&nbsp;<a href="https://kyzylorda-news.kz/">Kyzylorda-news.kz</a>&nbsp; Мемлекеттік рәміздер – бұл кез келген мемлекеттің егемендігі мен біртұтастығын бейнелейтін нышандарының бірі. Олар мемлекет имиджінің ажырамас бөлігін құрайды, азаматтардың патриотизмін білдіреді. Мемлекеттің басты рәміздері – Ту, Елтаңба және Гимн.Ту – мемлекеттің егемендік пен біртұтастықты білдіреді. «Флаг» термині «vlag» деген нидерланд сөзінен шыққан және белгіленген көлем мен түстегі, әдетте елтаңба немесе эмблема түрінде бейнеленген, діңгекке немесе бауға бекітілген мата ұғымын білдіреді. Ту ежелден елдің халқын біріктіру және оны белгілі бір мемлекеттік құрылымға сәйкестендіру міндетін атқарып келеді. Елтаңба – («герб») термині немістің «erbe» (мұра) деген сөзінен шыққан. Мемлекеттің мәдени және тарихи дәстүрін бейнелейтін символдық мәні бар үйлесімді пішіндер мен заттардың мирастық ерекшелік белгісін білдіреді. Гимн – гректің «gimneo» сөзінен шыққан «гимн» термині «салтанатты ән» деген мағынаны білдіреді. Гимн ел азаматтарын тиімді әлеуметтік-саяси тұрғыдан топтастырып, этномәдени тұрғыдан теңдестіру үшін негізгі мәнге ие, маңызды дыбыстық рәміз саналады.Қазалыда 4 маусым – Қазақстан Республикасының Мемлекеттік рәміздер күніне орай марафон жарысы өтті. Жарысқа қатысушылар 10 шақырымға жүгірді. Марафон басталмас бұрын Қазалы ауданы әкімінің орынбасары Дәурен Тлеумбетов спортшыларды мерекемен құттықтап, сәттілік тіледі.Мерекеге орай ұйымдастырылған марафонда қазалылықтармен қатар Қызылорда облысының әр түкпірінен келген желаяқтарда бақ сынады.Аудандық жастар ресурстық орталығының ұйымдастыруымен өткен жарыстың жеңімпазы қазалылық Нұртуған Сазанбай атанды. Жүлделі екінші орынды аралдық Мейірбек Файзуллаев иеленсе, жүлделі үшінші орын қазалылық марафоншы Ерасыл Қожақметке бұйырды.Жеңімпаздар мен жүлдегерлерді аудан әкімі Мейрамбек Шермағанбет Мемлекеттік рәміздер күніне орай өткен салтанатты шарада құттықтап, қаржылай сыйақыларды табыс етті. Сондай-ақ, алғашқы болып келген спортшылар мен ең жас марафоншы аудан әкімінің «Алғыс хатына» ие болды.

Қазалыда марафон ұйымдастырылды

<a href="https://kyzylorda-news.kz/">Kyzylorda-news.kz</a>&nbsp; Қызылордалық «Қайсар» кейінгі алты ойынды нәтижелі өткізді. Үшеуінде жеңіске жетсе, қалғанында тең түсті. Нәтижесінде турнир кестесінде тоғызыншы орынға көтерілді. Алғашқы бестікте келе жатқан командаларға жақындап, жанкүйерлерді де рухтандырып келеді.Өткен сенбіде қызылордалық клуб Қазақстан Премьер-лигасының оныншы турында Қостанайда жергілікті «Тобыл» командасымен ойнады. Қарсылас ұжым биыл бас жүлдеге үмітті. Десе де кешегі ойында олардың тым белсенділігі байқала қойған жоқ.Кездесуде қарсылас командалар толассыз шабуылдар ұйымдастырды. Кейбірінде сәттілік жетіспей жатса, енді бірінде қақпашылар әбжілдік танытты. Осылайша бірінші кезеңде таблодағы есеп өзгеріссіз қалды. Екінші кезеңің алғашқы минуттарында «Қайсардың» белсенділігі айқын аңғарылды. Ойыншылар қос қанаттан шабуыл жасап, гол соғатын мүмкіндікті іздеді. Осындай сәттердің бірінде &nbsp;Валерий Громыко өзіне берілген мүмкіндікті мүлт жібермеді. Бұл – Беларусь футболшысының қызылордалық клуб сапындағы үшінші голы.Ойынның 76-минутында қостанайлық командадан Ислам Чесноков таразы басын теңестірсе, 92-минутта «Қайсар» шабуылшысы Шохназар Норбеков жеңіс голын соғып кетті. Осылайша қызылордалық клуб қарсыласын 2:1 есебімен тізе бүктірді.Айта кетсек, ел біріншілігінде «Тобылмен» өткен кейінгі үш ойында «Қайсар» бірде-бір ұпай жоғалтқан жоқ.Аталған турдағы өзге ойын нәтижелері төмендегіше: «Ордабасы» – «Жетісу» 3:1, «Тұран» – «Ақтөбе» 0:1, «Елімай» – «Қызылжар» 1:1, «Қайрат» – «Шахтер» 4:2, «Жеңіс» – «Атырау» 0:1.Енді алдағы он бірінші тур ойындары 15 және 16 маусым күндері өткізіледі.Әділжан Үмбет

