<a href="https://kyzylorda-news.kz/">Kyzylorda-news.kz.</a>&nbsp; Дүниежүзілік бокс қауымдастығының (WBA) жаңа рейтингі жарияланды, деп хабарлайды&nbsp;<a href="https://www.sports.kz/news/kazahstanskie-bokseryi-podnyalis-v-reytinge-wba">Sports.kz</a>.
Әлемдік спорт ұйымы жасаған тізімге көз салсақ, қазақстандық боксшылардың біршама көтерілгенін байқауға болады.
Айта кетейік, Қамшыбек Қоңқабаев ауыр салмақтағы ең үздік боксшылар рейтингінде оқ бойы озып шыққан бестікке жайғасқан.
Ал Сұлтан Зауырбек екінші жартылай жеңіл салмақтағы үздік он боксшының қатарынан көрінді.
Супер ауыр салмақ (90,7 кг жоғары):
Жан Кособуцкий (Қазақстан) оныншы орыннан 9-орынға көтерілді.
Ауыр салмақ (90,7 кг дейін): 
Қамшыбек Қоңқабаев (Қазақстан) 9-орыннан 4-ші позиияға ауысты.
Орта салмақ (72,6 кг дейін): 
Анатолий Мұратов (Қазақстан/Германия) жетінші орыннан 5-позицияға жайғасты.
Екінші жартылай жеңіл салмақ&nbsp;(59 кг дейін): 
Сұлтан Зауырбек (Қазақстан)13-орыннан 10-орынға көтерілді.

Қазақстандық боксшылар WBA рейтингінде көтерілді

Kyzylorda-news.kz. Қазақстандық боксшы Қамшыбек Қоңқабаев (4-0, 3 КО) аса ауыр салмақта WBA Gold титулын жеңіп алып, Дүниежүзілік бокс қауымдастығының (WBA) рейтингінде төртінші сатыға көтерілді.
2021 жылдың желтоқсанында Қоңқабаев британдық Стивен Уордты (13-2, 4 КО) жеңіп, аса ауыр салмақтағы WBA Gold титулына ие болды.
Осыдан кейін қазақстандық WBA рейтингінде 9-шы орыннан 4-ші орынға көтерілді. Қазіргі уақытта рейтингтің үш көшбасшысы – Юниэл Дортикос (25-2, 23 КО), Алексей Егоров (11-0, 7 КО) және Баду Джек (25-3-3, 15 КО) бар.
Еске салайық, Қоңкабаев кәсіпқой рингте төрт жекпе-жек өткізіп, төрт рет жеңіске жетті.
<a href="https://massaget.kz/layfstayl/sport/67081/">Massaget.kz</a>

Қамшыбек Қоңқабаев Уордты жеңгеннен кейін WBA рейтингінде бірнеше саты жоғарылады

Kyzylorda-news.kz. Сыр спортшылары жыл басынан бері ҚР чемпионаттарында 1037, Әлем және Азия чемпионаттарында 123 медаль еншіледі. Жалпы биыл облыста бұқаралық спортты дамыту мақсатында 1322 іс шара өтіп, 120 мыңнан аса адам белсенді қатысты.
Облыста халықты спорттық инфрақұрылымымен қамтамасыз ету жағдайында «1000 адамға арналған спорттық алаңдар» санының көрсеткіші бойынша 2021 жылдың қорытындысымен 40,8 пайызды құрады. Бұл жөнінде Өңірлік коммуникациялар қызметінде өткен брифингте облыстық дене шынықтыру және спорт басқармасының басшысы Асылжан Жаманқұл хабарлады.
<blockquote>
 “Биыл Сыр спортшылары үшін табысты жыл болды. Төрт жылда бір рет келетін ең ірі халықаралық спорттық жарыс – Токио Олимпиадасына облыстан үш спортшы қатысып, Қамшыбек Қоңқабаев Олимпиада ойындарының қола жүлдегері атанды. Әлем, халықаралық, республикалық чемпионаттарында біздің спортшылар әр түрлі дәрежеде жүлдегер атанды. Халықтың спорттық нысандарға қолжетімділігін арттыру мақсатында биыл «Ауыл – ел бесігі» бағдарламасы аясында 5 спорт кешені ашылды. Келер жылы «Самұрық» корпоративтік қорының демеушілігімен қалада және Махамбетов ауылдық округінде көпфункционалды спорт кешенінің құрылысын салу жоспарланып отыр”, – деді облыстық дене шынықтыру және спорт басқармасының басшысы Асылжан Жаманқұл.
</blockquote>

