<a href="https://kyzylorda-news.kz/">Kyzylorda-news.kz</a> Бұл туралы ішкі істер министрлігінің ресми өкілі Шыңғыс Әлекешев мәлімдеді. &nbsp;Қазақстанда патрульдік полиция қызметкерлеріне ишарат тілін білу міндеттелді, деп хабарлайды <a href="http://sn.kz/">Skifnews.kz</a> ақпарат порталы.Ведомство өкілінің айтуынша, ишарат тілін білу полиция қызметкерлеріне есту қабілеті бұзылған адамдарға көметесу кезінде және төтенше жағдайларда жедел әрекет етуге көмектеседі.<blockquote>"Ерекше қажеттіліктері бар адамдар жиі қиын немесе қауіпті жағдайларға тап болады. Сондықтан біздің барлық патрульдік полиция қызметкерлері адамға қолдау&nbsp;және қажетті көмек көрсетуге мүмкіндік беретін қарапайым қимылдарды меңгереді. Бұл жай ғана ресмилік емес, адам өмірін сақтап қалатын маңызды дағды", –&nbsp;деді Әлекешев.</blockquote>Министрлік өкілінің айтуынша, әрбір патрульдік&nbsp;қызметкер: "Уайымдамаңыз, полиция сізбен бірге, біз сізге көмектесеміз" деген сөздерді қимылмен көрсетуді білуі керек.<blockquote>"Бұл әсіресе аудармашы табуға уақыт жоқ немесе қарапайым, бірақ маңызды хабарды жедел жеткізуді қажет ететін төтенше жағдайларда өте маңызды. Бұл тәсіл полицияға есту қабілеті бұзылған адамдармен тез байланыс орнатуға&nbsp;мүмкіндік береді", –&nbsp;деді министрлік өкілі.&nbsp;</blockquote>Фото: ult.kz

Қазақстанда полицейлер тағы бір тіл білуге міндеттелді

<a href="https://kyzylorda-news.kz/">Kyzylorda-news.kz</a> Павлодар облысының тұрғыны сотта есірткіге мас күйінде көлік жүргізбегенін дәлелдеп, 15 тәулікке заңсыз қамалғаны&nbsp;үшін өтемақы талап етті. Бұл туралы <a href="https://stan.kz/kazakstanda-zansiz-15-taulikke-kamalgan-azamat-sottan-2-406927/">Stan.kz</a> ақпарат агенттігі хабарлайды.Соттың мәліметінше, патрульдік іс-шара барысында Баянауыл ауданының полиция қызметкерлері жол бойында тұрған көлікті көрген. Құжаттарды тексеру кезінде қызметкерлердің бірі жүргізушінің көзінің қызарғанын байқаған. Есірткі қолданды деген күдікпен жүргізуші сараптамаға жіберілген.Аурухана фельдшері полицейлердің күдігін растаған соң олар материалды сотқа жіберіп, жүргізуші қамауға алынып, жеті жылға жүргізуші куәлігінен айырылды.Алайда ер адам тыйым салынған ештеңе тұтынбағанын дәлелдеп шықты. Сотта белгілі болғандай, медициналық тексеру кезінде ол үш рет зәр анализін тапсырған. Фельдшер үш сынақты да оң деп есептеді. Жүргізуші есірткі қолданбағынын айтып, зертханалық тексеріс жүргізуді сұрады.<blockquote>"Видео жетон жазбасынан Ж-ның бірнеше рет лауазымды тұлғаларға қосымша зерттеу жүргізу туралы өтінішпен жүгінгенін және зерттеу үшін қан беруге немесе полициямен бірге кез келген басқа мекемеге баруға дайын екенін білдіреді. Бірақ қызметкерлер бас тартқан. Бұл жағдайда Баянауыл аудандық ішкі істер бөлімі қызметкерлерінің әрекеті заң талаптарын өрескел бұзып, әкімшілік істің негізсіз және заңсыз қозғалуына әкеп соқты", – делінген Павлодар облыстық сотының хабарламасында.</blockquote>Медициналық сараптама қорытындысына шағымданған ер адам түнгі ауысымнан шаршап үйге қайтып келе жатқанда ұсталғанын, көзінің қызарғаны шаршағаннан екенін айтқан.Қамаудың заңсыздығын дәлелдеп, әкімшілік істің тоқтатылуына қол жеткізген ер адам соттан 20 миллион теңге көлемінде өтемақы өндіруді талап етті. Сот оның талап арызын ішінара қанағаттандырды.<blockquote>"Республикалық бюджеттен жалпы сомасы 1,2 млн теңге моральдық залал және заңды өкілінің қызметіне жұмсалған шығын өндіріп алынсын", – делінген сот үкімінде.</blockquote>Фото: freepik.com

