 2009 жылы туылған жасөспірімдер арасында облыстық турнир аяқталды.
Қазақстан Тәуелсіздігінің 30 жылдығы аясында биыл он екінші мәрте ұйымдастырылған турнирге Байқоңыр, Қызылорда қалаларынан және аудандардан 8 команда 120 спортшы сынға түсті.
Турнир нәтижесінде “Қайсар” футбол орталығының өрендері көш бастаса, екінші орынды Арал ауданы, үшінші орынды Қызылорда облысының №6 футбол жөніндегі олимпиадалық резервтің мамандандырылған балалар-жасөспірімдер мектебі, төртінші орынды Жаңақорған ауданының командалары иеленді.
Жарыста «Үздік қақпашы» номинациясы бойынша Ғанибек Өтеміс (Арал), «Үздік қорғаушы» Құл-Мұхаммед Әбдірахманов (Жаңақорған), «Үздік жартылай қорғаушы» Нұрдәулет Айтбай (# 6ОРМБЖМ), «Үздік шабуылшы» Ерсұлтан Біртай (“Қайсар” ФО), «Үздік ойыншы» Азат Айбын (“Қайсар” ФО) марапатталды.
Жеңімпаз, жүлдегер командалар және үздік ойыншылар облыстық дене шынықтыру және спорт басқармасының, облыстық футбол федерациясының диплом, медаль, кубок, естелік сыйлықтарымен марапатталды.
<img src="https://kyzylorda-news.kz/wp-content/uploads/2021/06/201421442_6375316595827840_2376703540883512106_n.jpg" alt="" />
<img src="https://kyzylorda-news.kz/wp-content/uploads/2021/06/199624309_6375314875828012_6259191866877651505_n.jpg" alt="" />

«Қайсар» футбол орталығының жасөспірімдері Тимур Сегізбаев турнирінің жеңімпазы атанды

Kyzylorda-news.kz. Францияның Париж қаласында каратэден өтіп жатқан соңғы лицензиялық турнирде жерлесіміз Мөлдір Жаңбырбай 55 келі салмақ дәрежесінде күміс жүлдегер атанып, Токио Олимпиадасының жолдамасына ие болды.
Жарыс ережесі бойынша алғашқы үш орынды иеленген спортшыларға ғана Олимпиада жолдамасы табысталады.
Айта кетейік, қызылордалық спортшыларда Токио Олимпиадасына үш лицензия бар. Олар: ҚР еңбек сіңірген спорт шеберлері, боксшы Қамшыбек Қоңқабаев, еркін күрес балуаны Дәулет Ниязбеков және ҚР халықаралық дәрежедегі спорт шебері, каратэші Мөлдір Жаңбырбай.
Мөлдір Жаңбырбайды жеңісімен және жолдама алуымен шын жүректен құттықтаймыз!
Спортшыларымыз Токиода еліміздің абыройын асқақтатып, көк туымызды көкке көтереді деген сенімдеміз!

