<a href="https://kyzylorda-news.kz/">Kyzylorda-news.kz</a> Жалған ақпаратқа қарсы іс-қимыл орталығы Қазақстан Республикасы Конституциясының жаңа жобасы төңірегіндегі ең көп таралған фейктер мен манипуляцияларға шолу дайындады. Біз желіде тараған жалған мәлімдемелерді жобаның ресми мәтінімен және мемлекеттік органдардың түсіндірмелерімен салыстырдық.1-бөлім<ol><li>«Конституция Президенттің өкілеттіктерін күшейтеді»</li></ol>Бұл құжаттың мазмұнына сәйкес келмейді.Жоба тежемелік әрі тепе-теңдік жүйесін бекітеді. Негізгі кадрлық шешімдер – Вице-президентті, Премьер-министрді, Конституциялық Сот судьяларын, Орталық сайлау комиссиясы мен Жоғары аудиторлық палата мүшелерін тағайындау – Құрылтайдың келісімімен жүзеге асырылады.Сонымен қатар, Президенттің қайта сайлану құқығынсыз бір реттік жеті жылдық өкілеттік мерзімі сақталады.Мұндай құрылым «суперпрезиденттік» модельге емес, президенттік республикаға тән.Қорытынды: Фейк<ol><li>«Шетелдіктерге жер сатуға қойылған тыйым алынып тасталады»</li></ol>Жоба мәтінінде шетел азаматтарына жер сатуға рұқсат беретін нормалар жоқ.8-баптың 3-тармағында:«Жер және оның қойнауы, сулар, өсімдіктер мен жануарлар дүниесі, өзге де табиғи ресурстар халыққа тиесілі. Халық атынан меншік құқығын мемлекет жүзеге асырады. Жер заңда белгіленген негіздерде, шарттар мен шектерде жеке меншікте де болуы мүмкін» деп бекітілген.Қорытынды: Фейк<ol><li>«Тегін медицина жойылады»</li></ol>Жоба медициналық көмектің өтеусіз сипатын сақтайды.32-баптың 2-тармағына сәйкес:«Қазақстан Республикасының азаматтары заңда белгіленген, өздері төлемейтін медициналық көмекті алуға құқылы».Бұл жерде мәселе тегін медицинаны жоюда емес, аталған құқықты іске асыру тетігін заңнамалық тұрғыдан нақтылауда болып отыр.Қорытынды: Манипуляция<ol><li>«Тегін білім беру жойылады»</li></ol>Бұл да жоба мәтініне сәйкес келмейді.Шын мәнінде, мемлекеттік оқу орындарында орта білім берудің өтеусіз сипатына Конституция кепілдік береді. Сондай-ақ, жоғары оқу орындарында конкурстық негізде тегін жоғары білім алу құқығы бекітіледі (33-бап).Конституциялық реформа жөніндегі комиссияның 9-отырысында Премьер-Министрдің орынбасары – Мәдениет және ақпарат министрі Аида Балаева:«Ешкім медициналық көмек пен білім алу құқығынан айырылмайды… «Тегін» деген ұғым құқықтық тұрғыдан нақтырақ «азаматтар ақы төлемей, заңда белгіленген тәртіппен медициналық көмек алуға құқылы» деген тұжырымдамамен алмасты», – деп атап өтті.Қорытынды: Манипуляция<ol><li>«Жыл сайынғы ақылы демалыстар жойылады»</li></ol>Бұл – қате пайым.Конституция жобасының 27-бабы демалу құқығына кепілдік береді. Ал жыл сайынғы ақылы демалыстың нақты ұзақтығы мен шарттары Еңбек кодексімен айқындалады.Конституциялық норма принципті бекітеді, ал егжей-тегжейі салалық заңнамамен реттеледі.Қорытынды: Манипуляция2-бөлім<ol><li>«Конституциядан «бостандық» ұғымы алынып тасталды»</li></ol>Керісінше, құқықтар мен бостандықтар ең жоғары құндылық ретінде айқындалған.Преамбула мен 1-бапта адам, оның өмірі, құқықтары мен бостандықтары мемлекеттің ең қымбат қазынасы деп жарияланған. Құқықтар мен бостандықтар бөлінбейтін және иеліктен шығарылмайтын деп танылады.Қазақстан Республикасы Премьер-Министрінің орынбасары – Мәдениет және ақпарат министрі Аида Балаева өз жария мәлімдемесінде: «Адам және оның қадір-қасиеті – конституциялық модельдің езегіне айналып отыр» – деп атап өтті.Қорытынды: Манипуляция.<ol><li>«Сөз және жиналыс бостандығы шектеледі»</li></ol>Шын мәнінде, Конституция жобасы цензураға тікелей тыйым салады (23-бап, 5-т.) және сөз бостандығына кепілдік береді (23-бап, 4-т.). Шектеулерге тек заңмен және тек конституциялық құрылысты, қоғамдық қауіпсіздікті, сондай-ақ басқа тұлғалардың құқықтарын қорғау мақсатында ғана жол беріледі, бұл Қазақстанның халықаралық міндеттемелеріне, соның ішінде Азаматтық және саяси құқықтар туралы халықаралық пактіге сәйкес келеді.Бейбіт жиналыстар өткізу құқығына Конституция жобасының 35-бабында да кепілдік берілген. Бейбіт жиналыс түрлерінің тізбеленбеуі осы түрлердің барлығының «бейбіт жиналыстар» ұғымына кіретіндігімен, яғни бейбіт жиналыстар өткізу құқығымен қамтылатындығымен түсіндіріледі. Бейбіт жиналыстардың нақты түрлері бейбіт жиналыстар туралы бейінді Заңда ашып көрсетіледі.Бейбіт жиналыстардың түрлерін тәптіштемейтін мұндай жалпы тұжырымдама «Бейбіт жиналыстар өткізу құқығы танылады» делінген Азаматтық және саяси құқықтар туралы халықаралық пактіге сәйкес келеді.Қорытынды: Манипуляция.<ol><li>«Тотальды цифрлық бақылау енгізіледі»</li></ol>Керісінше, Конституция жобасы «цифрлық құқықтарды» енгізіп, азаматтардың жеке өмірі мен дербес деректерін виртуалды ортада заңсыз пайдаланудан қорғайды (21-бап, 1-т.).Қорытынды: Фейк.9.«Конституция мәтінін шетелдіктер жазған»Жобаны отандық заңгерлер, ғалымдар мен сарапшылар азаматтардың ұсыныстарын ескере отырып дайындады. Комиссия жұмысы ашық әрі жария түрде жүргізілді.Қорытынды: Фейк.<ol><li>«Жаңа Конституция халықаралық міндеттемелерді бұзады»</li></ol>Жобада ратификацияланған халықаралық шарттарға қайшы келетін нормалар көзделмеген. Адам құқықтары мен бостандықтарының негізгі қағидаттары халықаралық деңгейде танылған стандарттарға сәйкес келтірілген.Ратификацияланған халықаралық шарттардың қолданылу тәртібі ұлттық мүдделерді қорғау қажеттілігі ескеріле отырып, заңдарда айқындалатын болады. Ратификацияланған халықаралық шарттар Қазақстан Республикасының қолданыстағы құқық жүйесінің құрамында қалады.Қорытынды: Манипуляция.Жалған ақпаратқа қарсы іс-қимыл орталығы азаматтарды бастапқы дереккөздерді мұқият зерделеуге, тексерілмеген жарияланымдарға сын көзбен қарауға және жалған ақпаратты таратпауға шақырады.Өз көзқарасыңызды қалыптастыру барысында эмоционалды және үстірт интерпретацияларға емес, ресми мәтін мен уәкілетті органдардың түсіндірмелеріне сүйеніңіз.

