<a href="https://kyzylorda-news.kz/">Kyzylorda-news.kz.</a> Қызылорда облысы Шиелі ауданының 23 жастағы тұрғыны жоғалып кетті.
Ол Телікөл аумағына балық аулауға шыққан. Сол жақтан Қызылорда қаласына баратынын айтып жолға шығып кеткен. Содан бері хабарсыз.
<blockquote>
 «Бұл бағытта іздестіру жұмыстары жалғасуда. Әзірге нәтиже берген жоқ», – деп мәлім етті Қызылорда облыстық Төтенше жағдайлар департаменті Өрт сөндіру және апаттық-құтқару жұмыстары қызметінің баспасөз хатшысы Әлия Ережепова.
</blockquote>
Айта кетейік, осы уақытқа дейін облыста белгілі кәсіпкер <a href="https://kyzylorda-news.kz/oqigalar/qyzylordada-belgili-kaesipker-zhoghalyp-ketti-45224/">Тынымбай Баженовтің де жоғалып кеткенін</a> хабарлаған болатынбыз. Бірақ, 1 айға жуық уақыт өтсе де кәсіпкер әлі күнге дейін <a href="https://kyzylorda-news.kz/kogam/qyzylordalyq-kaesipker-aeli-tabylmaj-zhatyr-45310/">табылған жоқ</a>.

Қызылордада 23 жастағы тұрғын жоғалып кетті

<a href="https://kyzylorda-news.kz/">Kyzylorda-news.kz.</a> Кеше сағат 22:12-де Қызылорда облысы Шиелі ауданындағы орталық базарда орналасқан көкөніс дүкені өртенді.
Аудан орталығындағы аумағы 450 шаршы метр болатын дүкеннен өрт шығып, оқиға орнына Шиелі аудандық төтенше жағдайлар бөлімі жедел жетіп, барлау жұмыстарын жүргізді.
<blockquote>
 «Дүкен толықтай өртке оранған. Өртті оқшаулауға өрт сөндіру қызметінен 30 қызметкер және 4 бірлік автокөлік жұмылдырылды. Өрт сөндірушілердің біріккен іс-қимылының арқасында тілсіз жау оқшауланды. Зардап шеккендер жоқ. Өрттің шығу себебі мен шығыны анықталу үстінде», – деп мәлім етті Қызылорда облыстық Төтенше жағдайлар департаменті өрт сөндіру және апаттық-құтқару жұмыстары қызметі.
</blockquote>

Қызылордада дүкен өртке оранды

<a href="https://kyzylorda-news.kz/">Kyzylorda-news.kz.</a> Қызылордада тұрғын үйден шыққан өрттен бір адам көз жұмды.
Кеше сағат 18.50 шамасында Шілдебаев көшесі бойындағы тұрғын үйден өрт шыққан. Сол уақытта 112 құтқару қызметіне қоңырау түсіп, өрт сөндіру қызметінің жеке құрамы іске кірісті.
Барлау жұмыстары барысында өрт тұрғын үйдің ас бөлмесінен шыққаны анықталды. Өртті оқшаулау барысында газ түтінінен үй ішінде ес-түссіз жатқан 1983 жылғы азаматтың бар екені белгілі болды.
<blockquote>
 «Құтқарушылар көмегімен бірінші топ мүгедегі қауіпсіз жерге шығарылды. Бұл азамат жедел жәрдем мамандары қарауынан кейін көз жұмды. Өртті сөндіруге төтенше жағдайлар департаментінен 6 техника, 25 қызметкер жұмылдырылды. Өрт салдарынан тұрғын үйдің асхана бөлмесіндегі тұрмыстық заттары мен төбе жабыны толық жанған», – деп мәлім етті Қызылорда облыстық Төтенше жағдайлар департаментінің баспасөз қызметі.
</blockquote>
<img src="https://kyzylorda-news.kz/wp-content/uploads/2020/02/24ortten2.jpg" alt="" />

