Kyzylorda-news.kz. Украина Президенті Владимир Зеленский, Ресей басшысы Владимир Путиннің ұсынысына келісімін берді және ол атысты тоқтату мен бейбтшілік туралы келіссіөз жүргізуге дайын. Украина Президентінің баспасөз хатшысы Сергей Никифоровтың айтуынша, қазіргі таңда келіссөздер өтетін орын мен оның уақыты белгіленіп жатыр, деп хабарлайды <a href="https://www.inform.kz/kz/vladimir-zelenskiy-rf-prezidentinin-usynysyna-kelisimin-berdi_a3904629">ҚазАқпарат</a>.
<blockquote>
 «Украина келіссөздер жүргізуден бас тартты деген ұғымды жоққа шығару керек болып тұр. Украина әлемде атысты тоқтату мен бейітшілік туралы сөйлесуге дайын екендігін мәлімдеп келген, әлі де солай болып қала бермек. Бұл біздің тұрақты ұстанымымыз. Біз РФ Президентінің ұсынысына келістік»,-деп жазды Сергей Никифоров жұма күні өзінің Facebook парақшасында.
</blockquote>
«Осы уақытта келіссөздер жүргізілетін орын мен оның уақыты келісіліп жатыр»,-деп жазды ол.
«Келіссөздер неғұрлым ерте басталса, қалыпты өмірге соғұрлым ерте ораламыз».
Осыған дейін Ресей Президентінің баспасөз хатшысы Дмитрий Песков Владимир Путиннің Украинамен келіссөздер жүргізу үшін Минскіге Ресей делегациясын жіберуге дайын екенін мәлім еткен болатын.
Кешірек Песков Украина тарапының келіссөздерді Беларусь астанасында жүргізу туралы ұсынысқа оны Варшавада өткізу туралы айтып, кейін байланысты үзгендігін айтты.
Ресей Президенті Владимир Путин 24 ақпанда Донбасс мемлекеттері көмек сұраған соң Украинада арнайы әскери операция жүргізетінін жариялаған болатын.
Ол Украина аумақтарын окупациялау Мәскеудің жоспарына кірмейтінін, операция жүргізудегі мақсат елді демилитаризациялау екенін ескертті.
РФ Қорғаныс министрлігінің хабарлауынша, әскер қалаларға соққы жасамайды, олар тек Украинаның әскери инфрақұрылымын істен шығаруды көздеп отыр. Сондықтан бейбіт тұрғындарға қауіп төніп тұрған жоқ.

Владимир Зеленский РФ Президентінің ұсынысына келісімін берді

<a href="https://kyzylorda-news.kz/">Kyzylorda-news.kz.</a> Қазақстан үкіметі ұлттық банкпен бірлесіп дағдарысқа қарсы іс-қимыл жоспарын әзірледі, деп хабарлайды <a href="https://sputnik.kz/20220225/ukraina-qaqtygys-qazaqstan-ukimeti-23098422.html">Sputnik Қазақстан.</a>
<blockquote>
 “Украинадағы оқиғаларға байланысты шұғыл әрекет ету мақсатында үкімет пен Ұлттық банк бірлескен іс-қимыл жоспарын дереу жүзеге асыруға кірісті. Ол жағдайдың Қазақстанға тигізуі мүмкін әлеуметтік-экономикалық салдарына қарсы бағытталады”, – делінген ресми хабарламада.
</blockquote>
Жоспар үш бағытта іске асырылады:
инфляцияны бақылау және валюта нарығындағы тұрақтылықты сақтау;
жұмыспен қамтуды қолдау және жаңа жұмыс орындарын құру;
кәсіпкерлікті дамытуға бағытталған шаралар.
Мәселен, қаржы нарығының тұрақтылығын және теңгемен ашылған депозиттердің тартымдылығын қамтамасыз ету мақсатында бюджет есебінен сыйақы төленеді. Осылайша, теңгелік салымдарды қорғау бағдарламасын іске асырылады.
Ал халықтың әл-ауқатын арттыру міндеттерін іске асыру бойынша ең алдымен ауылдық елді мекендерге, моно- және шағын қалаларға, елорда мен республикалық маңызы бар қалалар төңірегіне баса назар аударылады. 
Ол үшін биыл “Ауыл – Ел бесігі” жобасы, Өңірлерді дамытудың кешенді жоспары және басқа да бағдарламалар аясында республикалық бюджеттен 200 миллиард теңгеге дейінгі қаражат бөлінеді.
<blockquote>
 “Ауыл шаруашылығына арналған жерлерді айналымға қосымша тарту арқылы ауыл шаруашылығы кооперациялары мен отбасылық шаруашылықтарды дамыту үшін жағдай жасалады”, – дейді мамандар.
</blockquote>
Ал өндіріс саласында мемлекеттік қолдаудың негізгі бөлігі өнімділігі жоғары кәсіпорындарды технологиялық жаңғыртуға және дамытуға арналады. Ел экономикасын индустрияландыру және инвестициялық жобаларды іске асыру арқылы импорттық тауарларды алмастырудың маңызы зор. Мемлекеттік қолдауға ие болған кәсіпорындарға өз жұмыскерлерінің еңбекақысын, соның ішінде еңбек өнімділігін ұлғайту бойынша нақты міндеттер қойылады.
Осыған орай, биыл “Бизнестің жол картасы – 2025” бағдарламасын, атап айтқанда, кредиттерді субсидиялауды және кепілдендіруді қаржыландыру едәуір ұлғайтылады. Бұдан басқа, агроөнеркәсіп кешенін мемлекеттік қолдау тиімділігін арттыру мақсатында субсидиялау жүйесінің жаңа тәсілдері әзірленеді.
Ауыл шаруашылығы өнімдерінің өнімділігін ұлғайтуға және қайта тереңдете өңдеуге бағытталған жобаларға басымдық беріледі. Жылдың соңына дейін басым салаларда мемлекеттік органдардың 420-дан астам реттеу актісі қайта қаралады. Кәсіпкерлерге қойылатын талаптарға тексеру жүргізу басқа салалар бойынша да жалғасады. Үкімет, ұлттық банк пен “Атамекен” палатасы бағаны бақылап отырады.

