<a href="https://kyzylorda-news.kz/">Kyzylorda-news.kz</a> Қызылордада полиция мен қоғамдық белсенділер ұйымдастырған есірткі жарнамасы бар граффитиді жою бойынша акция өткізді.Полиция қызметкерлерінің бастамасына, «Аманат» партиясы жанындағы «Жастар Рухы» ЖҚ ҚОФ мүшелері, студенттер мен еріктілер қосылып, есірткі қылмысына қарсы күрес ортақ іс екенін көрсетті. Полицейлер есірткінің зияны туралы хабардарлықты арттыруға, сондай-ақ жасөспірімдер арасында профилактикалық жұмысты нығайтуға бағытталған 245 профилактикалық іс-шара өткізді. Бұл үгітке кәмелетке толмаған полицейлер, оқушылар, ата – аналар мен оқытушылар, барлығы-12 мыңға жуық адам қатысты.<img src="https://knadmin.beoblood.kz/uploads/yzylordaly_policziyalar_men_belsendiler_esirtki_zharnamasy_bar_graffitidi_zhoyu_bojynsha_akcziya_tkizdi_1_564374f599.webp" alt="Қызылордалық полициялар мен белсенділер есірткі жарнамасы бар граффитиді жою бойынша акция өткізді 1.webp">

Қызылордалық полициялар мен белсенділер есірткі жарнамасы бар граффитиді жою бойынша акция өткізді

