&nbsp;<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Кемелұлы Тоқаевтың жаңа Жолдауы ерекше мазмұнда болды.
Біріншіден Жолдау мемлекеттік органдардан бөлек, депутаттардың, сарапшылар мен қоғам белсенділерінің, саяси партиялар мен үкіметтік емес ұйымдардың пікірлері ескерілген, жан-жақты талданған және ең бастысы қоғам мен уақыт сұранысына сәйкес болды.
Сонымен бірге біз егемен ел болғалы түрлі саяси, әлеуметтік-экономикалық реформаларды жүргізіп келеміз. Дегенмен өткен 30 жылда «алдымен экономика, содан соң саясат» қағидатына басымдық берсек, бұл Жолдауда саяси тұрғыдағы реформаларға басымдық берілді. Жаңа Жолдау осы сипатымен құнды.
Сондай-ақ Жолдауда ұсынылған реформалар бір ғана саламен шектелмейді және кешенді салаларды қамтиды. Сондықтан мұндай кең көлемдегі кешенді өзгерістерге мол мерзім қажет.
&nbsp;Өз кезегінде Қазақстан қоғамының жаңаруы ондағы басты саяси күш ретінде партиямыздың да жаңғыруын қамтиды және бұл жұмыстар ауқымды түрде және нақты бағыттар бойынша жүргізілуде.
Бұл тұрғыда партиямыздың уақыт талабына сай жаңғырып, атауының өзгеруі мен қатарына өтініш білдерген басқа да саяси партиялардың қосылуы заңдылық деп білеміз.
Мұндай өзгерістер партияның заманауи сұраныстар мен жаңалықтарға және даму қажеттіліктеріне қашанда дайын екенін көрсетеді.
Сондықтан партияның қазіргі қоғамдағы саяси бәсекелестікте алда болатынына сенімдіміз және алдағы саяси науқандарда ардагерлер атынан «АМАНАТ» партиясына тек табыс тілейміз.&nbsp;
Алмагүл Божанова,
Партия ардагері, мемлекет және қоғам қайраткері

