<a href="https://kyzylorda-news.kz/">Kyzylorda-news.kz.</a> &nbsp;Қызылорда облысында жаяу жүргінші қағу деректері жиілеп кеткен. Ол былтырғы жол-көлік оқиғаларының 41 процентін құрайды, деп хабарлайды <a href="https://www.inform.kz/kz/kyzylordada-zhayau-zhurginshini-kolik-kagu-okigalary-zhiilep-ketken_a3612700">ҚазАқпарат</a>.
Бұл мәселе Қызылорда облыстық прокуратурасында өткізілген мәжіліс барысында талқыланды. Статистикалық мәлімет бойынша өткен жылы облыста 581 жол-көлік оқиғасы болды. Салдарынан 135 адам қаза тауып, 677 адам түрлі жарақат алған.Сондай-ақ, облыс аумағындағы республикалық маңызы бар жолдарда 71 жол-көлік оқиғасы орын алып, 40 адам қаза тапқан. 102 адам жарақат алды.

Қызылордада жаяу жүргіншіні көлік қағу оқиғалары жиілеп кеткен

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың тапсырмасын орындау мақсатында ҚР Премьер-Министрі Асқар Маминнің өкімімен Жамбыл облысының Қордай ауданындағы оқиға салдарын жою жөніндегі Үкімет комиссиясы құрылды. Бұл туралы Үкіметтің <a href="https://primeminister.kz/kz/news/sozdana-pravitelstvennaya-komissiya-po-likvidacii-posledstviy-sobytiy-v-kordayskom-rayone-zhambylskoy-oblasti">баспасөз қызметі</a> хабарлады.
ҚР Премьер-Министрінің орынбасары Б. Сапарбаевтың төрағалығымен құрылған Комиссия құрамына Жамбыл облысының әкімі А. Мырзахметов, еңбек және халықты әлеуметтік қорғау министрі Б. Нұрымбетов, Қазақстан халқы Ассамблеясы төрағасының орынбасары Ж. Түймебаев, Парламент Мәжілісінің депутаты Ш. Хахазов және «Дүнген қазақстандық қоғамы» қоғамдық бірлестігінің төрағасы А. Воинце мен&nbsp;қаржы, индустрия және инфрақұрылымдық даму бірінші вице-министрлері, ақпарат және қоғамдық даму, ұлттық экономика, денсаулық сақтау, білім және ғылым вице-министрлері, ішкі істер, қорғаныс министрлерінің орынбасарлары, Бас прокурор мен Ұлттық қауіпсіздік комитеті төрағасының орынбасарлары кірді.
Комиссия алдында кикілжің себептерін анықтау, сондай-ақ әлеуметтік-экономикалық және гуманитарлық сипаттағы мәселелерді шұғыл шешуді қамтамасыз ету, келтірілген залалдың орнын толтыруды бағалау міндеттері қойылды.
Еске сала кетейік, бұған дейін Жамбыл облысының Қордай ауданындағы Масанчи ауылының тұрғындары арасында&nbsp;<a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">жаппай төбелес болып</a>, одан <a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">8 адамның көз жұмғанын</a>, қазіргі таңда осы оқиғаға қатысты <a href="https://kyzylorda-news.kz/oqigalar/iim-qordajdaghy-oqigha-bojynsha-47-adam-ustaldy-44008/">47 адамның ұсталғанын</a> хабарлаған болатынбыз.

