<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Полиция департаментінің Есірткі қылмысына қарсы іс-қимыл басқармасы «Көңілді старттар» атты отбасылық спорттық іс-шаралар ұйымдастырды.Жарыстың негізгі мақсаты – салауатты өмір салтын насихаттау, отбасылық құндылықтарды нығайту, сондай-ақ кәмелетке толмағандар арасындағы есірткі құқық бұзушылықтарының алдын алу.Жарысқа облыстың аудандары мен Қызылорда қаласының отбасылары қатысып, ұйымшылдықтарын, белсенділіктерін және салауатты өмір салтына деген ұмтылыстарын көрсетті. Қатысушылар спорттық эстафеталар мен командалық ойындарда бақ сынап, достық, қолдау және көтеріңкі көңіл-күй атмосферасын қалыптастырды. Іс-шара барысында балалар мен жасөспірімдер арасында есірткіге қарсы иммунитет қалыптастыруға ерекше көңіл бөлініп, отбасы мен салауатты өмір салтының болашақ ұрпақты тәрбиелеудегі маңызы кеңінен насихатталды.Жарыс қорытындысы бойынша жеңімпаздар мен жүлдегерлер анықталды: І орын – Әділхановтар отбасы (Қазалы ауданы №204 орта мектеп), Игисиновтер отбасы (Қармақшы ауданы №250 орта мектеп), Нұрлановтар отбасы (Шиелі ауданы №207 орта мектеп), Бегмановтар отбасы (Жаңақорған ауданы №184 орта мектеп); ІІ орын – Базарбаевтар отбасы (Қазалы ауданы №276 орта мектеп), Науановтар отбасы (Қармақшы ауданы №27 орта мектеп), Әлсүгіровтар отбасы (Шиелі ауданы №48 мектеп-лицей), Тасхожаевтар отбасы (Жаңақорған ауданы №209 орта мектеп), Раманқұловтар отбасы (Жаңақорған ауданы №54 орта мектеп), Шайхназаровтар отбасы (Жаңақорған ауданы №168 орта мектеп); ІІІ орын – Байымбетовтер отбасы (Жаңақорған ауданы №196 орта мектеп), Ермановтар отбасы (Жаңақорған ауданы №256 орта мектеп), Нұрбаевтар отбасы (Жаңақорған ауданы №221 орта мектеп), Бойко отбасы (Қызылорда қаласы №179 орта мектеп), Бодановтар отбасы (Жалағаш ауданы №114 орта мектеп), Кеңесовтер отбасы (Сырдария ауданы №44 орта мектеп).Ұйымдастырушылар мұндай отбасылық іс-шаралар спортты насихаттаумен қатар, жас ұрпақтың зиянды әдеттер мен есірткіден аулақ болуына ықпал етіп, отбасының қоғамдағы тәрбиелік рөлін нығайтуға септігін тигізетінін атап өтті.

