<a href="https://kyzylorda-news.kz/">Kyzylorda-news.kz.</a> Қызылордада жолаушылар пойызы басып кеткен 26 жастағы тұрғын оқиға орнында көз жұмды.
Теміржолды кесіп өтпек болған тұрғынды «Қызылорда-Петропавл» жолаушылар пойызы басып кетті. Аталмыш оқиға 23 қаңтарда болған. Ол қаланың КБИ шағын ауданы тұрғыны екені белгілі болды.
<blockquote>
 «Желілік полиция бөлімінің қызметкерлері тұрғындарға теміржолдың белгіленген аймағынан өту жөнінде құлағдар етіп келеді. Дегенмен оқыс оқиға тіркелді. Жолаушылар пойызы қаққан азамат оқиға орнында көз жұмды. Қала тұрғындарынан теміржолдан тек белгіленген жерлерден өтуін сұраймыз», – дейді Қызылорда станциясы желілік полиция бөлімі бастығының бірінші орынбасары Ербол Әбдіраманов.
</blockquote>
Оқиғаның себеп-салдары анықталып жатыр.

Қызылордалық тұрғын пойыз астына түсіп мерт болды

<a href="https://kyzylorda-news.kz/">Kyzylorda-news.kz.</a> Қызылордада такси жүргізушісін пышақтап өлтірген екі тұрғын 16 жылға сотталды, деп хабарлайды <a href="https://lenta.inform.kz/kz/kyzylordada-taksi-zhurgizushisin-oltirgen-eki-adam-sottaldy_a3606911https://lenta.inform.kz/kz/kyzylordada-taksi-zhurgizushisin-oltirgen-eki-adam-sottaldy_a3606911">ҚазАқпарат</a>.
Бұл оқиға былтыр жазда болған. Қызылорда қаласында тұратын екі ер адам алдымен сыра ішкен. Содан кейін «Мерей» шағын ауданына барып көңіл көтеруді жалғастырмақ болады. Ол жақтан үйіне қайтар уақытында такси ұстайды. Олар такси жүргізушісіне өздерін қаланың шеткі аймағындағы Құлтекенов көшесіне апаруын сұрайды.
Келіскен жерге жеткеннен кейін екеуі жолақыны төлеместен көліктен түсіп кетуге әрекет жасайды. Сол сәтте такси жүргізушісі жолақы төлеуді талап еткен. Бұдан кейін жанжал басталады. Бірі такси жүргізушісін ұрып-соғып жатқан сәтте екіншісі жүргізушісінің кеуде тұсынан бірнеше мәрте пышақтайды.
<blockquote>
 «Пышақтың жүзі жәбірленушінің кеуде қуысына еніп, денсаулығына ауыр зиян келтірген. Соның салдарынан такси жүргізушісі қайтыс болған», – деді Қызылорда облысының мамандандырылған ауданаралық сотының төрағасы Асхат Сабыров.
</blockquote>
Екі сотталушы да ҚР Қылмыстық кодексінің 99-бабы 2-бөлігінің 7-тармағымен, 188-бабының 2-бөлігі 1-тармағымен, 200-бабының 4-бөлігі бойынша кінәлі деп танылды.
Сотталушылар 16 жылға бас бостандығынан айырылды.

Қызылордада такси жүргізушісін өлтірген қаскөйлер сотталды

<a href="https://kyzylorda-news.kz/">Kyzylorda-news.kz.</a> Алматы қаласы Бостандық аудандық сотының төрағасы пара алды деген күдікке ілінді.
Алматы қаласының сыбайлас жемқорлыққа қарсы күрес қызметі жоғарғы соттың ішкі қауіпсіздік және жемқорлықтың алдын алу бөлімімен бірлесіп, Алматы қаласы Бостандық аудандық соты төрағасының жемқорлық әрекетін әшекереледі.
Судья делдал, яғни сот отырысының хатшысы арқылы борышкерге Қазақстан Республикасынан шығуға рұқсат беру үшін одан үлкен көлемде пара алды деген күдікке ілінді.
2020 жылдың 22 қаңтарында қылмыстық қудалаудан қорғалған судьяға қатысты сотқа дейінгі тергеуді жалғастыруға бас прокурордың келісімі берілді.
Күдіктің кінәлілігінің деңгейі туралы нақты шешімді сот қабылдайды.
<a href="https://sputniknews.kz/incidents/20200123/12606877/Almaty-sudia-para.html">Sputniknews.kz</a>