Жамбыл облысының Қордай ауданындағы оқиға салдарын жою жөніндегі Үкімет комиссиясы құрылды

<a href="https://kyzylorda-news.kz/">Kyzylorda-news.kz.</a> Ішкі істер министрі Ерлан Тұрғымбаев Қордайдағы жанжал бойынша 47 адамның ұсталғанын мәлімдеді.
«Қазіргі уақытта 47 адам ұсталып, полиция бөліміне жеткізілді. Олардан екі аңшы қаруы тәркіленді. ҚР Қылмыстық кодексінің 272-бабы (жаппай тәртіпсіздікті ұйымдастыру және соған қатысу) және 99-бабы (кісі өлтіру) бойынша сотқа дейінгі тергеу амалдары жүргізіліп жатыр. Қоғамдық тәртіпті бұзғандардың бәрі де заңға сәйкес жауапкершілікке тартылады. Қоғамдық тәртіпті қадағалау мақсатында оқиға орнында қазіргі уақытта полиция қызметкерлері мен Ұлттық ұлан сарбаздары жұмылдырылған», – деді Ерлан Тұрғымбаев ОКҚ-да өткен баспасөз мәслихатында.
Еске сала кетсек, бұған дейін Ерлан Тұрғымбаев Қордайдағы оқиға салдарынан <a href="https://kyzylorda-news.kz/oqigalar/qordajdaghy-zhanzhalda-8-adam-mert-bolyp-40-tan-astamy-zharaqattanghan-44000/">8 адамның көз жұмғанын</a> мәлім еткен еді.

ІІМ: Қордайдағы оқиға бойынша 47 адам ұсталды

<a href="https://kyzylorda-news.kz/">Kyzylorda-news.kz.</a> Ішкі істер министрі Ерлан Тұрғымбаев пен Ақпарат және қоғамдық даму министрі Дәурен Абаев Жамбыл облысы Қордай ауданындағы жанжалға қатысты ОКҚ-да баспасөз мәслихатын өткізді.
«7 ақпанда сағат 19.00-де Жамбыл облысының Полиция департаментінің кезекші бөліміне Қордай ауданы Масанчи ауылында 70-тен астам адам төбелесіп жатыр деген хабарлама келіп түсті. Заңсыз әрекеттерді тоқтату үшін оқиға орнына дереу полиция қызметкерлері жіберілді. Сол жерде болған адамдар төбелесті видеоға түсіріп, әлеуметтік желі арқылы таратқан. Осының салдарынан басқа ауылдардан келген 300-ден астам азамат төбелеске қосылып кеткен. Екі жақ бір-біріне тас лақтырып, таяқпен ұрып, қару қолданды. 8 адам көз жұмды. 40-тан астам адам жарақат алды», – деді Ішкі істер министрі ОКҚ-да өткен баспасөз мәслихатында.
Министрдің айтуынша, жағдайды тұрақтандыру үшін оқиға орнына ішкі істер органдарының қосымша күштері жіберілді.
«Сонымен қатар, Ішкі істер министрінің орынбасары мен Бас прокурордың орынбасары сол жерге барды. Жедел тергеу тобы құрылып, адам өлімі, бұзақылық фактілері бойынша бірнеше қылмыстық іс қозғалды. Қазіргі күні жағдай тұрақты», – деді Ерлан Тұрғымбаев.
Алдын ала мәліметтер бойынша жаппай тәртіпсіздік кезінде 30 жеке тұрғын үй, 15 сауда нысаны, 23 автокөлікке зақым келген. Жеке тұрғын үйлер мен сауда нысандарының біразы өртелген.
Бұған дейін Жамбыл облысының Қордай ауданындағы Масанчи ауылының тұрғындары арасында <a href="https://kyzylorda-news.kz/oqigalar/qordajdyng-masanshy-awyly-nege-duerligip-zhatyr-43962/">жаппай төбелес</a> болғанын хабарлаған болатынбыз.
Көп өтпей Президент Қасым-Жомарт Тоқаев Жамбыл облысы Қордай ауданында болған жаппай төбелеске қатысты пікір білдірді.
«Жамбыл облысы Қордай ауданында бұзақылық сипаттағы жаппай төбелес болды. Оны арандатушылар өз пайдасына қолданбақ болған. Полиция жағдайды реттеп, өз бақылауына алды. Қоғамдық тәртіпті бұзғандар жауапкершілікке тартылады», деп жазды Қасым-Жомарт Тоқаев&nbsp;Twitter-дегі парақшасында.
Ал бүгін Мемлекет басшысы Жамбыл облысындағы оқиғаға байланысты&nbsp;<a href="https://kyzylorda-news.kz/kogam/memleket-basshysy-zhambyl-oblysyndaghy-zhaghdajgha-bajlanysty-maelimdeme-zhasady-43988/">мәлімдеме&nbsp;жасады</a>.

