&nbsp;<a href="https://kyzylorda-news.kz/">Kyzylorda-news.kz</a>. Әли Мүсілімов атындағы №101 мектеп-лицейінің 10 сынып оқушысы Тағыберген Гүлназ Жалпы білім беретін пәндер бойынша Республикалық зерттеу жобалар конкурсының облыстық кезеңінен өтіп, конкурстың қорытынды кезеңі 2024 жылдың 26 ақпан-1 наурыз күндері өткізілген сайыста Республикалық кезеңінен 1ші орын иегері атанды.<blockquote>– Бұл тақырыпты биология пәні мұғалімі Жетекшім Мөлдір Жандосқызының кеңесімен бірге таңдадық. Жалпы қазіргі таңда қыз-келіншектер үй жағдайында косметикалық &nbsp;өнімдерді жасай бермейді, сондықтан күріш өзекті мәселе болғандықтан, күріш ұнтағынан, қайнатпасынан бірнеше бетке арналған маска, скраб, крем, шашқа спреи, тонер, сыворотка, энзимная пудра, сабын түрлерін жасауды ұйғардым. Күріштің құрамында шаштың, тырнақтың және терінің күйіне оң әсер ететін дәрумендер, аминқышқылдар мен микроэлементтер бар. Бұл экоөнімдердің ерекшелігі ол терінің кез - келген түріне сәйкес келеді. Күріш майы теріні ылғалдандыруға көмектеседі. Күріш қосылған маскалар мен скрабтар майлы теріге арналған тамаша косметикалық шешім болып табылады. Күріш ұнтағы терінің қызметін жақсартуға көмектеседі, тазарту үшін қолданылады. Бет терісін жақсартады, бетті ағартады. Қорытындылай келе, күріштің косметика саласында пайдалы жақтарын білдім. Күріштен жасалатын экоөнімдер барлық адамдардың бет терісіне өте пайдалы, ешқандай химикатсыз жасалатын бұл өнімдерді болашақта арнайы зауыттарда өңдіріп, ел игілігне қолдану керек деп ойлаймын.</blockquote><img src="https://knadmin.beoblood.kz/uploads/2d6b608b_a192_494f_950b_cd69595d4649_157fbb00b3.jpg" alt="2d6b608b-a192-494f-950b-cd69595d4649.jpg"><img src="https://knadmin.beoblood.kz/uploads/a364ec75_93ec_43cc_b0ae_76f05ab5601f_b51420c631.jpg" alt="a364ec75-93ec-43cc-b0ae-76f05ab5601f.jpg"><img src="https://knadmin.beoblood.kz/uploads/54bd62aa_2584_42bf_a4cb_87558b02acba_8fac94a449.jpg" alt="54bd62aa-2584-42bf-a4cb-87558b02acba.jpg"><img src="https://knadmin.beoblood.kz/uploads/3ab5a908_2734_41ab_a952_a3f44e747337_53323623d4.jpg" alt="3ab5a908-2734-41ab-a952-a3f44e747337.jpg">

Қызылордалық оқушы экоөнім жасап шығарды 

&nbsp;<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp; Сырдария аудандық мәдениет үйінің қазіргі ғимараты алғаш рет 1973 жылы пайдалануға беріліп, сол кезден бастап қазірге дейін халыққа қалтқысыз қызмет көрсетіп келеді. Әйтсе де, әр кезең өзіндік ерекшелігімен, жаңашылдығымен тарихта қалуда. Негізінен, мәдени іс-шараларды сырттан тамашалап, әдемі көріністің куәсі болып, жаны мен көңілі сергіп қайтқан көпшілік сахнаның сыртында қаншалықты еңбек, қандай жұмыс жатқанын біле бермейтіні рас.&nbsp; &nbsp; Мәдениет саласының әрбір қызметкеріне үлкен жауапкершілік жүктелген. Тіпті кейде ауқымды іс-шараларды бір күнде бірнеше рет қатарынан абыроймен өткізіп келе жатқан қызметкерлердің халық алдына әдемі қалпында шығып, еш шаршамай, күліп жүргенін көргенде, бір жағынан қуанып, бір жағынан тәнті болатынымыз рас. Бұл мәдениет саласы мамандарының өз ісіне деген асқан сүйіспеншілігі мен махаббатын көрсетсе керек.&nbsp; &nbsp; Ұл-қызы өнерлі, өнегелі, тұрмысы берекелі, қариясы кемел, жастары жалынды ауданда мәдениет пен өнерді дамытуға үлес қосқан арда азаматтар жетерлік. Қырғи тілді ақын Асқар Тоқмағамбетов, абыз ақын Әбділда Тәжібаев, театр падишасы Сәбира Майханова, драматург, Қазақстанның халық жазушысы Қалтай Мұхамеджанов, атақты ақындар Иранбек Оразбаев, Әбіраш Жәмішев, Сейфолла Оспан, Жадыра Дәрібаева, Сыр елінің өнерін әлемдік деңгейге көтерген қарымды суреткер, белгілі режиссер Хүсейін Әмір-Темір, өтірік айтыс шебері Заметдин Ибадуллаев, композитор Рамазан Тайманов, күйшілеріміз Құрақтың Досжаны мен Исламбек Ысқақов, сондай-ақ эстраданың жарық жұлдыздарын ауыз толтыра атап өту өте орынды. Ән мен жырдың Отаны атанып кеткен Сыр елінде туып, күллі қазақтың мақтанышына айналған өнер иелерінің тізімін тоқтаусыз жалғастыра жаза беруге болады.&nbsp; &nbsp; Жалпылай айтқанда, ауданымызда аудандық және кент мәдениет үйінен бөлек, 6 ауылдық мәдениет үйі, 6 ауылдық клуб, лайықтандырылған кент клубы мен бейімделген ауылдық клубы жұмыс жасауда. Сонымен қоса халық театрлары мен «Құрақтың Досжаны» атындағы ұлт аспаптар оркестрі, «Сәдуақасовтар» жанұялық ансамблі, «Ритм» халықтық вокалды-аспапты ансамблі, «Балауса» халықтық би ансамблі ауданда өткен әрбір іс-шараның көркін қыздырып, мәдени іс-шаралардың сәнін келтіріп жүр. «Дала дидары» мәдени үгіт бригадасы, «Сарыбаевтар» &nbsp;халықтық отбасылық ансамблі, «Сыр гүлі» халықтық би ансамблі, Айдарлы халық театры, «Жадыра» халықтық әжелер ансамблі, «Жаншуақты» халықтық әжелер ансамблі, «Шаттық» халықтық би ансамблі, «Көңілашар» халықтық ойын-сауық отауы, «Ақ дариға» халықтық ансамблі мен мәдени-демалыс кешені жұмысын да атап өткеніміз орынды деп ойлаймыз. Сонымен қоса аудан бойынша жалпы 100-ден аса үйірмеге мыңнан астам өнерпаз тартылған.&nbsp; &nbsp; Еліміз егемендік алғаннан бері мемлекет тарапынан өнердің өрісін кеңейтуге үлкен қолдау жасалып келе жатқаны баршаға мәлім. Осы тұста мәдени ошақтардың барлығы дыбыс күшейткіш аппаратуралармен, концерттік костюмдермен, ұлттық аспаптармен, заманауи лэд экран, бейнепроектор, сахна пердесі, дыбыс жазу студиясы және техникалық құралдармен жабдықталғанын айтып өту орынды.&nbsp; &nbsp; Халқымыздың бай мәдени мұрасы мен руханиятының дамуына үлес қосып келе жатқан мәдениет саласының ел өмірінде алатын орны орасан әрі ерекше. Сала мамандарының еңбегі қай кезде де елеулі. Ұрпақтар сабақтастығы дейтін алтын тін аталған салада да жалғас тауып, бүгінгі таңда мәдениет саласы жас өнерпаздармен толығуда. Өнер өлкесінде өзіндік із қалдырып, дария жағасын жайлай қонған аудан атын үлкен сахналарда шығарған өнерпаздар жолын жалғап, ел руханиятын дамытуда өлшеусіз еңбек етіп жүрген сала мамандарының жұмысы бағалауға лайықты.&nbsp;