«Қайсар» жеңіс төрінде

<a href="https://kyzylorda-news.kz/">Kyzylorda-news.kz</a> Қорқыт Ата атындағы Қызылорда университетінің «Құқықтану» кафедрасының негізін қалаушы, ф.ғ.к., профессор Мұстафа Матайұлы Матаев атындағы дәстүрлі III спортакиада өтті.Ашылу салтанатына ғалымның әріптестері мен шәкірттері және ұрпақтары қатысты. Арнайы ҚР Парламенті Сенатының депутаты Наурызбай Байқадамов, облыстық мәслихат төрағасы Мұрат Тлеумбетов, университет проректоры Жандос Базартай сөз сөйлеп, қайраткердің өнегелі өмірі жайлы естеліктерімен бөлісті.&nbsp;Аймақтағы құқық қорғау органдары мен&nbsp;құқықтық қызмет көрсету саласының қызметкерлерінің қатысуымен өткен дода кешке дейін жалғасты.&nbsp;Арқан тарту сайысы бойынша бірінші орынды облыстық полиция департаментінің командасы жеңіп алды. Қызылорда станциясы желілік полиция бөлімінің командасы екінші, ал ҚР Ұлттық қауіпсіздік комитеті Қызылорда облысы және Байқоңыр қаласы бойынша департаменті үшінші орынды жеңіп алды.Жүзу сайысында қыздар арасында ҚР Ұлттық Ұлан 5547 әскери бөлімінің қатысушысы Гүлнұр Керімбаева, Әділет департаментінен Мөлдір&nbsp;Жанақұлова, полиция департаментінен Лаура&nbsp;Толекова жеңімпаз атанды.Ерлер арасында облыстық полиция департаментінен Ернар Садуақасов бірінші орынды иеленді. ҚР Ұлттық Ұлан 5547 әскери бөлімінен Арнат Ысмаилов екінші, Жеке сот орындаушылар палатасынан Азамат Турматов үшінші орынды жеңіп алды.Футболдан ҚР Ұлттық Ұлан 5547 әскери бөлімі жеңімпаз атанды. Полиция департаментінің клмандасы екінші, ал ҚР сот әкімшілігінің Қызылорда облысы бойынша департаменті үшінші орынды иеленді.&nbsp;Ал шахмат сайысында облыстық Төтенше жағдайлар департаментінің командасы жеңіске жетті. Қызылорда облысы бойынша экономикалық тергеп-тексеру департаменті жүлделі екінші орынды, ҚР сот әкімшілігінің Қызылорда облысы бойынша департаменті үшінші орынды қоржынға салды.Жеңімпаздар ұйымдастырушылар тарапынан бағалы сыйлықтармен марапатталды.&nbsp;Қорлан САРЫ

Қызылордада Мұстафа Матаев атындағы дәстүрлі III спортакиада өтті

<a href="https://kyzylorda-news.kz/">Kyzylorda-news.kz</a> Облыс орталығында салынып жатқан «Қызылорда Арена» стадионы – аймақ футболының еңсесінің биік болуына кепіл ауқымды жоба. Сыр спорты үшін маңызды нысанның іргетасын қалау рәсімінде облыс әкімі Нұрлыбек Нәлібаев Тәуелсіздік жылдары елімізде заманауи екі стадион ғана салынғанын айтқан болатын.<blockquote>– Яғни «Астана арена» мен «Түркістан арена» ғана салынған. Қызылордадағы Ғани Мұратбаев атындағы орталық стадионның салынғанына 60 жылға жуықтады. Стадион УЕФА талаптарына сәйкес келмейді. Сондықтан біздің сүйікті командамыз «Қайсардың» жанкүйерлерінің ұсынысымен жаңа стадион салуға шешім қабылдадық. Баршамызға құтты болғай! – деді аймақ басшысы.</blockquote>Шынында да, еліміздегі көптеген футбол клубтарының стадиондары ескі, әбден тозығы жеткен. Тіпті көбі 4-5 жыл сайын қайта күрделі жөндеуден өткізіліп жатады. Оған өзге мемлекеттердің жаңа стадион салатын қаржысына шамалас ақша жұмсалады. Сол сомаға неге облыс орталықтарына халықаралық стандартқа сай келетін стадиондар салып алмасқа?! Бұл аймақ жанкүйерлерінің де көптен көкейінде жүрген өзекті мәселе болатын.Ал облыс басшысы айтқан екі стадионның бірі – 30 мың жанкүйер сыятын «Астана Арена», екіншісі – Түркістандағы 7 мың орындық «Түркістан Арена». Тіпті ел бойынша ұлттық құрама ойынын өткізуге лайық 2-3 стадион бар. Негізінен ойындар «Астана Арена» мен Алматының орталық стадионында өтеді. Қалған стадиондар ФИФА мен УЕФА талаптарының төменгі деңгейіне де сай келмейді.Бұл ретте құны 20 млрд теңгелік жаңа стадион халықаралық талаптарға сай болмақ. Айталық, УЕФА ареналар үшін төрт санатты белгілеген. Оған сәйкес, 4- санатқа жету үшін, яғни ескі классификация бойынша 4 және 5 жұлдызды стадионға үлкен құрылым қажет. Нысан үлкен және егжей-тегжейлі тізімге сәйкес келуі керек. 2010 жылы УЕФА бекіткен ережеге сәйкес, 4-санат ең жоғары саналады. Мұндай стадиондар ең жоғары деңгейдегі матчтарды қабылдай алады. Сол жағалаудан салынып жатқан стадион осы УЕФА классификациясы бойынша 3- санатқа ие.Көпбейінді нысан тұтас кешен ретінде қызмет көрсететін болады. Оған қоса, арена футболшылардың жаттығу залымен шектелмейді. Аумағы 7,5 гектар жерді алып жатқан стадионның жалпы ауданы 24,3 мың шаршы метр. Нысан 9 спорт залымен – аумағы 553 шаршы метр бокс залы, 342 шаршы метр күрес, 213 шаршы метр жаттығу залы, 134 шаршы метр ауыр атлетика залы, 213 шаршы метр футболшылардың жаттығу залы, 244 213 шаршы метр йога, 1 мың 213 шаршы метрден астам гимнастика-акробатика, 151 213 шаршы метр сауықтыру-денешынықтыру залдарымен қамтылады. Жаңа стадион Сыр спортына жаңа мүмкіндіктер мен жаңа жеңістер сыйлайтынына сенім мол.Жалпы, өңірдің спорт саласында жағымды жаңалықтар мен жарқын жетістіктер жетерлік. Облыстық денешынықтыру, спорт және туризм басқармасы мәліметінше, өңірде спорттық инфракұрылымды дамыту, халықтың денешынықтыру және спортпен айналысуға деген сұранысын қанағаттандыру бағытында ауқымды жұмыс атқарылуда. Былтыр 13 спорт кешенінің құрылысы жүргізіліп, қазіргі таңда оның 9-ы қолданысқа берілген. Биыл да жаңадан 11 нысан салынып, пайдалануға беріледі.Сонымен қатар, былтыр Сырдария өзенінің сол жағалауынан халықаралық талапқа сай жүзу бассейні бар көпбейінді денешынықтыру-сауықтыру кешенінің, үстел теннисі орталығының іргетасы қаланды.Облыс спортшылары биыл ҚР чемпионаттары мен кубоктарынан 254, Әлем және Азия чемпионаттары мен кубоктарынан 54 медаль иеленді. ҚР ұлттық құрама командасына 690 облыс спортшылары енді. Сондай-ақ биылғы басты спорттық дода – Олимпиада және Паралимпиада ойындарына қазіргі таңда аймағымыздың спортшылары 4 жолдама иеленген.Биболат Сәтжанфото: aladop.kz

