<a href="https://kyzylorda-news.kz/">Kyzylorda-news.kz</a> Бүгінде елімізде ұлттық ойындарды ұлықтау барынша қолға алынып жүр. Бұл ретте Қызылорда қаласындағы №5 И.В. Панфилов атындағы мектеп-лицейдің дене шынықтыру пәні мұғалімі Үміт Есендікованы ерекше атап өтуге болады.Үміт Жанұзаққызы – ұлттық ойындарды ұлықтап, оқушылардың бойына патриоттық тәрбиені сіңдіріп жүрген үлгілі маман. Оқушыларды денешынықтыру сабағында бес асық ойындарына баулып, шәкірт тәрбиелеп жүрген оның оқушылары қазіргі таңда республикалық жарыстарда ойын көрсетіп, үздіктер қатарынан көрінуде. Осы ретте №5 мектептің оқушылары «Ұлттық мектеп лигасы» жарысында үш жас ерекшелігі бойынша да 5 жыл қатарынан 1 орынды алып жүргенін атап өткен жөн. Облыстық «Ұлттық мектеп лигасы», облыстық ұлттық ойындар спартакиадасы сияқты маңызды жарыстарда да мектеп оқушылары бес асық ойынынан қаланың намысын &nbsp;қорғап шығып, жүлделі орындар алып жүргенін мақтан етеді.№5 И.В. Панфилов атындағы мектеп-лицейдің оқушылары қалалық, облыстық деңгейде ғана топ жарып жүрген жоқ. Мәселен, 2023-2024 оқу жылында Астана қаласында өткізілген «Алтын сақа» республикалық олимпиадасында Абдуғали Жанель облыс құрама сапында өнер көрсетіп, жүлделі ІІ-орынды қанжығасына байлаған. Мектеп ұжымы осының барлығы мектеп қабырғасында жүйелі түрде жүргізіліп, жолға қойылған ұлттық ойындлар үйірменің арқасы сол үйірмеге жетекшілік жасап жүрген Үміт Жанұзаққызының еңбегі деп біледі.Үміт Есендікова сондай-ақ, осы спорт түрі бойынша 1-ші дәрежелі &nbsp;спорт төрешісі, қалалық, облыстық, республикалық деңгейдегі жарыстарға әділ төрешілік жасап жүрген зерттеуші санатындағы тәжірибелі ұстаз.

Ұлттық ойынды ұлықтаған ұстаз 

<a href="https://kyzylorda-news.kz/">Kyzylorda-news.kz</a> &nbsp;Жуырда Қызылорда қаласының қоғамдық даму бөлімінің мемлекеттік тапсырысы шеңберінде «Мерей» спорт аренасында зайырлы мемлекет құндылықтарын насихаттау мақсатында кіші футбол ойыны ұйымдастырылды.Қала аумағындағы мешіт жамағаты мен қызметкерлері арасында өткен дүбірлі спорт додасына 16 команда, 150-ге жуық спортшы қатысып, ала доп бәсекесінде сайысқа түсті.Тартысты өткен турнирде «Қарауылтөбе» командасы топ жарса, екінші орынға «Құддыс», үшінші орынға «Нұр» командасы тұрақтады.Сондай ақ ойында жақсы өнер көрсеткендер «Үздік шабуылшы», «Үздік ойыншы», «Үздік қорғаушы» және «Үздік қақпашы» номинацияларымен марапатталды.Барлық жеңімпаз командаларға арнайы кубоктар, дәрежелік дипломдар, алғыс хаттар және бағалы сыйлықтар табысталды.

Қызылорда қаласында «Теңбіл доп» бәсекесі өтті

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының жолдауынан туындайтын іс-шараларды жүзеге асыру мақсатында бұқаралық спортты арттыруда сала қызметкерлері сүбелі үлес қосуда. Осы ретте №17 Қазалы ауданының олимпиадалық резервтің мамандандырылған балалар-жасөспірімдер мектебінің күрес залында «Ағайынды Асқар мен Серікбол Алпысбайұлдарын» еске алуға арналған грек-рим күресінен 2013-2014 жылдары туылған жасөспірімдер арасындағы облыстық ашық турнир өткізілді.Палуандардың спорттық шеберлігін арттырып, оларды достыққа және патриоттық сезімге тәрбиелеу мен жасөспірімдер арасында грек-рим күресін одан әрі дамытуды көздеген жарысқа 180 бала қатысты. Екі күнге созылған сайыста төрешілер алқасының отырысы, қатысушылардың жеребе тартуы мен салмақ өлшеу реттелді.Бозбалалар белдесуіне сәттілік тілеген Қазалы ауданы әкімінің орынбасары Дәурен Тлеуімбетов турнирді ашып берді.<blockquote>– «Ағайынды Асқар мен Серікбол Алпысбайұлдарын» еске алуға арналған грек-рим күресінен 2013-2014 жылдары туылған жасөспірімдер арасындағы облыстық ашық турнирдің алғашқы бастамасы оң болсын. Мұндай жарыстардың тәрбиелік маңызы зор. Бұл ел келешегі саналатын жастарүшін үлкен мүмкіндік деп есептеймін. Осында жиылған және басы-қасында жүріп, атсалысқан барша азаматтарға ерекше ризашылығымды білдіремін. Әрине, арыстай азаматтардан айрылу оңай емес. Дегенмен, сондай ұрпақты дүниеге әкеліп, жақсы азамат тәрбиелеген ата-анасы қатысып отыр. Осы ардақты жандарға алғысымды жеткіземін. Ауданның әлеуметтік-экономикалық дамуына сүбелі үлес қосқан Асқар мен Серік арамыздан ерте кетсе де, орнында бар оңалар деген бүгін қайта тірілгендей күй кешуде. Марқұмдардың жатқан жері жайлы болсын демекпін. Ал, қатысушыларға жеңіс тілеймін, – деді Дәурен Оңғарбайұлы.