Конституцияның жаңа жобасы бойынша ең көп таралған фейктер

<a href="https://kyzylorda-news.kz/">Kyzylorda-news.kz</a> &nbsp;25-27 ақпан аралығында облыс аумағында «Көктем-2026» республикалық командалық-штабтық оқу-жаттығуы өткізілетін болады. Оқу-жаттығудың республикалық штабы Астана қаласында өтсе, облыстық штаб және практикалық кезеңі Қызылорда қаласында өткізіледі. Бұл туралы облыстық ТЖД бастығының орынбасары Бекболат Әбдіқадыров мәлімдеді.<blockquote>- Алдағы кешенді оқу-жаттығудың басты мақсаты – азаматтық қорғау қызметтерінің төтенше жағдайлар кезіндегі іс-қимылдарын жетілдіру. Бұл шара барысында күштер мен құралдардың өзара үйлесімді жұмысы, жедел әрекет ету мүмкіндігі және материалдық-техникалық дайындығы жан-жақты тексеріледі. Оқу-жаттығу практикалық тапсырмалармен ұштасып, бөлімшелердің нақты жағдайда әрекет ету қабілетін шыңдауға бағытталған. Нәтижесінде жауапты қызметтердің дайындық деңгейі бағаланып, анықталған кемшіліктерді жою бойынша тиісті шаралар қабылданады. 25 ақпанда Қызылорда облысының азаматтық қорғау қызметтерінің күштер мен құралдарына саптық қарау жүргізіледі. Ал 26 ақпанда Қызылорда қаласы Талсуат елді мекенінде практикалық іс-шаралар пысықталатын болады. Департаменттің Дағдарыс орталығында командалық штабтық ойындары мен қорытынды жиналыс 27 ақпанға жоспарларған,- деді Бекболат Қайырбекұлы.</blockquote><img src="https://knadmin.beoblood.kz/uploads/kerek_8ecc2ed634.jpg" alt="керек.jpg">Фото: gov.kz

