<a href="https://kyzylorda-news.kz/">Kyzylorda-news.kz.</a>&nbsp; Қазалы ауданы әкімі Мейрамбек Шермағанбет Майлыбас ауылдық округіне қарасты Ақсуат ауылы мен Байқожа елді мекеніне іс-сапармен арнайылап барды. Ондағы әлеуметтік нысандармен танысқан аудан басшысы ең алдымен, Ақсуат ауылындағы ауылдық клубта жергілікті тұрғындармен кездесті. Ақсуаттықтармен Қазалы ауданында атқарылып жатқан жұмыстар мен алдағы жоспарлар барысы жайында ой бөлісті. Сондай-ақ, тұрғындармен пікірлесіп, олардың талап-тілектеріне мән берді.&nbsp; Мұнан соң, Ақсуат ауылындағы әкімшілік ғимараты, тоқсан орындық балабақша, №100 орта мектеп ғимараты, дәрігерлік амбулатория мен орталық саябақты аралап шықты. Әлеуметтік нысандардың жай-күйіне қанық болған Мейрамбек Зинабдинұлы Ақсуат ауылдық округ әкіміне ең алдымен ауылды көркейту-көгалдандыру жұмыстарына ден қойып, тұрғындармен бірлесе отырып, тазалық жұмыстарын ұдайы жүргізуді тапсырды. Сонымен қатар, Қазалы ауданы әкімі Мейрамбек Шермағанбет Байқожа елді мекеніндегі жалғыз білім ордасы №258 негізгі мектептің де жай-күйіне қанықты. Білім ордасында елді мекен тұрғындарымен кездесіп, олардың ұсыныстарын тыңдады. Байқожа ауылының тұрғындары аудан басшысы Мейрамбек Зинабдинұлына ауызсудың шектеулі уақытпен ғана берілетінін айтып, осы мәселені шешіп беруін сұрады. Қазалы ауданының әкімі Байқожа елді мекенінде локалдық су құбырын қайта жаңғырту жұмыстары былтыр басталғандығын жеткізді. Енді, биыл станция тұрғындарына сервистік жүйемен ауызсу кіргізілетіндігін тілге тиек етті. &nbsp;

