<a href="https://kyzylorda-news.kz/">Kyzylorda-news.kz</a> Есірткі көміп таратқаны үшін сотталған 1200 адамның жазасы қайта қаралады. Бұл туралы Ішкі істер министрінің орынбасары Санжар Мәдиев Сенат отырысынан кейін өткен баспасөз мәслихатында айтты деп хабарлады <a href="https://kaz.inform.kz/news/esrtk-taratkani-ushn-sottalgandar-shartti-turde-bostandikka-shigui-mumkn-6c8694/">kaz.inform.kz</a><blockquote>- Қазіргі таңда «есірткі көмгені» үшін сотталғандардың бір бөлігіне тағайындалған жаза қайта қаралуы мүмкін. Нақты айтқанда 1000-нан астам тұлға мерзімінен бұрын шартты түрде бостандыққа шығады.</blockquote>Олардың құқықтары жазаны өтеу мекемелері арқылы ұсынымхат рәсімдеу арқылы немесе адвокат арқылы қорғалады. Әр жағдайды сот жеке қарады. Осылайша сотталғандар жазаны жеңілдету құқығына ие болады, - деді вице-министр.Оның сөзінше, 4 мыңға жуық адам есірткі қылмысын жасағаны үшін сотталған.<blockquote>- Олардың арасында шамамен 1220 адам есірткі көмегін үшін жаза арқалаған. Бұл көбінесе курьерлер мен есірткі көмушілер. Бір сөзбен айтқанда есірткі саудасына қатысқандар, - деді Санжар Мәдиев.</blockquote>Фото: Pexels

