<a href="https://kyzylorda-news.kz/">Kyzylorda-news.kz.</a>"Қазгидромет" РМК ел аумағында 15 наурызда болатын қауіпті метеорологиялық құбылыстарға болжам жасады.Синоптиктердің мәліметінше, еліміздің басым бөлігінде атмосфералық фронтальды бөлімдердің өтуіне байланысты тұрақсыз ауа райы сақталады, соның әсерінен қар түріндегі жауын-шышын, Алматы, Жетісу облыстарының таулы аудандарында түнде қатты жауын-шашын болады.<blockquote>«Тек ҚР батысында, оңтүстік-батысында антициклон жотасы әсерінен жауын-шашынсыз ауа райы күтіледі. Республика бойынша тұман, желдің күшеюі, солтүстігінде, шығысында, орталығында жаяу бұрқасын, оңтүстігінде, орталығында көктайғақ, батысында шаңды дауыл соғады»,&nbsp;— делінген ақпаратта.</blockquote>Фото: Нұрболат Нұржаубай

15 наурызда ауа райы қандай болады?

<a href="https://kyzylorda-news.kz/">Kyzylorda-news.kz</a>&nbsp; Ауыл – қазақтың күретамыры. Сол себепті мемлекетіміздің лтын қазығы саналатын ауыл өмірін жақсарту – басты міндет саналады. Ондағы шаруашылық дамыса мемлекет экономикасы да өркендейді.&nbsp;Қармақшы ауданы Қуаңдария ауылында «Таңатар» шаруа қожалығы жұмыс стейді. Бүгінде шаруа қожалықтың &nbsp;21 908 мың гектар жері бар. Шаруашылық ауыл тұрғындарының шөбін дайындап, жалпы өткен жылы 40 000 дана тайшөп дайындаған. Мұндағы негізгі кәсіп – табиғи шөптен қысқы мал азығын дайындап сату.&nbsp;Былтыр Қуаңдария ауылында аудан әкімінің шешімімен бақша егуге, көркейту-көгалданыру жұмыстарына баса мән берді. Соның негізінде бөлінген трактормен көктем басталысымен ауыл тұрғындары жер жырту, бақша егу жұмыстарын жүргізді. Ауыл тұрғындары агроаймақ үшін 24 гектар жергдің 7 гектарына – картоп, 7 гектарына бақша өнімдері, 10 гектарға – көкөніс өнімдерін екті. Биылғы жылы да осы көлемде бақша өнімдерін егу жоспарлануда. 2023 жылдың 1 шілдеге мал басына жүргізілген есеп бойынша мал саны жеке және шаруа қожалықтарда мүйізді ірі қара 1492 бас, уақ мал 1585 бас, жылқы 592 бас, түйе 461 бас және құс 427 бас тіркелген.Ауылда кәсібін дөңгелентуге ықыласты жандар көп. АЙталық ауылдық округ бойынша тіркелген кәсіпкерлерлік субъектілер саны – 49 бірлік. Былтырғы жоспар бойынша3 азамат «Бастау Бизнес» жобасы бойынша оқытылып, ірі қара малын көбейту бойынша Сағындық Сәтбаев 1 380 000 теңгенің қайтарымсыз грант иегері атанды. «Іскер» мемлекеттік бағдарламасы аясында «Ауылшаруашылығын қаржылай қолдау қоры» арқылы Ләззат Айтұрсынова жылқы малын көбейту &nbsp;2 800 000 теңгеге алты пайыздық мөлшерлемесімен &nbsp;және Бекарыс Сахи жастарға арналған 2,5 пайыздық мөлшерлемесімен 5 000 000 теңге қаржы алып, түйе малын көбейту бойынша несие алды.<blockquote>– Ауылдық окгургте құрылыс жұмыстары жыл сайын қарқынды түрде жүргізіледі. Мәселен, былтырғы жылы І.Мырзақұлов, Бейбітшілік, Ерімбет, Жеңістің 40 жылдығы, Шалғасқат көшелерінің жарық шамдарының ЖСҚ әзірлеу үшін 1 698300 теңге қаржы бөлініп, мемлекеттік сатып алу арқылы конкурс беріліп жеңімпаз мекеме «ГорСервисПроект» жауапкершілігі шектеулі серіктестігімен бірлесіп жұмыс істеді. Сонымен қатар, аудандық бюджеттен ауылымыздағы Т.Жұбандықов көшесінің бойындағы балалар ойын алаңына жасанды (газон) төсеніш сатып алуға 1777777 теңге қаржы бөлініп мемлекеттік сатып алу жұмыстары жүргізіліп мердігер мекеме қажетті тауарларын жеткізіп беріп, &nbsp;спорт алаңына жасанды төсеніш уақытылы төселген болатын. Ауылдағы Ерімбет көшесінің бойына қоршау жұмыстарына 2 646900 теңге қаржы бөлініп, қоршау жұмыстары толық аяқталды. &nbsp;І.Мырзақұлов, Бейбітшілік, Ерімбет, Жеңістің 40 жылдығы, Шалғасқат көшелерінің жарық шамдарының жер актілерін әзірлеуге – 1 525 300 теңге қаржы бөлініп Қармақшы аудандық «Азаматтарға арналған үкімет» мемлекеттік корпорациясы коммерциялық емес акционерлік қоғамы мекемесімен жер актісін алу жұмыстары бойынша бір көзден келісім шарт жасалып құжаттандыру жұмыстары толық аяқталды, – деді ауылдық округ әкімі Ардақ Аймырзаев.&nbsp;</blockquote>«Жолдың жайын жүрген білер» демекші, ауылда бірінші кезекте жол мәселесінің түйіні тарқауы тиіс. Осы орайда Қуаңдария ауылы көшелерінің автомабиль жолдарына жасанды кедергі орнатуға тиісті қаржы бөлініп, Т.Жұбандықов көшесінің бойына жасанды кедергілер орналастырылып жұмыстар аяқталған. &nbsp;Сонымен қатар ауылдық округтегі Бейбітшілік, Ерімбет көшесінің бойындағы жолдарды орташа жөндеу сапасын бақылау қызметтері бойынша – 1 189 200 теңгеге Қазақстан Республикасы Индустрия және инфрақұрылымдық даму министрлігінің «Жол активтері сапасының ұлттық орталығы» ШЖҚ РМК бір көзден келісім шарт жасалып жұмыстары толық біткен.&nbsp;Қуаңдария елді мекеніне 2 ұңғыма қазу жұмыстарына жоба сметалық құжаттама әзірлеуге 2 000 000 теңге қаржы бөлініп облыстық Мемлекеттік сатып алу басқармасы арқылы мемлекеттік сатып алу жарияланып, жеңімпаз мекемемен келісім шарт жасалды. Демеушілер есебінен «Ыстық бұлақ» басы абаттандырылып, қоршалды. Облыстық бюжеттен 32 200 000 теңге қаржы қаралып, Ерімбет және Бейбітшілік көшелеріне орташа жөндеу жұмыстары жасалды. Сондай-ақ демеушілер есебінен 200 метр Жастар көшесіне темірден көше қоршауы жасалды.Мұнан өзге IV деңгейлі бюджеттің үнемделген қаржы есебінен ауылды жарықтандыру жұмыстары бойыншада 500 400 теңгеге конкурс беріліп, жеңімпаз мекемемен келісім шарт жасалып, жанбай тұрған жарықшамдарды ауыстырып, көшенің жарықтандыру жұмыстары жасалды.&nbsp; 2023 жылы Қуаңдария ауылын абаттандыру жұмысына ауылдың ішін аяқ сумен қамтамасыз ету мақсатында 3 100 000 теңгеге конкурс беріліп, жеңімпазы 2 499 500 теңгемен жеңімпаз анықталып, келісім шарты жасалып аяқ су тұрақты түрде аптасына 2 рет беріліп отырды.<blockquote>– Биыл бірқатар жобаларды қолға алмақ ниеттеміз. Ауылды көркейту, гүлдендіру мақсатында түрлі жобаларды жандандыруды көздеп отырмыз. Айталық, балалар және спорт алаңы құрылғысына 15 419 100 теңгеге, Қуаңдария, Шалғасқат, Жеңістің 40 жылдығы, І.Мырзақұлов көшелеріне күрделі жөндеуден өткізу үшін ЖСҚ және сараптамадан өткізуге &nbsp;және Гагарин көшесіне орташа жөндеуден өткізу үшін ЖСҚ және сараптамадан өткізуге 6 224 600 теңгеге,Бейбітшілік, Ерімбет, Шалғасқат, Жеңістің 40 жылдығы, І.Мырзақұлов көшелеріне жарық баңаналары құрылысы жүмысы үшін 133 419 000 теңгеге, Қуаңдария ауылының паспортын әзірлеуге 12 244 000 &nbsp;теңгегебюджеттік өтінім дайындалды. Алдағы уақытта осы жобалардың аяқталып, халық игілігіне жұмсалатын болады, – деді ауылдық округ әкімі А.Айтмырзаев.&nbsp;</blockquote>Ауылдық округте мәдениет пен спорт бірізге қойылған. Былтыр жыл көлемінде Қуаңдария ауылдық клуб үйінде барлығы 39 іс-шара өткізілді. Мұнда тұрақты түрде 5 үйірме жұмыс жасайды. Клуб үйінде 12,5 штат бірлігінде қызметкерлер жұмыс жасайды. Қысқы сұйық отынға 10 472 тоннаға 295 теңгеден 3089 000 теңге қаржы бөлініп мердігер Дәулет ЖШС мекемесімен келісім шарт жасалды.Жастардың бос уақытын тиімді пайдалану және бұқаралық спортты дамыту мақсатында спорттың әр түрінен жарыстар өткізілуде. Ауылда 1 спорт нұсқаушысы жұмыс жасайды және ауыл орталығындағы спорт алаңы пайдалануға берілген. Гір спорты бойынша Өзбекстан Республикасы Хиуа қаласында өткен әлем чемпионатына қатысып Азия чемпионатынан қола жүледегер атанған, бірнеше мәрте еліміздің атын шығарып жүлделі орындар иеленіп жүрген С.Әміртай және Е.Кәжденбек спортшыларымыз бар.Өткен жылы Ұлттық жоба аясында елді мекенде қоғамдық жұмысқа 25 адам тартылса, «Жастар тәжірибесімен» 1 маман жұмысқа қабылданған.