 Жаңа стадион – Сыр спортына серпін бермек

<a href="https://kyzylorda-news.kz/">Kyzylorda-news.kz</a> Сырдария ауданында балаларға арналған арнайы орталық ашылған болатын.&nbsp;Осы ретте «Салауатты Сырдария» қоғамдық қорының «Оңалту» орталығы тірек-қимыл аппараты бұзылған және психоневрологиялық патологиясы бар мүгедек балаларға арналып, күндізгі стационар ретінде жұмыс жасауда. Жақында Сырдария аудандық қоғамдық кеңесінің мүшелері аталған орталықтың жұмысымен танысқан болатын.«Оңалту» орталығы 10 балаға лайық­тандырылған. Бүгінде аудан бойынша бірнеше бала қамтылып, кәсіби мамандардың бақылауына алынған. Орталықтың таныстырылымы барысында аудандық жұмыспен қамту және әлеуметтік бағдарламалар бөлімінің басшысы Мақсұт Қаратаев, халықаралық «Қазақ тілі қоғамы» қоғамдық бірлес­тігінің аудандық филиал төрағасы Шаһарбек Нұрсейіт, қоғамдық кеңес төрағасы Маратбек Еспенбетов, ардагерлер кеңесінің төрағасы Мұса Келдібаев, мәслихат депутаты Алмас Есназар, ардагерлер Сансызбай Сәдуақасов, Гүлбар Әбілова, Кенжебек Мұстафаев орталық жұмысына жоғары баға берді.<blockquote>– Мемлекеттік бағдарлама аясында аудан орталығында мү­гедектігі бар балаларға «Оңалту» орталығы ашылғанына қуаныш­тымыз. Жаңашылдыққа ұмтылып жүретін іскер азамат Қайрат Сүлейменов тың бастаманы қолға алуда. Баланың денсаулық жағдайын тікелей бақылайтын мамандар өз міндетіне жауапкершілікпен қарайтынына сенеміз. Әр ата-ана баласының оңалып кеткенін қалайды. Мұндай орталық бізге аса қажет, – деді Маратбек Еспенбетов.</blockquote>Негізінен, орталықта күні бойы балалар ем-шара қабылдап, денсаулығын күтуге мүмкіндік алады. Күндізгі стацио­нардың артықшылығы – үйден оқыты­латын балалар осында жан-жақты білім ала алады. Өз кезегінде ұстаздар оқу­шыны оқытуға орталыққа келеді.<blockquote>– Біздің орталықта әлеуметтік маман, медбике, аспазшы жұмыс істейді. Ұлдар мен қыздардың тынығу, асхана, ем-шара, демалыс бөлмесі жасақталған. Бірер күнде бейнебақылау орнатылып, ата-ананың смартфонына қосылатын болады. Сонда ата-ана баласының күнделікті жағдайымен телефон арқылы танысып отырады. Кішкентай бүлдіршіндер үшін түрлі бағытта іс-шара ұйымдастырылады. Уақытылы массаж жасалып, диеталық тағам дайындалады. Сонымен қатар кәсіби мамандар шақырылып, курс өткізіледі, – деді орталық меңгерушісі Бағдаш Сағындық.</blockquote>Орталық тарапынан жасалып жат­қан әрбір қызмет бойынша зерделеу жүр­гізіліп, ардагерлер өз ұсыныстарын ортаға салды.