Алмагүл Божанова: Жолдауда саяси тұрғыдағы реформаларға басымдық берілді

Kyzylorda-news.kz. Кеше Президент Қасым-Жомарт Тоқаев «Жаңа Қазақстан: Жаңару мен жаңғыру жолы» атты Жолдауында негізгі басым бағыттарды нақтылап берді. Саяси жүйені модернизациялауға бағытталған Мемлекет басшысының тапсырмаларын іске асыру аясында бүгін облыс әкімі Гүлшара Әбдіқалықованың төрағалығымен актив жиыны өтті.
Аймақ басшысы алдағы уақытта жүзеге асырылатын саяси реформалардың жаңа бағдарламасының маңызды екенін айтып, ерекшеліктеріне тоқталды. Облыс экономикасының дамуына оң әсерін тигізетін саяси құжатта айтылған міндеттерді жүзеге асыру үшін бірлескен жұмыстардың қажет екенін алға тартты.
<blockquote>
 Мемлекет басшысы Парламенттің рөлін көтеру, партиялық жүйені дамыту мүмкіндіктерін кеңейту, сайлау процесін бойынша нақты тапсырмаларды міндеттеді. Біздің аймақта биыл 22 ауылдық округ әкімінің сайлау науқаны ұйымдастырылады. Оның ішінде 27 наурызда 3 ауылдық округ әкімі сайланады. 
 Президент алдағы уақытта елімізде жаңадан 3 облыстың құрылатынын айтты. Жолымыз түйісетін Жезқазған қаласы енді Ұлытау облысының орталығы болса, Сыр өңіріне де экономикалық жағынан оңтайлы болады деп санаймын. Осы ретте келесі айда басталатын «Қызылорда-Жезқазған» тас жолының құрылысы жаңа мүмкіндіктерге жол ашады деп санаймын. 
 Біздің алдымызда өңіріміздің дамуы үшін дағдарысқа қарсы кезек күттірмейтін шараларды шешудің тиімді тетіктерін қарастырып, жүзеге асыру міндеті тұр. Оның ішінде азық-түлік қауіпсіздігін қамтамасыз ету мен көктемгі егін егу жұмыстарын жүйелі жүргізуіміз қажет, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2022/03/img-20220317-wa0068.jpg" alt="" />
Облыс әкімі жиын барысында орынбасары Бахыт Жахановқа азық-түлік тауарлары бағасының шарықтауына, оның ішінде қант бағасының спекулятивті өсуіне байланысты барлық делдалдық схема аясында тексеру жүргізуді жүктеді. Сондай-ақ, көктемгі дала жұмыстары мен егін егуге қатысатын ауыл шаруашылығы техникаларының дайындығын, қажетті тұқыммен, минералды тыңайтқыштармен, жанар-жағармаймен қамтамасыз ету, су алу науқанына дейін су тартатын насос қондырғыларын алу жұмыстарын пысықтауды тапсырды.
Тағы бір міндет – БАҚ әлеуетін көтеру. Өңір басшысы осы салаға жетекшілік ететін орынбасары Қайрат Нұртайға журналистер арқылы өңір тарапынан салалық министрлікке БАҚ туралы Заңға өзгеріс енгізуге ұсыныс жолдауды тапсырды. Сондай-ақ, облыстағы азаматтық қоғамды дамыту үшін жүйелі және кешенді жұмыс жоспарын әзірлеп, мемлекеттік этносаясатты жетілдіру мақсатында қоғамдық құрлымдардың қызметін өзектендіруді жүктеді. 
Жиында облыстық мәслихат хатшысы Наурызбай Байқадамов жергілікті мәслихаттардың рөлін күшейту, қоғам ішінде саяси мәдениеттің қалыптасуына негіз болатын сарапшылық көзқарастағы азаматтармен бірлескен шараларды іске асырудың өзекті екеніне тоқталды.
<img src="https://kyzylorda-news.kz/wp-content/uploads/2022/03/img-20220317-wa0071.jpg" alt="" />
Ал, облыстық мәслихат депутаты, «Сыр медиа» ЖШС Бас директоры Аманжол Оңғарбаев БАҚ-тың бәсекеге қабілеттілігін арттыруда журналист мәртебесін көтеру, медиаөнімдердің сапалық құрамына талдау жасау жұмыстарын жетілдіру бағытында ұсынысын ортаға салды. 
Сондай-ақ, «Dalatex» ЖШС директоры, меценат Дінмұхамед Абизов мемлекет пен бизнес, мемлекет пен халық арасында конструктивті диалог орнатудың оңтайлы әдістеріне көңіл бөлудің қажеттілігін қаперге салды. Ал, неміс этномәдени бірлестігінің белсендісі Светлана Крюгер өңір дамуына тың серпін беретін бастамаларды бірлікпен атқаруға әрбір азаматтың белсенділігі керек екендігін тілге тиек етті. Қорқыт Ата атындағы Қызылорда университетінің проректоры Жандос Базартай жастар үшін нақты іске негізделген жобаларды елмен етене араласуға сеп болатын алаңдарда талқылаудың маңызы зор екенін жеткізді.
<img src="https://kyzylorda-news.kz/wp-content/uploads/2022/03/img-20220317-wa0105.jpg" alt="" />
Актив отырысының соңында Гүлшара Әбдіқалықова Жолдауда жүктеген міндеттерді сарапшылық ортада талқылап, сындарлы диалог орнатуға шақырды. Сондай-ақ, Президент тапсырмаларын сапалы әрі нәтижелі жүзеге асыруда әрбір азаматтың жауапкершілігі Жаңа Қазақстанның жаңғыруға жол ашатынын еске салды.
<img src="https://kyzylorda-news.kz/wp-content/uploads/2022/03/img-20220317-wa0069.jpg" alt="" />