«Ауыл &#8211; ел бесігі»: Қызылордада  спорттық 5 кешен ашылды

<a href="https://kyzylorda-news.kz/">Kyzylorda-news.kz.</a>&nbsp; «Евразия» спорт кешенінде коммуналдық мекеме қызметкерлері арасында шағын футболдан жарыс өтті.
<blockquote>
 «Қазір өңіріміздің коммуналдық салаларында қажырлы еңбек етіп жүрген қызметкерлердің де дені спортпен айналысуға құлшыныс білдіріп, салауаттылық салтын ұстануда. Сіздер уақытпен санаспай, халыққа қолайлы жағдай жасауда маңызды рөл атқарасыздар. Міне бүгінгі жарыс та өздеріңіздің құрметтеріңізге арналады» деді жарыстың ашылу рәсіміне қатысқан қала әкімінің орынбасары Бектас Нуридинов.
</blockquote>
Спорттық шараның мақсаты Ел Тәуелсіздігінің 30 жылдық мерейтойы аясында және спортты дамытуға, салауатты өмір салтын қалыптастыру болып табылады.
Жарысқа 10 командадан 100-ге жуық спортшы қатысты. 
Жарыс қорытындысы бойынша І орынды «РЦКУ» мекемесі жеңіп алса, ІІ мен ІІІ орындар Қызылорда жылу электр орталығы және Қызылорда Су Жүйесі командалары иемденді.
Үздік ойын көрсеткен ойыншылар түрлі номинациялармен марапатталды. 
Жеңімпаз командаларға қала әкімінің грамоталары, медальдары мен кубоктары және қаржылай сыйақылар табысталды.

Коммуналдық мекеме қызметкерлері арасында шағын футболдан жарыс өтті

<a href="https://kyzylorda-news.kz/">Kyzylorda-news.kz.</a> Бүгінде «Қайсар» футбол орталығында 500-ге жуық балғын футболшылар аладоптың қыр сырын меңгеруде. «Қайсарды» оң бағытта дамыту үшін балалар футболына мән берілуі тиіс. Бүгін клуб директоры Жағыппар Жұмахметов футбол орталығының бапкерлерімен кездесіп, балалар футболының көкжиегін кеңейтуде жаңа жоспарларды нақтылауды ұсынды.
<blockquote>
 «Балғын футболшылар ел футболы оның ішінде «Қайсардың» болашағы. Сондықтан футбол орталығындағы әрбір қатысушыға баса назар аударуымыз керек. Орталықты дамыту үшін жаңа жоспарларды бекітуіміз тиіс. Жалпы балалар жалғыз жаттығумен шектелмеуі керек. Алдыға ұмтылу үшін түрлі шеберлік сабақтарын жоспарлаймыз. Жаңа маусымда орталықтағы балаларды жаңа спорттық киімдермен қамтамасыз етуге жұмыс істейміз. Көктем айындағы «Арман» және «Жастар» республикалық турниріне дайындықтық жұмыстарын әзірден қолға алуымыз керек», – деді клуб директоры Жағыппар Насрадинұлы.
</blockquote>
Айта кетейік, «Қайсар» футбол орталығында УЕФА-ның талаптарына сәйкес А,В,С категориялы 25 бапкер жұмыс істейді. Сондай-ақ қыздар футболы да қарқын алып, бүгінде 2 команда ел чемпионатында бақ сынауда.
<img src="https://kyzylorda-news.kz/wp-content/uploads/2021/12/270249451_3254470464677052_7752944698892819667_n.jpg" alt="" />

