<a href="https://kyzylorda-news.kz/ru">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қызылордадағы «Анаға тағзым» республикалық Аналар форумының аясында өткен Сыр елінің келешек брендіне айналатын жәдігерлер – алтын киімді «Шірік-Рабат сақ жауынгері» және алтын әшекейлі «Сығанақ ханшайымы» реконструкцияларының таныстырылымына қатысып, мүсіндерді облыстық музейге табыстады.Аймақ басшысы қызылордалықтарды музей қорының толығуымен құттықтады.<blockquote>«Бүгін музейге Сырдарияның бойында өмір сүрген сақ мәдениетінің жауһары – алтын киімді «Шірік-Рабат сақ жауынгері» мен Алтын Орда кезеңіндегі Ұлы дала көшпенділерінің өркениетін паш ететін алтын әшекейлі «Сығанақ ханшайымы» мүсіндері тапсырылды. Мүсіндер археолог-ғалымдардың ғылыми негіздемелеріне сай жасалды.Желтоқсанның 8-9-ы күндері еліміздің бас қаласы – Астанада Қызылорда облысының өнер күндері өтеді. Мәдени іс-шара аясында ұйымдастырылатын «Сыр өңірі – Түркі дүниесінің алтын бесігі» көрмесінде «Шірік-Рабат сақ жауынгері» мен «Сығанақ ханшайымының» алтындатқан мүсіндері елорда жұртшылығына таныстырылады. Мәдени мұрамызды зерттеп, сақтап, болашақ ұрпаққа мирас ету жолындағы жұмыстарыңызға табыс тілеймін!», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/406635260_650692867251961_6066286788519985979_n_058caf017f.jpg" alt="406635260_650692867251961_6066286788519985979_n.jpg"></figure>Іс-шарада тарихи жәдігерлерді жаңғыртуға атсалысқан белгілі археолог-ғалымдар Жолдасбек Құрманқұлов және Әзілхан Тәжекеев сөз сөйледі.Айта кетейік, мүсіндерді реконструкциялауға облыстық бюджеттен 40 млн теңге бөлінді. Туындыларды археолог-ғалымдар Жолдасбек Құрманқұлов және Әзілхан Тәжекеев, реставратор Қырым Алтынбеков, Өзбекстан және Татарстан Республикаларының ғалымдары Айсұлу Жаппарбергенқызы, Людмила Макласова жасады.Айта кетейік, «Сығанақ ханшайымы» «Анаға тағзым» республикалық форумындағы барша аналарға арналған тамаша тарту болды.<figure class="image"><img src="https://knadmin.beoblood.kz/uploads/406583508_650692983918616_1825147178062155036_n_cc6242a628.jpg" alt="406583508_650692983918616_1825147178062155036_n.jpg"></figure>&nbsp;<figure class="image"><img src="https://knadmin.beoblood.kz/uploads/406595484_650693010585280_2259295192352330709_n_6a17939f84.jpg" alt="406595484_650693010585280_2259295192352330709_n.jpg"></figure>

Облыстық музей қоры тарихи жәдігерлермен толықты

<a href="https://kyzylorda-news.kz/ru">Kyzylorda-news.kz</a> &nbsp;Қызылорда облыстық филармониясы мемлекеттік «Витебск» мәдениет орталығы және Витебск облыстық филармониясымен шығармашылық ынтымақтастық келісімге келді. Бұл құжат аясында тараптар мәдени маңызды іс-шараларды дайындау және іске асыру кезінде көмек көрсетуге, орындаушылар мен шығармашылық ұжымдар өзара тәжірибе алмасуға, музыкалық алаңды ұсыну бойынша қолдау көрсетуге ниетті.&nbsp;Қызылорда облысының үш шығармашылық ұйымының мамандары біліктіліктерін арттыру мақсатында Беларусь Республикасы Витебск қаласына іссапармен барған болатын. Мемлекеттік «Витебск» мәдениет орталығы қызылордалық делегацияға шеберлік дәріс алаңдарын ұсынды. Делегация құрамында мәдениет ұйымдарының шығармашылық және техникалық мамандары бар.Сапар аясында әріптестеріміз XXXIV Халықаралық «IFMC» заманауи хореография фестивалінің ашылу салтанатына қатысып, белоруссиялық мамандармен кездесті. Сонымен қатар, Якуб Колос атындағы Ұлттық академиялық драма театрында және Витебск облыстық филармониясының техникалық қызметтерімен танысты. Одан бөлек, «Талака» би, музыка және ән ансамблінің дайындығына қатысып, әріптестермен тәжірибе алмасып, одан әрі ынтымақтастықты нығайту бағытында жұмыс жасауда.&nbsp;