«Көктем-2026» республикалық оқу-жаттығуы өтеді

<a href="https://kyzylorda-news.kz/">Kyzylorda-news.kz</a> Қазақстан Республикасы Ішкі істер министрлігі ұйымдастырған «Үздік криминалист» республикалық конкурсы өз мәресіне жетті. Бұл – еліміздің криминалистикалық бөлімшелерінің үздік өкілдерін біріктірген ауқымды кәсіби іс-шара. Байқау қатысушылардың жоғары деңгейдегі дайындығын, терең теориялық білімін және тәжірибелік шеберлігін айқын көрсетті.Салтанатты рәсімге Ішкі істер министрінің орынбасары полиция генерал-майоры Санжар Адилов қатысып, жеңімпаздар мен жүлдегерлерді марапаттады. Ол өз сөзінде криминалистикалық қызметтің заңдылық пен құқықтық тәртіпті қамтамасыз етудегі стратегиялық маңызын атап өтті.Аталған байқауға Қызылорда облысы Полиция департаменті Жедел-криминалистикалық басқармасының криминалисі полиция майоры Шілдебаев Қуаныш қатысып, Сыр өңірінің намысын қорғады. Криминалистика саласында 14 жылдық тәжірибесі бар маман түрлі бағыттар бойынша кәсіби біліктілігін дәлелдеп, қылмыстарды ашуға елеулі үлес қосып келеді.Республикалық деңгейдегі бұл конкурс тәжірибе алмасуға, кәсіби шеберлікті шыңдауға және сала мамандарының өзара ынтымақтастығын нығайтуға мүмкіндік берді.

Сыр өңірінің үздік криминалисі республикалық конкурсқа қатысты

<a href="https://kyzylorda-news.kz/">Kyzylorda-news.kz</a> Сырдария ауданы әкімі Берік Сәрменбаевтың қатысуымен Республикалық референдум аясында «Халықтық Конституция – қуатты мемлекет» тақырыбында кездесуі өтті. Оған аудан прокуроры Абай Алимбаев, облыстық мәслихат депутаты Жұмабек Ембергенов, аудандық мәслихат депутаттары және зиялы қауым өкілдері қатысты.Жиында аудан басшысы жаңа Конституция жобасындағы жаңашыл бастамалардың елдің орнықты дамуына және азаматтардың әлеуметтік кепілдіктерін нығайтуға бағытталғанын атап өтті.<blockquote>– Мемлекет басшысы Қасым-Жомарт Кемелұлы Тоқаев бұған дейінгі ауқымды саяси реформалардың жалғасы ретінде Конституциялық реформаға қатысты ұстанымдарын жеткізген болатын. Елдігіміздің басты нышаны саналатын жаңа құжат жобасында «Адам мемлекет үшін емес, мемлекет адам үшін» қағидаты айқын көрініс тапқан. Жаңа Конституцияда әділеттілік, заң мен тәртіп, табиғатқа ұқыпты қарау қағидаттары алғаш рет Конституция деңгейінде бекітілген. Жаңа Ата Заң жобасының басты өзегі – адамға бағдарланған мемлекет құру және тұрақты даму қағидаттарын орнықтыру. Алдағы референдум – қоғам үшін маңызды тарихи таңдау. Әрбір азаматтың белсенді қатысуы ел болашағын айқындауда айрықша рөл атқарады, – деді Берік Әбдіғаппарұлы.</blockquote>Жаңа Конституцияда көзделген бағыттар бойынша аудан прокуроры А.Алимбаев, облыстық мәслихат депутаты Ж.Ембергенов, “AMANAT” партиясының атқарушы хатшысы А.Ибрагимұлы, мәдениет саласының ардагері С.Сәдуақасов және аудандық әйелдер кеңесінің төрайымы Ж.Сәркеева сөз сөйлеп, Конституциялық өзгерістердің ел болашағы үшін маңызды екеніне тоқталды. Олар жаңа бастамалар құқықтық мемлекет қағидаттарын нығайтып, азаматтардың құқықтары мен мүдделерін қорғауға, әділетті қоғам қалыптастыруға негіз болатынын атап өтті.<img src="https://knadmin.beoblood.kz/uploads/Haly_ty_Konstitucziya_uatty_memleket_ta_yrybynda_kezdesu_tti2_7c01d3b461.jpg" alt="«Халықтық Конституция – қуатты мемлекет» тақырыбында кездесу өтті2.jpg">Жиын соңында қатысушылар өз ұсыныс-пікірлерін білдіріп, жаңа Конституция жобасын қолдайтындарын атап айтты.Фото: Сырдария ауданы әкімінің баспасөз қызметі