Қордайдағы жанжалда 8 адам мерт болып, 40-тан астамы жарақаттанған

<a href="https://kyzylorda-news.kz/">Kyz</a><a href="https://kyzylorda-news.kz/">ylorda-news.kz.</a> Жамбыл облысының Қордай ауданындағы Масанчи ауылының тұрғындары арасында жаппай төбелес болды. Бұл туралы Жамбыл облыстық Полиция департаментінің баспасөз қызметі хабарлады.
<blockquote>
 «Полиция күшімен конфликт шешілді, қақтығыс тоқтатылды, жағдай толық бақылауда. Жамбыл облысы Полиция департаментінің тергеу басқармасы ҚР Қылмыстық кодексінің 293-бабы (Бұзақылық) бойынша сотқа дейінгі тергеу амалдарын бастады», – делінген ведомство хабарламасында.
</blockquote>
Қазіргі таңда төбелесті бастағандар мен қатысқандар анықталып жатыр. Аталған бап бойынша кінәлілерге екі жыл бас бостандығынан айыру немесе ірі айыппұл&nbsp;қаупі төніп тұр.
Жамбыл облыстық Полиция департаменті тұрғындарды тек ресми ақпараттарға ғана сенуге, жалған хабарламалар мен негізсіз ақпараттарды таратпауға шақырды. Сондай-ақ, полиция әлеуметтік желілер мен мессенджерлерде&nbsp;жалған ақпарат таратқаны үшін қылмыстық жауапкершілікке тартылатындығын&nbsp; ескертті.
<blockquote>
 «Жалған ақпарат таратқаны үшін, оның ішінде әлеуметтік желілер мен жедел хабарлаушылар үшін қылмыстық жауапкершілік қарастырылғанын ескертеміз», – дейді департамент.
</blockquote>
Мемлекет басшысы Қасым-Жомарт Тоқаев <a href="https://twitter.com/TokayevKZ/status/1225834323082981378">Twitter</a> парақшасындағы жазбасында Қордайдағы жаппай төбелесті арандатушылар өз пайдасына қолданбақ болғанын атап өткен.
<blockquote>
 «Жамбыл облысы Қордай ауданында бұзақылық сипаттағы жаппай төбелес болды. Оны арандатушылар өз пайдасына қолданбақ болған. Полиция жағдайды реттеп, өз бақылауына алды. Қоғамдық тәртіпті бұзғандар жауапкершілікке тартылады», – деді Президент өз жазбасында.
</blockquote>

Қордайдың Масанчи ауылы неге дүрлігіп жатыр?