Қазақстанда заңсыз 15 тәулікке қамалған азамат соттан 20 миллион теңге талап етті

<a href="https://kyzylorda-news.kz/">Kyzylorda-news.kz</a> Аймақта құқық саласы бойынша жүргізіліп жатқан мәселелері және оның шешілу жолы ұдайы бақылауда. ҚР Қаржылық мониторинг агенттігі Қызылорда облысы бойынша экономикалық тергеп-тексеру департаментінің дерегінше мемлекеттік үш мекемеде өнімсіз делдалдардан өнімді жоғары бағамен сатып алатыны анықталған.&nbsp;Қабылданған шаралар негізінде өндірушілермен және көтерме сатушылармен тікелей келісім шарттар жасасып, әлеуметтік маңызы бар тауарлар тізбесінің 11 атауы бойынша бағаның төмендеуі қамтамасыз етілген. Бұл туралы бүгін Өңірлік коммуникациялар қызметінің ақпарат алаңында ҚР Қаржылық мониторинг агенттігі Қызылорда облысы бойынша экономикалық тергеп-тексеру департаментінің басшысы Аслан Кеңес мәлімдеді.<blockquote>– Мемлекет басшысының Жолдауында халыққа зардабын тигізетін алаяқтыққа және сол сияқты басқа да заңсыз әрекеттерге қарсы батыл шаралар қабылдау керектігін баса айтқан. Бұған дейін құрылтайда да бұл мәселе қозғалды. Қазіргі таңда департамент Жолдауда айтылған міндеттер негізінде бірқатар жұмыстарды қолға алды. Бүгінгі тәжірибе қоғамдық қауіптілігі жоғары, әрі маңызды қылмысты ашуға бағытталған, толықтай &nbsp;«саннан сапаға» принципіне көшірілген. Яғни, адал кәсіпкерлердің мүддесіне қайшы келмейтіндей, тек «көлеңкелі» экономика қылмысын анықтау және тергеу басты назарда, - деді Аслан Кеңесұлы.</blockquote>Заманауи технологиялар ел экономикасын дамытуда ерекше орын алады. Тұрғындардың ажырамас бөлігіне айналған. Сонымен қатар цифрлық технологияны қолдану барысында алаяқтық қауіпі де жоғары.<blockquote>– «Қаржылық сауаттылық негіздері» тақырыбы аясында департамент қызметкерлері барлық аудан тұрғындарымен кездес өткізді. Қылмыстың алдын алу және мақсатында жергілікті әкімшілікпен бірлесіп департаменттің ақпараттық бейнероликтері қала мен аудандардың орталық көшелерінің LED-экрандарында, сондай-ақ адамдар көп жиналатын орындарда көрсетілді,- деді Аса маңызды істер жөніндегі жедел уәкілі Майра Оралбаева.</blockquote>Фото: Қызылорда облысының Өңірлік коммуникациялар қызметі

