<a href="https://kyzylorda-news.kz/">Kyzylorda-news.kz.</a> Сырдария ауданы әкімі Берік Сәрменбаев кенттегі бірқатар әлеуметтік маңызы бар нысандарға барып, азық-түлік бағаларына бақылау жүргізді. Жалпы аудан орталығында азық-түлік тауарларының қоры жеткілікті, тапшылық жоқ.Ең алдымен, аудан басшысы «Нұрай» сауда дүкеніндегі халық күнделікті тұтынатын нан, сүт, ұн, көкөніс, қант секілді өнімдердің қоры мен бағасын бақылап шықты. &nbsp; Бүгінде дүкендер тауар бағасын өз бетінше белгілейді, алайда әлеуметтік маңызы бар азық-түлік тауарларының өткізу құны өндірушінің немесе көтерме саудадағы бағадан 15 пайыздан аспауы тиіс.– Азық-түлік тауарларына бағаны тұрақтандыру үшін апта сайын мониторинг жұмыстары жүргізілуде. Басты мақсат – халықты сапалы және қолжетімді бағада азық-түлікпен қамтамасыз ету. Ескерте кетейін, бағаны негізсіз көтеруге жол жоқ, – деді Берік Әбдіғаппарұлы.Сондай-ақ, аудан әкімі «Жандос» сауда нысанына да барып, азық-түлік қоры мен бағасын қарап шықты. Бағаны негізсіз өсірмеу үшін сала басшыларына бірқатар тапсырма жүктеді.

Сырдария: Азық-түлік бақылауда

<a href="https://kyzylorda-news.kz/">Kyzylorda-news.kz.</a> «Еңбек күнін» мерекелеу бойынша, жүзеге асырылып жатқан &nbsp;«Адал азамат - Адал еңбек» айдарының бүгінгі кейіпкері аудандық мәслихат депутаты Данияр Асайынұлы.Жаңақорған ауданы қоғамдық даму бөлімінің «Жастар ресурстық орталығы» КММ ұйымдастыруымен «Еңбек күні» мерекесіне орай «Адал азамат - Адал еңбек» тақырыбында аудандық мәслихат депутаты, жас кәсіпкер Досантаев Данияр Асайынұлы Жаңақорған аграрлы-техникалық колледждің студенттерімен еркін форматта &nbsp;кездесу өткізді. &nbsp; Кездесу аясында Данияр Асайынұлы студенттерге еңбек жолындағы жинаған тәжірибесімен бөлісіп, мол пайдалы мағлұматтар беріп өтті. Жиналған студенттер көкейдегі сұрақтарына тұшымды жауаптар алып, кездесудің соңында өз алғыстарын білдірді.Данияр Асайынұлы Абай атындағы педогогикалық университетін алғашқы әскери дайындық мұғалімі мамандығы бойынша білім алған. 2013 жылдан бастап жеке кәсіпкер ретінде ауыр жүк көлігін айдап түрлі құрылыс саласында жүрген, &nbsp;араға 10 жыл салып өзінің еңбекқорлығы мен талпынысының арқасында қазіргі таңда &nbsp;құрылыс жұмысын жасайтын бетон заводын ашып аудан жұртшылығына қызмет жасауда. 35 адамды тұрақты жұмыспен қамтып отыр. Қайырымдылық бағытында жұмыс істейтін &nbsp;«Жаңарған Жаңақорған Жастары» қорының бастамасымен қазіргі таңда 11 үй салынып пайдалануға берілді. Осынша адал еңбектерінің арқасында бүгінгі таңда аудан жастарының &nbsp;ішінен сайланған жас депутат. &nbsp;