Қызылордада тұрғын үйден өрт шығып, бір адам көз жұмды

<a href="https://kyzylorda-news.kz/">Kyzylorda-news.kz.</a> Қызылорда қаласында адам өліміне қатысты күдікті ұсталып, қамалды. Бұл туралы Қызылорда облысының Полиция департаментінің баспасөз қызметі хабарлады.
Қызылорда қаласы «Ақмешіт» мөлтек ауданында адам мәйіті табылды.&nbsp; Тәулік ішінде жедел-іздестіру шараларының нәтижесінде қылмысқа қатысы бар 44 жастағы облыс орталығының тұрғыны анықталып, ұсталды.
Күдікті Қызылорда қалалық Полиция басқармасының уақытша ұстау абақтысына қамалды. Бұл оқиға қатысты сотқа дейінгі тергеп-тексеру амалдары жүргізілуде.
Қалған мәліметтер тергеу құпиялығына байланысты жария етілмейді.

Қызылордада адам өліміне күдікті азамат ұсталды

<a href="https://kyzylorda-news.kz/">Kyzylorda-news.kz.</a> Бүгін Қарағанды облысының қылмыстық істер бойынша мамандандырылған ауданаралық сотында қорықшы Ерлан Нұрғалиевті өлтіргендерге қатысты сот үкімі шықты.
Ерлан Нұрғалиевті өлтіру әрекетіне қатысты сот тыңдауы Қарағандыда 2019 жылдың тамыз айында басталды. Қылмыстық іс 40 томнан тұрады, тыңдауға 80-нен астам куәгер қатысты. Сотталушылар орындығында Берік Ахметов, Нұрлан Шүкілдіков және Қайрат Ақшанов отырды.
Осыған дейінгі сот тыңдауында прокурор барлық үш айыпталушыға өмір бойына бас бостандығынан айыру жазасы берілсін, оны айыпкерлер қауіпсіздігі ерекше колонияда өтесін деп сұраған болатын.
Қылмыстық істер жөніндегі мамандандырылған ауданаралық сотының судьясы Қайрат Қасымов прокурордың талап-арызын қанағаттандырып, сот үкімімен Берік Ахметов, Қайрат Ақшанов және Нұрлан Шүкілдікұлының өмір бойы бас бостандығынан айыру жазасына кесілгендігін айтты.
Осы іске қатысы бар тағы төрт азамат: Берден Базаров, Батырбек Қайырбеков, Жарасхан Мырзабаев және Айдос Әкімовке қатысты қылмыстық істі сотқа дейінгі тергеу органдары тоқтатқан болатын. Алайда Ерлан Нұрғалиевтің баласының адвокаты екіжақты пікірталас барысында бұл шешіммен келіспейтінін, осыған байланысты жеке қаулы шығарып, қылмысты жасыру мен ол туралы құзырлы органдарға дер кезінде хабар бермеу бабы бойынша қылмыстық тергеуді қайта бастауды сұраған болатын.
Осылайша, жоғарыда аталған 4 азамат 6 жылға бас бостандығынан айырылды. Олар жазасын қылмыстық атқару жүйесінің қауіпсіздігі орташа мекемесінде өтейтін болады.
Осыған дейінгі отырыста жәбірленуші тарапының қорғаушысы 20 млн. теңге моральдық шығын және 9 миллион 137 мың 600 теңге көлемінде материалдық шығын келтірілгенін атап өтті. Сонымен қатар, сотталушы 17 ақбөкен үшін өтемақы төлеуге тура келеді – бұл 89 миллион теңге.
Сот үкімі оқылып болған соң 7 азаматтың барлығын сот залынан алып кетті.
Естеріңізге сала кетейік, 13 қаңтарда Теңіз көлінен оңтүстік-батыс бағытта орналасқан «Ақ қошқар» бөгетінің маңында «Охотзоопром» мемлекеттік кәсіпорнының инспекторлары Ницык пен Нұрғалиев бес ақбөкенді өлтірген браконьерлердің ізіне түскен болатын. Көп ұзамай олар мемлекеттік нөмірі жоқ екі жол талғамайтын көлікті қуып жеткен.
Іздеріне түскенін байқаған көліктегілер жасырынуға тырысқан, бірақ олардың біреуі тоқтауға мәжбүр болған. Браконьерлер инспекторларға шабуыл жасап, оның соңы төбелеске ұласқан. Оқиға салдарынан Ерлан Нұрғалиев оқтан жараланып, ауыр бас сүйек-ми жарақатын алған – <a href="https://oldkaz.kyzylorda-news.kz/news/kogam/25572-oryshyny-ltrd-degen-kdktn-kes-halytan-keshrm-srady.html">қорықшы қайтыс болды</a>. Шабуылдаушылар оның әріптесі Петр Ницыктің жағын сындырып, бірнеше пышақ жарақатын салған. Қылмыскерлер қашып үлгерген.
Айта кетейік, осы іске қатысы бар, қылмысты жасыру мен ол туралы құзырлы органдарға дер кезінде хабар бермеу бабы бойынша 6 жылға бас бостандығынан айырылып, жазасын қылмыстық атқару жүйесінің қауіпсіздігі орташа мекемесінде өтейтіндердің бірі Жарасхан Мырзабаевтың бұрын <a href="https://oldkaz.kyzylorda-news.kz/news/kogam/31514-oryshy-lm-sottalushylardy-br-yzylordaly-eks-policey-bolyp-shyty.html">Қызылорда облыстық жол полициясының аға инспекторы болып жұмыс істегенін</a> бұған дейін хабарлаған болатынбыз.
<img src="https://kyzylorda-news.kz/wp-content/uploads/2020/02/21korykshyny2.jpg" alt="" />

