Фото: inbusiness.kz2024 жылғы 5 желтоқсан күні 09 сағат 43 минутта Жалағаш ауданы №11 өрт сөндіру бөлімінің байланыс бекетіне Жалағаш ауданы, Аққұм ауылы, Аққұм көшесі №12 тұрғын үйде газ жарылып, салдарынан үй жанып, ішінде адам қалып қойғаны жөнінде хабарлама түсті", - деп хабарлады Қызылорда облысының ТЖД.Төтеншеліктердің айтуынша, өрттің техникалық шығу себебі мен шығыны анықталып жатыр. Өкінішке қарай, өрт арасынан 75 жастағы азаматшаның мәйіті табылған. Анасын құтқарамын деп денесінің 12-13 пайызын күйік шалған үй иесі аудандық аурухананың хирургия бөлімшесіне жатқызылған.Хабарлама бойынша Жалағаш ауданы, Аққұм ауылы, Аққұм көшесі №12 мекенжайда орналасқан көлемі 10х11 шаршы метр тұрғын үйде 50 литрлік газ баллонының жылыстануы болып (хлопок), өрт оқиғасы барысында үйдің 8х5 шаршы метр қабырғалары құлап, бөлмелері толығымен жанғаны анықталды. Өртті сөндіру барысында құтқарушылар үйінділердің астынан 20.12.1948 жылы туған әйел азаматшаның мәйіті табылды. Ал 02.01.1994 жылы туған ер азамат өрт сөндіру бөлімі келгенге дейін анасын құтқару барысында денесінің 12-13% ІІ дәрежелі күйік жарақатын алып, аудандық аурухананың хирургия бөлімшесіне жатқызылғаны белгілі болды.Сондай-ақ, оқиға болған үй ауласындағы "Daewoo nexia" маркалы автокөлігі жарылыс салдарынан зақымдалған. Өртке Жалағаш ауданы №11 өрт сөндіру бөлімінен 1 техника, 6 қызметкер жұмылдырылды. Ара қашықтық – 33 км. Өрт 10:56 минутта оқшауланып, 12:18 минутта толық сөндірілді.&nbsp;Қазіргі таңда оқиға орнында ТЖД Өрт зертханасы және анықтау бөлімінің мамандары өрттің техникалық шығу себебі мен шығынын анықтауда.

Қызылорда облысында газ баллоны жарылып, бір адам көз жұмды

Фото: <a href="https://egemen.kz/article/289769-almatydaghy-atys-qylmystyq-is-qozghaldy">egemen.kz</a>Әлеуметтік желілерде асыраушысынан зәбір көрдім деген баланың видеосы таралып жатыр. Оқиғаға қатысты балалар омбудсмені Динара Зәкиева пікір білдірді, деп хабарлайды <a href="https://kaz.nur.kz/society/2054337-denesin-qainagan-suga-kuidirgen-almaty-oblysynda-kiskentai-qyz-azaptalganyn-malimdedi/">KAZ.NUR.KZ.</a>Kris_p_issyk Instagram-паблигінде кішкентай қыз асыраушысы ұрып-соққанын және зорлықтың басқа да түрін көрсеткенін мәлімдеген видео жарияланды. "Дереккөздің әңгімесіне қарағанда, баланың денесін қайнаған сумен күйдірген, ұрып-соққан, құлағынан тартқан, содан денесінде көгерген іздер қалған. Жағдай шок туғызады, баланың құқығы мен қауіпсіздігін қорғау үшін тиісті органдар жедел араласуы қажет", - делінген жарияланымда. Сондай-ақ қызды өңірдегі ауылдардың бірінде мұғалім болып жұмыс істейтін адам асырап алғаны айтылады. "Қыз оның үйінде жарты жылдай тұрған, ол алғаш рет қашып кеткенінде танысы ұстап, мұғалімнің үйіне қайтарған, бұл қылығы үшін оны тағы ұрып-соққан, екінші мәрте қашқанында да мұғалім оны ұстап алған", - делінген жарияланымда. Видеоға қатысты жазылған пікірлер арасында ҚР бала құқықтары жөніндегі уәкіл Динара Зәкиеваның жауабы да бар. Ол қыз ауруханада жатқанын хабарлады.&nbsp;"Еңбекшіқазақ ауданында қыздың қамқоршысы тарапынан азаптау фактісіне қатысты. Қыз ауруханада жатыр. Осы факт бойынша қылмыстық іс қозғалды. Бұдан әрі қамқоршылықтан айыру шаралары қабылданады", - деді ол. Балалар омбудсмені бұл іс өзінің жеке бақылауында екеніне сендірді.&nbsp;