Жаңақорғандық еңбек адамы

<a href="https://kyzylorda-news.kz/">Kyzylorda-news.kz.</a> Қызылорда облысы аумағындағы тазалық мәселесі аймақ басшысының күн тәртібінен түскен емес. Сыр өңірінің келбеті іспеттес негізгі жолдардың да таза болуы маңызды.Жалағаш ауданының әкімі Асқарбек Темірбекұлы Жалағаш ауданы аумағындағы "Батыс Еуропа - Батыс Қытай" халықаралық транзиттік дәлізінің тазалық жұмыстарын көрді.Іс-сапар барысында Аққұм, Еңбек, Бұқарбай батыр және Таң ауылдық округтерінің маңында орналасқан аялдамалармен кәсіптік нысандардың таза болу қажеттігін айтты."Батыс Еуропа - Батыс Қытай" халықаралық транзиттік дәлізінің тазалық жұмыстарын пысықтаған аудан әкімі Асқарбек Есжанов, Жалағаш кенті орталығының абаттандыру барысымын танысты. Орталық алаңға төсеніш орналастыратын орынды тегістеу жұмыстары басталғанымен, мердігер мекемеге жобаны сапалы әрі жылдам аяқтауды тапсырды.Сондай-ақ, Дене шынықтыру - сауықтыру кешенінің негізгі құрылыс жұмыстары аяқталғандықтан, нысанның ішкі жұмыстарын үйлестіру керек екендігін айтты.Биылғы жылы Қазақстан Республикасы Ұлттық қоры есебінен халықтың әлеуметтік жағынан осал топтарына 50 тұрғын үй сатып алатын болады. Осы орайда аудан әкімі жеке кәсіпкерлер арқылы аудан орталығынан салынып жатқан тұрғын үйлердің құрылыс жұмыстарымен танысты.2023 жылдың мамыр айында басталған аспалы көпір құрылысы аудан әкімінің назарынан тыс қалған емес. Аспалы көпір құрылысының бүгінгі күнге дейінгі аяқталған жұмыстарымен танысқан Асқарбек Есжанов, халық игілігі үшін жасалған ауқымды жобаны уақытылы &nbsp;аяқтауды тапсырды. Қазіргі таңда құрылыс жұмыстарының кестесіне сәйкес жүргізілуде.Аудан бойынша тазалық жұмыстарымен танысып, бірқатар нысандарды аралаған аудан әкімі Асқарбек Есжанов, іс-сапар барысындағы тапсырмалардың орындалуын аудан әкімінің аппарат басшысы Ержан Қайнарбаевқа жүктеді.

Жалағаш ауданының әкімі құрылыс нысандарын аралады

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өткен мәжілісте жылу беру науқаны қарсаңындағы, егін-терім кезіндегі маңызды мәселелер талқыланды. &nbsp;Қысқа дайындықтағы кейбір жайттар, әлеуметтік нысандардың құрылысы, егін жинау жұмыстарының қарқыны қаралды.Аймақ басшысы облыстық басқармалар мен қала, аудан әкімдіктерінің &nbsp;баяндамаларын тыңдап, алдағы міндеттерді белгіледі. Мәселен, облыстық энергетика және тұрғын үй-коммуналдық шаруашылығы басқармасына әлеуметтік нысандардың жылу беру маусымына дайындығын жіті бақылауда ұстап, қажетті отын қорын уақытылы жеткізуді тапсырды. Облыс орталығы мен елді мекендерді абаттандыру, көркейту және санитарлық тазалық күнделікті қадағалауды талап етеді. Егіс алқаптарындағы жұмыс қарқынын еселеп, күрішті уақытылы әрі ысырапсыз жинап алу керек.Нұрлыбек Машбекұлы өңірде салынып жатқан әлеуметтік нысандар мен жол құрылысына ерекше мән беріп, жұмыс сапасы мен мерзімін қатаң сақтау керек екенін қаперге салды.Бүгінде &nbsp;Қызылорда облысының 85 жылдығы мен Қала күніне тарту етілетін нысандар құрылысы аяқталып қалды. &nbsp;Неке сарайы, "Анаға тағзым" орталығы, көпқабатты үйлердің қасбетіндегі, &nbsp;аулалардағы жаңғыртулар, &nbsp;көшелердің кеңеюі жұртшылықтың көңіл-күйіне оң әсер еткені байқалады. Алда жұмыс қарқынын бәсеңдетпей жоспарланған межеге жету үшін барлығы жіті қадағалауда болуы керек.Жиында берілген тапсырмалар облыс әкімінің орынбасарларының бақылауында болмақ.