"Көлеңкелі” экономика өсімді тежейді

<a href="https://kyzylorda-news.kz/">Kyzylorda-news.kz</a> Қылмыстық атқару саласының Қызылорда облысы бойынша Қылмыстық-атқару жүйесі департаментіне қарасты №68 мекемесінде сыбайластықты болдырмау мақсатындағы жұмыстар мекеменің кадр саясат тобымен ұдайы ұйымдастырылып тұрады.&nbsp;ҚАЖ департаментінің бастығы әділет полковнигі Ш.Есенкелдиевтың төрағалық етуімен ҚР Сыбайлас жемқорлыққа қарсы іс-қимыл агенттігінің Қызылорда облысы бойынша Департаменті Первенция басқармасының бас маманы Жанар Қозбағарова және осы басқарманың аға офицері Жандос Жүсіпалиев пен ҚАЖ департаментінің өзіндік қауіпсіздік тобының жедел уәкілі әділет подполковнигі С.Жоламанов арнайы шақыртылып, мамандар баяндама оқып, бейнематериалдар көрсетілді. Сонымен қатар, шараға мекеме басшылары мен ҚАЖ департаментіне қарасты №68, 37, №60 және пробация қызметінің қызметкерлері қатысты. Бас маман &nbsp;«Сыбайлас жемқорлыққа қарсы &nbsp;іс-қимылдың жаңа тетіктері» деген тақырыпта баяндама оқыды. Баяндамасында &nbsp;мемлекет басшысы Қасым-Жомарт Тоқаевтің 2022 жылдың 2 ақпанындағы №802 жарлығымен шыққан ҚР-ның 2022-2026 жж арналған сыбайлас жемқорлыққа қарсы саясатынының тұжырымдамасында жазылған негізгі мазмұны және мемлекет басшысының тарапынан шыққан &nbsp;бірқатар бұйрықтар мен заңдары &nbsp;жөнінде тарқатып, оқып берді.Ал, аға офицер Жандос Жүсіпалиев 2022 жылдағы Қызылорда облысындағы &nbsp;сыбайлас жемқорлық бойынша орын алған фактілерге тоқталды.<blockquote>– Кей мемлекеттік қызметшілердің құқық бұзушылыққа немқұрайлылық танытуы, кәсіби әдептілігінің жетіспеуі де, жеке басының қамын ойлауы да парақорлықтың дендеуіне септігін тигізуде. Соның ішінде ішкі істер органдары &nbsp;қызметкерлері &nbsp;арасында сыбайлас жемқорлыққа қатысты заң бұзушылыққа бару әрекеттері кездесіп тұрады, мұндай әрекеттің алдын алу және жол бермеу әрбір жеке құрам &nbsp;қызметкердің міндеті және борышы екенін ұмытпаңыздар. Құқық саласының қызметкерлері &nbsp;заңдылықтарды ескере отырып, ешқашан жемқорлыққа жол бермеуі керек – деп, &nbsp;қатысушыларды заң талаптарын орындауға шақырды.&nbsp;</blockquote>Шара соңында, &nbsp;өзіндік қауіпсіздік тобының жедел уәкілі жеке құрам қызметкерлеріне дайындаған бейне сюжеттер көрсетіліп, қызметкерлер арасында туындаған сұрақтарға &nbsp;жауап берілді. &nbsp;

