Оқиғаның мән-жайы анықталуда және қылмыстық іс қозғалдыМаңғыстау облысындағы "Оймаша" полигонында "Батыс" өңірлік қолбасшылығы бөлімдерінің жиыны кезінде сарбаз көз жұмды, <a href="https://kyn.kz/36429/betine-o-tigen-ma-ystauda-sarbaz-k-z-zh-mdy">KYN.KZ</a> ақпарат агенттігі.&nbsp;Мәліметке сүйенсек, лагерь бойынша кезекші, гвардия лейтенантый 17:10 шамасында ПМ 9 мм тапаншасынан оқ атқан. Салдарынан тапаншаның оғы қатардағы жауынгер Марат Ерболұлы Барқұловтың бетіне тиген.&nbsp;Сарбаз жедел ауруханаға жеткізіліп, 17:40 шамасында көз жұмды. Ақтау гарнизоны баспасөз қызметінің хабарлауынша, сарбаздың өліміне себеп: қаруды дұрыс пайдаланбаған.&nbsp;Қазір оқиғаның мән-жайы анықталуда және қылмыстық іс қозғалды.Фото: kyn.kz

Бетіне оқ тиген: Маңғыстауда сарбаз көз жұмды

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен терроризмге қарсы күрес комиссиясының кезекті отырысы өтті.Онда «Экстремизмге және терроризмге қарсы іс-қимылдың мемлекеттік жүйесін дамытудың 2023-2025 жылдарға арналған кешенді жоспарының» Қызылорда облысында орындалуы қаралды. Сондай-ақ, аймақты дінтанушы-теолог мамандармен қамтудың, шетелдік күмәнді теологиялық білім алудың тиімсіздігі туралы ақпараттық-түсіндірмелік жұмыстардың, Арал және Қазалы аудандарында деструктивті діни ағымдар профилактикасын ұйымдастырудың нәтижесі сараланды.Мәжіліс қорытындысымен облыс әкімі сала басшыларына осы жұмыстарды қарқынды жүргізуді тапсырып, бірқатар міндеттер жүктеді.<img src="https://knadmin.beoblood.kz/uploads/7_5ba2cecf8c.jpg" alt="7.jpg"><img src="https://knadmin.beoblood.kz/uploads/8_f88aa2854b.jpg" alt="8.jpg"><img src="https://knadmin.beoblood.kz/uploads/9_19179d3135.jpg" alt="9.jpg">Фото: Қызылорда облысы әкімінің баспасөз қызметі

Терроризмге қарсы күрес комиссиясының кезекті отырысы өтті

<a href="https://kyzylorda-news.kz/">Kyzylorda-news.kz</a>&nbsp;Қызылорда облысы көлемінде көшелер мен қоғамдық орындарда тиісті қоғамдық тәртіпті сақтау мен қылмыстың алдын алу мақсатында «Құқықтық тәртіп» жедел-профилактикалық іс-шарасы өтуде.&nbsp;Іс шараның 3 күнінде тәртіп сақшылары 25 қылмыс ашты.&nbsp;Сонымен қатар, 785 әкімшілік құқық бұзушылық деректері анықталса, оның ішінде мүлдем төзбеушілік принципі &nbsp;бойынша ұсақ бұзақылық ҚР ӘҚБтК-нің /434 бабы/- 15, спирттік ішімдікті ішу немесе қоғамдық орындарда мас күйінде келу /440/-86, кәмелетке толмағандардың түнгі уақытта жүруі /442/-77, түнгі тыныштықты бұзу бойынша (437-бабы) - 51 дерек анықталған.Жол қозғалысы қауіпсіздігін қамтамасыз ету бойынша жүргізушілердің көлік құралын мас күйінде жүргізу /608 бабы/-17, көлік құралын басқару құқығынан айрылған жүргізушілер/612/3 бабы/-4дерек анықталып, барлығына тиісті әкімшілік хаттамалар толтырылып, әкімшілік сотқа жіберілді.Жалпы облыс көлемінде криминогендік ахуалды сейілту, құқық тәртібі мен жол қозғалысы қауіпсіздігін қамтамасыз ету шараларын кең көлемде жүргізу мен қылмыстың алдын алуға бағытталған бұл жедел-профилактикалық іс-шараның өту барысы департамент бастығының қатаң бақылауында.&nbsp; &nbsp;<img src="https://knadmin.beoblood.kz/uploads/451999750_465309189570730_6153883674864761419_n_440699f57b.jpg" alt="451999750_465309189570730_6153883674864761419_n.jpg">