«Халықтық Конституция – қуатты мемлекет» тақырыбында кездесу өтті

<a href="https://kyzylorda-news.kz/">Kyzylorda-news.kz</a> Қазалы ауданында Мемлекет басшысы Қасым-Жомарт Тоқаевтың «Заң мен тәртіп» қағидаты аясында аудан кәсіпкерлерімен саладағы өзекті мәселелерге байланысты ашық, еркін форматтағы кездесу өтті.Руханият орталығында аудан әкімі Алмасбек Есмахановтың төрағалығымен өткен жиынға аудан прокуроры Мадияр Бекпанов, облыстық мәслихат депутаты, аудандық кәсіпкерлер қауымдастығының төрағасы Ібайдулла Тілеп, дербес бөлімдер мен мекеме басшылары және аудан кәсіпкерлері қатысты.Басқосуда аудан әкімі Президентіміздің өткен жылғы Қазақстан халқына жасаған Жолдауында елімізде кәсіпкерлікке ерекше назар аударылып, шағын және орта бизнесті қолдау – басты назарда болатынын, кәсіпкерлерге түсінікті ережелер қалыптасып, олардың құқықтарын қорғау тетіктері күшейе түсетіндігі туралы кәсіпкерлерге көрсетілетін қолдаулар жайында айтып өтті.Кездесу барысында кәсіпкерлік субъектілерінің құқықтарын қорғау, тексерулерді заң талаптарына сай жүргізу, бизнеске негізсіз қысым көрсетпеу, кәсіпкерлік нысандарда қауіпсіздік пен құқықтық тәртіпті сақтау, түнгі уақытта алкоголь өнімін сату талаптары, шағын және орта бизнесті дамыту көрсеткіштері, салық органдарымен өзара іс-қимылды жетілдіру мәселелері кеңінен қаралды.Жиында аудандық прокуратураның прокуроры Талғат Тілектес кәсіпкерлердің заңды мүдделерін қорғау бағытындағы негізгі ұстанымдары жайында, аудандық полиция бөлімінің бастығы Асылбай Аңсатов қоғамдық қауіпсіздік пен кәсіпкерлік нысандардағы тәртіп мәселелері бойынша, аудандық кәсіпкерлік және өнеркәсіп бөлімінің басшысы Ғалымжан Зинадинов ауданымыздағы шағын және орта кәсіпкерліктің даму барысы жөнінде, ал аудандық мемлекеттік кірістер басқармасынан Сақтапберген Өтегенов кәсіпкерлер мен салық органдары арасындағы өзара іс-қимылды жетілдіру, салық жүйесінің ашықтығы мен әділдігін қамтамасыз ету бағытындағы жұмыстар туралы хабарлама жасады.Аудан прокуроры Мадияр Ертарғынұлы кәсіпкерлердің құқықтары мен мүдделерін қорғауға, кәсіпкерлік ортаға кедергі келтіретін мәселелерді жоюға прокуратура органдары тарапынан нақты жұмыстар жасалатындығын жеткізді. Ал, облыстық мәслихат депутаты Ібайдулла Тілепұлы мемлекет тарапынан кәсіпкерлерге көрсетіліп жатқан қоладулар жайында сөз қозғады.Кездесуде аудан әкімі мұндай жиынды өткізудегі басты мақсат - формалды жиын өткізу емес, кәсіпкерлердің нақты мәселелерін тыңдап, оларды жүйелі түрде шешу екенін айтып, алдағы уақытта да кәсіпкерлік ортаға қолайлы жағдай қалыптастыру және бизнесті дамыту бағытында бірлесе жоспарланған жұмыстар жүргізіле беретіндігін жеткізді.<img src="https://knadmin.beoblood.kz/uploads/azaly_za_men_t_rtip_b26e678ac1.jpg" alt="Қазалы заң мен тәртіп.jpg">Кәсіпкерлермен өткен кездесуде аудан басшысы Мемлекет басшысы – Қасым-Жомарт Тоқаев бастамасымен жүзеге асырылып жатқан конституциялық реформаларға және алдағы республикалық референдумға да қысқаша тоқталып өтті. Атап айтқанда, жаңа Конституция жобасын жалпы халықтың қатысуымен қабылдау арқылы елдегі саяси жүйені жаңғырту, мемлекеттік басқарудың тиімділігін арттыру және азаматтардың құқықтары мен бостандықтарын қорғауды күшейту көзделіп отырғанын айтты. Алдағы референдум – қоғам үшін маңызды тарихи таңдау екені, әрбір азаматтың белсенді қатысуы ел болашағын айқындауда айрықша рөл атқаратынын, жаңа Конституция жобасының басты өзегі адамға бағдарланған мемлекет құру, заң үстемдігін нығайту және тұрақты даму қағидаттарын орнықтыру екенін жеткізді.Ашық форматта өткен жиында кәсіпкерлер тарапынан күн тәртібіндегі мәселелерге байланысты ұсыныс-пікірлері мен өздерін толғандырған сауалдарын қойып, тұшымды жауап алды.