Қорықшыны өлтіргендер өмір бойына бас бостандығынан айырылды: сотталушылардың бірі – қызылордалық экс-полицей

<a href="https://kyzylorda-news.kz/">Kyzylorda-news.kz.</a> Қызылорда қаласындағы ЗК-169/5 мекемесінің дерегінше мекеме аумағында тұрған автокөліктен есірткі табылған. &nbsp;
<blockquote>
 «Қызылорда қалалық полиция басқармасының есірткіге қарсы күрес бөлімінің&nbsp; қызметкерлері мен жедел тобын шақырта отырып, көлікті тінту барысында артқы орындығынан 20-граммдық 4-дана шприцке нығыздалып салынған жасыл түсті шөп тектес зат табылды.&nbsp; Сот-химиялық&nbsp; сараптамасының қорытындысына сәйкес тәркіленген заттың «кептірілген марихуана» екені анықталды», – делінген мекеменің таратқан хабарламасында.
</blockquote>
Аталған факті бойынша ҚР ҚК-нің 296-бабы 2-бөлігімен сотқа дейінгі тергеп- тексеру амалдары жүргізіліп жатыр.
<img src="https://kyzylorda-news.kz/wp-content/uploads/2020/02/21esirtki2.jpg" alt="" />

Қызылордадағы түзеу мекемесінің аумағында тұрған көліктен есірткі табылды

<a href="https://kyzylorda-news.kz/">Kyzylorda-news.kz.</a> Қызылордалық полицейлер пәтерге заңсыз кіріп, ашықтан-ашық пәтер тонаған қала тұрғынын ұстады.
Түскі уақытта белгісіз адам облыс тұрғынының үйіне заңсыз кiріп, ақшасы мен зергерлік бұйымдарын ашықтан-ашық тартып алып, оқиға орнынан бой тасалаған. Жәбірленушіге келтірілген шығын 209 000 теңгені құрайды.
<blockquote>
 «Тәртіп сақшыларымен жүргізілген жедел-іздестіру шараларының нәтижесінде бұрын сотты болған облыс орталығының 32 жастағы тұрғыны, құрықталып, кінәсін толығымен мойындады. Оның іс-әрекеті Қылмыстық кодекстің 191- бабымен (Тонау) сараланып, айыптау актісімен сотқа жолданды. Соттың үкімі негізінде айыпталушыға 5 жыл мерзімге бас бостандығынан айыру жазасы тағайындалды. Сот жәбірленушіге келтірілген шығынды заңмен белгіленген тәртіппен өтеуді міндеттеді», – делінген полиция департаменті баспасөз қызметінің хабарламасында.
</blockquote>