Биыл Қуаңдария елді мекенінде балалар және спорт алаңы бой көтермек

Алмагүл Божанова: Аймақта серпінді қадамдар жасалуда

<a href="https://kyzylorda-news.kz/">Kyzylorda-news.kz</a>&nbsp; Үздік маман даярлау үшін оның қабілетін шыңдау қажет.&nbsp;Яғни студенттерге арналған бағдарламалар арқылы біліктілікті арттыруға көмектесу маңызды. Соның ішінде педагогика саласы топ бастап тұр. Ұстаздық жолын қуған мектеп түлектері жауапкершілікті ерте бастан сезіну де ерекше маңызға ие. Осы орайда болашақ мұғалімдерге арналған «Ыбырай қоғамдық қорының» көмегі зор.Қордың басты мақсаты – үздік түлектерді педагогика саласына тарту, білімін арттыра отыра кадр тапшылығын жою. Қор «Mugalim» бағдарламасымен бірлестікте &nbsp;жұмыс істейді. Жоба 2017 жылдан бастап салаға ауқымды үлес қосып келеді. 200-ден астам түлек, 1000 стипендиат, 62 ЖОО-мен біріге жұмыс атқарып отырған бағдарлама бүгінде кәсіби білікті мамандар даярлауда оң жетістікке жеткен. Университетте үздік нәтиже көрсеткендерге жоғары стипендия тағайындалады. Жалпы, «Ыбырай» қорында 62 стипендиат білім алады. Олардың 55%-ы гумманитарлық бағытта оқыса, қалған 45%-ы жаратылыстану саласында біліктілігін арттыруда. Шәкіртақы көлемі 30 мың теңге, ал жоғары стипендия иегері 50 мың теңге алады.Студенттер 4 бағыт бойынша шыңдалады. Олар – кәсіби даму, тұлғалық даму, әлеуметтік даму және тіл білімі. Пәндік білім, арнайы тесттер, онлайн семинар-тренингтер, курстар мен әлеуметтік шаралар студенттердің жан-жақты ашылуына негізделген. Сонымен қатар тілдік білімді арттыру үшін IELTS тестін тапсыруға мүмкіндік қарастырылған.Қорға қабылдану үшін 3 кезеңнен өту қажет екен. &nbsp;Бірінші кезекте сайтқа өтіп, өтінім қалдыру тұр. Екіншісінде арнайы құжаттарды тапсыру керек, шешуші 3 кезеңде бағдарлама өкілдерімен сұхбаттасу бар. Негізгі басымдық соңғы кезеңге түседі, себебі студенттің амбициясы мейілінше биік болса, соғұрлым жеңімпаз атануға мүмкіндігі басым. Сонымен қатар абитуриенттің ҰБТ-дан алған баллы, әлеуметтік жағдайы, қабілеті мен жетістіктері ескеріледі. Айта кететін жайт, «Ыбырай» қорында ақылы негізде білім алу жолы қарастырылмаған. Алайда бұл шығын шығаратын студенттер үшін оңтайлы мүмкіндік.<blockquote>«Үлкен өмірге қадам басқан сәт маңызды кезең болды. Таңдаған мамандығым жауапкершілікті талап етті, себебі сауатты ұрпақ тәрбиелеуде мұғалімнің орны ерекше емес пе? Өзімді тек университет білімімен шектеп қойғым келмеді. Ұстаздық ету үшін тәжірибесі мол, жаңашыл идеяларға толы әдістемемен жұмыс атқарғым келді. Болашақ физика пәнінің мұғалімімін. Ал пәнді толық меңгеру үшін тілдік тұрғыдан ағылшынды жетік білу қажет. Осы орайда мұғалімдік қабілетімді ашуға, оларды дамытуға үлес қосқан, сонымен қатар тілдік білімімді арттыруға көмегін тигізген «Ыбырай» қорына алғысым зор. Жоба арқылы өзіңді дамыта аласың, сондай-ақ бәсекеге қабілетті болып шығасың. Сарқылмас тәжірибе иесі, білікті ұстаздардың шәкірті болу мен үшін мақтаныш», – дейді қордың белсенді студенті Шыңғыс Қазбек.</blockquote>Аталған қор дәстүрлі түрде байқаулар өткізіп, спорттық шараларды ұйымдастыруда да алда. «Желмен бірге» жайдарман құрамасы шәкірттерге көтеріңкі көңіл күй сыйлауды мақсат тұтады. Қазір қордың түлектері 125 High School, Dostyq School, Zerek Intellectual School мектептерінде қызмет етіп, тәжірибе толықтыруда.&nbsp;Сондай-ақ олар қордың арқасында шетелде оқуға мүмкіндік алып, Еуропаның беткеұстар университеттерінде магистрант атанды.Атап айтсақ, Ақерке Ақберген Ұлыбританиядағы University of Sussex-те, Жанбота Байділда АҚШ-тағы University of South Florida-да тәжірибе жинауда. &nbsp;Олар жуық арада жиған білімін ел пайдасына жаратуға асық.&nbsp;

