<a href="https://kyzylorda-news.kz/">Kyzylorda-news.kz</a> Бас прокуратураның Құқықтық статистика және арнайы есепке алу жөніндегі комитетінің Қылмыстық қауіп-қатерлердің және қоғамдық қауіпсіздіктің тәуекелдерін болжау орталығы азаматтарды жалған инвестициялық платформаларда, deepfake технологияларын, сондай-ақ бұрын жоғалған инвестицияларды қайтару бойынша жалған қызметтерді пайдалана отырып, азаматтарды қаржылық алаяқтыққа тарту бойынша интернет- алаяқтардың күшейе түсуі туралы ескертеді.Егер бұрын шабуылдаушылар «Қазатомөнеркәсіптің» фишингтік сайттарын пайдаланса, бүгінгі таңда киберқылмысшылар екінші деңгейлі банктердің, ірі құрылыс фирмаларының жалған инвестициялық платформаларын жасап, deepfake технологиясының көмегімен танымал тұлғалардың суретін, бейнесін немесе дауысын пайдаланып, азаматтардың ақшасын иелену үшін алаяқтық платформаларды ілгерілетуде.Сонымен бірге, әлеуметтік желілерде адал емес брокерлерден зардап шеккендерге ақша қаражатын қайтару бойынша қызметтер белсенді түрде жарнамалануда.Алайда, бұл инвестиция салу нәтижесінде қаражатынан айырылған азаматтарға бағытталған қайталама алаяқтық схема.Сақ болыңыз!Ақша қаражатын сақтау үшін мыналар ұсынылады:<ul><li style="text-align:justify;">күмәнді сілтемелер бойынша өтпеу;</li><li style="text-align:justify;">дербес және банктік деректерді үшінші тұлғаларға бермеу;</li><li style="text-align:justify;">әлеуметтік желілер, мессенджерлер және жарнамалар арқылы таратылатын инвестициялық ұсыныстар туралы ақпаратты, әсіресе жоғары әрі</li><li style="text-align:justify;">кепілдендірілген табыс уәде етілген жағдайларда, мұқият тексеру;</li><li style="text-align:justify;">алаяқтық белгілері анықталған жағдайда құқық қорғау органдарына дереу хабарласу және банкті хабардар ету ұсынылады.</li><li style="text-align:justify;">Алаяқтар сеніммен ойнайды. Өзіңізді алдауға жол бермеңіз.</li></ul>&nbsp;Фото: финграмота

Интернет-алаяқтар белсенділігін арттырды

<a href="https://kyzylorda-news.kz/">Kyzylorda-news.kz</a> Көктем – көркемдігімен көз тартатын нәзікжандылардың мерекесімен мәнді мезгіл. Демек, жастық жалынын қызметке арнап, алтын уақытын сенімді ақтауға сарп ететін Хамит Жансая Мансұрқызы туралы ақтарылсақ артық емес. Әділет кіші сержанты ҚАЖ департаментіне қарасты №68 мекемесінің арнайы есепке алу бөлімінде есеп технигі қызметін атқарып жүр.Таңдауы тынымсыз еңбек жолына тоғыстырғанына көңілі тоқ. Бас көтермей жұмыс істейтін сәтте де Жансая Мансұрқызының меселі қайтпайтынының дәлелі сол. Иә, жиырма жастағы арудың қызметке орналасқанына бір жылдың бедері болған. Жылдар жылыстай бере, тегеурінді мамандықтың тереңіне бойлап, маңдай терін төгеріне титтей де күмән жоқ.Оның мығым мінезі мызғымас тәртіптің негізі бола алады. Төрт жыл бойы дзюдомен айналысқаны бойында төзімділік қалыптастырған сыңайлы. Мұндай арудың шыңдарды бағындырары шындық.Мақсаты – кәсіби деңгейін арттырып, саланың көш басына ілесу. Осы ретте, Жансая Мансұрқызының жолы даңғыл болсын дейміз.