"Денесін қайнаған суға күйдірген": Алматы облысында кішкентай қыз азапталғанын мәлімдеді

Жүргізушілер арасында кең таралған жол қозғалысы ережесін бұзудың бір түрі – қауіпсіздік белдігін тақпау болып табылады. Қауіпсіздік белдігін тақпау жол қозғалысында жиі кездесетін құқық бұзушылықтардың бірі.Қызылорда қаласы Полиция басқармасы Жедел басқару орталығы камераларының көмегімен патрульдік полиция батальоны қызметкерлері тәулік ішінде жол үстінде қауіпсіздік белдігін тақпаған 21 жүргізушіге әкімшілік хаттама толтырды.Нәтижесінде оларға қатысты ҚР ӘҚБтК-нің 593-бабы (Жол жүрiсi қағидаларында көзделген жолаушыларды және жүктердi тасымалдау, қауiпсiздiк белдіктерiн немесе мотошлемдердi пайдалану жөніндегі талаптарды сақтамау) бойынша әкімшілік хаттама толтырылып, түсіндірме жұмыстары жүргізілді.Қауіпсіздік белдіктерін немесе мотошлемдерді пайдалану қағидаларын сақтамаған жүргізушілер бес айлық есептік көрсеткіш мөлшерінде айыппұл салынатыны туралы ескертілді.

Қызылордада бір тәулікте қауіпсіздік белдігін тақпаған 21 жүргізуші жауапқа тартылды

Фото: &nbsp;&nbsp;<a href="https://ortcom.kz/ru/deyatelnost-pravitelstva/1648735960">ortcom.kz</a>Дереккөз: <a href="https://kaz.zakon.kz/kogam-tynysy/6037179-yzylorda-oblysynda-gaz-byrlaryn-rlaan-kdktler-ola-tst.html">zakon.k</a>zҚызылорда облысы ПД-ның Шиелі аудандық полиция бөліміне ұрлық жөнінде арыз түскен. Белгісіз біреулер мекемеге тиесілі 3 метрден кесілген 54 газ құбырын ұрлап кеткен.Мекемеге жалпы 5 миллион теңгеден астам материалдық шығын келтірілді.Полицейлермен жүргізілген жедел-іздестіру жұмыстарының нәтижесінде осы қылмысқа қатысы бар екі күдікті азамат анықталып, ұсталды.

Қызылорда облысында газ құбырларын ұрлаған күдіктілер қолға түсті

Фото: azattyq-ruhy.kzӘлеуметтік желіде&nbsp;"Қазақстан темір жолы" АҚ-да&nbsp;аса ірі көлемде ақша&nbsp;ұрланғаны туралы хабарлама тарады. Бұл туралы <a href="https://stan.kz/">Stan.kz</a> ақпарат агенттігі хабарлайды.Таралған хабарламада&nbsp;"Жолаушылар тасымалы" АҚ және "Штадлер Қазақстан" фирмасының мөрлері басылған құжаттың сканерленген көшірмесі көрсетілген."ҚТЖ-да аса ірі көлемде ақша ұрлау фактіс. ҚТЖ мен Штадлер арасындағы келісім. №1 қосымша келісімге қол қою кезіндегі шарттың жалпы бағасы 689 881 178 376,76 теңгені құрайды", –&nbsp;делінген ақпаратта.Келісім-шарт әртүрлі үлгідегі 537 вагон&nbsp;сатып алу бойынша жасалған. Ғаламторда тараған ақпаратқа қатысты ҚТЖ мәлімдеме жасады.&nbsp;<blockquote>"Аталған кешлісімшарттар аясында қаражат ұрланғаны туралы ақпарат шындыққа жанаспайды. 2020 жылы жеңіл жолаушылар вагондарын өндірісін ұйымдастыру бойынша стратегиялық серіктесті таңдау бойынша халықаралық конкурс жарияланды, оның нәтижесінде Stadler Bussnang AG вагондар өндірісін ұйымдастыру бойынша стратегиялық серіктес ретінде анықталды",&nbsp;–&nbsp;делінген "Жолаушылар тасымалы" АҚ баспасөз қызметінің хабарламасында.&nbsp;</blockquote>