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы Полиция департаментінің бастығы полиция полковнигі Ергешов Серік Жүрсінбайұлы облыс тұрғындары алдында есептік кездесу өткізді. Дәстүрлі есеп беру жиынында облыстың Бас полицейі ең өзекті жұмыс процестері туралы баяндама жасады, сондай – ақ өңір тұрғындарын қызықтыратын барлық сұрақтарға жауап берді.Есептік кездесу облыс орталығындағы Достық үйінде өтті. Халыққа есеп беру шарасы Мемлекет басшысы Қасым-Жомарт Кемелұлы Тоқаевтың «Орталық атқарушы органдар басшыларының халықпен кездесулерін өткізу туралы» жарлығын іске асыру барысында қазақстандық қоғамды одан әрі демократияландыру, халықтың елде жүргізіліп жатқан реформалар туралы хабардар болуын арттыру, атқарушы органдардың халық алдындағы жауаптылығы мен есептілігін күшейту, мемлекеттік басқару процесіне халықты кеңінен тарту мақсатында өтті.Есептік кездесудің өтуі жөнінде әлеуметтік желілерде және жергілікті бұқаралық ақпарат құралдарында алдын ала арнайы хабарландыру жарияланып, облыс тұрғындары өз сауалдарын әлеуметтік желілер арқылы жолдауларына мүмкіндік алды.Есеп беруді бастамас бұрын Департамент бастығы қоғамдық қауіпсіздікті қамтамасыз етуде белсенділіік танытқан облыс тұрғындарын марапаттап, алғысын білдірді.Сонан соң Департамент бастығы өз сөзін жыл басынан атқарылған шараларды қорытындылаудан бастады. Есептік кездесуге келген облыс тұрғындарының назарына есепті мерзімде атқарылған жұмыстар қамтылған бейнеролик пен слайдтар ұсынылды.«Қылмысқа қарсы күрес және құқық тәртібін қамтамасыз ету ісінде оң көрсеткіштерге қол жеткіздік. Облыс көлемінде тіркелген құқық бұзушылықтар саны 4%-ға, қылмыстар 11%-ға төмендеді.Жалпы облысымызда қылмыстылық деңгейінің оң динамикасы байқалады, мысалға, соңғы 5 жылда қылмыстар саны 25 пайызға азайған» – деді департамент бастығы.Тұрғындармен кездесу барысында департамент басшысы қоғаммен өзара байланыс орнату, полиция қызметінің ашықтығын қамтамасыз ету жөнінде сөз қозғады.Сонымен қатар, Серік Жүрсінбайұлы ұрлық, есірткі қылмысы, жол қауіпсіздігіне де аса көңіл бөліп, алдын алу шараларына тоқталып өтті.«Есірткі айналымы үшін қылмыстық жауапкершілік 16 жастан басталады. Есірткімен бір рет байланыс орнатудың өзі жасөспірімнің өмірін, болашағын бұзуы мүмкін.Бұл – ойын емес, бұл заңмен қудаланатын ауыр қылмыс. Есірткімен күресте біз тек жазалаушы емес, қорғаушы күш болуға тырысудамыз. Бірақ бұл күресте әр отбасының, әр мектептің, әр азаматтың үлесі қажет» – деді С.Ергешов.Келесі өзекті мәселенің бірі – жол көлік оқиғалары. Себебі жолдағы әрбір ереже бұзушылық – адам өміріне тікелей қауіп.Департамент тарапынан облыс жолдарында жол-көлік оқиғаларының алдын алу, жолдағы қауіпсіздік мәдениетін қалыптастыру және азаматтардың жауапкершілігін арттыру мақсатында кешенді жұмыстар атқарылуда.2025 жылдың бірінші тоқсанында 233 оқиға тіркеліп, олардың салдарынан 17 адам көз жұмса, 307 адам жарақат алды. Бұл – жәй ғана сан емес, бұл жазықсыз жанның өмірі, орны толмас қайғы. Талдау көрсеткендей анықталған жолда жүру ережесін бұзудың 46 пайызы жол апатына тікелей әсер ететін өрескел құқық бұзушылықтар.Жол-көлік оқиғаларының алдын алу мақсатында күнделікті талдаумен осал жерлер нарядпен тығыздалды. Тұрақты және үздіксіз жедел-профилактикалық іс-шаралар ұйымдастырылып, жүргізілуде.Қазіргі таңда цифрландыру процесінің жедел қарқыны қоғам өмірінің барлық саласына еніп, азаматтардың интернеттегі белсенділігі артуда. Ол өз кезегінде интернет желісіндегі құқық бұзушылықтарды, оның ішінде интернет-алаяқтықтың кең таралуына себеп болды.Департаментте азаматтарды киберқылмыстан қорғауға бағытталған Киберқылмысқа қарсы іс-қимыл басқармасы жасақталған. Одан бөлек интернет-алаяқтыққа қатысы бар тұлғаларды анықтауға мүмкіндігі бар аппараттық-бағдарламалар іске қосылған («Kazdream Special Systems» ІТ-компаниясы).Аталған бағдарламалардың көмегімен 49 қылмыс ашылып, 30 алаяқ құрықталса, 2 киберқылмыстық топ пен 3 дроповод ұсталды. Жалпы 36 қылмыскер құрықталып, хабар-ошарсыз кеткен 191 тұлға табылды.«Интернет-алаяқтыққа қарсы күрес кешенді әрекетті талап ететін жұмыс. Киберқылмыстың алдын алу – бұл тек полицияның ғана емес, бүкіл қоғамның жауапты ісі. Себебі бұл қылмыс қоғамның жалпы қауіпсіздігіне тікелей қауіп төндіруде. Ал, полиция органдары азаматтардың құқықтық қауіпсіздігін қамтамасыз ету үшін профилактикалық, ақпараттық және ұйымдастырушылық шараларын жалғастырады» деді Департамент бастығы.Департамент басшысы есептік кездесуді халықтың ұсыныс – пікірін, өтініш – тілегін тыңдаумен жалғады. Халықпен кері байланысты тиімді орнатуға бағытталған шара барысында ниет білдірген әр азамат өзін қызықтырған сауалын қойып, Департамент бастығынан тиянақты жауап ала алды. Түрлі мазмұнда сұрақтар қойылып, пікірлер мен ұсыныстар түсті.Тұрғындардың талап – тілегін мұқият тыңдаған Полиция департаментінің бастығы полиция полковнигі Ергешов Серік Жүрсінбайұлы әр мәселенің назардан тыс қалмай, уақтылы шешімін табатындығын айтты. Арнайы құрылған топқа тапсырма берді.Кездесу соңында С.Ергешов барлық азаматтарға белсенді қатысқандары үшін алғыс білдіріп, полиция жұмысының басты мақсаты қылмыспен күрес және қоғамдық тәртіпті сақтау екендігін атап өтті.Фото: Полиция департаменті