Тегеурінді мамандықтың тізгінін ұстаған ару

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында өңірдің есірткіге қарсы эмблема-логотиптерін әзірлеуге арналған байқау өз мәресіне жетті. Байқауды Қызылорда облысы Полиция департаментінің Есірткі қылмысына қарсы іс-қимыл басқармасы ұйымдастырды. Байқаудың мақсаты – жастарды белсенді шығармашылық қызметке тарту, саламатты өмір салтының берік қағидаттарын қалыптастыру және өңірдің есірткіге қарсы логотипін әзірлеу бағытын айқындайтын заманауи, танымал символиканы жасау. &nbsp;Қатысушыларға Қызылорда облысының эмблема-логотипін және полицияның профильдік бөлімінің эмблемасын әзірлеу тапсырылды. Ұсынылған жұмыстар мазмұнды тұжырымдамасымен, графикалық шешімдерінің ерекшелігімен және алдағы уақытта тәжірибеде қолдану мүмкіндігімен дараланды.Байқауға облыстың 15 пен 20 жас аралығындағы студенттері мен оқушылары қатысты. Жұмыстар тақырыпқа сәйкестігі, идеяның жаңашылдығы, ықшамдылығы, танымалдылығы, эстетикалық безендірілуі және көркемдік деңгейі бойынша бағаланды. Бірінші кезеңнің қорытындысы бойынша екінші кезеңге 30 байқау жобасы жолдама алды.<img src="https://knadmin.beoblood.kz/uploads/upn_narkota_5ab41da228.jpeg" alt="упн наркота .jpeg">Байқау комиссиясының шешімімен жеңімпаздар анықталды: І орын – Қасымов Мансур, Арал ауданы №260 орта мектеп; Бекарыстанов Нурасыл, Қармақшы ауданы №274 мектеп; Сулейменов Али, Қармақшы ауданы №274 орта мектеп; ІІ орын – Тастемір Марғұлан, Қазалы ауданы №276 орта мектеп; Аманжол Ербол, Қармақшы ауданы №274 орта мектеп; Құрманәлі Назгүл, Жаңақорған ауданы №293 орта мектеп; Наурызбай Аяулым, Қызылорда қаласы №172 орта мектеп; ІІІ орын – Нұрылла Дулат, Қармақшы ауданы №277 мектеп-лицей; Таңсықбай Аяулым, Жалағаш ауданы №116 орта мектеп; Оразалиев Шерали, Қармақшы ауданы №85 орта мектеп; Бахберген Қасым, Қармақшы ауданы №277 мектеп-лицей; Қосанов Еркебұлан, Арал ауданы №14 орта мектеп.Байқау жеңімпаздары мен жүлдегерлері дипломдармен және естелік сыйлықтармен марапатталады. Мұндай іс-шараларды өткізу жастардың белсенді азаматтық ұстанымын қалыптастыруға және салауатты өмір салты құндылықтарын нығайтуға ықпал етеді.

Қызылорда облысында есірткіге қарсы эмблема-логотип байқауының қорытындысы жарияланды

<a href="https://kyzylorda-news.kz/">Kyzylorda-news.kz</a> Қызылорда қаласында жолаушылар тасымалы саласындағы тәртіпті күшейту мақсатында 21-25 ақпан аралығында «Тасымалдаушы» жедел профилактикалық іс-шарасы өткізілді.Бұл туралы Өңірлік коммуникациялар қызметінің баспасөз алаңында облыстық Полиция департаментінің Әкімшілік полиция қызметі басқармасының бастығы Мұратбек Манатов мәлімдеді.Іс-шараға Полиция департаментінің 445 қызметкері мен өзге де салалардан 15 маман жұмылдырылып, 134 бағыт бойынша мобильді топтар жұмыс жүргізді.<blockquote>"Профилактикалық іс-шарасы нәтижесінде 1436 әкімшілік хаттама рәсімделді. Атап айтқанда, қоғамдық орындарда такси қызметін заңсыз ұйымдастырудың 232 дерегі, рұқсатсыз қызмет көрсетудің 31 жағдайы, жолаушылар тасымалдау қағидаларын бұзудың 165 фактісі тіркелген. Бұдан бөлек, Қазалы, Шиелі аудандары мен Қызылорда қаласындағы автобус парктері жеті рет тексеріліп, бес құқық бұзушылық анықталды. 111 автокөлік айып тұрағына қойылып, 306 көліктің мемлекеттік тіркеу белгілері алынды. Облыс көлемінде жолаушы тасымалымен айналысатын көліктер тарапынан жол қозғалысы қауіпсіздігін қамтамасыз етуге бағытталған мұндай жедел-профилактикалық іс-шаралар алдағы уақытта да жалғасады, – деді Мұратбек Мейрамбекұлы.</blockquote><img src="https://knadmin.beoblood.kz/uploads/yzylordada_zholaushylar_tasymalyna_ba_ylau_k_shejtildi_60ca3accab.jpg" alt="Қызылордада жолаушылар тасымалына бақылау күшейтілді.jpg">Фото: Нұрболат Нұржаубай