<a href="https://kyzylorda-news.kz/">Kyzylorda-news.kz.</a> Қызылорда облысында ата-аналар өз баласын суық күні тас жолда ұмытып кетіпті. Баланы көріп қалған полицейлер оны аман-есен үйіне қайтарыпты, деп хабарлайды&nbsp;<a href="https://stan.kz/kizilorda-oblisinda-ata-anasin-yldarin-tas-zholda-kaldi-326943/">Stan.kz</a>.&nbsp;
Оқиға 1 ақпан күні түнгі 23:30 шамасында орын алған. Жолды қарауылдап жүрген сақшылар Қодаманов ауылының маңындағы тас жолда кетіп бара жатқан жеткіншекті кездестіріп қалған.
Полицейлер баланы Шиелі аудандық полиция бөліміне жеткізіп, одан қалай далада қалып қалғандығы жайлы сұрастырыпты.&nbsp;
9 жасар баланың сөзінше, олар отбасымен бірге көлікпен келе жатқан. Біраздан кейін жанұя көліктерін тоқтатып, жеткіншектің ата-анасы көліктен түскен. Осы кезде көліктің артында ұйықтап келе жатқан бала да өздерінің жол шетінде тоқтап тұрғанын байқап, дәрет сындыруға сыртқа шығыпты.&nbsp;&nbsp;
Тәртіп сақшылары баланың&nbsp;әкесі болған жайттың мән-жайын түсіндірмекші болып жатқандығын бейнежазбаға түсіріпті.&nbsp;
<blockquote>
 “Біз оны көрмей, көлікке отырып жүріп кеттік. Түн болғандықтан арттан ешнәрсе байқалмады, оның айқайлаған даусын естімей қалдық”, – деді ер азамат.&nbsp;
</blockquote>
Баланы тапқан полиция қызметкерлері болжалды “LADA Vesta” маркалы көлігі жайлы барлық бекеттерге хабар берген. Туған ұлын ұмытып кеткен ата-аналарының көлігі аймақтағы көлік тұрағынан табылған.&nbsp;
Ең қызығы, ерлі-зайыпты балаларын ұмытып кеткендігі жайлы оны полиция бөлімінде кездестіргеннен кейін бірақ біліпті.

Қызылордада ата-анасы ұлдарын тас жолда қалдырып кеткен

<a href="https://kyzylorda-news.kz/">Kyzylorda-news.kz.</a> Медицина саласының бірқатар қызметкері сыбайлас жемқорлық қылмысын жасағаны үшін айыпталды, деп хабарлайды&nbsp;<a href="https://kaz.tengrinews.kz/crime/kazakstannyin-brneshe-oblyisyinda-meditsinalyik-304780/">Тengrinews.kz</a>.&nbsp;
Қызылорда облысында&nbsp;көпсалалы облыстық аурухананың дәрігері азаматтарды “Облыстық білім басқармасы” ММ-нің лауазымды тұлғаларына мұғалім ретінде жұмысқа орналастырғаны үшін 600 мың теңге, “Жедел медициналық көмек” ММ-нің директорына фельдшер ретінде жұмысқа орналастырғаны үшін 500 мың теңге пара беруге итермелегені және келесі бір азаматты “Жер қатынастары басқармасы” ММ-не жұмысқа орналастыруға ықпалдасуы үшін алдау жолымен 600 мың теңге пара алды деген күдікке ілінді.&nbsp;
Биыл қаңтарда еліміздің бірқатар өңірлерінде Сыбайлас жемқорлыққа қарсы қызмет медицина қызметкерлеріне қатысты жемқорлық жасады деген күдік бойынша сотқа дейінгі тергеу бастады.
“Шымкент қаласында&nbsp;Түркістан облысы&nbsp;Қоғамдық денсаулық басқармасының “Облыстық балалар ауруханасы” ШЖҚ МКК бұрынғы бас дәрігері 20 миллион теңгеден аса бюджет қаражатын жымқырды деген күдікке ілінді. Шенеунік ғимаратты жөндеу бойынша орындалмаған жұмыстарға ақы төлеп қаражатты ысырап еткен.
Қостанай облысында&nbsp;облыс әкімдігі Денсаулық сақтау басқармасының “Арқалық қаласының мамандандырылған сәбилер үйі” КММ бас дәрігерінің 2 миллион теңгеден аса бюджет қаражатын ұрлауға қатыстылығы тексеріліп жатыр.&nbsp;
Маңғыстау облысында&nbsp;“Маңғыстау облыстық жедел және шұғыл медициналық жәрдем станциясы” ШЖҚ МКК басшысының міндетін атқарушыға қатысты бір азаматтан фельдшер болып жұмысқа орналасқаны үшін қомақты мөлшерде пара алды деген күдікпен тергеу басталды.
Сотқа дейінгі тергеулер жалғасады. Күдіктілердің кінәсінің дәрежесі бойынша түпкілікті шешімді сот шығарады.