Облыстың Бас полицейі халық алдында есеп берді

<a href="https://kyzylorda-news.kz/">Kyzylorda-news.kz</a> Қызылорда облысының кәмелетке толмағандардың істері жөніндегі мамандандырылған ауданаралық сотында Қазақстан Республикасы ҚК-нің106-бабының 2-бөлігінің 7)-тармағымен кәмелетке толмаған &nbsp;сотталушы А.-ға қатысты іс қаралды. Бұл туралы Қызылорда облысының кәмелетке толмағандардың істері жөніндегі мамандандырылған ауданаралық соты <a href="https://kzl.sud.kz/kaz/news/kmeletke-tolmagan-zhasospirim-bas-bostandygynan-ayyryldy">хабарлады</a>.&nbsp;17.01.2009 жылы туған сотталушы А. 26.10.2024 жылы сағат 20:30 шамасында көше бойында бұзақылық ниетпен, өзімен бірге алып жүрген қайшының бөлігімен оның денсаулығына қасақана ауыр зиян келтіру мақсатында кәмелетке толмаған жәбірленуші Д-нің арқа тұсынан бір рет тығып, ауыр дәрежелі дене жарақатын салған.Сотталушы А.Қазақстан Республикасы ҚК-нің 106-бабының &nbsp;2-бөлігінің 7)-тармағымен кінәлі деп танылып, 6 жылға бас бостандығынан айрылды.Фото: Нұрболат Нұржаубай

Қайшымен ұрған: Қызылорда облысында жасөспірім 6 жылға бас бостандығынан айырылды

<a href="https://kyzylorda-news.kz/">Kyzylorda-news.kz</a> Абай облысы Аягөз ауданында 18 жастағы мерзімдегі сарбаз мерт болды. Бұл туралы <a href="https://kaz.inform.kz/news/abay-oblisinda-sarbaz-koz-zhumdi-df52cd/">kaz.inform.kz </a>хабарлады.&nbsp;Қорғаныс министрлігінің мәліметіне сүйенсек, 19 мамырда Аягөз қаласының орталық аудандық ауруханасында мерзімді әскери қызметші бактериалды менингиттің гипертоксикалық түрінен қайтыс болды.<blockquote>–&nbsp;16 мамыр күні кешке сарбаз әлсіздік және дене қызуының көтерілуі шағымдарымен Аягөз әскери госпиталіне жатқызылды. Бастапқы тексеруден және емдеуден кейін жағдайы жақсармаған. 17 мамырда қосымша тексерулер жүргізіліп, соның қорытындысы бойынша науқас одан әрі емделу үшін Аягөз орталық аудандық ауруханасына жіберілді,&nbsp;– делінген ақпаратта.</blockquote>18 мамырда әскери қызметкердің жағдайы күрт нашарлады. Дәрігерлер жансақтау шараларын жасағанымен оны аман алып қала алмаған.Сарбаз 2025 жылдың 25 сәуірінде Солтүстік Қазақстан облысынан әскери қызметке шақырылған. Ол&nbsp;бір айға жуық уақыт қана әскери борышын өтеп үлгерді. Оның өліміне қатысты қылмыстық іс қозғалды.<blockquote>–&nbsp;Құрлық әскерлері қолбасшылығы марқұмның туған-туыстары мен жақындарына қайғыларына ортақтасып көңіл айтады. Оларға барлық қажетті көмек пен қолдау көрсетіледі,&nbsp;– делінген хабарламада.&nbsp;</blockquote>Фото: &nbsp;pixabay.webp