«Қайсар» футбол орталығында 500-ге жуық бала тәрбиеленуде

<a href="https://kyzylorda-news.kz/">Kyzylorda-news.kz.</a> Қызылорда облыстық дене шынықтыру және спорт басқармасының келісімімен Жұмахметов Жағыппар Насрадинұлы «Қайсар» футбол клубының директоры қызметіне тағайындалды.
Жағыппар Насрадинұлы 1961 жылы 21 наурызда Арал қаласында дүниеге келген. Жоғары білімді.
1978-1983 жылдары Қазақстан политехникалық институтын тәмамдаған.
Еңбек жолын 1983 жылы Ақтөбе облысында «ЗапКазГеология» бірлестігінде бұрғылау шеберінен бастап, бас инженер лауазымына дейін көтерілген.
1991-1999 жылдары «ЮЖ Нефтегаз» компаниясында инженер, бөлім басшысы, басқарма басшысы қызметін атқарған.
1999-2005 жылдары Қызылорда облыстық Төтенше жағдайлар басқармасы басшысының орынбасары;
2005-2009 жылдары Батыс Қазақстан облысы Төтенше жағдайлар басқармасының басшысы;
2009-2010 жылдары ОҚО Төтенше жағдайлар басқармасы басшысының бірінші орынбасары;
2010-2012 жылдары «ҚазГерМұнай» АҚ-ның департамент басшысы;
2012-2014 жылдары «Тұран» барлау мұнай компаниясы бас директорының орынбасары;
2014-2016 жылдары Өрт сөндіруші АҚ-ның Қызылорда облыстық филиалының директоры;
2017 жылдың ақпан айынан бастап осы кезге дейін «Қызылорда аз тонналық мұнай өңдеу зауытының» техникалық директоры қызметін атқарып келді.
<img src="https://kyzylorda-news.kz/wp-content/uploads/2021/12/nasradin.jpg" alt="" />

«Қайсар» футбол клубына жаңа директор тағайындалды

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облыстық футбол федерациясының вице президенті Болат Көшербаев пен облыстық дене шынықтыру және спорт басқармасының басшысы Асылжан Жаманқұл қасқырлардың бас бапкерін таныстырды. Қызылордалық “Қайсарды” жаңа маусымда жергілікті маман Сұлтан Әбілдаев жаттықтырады.
Сұлтан Әбілдаев 1970 жылы 21 наурызда Қызылорда қаласында дүниеге келген. Кәсіби футболшы. Алаңда жартылай қорғаушы қызметін атқарған. Мансабының басым бөлігін «Қайсар» футбол кубында өткізген.
Сұлтан Әбілдаев «Қайсар» футбол клубының тарихында ең көп ойын өткізген футболшы. Қазақстан Ұлттық Құрамасының намысын қорғаған.
2005 жылы мансабын аяқтаған соң, бапкерлік қызметке ден қояды. Алдымен футбол орталығында шәкірт тәрбиелеумен айналысса, 2009 жылы «Қайсар» командасын жаттықтырады.
2010 жылы бас бапкердің көмекшісі қызметін абыроймен атқарды.
2016 жылға дейін клубта түрлі бағытта қызмет атқарып, 2016 жылы «Қайсар» футбол клубына бас бапкер қызметіне тағайындалып, команданы Бірінші лигадан Премьер-лигаға шығарады. Сол жылы Бірінші лига арасында ең үздік бапкер атағына ие болды.
Айта кетейік, жаңа маусымда “Қайсар” футбол клубына премьер-лига жолдамасын жеңіп алу мақсаты қойылды.
<img src="https://kyzylorda-news.kz/wp-content/uploads/2021/12/swltan.jpg" alt="" />

«Қайсарды» кім жаттықтырады?