Сырдарияда «Оңалту» орталығы жұмысын бастады

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев спорт мекемелерінің қызметкерлері арасындағы волейболдан облыстық жарыстың ашылуына қатысты.Аудан басшысы Мемлекеттік рәміздер күні қарсаңында ұйымдастырылып отырған іс-шараның мән-маңызына тоқталды.<blockquote>– Мемлекет басшысы Қасым-Жомарт Кемелұлы Тоқаев әр облыста және ірі аудан орталықтарында саламатты өмір салтын қалыптастыру үшін арнайы спорт орталықтарын ашу қажет деді. Қазақстан Президентінің бұл тапсырмасы Үкімет басшысы және облыс әкімі Нұрлыбек Машбекұлы Нәлібаевтың қолдауымен Сыр елінде қарқынды жүргізілуде. Қызылорда қаласында құны 2,7 млрд. теңге болатын үстел теннисі орталығының құрылысы жүруде. Сырдарияның сол жағалауынан 6,8 млрд. теңгеге халықаралық стандарттарға сай, жабық бассейні бар көпсалалы дене шынықтыру-сауықтыру кешенінің құрылысы басталды, 10 мың орындық жаңа стадионның іргетасы қаланды. Былтыр облыста 7 дене шынықтыру-сауықтыру кешені ел игілігіне табысталды, биыл аудандарда 15 кешенді қолданысқа беру жоспарлануда. Сырдария ауданында спортты дамытуға үлкен қолдау жасалып, мәдени-спорттық шаралар көптеп ұйымдастырылуда. Осындай қолдаулардың нәтижесінде спортшыларымыз биіктерді бағындыруда. Бүгінде сырдариялық спортшыларымыз Азия біріншілігі мен Қазақстан чемпионаттарынан 29 медаль жеңіп алып, аудан мерейін үстем етті, – деді Берік Әбдіғаппарұлы.</blockquote>Жарыстың ашылуында облыстық дене шынықтыру, спорт және туризм бөлімінің басшысы Жанмұрат Сейілов те сөз сөйлеп, қатысушыларға сәттілік тіледі.Бүгінде ауданда тұрғындардың 39 пайызы тұрақты спортпен шұғылданады. Өткен жылы аудан орталығында спорт клубы күрделі жөндеуден өткізілсе, демеушілер есебінен балаларға арналған спорттық ойын алаңдары салынды. Орталық стадион күрделі жөндеуден өткізіліп, стритбол алаңы пайдалануға берілді. Аудан орталығында «Мансұр», «Сырдария спорттық-зияткерлік орталығы», «Аслан» және «Ясин» спорт клубтары мемлекеттік спорттық тапсырысты іске асыру бойынша жұмыс жасайды. Биыл Бесарық ауылында жаңа спорт кешені пайдалануға берілетін болады.Айта кетейік, облыстық жарысқа аймақтан 11 команда, 130-ға жуық спортшы қатысуда.

Волейболдан облыстық жарыс өтті

<a href="https://kyzylorda-news.kz/">Kyzylorda-news.kz</a> Жақында Сырдария аудандық қоғамдық даму бөлімінің тапсырысымен, ‘’Иман-2013’’ қоғамдық қорының ұйымдастыруымен «Сырдария ауданы көлемінде діни экстремизм мен терроризмнің алдын алу қызметін ұйымдастыру» әлеуметтік жоба аясында аудандық ресми тіркелген діни бірлестіктер арасында қазақтың ұлттық спорт түрлері қазақ күресі, арқан тарту, қол күрес, гір тасын көтеруден спартакиада ұйымдастырылды.Спартакиаданың ашылу салтанатында Сырдария аудандық қоғамдық даму бөлімінің теолог маманы М.Сейілханов және Сырдария аудандық спорт клубының оқу ісі жөніндегі орынбасары И.Әкімжанов арнайы қатысты.Спорттық іс-шараның ашылуында қоғамдық даму бөлімінің теолог маманы М.Сейілханов сөз сөйлеп, іс-шараның мәні мен маңызы туралы айтты.Тартысты өткен жарысқа 10 командадан 100 ден аса спортшылар қатысты.Жарыс соңында Сырдария аудандық қоғамдық даму бөлімінің теолог маманы М.Сейілханов және Сырдария аудандық спорт клубының директоры Д.Әлжанов жеңіс тұғырынан көрінген командаларға диплом мен қаржылай сыйлықтарын табыстады.Атап айтқанда Іңкәрдария ауылы 100 000 теңге, Нағи Ілиясов ауылы, 70 000 теңге, Шіркейлі ауылы 50 000 теңге ие болды. Ал қалған командаларға 15 000 теңгеден табысталды.