Қызылордада пәтер тонаушы 5 жылға сотталды

<a href="https://kyzylorda-news.kz/">Kyzylorda-news.kz.</a> Қызылорда қаласындағы ЗК-169/1 мекемесіне келуші сотталған танысына есірткі затын өткізбек болды.
Қала тұрғынының бұл әрекетін режим және күзет бөлімінің қызметкерлері әшкереледі.
<blockquote>
 «ҚАЖ мекемесінде отырған тергеу-қамауындағы азаматқа келген танысының сәлем-сауқатынан 1 литр ыдысқа құйылған айранның ішінен 2 дана полиэтилен пакетке оралған зат табылды. Сот-химиялық&nbsp; сараптамасының қорытындысына сәйкес тәркіленген заттың «кептірілген марихуана» екені анықталды», – деп мәлім етті Қызылорда облысы бойынша ҚАЖ департаментінің баспасөз қызметі.
</blockquote>
Аталған факті бойынша ҚР ҚК-нің 297-бабы 1-бөлігімен сотқа дейінгі тергеп-тексеру амалдары жүргізіліп жатыр.
<img src="https://kyzylorda-news.kz/wp-content/uploads/2020/02/18esirtki2.jpg" alt="" />

Қызылордада тергеу изоляторына есірткі өткізбек болған азамат ұсталды

<a href="https://kyzylorda-news.kz/">Kyzylorda-news.kz</a> ақпарат агенттігіне Қызылорда қаласының тұрғыны Мөлдір Жарылғанова хабарласып, оның күйеуі – белгілі кәсіпкер Тынымбай Баженовтің жоғалып кеткенін хабарлап, іздеу жұмыстарына көмек көрсетуімізді сұрады.
Мөлдір Жарылғанованың айтуынша, кәсіпкер Тынымбай Баженов үстіміздегі жылдың 15 ақпаны күні таңғы сағат 05:00-де Орталық стадионның маңында жоғалып кеткен.
Кәсіпкер күн сайын таңғы 05:00-06:00 аралығында Орталық стадионда спортпен айналысып, жүгіруді әдетке айналдырған көрінеді.
<blockquote>
 – Күйеуім Тынымбай Баженов сол 15 ақпан күні таңғы сағат 05:00-де Орталық стадионға күндегі әдетінше жүгіруге кеткеннен оралмады. Бүгінгі таңда полицияға хабарласып, іздеу жарияладық. Барлық әлеуметтік желілерге хабарландыру бердік. Бірақ, әзірге еш нәтиже жоқ. Сіздерге де ақпараттық қолдау сұрап хабарласып отырмыз. Күйеуімді көрген білген-жандар болса, бір хабарын беруін сұраймыз. Сүйіншісі бар, – дейді М. Жарылғанова.
</blockquote>
Ал, <a href="https://m.facebook.com/photo.php?fbid=887175871712922&id=100012615517766&set=p.887175871712922">Серик Еримбетов есімді «Facebook» қолданушысы</a> өзінің жазбасында кәсіпкер Тынымбай Баженовті іздеу жұмыстарына бүкіл қызылордалықтарды көмекке шақырды.
<blockquote>
 – Кеше жоғалған Тынымбай Баженов ағамыз әлі іздестірілуде. Соңғы жаңалықтар: Тәуелсізідк-Есенов көшелері қиылысында (набережка, Мұз айдыны артында, пешеход-зебра) автокөліктің бордюр үстіне шыққан ізі бар. Джипп көлігі болуы мүмкін. Бұл бағытта барша Ішкі істер департамент қызметі жұмыстарын атқарып жатыр. Барлық үлкен ағаларымыз, туыстары, белгілі азаматтар атсалысып жүр. Осы постты бүкіл еріктілерге, авто-еріктілерге, қызылордалықтарға арнаймын. Тәуелсіздік көшесі бойындағы бүкіл үйлерді, ғимараттарды, мекемелерді аралап шығу керек, – деп жазады С. Еримбетов.
</blockquote>
Сондай-ақ, ол өзінің аталған жазбасында Т. Баженовті көлік қағып кетуі мүмкін екендігін келтірген.
<blockquote>
 – Тәуіп болжамы бар: Ол кісі тірі, жағдайы ауыр, бір бөлмеде ме, әйтеуір, өз қалпына келіп отыр. Әрине, барлық түскен хабарды тексеру керек. Мүмкін шопыр адам қағып, көлігіне тиеп, бір жерден түсіріп кетті ме? Сондықтан сіздерден көмек керек, – деп мәлімдеді С. Еримбетов.
</blockquote>
Жоғалған кәсіпкер Тынымбай Баженовтің отбасы ол туралы қандай да бір мәлімет білетін адамдарды төмендегі мына нөмірлерге хабарласуын сұрайды:
Мөлдір Жарылғанова, әйелі – +7-705-982-44-45 және туыстары: +7-707-400-74-73, +7-775-779-83-19