Облыс активі: Азаматтық жауапкершілік жаңғыру жолына жетелейді

<a href="https://kyzylorda-news.kz/">Kyzylorda-news.kz</a>. Мемлекет басшысының бағыт- бағдары айқындалған жаңа жолдауы табысты мүмкіндіктермен , озық бастамалар негізі қарастырылған еліміздің қазіргі күні ғана емес, болашағы үшінде маңызы зор.
Бұқаралық ақпарат құралдарының бәсекеге қабілетін арттыру, бүгінгі еркін ашық қоғамда өмір сүріп жатырған жалпы ел үшін шынайы ақпарат алуға мүмкіндік алатын басты құрал . Алаш арысы Ахмет Байтұрсынов «Газет – халықтың көзі , құлағы һәм тілі » деп баға беріп кеткен. Содан бері бұқаралық ақпарат құралы халық пен билік арасындағы алтын көпір болып келеді.
Мемлекет басшысы бұқаралық ақпарат құралдары «Журналистика өз еліне және азаматтарына шынайы жанашыр болуы тиіс . Бұқаралық ақпарат құралдары бекерден бекер төртінші билік атанбаса керек»,- деді. 
Әр тың жаңалықтың шынайылығы, шындығы, дәлдігі қарапайым халық үшін маңыздылығын дер кезінде Мемлекет басшысы тілге тиек еткізді.
Қала атауларын ұлы тұлғалар есімімен, тарихи атауымен қайта жаңғырту өткен тарихты тірілту Абай, Ұлытау, Жетісу облыстары болып өзгерту ұсынылса, Қапшағай қаласына Дінмұхамед Қонаев есімін беруді ұсынуда ерен тұлғаның ескірмес есімін ұрпақ жадында мәңгілік тірілту деп білемін.
Өткенді ұмыту, бүгінгі жеңісіңді бағаламау. Өткенді ұлықтау – тарихты ұмытпау, ұлы ұрпаққа тарихтан сыр шерту. 
Алаш арысы Ахмет Байтұрсынов «Менің идеалым қазақ халқының тұрмыс жағдайын, мәдениетін мүмкін болғанша көтеру , ал мұның өзі игілікті дамудың алғы шарттары болғандықтан, мен осы мұратты қандай билік қамтамасыз етсе соған ризамын» деген екен.
Бүгінгі Мемлекет басшысы Қасым – Жомарт Тоқаевтың да басты мақсаты қазақ халқының тұрмысын, мәдениетін мүмкін болғанша көтеру. Әр жолдаудың басты бағдары ел экономикасы мен әлеуметін дамыту.
Жасампаздықпен жаңа мүмкіндіктерге қадам басуға талпынған Тәуелсіз елдің әр азаматы тек жақсылыққа сенімді.
Жанар Алишева, 
“Халықаралық “Қазақ тілі” қоғамы Арал аудандық филиалының төрайымы

Жолдау &#8211; жаңа Қазақстанның жарқын жолы

<a href="https://kyzylorda-news.kz/">Kyzylorda-news.kz</a>. Қазақстан Президенті Қ.К.Тоқаевтың наурыз айындағы “Жаңа Қазақстан: жаңару мен жаңғыру жолы” аттыхалыққа арнаған Жолдауын зейін қоя тыңдадық. Осы Жолдау «Жаңа Қазақстанды» құру жолындағы ең өзекті мәселелерді шешуге бағытталған, халықтың қолдауына ие болатын бағдарлама болды деп пайымдаймын.
Жолдауда еліміздің жаңа стратегиялық мақсатқа жетудегі 10 негізгі бастамасын ұсынған Мемлекет басшысы халық пен билік арасындағы байланысты нығайтып, елдің әлеуметтік-тұрмыстық жағдайын билікке жеткізуде бұқаралық ақпарат құралдарының алар орны маңызды екенін айта келе, журналистердің бәсекеге қабілетті болуы керектігіне айрықша тоқталды.
Бүгінде әлем қиын кезеңді бастан кешіп отыр. Небір сын-қатерлер бой көрсетіп, сан қилы өзгерістер белең алуда. Осындай ауыр сәтте елге дәл әрі нақты ақпарат беріп, биліктің ұстанымын, елдің әлеуметтік-тұрмыстық жағдайын жан-жақты зерделеу маңызды болып табылады. Осы тұрғыда журналистер қауымы бәсекеге қабілетті кәсіби маман ретінде дәйекті ақпараттарды уақытылы әрі шынайы түрде жеткізуі үшін ресми органдар жариялылықты негізге ала отырып, ақпаратқа қолжетімділікті қамтамасыз етуі қажет екені сөзсіз.
Осы ретте «Бұқаралық ақпарат құралдары бәсекеге қабілетті және еркін болуы керек. Бұл қағидат қазір кез келген өркениетті ел үшін айрықша маңызды. Тәуелсіз әрі жауапкершілігі жоғары бұқаралық ақпарат құралдары болмаса, қоғамды одан әрі демократияландыру мүмкін емес екеніне сенімдімін. Сондықтан мемлекеттің мүддесін, қоғамның сұранысын және медиасаланың даму үрдісін ескере отырып, БАҚ туралы заңды қайта қарау керек» деді Президент.
Ендеше, алдағы уақытта журналистердің еркіндігі мен ақпаратты алу қолжетімділігі заң аясында қайта қаралатынына сенімім мол.
Алдаберген ЖОЛАНОВ, 
аудандық қоғамдық кеңес төрағасы, Арал ауданының құрметті азаматы.