Қызылордада жолаушылар тасымалына бақылау күшейтілді

<a href="https://kyzylorda-news.kz/">Kyzylorda-news.kz</a> Қызылорда қаласындағы облыстық полиция департаментінің жедел басқару орталығы 2006 жылы <a href="https://kaz.inform.kz/news/kizilorda-kalasinda-20-zhilda-272-beynebakilau-kamerasi-ornatildi-dacc7a/">құрылған.</a>Облыс әкімдігінен хабарлағандай, одан бері кезең-кезеңімен 272 бейнебақылау камерасы орнатылды, жұмыс істеп тұр.<blockquote>– 2024 жылы аудан орталықтарындағы осындай орталықтарға келіп түсетін ақпараттарды қабылдау мен тіркеу автоматтандырылды. Оған 2 млрд 240 млн теңге бөлініп, 539 бейнебақылау камерасы мен 49 стационарлы жылдамдық өлшегіш құрылғы орнатылып, іске қосылды.Қызылорда қаласына қосымша 1400 бейнебақылау камерасын және 20 мекен-жайға 80 зияткерлік қиылыс, 58 мекен-жайға 96 стационарлы жылдамдық өлшегіш қондырғы, жасанды интеллект функциясы бар бейнеаналитикалық жүйе орнатуға, орталықты қайта жаңғыртуға жергілікті бюджеттен 4,5&nbsp;млрд теңге бөлініп, келісімшарт жасалды,&nbsp;– делінген хабарламада.</blockquote>Қазіргі кезде бейнебақылау камералары интеграцияланды, алдағы уақытта толық іске қосылады. Стационарлық жылдамдық өлшегіш құрылғылар «ЕРАП» жүйесіне қосылып, жұмысын бастап кетті. Қызылорда облысы бойынша «Көмек-112» және «Көмек-109» автоматтандырылған ақпараттық жүйелерін Бас прокуратураның «Цифрлық қадағалау» бірыңғай ақпараттық-талдау жүйесімен интеграциялау толық аяқталды.– 2021 жылдан бері 112 нөмірлі бірыңғай кезекшілік-диспетчерлік қызметі 24/7 режимінде 101, 102, 103, 112 нөмірлі шұғыл қызмет қоңырауын қабылдап келеді. «Kөмек-112» жүйесіне 2021-2026 жылдар аралығында 1 263 173 қоңырау тіркелген.<blockquote>2020 жылдан бері Қызылорда қаласында, ал 2023 жылдан бері облыс аумағында 109 бірыңғай нөмірі арқылы коммуналдық мәселелер бойынша өтініштер қабылданады. Автоматтандырылған ақпараттық жүйеге 856 549 қоңырау түскен, – делінген әкімдік хабарламасында.</blockquote>Бұған дейін Алматы облысының полиция департаменті жол қауіпсіздігін арттыру мақсатында көлік құралдарының орташа жылдамдығын тіркеу жүйесін енгізіліп жатқанын мәлімдеді.Фото: Нұрболат Нұржаубай

