<a href="https://kyzylorda-news.kz/">Kyzylorda-news.kz.</a>&nbsp; 16 наурызда Мемлекет басшысы Қасым-Жомарт Тоқаев тікелей эфирде Қазақстан халқына Жолдау жариялайды.
Президент Жолдауында жуық арада жүзеге асырылатын саяси реформалардың жаңа бағдарламасы мен әлеуметтік-экономикалық бағытта атқарылатын іс-шаралар туралы айтылады.
Мемлекет басшысының Жолдауы сағат 11:00-де (жергілікті уақытпен 10.00-де) республикалық телеарналардан тікелей эфирде көрсетіледі. Сондай-ақ «БОРТ N1» тelegram-каналы жиыннан жедел хабар таратады.

Қасым-Жомарт Тоқаев Қазақстан халқына Жолдау жариялайды

<a href="https://kyzylorda-news.kz/">Kyzylorda-news.kz.</a> Қазіргі уақыт – адамзат баласының әлемдік өркениеттің биік шыңына шығу үшін бар күш-жігерін жұмылдырған кезең. Өркениетке жету, мәдениеті қалыптасқан қуатты мемлекет құру – әрбір елдің ең басты мақсаты. Бұл мақсатқа жету үшін: біріншіден, елдегі әрбір адамның құқықтары мен бостандықтарының заңмен қорғалуы тиіс; екіншіден, халықтың әл-ауқатын арттырып, тұрмыс-тіршілігіне күш беретін қуатты экономикасы;&nbsp; үшіншіден, елдегі ішкі және сыртқы саяси тұрақтылықтың сақталуына, мемлекеттің дамып гүлденуіне және Конституция талаптарының орындалуына ықпал етуші кемеңгер көшбасшысы болуы тиіс. Ол көшбасшы қазіргі таңдағы мемлекет басшылары.
Мемлекет басшысының қызметі- бүкілхалықтық сайлау арқылы жүзеге асатын, халық тарапынан сенім білдірілетін, ең жоғарғы деңгейдегі мәртебелі қызмет. Халықтың көпшілік дауысымен сайланған тұлға мемлекет басқару құзырын өз қолына алады. Тиісінше, ол тұлғаға конституция талаптары&nbsp; бойынша мемлекет атынан өте маңызды шешімдер қабылдау үшін нақты басымдықтар мен өкілеттіктер беріледі. Мемлекет басшысы сол конституциялық өкілеттіктерді толық атқару және пайдалану мүмкіндігін иеленеді. Тиісінше, өзіне берілген өкілеттікті жүзеге асыра отырып, мемлекеттің көпжылдық даму стратегиясын айқындайды. Әрбір сала бойынша елдің әл-ауқатының артып, экономикалық тұрғыдан қарыштап дамуы, рухани тұрғыдан кемелденуі үшін маңызды реформалар жасауға құқылы.
550 жылдық тарихы бар Қазақ елі 1991 жылы Кеңес Үкіметі құрамынан бөлініп шығып, 1991 жылдың 16 желтоқсанында Қазақстан Республикасы болып тәуелсіз мемлекет ретінде қайта құрылды. Тәуелсіз Қазақстанның 1995 жылы жалпыхалықтық реферндум негізінде Конституциясы қабылданды. Мемлекеттің бас құжаты – Конституциямыздың 2 бабы: «Қазақстан Республикасы – президенттік басқару нысанындағы біртұтас мемлекет», 1 баптың 1-тармағында: «Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырады, оның ең қымбат қазынасы – адам және адамның өмірі, құқықтары мен бостандықтары» – деп жазылған. Қазақстанның тәуелсіздігін ресми түрде ең алғаш болып мұхиттың арғы жағында жатқан Америка Құрама штаттары мойындады, екінші болып алып мемлекет – Қытай, сонан соң Ұлыбритания мойындады. Оның артынан Моңғолия, Франция, Жапония, Иран, Түркия, Оңтүстік Корея сияқты әлемнің салмақты елдері мойындап жатты. Түркия алғаш болып Қазақстанда өз елшілігін ашты.
ХХ ғасырдың соңында (1991) егемен ел ретінде өзінің мемлекеттігін жариялаған Қазақстан болашаққа қалай қадам басты? Көрші мемлекеттермен, сондай-ақ алыс-жақын шет елдермен қандай қарым-қатынаста болды? Сыртқы саяси бағыттары мен ұстанымдары өз нәтижесін көрсетті ме? Елімізде тәуелсіздік алған 1991 жылы халықтың әлеуметтік ахуалы қандай еді? Қазіргі таңда қандай деңгейге көтерілді? Көп ұлттардан тұратын мемлекетіміздің ішкі тұтастығы мен сыртқы саяси-дипломатиялық қарым-қатынастары қалай өрбіді?
Тарихқа жүгінсек, қазақ халқының 550 жыл бойы қалыптасқан мәдени мұралары, әдет-ғұрыптары, салт дәстүрлері мен рәсімдері және жөн-жоралғылары құқықтық заң, бұлжымайтын ереже ретінде өмірлік қолданысқа айналған. Халықтың ізгі әдеттері құқықтық әдеп болып қалыптасып, ол құқықтық заңдылыққа, дәстүрге, санаға сіңіп салтқа ұласқан. Ұлттық салт-сана мен дәстүрлер құқықтық нормалар арқылы әлеуметтік әдеп – яғни құқықтық мәдениет болып қалыптасқан.
Дегенмен, жаңа қоғам талабына жауап беру үшін Қазақстан халықаралық стандарт талабын қанағаттандыратын ұстанымдарды басшылыққа алды. Мемлекеттің заң шығару жүйесінде озық деп танылған әлемдік тәжірибелерді қолданысқа енгізе отырып, сыртқы саяси-дипломатиялық байланыстарға қатты назар аударды. Ең алдымен көрші жатқан Ресей,&nbsp; Қырғызстан, Өзбекстан, Қытай, секілді мемлекеттермен және алыс-жақын шет мемлекеттермен ынтымақтастық дипломатиялық қарым-қатынастарға түсті. Нәтижесінде:
<ul>
<li>1992 жылы Біріккен Ұлттар Ұйымының (БҰҰ) құрамына енді.</li>
<li>1996 жылы құрылған «Шанхай бестігі» халықаралық ұйымға (Құрылтайшылар: Ресей, Қытай, Қазақстан, Қырғызстан, Тәжікстан) мүшелікке кірді (Шанхай, 2002).&nbsp;</li>