«Ыбырай» қоғамдық қоры: түлектер Еуропа университетінде магистрант

<a href="https://kyzylorda-news.kz/">Kyzylorda-news.kz.</a> Жаңақорған ауданындағы ең өзекті мәселенің бірі – электр жарығының жай-күйі болатын. ХХ ғасырдың 60-70 жылдары жүргізілген электр желілері мен бағаналарды жаңалауға уақыты келіп-ақ тұр. Негізінде сол кездегі техникалық әлеуетіне келсек, бұл станция тек 25 жылға арналған. Дегенмен, ғұмырын екі есе ұзартып, халықтың игілігі үшін 60 жыл үздіксіз қызмет етіп келеді. Салдарынан электр желілерінің үзілуі, бағаналардың сынуы жиі орын алып келді. Әсіресе ауа-райының қолайсыздығына сәйкес электр желілерінің үзілуі, бағаналардың сынуы мен құлауы жиі кездесіп, күздегі жаңбыр мен жел, қыстағы қалың қар мен боран кезінде ауылдық округтерде жарық өшіп, тұрғындарды әбігерге салады. Жауын жауса немесе өткінші жел тұрса ауыл тұрмақ, кент орталығындағы кейбір көшелерде жарық сөнетіні жасырын емес. Бір қуантарлығы, бұл мәселе түбегейлі шешімін тауып келе жатыр. Алдағы 2024 жылдың аяғына дейін аудан жұрты жарықтан таршылық көрмейтін болады.Тарқатып айтсақ, қазіргі таңда кент орталығында халық саны 33460 адамды құрап отыр. «ҚЭТТК» АҚ-ның базасына сәйкес электр тұтынушылар саны 9215 абонентті құрайды. Оның ішінде заңды тұлғалар саны 1212, жеке тұлғалар саны 8003. 2016 жылы «Қызылорда электр тарату тораптары компаниясы» ақционерлік қоғамының тапсырмасымен «Жаңақорған кентіндегі 10/0,4кВ электржелілік жүйені жаңғырту» жұмыс жобасы әзірленді. Жобаның мақсаты – Жаңақорған кентінде жүргізілген тозығы жеткен электр желілік жүйені жаңғырту болып табылады. 2016 жылдан 2020 жылға дейін құрылыс материалдарының айтарлықтай қымбаттауына байланысты, 2020 жылдың бағасы ескеріле отырып, жасалған түзету¬лердің нәтижесінде жобаның жалпы сметалық құны 3 433 571,976 мың теңгені құрады.Жобаның авторы – «НұрЖолПроект» жауапкершілігі шектеулі серіктестігі. Қа-зіргі уақытта «Қызылорда облысының энергетика және тұрғын үй-коммуналдық шаруашылық басқармасы» коммуналдық мемлекеттік мекемесінің тапсырмасымен аталған жоба іске асырылуда. Құрылыс – монтаждау жұмыстарының Бас мердігері – «СМП-Қызылорда» жауапкершілігі шектеулі серіктестігі. Жобаны іске асыру үшін 2022 жылы республикалық бюджеттен 898 787,0 мың теңге, 2023 жылы 1 175 676,0 мың теңге бөлінді. 2024 жылға қалған 848905,0 мың теңге қаржыны бөлу жоспарланған. Бүгінгі таңда, жобаның 60 пайызға жуық бөлігі іске асырылыпты.Осы жөнінде Жаңақорған аудандық электр торабының бастығы Нұржан Ахметов былай баяндайды.<blockquote>– Жаңақорған ауданында 1960 жылдан бері электр желісі жұмыс жасап, халықты жарықпен қамтамасыз етіп келеді. Әйтсе де, кенттегі және елді мекендердегі бағаналар ескірген. Біздің тарапымыздан жылына 2 рет техникалық жөндеу жұмыстары жүргізіліп, жіті бақылануда. Оқшаулағыштарын тазалау, май құю, әуе желілерін ағаш бұтақтарынан тазалау және т.б жұмыстар үздіксіз жүргізіледі. Енді аудан бойынша 1500-1600 шақырым электр желілері бар және 35 подстанция, 17 қосалқы станция бар. Ағымдағы жылға күрделі жөндеу жұмыстарына 18 500 000, жай жөн¬деу жұмыстарына 3 500 000 теңге жұмсалды. Негізі аудан көлеміндегі электр желілерінің 60 пайызға тозығы жетіп отыр. Осы тозығы жеткен желілерді азайту мақсатында бюждет есебінен салынып жатқан электр желілері бар. Атап айтсам, Еңбек ауылында 2 дана қосалқы станция бюджет есебінен салынды, 10 км электр желілері ауыстырылды. Одан бөлек, Қожакент, Келінтөбе және кент ішінде де осындай жаңару жұмыстары жүріп жатыр. 2024 жылдың аяғына дейін 19 елді мекендегі толықтай электр желілерін ауыстыруға жұмыс жасап жатырмыз, алдағы 1-2 жыл ішінде 26 ауылдық округте түгелдей электр желілері жаңартылатын болады, – деді Жаңақорған аудандық электр торабының бастығы Нұржан Ахметов.</blockquote>Иа, Жаңақорған ауданындағы қан¬шама жылдан бері түйіні шешілмей жүрген жарық мәселесі биыл оң шеші¬мін тапты. Кенттегі көне бағаналар мен электр сымдары, трансформаторлар қайта жаңғыра бастады. Біз мұны элек¬тр торабының басшысымен бірге кент және ауылдық округтерді аралап жүріп көзімізбен көрдік.