<a href="https://kyzylorda-news.kz/">Kyzylorda-news.kz</a>&nbsp; Қызылорда облысында тергеушілер слеті өтті, - деп хабарлайды <a href="https://polisia.kz/qyzylorda-oblysynda-tergeushiler-sleti-otti/">Polisia.kz.</a>Қызылорда облысының прокуратурасы мен Қызылорда облысы полиция департаменті бірлесіп,&nbsp;тергеушілер слетін өткізді. Слетқа негізінен тергеу және анықтау саласының жас мамандары, Заң ғылымдарының докторы, профессор "Қазақстанның еңбек сіңірген қайраткері", ҚР Президенті&nbsp;жанындағы Адам құқықтары комиссиясының эксперты Е.О.Алауханов, Заң ғылымдарының кандидаты, аға оқытушы, ІІ дәрежелі "Айбын" орден иегері, Ішкі істер органдарының құрметті ардагері, "Қорқыт Ата" атындағы университетінің аға оқытушысы Ғ.С.Отарбаев, Болашақ&nbsp;университетінің Құқықтану мамандығының 3-4 курс студенттері, тергеушілер мен анықтаушылардың қатысуымен қылмыстық іс жүргізу барысында жүйелі түрде орын алатын проблемалық мәселелер талқыланды. Мақсат - &nbsp;қылмыстық істерді тергеудің&nbsp;проблемалық мәселелерін талқылау, тергеу сапасы мен қызметкерлердің біліктілігін арттыру.Іс-шараның бірінші кезеңін Қызылорда облысының прокуроры Р.Ожаров пен полиция департаментінің бастығы С.Ергешов ашып, қылмыстық істерді тергеудің жүйелі проблемалық мәселелеріне тоқталды және оларды тиімді шешу жолдарын ұсынды. Бірінші кезең&nbsp;қатысушылардың пікірлерін ашық айтып, қызу талқылау мен әділетті әрі тиімді тергеу тәжірибесін қалыптастыру туралы ортақ шешімге келуімен аяқталды. Слеттің екінші кезеңі Қызылорда облысы полиция департаментінің арнайы жаттығу алаңында жалғасын тапты.Бұл&nbsp;кезеңде тәжірибелі тергеушілер жас мамандарға Кибер саласындағы қылмыстардың орын алуы және оларды ашу жолдары, пәтерде орын алған кісі өлтіру қылмыстары бойынша оқиға орнын қарап-тексеруден мастер класс өткізді. Слет нәтижесімен қызметте елеулі жетістіктерге қол жеткізген тергеушілер Қызылорда облысы полиция департаменті бастығының "Алғыс хатымен" марапатталды. Тергеушілер слеті жыл сайын тергеушілер күні қарсаңында, яғни 6 сәуірде дәстүрлі түрде өткізілуде.