</blockquote>Асқар Алпысбайұлы 1979 жылы 4 мамырда Қызылорда облысы, Қазалы ауданында жұмысшы отбасында дүниеге келген. 1985 жылы аудан орталығындағы №204 орта мектепке 1-сыныпқа қабылданып, 9-сыныпты бітіргеннен кейін 1994 жылы теміржолшылар дайындайтын №5 кәсіптік мектепке (қазіргі Қазалы көлік-техникалық жоғары колледжі) оқуға түскен. Аталған оқу орнын бітірген соң Ақтөбе қаласындағы теміржолшылар техникумын «Вагон шаруашылығы» мамандығы бойынша бітірген.2004 жылдан өмірінің соңына дейін Ақтөбе теміржол бөлімшесіне қарасты Қазалы материалды қоймасында үздіксіз қызмет атқарған. Отбасылы 2 ұл, 2 қыз тәрбиелеп өсірді. Оның ізінен ерген інісі – Серікбол Алпысбайұлы 1986 жылы 24 ақпанында Қызылорда облысы, Қазалы ауданында дүниеге келді. 1992 жылы С.Сейфуллин атындағы №165 мектепке барып, 2003 жылы бітірген соң, Ақтөбе қаласындағы теміржолшылар техникумын «Локомотив шаруашылығы» мамандығын меңгеріп шықты. Дегенмен, кәсіпке бетбұрып, сауда саласын дамытты. Отбасылы 1 қызы бар.<blockquote>– Халыққа алғаусыз алғысымды білдіремін. Екі балам да, жақсы еді. Ешкімнің алдынан кесе өтпеген. Қолдарынан келген көмегін аямайтын қасиеттері бар-тын. Шүкір соның нәтижесі шығар. Жолдастары мен ауылдастары арасында сыйлы екенін көрсетуде. Әрине, қимайсың, дегенмен, Алланың жазуына көнеміз. Ендігісі, немерелерім аман болсын. Соларды ержеткізіп, өз орындарына орналастырсақ арманымыз жоқ, – дейді марқұмдардың әкесі Алпысбай Мәденов.</blockquote>Белдесу қарсыластар түрегеліп төрттағанға түскенде аударылып, домалатып, әдістер қолдану арқылы өткізілді. Мұнда балуандардың бір-бірлерін белден төмен ұстауына, аяғынан шалуына, қағуына рұқсат етілмейді. Грек-рим күресінің мақсаты – лақтырған, немесе төрттағаннан аударған, домалатқан кезде қарсыласының екі жауырынын бір мезетте, немесе бірінен соң, бірінің қайтарымынан кілемге тигізу. Мұндай басымдылық таза жеңіс деп, есептеледі де, белдесу тоқтатылады.Осындай тартысты турнирде 21 келі салмақтағы Әйтеке би кентінен Айдос Өмірбек жеңіс тұғырына көтерілді. Абдурахман Сағидулла екінші орынды жеңіп алды. Үшінші орынды Мүслім Мүкейн мен Нұрболат Серік қанжығалады. 25 келіліктер арасынан Ясин Мукейн бірінші орыннан көрінді. Әділбек Оразбай екінші орынға шықты. Нұрқанат Яхия мен Нұрмұхаммед Ерланұлы үшінші орынды місе тұтты. Сонымен бірге, 28 келі салмақтағылардан бірінші орынға Нұрлыжан Орысбай жайғасты. Үшінші орынды Әмин Мукейн ұтып алды. 32 келі салмақтан Асылжан Ырысдәулет 35 келі салмақтан Дәулет Қуантқан, 44 келіліктер арасынан Нұрдәулет Жаналы, 48 келі болған Санжар Омарғазы бірінші орынды иемденді. Екінші және үшінші орындарды суырып алған 32 келі салмақтағылар: Нұрислам Сағидулла мен Нағашыбай Серікұлы бар. 38 келідегілерден Әлисұлтан Жанғабыл екінші орынға жайғасса, Рамазан Дәуренбек үшінші орынды қанағат тұтты. Ерсаян Ерлепес пен Мұқағали Махат және Мейірбек Айдос, Дәулет Әли, Нұраян Ерлепес, Дамир Күнекеев пен Құдірет Әбдіраман 41, 48, +48салмақтан екінші және үшінші орындарды қарсыластарынан жұлып алды. Қазалы қаласынан қатысқан 41 келі салмақтағы Нұрасыл Ұзақбай бірінші орынды жеңсе, 44 келідегі Дамир Ертас үшінші орынды иеленді.Мақтаралдан келген Мырзакемел Абулкасим 28 келі салмақпен және 35 келі салмақтағы оралдық Арсен Есет екінші орынды иеленсе, қызылордалық 28 келідегі Ғазиз Төлегенұлы мен 35 келі болған Ернұр Төлегенұлы және сексеуілдік Диас Темірбек үшінші орынды қанжығасына байлады.Оралдан келген 38 келі салмақтағылар арасынан Ислам Төлегенов бірінші орынға шығып, жеңімпаз атанды. Ал, атыраулық Ибраһим Мақсат қола жүлдені қанжығалады. Көрші ауданнан бақ сынаған 41 келі салмақтағы аралдық Нұрғасамет Бижанов екінші, мақтаралдық Шерхан Байбол үшінші орынға жайғасты. Сондай-ақ, 48 келі салмақтағы Жан Марат жеңіс тұғырына көтерілсе, 44 келіліктер арасынан Қызылордадан Георги Барамидзе екінші, Атыраудан Олжас Зағпар үшінші орынды иеленді.Спортшы жастарға арнайы диплом мен медальдар ұсынылып, бағалы сый тарту жасалды.