«Жаңақорған ауданының сәулет, қала құрылысы және құрылыс бөлім» және «Жаңақорған аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі мекемелерінің тапсыры¬сымен 2022-2023 жылдары 19 ауылға “Тұрғын үй секторының инженерлік-коммуникациялық инфрақұрылым құрылысы (электр желісі) ”жұмыс жобасын әзірленіпті. Қазіргі таңда, жобаны іске асырушы мекеме анықталып, аталған жоба бойынша Еңбек, Келінтөбе, Қожакент ауылдарына республикалық бюджеттен 350 333,0 мың теңге бөлінген. Еңбек ауылы бойынша жұмыстар толық аяқталып, Келінтөбе, Қожакент елді-мекендерінде құрылыс монтаждау жұмыстары қарқынды жүргізіліп жатыр. Тарқата кетсек, Еңбек ауылында электр тұтынушылар саны – 92 абонент, оның ішінде заңғы тұлға – 17, жеке тұлға 75 абонентті құрайды екен. Қазіргі уақытта, «Жаңақорған ауданының сәулет, қала құрылысы және құрылыс бөлім» коммуналдық мемлекеттік мекемесінің тапсырысымен аталған жоба жұмыстары толығымен аяқталыпты. Нәтижесінде қуаты 10/0,4кВ болатын 2 дана трансформаторлық қосалқы станция, 3 шақырым 10кВ әуе желісі, 5,7 шақырым 0,4кВ әуе желілері жаңартылды.Қожакент ауылында электр тұтынушылар саны 535 абонент, оның ішінде заңды тұлға – 28, жеке тұлға 507 абонентті құрайды. Қазіргі уақытта республикалық бюджеттен 100 000,0 млн теңге бөлініп «Жаңақорған ауданының сәулет, қала құрылысы және құрылыс бөлім» коммуналдық мемлекеттік мекемесінің тапсырысымен аталған жоба жұмыстары қарқынды жүргізілуде. Нәтижесінде қуаты 10/0,4кВ болатын 10 дана трансформаторлық қосалқы станция, 6,022 шақырым 10кВ әуе желісі, 44,17 шақырым 0,4кВ әуе желілері жаңартылады.Келінтөбе ауылында электр тұты¬нушылар саны 644 абонент, оның ішінде заңғы тұлға – 37, жеке тұлға 607 абонентті құрайды. Қазіргі уақытта, республикалық бюджеттен 150 000,0 млн теңге бөлініп «Жаңақорған ауданының сәулет, қала құрылысы және құрылыс бөлім» коммуналдық мемлекеттік мекемесінің тапсырысымен аталған жоба жұмыстары қарқынды жүргізілуде. Нәтижесінде қуаты 10/0,4кВ болатын 12 дана трансформаторлық қосалқы станция, 6,313 шақырым 10кВ әуе желісі, 41,4 шақырым 0,4кВ әуе желілері жаңартылады.Жалпы бұл мекеменің толық межесі емес, бұдан да басқа атқарар жұмыс жетерлік екенін байқадық. Өйткені, ауыл аймақ, кент ішіндегі көшелер бойындағы станцияларда жұмыс жасап жатқан электр мамандарын жиі көзіміз шалып жүр.Бұл сөзімізді «Саяжай» ықшам ауданына барған кезде кент тұрғыны, Жаңақорған ауданының құрметті аза¬маты Серік Мұсабаев ағамыз да қуаттай түсті.<blockquote>– Өздеріңіз көріп тұрғандай, «Саяжай» ықшам ауданында электр жарығы толықтай тартылып, жаңартылды. Бүгінде жарық сөну дегенді ұмыттық. Бұрындары шамалы жел тұрса, аяз қысса жарық сөніп, соның салдарынан газ қосылмай, әбден әбігерге түсетін едік. Тіпті, кенттің өзінде де электр бағаналарын ауыстыру жұмыстарының жүріп жатқанын байқап жүрмін. Бұл атқарылып жатқан игі істер халықтың билікке деген сенімін нығайтып, тұрғындардың ризашылығын арттырып отыр, – дейді.</blockquote>Ал, Қожакент ауылының тұрғыны Мұхтархан Бұрханов ұзақ жылдар бойы жарықтың тауқыметін тартып, енді игілігін көретініне ауыл тұрғындарының атынан шексіз ризашылығын білдіріп, ыстық ықыласын білдірді.<blockquote>– Осы уақытқа дейін ауылымызда жарық жиі өшіп қалатын. Өйткені ауа-райы құбылып, жел тұрса ескірген электр сымдары шыдас бермейтін еді. Енді, сапалы электр энергиясымен қамтылып, трансформаторлар жаңарып, ауылымыздың шырайы кіруде. Қазіргі уақытта жарық болмаса, тіршіліктің бәрі тоқтап қалғандай болады ғой. Енді, ауыл халқы уайымсыз жүретін болды, – деп алғаусыз тілегін жеткізді ақсақал.</blockquote>Жаңғырту жұмыстарынан соң электр торабы заманауи жабдықталып, қуат беру күші көбеюде. Ауданды толықтай электр жүйесімен үздіксіз қамтамасыз етеді. Аудан әлеуетін арттыру үшін атқарылып жатқан жұмыс аз емес. Электр торабын жаңғырту да үлкен жұмыстың бірі. Жоба аяқталған соң халық игілігі үшін қызмет етері сөзсіз. Міне, биыл қорытындыланатын жобаның қазіргі беталысы осындай. Алдағы уақытта электр жарығы жолға қойылады деп сенім білдіреміз. Оның басы-қасында жауапты мамандары болары анық. Дегенмен бұл жоба жаңақорғандықтарға ортақ игілік, тұрғындар да жұмыстың жүйелі болуына мән беруі тиіс.