Қызылорда облысында тергеушілер слеті өтті

<a href="https://kyzylorda-news.kz/">Kyzylorda-news.kz</a> Мемлекет басшысының тапсырмасына сәйкес қоғамдық қауіпсіздікті қамтамасыз ету, отбасылық-тұрмыстық зорлық-зомбылықтың алдын алу бағытын одан әрі жетілдіру үшін Қызылорда облыстық полиция департаментінің жанынан Отбасына көмек көрсетудің бірыңғай орталығы ашылды.​Аймақ басшысы Нұрлыбек Нәлібаевтың қолдауымен жергілікті бюджеттен қаржы бөлініп, жұмысын бастаған орталықтың салтанатты ашылу рәсіміне облыс әкімінің бірінші орынбасары Данияр Жаналинов қатысты.<blockquote>​«Облыстық полиция департаментінің жанынан Отбасына көмек көрсетудің бірыңғай орталығын ашып отырмыз. Бұған дейін де өңіріміздің барлық ауданында, Қызылорда, Байқоңыр қалаларында отбасын қолдау, отбасылық жанжалдарды шешу және балалы әйелдерге уақытша баспана ұсынуға арналған «Отбасы орталықтары» ашылып, қызмет көрсетуде. Қала және аудан әкімдіктерінің үйлестіруімен, білім беру, денсаулық сақтау, ішкі істер органдарының қатысумен қиын жағдайға ұшыраған адамдарды (отбасыларды) ерте анықтау және оларға қолдау көрсету жөніндегі мобильдік топтар жұмысы жолға қойылған.</blockquote>Орталық қызметкерлері осы жылдың 1-тоқсанында 1257 азаматқа түрлі бағытта қолдау көрсетті. Алдағы уақытта да нәтижелі іс атқарылады деп сенім білдіреміз. Жаңа орталық жұмысына сәттілік тілейміз. Бұл отбасы игілігіне бағытталған маңызды қадам екені сөзсіз»,– деді Д.Жаналинов.Айта кетейік, орталықта тергеу, ювеналды полиция, әйелдерді зорлық-зомбылықтан қорғау тобы, сот орындаушылар, заң көмегін көрсетушілер, психолог, теолог, волонтер, медиатор және әлеуметтік қызметкерлерге арналған кабинеттер бар, қажетті құрал-жабдықтармен қамтылған.Мақсаты – тұрмыстық құқық бұзушылықтар мен қылмысты азайту, отбасын сақтап қалу үшін психологиялық, әлеуметтік, құқықтық тұрғыдан тегін әрі кешенді көмек көрсету. Әйелдер мен балаларға қарсы жасалатын ауыр қылмысты болдырмау, жәбірленушілердің полицияға деген сенімін арттыру. Сонымен қатар, кез келген құқық бұзушылыққа заң аясында баға берілетінін, полиция қорғауға әрқашанда дайын екенін түсіндіру, халыққа жеткізу.Орталықта алимент өндіруде, дінаралық қарама-қайшылықтардың шешімін табуда ұйымдастырушылық шаралар да атқарылады.Фото: Қызылорда облысы әкімінің баспасөз қызметі

Полиция департаментінің жанынан отбасына көмек көрсетудің бірыңғай орталығы ашылды

<a href="https://kyzylorda-news.kz/">Kyzylorda-news.kz</a> SIM-картаны үшінші тұлғаға бергені үшін әкімшілік жауапкершілік енгізілуі мүмкін. Бұл туралы цифрлық даму, инновациялар және аэроғарыш өнеркәсібі министрі Жаслан Мәдиев мәлімдеді, деп хабарлайды&nbsp;<a href="https://www.paryz.kz/">paryz.kz</a>.Қазіргі кезде министрлік осы мәселе бойынша ұсыныстарды жинап жатыр. «Бұның барлығы әлі қаралып жатыр, нақты шешім жоқ. Біз ұсыныстарды жинап жатырмыз. Қылмыстық жауапкершілік болмайды. Бәлкім, әкімшілік айыппұл болатын шығар», – деді Мәдиев мәжілісте өткен брифингте.Осы орайда министр «үшінші тұлға» ұғымына түсініктеме берді. Ол – SIM-карта иесімен байланысы жоқ адам.«Әзірше айыппұлдың нақты көлемін айта алмаймыз. Меніңше, биыл тиісті ұсынысты енгіземіз», – деп атап өтті Мәдиев.Айта кетері, үкіметтің кешегі отырысында SIM карталарды сатудың жаңа тәртібі енгізілетіні туралы айтылған болатын.&nbsp;

Елімізде тағы бір айыппұл енгізілуі мүмкін

<a href="https://kyzylorda-news.kz/">Kyzylorda-news.kz</a>&nbsp; &nbsp;Елімізде жүргізуші куәлігіне емтихан тапсыру процесі жаңа технологиялармен жаңартылмақ. Қазіргі уақытта қосымша нақтылық (AR) және компьютерлік көру жүйелері енгізілуі жоспарланған. Бұл жаңашылдықтар емтихан тапсыру кезінде бақылауды нығайтып, үдерісті автоматтандыруға мүмкіндік береді, деп хабарлайды&nbsp;<a href="https://egemen.kz/">Egemen.kz</a>.Бұдан басқа, еуропа елдерінің табысты тәжірибесі негізінде емтихандарды қабылдау тәртібі, сондай-ақ көлік құралдарын тіркеу рәсімі қайта қаралатын болады.«Өткен жылы көлік құралдарын тіркеу саласында 3 млн қызмет көрсетілді. Сатып алу-сату шарттарына электрондық қол қою, мемлекеттік тіркеу белгілерін жедел дайындау, автосақтандыру сияқты іс-шаралар жүргізілді. Біз құжаттарды рәсімдеу жөніндегі мемлекеттік корпорацияның платформасын іске қосуды, биометриялық сәйкестендіру және автокөлік тарихын тексеру сервистерін іске асыруды жоспарлап отырмыз», деді «Азаматтарға арналған үкімет» КЕАҚ басқарма төрағасы Арман Кенжеғалиев.Фото: gov.kz