Ақпаратқа қожетімділік артады

<a href="https://kyzylorda-news.kz/">Kyzylorda-news.kz</a>. Бүгін мемлекет басшысы Қасым-Жомарт Кемелұлы Тоқаев өз халқына Жолдау жасады. Тәуелсіз Қазақстанның азаматы ретінде біз отбасымызбен бұл саяси жаңалықты үлкен ықыласпен тыңдап шықтық. Артынша талқылап та үлгірдік. Елімізде орын алғалы тұрған үлкен өзгерістер көңілімізден шықты.
Президентіміздің айтуы бойынша біз ескі құндылықтарымызды сақтай отырып, жаңа бастамаларға бет бұрамыз. Мақсатымыз ұлттық болмысымызды, қазақтың қазақ болып қалыптасуы жолында еңбегі ерең тұлғаларымызды құрметтей отырып, ата-бабамыз аңсаған, армандаған тәуелсіз, бейбіт ел болу.
Жолдауда қозғалған көп мәселенің ішінде халыққа ең жақын болғаны Қазақстанда облыс орталықтарын көбейтіп, әлеуетін көтеру, оларға қазақылықтың иісі аңқып тұратын атау беру мәселесі деп ойлаймын. Себебі, бұл бүгінгі күнге дейін халық аузында жүрген, көптің қалауы еді.
Сонымен бірге мемлекет басшысы қаңтар оқиғасынан кейін ел тұтастығы мен тұрақтылығының басты приоритет екендігі айқындалғанын және осы жайт қайталанбауы үшін барын салатынын, әрқашан да елмен бірге екендігін айтып, көңілімізге жылулық ұялатты. Біз де бұл жолда аянып қалмай, еліміздің өсіп-өркендеуі жолында бар күш-жігерімізді қосамыз дегім келеді.
Мөлдір Жаңбырбай,
каратэ-додан Әлем чемпионы