«Заң мен тәртіп» қағидаты аясында аудан кәсіпкерлерімен кездесу өтті

<a href="https://kyzylorda-news.kz/">Kyzylorda-news.kz</a> &nbsp;Қармақшы ауданы «Руханият орталығы» ғимаратында аудан әкімінің орынбасары Диас Молдабаевтың қатысуымен «Үкіметтік емес ұйымдардың әлеуеті арқылы жергілікті қоғамдастықтардың қызметін дамыту» тақырыбында кездесу өтті.Жиынға Қызылорда облысының Үкіметтік емес ұйымдарының Альянсы Ассоциациясы заңды тұлғалар бірлестігінің төрайымы Ізден Анар Жарылқасынқызы, Облыстық қоғамдық даму басқармасының «Азаматтық қоғам институттарымен жұмыс және жастар бөлімінің» басшысы, Жалағаш аудандық қоғамдық даму бөлімінің басшысы, Жалағаш және Сырдария аудандарынан келген қоғамдық ұйым өкілдері, сондай-ақ аудандық мемлекеттік кірістер басқармасының басшысы мен аудан аумағындағы үкіметтік емес ұйымдардың төрағалары мен мүшелері қатысты.Кездесуді Диас Асылбекұлы ашып, азаматтық қоғам институттарының жергілікті дамудағы маңыздылығына тоқталды. Жиында сыбайлас жемқорлыққа қарсы мәдениетті қалыптастыру, ауылдық үкіметтік емес ұйымдардың бастамалары, отбасылық және гендерлік саясатты жүзеге асыру, 4-деңгейлі бюджет арқылы жергілікті өзін-өзі басқарудың қаржылық дербестігін арттыру, сондай-ақ жергілікті қоғамдастық жұмысын дамыту бағытында бірқатар мазмұнды баяндамалар жасалды.<img src="https://knadmin.beoblood.kz/uploads/KIMETTIK_EMES_JYMDARDY_YZMETIN_DAMYTU_BA_YTYNDA_KEZDESU_TTI_1_5dc02fcf89.jpg" alt="ҮКІМЕТТІК ЕМЕС ҰЙЫМДАРДЫҢ ҚЫЗМЕТІН ДАМЫТУ БАҒЫТЫНДА КЕЗДЕСУ ӨТТІ1.jpg">Бүгінде Қармақшы ауданында 48 үкіметтік емес ұйым тіркелген. Сонымен қатар, ардагерлер мен әйелдер кеңестерінің ауылдық жерлердегі 28 бастауыш ұйымы қоғамдық негізде жұмыс жүргізуде. Мемлекеттік әлеуметтік тапсырыс аясында үкіметтік емес ұйымдар қоғамдағы өзекті мәселелерді шешуге белсенді атсалысып келеді.Кездесу қоғам мен билік арасындағы өзара ынтымақтастықты нығайтып, сындарлы диалог қалыптастыруға және ортақ міндеттерді бірлесе іске асыруға жол ашты.