Есірткі таратқаны үшін сотталғандар шартты түрде бостандыққа шығуы мүмкін 

<a href="https://kyzylorda-news.kz/">Kyzylorda-news.kz</a> Еліміздің дамуының тегеурінді тұғыры және ең &nbsp;мәртебелі мамандықтың бірі &nbsp;- заңгер.&nbsp;Кез келген мекемеге, кәсіпорынға, өзге де коммерциялық құрылымдарға қызмет саласының әр түрлі болуына қарамастан құқықтық жұмыспен айналысатын маман қажет. Ол әрине - заңгер.&nbsp;Заңгер болу - бүкіл өміріңді арнап, өз таңдауыңды мақтан етерлік қиын әрі күрделі және өте қызықты &nbsp;мамандық. Бүгінгі таңда азаматтардың &nbsp;мүддесін &nbsp;қорғау &nbsp;жолында елімізде еңбектеніп жүрген кәсіби білікті заңгерлер өте көп. Соның бірі Қызылорда облысы ҚАЖ департаментіне қарасты №60 мекемесінде заңгер кеңесшісі &nbsp;қызметін атқарып келе жатқан маман - Измағанбетова Ардақ Кеңшілікқызы.&nbsp;<blockquote>«Арман алға жетелейді» &nbsp;- демекші, Ардақ Кеңшілікқызы заңгер болуды бала күнінен армандапты. Заңгер болып қоғамдағы әлсіз жандар мен балаларды қорғағым келді, &nbsp;- дейді ол.&nbsp;</blockquote>Ардақ Кеңшілікқызы сот шешімі барысында қоғамның мемлекетке көзқарасы қалыптасатынын, сондықтан да Қазақстанда ашық және бүкпесіз сот орнықтыру керек екенін үнемі назарда ұстап, сол бағытқа өзінің қажыр-қайратын жұмсап келеді. Ұжымның да алдында құрметті, беделді мүшесі. Өз міндеттерін жауапкершілікпен орындайды, өз ісіне адал, тәжірибелі кәсіби маман. Оның заң кеңесшісі қызметінде, осы саланың &nbsp;ыстық-суығына көніп, еңбек етіп келе жатқанына 12 жылға жуықтапты.&nbsp;Әр қапталған құжатты бір тарих десек, сол тарихи құжаттың сапалы дайындалуы да Ардақ Кеңшілікқызы секілді өз ісіне берілген маманның ұқыптылығы соншалық, бүгінгі күнге дейінгі еңбек өтілінде, басшылық тарапынан ешқандай &nbsp;ескерту алмапты.<blockquote>&nbsp;Әйел болған соң отбасымызға да көңіл бөлуді ұмытпаймыз, қызметте қатал, үйде жұмсақпыз. Өзімізді күтуге де уақыт бөліп, әр уақытты тиімді пайдалануды білеміз. Қызметтік &nbsp;қарбалыстан &nbsp;қолым босай қалысымен &nbsp;кітап оқитыным бар дейді Ардақ Кеңшілікқызы. Кабинетіндегі кітап сөресінде өзіміздің &nbsp;қазақ жазушыларынан бөлек, әлем классиктерінің де кітаптарын кездестіруге болады. Таңның атысы, кештің батысы еститінімізде, көретінімізде қылмыстық оқиғалар болған соң кейде кәдімгідей рухың әлсірейді, уайымдайсың, толғанасың, сол сәтте кітап бойыңдағы ауыртпашылықты &nbsp;жеңілдетіп, көкірек көзіңді ашып, санаңды сергітеді. Сондықтан да үнемі кітап оқуға уақыт табамын дейді.&nbsp;</blockquote>Сот саласы қызмет барысында небір қиындықтар, күрделі жағдайлар туындайды Бұндай мәселенің &nbsp;шешімін &nbsp;тек нағыз білікті, сауатты, тәжірибелі заңгер маманы &nbsp;таба алады. Бүгінгі таңдағы Ардақ Кеңшілікқызының бүкіл Қазақстан елінің заңгерлеріне үлгі боларлық еңбегі жетерлік.ҚР Қылмыстық-атқару кодекісінің 118 бабы бойынша ҚАЖ департаменті заң тобында сотталғандардың арам ойын жүзеге асыру барысында, қасақана өзіне зиян келтіру, яғни дене жарақатын салу нәтижесінде сотталғанды емдеуге байланысты мемлекеттен бөлінген шығынды &nbsp;немесе келтірген залалды, сотталушы мемлекетке қайтаруға тиісті деген талап арыз беріп, атқару &nbsp;парағы &nbsp;сот орындаушының өндірісіне &nbsp;енді.&nbsp;Белгіленген тәртіппен бүкіл &nbsp;Қазақстан бойынша осындай заңның жүзеге асырылуын алғаш рет Қызылорда облысынан тек қана Ардақ Кеңшілікқызы орындап, ҚАЖ департаментінің мәртебесін көтерді.&nbsp;Сонымен қатар күнделікті жұмыс барысында сотталған азаматтардың өтініштері бойынша сенімхат беру, жасына байланысты зейнеткерлікке шығару, мүгедектігіне байланысты &nbsp;жәрдемақы тағайындау, жеке және заңды тұлғалардың өтініштеріне заңға сәйкес уакытылы жауап беру секілді қызыметтеріне мығым.Қазіргі таңда Ардақ Кеңшілікқызының ісі сарапқа салынып, бүкіл Қазақстан елінің заң қызметкерлеріне үлгі. Ардақ Кеңшілікқызы осы салада атқарған қызметтері үшін еңбегі елеусіз қалмай ҚАЖ департаментінен, мекеме тарапынан, сондай-ақ облыс әкімі Нұрлыбек Мәшбекұлы Нәлібаевтың қолынан марапатталды. Алдағы таңда ҚР ІІМ-не ұсыныс беріліп қойды.&nbsp;&nbsp;Атаған марапаттар оның қызметін мінсіз атқарып, берілген тапсырмаларды уақытылы орындай білетіндігінің дәлелі.&nbsp; Қазақта «Жақсының жақсылығын айт, нұры тасысын» - деген бар. Ардақ Кеңшілікқызын үлгі етіп алдағы қызметтеріне сәттілік тілейміз.&nbsp;Ақалтын Байжанқызы,ҚАЖД –нің № 60 мекемесі Бұқаралық ақпарат құралдарымен&nbsp; байланыс жөніндегі іс- жүргізушісі &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;