Мөлдір Жаңбырбай: Дамудың даңғыл жолындамыз

<a href="https://kyzylorda-news.kz/">Kyzylorda-news.kz</a>.&nbsp; Президент Қасым-Жомарт Тоқаев Парламент палаталарының бірлескен отырысында Қазақстан халқына «Жаңа Қазақстан: Жаңару мен жаңғыру жолы» атты Жолдауын жасады, деп хабарлады Ақорда.
Президент жуық арада жүзеге асырылатын ауқымды саяси реформалар мен бірқатар әлеуметтік-экономикалық шараларды жариялады.
<img src="https://www.akorda.kz/public/assets/media/uploadMedia/1647418432_DSC_2634__2.jpg" alt="" />
Мемлекет басшысы қайғылы қаңтар оқиғасына баға берді. Оның пікірінше, осы ауқымды әрі жан-жақты жоспарланған операцияның мақсаты жоғары басшылықты биліктен тайдырып, халық пен әлемдік қоғамдастық алдындағы оның беделін түсіру болды.
Қасым-Жомарт Тоқаев Күштік құрылымдар мен олардың сыбайластарының өзара ымыраласуына қатысты іс бойынша тергеу құпия жағдайда қарқынды жүргізіліп жатқанын айтты. Бұған кінәлілер лауазымдары мен қоғамдағы орындарына қарамастан, лайықты жазасын алады.
<img src="https://www.akorda.kz/public/assets/media/uploadMedia/1647418432_DSC_2613_2.jpg" alt="" />
Саяси реформаларды жүзеге асыру аясында Қасым-Жомарт Тоқаев Президенттің өкілеттігін&nbsp; қайта қараудың маңызды екеніне тоқталды. Бұл ретте суперпрезиденттік жүйеден мықты Парламенті бар президенттік республикаға көшу мәселесіне назар аударды. Атап айтқанда, Мемлекет басшысының өз өкілеттігі кезінде партияға мүше болуын тоқтату міндетін заңнамалық тұрғыдан ресімдеуді, әкімдер мен олардың орынбасарларының партия филиалдарындағы қызметіне тыйым салуды ұсынды.
Сонымен қатар Қасым-Жомарт Тоқаев Президенттің жақын туыстарына қатысты норманы конституциялық тұрғыдан бекіту қажеттігін айтты. Олардың мемлекеттік саяси қызметші және квазимемлекеттік секторда басшы лауазымдарын иеленуіне заңнамалық тұрғыдан тыйым салынады.
<img src="https://www.akorda.kz/public/assets/media/uploadMedia/1647418432_KZ3_3241.jpg" alt="" />
Бұдан бөлек саяси реформаларда биліктің заң шығарушы саласына&nbsp; да қатысты мәселе қамтылады. Сенатты жасақтау тәртібі мен оның бірқатар қызметі қайта қаралады. Мемлекет басшысы Парламенттің жоғарғы палатасындағы президенттік квотаны 15-тен 10 депутатқа дейін қысқартуды ұсынды. Сондай-ақ Мәжілістегі Қазақстан халқы Ассамблеясының квотасы алынып, Сенатқа беріледі. Осы ретте олардың саны 9-дан 5 депутатқа қысқарады.
Саяси реформалар бағдарламасында сайлау жүйесін жетілдіру, сайлау үдерісін жаңғырту, партия жүйесін дамыту мүмкіндіктерін кеңейту мәселелері қарастырылған. Мәжілістің депутаттық корпусы аралас негізде құрылады. Яғни, парламентарийлердің 70 пайызы пропорционалды, 30 пайызы мажоритарлы тәртіппен сайланады. Партияларды тіркеу рәсімі айтарлықтай жеңілдетіледі. Оларды тіркеу шегін төрт есе, яғни 20 мыңнан 5 мыңға дейін төмендету ұсынылды.
<img src="https://www.akorda.kz/public/assets/media/uploadMedia/1647418432_KZ1_7905_2.jpg" alt="" />
Мемлекет басшысы құқық қорғау институттарын күшейтуге, бұқаралық ақпарат құралдарының бәсекеге қабілеттілігін арттыруға және азаматтық қоғам институттарының рөлін нығайтуға баса мән берді. Қасым-Жомарт Тоқаев Негізгі Заңның ережелерін мүлтіксіз орындауды қамтамасыз ету мақсатында Конституциялық сот құруды тапсырды. Сондай-ақ табысты қызмет атқарған Ұлттық қоғамдық сенім кеңесінің орнына Ұлттық Құрылтай құруды ұсынды.
Ауқымды саяси реформалар еліміздің әкімшілік-аумақтық құрылымын жетілдіруге де қатысты болмақ. Президент Абай және Ұлытау облыстарын құруды ұсынды. Бұл облыстардың орталықтары Семей және Жезқазған қалалары болады. Мемлекет басшысы Алматы облысын екіге бөлу жөніндегі шешімін айтты. Алматы облысының орталығы Қапшағай және Жетісу облысының орталығы Талдықорған қаласы болмақ. Егер жұртшылық Қапшағай қаласына Қонаевтың есімін беру туралы ұсыныс айтса, Президент бұл пікірді қолдайтынын жеткізді.
<img src="https://www.akorda.kz/public/assets/media/uploadMedia/1647418432_KZ3_3245.jpg" alt="" />
Президент Жолдауда әлеуметтік-экономикалық мәселелерді шешуге мән бере отырып, дағдарысқа қарсы жедел жүзеге асырылатын шараларға арнайы тоқталды. Соның ішінде ұлттық валютаның тұрақтылығын қамтамасыз етуге, мемлекеттің үлесі бар компаниялардың валюталық табысының экспорттық сатылымын ұлғайтуға, мемлекеттік аппараттың қызметіндегі бюрократияны жоюға да баса мән берілді.
Жалпы, Мемлекет басшысының Жолдауында айқындалған бастамалар еліміздің саяси жүйесін және әкімшілік-аумақтық құрылымын барынша өзгертуге бағытталған. Қасым-Жомарт Тоқаевтың айтуынша, аталған бастамаларды іске асыру үшін Конституцияға 30-дан астам өзгертулер енгізіледі.
<blockquote>
 – Қызметіме түрлі адамдардың беретін бағасынан гөрі, мемлекетімізді қорғап қалу – мен үшін аса маңызды міндет. Осы жолда жауапкершіліктің бәрін мойныма алуға дайынмын! – деп түйіндеді Мемлекет басшысы.
</blockquote>
<img src="https://www.akorda.kz/public/assets/media/uploadMedia/1647418432_KZ4_1789.jpg" alt="" />
<img src="https://www.akorda.kz/public/assets/media/uploadMedia/1647418432_KZ3_3095_2.jpg" alt="" />
<img src="https://www.akorda.kz/public/assets/media/uploadMedia/1647418432_KZ3_3402.jpg" alt="" />
<img src="https://www.akorda.kz/public/assets/media/uploadMedia/1647418432_KZ4_1967.jpg" alt="" />
<img src="https://www.akorda.kz/public/assets/media/uploadMedia/1647418432_KZ4_1806.jpg" alt="" />
<img src="https://www.akorda.kz/public/assets/media/uploadMedia/1647418432_DSC_2766_2.jpg" alt="" />