Абай облысында сарбаз көз жұмды 

<a href="https://kyzylorda-news.kz/">Kyzylorda-news.kz</a> Сыбайлас жемқорлық фактілері туралы хабарлаған тұлғаларды ынталандыру сыбайлас жемқорлыққа қарсы іс-қимылдың пәрменді тетігі.&nbsp;Қызылорда облысында Сыбайлас жемқорлық фактілері туралы хабарлаған Қалалық полиция басқармасының Жергілікті полиция бөлімінің қызметкерлері және Қызылорда облысы бойынша Қылмыстық-атқару жүйесі департаментінің қызметкері &nbsp;Департамент басшысының грамотасымен марапатталды.Сыбайлас жемқорлық фактісі туралы хабарлаған азаматтарды қорғау тиісті түрде жүзеге асырылады. ҚР «Сыбайлас жемқорлыққа қарсы іс-қимыл туралы» заңына сәйкес, мұндай жағдайлар туралы хабарлаған адам ақшалай қаражатпен ғана емес, сонымен қатар мемлекеттің қорғауында болады.Сыбайлас жемқорлық фактілеріне тап болған жағдайда ҚР Сыбайлас жемқорлыққа қарсы іс-қимыл агенттігінің 1424 call орталығына немесе Департаменттің 8 (7242) 230690 кезекші телефонына қоңырау шалуға болады.

Сыбайлас жемқорлық құқық бұзушылық фактісі туралы хабарлағаны үшін марапатталды

<a href="https://kyzylorda-news.kz/">Kyzylorda-news.kz</a>&nbsp; «Заң мен тәртіп» қағидатын ілгерілету аясында Сыбайлас жемқорлыққа қарсы қызметінің Қызылорда облысы бойынша департаментінің ұйымдастыруымен сыбайлас жемқорлыққа қарсы күрес және жер телімдерін бөлу мен тұрғын үй табыстау кезінде туындайтын алаяқтық әрекеттердің алдын алу мақсатында тұрғындарға кеңес беру кездесуі өтті.Шара «Азаматтарға арналған үкімет» мемлекеттік корпорациясының облыстық филиалы – Халыққа қызмет көрсету орталығында ұйымдастырылды.Кездесудің мақсаты - жер телімдерін бөлу және тұрғын үй алу кезегін жылжыту барысында жиі кездесетін алаяқтық әрекеттердің алдын алу туралы түсіндірме жұмыстарын жүргізу және оның алдын-алу бойынша тиімді шараларды қабылдау, сондай-ақ құқық қорғау органдары мен қоғам арасындағы ынтымақтастықты нығайту.Шараға &nbsp;Сыбайлас жемқорлыққа қарсы іс-қимыл Агенттігінің Қызылорда облысы бойынша Департаменттің және Полиция департаментінің өкілдері, &nbsp;сондай-ақ қалалық әкімдіктің лауазымды тұлғалары &nbsp;қатысты.Кездесу барысында сыбайлас жемқорлыққа қарсы жаңашылдықтар, тұрғын үй және жер алу барысында алаяқтық жағдайлары, оның салдары және алдын алу шаралары талқыланды.Құқық қорғау органы алаяқтықтың белгілерін анықтау, азаматтарды қорғау және құқық бұзушыларды жауапкершілікке тарту бойынша ұсыныстар берді.Жемқорлыққа қарсы іс-қимыл мәселелері бойынша тегін консультациялар алу үшін, сондай-ақ белгілі болған сыбайлас жемқорлық құқық бұзушылық фактілері туралы хабарлау үшін 1424 колл-орталығына хабарласу мүмкіндігі туралы ақпарат берілді.&nbsp;