Сырдарияда спартакиада ұйымдастырылды

&nbsp;&nbsp; Еліміздегі елеулі мерекенің бірі – Қазақстан Республикасының Рәміздері күні. 1992 жылы 4 маусымда Қазақстан Туы, Елтаңбасы және Әнұраны қабылданды. Содан бері ел спортшылары бір тудың астында жарыстарға қатысып, жеңіс тұғырына көтеріліп келеді. «Спортта жетістікке жетіп, өзге елде Әнұранды шырқатып, Туды биікке көтеріп, тұғырда бірінші тұру ол – әр спортшының арманы, мақсаты. Әнұран шырқалып, Ту биікке көтерілгенде көп спортшы көзіне жас алады. Ол – жеңістің, қуаныштың, еліне, жеріне деген сүйіспеншіліктің жасы. Тұғырда бірінші болып, Әнұран шырқалған сәтте жан дүниең тебіреніп, елің мен жеріңе деген сүйіспеншілігің оянады» дейді қазақ күресінен халықаралық дәрежедегі спорт шебері Бекжан Төлепов.&nbsp; Мереке қарсаңында әлем чемпионы, екі дүркін әлем кубогының, халықаралық турнирлердің жеңімпазы Бекжан Әлімжанұлымен сұхбаттасудың сәті түсті.&nbsp;– Бекжан, әңгімемізді өзіңізбен бастасақ...&nbsp;– Өзім 1998 жылы Қызылорда обылысы Шиелі ауданында дүниеге келдім. 2004-2013 жылдары Шиелі ауданы №48 Ә.Қоныратбаев атындағы орта мектепте оқып, 2013-2017 жылдары Алматы қаласындағы спорт жене туризм колледжін бітіріп, 2019-2022 жылы Алматы қаласындағы Абай атындағы қазақ ұлттық университтетінде дене шынықтыру және спорт мамандығын оқып бітірдім.&nbsp; Қазақ күресімен 2005 жылдан бастап айналысып келе жатырмын. Алғашқы бапкерім Әлімжан Тұрғанбаевтан 2005-2008 жылдар аралығында тәлім тәрбие алдым. 2008-2017 жылдар аралығында Мейрембек Тәжібеновтің қол астында жаттықтым. 2017 жылдан бастап, ШВСМ мектебінде Болатбек Кенеевтің тәлімгерлігімен жаттығып жүрмін.– Спорт саласында жүрсіз. Ең алғаш рет жеңіс тұғырынан көрініп, Ту көтерген сәтіңізбен бөліссеңіз...&nbsp;– Ең алғаш Туды көтерген кез есімде. Ол 2021-2022 жылдары Румыния елінде әлем кубогының жеңімпазы болдым. Сол жылдары қазақтың көк Туы көкке көтерілді. Әрине, ондай ерекше сәт естен кетпейді. Барлық спортшының есінде қалатын кез деп айтар едім. Бір минуттық Әнұранымыз шырқалып, Туымыз көкке көтерілгенде оның артында қаншама жылғы еңбек жатыр. Оған дейін талай жарақат аласың. Сонда да жеңіске ұмтыласың. Бірақ жеңіс тұғырынан көрінген кезде осы қиындықтың бәрін ұмытасың.– Қазақтың Туын көкке көтеру – әр спортшының арманы. Ту көтергендегі сезімнің өзі ерекше болатын шығар...&nbsp;– Дұрыс айтасыз. Жеңіс тұғырынан көрініп, Туды көкке көтеру – спорт саласында жүрген әрбір қазақ баласының арманы. Жеңіс бізді алға жетелейді. Бір рет жеңіске жеттік деп тоқтап қалмауымыз керек. Өзім халықаралық жарыстарда қазақ еліміздің Туын төрт рет көкке көтеріп, Әнұрамызды шырқатқан жайым бар.&nbsp; Мен үшін біздің тәуелсіздігіміз өте қымбат, мемлекетіміздің сөнген отын жаққаны үшін, ата-бабамыздың руxын көтергені үшін, елімізді әлемге танытқаны үшін, «қазақ» деген атауға жан кіргізгені үшін қымбат. Елімнің бостандығын, елімнің тәуелсіздігін көрсететін бірден бір нышаны, мақтанышы ол – біздің рәміздеріміз. Әр рәмізіміздің астарында өзіндік мағына бар. Мысалы, Туымыздың өзі бейбітшіліктің, тәуелсіздіктің, самғап ұшқан құстың бостандығын суреттесе, Елтаңбаға қарап, байлық, береке, ырыс, еркіндікті көруге болады. Ал Әнұранның орны біз үшін тым бөлек. Әр жеңісімде Туымызды көкке көтеріп, Әнұранымыз айтылғанда бойымызда мақтаныш, жүрегімізді патриоттық сезім баулып, көңілімізге қуаныш орнайды. Міне, осындай жеңістің әр сәті тарихта қалады.– Дәл қазіргі уақытта немен айналысып жүрсіз?&nbsp;– Дәл қазіргі күні қазақ күресінен ұлттық құрама сатындамын. Көздеген мақсатым спорт саласы болғандықтан әлі күнге дейін тыңғылықты дайындалып жатырмын. Уақыттың көбі дайындықпен өтуде. Оған қосымша жас бапкерлерім бар. Олардан үлкен үміт күтемін.– Спорт саласындағы мақсаттарыңыз қандай?&nbsp;– Мақсат өте көп. Шәкірттерімді жарыстарға дайындау, ендігі жерде солардың жеңісін көру. Әрине, өзім де дайындық барысындамын.&nbsp; – Шәкірттіңіз бар ма? Жалпы қазір күреске қызығатын жастар көп пе?&nbsp;– Бүгінде Батыр атты жеке қазақ күрес спорт клубым бар. Онда жүзге жуық жас тәрбиеленіп келеді. Осы кезде республикалық, облыстық жарыстардан жүлделі орын алып, жеңімпаз болып жүрген балуандарым бар. Қазақ күресімен айналысатын жастар саны өте көп. Жыл сайын көбейіп келеді. Оған қоса тек қазақстандық жастар ғана емес, көршілес елдердің де жастары қазақ күресімен айналысып жатыр. Әр шәкіртімнің жеңісін көргенде төбем көкке жетіп, бір марқайып отыратын жайым бар.– Отбасыңыз жайлы айтсаңыз...&nbsp;– Әкем дене шынықтыру пәнінің мұғалімі, ал анам тігіншілікпен айналысады. Отбасымызда төрт ағайындымыз. Өзім үйдің үшінші баласы боламын. Үйленгенмін. Хамза есімді ұлдың әкесімін.– Өмірлік ұстанымыңыз?&nbsp;– Өмірде намысшыл, шыншыл болу. Себебі спортшыларға рух, намыс қажет. Сонымен қатар алдыма қойған мақсатқа жете білу.– Спортшының мерекелік құттықтауы... – Рәміздер күні мерекесімен барлық қазақ елін шын жүректен құттықтаймын. Әрқашанда еліміздің абыройы асқақтап, Қазақстан Әнұранын шырқататын, Туды биікке көтеретін ұл-қыздар көбейе берсін. Еліміз дамып, спортымыз жасай берсін. Тек жеңіс тілеймін.&nbsp;– Сұхбатыңызға рахмет! А.Нұр &nbsp;