<li>1997 жылы Біріккен Ұлттар Ұйымының №217(ІІІ) резолюциясымен 1948 жылы 10 желтоқсанда қабылданған «Адам құқықтарының жалпыға бірдей декларациясының» талаптарын басшылыққа ала отырып, Қазақстан Республикасы Президенті жанынан 1997 жылдың 22 сәуірінде Адам құқықтары жөніндегі комиссия құрылды (Комиссия, 1997). Мақсаты – Адам құқықтары мен бостандықтарын қамтамасыз ету мен қорғау саласындағы халықаралық ынтымақтастықты нығайтуға жәрдемдесу болып табылады.</li>
<li>1995 жылы 30 тамызда республикалық реферндум негізінде қабылданған Қазақстан Республикасы Конституциясында адам құқықтары мен бостандықтарын қорғауға қатысты баптар 1948 жылы 10 желтоқсанда БҰҰ Бас Ассамблеясы бекіткен Адам құқықтарының жалпыға бірдей декларациясының талаптарымен үйлеседі. Демек, ҚР Конституциясында жазылған адам құқықтары мен бостандықтарын қорғауға қатысты мемлекеттің кепілдігі – бүкіләлемдік стандарт талаптарын қанағаттандырады деуге болады. Өз тәуелсіздігін жариялаған Қазақстанның алғашқы қадамы – заманауи демократиялық, құқықтық мемлекет құру болды. Құқықтық мемлекетте әрбір азаматтың құқықтық мәдениеті мен құқықтық ой-санасы бірге жетіледі. Құқықтық сана әрбір азаматты құқықты құрметтеуге, заң талаптарын мүлтіксіз орындауға, қылмыс зардабын түсініп, оны жасамауға және екінші тұлғаның қылмыстық әрекетке бармауына ықпал етуге көмектеседі.</li>
</ul>
Денсаулық жағдайы бойынша мерзімінен бұрын тоқтатылып та жатады. Кей елдердің Конституция талаптарына сәйкес президенттің сол лауазымға екі рет сайлануына да құқық берілген. Сондықтан оның денсаулығы, қабілеті, біліктілігі мен өмірлік тәжірибесі мемлекеттің игілігі болып табылады.
Мемлекет басшысының мәртебесі Қазақстан Республикасы Конституциясының 40-бабының 1-тармағында: «Қазақстан Республикасының Президенті – мемлекеттің басшысы, мемлекеттің ішкі және сыртқы саясатының негізгі бағыттарын айқындайтын, ел ішінде және халықаралық қатынастарда Қазақстанның атынан өкілдік ететін ең жоғары лауазымды тұлға», ал 2-тармағында: «Республиканың Президенті – халық пен мемлекеттік билік бірлігінің, Конституцияның мызғымастығының, адам және азамат құқықтары мен бостандықтарының нышаны әрі кепілі» – деп жазылған. Қазақстан Республикасын 28 жыл басқарып, жоғарыда келтірілген ауқымды тарихи оқиғалар мен маңызды шешімдердің жүзеге асуына тікелей ықпал еткені үшін ҚР Тұңғыш Президенті Нұрсұлтан Назарбаевқа Конституциялық Кеңестің шешімімен «Елбасы» мәртебесі берілді.
Қазақстан Республикасының Конституциялық Кеңесі туралы ҚР 1995 жылғы 29 желтоқсандағы №2737 Конституциялық заңының 2-бабында: «Конституциялық Кеңес жетi мүшеден, соның iшiнде Конституциялық Кеңестiң Төрағасынан тұрады. Бұған қоса Республиканың экс-Президенттерi құқығы бойынша ғұмыр бойы Конституциялық Кеңестiң мүшелерi болып табылады»– деп жазылған. Осы Конституциялық заңның талаптарына сәйкес, ҚР Тұңғыш Президенті 2019 жылдың 20 наурызынан бастап ҚР Конституциялық Кеңестің мүшесі, Қауіпсіздік Кеңестің төрағасы лауазымына тағайындалды.
Қазақстан тарихында тәуелсіздіктің алғашқы 10 жылы ХХ ғасырдың еншісіне жазылды. Алғашқы онжылдықта әлем елдерімен саяаси-сауатты келіссөздер мен ымыралар жасаудың нәтижесінде еліміз ХХІ ғасырда өз орнын қалыптастыра білді. ХХІ ғасырдағы Қазақстан тәуелсіздігінің екінші және үшінші онжылдықтары мемлекетті жедел даму мен жаңа белеске шығарды.
ҚР Президентінің 2008 жылғы халыққа Жолдауында «Демократиялық дамудың жалпыға бірдей танылған заңдылықтары мен біздің қоғамымыздың дәстүрлерін үйлестіре отырып, біз одан әрі де саяси және мемлекеттік құрылыстың Қазақтандық моделін жетілдіру жолымен жүре беретін боламыз. Сонымен қатар ұлтаралық және мәдениетаралық келісімді, біртұтас Қазақстан халқының ілгері дамуын қамтамасыз етеміз» деп дамудың Қазақстандық феномені белгіленген болатын.
&nbsp;&nbsp;&nbsp;&nbsp; &nbsp;Президенттің &nbsp;өз өкілеттігі кезеңінде өз конституциялық құқықтарын тиімді пайдалану арқылы мемлекеттің даму стратегиясын айқындап, дамып гүлденуіне күш-жігерін жұмсайтын болса жарқын болашаққа жол ашылады. Мемлекеттің жарқын болашағы үшін күш-жігерін жұмсаған мемлекет басшыларын әлем халықтары тарихтан танып біледі. Орта Азия елдерінің тарихында және әлем кеңістігінде мемлекет басшыларына қатысты орын алып жатқан түрлі оқиғалардың уақыт талабынан туындайтындығын&nbsp; түсінуіміз қажет. Қазақстан тәуелсіздік алған күннен бүгінгі таңға дейінгі аралықта мемлекет басшысының өз конституциялық құқықтары шегінде халықтың сенімімен аянбай еңбек етуі және өз еркімен өкілеттігін тоқтатқаннан кейін конституциялық құқықтары аясында ғұмыр бойына Конституциялық Кеңестің мүшесі құрамына тағайындалуы демокртаиялық құқықтық мемлекеттің белгісін айқындайды.
А.А.Мадалиева,
&nbsp;Қазақстан Республикасы Президентінің жанындағы мемлекеттік басқару Академиясының
Қызылорда облысы бойынша филиалының профессоры, заң ғылымдарының кандидаты