Мәдениет мәйегіне айналған өнер ордасы

Мереке қарсаңында халықтың әлеуметтік осал топтарына кіретін 21 861 әйел біржолғы төлем алады, – деп хабарлайды<a href="https://aikyn.kz/263551/8-nauryz-merekesine-oray-kopbalaly-analar-birzholg-y-tolem-alady">&nbsp;Aikyn.kz</a>.Қарағанды, Теміртау, Приозерск, Осакаров және Шет аудандарында мерекеге орай төрт және одан да көп баласы бар көпбалалы аналарға және «Алтын алқа» және «Күміс алқа» алқаларымен марапатталған көпбалалы аналарға ақша аударылмақ.Балқашта көпбалалы аналар, Құрметті азаматтар, тыл еңбеккерлері, ҰОС қатысушыларына теңестірілген адамдар, еңбек ардагерлері, белсенді емес тыл еңбеккерлері, мүгедек балалар, белсенді емес жалғыз тұратын әйелдер, қайтыс болған ҰОС ардагерлерінің әйелдеріне төлем аударады.Саранда төрт және одан да көп баласы бар көпбалалы аналарға, «Алтын алқа» және «Күміс алқа» алқаларымен марапатталған көпбалалы аналарға, мүгедек балаларға, аз қамтылған отбасыларға беріледі.Абай ауданында ХӘОТ, аз қамтылған, көпбалалы отбасыларға, мүгедектерге, зейнеткерлерге, түрлі саладағы қызметкерлерге бөлінеді.Ақтоғай ауданында төрт және одан да көп баласы бар көп балалы аналарға, «Алтын алқа» және «Күміс алқа» алқаларымен марапатталған көп балалы аналарға, аз қамтылғандарға, мүгедектерге, зейнеткерлерге (әйелдерге) беріледі.Бұқар жырау ауданында аз қамтылған, көпбалалы отбасылардан шыққан әйелдер, мүгедектер, зейнеткерлер және ХӘОТ қаржылай қолдау көрсетіледі. Қарқаралы ауданында 18 жасқа дейінгі төрт және одан да көп баласы бар көпбалалы аналарға, «Алтын алқа», «Күміс алқа» алқаларымен марапатталған көпбалалы аналарға, аз қамтылған, мүгедектерге беріледі.Нұра ауданында аз қамтылған, көпбалалы аналар, жастар біржолғы қолдау алады.Сурет: Н.Нұржаубай

8 наурыз мерекесіне орай көпбалалы аналар біржолғы төлем алады

&nbsp;<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a> Ауданымызда ұйымдастырылатын кез келген мәдени-көпшілік іс-шараның басы-қасында жүретін, бірақ еңбегі көптің көзіне көрінбейтін жас маман туралы қалам тербейтін боламыз.&nbsp; &nbsp; &nbsp;Талғат Құттымұратұлы – Тереңөзек кентінің тумасы. Ол – аудандық&nbsp; №210 О.Әбілпаттаев атындағы орта мектебінің түлектерінің бірі. Оқушы кезінен бастап-ақ белсенді және мәдени-көпшілік іс-шараларға етене жақын болып өскен ол қазіргі кезде аудандық мәдениет үйінде дыбыс операторы ретінде қызметі бойынша жұмыс істеуде. Ізденісті жанына серік еткен жас маман былтыр тәжірибиесін толықтырып, «Қазақконцерт» АҚ барып, Алматыдағы өзі секілді әріптестерімен кездесіп келді. Шығармашылық сапарынан соң аудандағы мәдени іс-шараларда шырқалатын әндердің, әуенді ырғақтардың сапасын одан әрі арттырып, жұмысына жауапкершілікпен қарап келеді.<blockquote>&nbsp; &nbsp; &nbsp;– Мәдениет саласында жұмыс істеу әрі қызықты, әрі қиын. Қызықты дейтін себебім апта сайын түрлі іс-шаралар өтеді. Соның ұйымдастыру жұмыстарына ұжыммен бір кісідей атсалысамыз. Көрермен қауымға ұнап, қол шапалақтаса, еңбегіміздің еш кетпегенін түсінеміз. Ал қиын болатын себебі жауапкершілік өте жоғары. Басшымыз Нұрхан Серікұлы бізге әркез бағыт-бағдарын беріп, ақыл-кеңесімен бөлісіп, көрермен алғыс айтатындай іс-шаралар өткізуімізге жол ашып келеді, – дейді дыбыс операторы.&nbsp;</blockquote>&nbsp; &nbsp; &nbsp;Маманның айтуынша, дыбыс операторының бар-жоғын халық онша біле бермейді. Бірақ іс-шара барысында әннің шырқалуында немесе ән ырғақтарының уақытылы қосылуында қандай да бір қателіктер орын алса, бірден дыбысқа жауапты маманның барын сезінеді. Сондай-ақ мұндай кезде әр секундтың қадірі арта түседі. «Халық – әділ сыншы» дейтін болсақ, мұндай жағдайда тез шешім қабылдап, орын алған кем-кетікті жою кәсіби шеберлікті талап етеді. Сол себепті дыбыс операторы барлық жағдайға дайын болуы тиіс. Себебі іс-шаралар барысында «форс-мажор» жағдайлар кез келген уақытта орын алуы әбден мүмкін.&nbsp; &nbsp; &nbsp;Қызметі жауапты, алайда еңбегі көзге көріне бермейтін мамандардың түрлі салада көп екені белгілі. Міне, бүгін біз мақалаға арқау еткен дыбыс операторы Талғат Құттымұратұлы – сондай маманның бірі.&nbsp;

Талғат Құттымұратұлы: Дыбыс операторының жұмысы көзге көріне бермейді 

<a href="https://kyzylorda-news.kz/">Kyzylorda-news.kz</a>. Қызылордада соңғы жылдары жанға жайлы ғимарат пен көпқабатты тұрғын үймен толықты. Осылайша бір екі жыл көлемінде қаламыз әсем қалаға айналды.&nbsp;Бүгінгі күні қаламыздың көркіне көрік беріп, зәулім үйлер мен ғимараттар салуға өз үлесін қосып жүрген жан­ның бірі – Қалдыбек Абдреев. Кейіпкеріміз «Дәнекер құрылыс компа­ниясы» ЖШС-да учаске бас­шысы қызметін атқара­ды.&nbsp;Кейіпкеріміз 1960&nbsp;жылы&nbsp; Қызылорда облысы­­ның&nbsp; Сырдария ауда­нына қарасты Шаған ауы­лында дүниеге келген. Өмір жолын&nbsp; құрылыс са­ласына арнаған Қалдыбек Абдреевтің қажырлы еңбегі зор құрметке ие. Оның&nbsp; қырық екі жыл бойы жасаған құрылыс нысандарында өзіндік қол­таңбасы қалған.Алғаш еңбек жолын 1981 жылдың маусым айында&nbsp; ПМК – 18 «Рис­совхозстрой»&nbsp; мекемесіне IV&nbsp;разрядты тас қалаушы&nbsp; болып бастаған. Сол ме­кемеде бірнеше айдан кейін шебер қызметкері болған. Бір жылдан кейін бас инженер қызметіне ауысып, төрт жылдан кейін&nbsp; ӨТБ басшысы қызметіне дейін өскен.Ал 1987 жылы Терең­өзек күріш совхозына ЖКО инжтеплотехник қызметіне жұмысқа ауысқан. Онда&nbsp;үш жыл&nbsp; қызмет жасағаннан кейін шаруашылық про­рабы болған.Аталған мекемеден 2012 жылы өз еркімен жұмыстан шығып, «Дәнекер құрылыс компаниясы» ЖШС-на прораб ретінде жұмысқа қабылданған. Серіктестікте алты жыл еңбек еткен кейіпкеріміз 2018 жылдан бастап&nbsp; учаске басшысы&nbsp; қызметіне дейін көтерілген.«Дәнекер құрылыс ком­паниясы» ЖШС мекемесі кейіпкеріміздің тұрақты жұмыс орнына айналған. Бұл мекемеде еңбегі еленген Қалдыбек Абдыреев 2018 жылы құрылысшылар күніне орай алғыс хатпен марапатталған. Ал 2019 жылы «Қазақстанның құр­метті құрылысшысы» атты құрмет белгісін алған.&nbsp;Қазіргі таңда мекемедегі әріптестерімен бірге қала мен облыс аумағындағы ау­дандарда көптеген тұрғын үй мен ғимарат құрылыстарының, жол, ауызсу, аяқсуларды елді-мекендерге пайдалануға, түрлі қоғамдық жұмыстарға белсене араласып, тұр­ғын үй нысандарының құ­рылыстарын салуға және қала орталығын көркейтуге атсалысып келеді.<img src="https://knadmin.beoblood.kz/uploads/205a0972_10c9_4b3b_bc18_491b98ec6216_e942b251f0.jpg" alt="205a0972-10c9-4b3b-bc18-491b98ec6216.jpg"><img src="https://knadmin.beoblood.kz/uploads/f239f178_c4de_46dd_9da5_3c8ff37535f3_7ed96b116c.jpg" alt="f239f178-c4de-46dd-9da5-3c8ff37535f3.jpg">