Жүргізуші куәлігіне емтихан тапсыру жүйесі жаңартылады

<a href="https://kyzylorda-news.kz/">Kyzylorda-news.kz</a>&nbsp; Ішкі істер министрлігі «Заң және Тәртіп» принципіне сәйкес есірткі қылмысымен күресті жалғастыруда, деп хабарлайды <a href="http://polisia.kz/?fbclid=IwZXh0bgNhZW0CMTAAAR0lvGEHd53OGkmx587gXkPBva3WzAuxucdkXYIPiCLi6lTHVZ_zeMyN6J8_aem_tSMoioAVru0YZmDNXdDkTw">Polisia.kz.</a>Үш айда республика бойынша 69 есірткі зертханасы жойылды. 18 ұйымдасқан қылмыстық топтың жолы кесілді. Үш тоннадан астам есірткі заттары тәркіленді. Оның ішінде: 250 кг синтетика 1 тонна 642 кг марихуана 238 кг гашиш 322 грамм героин.<blockquote>– Жыл басынан бері 1425 адам ұсталды. Оның ішінде 76 әйел, 23 жасөспірім және 9 шетел азаматы. Есірткі қылмысын анықтау және жолын кесу бойынша жұмыс жалғасуда, – деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.</blockquote>

ІІМ: Үш айда республика бойынша 69 есірткі зертханасы жойылды

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясы Қызылорда облыстық филиалы өз қызметкерлерін таныстыруды бастадық. Арнайы айдарымыздың алғашқы кейіпкері – Ізтелеуова Индира Жұбанышбайқызы.Индира Жұбанышбайқызы 10 жылдан астам уақыт мемлекеттік қызметтерді көрсетіп келеді. Оның негізгі міндеті – қағаз жүзінде қабылданған құжаттарды тексеріп, өңдеу. Күн сайын 100-ден аса құжатпен жұмыс жасайтын жауапты маман өз ісіне аса мұқият қарап, халыққа сапалы қызмет көрсетуге барын салуда.Қызметімен қатар, ол – төрт баланың анасы, отбасылық өмір мен жұмысты қатар алып жүретін жан. Өзінің еңбекқорлығы мен кәсібилігінің арқасында әріптестері арасында құрметке ие.

Халыққа қызмет – абыройлы міндет

<a href="https://kyzylorda-news.kz/">Kyzylorda-news.kz</a> Бүгін Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлының, ішкі істер органдары ардагерлерінің, департаменттің және қалалық полиция басқармасы жеке құрамының қатысуымен жазғы киім үлгісіне ауысу рәсіміне арналған саптық байқау өтті, деп хабарлайды <a href="https://www.facebook.com/qyzylorda.pd?__tn__=-UC*F">Qyzylorda PD</a>.Қызылорда қаласындағы Тағзым алаңында жеке құрам саптық байқауға тұрғызылды. Саптық байқауды Арнайы және жұмылдыру даярлық басқармасының бастығы полиция полковнигі Балдақов Марат басқарды.Саптық байқау барысында қызметкерлердің сыртқы түр-сипаты, үлгілік киімі, қызметтік куәліктерінің, айырым белгілерінің талаптарға сай болуы тексерілді. Сондай-ақ, полиция қызметкерлерінің ұқыптылығы мен жинақылығы, шаш үлгісі, киімінің мұнтаздай тазалығы басты назарға алынды.Одан әрі саптық байқау жас қызметкерлердің ант қабылдау рәсіміне ұласты. Полиция қатарына жаңа қосылған 20 жас маман қызметті адал және абыроймен атқаруға, Қазақстан Республикасы азаматтарының құқығы мен бостандықтарын қорғауға салтанатты түрде ант берді. Полиция департаменті бастығының орынбасары полиция полковнигі Омаров Оралбек полиция қызметкерлерінің қатарын толықтырған әскери қызметкерлерді ант қабылдауларымен құттықтап, оларға сәттілік тіледі. Жас буынды айтулы күндерімен ішкі істер органдары ардагерлерінің атынан Қалалық ардагерлер кеңесінің төрағасы Алмағанбетов Жақсылық құттықтап, азаматтық борыштарын абыроймен атқаруларына тілектестік білдіріп, ыстық ықыласын жеткізді.Жазғы киімге ауысу рәсіміне арналған жиын қызметкерлердің шеруімен аяқталды.Фото: Qyzylorda PD