Үкіметтік емес ұйымдардың қызметін дамыту бағытында кездесу өтті

<a href="https://kyzylorda-news.kz/">Kyzylorda-news.kz</a> Қазақстан Республикасы Бас Прокурорының 2023 жылғы 17 қаңтардағы №32 Прокурорлық қадағалауды ұйымдастырудың кейбір мәселелері туралы бұйрығына сәйкес, прокуратура органдарының қызметін және олардың елдегі конституциялық заңдылықтың сақталуын қамтамасыз етуге бағытталған шараларының тиімділігін бағалаудың басты өлшемдерінің бірі – меншік нысанына қарамастан мемлекеттік органдар мен олардың лауазымды тұлғалары тарапынан орын алатын заңсыз іс-әрекеттердің салдарынан мемлекетке келтірілген залалды өндіру.Осы тұжырымнан туындайтын прокуратура органдарының негізгі міндеттерінің бірі – мемлекет мүддесіне нұқсан келтіретін құқық бұзушылықтардың алдын алу және олардың жолын кесу. Сонымен қатар заңға қайшы әрекеттер салдарынан келген залалды қалпына келтіру мақсатында прокурорлық қадағалаудың уақтылы әрі тиімді шараларын қабылдау да маңызды бағыттардың бірі. Әскери органдардың қызметін прокурорлық қадағалау тәжірибесі көрсеткендей, мемлекетке залал әскери құрылымдарда да орын алуда. Көп жағдайда бұл шығындар әскери бөлімдер мен мекемелердің материалдық жауапты тұлғаларының өз қызметтеріне немқұрайлығы немесе салғырттығы салдарынан туындайды.Осыған байланысты тексеру жүргізу барысында әскери қызметшілердің құқықтары мен заңды мүдделерін қорғаумен қатар, мемлекетке материалдық залал келтіруге ықпал ететін жағдайларды анықтауға ерекше назар аударылады. Атап айтқанда, әскери мүліктің сақталуы мен тиімді пайдаланылуын қамтамасыз ету, сондай-ақ қорғаныс қажеттіліктеріне бөлінген бюджет қаражатының мақсатсыз жұмсалуын болдырмау негізгі басымдықтардың бірі.Бас Прокурор мен Бас әскери прокурор қойған міндеттерді басшылыққа ала отырып, әскери прокуратура органдары мемлекетке келтірілген залалды өтеу бағытында ауқымды жұмыс атқаруда. Осы ретте Қызылорда гарнизонының әскери прокуратурасы қабылдаған шаралардың нәтижесінде бірқатар оң көрсеткіштерге қол жеткізді. 2025 жылдың қорытындысы бойынша Қызылорда гарнизонының әскери прокуратурасы бірқатар нәтижелі тексерулер мен талдаулар жүргізді, нәтижесінде мемлекет кірісіне 37 миллион теңгеден астам қаражат өндірілді, 400-ден астам адамның құқықтары қорғалды, 80-нен астам кінәлі тұлға әртүрлі жауапкершілікке тартылды.Мемлекетке келтірілген залалды өтеу мәселесінің өзектілігін ескере отырып, гарнизон әскери прокуратурасы бұл бағыттағы жұмысын жалғастыруда. А.ҚАСЕНОВ, Қызылорда гарнизонының әскери прокуроры&nbsp; әділет полковнигі &nbsp; &nbsp; &nbsp; &nbsp; &nbsp;

Мемлекетке келтірілген залалды өтеу – прокуратура  органдары жұмысының негізгі басымдықтарының бірі

<a href="https://kyzylorda-news.kz/">Kyzylorda-news.kz</a> Тараз қаласында мектеп оқушысын автобус аялдамасында ұрлап әкету дерегі тіркелді. Оқиға орнына полиция қызметкерлері жетіп, күдіктілер көп кешікпей қолға <a href="https://kaz.inform.kz/news/tarazda-13-zhastagi-kizdi-urlamak-bolgan-ek-kudkt-ustaldi-577715/">түсті.</a>Қылмыстық оқиғаға қатысты бейнежазба әлеуметтік желілерде жарияланды. Кадрдан екі ер адамның 13 жасар қызды күштеп көлікке кіргізуге оқталғанын байқауға болады. Осы сәтте сол маңнан өтіп бара жатқан адам көмекке келеді. &nbsp;<blockquote>– Полицияға екі белгісіз ер адамның автокөлікпен аялдамада тұрған қызды ұрламақ болғаны туралы хабарлама түсті. Аталған факті бойынша сотқа дейінгі тергеу басталды. Оқиға орнына дереу полиция қызметкерлері жіберілді. Күдіктілер ұсталып, уақытша ұстау изоляторына қамалды, - деп хабарлады облыстық полиция департаменті.</blockquote>Фото: ҚР ІІМ