Құрылыста өзіндік қолтаңбасы бар құрылысшы

<a href="https://kyzylorda-news.kz/">Kyzylorda-news.kz</a> Жалағаш ауданындағы «Өнер» мектебін тілге тиек етсек, ойымызға ең алдымен Айбарша Бекбайқызы жетекшілік ететін «Art Action» биі тобы түседі. Олай дейтініме себеп те жоқ емес. Талабы мен таланты ұштасқан өнерпаздарды тәрбиелегеніне көп болмаса да, бағындырған белесі биік ұстаздың кіші тобы кеше Қызылорда қаласында өткен «Talent show» республикалық балалар шығармашылығы фестивалінен бас жүлдемен оралды. Осы сәтті пайдаланып, балғын бишілер мен жетекшіні жеңісімен құттықтау үшін бүгін арнайы өнер ордасына бардық.&nbsp;Сүйінші хабарды естіп, аталған мекеменің есігінен енгеніміз сол еді, жаңашылдыққа жаны құмар Айбарша Үсейн «Art Action» үлкен тобымен жаңа биге дайындық жүргізіп жатыр екен. Жетекшінің қандай биге дайындалып жатқанын жасырғанына қарап, «Art Action» би тобының бүлдіршіндерін алда үлкен жарыс күтіп тұрғанын аңғардық. Айбаршаның айтуынша, әр бидің өзінің жүлде алатын жарысы болады екен. Сол үшін ол кез келген биді қойғанда оның жүлде алатын жарысын күтеді. Мәселен, кеше Қызылорда қаласында «АРТ ЭМПАЙР» балалар филармониясы, ҚР Оқу-ағарту министрлігі «Қосымша білім беру оқу-әдістемелік орталығы» РМҚК ұйымдастыруымен өткен байқауға қатысуға оларға осы айдың басында ұсыныс түскен. Шәкірттерінің бұл байқауда жеңіске жететініне толық сенім &nbsp;білдірген ол жарысқа былтыр қазан айынан бастап дайындалған «Устроем танцы» биін апарған. &nbsp;<blockquote>– Бізде «устроем танцы» биі әзірге балалар арасында жоқ. Көбіне халық биі, қойылымдық би, заманауи билер кеңінен тараған. Бишілер арасында 5 жастағы қыздар болғандықтан, бұл биді жас ерекшеліктеріне қарап таңдап алдым. Би барысында бишілер бастапқыда екі тарапқа бөлініп, бір-біріне қарсылас болады, артынша ауызбіршілікпен барлығымыз бірге биді құрайық деп алып шығады. Алғашқы үлкен сахнада билеген биі болсын деген ниетпен осыны таңдап алдым. Дайындық барысында бидің әр элементіне жеке-жеке тоқталып, денені қалай ұстау керек, аяқ қалай тұру керектігі түсіндіріледі. Көрерменге шынайы әсер сыйлау үшін бір бидің өзі бірнеше ай дайындықты қажет етеді. Әр бидің өзіндік мағынасы, сюжеті мен аяқталуы болады. Сондықтан би шығаруға атүсті қарамай, көрерменге жаңаша көзқараспен жеткізуге тырысамыз, – дейді үйірме жетекшісі Айбарша Үсейн.&nbsp;</blockquote>&nbsp;Аталған жарысқа қатысқан кіші топ өнер мектебінде 2022-2023 оқу жылынан бастап білім алып жатыр. Қазіргі таңда олар 2 сыныпта оқиды. Айбаршаның айтуынша, бишілер 1 сыныпта ешқандай жарысқа қатыспайды. Ол жылы тек баланың дене бітімін қалыптастыруға күш салады. Ал 2 сыныптан бастап оларды концерт пен жарыстарға қатыстыра бастайды екен. Бұл кіші топтың алғаш қатысқан концерті әкім шыршасы болса, алғаш өнер көрсеткен додасы – &nbsp;республикалық &nbsp;«Talent show» фестивалі.&nbsp;Бұл сайыста кіші топтар жас ерекшеліктеріне қарай ІІІ топқа бөлінген. Яғни 3 пен 6 жас, 5 пен 8 жас, 7 мен 9 жас аралығында 12 команда қатысып, ІІІ бас жүлде табысталған. 5 пен 8 жас аралығындағы бүлдіршіндер арасынан бас жүлдені иеленген «Art Action» би тобында 27 бала өнер көрсеткен.&nbsp;Балғын бишілерге «Қорқыт ата» атындағы Қызылорда мемлекеттік университеті «Хореография» кафедрасының меңгерушісі, доцент, жоғары дәрежелі педагог-хореограф Г.Мұрзабаева мен Алматы қаласындағы «Мақпал» үлгілі хореографиялық ансамблінің жетекшісі, халықаралық хореографиялық байқаулардың жеңімпазы А.Қайырбек, «Арт Эмпайр» балалар филармониясының директоры Б.Арыстанбеков төрелік еткен.&nbsp;<blockquote>– Бала күнімнен биге деген қызығушылығым өте жоғары болды. Сөйтіп бірде анама өзімнің биге қатысқым келетінін айтып, Айбарша апайдың тобына қосылдым. Мен әр сабақты асыға күтемін. Себебі Айбарша Бекбайқызы сабақты қызықты әрі ерекше өткізеді. Осы байқауға қатысар алдында біздің &nbsp;«Art Action» командасының үлкен тобындағы әпкелеріміз бар ақылын айтып, жарыстан жүлдемен оралуымызды, тобымыздың атына кір келтірмеуімізді тапсырды. Кіші топтың барлық қызы осы сайыста бас жүлдені иелену үшін бар күшін салып, күндіз-түні тыңғылықты дайындалды. Бізді қолдаған ата-анамыз бен достарымызға және Айбарша Бекбайқызына алғысымыз шексіз, – дейді кіші топ мүшесі Айша Бодыбай.</blockquote><blockquote>– Кез келген жарысқа барарда ең алдымен мені қолдайтын – ата-аналар. Олар қыздарының киімін, қажетті заттарын тауып, үнемі менің жанымнан табылады. Мәселен, кешегі сайыста олар дайындық барысында оқушыларды түгендеп, менің қызым, сенің қызың деп бөліп жармай бәріне бірдей қарап, барлығын киіндіріп, шаштарын дұрыстап көмектесті. 27 баланың барлығын бір уақытта дайындау кімге болса да оңай емес. Ата-аналарыма алғысым шексіз. Қазіргі таңда екі топты қосқанда 50-ге жуық шәкіртім бар. Алайда әлі де қатысқысы келетін бүлдіршіндер көп. Топтың ережесі мен бала санының толып қалуына байланысты кей ата-аналар балаларын қатыстыруға үлгермей реніш білдіріп жатады. Шама-шарқымызша біз барлығын қамтығымыз келеді. Алда үлкен жарыстар жоқ емес, нәтижесін уақыт көрсетер, – дейді Айбарша Бекбайқызы.</blockquote>Бүгінде бірнеше түлекке 4 жыл білім беріп, талабын шыңдаған ол алғашқы шәкірттерінің қазір Қызылорда қаласында хореография мамандығы бойынша білім алып жатқанын айтады. Би өнерінде 2018 жылдан бастап аталған топқа жетекшілік етіп келе жатқан білікті маманнан білім алатын бүлдіршіндердің биік белестерді бағындыруы заңдылық. Мамандыққа адалдық деген осы шығар, сірә.

