<a href="https://kyzylorda-news.kz/">Kyzylorda-news.kz</a> Қызылорданың студенттері мен оқушылары есірткіге қарсы бейнероликтер әзірлеу байқауына қатысты.Қызылорда облысының Есірткі қылмысына қарсы іс-қимыл басқармасы есірткіге қарсы бейнероликтер байқауын ұйымдастырды.Іс-шараның мақсаты – халықтың назарын салауатты өмір салтын ұстану қажеттілігіне аудару, бос уақытты тиымды пайдалану және жастардың шығармашылық әлеуетін дамыту.Байқауға жалпы орта білім беретін мектептердің жоғары сынып оқушылары мен оқу орындарының студенттері қатысты. Білім бөлімдерімен 17 үздік жұмыстар екінші турға жіберілді. Құрамына полиция қызметкерлері, «Қызылорда еріктілері» қорының, «Жастар спорттық туризмі және туристік көпсайыс» жастар қоғамдық бірлестігінің өкілдері кірген сайыстық комиссия 12 жұмысты атап өтіп, оның 4-ін үздік деп таныды, олар: Сырдария ауданы N37 мектеп-лицей, Қызылорда қаласы N4 мектеп-лицей, Қызылорда қаласы N176 орта мектеп, Қазалы ауданы N204 орта мектеп.

Оқушылар бейнеролик байқауына қатысты

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы ПД Есірткі қылмысына қарсы іс-қимыл басқармасының қызметкерлері, «Жастар ресурстық орталығы» өкілдерімен бірлесіп есірткі жарнамасы бар граффитилерді жою бойынша акция жүргізді.Қызылорда қаласының әртүрлі аудандарында орналасқан ғимараттардың қабырғаларынан 30-дан астам граффити-жазулар жойылды.Акция мақсаты - есірткіні жарналамайтын және насихаттайтын (жылдамдық, меф, крек, ұн, альфа – pvp және т.б.) қайдан сатып алуға болатыны көрсетілген интернет және телеграмм арналардың мекен жайлары бар граффити жазуларын қала аумағындағы тұрғын үйлер, ғимарат қабырғаларынан анықтап, граффити жазуларын өшіру.Қызылорда облысы ПД Есірткі қылмысына қарсы іс-қимыл басқармасы, Қазақстан Республикасы Қылмыстық кодексінің 299-1 бабына сәйкес “Есірткі, психотроптық заттарды немесе сол тектестерді, прекурсорларды насихаттау немесе заңсыз жарнамалау” үшін үш жылға дейін бас бостандығынан айыру жазасы қарастырылғанын ескертеді.Егер бұл қылмысты алдын ала сөз байласу арқылы адамдар тобы жасаған болса, мүлкі тәркіленіп немесе онсыз, үш жылдан алты жылға дейінгі мерзімге бас бостандығынан айыруға жазаланады.<img src="https://knadmin.beoblood.kz/uploads/2_Graffiti_zhazularyn_shiru_akcziyasy_jymdastyryldy_101cc37a7d.jpg" alt="2«Граффити жазуларын өшіру» акциясы ұйымдастырылды.jpg">