Қазалыда грек-рим күресінен жасөспірімдер арасында турнир өтті

<a href="https://kyzylorda-news.kz/">Kyzylorda-news.kz</a>&nbsp; Енді екі айдан астам уақыттан кейін жер-жаһандағы үздіктер Париж Олимпиадасына ағылады. Әлемнің барлық тәуелсіз елі дүбірлі додада өз саңлақтарының тілеуін тілейді. Олардың қатарында біздің еліміздің спортшылары да бар. Биыл Қазақстан тәуелсіз мемлекет ретінде сегізінші мәрте үкілеген үздіктерін қосуға мүмкіндік алып отыр. Қуаныштысы, қазірге дейін талай спортшымыз жеңіс тұғырынан көрініп, көк туымызды биікте желбіретті. Олардың қатарында қызылордалық жастардың да болуы бізді қуантады. Сыр өңірінің саңлақтары спорттың көптеген түрінен бақ сынады. Сол жеңісті жол биыл да жалғасын тауып, алдағы дүбірлі додаға баратын үкілі үмітті жастардың қатары көбейді. Олардың жолдама алу мүмкіндігі қандай? Париж төрінде жеңіс тұғырынан көріне ала ма? Айтулы аламан жақындаған сайын көкейге осындай сауалдар келіп тіреледі.Қамшыбекке үлкен үміт артамызҚызылордалық спортшылар 2008 жылдан бері Жазғы Олимпиада ойындарына қатысуға мүмкіндік алды. Қазірге дейін қазақстандықтар барлығы 71 медаль еншілеген. Оның 14-і – алтын, 21-і – күміс, 36-сы – қола. Олардың арасынан былғары қолғап шеберлерінің жеңіс тұғырынан көрінгені көп жайды айғақтайды. 2012 жылы қызылордалық Марина Вольнова (75 келі) әйелдер боксында қола жүлдеге қол созды. Ал 2020 жылы Қамшыбек Қоңқабаев (91 келі) үздік үштікті түйіндеді. Оған қоса 2016 жылы ауыр атлетикадан жерлесіміз Александр Зайчиковтің (105 келіден жоғары) күміс жүлдесіне қуана қол соққан едік. Сондай-ақ облыстан дзюдошы Жанар Жанзұнова, таэквандошы Айнұр Есбергенова, гандболдан ұлттық құрама сапында қызылордалық спортшылардың ел намысын қорғап қайтқанын әлі ұмыта қойған жоқпыз. Барлығы жарыс барысында жоғары нәтижеге қол жеткізуге тырысты. Сондықтан әрбір саңлақтың жетістігін лайықты бағалаймыз.Олардың көпшілігі қазір үлкен спорттан қол үзіп кетті. Кейінгі жылдары Қазақстан боксында өз орнын еншілеп үлгерген гүрзі жұдырықты Қамшыбек Қоңқабаев алдағы аламанда да сынға түсуге тастүйін дайындығын жасап отыр. Олимпиада жолдамасына былтыр Азия ойындарында қол жеткізіп үлгерген ол бұдан бұрынғы олқылықтың орнын толтырып, жеңіс тұғырынан көрінуге күш салмақшы.Әрине, қазір әлемде бокс ерекше дамып келеді. Бұрын тек ұпай таратып келген мемлекеттердің өзі ешкімнен қаймықпайтын тәжірибелі былғары қолғап шеберлерін тәрбиелеп шықты. Қай салмақта да жүлдеге талас қарқынды жүреді. 2020 жылы біз Қамшыбек финалға дейін қиналмай жетеді деп болжам жасаған едік. Ол ойламаған жерден жартылай финалда АҚШ спортшысы Ричард Торреске есе жіберіп қойды.Ендігі кезекте жерлесіміз сол олқылықтың орнын толтырып, жанкүйерлерді жоғары жетістігімен қуантады деген сенімдеміз. Оған барлық мүмкіндігі бар. Тәжірибесі толысқан Қамшыбекті білікті мамандар өз салмағында чемпиондықтан үміткер ретінде санайды. Әрине, Олимпиадаға шеберлігі шыңдалған спортшылар қатысатынын ескерсек, оған әрбірі жоғары дайындықпен келгені жөн. Қазір Қамшыбектің сол мақсатта тынбай тер төгіп жүрген жайы бар.Күрес түрлерінен қанша жолдама бар?Кейінгі жылдары грек-рим күресінен қызылордалық балуандар жоғары нәтижесімен қуантып жүр. Олардың қатарында Олжас Сырлыбай (97 келі) және Айдос Сұлтанғали (60 келі) бар. Екеуі ұлттық құрама сапында талай бәсекеде бақ сынап, ел мерейін тасытты. Білікті мамандар қос балуанның алдағы жазда Париж төрінде Қазақстан намысын қорғауына барлық мүмкіндігі бар екенін айтады. Сондықтан олар жақында Қырғызстан астанасы Бішкек қаласында өткен Азия құрлығы бойынша лицензиялық турнирде өз салмағы бойынша жолдамаға таласты.&nbsp;&nbsp;Жарыс барысында Айдос Сұлтанғали көздеген мақсатына жетті. Бұл жерлесіміздің өз мансабындағы тұңғыш Олимпиадасы болмақ. Ересектер арасындағы ең ірі жүлдесін 2018 жылдан бастап алса да, Айдостың сол кезеңдегі дүбірлі додаға жолы түскен жоқ. 2021 жылы Азия чемпионатында топ жарған еді. Соған қарамастан Токио ойындарына ел құрамасынан Мейрамбек Айнағұлов аттанды. Арада үш жыл өткенде Айдос басты арманына қол жеткізді. Маңдай терімен Олимпиадаға бару құқығын жеңіп алды.– Күресіп жүргеніме қанша жыл болса да, түбі Олимпиадаға баратыныма шын сенген едім. Бұл – менің ғана емес, құрамадағы бапкерлердің, дәрігерлердің, ата-анам мен отбасымның еңбегі. Біз халық алдында жүреміз. Дегенмен қолдап отырған жандардың еңбегі көп көріне бермейді. Сол кісілерге рахмет айтамын, – деді Айдос ағынан жарылып.Айдос Сұлтанғали 1996 жылы 7 ақпанда Қызылорда қаласында дүниеге келген. Оған Виктор Юн және Ғабиден Райымбек сынды бапкерлер тәлім береді. Жастар және жасөспірімдер арасындағы түрлі бәсекелерде топ жарған жерлесіміз 2018 жылы Әлем чемпионатында қола медаль алған еді. Сол жетістігін 2022 жылы тағы бір мәрте қайталады. Сондай-ақ оның еншісінде 2021 жылғы Азия чемпионатында алған алтын медаль бар.Өкініштісі, лицензиялық турнирде Олжас Сырлыбай жарыс жолынан ертерек шығып қалды. Енді ол мамыр айында Түркияның Стамбул қаласында болатын тағы бір жарыста жолдаманы сарапқа салады.Қазақстан күрес түрлері федерациясының қызметкері Аспандияр Есенжолов кейінгі жылдары Сыр өңірінде грек-рим күресі ерекше дамып келе жатқанын атап өтті. Рас, ұлттық құрама сапына енудің өзі оңай емес. Оған әбден ысылған, шеберлігі шыңдалған шымырлар қабылданады. Айдос сол жолды абыроймен сәтті өтіп келеді. Ендігі меже – Олимпиада жүлдесі. Бапкерлер одан үлкен үміт күтіп отырғанын жасырмайды. Жерлесіміз күрес түрлерінен жүлделі орындарға қол жеткізуі мүмкін деген саңлақтардың қатарында бар.–&nbsp; Қырғызстандағы турнирде Айдостың сенімді ойын көрсетуі бапкерлер тарапынан жоғары бағаланды. Бозкілемде әрбір балуанның белсенділігі, шеберлігі, тәжірибесі таразыланады. Азия құрлығында да осал қарсылас жоқ. Әрбірі жеңісті қолдан бергісі келмейді. Бұл сәтте спортшының бабы келісіп, бағы жанғаны – басты талап. Жарыс барысында Айдостың жауапты сындарға дайындығы жоғары екені аңғарылды. Ендеше, ол Париж төрінде де дүйім елдің сенімін ақтап, жеңіс тұғырынан көрінеді деген ойдамыз, – дейді А.Есенжолов газет тілшісіне ой-пікірін білдіріп.Дзюдошылар дүбірлі додаға дайын ба?Кейінгі жылдары аймақта дзюдо спорты қанатын кең жайып келеді. Ұлттық құрама сапында қызылордалық үш балуан бар. Сыр өңірінің намысын абыроймен қорғап жүрген Мағжан Шамшаддин (60 келі), Абылайхан Жұбаназар (81 келі) және Нұрлыхан Шархан (100 келі) әлемдік сайыстарда жеңіс тұғырынан табылып жүр. Үкілі үмітті үш үздігіміздің де Парижге баруға мүмкіндігі зор.Қызылордалық бапкер Қален Қалиұлы олардың Жазғы Олимпиадаға баруы үшін алдағы бірқатар жарыстарда ұпай жинауы қажет екенін айтады. Дзюдо ережесімен дүбірлі додаға рейтинг бойынша жолдамалар беріледі.– Шәкірттерімнің қазір дайындығы ерекше. Олимпиада жақындаған сайын балуандар бабында болуына бар күшін салып келеді. Қазірге дейін көптеген жарысқа қатысып үлгерді. Онда ұпай қорын молайтып, Парижге бару мүмкіндігін арттыра түсті. Мен олардың барлығына сенемін. Тәжірибесі толысып, шеберлігі шыңдалды. Ендігі кезекте татами төрінде қажетті ұпай қорын молайта алады деген ойдамын. Негізінде Абылайхан Жұбаназар мен Нұрлыхан – Шарханның айтулы аламанда бақ сынау мүмкіндігі жоғары екенін жеткізсек, артық емес. Ал Мағжан Шамшаддиннің салмағында Елдос Сметов және Нұрқанат Серікбаев сынды мықты балуандар бар. Ел құрамасының бапкерлері олардың арасынан ең мықтысын іріктеп алады. Алда екі үлкен жарыс бар. Мамыр айының 10-13 аралығында Астана қаласында Grand Slam турнирі болады. Оған Мағжан, Абылайхан, Нұрлыхан үшеуі де қатысады. Аталған жарыстан кейін Әлем чемпионатында бақ сынайтын балуандар тізімі белгілі болады. Әлем чемпионаты 19-24 мамыр аралығында Біріккен Араб Әмірлігінің Абу-Даби қаласында өтеді. Бұл – дзюдошылар үшін Олимпиада алдындағы жарыс, – дейді ол.Қашанда Олимпиада спорттық жарыстардың ең үлкен шыңы деп бағаланады. Биылғы жылдың басты оқиғасы күн санап жақындап келеді. Айтулы аламанда үміт артқан жастарымыз жоғары биіктен көрінсе дейміз. Жұлдыздар жарқырайтын күн алыс емес.Фото: Сыр бойы&nbsp;