Жалағаштық балғын бишілер жеңісі

<a href="https://kyzylorda-news.kz/">Kyzylorda-news.kz.</a>&nbsp; Кітапханаға оқушы кезімізде жиі бас сұғатынмын. Ол мектеп кітапханасы болсын, орталық кітапхана болсын, сабақтан қолым қалт еткенде жиі бас сұғатын орнымның бірі еді. Кітапхана ұйымдастарған іс-шаралардың да әрдайым басы-қасынан табылып, үнемі белсенділік танытушы едім. Сондағы мақсатым – ақылдың кілті болған кітап үйіне бір қадам жақын жүру. Кітапханаға арнайы барып, бірнеше әдеби-танымдық кітапты белгілі бір белгіленген мерзімге алып, олжалы қайтқандай үйге қуанып көңілді оралатынмын. Бір жағынан, кітапханадан том-том кітап алып оқу – әкемнен дарыған қасиет әрі отбасымның өнегелі тәрбиесі деп білемін.&nbsp; &nbsp; &nbsp; Сол уақыттарда маған бір ой келетін еді. «Мына кітапханашы апайлардікі, сірә неткен жақсы жұмыс. Кез келген кітап қолжетімді. Қалағаныңды ал да оқи бер. Тіпті бүкіл жұмыс уақытыңды кітап оқып өткізсең болады» деп таңданатынмын іштей. Бала көңіл анау темір жолдың арғы бетіндегі үйіме бірнеше кітапты арқалап қайтуды қиын көргені ме, әлде бірнеше кітап алғанымды місе тұтпай, көп кітаптың ортасында отырып, қалағанымды алып оқығым келе ме, әйтеуір осындай ой болатын. Бір жағынан, кітапханашының жұмысы – кітап оқу деп ойласам керек. &nbsp; &nbsp; Сол кездерден бері кітапхана мен кітапханашы апайларға өте жақынмын. Жақында №36 Ә.Тәжібаев атындағы мектеп-лицей жанындағы кітапхананың кітапханашысы Зәуре Үйсінбаевамен әңгіме-дүкен құрған болатынмын. Білімнің кені болған кітаптар үйінде, әдеттегідей, жүзі жылы, мейірімді апайлар жұмыс істейді. Менің бала күнгі түсінігімде солай қалыптасқан. Білікті кітапханашымен әңгімелесу барысында бұл ойымның дұрыстығына тағы бір мәрте көзім жете түскендей. Мектеп-лицей кітапханасына арнайы бас сұғып, жұмыс барысымен, кітап қорымен жақынырақ таныстым. &nbsp; &nbsp; Аз-кем таныстықтан соң Зәуре Маманқызы бізбен бұрыннан таныс кісідей ақтарылып сөйлесіп кетті. Журналист те, кітапханашы да «илегені бір терінің пұшпағы» демекші, екеуі де шығармашылықтың адамдары ғой. Содан болса керек, апаймен әңгімеміз тез жараса кетті. Мақала арқауы етіп өз өмірін айтудан бұрын кітапханамен таныстырып, жұмысын көрсеткен кітапханашының өз ісіне беріле кіріскен жан екенін аңғардық. &nbsp; &nbsp; – Жақында кітапханамыздағы кітап қоры 300-ге артты, – деп қуана дауыстады ол сүйіншілегендей. &nbsp; &nbsp; – «Оқуға құштар мектеп» жобасы аясында түрлі іс-шаралар өтіп жатыр. Оқушылармен бірлесе отыра,, мектепішілік байқаулар, танымдық кештер мен кездесулер ұйымдастырамыз. Әр баланың қабілеті әртүрлі ғой. Сол сияқты кітап оқуға, кітапхана жұмысына белсенділік танытатын оқушылар бар. Әрине оқушылардың барлығы дерлік кітапханаға бас сұғып, керек кітабын тауып, қажет ақпаратын алып жатады, – дейді Зәуре Үйсінбаева. &nbsp; &nbsp; Білікті маманның балаларға деген ықыласы да өте ерекше екен. Кітапханаға кірген оқушыны құшақ жайып қарсы алып, жылы лебізін білдіріп шығарып салып жатты. Біз сұхбат құрып отырған аз ғана уақыттың ішінде келген оқушылардың да кітапханашы апайға ерекше еркелеп, сыйластық көрсететінін байқадық. &nbsp; &nbsp; Зәуре Үйсінбаева – 1973 жылдың тумасы. Алғашқы еңбек жолы 1990 жылдан бастау алыпты. Алғашқыда түрлі салаларда еңбек етіп, тәжірибе жинақтап, жан-жақты ысылып, тәжірибе жинаған жас маманның 2012 жылдан бастап білім ордасындағы қызметі басталған. Алғашқыда зертханашы, тәрбиеші болып жұмыс жасай жүріп, балалармен жақсы қарым-қатынас орната білді. Жүзі жылы, жүрегі мейірімді адамға бала да үйір, жақын болады емес пе. «Адамның жақсысын бала біледі» деп айтады бұндайда. Ол – рас. Зәуре апай жаспен де, жасамыспен де тіл табыса алатын, үлкенге де, кішіге де сый-құрметін аямайтын жайдары жандардың бірі де бірегейі. Кітапханашы мамандығын игеріп, 2017 жылдан бастап мектеп кітапханасында аянбай еңбек етіп келеді. Бүгінде өз жұмысының қыры мен сырына әбден қаныққан ол әр жұмыстың қызық та, қиын да тұстары болатынын айтып өтті. &nbsp; &nbsp; – Балалармен жұмыс жасаған қызық қой. Баланың энергиясы кісіні шаршатпайды. Керісінше, күш-қуат береді адамға. «Бала тілі – бал» деген, кейде «өмірімізді ұзартып алатын» сәттер де кездесіп жатады. Өзім де кітап оқығанды ұнатамын. Кітап – ақы сұрамайтын ақыл кені. Нағыз шынайы дос бола алатын дүние. Негізінен өзім орыс сыныбында оқығанмын. Бірақ қазақ әдебиетіне, оның ішінде поэзия жанрына деген қызығушылығым басымырақ, – дейді кітапханашы. &nbsp; &nbsp; Журналист болған соң, әр түрлі саладағы адамдармен кездесіп, тілдесіп, сұхбат құрып жатамыз. Бір сұхбат барысында-ақ кісінің қандай екенін анық аңғаруға болады. «Бойыңызда қандай қасиеттеріңіз бар, айта өтсеңіз» деген сұрағымызға мақтанып ала жөнелмей, өзіне ұнамды қасиетін ашып айта қоймаған Зәуре апай туралы пікірді жанындағы әріптестерінен сұрастыруды жөн көрдік.&nbsp; &nbsp; &nbsp; – Зәурені 2012 жылдан бері қарай білемін. Ол кісі туралы айту керек болғанда, ең алдымен «қарапайымдылық» деген ассоциация ойыма орала қалды. Өте қарапайым әрі көпшіл жан. Қолы ашық. Сондай жарқын мінезінің арқасында көпке сыйлы болып жүрген жайы бар. Балалар да үйір өзіне. Кітапхана жұмысына араласа бастағанына жеті жыл уақыт болып қалған екен. Сол сәттен бері бірге жұмыс жасап келеміз. Бірге қаншама жұмыстар атқардық. Қызметте сенімді әріптес, өмірде әпкелі-сіңлілі құрбыға айналдық. Зәуре – өте еңбекқор жан. Әдемілікті жаны сүйеді. Әр іске жауапкершілікпен қарап, тыңғылықты атқарады. Ол өз ісінің нағыз маманы, өте ұқыпты, шыншыл, кішіпейіл, достарына адал жан деп ауыз толтырып айта аламын. Аялап өсірген қызы Бағжан өрісін кеңейтіп, анасына әже бақытын сыйлады. Бүгінде қос жиеннің қызығына тоймай, тілеулерін тілеп отырады. Адал еңбегі еленіп, аудандық білім бөлімінің «Құрмет грамотасына» ие болғанын, кітапханашылар күні қарсаңында арнайы марапатпен марапатталғанын да айта кету орынды, – дейді мектеп-лицей кітапханасының меңгерушісі Ләззат Ниязбекова. &nbsp;