«Заң мен тәртіп» аясында азаматтарға құқықтық көмек көрсетілді

<a href="https://kyzylorda-news.kz/">Kyzylorda-news.kz</a> Қызылордада патрульдік полиция батальонының қызметкерлері Азамат Қадыров пен Сүлеймен Камалов адам өмірін сақтап қалды. Кешкі ауысымға түсіп, бекітілген аумақтарын патрульдеп жүрген тәртіп сақшылары Арай шағын ауданындағы Жастілек көшесінде орналасқан жер үйден шыққан қою түтінді байқады.Жағдайды бағамдап үлгерген полицейлер дереу өрт сөндіру қызметіне хабарласып, оқиға орнына жедел жеткен. Жалын шарпыған үйден ұйықтап жатқан 66 жастағы атасы мен немересін аман-есен сыртқа алып шықты. Сонымен қатар олар көрші үйдің тұрғындарын дер кезінде оятып, эвакуациялады.Өрт сөндірушілер қызыл жалынды ауыздықтап жатқанда, полиция қызметкерлері оқиға орнында қоғамдық тәртіпті қамтамасыз етіп тұрды. Артынша кезекшіліктерін жалғастырып, патрульдеуге қайта кірісті.

 Қызылордада полицейлер қария мен немересін өрттен құтқарды

<a href="https://kyzylorda-news.kz/">Kyzylorda-news.kz</a> &nbsp;2025 жылдың 16 мамырында Қызылорда қаласында қоғамдық тәртіпті сақтау бойынша қызмет атқарып жүрген ҚР ІІМ Ұлттық ұланының 5547 әскери бөлімінің әскери қызметшілері қырағылық пен жанқиярлық танытып, қайғылы жағдайдың алдын алды.Шамамен 22:50-де «Арбат» аллеясында әскери жасақ бір топ азаматтың күмән туғызған әрекетіне назар аударды. Жасаққа абыржыған қыз жүгініп, жанында тұрған құрбысының талмасы ұстап жатқанын хабарлады. Әскери қызметшілер бірден кезекші бөлімге хабар беріп, жедел-жәрдем шақырды. Алайда зардап шеккен қыздың жағдайы өте ауыр екенін және өміріне араша болудың қажет екенін түсінді. Оқиға орнында болған медицина маманы жедел жәрдемді күтудің тым қауіпті екенін, қызды дереу ауруханаға жеткізу керектігін айтты.Патрульдік топтың бастығы лейтенант Әбілхан Ернұр жағдайды бағалап, уақыт жоғалтпау туралы шешім қабылдады. Ол зардап шеккен қызды патрульдік көлікпен жеткізу туралы бұйрық беріп, бұл міндетті автопатруль қызметшісі ефрейтор Таңатар Сұлтанайға жүктеді. Олардың жедел әрі үйлесімді әрекетінің арқасында қыз облыстық ауруханаға дер кезінде жеткізіліп, қажетті медициналық көмек көрсетілді.Қазіргі таңда оның жағдайы қанағаттанарлық деп бағалануда.<span style="background-color:rgb(255,255,255);color:rgb(68,68,68);font-family:Verdana, BlinkMacSystemFont, -apple-system, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;font-size:11px;">Фотодағы Оң жақта лейтенант Ернұр Әбілхан, сол жақта ефрейтор Сұлтан Таңатар, суретке түсірген лейтенант Жақсылық Берікұлы