ЖИ қызметі бар бейнесараптамалық жүйе орнатуға келісімшарт жасалды

<a href="https://kyzylorda-news.kz/">Kyzylorda-news.kz</a> &nbsp;Өзін-өзі дамыту – адамның саналы түрде өз білімін, қабілетін, мінез-құлқын және өмірлік ұстанымдарын жетілдіруге бағытталған үздіксіз үдеріс. Қазіргі жаһандану дәуірінде қоғам, технология, білім беру жүйесі күн сайын өзгеріп отырады. Осындай қарқынды заманда бір орында тоқтап қалу – артта қалумен тең. Сондықтан әр адам заман талабына сай болу үшін үнемі ізденіп, жаңа нәрселерді меңгеріп, өз мүмкіндіктерін кеңейтіп отыруы қажет. Өзін-өзі дамыту тек кәсіби жетістікке жетудің құралы ғана емес, ол тұлғалық кемелденудің, рухани байлықтың және өмір сапасының артуының негізі болып табылады.Ең алдымен, өзін-өзі дамыту адамның ішкі әлеуетін ашуға көмектеседі. Әр адамның бойында табиғи қабілет пен дарын бар, алайда оны дамыту үшін еңбек пен табандылық қажет. Адам өзіне мақсат қойып, сол мақсатқа жету жолында жүйелі түрде жұмыс істесе, оның бойындағы жасырын мүмкіндіктері ашылады. Мысалы, кітап оқу арқылы адам ой-өрісін кеңейтеді, жаңа тіл үйрену арқылы дүниетанымын байытады, спортпен шұғылдану арқылы ерік-жігерін шыңдайды. Мұның барлығы адамның жан-жақты қалыптасуына ықпал етеді. Өз-өзімен жұмыс істейтін адам уақытын бағалайды, тәртіпке бағынады және жауапкершілікті сезінеді.Сонымен қатар өзін-өзі дамыту кәсіби өсуге тікелей әсер етеді. Қазіргі еңбек нарығында бәсекелестік жоғары, сондықтан тек дипломмен шектелу жеткіліксіз. Үнемі білімін толықтырып, жаңа технологияларды меңгеріп, дағдыларын жетілдіріп отырған маман ғана табысқа жете алады. Өзін дамытатын адам өзгерістерден қорықпайды, керісінше оны жаңа мүмкіндік ретінде қабылдайды. Ол қиындықтарды кедергі емес, тәжірибе деп түсінеді. Осындай көзқарас адамның мансап жолында алға жылжуына көмектеседі және қаржылық тұрақтылыққа қол жеткізуіне ықпал етеді.Өзін-өзі дамыту адамның рухани дүниесін де байытады. Рухани дамыған адам сабырлы, төзімді және мейірімді келеді. Ол өзгелердің пікірін құрметтей біледі, өз эмоциясын басқара алады және жанжал жағдайында дұрыс шешім қабылдайды. Қарым-қатынас мәдениетінің қалыптасуы да – өзін жетілдірудің нәтижесі. Себебі адам өзін түсінген сайын, өзгелерді де түсіне бастайды. Бұл отбасында, достар арасында және жұмыс орнында үйлесімді қарым-қатынас орнатуға мүмкіндік береді.Тағы бір маңызды тұсы – өзін-өзі дамыту адамның өмірге деген көзқарасын өзгертеді. Үнемі алға ұмтылған адам болашағына сеніммен қарайды. Ол әр күнін тиімді өткізуге тырысады, бос уақытын пайдалы іске арнайды. Мұндай адам үшін қателік – сәтсіздік емес, сабақ. Ол өзін кінәлап немесе салыстырып уақыт жоғалтпайды, керісінше алға қадам жасауға ұмтылады. Бұл қасиет адамның психологиялық тұрақтылығын арттырып, күйзеліске төзімді болуына көмектеседі.Қорыта айтқанда, өзін-өзі дамыту – табысты әрі бақытты өмір сүрудің басты шарты. Ол адамның тек сыртқы жетістіктеріне ғана емес, ішкі жан дүниесіне де әсер етеді. Дамуға ұмтылған адам әрдайым ізденісте болады, өзіне сенеді және болашағын жарқын етуге күш салады. Өзін жетілдіру – бір күндік немесе бір жылдық іс емес, ол – өмір бойы жалғасатын жол. Осы жолды таңдаған адам өз өмірінің сапасын арттырып қана қоймай, қоғамның дамуына да үлес қосады.Аяжан Махамбетәлі&nbsp; Қорқыт ата атындағы Қызылорда университетінің 4-курс студентіФото: &nbsp; pexels.webp

Өзін-өзі дамыту не үшін қажет?