Қызылордалық Мөлдір Жаңбырбай Токио олимпиадасының жолдамасына ие болды

<a href="https://kyzylorda-news.kz/">Kyzylorda-news.kz</a>. Қазақстандық арналарындағы UEFA EURO 2020 матчтарының трансляция кестесі жарияланды.
Айта кетейік, UEFA EURO-2020 турнирі 11 маусым – 11 шілде аралығында өтеді.
Футболдан Еуропа біріншілігі өткен жылы өтуі тиіс еді. Алайда коронавирус пандемиясына байланысты бір жылға шегерілген болатын.
Қазақстандық жанкүйерлер чемпионаттың барлық ойындарын «Qazaqstan» мен «Qazsport» арналарынан тікелей эфирде көре алады. Еуропа чемпионатының финалдық кезеңіне шыққан 24 құрама 6 топқа бөлінген.
Назарларыңызға телеарналардан көрсетілетін трансляциялар кестесін ұсынамыз:
11 маусым, 00:50 – А тобы: Түркия – Италия, Live «Qazaqstan» және «Qazsport»
12 маусым, 18:50 – А тобы: Уэльс – Швейцария, Live «Qazsport»
12 маусым, 21:50 – В тобы: Дания – Финляндия, Live «Qazaqstan»
12 маусым, 00:50 – В тобы: Бельгия – Ресей, Live «Qazaqstan»
13 маусым, 18:50 – D тобы: Англия – Хорватия, Live «Qazaqstan»
13 маусым, 21:50 – C тобы: Австрия – Солтүстік Македония, Live «Qazaqstan»
13 маусым, 00:50 – C тобы: Нидерланд – Украина, Live «Qazsport»
14 маусым, 18:50 – D тобы: Шотландия – Чехия, Live «Qazsport»
14 маусым, 21:50 – E тобы: Польша – Словакия, Live «Qazsport»
14 маусым, 00:50 – E тобы: Испания – Швеция, Live «Qazaqstan»
15 маусым, 21:50 – F тобы: Венгрия – Португалия, Live «Qazsport»
15 маусым, 00:50 – F тобы:Франция – Германия, Live «Qazaqstan»
16 маусым, 18:50 – B тобы: Финляндия – Ресей, Live «Qazaqstan»
16 маусым, 21:50 – А тобы: Түркия – Уэльс, Live «Qazsport»
16 маусым, 00:50 – А тобы: Италия – Швейцария, Live «Qazaqstan»
17 маусым, 18:50 – C тобы: Украина – Солтүстік Македония, Live «Qazsport»
17 маусым, 21:50 – B тобы: Дания – Бельгия, Live «Qazaqstan»
17 маусым, 00:50 – C тобы: Нидерланд – Австрия, Live «Qazsport»
18 маусым, 18:50 – E тобы: Швеция – Словакия, Live «Qazsport»
18 маусым, 21:50 – D тобы: Хорватия – Чехия, Live «Qazaqstan»
18 маусым, 00:50 – D тобы: Англия – Шотландия, Live «Qazaqstan»
19 маусым, 18:50 – F тобы: Венгрия – Франция, Live «Qazsport»
19 маусым, 21:50 – F тобы: Португалия – Германия, Live «Qazaqstan»
19 маусым, 00:50 – E тобы: Испания – Польша, Live «Qazaqstan»
20 маусым, 21:50 – A тобы: Швейцария – Түркия, Live «Qazsport»
20 маусым, 21:50 – A тобы: Италия – Уэльс, Live «Qazaqstan»
21 маусым, 21:50 – С тобы: Солтүстік Македония – Нидерланд, Live «Qazsport»
21 маусым, 21:50 – С тобы Украина – Австрия, Live «Qazaqstan»
21 маусым, 00:50 – B тобы: Ресей – Дания, Live «Qazaqstan»
21 маусым, 00:50 – B тобы: Финляндия – Бельгия, Live «Qazsport»
22 маусым, 00:50 – D тобы: Хорватия – Шотландия, Live «Qazsport»
22 маусым, 00:50 – D тобы: Чехия – Англия, Live «Qazaqstan»
23 маусым, 21:50 – Е тобы: Словакия – Испания, Live «Qazsport»
23 маусым, 21:50 – Е тобы: Швеция – Польша, Live «Qazaqstan»
23 маусым, 00:50 – F тобы: Португалия – Франция, Live «Qazaqstan»
23 маусым, 00:50 – F тобы: Германия – Венгрия, Live «Qazsport»
26 маусым, 21:50 – 1/8 финал, Live «Qazaqstan»
26 маусым, 00:50 – 1/8 финал, Live «Qazsport»
27 маусым, 21:50 – 1/8 финал, Live «Qazaqstan»
27 маусым, 00:50 – 1/8 финал, Live «Qazsport»
28 маусым, 21:50 – 1/8 финал, Live «Qazaqstan»
28 маусым, 00:50 – 1/8 финал, Live «Qazsport»
29 маусым, 21:50 – 1/8 финал, Live «Qazaqstan»
29 маусым, 00:50 – 1/8 финал, Live «Qazsport»
2 шілде, 21:50 – 1/4 финал, Live «Qazaqstan» және «Qazsport»
2 шілде, 00:50 – 1/4 финал, Live «Qazaqstan
3 шілде, 21:50 – 1/4 финал, Live «Qazaqstan» және «Qazsport»
3 шілде, 00:50 – 1/4 финал, Live «Qazaqstan» және «Qazsport»
6 шілде, 00:50 – 1/2 финал, Live «Qazaqstan» және «Qazsport»
7 шілде, 00:50 – 1/2 финал, Live «Qazaqstan» және «Qazsport»
11 шілде, 00:50 – Финал, Live «Qazaqstan» және «Qazsport».
60 жылдық тарихы бар турнир алғаш рет 11 қалада – Амстердам (Нидерланд), Баку (Әзірбайжан), Бухарест (Румыния), Будапешт (Венгрия), Копенгаген (Дания), Глазго (Шотландия), Лондон (Англия), Мюнхен (Германия), Рим (Италия), Санкт-Петербург (Ресей), Севильяда (Испания) бірдей өтпек.
<a href="https://www.inform.kz/kz">ҚазАқпарат</a>