Зәуре Үйсінбаева: Жақында кітапханамыздағы кітап қоры 300-ге артты

<a href="https://kyzylorda-news.kz/">Kyzylorda-news.kz</a>. Бүгін Қызылордада «Анаға тағзым» республикалық Аналар форумы өтті. Іс-шараға ҚР Мәдениет және ақпарат министрі, Президент жанындағы әйелдер істері және отбасылық-демографиялық саясат жөніндегі Ұлттық комиссия төрағасы Аида Балаева, ҚР Парламенті Сенатының депутаты Руслан Рүстемов, Мәжіліс депутаты Мархабат Жайымбетов, аталған комиссияның мүшелері, белгілі қоғам қайраткерлері, өңірлерден келген делегациялар, еңбек ардагерлері, мәслихат депутаттары, көп балалы аналар, ұстаздар, облыстың зиялы қауымы, қоғамдық ұйым өкілдері қатысты.Облыс әкімі Нұрлыбек Нәлібаев форум жұмысына сәттілік тілеп, қоғамдағы аналардың рөлін ерекше атап өтті.<blockquote>«Өткен жылы өңірімізге жұмыс сапарымен келген Мемлекет басшысы Қасым-Жомарт Кемелұлы жаңадан ашылған «Анаға тағзым» орталығында болды. Мұндай орталықтардың жастарға тәлім-тәрбие берудегі маңызын айтып, жоғары бағасын берді. Сонымен қатар, бүкіл еліміздің аналары бас қосатын тәжірибе алмасу алаңының жұмысын үйлестіруді тапсырды. Президент жанындағы әйелдер істері және отбасылық-демографиялық саясат жөніндегі Ұлттық комиссиямен бірлесіп, өткен жылдың қараша айында алғаш рет «Анаға тағзым» республикалық форумын ұйымдастырдық. Шара қонақтары бұл жиынды дәстүрлі түрде өткізуді ұсынды. Алты Алаштың анасы – қасиетті Сыр өңіріндегі тағылымды шараның жалғасын табуының, дәстүрге айналуының өзіндік символдық мәні бар деп білеміз. Бүгінгі форум Ұлттық комиссиямен бірлесіп ұйымдастырылды. Мақсаты – үйдегі берекені сақтаушы, қоғамдық-саяси үдерістерге белсенді қатысушы әйел-ананы ардақтау, ерекше мәртебесін құрметтеу сияқты мызғымас дәстүрлі құндылықтардың төңірегіне қоғамды топтастыру. Ұлы Даланың ұлы аналарының ізгі жолын дәріптеп, жас ұрпаққа рухани-адамгершілік тәрбие беру. Өткеннің тағылымын жаңа дәуірдің талабымен сабақтастырып, бүгінгі қазақ әйелінің үлгілі бейнесін қалыптастыру», – деді аймақ басшысы.</blockquote>Іс-шарада ҚР Президенті жанындағы әйелдер істері және отбасылық-демографиялық саясат жөніндегі Ұлттық комиссия төрағасы Аида Балаева әйел-аналардың ел дамуы мен өркендеуіне қосқан зор үлесін атап өтті. Олардың қоғамдағы орнын, құқықтары мен мүмкіндіктерін кеңейту мемлекеттік саясаттың басым бағыты болып қала беретінін айтты. Бүгінде отбасы және гендерлік теңдік институтын дамытудың қазақстандық моделі айқындалған 2030 жылға дейінгі Тұжырымдаманы іске асыру жалғасуда. Мемлекет басшысы белгілеген басымдықтарға сәйкес, оның қызметі әйелдер мен балалардың құқықтарын қорғаудағы өзекті мәселелерді пысықтауға шоғырланған.Жиында Қазақстанның еңбек сіңірген қайраткері, тіл жанашыры Асылы Осман, Қазақстан халқы Ассамблеясы жанындағы республикалық Аналар кеңесінің төрағасы Назипа Шанаи, республикалық «Әкелер одағы» қоғамдық бірлестігінің төрағасы Мақсұтбек Айтмағанбет, «AMANAT» партиясы әйелдер қанатының төрағасы Шолпан Каринова және жерлестеріміз, белгілі тележүргізушілер Қымбат Досжан, Дана Нұржігітова, Қазақстанның еңбек сіңірген қайраткерлері Елена Әбдіхалықова, Елмұра Жаңабергенова, Жеңіс Ысқақова, Ұлжан Байбосынова сөз сөйледі.Форумда Аида Балаева отбасы құндылықтарын үнемі насихаттап, әйелдер істері және отбасылық-демографиялық саясатты белсенді іске асыруға атсалысқан қыз-келіншектерді марапаттады.Айта кетейік, Сыр өңірінде бұл бағытта ауқымды жұмыстар атқарылуда. Демеушілердің қолдауымен 1 млрд 700 млн теңгеге «Анаға тағзым» орталығы салынып, халық игілігіне берілді, «Отбасы орталығы» өз қызметін бастады.Жыл басы және жаңару мезгілі – Наурыздан бастап, ұлттық құндылықтарымызды дәріптеп, салт-дәстүрлерімізді насихаттау мақсатында 2024 жыл – «Руханият жылы» деп жариялануда. Атаулы жылда тек мәдени-көпшілік шаралар ғана емес, ауқымды жобалар жүзеге асырылады. Клубтар мен мәдениет үйлері жанынан түрлі бағыттағы шығармашылық үйірмелерді қамтитын «Адал адам» рухани-мәдени орталықтары ашылады. Онда балалар мен жасөспірімдерге қосымша білім, тәрбие беріледі. Сыр өңірінің руханият кеңістігіндегі бұл бастамалар Мемлекет басшысы ұсынған, әділетті мемлекет пен біртұтас қоғамның берік негізі саналатын «Адал адам» тұжырымдамасын жүзеге асыруға зор үлесін қосады.Биыл 7 ауданда неке қию залы, кітапхана, музей, архив, жастар орталығы, ардагерлер мен аналар үйін біріктіретін «Руханият» орталықтары бір мезетте салынады. Ол үшін облыстық бюджеттен 11 млрд 500 млн теңге қаржы жоспарлануда. Орталықтарда аға буын мен жастар бірлескен жобаларды жүзеге асырады, жас буын үлкендердің ақылын тыңдап, тәжірибе алмасады.Балалар мен жасөспірімдердің шығармашылығын шыңдау мақсатында облыс орталығынан «Шығармашылық академиясы» салынуда.Облыс әкімі жанындағы әйелдер істері және отбасылық-демографиялық саясат жөніндегі комиссия кешенді шаралар атқаруда. Өткен жылы комиссия мүшелері барлық аудандарды аралап, тұрғындармен кездесті, психологтардың қатысуымен тренингтер өткізді. Аналарды қолдау және адал еңбекті насихаттау мақсатында Ауыл әйелдерінің форумы ұйымдастырылды. Әкелер одағы құрылып, ер бала тәрбиесіне қатысты жүйелі шаралар атқарылуда. Облыстық Әкелер форумының қорытындысында белсенді азаматтардың пікір алаңы қалыптасты. Барлық мектептерде Әкелер, Аналар кеңестері белсенді жұмыс жасауда. Ұлттық комиссияның тапсырмасына сәйкес облыс әкімінің отбасы және әйелдер істері жөніндегі уәкілі тағайындалды.Фото: Қызылорда облысы әкімінің баспасөз қызметі