<a href="https://kyzylorda-news.kz/">Kyzylorda-news.kz</a> &nbsp;«Сот кабинеті» сот құрылымындағы заманауи технологиялардың бірі. Электронды формат халыққа &nbsp;сот жүйесінің қолжетімділігі мен ашықтығын қамтамасыз ету мақсатында жасалған.Сот кабинеті арқылы сотқа құжаттарды, арыздарды тапсыру үшін &nbsp;алдымен сот кабинетіне жеке тұлғалар ЖСН-нің, ал заңды тұлғалар &nbsp;БСН-нің және парольдің көмегімен &nbsp;тіркелу арқылы жүзеге асырады.Аталған Нұсқаулықта «Сот кабинеті» арқылы берілетін арыздарға, құжаттарға қойылатын өзіндік талаптары көзделген. Яғни, олар-арыз немесе өтініш мәтіндік форматта (қарпі 14 Times Roman) &nbsp;беріледі.-әрбір жеке құжат жеке файл түрінде ұсынылуы тиіс. Элекрондық құжаттардың файлдар саны сотқа берілген құжаттың санымен сәйкес келуі керек. Электрондық құжаттардың әрбір файылының өлшемі 10 мегабайттан аспау тиіс.Талап арыз беруші «талап арыз беру» сервисін таңдап, &nbsp;сот кабинетіндегі электронды деректерді толтырады.Алдымен облысын таңдап, арыз бергелі тұраған соттың атауын, одан әрі &nbsp;мемлекеттік баж сомасы, арыздың сипаты, істің санаты, даудың жалпы сомасы, іске қатысты тараптар бөлігін толтырылады.Мемлекеттік бажды онлайн төлеген болса, «онлайн-төлем» бөлігін толтырады, ал егер мемлекеттік баждан босатылған болса, «төлемеу» деген бөлігіне белгі соғуы тиіс.Егер талап қоюшы немесе жауапкер бірнешеу болса, олардың әр қайсысы жеке –жеке енгізіледі.Талап арыз беру кезінде пайдаланушы енгізілген мәліметтердің дұрыстығын тексеріп, оған түзету енгізе алады.Берілген арыздар Қазақстан Республикасы сот органдарының ақпараттық сервисіне келіп түскен кезде автоматты түрде кіріс құжаттың карточкасына көшіріледі.Берілген электрондық арыздар, құжаттар сот органдарының ақпараттық жүйесінде «кіріс хат-хабарлар» &nbsp;папкасына &nbsp;түсіп &nbsp;тұрады.Сот кабинеті сотқа электронды түрде талап-арыз, қарсы талап-арыз, сот процесінің хатамаларына ескертулер, атқару парағынның телнұсқасын беру және оны жолдау туралы өтініш, сот актілерінің көшірмелерін және басқа да өтініштерді, шағымдарды беруге және мемлекеттік баж салығын онлайн төлеуге, сот құжаттары мен сотқа қатысты барлық құжаттарды қадағалап отыруға мүмкіндік береді.А.Ысқақова,Қызылорда облысының мамандандырылған&nbsp;ауданаралық әкімшілік сотының бас маман-сот отырысының хатшысы&nbsp;Фото: Нұрболат Нұржаубай

«Сот кабинеті»  электрондық ақпараттық сервисі

<a href="https://kyzylorda-news.kz/">Kyzylorda-news.kz</a> Қызылорда қаласында «Заң мен Тәртіп – қауіпсіз балалық шақ кепілі» жобасы аясында кезекті профилактикалық кездесу ұйымдастырылды. Полиция қызметкерлері Нағи Ильясов атындағы 9 мектеп-гимназия жасөспірімдер арасында қылмыстың алдын алу және құқықтық мәдениетті арттыру мақсатында түсіндірме жұмыстарын жүргізді.Шараға Қызылорда ОПД Криминалдық полиция басқармасының бөлім бастығы полиция майоры Жумабеков Талғат және Қызылорда ҚПБ Отбасылық-тұрмыстық зорлық-зомбылыққа қарсы күрес бөлімшесінің инспекторы полиция капитаны Асанбаева Айгүл, полиция аға лейтенанты Коныртай Айымжан қатысты.Кездесу барысында оқушыларға құқық бұзушылықтардың алдын алу, буллинг, сталкинг, бұзақылық, кәмелетке толмағандарға қатысты және оларға қарсы жасалатын қылмыстар, интернет-алаяқтық түрлері мен заң алдындағы жауапкершілік туралы жан-жақты түсіндірілді. Сонымен қатар заңды құрметтеу мен тәртіпті сақтау – қауіпсіз әрі жарқын болашақтың негізі екені ерекше атап өтілді.Ашық форматта өткен кездесуде оқушылар өздерін толғандырған сұрақтарын қойып, нақты жауаптар алды. Мұндай профилактикалық іс-шаралар жасөспірімдердің құқықтық сауаттылығын арттыруға және құқық бұзушылықтың алдын алуға бағытталған жүйелі жұмыстың жалғасы болып табылады.

Қызылордада «Заң мен Тәртіп – қауіпсіз балалық шақ кепілі» жобасы аясында кездесу өтті