Адалдықтан айнымаған Ардақ

<a href="https://kyzylorda-news.kz/">Kyzylorda-news.kz</a> Бүгінде елімізде құмар ойындарынан келетін қатер үлкен мәселеге айналуда. Мұндай ойын түрі күн өткен сайын түрленіп, қоғамға келтіретін зияны ұлғайып келеді. Оңай жолмен табыс табуға&nbsp; құныққандар құмар ойынның құрдымына қалай түсіп кеткенін де аңғармауда.&nbsp;Шырмауықтай шырмалған олар әртүрлі қиындықтарға душар болып, қоғамнан біртіндеп ажырап, өзгелермен байланыс орнату, яғни тұлға ретінде даму секілді адами қасиеттерден айырыла бастағанын да сезбеуде. Мұның аяғы адам баласын өз-өзіне қол жұмсау, ажырасу, ұрлық-қарлық, зорлық-зомбылық, қарызға бату сияқты халге&nbsp; жеткізуде.Өздеріңіз білетіндей Президент Ұлттық құрылтайдың үшінші отырысында лудоманиямен күресу үшін жүйелі жұмыс жасап, кешенді жоспар құруды, сондай-ақ тиісті заңды тезірек қабылдауды тапсырған болатын. Осыған орай&nbsp; Үкімет заңсыз ойын бизнесіне және лудоманияға қарсы күрестің 2024-2026 жылдарға арналған кешенді жоспарын қабылдады.Соның негізінде елімізде ауқымды жұмыстар атқарылуда. Мәселен, біздің өңірде&nbsp; жыл басынан бері 6 қылмыстық іс тергеліп, сотқа жолданды. Әсіресе қазіргі таңда әлеуметтік желінің дамуы «Онлайн казиноның» қарқын алуына өз әсерін тигізуде.&nbsp; Құмар ойынның бұл түріне адам бірден емес, бірте-бірте тәуелді бола бастайды. Оған тіккен азын-аулақ ақшаның өзі адамды шығынға батырады. Мұндай іс біздің өндірісте де кездесуде.Айта кетсек, Ұлытау және Қызылорда облысының тұрғындары Г.Сабирова, А.Рысмагамбетова, Н.Қуаныш, А.Тулебиева, Н.Төлебиева оқырман саны көп парақшаны сатып алу арқылы заңсыз құмар ойынын ұйымдастырған. Олар өздерінің қылмыстық пиғылдарын жүзеге асыру мақсатында осы жылдың қаңтар айында «Instagram» әлеуметтік желісіндегі 402000 оқырманы бар «@tompikz.kz» парақшасын жалға алып «Карта-Лото» заңсыз құмар ойын ойнатқан. Сондай-ақ, «WhatsApp» әлеуметтік желісінде топ ашып, сотталушылар заңсыз құмар ойынын жүйелі түрде жүргізіп келген.Нәтижесінде қаңтар мен шілде айы аралығында сотталушы Г.Сабирова 34 911 632 теңге, Н.Қуаныш 11 884775 теңге, А.Рысмагамбетова 12 656 185 теңге, А.Тулебиева 4 863 032 теңге және Н.Төлебиева 5 507 370 теңге ірі мөлшерде табыс тапқан. Соттың үкімімен сотталушыларға 2 жыл 6 ай мен 3 жыл 6 айға бас бостандығын шектеу жазалары тағайындалды.Міне, бұл бір ғана мысал. Жеңіл жолмен оңай табыс табамын деп қаншама адамның өмірін құртқандар елімізде жетіп артылады.&nbsp; Өзін ғана емес өзгенің де өмірін жалмауда. Сондықтан заңсыз ойынның заңға қайшы екенін, жақсылыққа апармайтынын әрбір жан түсіну керек. Бұл ретте лудоманияға қарсы күресте мемлекеттік органдардың, үкіметтік емес ұйымдардың және бүкіл қоғамның жұмылуы, дәйекті әрі жүйелі жұмыс жасауы аса маңызды.Аслан Кеңесұлы,Қызылорда облысы бойыншаэкономикалық тергеп-тексерудепартаментінің басшысыФото: ашық дереккөз

Заңсыз ойынның зардабы мол

<a href="https://kyzylorda-news.kz/">Kyzylorda-news.kz</a> Қарағандыда төтенше жағдайлар министрлігіне қарасты әскери бөлімнің екі командирі сарбаздарды тегін жұмыс күші ретінде пайдаланғаны үшін қызметінен босатылды. Бұл туралы <a href="https://stan.kz/byringi-vice-ministrdin-uyin-salgan-karagandida-sarbazd-411075/">Stan.kz</a> ақпарат агенттігі “Информбюро” жаңалықтарына сілтеме жасап хабарлайды.Құтқарушылар қызмет етудің орнына бұрынғы төтенше жағдайлар вице-министрі Ибрагим Күлшімбаевқа үй салып берген.2021 жылы сол кездегі облыстық төтенше жағдайлар департаментінің бастығы Ибрагим Күлшімбаев ұлына Қарағандыдан үй салған. Төтенше жағдайлар министрлігіне қарасты әскери бөлімнің әскери қызметшілері бұл құрылыс алаңына жұмыс істеуге барған. Бөлімшенің, өртке қарсы қызмет пен төтенше жағдайлар бөлімінің техникасы да жеке мақсаттарда пайдаланылды. Құтқарушылар бұл уақыт аралығында төтенше жағдайлар департаментінен жалақы алған. Сонымен қатар техниканың жанар-жағармайы да мемлекет есебінен төленген. Оған қоса, әскерилер бұл үйге өз қаражатына қақпа сатып алып, бұл үйге бөлімшеден алған бейнекамералардв орнатқан. Соттың анықтауы бойынша, келтірілген шығын, 2 миллион теңгеден асады.Еске салсақ, экс-вице-министр 3 жылға шартты түрде бас бостандығынан айырылған еді. Ол енді мемлекеттік органдарда қызмет атқара алмайды.Сонымен қатар, іске қатысы бар екі бөлімше командирі қызметінен босатылды.<blockquote>“Бірде-бір заңбұзушылық ескерусіз қалмайды және шара қолданылады. Шеніне қарамастан генерал қылмыстық жауапкершілікке тартылып жатыр”, - дейді Қарағанды ​​облысы төтенше жағдайлар департаменті бастығының орынбасары Роллан Есмағанбетов.</blockquote>Фото: Видеодан скрин <a href="https://stan.kz/byringi-vice-ministrdin-uyin-salgan-karagandida-sarbazd-411075/">Stan.kz</a>