Облыстық филармония шығармашылық ынтымақтастық туралы меморандумға қол қойды

<a href="https://kyzylorda-news.kz/ru">Kyzylorda-news.kz</a> Қызылорда облысының мәдениеті мен спорт салаларында биыл жағымды жаңалық көп. Аймақта тұңғыш симфониялық оркестрдің құрылуы, мәдениет пен әдебиет өкілдеріне арналған облыс әкімінің «Тұран» сыйлығы, мұқым елдің маңдайына біткен өнер қайраткері Кеңес Дүйсекеев атындағы 1 халықаралық әншілер конкурсы, балалар мен жасөспірімдер арасындағы «Айтыс олимпиадасы» өткізілуі, сондай-ақ байрақты бәсекелердегі сыр спортышыларының жемісті өнері осы сөзімізге дәлел. Саладағы салмақты дүниелерді облыс әкімі аппаратының басшысы Шахмардан Байманов Өңірлік коммуникациялар қызметінің баспасөз алаңында баяндады.Бүгінде облыс бойынша 410 мәдениет, өнер, архив және 41 спорт мекемесі халыққа қызмет көрсетеді. Бұл мекемелердің берген нәтижелері де көңілге қонымды. Сыр өңірінде бірнеше жылдар бойы жүргізілген археологиялық жұмыстардың нәтижесінде «Шірік Рабат сақ жауынгері», «Сығанақ ханшайымы» реконструкциялары жасалды. Жиында Шахмардан Байманов облыстың мәдениет пен спорт саласындағы жетістіктеріне тоқталып өтті.<blockquote>«Осы жасалып жатқан жұмыстардың басы-қасында жүрген азаматтардың еңбегі лайықты бағалануда. Ақпарат саласының үздігі, ардагері Шәкизада Әбдікәрімовке «Қызылорда облысының Құрметті азаматы» атағы берілді. Облыстық «Сыр бойы» газеті ҚР Мәдениет және ақпарат министрлігі өткізген дәстүрлі «URKER-2023» Ұлттық сыйлығының жеңімпазы атанды. Биыл облыс спортшылары әлемдік ареналарда жоғары табыстарға қол жеткізіп, Тәуелсіз Еліміздің мәртебесін асқақтатуда. Қытайдың Хуанчжоу қаласында өткен XIX Жазғы Азия ойындарында 6 спортшымыз, IV Жазғы Пара Азия ойындарынан 3 спортшымыз сәтті өнер көрсетіп, жүлдемен оралды. Жеңіс тұғырынан көрінген спортшылардың Сыр өңірінен шығуы біз үшін үлкен жетістік» , - деді Шахмардан Асқарұлы.</blockquote>Жиында облыс әкімі аппаратының басшысы Шахмардан Асқарұлы 8-9 желтоқсанда Астана қаласында Қызылорда облысының өнер күндері өткізілетінін де тілге тиек етті.

Шахмардан Байманов: Азаматтардың еңбегі лайықты бағалануда

<a href="https://kyzylorda-news.kz/ru">Kyzylorda-news.kz</a>&nbsp; Бүгін «Анаға тағзым» орталығында «Ұлықты әйел – ұлт ұйтқысы» атты аймақ әйелдеріне арналған ашық есік күні қызылордалық әйелдер делегациясының қатысуымен қорытындыланды.Сыр аналарына арналған салтанатты шараның алғашқы кезеңінде облыс орталығының әжелері, қыз-келіншектері «Анаға тағзым» ескерткішіне гүл шоқтарын қойып, тағзым жасады. Арнау арнап, думандатып, ашық есік күнінің мән-мағынасын арттырды.Орталықтың табалдырығын алғаш аттаған аналар қауымы қазақы дәстүрмен шашу шашып, мұндағы қызметкерлердің қабылдауына ыстық ықыластарын жеткізді. Арнайы дайындалған көрмемен танысып, салт-дәстүрімізді дәріптеп, өмірлік тәжірибелерімен бөлісті. Әжелерден құралған ансамбль Сырдың сұлуларына арнап ән шырқады, қырмызы қыздар этно стильдегі киімдер үлгісін көрсетті.Осы ашық есік күнінде қызылордалық аналарға, қыз-келіншектерге қала әкімінің «Алғыс хаты» табысталды. Шара соңы концерттік бағдарламаға ұласып, жиналған қауым ерекше көңіл күймен тарқасты.<figure class="image"><img src="https://knadmin.beoblood.kz/uploads/404640659_3488307918102608_6476511896543286262_n_096a83cc72.jpg" alt="404640659_3488307918102608_6476511896543286262_n.jpg"></figure><figure class="image"><img src="https://knadmin.beoblood.kz/uploads/404777046_3488308098102590_62083_ebd39d77ad.webp" alt="404777046_3488308098102590_62083.webp"></figure>