Сыбайлас жемқорлықпен күрес – өзекті мәселе

<a href="https://kyzylorda-news.kz/">Kyzylorda-news.kz</a> Облыста мемлекеттік көрсетілетін қызметтердің сапасы үнемі бақылауда. Көрсетілетін қызметтердің сапасын арттыруда Департамент жанынан құрылған Ведомствоаралық жұмыс тобының қызметіне бөлек тоқталғым келеді.Өткен жылдың желтоқсан айында департамент басшысының жеке қабылдауында болған бір қала тұрғыны өзінің мекен-жайы бойынша үй тіркелімінде бөтен адамдардың тіркеліп тұрғанын айтып, наразылығын жеткізген болатын.Мәселені анықтай келе, қаламызда осындай жүйелі проблема бар екені анықталды. Сол себепті Департамент осы бағытта әрі қарай зерттеу жұмыстарын жүргізді.Өздеріңіз білетіндей, бұрын қағаз түрінде үй кітапшасы қолданылып келді (домовая книга). Оны электрондық форматқа өзгерту үшін 2018 жылдың аяғынан бастап «Электрондық үй кітабын» іске қосқан болатын.Ал электрондық үй кітабы толыққанды жұмыс істеу үшін әрбір үйге 16 цифрдан тұратын бірегей (уникальный) «мекен-жай тіркелім коды» (РКА код) беріліп, «Мекенжай тіркелімі» ақпараттық жүйесіне енгізу қажет болды.Яғни, үй иесі Халыққа қызмет көрсету орталығына барып, мекенжай бойынша меншік туралы және тіркелген тұлғалар туралы ақпаратты енгізуі керек болатын.Алайда, 2019 жылы елімізде сайлау құқығы бар азаматтардың тізімін шұғыл қалыптастыру тапсырмасына сәйкес, электрондық үй кітабына көшуді жылдамдату қажеттілігі туындап, жауапты қызметкерлер әрбір үй-жайды жағалап, тиісті РКА кодын беріп, сол мекенжайда тіркелген азаматтар тізімін жасақтап шығарған.Жұмыс барысында белгілі бір себептермен кемшіліктер орын алған, сондай-ақ мүдделі мемлекеттік органдардың базаларын интеграциялау барысында да қателіктер кетіп, көптеген мекенжайларға бірдей «мекен-жай тіркелім коды» (РКА код) беріліп кеткен. Осыған байланысты бір мекен-жайда бірнеше бейтаныс адамдар тіркеліп кеткен болса, кейбір жағдайда адамдар өздерінің мекен жайларында тіркеуде жоқ болып шықты. Бұл мәселе адамдардың мемлекеттік қызметтер алу кезінде әуре-сарсаңға салынуына алып келді.Мәселенің маңыздылығы ескеріле отырып аталған сұрақ Департамент жанындағы ведомствоаралық жұмыс тобының ағымдағы жылдың наурыз айындағы кезекті отырысының күн тәртібіне шығарылды.Тиісті құзырлы органдарға қыркүйек айына дейін туындаған мәселені шешу бойынша нақты тапсырмалар берілді. Кемшіліктерді жою бойынша ұзақ мерзім берілуі мәселенің күрделі екеніне байланысты болды.Департамент бастамасымен осы мәселені шешу үшін «Азаматтарға арналған үкімет» мемлекеттік корпорациясы, қалалық сәулет және қала құрылысы бөлімі және облыстық көші-қон қызметімен ағымдағы жылдың наурыз айында бірлескен жұмыс жұмыс тобы құрылды.&nbsp;Жұмыс тобы шеңберінде мәселені шешу алгоритмі қалыптастырылып, тиісті ақпараттық жүйелер арқылы 5 мыңнан астам (5311) қала тұрғыны әртүрлі мекенжайда жүргені анықталды.Нәтижесінде, нақты тізім жасақталып, Қызылорда қаласында 720 тіркелім кодына сәйкестендіру жұмыстары жүргізілді. Халыққа қызмет көрсету орталығына шақыра отырып, мемлекеттік қызмет көрсетілді, яғни тіркелім кодына сәйкес мекен-жайлары түзетілді. Бірлесіп атқарылған жұмыс нәтижесінде бүгінгі таңда мәселе өз шешімін тапты.Дегенмен де, кейбір қызмет алушылар өздерінің мекен жайын ауыстырған немесе соған ұқсас жағдайлар орын алған кезде дер кезінде өзгерістер енгізбесе, мұндай жағдайлар қайталануы мүмкін екені ескерілді.Бұл мәселе департамент жанындағы Ведомствоаралық жұмыс тобының қыркүйек айында өткен мәжілісінде талқыланып, құзырлы органдарға тиісті ұсыныстар берілді.Жалпы, жыл басынан бері Департамент жанындағы Ведомствоаралық жұмыс тобының 3 отырысы өткізіліп, мемлекеттік органдарға 20 астам ұсыныстар берілді.Сонымен бірге, әр ай сайын Ведомствоаралық жұмыс тобының мүшелері, әсіресе қоғам белсенділері аудан, қала және облыс орталықтарында халыққа қызмет көрсететін орталықтарға барып, қызметтердің сапасына мониторинг жұмыстарын жүргізіп отырады. Орын алған кемшіліктерді департаментке хабарлап, олар бойынша тиісті ұсыныстар енгізіледі.Алдағы уақытта да көрсетілетін қызметтердің сапасын арттыруда, қызмет алушылардың бұзылған құқықтарын қалпына келтіру жұмыстары департаменттің негізгі басым бағыттарының бірі болып қала бермек.&nbsp; &nbsp; &nbsp; &nbsp; Егер Сіздің мемлекеттік қызмет алуда құқықтарыңыз бұзылған болса Қазақстан Республикасының Мемлекеттік қызмет істері агенттігінің Қызылорда облысы бойынша департаментіне шағымдануыңызға болады.Біздің мекен-жайымыз: Қызылорда қаласы, Сұлтан Бейбарыс,1. Байланыс нөмірлері: 8 (7242) 70-56-36, 70-00-40.&nbsp;Е.Мендалиев,ҚР Мемлекеттік қызмет істеріАгенттігінің Қызылорда облысы бойыншадепартаментінің басшысы, Әдеп жөніндегікеңестің төрағасы