Қызылордалық ұландықтар жас қыздың өмірін сақтап қалды

<a href="https://kyzylorda-news.kz/">Kyzylorda-news.kz</a> &nbsp;Қылмыскерлерді ұстауға көмектескен азаматтар марапатталады. Олар алғыс хатпен, бағалы сыйлықпен немесе ақшалай сыйақымен ынталандырылады.&nbsp;Бұл туралы&nbsp;<a href="https://stan.kz/endi-kilmiskerlerdi-ystauga-komektesken-kazakstandiktar-417922/">Stan.kz&nbsp;</a>ақпарат агенттігі хабарлайды.Енді көшеде күдікті әрекетті байқап, дер кезінде полицияға хабарлаған кез келген тұрғын сыйлыққа ие болуы мүмкін. Бұл – жаңа заң жобасында жазылған бастама. Осы арқылы құқықбұзушылықтың алдын алмақ.Бұрын тәртіпті сақтау тек полицияның құзырында болса, енді бұл іске мектеп, аурухана, бұқаралық ақпарат құралдарының қызметкерлері де тартылады. Қарапайым азаматтар да қоғамдық көмекші бола алады. Олар көшедегі тәртіпті бақылап, түсіндіру жұмыстарын жүргізеді. Сондай-ақ құқықбұзушылыққа бейім азаматтарды анықтауға көмектеседі.Марапаттау рәсімі үшін әкімдіктер жанынан арнайы комиссиялар құрылмақ. Олар үміткерлерді іріктеп, сыйақыны табыстау ісімен айналысады. Алайда қоғамдық көмекшілерге тұрақты жалақы қарастырылмаған.<blockquote>"Қоғамдық көмекшілерге ешқандай жалақы төленбейді. Заң жобасында бұл нақты көрсетілген. Тек сыйақы қарастырылған. Аудандық мәслихаттар жанынан арнайы комиссиялар жұмыс істейді. Ішкі істер министрлігі тұрақты түрде көмектескен азаматтардың тізімін комиссия мүшелеріне жолдайды. Ал сыйақының мөлшері мен берілу жиілігін жергілікті атқарушы органдар анықтайды. Мысалы, әкімдік тоқсанына бір рет сыйақы беру туралы шешім қабылдай алады. Бірақ тұрақты жалақы қарастырылмайды”, – деді ішкі істер министрінің орынбасары Игорь Лепеха.</blockquote>Фото: Pixabay.com