Судьяның пара алып жатқан сәті видеоға түсіп қалды

<a href="https://kyzylorda-news.kz/">Kyzylorda-news.kz.</a> Қызылордада кеше 18-00 шамасында «Батыс Қытай – Батыс Еуропа» автожолының 1814 шақырымындағы ПМК-66 саяжайы маңында Қырғыстан Республикасынан Мәскеу қаласына&nbsp; бағыт алған «Renault Magnum» маркалы жүк автокөлігінде&nbsp; жалпы саны 94 дана престелген мақтаның жанып жатқандығы жөнінде «112» құтқару қызметіне хабар түскен.
Мамандардың болжамына сүйенсек, көлік құралдарындағы тілсіз жаудың негізгі себептерінің бірі-ол өрт қауіпсіздік ережелерінің сақталмауынан орын алған. Осындай олқылықтар салдарынан бүгінде тағы бір жүк көлік тіркемесіндегі мақта өртке оранды.
<blockquote>
 «Өрт оқиғасының басына жеткен өрт сөндірушілер барлау жұмыстарын жүргізіп,&nbsp; жанып жатқан 94 дана престелген мақтаны оқшаулауға кірісіп кетті. Осылайша, өрт сөндірушілер жылдам әрі нақты іс қимылдарының нәтижесінде &nbsp;&nbsp;47 дана престелген мақтаны&nbsp; аман сақтап қалды. &nbsp;Өрт оқиғасы 34 минутта оқшауланып 19 сағат 27 минутта 1 «Б» оқпанын пайдалану арқылы толығымен сөндірілді», – деп мәлімдеді Қызылорда облыстық Төтенше жағдайлар департаментінің баспасөз қызметі.
</blockquote>
Өртті сөндіруге №4 Өрт сөндіру бөлімінен &nbsp;9 қызметкер, 2 бірлік техника, жұмылдырылды. Өрт салдарынан зардап шеккендер мен қаза болғандар жоқ. Қазіргі уақытта өрттің шығу себебі мен шығыны анықталуда.
Айта кетейік, Қызылорда аумағынан өтетін Батыс Қытай-Батыс Европа халықаралық автомагистралында өткен жылы автокөліктердегі өрт оқиғалары көп тіркелді. &nbsp;Оның басым бөлігі транзиттік автокөліктер болып отыр.

Қызылордада мақта тиеген жүк көлігі өртеніп кетті

<a href="https://kyzylorda-news.kz/">Kyzylorda-news.kz.</a> Қызылордада бұрынғы күйеуін өлтіру үшін адам жалдаған әйелге қатысты сот үкімі шықты.
Елуді алқымдаған әйел өзінің жоспарын жүзеге асыру үшін Түркістан облысының азаматына тапсырыс берген. Ол осы қызметі үшін оған 20 мың АҚШ доллар сыйақы беретін болып келіскен. Түркістандық азамат іске келіскенімен, төрт балалы ананың қылмысын әшкерелеп, Қызылорда облыстық полиция департаментіне арызданған. Арыз тіркелген бойда сотқа дейінгі тергеу басталып, жасырын ендіру және қылмыстық әрекетті имитациялау қаулысы қабылданады. Сөйтіп арыз берген азамат арнайы кісі өлтіруші ретінде белгіленеді.
Сотталушының айтуымен «киллер» азамат Әлібековты өлтіргені жайлы оқиғаны дәлелдеуі үшін өтірік өлтірген болып, жәбірленушінің үстіне қан жағып, пышақ пен оған тиесілі басқа да заттарын ұялы телефонға түсірілген фотосуретті әйелге жібереді. Содан соң телефонмен хабарласып, жұбайын өлтіргенін және дария жиегінде қашып келе жатқанын айтқан.
Қылмыстық пиғылы орындалғанына толық көзі жеткен соң, сотталушы Әлібекова «киллерге» жолақы ретінде қалтасынан 10 мың теңге берген. Ал бұрынғы күйеуінің атына тіркелген мүліктер балаларына мұра болып өткеннен кейін, еңбек ақысын беретінін айтқан. Бас сот талқылауында сотталушы тағылған айыпты мойындаған жоқ.
<blockquote>
 «Мен оны адам өлтіруге де жалдаған жоқпын, ақша да берген жоқпын», – дейді сотталушы Әлібекова.
</blockquote>
Сот бұл резонансты іске нүктесін қойды. Сотталушыға 7 жыл 6 айға бас бостандығынан айыру туралы үкім етті.
<blockquote>
 «Сот үкімімен сотталушы Әлібекова Қылмыстық кодекстің 24 бабның 1 бөлігі, 28 баптың 4 бөлігі, 99 баптың 2 бөлігінің 8 тармағы бойынша кінәлі деп танылып, 7 жыл 6 айға сотты болды. Сотталушының жазасы неге төмен болды деген заңды сұрақ болуы мүмкін. 24 баптың 1 бөлігі «қылмысқа дайындалу» болып табылад. Мұнда айыпталушыға жазаның ең жоғарғы шегінің тең жартысынан асыруға болмайды. Бұл істе 20 жыл жаза көзделген болса, оның жартысы 10 жыл. Егер сотталушының жазасын жеңілдететін мән-жайлар болып, ауырлататын мән-жайлар болмаған кезде, ең жоғарғы көрсетілген жасазның 4-тен 3 бөлігін асыруға болмайды», – дейді Қызылорда облысының қылмыстық істері жөніндегі мамандандырылған ауданаралық сотының төрағасы Асхат Сабыров.
</blockquote>
Сотталушы мен жәбірленушінің заңды некелері 2016 жылы бұзылған. Олардың ортақ некелерінен 4 бала бар. Бір бала әлі кәмелет жасқа толмаған, сондықтан сотүкімімен кәмелетке толмаған қыз әкесінің қамқорлығына берілді.
Естеріңізге сала кетейік, бұл қылмыстық іс өткен жылдың 9 шілдесінде қолға алынған болатын. Күйеуін өлтіруге тапсырыс берген Әлібекова өзі жалдаған адаммен кездесіп, оған жолақы беру кезінде қолға түскен болатын.