Жаңақорған ауданында электр торабы жаңғыруда

Қармақшы ауданында былтыр 2896 жаңа жұмыс орны ашылған 

<a href="https://kyzylorda-news.kz/">Kyzylorda-news.kz.</a>&nbsp; Сенат төрағасы Мәулен Әшімбаев сенат кулуарында даулы ток-шоуға байланысты пікір білдіріп, бағдарлама журналистері жазалана ма деген сұраққа жауап берді. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;<blockquote>"Бұл мәселеге Мәдениет және ақпарат министрі Аида Балаева өз бағасын берді. Өйткені министрлік осындай мемлекеттік арналармен жұмыс істеп отыр. Сондықтан тиісті баға берілді және бұл ток-шоу жабылды. Халықтың да пікірі ескерілді деп айтсақ орынды. Осы ток-шоуды дұрыс ұйымдастыра алмаған арнада&nbsp;жұмыс істейтін қызметкерлерге де баға берілген шығар. Әрі қарай мемлекеттік арналарда мұндай мәселе мен&nbsp;олқылықтар болмайды деп санаймыз", - деді сенат төрағасы.</blockquote>Тілшілер сенат спикерінен "Ток-шоу жабылды, бірақ қандай да бір жаза қолданылу керек пе?" деп сұрады.<blockquote>"Редакцияның, "Хабар" телеарнасының ішінде де бұл мәселеге байланысты тиісті сараптама, шешімдер болады деп ойлаймын. Өйткені бұл мәселені министрлік бақылауында ұстайды. “Бұл осымен бітті, журналистер, енді басқа жобамен айналысыңдар” деген шешім бола қоймайтын шығар. Өйткені агенттік&nbsp;басшылығы да, министрлік&nbsp;басшылығы да бұл мәселенің жауапкершілігін&nbsp;сезіп отыр. Сол себепті агенттік басшысы тарапынан тиіс&nbsp;шешім болады деп ойлаймын", - деді Мәулен Әшімбаев.</blockquote>Сонымен қатар тілшілер салық төлеушілер есебінен күн көріп отырған&nbsp;және осындай мазмұндағы бағдарламаларды&nbsp;дайындайтын мемлекеттік арналар қажет пе деп сұрады сенат спикерінен.“Қазір бұл тақырып біздің қоғам үшін өзекті және өткір екені түсінікті. Бірақ бір&nbsp;жағдайға бола&nbsp;барлық мемлекеттік арнаны&nbsp;кінәлау дұрыс емес шығар. Олар да өздерінің белгілі бір функциясын, яғни ақпараттандыру, елдегі жағдайды жариялау міндетін орындап жүр.&nbsp;<blockquote>Қалыпты елде әртүрлі бұқаралық ақпарат құралдары – мемлекеттік және мемлекеттік емес болуы керек. Қазақстан заңына сәйкес жұмыс істейтін блогерлер де қажет. Менің ойымша, тараптар өздері үшін қорытынды шығарды”, –&nbsp;деп атап өтті сенат басшысы.</blockquote>Айта кетейік,&nbsp;12 наурызда "Хабар" арнасының "Бірақ" отбасылық ток-шоуында тұрмыстық зорлық-зомбылық көрген әйелге арналған бағдарлама көрсетілді. Ток-шоу кезінде <a href="https://stan.kz/memlekettik-arna-zhurgizushileri-tikeley-efirde-tyrmist-396945/">жүргізушілер тұрмыстық зорлық-зомбылық көрген әйелді күйеуімен татуласуға мәжбүрледі</a>. Бұл&nbsp;жағдай ел арасында сынға ұшырап, дау тудырды. Кейінірек Мәдениет және ақпарат министрі Аида Балаева бағдарлама жабылғанын мәлімдеді.&nbsp;Фото: Сенат кулуары

"Бірақ" бағдарламасының журналистері жазалана ма - Сенат төрағасы жауап берді

<a href="https://kyzylorda-news.kz/">Kyzylorda-news.kz</a>&nbsp; Амал мерекесі күні облыс әкімі Нұрлыбек Нәлібаевтың қатысуымен Қызылорда қаласына қарасты Тасбөгет кентінде 134 отбасыға тұрғын үй кілтін табыстау рәсімі өтті. Аймақ басшысы жиналған жұртшылықты Амал мерекесімен және алдағы Ұлыстың ұлы күні – Наурыз мейрамымен құттықтады.<blockquote>«Мемлекет басшысы Қасым-Жомарт Кемелұлы «Халықтың басым көпшілігі үшін тұрғын үй – ең өзекті мәселе. Мемлекет шын мұқтаж адамдарға ғана жәрдем береді», – деп атап өткен болатын. Халықты баспанамен қамту еліміз үшін негізгі басымдықтың бірі десек, өңірде бұл бағытта тындырымды тірліктер атқарылуда. Өткен жылы аймақта 4 108 пәтерлік 300 тұрғын үйдің құрылысы жүргізілді, 2400-ге жуық пәтер табысталып, 11 мыңнан астам тұрғынның баспана мәселесі шешімін тапты. Халықтың тұрмыс жағдайының жақсаруы, жайлы өмір сүруінің кепілі болып саналатын баспанамен қамту жұмыстары биыл да қарқынды жүруде. Бюджет қаражаты есебінен 14,3 млрд. теңгеге 1890 пәтерлік 70 тұрғын үй салынады. Оның 16-сы жеті қабатты болады. Жыл басында Тасбөгет кентінде 38 отбасы баспаналы болса, бүгін міне, өздеріңіздің қатысуларыңызбен 134 отбасы қоныс тойын тойлайды. Бұл – мемлекеттің тұрғындарды қолдауының нақты көрінісі», – деді аймақ басшысы.</blockquote>Айта кетейік, көпқабатты тұрғын үйді «СК Данекер» ЖШС салды, баспана әлеуметтік жағынан осал отбасыларға берілді.Рәсімде көпбалалы ана Феруза Әбжанова қоныстой иелері атынан қуанышын жеткізіп, еңбек ардагері Төлеш Әлиев ақ батасын арнады. Өңірдің әлеуметтік-экономикалық дамуына үлес қосқан кент тұрғындары мен құрылысты сапалы салуға атсалысқан мердігер мекеме қызметкерлері марапатталды.Бүгінде Қызылорда қаласы мен елді мекендердің келбетіне көрік қосатын әлеуметтік нысандар құрылысы қарқын алған. Сол жағалаудан 300 орындық жатақханасы бар 400 орындық физика-математика мектеп-интернатының құрылысы жүргізілуде. Мемлекет басшысының бастамасымен қолға алынған «Жайлы мектеп» ұлттық жобасы аясында биыл 10 мектеп ел игілігіне табысталып, тағы 11-нің құрылысы басталды. Балалар мен жасөспірімдер шығармашылығын шыңдау мақсатында «Шығармашылық академиясы», Жаңақорған, Шиелі аудандарында «Оқушылар үйі» мен «Өнер мектептері» салынады. Өткен жылы «Отбасы орталығы» және «Анаға тағзым» орталығы өз қызметін бастады. Жақында 1000 орындық «Өнер орталығы» салтанатты түрде ашылса, сол жағалаудан жаңа өлкетану музейі бой көтереді.Қызылорда қаласында 36 млрд. 400 млн. теңгеге бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы басталды. Жаңа «Қан орталығы» Медицина қызметкерлері күні қарсаңында пайдалануға берілмек.Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында өңірде жалпы құны 11 млрд. теңгені құрайтын 27 нысан салу көзделген. Өткен жылы елді мекендерде 15 дәрігерлік амбулатория, 1 медициналық бекет ел игілігіне табысталып, қазір 30 мыңнан астам халыққа қалтқысыз қызмет көрсетуде.Облыс орталығында халықаралық стандарттарға сәйкес «Орталық стадион» (20,9 млрд теңге) және жабық бассейні бар көпсалалы дене шынықтыру-сауықтыру кешені (6,8 млрд теңге) ел игілігіне табысталады. Жақын күндері заманауи үлгідегі автовокзал ғимараты пайдалануға беріледі.Инвесторлар қолдауымен 37 млрд. 600 млн. теңгенің жобалары іске асуда. Қорқыт ата әуежайының жаңа терминалы салынуда. Жоба құны – 20 млрд теңге, жаңа терминал осы жылы пайдалануға беріледі. «ҚазГерМұнай» компаниясының демеушілігімен 350 орындық заманауи үлгідегі «Оқушылар сарайының» құрылысы қарқын алды. «Саутс Ойл» компаниясы 650 орындық музыкалық колледж ғимаратының құрылысын бастады.Биыл 7 ауданда неке қию залы, кітапхана, музей, архив, жастар сарайы, ардагерлер мен аналар үйін біріктіретін, құны 11,5 млрд. теңгені құрайтын «Руханият» орталықтары салынуда. «Самұрық Қазына Траст» қорымен бірге «Үстел теннисі орталығының» құрылысы жүргізілуде.<img src="https://knadmin.beoblood.kz/uploads/134_kyzylordinskim_semyam_vruchili_klyuchi_ot_kvartir_2_3147b21b16.jpg" alt="134 кызылординским семьям вручили ключи от квартир 2.jpg"><img src="https://knadmin.beoblood.kz/uploads/134_kyzylordinskim_semyam_vruchili_klyuchi_ot_kvartir_1_925263cd6d.jpg" alt="134 кызылординским семьям вручили ключи от квартир 1.jpg">