«Граффити жазуларын өшіру» акциясы ұйымдастырылды

<a href="https://kyzylorda-news.kz/">Kyzylorda-news.kz</a> Күзет қызметі – қоғамдық тәртіп пен азаматтардың қауіпсіздігін қамтамасыз етуде маңызды рөл атқаратын сала. 29 қазан аталған салада еңбек ететін қызметкерлердің мерекесі. Осыған орай Өңірлік коммуникациялар қызметінің ақпарат алаңына жеке құраммен жұмыс жөніндегі бөлімнің аға инспекторы Зәуре Садуақасова мен полиция батальонының полицейі Әділхан Уәлихан келіп, жұмыстарының қыр-сырымен бөлісті.<blockquote>- Мен бұл салаға 2014 жылы сержант болып келген едім. Қазіргі таңда жеке құраммен жұмыс жөніндегі бөлімнің аға инспекторы қызметін атқарып келемін. Яғни, кадрлық бағыттағы жұмыстарды жүргіземін. Біздің басқарманың негізгі міндеті - стратегиялық маңызы бар нысандардың қауіпсіздігін қамтамасыз ету. Сол нысандарда қызмет атқаратын әріптестеріміз ел тыныштығы үшін күн-түн демей еңбек етіп, кез келген оқыс оқиға мен қауіп-қатердің алдын алады. Сол қызметкерлердің бірі - Уалихан Әділхан. Ол су торабы нысанында суға құлап кеткен қызды құтқарып, нағыз ерлік көрсетті. Азаматшаны аман алып қалып, өзі де дін аман шықты. Жуырда Астана қаласында Мемлекет басшысы Қасым-Жомарт Кемелұлы Тоқаевтың атынан «Ерлігі үшін» медалімен марапатталды. Бұл біздің қызметіміздің қаншалықты жауапты әрі маңызы зор екенін көрсетеді. Шынында да, біздің жұмыс қиын да, қызықты да. Тәртіп пен адалдық - біздің қызметіміздің басты қағидаты. Негізгі мақсатымыз - халықтың тыныштығын қамтамасыз етіп, елге қалтқысыз қызмет ету. Осы орайда, барлық полиция қызметкерлерін, соның ішінде мамандандырылған күзет басқармасының ұжымын кәсіби мерекемен шын жүректен құттықтаймын,-деді Зәуре Жеңісбекқызы.</blockquote>&nbsp;Ал Әділхан Асылханұлы полиция батальонының полицейі, полиция аға сержанты қызметін атқарады.&nbsp;<blockquote>– 2019 жылдан бері осы салада табанды еңбек етіп келемін. Биыл менің осы жауапты қызметімдегі алтыншы жыл. 21 мамыр күні сағат 22:00 шамасында қызмет барысында кезекті кезекшілік кезінде ерекше жағдай орын алды. Белгісіз азаматша стратегиялық маңызы бар нысанға қарай беттеп келе жатқанын байқап, оған бұл аумаққа кіруге болмайтынын ескертуге ұмтылдым. Алайда ескертуді елемеген азаматша Сырдария өзеніне секіріп кетті. Ойлануға уақыт болмады. Ештеңеге қарамастан, дереу суға секіріп, азаматшаны аман алып шығуға кірістім. Барлығы небәрі 2-3 минуттың ішінде болды. Азаматша есінен танып қалған еді, алғашқы көмек көрсеттім. Кейіннен 102 байланыс желісіне хабар беріп, оқиға орнына тиісті қызметкерлер келіп, азаматша қалалық емханаға жеткізілді. Осы оқиға өмір мен өлім арасындағы сәттердің бірі еді. Сол кезде менің ойымда тек бір ғана ой болды, ол - адам өмірін сақтап қалу. Бұл ерлігім үшін 25 қазан - Республика күні қарсаңында Мемлекет басшысы Қасым-Жомарт Кемелұлы Тоқаевтың атынан «Ерлігі үшін» медалімен марапатталдым. Бұл мен үшін үлкен құрмет әрі қызметтік жолдағы ең үлкен марапаттардың бірі деп білемін,-деді Әділхан Асылханұлы.</blockquote>Фото: Қызылорда облысының Өңірлік коммуникациялар қызметі