Ашық есік күні қызылордалық әйелдер делегациясының қатысуымен қорытындыланды

<a href="https://kyzylorda-news.kz/">Kyzylorda-news.kz.</a>&nbsp; Университеттің «Жауқазын» жастар театры жазушы Әбіш Кекілбаевтың шығармасы негізінде көрерменге «Махаббат мұнарасы» қойылымын ұсынды.Пьеса желісі әмірші Ақсақ Темір мен оның әйелі арасындағы оқиға төңірегінде өрбиді. Махаббат мұнарасын тұрғызып, алып ғимарат салдырған кіші ханымның әрекеті әлемді аузына қаратқан әміршінің жүзін төмен қаратты. Қойылым барысында сан алуан өнер бір сахнада тоғысты. Жастар заманауи музыка мен биді керемет ұштастырып, көрерменге ерекше әсер қалдырды.&nbsp;<blockquote>Белгілі қаламгер, мемлекет және қоғам қайраткері Әбіш Кекілбаевтың бұл романын таңдап алуымыз бекер емес. Адамзат баласы үшін рухани құндылықтың құлдырамауы, сенім мен махаббаттың болуы аса маңызды. Қойылымға күн-түн демей дайындалып, қолдау білдірген барша студенттерге алғыс айтамын, – деді «Жауқазын» жастар театрының жетекшісі, 3-курс студенті Ақниет Мәулен. &nbsp;</blockquote><figure class="image"><img src="https://knadmin.beoblood.kz/uploads/405363931_875323664337167_2393411734936546955_n_a5a203dfb1.jpg" alt="405363931_875323664337167_2393411734936546955_n.jpg"></figure>