Kyzylorda-news.kz. Фараби Болатұлы екінші мәрте әлем чемпионы атанды.
22-25 желтоқсан күндері аралығында Сербия мемлекетінің астанасы Белград қаласында өткен әмбебап жекпе-жектен әлем чемпионатында №19 Арал ауданының олимпиадалық резервтің балалар-жасөспірімдер мектебінің әмбебап жекпе-жек бөлімшесінің жаттықтырушысы, халықаралық дәрежедегі спорт шебері Фараби Сауытбаев финалдық жекпе-жекте Ресей құрамасының спортшысынан басым түсіп екінші мәрте әлем чемпионы атанды.
Атап өту қажет, жерлесіміз бұған дейін 2019 жылы Ресей Федерациясы, Анапа қаласында Әмбебап жекпе-жегі және пышақ лақтырудан ересектер арасында өткен Әлем чемпионатына қатысып 60кг салмақ дәрежесінде әлем чемпионы атанған болатын.
Қазақстан Республикасының «Спорт шебері» (грэпплингтен), Әмбебап жекпе-жек және пышақ лақтырудан ҚР-ның «Халықаралық дәрежедегі спорт шебері», жеңімпаз спортшымыз бүгінде Арал ауданының олимпиадалық резервтің мамандандырылған балалар-жасөспірімдер мектебінің әмбебап жекпе-жегі бөлімшесінде жаттықтырушы болып абыройлы қызмет жасап келеді. 
Бүгінде спорт шебері бапкерлік карерасында ауданымыздың жасөспірім спортшылары арасынан онға жуық ҚР чемпиондарын тәрбиелеп шығарған.

Спортшы Фараби Сауытбаев әлем чемпионы атанды

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің орынбасары Бектас Нуридинов қала жастарының форумына қатысып, «Самғау» жастар сыйлығының иегерлерін марапаттады.
Шара барысында қала әкімінің орынбасары Бектас Балғабайұлы «Самғау» жастар сыйлығының иегерлерін құттықтап, алдағы уақытта да еліміздің жарқын болашағына бағытталған іргелі істерімен толағай жетістіктерге жете берулеріне тілектестік білдірді. Жастардың ұсыныстарын назарға алып, қаламызды өркендетуге бағытталған жобаларды қала әкімдігі бірлесе жүзеге асыратындығын жеткізді.
«Самғау» жастар сыйлығы белсенді жастардың одан әрі шығармашылығын шыңдап, саяси-мәдени, рухани байлығын арттыруға қолдау көрсету, көтермелеу мақсатында жыл сайын дәстүрлі түрде жалғасын тауып келеді. 
Сыйлыққа үміткер ретінде 14 пен 28 жас аралығындағы Қызылорда қаласының белсенді жастары қатысып, үміткерлер 10 номинация бойынша таңдалды. Сондай-ақ, Ел Тәуелсіздігінің 30 жылдық мерейтойына орай арнайы номинация тағайындалды.
Конкурсқа білім және ғылым, журналистика, спорт, медицина, мәдениет, IT, өндіріс, әлеуметтік салаларында табысты еңбек етіп, өз саласы бойынша жоғары көрсеткіштерге жетіп жүрген жастар қатысты.
Әр номинация бойынша үздік шыққан 11 жасқа Қызылорда қаласы әкімінің «Самғау» жастар сыйлығы мен 100 мың теңге көлеміндегі сыйақысы табысталды.
Сонымен қатар, салтанатты жиында өңірдегі жастар саясатының дамуына үлес қосып, Қызылорда қаласы жастарының дамуына ерекше қолдау көреткен әріптестер мен қоғамдық жұмыстарға белсене араласып, білімге, өнерге, ғылымға, спортқа жаны құмар, азаматтық қоғамды қалыптастыруда өзіндік үлес қосып жүрген бірқатар жастар қосымша арнаулы номинацияларға ие болды.
Айта кету керек, салтанатты шара «Қоғам дамуындағы жастардың рөлі» қала жастарының форумынан бастау алды. Тәжірибе алмасу алаңында «Қазақстанның 100 есімі» жобасының жеңімпазы, халықаралық деңгейдегі психолог, тренер С. Абдрахманова, Жамбыл облыстық жастар ресурстық орталығы басшысының орынбасары А. Абдуалиева спикер ретінде сөз сөйледі.
<img src="https://kyzylorda-news.kz/wp-content/uploads/2021/12/samgaw3.jpg" alt="" />
<img src="https://kyzylorda-news.kz/wp-content/uploads/2021/12/samgaw6.jpg" alt="" />