Тұрғындардың құқығы қалпына келтірілді

<a href="https://kyzylorda-news.kz/">Kyzylorda-news.kz</a> Жол қозғалысына қатысты жарықтандыру құрылғыларын пайдалану ережесін бірінші рет бұзған жүргізушілерге ескерту жасалады. Тиісті заң сенатта бірінші оқылымда қаралып жатыр. Бұл туралы<a href="https://stan.kz/kazakstanda-zhol-kozgalisina-katisti-ayippyldardin-biri-406516/"> Stan.kz</a> ақпарат агенттігі хабарлайды.Депутат Евгений Больгерттің айтуынша, көлік жүргізушілері күндізгі уақытта сыртқы жарықтандыру құралдарын және дыбыстық сигналдарды пайдалану ережелерін бірінші рет бұзса, тек ескерту түрінде жаза тағайындалады. Ал қолданыстағы нормадан баламалы жаза ретінде қайталап бұзған жағдайда салынатын айыппұл алынып тасталады.Еске сала кетейік, күндізгі уақытта барлық қозғалыстағы көліктерде (велосипедтерден басқа) оларды көрсету үшін аз сәулелі фаралар немесе күндізгі жарық шамдары қосулы болуы керек.&nbsp;Фото: freepik.com

Қазақстанда жол қозғалысына қатысты айыппұлдардың бірі жойылмақ

<a href="https://kyzylorda-news.kz/">Kyzylorda-news.kz</a>&nbsp; 15 қыркүйек күні түстен кейін квадрокоптер Jac Sanray көлігінің 35 жастағы жүргізушісінің қарсы жолаққа шығу фактісін тіркеді.Қостанай облысында полиция жол – қозғалыс ережесін бұзған жүргізушілерді дронмен анықтап жатыр. Прокуратура, ТЖД қызметкерлері мен полицейлер апатты-қауіпті учаскелер саны көп республикалық автожолдарда бірлескен жобаны сынақтан өткізді, деп хабарлайды <a href="https://sn.kz/">Skifnews.kz </a>ақпарат порталы.&nbsp;Ведомстволық өзара іс-қимыл шеңберінде прокуратура, ТЖД қызметкерлері мен полицейлер апатты-қауіпті учаскелер саны көп республикалық автожолдарда бірлескен жобаны сынақтан өткізді. Осы мақсатта полицияның және облыстың ТЖД қызметіндегі дрондар да қолданылуда. Құтқарушылардың айтуынша, дрон аппараты 50 шақырым қашықтықты бағындыра алады, жылдамдығы сағатына 100 км.Олар жол қозғалысы ережелерін бұзуды және мемлекеттік нөмірлерді 2 шақырымға дейінгі қашықтықта тіркей алады. Тек екі күндік жұмыс барысында қарсы қозғалыс жолағына шыққан 6 жүргізуші ұсталды, олардың ішінде біреуі заңсыз жолаушылар тасымалын жүзеге асырған. Олардың барлығына қатысты алты айға жүргізуші куәлігінен айыру жазасы қолданылуы мүмкін.&nbsp;Мысалы, 15 қыркүйек күні түстен кейін квадрокоптер Jac Sanray көлігінің 35 жастағы жүргізушісінің қарсы жолаққа шығу фактісін тіркеді. Жол ережесін бұзушыға қатысты материалды полицейлер сотқа фото және видео дәлелдермен бірге жіберді. Өрескел бұзушылықтардан басқа, ҰҰА жол қозғалысы ережелерін бұзған жүргізушілерді, қауіпсіздік белдігін тақпайтындарды, жол белгілерін, сондай-ақ қозғалыс кезінде ұялы телефонмен сөйлесетіндерді анықтайды.&nbsp;Полиция департаменті жүргізушілерді мұқият болуға және жол қозғалысы ережелерінің талаптарын сақтауға шақырады.Фото: polisia.kz