Сырбойылық жастар дүбірлі додада бақ сынамақ

Фото: Olympic.kz<a href="https://kyzylorda-news.kz/">Kyzylorda-news.kz</a> Бүгін Астанада дзюдодан Qazaqstan Barysy Grand Slam жарысының алауы тұтанады. Париж Олимпиадасының соңғы лицензялары сарапқа салынатын басты додаға әлемнің 92 елінен 519 татами шебері қатыспақ. Олардың қатарында 3 Олимпиада, 13 әлем чемпионы сынға түседі, деп хабарлайды ҚазАқпарат.Атап айтсақ, Халықаралық дзюдо федерациясының күнтізбесіне Qazaqstan Barysy Grand Slam атауымен енген жарыс қатысушыларының қатарында дзюдо спортының жарық жұлдызы, үш дүркін Олимпиада чемпионы, 12 дүркін әлем чемпионы Тедди Ринерден (Франция) бастап, Олимпиада жеңімпаздары мен жүлдегерлері Акира Соне (Жапония), Рафаэля Сильва (Бразилия), Баул Ан (Оңтүстік Корея), әлем чемпиондары мен жүлдегерлері Криста Дегучи (Канада), Тсогтбаатар Цендочшир (Моңғолия), Джордж Фонсека (Португалия), Ван Т Енд Ноел (Нидерланд), Валид Кьяр (Франция), Тацуру Саито (Жапония), Grand Slam жеңімпаздары Достон Розиев (Өзбекстан), Элиос Манци (Италия), Барух Шмаилов (Израиль), Кубанычбек Айбекуулу (Қырғызстан) бар.&nbsp;Ал Қазақстан жарысты қабылдаушы ел ретінде әр салмақ дәрежесінде 4 спортшыдан шығаруға құқылы.Жақсылық Үшкемпіров атындағы жекпе-жек сарайының төрінде өтетін әлемдік додада Қазақстан сапынан екі дүркін Олимпиада жүлдегері Елдос Сметов, Grand Slam чемпионы Мағжан Шамшадин, әлем чемпионатының күміс жүлдегері Ғұсман Қырғызбаев, Гран При жарыстарының жүлдегері Ғалия Тынбаева бастаған спортшылар ел намысын қорғайды.Ерлер арасында ел намысын қорғайтын спортшылар:60 кг: Елдос Сметов, Мағжан Шамшадин, Шерзод Давлатов, Дәурен Сүйеукенов; 66 кг: Ғұсман Қырғызбаев, Жанарыс Рахметқали, Есет Қуанов, Нұрсұлтан Зайзағалиев; 73 кг: Жансай Смағұлов, Данияр Шамшаев, Асқар Нарқұлов, Бақытжан Әбдірахманов; 81 кг: Абылайхан Жұбаназар, Руслан Мұсаев, Жалғас Қайролла, Мәди Амангелді; 90 кг: Айдар Арапов, Ермахан Әнуарбеков, Құдырет Досымов, Мұхамедәли Мавлидов; 100 кг: Нұрлыхан Шархан, Ислам Бозбаев, Әділет Сапарғалиев, Бекзат Шағатаев; +100 кг: Ерасыл Қажыбаев, Еламан Ерғалиев, Мәди Еділбаев, Ғалымжан Қырықбай.Әйелдер арасында ел намысын қорғайтын спортшылар:48 кг: Ғалия Тынбаева, Диана Буркеева, Алира Шегелекова, Жібек Жақсыбай 52 кг: Толғанай Абеуова, Балнұр Әбдешова, Аружан Ережепова, Алима Жұмағалиева 57 кг: Бақыт Құсақбаева, Ұлдана Үсейн, Дина Мұханбет, Дана Әбдірова 63 кг: Эсмигүл Куюлова, Самалай Ерғалиева, Кристина Сотникова, Зарина Сарипова 70 кг: Екатерина Токарева, Анастасия Маякова, Анастасия Морозова -78 кг: Лаура Жәнібекова, Анастасия Нагачевская +78 кг: Аида Тойшыбекова, Ақерке Рамазанова, Карина Такиева, Назгүл МаратоваБұл бәсекенің нәтижесінде IJF ережелеріне сәйкес жарыстың жеңімпаздары мен жүлдегерлері арасында әлемдік және олимпиадалық рейтингілерде ұпайлар бөлінеді.Атап айтқанда, І орын үшін 1 000, ІІ орын үшін – 700, ал ІІІ орын үшін – 500 ұпай есептеледі.&nbsp;Байрақты дода 2024 жылы Парижде өтетін жазғы Олимпиада ойындарының қарсаңындағы соңғы лицензиялық Grand Slam жарысы болмақ.

Бүгін Qazaqstan Barysy Grand Slam жарысы басталады

<a href="https://kyzylorda-news.kz/">Kyzylorda-news.kz</a> Аудан әкімі Берік Сәрменбаев ҚР еңбек сіңірген жаттықтырушысы, КСРО спорт шебері, Сырдария ауданының Құрметті азаматы Сұлтанбек Қобландинді еске алуға арналған көгалдағы хоккейден республикалық турнирдің ашылуына қатысты.Аудан басшысы ел спортын дамытуда С.Қобландиннің еңбегі зор екенін атап өтті.<blockquote>– Спорт саласының дамуына, оның ішінде елімізде көгалдағы хоккейдің өсуіне өзіндік үлес қосқан азаматқа арнап турнир өткізу ауданда дәстүрге айналды. Сұлтанбек Ибрагимұлы көгалдағы хоккей спортымен айналысып, 1982 жылы Алматының «Динамо» командасының сапында Кеңес Одағының чемпионы және Одақтың кубок жеңімпазы атанды. Одан кейін көгалдағы хоккейден шәкірт тәрбиелеп, Қызылорда облысының ерлер және әйелдер құрамасының бас жаттықтырушысы болды. Тәжірибелі бапкер жастардың ерекше спортқа деген көзқарасын қалыптастырып, аудан спортшыларының жеңіс тұғырынан көрінуіне зор еңбек етті. Ұзақ жылдан бергі табанды және нәтижелі еңбегінің арқасында ауданда көгалдағы хоккейдің озық әрі тиімді даму жүйесін қалыптастырды. Білікті жаттықтырушының тәрбиесін алған шәкірттері Қазақстан Республикасының спорт шебері, бірқатар хоккейші халықаралық дәрежедегі спорт шебері атағына қол жеткізді. Халықаралық жарыстарда тәжірибелі жаттықтырушы тәрбиелеген спортшылар сан мәрте жарқын жетістіктерге жетті. Сондықтан Сұлтанбек Қобландиннің мемлекетіміздің, оның ішінде Сыр өңірі спортының өркендеуіне өзіндік қолтаңбасын қалдырғанын көпшілік жақсы біледі, – деді Берік Әбдіғаппарұлы.</blockquote>Мұнан соң Қызылорда облыстық қоғамдық кеңесінің төрағасы Әріп Хожбанов, Қызылорда облыстық мәслихатының депутаты Әмірбек Шаймағамбетов, облыстық дене шынықтыру, спорт және туризм басқармасы басшысының орынбасары Жігер Айекешов, С.Қобландиннің апасы Бибімариям Маханова сөз сөйлеп, Сырдария ауданының Құрметті азаматы туралы өз естеліктерімен бөлісіп, көгалдағы хоккей спортын дамытудағы еңбегін айтып өтті.Республикалық турнир 10 мамырға дейін жалғасады. Жарысқа елімізден 13 команда 230 спортшы қатысты.