Қызылорда облысында отбасылық спорттық жарыстар өтті

<a href="https://kyzylorda-news.kz/">Kyzylorda-news.kz</a> 2026 жылдың ақпан айында Қазақстан Республикасы Ішкі істер министрлігінің нұсқауына сәйкес, сондай-ақ Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі Ұлттық комиссияның қолдауымен республика көлемінде «СТАЛКИНГТІ ТОҚТАТ!» акциясы жарияланды.Аталған акция аясында Қызылорда облысы Полиция департаментінің Қоғамдық қауіпсіздік және &nbsp;Профилактикалық жұмысты үйлестіру басқармасымен бірлесуімен жастар арасында «Ұлт болашағы – ұрпақ тәрбиесі» атты форум ұйымдастырылды.Форумды Қызылорда облысы Полиция департаменті бастығының орынбасары, полиция полковнигі Абдраманов Ермахан Әділханұлы ашып, қатысушыларға сәттілік тіледі.<img src="https://knadmin.beoblood.kz/uploads/Stalkingti_to_tat_akcziyasy_ef4af2ad41.jpg" alt="“Сталкингті тоқтат!” акциясы.jpg">Іс-шараға спикер ретінде облыстық прокуратураның басқарма прокуроры Асылжан Оңдасынұлы, облыстық қоғамдық даму басқармасы басшысының орынбасары Ибраев Уалихан Серікұлы, Мәншүк Мәметова атындағы Қызылорда педагогикалық жоғары колледжі директорының тәрбие ісі жөніндегі орынбасары Исаева Гүлдана Маралбекқызы, облыстық дін істері басқармасының теолог маманы Оспанов Бахтияр Есенгелдіұлы, облыстық жастар ресурстық орталығының жас маманы Балтабай Әсел Бекжанқызы және Қорқыт ата атындағы университеттің Жастар ісі жөніндегі комитетінің төрағасы Салтанат Бижігітқызы қатысты.Спикерлер форумға қатысқан жастарға құқықтық тақырыптар бойынша түсіндірме жұмыстарын жүргізіп, қоғамдағы өзекті мәселелер жөнінде пікір алмасты.Форум барысында қоғамның болашағына тікелей әсер ететін маңызды мәселелер талқыланды. Атап айтқанда, сталкингтің қауіптілігі, жеке шекараны құрметтеу, адамның еркін таңдау құқығы мен жеке қауіпсіздігін сақтау мәселелері көтерілді.<img src="https://knadmin.beoblood.kz/uploads/Stalkingti_to_tat_1cbf0c126e.jpg" alt="Сталкингті тоқтат.jpg">Қатысушылар сталкингтің адамның жеке кеңістігін бұзу, психологиялық қысым көрсету және қорқыныш тудыру секілді жағымсыз салдары бар екенін атап өтті. Сонымен қатар қыз алып қашу әрекеті кей жағдайда дәстүр ретінде түсіндірілгенімен, шын мәнінде адамның еркін таңдау құқығын шектейтін және зорлық-зомбылықтың бір түрі ретінде бағаланатыны айтылды.Іс-шара барысында адам құқығы, еркін келісім және жеке қауіпсіздік кез келген қоғамның негізгі құндылықтары болуы тиіс екені атап өтілді. Сондай-ақ жастар арасында өзара құрмет, жауапкершілік және құқықтық мәдениетті қалыптастырудың маңыздылығы айтылды.Форум қорытындысында қатысушылар өз орталарында жеке шекараны құрметтеу мәдениетін қалыптастырып, зорлық-зомбылықтың кез келген түріне нөлдік төзімділік қағидатын ұстанудың маңыздылығын атап өтті.Осылайша, жастардың құқықтық сауаттылығын арттыруға бағытталған форум өз мәресіне жетті.

“Сталкингті тоқтат!” акциясы аясында “Ұлт болашағы – ұрпақ тәрбиесі” атты жастар форумы өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында «Есірткісіз болашақ!» ұранымен жастар арасында танымдық әрі профилактикалық іс-шара ұйымдастырылды. Шара мектеп оқушылары мен орта арнаулы оқу орындарының студенттері арасында өткізіліп, қатысушылар командалық «Мафия» интеллектуалдық ойынында бақ сынады.Іс-шараның мақсаты – жастардың бос уақытын тиімді ұйымдастыру, логикалық ойлау қабілетін дамыту, бірлік пен жауапкершілікке тәрбиелеу, сондай-ақ салауатты өмір салтын насихаттап, есірткіге қарсы иммунитет қалыптастыру.Ойын барысында қатысушылар өзара пікір алмасып, талдау жасап, шынайылық пен әділдікті анықтауға бағытталған шешімдер қабылдады. Мұндай интеллектуалдық ойындар жастардың уақытын пайдалы өткізуіне ықпал етіп, оларды зиянды әдеттерден, соның ішінде есірткіден аулақ болуға үндейді.Іс-шараны Қызылорда облысының ПД Есірткі қылмысына қарсы іс-қимыл басқармасы ұйымдастырды.Байқау қорытындысы бойынша жүлделі орындар келесідей анықталды: І орын – Арал ауданы №292 орта мектеп, Қармақшы ауданы №279 мектеп-лицей, Қармақшы ауданы №111 орта мектеп, Шиелі ауданы №243 орта мектеп; ІІ орын – Арал ауданы №83 орта мектеп, Шиелі ауданы №207 орта мектеп, Жаңақорған ауданы №184 орта мектеп, Жаңақорған ауданы №195 мектеп-гимназия; ІІІ орын – Қазалы ауданы №16 мектеп-лицей, Жалағаш ауданы №122 орта мектеп, Сырдария ауданы №191 орта мектеп, М.Маметова атындағы Қызылорда жоғары педагогикалық колледжі.Іс-шара соңында мұндай бастамалар жастардың бос уақытын мазмұнды өткізуге, салауатты өмір салтын ұстануға және қоғамда есірткіге қарсы мәдениетті қалыптастыруға ықпал ететіні атап өтілді.Фото: Полиция департаменті