Мереке күні қызылордалық 134 отбасы баспана қуанышына кенелді

<a href="https://kyzylorda-news.kz/">Kyzylorda-news.kz</a> «Хабар» телеарнасында жарыққа шыққан&nbsp;«Бірақ...» ток-шоуы жұрт наразылығына тап болды. Бағдарламаның екінші шығарылымы діттеген мақсатына жетпеді. Мәдениет және ақпарат министрі Аида Балаева ток-шоу жұмысы тоқтатылатынын мәлімдеді, деп жазады&nbsp;<a href="https://egemen.kz/">Egemen.kz</a>.Министр бұл туралы әлеуметтік желідегі парақшасында жазды. Аида Балаеваның айтуынша, бағдарлама өзінің бастапқы миссиясын орындай алмаған, ал мемлекеттік телеарна мұндай олқылыққа жол бермеу керек еді.&nbsp;<blockquote>«Отбасылық құндылықтарды насихаттау, ана мен баланы қорғау жөніндегі қызметті үйлестіру, отбасылық-тұрмыстық зорлық-зомбылыққа қарсы іс-қимылды насихаттау - министрліктің басты міндеттерінің бірі. Өз кезегінде, 11 наурыздан бастап «Хабар» арнасында отбасындағы әлеуметтік мәселелерді көтеріп, оны шешуге бағытталған «Бірақ...» бағдарламасының шығарылымы ұйымдастырылды. Алайда, тікелей эфирде көрсетілген шығарылымда редакция бағдарламаның діттеген мақсатына жете алмай, кейіпкерді жаңылыстыру арқылы қоғамда түрлі пікірлер туындатты. Мемлекеттік идеологияны жүргізіп отырған мемлекеттік телеарна бұндай олқылыққа жол бермеуі тиіс еді. Ең алдымен, редакция барлық этикалық нормаларды сақтап, отбасылық-тұрмыстық зорлық-зомбылық пен арандатушылыққа жол бермеуге, кейіпкерлерді көпшілік алдында қорламау қажет еді. Сондықтан телеарна редакциясына бұл үлкен сабақ болады деп санаймыз. Аталған ток-шоу жабылады», деді министр.</blockquote>Фото: adyrna.kz

«Бірақ…» ток-шоуы жабылады - Аида Балаева

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Арал аудандық филиалының қоғамдық қабылдау бөлмесінде аудан әкімі Аманжол Оңғарбаев аудан тұрғындарын жеке мәселелері бойынша қабылдады.Қоғамдық қабылдау барысында тұрғындар тұрғын үй, денсаулық мәселесі және жұмыспен қамту бағытындағы сұрақтарын жеткізді.Әр тұрғынның көкейіндегі өтінішіне жекелей назар аударған аудан басшысы әр сауал негізінде жауапты сала мамандарымен талдау жасай отырып, заң шеңберінде шешілу жолдарын түсіндірді. Сонымен қатар зерделеуді қажет ететін мәселелер бойынша тиісті сала басшыларына нақты тапсырмалар жүктеді.2023 жылдың 12 айында ауданда қолданыстағы мемлекеттік бағдарламалар аясында 12,5 млрд теңгенің құрылыс жұмыстары жүргізіліп, өсім 177,7пайызды құраса, 29740 шаршы метртұрғын үй пайдалануға берілді. (2022 жылдың 12 айында 28378 шаршы метр)​Өткен жылы 14,1 млрд теңгеге 58жоба іске асырылды. &nbsp;​Ауданымызда Арал қаласы мен Жақсықылыш кенті табиғи газдың игілігін пайдаланып отырса, өткен жылы 1,8 млрд теңгеге Сексеуіл кентінде АГТС орнатылып, «Бейнеу-Шымкент» магистральды газ құбырынан бастап құбыр тармағы мен кварталішілік газ тарату желілері салынуда. Бұл жұмыстар үстіміздегі жылы жалғасын табатын болады. Сондай-ақ, Арал қаласыныңжаңадан пайда болған №4 мөлтек ауданы газдандырылатын болады. Осылайша елді мекендерде тұрғындарды газбен қамту көрсеткіші 35,1пайызға көтеріледі. Әлеуметтік сала нысандары да кезең-кезеңмен көгілдір отынға қосылып келе жатыр, өткен жылы жоба құны 235,6 млн теңгеге 3 нысан қазандықтары (Жақсықылыш кентінің амбулаториясы, аудандық &nbsp;перзентхана, аудандық өкпе аурулары диспансерінің ғимараттары) қайта жаңғыртудан өтуде.​Ауыз су мәселесі бойынша, «Нұрлы жер» бағдарламасы аясында өткенжылы 363,2 млн теңгеге Арал қаласының №8, №6, Жақсықылыш кентінің жаңа мөлтек ауданы, Көктем елді мекенітолықтай Арал-Сарыбұлақ топтық су құбырына қосылса, 442,6 млн теңгегеАрал қаласының №6, №8, №5, Жақсықылыш кентінің жаңа мөлтек ауданы толықтай электр желілеріне қосылды. Сондай-ақ, Құланды елді мекеніне 17,5 млн теңгеге су тұщытатын блок–модуль қойылды. Ал халық саны өте аз Мойнақ ауылына демеушілер есебінен шахталық құдық қазылып берілді. Бұл өз кезегінде елді мекендердің сапалы ауыз сумен қамтылу дейгейін 88,6 пайызғакөтерді.​Арал &nbsp;қаласының 34 көшесі&nbsp;жарықтандырылды.​Арал &nbsp;қаласы &nbsp;мен &nbsp;Жақсықылыш &nbsp;кентінің &nbsp;жаңадан &nbsp;пайда &nbsp;болған &nbsp;мөлтек &nbsp;аудандарына &nbsp;инфрақұрылым &nbsp;жүргізу &nbsp;арқылы жер телімі кезегінде тұрған 881адамның өтініші &nbsp;қанағаттандырылады.​Бұдан бөлек, «Қуатты өңірлер ел дамуының драйвері” ұлттық жобасы аясында халықтың әлеуметтік жағынан осал топтарына пәтерлер сатып алуға 1млрд. 56 млн. теңге қаржы бөлініп, тұрғын &nbsp;үй &nbsp;кезегінде &nbsp;тұрған &nbsp;100 азаматқатабысталды.