 Қызылордада «Анаға тағзым» республикалық Аналар форумы өтті

&nbsp; &nbsp; &nbsp;«Адам ұрпағымен мың жасайды» деген&nbsp; халық даналығында тағылымы мол, мән-мағынасы өте терең сөз бар. Иә, шынында да ұлағатты ұл мен қыз өсіріп, оларға білім мен тәрбие нәрін беріп, кейіннен сол ұрпағыңның жақсы жетістіктерін көруден артық жақсылық, қуаныш бар ма! Сексен жастың сеңгіріне қадам басқан Аманкелді Шәкірұлын сондай тұлғалар санатынан десек қателеспейміз. Ардақты ардагер 80 жасқа зор абыроймен, қуанышпен жетіп отыр деп айтуға болады.&nbsp; &nbsp; &nbsp;Ардақты ардагер Тереңөзек ауданына қарасты Үлгі ауылында өмірге келген. Әкеден жастай айырылып, тұрмыстың тауқыметін тартқан ол отбасында төрт ағайынды болған. Бізге өзінің өткен өміржолы туралы әңгімелеуді осыдан бастаған Аманкелді Шәкірұлы өткен күндерін ой елегінен өткізді.&nbsp; &nbsp; &nbsp;– Әкем Шәкір 1949 жылы қайтыс болды. Ол кезде арамыздағы үлкеніміз Мұхамедияр 13 жаста, апам Бибажар 8 жаста, мен 6 жаста, ал інім Өтеген алты айлық болатын, – деді ардагер.&nbsp;&nbsp; &nbsp; &nbsp;А.Шәкірұлының айтуынша, әкесінің өмірден өткені ол кезде кішкентай болса да есінде сақталып қалған екен. Ол уақытта әлі тоқшылық заман болмаған кез екен. Десе де қасиетті қарашаңырақтан қонақ үзілмейтін. Әкесі тірі кезде де, өмірден өткен соң да ауылға келген уәкілдер, қонақтар Шәкір ақсақалдың шаңырағына жиі бас сұғып, қонақ болатын. Бұл отбасының қонақжайлылығын, кісі жатырқамайтын қасиетінің өте жоғары деңгейде бағалайтынын осыдан-ақ белгілі сияқты. Айта кету керек, бұл жақсы қасиет ұрпақтарына да сіңісті болып, осы уақытқа дейін жақсы дәстүр лайықты жалғасып келеді. Ардагер бізбен әңгіме барысында өмірлік жолындағы ұстаздары, алғашқы еңбек жолының басталуы, қызмет бабындағы әріптестері мен достары, достары, жетістіктері жөнінде айтып берді.&nbsp;&nbsp; &nbsp; &nbsp;– «...аудандық ауылшаруашылық басқармасы бөліміне техника қадағалау инспекторының көмекшісі болып орналастым. Бұл жұмысты алты ай атқардым. Одан кейін мені аудандық партия комитетінің үгіт-насихат бөлімінің меңгерушісі К.Наурызбаевтың шақыртуымен, аудандық ДОСААФ ұйымының төрағасы қызметіне орналасу жөнінде ұсыныс айтылып, бағыт-бағдар берді. Аудандық ДОСААФ ұйымының төрағасы аудандық партия комитетінің бюросында бекітілуі керек екен. Бірінші хатшы Қонысбек Қазантаев іс-сапарда болғандықтан бюроны аудандық партия комитетінің үшінші хатшысы Көбейсін Исаев жүргізді. Сөйтіп, менің ДОСААФ ұйымын 13 жыл 4 ай басқардым. Ұйымда қызмет атқарған оқытушы нұсқаушылар мен техник қызметкерлердің барлығын ілтипатпен еске аламын» , – дейді Аманкелді Шәкірұлы.&nbsp; &nbsp; &nbsp;Бір айта кететіні бұл туралы кейіпкеріміз өзінің «Өмір иірімдері» атты ғұмырбаяндық кітабында да кеңінен жазған. Ол туралы біз өткен жылы жергілікті басылымда жазған болатынбыз. Сол туындысында қазыналы қария қызмет бабында аудандық партия комитетінің үшінші хатшысы Көбейсін Исаев пен аудандық спорт мектебінің директоры Кеңес Иноятовтың ақыл-кеңес бергеніне, өмірлік мол тәжірибесімен бөліскеніне аса назар аударып, дәстүрлі қой төлдету науқанының өзіндік қиыншылығын қарапайым тілмен суреттейді. Бұл сол кезеңдегі қызмет пен қоғамдық жұмыстардың қарқынды түрде қатар жүргізілгенін аңғартады. Сонымен қоса бірлесе отыра атқарған жұмыстардың нәтижесінде А.Шәкірұлы басқарған ұйымдағы штат саны 16 бірлікке ұлғайғанын, 3 жүк көлігі, 1 жеңіл автокөлік, 10-ға жуық жол және спорт мотоциклдері сатып алынғанын, 1974-1987 жылдары ұйымның аудандағы іргелі мекемеге айналғанын атап өтуіміз қажет. Сондай-ақ А.Шәкірұлы 1968-1969 жылдары Жалағаштағы №150 кәсіптік-техникалық училищеде спорт нұсқаушысы қызметін де атқарған. Мұнан соң, яғни 1969-1973 жылдары аудандық дене шынықтыру және спорт комитетінің төрағасы ретінде қызмет етті. 1988-2007 жылдары Сырдария аудандық мемлекеттік техника қадағалау инженер-инспекторы қызметтерін атқарғанын, қызметте елге белгілі азаматтармен әріптес, сыйлас, сапарлас, замандас болғанын да айтып өткеніміз абзал. Ең бастысы, қай қызметті атқарса да тапсырылған жұмысқа тиянақты болған кейіпкеріміз жақсы нәтижелерге де қол жеткізе білген. Бұл А.Шәкірұлының ыждағаттылығын және әр іске мұқият қарайтынын білдіреді.&nbsp; &nbsp; &nbsp;Сексен жасқа сергек жеткен ардагердің әңгімесінен және біз толық оқып шыққан кітаптағы анасы Рахила жайлы жазған естелігінен әулеттің тектілігін, қонақжайлылығын аңғаруға болады. Сондай-ақ, А.Шәкірұлының бауырларына, достарына, көршілеріне құрметі мен ықыласы өте ерекше. Оның ішінде, жары Орынкүл Жәркенова екеуі бағып-қағып өсірген ұлағатты ұрпақтарына деген көңілі тіптен ерекше. Әр баласының жетістігін, еңбектегі нәтижелі істерін үлкен мақтанышпен айтатын қария шыққан тегі мен бабалар шежіресіне, оны ұрпақтар санасына сіңіруге жіті мән береді.&nbsp; &nbsp; &nbsp;– Шығыс даналығында «Өмір – теңіз, жүзем онда демеңіз, ізгіліктен жасалмаса кемеңіз» деген сөз тағылымы мол сөз бар екен. Меніңше, ізгілік деген – адал еңбек, ұлағатты ұрпақ, ағайын-туысқа қамқорлық. Кім болсаң да, қандай қызмет атқарсаң да отбасы құндылығын ұмытпау керек деп есептеймін. Мәселен, қызмет – уақытша берілетін мүмкіндіктердің бірі. Оны дұрыс пайдаланып, жақсы жетістікке жете білгенде ғана сыйлы, құрметті боласың. Өзім еңбек жолыма да, өмір жолыма да өте дән ризамын. Қызмет бабымен талай азаматтармен кездесіп, сұхбаттастым, сырластым, сапарлас болдым. Мәселен, ДОСААФ мекемесінің орталық ұйымының басшысы, генерал-майор Б.Байтасовпен кездесуім әлі күнге дейін есімде. Жақсы естеліктер жадымда біршама. Бәріне шүкір деймін, – дейді Аманкелді Шәкірұлы.&nbsp; &nbsp; &nbsp;Ардақты ардагер ұзақ жылғы қажырлы еңбегі үшін түрлі марапаттарға да ие болған. Атап айтқанда, «Сырдария ауданына – 90 жыл», ҚР Ауыл шаруашылығы министрлігі Агро­өнеркәсіптік кешендегі мемлекеттік инспекция комитетінің аумақтық басқармасының құрылғанына – 20 жыл, «ДОСААФ Орталық комитетінің құрылғанына – 50 жыл, 90 жыл» медальдарымен, «Ауыл шаруашылығы саласының ардагерлері» қоғамдық бірлестігінің «Құрметті ардагер» төсбелгісімен, аудан әкімдерінің алғыс хатымен марапатталған. Ауданымызда мемлекеттік техника қадағалау инспекторы қызметінде адал қызмет жасап, абыроймен зейнетке шыққан қария «Жаным – арымның садақасы, арым – жанымның садақасы» деген қағидамен өмір кештім» дейді.&nbsp; &nbsp; &nbsp;Бүгінгі таңда қарияның ұл-қыздары өсіп, жетілген. Балалары түрлі салада еңбек етіп жүр. Үйдің үлкені әрі тұңғышы Қайрат облыстық табиғи ресурстар басқармасына қарасты «Табиғат» мекемесінде басшының орынбасар болса, ал Бақыткүл аудандық аурухананың дәріхана меңгерушісі қызметінде. Кенже ұлы Нұрлыбек көп жылдар бойы салық органдарында басшылық лауазымдарда еңбек етті, қазіргі кезде салық салу бойынша консалтингтік қызметтерін көрсететін «NUR CONSULT KZ» ЖШС директоры. А.Шәкірұлы мен О.Жәркенова ұл-қыздарынан 15-тен астам немере, 10-ға жуық шөбере сүйіп отырған жайы бар. Немере-шөберелер де ата-әжелерінің, әке-аналарының сенімі мен үмітін&nbsp; ақтап, бас қаламыз Астанада, өңірімізде еңбек етіп, оқуларын үздік оқып жүр.&nbsp; &nbsp; &nbsp;Айтары бар ақсақалмен сөйлесіп, пікірлесу, әңгімелесу арқылы адам өмірінің қызықты да қуанышты, сынақты да сындарлы сәттері мен ұмытылмас кезеңдері жөнінде көп ой түйдік десек болады. Сексенге келсе де қолынан қаламын тастамаған қария қызметтегі адалдық пен ізденісті, азаматтар арасындағы сыйластық пен бауырмалдылықты насихаттауды азаматтық парызы деп санайды.&nbsp;