Тәуелсіздік жылдарында «Қазақстан &#8211; 2050» даму стратегиясын жүзеге асырудағы құқықтық реформалар

<a href="https://kyzylorda-news.kz/">Kyzylorda-news.kz.</a>&nbsp; Мәсімов ҰҚК Төрағасы лауазымында 2 млн. АҚШ доллары сомасында пара алу фактісі бойынша тергеу жүргізілуде. Қаражатты Гонконгтан Қазақстан Ұлттық банкіне қайтару қамтамасыз етілді.
Премьер-Министр лауазымында бизнес-құрылымның бірінен астанада құны 2,5 млрд. теңге элиталық тұрғын үй мен жер телімін алған.
Одан бөлек, отандық бизнес қауымдастықтары мен шетелдік субъект өкілдерінен жылжымайтын мүлік, қымбат сыйлықтар, көлемді мөлшерде ақшалай қаражат алу фактілері тіркелген.
2022 жылғы қаңтарда Мәсімовті ұстағаннан кейін осы тұрғын үйде 17,2 млн. АҚШ доллары мөлшерінде қолма-қол ақша, құнды заттар – элиталық сағаттар, алтын кесектері, антиквариат, бизнес санаттағы 11 қымбат автомашина алынған.
Мүліктеріне Нұр-Сұлтан қаласындағы екі элиталық пәтер, Алматы қаласындағы 2 пәтер мен дербес сарай, Щучье-Бурабай шипажайы аймағы көлінің жағасындағы аумағы 1 га жер теліміне тыйым салынды. 
Мәсімовпен жақын байланысы бар адамдардан 5,1 млн. АҚШ доллары алынып, оған тыйым салынды.
<img src="https://kyzylorda-news.kz/wp-content/uploads/2022/03/220310131902626e.jpg" alt="" />
<img src="https://kyzylorda-news.kz/wp-content/uploads/2022/03/2203101320474464g.jpg" alt="" />
<img src="https://kyzylorda-news.kz/wp-content/uploads/2022/03/2203101320496465g-1.jpg" alt="" />
<img src="https://kyzylorda-news.kz/wp-content/uploads/2022/03/2203101320522166g.jpg" alt="" />
<img src="https://kyzylorda-news.kz/wp-content/uploads/2022/03/2203101320538467g.png" alt="" />
<img src="https://kyzylorda-news.kz/wp-content/uploads/2022/03/2203101321083375g.jpg" alt="" />
<img src="https://kyzylorda-news.kz/wp-content/uploads/2022/03/2203101321015672g-1.jpg" alt="" />
<img src="https://kyzylorda-news.kz/wp-content/uploads/2022/03/2203101321094576g.jpg" alt="" />

Кәрім Мәсімов ісі бойынша деректер жарияланды (ФОТО)

Kyzylorda-news.kz. Бүгін Мемлекет басшысы Президенті, Партия Төрағасы Қасым-Жомарт Кемелұлы Тоқаевтың қатысуымен өткен кезектен тыс XXII съезд ел үшін маңызды жаңалықтармен ерекшеленді. Мемлекет басшысының аз уақыттың ішінде өткізген съезд жұмысы көптеген сұрақтарға жауап болды десек де болады. Партияның құрылған күніне қарсы өткізілген жиында халықтың біраз дүниелерді күткені жасырын емес. Партия төрағасы жұмысты жандандыру үшін «қағазбастылық» пен «қолмен басқару» тәжірибесінен үзілді-кесілді бас тартуды тапсырды.
Барлық деңгейдегі мәслихат және мәжіліс депутаттарының жұмыстарын жандандыруды тапсырды. Бұл дегеніміз қоғамдағы мәселелер көшеде немесе әлеуметтік желіде талқылан емес. Мәселелер арнайы фракция отырысында талқыланып, тиісті шешімдер қабылдануы керек. Алдағы уақытта елді-мекендерді аралап көшпелі кездесулер, қоғамдық қабылдаулар өткізілетін болады. Мұндай шаралар ауыл тұрғындарының өмір сүру сапасын жақсартуға, мәселелерді шешуді тездетуге және әлеуметтік шиеленісті азайтуға мүмкіндік береді.
Партияның атын «Аманат» атауымен өзгеруі үлкен жауапкершілікті жүктейді. Мағынасы терең, халқымыздың тарихы мен мәдениетінде ерекше орын алады. Ол бабаларымыз өсиет еткен тәуелсіздіктің мәңгі арман-мұраты, қуатты мемлекеттіліктің және жалпыұлттық тұтастықтың, кең-байтақ Отанымыздың құндылығы ретінде сипатталады.
Мемлекет басшысы Қасым-Жомарт Кемелұлы Тоқаевтың Жаңа Қазақстанды құру жолындағы әрбір істеріне қолдау білдіремін.
Қаншагүл Мұстафаева,
“Nur Otan” партиясы Жалағаш аудандық филиалы төрағасының бірінші орынбасары