Қызылордада белгілі кәсіпкер жоғалып кетті

<a href="https://kyzylorda-news.kz/">Kyzylorda-news.kz.</a> Ағымдағы жылдың 16 ақпанында 19 сағат 59 минутта Қызылорда қаласы Абай даңғылы №36 мекенжайдағы&nbsp; көп қабатты тұрғын үйдің №57 пәтерінде өрт оқиғасы орын алып жатқандығы жөнінде «112 құтқару қызметіне» хабар түскен.
Аталған шақырту бойынша Өрт сөндіру&nbsp; қызметінің 2 мамандандырылған өрт сөндіру бөлімінің жеке құрамы шығып, оқиға орнына жедел жетіп, газ түтінінен қорғау буыны&nbsp; барлау жұмыстарын жүргізді.
Нәтижесінде 5 қабатты тұрғын үйдің 5 қабатындағы №57 пәтердің көлемі&nbsp; 3×4 болатын жатын бөлмесінде өрт шыққандығы анықталған.&nbsp; Тілсіз жауды оқшаулауға кіріскен өрт сөндірушілердің іс-қимылымен&nbsp;&nbsp; 20 сағат 28 минутта өрт толығымен жойылған.
Сонымен қатар&nbsp; тұрғын үйлерден 47 адам&nbsp; эвакуацияланып,&nbsp;&nbsp; құтқарушылар көмегімен №59 пәтер тұрғыны 1 топ мүгедегін қауіпсіз жерге алып шықты. Қазіргі таңда үй иесі жедел жәрдем көмегімен орталық ауруханаға жеткізілді. Жағдайы орташа. Өрттің шығу себебі мен шығыны анықталуда.
<img src="https://kyzylorda-news.kz/wp-content/uploads/2020/02/whatsapp-image-2020-02-17-at-00.27.29.jpeg" alt="" />