«Есірткісіз болашақ!» ұранымен «Мафия» интеллектуалдық ойыны өтті

<a href="https://kyzylorda-news.kz/">Kyzylorda-news.kz</a> Қызылорда қаласында балалар, жасөспірімдер және қыздар арасында киокушинкай-кан каратэден облыстың ашық турнирі өтті. Жарыс «Киокушин – нашақорлыққа қарсы!» ұранымен ұйымдастырылып, жастар арасында салауатты өмір салтын насихаттауға бағытталды.Аталған спорттық шараның негізгі мақсаты – Қызылорда облысында киокушинкай-кан каратэ спорт түрін дамыту, жас спортшылардың шеберлігін арттыру, сондай-ақ балалар мен жасөспірімдердің спортқа деген қызығушылығын күшейту болып табылады. Сонымен қатар турнир жас буынды тәртіпке, табандылыққа тәрбиелеуге және олардың бос уақытын тиімді ұйымдастыруға мүмкіндік береді.Жарысқа 5–15 жас аралығындағы балалар мен жасөспірімдер қатысып, әртүрлі жас және салмақ дәрежелері бойынша өзара бақ сынасты. Қатысушылар киокушинкай-кан ережелеріне сәйкес өткізілген жекпе-жектерде күш-жігерін, шеберлігі мен төзімділігін көрсетті. Турнир барысында тартысты әрі қызықты айқастар өтіп, жас спортшылар өздерінің дайындық деңгейін дәлелдеді.Іс-шараны ұйымдастыруға Ұлттық республикалық киокушинкай-кан каратэ федерациясы, оның Қызылорда облыстық филиалы және Қызылорда облысы Полиция департаментінің Есірткі қылмысына қарсы іс-қимыл басқармасы бірлесіп атсалысты.Жарыс қорытындысы бойынша үздік өнер көрсеткен спортшылар марапатталып, жеңімпаздар мен жүлдегерлерге І, ІІ, ІІІ дәрежелі дипломдар мен медальдар, сондай-ақ бағалы сыйлықтар табысталды.Мұндай спорттық іс-шаралар жасөспірімдер арасында дене шынықтыру мен спортты дамытуға, салауатты өмір салтын қалыптастыруға және жастарды зиянды әдеттерден аулақ болуға тәрбиелеуге зор ықпал етеді.Фото: Полиция департаменті

Қызылордада облыстың ашық біріншілігі өтті

<a href="https://kyzylorda-news.kz/">Kyzylorda-news.kz</a>&nbsp; Жер-дүниені шуағына бөлеген шұғылалы мерекеде шыншыл ару туралы аз-кем сөз қозғасақ дейміз. Ол – әділет сержанты Алмас Перизат Қонысбекқызы. Қазіргі таңда ҚАЖ департаментіне қарасты №68 мекемесінде арнайы есепке алу бөлімінің есеп технигі болып қызмет атқарады. Үш жыл ішінде үздіктер қатарынан көрінген оған қызметтің қиындығы үрей тудырмайды.Күлбелектемей ойың кесіп айтатын турашылдығы тәртіптің тізгінін тартып ұстауына түрткі. Әйтпегенде, салмақты сала сылбыр қимыл мен көпірме сөзді керек етпейді. Перизат Қонысбекқызы деректерді дер кезінде тіркеп, ақпараттың қауіпсіздігі мен құпиялылығын сақтауда алаңғасарлық танытқан емес. Заң үстемдігін нығайту және қоғам қауіпсіздігі жолындағы өнімді еңбегі өрлеуге бастары хақ.Перизат Қонысбекқызы танауын көкке көтерер тәкаппарлықтан ада, жаны таза. Кішіпейіл әрі өзіне жарасымды өрлігімен ұжымда беделді. Шаршы тақтадағы тартыс – бос уақытында ми тынықтыратын тәсілі. Яғни, шахмат пен тоғызқұмалақ ойнауда қарсыласты қапыда қалдыратындай қабілеті бар.Ол қызметімен қатар отбасының да орасан бақытын үйлестіріп отыр. Аяулы жар, ардақты келін. Мақсаты – міндетін мінсіз орындап, ұстанымынан айнымау.