Арал ауданының әкімі тұрғындарды қабылдады

<a href="https://kyzylorda-news.kz/">Kyzylorda-news.kz.</a> Арал өңірнің көне жәдігерлерін жапон ғалымдарымен бірге зерттеу жұмыстары жүргізіледі.Арал маңы тарихына археологиясына қатысты тың жаңалық. Жапонияның Білім, мәдениет, спорт, ғылым және технологиялар министрлігі Токио қаласындағы Мэйдзи университеті, Обсиадан және тастарды зерттеу орталығы&nbsp; және Қорқыт Ата атындағы Қызылорда университеті&nbsp; Археология және этнография ғылыми орталығымен&nbsp; бірлесе отырып, 2024-2026 жылдары Жапонияның Білім, мәдениет, спорт, ғылым және технологиялар министрлігі қаржыландыратын халықаралық ғылыми жоба ұтып алды.Жоба&nbsp; Арал маңының ежелгі дәуірлер ескеркіштерін табылған жәдігерлерге зертханалық талдау (қыш ыдыстарға) зерттеу жұмыстарын жүргізу көзделіп отыр.&nbsp; Қазіргі таңда Қорқыт Ата атындағы Қызылорда университетімен екі жақты меморандум қол қоюға дайындық жүргізіліп жатыр.Жобаның нәтижесінде бірнеше ғылыми еңбектер шығару жоспарланып отыр.Жоба авторлары:– Эйко Эндо, PhD доктор – Мэйдзи университеті, Обсиадан және тастарды зерттеу орталығының ғылыми қызметкері, Токио қаласы, Жапония– Шинья Шода, PhD доктор – Нара ұлттық мәдени құндылықтарды зерттеу институтының халықаралық ынтымақтастық бөлімінің меңгерушісі, Наро қаласы– Құрманиязов Ыслам Серікұлы, гуманитарлық ғылымдар магистрі – Қорқыт Ата Қызылорда университеті Археология және этнография ғылыми орталығы ғылыми қызметкері, Қызылорда қаласы, Қазақстан.Жоба мерзімі:&nbsp;2024 жылдың сәуірінен 2027 жылдың наурызына дейін.