"Қазақстан темір жолы" компаниясы 689 млрд теңге жымқырды деп айыпталды

Фото: <a href="https://halyqline.kz/fotogalereiya/qyzylorda-syrdarijada-seng-zhuerip-zhatyr-foto-video/">halyqline.kz</a>Сырдарияда сең жүріп жатыр. Күн райының жылуынан қаңтарда мұз еріп, өзен деңгейі едәуір көтерілді.Бүгінде облыс аумағына жоғарыдан секундына 429 текше метр су құйылып жатыр.Қазіргі таңда сең Қызылорда қаласынан 83 шақырым жердегі Жетікөл жарма аумағына жетті. Мұздақтардың қалыңдығы 10-15 сантиметрден аспайды, - деп жазады <a href="https://qazaqstan.tv/news/187063/">qazaqstan.tv</a>.Сондықтан мамандар Сырдариядан аса бір қауіп жоқ деп отыр. Дегенмен, өзен бойында су басуы ықтимал 29 аймақ белгіленген.Онда бөгеттерді нығайту жұмыстары жүргізіліп, тасқынның алдын алуда арнайы құрылымдар мен техникалар тас-түйін дайын отыр.<blockquote>"Қаланың төңірегі осы ПМК саяжайында дарияның деңгейі көтерілу белгісі байқалады. Өйткені, мұздың жиілеп жайлап Қызылорданың төңірегіне келе жатқандықтан. Дегенмен, 2,5-3,5 метрдей бізде ара қашықтық запас бар қорғаныс бөгетінде", - дейді Бейбітхан Спанов, облыстық ТЖД бөлім бастығы.</blockquote>

Сырдарияда сең жүріп жатыр

Қызылорда қалалық полиция басқармасының криминалдық полиция бөлімінің мәліметінше, есірткі, ұрлық және өзге де қылмыстарды жасады деген күдікпен ішкі істер органдарымен іздеуде жүрген азаматтарға қатысты суреттер әзірленді.<blockquote>«Естеріңізде болса, азаматтарды, БАҚ пен әлеуметтік желілер арқылы қылмыскерлерді іздеуге тарту тәжірибесі алғаш рет бірнеше жыл бұрын пайда болған. Ұзақ уақыт бойы қылмыскерлердің суреті жаңартылып келеді. Бұл әдіс – тәсіл оң әсерін тигізді: кейбір жеңіл ақшаға құмарлар туыстары мен достарының алдында ұялғандықтан ғана ұрлауды қойды. Бүгінде бір емес, бірнеше адамның өмірін қиған есірткі қылмыскерлері осындай механизммен жария етілді. Азаматтардың бей-жай қалмауы және іздеуде жүрген адамдардың жүрген жері туралы мәліметтерді білген жағдайда бұл туралы полицияға хабарлауы өте маңызды.», - деді Қызылорда қалалық Полиция басқармасының бастығы полиция полковнигі Қасанов Айдар Демегенұлы.</blockquote>Суреттегі қылмыскерлер туралы қандай да бір ақпарат немесе жүрген жері туралы мәлімет білген жағдайда төменде көрсетілген телефон нөмірлеріне хабар берулеріңізді сұраймыз. Тел: 8(7242)-29-75-20 немесе «102» арнасына қоңырау соғуларыңызды сұраймыз.

Қызылордада қылмыскерлерге іздеу жарияланды

<a href="https://kyzylorda-news.kz/">Kyzylorda-news.kz.</a> ІІМ Ұйымдасқан қылмысқа қарсы күрес департаменті Қызылорда қаласындағы криминогендік жағдайға ықпал еткен қылмыстық топтың жолын кесті, деп хабарлайды <a href="https://polisia.kz/iim-10-adamnan-turatyn-qylmystyq-topty-ustau-bojynsha-arnajy-operatsiya-zhurgizdi/">Polisia.kz</a>.Қылмыстық топқа қатысушылардың қылмысын әшкерелеу бойынша өткізілген арнайы операция барысында полиция органдарына 10 күдікті жеткізілді. Олар күзет қызметінде өздері ықпалын жүргізетін аумақтарды бөліске салу үшін бірнеше рет қылмыстық қақтығыстарға қатысқан.Ойын-сауық орындарында әдейі жанжал туғызып, сол орындардың иелерін өздерінің қамқорлығын қабылдауға мәжбүр еткен. Қылмыстық топтың бірқатар ауыр және аса ауыр қылмыстар жасауға, соның ішінде кісі өлтіруге оқталу, ауыр дене жарақаттары мен бұзақылық жасауға қатысы бар екені анықталды.Сонымен қатар олар әлеуметтік желілерде қоғамдық орындарда атыс қаруын қолданатын бейнероликтерді бірнеше рет жариялап, өздерінің шамадан тыс еркінсіп кеткендерін көрсетті. 20-дан астам тінту шаралары жүргізілді, оқ-дәрілер, суық қару және басқа да заттай дәлелдемелер тәркіленді. Сотқа дейінгі тергеу жалғасуда.

Қызылордадағы криминогендік жағдайға ықпал еткен қылмыстық топ ұсталды 

Жатпланеталықтар жерге жақын ба?