Қос жауапкершілікті арқалаған ару

<a href="https://kyzylorda-news.kz/">Kyzylorda-news.kz</a> Анаға құрмет, жарға жанашырлық, қызға қамқорлық – иманға ұйыған ұлтымыздың басты ұстанымдарының бірі. Тамыр тартқан тектіліктен алыс кетпеген ҚАЖ департаментіне қарасты №68 мекемесінде 8 наурыз мерекесіне орай “Әйел – әлем тірегі” атты салтанатты іс-шара өткізілді.Мерекелік жиынды жеке құраммен жұмыс жөніндегі тобының аға инспекторы әділет майоры Динара Шахи жүргізді. Аруларға арналған айшықты күнде жан жадыратар жылы лебіздің толастамасы анық. Бұл ретте, құттықтау сөз мекеме бастығы әділет майоры Әмірбек Азамат Темірбекұлына беріліп, қызметкерлерге жүрекжарды тілегін арнады. Яғни, Қылмыстық-атқару жүйесінде қызмет атқару оңай емес екенін алға тартып, жігер мен намыстың үлгісін көрсеткен батыр қыздарға алғысын да жеткізді.Сондай-ақ, мекеме бастығы міндетке мұқият, іске ұқыпты болып, отбасы мен қызметті қатар алып жүрген нәзікжандыларды марапаттап, сый-сияпатын ұсынды. Бұл тағылымды тұс – мерекенің мазмұнын байыта түскені рас.Жеке құрамның аруларға тарту еткен концерттік бағдарламасы көңілді марқайтып қойды. Мекеменің Режим және күзет бөлімінің ақпарат және байланыс тобының бақылаушысы әділет сержанты Ақниет Қалмұратов пен Режим және күзет бөлімінің аға бақылаушысы, әділет сержанты Асылжан Әбдішүкір сазды сәттің сәнін кіргізіп, жанды дауыста әсем әндерді шырқады.Көктеммен бірге енген айшықты күнде мекеме бастығының жалпы сұрақтар жөніндегі орынбасары әділет подполковнигі Махашев Айбол Тимурұлы да аруларға ізгі тілегін арнады.

Мекеме қызметкерлері мерекелік көңіл-күй сыйлады

<a href="https://kyzylorda-news.kz/">Kyzylorda-news.kz</a> Қармақшы ауданы полиция бөлімі тергеу бөлімшесінің аға тергеушісі полиция майоры Конырбаева Алтынгуль Торыбаевна ішкі істер органдарында 2013 жылдан бастап табанды қызмет атқарып келеді.Қызметке кіріскен алғашқы жылдардан-ақ өзін жауапкершілігі жоғары, адал әрі тәртіпті маман ретінде таныта білді.Тергеу саласы- тиянақтылық пен төзімділікті, кәсіби біліктілік пен үлкен жауапкершілікті талап ететін күрделі бағыт. Шенді ару осы талаптарды абыроймен атқарып, бірқатар қылмыстық істерді сотқа жолдап, нақты нәтижелерге қол жеткізді. Әріптестері арасында тегеурінді тергеуші ретінде танылған.