Енді қылмыскерлерді ұстауға көмектескен қазақстандықтар марапатталады

<a href="https://kyzylorda-news.kz/">Kyzylorda-news.kz</a> Айтып келмейтін апаттан сақтану күн тәртібіндегі басты – мәселе. Жыл басынан бері облыста 200 өрт оқиғасы тіркелген. Бұл өткен жылмен салыстырғанда 39-пайызға көбейген. Биыл өрт салдарынан 4 адам қаза болып, 9 адам жарақат алған. Өртті болдырмау, оның алдын бару барысында біршама жұмыстар жасалуда. Десе де, статистикаға көз жүгіртсек, былтырға қарағанда өрт салдары артқан. Бар мәселені тиісті сала мамандарына арта салу&nbsp;жарамас. Осы орайда ата-аналарға да сақтық шараларын ұстанып, балаларын қатаң бақылауға алу керегін айта кеткен жөн. Ойын баласы шырпы алып, кез келген жерге абайсызда тастай салудың салдары өртке әкеп соққан жағдайлар кездескені рас. Өкініштісі, балаларды үйге амалсыз қалдырып, сыртынан құлттап кетудің де өліммен аяқталып, жүрек ауыртатын жайттар осы уақытқа дейін кездесті. Бүгінде өрт салдарын азайту үшін не істемек керек? Осы төңірегінде сөз қозғайық... Тиісті сала мамандары айтқан ескертуді назарға алып, кеңесіне мән берейік...Өрттің тілсіз жау екені белгілі. Оның бір сәтте лаулап кетуі ғажап емес. Қазіргі таңда есік алдын тазалап, шөптерді өртеп тазалық жұмыстарын жасаймыз. Сақ болу керегін, газ пайдаланып, пеш жаққан сәтте қауіпсіздік шараларын назарға алу керек екенін төтенше жағдайлар басқармасы қызметкерлері айтып, түсіндірме жұмыстарын жүргізіп, ескерту шараларын өткізіп келеді. Дегенмен сала мамандарына құлақ түріп, ескертпесінен нәтиже шығарып жатқандар саны аз. Баланы қараусыз қалдыру салдары өрт орын алатын жағдайға ұласуы мүмкін. Тұрғындардың ашық от жағуы, оны бақылаусыз қалдыруы және балалардың от пен ойнауынан, қалдық сабан шөпке түскен сөндірілмеген темекі қалдығынан үлкен өрттің пайда болатынын белгілі. Біз жауапкершілікті сезініп, осы істерге мұқият болғанымыз жөн. Жақында өңірлік коммуникациялар қызметіне аталған сала мамандары келді. Олар қауіпсіз шараларына, өздері тарапынан жасалған жұмыстарға кеңінен тоқталды.<blockquote>&nbsp; – Өрт оқиғаларының басты себептерінің бірі адамдардың немқұрайлы қарауынан туындап жатады. Нақтырақ айтқанда, қоқысты өртеу кезінде бақылаусыз қалдыруынан, ақаулы тұрмыстық электр жабдықтарын қолдануынан, автокөліктерге уақытылы күтім жасамауынан, тұрмыстық газ қондырғыларының және газ баллондардың ақаулығынан, балалардың оттықпен ойнауы себептерінен пайда болуда. Осы себепті департамент тарапынан халық арасында күнделікті профилактикалық шаралар мен әртүрлі акциялар, рейдтер мен түсіндірме жұмыстары жүргізілуде. Одан бөлек өрттің алдын алу және жою алгоритмдер мен іс-қимыл жоспарлары бойынша жұмыстар атқарылып жатыр. Жыл басынан бері мобильді топтармен 134 рет рейдтік шара жүргізілді. Шара барысында әкімшілік құқық бұзушылық кодексінің 336,367,410-баптарына сәйкес 35 тұлғаға 1 553 410 теңге айыппұл салынды. Облыс аумағындағы өрт қаупті кезеңі тұрақты бақылауда, – деді облыстық ТЖД Мемлекеттік өрт бақылау басқармасының бастығы Асхат Оразбеков.</blockquote>Тұрғындардың өрт қауіпсіздігіне салғырт қарауының салдарынан өңірдегі өрт оқиғаларының саны азаймай тұр. Тіркелген өрттің басым бөлігі тұрғын үй секторларында, автокөліктер мен орман қоры аумағында орын алуда. Бұл туралы басқарма бастығы тоқталып өтті.&nbsp;<blockquote>&nbsp;– Өрттің басым бөлігі тұрғын үй секторында (118 өрт), автокөлікте (47), нысандарда (19), орман қоры аумағында (10)&nbsp;тіркелген. Жалпы облыс бойынша орман алқаптарында барлығы 10 428&nbsp; шақырымға минералды жолақтарын жүргізу жоспарланған, қазіргі таңда 7 625 шақырымға жүргізілді, - деді&nbsp;Асхат Оразбеков.</blockquote>Облыс аумағындағы өрт қаупті кезеңі тұрақты бақылауда.– Қала тұрғындарын өрт жағдайын назарға алып, жауапкершілікпен қарауды сұраймын. Өрт тілсіз жау. Қазір тұтанса, қазір-ақ лаулап кететіні анық. Сондақтан да абай болған жөн. Балаларға да сақ болған жөн. Оттықпен ойнап, арты қайғысыз жағдайға орын алып кету қиын емес. Біз өз тарапымыздан қолдан келген жұмысты істейміз. Өрт орын алған жерге уақытында барып, өрттің алдын алып, өшіруге барынша әрекет етеміз. Десе де сақтықта қорлық жоқ. Осыны түсінсек деймін, – дейді тиісті сала мамандар.&nbsp;<blockquote>Тілсіз келіп, тұтқиылдан тап беретін өртті алдын ала болжап білу мүмкін емес. Адам өмірі мен денсаулығына, қоршаған ортаға және материалдық құндылықтарға орны толмас зиян келтіретіні барлығымызға айдан анық. Әсіресе, дала және орман өртінің қауіпі жоғары. Алдын алуда да қиындықтар кездеседі. Сондықтан төтенше жағдайлар кезінде "101" немесе "112" нөмеріне қоңырау шалуды ұмытпаңыз!&nbsp;</blockquote>Мөлдір САБЫРЖАНФото: Нұрболат НҰРЖАУБАЙ

Тілсіз жаудан үнсіз қорғану немесе өртке неге селқос қараймыз?