Жаңа Қазақстан — жаңа партия

<a href="https://kyzylorda-news.kz/">Kyzylorda-news.kz.</a>&nbsp; Бүгін онлайн форматта өткен партияның кезектен тыс ХХІІ съезінде саяси маңызды шешімдер қабылданып, алдағы жұмыс бағыттары айқындалды.
Тарихқа көз салсақ осыдан 23 жыл бұрын дәл осы күні партияның алғашқы құрылтай Съезі өткен. Сондықтан бүгінгі жиынның да партия үшін маңызды күні ұйымдастырылуы саяси ұйым тарихында алтын әріппен жазылары сөзсіз.
Жиында Партия Төрағасының 28 қаңтарда өткен Съезде партияны модернизациялау бойынша берген тапсырмасы аясында дайындалған бағдарлама талқыланып, партияны жаңғыртуға бағытталған барлық ұсыныстар Съезд делегаттары тарапынан бірауыздан мақұлданды.
Сонымен бірге ҚР Парламенті Мәжілісіндегі «Nur Otan» партиясы Фракциясының Төрағасы Ерлан Жақанұлы Қошанов партия атауын «AMANAT» деп өзгерту туралы ұсыныс білдірді. Мемлекет басшысы, Партия Төрағасы Қасым-Жомарт Кемелұлы Тоқаев бұл ұсынысқа қолдау білдірді және партияның жаңа атауын Съезд делегаттары да бірауыздан қолдады. Съезд шешімімен партияның Жарғысына тиісті өзгерістер енгізіліп, жаңа атауы мен белгісі бекітілді. Бұл – Жаңа Қазақстанды құру жолында жаңарған партиямызға жүктелген айрықша жауапкершілік пен көрсетілген зор сенім деп білеміз.
Ләйлә Төрешова,
“Nur Otan” партиясы Қызылорда облыстық филиалы төрағасының бірінші орынбасары

Ләйлә Төрешова: Партияны жаңғырту бағыттары бекітілді

<a href="https://kyzylorda-news.kz/">Kyzylorda-news.kz.</a> «Аmanat» партиясы жас саясаткерлерді шыңдайтын, сұрыптайтын ұйымға айналуы керек. Мұндай пікірді Сенат депутаты Нұртөре Жүсіп білдірді.
<blockquote>
 «Жағдай күн сайын өзгеріп жатқан уақыт. Сол уақыт бүкіл қазақ қоғамынан жаңаруды, тазаруды, барынша бекем ұлт болуды талап етіп отыр. Қазақтың басына талай сын-сағат, қауіп пен қатер төнген. Мемлекет басшысы «Біз осындай ынтымақтың арқасында қаңтардағы қиын-қыстау күндерде мемлекеттігіміз бен тұтастығымызды қорғап қалдық»,-деді. Түсінген адамға терең сөз. «Қазір бүкіл әлемдегі ахуал өзгеріп жатыр. Жаңа құндылықтармен қатар күрделі сын-қатерлер пайда болуда. Осындай аумалы-төкпелі уақытта еліміз дамудың келесі кезеңіне қадам басты. Біз «Жаңа Қазақстанды» құруға кірістік. Бұл – өте ауқымды міндет. Тіпті, болашақтағы тағдырымызды шешетін аса маңызды жұмыс деуге болады», – деген Қасым-Жомарт Тоқаевтың сөзі бәрімізге нақты бағдар», – деді сенатор.
</blockquote>
Осы ретте Нұртөре Жүсіп Президент елдегі жетекші саяси ұйымды жаңғырту туралы айтқанда қазақтың «Ұйытқы» деген әдемі сөзін қолданғанына назар аудартады.
<blockquote>
 «Шын мәнінде барлық іс-әрекетке ұйытқы болар күш керек. Жаңадан велосипед ойлап табудың қажеті шамалы. Қолдағы барды ұқсату қажет. Өзгерісті ең алдымен өзімізден бастайық деген Президент партияның аты затына сай болсын деген тілек білдірді. Мәжіліс Төрағасы Ерлан Қошанов саяси ұйымның атауын Аманат деп өзгертуді ұсынды. Аманат деген сөз қазақ үшін қасиетті. «Егемендігіміз, елдігіміз бен бірлігіміз, кең байтақ жеріміз – бізге бабалардан жеткен аманат. Осы қастерлі құндылықтарымызды көздің қарашығындай сақтап, болашаққа мирас етуіміз керек. Мемлекеттілік дәстүр жалғастығы, ұрпақ сабақтастығы дегеніміз – міне осы. Халқымыз ешқашан аманатқа қиянат жасамаған», – деп Қасым-Жомарт Кемелұлы аталған ұсынысты қолдады», – деді ол.
</blockquote>
Сенатор партияның атауы өзгергенін, енді оның құрылымы да, сапалық өлшемі де өзгеруі тиіс екендігін баса айтады.
<blockquote>
 «Маңдайшаны ауыстырғаннан ешкімнің маңдайы жарқырай қоймайды. Мазмұнды іс-әрекет, партиялық аппараттың уақытқа икемделуі, «жанарында оты бар» жандардың жарқырап шығуы, елмен етене жұмыс істеу амалдарын табу керек-ақ. Ең бастысы – халықтың сеніміне ие болу міндеті алда тұр. Бұл үшін Мәжіліс пен мәслихаттағы партия фракциялары нақты шешімдер қабылдауға көшуі қажет. Партия жас саясаткерлерді шыңдайтын, сұрыптайтын ұйымға айналуы керек. Қазір әлеуметтік желіде желпіне сөйлеп, мәселенің көбін жадағай талқылау көп. Президент жұртты алаңда немесе желіде желкілдегеннен гөрі Парламент пен мәслихат жиындарында сындарлы жұмыс істеуге шақырды. Сөйтіп саяси мәдениетті қалыптастырудың жолын көрсетті», – деді ол.
</blockquote>
Сенат депутаты Мемлекет басшысы 16 наурызда саяси реформалардың жаңа бағдарламасын ұсынатынын хабарлағандығын атап өтті.
<blockquote>
 «Мен үшін ең басты құндылық – Қазақстанның Тәуелсіздігі. Мемлекет басшысы ретінде еліміздің қауіпсіздігі мен халқымыздың амандығын қамтамасыз ету үшін қолдан келгеннің бәрін жасаймын. Жауапкершілік жүгі қаншама ауыр болса да, одан еш қаймықпаймын», – деген Тоқаевтың сөзінен басталған реформалардың барлығы жүйел түрде жалғасатынын аңғаруға болады. Жөн сөзге тоқтаған жұртпыз. Ұлағатты тәрбие көрген ұлтпыз. Бір нәрсені анық ұғынған абзал. Бізге қуатты да әл-ауқатты Қазақстанды ешкім құрып бермейді. Бәрін өзіміз істеуіміз қажет. Осыны қаперде ұстайықшы», – деді Нұртөре Жүсіп.
</blockquote>
<a href="https://lenta.inform.kz/kz/bizge-kuatty-da-al-aukatty-kazakstandy-eshkim-kuryp-bermeydi-nurtore-zhusip_a3905902">ҚазАқпарат</a>