Қасым-Жомарт Тоқаев Қазақстан халқына Жолдауын жариялады

<a href="https://kyzylorda-news.kz/">Kyzylorda-news.kz</a>. Adal партиясы Amanat партиясына (бұрынғы Nur Otan) қосылатынын мәлімдеді.
<blockquote>
 “Партияластарымызбен ақылдаса келе, бүгін Adal-дың саяси кеңесінде президенттік Amanat партиясына қосылу туралы бірауыздан шешім қабылдадық”, – делінген партияның мәлімдемесінде.
</blockquote>

AMANAT пен ADAL партиясы бірігеді

<a href="https://kyzylorda-news.kz/">Kyzylorda-news.kz</a>. AMANAT партиясының Атқарушы хатшысы Асхат Оралов Мемлекет басшысы – Партия Төрағасы Қасым-Жомарт Тоқаевтың Жолдауын талқылауүшін барлық өңірдегі партия активімен бейнеконференция байланысы арқылы кеңес өткізді.
Кездесу барысында Асхат Оралов Президенттің реформалары мен бағытын қолдайтын AMANAT партиясының мәлімдемесін жариялады.
Мәлімдемеде биыл қасіретті қаңтар оқиғасын бастан кешкен Қазақстан халқы сын сағатта жұдырықтай жұмылып, радикализм мен экстремизмді қолдамай, прогресс пен игі өзгерістер жалғасын табуын қалағаны айтылды.
<blockquote>
 «Еліміз дамудың жаңа кезеңіне – Жаңа Қазақстанға аяқ басты. Бұл біздің сан ғасырлық терең тарихымыздағы бетбұрысты және тағдыршешті сәт. Мұндай жағдайда сындарлы өзгерістер мен эволюциялық жаңғыру ғана қиындықтарды еңсеріп, еліміздің тұрақты дамуын қамтамасыз етеді. Ел мен халық алдында тарихи жауапкершілік алған Президент Қазақстан халқына Жолдауын жариялап, елімізді саяси, экономикалық және әлеуметтік тұрғыда реформалауды тереңдетуге бағытталған ауқымды реформалар жоспарын ұсынды», – деді Атқарушы хатшы.
</blockquote>
Ол АMАNАТпартиясы Президенттің жүйелі және кең ауқымды реформаларын толығымен қолдайтынын атап өтті. Осылайша, Мемлекет басшысының реформалары аясында партия өзгерістерді өзінен бастап, ішкі трансформацияны қолға алды.
<blockquote>
 «Біз реформалар бағытына балама жоқ екеніне сенімдіміз. Саяси либерализация және әлеуметтік әділеттілік – бұл азаматтардың өтініштеріне дер кезінде берілген жауап. Біз барша қазақстандықтарды бірлік пен ынтымаққа, барлық қоғамдық-саяси күштерді топтасуға шақырамыз. Біздің бірлігіміз нығайғанда ғана Тәуелсіздік пен Мемлекеттілікті берік етіп, ортақ Отанымыз бен&nbsp; барлық азаматтардың әл-ауқатын арттыра аламыз!», – деп атап өтті Асхат Оралов.
</blockquote>
Республикалық жиын барысында бүгін Мемлекет басшысының Жолдауында айтылған шараларды іске асыруға қатысты бірқатар нақты тапсырмалар берілді.
Сондай-ақ бейнеконференция байланысы арқылы өткен жиында Батыс Қазақстан, Қарағанды облыстық филиалдарының атқарушы хатшылары Мұрат Мұқаев пен Бекзат Алтынбеков,Алматы облыстық филиалының атқарушы хатшысы Гульнар Тойлыбаева, Шымкент қалалық филиалының атқарушы хатшысы Жанар Бектаева жәнеШығыс Қазақстан облыстық филиалы атқарушы хатшысының орынбасары Айгүл Байжанова сөз сөйледі. Олар Президент жүйелі проблемалармен күресудің нақты тиімді тетіктерін ұсынғанын атап өтті. Мемлекет басшысының саяси бастамалары елді одан әрі дамыту және қоғамдық келісімді нығайту үшін өзгерістер жасаудың маңызды әрі өзекті екенін көрсетеді.
<img src="https://kyzylorda-news.kz/wp-content/uploads/2022/03/3d106d7f-b9f9-4ff0-882d-9e94f68620c9.jpg" alt="" />
<img src="https://kyzylorda-news.kz/wp-content/uploads/2022/03/bc06b5f2-6c2b-4b54-9a72-4602b5d88839.jpg" alt="" />