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті бастығының бірінші орынбасары полиция полковнигі Серік &nbsp; Тоқтыбаев мектеп оқушыларымен кездесіп, қоғамдағы қауіпсіздік пен тәртіп тақырыбында дәріс оқыды.Әли Мүсілімов атындағы №101 мектеп-лицейінде өткен кездесуге Полиция департаментінің Есірткі қылмысына қарсы іс-қимыл және Киберпол басқармаларының қызметкерлері, сонымен қатар Есірткі құқық бұзушылығының профилактикасы жөніндегі кеңестің, «Аманат» партиясы жанындағы «Жастар Рухы» ЖҚ, «Қызылорда еріктілер» қоғамдық қорының мүшелері, Ардагерлер Кеңесінің төрағасы Әмірбек Шаймағамбетов қатысты.Полиция департаментінің ұйымдастыруымен өткізілген шараның ерекшелігі облыстың 100-ден астам мектебі онлайн форматта қосылды.Қазіргі таңда қоғам алдында тұрған өзекті міндеттердің бірі – кәмелетке толмағандар арасындағы құқық бұзушылықтың алдын алу, жасөспірімдер арасында қылмысты азайту, есірткі, лудомания, буллинг пен кибербуллингке қарсы іс-қимыл. Шара барысында осы өзекті тақырыптар төңірегінде сөз қозғалды.Полиция полковнигі Серік Әбдімәуленұлы жастар мен жасөспірімдер арасындағы қылмыстылық пен құқық бұзушылық, оның алдын алу тақырыбына кеңінен тоқталып, құқыққа қайшы әрекеттер жасағаны үшін әкімшілік және қылмыстық жауапкершілік қолданылатынын ескертті. Жасөспірімдерді қоғамдық тәртіпті қатаң сақтауға, бос уақыттарында пайдалы істермен айналысып, салауатты өмір салтын ұстануға кеңес берді. Сондай-ақ, ұлттың бүгіні мен ертеңінің негізі саналатын балалардың жарқын болашағының бастауы – олардың қауіпсіздігі екендігін атап өтті.Мектеп оқушылары полиция полковнигі С.Тоқтыбаевтың дәрісін қызыға тыңдап, өздерін толғандырған сұрақтарын қойды.

Қызылорда облысы Полиция департаменті бастығының бірінші орынбасары 100-ден астам мектептің оқушыларына дәріс оқыды

&nbsp; 2025 жылғы 16 мамырда Қызылорда қаласы, Сырдария өзенінің Сол жағалауында терроризмге қарсы Қызылорда облыстық жедел штабымен жекелеген жаттығу өткізу жоспарлануда.Оқу-жаттығу шаралары барысында терроризм тұрғысынан осал объектілерде терроризм актілерінің түрлі сценарийлеріне жедел жауап қайтару мәселелері қарастырылады.Осыған байланысты азаматтарды жүргізіліп жатқан іс-шараларға автокөлік пен халықтың қозғалысының ықтимал уақытша шектеулеріне түсіністікпен қарауға шақырамыз.Қауіпсіздік шараларын сақтауды және мемлекеттік орган қызметкерлерінің заңды талаптарын орындауды сұраймыз. Тек ресми ақпаратты басшылыққа алып, жалған мәліметтердің таралуына жол бермеулеріңізді сұраймыз.Терроризмге қарсы күрес жөніндегіҚызылорда облыстық жедел штабы

Қазақстан және Қызылорда облысының жаңалықтары: Құқық