Енді жол ережесін бұзған жүргізушілер дронмен анықталады

<a href="https://kyzylorda-news.kz/">Kyzylorda-news.kz</a> Орталық бақылау комиссиясында өткен брифингте ұлттық ұлан бас қолбасшысының орынбасары 6 ай комада жатқан&nbsp;Ербаян Мұхтардың ісі бойынша тергеу аяқталмай тұрып, алдын ала қорытынды жасамауды ұсынды.&nbsp;Бұл туралы<a href="https://stan.kz/yrdi-dep-aytu-ali-erte-ylttik-ylan-okili-6-ay-komada-zh-406607/">&nbsp;Stan.kz</a>&nbsp;ақпарат агенттігі хабарлайды.Брифингте ұлттық ұлан бас қолбасшысының орынбасары Қайрат Үмбетов әскерде не себепті дәретханаларда камералар орнатылмағанына жауап берді. Журналистер дәретхана&nbsp;түрлі қақтығыстар мен төбелестер жиі болатын жер екенін атап өтті. Қайрат Үмбетов сарбаздың ес-түссіз қалуына ұрып-соғу себеп болғаны әлі дәлелденбегенін айтты.<blockquote>"Сіздің де, ешкімнің де оны біреу ұрып-соқты деп айтуға құқығы жоқ. Ол 2:15-те оянып, дәретханаға барды, оның құлағанын көрген куәгерлер бар, қазір тергеу жүріп жатыр.&nbsp;Ішкі істер министрлігінің әскери-тергеу органдары зерттеп жатыр. Бүгінде Ербаян Мұхтарды біреу ұрып-соқты&nbsp;деуге әлі ерте, егер бұл фактілер расталса, онда айтуға болады", –&nbsp;деді Үмбетов.</blockquote>Айта кетейік,&nbsp;Ербаян Мұхтар&nbsp;Ұлттық ұланның Алматы қаласындағы 5571 әскери бөлімінде әскери борышын өтеп жүрген. 2023 жылдың желтоқсанында сарбаз ми жарақатын алып, содан кейін комаға түскен. Әскерилер туыстарына Ербаянның&nbsp;дәретханада құлап, басын еденге соғып алғанын&nbsp;айтқан. Алайда сарбаздың жақындары ұлдарының абайсызда құлап қалғанына сенбейді.&nbsp;Ішкі істер министрлігі тергеу барысын&nbsp;өз бақылауына алды.Еске салсақ, бұған дейін қазақстандықтар 6 айдан астам комада жатқан сарбаз Ербаян Мұхтарға&nbsp;140 миллион теңге жинап берген еді.&nbsp;17 қыркүйекте Ербаянның әкесі ұлының алдағы уақытта Еуропаға емделуге аттанатыны&nbsp;туралы айтқан.&nbsp;Емдеуге шамамен 230 миллион теңге жиналды, бұл ақша оңалтудың алғашқы үш айына жетеді дейді.&nbsp;Фото: stan.kz