Қызылордадағы көп қабатты тұрғын үйдегі өрттен 47 адам  эвакуацияланды

<a href="https://kyzylorda-news.kz/">Kyzylorda-news.kz.</a> Бүгін сағат 08:30 шамасында №1 бағытта қатынайтын автобус «Тойота Камри» маркалы автокөлігімен <a href="https://www.facebook.com/uitolgan/videos/1773968649404945/?t=2">соғысты</a>.
Оқиға 14 ақпанда сағат 08:30 шамасында Қызылорда қаласы Бөкейхан – Көшербаев көшелерінің қиылысында орын алған. «Тойота Камри» маркалы автокөлігі қоғамдық көлікке жол бермей, соқтығысқан. Салдарынан 6 адам медициналық мекемеге жеткізілді.
<blockquote>
 «Қайтыс болғандар жоқ. Аталған дерек бойынша Қылмыстық кодекстің 345-бабының 2-бөлігімен (Абайсызда адамның денсаулығына ауыр зиян келтiруге әкеп соққан жол жүрісі қағидаларын бұзу) сотқа дейінгі тергеп-тексеру амалдары жүргізілуде. Тиісті сараптамалар тағайындалды», деп хабарлайды Қызылорда облыстық Полиция департаментінің баспасөз қызметі.
</blockquote>

Қызылордада автобус пен автокөлік соқтығысты

<a href="https://kyzylorda-news.kz/">Kyzylorda-news.kz.</a> &nbsp;Қызылорда облысы Арал қаласындағы Мархабаев көшесінің төменгі беткейінде орналасқан тұрғын үйлерді су басты, деп хабарлайды <a href="https://lenta.inform.kz/kz/aral-kalasynda-turgyn-uylerdi-su-basty_a3612580">ҚазАқпарат</a>.
Оған Арал қаласында ауа райының күрт жылыну себеп болған. Соның салдарынан қар еріп, аудан орталығының төменгі беткейінде орналасқан Мархабаев көшесіндегі тұрғын үй аулаларын су алған. Аталған оқиға бойынша Арал ауданы төтенше жағдайлар бөлімінің «112 құтқару қызметіне» хабар түскен.
<blockquote>
 «Арал ауданы Төтенше жағдайлар бөлімінің мамандары зерделеу жұмыстарын жүргізді. Қар суының тұрғын үйлерге қауіп төндіру мүмкіндігі анықталды. Бұл жұмысқа 3 мамандандырылған өрт сөндіру бөлімінің өрт сөндіруші құтқарушыларын жұмылдырды. Осылайша жедел әрекетке көшкен мамандар 2 дана су тазалау мотопомпасын әске қосты. Техника көмегімен аумақты жиналған қар суынан тазарту жұмыстарын жүргізілді. Қазіргі таңда барлық сақтық шаралары ескеріліп, суды қауіпсіз аймаққа айдау жұмыстары жасалды. Мамандардың шапшаң әрі нақты іс-қимылдарының арқасында тұрғындарға материалдық шығын келтірілмеді. Оқиға орнына барлығы 10 қызметкер, 2 техника және 2 мотопомпа жұмылдырылды», – деп мәлім етті Өрт сөндіру және апаттық-құтқару жұмыстары қызметінің мамандары.
 «Бұл проблеманы аудан әкімдігі қатаң бақылауға алды. Көшелердегі жиналған қар үйіндісі мен суды тазарту үздіксіз жүргізіліп жатыр. Бүгінгі күнге дейін 1 221 текше метр қар және 1950 текше метр қарғын су қала сыртына шығарылды. Қажеттіліктерге байланысты арнайы техникалар арқылы топырақ төсеу, тұрғындардың қауіпсіздігін қамтамасыз ету шараларын қолға алды. Оған 15-ке жуық арнайы техника, 60-тан астам адам тартылды», – деп хабарлады Арал ауданы әкімдігінің баспасөз хатшысы Сая Ерғалиева.
</blockquote>
<img src="https://kyzylorda-news.kz/wp-content/uploads/2020/02/10subasty2.jpg" alt="" />
<img src="https://kyzylorda-news.kz/wp-content/uploads/2020/02/10subasty3.jpg" alt="" />
<img src="https://kyzylorda-news.kz/wp-content/uploads/2020/02/10subasty4.jpg" alt="" />

Қазақстан және Қызылорда облысының жаңалықтары: Оқиғалар