Қызылорда көпсалалы облыстық ауруханасының дәрігері пара алды деген күдікке ілінді

<a href="https://kyzylorda-news.kz/">Kyzylorda-news.kz.</a> Қызылордада көлік басқару құқығы жоқ мас жүргізуші уақытша ұстау изоляторына қамаққа алынды, деп хабарлайды <a href="https://polisia.kz/kolik-basqaru-quqyghy-zhoq-mas-zhurgizushi-ustaldy/">Polisia.kz</a>.
Қызылорда облысында жүргізуші куәлігінен айырылған мас жүргізуші ұсталды. 31 қаңтар күні Сырдария ауданында жергілікті уақыт сағат 22:50 шамасында полиция қызметкерлері көлік құралының Жол қауіпсіздік ережелерін өрескел бұзғандығын байқайды. Дереу тоқтатып, тексеру барысында көлікті тізгіндеген 26 жастағы облыс тұрғынының жүргізуші куәлігі жоқтығын анықтайды.
Өткен жылы, яғни 2019 жылдың желтоқсан айында соттың шешімімен оның көлік құралын жүргізу құқығынан 3 жылға айырылғандығы белгілі болады. Бірақ көлік құралын басқару құқығынан айырылса да, бұл азамат көлік құралын мас күйде қайта басқарып, жол қозғалысына қатысушылардың өмірі мен денсаулығына қауіп төндірген. Сараптама қорытындысы бойынша азамат орта дәрежедегі мас күйінде болған. Тәртіп бұзушы дереу Сырдария аудандық полиция бөлімінің уақытша ұстау изоляторына қамалды. Оған қатысты Қазақстан Республикасы Қылмыстық кодексінің 346- бабының 1-бөлігі («Көлік құралын басқару құқығынан айырылған, алкогольдік масаң күйдегі адамның көлік құралын басқаруы дерегі») &nbsp;бойынша сотқа дейінгі тергеп-тексеру басталды. Оған қатысты автокөлік жүргізу құқығынан өмір бойы айырыла отырып, 5000 АЕК-ге дейін айыппұл /13.255 000 теңге дейін/ салуға немесе 5 жылға дейін мерзімге бас бостандығынан айыру жазасы көзделген.

Қызылордада көлік басқару құқығы жоқ мас жүргізуші ұсталды

<a href="https://kyzylorda-news.kz/">Kyzylorda-news.kz.</a> Қызылорда қаласында кәмелет жасына толмаған бала өлімге қатысы деп анықталуда,- деп хабарлайды <a href="https://polisia.kz/zhasospirim-adam-oltirgeni-ushin-kudikti-retinde-ustaldy/">Polisia.kz</a>.
2 ақпан күні Қызылорда қаласында орын алған адам өлтіру дерегі бойынша Қазақстан Республикасы Қылмыстық кодексінің 99- бабының 2-бөлігі («Адам өлтіру») бойынша сотқа дейінгі тергеп- тексеру амалдары жүргізілуде.
Мәліметтер бойынша, орын алған оқиға құрбаны кәмелет жасына толмаған азамат екені анықталды. Тиісті сараптамалар тағайындалды. Оқиғаның мəн-жайлары анықталуда. Күдікті ретінде кəмелетке толмаған тұлға ұсталып, Қызылорда қалалық Полиция басқармасының уақытша ұстау изоляторына оқшауландырылды.
Қалған мəліметтер Қазақстан Республикасы Қылмыстық-процестік кодексінің 201-бабының («Сотқа дейінгі тергеп-тексеру деректерiн жария етуге жол бермеу») &nbsp;талаптарына сəйкес жария етілмейді.