“Бұрынғы вице-министрдің үйін салған:” Қарағандыда сарбаздарды тегін жұмыс күші ретінде пайдаланған екі командир қызметінен кетті

<a href="https://kyzylorda-news.kz/">Kyzylorda-news.kz</a> Мемлекеттік қызметтерді көрсету – мемлекет пен қоғамның өзара іс-қимылының құрамдас бөлігі. Халық үніне құлақ асу, азаматтардың өтініштерін уақытылы қарау – біздің басты міндетіміздің бірі. Қазақстан Республикасының Мемлекеттік көрсетілетін қызметтер туралы Заңына сәйкес кезкелген азамат мемлекет тарапынан көрсетілетін қызмет берушінің шешімдеріне, әрекеттеріне немесе әрекетсіздігіне белгіленген тәртіппен шағымдануға құқылы. Бұл ретте департамент әрбір азаматтың талап-тілегіне заңдық мүддесіне сай қызмет етеді.Мемлекеттік қызметтерді көрсететін органдар үшін қызмет сапасын арттыру, жеке және заңды тұлғалардың құқықтарының сақталуы басты қағида болуы тиіс. Дегенмен, кейбір мекемелер тарапынан саладағы заңнаманың бұзылуына жол беретіні жасырын емес.Департаментке биылғы жылдың қаңтар айынан бастап бүгінгі күнге дейін келіп түскен&nbsp;75 шағымның&nbsp;42-і, яғни&nbsp;56%-ы жер қатынастары саласына тиесілі екені анықталды. Жер қатынастары саласы&nbsp;жиі шағымданатын салалар арасында көшбасшылар қатарында тұр.Аталған салабойынша келіп түскен&nbsp;42 шағымның&nbsp; 30-ы өз құзіреті шегінде қаралып,&nbsp;4-уі басқа мемлекеттік органдарға жолданды. Ал, қалған&nbsp;8&nbsp;шағым азаматтардың өз өтініштері бойынша қараусыз қалдырылды.Шағымдардың басым бөлігі - мемлекеттік қызмет көрсетуден&nbsp;негізсіз бас тартулар мен&nbsp;мемлекеттікқызмет көрсету тәртібінің сақталмауына қатысты.Осы ретте,&nbsp;Департаментпен жыл басынан бері жалпы&nbsp;15 қызмет алушының құқығы қалпына келтірілсе, оның ішіндежер қатынастары саласындаорын алған бұзушылықтар бойынша&nbsp;10қызмет алушының құқығы қалпына келтірілді.Сонымен қатар,Департаментпен жыл басынан бері мемлекеттік қызмет көрсету барысында&nbsp;рұқсат беру тәртібін бұзғаны үшін Әкімшілік құқық бұзушылық туралы кодекстің 465-бабы бойынша жалпы27әкімшілік құқық бұзушылық туралы хаттама толтырылып, мемлекет кірісіне 1&nbsp;218&nbsp;360теңге өндірілді.Оның ішінде&nbsp;жер қатынастары саласы бойынша рұқсат беру тәртібін бұзғаны үшін Әкімшілік құқық бұзушылық туралы кодекстің 465-бабына сәйкес 16 әкімшілік құқық бұзушылық туралы хаттама толтырылды.Хаттамаларды толтыру барысында лауазымды адамдардың кiнәсi заңнамада көзделген тәртiппен дәлелденгендігіне толық көз жеткізіліп, қысқартылған түрде айыппұл салынып, мемлекет кірісіне 812240 теңге өндірілді.Сонымен қатар, облыс көлеміндебиылғы жылдың қаңтар айынан бүгінгі күнге дейін жер қатынастары саласы бойынша&nbsp;ЖАО-да анықталған бұзушылықтар саны 1373-ті құрайды.Оның ішінде:Жұмыс кестесін сақтамау – 873; Мемлекеттік қызмет көрсету тәртібін (бизнес-процесін) бұзу фактілері – 292; Мемлекеттік қызметтерді көрсету мерзімінің бұзылу фактілері – 86; Артық құжаттарды талап ету фактілері – 77.Бұзушылықтарға жол бергендері үшін Департаменттің ұсынысымен тәртіптік жауапкершілікке мемлекеттік органдар мен ұйымдардың 47 қызметкері тартылды.Департамент әрдайым тұрғындарға мемлекеттік қызметті заң шеңберінде алуына жәрдем береді.Егер мемлекеттік қызмет көрсету кезінде Заңнама талаптарының сақталмағанына куә болсаңыз, яғни мемлекеттік қызмет көрсету мерзімі бұзылса, мемлекеттік қызмет көрсетуден негізсіз бас тартылса, артық құжаттар талап ету фактісі орын алса немесе мемлекеттік қызмет көрсету тәртібі бұзылса, Сіз құқығыңызды Департаментке шағымдану арқылы &nbsp;қорғай аласыз.&nbsp;Е.Ж.Мендалиев,&nbsp;Департамент басшысы,&nbsp;Әдеп жөніндегі кеңес төрағасыФото: ашық дереккөзден