Қызылордада «Құқықтық тәртіп» жедел-профилактикалық іс-шарасы өтіп жатыр 

<a href="https://kyzylorda-news.kz/">Kyzylorda-news.kz</a> Партияның қалалық филиалының депутаттық фракция отырысы өтті.Алдымен мемлекет басшысы Қ.Ж Тоқаевтың Қазақстан халқына Жолдауынан туындайтын мақсат-міндеттер талқыланды.Фракция отырысына партияның қалалық филиалының төрағасы Ибадулла Дүйсенбайұлы Құттықожаев қатысты.<blockquote>&nbsp;– «Мемлекет басшысының Жолауда атап өткеніндей Атом энергиясын пайдалану дамыған экономикалық мемлекеттерде кеңінен қолданылуда. Қазірде АЭС салу мәселесіне байланысты жалпыхалықтық референдум өткізілу жоспарланып отыр. Уран өндіруден еліміз алғашқы орында. Сондықтан, АЭС салу мәселесі де келешек ұрпақ үшін жарқын болашақтың кепіліне айналары анық. Бүгінде ғалымдар АЭС салу мәселесін жан-жақты саралай отырып, оның қауіпсіздігін қамтамасыз ету сатыларына мән беруде. АЭС экологиялық тұрғыда таза, қолайлы әрі қаншама азаматтарды жұмыс орнымен қамтымақ. Оның ішінде ғылыми жолда еңбек етіп жүрген жастарамыз да бар,» – деді.</blockquote>Фракция отырысында Мемлекет басшысының халыққа Жолдауынан туындаған мәселелер талқыланып, тоғыз бағыт бойынша фракция мүшелері пікір алмасты. Соның ішінде темір жол саласындағы өзекті мәселелер, тариф құнын реттеу, темір жол құрылысын жүргізу бойынша фракция мүшесі, темір жол саласының ардагері Ибраким Асқарұлы Басықараев пікір білдірді.Ал білім саласындағы реформалар бойынша фракция мүшесі Айгүл Нажмадинқызы Мұсабаева пікір білдірді.<blockquote>«Өздеріңізге белгілі келер жыл «Жұмысшы мамандықтар» жылы болып жарияланды. Білім саласындағы ең маңызды мәселенің бірі – жастарды кәсіптік-техникалық мамандықтарға баулу. Себебі еңбек адамдары қашан да ел экономикасында ілгері күшке ие»,-деді фракция мүшесі.</blockquote>Жиында партияның қалалық филиалының Атқарушы хатшысы Гүлшат Исақызы Мұсаева:<blockquote>«Мемлекет басшысы Жолдауда «Amanat» партиясының бастамасымен жүзеге асырылып жатқан «Ауыл аманаты» жобасының жалпы нәтижесінің жаман еместігі, енді осы жоба аясында тағы бір жаңа тәсілді, яғни «тауар несиесін» беру мәселесін қарастыру қажеттілігін атап өтті. Ауылдың әлеуетін арттыруға арналған тиімді бірегей жоба жеке кәсіпкерге 8,6 млн. (2024 жылы: 9,2 млн.) теңге, өндірістік кооперативке 28 млн.(2024 жылы: 29.5 млн.) теңгеге дейін 2,5 пайыздық мөлшерлемемен несие алып, өз ісін бастауына үлкен мүмкіндік. Сонымен қатар, «Amanat» партиясы ұсынған азаматтардың қаржылық сауатын арттыруға арналған «Қарызсыз қоғам» жобасын атады. Мектептерде, жоғары оқу орындарында қаржылық және цифрлық сауаттылық негіздерін үйрететін білім бағдарламасын енгізу қажеттілігіне тоқталды»,-деді.</blockquote>

Фракция мүшелері мемлекет басшысының халыққа Жолдауын талқылады

&nbsp;<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасының Мемлекеттік қызмет істері агенттігінің Қызылорда облысы бойынша департаменті қызмет алушылардың бұзылған құқықтарын қалпына келтіру бойынша тиісті жұмыстарды жүйелі түрде жүргізіп келеді.Бұл ретте басты қағида – құқығы бұзылған азаматтардың заң шеңберінде мүдделерін қорғау және құқығын сақтау.Департаментке мемлекеттік көрсетілетін қызметтер сапасына қатысты қызмет алушылармен түсірілген шағымдар заң шеңберінде қаралып, тиісті шаралар қолданылуда.Мәселен, биылғы жылдың шілде айында Департаментке қызмет алушының«Сауда-саттықты (аукциондарды) өткізуді талапетпейтін мемлекет меншігіндегіжер учаскелеріне құқықтарды алу» (1-кезең)мемлекеттік көрсетілетін қызметбойынша өтінішіне Ақай ауылдық округі әкімінің аппаратыменбас тарту фактілеріне қатысты шағымы келіп түсті.Шағым негізінде Департаментпен Қармақшы аудандық ауылшаруашылығы мен жер қатынастары бөліміне жоспардан тыс тексеру жұмыстары жүргізілді.Тексеру нәтижесінде жер қатынастары жөніндегі уәкілетті органның қызметкерімен жер комиссиясы қорытындысының бір данасы Қағида талаптарында көрсетілген тәсілдердің бірімен қызметті алушыға жолданбай, Бөліммен мемлекеттік қызметті көрсету тәртібі бұзылғандығы анықталды.Анықталған бұзушылықтарды жою туралыДепартаментпен Бөлімге берілген ұсынудың нәтижесінде,Бөлім тарапынанмемлекеттік қызметті көрсету тәртібі бұзылғандығыүшін Бөлімнің маманына тәртіптік жаза қолданылды. Бөлім қызметкерлеріне түсіндірме жұмыстары жүргізілді. Сонымен қатар қызметті алушыға жер комиссиясы қорытындысының бір данасы беріліп, бұзылған құқықтары қалпына келтірілді.Атап өту қажет, мемлекеттік қызметтерді сапалы әрі мерзімінде көрсету және оларды көрсету нәтижесімен қызмет алушылардың құқықтары мен заңды мүдделерінің сақталуы – мемлекеттік аппараттың тиімділігін бағалаудың негізгі көрсеткіштерінің бірі болып қала бермек. Мемлекеттік қызметтерді көрсету барысындағы жеке және заңды тұлғалардың құқықтарының сақталуы Департаменттің жіті бақылауында.Департамент әрдайым қоғаммен сындарлы диалог орнатуға, заңдық түсіндірмелер жүргізуге мүдделі.Егер мемлекеттік қызмет көрсету кезінде Заңнама талаптарының сақталмағанына куә болсаңыз, яғни мемлекеттік қызмет көрсету мерзімі бұзылса, мемлекеттік қызмет көрсетуден негізсіз бас тартылса, артық құжаттар талап ету фактісі орын алса немесе мемлекеттік қызмет көрсету тәртібі бұзылса, Сіз құқығыңызды Департаментке шағымдану арқылы &nbsp;қорғай аласыз.Біздің мекен-жайымыз: Қызылорда қаласы, Сұлтан Бейбарыс көшесі,1Байланыс нөмірлері: 8 (7242) 70 56 36, 8 (7242) 70-00-40.Қазақстан Республикасының Мемлекеттік қызмет істері агенттігінің&nbsp;Қызылорда облысы бойынша департаментіФото: ef.arsu.kz