 29 қазан - Күзет ұйымдары қызметкерлерінің күні

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен мәжіліс өтіп, күн тәртібіндегі бірқатар мәселелер қаралды.Аудан әкімі алдымен ауданда соңғы күндері өткен түрлі бағыттағы шаралардың лайықты деңгейде ұйымдастырылғанын атап өтіп, бірқатар жетістіктерге тоқталды.<blockquote>– Өздеріңізге белгілі, «Алтын күз – 2025» ауыл шаруашылығы өнімдерінің жәрмеңкесі Қызылорда қаласында жоғары деңгейде өтті. Облыс орталығында өткен мерекелік шара барысында Арал ауданы «Балық шаруашылығы саласы бойынша озат аудан» номинациясымен марапатталды. Жерлестеріміздің еселі еңбегі бұл шарада ескеріліп, ел мерейін тасытар молшылық маусымында аудан озаттары да түрлі марапат төрінен көрінді. Бұл – тынымсыз атқарылған еңбектің нәтижесі, – деді аудан әкімі А.Оңғарбаев.</blockquote>Бұдан бөлек, алда атқарылатын бірқатар жұмыстарға тоқталған Аманжол Сақыпұлы жыл соңына дейін бірнеше ауылға ауыз су беріліп, бірқатар әлеуметтік нысандардың құрылысы аяқталатынын жеткізді.Сонымен қатар, аудан әкімі электр энергетикасы саласын дамыту мен цифрландыру мәселелеріне кеңінен тоқталып, бірқатар жауапты тұлғаларға нақты тапсырмалар жүктеді.<blockquote>– Өздеріңіз білесіздер, мемлекет тарапынан электр энергетикасы саласын дамытуға ерекше көңіл бөлінуде. Тұрғындарды тұрақты және сапалы электр энергиясымен қамту – біздің басты міндеттеріміздің бірі. Қазіргі таңда аудан аумағындағы электр желілері мен қосалқы станциялардың тозу деңгейі жоғары екені белгілі. Сондықтан тиісті жобаларды іске асырып, ауылдық жерлердегі инфрақұрылымды жақсартуымыз қажет, – деді аудан әкімі.</blockquote>Жиын барысында аудан аумағында атқарылып жатқан өзге де жұмыстардың жай-күйіне назар аударған Аманжол Сақыпұлы облыс пен аудан бюджеті есебінен жасалып жатқан жобалардың сапасына ерекше мән беруді тапсырды. Сондай-ақ, құрылысы баяу жүріп жатқан нысандардағы жұмысты жандандыру қажеттігін атап өтті.Фото: Аудан әкімінің баспасөз қызметі

Арал: Бірқатар міндеттер пысықталды

<a href="https://kyzylorda-news.kz/">Kyzylorda-news.kz</a>&nbsp; Өткен аптада Республика күніне орай ҚАЖ департаментіне қарасты №68 мекемесінде шаруашылық бөліміне қалдырылған сотталған азаматтар арасында спорттық сайыс өтті.Түрлі спорттан сынға түскен олар қарсыласты қапыда қалдыратындай мықтылығын көрсетуге қамданды. Яғни, гір тасын төзімділікпен көтеріп, турникке тартылуда топ жаруға тырысқаны талпыныстан. Білек күші бәсекеге түскен қол күрес пен волейболда да есепті еселетуге барын салғаны байқалды. Осылайша, сайыс қорытындысы бойынша жеңімпаздар анықталып, арнайы диплом мен Алғыс хаттар табысталды.– Айтулы мереке аясында ұйымдастырылған спорттық сайыстың басты мақсаты – жазасын өтеушілердің бойында салауатты өмір салтын қалыптастыру, ерік-жігерін шыңдау еді. Өйткені, спорттың адамды рухани тұрғыдан түлетіп, қоғамға бейімделуіне оң әсер ететініне талас жоқ. Бұл сайыста қатысушылар жеңіске деген талпыныс пен табандылық танытты. Біз үшін олардың осындай жігері мен алға ұмтылысы – ең үлкен жетістік, - деді АКАӘПТЖББ-нің жасақ бастығы әділет аға лейтенанты Рамазан Әлмахан.Мекеме ұжымы алдағы уақытта да мәні мен мақсаты айқын іс-шаралар өткізуді тоқтатпақ емес.