Нұртөре Жүсіп: Бізге қуатты да әл-ауқатты Қазақстанды ешкім құрып бермейді

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев сөз басында барша қазақстандықтарды Алғыс айту күнімен құттықтады, деп хабарлады <a href="https://www.akorda.kz/kz/prezident-kasym-zhomart-tokaev-bilik-partiyasynyn-kezekten-tys-sezine-katysty-125638">Ақорда.</a>
<blockquote>
 – Біз осындай ынтымақтың арқасында қаңтардағы қиын-қыстау күндерде мемлекеттігіміз бен тұтастығымызды қорғап қалдық. Тәуелсіздігімізге төнген қатердің бетін қайтардық. Сын сағатта бірлігін сақтай білген барша отандастарымызға зор ризашылық білдіремін. Ұйымды жаңғырту туралы алқалы жиынның дәл бүгін өтуінің &nbsp;символдық мәні бар. Бірінші наурыз – партияның құрылған күні. 23 жыл бұрын еліміздегі ең басты саяси ұйымның негізі қаланды. Партия&nbsp; халықты ортақ мақсатқа жұмылдырды. Қоғамға пайдалы көптеген бастамалар көтеріп, сайлаушылардың қолдауына ие болды, – деді Президент.&nbsp;
</blockquote>
<img src="https://www.akorda.kz/public/assets/media/uploadMedia/1646121658_DAA_2258_2.jpg" alt="" />
Мемлекет басшысы партияның келешегі жөнінде айта келіп, оның бұған дейін атқарған жұмысын ұмытуға болмайтынына, өз ісіне берілген партия белсенділерінің қажырлы еңбегіне құрметпен қарау керек екеніне тоқталды.&nbsp;
Президент еліміздің «Жаңа Қазақстанды» құру жөніндегі ауқымды міндетті орындауға кіріскенін мәлімдеді. Алдымызда мемлекетіміздің болашақ тағдырын шешетін аса маңызды жұмыс тұр. Оны ойдағыдай жүзеге асыру үшін жаңа мақсат-міндеттерімізді айқындап алуымыз қажет. Партия барлық реформаға ұйытқы болуға тиіс.&nbsp;
<blockquote>
 – Саяси ұйымның атауын Аманат деп өзгерту ұсынылды. Жасыратын ештеңе жоқ, мен де бұл мәселеге байланысты пікірталасқа қатыстым. Бірнеше ұсыныс болды, соның ішінен Аманат деген атауға тоқтадық.&nbsp;&nbsp; Бұл – еліміз үшін де, ұлтымыз үшін де&nbsp; айрықша мәні бар киелі ұғым.&nbsp; Егемендігіміз, елдігіміз бен бірлігіміз, кең байтақ жеріміз – бізге бабалардан жеткен аманат. Осы қастерлі құндылықтарымызды көздің қарашығындай сақтап, болашаққа мирас етуіміз керек. Мемлекеттілік дәстүр жалғастығы, ұрпақ сабақтастығы дегеніміз – міне осы.&nbsp;&nbsp; Халқымыз ешқашан аманатқа қиянат жасамаған. Партия бұл қағидатты берік ұстанады. «Аманат» ата-бабаларымыздың келешек ұрпаққа қалдырған өсиеті деген ұғымды білдіреді. Аманат сөзінің – мағынасы терең, халқымыздың тарихы мен мәдениетінде ерекше орын алады. Ол бабаларымыз өсиет еткен тәуелсіздіктің мәңгі арман-мұраты, қуатты мемлекеттіліктің және жалпыұлттық тұтастықтың, кең-байтақ Отанымыздың құндылығы ретінде сипатталады. Біз осы баға жетпес мұрамызды сақтап, нығайтуға тиіспіз. Бұл – біздің аға буын мен өскелең ұрпақ алдындағы қастерлі борышымыз. Сондықтан мен партиямызды ресми түрде Аманат деп атауды толық қолдаймын, – деді Қасым-Жомарт Тоқаев.
</blockquote>
<img src="https://www.akorda.kz/public/assets/media/uploadMedia/1646121698_1%20(11).jpg" alt="" />
Президент өткен айда жүргізілген ауқымды аналитикалық жұмыстар партия қызметіне маңызды өзгерістер енгізу қажет екенін көрсетті деп атап өтті. Жоғарыда айтылған ұсыныстарды қолдай отырып, партия Төрағасы бірқатар басым міндетті айқындап берді. Оның пікірінше, ең алдымен, орталыққа тәуелділікті жою және партия аппаратының тиімділігін арттыру қажет.
<blockquote>
 – Партия аппаратының жұмысында бюрократияның теріс сипаттары анық көрінді. Желілік кестелер, есеп беру және қағаз жүзіндегі іс-шаралар сайлаушылармен тікелей жұмыс істеуді екінші орынға сырғытты. Жұмысқа құлшынып тұрған азаматтар өз орындарын дарынсыз функционерлерге беруге мәжбүр болды. Сондықтан орталық аппараттың филиалдармен және бастауыш партиялық ұйымдармен өзара іс-қимыл әдістерін толығымен қайта қарау қажет. Бюрократия мен қағазбастылықтан үзілді-кесілді бас тарту керек. Аймақтық филиалдар мен бастауыш ұйымдары сайлаушылармен өздігінен жұмыс істей алады және жұмыс істеуге міндетті. Орталық аппарат нұсқаушылық және «қолмен» басқару тәжірибесінен арылуға тиіс, – деді Мемлекет басшысы. &nbsp;
</blockquote>
Қасым-Жомарт Тоқаевтың айтуынша, Мәжіліс пен мәслихаттардағы фракциялардың қызметін жандандыру қажет. Депутаттық фракциялар диалог алаңдарын ұйымдастыру міндетін өздеріне алып,&nbsp; олардың жұмыс қорытындысы бойынша нақты нәтижеге қол жеткізуі керек.
<blockquote>