Қызылордалық полицейлер жазғы киім үлгісіне көшті

<a href="https://kyzylorda-news.kz/">Kyzylorda-news.kz</a> Жуық арада ғана Ақтөбе облысымен Қазалы ауданының арасында жаңа жолаушылар пойызы бағыты ашылған болатын.Бүгін Ақтөбе-Қазалы бағытындағы №630 жолаушылар пойызы Қазалы теміржол вокзалына келіп тұрақтады. Қазалылықтар жаңа жолаушылар пойызының алғашқы жолаушыларын ерекше құрметпен күтіп алып, жолаушыларға мерекелік көңіл-күй сыйлады. Аудан өнерпаздары әсем әннен шашу шашып, қазақы дәм ұсынды.Теміржол вокзалында өткен ерекше шараға аудан әкімінің орынбасары Мұрат Әбсұлтанов, Жәнібек Алиев және теміржол мекемелерінің басшылары қатысып, жаңа жолаушылар пойзының ашылуымен құттықтады. Сондай-ақ бұл аудан тарихындағы алғашқы жағдай екенін жеткізді.Жолаушылар пойызына бастапқы кезеңде 6 вагон тіркеледі: үш купе және үш плацкарт. Алдағы уақытта жолаушылар ағыны көбейген жағдайда тағы төрт және одан да көп вагон қосу жоспарланып отыр.Енді Қазалыдан Қазалы-Ақтөбе бағытындағы №629 пойыз тақ күндері сағат 18:20-да жөнелтіледі және келесі күні Ақтөбеге сағат 07:34-те жетеді. Ал, «Ақтөбе – Қазалы» бағыты бойынша № 630 пойыз жұп күндері сағат 22:25-те жүреді. Келесі күні Қазалы теміржол вокзалына сағат 11:32-де жетеді.<img src="https://knadmin.beoblood.kz/uploads/A_t_be_azaly_ba_ytynda_y_zha_a_zholaushylar_pojyzy_azaly_a_t_ra_tady_3b05133165.webp" alt="«Ақтөбе-Қазалы» бағытындағы жаңа жолаушылар пойызы Қазалыға тұрақтады.webp">Фото: Қазалы ауданы әкімінің баспасөз қызметі

«Ақтөбе-Қазалы» бағытындағы жаңа жолаушылар пойызы Қазалыға тұрақтады

<a href="https://kyzylorda-news.kz/">Kyzylorda-news.kz</a> Қызылорда облысында пробация қызметінің есебіндегі сотталғандармен тұрақты түрде профилактикалық жұмыстар жүргізілгеніне қарамастан, кейбір азаматтар сот жүктеген міндеттерді орындамай, жаза өтеу тәртібін қаскөйлікпен бұзып, түзеу мекемесіне қайта жіберілуде.Солардың &nbsp;бірі Қармақшы аудандық пробация есебіндегі А. есімді азамат бұған дейін сот үкімімен ұрлық бабы бойынша кінәлі деп танылып, 4 жыл мерзімге бас бостандығын шектеу жазасы тағайындалған. Оған пробациялық бақылау белгіленіп, тұрғылықты мекен-жайында болуын қадағалау мақсатында электронды бақылау құрылғысы тағылған.Алайда, пробация инспекторлары тарапынан бірнеше рет ескерту жасалып, жаза өтеу тәртібі мен міндеттері түсіндірілгеніне қарамастан, ол кешкі 22:00-ден кейін тұрғылықты мекен-жайында болмаған. Электронды құрылғы арқылы оның 3 рет жаза өтеу тәртібін бұзғаны және 2 рет әкімшілік құқықбұзушылық жасағандығы анықталып, осыған байланысты пробация қызметі оны бас бостандығынан айыру туралы сотқа ұсыныс жолдады.Нәтижесінде, сот оның жазасының өтелмеген бөлігін – 3 жыл 7 ай 16 күн мерзімін бас бостандығынан айыру жазасына ауыстырып, түзеу мекемесіне жіберу туралы шешім қабылдады. Қазіргі таңда ол қауіпсіздігі орташа&nbsp;түзеу мекемесінде жазасын өтеп жатыр.2025 жылдың алғашқы үш айында Қызылорда қалалық және аудандық пробация қызметінің есебіндегі 19 сотталған жаза өтеу тәртібін бұзғаны үшін сот шешімімен бас бостандығынан айырылып, жазасын түзеу мекемесінде одан әрі өтеуге жіберілді.Фото: freepik.com