Жігерді жаныған мерекелік сайыс

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы көлемінде 29 қазан – «Күзет ұйымдарының қызметкерлері күні» кәсіби мерекесіне орай жеке күзет ұйымдары қызметкерлерінің арасында шағын футболдан турнир өтті.Іс-шараны Қызылорда облысы Полиция департаментінің Күзет қызметін бақылау бөлімі мен «Динамо» ДШСҚ облыстық филиалы бірлесіп өткізді. Турнирге полиция қызметкерлерімен бірге еліміздің қауіпсіздігін қамтамасыз етіп жүрген жеке күзет ұйымдарының, олардың филиалдары мен өкілдіктерінің қызметкерлері қатысты.Мақсат – күзет саласы қызметкерлері арасындағы өзара ынтымақтастықты арттыру, әріптестік пен достықты нығайту, ұйымшылдық пен саламатты өмір салтын насихаттау және кәсіби мерекені атап өту болды.Турнирдің ашылу салтанатында департамент бастығының орынбасары, полиция полковнигі Абдраманов Ермахан Әділханұлы құттықтау сөз сөйлеп, қатысушыларға сәттілік тіледі.Сонымен қатар, қызметтік міндеттерін адал атқарып, қылмыс пен құқық бұзушылықтың алдын алуда белсенділік танытқан жеке күзет ұйымдарының қызметкерлері мерекелік «Төсбелгімен», сондай-ақ Қызылорда облысы және қала әкімдерінің, Полиция департаментінің, Ішкі істер органдары мен Ұлттық ұлан ардагерлер кеңесінің, Халықаралық полиция ассоциациясы Қазақстан секциясы президентінің және «Динамо» спорт қоғамы облыстық филиалының Алғыс хаттарымен марапатталды.Қазақтың қастерлі дәстүрі – үлкенге құрмет көрсету мақсатында, ішкі істер органдарының ардагерлеріне шапан жабылып, ерекше ілтипат көрсетілді.Тартысты өткен футбол турнирі достық пен ұйымшылдықтың жарқын үлгісін көрсетті. Жарыс қорытындысы бойынша жеңімпаз командалар бағалы сыйлықтармен, медальдармен және бас жүлде – ауыспалы кубокпен марапатталды.Іс-шара соңында қатысушылар мен қонақтар үшін мерекелік дастархан жайылып, басқосу ардагерлердің ақ батасымен түйінделді.

Қызылордада күзет қызметкерлері арасында шағын футболдан турнир өтті

<a href="https://kyzylorda-news.kz/">Kyzylorda-news.kz</a> &nbsp; Атқарылған істің нәтижесін саралау – алдағы уақытқа нақты бағыт сілтейтін, жаңа межені белгілейтін маңызды үрдіс. Бүгін тоғыз айдың жұмысын түгендеу мақсатында ҚАЖ департаментіне қарасты №68 мекемесінде жедел кеңес өтті.Басқосуда мекеме бастығының режим және жедел жұмыстары жөніндегі орынбасары әділет подполковнигі Өмірзақ Сейдахметов жүргізілген жұмыстардың қорытындысы жайында баяндама жасады. Өз кезегінде Қызылорда облысы бойынша ҚАЖ департаменті бастығының орынбасары әділет полковнигі Мейрам Бекжанов қызмет сапасын арттыру бойынша сөз қозғап, кемшіліктерді жоюға баса мән беру керектігін жеткізді.Сонымен қатар, бөлім басшыларына сұрақ қою кезінде түйткілді тұстарға тоқталып, оларды шешу жолдары ортаға салынды. Талқылаудың ұсыныспен толыққаны жиынның мәнін аша түсті десек артық емес. Тіпті, тәртіпті сақтау, жазасын өтеушілердің құқықтарын қамтамасыз ету, қауіпсіздік талаптарын орындау мәселелері де кеңінен қаралды.Кеңес соңында мекеме бастығы әділет майоры Азамат Әмірбек қызметкерлерді жұмыс сапасын одан әрі жетілдіруге, олқылыққа жол бермей, оң көрсеткішті еселей түсуге шақырды.