 – Әлеуметтік желілер мен қала алаңдарындағы қоғамдық талқылауларды Парламент пен мәслихаттарда өткізген жөн. Бұл – аса маңызды міндет. Фракциялар депутаттық сауалдармен шектеліп қалмай, парламенттік және қоғамдық талқылаулар мен ашық пікір-сайыстарға баруға тиіс. Керек болса, Үкіметтің нақты мүшелері мен әкімдерге сенім мәселесін көтеру қажет. Барлық деңгейдегі партия депутаттарының рейтингі алдын ала дайындалған есептерге емес, нақты істер мен азаматтардың мәселелерін шешуге негізделуі керек, – деді партия Төрағасы.
</blockquote>
<img src="https://www.akorda.kz/public/assets/media/uploadMedia/1646121785_2%20(9).jpg" alt="" />
Мемлекет басшысы азаматтардың мүдделерін ілгерілетуді және партияның ашықтығын басты мәселе ретінде айқындады.
<blockquote>
 – Партия популизмге салынып, орындалмайтын уәде бермегені жөн. Сонда Премьер-министр мен кабинет мүшелерінен қажетті сандарды талап етуге де жол берілмейді. Егер осылай жалғаса берсе, күдік күшейіп, адамдардың партияға деген сенімі жоғалады. Ал оның партияға кері әсері тиеді. Бұндай көзбояушылықтың салдары&nbsp; адамдардың әлеуметтік көңіл-күйіне және ішкі саяси тұрақтылыққа ықпал етеді. Бұған, әсіресе, геосаяси тұрақсыздық жағдайында жол беруге болмайды. Сайлаушылармен кері байланысты күшейткен жөн және осы бағытта қоғамдық қабылдаулардың әлеуетін барынша пайдалану қажет, – деді Президент.
</blockquote>
<img src="https://www.akorda.kz/public/assets/media/uploadMedia/1646121822_DAA_2287_2.jpg" alt="" />
Партия Төрағасы елімізді одан әрі жаңғырту үшін партияластарынан тың ұсыныстар күтетінін атап өтті. Сондықтан жалпыұлттық өзекті мәселелер күн тәртібін әзірлеу үшін Қазақстанның әрбір азаматынан тың идеялар мен ұсыныстар жинау жөнінде республикалық акция ұйымдастырған жөн. Мемлекет басшысы партияластардың ішінен сенімді адамдарды іріктеп, оларды ілгерілету ісін жалғастырған дұрыс деп санайды.
<blockquote>
 – Ашығын айтқанда, қазіргі кезде саяси менеджерлерді даярлау ісі ақсап тұр. Қазіргі жағдайда саяси басшылар түрлі мамандармен, жастармен, журналистермен, халықтың барлық өкілдерімен тіл табыса алуы керек. Мұндай адамдар ел арасында аз емес. Әлеуметтік лифтінің жоқтығы – бірден-бір кедергі.&nbsp; Жас әрі қабілетті мамандарға мүмкіндік бермейміз. Бұл – біздің басты кемшілігіміз. Партия құрылымында Саяси менеджмент академиясы бар. Осы академияның қызметін күшейту қажет, – деді Президент.
</blockquote>
<img src="https://www.akorda.kz/public/assets/media/uploadMedia/1646121858_3%20(10).jpg" alt="" />
Президент осы айтылған міндеттерді мейлінше қысқа мерзім ішінде орындау қажет екеніне назар аударды. Партия Төрағасы орталық аппаратқа жұмыс тобын құрып, партияның жаңа тұғырнамасын әзірлеуді тапсырды. Оның айтуынша, Аманат – озық ойлау мен әділдіктің, бірлік пен алға ілгерілеудің партиясы, халықтың пікірі мен ел мүддесін ескеретін азаматтарымыздың игілігі жолында қызмет ететін негізгі ұйым. Украинада болып жатқан қазіргі жағдайда осы айтылған барлық мәселенің мәні зор.
<blockquote>
 – Біздің ұстанымымыз мемлекетіміздің қауіпсіздігін, егемендігі мен аумақтық тұтастығын қамтамасыз етуді көздейді. Біз 2010 жылы Еуропадағы қауіпсіздік және ынтымақтастық ұйымының саммитін өткізген ел ретінде еуразиялық қауіпсіздіктің тұтастығы қағидатына бейілдіміз. Мен бұл туралы 10 ақпанда Мәскеуге жасаған сапарымда айттым. Біз екі мемлекетті келіссөз үстелінде ортақ тіл табысуға, уағдаластық пен келісімге келуге шақырамыз. Басқа жол жоқ. Жақсы жанжалдан жаман бітім артық. Бейбітшіліксіз даму болмайды, – деді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1646121892_DSC_9281_2.jpg" alt="" />
Қасым-Жомарт Тоқаевтың пікірінше, Қазақстан, қажет болса, делдалдық қызметтермен қоса, барлық көмек түрлерін көрсетуге дайын.
<blockquote>
 – Мен Қауіпсіздік Кеңесінің бірқатар отырысын өткіздім. Санкциялық қарсылықтың бұрын-соңды болмаған шиеленісуі жағдайында Үкіметке елдің тұрақты әлеуметтік-экономикалық дамуын қамтамасыз ету жөнінде нақты міндеттер жүктедім.&nbsp;Біздің экономикамыз дағдарыс жағдайында үздіксіз жұмыс істеуді қамтамасыз ету үшін санкциялық сын-қатерлерге қарсы тұруға дайын болуы керек. Алдағы қиындықтар мен сынақтарды бәріміз бірге еңсереміз деп ойлаймын. Олардың күрделілігін бағаламауға немесе асыра көрсетуге болмайды, – деді Президент.
</blockquote>
Қасым-Жомарт Тоқаев елдің қауіпсіздігі мен халықтың әл-ауқатын қамтамасыз ету үшін қолдан келгеннің бәрін жасауға уәде берді.