Сұлтанбек Қобландинді еске алуға арналған республикалық турнир өтті

<a href="https://kyzylorda-news.kz/">Kyzylorda-news.kz</a>Ел арасында спорт саласының дамуына өлшеусіз қосып, шәкірт тәрбиелеуде еңбегімен елге танылған бапкерлер баршылық. Шәкіртін шынықтыруда тынбай тер төгіп, биік шыңдардан көрінуге сеп болған ұстаздардың еңбегі ешқашан ұмытылмайтыны сөзсіз. Бүгінде олардың есімі ел жадында.Сенбіде аудандағы дене шынықтыру сауықтыру кешенінде Қазақстан Республикасының еңбек сіңірген жаттықтырушы Әділбек Серікбаевты еске алуға арналған 2007-2008 жылы туған жасөспірімдер арасында самбодан республикалық турнир өтті. Төртінші рет ұйымдастырылып отырған жарысқа Өзбекстан, Қырғызстан, Тәжікстан республикаларынан және еліміздің Шымкент, Ақтөбе, Атырау, Түркістан, Қызылорда қалалары мен аудандардан 15 команда, 150-ге жуық спортшы қатысып, бақ сынады.Турнирдің ашылу салтанатына әудан әкімі Жандос Еркінбек, облыстық дене шынықтыру, спорт және туризм басқармасының басшысы Жанмұрат Сейілов, ауданның Құрметті азаматы Нұртілеу Салықов, Қазақстан Республикасының еңбек сіңірген жаттықтырушысы Асылбек Құлмағанбетов және облыстық «Қайсар» футбол клубының директоры, ҚР еңбек сіңірген жаттықтырушы Садық Мұстафаев қатысты. Салтанатты жиынды аудан басшысы Жандос Еркінбекұлы ашып, спорт саңлағына айналған жаттықтырушының еңбегі мен жетістіктерін сөз етті.<blockquote>– Өмірде өшпес із қалдырған белгілі бапкер Әділбек Үргенішбайұлы Сыр спортының дамуына ерекше үлес қосты. Еңбек жолында халықаралық дәрежедегі спорт шеберін, бірнеше Әлем және Азия чемпиондарын, спорт шеберлерін дайындады. Спорттағы жетістіктері үшін Қазақстан Республикасының «Ерен еңбегі үшін», мемлекеттік медалімен және «Құрметті спорт қызметкері» төсбелгісімен марапатталды. Бүгінде бапкердің артынан ерген шәкірттері әлі де халықаралық, әлемдік деңгейде ел абыройын биіктен көрсетіп жүр. Мемлекет басшысы Қасым-Жомарт Тоқаев пен аймақ басшысының тікелей қолдауымен спорт саласы жақсы дамуда. Оған дәлел ауданымыздың үш ауылдық округінде спорт кешенінің құрылысы жүргізіліп жатыр. Одан бөлек, биыл кенттегі спорт кешенінің ғимаратын күрделі жөндеуден өткізуге аудан бюджетінен тиісті қаражат қаралды. Бұл жұмыстар жыл аяғына дейін аяқталады деп жоспарлануда. Еліміздің шет аймағы мен аудан, өзге облыстардан келген спортшыларға сәттілік тілеймін, – деді аудан әкімі Жандос Еркінбекұлы.</blockquote>Сондай-ақ спорттық іс-шараға арнайы келген меймандар Жанмұрат Жақсымұратұлы, Нұртілеу Салықов, Асылбек Қалабайұлы танымал жаттықтырушының спортта үнемі өзін-өзі жетілдіру жолында ізденіспен еңбек еткенін айтып, еске алды.Әділбек Серікбаев алғашқы еңбек жолын 1986 жылы аудандық балалар және жасөспірімдер спорт мектебінде самбо күресінің жаттықтырушысы болып бастаған. Саналы ғұмырында жас спортшыларды шыңдап, оларды халықаралық, әлемдік, республикалық деңгейге көтерді. «Ұстазы жақсының – ұстанымы жақсы» дегендей, қазір шәкірттері еліміздің түкпір-түкпірінде түрлі салада қызмет атқаруда. «Өмірде жақсы спортшы болу аздық етеді, жақсы адам болу керек» деп үйреткен бапкердің ұлағатты сөзі шәкірттерінің мәңгі жадында.Байрақты бәсеке мұнан соң спортшылардың белдесуіне жалғасты. Спорт кешенінің төріне жайылған боз кілемде сен тұр мен атайын дейтін балуандар көпшілікке тартысты өнер көрсетті. Бірі қарсыласын көтеріп жықса, енді бірі ел намысы үшін беріспей күресті. Шәкірті үшін тақымын қысқан бапкерлер қолайлы сәт кезінде «енді әрекетке бас» деп түсіндіруде. Ал «бақ шаба ма, бап шаба ма» дегендер бұйырған жүлдені қанжығаға байлады. «Қап, әттеген-ай» деп жеңілгендер жіберген қателігінен сабақ алды. Спортшыларды қолдаған көрермендерде шек жоқ. Жерлестерін жігерлендіргендер әр тұстан айқайлап дем беріп жатты.Тартысты турнир осылайша үш күнге созылып, нәтижесі анықталды. Қорытындысында 71 келі салмақ дәрежесінде Тимур Токоев (Қырғызстан) – ІІІ орын, Дінмұхаммед Жангелді (Шымкент) – ІІІ орын, Адам Плотников (Қырғызстан) – ІІ орын, Саят Нұржан (Шымкент) – І орын. 79 келі салмақ дәрежесі бойынша Алихан Алиасқаров (Қармақшы) – ІІІ орын, Хусейн Мұхан (Тәжікстан) – ІІІ орын, Сүндет Мұхан (Шымкен) – ІІ орын, Ринат Ақбатыров (Қармақшы) – І орын. 88 келі салмақ дәрежесі бойынша Исламбек Әділбек (Тасбөгет) – ІІІ орын, Чонибек Ниеззодо (Тәжікстан) – ІІІ орын, Ерасыл Ғалымжанұлы (Шымкент) – ІІ орын, Ардақ Мұңайтпас (Қызылорда) – І орын. +88 келі салмақ дәрежесінде Ерасыл Дәулетұлы (Шымкент) – ІІІ орын, Рахат Дарханбеков (Қызылорда) – ІІІ орын, Досымжан Әбдірахман (Қызылорда) – ІІ орын, Илья Сухинин (Қызғызстан) – І орынды иеленді. Марапат төрінен көрінген жеңімпаздарға құрмет көрсетіліп, диплом табысталды.&nbsp;

 Қармақшыда республикалық самбо күресінен өткен турнир мәресіне жетті

<a href="https://kyzylorda-news.kz/">Kyzylorda-news.kz</a>«AMANAT» партиясының қолдауымен «Жарық» бастауыш партия ұйымына қарасты «ТОРҒАЙ-ПЕТРОЛЕУМ» акционерлік қоғамы, «Құмкөл» кенішінде геология саласының қызметкерлері арасында волейболдан турнир өтті.Спорттық сайыста «Алға», «Сұңқар», «Банда Багдата», «Тарлан», «Бразилия» топтарынан құралған бес команда бақ сынады.Турнирге волейболдан жоғары дәрежелі жаттықтырушылар Әбдіқахар Дінислам Әбдірахымұлы және Өміртай Мейрамбек Арманұлы төрелік етті. Мұнайшылар арасында ұйымдастырылған спорттық сайыс тартысты өтті. &nbsp;Сайыс қорытындысымен І орынды «Тарлан» (80 000 теңге қаржылай сыйақысымен), ІІ орынды «Бразилия» (75 000 теңге қаржылай сыйақысымен), ІІІ орынды «Сұңқар» (70 000 теңге қаржылай сыйақысымен) командалары қанжығалады.Спорт турниріне белсенді қатысқан «Банда Багдата» және «Алға» командаларына (65 000 теңге сыйақысымен) ынталандыру сыйлықтары табысталды.Дүбірлі доданың қорытындысымен үздік ойын көрсеткен 34 ойыншыға арнайы сыйлықтар табысталды. Ал үздік өнер көрсеткен ойыншылар «Үздік ойыншы», «Үздік шабуылдаушы», «Үздік қорғаушы», «Үздік либеро», «Үздік үйлестіруші» номинациясымен марапатталды.