Украинадағы қақтығыс: Қазақстанда қандай шаралар қабылданады?

<a href="https://kyzylorda-news.kz/">Kyzylorda-news.kz.</a> Олжас Бектенов Қазақстан Республикасының Сыбайлас жемқорлыққа қарсы іс-қимыл агенттігінің төрағасы лауазымына тағайындалды, деп хабарлайды Ақорданың баспасөз қызметі.
«Олжас Абайұлы Бектенов Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызметтің) төрағасы лауазымына тағайындалсын» делінген Президент қол қойған Жарлықта.
Бектенов Олжас Абайұлы 1980 жылы 13 желтоқсанда Алматы қаласында туған.
Қазақ мемлекеттік заң академиясын (2001 ж.) үздік бітірген, мамандығы «Заңгер».
2002-2005 жылдары Алматы қаласы Әділет басқармасы бөлімінің бас маманы.
2005-2006 жылдары ҚР Премьер-Министрі Кеңсесінің заң бөлімінің сарапшысы, бас сарапшысы.
2006-2009 жылдары ҚР Президенті Әкімшілігінде жұмыс жасады.
2009-2012 жылдары ҚР Әділет министрлігінің Тіркеу қызметі және құқықтық көмек көрсету комитеті төрағасының орынбасары.
2012-2014 жылдары ҚР Экономикалық қылмысқа жəне сыбайлас жемқорлыққа қарсы агенттігінің (қаржы полициясы) орталық аппаратында департамент бастығы.
2015-2016 жылдары Астана қаласы әкімінің аппарат басшысы, ҚР Президенті Әкімшілігі Басшысы Хатшылығының меңгерушісі.
2016-2017 жылдары Сыбайлас жемқорлыққа қарсы іс-қимыл Ұлттық бюросының (Сыбайлас жемқорлыққа қарсы қызмет) Астана қаласы бойынша департаментінің басшысы.
2017-2018 жылдары Ақмола облысы әкімінің орынбасары.
2018-2019 жылдары Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының орынбасары.
2019 жылдың маусымынан бастап Қазақстан Республикасының Сыбайлас жемқорлыққа қарсы іс-қимыл Агенттігі Төрағасының бірінші орынбасары қызметін атқарды.
ІІ дәрежелі «Айбын» орденімен наградталған (2014 ж.).