Қызылордада жасөспірім адам өлтіргені үшін күдікті ретінде ұсталды

<a href="https://kyzylorda-news.kz/">Kyzylorda-news.kz.</a> Таңертең олар мінген автокөлік аударылып, қайғылы жағдай орын алды, деп хабарлайды <a href="https://www.inform.kz/kz/pavlodar-kyzylorda-taszholyndagy-kolik-apatynan-ana-men-bala-kaza-tapty_a3608062">ҚазАқпарат</a>.
<blockquote>
 &nbsp;«27 қаңтар күні таңғы 9:00 шамасында «Павлодар-Қызылорда» тасжолының 88-шақырымында шығысқа қарай жүріп бара жатқан «Toyota Land Cruiser 200» маркалы автокөліктің 47 жастағы жүргізушісі рөлді игере алмай, көлік аударылған», – деп хабарлады Ішкі Істер министрлігі.
</blockquote>
&nbsp;Салдарынан екі жолаушы (1975 жылы туған әйел мен 2011 жылғы бала) сол мезетте қаза тапты.
Оқиға орнында жедел тергеу тобы жұмыс істеуде.
<blockquote>
 «Оқиғаның себептері анықталып жатыр», – деп толықтырды мекемедегілер.
</blockquote>

Павлодар &#8211; Қызылорда тасжолындағы көлік апатынан ана мен бала қаза тапты

<a href="https://kyzylorda-news.kz/">Kyzylorda-news.kz.</a> Қазалы ауданында ауа райының қолайсыздығынан адасып кеткен тұрғындар табылды.
Абай ауылынан 45 шақырым жерде Жұбан елді мекеніндегі шаруа қожалығынан шыққан бір отбасының 4 мүшесі аудан орталығына оралмаған. Бұл отбасының туыстары полицияға хабар бергеннен кейін 2 жедел-іздестіру тобы құрылып, полиция қызметкерлері өз міндеттерін атқарды.
<blockquote>
 «Қазалы ауданы Полиция бөлімінің қызметкерлерінің түні бойы уақытпен санаспай, қырағылық танытып, өз қызметтік міндеттерін адал атқару барысында, таңғы сағат 7-де Қуан ауылынан оңтүстікке қарай шамамен 250 шақырым жерде жоғалып кеткен тұрғындар табылды» – делінген полиция департаментінің таратқан дерегінде.
</blockquote>
Тұрғындар ауа райының күрт бұзылуына байланысты бағытынан адасып қалған. Отбасы мүшелері дін аман үйіне жеткізілді.
<blockquote>
 &nbsp;&nbsp;&nbsp;&nbsp; «Біз «УАЗ» автокөлігімен отбасылық шаруа қожалығымыздан кеш бата аудан орталығына жолға шығып, адасып кеттік. &nbsp;Жанымда қайын інілерім, 3 және 4 жастағы немерелерім болды. Ауа райының қолайсыздығына қарамастан өз міндеттерін адал атқарған полиция қызметкерлеріне шексіз алғысымды білдіремін», – дейді Қазалы ауданының тұрғыны Әлия Мұқанғалиева.
</blockquote>
Айта кеткен жөн облыс аумағында қолайсыз ауа райы сақталуда.&nbsp; Жолдардағы желдің ұйытқуы, көктайғақ&nbsp;барлық жол қозғалыс қатысушылары үшін қауіпті. Осыған орай, тәртіп сақшылары қауіпсіздік ережелерін қатаң сақтап, жолда мұқият болуды ескертеді.