Мұнайшылар волейболдан бақ сынады

<a href="https://kyzylorda-news.kz/">Kyzylorda-news.kz</a> Қызылордалық «Қайсар» өткен сенбіде өз алаңында Алматының «Қайратын» қабылдады.&nbsp;Төрт тур бойы жеңіс кілтін таба алмаған жерлестеріміз бұл жолы жанкүйер көңілінен шығатын ойын өткізді. Тәжірибелі қарсыласын қапы қалдырып, биылғы біріншіліктегі алғашқы үш ұпайына қол жеткізді.Қызылордалық футболшылар алғашқы үш турда бірде-бір ұпай ала алған жоқ. Оның екеуінде өз алаңында қарсыластар ығына жығылды. Бұл жергілікті жанкүйерлер тарапынан реніш туғызғаны жасырын емес. Оған команда басшылығы «Әзірге футболшылар арасында түсінбеушілік бар. Олардың көбісі клубқа биыл қосылды. Алдағы ойындарда ұпай олжалауға күш саламыз» деген уәдесін бергенін білеміз. Турнир кестесінде он үшінші орында тұрған «Қайсар» үшін жеңіс ауадай қажет екені анық еді.Доп додасының дүбірі естілген сәтте «Қайрат» басшылығы чемпион атағын жеңіп алуға күш салатынын жеткізді. Әрине, оған барлық мүмкіндік бар. Өз шәкірттері мен тәжірибелі легионерлер команда құрамына енгізілді. Десе де алты турдан кейін жағдайы мәз емес. Небәрі сегіз ұпаймен турнир кестесінің бел ортасында тұр.«Қайсардың» бас бапкері Виктор Кумыков алғашқы минуттан жергілікті түлектерден Думан Нәрзілдаев, Елжас Алтынбеков, Өркен Махан сынды футболшыларға сенім артты. Сондай-ақ олардың қатарына бұдан бұрын негізгі құрамда алаңға шықпай жүрген Горан Милойко қосылды. Қалғаны «Қайсар» сапында тұрақты түрде ойындарға қатысып жүрген футболшылар еді. Ал қарсылас ұжымда Жоао Паоло, Элдер Сантана, Виктор Васин секілді шетелдік шеберлер және «Қайраттың» академиясында тәрбиеленіп шыққан жас таланттар жасыл алаңға шықты.Алғашқы минуттан қос команда ашық шабуылға көшті. Екеуінің де есеп ашатын бірнеше мүмкіндігі болды. Бірінші кезеңде «Қайсар» сапынан Өркен Махан қақпашымен бетпе-бет шығып, өз мүмкіндігін мүлт жіберіп алды. Ал алматылық клубтың өткір шабуылына қызылордалық шабуылшылар тойтарыс берді.Екінші кезеңде де ойын барысы дәл осылай өрбіді. Соған қарамастан таблодағы есепке өзгеріс енген жоқ. Төреші қосқан қосымша бес минут түгесілер тұста «Қайсар» шабуылшысы Айбар Жақсылықов алматылық қақпашы Данил Устименконың өрескел қателігін пайдаланып, жаңа командасы сапындағы алғашқы голын соқты.Осылайша қызылордалық команда биылғы біріншіліктегі алғашқы жеңісін тойлап, турнир кестесінде он бірінші орынға көтерілді. Енді жерлестеріміз алдағы ойынын 5 мамырда сырт алаңда Қарағандының «Шахтер» командасына қарсы өткізеді.

«Қайсар» қарсыласын қапыда қалдырды

<a href="https://kyzylorda-news.kz/">Kyzylorda-news.kz</a> Қызылордалық «Қайсар» өткен сенбіде өз алаңында Алматының «Қайрат» командасын қабылдады. Төрт тур бойы жеңіске тұғырынан көріне алмаған жерлестеріміз бұл жолы жанкүйер көңілінен шықты. Тәжірибелі қарсыластарының осал тұсын тауып, биылғы біріншіліктегі алғашқы жеңіске қол жеткізді.Қызылордалық футболшылар алғашқы үш турда бірде-бір ұпай ала алмаған еді. Оның екеуінде өз алаңында қарсыластарына есе жіберді. Бұл жергілікті жанкүйерлер тарапынан реніш туғызғаны жасырын емес. Оған команда басшылығы «Әзірге футболшылар арасында түсінбеушілік бар. Олардың көбі клубқа биыл қосылды. Алдағы ойындарда ұпай олжалауға күш саламыз» деп уәде берген болатын. Турнир кестесінде он үшінші орында тұрған «Қайсар» үшін жеңіс ауадай қажет еді.Доп додасының дүбірі естілген сәтте «Қайрат» басшылығы чемпион атағын жеңіп алуға күш салатынын жеткізді. Әрине, оған барлық мүмкіндік бар. Өз шәкірттері мен тәжірибелі легионерлер команда құрамына енгізілді. Десе де алты турдан кейін жағдайы мәз емес. Небәрі сегіз ұпаймен турнир кестесінің бел ортасында тұр.«Қайсардың» бас бапкері Виктор Кумыков алғашқы минутта Думан Нәрзілдаев, Елжас Алтынбеков, Өркен Махан сынды футболшыларға сенім артты. Сондай-ақ олардың қатарына бұдан бұрын негізгі құрамда алаңға шықпай жүрген Горан Милойко қосылды. Қалғаны «Қайсар» сапында тұрақты түрде ойындарға қатысып жүрген футболшылар еді. Ал қарсылас құрамда Жоао Паоло, Элдер Сантана, Виктор Васин секілді шетелдік шеберлер және «Қайраттың» академиясында тәрбиеленіп шыққан жас таланттар жасыл алаңнан көрінді.Алғашқы минуттан қос команда ашық шабуылға көшті. Екеуінің де есеп ашатын бірнеше мүмкіндігі болды. Бірінші кезеңде «Қайсар» сапынан Өркен Махан қақпашымен бетпе-бет шығып, өз мүмкіндігінен мүлт кетті. Алматылық клубтың өткір шабуылына қызылордалық қорғаушылар тойтарыс берді.Екінші кезеңде де ойын дәл осылай жалғасты. Соған қарамастан таблодағы есепке өзгеріс енбеді. Төреші қосқан қосымша бес минут түгесілер тұста «Қайсар» шабуылшысы Айбар Жақсылықов алматылық қақпашы Данил Устименконың өрескел қателігін пайдаланып, жаңа команда сапындағы алғашқы голын соқты.Осылайша қызылордалық команда биылғы біріншіліктегі алғашқы жеңісін тойлап, турнир кестесінде он бірінші орынға көтерілді. Енді жерлестеріміз алдағы ойынын 5 мамырда сырт алаңда Қарағандының «Шахтер» командасына қарсы өткізеді.&nbsp;М.ҚОСЫМБАЕВФото: Нұрболат Нұржаубай