Олжас Бектенов ҚР Сыбайлас жемқорлыққа қарсы іс-қимыл агенттігінің төрағасы лауазымына тағайындалды

<a href="https://kyzylorda-news.kz/">Kyzylorda-news.kz.</a> Сенат төрағасы Мәулен Әшімбаев Украинадағы шиеленіс аумағына қазақстандық бітімгерлерді жіберу мүмкіндігі туралы сұраққа жауап берді, деп хабарлайды <a href="https://lenta.inform.kz/kz/ukrainaga-kazakstannan-bitimgerler-zhiberile-me-senat-toragasynyn-zhauaby_a3903683">ҚазАқпарат.</a>
Сенаттың жалпы отырысынан кейін тілшілер сауалына жауап берген палата төрағасы Қазақстан ҰҚШҰ-ның мүшесі екенін еске салды. Осыған байланысты «шиеленіс аумағына қазақстандық бітімгерлерді бағыттау мүмкін бе» деген сұрақ туындайды. Бұл тұрғыда біздің ұстаным бірмәнді. БҰҰ жарғысына және басқа да құжаттарға сәйкес, Қазақстан ҰҚШҰ елдерінен тыс жерлерге біздің бітімгерлерді тек БҰҰ мандатына сай жібере алады.
Оның айтуынша, ҰҚШҰ жарғысына сәйкес, ұйымның бітімгерлік күштері мен әскерлері тек мүше елдердің аумағында ғана әрекет етеді. Шиеленіс аймағы ұйымға мүше елдердің аумағына кірмейді, сондықтан осы шартқа әрі ратификацияланған келісімдерге сай, қақтығыс аймағына ҰҚШҰ аясында бітімгерлерді бағыттауға болмайды.

Украинаға Қазақстаннан бітімгерлер жіберіле ме?

<a href="https://kyzylorda-news.kz/">Kyzylorda-news.kz.</a> «Nur Otan» партиясы Қызылорда облыстық филиалының төрағасы, облыс әкімі Гүлшара Әбдіқалықованың төрағалығымен облыстық партия филиалы саяси кеңесінің кезектен – тыс отырысы өтті. Кеңес мүшелері жиынға онлайн және офлайн форматта қатысты.
Өздеріңізге белгілі Ел Президенті, «Nur Otan» партиясының Төрағасы Қасым-Жомарт Тоқаев партия жұмысын жаңғырту бағытында үлкен міндеттер жүкетеген болатын. Осыған орай партия Төрағасымен 1 наурызда кезектен тыс XXII съезін шақыру туралы шешім қабылданды және онда партия жұмысын жаңғыртудың негізгі бағыттары айқындалмақ.
Жиында осы саяси шараға облыс атынан қатысатын делегаттарды сайлау туралы мәселе қаралды.
Филиал төрағасы Гүлшара Әбдіқалықова алдағы съезге облыстан делегаттарды сайлау өткен ХХІ съездегі секілді партия Жарғысына сәйкес, бастауыш партия ұйымдары жиналыстары мен аумақтық, облыстық филиалдар конференцияларында емес, бүгінгі Саяси кеңес отырысында сайланатындығын атап өтті.
Кеңес отырысында арнайы бөлінген квотаға сәйкес, партияның 1 наурызда өтетін кезектен-тыс XXII-ші съезіне Сыр өңірінен 18 азамат делегат болып сайланды. Съезд онлайн форматта өтетін болады.

«Nur Otan» партиясының съезіне  делегаттар сайланды

<a href="https://kyzylorda-news.kz/">Kyzylorda-news.kz.</a> Ақордада Мемлекет басшысының төрағалығымен Қауіпсіздік Кеңесінің шұғыл жиыны өтті. Онда Украинадағы жағдайларға байланысты Қазақстанның одан әрі әлеуметтік-экономикалық даму мәселелері қарастырылды.
Президент Премьер-Министр Әлихан Смайыловтың, Ұлттық Банк төрағасы Ғалымжан Пірматовтың, Премьер-Министрдің орынбасары – Сыртқы істер министрі Мұхтар Тілеубердінің, Қорғаныс министрі Руслан Жақсылықовтың және басқа да ведомство басшыларының баяндамаларын тыңдады.
<img src="https://akorda.kz/public/assets/media/uploadMedia/1645525748_KZ3_5969.jpg" alt="" />
Қасым-Жомарт Тоқаев әскери-саяси және санкциялық текетірестердің нәтижесінде ушығуы мүмкін халықаралық ахуалға шұғыл әрекет ету үшін дағдарысқа қарсы жедел шаралар жоспарын қабылдау қажет екенін айтты.
Мемлекет басшысы ықтимал экономикалық қауіп пен өзге де қатерлердің алдын алу жөнінде бірқатар нақты тапсырма берді.