Арал маңын жапондар зерттемек

<a href="https://kyzylorda-news.kz/">Kyzylorda-news.kz</a>&nbsp; «Қазақстан – дарынды жастар мекені. Ертең еліміздің абыройын асыратын да – осы талантты ұл-қыздар. Біз олардың өрісін ашып, қарымқабілетін шыңдау үшін бар мүмкіндікті жасауға тиіспіз» деген еді ел президенті Қасым-Жомарт Тоқаев бір сөзінде. Шыны сол, жастарының белсенділігі көңіл серпілтеді.Қармақшы аумағында жастардың достық қарымқатынасын ұлғайту, жастардың уақытын тиімді пайдалануды үйлестіру, қоғамның әлсіз топқа деген мейрімділігін көрсете отырып, қоғамдағы теңдікті сақтау, өскелең ұрпаққа тәрбиелік мәні бар құндылықтарды насихаттау, дәстүрлі емес діни жат ағымдарға жастардың, жұмыссыздардың тартылуының алдын алу бағытында біршама жұмыстар атқарылып келеді. Ерікті болып, жақсылықта жарысып та жүр. Иә, «Жас келсе, іске», «Әрбір жастық шақ жүйріктікке толы» деген секілді тәмсілдер бекер айтылмаса керек-ті. Әрдайым болашақтың тұтқасын ұстап, кемел келешектің жаңашыл бастауы болатын – осы жастар.Көпшілікті толғандыратын мәселе бар. Осы жастардың жайы қалай? Олар нендей жұмыспен айналысуда? Сауалға жауап іздеп аудандық Жастар үйінің жұмыс барысымен таныстық. Бүгінде Қармақшы аудандық Жастар ресурстық орталығына Нұржұман Пірназаров басшылық етеді. Жалпы Қармақшы ауданының халық саны 52500 адам болса, оның ішінде 14-35 аралығында жастар саны – 16622-ні құрап, жалпы халықтың &nbsp;31,9 пайызын құрайды.&nbsp;Қармақшы аудандық жастар ресурстық орталығында бүгінде 8 адам қызмет етеді. Жастар арасындағы түрлі іс-шаралар мен жиындарды ұйымдастыруда Гүлжазира Маханова, Жолдас Ильясов , Рахат Бахытжан, Елдос Транай, Азамат Асылбеков, Ерболат Напбаев, Еркін Ибраевтар белсенділік танытуда.&nbsp;Өткен жылы Қармақшы ауданы, Жосалы кенті, Мөлтек ықшам ауданында жалпы 51 баспананың 22 баспанасы толық берілген болса, оның ішінде 35 жасқа дейінгі 6 жасқа баспаналы болды.&nbsp;<blockquote>&nbsp;Былтыр орталықтың жылдық іс-шаралар жоспарына сәйкес аудандық Жастар ресурстық орталығының ұйымдастыруымен құқық бұзушылық, бос уақытын тиімді пайдалану, спорттық және мәдени іс-шаралар мен тағы да басқа әр түрлі бағытта – 281 іс-шаралар ұйымдастырылған. Оған 8000-нан аса жас қамтылған болатын. Сондай-ақ қазіргі уақытта Жастар орталығында Qadam kenes, Qadam qamqоr, Qadam qoldau жобаларын іске асырылып келеді. Жастарға кәсіби бағдар беру мақсатында 1.2.3... start жобасы жүзеге инстаграм парақшасы арқылы тікелей эфир жүргізілуде. Қазақ спорт және туризм академиясы, Құдайберген Жұбанов атындағы Ақтөбе өнірлік университеті, Б.Бейсенов атындағы Қарағанды академиясы, Қорқыт Ата атындағы Қызылорда университетімен жоғары оқу орындарына тікелей эфирлер жүргізіліп, жас түлектерге оқу орны туралы ресми ақпарат берілді, – деді орталық директоры Нұржұман Пірназаров.&nbsp;</blockquote>Сонымен қатар жастар орталығында «Қармақшылық» және «Qadam mura» жобалары аясында Жосалы кентінде орналасқан білім беру ошақтарында Қармақшы ауданының құрметті азаматтары Күлжауһар Раева, Асқар.Мереков, Алмат Қуанышбаев және Әділ Қошалақовтармен мектеп оқушылары кездесті. Кездесу барысында мектеп оқушыларына ата-ананы құрметтеу, салт-дәстүрді дәріптеу және патриоттық сезімді ояту бағытында түсіндірме жұмыстары жүргізілді.&nbsp;«Qadam» жастар орталығының ұйымдастыруымен Қоғамдық даму бөлімінің әлеуметтік жобасы аясында 12 ауылдық округ және 2 кентке 150,000 теңгеден грант беріліп, грант нәтижесінде 11 теннис, 2 домбыра, 1 жылжымалы кинотеатр алынып, жастар үшін қызмет етуде.<blockquote>&nbsp;Жосалы кентінде «QADAM» Жастар ресурстық орталығының мамандары және Қармақшы аудандық ішкі істер бөлімінің қызметкерлермен бірлесіп жастар мен жасөспірімдер арасында «Есіркіге жол жоқ» акциясы, «Балалар түнгі қалада» түнгі рейдтер тұрақты түрде жүргізіліп келеді. Рейд жұмыстарында Жосалы кенті орталығындағы ойын-сауық орталығы, компьютерлік клуб иелеріне сағат 22.00-ден кейін ойын-сауық орындарына жасы кәмелетке толмағандардың болуына тыйым салынғанына түсіндірме жұмыстарын жүргізді. Сонымен қатар, Қармақшы ауданы, Жосалы кентінде орталық алаңда орналасқан ЛЭД экраннан құқық бұзушылықтың зардаптары турасында бейнероликтер әзірленіп, жастар арасында түсіндірме жұмыстары жүргізілді. Былтырғы жылы жалпы 85 рейд ұйымдастырылса, ЛЭД экраннан 5 рет видео роликтер көрсетілген. Мұнан өзге республикалық «Jas Project» жобасы аясында ұйымдастырылған 1 000 000 теңге грантты &nbsp;жастар орталығының сүйемелдеуімен пробация есебінде тұрған кент тұрғыны А.Сансызбайұлы қатысып жеңіп алды. Аудандық ішкі істер бөлімінің және жастар орталығының ұйымдастыруымен пробация есебінде тұрған жастарды бақылауға, қоғамдық жұмыстарға белсене араласуға, мемлекет тарапынан ұсынылған гранттарға қатыстыруға және спортқа деген қызығушылығын арттыру мақсатында меморандумға отырдық, – дейді орталық директоры.&nbsp;</blockquote>«Qadam» жастар орталығының ұйымдастыруымен орталық алаңда «Tulga bol» акциясы өтіп, аудан жастарына түрлі сала бойынша кеңестер беріліп, акция аясында үздіктер марапат төрінен көрінді.&nbsp;Дін және Жастар тақырыбында Қармақшы аудандық «Қармақшы ата»мешітінің бас имамы Рахат Қожановпен аудан жастарына теріс діни ағымнан және экстермизм мен тероризмнің қоғамға аса қауіпі жөнінде түсіндірме жұмыстарын жүргізді. Қармақшы аудандық «Qadam» жастар ресурстық орталығында мемлекеттік бағдарламалар насихаттау және орталықтың қызметтері бойынша консультацияларды тікелей кеңес алған 14-35 жас аралығындағы жастар саны – 7000. Оның ішінде «Жасыл ел» бағдарламасы бойынша – 350 жас, кәсіпкерлік бағыты – 155 жас, теннис үйірмесіне келушілер – 690 жас, дебат ойындары бойынша – 200 жас, әлеуметтік желілер арқылы &nbsp;– 5385, «Игротека» жобасы бойынша – 220 жас.Мемлекеттік бағдарламаларды жастар арасында насихаттау мақсатында кент және ауылдық округі бойынша 120 кездесу өткізілді. Жастарды әлеуметтендіруге бағытталған «Ашық есік күні» аясында түрлі сала мамандарының кеңестері медециналық қабылдаулар, психологиялық кеңестер, бос орындар жәрмеңкесі жастарға ұсынылды. Жәрмеңке аясында жастардың бос уақытын тиімді пайдалану мақсатында «Бауырсақ PARTY», «Кітап сыйла» акциясы және жастар арасында спорттық сайыстар өткізілді.Халықаралық жастар күні мерекесіне орай, аудандық жастар орталығының ұйымдастыруымен бұқаралық спортты дамыту мақсатында аудан жастарының ұсынысымен «МАРАФОН» сайысы болып өтті. Марафонға аудан жастары арасынан 150 ге жуық жас қатысып, жүзден жүйріктер марапатталды.Жастар орталығының ұйымдастыруымен Қармақшы аудандық аграрлы техникалық колледжінің студенттері арасында «Жастар коммитеті» құрылып, жастарға кеңестер мен түрлі бағыттағы іс –шаралар ұйымдастырылып, жүйелі жұмыстар атқарылып келеді.Мұнан өзге «Жайдарман» ойындарының маусымашары аудандық Шәмшат Төлепова атындағы мәдениет үйіннен бастау алды. &nbsp;Жайдарман ойындарының 4 кезеңі болып өтіп. Әр кезеңнен өткен қатысушы топтарға жолдама мен қаржылай сыйлықтар табысталды. Финалға 5 команда жолдама алып Аудан әкімінің кубогы ойынға тігіліп, үздік өнер көрсеткен Шоқан Уәлиханов атындағы №26 мектеп құрамасы 2023 жылдың чемпион атанып аудан әкімінің кубогі мен «Адина» сауда орталығының демеушілігімен 50 000 теңге қаржылай сыйлық жеңіп алды.Жастар орталығының ұйымдастыруымен жастарды әскери-патриоттық сезімін ояту мақсатында «Жас сарбаз»патриоттық қозғалысы құрылды. Одан бөлек, «Қазақстан – жас әрі жастардың мемлекеті» атты жастар форумы өткізілді. Форум аясында «Өңірдегі мемлекеттік жастар саясатын жүзеге асыру барысы» және «Кәсіп ашу және жүргізу» тақырыбында &nbsp;жастар ісі жөніндегі мамандары, ерікті жастар және жас кәсіпкерлермен кездесу өткізілді. «Қаржылық қолдау алу мүмкіндіктері» тақырыбында гранттар экспері Ә.Көшербаев жастарға семинар-тренинг өткізді. Сонымен қатар жыл көлемінде өз салаларында белсенді жұмыс жасаған және жоғары жетістікке жеткен жастарды облыс әкімі, аудан әкімі, басқарма басшысының алғыс хаттарымен марапаттап, «Qadam» жастар сыйлығы табысталды.16-34 жас аралығындағы аудан жастарын маусымдық жұмыспен қамту мақсатында жастарға арналған мемлекеттік бағдарламаның «Жасыл ел» жобасы бойынша жұмыстар толығымен жүзеге асырылып, 201 жас маусымдық жұмыспен қамтылды.

Қазақстан және Қызылорда облысының жаңалықтары: Қоғам