<a href="https://kyzylorda-news.kz/">Kyzylorda-news.kz</a> Қызылорда қаласы Полиция басқармасы интернет алаяқтықтың алдын алуға бағытталған кезекті профилактикалық кездесу ұйымдастырылды.Қалалық &nbsp;№5 емхананың ақ халатты абзал жандарымен басқарма бастығының бірінші орынбасары полиция полковнигі Шагиров Азиз Алиұлы кездесті.Кездесу барысында қатысушыларға интернет алаяқтықтың кең таралған және жаңа түрлері туралы жан-жақты ақпарат берілді, медицина қызметкерлеріне жадынамалар таратылды.Жеке деректерді қорғаудың маңыздылығына ерекше назар аударылды. Қатысушыларға құпия сөздерді қауіпсіз сақтау, екі факторлы аутентификацияны қолдану, күмәнді сілтемелерді ашпау және бейтаныс нөмірлерге жеке мәлімет бермеу сияқты қарапайым, бірақ тиімді сақтық шаралары таныстырылды.Кездесу еркін форматта өтіп, қатысушылар өздерін толғандырған сұрақтарына нақты жауап алды. Тәжірибелік мысалдар мен өмірлік оқиғалар арқылы ақпарат түсінікті әрі әсерлі жеткізілді. Мұндай алдын алу шаралары — жай ғана ақпараттық кездесу емес, азаматтардың қаржылық қауіпсіздігін нығайтатын маңызды қадам.<img src="https://knadmin.beoblood.kz/uploads/Internet_alaya_ty_kezdesu_f12518e8d6.jpg" alt="Интернет алаяқтық кездесу.jpg">

Қызылордада интернет алаяқтықтың алдын алуға арналған кездесу өтті

<a href="https://kyzylorda-news.kz/">Kyzylorda-news.kz</a> &nbsp;1 наурыз – әлем бойынша халықтың қауіпсіздігін қамтамасыз етуге бағытталған маңызды дата. Бұл күні азаматтық қорғаныс жүйесінің рөлі кеңінен насихатталып, төтенше жағдайлардың алдын алу мен оған дайындық мәселелері қоғам назарында болады. Азаматтық қорғаныс күнінің тарихы 1972 жылдың 1 наурызынан бастау алады. Дәл осы күні Халықаралық азаматтық қорғаныс ұйымы құрылып, қауіп-қатерге қарсы халықаралық ынтымақтастықтың берік негізі қаланды. Содан бері азаматтық қорғаныс саласы жаһандық деңгейде дамып, мемлекеттердің табиғи және техногендік апаттарға бірлесе әрекет етуіне жол ашты. Атаулы күн қарсаңында облыстық ТЖД бастығының орынбасары Бекболат Әбдіқадыров маңызды күннің мәнін кеңін насихаттап, атқарылған жұмыстармен бөлісті.<blockquote>– Биылғы жылы Дүниежүзілік азаматтық қорғаныс күні «Тұрақты және қауіпсіз болашақ үшін экологиялық тәуекелдерді басқару» ұранымен өтуде. Дүниежүзілік Азаматтық қорғаныс күні – халықты төтенше жағдайлардан қорғау жүйесінің маңызын арттыруға, қауіпсіздік мәдениетін қалыптастыруға және азаматтардың дайындық деңгейін жетілдіруге бағытталған. Қазіргі таңда су тасқыны, орман өрттері, құрғақшылық, өндірістік апаттар сияқты қауіп-қатерлердің алдын алу үшін алдын ала жоспарлау, мониторинг және халықты оқыту жұмыстары күшейтілуде. Осы ретте тұрғындардың төтенше жағдай кезіндегі іс-қимыл алгоритмін білуі, алғашқы көмек көрсету дағдыларын меңгеруі және жеке қауіпсіздік ережелерін сақтауы – басты талаптардың бірі. Айтулы күн аясында өңірлерде оқу-жаттығулар ұйымдастырылады. Мұның барлығы қоғамның төтенше жағдайларға төзімділігін арттыруға және қауіпсіз өмір салтын қалыптастыруға бағытталған,- Бекболат Қайырбекұлы.</blockquote><img src="https://knadmin.beoblood.kz/uploads/D_niezh_zilik_azamatty_or_anys_k_ni_auipsizdik_basty_nazarda_22d5a35c98.jpg" alt="Дүниежүзілік азаматтық қорғаныс күні қауіпсіздік – басты назарда.jpg">&nbsp;Фото: gov.kz