Жедел кеңес: тоғыз айдың түйіні талданды

<a href="https://kyzylorda-news.kz/">Kyzylorda-news.kz</a> Бүгін Қызылорда облысы Полиция департаментінің қызметкерлері ұлттық мереке Республика күнін атап өтті.Облыс орталығындағы Достық үйінде мерекеге орай ұйымдастырылған іс – шараға Департаменттің басшылығы, жеке құрамы мен сала ардагерлері жиналды.&nbsp;Салтанатты шара барысында Қазақстан Республикасы Ішкі істер министрі полиция генерал – лейтенанты &nbsp;Саденов Ержан Сапарбекұлының мерекелік құттықтау хаты оқылды. &nbsp;Министрдің бұйрығымен кезектен тыс арнайы атаққа лайықтыларды марапаттап, қызметте жоғары жетістіктерге жеткен мамандардың кеудесіне &nbsp;«Құқық тәртібін қамтамасыз етуге қосқан үлесі үшін», «Ішкі істер органдарының үздігі» төсбелгілері тағылды.ҚР Ішкі істер министрінің бұйрығымен 25 қызметкер марапатталса, Полиция департаментінің бастығы полиция полковнигі Ергешов Серік Жүрсінбайұлының бұйрығымен &nbsp;232 қызметкер түрлі марапаттарға ие болды. &nbsp;&nbsp;<img src="https://knadmin.beoblood.kz/uploads/yzylordaly_policzejler_Respublika_k_nin_s_n_saltanatymen_atap_tti_f1f490c37e.jpg" alt="Қызылордалық полицейлер Республика күнін сән – салтанатымен атап өтті.jpg">Сондай-ақ шара барысында ұзақ жылдар бойы iшкi iстер органдарында қызмет етiп, құрметті еңбек демалысына шыққан ардагерлер қауымына да Департамент бастығының Алғыс хаттары табыс етілді. Өз кезегінде Полиция департаментінің Ардагерлер Кеңесінің төрағасы Шаймағамбетов Әмірбек Бердібекұлы &nbsp;ардагерлерге көрсетілген құрмет үшін алғысын білдіріп, құттықтауын жеткізді.Бүгінгі салтанатты шара барысында Полиция департаментінің бастығы полиция полковнигі Ергешов Серік Жүрсінбайұлы сөз сөйледі:«Осынау айтулы күн қазақ тарихы үшін маңызы зор мейрам. Елдік пен егемендікті, мемлекет тұтастығы мен патриотизмді дәріптейтін ұлы мереке. Талай сынақтардан сүрінбей өтіп, еңсесін биік &nbsp;ұстаған еліміз бүгінде дамудың даңғыл жолында.Баршаңызды халқымыз үшін аса қастерлі, ұлық мереке Республика күнімен шын жүректен құттықтаймын! &nbsp;Еліміздің ұлық мерекесі баршаңызға игілік, бақ-дәулет, ырыс-несібе әкелсін! Еліміз аман, жұртымыз тыныш болсын!» деді Департамент бастығы.&nbsp;Іс-шара жергілікті өнерпаздар мен тәртіп сақшылары ұсынған &nbsp;мерекелік бағдарламамен аяқталды. &nbsp; &nbsp;

Қызылордалық полицейлер Республика күнін сән – салтанатымен атап өтті

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы көлемінде көшелер мен қоғамдық орындарда тиісті тәртіпті сақтау мен қылмыстың алдын алу мақсатында «Құқықтық тәртіп» жедел-профилактикалық іс-шарасы өтуде.&nbsp;Іс-шараның 2 күнінде облыс көлемінде 370 әкімшілік құқық бұзушылық анықталып, оның ішінде қоғамдық орындарда спирт ішімдігін ішудің 43 дерегі, ұсақ бұзақылықтың – 10, масаң күйде автокөлік басқарудың – 6 дерегі, түнгі тыныштықты бұзудың 17 дерегі анықталып, рейд барысында кәмелет жасына толмағандарға қатысты 67 әкімшілік құқық бұзушылық анықталды. <img src="https://knadmin.beoblood.kz/uploads/1_y_ty_t_rtip_zhedel_profilaktikaly_is_sharasy_tude_6d13b3e75a.jpg" alt="1Құқықтық тәртіп жедел-профилактикалық іс-шарасы өтуде.jpg">Кәмелетке толмаған адамды тәрбиелеу, оның құқықтары мен мүдделерін қорғау жөніндегі міндеттерді орындамаған 12 ата-анаға әкімшілік шара көрілді.<img src="https://knadmin.beoblood.kz/uploads/2_y_ty_t_rtip_zhedel_profilaktikaly_is_sharasy_tude_1851028841.jpg" alt="2Құқықтық тәртіп жедел-профилактикалық іс-шарасы өтуде.jpg">Тәртіп сақшылары іс-шараның нәтижесімен есірткі затын тасымалдау және сақтаудың 4 дерегін анықтады. Сондай-ақ, 132 автокөлік айып тұрағына қойылып, 52 автокөліктің мемлекеттік белгілері&nbsp;алынды.