Басты қағида – заң шеңберінде қызмет алушының құқығын қорғау

&nbsp;<a href="https://kyzylorda-news.kz/">Kyzylorda-news.kz</a> &nbsp; &nbsp;ҚР Қаржылық мониторинг агенттігінің заңсыз онлайн құмар ойындар мен лудоманияға қарсы іс-қимыл мәселелері бойынша ведомствоаралық кездесу өткізді, деп хабарлайды&nbsp;<a href="https://egemen.kz/">Egemen.kz</a>.Мемлекет басшысының заңсыз құмар ойындармен байланысты қауып қатерлерді бейтараптандыру туралы тапсырмасын орындау мақсатында ҚМА-ның бастамасымен ведомствоаралық кездесу өткізіліп, заңсыз онлайн құмар ойындарға және лудоманияға қарсы күрес мәселелері талқыланды.Аталған жиынға Қаржы нарығын реттеу және дамыту агенттігінің төрағасы Мадина Әбілқасымова, қаржы министрі Мәди Такиев, туризм және спорт министрі Ермек Мыржықпаев, Ұлттық банк төрағасының орынбасары Ақылжан Баймағамбетов, мәдениет және ақпарат вице-министрі Қанат Искаков қатысты.ҚМА төрағасы Дмитрий Малахов жиынды аша отырып, құмар ойындар мен лотерея қызметін реттеуге бағытталған бірқатар шаралардың қолданыстағы заңнамада қарастырылғанын атап өтті.<blockquote>«Біз бірлесіп бұл мәселені шешу жолдарын талқылау үшін жиналдық. Бұл қоғам мен мемлекет үшін өте маңызды және біз бұл салада шұғыл әрекет етуіміз қажет», деді Д.Малахов.</blockquote>Айта кетейік, өткен жылы ҚМА Мәдениет және ақпарат министрлігімен бірлесіп, TikTok-та жаппай карта ойындарын ұйымдастырудың алдын алды. 300-ден астам ұйымдастырушы аккаунты анықталып, құқыққа қайшы контенттің эфирін жедел түрде бұғаттауға мүмкіндік беретін жасанды интеллект енгізді.Қазіргі уақытта Instagram-дағы заңсыз лотереяларды ұйымдастырушыларға қарсы жұмыс жүргізіліп жатыр.Агенттік осы әрекеттерге қатысы бар адамдарды жауапкершілікке тартуға қатаң бағытталған.ҚМА азаматтарды заңсыз лотереяларға тартатын адамдарды анықтауда Мәдениет және спорт министрлігіне көмек көрсетуге, сондай-ақ төленбеген салықтарды қосымша есептеу үшін Мемлекеттік кірістер комитетіне ақпарат ұсынуға дайын.Оған қоса, онлайн-казиноларға қарсы күрес бойынша ауқымды жүйелі жұмыс жүргізіліп жатыр. Осы жылдың басынан бастап 6 мыңнан астам осындай сайттар бұғатталып, көшірмелері тәулік ішінде жойылды.Заңсыз онлайн-құмар ойындарға қарсы күресте олардың қаржылық операцияларын тоқтату маңызды мәселе болып табылады.&nbsp;&nbsp;Шетелдік ұйымдастырушылар қазақстандық ойыншылардан тікелей ақша қабылдай алмайды, сондықтан олар жергілікті төлем ұйымдары мен банктерді пайдаланады.Алайда, құмар ойындар туралы жаңа заң күшіне енгеннен кейін, интернет-казиноға жасалатын транзакциялар шектеледі. Ал банктер мен төлем ұйымдары көмек көрсеткені үшін жауапкершілікке тартылады.Бұл мәселе бойынша ҚМА, Мәдениет және спорт министрлігі және Ұлттық банк бірлесіп жұмыс істеп, заңсыз ақша аударымдарын анықтап, бұғаттауды жүзеге асырады.Жиын соңында қатысушылар құмар ойындарға патологиялық тәуелділіктен жас ұрпақты қорғауға бағытталған шаралар мен іс-қимыл алгоритімін қамтитын ынтымақтастық туралы Меморандумға қол қойды.Фото: favoritnr1.com