Қызылордада экс-күйеуін өлтіруге киллер жалдаған әйел сотталды

<a href="https://kyzylorda-news.kz/">Kyzylorda-news.kz.</a> «Батыс Еуропа-Батыс Қытай» тас жолының Арал ауданы тұсында күдік тудырған жеңіл автокөлік тоқтатылды.
Тексеру барысында 1 келіге жуық&nbsp; «кептірілген марихуана» тәркіленді. Автокөлік жүргізушісі 36 жастағы Арал ауданының тұрғыны болып шықты.&nbsp;&nbsp;&nbsp;
<blockquote>
 «Бүгінгі күні күдікті Арал ауданы Полиция бөлімінің уақытша ұстау абақтысына қамаққа алынып, Қазақстан Республикасы Қылмыстық кодексінің 296-бабы 3-бөлігімен (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу) сотқа дейінгі тергеп-тексеру амалдары жүргізілуде», – делінген полиция департаментінің таратқан хабарламасында.
</blockquote>

Есірткі заттарын тасымалдаған Арал ауданының тұрғыны ұсталды

<a href="https://kyzylorda-news.kz/">Kyzylorda-news.kz.</a> Қызылордада қарақшылық шабуыл жасап, кісі өлтіргені үшін іздеуде жүрген 24 жастағы күдікті қолға түсті. Бұл туралы облыстық Полиция департаментінің баспасөз қызметі мәлімдеді.
Оны Қызылорда облысы полиция департаментінің криминалдық полиция басқармасының қызметкерлері ұстады. Ол қылмыстық топ құрамында болып, 2019 жылдың тамыз айының соңында кәсіпкердің үйіне қарақшылық шабуыл жасаған болатын.
<blockquote>
 «Қылмыс барысында зергерлік бұйымдар мен 300 млн теңгеге жуық ақшаны жымқырған. Ал үй иесі ауыр дене жарақатын алып, ауруханада көз жұмды. Қазіргі таңда күдікті қамауға алынған. Оған қатысты ҚР Қылмыстық кодексінің 192-бабы 4-бөлігімен және 99-бабы 2-бөлігімен қылмыстық іс тергелуде», – деп мәлім етті Қызылорда облыстық Полиция департаментінің баспасөз қызметі.
</blockquote>
Еске сала кетейік, өткен жылы тамыз айында кәсіпкерге&nbsp;шабуыл жасалған&nbsp;еді. Көп ұзамай қарақшылық қылмыс жасаған 5 адам ұсталды. Оларға қатысты қылмыстық іс сотта қаралуда.