Қызылордада «Самғау» жастар сыйлығының иегерлері марапатталды

<a href="https://kyzylorda-news.kz/">Kyzylorda-news.kz.</a> Ел Тәуелсіздігінің 30 жылдығы аясында бүгін Қызылорда қаласындағы жаңадан байдарка және каноэ есу базасы жұмысын бастады.
Қызылорда облысының әкімі Гүлшара Әбдіқалықова нысан жұмысын көрді.
Спорт нысанында бапкер, аға жаттықтырушы Мухитдин Мейірбеков байдарка және каноэ есу бағыты бойынша жастарды даярлау ісіне қатысты негізгі ерекшеліктерді тізбектеді. Аймақ басшысы жастармен тілдесіп, пікір алмасу барысында жаңадан бой көтерген байдарка және каноэ есу базасы Сыр спортының дамуына серпін беретінін атап өтті.
Базада спортшыларға арналған жаттығу залы, монша, медициналық көмек көрсету пункті және асхана бар. Ал, базаның жанында қайық сақтау қоймасы және жазғы оқу-жаттығу процесін жүргізетін су аумағы орналасқан. Мұнда 80 баланың спортпен шұғылдануға жағдай жасалған. Ал, жаңа нысан арқылы 15 маман жұмыс көзін тапты.
Атап өту керек, Қызылорда облысында байдарка және каноэде есу спорты 2012 жылдан бастап жұмыс жасап келеді. Қазіргі таңда аталған спорт түрімен өңірдің спорт мекемелерінде 4 жаттықтырушы 56 спортшымен тұрақты жұмыс жасайды. 9 жыл ішінде өңірде 4 – ҚР Халықаралық дәрежедегі спорт шебері, 8 – ҚР спорт шебері, 4 – ҚР спорт шеберіне кандидат спортшылар дайындалды. Олардың қатарында Мерей Медетов, Қожахмет Алтынбек, Гүлжайна Тыныбекова, Бахраддин Диас, Диана Удурбаева бар.
Ал, биылғы жылы облыс спортшылары ҚР чемпионаттары мен кубоктарынан 90 медальді облыс қоржынына салған.
Мемлекет басшысы Қасым-Жомарт Тоқаевтың тапсырмасына сәйкес өңірде 2156 баланы қамтитын мемлекеттік спорттық тапсырысты қаржыландыруды 2021 жылғы 212 млн. теңгеден келесі жылы 4312 балалар үшін 638 млн. теңгеге ұлғайту жоспарлануда.
Мұнан соң аймақ басшысы Баймұрат батыр ауылында орналасқан психикалық денсаулық орталығына қарасты «Наркологиялық стационардың» жұмысымен танысып, оңалту және серуендеу алаңын көрді.
Стационар ағымдағы жылы қайта жаңғыртудан өткен. Емдеу мекемесінде 170 төсек орын бар. Науқастарқа наркологиялық көмек, медициналық оңалту, жалпы терапиялық, зертханалық диагностика және т.б. медициналық көмек көрсетілуде. Мұнда 90-ға жуық маман азаматтарға емдеу процесін жүргізеді.
<img src="https://kyzylorda-news.kz/wp-content/uploads/2021/12/esw-baza.jpg" alt="" />
<img src="https://kyzylorda-news.kz/wp-content/uploads/2021/12/269751265_210158134638772_5947710976534050587_n.jpg" alt="" />
<img src="https://kyzylorda-news.kz/wp-content/uploads/2021/12/269748605_210158121305440_7430280708609520719_n.jpg" alt="" />
<img src="https://kyzylorda-news.kz/wp-content/uploads/2021/12/bajdarka.jpg" alt="" />
<img src="https://kyzylorda-news.kz/wp-content/uploads/2021/12/269783663_210158304638755_8675858289717445977_n.jpg" alt="" />
<img src="https://kyzylorda-news.kz/wp-content/uploads/2021/12/pazylov.jpg" alt="" />
<img src="https://kyzylorda-news.kz/wp-content/uploads/2021/12/sport-1.jpg" alt="" />
<img src="https://kyzylorda-news.kz/wp-content/uploads/2021/12/tis.jpg" alt="" />