<a href="https://kyzylorda-news.kz/">Kyzylorda-news.kz.</a> Қызылорда облысы бойынша экономикалық тергеп-тексеру департаменті көрiнеу жалған есепке алу-бақылау маркаларын өткiзу мақсатында иемдену, пайдалану немесе өткізу дерегін анықтады.Қармақшы ауданында тұратын 2 азамат екі мекен жайда сыйымдылығы 0,5 литрлік 2647 дана, 0,2 литрлік 889 дана және 1 литрлік 840 дана арақ өнімдерін сақтаған. Аталған азаматтар жалған есепке алу-бақылау маркалары жапсырылған алкоголь өнімдерін тергеумен анықталмаған тұлғалардан төмен бағада сатып алып, пайда табу мақсатында үстіне ақша қосып сату барысында ұсталды.Аталған факт бойынша Қазақстан Республикасы &nbsp;Қылмыстық кодексінің &nbsp;233-бабының 2-бөлігінде қаралған қылмыстық құқық бұзушылық белгілерімен сотқа дейінгі тергеп-тексеру басталып, тергеу әрекеттері жүргізілуде.Оқиға орнынан қарап тексеру барысында жалпы саны 4376 дана арақ өнімі алынып, тиісті сараптамалар тағайындалды. &nbsp;

Қызылордада заңсыз сақталған арақ өнімдері тәркіленді 

<a href="https://kyzylorda-news.kz/">Kyzylorda-news.kz.</a> Қазіргі уақытта полиция қызметкерлері тұрғындарға &nbsp;бейтаныс адамдарға сенбеуге шақырғанына қарамастан, &nbsp;қала тұрғындары алаяқтардың арбауына көптеп түсуде. Салдарынан, алаяқтар тұрғындарды жұмысқа орналасуға, қайтарымсыз несие алып беруге, пәтер сатып алуға, жүргізуші куәлігін және т.б. осы сияқты уәделерін үйіп-төгіп, ақшаларын жымқырып, &nbsp;қаншама адамдарды сан соқтыруда.Мәселен, 13 ақпан күні Қызылорда қаласы &nbsp;Полиция &nbsp;басқармасының кезекші бөліміне қала тұрғыны келіп арызданған. Арызданушының айтуынша қыркүйек айында белгісіз азаматша, «қала аудандарының бірінде &nbsp;пәтер алуға көмектесемін» деп сенімге кіріп, 2 миллион 700 мың теңге қаражатын алып, осы күнге дейін түрлі жалған ақпарат беріп алдап келген.&nbsp;<blockquote>«Басқарманың криминалдық полиция қызметкерлерінің жедел-іздестіру шараларының &nbsp;нәтижесінде күдікті ретінде 30 жастағы облыс тұрғыны анықталып, ұсталды. &nbsp; Аталған дерек бойынша ҚР ҚК 190-бабының 1-бөлігімен (Алаяқтық) сотқа дейінгі тергеп-тексеру жүргізілуде. Күдікті уақытша ұстау изоляторына қамалды», - делінген полиция департаментінің хабарламасында.&nbsp; &nbsp;</blockquote>

«Пәтер алуға көмектесемін»: Алаяқтық фактісі бойынша облыс тұрғыны ұсталды

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің Сырдария аудандық полиция бөліміне ауылдың 3 тұрғынынан мал ұрлығы жөнінде арыз түсті. Барымташылар олардың жайылымда жүрген &nbsp;8 бас сиырын ұрлаған.Жедел-іздестіру шаралары барысында полиция қызметкерлері күдікті ретінде 25 жастағы аудан &nbsp;тұрғынын &nbsp;анықтап, ұстады. Айғақ заттар ретінде ұрланған &nbsp;малдардың терісі және сирақтары алынды.Жәбірленушілерге келтірілген шығынның соммасы 3 млн. 500 мың теңгені құрады.«Күдікті уақытша ұстау изоляторына қамалды. Қазіргі танда осы қылмысқа қатысы бар басқа да тұлғаларды анықтау мақсатында жедел – іздестіру іс – шарасы жүргізілуде. Аталған дерек бойынша Қазақстан Республикасы Қылмыстық кодексінің 188-1 - бабының 3-бөлігімен (Мал ұрлығы) сотқа дейінгі тергеп-тексеру әрекеттері жүргізілуде. Оқиғаның қалған мән-жайлары анықталуда», - делінген полиция департаментінің таратқан хабарламасында.&nbsp;<figure class="image"><img src="https://knadmin.beoblood.kz/uploads/image_14_02_23_11_04_312025f276.jpeg" alt="image-14-02-23-11-04.jpeg"></figure>

Қазақстан және Қызылорда облысының жаңалықтары: Оқиғалар