AMANAT партиясы Президент Жолдауын қолдап, мәлімдеме жасады

<a href="https://kyzylorda-news.kz/">Kyzylorda-news.kz</a>. Бүгін еліміздің Президенті Қ.К. Тоқаев әлемдегі күрделі геосаяси жағдай аясында Қазақстан халқына Жолдауында елдің одан әрі дамуын атап өтті. Облыстық мәслихаттың 4-5-6 шақырылымдарының мәслихат депутаты ретіндегі жұмыс тәжірибем бола тұра, айтылған бастамалар қоғамның, мемлекеттің және бірінші кезекте Қазақстан халқының қазіргі заманғы сұраныстарына сай келетінін нық сеніммен айта аламын.
Президенттің шамадан тыс өкілеттіктерінен бас тарту бастамалары саяси жаңару бағытындағы тағы бір қадам болып табылады. Парламенттің рөлін күшейту – «күшті Президент, ықпалды Парламент және есеп беретін Үкімет» саяси жүйенің формуласын іске асыру билік институттары мен жергілікті өкілді органдардың тепе-теңдігін қамтамасыз етуге бағытталған.
Атап айтқанда, мәслихаттарға сайлаудың аралас моделін енгізу өте уақтылы және халықтың сұранысына жауап береді. Мәслихаттардың рөлін арттыру және олардың тәуелсіздігін қамтамасыз ету үшін Мәслихат төрағасы лауазымы енгізіледі. Бұл да біраз уақыттан бері талқыланып, бүгінгі құжатта көрініс тапқан мәселе болып табылады. Жергілікті басқару органдарын қаржыландыруды кеңейту және олардың меншік базасын кеңейту болжанып отыр.
Мемлекет басшысы жергілікті өзін-өзі басқару органдарының жұмыс істеуінің іргелі қағидаттарын айқындайтын құжат болып табылатын Еуропалық жергілікті өзін-өзі басқару хартиясын ратификациялау қажеттігі туралы айтты. Осы шаралардың барлығы ағымдағы жылдың ортасына дейін жүзеге асырылуы тиіс. Бұл бастамалар халық пен биліктің арасындағы сенімді арттыруға септігін тизгізетіні анық.

Президенттің бастамалары халық пен биліктің арасындағы сенімді арттырады

Kyzylorda-news.kz. Мемлекет басшысы Қасым-Жомарт Тоқаевтың жаңа Жолдауында елдің әлеуметтік-экономикалық дамуына, ұлттық құндылықтардың жаңғыруына ықпал ететін ауқымды бастамалар айтылды.
Алдағы уақытта елімізде Абай, Ұлытау, Жетісу облыстары құрылады. Бұл – ұлттың руханиятын дамыту жолындағы үлкен өзгеріс. Ел Президенті саяси құжатта ұланғайыр жеріміздің байырғы атаулары, ұлы тұлғалардың есімі ұрпақ санасында жаңғыра беретінін ерекше атап өтті.
«Жалпы, жаңа облыстардың құрылуы көпшіліктің көкейінде жүрген мәселе. Кезінде облыс мәртебесінен айрылған өңірлерде тұрғындар саны азайып, тұрмыс сапасы төмендеп кеткені жасырын емес. Осы олқылықтың орнын толтыратын кез келді. Әкімшілік-аумақтық өзгерістер мемлекеттік басқару үдерісін жеңілдетеді. Жұрттың облыс орталығына барыс-келісін оңайлатады» деді Мемлекет басшысы. 
Бұл бастамалар еліміздің саяси жүйесі мен әкімшілік-аумақтық құрылымын едәуір өзгертпек. Оны жүзеге асыру үшін Конституцияға 30-дан астам өзгеріс енгізіліп, жылдың соңына дейін тағы 20-дан астам заң қабылданбақ.
Президент қаңтардағы оқиғаның әлі де зерделенетінін, елдің бірлігі мен ынтымағының арқасында күрделі кезеңді еңсергенімізді ерекше айтып өттІ. Халқымыз осы бір сәтте ел тыныштығы мен тұрақтылығының қаншалықты маңызды екенін ұғына түсті. Ел тұтастығын сақтау, әлеуметтік-экономикалық салалардың дамуына үлес қосу, жаңа Қазақстанды қалыптастыру – әрқайсымыздың ортақ міндетіміз.
Жандос БАЗАРТАЙ,
Қорқыт ата атындағы Қызылорда университетінің Әлеуметтік және тәрбие жұмыстары жөніндегі проректоры, Іскерлік әкімшіліктендіру докторы.