Бекжан Төлепов: Халықаралық жарыстарда қазақтың туын төрт рет көкке көтердім

<a href="https://kyzylorda-news.kz/">Kyzylorda-news.kz</a> “Қайсар” Фк, “Ауыл” партиясы және “Мейірім құшағы” комиссияның бірлесіп ұйымдастыруымен футболдан 2012-2013 жылы туған жасөспірімдер арасындағы облыстық турнир мәресіне жетті.100 ден аса балғын футболшылар бақ сынаған доп додасында “Қайсар 2012” командасы барлық қарсыластарын айқын жеңіп, турнирдың жеңімпазы атанса, “Қайсар 2013” бәсекенің күміс жүлдгері болды. Ал “Наман Ата” командасы үзщік үштікті түйіндеді.Турнир барысында алаңда лайықты ойын көрсеткен шебер футболшыларға номинациялар табысталды. Атап айтқанда, Үздік қақпашы: Жаннат Бексұлтан(Қайсар 2013)Үздік қорғаушы: Ерболат Әлинұр (Наман 2)Үздік жартылай қорғаушы: Есенгелді Айқожа (Достар)Үздік шабуылшы: Жұмахан Қуандық (Арманс)Үздік ойыншы: Шәмшат Әділжан (Қайсар 2012).Жарыс барысында балғын футболшыларға мерекеге орай тәттілер үйлестірілді.

“Қайсар 2012” - облыстық турнирдың жеңімпазы атанды

<a href="https://kyzylorda-news.kz/">Kyzylorda-news.kz</a> «Қазақстан Халық» партиясы Қызылорда облыстық филиалы, №39 «Қызылөзек» орта мектебінің ұйымдастыруымен Қазақстан Халық партиясының 20 жылдығына орай, сондай-ақ 1 маусым – халықаралық балалар күні қарсаңында жасөспірімдер арасында «Спорт – өмір серігі» &nbsp;атты шағын футболдан турнир өтті.Аталған іс-шараға Қызылөзек ауылдық округіне қарасты Қаракөл, Айнакөл, Қызылөзек ауылдарынан 8 команда қатысып, бақ сынады.Спорттық іс-шараның негізгі мақсаты – жасөспірімдердің спортқа деген қызығушылығын дамыту, балаларға спорттың адам өміріндегі маңыздылығын түсіндіру, оқушыларға саламатты өмір салтын үйрете отырып, жазғы демалыс уақытын тиімді өткізуге атсалысу.Турнир қорытындысымен І орынды Қаракөл ауылы жеңіп алды. Ал, ІІ орынды Айнакөл ауылы, ІІІ орынды Қызылөзек ауылынан келген командалар бөлісті.Шағын футбол турнирі тартысты әрі қызықты өтті. Турнирде ойынның әділ өтуін қадағалаған төрешілер команда ойынын ғана бақылап қоймай, командада ерекшеленген ойыншыларға да көңіл аударды. Осылайша үздік ойын көрсеткен ойыншыларға &nbsp;«Үздік шабуылшы», «Үздік қақпашы», «Үздік қорғаушы» номинациялары беріліп, арнайы статуеткаларымен марапатталды. Барлық қатысушы командаларға алғыс хаттар табысталды.