Университеттің жастар театры көреременге жаңа қойылым ұсынды

<a href="https://kyzylorda-news.kz/">Kyzylorda-news.kz.</a>&nbsp; Қызылордада «КІТАП – AMANAT» партиялық жоба аясында кітап орталығы ашылды. Орталық жұмысының салтанатты ашылу рәсіміне &nbsp;Қазақстан Республикасы Парламенті Мәжілісіндегі «AMANAT» партиясы фракциясының мүшесі Үнзила Шапаққызы қатысты.Партияның қалалық филиалы ғимаратында орналасқан орталықта әлемдік және отандық әдебиет, балаларға арналған шығармалар мен мәдени бағыттағы кітаптарды арзан алуға және осы жерде оқуға мүмкіндік бар. Оқырман мен жазушыны тікелей байланыстыратын жоба көпшіліктің қызығушылығын тудырып отыр.<blockquote>«Мемлекет басшысы ұлттық мүддеге сай келетін кітаптар шығару, кітапханалар ашу ісіне ерекше мән беріп келеді. Осы орайда «AMANAT» партиясы Президент бастамасын іске асыруға дәнекер болатын «Кітап-AMANAT» жобасын қолға алып, барлық өңірлерде отандық әдебиет пен баспагерлерді қолдауға бағытталған кітап орталықтарын ашуда. Жоба ел азаматтарының отандық әдебиетке, жалпы кітап оқуға деген қызығушылығын арттырып, қазақстандық авторлар мен кітап шығарушыларға қолдау көрсетуді көздейді»,- деді салатанатты шара барысында Қазақстан Республикасы Парламенті Мәжілісіндегі «AMANAT» партиясы фракциясы мүшесі Үнзила Шапаққызы.</blockquote>«Кітап - АMANAT» жобаның &nbsp;мақсат-міндетін кеңінен таныстырып өткен партияның облыстық филиалының Атқарушы хатшысы Ләйлә Төрешова бұл орталықта кітаптар сатылып қана қоймай, авторлар, баспагерлердің қатысуымен түрлі іс-шаралар, жаңа басылымдардың тұсаукесерлері мен талқылаулары ұйымдастырылатынын атап өтті.<blockquote>«Жобаның негізгі мақсаты партия жанында оқырман мәдениетінің құндылығын қалыптастыратын зияткерлік эко - қауымдастығын жасау. Мұнда «Автордан оқырманға» қағидаты бойынша қазақстандық авторлардың сапалы кітаптары мен мемлекеттік тілге аударылған дүниежүзілік бестселлер қолжетімді бағада ұсынылады. Сонымен бірге бұл жерде оқырман кештері ұйымдастырып, жаңа кітаптарды талқылай отырып кездесулер, презентациялар, қазақстандық жазушылардың, баспагерлердің қатысуымен партияның іс-шараларын өткізетін боламыз. Жоба аясын кеңейту мақсатында келесі жылы барлық аудандарда ашылатын «Руханият орталықтарында» кітап бұрыштарын ашуды жоспарлап отырмыз»,-дейді партияның облыстық филиалының Атқарушы хатшысы Ләйлә Төрешова.</blockquote>Жасыратыны жоқ елімізде біраз жыл автор, баспа, кітапхана, кітап дүкені арасындағы байланыс үзіліп қалған болатын. Осы орайда партияның отандық жазушыларды қолдауы біздерді қуантып отыр. Бұл орталық байланысты қайта жаңғыртуға ықпалы зор деп есептеймін. &nbsp;Сонымен бірге барлық аудандарда салынатын «Руханият орталықтарында» партияның қолдауымен осындай кітап бұрыштарының ашылатыны да оқырман үшін де үлкен мүмкіндік. Себебі ол жерде ардагерлерден бастап барлық Үкіметтік емес ұйымдар және ұлттық құндылықтарды насихаттайтын тәрбие орталықтары бірігіп, жұмыс жасайтын болғандықтан, жобаның ауқымы кеңейетін болады»,-дейді Қазақстан жазушылар одағы Қызылорда облыстық филиалының директоры Қаршыға Есімсейітова.Ал өз кезегінде сөз алған партияның облыстық филиалы жанандыға &nbsp;«MIRAS» аймақтық кеңесінің төрағасы, философия ғылымдарының докторы Баймырза Қожамберлиев кітап оқудың рухани құндылықты байытудағы маңыздылығына тоқталса, Ә.Тәжібаев атындағы облыстық әмбебап ғылыми кітапханасының директоры Нұрлыбек Мыңжас орталықтың халыққа, руханиятқа, әдебиетке, ұлттық идеологияға тікелей &nbsp;қызмет ететініне сенім білдірді.<figure class="image"><img src="https://knadmin.beoblood.kz/uploads/f75173c5_2607_460f_b56c_2cea761217c9_c83c00c53f.jpg" alt="f75173c5-2607-460f-b56c-2cea761217c9.jpg"></figure>&nbsp;<figure class="image"><img src="https://knadmin.beoblood.kz/uploads/baffc1ce_139d_4bdc_97fc_e3bc5f2cbae7_9761548dfb.jpg" alt="baffc1ce-139d-4bdc-97fc-e3bc5f2cbae7.jpg"></figure>&nbsp;<figure class="image"><img src="https://knadmin.beoblood.kz/uploads/5566e380_3599_4794_a9a7_e953b6e78524_6024a3903e.jpg" alt="5566e380-3599-4794-a9a7-e953b6e78524.jpg"></figure>&nbsp;<figure class="image"><img src="https://knadmin.beoblood.kz/uploads/96e138f6_0570_4b7c_85ec_74bfa8998947_533b01d1b2.jpg" alt="96e138f6-0570-4b7c-85ec-74bfa8998947.jpg"></figure>&nbsp;<figure class="image"><img src="https://knadmin.beoblood.kz/uploads/d0042f58_754d_41bd_8c84_91922ed71988_68775ac665.jpg" alt="d0042f58-754d-41bd-8c84-91922ed71988.jpg"></figure>

Партия жанынан отандық әдебиет пен баспагерлерді қолдауға бағытталған кітап орталығы ашылды