Лудоманиямен күрес: Жыл басынан бері 6 мыңнан астам заңсыз сайт бұғатталды

&nbsp;<a href="https://kyzylorda-news.kz/">Kyzylorda-news.kz</a> Қызылордада республикалық «Пробация» атты жедел профилактика іс-шарасы өтті. Қызылорда қалалық, аудандық пробация қызметі,&nbsp;прокуратура өкілдері, қалалық полиция басқарамасымен және әлеуметтік бейімдеу орталығы қызметкерлерімен бірлескен мобильді топ құрылды. Есепте тұрған тұлғаларға тұрғылықты мекен-жайлары бойынша бірлескен тексерістер жүргізілілді. Мақсат – пробацияда есепте тұрған адамдардың жаңа құқық бұзушылықтар жасауын алдын алу.Қазіргі уақытта Қызылорда аудандық, қалалық пробация қызметі тобының есебінде 1000-ға жуық адам тіркеуде тұр. Тексеріс барысында инспекторлар есептегі тұлғаларға сот жүктеген міндеттерді орындауды және қылмыстық, әкімшілік құқықбұзушылықтар жасамау керек екендігін қатаң ескертіп, олармен профилакткалық сұхбаттар жүргізді.Қызылорда облысы бойынша ҚАЖ департаментінің Пробация қызметіне басшылық жасау тобының бас маманы әділет майоры Ғаламат Құлмановтың айтуынша сотталғандар іс-шара барысында есептегі тұлғалардың мекен-жайынан тексеру жұмыстары жүргізілді.<blockquote>– &nbsp;Іс-шара кезінде қайталама қылмыс жасауға, алкогольдік ішімдік ішуге, отбасылық тұрмыстық жанжалға бейім тұлғалар қадағаланып, прокуратура өкілдерімен, учаскелік полиция инспекторларымен тығыз байланыста жұмыстар атқарылды. Нәтижесінде есептегілермен 57 жаза өтеу тәртіптері мен шарттарын бұзғандар анықталды. Тексеру кезінде мекен-жайында болмаған 39 сотталғанға «ескерту» шарасы берілген, 19 сотталғанның бас бостандығынан шектеу жазасы бас бостандығынан айыруға ұсыным жолданды. Әкімшілік құқықбұзушылықтар жасаған 7 сотталғанға әкімшілік хаттама толтырылды,- деді әділет майоры Ғаламат Құлманов.</blockquote>

Қызылордада республикалық «Пробация » іс-шарасы өтті

<a href="https://kyzylorda-news.kz/">Kyzylorda-news.kz</a> Конституция – қоғамдық және мемлекеттік құрылыстың негіздерін, мемлекеттік органдар жүйесін, олардың құрылуы мен қызметінің тәртібін, азаматтардың құқықтары мен міндеттерін айқындайтын мемлекеттің негізгі Заңы.1995 жылы 30 тамызда жалпыхалықтық дауыс беру (референдум) нәтижесінде қабылданған ҚР-ның қазіргі қолданыстағы Конституциясы – әрбір қазақстандықтың өміріндегі айтулы әрі маңызды оқиға. Бұл күн мемлекеттік мереке – Қазақстан Республикасының Конституциясы күні.Негізгі Заң жиынтығы біздің өмірімізді, мемлекеттің ұмтылыстары мен мақсаттарын анықтайды, азаматтар мен билік арасындағы қатынастарды реттейді және барлық адамдар үшін ең басты Заң болып табылады. Ол азаматтардың өмір сүру құқығы, жеке бас бостандығы, меншік құқығы, жеке өмірге қол сұғылмаушылық, жеке және отбасылық құпия, ар-намысы мен қадір-қасиетін қорғау және басқалары сияқты негізгі құқықтарын көрсетті &nbsp;Осыған сәйкес, қоғамда әрбір азамат өз құқықтарын біліп, заңды құрметтеуге міндетті.Конституция Қазақстанды демократиялық, құқықтық мемлекет деп жариялады, оның ең қымбат қазынасы – адам және адамның өмірі, құқықтары мен бостандықтары. Бұзылған құқықтар мен бостандықтарды қорғау сотқа тиесілі, сондықтан сот жүйесінің негізгі міндеті адамның конституциялық құқықтарын барынша қамтамасыз ету болып табылады.Осыған сәйкес, Конституцияның қабылдануымен бірыңғай сот жүйесі құрылды, судьялардың тәуелсіздігін қамтамасыз ету жөнінде шешімдер қабылданды. «ҚР сот жүйесі мен судьяларының мәртебесі туралы» Конституциялық Заң қабылданып, оның негізгі міндеті Қазақстандағы сот реформасын жетілдіру болды. Сол себепті де, Қазақстан Республикасының Конституциясы сот билігін мемлекеттің аса маңызды функциясы – сот төрелігін жүзеге асыруға арналған мемлекеттік биліктің дербес тармақтарының бірі ретінде айқындады. Ал, сот төрелігін тек соттың жүзеге асыру принципі – заңдылықтың, азаматтар мен ұйымдардың құқықтары мен заңды мүдделерін қорғаудың басты кепілі. Яғни, Негізгі Заңда Республиканың барлық соттары мен судьялары үшін барлық сот істерін қарау кезінде ортақ және бірыңғай болып табылатын сот төрелігінің қағидаттары тікелей анықталған.Конституция – Қазақстан Республикасының сот жүйесі үшін ғана емес, оның барлық азаматтары үшін айрықша маңызға ие, себебі ол – елдің басты құжаты.Амангелді&nbsp; Қайырбек&nbsp;&nbsp;&nbsp;&nbsp;Қызылорда қалалық сотының жетекші маманыФото: sputnik.kz&nbsp;