Қайсардың жеңісі

<a href="https://kyzylorda-news.kz/">Kyzylorda-news.kz</a> Ала жаздай қолынан кетпені түспейтін, ризық несібесін жерден терген диқан қауымы егінін жинап, көңілін бір демдейтін қоңыр күздің берекелі шағы өткен жылы шырайлы Шиеліде мерейлі мерекеге, ұлан-асыр ел тойына ұласқан-ды.Сол шаққа сәл шегініс жасасақ. 2023 жылы Шиелі ауданы, Көкшоқы мөлтек ауданындағы спорт кешенінде ауыл спортшыларының «Алтын күз – 2023» XXХҮІІІ облыстық спартакиадасы өткен болатын.Спартакиаданың ашылуына Қызылорда облысының мәдениет және спорт басқармасы басшысының орынбасары Ж.Айекешов және облыстық мәслихат депутаты, спорт жанашыры, облыстық «Қайсар» СК директоры С.Мұстафа, Шиелі аудандық әйелдер кеңесінің төрайымы Нәйла Палымбет, Шиелі аудандық білім бөлімінің басшысы Жібек Баймұратова, зиялы қауым өкілдері, аудан спортшылары бой көрсетті.Салтанатты шараны Шиелі ауданының әкімі Нұржан Ахатов ашып, ауыл спортын дамыту мемлекеттің жіті назарында екендігін, бүгінгі жас спортшы ертең ел намысын қорғайтын нағыз патриот болуы жолында осы сынды спартакиадалар өткізудің маңыздылығына тоқталып:<blockquote>– Тәуелсіздік жылдары Сыр спортшылары халықаралық ірі жарыстарда топ жарып, көк байрағымыз асқақтай түсуде. Әлемдік аренада көк туымызды желбіретіп жүрген даңқты спортшылардың арасында шиеліліктер де бар. Атап айтар болсам, 2023 жылдың өзінде аудан спортшылары республикалық жарыстарда 18 алтын, 11 күміс, 33 қола, Әлем біріншілігінде 1 алтын, 1 күміс, Азия біріншілігінде 1 алтын медаль иеленді. Бүгінгі таңда бұл спортшылар тек біздің ғана емес, бүкіл Қазақ елінің мақтанышы десек, артық айтқандық емес. Сондай-ақ, бұқаралық спортты қолдау мақсатында жыл басынан бері ауданымызда 38 аудандық, 9 облыстық, 2 республикалық додалар өткізілді. Мұнан бөлек, 2022 жылы Көкшоқы спорт клубының жабық ғимаратын 482 миллион теңгеге қайта жөндеуден өткізсек, бүгін сіздер доп тепкелі отырған ашық спорт алаңын жуырда 224 миллион теңге қаражатқа күрделі жөндеуден өткіздік. Тіпті, жуырда кент орталығынан жаңа спорт кешенінің тұсауын кестік. Бүгін шымылдығы ашылып, Шиеліде 4 күн бойы өтетін спартакиадада барлық аудандардан келген 1000-нан астам адам спорттың 16 түрінен (футбол, волейбол, баскетбол, қол күресі, шахмат, асық ату, бес асық, гір спорты, қазақ күресі, тоғызқұмалақ, үстел теннисі, көкпар, теңге ілу, аударыспақ, гандбол, турникке тартылу және президенттік көпсайыс) бақ сынайды. Спартакиадада жеңіске жеткендер еліміздің даңқын асқақтатар, әлемдік аренада көк туымызды желбіретер спортшы болуына тілектеспін. Құрметті спортшылар мен қонақтар! Ендеше, «Алтын күз – 2023» 36-шы облыстық спартакиадасын ашық деп жариялаймын, – деген болатын.</blockquote>Жарыс барысында жағылған &nbsp;спартакиада алауы барша қатысушы көрермендер мен спортышларға ерекше көңіл-күй сыйлағаны қоса бар.&nbsp;Иә, ел намысын қорғап, абыройын асқақтатып жүрген әйгілі спортшылардың бір қатары ауылдан шыққаны белгілі. Шаңға аунап, доп теуіп, пішен үстінде күресіп жүрген қара домалақ балалар әлемнің дамыған елдер қатарындағы мемлекеттерде өтетін Олимпиада төрінен топ жарып шықпасы анық. Ендеше, бүгінгідей спартакиадалар кеудесінде төзімділік пен қайсарлық, жеңіске деген ұмтылысы бар, чемпион болуды армандап, алдына үлкен мақсат қойған талай жеткіншектің «трамплині» десек те болады. Сонымен бірге жыл бойы ең мықты шәкірт тәрбиелеу жолында аянбай еңбек еткен жаттықтырушылар үшін көптен күткен мереке.Спартакиаданың ашылуына алыстан ат терлетіп келген Арал ауданының мәдениет және спорт бөлімінің басшысы Махатов Бауыржан Ібрашұлы, №19 Арал ауданының олимпиадалық резервтің мамандандырылған балалар-жасөспірімдер мектебінің директоры, Алмағамбетов Серік Алдажарұлы, №20 Арал ауданының балалар-жасөспірімдер спорт мектебінің директоры, Қорғанбаев Жетпісбай Алпысбайұлы сынды азаматтар бастап шықты.Келесі кезекте таныстыру алаңында Қазалы ауданының мәдениет және спорт бөлімі &nbsp;басшысының орынбасары, бокстан КСРО спорт шеберіне үміткер, волейболдан І разраядтағы ойыншысы Жамшейітов Орысбек Қаниұлы, Қазалы спорт клубының директоры Өтеген Нұртуған Сәдірханұлы, № 17 Қазалы ауданының олимпиадалық резервтің мамандандырылған балалар-жасөспірімдер мектебінің директоры Мамбетжан Бақытбек Қасқырбекұлы, №18 Қазалы ауданының балалар-жасөспірімдер спорт мектебінің директоры Абиев Нұрболат Бауыржанұлы және ауданның абыройын асқақтатқан спортшылар, жеңімпаз жүлдегерлер бастаған спорт саласының мақтаныштары бой көрсетті.&nbsp;Одан кейінгі кезекте Қармақшы ауданының құрама командасын, аудандық мәдениет&nbsp;және спорт бөлімінің басшысы Ержанов Дәурен Дауылбекұлы,аудандық «Спорт клубының» директоры Асылов Марат Мұқанғалиұлы, №15 Қармақшы аудандық олимпиадалық резервтің мамандандырылған балалар-жасөспірімдер мектебінің директоры&nbsp;Алиев Артур Айытбайұлы, №16 Қармақшы аудандық балалар-жасөспірімдер спорт мектебінің директоры, «Қазақстан&nbsp;Республикасының спорт шебері», Ұлттық дәрежедегі төреші Ержанов&nbsp;Ғалым Серікұлы бастаған жетекшілер келді.Спартакиаданың жасыл алаңында Жалағаштан келген Облыстық «Алтын күз – 2023» ауыл спортшыларының спартакиадасын Жалағаш ауданынан Жалағаш ауданының мәдениет және спорт бөлімінің басшысы Қалыбаев Шарабан Мақсатұлы, мәдениет және спорт бөлімі басшысының орынбасары Жамалатов Еркебұлан Сырмағамбетұлы, Жалағаш аудандық «Наркескен» спорт клубының директоры Ержанов Ғалымжан Дастанұлы, Жалағаш аудандық «Жабық бассейн» директоры Құтболдиев Мұхтар Тоқтарұлы, облыстық мәдениет және спорт басқармасының №13 Жалағаш ауданының олимпиадалық резервтің мамандандырылған балалар-жасөспірімдер мектебінің директоры Баймаханов Данабек, облыстық мәдениет және спорт басқармасының №14 Жалағаш ауданының балалар-жасөспірімдер спорт мектебі директоры Асылбеков Аян Асылбекұлы бастап келген азаматтар қатары да жасыл алаңда бой көрсетті.Спартакиадаға Сырдария ауданының құрама командасын аудандық мәдениет және спорт бөлімі басшысының міндетін атқарушы Төрәлиев Жеңісбек Үсенұлы және ауданның абыройын асқақтатып жүрген спорт саласының мақтаныштары да команда қатарын толықтырды.Ал одан кейін Жаңақорған ауданының мәдениет және спорт бөлімінің басшысы&nbsp;Сыздықов Әбілқайыр Әбілпаттаұлы бастаған, Жаңақорған спорт клубының директоры Сабырханов Болат Тұтқабайұлы, &nbsp;Қызылорда облысының ұлттық ат спорты түрлерінің жетекшісі, ҚР «Құрметті спорт қызметкері», №7 олимпиадалық резервтің мамандандырылған балалар жасөспірімдер спорт мектебінің директоры Боранбаев Сламхан Өміртайұлы және Қазақстан Республикасының еңбегі сіңірген жаттықтырушысы, Қазақстан республикасының еңбегі сіңген қызметкері №8 олимпиадалық резервтің мамандандырылған балалар жасөспірімдер спорт мектебінің директоры Садықов Әбдісаттар Алдабергенұлы Жаңақорған ауданының құрама командасының туын желбіретіп, жасыл алаңнан табылды.Шырайын шашып, шартарапқа танылған ауданның құрама командасын Шиелі аудандық мәдениет және спорт бөлімінің басшысы Әзімхан Аруна Өркенқызы, №9 Шиелі ауданының олимпиадалық резервтің мамандандырылған балалар-жасөспірімдер мектебінің директоры Тажбенов Ғабит Рантайұлы, №10 аудандық балалар мен жасөспірімдер спорт мектебінің директоры Айтуаров Ардақ Жанайдарұлы, Шиелі спорт клубының директоры Зермұхамедов Нұрлан Жағыппарұлы шеруді бастап келді. Ал, ауыр атлетикадан Айзада Мүптілда, Бектай Асылжан, Сансызбаева Айсамал Әлем, Азия біріншіліктернің жеңімпазы. Таеквондодан Қапанова Ботакөз, Торғын ӘлімханАзия біріншілігінің жүлдегерлері. Жекпе-жек спортынан Шәкірбек Абылай жастар арасындағы әлем біріншілігінің жеңімпазы. Белбеу күресінен Әбубәкір Жандос әлем біріншілігінің күміс жүлдегері, волейболдан жасөспірімдер арасында Қойлыбаева Балайым азия біріншілігінің жеңімпазы, Қазақ күресінен әлем кубогінің жеңімпазы Төлепов Бекжан сияқты Шиелі ауданының абыройын асқақтатқан сайыпқыран спортшылар сап түзеп тұрды.Спартакиадаға өңіріміздің барлық ауданынан спортшылар қатысатын болатын. Онда 16 спорт түрі қамтылған: футбол, баскетбол, волейбол, қол күрес, шахмат, асық ату/бес асық, гір спорты, қазақ күресі, тоғызқұмалақ, үстел теннисі, президенттік көпсайыс, көкпар, теңге ілу, аударыспақ, гандбол және турникке тартылу. Айта кетейік, жасыл алаңда бастау алған дүбірлі жарыс алдын ала бекітілген кестеге сәйкес, өткен жылы 1 қазанға дейін жалғасып, өз деңгейінде өтті.