Азаматтардың өтініштері қараусыз қалмайды

<a href="https://kyzylorda-news.kz/">Kyzylorda-news.kz</a> Елімізде жол қауіпсіздігін арттырып, жол-көлік оқиғаларының санын азайту мақсатында жаңа талаптар енгізіліп, тиісті заң бекітілді. Жол қозғалысы ережелеріне енгізілген жаңа ұғымның бірі «орташа жылдамдық» деп аталады. Бұл белгілі бір аралықтағы көлік құралының жүріп өткен уақыты мен қашықтығына негізделген орташа қозғалыс жылдамдығын анықтайды. Кеше Өңірлік коммуникациялар қызметінің ақпарат алаңында жауапты сала мамандары 1 желтоқсаннан бастап елімізде орын алған өзгерістерді атап өтті.<blockquote>– Өткен жылдың қазан айында Мемлекет басшысы халықаралық және республикалық маңызы бар жолдармен жүретін көлік жүргізушілеріне қатысты «Жол қауіпсіздігін арттыруға және жол-көлік оқиғаларының санын азайту мақсатында» жаңа талаптарды белгілейтін заңға қол қойып, аталған заң 4 желтоқсан күні өз күшіне енді. Бұл өзгерістің негізгі мәні – автоматты түрде тіркеу жүйелерімен анықталатын түзу сызықты учаскелерде «орташа жылдамдықтан» асып кеткені үшін жауапкершілікті енгізу. «Орташа жылдамдық» жүріп өткен жолды сол жолды жүріп өткен уақыт аралығына бөлу арқылы есептеледі. Егер «орташа жылдамдықтан» асып кетсе 5-тен 40 АЕК-ке дейін айыппұл салынатын болады. «Орташа жылдамдық» Қызылорда облысы аумағынан өтетін халықаралық республикалық маңызы бар М32 «Шымкент-Самара» бағытындағы автожол бойында орнатылған «ҚазАвтоЖол» ҰК» АҚ-ның «ZEREK-2» бағдарламалық-аппараттық кешендері арқылы жүзеге асырылатын болады. Қазіргі таңда бағдарламалық-аппараттық кешендердің жол жүрісі қауіпсіздігін қамтамасыз ету және жол-көлік оқиғаларының алдын алу бойынша бақылауды күшейту мақсатында 3 дана «ZEREK-2» бағдарламалық-аппараттық кешендері белгіленген жылдамдық режимін асырған автокөліктерді анықтауда,- деді Қызылорда облыстық ПД Әкімшілік полиция басқармасы бастығының орынбасары Нүркен Бақтияров.</blockquote>&nbsp;1 желтоқсаннан бастап елімізде заңды тұлғалардың көлік құралдарын ел аумағына әкелу тәртібі жаңарды.&nbsp;<blockquote>– Енді ел аумағына көлік әкелу үшін олардың техникалық регламенттерге сәйкестігін растайтын арнайы құжат – көлік құралдарының типін мақұлдау қажет. Бұл құжат сериялық түрде шығарылған көлік құралдарының техникалық қауіпсіздігі талаптарға сәйкес екенін дәлелдейді. Жаңартылған тәртіпке сәйкес, тек заңды тұлғалар ғана елге көлік әкеліп, оның типін мақұлдау құжаты тек сириялық өндіріс үшін ғана беріледі. Бұл өзгерістер Еуразиялық экономикалық одақтың техникалық талаптарына сәйкес енгізілді. Негізгі мақсаты – Қазақстанға тек қауіпсіздігі расталған көлік құралдарын әкеліп, олардың сапасын бақылау,- деді Қызылорда облысы бойынша Мемлекеттік кірістер департаменті басшысының орынбасары Қуанышбек Бекшин.</blockquote><img src="https://knadmin.beoblood.kz/uploads/Zh_OL_OZ_ALYSY_AUIPSIZDIGIN_AMTAMASYZ_ETUDEGI_Zh_A_A_ADAMDAR_241dd16a15.jpg" alt="ЖОЛ ҚОЗҒАЛЫСЫ ҚАУІПСІЗДІГІН ҚАМТАМАСЫЗ ЕТУДЕГІ ЖАҢА ҚАДАМДАР.jpg">Фото: <a href="https://egemen.kz/article/254300-zhol-qauipsizdigin-qalay-arttyramyz">egemen.kz</a>