<a href="https://kyzylorda-news.kz/">Kyzylorda-news.kz.</a> «AMANAT» партиясы Қызылорда облыстық филиалы жанындағы &nbsp;Партиялық бақылау комиссиясы мен «Экологиялық мәселелер» жөніндегі кеңесінің бірлескен отырысы өтіп, онда өңірдегі &nbsp;тарихи-мәдени мұра объектілерін қорғау және &nbsp;пайдалану барысындағы проблемалық мәселелер талқыланды.Қызылорда облысы көлемінде 561 тарихи-мәдени мұра объектілері мемлекет қорғауына алынған, олардың 31-і республикалық, 256-сы жергілікті маңызы бар тарихи және мәдени ескерткіш. 274 нысан тарихи-мәдени мұра объектілерінің алдын-ала тізіміне енгізілген. Қолданыстағы заңдылықтарға сәйкес мемлекет қорғауына алынған ескерткішке қорғау тақтасы орнатылып, төлқұжаттар, есеп карточкалары, қорғау міндеттемелері рәсімделген. Тарих және мәдениет ескерткіштерін теңгерімге алу жұмыстары толық аяқталып, олар қала, ауыл, кент әкімдіктерінің теңгеріміне берілген. Ағымдағы жылы республикалық және жергілікті бюджет есебінен бірқатар тарихи орындар мен ескерткіштерге реставрациялық жұмыстар да жүргізілген.<blockquote>«2023 жылы ҚР Мәдениет және ақпарат министрлігі тарапынан республикалық бюджет есебінен Алтынасар, Сығанақ қалашықтарына, Ғанибай мешітіне, Молқалан, Төлегетай-Қылышты ата, Қарасопы кесенелеріне, Көтібар мұнарасына реставрациялық жұмыстар жүргізілді. Жергілікті бюджет есебінен Қалжан ахун сағанасы мен Абыла желдиірмені жөндеуден өтті. Сонымен қатар қорғау аймағы белгіленген 3 ескерткіш – Қорқыт ата ескерткіш кешені, Сығанақ, Жанкент қалашықтары толығымен қоршалды»,- дейді Қызылорда облысының мәдениет және спорт басқармасының Қызылорда облыстық тарихи және мәдени ескерткіштерді қорғау жөніндегі мемлекеттік мекемесінің басшысы Ерғазы Алданазаров.</blockquote>Жиын барасында партиялық бақылау комиссиясының төрағасы Нұркен Бақытбекұлы елімізде орын алып жатқан вандализм яғни, тарихи мұраларға қасақана зиян келтіру, бұзу, заңсыз қазба жүргізу, петроглифтердің бетін сызып жазу, ескерткіш аумағын бүлдіру сияқты келеңсіз жағдайлар орын алып, қоғамдық резонанс тудырып отырғанын атап өтіп, алдын алу бағытындағы жұмыстарды пысықтады.Қызылорда облыстық тарихи және мәдени ескерткіштерді қорғау жөніндегі мемлекеттік мекемесінің басшысы Ерғазы Алданазаровтың айтуынша осы кезеңге дейін археологиялық ескерткіштерде заңсыз қазба жұмыстарын жүргізген фактілері орын алмаған. Дегенмен, археологиялық ескерткіштер далалық жерде орналасқандықтан, ауа райының қолайсыз әсерінен және жайылып жүрген малдардың сүйкенуі әсерінен қорғау тақталарының құлап, сынып қалған жағдайлары болған. Тұрақты мониторинг жұмыстары нәтижесінде анықталған кемшіліктерге сәйкес жергілікті әкімдіктерге &nbsp;ұсынымдар беріліп, тақталар қалпына келтірілген.Жиын соңында тарихи - мәдени ескерткіштерді күтіп ұстау, қорғау, туризмді дамытуға байланысты ұсыныстар айтылды.Айта кетейік, вандализм әрекеттеріне байланысты Қазақстан Республикасының «Әкімшілік құқық бұзушылық туралы», Қылмыстық Кодекстерінде &nbsp;жауапкершіліктер айқындалған.<figure class="image"><img src="https://knadmin.beoblood.kz/uploads/40c2b32e_7d36_48fc_8630_800e39540f98_fbb84c8c5e.jpg" alt="40c2b32e-7d36-48fc-8630-800e39540f98.jpg"></figure>&nbsp;<figure class="image"><img src="https://knadmin.beoblood.kz/uploads/dfa16e35_557d_4bab_ab0b_f16d4e9f5900_b6d500faf6.jpg" alt="dfa16e35-557d-4bab-ab0b-f16d4e9f5900.jpg"></figure>&nbsp;<figure class="image"><img src="https://knadmin.beoblood.kz/uploads/17001ee3_3f0b_458c_9bd7_f0831188db11_70b5d898ad.jpg" alt="17001ee3-3f0b-458c-9bd7-f0831188db11.jpg"></figure>