Таразда 13 жастағы қызды ұрламақ болған екі күдікті ұсталды 

<a href="https://kyzylorda-news.kz/">Kyzylorda-news.kz</a> Сыбайлас &nbsp;жемқорлықпен күрес &nbsp;күн тәртібінен түспейтін күрделі мәселе. Қазіргі қазақстандық полицияның өзекті міндеті &nbsp; қолжетімділік &nbsp;пен ашықтықты арттырып, тұрғындармен кері байланыс орнату. Өз кезегінде полицияның ашықтығы сыбайлас жемқорлықпен күресте негізгі қағидаттардың бірі. Бұл мақсатта Қызылорда облысы Полиция департаментімен жоспарлы шаралар жүргізілуде.&nbsp;&nbsp;Қоғамда сыбайлас жемқорлықтың алдын алу және азаматтардың құқықтық сауаттылығын арттыру мақсатында полицейлер кезекті профилактикалық іс-шара өткізді. Шара барысында тәртіп сақшылары адамдар көп жиналатын қоғамдық орындарда тұрғындарға сыбайлас жемқорлыққа қарсы бағыттағы жадынамалар таратты.Іс-шараның негізгі мақсаты – халыққа сыбайлас жемқорлықтың қоғамға тигізетін зияны туралы түсіндіру және мұндай құқықбұзушылықтардың алдын алу. Полицейлер азаматтарға пара беру мен алудың заңмен қатаң жазаланатынын ескертіп, заң талаптарын сақтауға шақырды.Сонымен қатар тұрғындарға сыбайлас жемқорлық деректері кездескен жағдайда тиісті органдарға хабарлау қажеттігі айтылды. Таратылған жадынамаларда азаматтардың құқықтары, сыбайлас жемқорлыққа қарсы күрес шаралары және құқықбұзушылық туралы хабарлау жолдары көрсетілген.Мұндай түсіндіру жұмыстары қоғамда адалдық пен әділдік қағидаларын нығайтуға, сондай-ақ сыбайлас жемқорлыққа қарсы мәдениетті қалыптастыруға бағытталған. Полицейлер алдағы уақытта да халық арасында ақпараттық-профилактикалық шараларды жалғастыра беретінін атап өтті.

Қызылордалық полицейлер сыбайлас жемқорлықтың алдын алу бағытында түсіндіру жұмыстарын жүргізді

<a href="https://kyzylorda-news.kz/">Kyzylorda-news.kz</a>&nbsp; Қоғам өмірінде ұстаздардың орны әрдайым ерекше. Елдің ертеңі – білімді ұрпақтың қолында болса, сол ұрпақты тәрбиелеу міндеті педагогтерге жүктеледі. Осы тұрғыдан алғанда, мемлекеттің даму бағытын айқындайтын жаңа Конституция жобасын талқылауда білім саласы өкілдерінің пікірі маңызды рөл атқарады.Бүгін республикалық және өңірлік коалиция өкілдері Мархабат Жайымбетов, Мақсұт Нәлібаев, Гүлшат Мұсаева, Айгүл Мұсабаева, Талғат Телеубаев,&nbsp; Дәурен Сейтжанов және Маржан Бисенова Қызылорда жоғарғы көпсалалы колледжі ұжымымен кездесіп, жаңа Конституция жобасының мазмұны, негізгі бағыттары және оның білім беру саласына қатысты нормаларын таныстырды. Қатысушыларға құжаттың әзірлену тәртібі, оған сарапшылар мен қоғам өкілдерінің қатысуы, сондай-ақ азаматтардың ұсыныстары ескерілгені туралы ақпарат берілді.Коалиция мүшелері адам құқықтары мен бостандықтарын қорғау қағидаты, білім алу құқығы, мемлекеттің әлеуметтік міндеттемелері, билік тармақтарының өзара іс-қимылы және заң үстемдігін қамтамасыз ету мәселелері, сонымен қатар білім беру инфрақұрылымын дамыту, педагогтердің құқықтық және әлеуметтік мәртебесіне қатысты нормалар жөнінде нақты түсіндірме жұмыстарын жүргізді.Іс-шара ашық диалог форматында өтті. Колледж қызметкерлері өздерін қызықтырған сұрақтарын қойып, жауап алды.Атап өтейік, «Әділетті және Прогрессивті Қазақстанның Халықтық Конституциясы үшін!» өңірлік коалиция өкілдерімен мұндай кездесулер барлық ұжымдарда жалғаспақ.