Тоқаев Қауіпсіздік кеңесінің шұғыл жиынын өткізді

<a href="https://kyzylorda-news.kz/">Kyzylorda-news.kz.</a>&nbsp;Мемлекет басшысы Қасым-Жомарт Тоқаевтың швейцариялық банкте қаржылық шоты жоқ.
Бұл туралы Президенттің Баспасөз хатшысы Берік Уәли <a href="https://www.facebook.com/photo?fbid=4722084651248263&set=a.265175986939174">жазды.</a>
<blockquote>
 «Кейбір бұқаралық ақпарат құралдары жазып жатқандай Мемлекет басшысы Қасым-Жомарт Тоқаевтың швейцариялық банкте қаржылық шоты жоқ. Президенттің шетелдік банктер мен офшорлық компанияларға да ешқандай қатысы болмаған және шетелде жылжымайтын мүлкі де жоқ. Қасым-Жомарт Кемелұлының бұрынғы жұбайының да мақалада жазылғандай ешқашан қаржылық шоты болмаған. 
 Тимур Тоқаевқа келетін болсақ, жасы 38-де. Ол – кәсіпкер, ешқашан мемлекеттік қызметте істемеген. Өздеріңіз білесіздер, Президент экономика мен саясаттағы монополияны шектеуге, реформаларды жүзеге асыруға күш салып келеді. Бұл Мемлекет басшысының осындай шешімдерін жақтамайтын адамдардың әдейі таратып жатқан фейк ақпараттық шабуылы», – деп жазды Б.Уәли парақшасында.
</blockquote>

Қасым-Жомарт Тоқаевтың швейцариялық банкте қаржылық шоты жоқ

<a href="https://kyzylorda-news.kz/">Kyzylorda-news.kz.</a>&nbsp; Бүгін «Nur Otan» партиясының төрағасы Қасым-Жомарт Тоқаев 1 наурызда кезектен тыс XXII Съезді шақыру туралы шешім қабылдады.
Бұл туралы «Nur Otan» партиясының атқарушы хатшысы Асхат Оралов бүгін өзінің&nbsp;<a href="https://www.facebook.com/100004671909116/posts/2136448273187549/?d=n">Facebook</a>&nbsp;парақшасында жариялады.
<blockquote>
 «Сьезге бүкіл аймақтардың делегаттары қатысады. Орталық аппарат өңірлік филиалдармен бірге дайындық шараларын қолға алды»,-деп жазды
</blockquote>
Съезд барысында партия жұмысын жаңғырту басымдықтары талқыланады.

1 наурызда «Nur Otan» партиясының кезектен тыс съезі өтеді

Біздің бір ғана Отанымыз бар, ол – Қазақстан

Kyzylorda-news.kz. Халықтан ештеңені жасырып қалмаймыз. Бұл туралы «Qazaqstan» телеарнасына сұхбат берген ҚР Президенті Қасым-Жомарт Тоқаев айтты.
<blockquote>
 «Қазір өте ауқымды тергеу жұмыстары жүргізілуде. Бас прокуратура нақты ақпаратты жүйелі түрде жариялап жатыр. Қандай да нәтиже туралы айтуға әлі ерте. Бұл – өте күрделі мәселе. Қазір тергеу құпия түрде жүргізіліп жатыр. Өйткені, бұл өте ерекше іс болғандықтан біраз уақыт керек. Көп ұзамай халқымызды мазалап отырған сұрақтарға міндетті түрде жауап беріледі. Бәрі де айтылады. Халықтан ештеңені жасырып қалмаймыз. Қазір тек мына нәрсені ғана айта аламын. Бұл біздің халқымыздың қауіпсіздігіне, еліміздің тұтастығына төнген қауіп болды», – деді Қасым-Жомарт Тоқаев.
</blockquote>