Тарихи және мәдени ескерткіштерді қорғау мәселесі талқыланды

<a href="https://kyzylorda-news.kz/">Kyzylorda-news.kz.</a> 17 қараша – Халықаралық студенттер күніне орай Қорқыт ата атындағы Қызылорда университетінде республикалық «JaStar &amp; Dastur fest» фестивалі ұйымдастырылды.&nbsp;Байқау қазақы салт-дәстүрді, ұлттық құндылықтарымызды ұлықтау, жастар арасында насихаттау, ұмыт қалғанын қайта жаңғырту мақсатында өткізілді. Студенттер дәстүрлі ән шырқап, қазақ ұлттық биін билеп, әдет-ғұрыптарымыз бейнеленген көрініс қойды.&nbsp;Фестивальге Астана қаласындағы Л.Н.Гумилев атындағы Еуразия ұлттық университеті, Maqsut Narikbayev University, Түркістан қаласындағы &nbsp;Қожа Ахмет Ясауи атындағы халықаралық қазақ-түрік университетінің студенттері арнайы қатысты.Республикалық шарада қазақ халқының дәстүрі мен әдет-ғұрыптары кеңінен насихатталды, сондай-ақ студенттер бір-бірімен достық байланыс орнатты.Фестивальде Қорқыт ата атындағы Қызылорда университетінің Басқарма төрағасы – Ректоры Бейбіткүл Кәрімова қазақы дәстүрді бойына сіңірген, ұлттық құндылықты қадірлейтін жастарды қалыптастыру мәселесі әрдайым назарда екенін атап өтті.Қорқыт ата атындағы Қызылорда университетінде жастардың рухы биік, шығармашылық әлеуетін ел дамуына жұмсайтын, тәрбиелі тұлға болып қалыптасуы үшін 24 жастар ұйымы жұмыс істейді. &nbsp;Жуырда университет студенттері ұлттық құндылықтарды дәріптеуге бағытталған республикалық челлендж бастады. Білім алушылар барша қазақ аруларын шашбау мен шолпы тағуға шақырды. Бір ғана Фейсбук желісіндегі ресми парақшада бұл бейнероликті 175 мыңға жуық адам көріп, 2100-ден астам жуық пікір жазылып, 1300 адам бөліскен (репост). Челленджге аз уақытта көптеген жоғары оқу орындары қолдау білдірді. Бұл жастарымыздың ұлттық құндылықты сақтауға деген ынтасының зор екенін көрсетеді.&nbsp;Фестиваль қорытындысы бойынша Бас жүлдені Қорқыт ата атындағы Қызылорда университетінің командасы, І орынды Л.Н.Гумилев атындағы Еуразия ұлттық университетінің командасы, ІІ орынды Түркістан қаласындағы &nbsp;Қожа Ахмет Ясауи атындағы халықаралық қазақ-түрік университетінің командасы, ІІІ орынды Maqsut Narikbayev University командасы иеленді.<figure class="image"><img src="https://knadmin.beoblood.kz/uploads/IMGL_7808_c85a446da4.jpg" alt="IMGL7808.jpg"></figure>&nbsp;<figure class="image"><img src="https://knadmin.beoblood.kz/uploads/IMGL_7835_06a7324b9a.jpg" alt="IMGL7835.jpg"></figure>

Республикалық «Jastar & Dastur fest» фестивалі өтті

<a href="https://kyzylorda-news.kz/">Kyzylorda-news.kz.</a>&nbsp; Алпыс жылдық тарихы бар «Қазақконцерт» мемлекеттік концерттік ұйымы Сыр өлкесіне табан тіреді. Қазақ мәдениетінде тарихы алтын әріппен жазылған «Қазақконцерттің» бүгінгі шығармашылық кеші Қызылорда облысының 85 жылдық мерейтойымен тұспа-тұс келіп отыр. Осыған орай, Өңірлік коммуникациялар қызметінің баспасөз алаңында «Қазақконцерттің» өнерпаздары БАҚ өкілдеріне сұхбат берді.<blockquote>Біз өткен жылдан бастап «Ел бірлігі – Жаңа Қазақстан» деген жобаны қолға алдық. Жобаның басты мақсаты – шет аймақтағы елді мекендер мен моно қалалардағы өнер сүйер қауымға өзіміздің шығармашылық кешімізді өткізу болып табылады. Осы жоба аясында Ұлытау, Жетісу, Абай облыстарында шығармащылық кешімізді өткіздік. Енді міне қасиетті Сыр еліне келіп, «Қазақконцерттің» өнерін сағынған халыққа өз өнерімізді ұстындық. Концерт әрі қарай Байқоңыр қаласында жалғаспақ, - деді «Қазақконцерт» мемлекеттік концерттік ұйымының ресми өкілі Ержан Алданазаров.</blockquote>«Қазақконцерт» өнер ордасының тарихы Ш.Жиенқұлова, М.Ержанов, Ж.Омарова, Н.Тапалова, Р.Бағланова, М.Хамзин сынды қазақ музыка мәдениетінің негізін қалаған ірі тұлғалардың есімінен бастау алды. Кейін олардың қатарын Е. Рахмадиев, С.Тыныштығұлова, Ә. Есқалиев, С. Шүкіров, Г.Талпақова секілді көрнекті өнерпаздармен толықты.<blockquote>Қазақ өнерінің қара шаңырағы Сыр өңіріне гастрольдік сапармен келіп қалдық. Туған жерімде ән шырқаған кезде ерекше бақытқа бөленемін. Жалпы, бұл концерттік ұйымда жан-жақты жанрды қамтыған өнерпаздар бар. Сол себепті кеш қызықты өттті - деді ҚР Еңбек сіңірген қайраткері, «Қазақконцерт» мемлекеттік концерттік ұйымының» солисі Жеңіс Ысқақова.</blockquote><figure class="image"><img src="https://knadmin.beoblood.kz/uploads/402640741_17939169029754489_5942208515550621250_n_ce81aca270.jpg" alt="402640741_17939169029754489_5942208515550621250_n.jpg"></figure>&nbsp;<figure class="image"><img src="https://knadmin.beoblood.kz/uploads/402642407_17939169047754489_6763302340714036307_n_881bc47b31.jpg" alt="402642407_17939169047754489_6763302340714036307_n.jpg"></figure>&nbsp;<figure class="image"><img src="https://knadmin.beoblood.kz/uploads/401075403_17939168987754489_8098443029643082680_n_73aca725f2.jpg" alt="401075403_17939168987754489_8098443029643082680_n.jpg"></figure>