Колледжде жаңа Конституция жобасы бойынша ашық диалог өтті

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасының Қарулы күштерінде Десанттық-шабуылдау әскерлерінің жауынгерлік әзірлігі қауырт тексеріліп жатыр. Қорғаныс министрі авиация генерал-лейтенанты Дәурен Қосановтың басшылығымен ұйымдастырылған бұл шара құрамалар мен әскери бөлімдерге жүктелген міндеттерді орындау қабілетін бағалауға бағытталған.Кең ауқымды инспекция осы жылдың 19 ақпанына дейін жалғаспақшы. Тексеру аясында полигондарда оқу-жауынгерлік тапсырмалар кешенін орындау да көзделген. Бөлімшелер жауынгерлік даярлықтың межелі деңгейіне келтіріліп, белгіленген аудандарға жіберіледі.Тексеру барысында негізгі жауапкершілік Десанттық-шабуылдау әскерлерінің қолбасшысына жүктеледі. Ол бөлімшелердің белгіленген аудандарда уақытында шұғыл орналасуын және дайындық кезеңінде де, жауынгерлік оқу-жаттығу іс-қимылдары барысында да үздіксіз басқарылуын қамтамасыз етуі тиіс.Жеке құрам үш күн бойы роталық тактикалық топпен өткізілетін тактикалық жаттығу аясында практикалық іс-қимылды пысықтайды. Жаттығу жоспарына қарай бөлімшелер елдімекендерді заңсыз қаруланған шартты топтардан тазарту міндеттерін орындайды. Одан бөлек жауынгерлік техниканың жарағы мен атыс қаруынан оқ ату жүргізіледі.Әскери қызметшілер сондай-ақ, жауынгерлік даярлықтың негізгі пәндерінен де сынақ тапсырады. Әсіресе дене даярлығы, штаттық қарудан атыс жүргізу дағдылары, тактикалық медицина, байланыс құралдарымен жұмыс және өзге де бейіндік пәндер бойынша даярлық деңгейі жіті назарға алынатын болады.Қорғаныс министрі жеке құрамның жан-жақты даярлығын қамтамасыз ету, жарғы қағидаларын қатаң сақтау және қару-жарақ пен әскери техниканы қолдану кезінде қауіпсіздік шараларын мүлтіксіз орындау қажеттігін атап өтті.Тексеру соңында Десанттық-шабуылдау әскерлерінің өздеріне жүктелген міндеттерді орындауға дайындығы кешенді түрде бағаланады.

Кенеттен тексеріс: Десанттық-шабуылдау әскерлері дабылмен көтерілді

<a href="https://kyzylorda-news.kz/">Kyzylorda-news.kz</a> &nbsp;«Тәуелділіксіз болашақ: Есірткіге қарсы акциялар Қызылорда облысының мектеп оқушыларын біріктірді». Қызылорда облысының Полиция департаменті Есірткі қылмысына қарсы іс-қимыл басқармасының ұйымдастыруымен ауқымды есірткіге қарсы акциялар өтті. Іс-шаралардың басты мақсаты – жастар арасында есірткіге деген теріс көзқарасты қалыптастыру және салауатты өмір салтын насихаттау.Акциялар аясында өңірдегі білім беру ұйымдарында мазмұнды әрі әсерлі бағдарламалар ұйымдастырылды. Есірткіге қарсы үгіт-насихат бригадалары өнер арқылы өз қатарластарына денсаулықтың қадірін, саналы таңдау жасаудың маңыздылығын және болашаққа жауапкершілікпен қарау қажеттігін жеткізді. Шара барысында тақырыптық би және театрландырылған қойылымдар көрсетіліп, әндер орындалды, әлеуметтік бейнероликтер ұсынылды, ақпараттық-түсіндірме материалдары таратылды.<img src="https://knadmin.beoblood.kz/uploads/upn_4_3074bcb4f8.jpeg" alt="упн 4.jpeg">Белсенділік танытқан қатысушылар мен ұжымдарға алғыс хаттар табысталып, олардың есірткі құқық бұзушылықтарының алдын алу бағытындағы еңбектері жоғары бағаланды.Ұйымдастырылған іс-шараларға 1500-ден астам көрермен, ұйымдастырушы және қатысушы келді. Бұл атқарылып жатқан жұмыстың өзектілігі мен қоғамдық маңыздылығын айқындайды.<img src="https://knadmin.beoblood.kz/uploads/upn_e1b351d995.jpeg" alt="упн .jpeg">Ең үздік есірткіге қарсы акцияларды: Шиелі ауданының №49 орта мектебі, Қармақшы ауданының №№99, 144, 183, 30 орта мектептері және Қазалы ауданының №25 орта мектебінің оқушылары дайындады. Олар креативтілігімен, шынайылығымен және терең әлеуметтік мазмұнымен ерекшеленді.<img src="https://knadmin.beoblood.kz/uploads/upn_2_e7c0375a7c.jpeg" alt="упн 2.jpeg">Өткізілген акциялар жас ұрпақтың санасында салауатты өмір салтын қалыптастыруға бағытталған профилактикалық жұмыстардың маңызды бөлігіне айналып, болашағын жарқын етіп көргісі келетін жастардың таңдауы — денсаулық пен жауапкершілік екенін тағы бір мәрте дәлелдеді.

Қазақстан және Қызылорда облысының жаңалықтары: Құқық