Президент Қасым-Жомарт Тоқаев билік партиясының кезектен тыс съезіне қатысты

<a href="https://kyzylorda-news.kz/">Kyzylorda-news.kz.</a> Қазақстан президенті Қасым-Жомарт Тоқаев елдің қауіпсіздігі мен халықтың амандығын қамтамасыз ету үшін аянып қалмайтынын мәлімдеді, деп хабарлайды Sputnik Қазақстан.
<blockquote>
 “Мен үшін ең басты құндылық – Қазақстанның тәуелсіздігі. Мемлекет басшысы ретінде еліміздің қауіпсіздігі мен халқымыздың амандығын қамтамасыз ету үшін қолдан келгеннің бәрін жасаймын. Жауапкершілік жүгі қанша ауыр болса да, одан еш қаймықпаймын”, – деді Тоқаев Nur Otan партиясының кезектен тыс XXII съезінде.
</blockquote>
Сондай-ақ ол партия өз жұмысын жандандырып, ұйымның рөлін күшейтуі қажет екенін атап өтті.
<blockquote>
 “Жылдар бойы үнсіз болған, саясатпен айналысып жүрген кейбір адамдар қазіргі жылымықты пайдаланып, әлеуметтік желіге жаппай шыға бастады. Олар ақпарат кеңістігін жаулап алды деуге болады. Неше түрлі қауесет, жалған ақпарат тарап жатыр. Мұндай ахуал елді адастыруы мүмкін. Ашығын айтсақ, біздің жоспарларымызды, қолға алған шараларымызды көпшілік біле бермейді. Партия белсенділері заманауи ақпарат құралдарын пайдаланып, саясатымызды жұртқа жан-жақты түсіндіруі қажет”, – деді президент.
</blockquote>
Тоқаев партия мүшелерін бұл жұмысқа білек сыбана іске кірісуге шақырды.
<blockquote>
 “Халық нақты өзгерістерді күтіп отыр. Партияның атына заты сай болуға тиіс”, – деді мемлекет басшысы.
</blockquote>

Президент ел қауіпсіздігі жайлы: қолдан келгеннің бәрін жасаймын

<a href="https://kyzylorda-news.kz/">Kyzylorda-news.kz.</a>&nbsp; ҚР Президенті Қасым-Жомарт Тоқаев 16 наурызда саяси реформалардың жаңа бағдарламасын жариялайды, деп хабарлайды ҚазАқпарат.
<blockquote>
 «Мен 16 наурызда саяси реформалардың жаңа бағдарламасын ұсынамын. Қазір партиялар арасында бәсеке күшейе түсуде. Осы орайда біз партиямыздың басты саяси күш ретіндегі рөлін сақтауымыз қажет. Бұл өте маңызды міндет. Басқаша айтқанда ұйым әрдайым ел мүддесін қорғайтын нағыз халықтың партия болып қалуы керек», – деді Мемлекет басшысы «Nur Otan» партиясының кезектен тыс съезінде.
</blockquote>