Дүниежүзілік азаматтық қорғаныс күні: қауіпсіздік – басты назарда

<a href="https://kyzylorda-news.kz/">Kyzylorda-news.kz</a> Жалған ақпаратқа қарсы іс-қимыл орталығы Қазақстан Республикасы Конституциясының жаңа жобасы төңірегіндегі ең көп таралған фейктер мен манипуляцияларға шолу дайындады. Біз желіде тараған жалған мәлімдемелерді жобаның ресми мәтінімен және мемлекеттік органдардың түсіндірмелерімен салыстырдық.1-бөлім<ol><li>«Конституция Президенттің өкілеттіктерін күшейтеді»</li></ol>Бұл құжаттың мазмұнына сәйкес келмейді.Жоба тежемелік әрі тепе-теңдік жүйесін бекітеді. Негізгі кадрлық шешімдер – Вице-президентті, Премьер-министрді, Конституциялық Сот судьяларын, Орталық сайлау комиссиясы мен Жоғары аудиторлық палата мүшелерін тағайындау – Құрылтайдың келісімімен жүзеге асырылады.Сонымен қатар, Президенттің қайта сайлану құқығынсыз бір реттік жеті жылдық өкілеттік мерзімі сақталады.Мұндай құрылым «суперпрезиденттік» модельге емес, президенттік республикаға тән.Қорытынды: Фейк<ol><li>«Шетелдіктерге жер сатуға қойылған тыйым алынып тасталады»</li></ol>Жоба мәтінінде шетел азаматтарына жер сатуға рұқсат беретін нормалар жоқ.8-баптың 3-тармағында:«Жер және оның қойнауы, сулар, өсімдіктер мен жануарлар дүниесі, өзге де табиғи ресурстар халыққа тиесілі. Халық атынан меншік құқығын мемлекет жүзеге асырады. Жер заңда белгіленген негіздерде, шарттар мен шектерде жеке меншікте де болуы мүмкін» деп бекітілген.Қорытынды: Фейк<ol><li>«Тегін медицина жойылады»</li></ol>Жоба медициналық көмектің өтеусіз сипатын сақтайды.32-баптың 2-тармағына сәйкес:«Қазақстан Республикасының азаматтары заңда белгіленген, өздері төлемейтін медициналық көмекті алуға құқылы».Бұл жерде мәселе тегін медицинаны жоюда емес, аталған құқықты іске асыру тетігін заңнамалық тұрғыдан нақтылауда болып отыр.Қорытынды: Манипуляция<ol><li>«Тегін білім беру жойылады»</li></ol>Бұл да жоба мәтініне сәйкес келмейді.Шын мәнінде, мемлекеттік оқу орындарында орта білім берудің өтеусіз сипатына Конституция кепілдік береді. Сондай-ақ, жоғары оқу орындарында конкурстық негізде тегін жоғары білім алу құқығы бекітіледі (33-бап).Конституциялық реформа жөніндегі комиссияның 9-отырысында Премьер-Министрдің орынбасары – Мәдениет және ақпарат министрі Аида Балаева:«Ешкім медициналық көмек пен білім алу құқығынан айырылмайды… «Тегін» деген ұғым құқықтық тұрғыдан нақтырақ «азаматтар ақы төлемей, заңда белгіленген тәртіппен медициналық көмек алуға құқылы» деген тұжырымдамамен алмасты», – деп атап өтті.Қорытынды: Манипуляция<ol><li>«Жыл сайынғы ақылы демалыстар жойылады»</li></ol>Бұл – қате пайым.Конституция жобасының 27-бабы демалу құқығына кепілдік береді. Ал жыл сайынғы ақылы демалыстың нақты ұзақтығы мен шарттары Еңбек кодексімен айқындалады.Конституциялық норма принципті бекітеді, ал егжей-тегжейі салалық заңнамамен реттеледі.Қорытынды: Манипуляция2-бөлім<ol><li>«Конституциядан «бостандық» ұғымы алынып тасталды»</li></ol>Керісінше, құқықтар мен бостандықтар ең жоғары құндылық ретінде айқындалған.Преамбула мен 1-бапта адам, оның өмірі, құқықтары мен бостандықтары мемлекеттің ең қымбат қазынасы деп жарияланған. Құқықтар мен бостандықтар бөлінбейтін және иеліктен шығарылмайтын деп танылады.Қазақстан Республикасы Премьер-Министрінің орынбасары – Мәдениет және ақпарат министрі Аида Балаева өз жария мәлімдемесінде: «Адам және оның қадір-қасиеті – конституциялық модельдің езегіне айналып отыр» – деп атап өтті.Қорытынды: Манипуляция.<ol><li>«Сөз және жиналыс бостандығы шектеледі»</li></ol>Шын мәнінде, Конституция жобасы цензураға тікелей тыйым салады (23-бап, 5-т.) және сөз бостандығына кепілдік береді (23-бап, 4-т.). Шектеулерге тек заңмен және тек конституциялық құрылысты, қоғамдық қауіпсіздікті, сондай-ақ басқа тұлғалардың құқықтарын қорғау мақсатында ғана жол беріледі, бұл Қазақстанның халықаралық міндеттемелеріне, соның ішінде Азаматтық және саяси құқықтар туралы халықаралық пактіге сәйкес келеді.Бейбіт жиналыстар өткізу құқығына Конституция жобасының 35-бабында да кепілдік берілген. Бейбіт жиналыс түрлерінің тізбеленбеуі осы түрлердің барлығының «бейбіт жиналыстар» ұғымына кіретіндігімен, яғни бейбіт жиналыстар өткізу құқығымен қамтылатындығымен түсіндіріледі. Бейбіт жиналыстардың нақты түрлері бейбіт жиналыстар туралы бейінді Заңда ашып көрсетіледі.Бейбіт жиналыстардың түрлерін тәптіштемейтін мұндай жалпы тұжырымдама «Бейбіт жиналыстар өткізу құқығы танылады» делінген Азаматтық және саяси құқықтар туралы халықаралық пактіге сәйкес келеді.Қорытынды: Манипуляция.<ol><li>«Тотальды цифрлық бақылау енгізіледі»</li></ol>Керісінше, Конституция жобасы «цифрлық құқықтарды» енгізіп, азаматтардың жеке өмірі мен дербес деректерін виртуалды ортада заңсыз пайдаланудан қорғайды (21-бап, 1-т.).Қорытынды: Фейк.9.«Конституция мәтінін шетелдіктер жазған»Жобаны отандық заңгерлер, ғалымдар мен сарапшылар азаматтардың ұсыныстарын ескере отырып дайындады. Комиссия жұмысы ашық әрі жария түрде жүргізілді.Қорытынды: Фейк.<ol><li>«Жаңа Конституция халықаралық міндеттемелерді бұзады»</li></ol>Жобада ратификацияланған халықаралық шарттарға қайшы келетін нормалар көзделмеген. Адам құқықтары мен бостандықтарының негізгі қағидаттары халықаралық деңгейде танылған стандарттарға сәйкес келтірілген.Ратификацияланған халықаралық шарттардың қолданылу тәртібі ұлттық мүдделерді қорғау қажеттілігі ескеріле отырып, заңдарда айқындалатын болады. Ратификацияланған халықаралық шарттар Қазақстан Республикасының қолданыстағы құқық жүйесінің құрамында қалады.Қорытынды: Манипуляция.Жалған ақпаратқа қарсы іс-қимыл орталығы азаматтарды бастапқы дереккөздерді мұқият зерделеуге, тексерілмеген жарияланымдарға сын көзбен қарауға және жалған ақпаратты таратпауға шақырады.Өз көзқарасыңызды қалыптастыру барысында эмоционалды және үстірт интерпретацияларға емес, ресми мәтін мен уәкілетті органдардың түсіндірмелеріне сүйеніңіз.