Қызылордада жаза өтеу тәртібін бұзған сотталған түзеу мекемесіне жіберілді

<a href="https://kyzylorda-news.kz/">Kyzylorda-news.kz</a> Шараның негізгі мақсаты - облыс көлемінде құқықтық тәртіпті қамтамасыз ету. Сондай-ақ көшелерде, басқа да қоғамдық орындарда кәмелетке толмағандардың арасында және оларға қарсы жасалатын қылмыстарды, оның ішінде бұзақылықты болдырмау. Тәртіп бұзушылықты болдырмау мақсатында арнайы рейдтік жұмыстар жүйелі жүргізілген. Шараның нәтижесін облыстық ПД Жергілікті полиция қызметі басқармасының бастығы Ердәулет Жаукеев мәлімдеді.<blockquote>- Іс-шара барысында қалалық Полиция басқармасы мен барлық аудандық полиция бөлімдерінің қызметкерлері жастар ресурстық орталық өкілдері, педагогикалық ұжымды тарта отырып, балалардың қадағалаусыз және панасыз қалуының алдын алу, кәмелетке толмағандарды түнгі уақытта ойын-сауық орындарында және үй-жайдан тыс жүргендерін анықтау мақсатында рейдтік іс-шаралар ұйымдастырды. Іс – шараның қорытындысымен барлығы 296 түрлі әкімшілік хаттамалар ресімделсе, 11 кәмелетке толмаған ішкі істер органдарының есебіне алынды. Түнгі уақытта заңды өкілдерінің еріп жүруінсіз ойын-сауық мекемелерінде болған барлығы 235 кәмелетке толмаған анықталып, олардың заңды өкілдеріне хаттама толтырылды. Ішкі істер органдарының есебіне барлығы 11 жасөспірім алынса, ал кәмелетке толмағандарды тәрбиелеу, оқыту және бағып-күту жөніндегі өздерінің міндеттерін орындамайтын, олардың мінез-құлқына теріс әсер ететін кәмелетке толмағандардың ата-аналары мен заңды өкілдерінің профилактикалық есебіне барлығы 13 ата-ана алынды. Кәмелетке толмағандармен және оларға қарсы жасалатын құқықбұзушылықтардың алдын алу бағытындағы жұмыстар жалғасуда,- деді Ердәулет Баянбайұлы.</blockquote><img src="https://knadmin.beoblood.kz/uploads/Brifing_02_04_6d12a4e52e.jpg" alt="Брифинг 02.04.jpg">Фото: Нұрболат Нұржаубай