Конституция – ел тірегі

&nbsp;<a href="https://kyzylorda-news.kz/">Kyzylorda-news.kz</a> &nbsp;Тәуелсіздіктің мызғымас мұрасы, бағалы құндылығы саналған Ата Заңымыз ел еңсесін тіктеуге, ел іргесін бекітуге айрықша ықпалын тигізді. Еліміздің Ата Заңында бірінші орында адам тұр. Бұл адам құқығының қорғалуына және шағымдануына мүмкіндік бермек. Әр қазақстандық өз құқығын білуге міндетті.Ата заң-құқықтарымыз бен бостандығымыздың кепілі. Еліміздің Ата Заңы жүздеген жылдар бойы қалыптасқан адамзат баласының жалпы құндылықтарын өз бойына сіңірді. Конституциямызда адамдардың табиғи құқықтары мен бостандықтары, &nbsp;билік институттарын демократиялық жолмен қалыптастыру және дамыту, Қазақстанда азаматтық қоғам құру туралыдүниежүзі таныған прогрессивті идеялар бекітілді. Ең жоғарғы заңдық күші бар Қазақстан Конституциясы Республикадағы қолданылатын және қалыптасып жатқан құқықтық жүйесінің нормативтік бастауы бола тұра, қоғамдық және мемелкеттік құрылыстың маңызды жақтарын реттейді. Ол-ел тәуелсіздігінің, мемлекеттігінің негізгі тірегі, саяси-құқықтық төлқұжаты. &nbsp;Қазақстан халқы қолдаған Конституция — еліміз өркендеуінің ерен тетігі бірлік пен еркіндік ұстыны. Мемлекетімізді демократиялық, зайырлы және құқықты ел ретінде айқындайтын басты құжат – Конституция. Ата Заң барлық құжаттардың қайнар көзі, бастауы болып табылады. Бүкіл халықтық референдумда кең байтақ Қазақстанның көп ұлтты халқы өзінің егемендік құқығын барша әлемге паш етіп, көптеген елдермен терезесі тең, іргетасы мықты демократиялық жолмен дамып келе жатқан мемлекет екендігін танытты. Сөйтіп, 1995 жылдың 30 тамызында Қазақстан Республикасының Ата заңы өмірге келді. Тоғыз бөлім мен тоқсан сегіз баптан тұратын Ата заңның алғашқы бабы: «Қазақстан Республикасы өзін демократиялық, зайырлы, құқықтық мемлекет ретінде орнықтырады, оның ең қымбат қазынасы – адам және адамның өмірі, құқықтары мен бостандықтары» – деп басталады. Бұл мемлекетімізде адам мен оның өмірі, құқықтары мен бостандықтарының өте жоғары дәрежедегі құндылық ретінде бағаланатындығының айқын дәлелі. Еліміздің Ата заңы халқымыздың дербес ел болуды армандаған, мүддесін заң тілінде айшықтаған, жер шарына, адамзат ғаламына «Қазақстан» деген мемлекет бар екенін паш еткен ерекше құжат.Ата заңымыздың өміршеңдігі, демократиялық табиғаты туралы қазақстандықтар да, шетел азаматтары да жиі жылы лебіздер айтып, болашағымызға зор сенім білдіріп келеді.Еліміздің Конституциясы –бұл заң қарпінде өрнектелген жалпыұлттық идея. Әрбір азаматы өзін тең сезініп, емін-еркін жайдары өмір сүретін, татулығы жарасқан қазақ елінің, Қазақстан халқының қарымды істері бүгінде әлем жұртшылығы үшін үлгі-өнегеге айналды. Мұні өзі біздің Ата Заңымызда бүкіл адамзаттық құндылықтар мен өркениеттік игіліктердің барлығы қамтылғанын дәлелдейді. Кез келген мемлекеттің, елдің тәуелсіздігін, демократиялық құндылықтарын айқындайтын негізгі құжаты- Конституция. Онда мемлекеттің барлық құрылымдарының, жеке азаматтардың ұлт пен ұлыстардың, әлеуметтік топтардың мақсаттары, міндеттері, құқықтары көрсетіледі. Ал конституция мызғымас мемлекетіміздің алтын қазығы, бірлігі мен ынтымағы жарасқан елдігіміздің бұлжымас бағдары, кемел келешегіміздің кепілі. Ата заң біздің бүкіл жарқын істеріміздің қайнар бастауына айналды. Конституциямызда айтылғандай еліміздің ең басты қазынасы-адам, оның өмірі мен бостандықтары болып табылады. Аталған заңнама осындай ұлан-ғайыр елімізде бірлігіміз жарасып, бір жжеңнен қол, бір жеңнен бас шығарып тату тәтті өмір сүруіміздің кепілдігі мен айқын нышаны болып табылады.Ата Заң – бейбіт­шілік пен ынтымаққа, еркіндік пен теңдікке апаратын даңғыл жол. Тоғыз бөлімнен тұратын Ата Заңда еліміздің азаматтарына толық жағдай жасалған. Екінші бөлімнің 10-бабында “Республиканың азама­тын ешқандай жағдайда азаматты­ғынан, өзінің азаматтығын өзгерту құқығынан айыруға, сондай-ақ оны Қазақстаннан тыс жерлерге алас­та­туға болмайтындығы” көрсетілген. Олардың өмір сүруіне, білім алуы­на, қызмет етуіне және зейнеткер­лікке шығып демалуына барлық мүмкіндіктер жасалған.Ата заңымыздың өзгешелігі Қазақстан Республикасының тәуелсіз дамуының мемлекеттік тұғырын, басқару тәсілін, билік тармақтарын бекітіп, «байырғы қазақ жерінде мемлекет құрылғанын» жария етті. Конституция бізге, адамдық қадір-қасиетімізге қол сұғылмауына, тіліміз бен дініміздің дамуына, ар-ождан бостандығын қорғауға, адал еңбегімізбен тапқан мүлкіміз бен меншігімізді сақтауға кепілдік береді. Сондықтан құқықтық мемлекет, заңның жоғарғы мәртебелілігі, Конституцияның мызғымас беріктігі, ұлттық идеологияның негізі және түп қазығы екенін мойындауымыз керек. Татулық пен бейбітшіліктің мекені болып табылатын кең байтақ елімізде жүздеген ұлттар тұрады. Бүгінде олар достық туын жоғары көтере біліп, Қазақстан мемлекетінің экономикасын өркендетуге орасан еңбек сіңіріп келеді.&nbsp; &nbsp; Мемлекет басшысы Қ.К.