"Ұрып-соқты деп айтуға құқығы жоқ": Ұлттық ұлан өкілі 6 ай комада жатқан сарбаздың жағдайына қатысты мәлімдеді

<a href="https://kyzylorda-news.kz/">Kyzylorda-news.kz</a>&nbsp; Елорда прокуратурасының үйлестіруімен уәкілетті орган есірткі зертханасын анықтады. Сотқа дейінгі тергеп-тексеру нәтижесі бойынша үш адам сотқа берілді.Сот тергеуі барысында сотталушының темір контейнерді жалға алғаны анықталды. Осыдан кейін ол қала сыртында құны 2 млн теңге жер телімін сатып алып, аталған контейнерді психотроптық заттарды шығаратын зертхана ретінде жабдықтап, орналастырған деп хабарлады Астана қаласының прокуратурасы.&nbsp;Кінәлі тұлға қылмыстық әрекетке екі сыбайласын тартқан. Тергеу барысында астыртын зертханадан алынған 24 кг астам психотроптық заттар жойылды.Нәтижесінде сот елорданың үш тұрғынын аса ірі көлемде психотроптық заттардың аналогын сату мақсатында заңсыз дайындағаны және сақтағаны үшін кінәлі деп танылып, 10 жылдан 11 жыл 3 айға дейінгі мерзімге бас бостандығынан айыру жазасына сотталды.&nbsp;Үкім заңды күшіне енді.<span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото: полиция кз.<img src="https://knadmin.beoblood.kz/uploads/9a583b13aebb7df47e37472de704bef7_1280x720_93cd5f4ac9.jpg" alt="9a583b13aebb7df47e37472de704bef7_1280x720.jpg">

Астанада есірткі зертханасы жойылды

<a href="https://kyzylorda-news.kz/">Kyzylorda-news.kz</a>&nbsp; 2024 жылдың 15 қыркүйегі Қазақстан Республикасы Ұлттық қауіпсіздік комитеті Шекара қызметі Қызылорда облысы бойынша департаментіне 25 жыл толып отыр.Айта кетсек, ҚР ҰҚК Төрағасының 1999 жылы 15 қыркүйектегі бұйрығына сәйкес, Қазақстан Республикасының оңтүстік бағыттағы Мемлекеттік шекарасын нығайту мақсатында және Қазақстан Республикасы ҰҚК Шекара кызметінің даму бағдарламасына сай құрылды.Аймақтағы департамент сол жылдан бастап Өзбекстанмен арадағы шекараны нығайту, елдің саяси жене экономикалық мүдделерін қорғау, заңсыз көшіп – қонудың алдын алу, қазақ еліне қару-жарақ, оқ-дәрі, есірткі мен радиоактивті заттарды заңсыз кіргізбеу міндеттерін мінсіз атқарып келеді.2020 жылдың 26 наурызында ҚР ҰҚК ШҚ «Оңтүстік» Өңірлік басқармасына қарасты 2019 әскери бөлімі, ҚР ҰҚК ШҚ Қызылорда облысы бойынша департаменті мәртебесі берілді.Мемлекеттік шекара – мемлекеттіліктің маңызды атрибуты, кез-келген елін қауіпсіздігін қамтамасыз етудің алғашқы шегі, мызғымас тірегі, Тауелсіздігіміздің кепілі. Сондықтан да Отанымыздың шекарасын сенімді күзету және корғау ел қауіпсіздігін сақтаудағы алатын орны ерекше.Жалпы Шекара қызметі қызметінің негізгі бағыттарына Қазақстан Республикасының мемлекеттік шекарасын күзету және қорғау мемлекеттік шекараның белгіленген режимін және өткізу пункттерінің&nbsp;режимін қолдау. Қазақстан Республикасының мемлекеттік шекарасында қауіпсіздік пен қорғаныс міндеттерін шешуге қатысу болып табылады.Осы жылдар аралығында Мемелекеттік шекараны қорғау бойынша тапсырмаларын орындап жүрген әскери қызметшілерінің жағдайын жақсарту мақсатында өткізілген шаралар:2018-2023 жылдар аралығында департаментке қарасты ел шекарасында орналасқан шекара бөлімшелерінің барлығы жаңа модульдік типтегі ғимараттармен салынды. Модульдер заман талаптарына сәйкес жасалынған.Модульдік типтегі ғимараттар 38 блоктан тұрады. Онда жеке құрамға арналған жатын бөлме, жуынуға арналған орын, дәретхана, қару-жарақ сақтау бөлмесі және басқада лауазымды тұлғаларға арналған канцелярияларды қамтиды. Шекарашыларымыздың сапалы қызмет атқаруларына толыққанды, жәйлі жағдай жасалынған.Әскери қызметшілердің отбасына арналған, сегіз блоктан тұратын үш пәтерлі тұрғын үйлер орнатылған. Пәтердің әрқайсысында жеке ас үй, жатын бөлме және дәретхана мен душ бөлмешелері қамтылған.Аталған модульдер тұрмысқа және қызметке қажетті жиһаз бен техникалармен жабдықталған. Шекарашыларымыздың қызметтегі тұрмыстық қажеттілігін толық өтейді.Сондай-ақ иттерге арналған питомник, әскери мүліктер мен азық-түліктерді сақтауға арналған қоймалар және дербес жанар-жағармай құю станциясы орнатылған.Қысқасы бөлімшенің шалғайлылығын білдіртпей, шекарашыларымыздың тұрмыстық жағдайларының барлығы жасалынған. Бұл ең бірінші кезекте мемлекеттік шекарамызды күзету мен қорғаудағы тапсырмаларды сенімді түрде атқаруға ықпалын тигізеді. Олардың жауынгерлік әзірліктерінің деңгейі ұлғаяды.