Аймақтағы маңызды мәселелер талқыланды

<a href="https://kyzylorda-news.kz/">Kyzylorda-news.kz.</a> Қазгидромет синоптиктері 9 қыркүйек, сенбі күнге арналған ауа райы болжамын ұсынды.Қазақстан аумағының басым бөлігінде атмосфералық фронттардың әсерінен ауа райының тұрақсыз сипаты сақталады.Жаңбыр жауады, еліміздің солтүстік-батысында, солтүстігінде қатты жаңбыр жауып, найзағай жарқылдайды.Тек елдің шығысынды жауын-шашын болмайды.Республика бойынша екпінді жел, республиканың солтүстік-батысында, солтүстігінде және оңтүстік-шығыстың таулы аудандарында бұршақ жауады.Қазақсстанның шығысында, орталығында тұман түседі.Жамбыл, Қызылорда облысының орталығындаа, шығысында, оңтүстігінде, Атыраудың солтүстік-батысында, солтүстік-шығысында, Батыс Қазақстан облысының оңтүстік-батысында, шығысында, солтүстігінде, орталығында, Ұлытау облысының оңтүстігінде төтенше өрт қаупі сақталады.Маңғыстау облысының солтүстік-батысында, оңтүстігінде, орталығында, Батыс Қазақстан облысының батысында, оңтүстігінде, Қарағанды, Павлодар облысының оңтүстігінде өрт қаупі жоғары.Шығыс Қазақстан облысының солтүстігінде, шығысында топырақ бетінде 1-3 градус үсік жүреді.

9 қыркүйекке арналған ауа райы болжамы

<a href="https://kyzylorda-news.kz/">Kyzylorda-news.kz.</a> Облыс әкімінің бірінші орынбасары Серік Қожаниязовтың күріштік алқаптағы балық шабақтарын құтқару іс-шара жоспарына сәйкес облыс көлемінде тиісті жұмыстар атқарылуда.&nbsp;Осы орайда Қызылорда орман және жануарлар дүниесін қорғау жөніндегі мемлекеттік мекемесі «Мағжан» шаруа қожалығының күріштік алқаптарының қашыртқы каналдарынан балық шабақтарын құтқару жұмыстарын жүргізді.&nbsp;15 қызметкер мен 3 арнайы техника жұмылдырылған шарада &nbsp;сазан, ақамур, жайын, мөңке, дөңмаңдай секілді 9000 мыңнан астам түрлі балық шабақтары құтқарылды.&nbsp;

Қызылордада 9 мыңнан астам шабақ құтқарылды

<a href="https://kyzylorda-news.kz/">Kyzylorda-news.kz.</a> Өткен жылы Қызылорда облысында 6 ауылға көгілдір отын жеткізіліп, халықты газдандыру деңгейі 70 пайыз болды.Биыл 12 ауыл газға қосылып, қамту деңгейі 75 пайызға жеткізілмек. Нәтижесінде 40 мыңға жуық тұрғын табиғи газдың игілігін көреді.2024-2026 жылға арналған республикалық бюджетті қалыптастыру кезінде 18 газдандыру жобасын қаржыландыруға 10,2 млрд. теңгенің бюджеттік өтінімі ұсынылды. Мұнан бөлек, 2024 жылға тағы 2 жобаны қаржыландыруға 0,9 млрд.теңгеге бюджеттік өтінім әзірленді. Барлығы 20 жоба дайындалып, 11,1 млрд. теңгенің бюджеттік өтінімі тиісті министрлікке жолданды.