Ел тыныштығын сақтаған ару

<a href="https://kyzylorda-news.kz/">Kyzylorda-news.kz</a> &nbsp;Атқарып жүрген қызметінің ауыр екендігіне қарамастан, полиция департаментінің барлық құрылымдарында жауапты жұмысымен көпшіліктің ыстық ықыласына бөленіп жүрген арулар көп. Атап айтар болсақ, Қызылорда қаласы Полиция басқармасы қоғамдық қауіпсіздік бөлімі патрульдік полиция батальоны саптық бөлінісінің қызмет инспекторы лауазымында Индира Жұмабайқызы үлкен жауапкершілікпен қызмет атқарып келеді. Қателесуге болмайтын, азаматтармен тығыз қарым қатынаста болатын ең негізгі жұмыстардың бірі осы - патрульдік полиция қызметі.Қызметтік борышын адал атқарып жүрген полиция қызметкері беделі мен мәртебесінің артуына, сонымен бірге отбасылық құндылықтарының нығаюына да зор ықпал етіп келеді.Темірдей тәртіпке бас иген аруға көктемнің шуақты мерекесінде қажымас қайрат, зор денсаулық тілейміз. Арманы аласармай ең биік мақсаттарға қол жеткізіп, полицей ретінде қарапайым тұлға ретінде мәртебесі биіктеп, ең сыйлы жанға айналсын.Мерей ЖалғасбекҚорқыт ата атындағы Қызылорда университетінің 4 курс студенті

Қызметіне адал полицей Индира Жұмабайқызы

<a href="https://kyzylorda-news.kz/">Kyzylorda-news.kz</a> Қырмызы қыздармен әлемнің құлпыра түсетіні рас. Айтулы мерекеге орай, өне бойында өжеттілігі мен өнегесі қатар қабысқан Қуатова Мақпал Бисенбайқызы туралы сөз өрбітсек дейміз. ҚАЖ департаментіне қарасты №68 мекемесіне қызметке орналасқанына 9 айдың жүзі болған. Бүгінде ол Режим және күзет бөлімінің бақылау-өткізу бекетінің бақылаушысы әділет кіші сержанты.Асқақ арманның адамды адастырмайтыны анық. Жүрек қалауына құлақ түрген Мақпал Бисенбайқызының жетекші саланы жат көрмеуі содан. Он тоғыз жасында елге адал қызмет етуге ант қабылдағаны да бекер емес. Өйткені, берік ұстанымы мен жасымаған жігері бар. Талаптың тұлпарына мінген арудың әділдіктің ақ туын тік ұстайтынына сеніміміз мол.Мың құбылған қоғамда жүректегі жарықты жоғалтпаған игі. Жүзінен мейірімі төгілетін Мақпал Бисенбайқызы ұжымда сыйлы. Тәртіп пен талаптың ортасындағы қызметкер өнерді де өгейсімейді. Яғни, бос уақытында бимен айналысып, ырғаққа ілесе, жан-дүниесін шабыт пен қуатқа толтыратын көрінеді.Мақсаты – табанды еңбек етіп, саланың үздігі атану. Міндетін мүлтіксіз орындауға тырысатын жас қызметкердерің алар асуы биік деп білеміз.

Қатал қызметтегі нәзік ару

<a href="https://kyzylorda-news.kz/">Kyzylorda-news.kz</a> &nbsp;Наурыздың нұрлы мерекесінде ақмаңдай арулар туралы толғанбасақ әбестік болар. Он сегіз жасында байыпты байламға келіп, батыл қадам жасаған әділет қатарындағы Гүлсезім Мұхитқызының мақсаты айқын. Ол бүгінде ҚАЖ департаментіне қарасты №68 мекемесінде режим және күзет бөлімі ақпарат және байланыс тобының бақылаушысы болып іске кіріскен.Істен ілік, шешімнен шикілік шықпаса шен мен құрметтің қатар келері ақиқат. Сондықтан, мәртебелі мамандықтың маңызын түсінген Гүлсезім Мұхитқызының жетер жетістігі жоғары &nbsp;болады деп сенеміз. Бес ай уақыт ішінде міндетін адал атқаруға тырысып жүргені сөзімізге тұздық.Жапония арқылы жер жүзіне тараған каратэні білмейтін адам кемде-кем. Бұл жекпе-жек өнері – өз-өзін жетілдіру мен жеңіске жетудің жолын жалғайды. Гүлсезім Мұхитқызы қызметтен қолы қалт еткенде каратэ үйірмесіне қарай асығады. Қызығушылығының өмірлік мысалмен астасып жатқанының өзі бекер емес.Мақсаты – болашағының іргетасын берік қалап, мансаптық жолда жігерім мұқалмаса дейді. Заң мен тәртіп тоғысқан қызметтің қиындығы мен қызығын көтеруге әзір.