Қасым-Жомарт Тоқаев:   Халқымызды мазалаған сұрақтар жауапсыз қалмайды

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазан Кремлін аралап көргеннен кейін Татарстан Республикасының Президенті Рустам Миннихановпен кездесу өткізді. Кездесудің алдында Қазақстан Президенті «Құрметті қонақтар кітабына» қолтаңба қалдырды, деп хабарлайды&nbsp;<a href="https://akorda.kz/kz/memleket-basshysy-kasym-zhomart-tokaev-tatarstan-prezidenti-rustam-minnihanovpen-kezdesti-1115448">Ақорда</a>.
Қасым-Жомарт Тоқаев пен Рустам Минниханов сауда-экономикалық, инвестициялық және мәдени-гуманитарлық салалар бойынша Қазақстан мен Татарстан арасындағы ынтымақтастықты кеңейту жолдарын талқылады.
Қазақстан Президенті мыңжылдық тарихымен, бай мәдени мұраларымен танылған Татарстанға сапармен келуге шақырғаны үшін Рустам Миннихановқа алғыс айтты.
<blockquote>
 – Мұнда Қазақстан Президенті ретінде келгеніме өте қуаныштымын. Сізбен елімізде бірнеше рет кездестім. Біз көптеген мәселе туралы, соның ішінде Қазақстан мен Татарстан арасындағы ынтымақтастықты дамыту және нығайту жөнінде сөйлестік. Екіжақты ынтымақтастыққа негізделген маңызды жобаларымыз бар. Егер Қазақстан мен Татарстан басшылары саяси ерік-жігер танытатын болса, бұл жобалардың жүзеге асырылатыны сөзсіз, – деді Мемлекет басшысы.
</blockquote>
Қасым-Жомарт Тоқаев Рустам Миннихановқа кеше Мәскеуде Ресей Президенті Владимир Путинмен жүргізген табысты келіссөзі туралы мәлімет берді.
<blockquote>
 – Келіссөздің мазмұнына, кездесу нәтижелеріне көңілім толды. Біз, әрине, Ресей Федерациясының субъектісі ретінде Татарстанмен арадағы ынтымақтастықты Қазақстанның дамыта беретіні жөнінде де әңгімелестік. Владимир Путин баспасөз мәслихатында сөйлеген сөзінде Ресей Федерациясының қарқынды дамып келе жатқан субъектілерінің бірі Татарстанға ерекше тоқталды және осы республикаға жұмыс сапарымен бару жөніндегі шешімімді қолдады, – деді Қасым-Жомарт Тоқаев.
</blockquote>
Мемлекет басшысы Қазақстан мен Татарстан арасындағы мәдени-гуманитарлық байланыстарды дамытудың маңызды екенін атап өтті.
<blockquote>
 – Шын мәнінде, елдеріміз арасындағы байланыстардың тарихы терең. Тарихымыз – ортақ. Бұл тақырыпта жазылған мақалалар мен кітаптарды қызыға оқимын. Оқыған сайын тарихи байланыстарымыздың соншалықты терең әрі сабақтасып жатқанына көз жеткіземін, тіпті таң қаламын. Мәдени-гуманитарлық ынтымақтастықты міндетті түрде дамыту керек деген пікіріңізді қолдаймын. Қазақстан бұған дайын, – деді Қазақстан Президенті.
</blockquote>
Қасым-Жомарт Тоқаев Рустам Миннихановтың мықты әрі беделді басшылығымен Татарстанның қарқынды дамып келе жатқанын жоғары бағалап, республика халқының игілігі жолындағы қызметіне табыс тіледі.
Татарстан Президенті Қазан қаласына сапармен келгені үшін Мемлекетіміздің басшысына алғыс білдіріп, Қазақстанмен ынтымақтастықты дамытудың стратегиялық маңызын атап өтті.
<blockquote>
 – Біз үшін бұл – үлкен абырой. Қазақстан мен Ресей арасындағы достық байланыстар аясында Сіздің еліңізбен ықпалдастықты нығайту мүмкіндігін жоғары бағалаймыз. Қазақстан – Татарстан Республикасы үшін стратегиялық серіктес. Қазақстанның аймақтарымен көптеген келісім жасалған. Сіздің еліңізде табысты жұмыс істеп жатқан компанияларымызды көптеп мысалға келтіруге болады, – деді Рустам Минниханов.
</blockquote>
Кездесу соңында Рустам Минниханов Қазақстан мен Татарстан арасындағы ынтымақтастықты дамытуға, екі ел арасындағы достық пен өзара түсіністікті нығайтуға қосқан елеулі үлесі үшін Қасым-Жомарт Тоқаевты «Дуслык» орденімен марапаттады.

Қазақстан және Қызылорда облысының жаңалықтары: Саясат

Владимир Зеленский РФ Президентінің ұсынысына келісімін берді

Украинадағы қақтығыс: Қазақстанда қандай шаралар қабылданады?

Олжас Бектенов ҚР Сыбайлас жемқорлыққа қарсы іс-қимыл агенттігінің төрағасы лауазымына тағайындалды

Украинаға Қазақстаннан бітімгерлер жіберіле ме?

«Nur Otan» партиясының съезіне делегаттар сайланды

Тоқаев Қауіпсіздік кеңесінің шұғыл жиынын өткізді

Қасым-Жомарт Тоқаевтың швейцариялық банкте қаржылық шоты жоқ

1 наурызда «Nur Otan» партиясының кезектен тыс съезі өтеді

Біздің бір ғана Отанымыз бар, ол – Қазақстан

Қасым-Жомарт Тоқаев: Халқымызды мазалаған сұрақтар жауапсыз қалмайды

Татарстан президенті Қасым-Жомарт Тоқаевты «Дуслык» орденімен марапаттады

Мемлекет басшысы Үкіметтің кеңейтілген отырысын өткізді