«Қазақконцерт» Сыр өңіріне гастрольдік сапармен келді

<a href="https://kyzylorda-news.kz/">Kyzylorda-news.kz.</a> Елордада «Еңбек – ел ырысы» тақырыбындағы қарапайым еңбек адамдарына арналған республикалық ақындар айтысы өз мәресіне жетті, деп хабарлайды <a href="https://azattyq-ruhy.kz/">Azattyq Ruhy</a>.«AMANAT» партиясының қолдауымен Мәдениет және ақпарат министрлігі ұйымдастырған дәстүрлі «Алтын домбыра» жыр аламанында бас-аяғы 16 ақын өнер көрсетті.<img class="image_resized" style="width:750px;" src="https://azattyq-ruhy.kz/userfiles/Togzhan/2023/%D0%B0%D0%B2%D0%B3%D1%83%D1%81%D1%82%D1%8C/fce72efb-ed47-4d39-b801-40c3760fa9b4.jpg" alt="">«AMANAT»-тың Атқарушы хатшысы Дәулет Кәрібек дәстүрлі доданың мәні мен маңызына тоқталып, партия алдағы уақытта да мәдениет пен өнерге барынша қолдау көрсете беретінін жеткізді.<blockquote>«Мемлекет басшысы Қасым-Жомарт Тоқаев еңбек адамының мәртебесін көтеруді үнемі айтып келеді. Есілдің жағасында екі күн бойы ерекше өнер көрсеткен ақындарымыз да еңбек адамының абыройын асқақтатып, олардың ел дамуына қосып жатқан өлшеусіз үлесін жырға қосты. Елді көркейтетін – еңбек. Айтыс деп аталатын асыл өнеріміз төрден түспесін», – деді ол.</blockquote>Өз кезегінде, Мәдениет және ақпарат вице-министрі Арман Жүдебаев көзіқарақты көрермен мен ақындар қауымына шынайы алғысын білдірді.<blockquote>«Міне, екі күнге созылған аламан айтыс өз мәресіне жетті. Еңбек адамының мерейін үстем еткен ақындарға және оларды қолдап, қостап келіп отырған барша айтыссүйер ағайынға алғыс айтамын», – деді вице-министр.</blockquote><img class="image_resized" style="width:750px;" src="https://azattyq-ruhy.kz/userfiles/Togzhan/2023/%D0%B0%D0%B2%D0%B3%D1%83%D1%81%D1%82%D1%8C/ab28c283-f38c-4954-ae03-eda46d452aa2.jpg" alt="">Бұл ретте, қазылар алқасының төрағасы, Қазақстанның халық ақыны Әсия Беркенова қазылар құрамы әдептен озбай, ардан аттамай әділ шешім қабылдағанын айтты.<blockquote>«Үндемесем өзіме өзім төре, сөйлеп кетсем өзіме сөзім төре», дейді қазақ халқы. Сол сөзге бүгін әділ бағасын берген қазылар алқасының ары таза деген ойдамын. Күміс көмейінен жақұттай жыр төккен ақындарымызға шалқар шабыт тілеймін. Ұлттық өнеріміздің беделі биік, абыройы асқақ болғай», – деді қазылар алқасының төрағасы, Қазақстанның халық ақыны Әсия Беркенова.</blockquote><img class="image_resized" style="width:750px;" src="https://azattyq-ruhy.kz/userfiles/Togzhan/2023/%D0%B0%D0%B2%D0%B3%D1%83%D1%81%D1%82%D1%8C/b3446955-79fc-449a-abff-818e6d70e560.jpg" alt=""><img class="image_resized" style="width:750px;" src="https://azattyq-ruhy.kz/userfiles/Togzhan/2023/%D0%B0%D0%B2%D0%B3%D1%83%D1%81%D1%82%D1%8C/03473a3b-a499-4baa-a145-efe38f687996.jpg" alt="">Осылайша, қазылар алқасының шешімімен бас жүлдені қарағандылық Мақсат Аханов иеленді. Оған «Алтын домбыра» және автокөлік табысталды.<img class="image_resized" style="width:750px;" src="https://azattyq-ruhy.kz/userfiles/Togzhan/2023/%D0%B0%D0%B2%D0%B3%D1%83%D1%81%D1%82%D1%8C/9232946a-92f8-4332-944d-3281faae4ea8.jpg" alt="">Ал жүлделі 1-орын және «Айтыс ақтаңгері» атағы қызылордалық Мейірбек Сұлтанханға, 2-орын павлодарлық Аспанбек Шұғатайға бұйырды. 3-орынды ұлытаулық Төлеген Жаманов пен Батыс Қазақстан облысынан келген Жансая Мусина өзара бөлісті.Сондай-ақ, жамбылдық Алина Айдаралы, Батыс Қазақстан облысының айтыскері Мұрадым Мейрланов және алматылық Шұғайып Сезімхан арнайы жүлде иеленді.Сайысқа түскен барша ақынға қомақты сый-сияпат табысталды.<img class="image_resized" style="width:750px;" src="https://azattyq-ruhy.kz/userfiles/Togzhan/2023/%D0%B0%D0%B2%D0%B3%D1%83%D1%81%D1%82%D1%8C/311976b9-c66c-468d-9608-201abd491758.jpg" alt="">