"Құқықтық тәртіп” жедел-профилактикалық іс-шарасы өтуде

<a href="https://kyzylorda-news.kz/">Kyzylorda-news.kz</a>&nbsp; &nbsp;ҚАЖ департаментіне қарасты №68 мекемесіне Қызылорда облысының жер ресурстарын басқару департаментінің қызметкерлері &nbsp;арнайы келіп, экскурсия жасады.Келген мамандар мекеменің күнделікті жұмыс барысы, ішкі тәртіп және қауіпсіздік талаптарымен танысты. Режимдік нысандарды аралап, шаруашылық бөліміне қалдырылған сотталған азаматтардың орналасқан жатақханасы мен асхананы да көрді. Сонымен қатар, сотталғандарды еңбекке тарту мен тәрбиелеу ісіндегі тәсілдер туралы кеңінен баяндалды.<blockquote>– Заң үстемдік еткен елде сенім мен тәртіп бекиді. Бүгінгі кездесудің де түпкі мақсаты – сол сенім мен жауапкершілікке негізделген қоғам қалыптастыруға үлес қосу. Қашан да құқық бұзушылық пен қылмыстың алдын алу, азаматтардың заңға құрметпен қарауын қалыптастыру мақсатынан тайған емеспіз. Сондықтан, қоғамда заңға бағыну мәдениетін орнықтыру үшін бірлескен іс-шараны жиі өткізуге тырысамыз, – деді Режим және күзет бөлімінің бастығы әділет капитаны Азат Батырбеков.</blockquote>Осындай ортақ мақсатқа жұмылу оң нәтиже берері анық.

Жауапкершілікке негізделген ортақ мақсат

<a href="https://kyzylorda-news.kz/">Kyzylorda-news.kz</a> &nbsp;Республика күні мерекесіне байланысты 25 қазан, сенбі күні барлық халыққа қызмет көрсету орталықтары мен мамандандырылған ХҚКО-лар жұмыс істемейді.27 қазан, дүйсенбі күні кезекші ХҚКО-лар мен мамандандырылған ХҚКО-лар қызмет көрсетеді. Кезекші бөлімшелер 9:00-ден 13:00-ге дейін, ал мамандандырылған бөлімшелер 9:00-ден 12:00-ге дейін жұмыс істеп, дайын құжаттарды 13:00-ге дейін береді. &nbsp;28 қазаннан бастап ХҚКО мен МХҚКО-лар қалыпты жұмыс режиміне қайта оралады.&nbsp;Кезекші ХҚКО мен мамандандырылған ХҚКО-лардың тізімін Мемлекеттік корпорацияның ресми Instagram парақшасынан немесе 1414 нөмірі арқылы білуге болады.&nbsp;

Республика күніне орай ХҚКО мен МХҚКО-лардың жұмыс кестесі

<a href="https://kyzylorda-news.kz/">Kyzylorda-news.kz</a> ҚАЖ департаментіне қарасты №68 мекемесі қызметкерлерінің еңбегі қоғам назарынан тыс қалған жоқ. Бұған заңды өкілдердің мекеме бастығы әділет майоры Азамат Әмірбектің атына жазған мақтау қағазы дәлел. Бұл – жауапкершілік жүгін абыроймен көтерген қызметкерлерге берілген лайықты баға деп білеміз.Заңды өкілдер таңнан кешке дейін тапжылмай, күрделі істі күрсініссіз атқаратын қос қызметкердің есімін ерекше елеген. Олар: режим және күзет бөлімінің ақпарат және байланыс тобының бақылаушысы әділет сержанты Ақниет Қалмұратов пен режим және күзет бөлімінің аға бақылаушысы әділет старшинасы Мақпал Келесова. Кіріп-шығуды бақылау пунктінде (КПП) тиянақты тексеріс жүргізіп, қарбаласқан сәтте де қабақ шыта қоймайтын, байыпты байламға келетін қызметкерлердің кәсіби әрі адами қасиеті жоғары бағаланып келеді.Сонымен қатар, заңды өкілдер режим және күзет бөлімінің аға бақылаушысы әділет сержанты Мейіржан Қыдырбековтің де жұмысына дән риза. &nbsp;Айыпталушы мен жазасын өтеушілерді туыс-жақындарымен жолықтыру барысында байсалды қалыппен әрекет етіп, тәртіптен таймайтынын алға тартады.Қызметкерлердің адал еңбекпен алғыс арқалағаны көңіл қуантатыны рас.

Қазақстан және Қызылорда облысының жаңалықтары: Құқық