Аманкелді Шәкірұлын: Қызмет – уақытша берілетін мүмкіндіктердің бірі

<a href="https://kyzylorda-news.kz/">Kyzylorda-news.kz.</a> Қазалы ауданының «Кәукей» ауылы – ырыс пен берекесі келісті мекен. Бүгінде ауылда мектеп, мектеп жанынан ашылған 50 орындық балабақша, амбулатория секілді халыққа қызмет ететін әлеуметтік нысандар бар.Аудан басшылығының қолдауымен басталған 100 орындық мәдениет үйінің құрылысы аяқталуға жақын.<blockquote>– Бұл мәдениет үйін ауыл халқы көптен сұрап жүрген болатын. Мемлекет басшысының жергілікті жердегі халық өмірін жақсарту мақсатында шалғай ауылдарға жасап жатқан қолдауының негізінде мәдениет үйі салынуда. Ежелден руханияттан, ән мен жырдан ажырамаған «Кәукей» ауылының халқына бұл ерекше тарту болмақ. Барлық жұмыстары бітіп, ішіне заманауи үлгідегі жиһаздар әкелінуде. Келешек бұл нысанның ішінде ауыл кітапханасы да жасалады. Бүгіннің өзінде кітапхана сөрелері жетті. Тапсырыс беруші – Қазалы аудандық құрылыс, сәулет және қала құрылысы бөлімі, – дейді «Қызылқұм» ауылдық округінің әкімі Оңталап Мүсілім.</blockquote>Ауыл әкімінің айтуынша, ғимаратта көрермен залынан бөлек, бірнеше бөлме қарастырылған. Ал ғимаратты салып жатқан «SCS Инжиниринг» ЖШС мәдениет үйін керекті құрал-жабдық, жиһаздармен қамтамасыз етуді жауапкершілігіне алған.&nbsp;

Жүз орындық мәдениет үйінің құрылысы аяқталуға жақын

&nbsp;<a href="https://kyzylorda-news.kz/">Kyzylorda-news.kz.</a>&nbsp; Көркем сурет – болмысты зерттеудің және бейнелеудің аса маңызды құралы. Бұл айналадағы өмірді өзгеше қырынан көруге мүмкіндік беретін, яғни сурет арқылы белгілі бір жанды, болмысты бейнелейді. Ашып айтатын болсақ &nbsp;көркемсурет өнері бұл адамның ішкі ойын, жан толғанысын, қиялы мен арманын бейнелейді. Сурет салу ол адам­ның туабітті қабілеті арқылы білінеді. Мұны тек мұғалім ғана баланың қабілетін, оның әр жанрда түрлі сурет салуды алып кете алатынын байқай алады. Тіпті сурет арқылы мамандар көркем сурет баланың психологиялық тұрғыдағы ойын да біледі. Осыны әрі қарай дамытып, өнерін шыңдау үшін, арнайы көркемсурет салуды үйрететін мұғалімдерге жүгінеді. Осындай балаларды өнерге баулып, олардың жетістікке жетуіне аянбай еңбек етіп келе жатқан мұғалім – Эльза Смағұлова. Ол Қорқыт ата атындағы қызылорда университетін 2007-2011 жылдар аралығында «бейнелеу өнері және сызу» &nbsp;мамандығы бойынша тәмәмдаған.2014 жылы Мұлкаман Қалауов атындағы Қызылорда қалалық өнер мектебіндегі көркемсурет сыныбының мұғалімі болып жұмысқа орналасқан.<blockquote>– Қазақ бейнелеу өнері – ол көркем кескіндеме, мүсіндеме, графика мен сән және қолданбалы өнер сала­ларын қамтиды. Осы салаларды үйре­ту үшін, оқушыларға төрт жыл бойы арнайы қосымша білім беруге ар­налған бағдарлама бойынша сабақ беремін. Оқушыларымды облыстық, республикалық және халық­аралық бай­қауларға қатыстырамын. Онда өздерінің салған көркем суретін және қол өнерін көрмеге апарады.</blockquote>Одан бөлек &nbsp;пленэр әдістегі сабақтар жүргізіледі. Бұл – табиғат аясындағы сурет салу сабағы. Осындай сабақтардың арқасында балалардың ойын, жандүниесі мен арманын білуге болады. Себебі олар &nbsp;сурет салу арқылы өміріндегі өзгерістер мен жан толғанысын, қиялын&nbsp;бейнелейді, – дейді Эльза Смағұлова.Сондай-ақ оқушыларының &nbsp;был­тырғы оқу жылында түрлі байқаулар нәтижесінде &nbsp;облыстық байқаулардан 7 оқушы, республикалық байқаулардан 66 оқушы, ал халықаралық байқаулардан &nbsp;46 оқушысының жоғары дәрежелі дип­ломдармен марапатталғанын жеткізді. Соны­мен қатар тобындағы &nbsp;оқушылардың өнері мен ең үздіктерін атады.<blockquote>– Оқушылардың ішінде үздік деп танылған екі оқушымның жұмыстарынан жеке көрмелері жасалды. Оның бірі – Арайлым Нұрмахаш. Ол көркемсурет сыныбының төртінші сынып оқушысы. Өте талантты, барлық жанр бойынша жұмыс істей алады, алға қойған мақсат армандары көп. Одан кейін Диляра Шыңғысхан есімді оқушым. Ол үшінші сынып оқушысы. Алғашында оқуға түскенде сурет салудың қыр-сырын білмейтін. Себебі мүлдем бояумен салып көрмеген екен. Кейін осы өнер мектебіне келген соң сабаққа ден қойып, сурет салуға деген қызығушылығы арта бастады. Оның &nbsp;қиялы ұшқыр. Өзінің еңбекқорлығымен, талпынысымен екі жылдың ішінде түрлі жанрдағы сурет­терді сала бастады. Соның нәтижесінде көрмелер мен байқауға қатысып, жетістіктерге жетуде.</blockquote>Қазіргі таңда осы екі оқушымның жұмыстары бойынша кескіндеме мен портрет және графика жанрында салынған 100-ге жуық суреті іріктеліп, олардың жеке көрмесі ұйымдастырылды. Өткізілген &nbsp;көрме жоғары деңгейде болды. Көрмені тамашалауға мектебіміздің барлық мұғалімі мен ата-аналар және басқа да оқушылар&nbsp;қатысып, жақсы пікірлерімен бөлісті, – дейді мұғалім.Еңбек жолын осы осы өнер мектебінен бастаған мұғалім Эльза&nbsp;тоғыз жылдың ішінде балаларға білім беріп ғана қоймай, олардың өнерін шыңдап, алға жетелеп байқауларға қатыстырып келеді. Әр оқушынысының жеткен жетістігіне қуанған мұғалім, берген білімін міндеті деп емес, мақсаты екенін жеткізді.&nbsp;<img src="https://knadmin.beoblood.kz/uploads/ba48ac63_75c7_4d60_8a49_a8ead597585d_5b5225b7ca.jpg" alt="ba48ac63-75c7-4d60-8a49-a8ead597585d.jpg">