Қызылордада кәсіпкерді өлтіріп, іздеуде жүрген күдікті ұсталды

<a href="https://kyzylorda-news.kz/">Kyzylorda-news.kz.</a> Қызылорда облысында ақбөкен атып, полиция қызметкерлерінен бой тасалап кетуге әрекет жасаған «Охотзоопром» ӨБ РМҚК 2 қызметкері мен көлік жүргізушісі қолға түсті. Олардың жүк салғышынан ақбөкеннің еті табылды. Бұл туралы Қызылорда облыстық Полиция департаментінің баспасөз қызметі мәлімдеді.
Аталмыш оқиға Қармақшы ауданы аумағындағы Тышқантамда болған. Полиция қызметкерлері сол маңайда «Браконьер» жедел алдын алу іс-шарасын жүргізген болатын. Олардың назарын «Ланд Крузер ЛХ76» маркалы қызметтік автокөлігі аударған. Оны тексерген кезде артқы бамперде қан іздері байқалды. Полиция қызметкерлері жүргізушіден жүк салғышты ашуды талап еткен. Сол сәтте автокөлік жүргізушісі мен «Охотзоопром» ӨБ РМҚК 2 қызметкері полицей талабына бағынудан бас тартқан. Осылайша оқиға орнынан бой тасалаған. Полиция қызметкерлері олардың артынан жүре отырып «Охотзоопром» тұрағында қолға түсірді.
<blockquote>
 «Автокөлікті тексеру барысында салонынан 1 дана тегіс ұңғылы қару, пышақ және прожектор табылды. Олар заттай дәлелдеме ретінде алынды. Ал автокөліктің артқы жүк салғышынан бір ақбөкенге ұқсас жануардың тұтастай еті табылды. Ұсталғандардың бірі уақытша ұстау изоляторына қамауға алынды. Ал қалғанына бұлтартпау шарасын қолдану мәселесі шешілуде. Қазіргі таңда ҚР Қылмыстық кодексінің 339-бабы 2-бөлігінің 2,4-тармақтары бойынша сотқа дейінгі тергеп-тексеру жұмыстары жүргізілуде», – деп мәлім етті Қызылорда облыстық Полиция департаментінің баспасөз қызметі.
</blockquote>
<img src="https://kyzylorda-news.kz/wp-content/uploads/2020/01/20akboken2.jpg" alt="" />

Қармақшыда ақбөкен атқан «Охотзоопромның» 3 қызметкері тұтқындалды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Панфилов көшесі №3 «А» мекенжайдағы 5 қабатты тұрғын үйдің шатырында өрт шықты, деп хабарлайды&nbsp;Қызылорда облысы бойынша төтенше жағдайлар департаментінің баспасөз қызметі.
112 құтқару қызметіне сағат 20:13-де өрт шыққандығы жөнінде хабарлама түседі. Бұл ақпараттан хабардар&nbsp;болған №2 мамандандырылған өрт сөндіру бөлімінің жеке құрамы мен жедел кезекші қызметі дереу оқиға болып жатқан жерге жетті.
<blockquote>
 «Төтенше жағдай&nbsp;болып жатқан&nbsp;жерге&nbsp;жедел жеткен өрт сөндіру қызметінің жеке құрамы барлау жұмыстарын жүргізіп, 5 қабатты тұрғын үйдің төбесінде көлемі 1×1 болатын көрпешенің жанып жатқанын анықтап, аумақты оқшаулады.Сонымен қатар, тұрғын үй төбесінен ес-түссіз масаң күйде жатқан тұрғылықты жері жоқ азаматты тапты. Мас адамды тексеру нәтижесінде, оның 1979 жылғы азамат екендігі анықталды. Өрт сөндіру кезекші қызметінің жедел кезекшісінің орынбасары Қиятов Нұрболат табылған адамды қауіпсіз жерге&nbsp;шығарды. Алғашқы көмек көрсетілді. Содан кейін мас адам жедел жәрдем қызметкерлеріне табысталды», – дейді төтенше жағдайлар департаментінің баспасөз хатшысы Әлия Қайратқызы.
</blockquote>
Өрттің шығу себебі – болжаммен темекі қалдығын тастау немесе ашық отты пайдалану.

Қызылордада 5 қабатты тұрғын үйдің шатырынан өрт шықты (ВИДЕО)

<a href="https://kyzylorda-news.kz/">Kyzylorda-news.kz.</a> «Батыс Еуропа-Батыс Қытай» жолының бойында есірткі тасымалдаушылар ұсталды. Бұл туралы облыстық Полиция департаментінің баспасөз қызметі хабарлады.
<blockquote>
 «Сараптама қорытындысы бойынша автокөліктен табылған ерекше иісі бар заттар 16 кг. 788,65 гр&nbsp; «кептірілген марихуана» екендігі анықталған.&nbsp;&nbsp; Бүгінгі күні күдікті Қармақшы ауданы полиция бөлімінің уақытша ұстау абақтысына қамаққа алынып, Қазақстан Республикасы Қылмыстық кодексінің 297-бабы 3-бөлігімен сотқа дейінгі тергеп-тексеру амалдары жүргізілуде», – делінген хабарламада.
</blockquote>
<img src="https://kyzylorda-news.kz/wp-content/uploads/2020/01/16esirtki2.jpg" alt="" />
<img src="https://kyzylorda-news.kz/wp-content/uploads/2020/01/16esirtki3.jpg" alt="" />