ҚР ҰҚК Шекара қызметі Қызылорда облысы бойынша департаментіне 25 жыл

<a href="https://kyzylorda-news.kz/">Kyzylorda-news.kz</a> Абай облысында әскери қызметкердің мәйіті табылды.&nbsp;Бұл туралы&nbsp;<a href="https://stan.kz/ayagozde-oficer-ozine-kol-salip-mert-boldi-406576/">Stan.kz</a>&nbsp;ақпарат агенттігі хабарлайды.Аягөз гарнизонының баспасөз қызметі офицердің өзіне қол салғанын айтады."19 қыркүйекте Аягөз гарнизоны әскери бөлімнің офицерінің мәйіті жұмыстан тыс уақытта&nbsp;пәтерінен табылды. Алдын ала мәлімет бойынша, офицер асылып қалған", –&nbsp;деп хабарлады гарнизон.Себептері мен мән-жайы анықталып жатыр. Әскери қызметкердің өліміне қатысты қылмыстық іс қозғалды.Фото: Pixabay.com

Әскерде тағы өлім: Аягөзде офицер өзіне қол салды

<a href="https://kyzylorda-news.kz/">Kyzylorda-news.kz</a> Астана соты бүлдіршінді көпқабатты тұрғын үйдің балконынан лақтырып жібермек болған ұлдардың ата-аналарына 36 920 теңгеден айыппұл салды, - деп хабарлайды <a href="https://massaget.kz/">Massaget.kz</a><blockquote>«Сот кәмелетке толмаған балалардың ата-аналарын балаларды тәрбиелеу жөніндегі міндеттерін орындамағаны, балаларын тұрмыста, қоғамдық орындарда айналасындағылардың өмірі мен денсаулығына қауіп төндіретін мінез-құлық ережелеріне үйретпегені үшін кінәлі деп танып, оларға 10 АЕК мөлшерінде айыппұл тағайындады», - деп хабарлады қалалық соттың баспасөз қызметі.&nbsp;</blockquote>Фото: Астана соты

Қазақстан және Қызылорда облысының жаңалықтары: Құқық