Қасым-Жомарт Тоқаев: 16 наурызда саяси реформалардың жаңа бағдарламасын жариялаймын

&nbsp;<a href="https://kyzylorda-news.kz/">Kyzylorda-news.kz.</a> Ауыл жастарына арналған «Өрлеу» атты жаңа партиялық жобасы ұсынылады. Бұл туралы «Nur Otan» партиясының кезектен тыс съезінде партияның атқарушы хатшысы Асхат Оралов мәлім етті, леп хабарлайды ҚазАқпарат.
<blockquote>
 «Jas Otan» жастар қанатының жұмысын толықтай қайта жаңғырту аса маңызды. «Jas Otan» қатарына жастар арасында шын беделі бар нағыз көшбасшыларды тартамыз. Ауыл жастарына арналған «Өрлеу» атты жаңа партиялық жобасын ұсынамыз», – деді А. Оралов.
</blockquote>
Оның аясында еліміздің түкпір-түкпіріндегі жастардың тұлғалық дамуына, шығармашылық қабілеттерін шыңдауға арналған, оларды кәсіп ашып, табысты болуға ынталандыратын кешенді шаралар жүзеге асырылады.
<blockquote>
 «Бұдан бөлек, жас ұрпақты отансүйгіштікке баулитын «Қайсар» атты жаңа әскери-патриоттық жоба іске қосылады. Ел қорғайтын, мемлекетімізге қызмет ететін ержүрек азаматтарды тәрбиелеуге басымдық беріледі», – деді партияның атқарушы хатшысы.
</blockquote>

Ауыл жастарына арналған «Өрлеу» атты жаңа партиялық жоба ұсынылды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев «Nur Otan» партиясының атауын «Аманат» деп өзгертуді қолдады.

Мемлекет басшысы «Nur Otan» партиясының атауын «Аманат» деп өзгертуді қолдады

<a href="https://kyzylorda-news.kz/">Kyzylorda-news.kz.</a>&nbsp; ҚР Президенті Қасым-Жомарт Тоқаевтың төрағалығымен «Nur Otan» партиясының кезектен тыс съезі басталды, деп хабарлайды <a href="https://lenta.inform.kz/kz/kasym-zhomart-tokaevtyn-toragalygymen-nur-otan-partiyasynyn-kezekten-tys-s-ezi-bastaldy_a3905661">ҚазАқпарат.</a>
Бұған дейін хабарланғандай онлайн форматта өтетін іс-шараға еліміздің әр өңірінен 399 делегат&nbsp;<a href="https://www.inform.kz/kz/search?sword=Nur+Otan&x=0&y=0">қатысады.</a>
Айта кетейік, кеше партияның саяси кеңесінің отырысы өтіп, онда арнаулы қаулымен съезд күнтәртібі бекітілген еді. Күнтәртібіне сәйкес, партияның саяси кеңесінің құрамына өзгерістер енгізу және «Nur Otan» партиясын модернизациялау мәселелері қаралады.

Қазақстан және Қызылорда облысының жаңалықтары: Саясат

Қасым-Жомарт Тоқаев Қазақстан халқына Жолдау жариялайды

Тәуелсіздік жылдарында «Қазақстан – 2050» даму стратегиясын жүзеге асырудағы құқықтық реформалар

Кәрім Мәсімов ісі бойынша деректер жарияланды (ФОТО)

Жаңа Қазақстан — жаңа партия

Ләйлә Төрешова: Партияны жаңғырту бағыттары бекітілді

Нұртөре Жүсіп: Бізге қуатты да әл-ауқатты Қазақстанды ешкім құрып бермейді

Президент Қасым-Жомарт Тоқаев билік партиясының кезектен тыс съезіне қатысты

Президент ел қауіпсіздігі жайлы: қолдан келгеннің бәрін жасаймын

Қасым-Жомарт Тоқаев: 16 наурызда саяси реформалардың жаңа бағдарламасын жариялаймын

Ауыл жастарына арналған «Өрлеу» атты жаңа партиялық жоба ұсынылды

Мемлекет басшысы «Nur Otan» партиясының атауын «Аманат» деп өзгертуді қолдады

Қасым-Жомарт Тоқаевтың төрағалығымен «Nur Otan» партиясының кезектен тыс съезі басталды

Қазақстан және Қызылорда облысының жаңалықтары: Саясат

Қасым-Жомарт Тоқаев Қазақстан халқына Жолдау жариялайды

Тәуелсіздік жылдарында «Қазақстан &#8211; 2050» даму стратегиясын жүзеге асырудағы құқықтық реформалар

Кәрім Мәсімов ісі бойынша деректер жарияланды (ФОТО)

Жаңа Қазақстан — жаңа партия

Ләйлә Төрешова: Партияны жаңғырту бағыттары бекітілді

Нұртөре Жүсіп: Бізге қуатты да әл-ауқатты Қазақстанды ешкім құрып бермейді

Президент Қасым-Жомарт Тоқаев билік партиясының кезектен тыс съезіне қатысты

Президент ел қауіпсіздігі жайлы: қолдан келгеннің бәрін жасаймын

Қасым-Жомарт Тоқаев: 16 наурызда саяси реформалардың жаңа бағдарламасын жариялаймын

Ауыл жастарына арналған «Өрлеу» атты жаңа партиялық жоба ұсынылды

Мемлекет басшысы «Nur Otan» партиясының атауын «Аманат» деп өзгертуді қолдады

Қасым-Жомарт Тоқаевтың төрағалығымен «Nur Otan» партиясының кезектен тыс съезі басталды

Тәуелсіздік жылдарында «Қазақстан – 2050» даму стратегиясын жүзеге асырудағы құқықтық реформалар