Қызылордада байдарка және каноэ есу базасы жұмысын бастады

<a href="https://kyzylorda-news.kz/">Kyzylorda-news.kz.</a>&nbsp;18-22 желтоқсан күндері Алматы қаласында WKF каратэден өткен Азия чемпионатында облыс намысын Мөлдір Жаңбырбай қорғады.
Мөлдір Жаңбырбай чемпионаттағы алғашқы қарсыласы Тайвань елінің қызын 2:0 есебімен жеңсе, екінші жекпе-жегінде Тайланд елінің каратэшісін 9:2 есебімен және 3 жекпе-жегінде Иран елінің қызын 7:5 есебімен жеңіп, ақтық сайысқа шықты.
Бүгін де Мөлдірдің жекпе-жекте жұлдызы жанды.

Мөлдір Жаңбырбай Азия чемпионы атанды

<a href="https://kyzylorda-news.kz/">Kyzylorda-news.kz.</a> 18-22 желтоқсан күндері Алматы қаласында WKF каратэден өтіп жатқан Азия чемпионатында Қызылорда облысының намысын Мөлдір Жаңбырбай қорғап жатыр.
Мөлдір Жаңбырбай чемпионаттағы алғашқы қарсыласы Тайвань елінің қызын 2:0 есебімен жеңсе, екінші жекпе-жегінде Тайланд елінің каратэшісін 9:2 есебімен және 3 жекпе-жегінде Иран елінің қызын 7:5 есебімен жеңіп, ақтық сайысқа шықты.
Ертең жергілікті уақытпен сағат 12:00-де Qazsport телеарнасының тікелей эфирінен Мөлдірдің Филлипин қызымен шығатын жекпе-жегін тамашалай аласыздар.

Қазақстан және Қызылорда облысының жаңалықтары: Спорт

Қазақстандық боксшылар WBA рейтингінде көтерілді

Қамшыбек Қоңқабаев Уордты жеңгеннен кейін WBA рейтингінде бірнеше саты жоғарылады

«Ауыл – ел бесігі»: Қызылордада спорттық 5 кешен ашылды

Коммуналдық мекеме қызметкерлері арасында шағын футболдан жарыс өтті

«Қайсар» футбол орталығында 500-ге жуық бала тәрбиеленуде

«Қайсар» футбол клубына жаңа директор тағайындалды

«Қайсарды» кім жаттықтырады?

Спортшы Фараби Сауытбаев әлем чемпионы атанды

Қызылордада «Самғау» жастар сыйлығының иегерлері марапатталды

Қызылордада байдарка және каноэ есу базасы жұмысын бастады

Мөлдір Жаңбырбай Азия чемпионы атанды

Мөлдір Жаңбырбай Азия чемпионатының финалына шықты

Қазақстан және Қызылорда облысының жаңалықтары: Спорт

Қазақстандық боксшылар WBA рейтингінде көтерілді

Қамшыбек Қоңқабаев Уордты жеңгеннен кейін WBA рейтингінде бірнеше саты жоғарылады

«Ауыл &#8211; ел бесігі»: Қызылордада спорттық 5 кешен ашылды

Коммуналдық мекеме қызметкерлері арасында шағын футболдан жарыс өтті

«Қайсар» футбол орталығында 500-ге жуық бала тәрбиеленуде

«Қайсар» футбол клубына жаңа директор тағайындалды

«Қайсарды» кім жаттықтырады?

Спортшы Фараби Сауытбаев әлем чемпионы атанды

Қызылордада «Самғау» жастар сыйлығының иегерлері марапатталды

Қызылордада байдарка және каноэ есу базасы жұмысын бастады

Мөлдір Жаңбырбай Азия чемпионы атанды

Мөлдір Жаңбырбай Азия чемпионатының финалына шықты

«Ауыл – ел бесігі»: Қызылордада спорттық 5 кешен ашылды