Қызылорда облысында 12 елді мекен табиғи газға қосылады

<a href="https://kyzylorda-news.kz/">Kyzylorda-news.kz.</a> Қызылорда қаласы әкімдігі жанынан құрылған жұмысшы топпен қала аумағын ластау, белгіленбеген орынға қоқыс қалдығын төгу деректері бойынша бақылау жұмыстары жүргізілді.&nbsp;Шара барысында көше тазалығын сақтамай тәртіп бұзған бірқатар тұрғындар анықталып, оларға қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі, «Қызылорда Тазалығы» мекемесі мен учаскелік полиция инспекторлары тарапынан ескертулер жасалды. Нәтиже шықпаса, айыппұл төленеді.Айта кету керек, қаламыздың санитарлық тазалығын қамтамасыз ету мақсатында "Қызылорда тазалығы" мекемесі &nbsp;жеке және заңды тұлғаларға үздіксіз қызмет көрсетіп келеді. Бүгінгі күні &nbsp;көшелердің санитарлық тазалық жұмыстарына 50 дана &nbsp;арнайы техника &nbsp;жұмылдырылса, қаланың 813-тен астам көшелерінің тазалығын қамтамасыз етуге 150 жұмысшы күші, 70 жүк тиеуші, 60 жүргізуші қызметкерлер біріктірілген.

Қала тазалығы: Тәртіп бұзғандар айыппұл төлейді

<a href="https://kyzylorda-news.kz/">Kyzylorda-news.kz.</a> Нұрымбет Сақтағанов Шығыс Қазақстан облысы әкімінің бірінші орынбасары болып тағайындалды.Нурымбет Аманұлы 1970 жылы Түркістан облысында дүниеге келген. Қорқыт Ата атындағы Қызылорда мемлекеттік университетін, Мәскеу мемлекеттік экономика, статистика және информатика университетін, С.Аманжолов атындағы Шығыс Қазақстан мемлекеттік университетін бітірген.Еңбек жолын 1992 жылы Қызылорда облысының Сырдария ауданындағы №172 орта мектепте оқытушы ретінде бастаған. Әр жылдары мемлекеттік қызмет, соның ішінде кеден органдарында жауапты басшылық қызметтерде болған.2007-2012 жылдары Қазақстан Республикасы Экономика және бюджеттік жоспарлау министрлігі Сыртқы инвестиция көздерін жоспарлау бөлімі басшысы, аталған министрдің кеңесшісі, Еңбек және әлеуметтік қорғау министрлігі миграция комитеті төрағасының орынбасары, Қазақстан Республикасы Президенті Әкімшілігінің мемлекеттік инспекторы болып қызмет етті.2012-2021 жылдары Шығыс Қазақстан облысы әкімінің орынбасары, бірінші орынбасары, Ұлан ауданының және Семей қаласының әкімі қызметтерін атқарған.2021 жылдың ақпан айынан 2022 жылдың маусым айына дейін Шығыс Қазақстан облысы Жарма ауданының әкімі лауазымында еңбек етті.2022 жылдың 24 маусымынан бастап осы уақытқа дейін Қызылорда облысы әкімінің орынбасары болды.

Нұрымбет Сақтағанов ШҚО әкімінің орынбасары болып тағайындалды

<a href="https://kyzylorda-news.kz/">Kyzylorda-news.kz.</a> Облыс тұрғындарын белсенді қатысуға шақырамыз. Сейсмикалық жаттығулар барысында тұрғындар жойқын жер сілкінісі кезіндегі өзін-өзі ұстау ережелерімен танысып, қауіпсіз орындарды анықтау, зардап шеккен халықтың қабылдау пункттеріне жиналуы сияқты кейбір іс-әрекеттерді іс жүзінде пысықтайтын болады.«Баршаның назарына!» сигналын естіген кезде сабыр сақтаңыздар.Сейсмикалық жаттығулар «Жер-2023» республикалық командалық-штабтық оқу-жаттығуы аясында өтеді. Оның негізгі мақсаты – халықты жер сілкінісіне дайындау, оларға жалпы қауіпсіздік мәдениетін үйрету, сондай-ақ азаматтық қорғау күштерінің жер сілкінісі кезіндегі іс-әрекеттерге әзірлік деңгейін арттыру.Сейсмикалық қауіпті өңірлерде жаттығулар сағат 10:00-ден 11:00-ге дейінгі аралықта өтеді.