Төзімділікті серік еткен қызметкер

<a href="https://kyzylorda-news.kz/">Kyzylorda-news.kz</a> Бас прокуратураның Құқықтық статистика және арнайы есепке алу жөніндегі комитетінің Қылмыстық қауіп-қатерлердің және қоғамдық қауіпсіздіктің тәуекелдерін болжау орталығы азаматтарды жалған инвестициялық платформаларда, deepfake технологияларын, сондай-ақ бұрын жоғалған инвестицияларды қайтару бойынша жалған қызметтерді пайдалана отырып, азаматтарды қаржылық алаяқтыққа тарту бойынша интернет- алаяқтардың күшейе түсуі туралы ескертеді.Егер бұрын шабуылдаушылар «Қазатомөнеркәсіптің» фишингтік сайттарын пайдаланса, бүгінгі таңда киберқылмысшылар екінші деңгейлі банктердің, ірі құрылыс фирмаларының жалған инвестициялық платформаларын жасап, deepfake технологиясының көмегімен танымал тұлғалардың суретін, бейнесін немесе дауысын пайдаланып, азаматтардың ақшасын иелену үшін алаяқтық платформаларды ілгерілетуде.Сонымен бірге, әлеуметтік желілерде адал емес брокерлерден зардап шеккендерге ақша қаражатын қайтару бойынша қызметтер белсенді түрде жарнамалануда.Алайда, бұл инвестиция салу нәтижесінде қаражатынан айырылған азаматтарға бағытталған қайталама алаяқтық схема.Сақ болыңыз!Ақша қаражатын сақтау үшін мыналар ұсынылады:<ul><li style="text-align:justify;">күмәнді сілтемелер бойынша өтпеу;</li><li style="text-align:justify;">дербес және банктік деректерді үшінші тұлғаларға бермеу;</li><li style="text-align:justify;">әлеуметтік желілер, мессенджерлер және жарнамалар арқылы таратылатын инвестициялық ұсыныстар туралы ақпаратты, әсіресе жоғары әрі</li><li style="text-align:justify;">кепілдендірілген табыс уәде етілген жағдайларда, мұқият тексеру;</li><li style="text-align:justify;">алаяқтық белгілері анықталған жағдайда құқық қорғау органдарына дереу хабарласу және банкті хабардар ету ұсынылады.</li><li style="text-align:justify;">Алаяқтар сеніммен ойнайды. Өзіңізді алдауға жол бермеңіз.</li></ul>&nbsp;Фото: финграмота

Интернет-алаяқтар белсенділігін арттырды

<a href="https://kyzylorda-news.kz/">Kyzylorda-news.kz</a> Көктем – көркемдігімен көз тартатын нәзікжандылардың мерекесімен мәнді мезгіл. Демек, жастық жалынын қызметке арнап, алтын уақытын сенімді ақтауға сарп ететін Хамит Жансая Мансұрқызы туралы ақтарылсақ артық емес. Әділет кіші сержанты ҚАЖ департаментіне қарасты №68 мекемесінің арнайы есепке алу бөлімінде есеп технигі қызметін атқарып жүр.Таңдауы тынымсыз еңбек жолына тоғыстырғанына көңілі тоқ. Бас көтермей жұмыс істейтін сәтте де Жансая Мансұрқызының меселі қайтпайтынының дәлелі сол. Иә, жиырма жастағы арудың қызметке орналасқанына бір жылдың бедері болған. Жылдар жылыстай бере, тегеурінді мамандықтың тереңіне бойлап, маңдай терін төгеріне титтей де күмән жоқ.Оның мығым мінезі мызғымас тәртіптің негізі бола алады. Төрт жыл бойы дзюдомен айналысқаны бойында төзімділік қалыптастырған сыңайлы. Мұндай арудың шыңдарды бағындырары шындық.Мақсаты – кәсіби деңгейін арттырып, саланың көш басына ілесу. Осы ретте, Жансая Мансұрқызының жолы даңғыл болсын дейміз.

Қазақстан және Қызылорда облысының жаңалықтары: Құқық