Дәстүрлі «Алтын домбыра» айтысы еңбек адамына арналды

<a href="https://kyzylorda-news.kz/">Kyzylorda-news.kz.</a>&nbsp; Астана төрінде ҚР Мәдениет және ақпарат министрлігінің ұйымдастыруымен, "Аманат" партиясының қолдауымен екі күн бойы жылдың қорытынды айтысы өтіп, «Алтын домбыра» сарапқа салынды."Еңбек - ел ырысы" атты республикалық ақындар айтысына еңбекке, еңбек адамына құрмет тақырыбы арқау болды. Аламанның ақтық сынына шыққан жерлесіміз Мейірбек Сұлтанхан бірінші орынды иеленіп, "Айтыстың ақтаңгері" атанды. Еліміздің әр өңірінен келген жүйріктер жарысында алдыңғы қатардан көрінген Мейірбек ақынды жеңісімен құттықтаймыз!Айта кетейік, «Алтын домбыра» республикалық айтысы басталғанда оның алғашқы иегері Мұхтар Ниязов одан кейін де екі мәрте осы додада топ жарған еді.Осылайша Сыр өңіріне жеткен «Алтын домбыра» қазір облыстық тарихи-өлкетану музейінің «Мәдениет және өнер» залына қойылған.

«Алтын домбыра»: Мейірбек Сұлтанхан «Айтыстың ақтаңгері» атанды

<a href="https://kyzylorda-news.kz/ru">Kyzylorda-news.kz.</a>&nbsp; Батыс Қазақстан облысы «Атамекен» өнер орталығында С.Айтбаев атындағы көркемсурет галереясының «Сырдың сырлы әлемі» атты жылжымалы көрмесі ашылды.Аталған көрмені Батыс Қазақстан облысының мәдениет, тілдерді дамыту және архив ісі басқармасы басшысының орынбасары Қуанышбек Мұханғалиев ашып, Сыр елінен рухани-мәдени байланысты ту етіп келген қонақтарға Ақжайық жұртшылығы атынан алғыс білдірді.Қызылорда облыстық тарихи-өлкетану музейінің директоры &nbsp;Сапар Көзейбаев өз сөзінде екі өңір арасындағы мәдени ынтымақтастық пен байланыс ретіндегі аталмыш көрме оралдықтар мен сыр жұртшылығы үшін тың серпіліс, рухани нәр, тарихи байланыс болып қалыптасатындығын жеткізіп, естелік сый тарту етті.Көрмеде С. Айтбаев атындағы галерея қорынан еліміздің танымал қылқалам шеберлері мен облыс суретшілерінің 73 шығармасы көрермен назарына ұсынылды.Аталған көрме 10-23 қараша аралығында жұмыс істейді.<figure class="image"><img src="https://knadmin.beoblood.kz/uploads/401083435_17938611296754489_8422443655519447205_n_47496b5d60.jpg" alt="401083435_17938611296754489_8422443655519447205_n.jpg"></figure>&nbsp;<figure class="image"><img src="https://knadmin.beoblood.kz/uploads/400996552_17938611308754489_871359109539273841_n_c3398167e8.jpg" alt="400996552_17938611308754489_871359109539273841_n.jpg"></figure>

Қазақстан және Қызылорда облысының жаңалықтары: Мәдениет