Эльза Смағұлова: Көркем сурет – адамның қиялы мен арманын бейнелейді

&nbsp;<a href="https://kyzylorda-news.kz/">Kyzylorda-news.kz</a>. 2020 жылдан бастап, қалада 109 бірыңғай нөмірі арқылы коммуналдық мәселелер бойынша қала тұрғындарының өтінімдерін қабылдайтын «жедел әрекет ету орталығы» коммуналдық мемлекеттік мекемесі қызмет атқарып келеді. Ал былтырдан бастап бұл қызмет аймақ көлемінде қолжетімді болды.&nbsp; Негізі орталық екі бағыт бойынша жұмыс істейді. 109 байланыс қызметі – коммуналдық саланы, 112 желісі шұғыл қызметтерді қабылдап отырады. Яғни 101, 102, 103 жедел желілері қосылып, бір жүйе 112 байланысына біріктірілген. Бұл бірыңғай жүйенің мониторингі шақырушы тұлғаның мекенжайын көрсетуге, орналасқан жерге жақын экипажды автоматты түрде анықтауға мүмкіндік береді. Сонымен қатар өтініш берушіге келудің тиімді картасын, жолын ұсынады. Осы жобаны іске асырудың экономикалық тиімділігі бір терезе қағидаты бойынша жедел қызметтерді шақыруды ұйымдастыру және шақыруларды қабылдау мен өңдеу уақытын 30% қысқартуды көздейді. Оған қоса 109 бірыңғай байланыс орталығының да жұмысы қарқынды жүруде. Бұл жүйе арқылы қаланың инфрақұрылымына қызмет көрсету үдерісіне тартылған барлық коммуналдық қызметтерді: жылу, электр, сумен жабдықтау, су бұру, қоқыс, люктер, жол шұңқырлары, қоғамдық мәселелері біріктіріледі. Тұрғындардан келіп түсетін барлық өтінімді қабылдаған оператор жүйеге енгізеді. Содан соң оны автоматты түрде осы мәселені шешуі тиіс ұйымға жолдайды.&nbsp; 109 қызметі 24/7 жұмыс режимінде жұмыс істейді. Қазіргі күні орталықта барлығы 28 қызметкер 4 ауысыммен халыққа қызмет етуде. Олар үздіксіз, әсіресе жергілікті тұрғындардан келетін қоңыраулар легіне 24 сағат бойы жауап береді.&nbsp; Сонымен қатар орталық тұрғындардың өтінім жібере алатын немесе жағдайды егжей-тегжейлі сипаттай алатын құралдар ауқымы кеңейтілген. Олар: «komek – 109» мобильді қосымшасы (AppStore/ Playmarket) және WhatsApp (+77717000109), Telegram-бот (@kyzylorda109_ user_bot), Instagram (qyzylorda_109), Facebook (Жедел әрекет орталығы) әлеуметтік желілер арқылы өтінім бере алады. Өткен жылы 109 қызметі облыстық сайлау комиссиясының бірыңғай «Call» орталығы болып бекітілді. «Smart City» жобалары аясында Қызылорда облысында «orda.kz» порталы 2023 жылдың 20 қыркүйегінен бері іске қосылып, портал (iorda.kz) көмегімен жеке және заңды тұлғаларға 83 бағыт бойынша (Қызылорда су жүйесі, Қызылорда тазалығы, Энергосервис, Қызылорда электржүйесі, «ҚЭТТҚ» АҚ, Қызылорда жылу орталығы) қызмет көрсетуде. Бұрын тұрғындар кем дегенде 24 коммуналдық не авариялық қызмет орындарына хабарласатын. Ал қазір олай емес. Бір ғана 109 нөмірін теріп, туындаған мәселені асықпай түсіндіруге болады. Тек нақты айтсаңыз болды. Әрі қарай жұмысты орталық мамандары атқарады. – Халықтың өмір сүру сапасын жақсарту және қалалық инфрақұрылымды дамыту мақсатында 109 қызметі жүйесі әзірленіп енгізілген. Соның арқасында қаладағы тыныс-тіршіліктің барлық мәселелері бойынша, оның ішінде тұрғын үй коммуналдық шаруашылық, табиғи газ, көпқабатты үйлердің жылу жайы және тағы да басқа мәселелерді 109 қысқа нөміріне хабарласуға болады. Әрбір тұрғын өзін толғандырған мәселесін операторға нақты түсіндіріп өтуі тиіс. Бүгінгі күні байланыс орталығы бірнеше мекемемен тығыз байланыста. Орталықтың басты артықшылығы – көптеген мәселелерді қашықтықтан шешеді. Инспектороператорлар халықтан өтінімдерді тәулік бойы қабылдап, тиісті мекемеге жолдайды, орындалуын қадағалап, тұрғынмен кері байланыс орнатады. Тұрғындар 109 нөміріне қоңырау шалу арқылы өзінің тұрмыстық өтініштерін жеткізе алады. Кейде қоңырау барысында кеңес сұраушылар да кездеседі. Мұндайда операторлар қолдан келгенше тиісті орындар арқылы көмек көрсетеді. Біз хабарлама түскеннен кейін оның орындалған не орындалмағанын да анықтаймыз. Мысалы, үйден су кеткен жағдайда тиісті мамандар барып оны жөндесе, тұрғынның өзі де қоңырау шалып, алғысын айтатын кездер де болады. Сонымен бірге фотоға түсіріп, біздің +7771700109 whatsApp желісіне суреттерін жібереді. Өзіміз де бақылауға алып, тиісті мекемеге де, тұрғынға да шығып, мән-жайды анықтаймыз– дейді орталық директоры Руслан Бүркітбаев. Расымен, орталық жылдам қызмет көрсетудің үлгісін танытып-ақ отыр. Оған қоса ауа райы қолайсыз болып, қар қалың түскенде, жаңбырлы күннің арты мұздаққа айналып, жол қатынасы қиындағанда да байланысқандар қапы қалмайды. Операторлар көмек көрсетуші құзырлы орындарға қоңырау соғып, жедел түрде шешім табуға жәрдемдесіп отыр. Арасында кейбір тұрғындар шыдамсыздық танытып, қайта-қайта телефон шалатын кездер жиі болатын көрінеді. Мұндайда ашу үстінде артық сөз де айтылатыны белгілі. Бұған орталық операторлары асқан сабырлылықпен жауап беріп отырады. Сондай-ақ әр қоңыраудағы диалог телефон жадында сақталып, тіркелген уақыты бойынша қайта тыңдауға да мүмкіндік бар. Бұл тұрғындар тарапынан сенімсіздік болған жағдайда немесе операторлар қоңырау шалған әр адаммен дөрекі сөйлессе, дәлел бола алады. Сонымен қатар 109 бірыңғай байланыс орталығының функциясы өтінішті кәдімгі телефон арқылы ғана емес, барлық әлеуметтік желілер, яғни қалта телефонымен де қабылдайды. Әрі бұл қоңыраудың барлығы тегін. Сондай-ақ сіз аса қиын жағдайда қалып, ұялы байланыс тым әлсіз не мүлде жоқ жерде 109 нөмірін терсеңіз, сіздің нақты мекен жайыңыз бірден анықталып, соған жақын жердегі құтқарушы құзырлы орынға хабар беріледі. Ғарыштық желінің осы кереметін ұқсата білген орталық адам өміріндегі қауіп-қатерлерге тосқауыл болып отыр. Орталық мамандарының айтуынша, 109 қызметінде тәулігіне өтініштерді қабылдау мен тіркеудің орташа статистикалық саны – 454 өтінімді құрап отыр. Коммуналдық салаға қатысты апатты жағдайлар орын алғанда 3000-ға дейін өтінім саны артады. 109 бірыңғай байланыс орталығы қызметінің мақсаттарының бірі – тұрғындардың мәселелерін шешуде нақты бағдар беру. Осы күндері орталықтағы атқарылған жұмыстар оң нәтижесін беруде.

Қазақстан және Қызылорда облысының жаңалықтары: Мәдениет