Жол қозғалысы қауіпсіздігін қамтамасыз етудегі жаңа қадамдар

<a href="https://kyzylorda-news.kz/">Kyzylorda-news.kz</a> Полицейлер Қызылордада 300 доза «синтетика» таратудың алдын алып, есірткі саудагерін ұстады, – деп хабарлайды <a href="https://polisia.kz/kyzylordalyq-turghyn-sintetika-satqany-ushin-10-zhylgha-sottaldy/">Polisia.kz</a>.Қызылорда қаласында 34 жастағы тұрғын ірі көлемде синтетикалық есірткі сақтағаны және сатпақ болғаны үшін ұсталды. Ұстау барысында одан қара оқшаулағыш таспамен оралған ақ түсті ұнтақ салынған 10 бума, сондай-ақ қала аумағында есірткі жасырылған 30 орын табылды.Күдіктінің жалға алған пәтерін тінту кезінде заттай дәлелдер тәркіленді: сұр түсті ұнтақ салынған пакет, электронды таразы, фольга, скотч және арнайы қаптамалар. Сараптама қорытындысы бойынша тәркіленген ұнтақ салмағы 261 грамм болатын a-PVP психотроптық заты екені анықталды.Осылайша, полицейлер шамамен 300 доза есірткі, құны шамамен 6 миллион теңге болатын есірткінің заңсыз айналымға енуінің алдын алды. Тергеу аяқталғаннан кейін іс материалдары сотқа жіберілді. Ер адам 10 жыл мерзімге бас бостандығынан айыру жазасына кесілді.

Қызылордалық тұрғын «синтетика» сатқаны үшін 10 жылға сотталды

<a href="https://kyzylorda-news.kz/">Kyzylorda-news.kz</a> Сыр өңірінің тәртіп сақшылары құқық бұзушылықтың алдын алу және қоғамдық қауіпсіздікті қамтамасыз ету мақсатында демалыс күндері де күшейтілген режимде жұмыс істейді. Қоғам тыныштығын сақтау, жол-көлік оқиғаларының алдын алу, қоғамдық тәртіпті нығайту – құқық қорғау органдарының басты міндеті. Әсіресе, жасөспірімдер арасындағы құқық бұзушылықтарды болдырмау және олардың алдын алу мәселесі ерекше назарға алынған. Себебі, бұл бағыттағы шаралар болашақ ұрпақтың тәрбиесіне, қоғамның тұрақтылығы мен қауіпсіздігіне тікелей әсер етеді.Жұма, сенбі, жексенбі күндері Қызылорда қаласында жүргізілген рейдтік іс-шаралар кезінде тәртіп сақшылары тұрғындарға түнгі уақытта тыныштықты сақтау, кәмелетке толмағандардың көшеде ата-анасыз жүруіне жол бермеу және қоғамдық орындардағы тәртіпті қатаң сақтау керектігі жөнінде түсіндірме жұмыстарын да жүргізді. Түнгі рейдтің нәтижесі бойынша барлығы 690 құқық бұзушылық анықталып, 730 хабарлама тіркелген. &nbsp;Жол қозғалысы бойынша 500 хаттама толтырылып, 74 автокөлік айып алаңына қойылған. Ал, 190 хаттама қоғамдық қауіпсіздік бағытында толтырылып, алкоголь өнімін белгіленбеген уақытта сатқан 4 дүкен сатушысына ҚР ӘҚБтК-нің 200-бабымен шара көрілген. Сонымен қатар, кәмелетке толмағандардың түнгі уақытта жүргені үшін 24 ата-анаға ҚР ӘҚБтК-нің 442-бабы 2 бөлігімен шара көрілген.Құқық қорғау органдары азаматтарды заң талаптарын қатаң сақтауға шақырады. Өз кезегінде қоғамдық тәртіпті нығайтуға бағытталған мұндай шаралар әрі қарай да жалғасын табатын болады.<img src="https://knadmin.beoblood.kz/uploads/Za_men_t_rtip_tynyshty_kepili_1_5d1d3d7496.jpg" alt="Заң мен тәртіп – тыныштық кепілі 1.jpg"><img src="https://knadmin.beoblood.kz/uploads/Za_men_t_rtip_tynyshty_kepili_2_1cec6ba0f3.jpg" alt="Заң мен тәртіп – тыныштық кепілі 2.jpg">