Конституцияның жаңа жобасы бойынша ең көп таралған фейктер

<a href="https://kyzylorda-news.kz/">Kyzylorda-news.kz</a> &nbsp;25-27 ақпан аралығында облыс аумағында «Көктем-2026» республикалық командалық-штабтық оқу-жаттығуы өткізілетін болады. Оқу-жаттығудың республикалық штабы Астана қаласында өтсе, облыстық штаб және практикалық кезеңі Қызылорда қаласында өткізіледі. Бұл туралы облыстық ТЖД бастығының орынбасары Бекболат Әбдіқадыров мәлімдеді.<blockquote>- Алдағы кешенді оқу-жаттығудың басты мақсаты – азаматтық қорғау қызметтерінің төтенше жағдайлар кезіндегі іс-қимылдарын жетілдіру. Бұл шара барысында күштер мен құралдардың өзара үйлесімді жұмысы, жедел әрекет ету мүмкіндігі және материалдық-техникалық дайындығы жан-жақты тексеріледі. Оқу-жаттығу практикалық тапсырмалармен ұштасып, бөлімшелердің нақты жағдайда әрекет ету қабілетін шыңдауға бағытталған. Нәтижесінде жауапты қызметтердің дайындық деңгейі бағаланып, анықталған кемшіліктерді жою бойынша тиісті шаралар қабылданады. 25 ақпанда Қызылорда облысының азаматтық қорғау қызметтерінің күштер мен құралдарына саптық қарау жүргізіледі. Ал 26 ақпанда Қызылорда қаласы Талсуат елді мекенінде практикалық іс-шаралар пысықталатын болады. Департаменттің Дағдарыс орталығында командалық штабтық ойындары мен қорытынды жиналыс 27 ақпанға жоспарларған,- деді Бекболат Қайырбекұлы.</blockquote><img src="https://knadmin.beoblood.kz/uploads/kerek_8ecc2ed634.jpg" alt="керек.jpg">Фото: gov.kz

Қазақстан және Қызылорда облысының жаңалықтары: Құқық