Қармақшы ауданында есірткі тасымалдаушылар ұсталды (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының прокуратурасы 2019 жылдың 10 қазанында болған оқиғаға кім кінәлі екенін айтты, деп хабарлайды&nbsp;<a href="https://sputniknews.kz/regions/20200115/12547282/qyz-bas-ontustik.html">Sputnik Қазақстан</a>.
Еске сала кетсек, 10 қазан күні жергілікті полицияға Тасбөгет елдімекеніндегі өзен бөгетінде қыздың денесі табылғаны туралы хабар түскен. Қыздың басы кесілген.
Полицейлер бұған өздері көз жеткізді. Көлікте жараланған ер адам табылды. Жанында қыздың денесі болған. Жақын маңда тәртіп сақшылары қыздың басын тапты.
Жігіт ауруханаға жеткізіліп, аман қалды. Қыз да, жігіт те 1990 жылы Қармақшы ауданындағы Жаңажол ауылында туған. Трагедия болған кезде екеуі де Қызылордада жұмыс істеген. Қыз Тасбөгетте туыстарында тұрған.
Оқиғаны тергеуді Қызылорда облысының прокуратурасы бақылауға алды. Құқық қорғау органының қызметкерлері жаралы табылған жігітті де күдікті ретінде қарастырды. Соңында танысын сол жігіт өлтіргені анықталды.
<blockquote>
 «Жігіт көлікте қызға бірнеше рет пышақ сұғып, басын кесіп тастады», – деп хабарлады Қызылорда облысының прокуратурасы.
</blockquote>
Daewoo Nexia көлігі жігіттікі болған. Қызды өлтірген соң ол өзін өзі жаралаған. Жігіт ауруханадан шыққан соң қамауға алынды.
Психиатр қаскөйдің психологиялық ауытқуы бар екенін дәлелдеді.
<blockquote>
 «Сот-психиатриялық сараптама қорытындысына сәйкес, күдіктіге «белгісіз шизофрения» диагнозы қойылды», – деді прокурорлар.
</blockquote>
Қазіргі таңда қылмыстық іс Қызылорда облысының қылмыстық істер жөніндегі мамандандырылған ауданаралық сотына жіберілген.

Атышулы істің соңғы нүктесі қойылды: Қыздың басын кескен қармақшылық жігіттің психологиялық ауытқуы бар болып шықты

<a href="https://kyzylorda-news.kz/">Kyzylorda-news.kz.</a> Қызылорда облысы Жаңақорған ауданы аумағындағы «Самара – Шымкент» тасжолының бойында жеңіл көлік аударылып, көлік жүргізушісі оқиға орнында қайтыс болды.
Оқыс оқиға Жаңақорған ауданының Бесарық ауылының тұсында болған. Жеңіл көлік Шымкент қаласына бағыт алып бара жатқан.
<blockquote>
 «Жол-көлік оқиғасы бойынша ҚР Қылмыстық Кодексінің 345-бабының 3-бөлігі бойынша сотқа дейінгі тергеп-тексеру амалдары жүргізілуде. Онда көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзу жағдайы көрсетілген. Тиісті сараптамалар тағайындалды. Мән-жайлары анықталуда», – деп мәлім етті Қызылорда облыстық полция департаменті бастығының бірінші орынбасары Шәмшидин Әмитов.
</blockquote>
Қызылорда облысының Полиция департаменті өз кезегінде жолдардағы төтенше жағдайларды болдырмау үшін жылдамдық режимі мен ара қашықтықты сақтау қажеттігін ескертеді. Жол қозғалысы ережелерін бұзу, әсіресе қолайсыз ауа райы мен көктайғақ кезінде елеулі жол-көлік оқиғаларының себебі болуы мүмкін.
Бұдан бұрын Қызылордада жолаушылар автобусы аялдамада&nbsp;<a href="https://kyzylorda-news.kz/kogam/qyzylordada-avtobws-ajaldamada-adam-qaghyp-ketti-39353/">адам қағып кеткенін</a> хабарлаған болатынбыз.

Қазақстан және Қызылорда облысының жаңалықтары: Оқиғалар