Сейсмикалық жаттығулар ұйымдастырылмақ

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев 1 қыркүйектегі Жолдауында «Біз агроөнеркәсіп кешенінде нақты серпіліс жасауымыз керек» деген болатын. Көптің көкейінде жүрген ой болғандықтан жұртшылық оны жылы қабылдады.&nbsp;«Ауыл шаруашылығы саласының әлеуеті орасан зор. Бірақ біз қолда бар мүмкіндіктерді әлі де толық пайдаланбай отырмыз», &nbsp;- деп нақтылады Президент. Расында, ауыл шаруашылығы – елдің азық-түлік және экономикалық қауіпсіздігін қалыптастыратын, сондай-ақ ауылдық жерлердің еңбек потенциалын, халық шоғырын арттыратын бірден-бір экономика секторы. Бұл сала қай елдің болмасын, экономикалық дамуының, тәуелсіздігі мен тұрақтылығының негізгі тірегі.&nbsp;Мемлекет басшысы атап өткендей, Қазақстанның айналасында өнім өткізетін өте үлкен нарықтар бар. Бірақ онда сапалы азық-түлік өнімдері тапшы. Осы орайда еліміз Еуразия құрлығындағы басты аграрлық орталықтың біріне айналуды көздеп отыр. Ол үшін өнім өңдеу деңгейін көтеру керек.«Онсыз болмайды. Біз алдағы үш жыл ішінде агроөнеркәсіптегі өңделген өнім үлесін 70 пайызға жеткізуіміз керек. Бұл – нақты міндет», - дей келе Президент жұртты өнім өңдеуге ынталандыру керектігін жеткізді.&nbsp;Еліміздегі су ресурстарының 70 пайызын ауыл шаруашылығы саласы пайдаланады екен. Осыны ескерсек, су үнемдеудің құрғақ сөз, құр ұран емес екенін ұғасың. Өйткені су үнемдеу технологиясын егін алқаптарында қолдану көлемі — небәрі 5 пайыз. Ендігі жерде заман талабына сай тәсілдің үлесін арттыру — уақыт күттірмейтін мәселе.&nbsp;Сонымен қатар ет, сүт, астық өнімдерін терең өңдеу, өндірістік жылыжай шаруашылықтарын дамытуға баса мән беру Жолдаудан туындаған жауапты міндеттер қатарында. Аталған бағыттардың қай кезде де біз үшін болашағы зор.Нұрлыбек САЙЫМОВ, ІІІ Интернационал ауылдық округінің әкімі

Ауылды дамыту ел экономикасын арттырады

<a href="https://kyzylorda-news.kz/">Kyzylorda-news.kz.</a> Достық үйінде Қазақстан студенттер альянсының өкілдері Қызылорда облыстық Қазақстан халқы ассамблеясы жанындағы «Ассамблея жастары» ұйымының мүшелерімен кездесті.Кездесуде жалпы жастарды қолдау бағытында үкімет тарапынан берілген мүмкіндік пен жеңілдіктер айтылды. Бұл жастарды жігерлендірді.Оқу орнын тәмамдаған сәттен-ақ жұмыс табу, баспана сатып алу әрбір жастың арманы. Осы ретте &nbsp;"Үлес" бағдарламасы жас мамандарға үлкен қолдау екендігі айтылып, кездесуге қатысушыларға толық ақпар берілді.

Қазақстан және Қызылорда облысының жаңалықтары: Қоғам