Жандос Базартай: Жаңа Қазақстанды қалыптастыру – баршамызға ортақ міндет

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев халыққа жолдауында елімізде Конституциялық сот құруды ұсынды.
<blockquote>
 «Мен елімізде Конституциялық сот құруды ұсынамын. Бас прокурор мен Адам құқығы жөніндегі уәкілге де Конституциялық сотқа жүгіну мүмкіндігін берген жөн. Бұл бастамалар әділ әрі құқықтық мемлекет құру жолындағы маңызды қадам болады деп сенемін»
</blockquote>

Мемлекет басшысы Конституциялық сот құруды ұсынды

<a href="https://kyzylorda-news.kz/">Kyzylorda-news.kz</a>. ҚР Парламенті палаталарының бірлескен отырысы басталды. Отырыста Мемлекет басшысы Қасым-Жомарт Тоқаев Қазақстан халқына Жолдауын жариялап жатыр. Президент қаңтар оқиғасында төңкеріс жасауға ұмтылғандардың арасында белгілі адамдар болғанын айтты.
<blockquote>
 «Жоғары лауазым иелері мемлекетке сатқындық жасады. Олар күштік құрылымдардың заңға сәйкес қимылдауына кедергі келтірді. Мемлекет басшылығына қалалардағы ахуал туралы жалған ақпарат берді. Сатқындардың опасыздығы құқық қорғау органдарының беделіне нұқсан келтірмеуге тиіс. Онда қызмет ететін азаматтар да – өз бауырларымыз. Олар елмен бірге екенін, туған халқы үшін қасық қаны қалғанша күресетінін дәлелдеді», – деді Қасым-Жомарт Тоқаев.
</blockquote>

Қазақстан және Қызылорда облысының жаңалықтары: Саясат

Алмагүл Божанова: Жолдауда саяси тұрғыдағы реформаларға басымдық берілді

Облыс активі: Азаматтық жауапкершілік жаңғыру жолына жетелейді

Жолдау – жаңа Қазақстанның жарқын жолы

Ақпаратқа қожетімділік артады

Мөлдір Жаңбырбай: Дамудың даңғыл жолындамыз

Қасым-Жомарт Тоқаев Қазақстан халқына Жолдауын жариялады

AMANAT пен ADAL партиясы бірігеді

AMANAT партиясы Президент Жолдауын қолдап, мәлімдеме жасады

Президенттің бастамалары халық пен биліктің арасындағы сенімді арттырады

Жандос Базартай: Жаңа Қазақстанды қалыптастыру – баршамызға ортақ міндет

Мемлекет басшысы Конституциялық сот құруды ұсынды

Мемлекет басшысы: Жоғары лауазым иелері мемлекетке сатқындық жасады

Қазақстан және Қызылорда облысының жаңалықтары: Саясат

Алмагүл Божанова: Жолдауда саяси тұрғыдағы реформаларға басымдық берілді

Облыс активі: Азаматтық жауапкершілік жаңғыру жолына жетелейді

Жолдау &#8211; жаңа Қазақстанның жарқын жолы

Ақпаратқа қожетімділік артады

Мөлдір Жаңбырбай: Дамудың даңғыл жолындамыз

Қасым-Жомарт Тоқаев Қазақстан халқына Жолдауын жариялады

AMANAT пен ADAL партиясы бірігеді

AMANAT партиясы Президент Жолдауын қолдап, мәлімдеме жасады

Президенттің бастамалары халық пен биліктің арасындағы сенімді арттырады

Жандос Базартай: Жаңа Қазақстанды қалыптастыру – баршамызға ортақ міндет

Мемлекет басшысы Конституциялық сот құруды ұсынды

Мемлекет басшысы: Жоғары лауазым иелері мемлекетке сатқындық жасады

Жолдау – жаңа Қазақстанның жарқын жолы