Қызылордада «Спорт – өмір серігі»  акциясы өтті

<a href="https://kyzylorda-news.kz/">Kyzylorda-news.kz</a>&nbsp; Қарапайым ойыннан спорт пен өнер сатысына жеткен интеллектуалды сайыстың бірі − шахмат.&nbsp;Бұл сала Қазақстанда жетекші спорттың біріне айналды. «Корольдер алаңында» біліктілігімен көзге түскен гроссмейстерлер көбеюде. Әлемдік аренада бақ сынап, жеңіс төрінен көрінген жерлестеріміз бар.Мәселен, 2022 жылы Грецияның Родес қаласында жасөспірімдер және қыздар арасында өткен әлем чемпионатында Сыр сұлуы Назерке Нұрғали әлем чемпионы атанды. Сол жылы Польшада әлем спортшылары бас қосқан додада жерлесіміз Әсел Серікбай үздік бестіктің қатарына қосылып, ел мерейін үстем етті. Мұндай жеңістің артында үздіксіз дайындық пен жаттықтырушылардың еңбегі жатыр. Осы орайда шахматтан облыстағы аға жаттықтырушы Риза Қошқаровамен хабарласып, бұл спорттың маңыздылығы туралы сұхбат құрдық.&nbsp;− Риза ханым, шәкірттеріңіз әлем чемпионатында үздік нәтижеге қол жеткізуде. Жаттықтырушы ретінде оқушыларыңызға қандай құндылықтарды үйретуге тырысасыз?<blockquote>− Бүгінгі еңбек − ертеңгі жеңіс. Жаттығу немесе сайысқа дайындық процесінде жетекші шахматшылардың материалдары пайдаланылады. Тактика, стратегия, дебют, эндшпиль, ойын барысын онлайн қарап, талқылаймыз.</blockquote>− Шахматқа икемді баланы қалай танимыз?Назерке, Әсел сынды оқушылармен қалай таныстыңыз?<blockquote>− Кез келген ата-ана баласын шахмат курстарына бермес бұрын, баланың ойөрісіне мән бергені абзал. Шахмат адамның ойлау қабілетін дамытады. Менің ойымша, 3 жастан бастап балаға логиканы дамытатын ойындар, санамақ, бояу дәптерлерін үйрету қажет.Әсел мен Назерке №136 мектепте оқитын. Мен де дәл осы білім ордасында болашақ шахматшылар командасын жинақтау үстінде едім. Шахмат кабинетіндегі алғашқы кездесу барлығын түбегейлі өзгертті. Қыздарға барлығы ұнап, сабақтан мүлде қалмайтын еді.Әсел шахматқа 2008 жылы келді. Ол кезде небәрі алты жасар қыз еді. Шахматқа қызығушылығының арқасында сол жылы Қарағанды қаласында өткен Дәрмен Садуақасов атындағы кубокта бақ сынап, ең жас қатысушы атанды. Ал 2009 жылдың наурызында 8 жасқа дейінгі балалар турнирінде қола жүлдегер атанды. Арада 2 жыл өткеннен кейін Әсел Қазақстандағы 8 жасқа дейінгі балалар арасындағы бәсекеде классика, рапид және блиц бойынша үш алтын медаль жеңіп, чемпион атанды. Осылайша Грециядағы әлемдік додаға жолдама алды. 81 қатысушы бақ сынаған ақыл-ой спортында біліктілігімен үздіктер қатарынан көрініп, 3-орынды межеледі. Қызу дайындықтың арқасында жас шахматшы қызымыз 2011 жылы әлем чемпионы атанды. Румыня, Шри-Ланкада өткен жарыста 2-орын алса, 2018 жылы Грецияда әлем чемпионы мәртебесін иеленді.Алты жасынан бастап шахматты меңгерген Назерке 8 жасында Қазақстан чемпионы атанды. Ол − шахматтан жасөспірімдер арасындағы Қазақстан Республикасының 16 дүркін чемпионы, әйелдер арасындағы рапид және блицтан 2 дүркін Қазақстан чемпионы, қыздар арасындағы Әлем чемпионы, Үндістандағы шахмат Олимпиадасының қатысушысы, 20 жасқа дейінгі Азия чемпионы, спорт шебері.Қыздар әлем, Азия чемпионы болу жолында тер төкті. Әсел мен Назеркеде екі-екіден гроссмейстер ұпайы бар. Ендігі кезекте тек біреуі қалды. Биыл аяқтайтынымызға сенеміз.</blockquote>− Сіздің ойыңызша, мықты гроссмейстер болу үшін не істеу қажет?<blockquote>− Бұл салада мықты маман болу үшін үздіксіз әрі жүйелі түрде дайындалу міндетті. Бұл уақыт пен көп жаттығуды талап етеді. Ал гроссмейстер лауазымын алу үшін физикалық белсенділікті арттырумен қатар турнирлерге көп қатысу қажет. Гроссмейстерлер қатысатын үздік турнирлерде перфоманс 2450 болуы керек, 9 ойыннан тұратын сайыста 4 гроссмейстермен кездеседі. Бұл, әрине, оңай емес.</blockquote>− Қызылордадағы шахматтың болашағы қандай?<blockquote>− Сыр өңірінде Қазақстан чемпионатында 1-орын алған чемпион ұлдар бар. Олар − Ақылжан Мейірханұлы мен Ернұр Ержанұлы. Жас шахматшылар Қазақстан атынан Бразилия және Италияда өтетін әлем чемпионатына қатысу құқығын жеңіп алды. Сондай-ақ, Қызылорда облысының атынан қатысатын Аңсат Алдияр 2023 жылғы ерлер арасындағы Қазақстан чемпионы. Биыл «жыл спортшысы» атағын иеленді.Өңірдегі, аудандардағы спорт мектебінде, сонымен қатар қалада «Чемпион», «Мерей» секілді шахмат үйірмелері бар. Қазіргі уақытта қатысушыларды Әділет Ерсерік, Мейржан Бармағамбетов, Үсен Махамбетов, Бекболат Мизанбаев есімді жаттықтырушылар дайындайды.</blockquote>− Ақтөбе қаласында ұйымдастырылып жатқан байқау туралы айтсаңыз. Өңірден кімдер қатысуда?<blockquote>−&nbsp;Дәл қазір Аркадий Дварковичті еске алу мақсатында «Aktobe Open − 2024» халықаралық турнирі және ардагерлер арасындағы Қазақстан чемпионаты өтіп жатыр.Бұл байқауға біздің ең мықты спортшыларымыз − Ақылжан Мейрханұлы, Нүрсәт Оспан, Кәусар Али, Олжас Азатжанұлы, ал ардагерлер турниріне Тимур Қасымов, Ғалымжан Ибраев, Барат Жетпісбаев қатысуда.</blockquote>&nbsp;− Шахматшыларға сәттілік тілейміз! Сұхбатыңызға рақмет!&nbsp;Сұхбаттасқан Әлия ТӘЖІБАЙ Фото:aqmeshit-zhastary.kz