Тоқаев: «Халқымыздың заң үстемдігіне, адамдардың негізігі құқықтары мен бостандықтарын қамтамасыз етуге ұмытылысы төл тарихымызда айқын көрініс тапқан. Озық әлемдік тәжірибені, тарихи және ұлттық дәстүрлерді арқау еткен Қазақстан Конституциясы халқымыздың бірлігі мен мемлекет заңнамасында бекітілген жеке тұлғаның құқығын жүзеге асыру мен қорғаудың тиімді механизмін құруды болжайды. Адам құқығы, оны сақтау мен кепілдік беру бүгінгі таңдағы маңызды мəселелердің бірі.&nbsp;Адам құқықтарын сақтаудың шындық жағдайы – демократияның маңызды көрсеткіші, оның кемеліне келуі мен руханилығының белгісі.&nbsp; «Адам бостандығына» қарағанда «адам құқығы» терминінің аясында адам қызметінің нақты бағыты бекітіледі. Мемлекет заңда көрсетілген салада адамның іс-əрекеттерінің заңдылығын қамтамасыз етуге жəне қорғауға міндеттеме қабылдайды.&nbsp; &nbsp;Ата За­ңы­мыз егеменді ел тарихы үлесін­дегі аз уақытта үлкен сындардан сү­рінбей өтіп, өзінің құқықтық құн­дылығын жоғары дәрежеде дә­лелдей білді. Конституциялық заңнамаларға сәйкес барлық азаматтар тең құ­қы­лы. Егер олармен заң бұзушылық жіберілген жағдайда жауапкерші­лік­ке тартылып, жалпыға бірдей тәр­тіпте шартты жазасын алады. Қазақстан Республикасы Консти­ту­циясының 4-бабында Ата Заңның ең жоғары заң күші бар және рес­публиканың барлық аумақтарына тікелей қызмет етеді деп айқын жа­зылған. Басқа да шығарылып жат­қан нормативтік-құқықтық актілер, халықаралық келісім-шарттар елі­міздің ең басты құжатына қайшы келмеуі тиіс. Ал 74-баптың 1-тар­ма­ғында Қазақстан Конститу­ция­сына сәйкес емес деп танылған заң­дар мен халықаралық келісім-шарт­тарға қол қойылмайды делін­ген. Демек, Ата Заңымызда адам құ­қығы және бостандығының жо­ғары құндылығы құқықтық мем­лекеттің негізгі қағидасы ретінде реттеледі. &nbsp; &nbsp;&nbsp; &nbsp;Адам құқықтары мен бостандықтары тек қана бір мемлекеттің ісі емес, бүкіл халықаралық бірлестіктің субъектісі болып табылады. Адам құқығы саласындағы жалпы танылған халықаралық нормалар қазір ұлттық заңдарды қалыптастырудың негізі болып табылады. Сондықтан да мемлекет ішіндегі адам құқығын қорғау механизмі, халықаралық құқық нысандарымен қамтамасыз етілуімен тығыз байланысты. Адам құқығын қорғау жөнінде нормалар қабылдаған халықаралық ұйымдар, адам құқығының бұзылмауына жол бермеуге нақты механизмдер қарастырды.Конституцияның қабылдануымен мемлекет пен азаматтық қоғам институттары қалыптасып, адамның құқығы мен бостандығының кепілдік берілді, елдің экономикалық, әлеуметтік және мәдени әлеуеті қарқынды дамыды. Шекарасы шегеленіп, алдағы күнге батыл жоспар құрған мемлекетте сот жүйесін жандандыру мәселесі де ұмыт қалған жоқ. &nbsp;Үшінші биліктің матереиалдық жақтан мінсіз болуы, судьялардың талапқа сай қызметі уақыт өз шешімін тапты.&nbsp; Кез келген мемлекеттің, елдің тәуелсіздігін, демократиялық құндылықтарын айқындайтын негізгі құжат – Конституция. Онда мемлекеттің барлық құрылымдарының, жеке азаматтардың, ұлт пен ұлыстардың, әлеуметтік топтардың мақсаттары, міндеттері, құқықтары көрсетіледі.&nbsp; Ата Заңымызды бұлжытпай орындаудың нәтижесінде Отанымыздың бірлігі нығайып, елдегі тұрақтылық пен татулық орнықты.&nbsp;Сот үш биліктің біреуі. Конституцияның 7-бөлігі соттар және сот төрелігіне қатысты, онда Қазақстан Республикасында сот төрелігін тек сот қана жүзеге асырады және Сот билігі Қазақстан Республикасының атынан жүзеге асырылады және өзіне азаматтар мен ұйымдардың құқықтарын, бостандықтары мен заңды мүдделерін қорғауды, Республиканың Конституциясының, заңдарының, өзге де нормативтік құқықтық актілерінің, халықаралық шарттарының орындалуын қамтамасыз етуді мақсат етіп қояды делінген.&nbsp; Біздің Конституциямыз мемлекеттік биліктің біртұтастығын бекіте отырып, оны шашыраңқы күйден, біртұтас, жұмылған жұдырықтай жүйеге айналдырды. Мемлекеттік билік органдарының халық алдындағы жауапкершілігін күшейтті. Ең бастысы, Ата Заңымыз Қазақстан мемлекеттігінің нығаюына, еліміздің дамуына, халқымыздың өсіп-өркендеуіне негіз қалап берді. Конституцияның тарихы тереңде. Дала заңынан бастау алған бұл құжат мемлекеттегі ең қымбат қазынасы адам және оның құқығы мен бостандығы деуімен де жанымызға жақын. Ата заңда адам өмірі мемлекеттің негізгі байлығы саналған соң елдегі заңнамалардың да ең алдымен азаматтардың мүддесіне бағытталып, халықтың игілігі үшін жасалатыны түсінікті.&nbsp;Мемлекетіміздегі әр адам Ата Заңның шеңберінде өмір сүргенде ғана біз өзімізге тән ұлттық құқық­тық жүйемізді жетілдіретін бола­мыз. Сондықтан ең басты міндет заңды және жеке тұлғалардың, қоғамдық құрылымдар мен азамат­тардың Ата Заңға деген құрметін барынша дәріптеу болып табылады&nbsp; Ата Заңымыз анық­тап берген демократиялық, зайырлы, құқықтық және әлеумет­тік мемлекетімізде татулық пен бірлік, бейбітшілік пен тұрақтылық, құт-береке болсын, көк байрағы­мыз ашық аспан астында желбірей берсін.Т.ТілепҚызылорда қаласының мамандандырылған тергеу сотының судьясыФото: inbusiness.kz