Шиеліде өткен спартакиадаға шолу

<a href="https://kyzylorda-news.kz/">Kyzylorda-news.kz</a>&nbsp; &nbsp;Облыс әкімі Нұрлыбек Нәлібаев Қызылорда қаласының сол жағалауына салынатын жаңа стадионның іргетасын қалау рәсіміне қатысып, қала тұрғындарын Қазақстан халқының бірлігі күнімен және құрылыстың басталуымен құттықтады.«Президентіміз Қасым-Жомарт Кемелұлы «Бәріміз – бір елдің азаматымыз. Тарих тоғыстырған тағдырымыз – бір, сеніммен қадам басатын келешегіміз – бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз – Қазақстанның жарқын болашағын бірге жасаймыз. Біздің мақсатымыз айқын, бұл – Әділетті Қазақстанды құру» деген болатын.<blockquote>&nbsp;– Аймағымыз үшін айтулы күн, көптен күткен қуанышты сәтте бас қосудамыз. Мереке күні өздеріңізбен бірге халықаралық талаптарға сай келетін, 10 мың орындық жаңа стадионның іргетасын қалаймыз. Өздеріңізге белгілі, Тәуелсіздік жылдары елімізде заманауи екі стадион, яғни «Астана арена» мен «Түркістан арена» ғана салынған. Қызылордадағы Ғани Мұратбаев атындағы орталық стадионның салынғанына 60 жылға жуықтады. Стадион УЕФА талаптарына сәйкес келмейді. Сондықтан, біздің сүйікті командамыз «Қайсардың» жанкүйерлерінің ұсынысымен жаңа стадион салуға шешім қабылдадық. Баршамызға құтты болғай!», – деді аймақ басшысы.</blockquote>Іс-шарада футболдан Қазақстан құрама командасының капитаны, бес дүркін ел чемпионы және Қазақстан кубогының жеңімпазы, екі дүркін Қазақстан кубогіның иегері Асхат Тағыберген жерлестерін құттықтады. Жаңа стадионның іргетасын қалау сәтінде мемлекет және қоғам қайраткері Бақберген Досманбетов бата берді.Айта кетейік, биыл Сыр өңірінде жағымды жаңалықтар мен жарқын жетістіктер жетерлік. Қызылорда қаласында құны 2 млрд 700 млн теңге болатын үстел теннисі орталығының құрылысы қарқынды жүруде. Сырдария өзенінің сол жағалауынан физика-математика мектеп-интернаты, Оқушылар сарайы және музыкалық колледждің жаңа ғимараты салынуда. Халықаралық стандарттарға сай келетін жабық бассейні бар көпсалалы дене шынықтыру-сауықтыру кешенінің құрылысы басталды.Өткен жылы аймағымызда 7 дене шынықтыру-сауықтыру кешені ел игілігіне табысталса, биыл аудандарда 4,7 млрд. теңгеге 12 спорт кешенін пайдалануға беру жоспарлануда.Жыл басынан бері Сыр спортшылары әлемдік ареналарда өнер көрсетіп, облыс қоржынына 6 медаль салса, республикалық чемпионаттар мен кубоктардан 140 жүлде иеленді. Басты жетістік, Қамшыбек Қоңқабаев бокстан, Айдос Сұлтанғали грек-рим күресінен Париж олимпиадасына, қос бірдей спортшы Эрик Қасқабаев пен Шыңғыс Медеуов отырып ойнау волейболынан паралимпиадаға жолдама алды. Дзюдо, парадзюдодан да үміткерлер бар.<img src="https://knadmin.beoblood.kz/uploads/440944321_737236508597596_2901203598629065501_n_dd378d98e0.jpg" alt="440944321_737236508597596_2901203598629065501_n.jpg"><img src="https://knadmin.beoblood.kz/uploads/440948210_737237275264186_7813783384799897766_n_e4d2cde1f3.jpg" alt="440948210_737237275264186_7813783384799897766_n.jpg"><img src="https://knadmin.beoblood.kz/uploads/440952963_737241868597060_4150887514001022998_n_e0e8665d13.jpg" alt="440952963_737241868597060_4150887514001022998_n.jpg"><img src="https://knadmin.beoblood.kz/uploads/440956663_737236621930918_9133784520523220031_n_523746783c.jpg" alt="440956663_737236621930918_9133784520523220031_n.jpg"><img src="https://knadmin.beoblood.kz/uploads/440957603_737242311930349_3360383334669264819_n_99b7d6bd31.jpg" alt="440957603_737242311930349_3360383334669264819_n.jpg"><img src="https://knadmin.beoblood.kz/uploads/440961007_737236588597588_5968583570125482891_n_baf3f87db3.jpg" alt="440961007_737236588597588_5968583570125482891_n.jpg"><img src="https://knadmin.beoblood.kz/uploads/440962478_737236668597580_7622082022966771627_n_e1ee6cbcc7.jpg" alt="440962478_737236668597580_7622082022966771627_n.jpg"><img src="https://knadmin.beoblood.kz/uploads/440972582_737236558597591_2298634666803369264_n_87e03ca518.jpg" alt="440972582_737236558597591_2298634666803369264_n.jpg"><img src="https://knadmin.beoblood.kz/uploads/440975387_737236618597585_9028334256019593553_n_007f5aa62d.jpg" alt="440975387_737236618597585_9028334256019593553_n.jpg">Фото:&nbsp;Қызылорда облысы әкімінің баспасөз қызметі

Қазақстан және Қызылорда облысының жаңалықтары: Спорт