Әлемдік аренаны бағындырған сырбойылық шахматшылар

<a href="https://kyzylorda-news.kz/">Kyzylorda-news.kz</a>&nbsp; Бокс аренасында ешкімге есе жібермейтін сырбойылық спортшы Қазақстанның атын әлем жұртшылығына танытуда. Халықаралық дәрежедегі спорт шебері Нұрсұлтан Алтынбек осы кезге дейін 23 жасқа дейінгі ерлер арасында 3 дүркін Азия чемпионы атанып үлгерді. Бұл – қазақ боксшыларының арасында бұрын болмаған жетістік.Бүгінде ол – Қорқыт ата атындағы Қызылорда университетінің «Дене шынықтыру және бастапқы әскери дайындық»&nbsp; білім беру бағдарламасының студенті. Осы орайда былғары қолғап шеберінің өзімен тілдесуді жөн көрдік.– Нұрсұлтан, Астанада өткен Азия чемпионатында қарсылас шақ келтірмей, финалда моңғолдық боксшыны 5:0 есебімен жеңдіңіз. Осы жарыс туралы толығырақ айтып беріңізші, қарсыласты алдын ала зерттейсіз бе?<blockquote>– Чемпионат Қазақстанда өткендіктен үлкен жауапкершілік жүктелді. Өткен жылы азиялық боксшылардың басын қосқан бұл жарыс Тайландтың Бангкок қаласында ұйымдастырылған еді. Финалда филиппиндік боксшы Флинт Джарададан басым түсіп, алтынға қол жеткізген болатынмын. Жыл өткен сайын тәжірибе жинақтап, шыңдала түсетініміз рас. Дегенмен әр сайыстың алдындағы жауапкершілік пен дайындық бірдей. Босаңсуға болмайды. Сондықтан Елордада өткен бәсекеге де ерекше дайындалдық. Жарысқа ҚР еңбек сіңірген жаттықтырушысы, ҚР бокс федерациясының бас бапкері Мырзағали Айтжанов пен жеке бапкерім Жәміл Жүсіп дайындады.</blockquote>– Бұрын БАҚ-қа кеңінен сұхбат бермепсіз. Өзіңізді оқырманға таныстырып өтсеңіз… Қайда дүниеге келдіңіз? Бала кезден-ақ спортқа қызықтыңыз ба? Алғашқы бапкеріңіз кім болды?<blockquote>– Қызылорда қаласында туып-өстім. Бала кезімде өзіммен құрдас жиеніме еріп бокс үйірмесіне барып, осы спорттың ережесін меңгере бастадым. Бокс – күш сынасатын ғана емес, ерік-жігерің, төзімділігің шыңдалатын спорт. Жаттығу алаңына жиі келуіме, жылдар өткен сайын осы спортқа бейімделіп, әр жарыс сайын шыныға түсуіме алғашқы бапкерім Жаңабек Әлиев көп еңбек сіңірді. Жаттықтырушыммен бірге талай жарысқа барып, жасөспірімдер арасындағы Азия чемпионатының күміс жүлдегері, жастар арасында Азия чемпионатының жеңімпазы атандым.</blockquote>– Білуімізше, қазіргі бапкеріңіз – Жәміл Жүсіп. Дайындықтарыңыз Қызылордада өте ме? Күніне қанша уақытыңызды жаттығуға арнайсыз?<blockquote>– Иә, қазіргі уақытта жарыстарға Жәміл ағай дайындауда. Жаттығуға аптасына алты мәрте келуге дағдыланғанбыз. Күніне бір мезгіл тыңғылықты жаттығамыз. Ал жарыс басталар алдындағы оқу-жаттығу кезінде күніне екі мезгіл келіп, шеберлігімізді шыңдаймыз.</blockquote>– Бокста көздеген нәтижеге жету үшін қай нәрсеге басымдық беру керек? Өзіңізден кейінгі спортшыларға қандай кеңес бересіз?<blockquote>– Әрине, ақыл айтар жасқа немесе жетістікке жеттік деп ойламаймын. Дегенмен кез келген жарыста оқ бойы озып шығу үшін еңбек пен өз-өзіңді қамшылайтын намыс керек. Сенім артқан ата-ана мен жаттықтырушылардың үмітін ақтауға барынша күш саласың. Ал шетелдік спортшылармен сынға түскенде алдымен туған елдің абыройын ойлап тұратынымыз рас.</blockquote>– Осы кезге дейін елімізден бөлек, бірқатар шет мемлекеттегі чемпионатқа қатыстыңыз. Боксшы ретінде қанша елге бардыңыз, қай спортшымен кездесу ерекше есте қалды?<blockquote>– Онға жуық мемлекетте өткен спорттық жарысқа қатысыппын. Чемпионаттар өзгеріп тұрғанымен барлығында көздейтініміз қарсыластан басым түсіп, жеңіске жету. Сондықтан мына қарсыласпен кездесу ерекше болды деп айта алмаймын.</blockquote>– Алда қандай жарысқа дайындалудасыз?<blockquote>– Алла қаласа көздеген мақсатымыз өте көп. Осы жылдың соңында өтетін Азия чемпионатына және халықаралық турнирлерге қатыспақпыз. Келесі жылы Әлем чемпионаты бар. Қазір байрақты бәсекеге тыңғылықты дайындық үстіндеміз.</blockquote>– Сұхбаттасқаныңызға рақмет! Әңгімелескен Айдана ЖҰМАДИНОВАФото: Нұрсұлтан Алтынбектен&nbsp;

Қазақстан және Қызылорда облысының жаңалықтары: Спорт