Ата Заң – алтын тұғырымыз!

2024 жылғы 28 тамызда «АДАЛ АЗАМАТ – БЕЛСЕНДІ ҚОҒАМ» азаматтық қоғамды дамыту ұлттық орталығының қызметін ұйымдастыру» жобасын іске асыру шеңберінде Қазақстан Республикасының Конституция күніне орай, Қызылорда облысының үкіметтік емес ұйымдарының альянсы Қазақстанның Азаматтық Альянсы, Қызылорда облысының Әділет департаменті және Қызылорда облысының Қоғамдық Даму басқармасының қолдауымен үкіметтік емес ұйымдар өкілдері, Қызылорда қаласының тұрғындары үшін «Ашық Есік Күні» өтті. Азаматтарға тегін заң көмегін көрсетуге арналған қызметтер аясында адвокаттар, заң консультанттары, мемлекеттік және жеке сот орындаушылар мен нотариустар, Әділет департаменті қызметкерлері Қызылорда облысының ҮЕҰ альянсының кеңсесінде жеке қабылдаулар ұйымдастырды. Жыл аяғына дейін тегін кеңес беру бойынша қабылдаулар Азаматтық Альянстың базасында орналасқан "Азаматтық қоғамды дамыту" орталығында әр жұма күні сағат 11-00 ден 13-00 ге дейін ұйымдастырылатын болады. Қазақстан Республикасының Конситуциясында бекітілген әр азаматтың білікті заң көмегін алу құқығын іске асыруды қамтамасыз етуге бағытталған жоба барлық аймақтарда азаматтық қоғам институттарының белсенді қатысуымен жүргізіледі. Жобаның мақсаты - ҮЕҰ секторы мен Азаматтық бастамаларды қолдай және дамыта отырып, жүргізіліп жатқан реформалар төңірегінде қоғамды жұмылдыру және шоғырландыру үшін институционалдық алаң құру. Аймақтарда ашылған Азаматтық қоғамды дамыту Орталықтары ҮЕҰ мен мемлекеттік органдар арасында өзара тиімді әріптестік құруға ықпал етіп, үшінші сектордың әлеуетін дамыту мен нығайтуға бағытталған. Орталықтар өз қызметі шеңберінде Әділетті Қазақстанды құруға және әрбір азаматтар мен жастардың қоғамдық процесcтерге белсенді қатысуына ықпал етеді.&nbsp;