Футболдан Еуропа біріншілігі: Турнир кестесі жарияланды

<a href="https://kyzylorda-news.kz/">Kyzylorda-news.kz</a>. Бүгін футболдан 2020 жылғы Еуропа чемпионатының финалдық кезеңі басталады.
Дүбірлі дода шымылдығы Түркия мен Италия құрамаларының кездесуімен түріледі. Ойын Италия астанасы Рим қаласындағы Олимпиадалық стадионда өткізіледі. Бұл матчта нидерландылық Данни Маккели бас қазы болса, оған отандастары Хессел Стегстра мен Ян де Врис көмекшілік жасайды. Қосалқы төреші – франциялық Стефани Фраппар.
Ойын елорда уақытымен 00:50-де «Qazaqstan» және «Qazsport» телеарналарынан тікелей эфирде көрсетіледі.
Бұған дейін екі құрама 14 мәрте кездескен. Оның 10-ында италиялық футболшылар басым түссе, 4-еуінде қос құрама тең нәтижені қанағат тұтты. Әлі күнге дейін түркиялық футболшылар аталған қарсыласынан басым түсіп көрген емес.
Еске салайық, құрлықтық дода он алтыншы мәрте өткізіліп отыр. Кәрі құрлықта 1960 жылы алғашқы Еуропа біріншілігі ұйымдастырылды. Аталған доп додасы 2021 жылы 12 маусым мен 12 шілде аралығында өткізілуі жоспарланған. Былтыр әлемді жайлаған коронавирус инфекцясына байланысты ол бір жылға кейін шегерілді. Ойындар дүбірлі дода тарихында тұңғыш рет Еуропаның 10 мемлекетінде орналасқан 11 стадионда болады. Бұл дүбірлі доданың 60 жылдық мерейтойына орай ұйымдастырылған.
Биылғы біріншілікте барлығы 24 құрама сынға түседі. Әрбір топтан үздік екі команда мен көрсеткіші жоғары төрт құрама жарысты жалғастыруға мүмкіндік алады.
Құрамалар төмендегі топтарға бөлінген:
А тобы: Уэльс, Швейцария, Түркия, Италия;
В тобы: Финляндия, Бельгия, Ресей, Дания;
С тобы: Украина, Австрия, Солтүстік Македония, Нидерланды;
D тобы: Хорватия, Шотландия, Чехия, Англия;
E тобы: Швеция, Польша, Словакия, Испания;
F тобы: Германия, Венгрия; Португалия, Франция;
<a href="https://lenta.inform.kz/kz/futbol-bugin-europa-birinshiligi-bastalady_a3799842">ҚазАқпарат</a>

Қазақстан және Қызылорда облысының жаңалықтары: Спорт