"Көктемгі демалыс" жедел профилактикалық шарасы өтті

<a href="https://kyzylorda-news.kz/">Kyzylorda-news.kz</a> Ішкі істер министрлігі жүйелі түрде азаматтардың құқықтарын қорғауға бағытталған заңнамалық және ұйымдастырушылық шараларды қабылдап, сондай-ақ қоғамда "Заң мен Тәртіп" қағидатын нығайту бойынша жұмыстарын жалғастыруда.Қазіргі заманғы цифрлық шешімдерді белсенді пайдалану, жастардың құқықтық санасын қалыптастыруға бағытталған ауқымды жұмыстар, сондай-ақ ішкі істер органдарындағы кадрлық әлеуетті арттыру қылмыс пен құқық бұзушылықтардың алдын алу ісінде маңызды рөл атқарды.2025 жылдың басынан бастап республика бойынша тәртіп сақшылары 3,7 млннан астам әкімшілік құқық бұзушылықты анықтады, оның 3,2 млн жол жүрісі қағидаларын бұзу фактілері. Жол ережесін бұзғаны үшін полиция қызметкерлері 5 417 "мас" жүргізушіні ұстады. Заң бұзған 116 004 жаяу жүргіншіге айыппұл салынды.2024 жылы Мемлекет басшысының тапсырмасы бойынша әйелдердің құқықтарын қорғау және балалардың қауіпсіздігін қамтамасыз ету мәселелері бойынша заң қабылданды. 16 жасқа толмаған адамдарға жыныстық сипатта тиісу және өз-өзіне қол жұмсауға үгіттеу үшін қылмыстық жауапкершілік қарастырылды. Сонымен қатар балаларды автобустардан түсіруге тыйым салынды. Буллинг үшін әкімшілік жауапкершілік көзделді. Тұрмыстық зорлық-зомбылық үшін жауапкершілік күшейтіліп, денсаулыққа жеңіл зиян келтіру және ұрып-соғу қылмыстық құқық бұзушылық ретінде қарастырылды. Отбасылық-тұрмыстық қатынастар саласында 710 қылмыстық құқық бұзушылық тіркелді. Ішкі істер министрлігінде әйелдер мен балаларды қорғауға бағытталған арнайы бөлімшелер жұмысын бастады.Сондай-ақ әрбір білім беру мекемесіне ювеналды полиция қызметкерлері, учаскелік инспекторлар мен криминалдық полицияның жедел уәкілдері бекітілді. Олар балалар мен олардың ата-аналарына құқықтық сауаттылықты арттыру бойынша профилактикалық жұмыстар жүргізеді.Мектеп оқушылары мен студенттер арасында заңсыз әрекеттерді анықтау және алдын алу жұмыстарына ерекше назар аударылады.Биыл барлық мектептер мен колледждерде "111" республикалық байланыс орталығына жедел түрде хабарласуға мүмкіндік беретін QR-кодтар енгізілді, мұнда құқықтық, ұйымдастырушылық және психологиялық көмек көрсетіледі. Білім беру мекемелерінің кіреберістерінде полиция қызметкерлерінің байланыс деректерімен анонимді шағымдар үшін ақпараттар орналастырылған.Соңғы жылдары цифрлық технологиялардың жылдам дамуына байланысты интернет-кеңістігінде заңсыз контенттің таралуын тоқтату маңызды міндеттердің біріне айналды. Жыл басынан бері есірткілерді жарнамалайтын 7 мыңнан астам сайт, экстремистік мазмұнды 2 мыңнан астам контент және интернет-алаяқтық белгілері бар 28 мыңнан астам ресурс анықталды.Барлық аталған шаралар азаматтардың конституциялық құқықтарын қорғауға, заңның үстемдігін қамтамасыз етуге және құқық тәртібін сақтауға бағытталған.Айта кету керек, 2025 жыл Ішкі істер министрлігі тарапынан "Құқық бұзушылықтардың алдын алу жылы: полиция "Заң мен Тәртіп" күзетінде" деп жарияланды. Негізгі мақсат – қылмыстардың алдын алу, олардың жасалуына ықпал ететін себептер мен жағдайларды жою.Фото: Нұрболат Нұржаубай

Құқық бұзушылықтардың алдын алу жылы: азаматтардың қауіпсіздігін қамтамасыз ету бойынша ІІМ шаралары

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласының №2 соты 2023 жылдың желтоқсанында күш қолдану арқылы өз көлігінде облыс орталығының тұрғынын қала сыртына алып шығып, оған өлтіру қатерін төндірумен 1 миллион теңге талап еткен қылмыстық топтың 4 мүшесіне қатысты Республикасының Қылмыстық кодексінің 194-бабының 2-бөлімінің 1) және 2) тармақтарымен айыптау үкімін шығарды.Облыс прокуратурасының үйлестіруімен қылмыстық топтың барлық мүшелері мен орналасқан жерлері анықталып, оларды ұстау шаралары қабылданды.Барлық ұсталған тұлғалар бұрын ауыр қылмыстар жасағаны үшін сотты болған. Ұстау кезінде қылмыстық топтың бір мүшесінен атыс қаруы мен оған оқ-дәрілер табылып, алынды.Сотпен 3 айыпталушыға 6 жылға бас бостандығынан айыру, ал қылмыстық топтың бір мүшесіне шынайы өкінуіне байланысты 3 жыл 6 айға бас бостандығынан айыру жазасы тағайындалды.Фото: Нұрболат Нұржаубай

Қазақстан және Қызылорда облысының жаңалықтары: Құқық