Конституция күніне орай "Ашық есік күні" өтті 

<a href="https://kyzylorda-news.kz/">Kyzylorda-news.kz</a> &nbsp;Жаңа оқу жылы қарсаңында облыс полицейлері күшейтілген режимде жұмыс істемек.&nbsp;Жаңа оқу жылының алғашқы күнінен бастап күнделікті мектеп алдындағы жол өткелдерінде балалар травматизмінің алдын-алу мақсатында таңертең, түскі және кешкі уақытта ювеналды және патрульдік полиция инспекторлары қызмет атқаратын болады.&nbsp;Сондай-ақ, республика көлемінде өтіп жатқан «Назар аударыңыз – балалар!» атты іс-шарасы аясында облыстағы 335 мектептің аумағында жол қозғалысын реттеудің техникалық құралдарына, жол белгілері мен жол үсті таңбаларына тексеру жұмыстары жүргізілген. Бұл туралы Өңірлік коммуникациялар қызметінің ақпарат алаңында Қызылорда облысы Полиция департаменті Жергілікті полиция басқармасының бастығы, полиция полковнигі Ердаулет Жаукеев айтты.<blockquote>– Мемлекет басшысы өз жолдауында «Біз жас ұрпақтың қауіпсіз әрі алаңсыз өмір сүруін қамтамасыз етуге тиіспіз» деп айтып, тиісті шаралар қабылдау үшін барлық мүдделі органдарға қажетті тапсырма берген еді. Балалардың қауіпсіздігі әрқашан басты назарымызда. Осы оқу жылының басталуымен оған екі есе ерекше назар аударпылатын болады. Қазіргі таңда жергілікті атқарушы органдармен бірлесіп балалардың қауіпсіздігі бағытында тиісті шаралар қабылдануда. Осыған орай, полиция қызметі күшейтілген кестеге көшіріліп, 1 қыркүйек «Білім күні» барлық оқу ұйымдарында қауіпсіздікті қамтамасыз етуге 594 қызметкер мен 139 автокөлік жұмылдырылатын болады. Сонымен қатар, кәмелетке толмағандардың қатысуымен жасалатын жол-көлік оқиғаларының алдын алу үшін тұрақты түрде «Абайлаңыз, балалар!», «Абайлаңыз, жаяу жүргінші!», «Балалар, жолда абай болыңдар!», «Мектепке жол» секілді профилактикалық шаралар қабылдануда. Сонымен қатар, айта кететін тағы бір мәселе, қазіргі заман ағымына сәйкес, балаларымыз электросамокаттар мен гидроскутерлерге қызығушылық танытуда. Осыған орай олардың қауіпсіздігін қамтамасыз ету мақсатында Мемлекет басшысымен жол жүрісі туралы заңнамаға өзгерістер енгізіліп, 2023 жылдың 30 тамызында күшіне енді. Қабылданған Заңға сәйкес, электросамокаттар веложолдарда, жолдың жүріс бөлігінің оң жақ шетінде, оның ішінде маршруттық көліктерге арналған жолақтың бойымен бір қатарда 25 км жылдамдықпен қозғала алады және жүргізушілері 18 жастан жоғары, кез келген санаттағы жүргізуші куәлігі бар, шлемде болуы қажет. Электросамокатпен жолаушылар мен жүктерді тасымалдағаны үшін және жол жүрісіне қатысушыларға қойылатын өзге де талаптарды бұзғаны үшін ҚР Әкімшілік кодекстің 593 (шлемсіз басқару, жүк және жолаушы тасымалдау) және 620-бабымен&nbsp;(жүргізуші куәлігі жоқ) әкімшілік жауапкершілік қарастырылады. Біздің басты мақсатымыз – адамның өмірі мен денсаулығын сақтап, қауіпсіздігін қамтамасыз ету. Осы ретте жүргізушілердің назарына жылдамдықты межеден асырмай, жол ережелерін сақтап жүруге, жаяу жүргіншілер жол жағдайын ескеріп, тек белгіленген орыннан өту қажеттігін түсіндіреміз, – деді Ердаулет Баянбайұлы.</blockquote>Фото: Қызылорда облысының Өңірлік коммуникациялар қызметі

Оқу жылы қарсаңында қауіпсіздікті қамтамасыз етуге 594 қызметкер жұмылдырылады

<a href="https://kyzylorda-news.kz/">Kyzylorda-news.kz</a>&nbsp; Жыл басынан бері облыстық ТЖД қызметкерлерінің көмегімен су айдындарынан 8 адам құтқарылған. Мамандардың айтуынша, суға түсу кезінде орын алатын қайғылы жағдайлардың басты себебі – қауіпсіздік ережесінің сақталмауы. Осыған сәйкес, тиісті сала мамандарының жұмылдырылуымен облыс аумағындағы су айдындарында жыл басынан бері 2 112 рейдтік жұмыстар жүргізіліп, 71 мыңнан астам тұрғынға судағы қауіпсіздік ережелері түсіндірілген. Бұл туралы Өңірлік коммуникациялар қызметінің ақпарат алаңында облыстық ТЖД Азаматтық қорғаныс басқармасы бастығының міндетін атқарушы Нұржігіт Тұрғанбай мәлімдеді.<blockquote>– Сырдария өзенінде жылда азаматтардың әртүрлі себептермен қайғылы жағдайларға ұшырауы, оның ішінде суға шомылу маусымында судағы адамдардың әсіресе балалардың қазасы өзекті мәселе болып отыр. Суда адамдардың қаза болуының негізгі себебі қауіпсіздік ережелерін өрескел бұзуы болып табылады. Мәселен, өзен немесе каналдардың кез келген, әрі зерттелмеген (ағысы жылдам, терең, жағалары тік жар) жерлеріне суға түсу, балалардың ересектердің бақылауынсыз су жағасына баруы мен суға түсуі және олардың жүзу білмеуі қайғылы оқиғаларға әкеліп соқтырады. Жалпы, облыс бойынша 18 стационарлық және 8 модульдік бассейн орнатылған. Қосымша жеке кәсіпкерлер тарапынан жазғы демалыс орындарында 11 стационарлық бассейн бар. Сондай-ақ, облыс аумағында жазғы демалыс уақытында 8 балалар лагері жұмыс жасаса, департамент қызметкерлері және лагердің нұсқаушыларымен бірге жүзуді оқыту бойынша тегін сабақтар өткізілді. Өңірде суға шомылуға тыйым салынған 63 қауіпті аймақ тіркелген. Суға шомылу маусымы басталғалы бері күн сайын сағат 11:00 мен 22:00 аралығында жауапты сала мамандарымен бірге рейдтік жұмыстар ұйымдастырылуда,- деді Нұржігіт Бердібекұлы.</blockquote>Фото: Қызылорда облысының Өңірлік коммуникациялар қызметі&nbsp;

Қазақстан және Қызылорда облысының жаңалықтары: Құқық