Заң мен тәртіп – тыныштық кепілі

<a href="https://kyzylorda-news.kz/">Kyzylorda-news.kz</a> 8 желтоқсанда кешке Ақтөбе облысы Ырғыз ауданының әскери комиссары өз қызметтік кабинетінде асылып қалған. Бұл туралы <a href="https://stan.kz/aktobe-oblisinda-askeri-komissar-asilip-oldi-410870/">Stan.kz</a> ақпарат агенттігі хабарлады.Өзін өзі өлтіруге итермелеген себептер туралы әлі мәлімет жоқ. Облыстық қорғаныс істері жөніндегі департамент бұл жөнінде түсініктеме бермей отыр. Сондай-ақ Ақтөбе гарнизонының әскери-тергеу басқармасы мен прокуратурасы да үнсіз.Белгілі болғандай, өз өзіне қол жұмсаған әскери комиссар ешқандай теріс қылық жасамаған. Ол ішімдік ішпеген, темекі шекпеген және перспективті қызметкер ретінде танылған. Суицидтің бір нұсқасы – отбасылық мәселелер.Өткен айда Богословка полигонында 30238 әскери бөлімінің Павлодардан шақырылған мерзімді қызметтегі сарбазы Ярослав Боровец тәуліктік кезекшілікке түскен. Артиллериялық оқ-дәрілер сақталатын жеке қойманың аумағындағы 1-бекетте 3-ауысымда тұрған кезде, АК-74 автоматымен өзіне оқ атып, бетін жаралаған.Оған қоса, бірнеше күн бұрын жалдамалы пәтерде ефрейтор Шалауов өзіне қол жұмсамақ болды. Пәтерде оның досы да болған, ол көрші бөлмеде демалып жатқан. Шуды естіп, досы жүгіріп шығып, ефрейторды асылып тұрған күйінде көрген. Досы ас үй пышағымен сымды қиып, оны еденге жатқызды және 102 нөміріне қоңырау шалды. Оқиға орнына келген полицейлер әскери қызметкерді есіне келтірді. Ефрейтордан қоштасу хаты табылды.Фото: pixabay.com

Ақтөбе облысында әскери комиссар асылып өлді

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидатын ілгерілету мақсатында қоғамда құқықтық сана мен мәдениет деңгейін арттыру және кез-келген құқық бұзушылықтарға мүлдем төзбеушілік қағидасын орнату мақсатында Қызылорда қаласының Сол жағалауында орналасқан «Жастар орталығында» «Заң мен тәртіп» идеологиясын түсіндіруге арналған кездесу өткізілді.Аталған кездесуге Қызылорда облысы Полиция департаменті, Әділет департаменті, Экономикалық тергеп-тексеру департаменті, Адвокаттар алқасының адвокаты, колледж және жоғарғы оқу орындарының студенттері мен ҮЕҰ өкілдері қатысты.Кездесу барысында жастар мен жасөспірімдердің арасында жиі орын алатын бұзақылық, буллинг, интернет қауіпсіздігі мен кибербуллинг, лудомания, нашақорлық және қарсы жасалатын қол сұғылмаушылық тақырыптары бойынша ақпарат берілді.Полиция Департаменті және «Сыр Медиа» ЖШС бірлесіп дайындаған «Темір тордағы жас ғұмыр» атты бейнежазба көрсетіліп, жастар мен жасөспірімдерге қылмыс пен құқық бұзушылықтан бойларын алыс ұстауға шақырды.Кездесу соңында қатысушылар сала мамандарына сауалдарын қойып, өзара пікір алмасты.

Заң мен тәртіп – басты қағидат

<a href="https://kyzylorda-news.kz/">Kyzylorda-news.kz</a>&nbsp; Қазіргі таңда аймақта 18 969 бейнебақылау камералары жұмыс істесе, оның 7 148-і жедел басқару орталығына қосылған. Одан бөлек, облыс орталығындағы азаматтар көп шоғырланатын орындарда "SOS" дабыл батырмасының 15 құрылғысы орнатылған. Өңірлік коммуникациялар қызметінің ақпарат алаңында тиісті сала мамандарымен "Ақылды қала" тұжырымдамасының қауіпсіздік бағыты талқыланды.<blockquote>– Аймақты цифрландыру "Ақылды" қалалардың эталондық стандарты аясында жүзеге асырылады. Бүгінде облыста 20 дана "Аркан" жылдамдық өлшеуіш құралдары қаладағы жол-қозғалыс оқиғаларының алдын алуға жұмыс істеуде. Сонымен қатар, облыстық жолаушылар көлігі мен автомобиль жолдары басқармасы мен "Көркем Телеком" ЖШС мекемесі меморандумға отырып, Қызылорда қаласына пилоттық режимде 100 дана бейнебақылау камералары және 10 дана "Стационарлық жылдамдық өлшегіш" қондырғылары орнатылып, іске қосылды. Өңірдегі бейнекамералардың артуы қылмыс санының азаюына өз ықпалын тигізуде. Алдағы уақытта 1 400 дана бейнебақылау камераларын, 19 дана интеллектуалды қиылыс пен 58 дана жылдамдық өлшегіш және жедел басқару орталығын қайта жаңғырту жоспарланып отыр.</blockquote>&nbsp;Бейнебақылау камераларының саны артып, толығымен жұмыс жасауы арқылы өңірдегі жол-қозғалыс ережелерін бұзушылықтар өткен жылдың осы кезеңімен салыстырғанда 5 636-ға азайған.&nbsp;<blockquote>– Яғни, жүргізушілердің арасында көлік құралдарын басқару мәдениеті жақсарған. Сондай-ақ, мектепке дейінгі және орта білім беру ұйымдарында балалардың қауіпсіздігін қамтамасыз ету және кәмелетке толмағандар арасында құқық бұзушылықтың алдын алу мақсатында "Қауіпсіз мектеп" жобасы жүзеге асырылды. Қала бойынша 44 білім беру ұйымдары толық бейнебақылау камераларымен, дабыл батырмасы және полиция департаментінің жедел басқару орталығына қосылған,- деді Қызылорда облыстық полиция департаменті ақпараттандыру және байланыс басқармасының бастығы Алмат Жүнісов.</blockquote><img src="https://knadmin.beoblood.kz/uploads/469256966_2158745674520933_3232805582684635745_n_563a04bf7e.jpg" alt="469256966_2158745674520933_3232805582684635745_n.jpg">Фото: ntime.kz