Қазалы ауданында жолда адасқан тұрғындар құтқарылды

<a href="https://kyzylorda-news.kz/">Kyzylorda-news.kz.</a> Қызылордада 57 жастағы тұрғын мас күйінде көлік жүргізіп, полицейден қашып кетуге әрекет жасаған.
Полиция қызметкерлері «Lada» маркалы автокөлігі жол ережесін бұзып келе жатқанын байқайды. Нәтижесінде ол автокөлік ағыны қозғалысына кедергі келтірген. Полиция оны тәртіпке шақырмақ болады. Сол сәтте ол көлігімен қашып кетуге әрекет жасайды. Көлік жүргізушісі көпке ұзай алған жоқ. Орталық көшелердің бірінде қолға түсті.
Жүргізуші облыс орталығының 57 жастағы тұрғыны болып шықты. Полиция қызметкерлері алкогольді анықтау үшін куәландыруды жүргізу мақсатында наркологиялық орталыққа жеткізді. Жүргізілген сараптама қорытындысы бойынша азамат жеңіл дәрежеде мас болған. Тексеру барысында аталған азамат соттың шешімімен көлік құралын жүргізу құқығынан 3 жылға айырылғаны анықталды. Соған қарамастан автокөлікті алкогольдік масаң күйде қайта басқарған.
<blockquote>
 «Қазіргі уақытта тәртіп бұзушы Қызылорда қалалық Полиция басқармасының уақытша ұстау изоляторына қамалды. Оған қатысты ҚР Қылмыстық кодексінің 346-бабының 1-бөлігімен сотқа дейінгі тергеп-тексеру басталды. Онда көлік құралын басқару құқығынан айырылған, алкогольдік масаң күйдегі адамның көлік құралын басқаруы жағдайы тіркелген. Кінәліге жүргізушіге қатысты автокөлік жүргізу құқығынан өмір бойы айырыла отырып, 5000 АЕК-ге дейін айыппұл (13 255 000 теңге дейін) салуға немесе 5 жылға дейін мерзімге бас бостандығынан айыру жазасы көзделген», – деп мәлім етті Қызылорда облыстық полиция департаментінің баспасөз қызметі.
</blockquote>

Қазақстан және Қызылорда облысының жаңалықтары: Оқиғалар

Қызылордада жаяу жүргіншіні көлік қағу оқиғалары жиілеп кеткен

Жамбыл облысының Қордай ауданындағы оқиға салдарын жою жөніндегі Үкімет комиссиясы құрылды

ІІМ: Қордайдағы оқиға бойынша 47 адам ұсталды

Қордайдағы жанжалда 8 адам мерт болып, 40-тан астамы жарақаттанған

Қордайдың Масанчи ауылы неге дүрлігіп жатыр?

Қызылордада ата-анасы ұлдарын тас жолда қалдырып кеткен

Қызылорда көпсалалы облыстық ауруханасының дәрігері пара алды деген күдікке ілінді

Қызылордада көлік басқару құқығы жоқ мас жүргізуші ұсталды

Қызылордада жасөспірім адам өлтіргені үшін күдікті ретінде ұсталды

Павлодар – Қызылорда тасжолындағы көлік апатынан ана мен бала қаза тапты

Қазалы ауданында жолда адасқан тұрғындар құтқарылды

Қызылордалық 57 жастағы тұрғын мас күйінде көлік тізгіндеп, полицейлерден қашып кетпек болды

Қазақстан және Қызылорда облысының жаңалықтары: Оқиғалар

Қызылордада жаяу жүргіншіні көлік қағу оқиғалары жиілеп кеткен

Жамбыл облысының Қордай ауданындағы оқиға салдарын жою жөніндегі Үкімет комиссиясы құрылды

ІІМ: Қордайдағы оқиға бойынша 47 адам ұсталды

Қордайдағы жанжалда 8 адам мерт болып, 40-тан астамы жарақаттанған

Қордайдың Масанчи ауылы неге дүрлігіп жатыр?

Қызылордада ата-анасы ұлдарын тас жолда қалдырып кеткен

Қызылорда көпсалалы облыстық ауруханасының дәрігері пара алды деген күдікке ілінді

Қызылордада көлік басқару құқығы жоқ мас жүргізуші ұсталды

Қызылордада жасөспірім адам өлтіргені үшін күдікті ретінде ұсталды

Павлодар &#8211; Қызылорда тасжолындағы көлік апатынан ана мен бала қаза тапты

Қазалы ауданында жолда адасқан тұрғындар құтқарылды

Қызылордалық 57 жастағы тұрғын мас күйінде көлік тізгіндеп, полицейлерден қашып кетпек болды

Павлодар – Қызылорда тасжолындағы көлік апатынан ана мен бала қаза тапты