2025 жылы Қызылорда облысында 1 400 дана бейнебақылау камералары орнатылады

<a href="https://kyzylorda-news.kz/">Kyzylorda-news.kz</a> Қазақстан Республикасының Мемлекеттік қызмет істері агенттігінің Қызылорда облысы бойынша департаменті&nbsp;(бұдан әрі – Департамент)&nbsp;қызмет алушылардың бұзылған құқықтарын қалпына келтіру бойынша тиісті жұмыстарды жүйелі түрде жүргізіп келеді.Осы ретте, Департаментке мемлекеттік көрсетілетін қызметтер сапасына қатысты қызмет алушылармен түсірілген шағымдар заң шеңберінде қаралып, тиісті шаралар қолданылуда.Мәселен, ағымдағы жылдың шілде айында Департаментке қызмет алушының «Сауда-саттықты (аукциондарды) өткізуді талапетпейтін мемлекет меншігіндегі жер учаскелеріне құқықтарды алу» (1-кезең) мемлекеттік көрсетілетін қызмет&nbsp;бойынша өтінішіне Ақай ауылдық округі әкімінің аппаратымен&nbsp;(бұдан әрі – Әкімдік) бас тарту фактілеріне қатысты шағымы келіп түскен болатын.Шағымның негізінде, Департаментпен Қармақшы аудандық ауылшаруашылығы мен жер қатынастары бөліміне&nbsp;(бұдан әрі – Бөлім)&nbsp;жоспардан тыс тексеру жұмыстары жүргізілді.Тексеру нәтижесінде жер қатынастары жөніндегі уәкілетті органның жұмыскерімен жер комиссиясы қорытындысының бір данасы Қағида талаптарында көрсетілген тәсілдердің бірімен қызметті алушыға жолданбай, Бөліммен мемлекеттік қызметті көрсету тәртібі бұзылғандығы анықталды.Осыған орай, анықталған бұзушылықтарды жою туралы&nbsp;Департаментпен Бөлімге берілген ұсынудың нәтижесінде,&nbsp;Бөлім тарапынан мемлекеттік қызметті көрсету тәртібі бұзылғандығы&nbsp;үшін Бөлімнің маманына тәртіптік жаза қолданылып, Бөлім қызметкерлеріне құқықтық оқытулар өткізілді және қызметті алушыға жер комиссиясы қорытындысының бір данасы беріліп, бұзылған&nbsp;құқықтары қалпына келтірілді.Атап өту қажет, мемлекеттік қызметтерді сапалы әрі мерзімінде көрсету және оларды көрсету нәтижесімен қызмет алушылардың құқықтары мен заңды мүдделерінің сақталуы – мемлекеттік аппараттың тиімділігін бағалаудың негізгі көрсеткіштерінің бірі болып қала бермек. Мемлекеттік қызметтерді көрсету барысындағы жеке және заңды тұлғалардың құқықтарының сақталуы алдағы уақытта да Департаменттің жіті бақылауында болады.Сондай-ақ, егер мемлекеттік қызмет көрсету кезінде Заңнама талаптарының сақталмағанына куә болсаңыз, яғни мемлекеттік қызмет көрсету мерзімі бұзылса, мемлекеттік қызмет көрсетуден негізсіз бас тартылса, артық құжаттар талап ету фактісі орын алса немесе мемлекеттік қызмет көрсету тәртібі бұзылса, Сіз құқығыңызды Департаментке шағымдану арқылы &nbsp;қорғай аласыз. Біздің мекен-жайымыз: Қызылорда қаласы, Сұлтан Бейбарыс көшесі, 1.Байланыс нөмірлері: 8 (7242) 70 56 36,&nbsp;8 (7242) 70-00-40.&nbsp;Қазақстан РеспубликасыныңМемлекеттік қызмет істеріагенттігінің Қызылордаоблысы бойынша департаментіФото: ntime.kz

Қазақстан және Қызылорда облысының жаңалықтары: Құқық