Мейрамбек Шермағанбет: Станция тұрғындарына сервистік жүйемен ауызсу кіргізіледі

Жаңақорғанда ауылдық округтердің қуаты қарқынды

<a href="https://kyzylorda-news.kz/">Kyzylorda-news.kz.</a> Адал азаматқа тән еңбекқорлық, іскерлік, жауапкершілік, білімпаздық және жақсыдан үйрену, жаманнан жирену сынды асыл қасиеттің бәрі шынайы еңбек адамының бойынан табылады. Сондықтан өз ісінің майтаймандары қашанда қоғамның назарында болуға тиіс. Ал жастарымыз соларға қарап бой түзеуі керек.Халқымыз «Еңбек – адамның көркі, адам – заманның көркі» деп бекер айтпаған. Шын мәнінде, адал еңбек – бүкіл жетістіктің бастауы, табысқа жетудің кілті. Мемлекет осы басты қағидат барлық жерде салтанат құруы үшін бәрін жасайды» деп Ел Президенті Қасым-Жомарт Тоқаев еңбек адамдарының қоғамдағы рөлін ерекше атап өтіп жүр.Иә, адамды адам еткен – еңбек.Ол – дәуірлер бойы дәлелденіп келе жатқан дүние. Ердің елге танылуы да сол еңбектің арқасы. Оның айқын дәлелі – қоғамда өзінің адал маңдай терімен жұмыс жасап жатқан өзіндік орны мен беделі бар шаруақор жандар.&nbsp;Осы орайда еңбек дәстүрлерін дәріптеу және еңбек адамдарын ұлықтау, сонымен қатар жастарды еңбекке құрметпен қарауға шақыру аясында Жалағаш ауданында маңдай терімен еңбек етіп, тасада қалып қойып жүрген азаматтарымыздың еңбегін насихаттауды жөн көрдік. Бүгінгі кейіпкеріміз – аудандағы қарасты Бұқарбай батыр ауылындағы «Байтабын» шаруа қожалығының комбайншысы Мұсабек Сәменов.&nbsp;Ол мектеп бітірісімен осы шаруа қожалыққа жұмысқа орналасып, бүгінде ел ырысы мен берекесі үшін аянбай еңбек етуде. Жақында шаруа адамының жұмысымен танысуға алқапқа барған болатынбыз. Қызу тірліктің үстінен түсіппіз. Макеңмен сұхбат құрудың сәті түсе қалды. Оның егін саласында еңбек етіп жүргеніне биыл 24 жыл болыпты.– Шүкір, биыл Сыр салысының шығымы жаман емес, алғашқы орақты 1 қыркүйекте салдық. Бастысы, еткен еңбек далаға кетіп жатқан жоқ, соған шүкір дейміз. Межелі өнімге қол жеткізбесек, одан төмен астық жинамайтын сияқтымыз. Өнімді ысырапсыз жинап алсақ болды. Күніне 30-45 гектар жерді орамын. Қиын емес. Өйткені алқапта ескі техника атауымен жоқ. Жалпы бригадамызда 4 комбайн бар, барлығы қазіргі үлгідегі озық технологиялар. Комбайнда магнитофон, салқындатқыш бар, онда адамның жайбарақат жұмыс істеуіне жағдай жасалған. Өзімнің жұмысыма көңілім толады, бастысы, адал еңбекпен ас ішкенге не жетсін, – деп ағынан жарылды еңбек адамы.Өз басым ерінбей еңбек етіп, адал маңдай термен тірлік етіп жүрген жанның бәрін еңбек адамы деп білемін. Иә, күнкөрістің қамын күйттеп, тіршіліктің күйбеңінен қолы босамайтын жандарға деген қоғамның құрметі де ерекше болары сөзсіз.&nbsp;«Біз кішкентайымыздан еңбекқор кісілерді көріп өстік, өзіміз де еңбекке ерте араластық, жаман болған жоқпыз. Ол қоғамның жұмысы ма, елге ортақ іс пе, еш қажымайтынбыз. Әкелеріміз ертелі-кеш колхоз, совхоздың тракторын айдап, малын бағып келетін де, үйдің шаруасына білек сыбана кірісіп кететін. Аналарымыз да сондай еді. Таң ата тұрып, сиырын сауып, өріске айдап, бала-шағасының ас-суын беріп, отағасын жұмысқа жөнелтіп, сосын өздері картоп теруге немесе ұстаз болса, балаларды білім нәрімен сусындатуға кете баратын» деп кейде ата-әжелеріміз еңбек адамының үлгісін еске алып, тілге тиек етіп отыратын.Міне, біз осы кісілерден үлгі алып, жұрттың жүрегінен орын алатын еңбек адамының образын жоғалтпауымыз керек.

Жалағаштық комбайншы Мұсабек

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев «Самара-Шымкент-Еңбекші» жолының Шиелі ауданындағы Еңбекші ауылына дейінгі 4,5 шақырымын жөндеу мәселесі бойынша жауапты мамандар және кәсіпорын өкілдерімен кездесті.&nbsp;Кездесуге облыс әкімінің орынбасары Ардақ Зебешев, Шиелі ауданының әкімі Нұржан Ахатов, облыстық кәсіпкерлік және өнеркәсіп басқармасының басшысы Дінмұхамед Абсаттаров, облыстық жолаушылар көлігі және автомобиль жолдары басқармасының басшысы Жәнібек Сыздықов, «Қазатомөнеркәсіп» ҰАК» АҚ өндіріс жөніндегі бас директоры Қуаныш Омарбеков, «KAP Logistics» ЖШС бас директоры Дархан Рамазанов, «Гежуба Шиелі цемент компаниясы» ЖШС бас басқарушысы У Чженьхуа, «Гежуба Шиелі Цемент Компаниясы» ЖШС бас басқарушының орынбасары Айбек Абсеметов қатысты. Бұл туралы Қызылорда облысы әкімінің баспасөз қызметі хабарлады.Аймақ басшысы тұрғындардың өмір сүру сапасын арттыру басты мақсат екенін атап өтіп, жоспардағы жобаларды тез арада іске асырып, ел игілігіне табыстау үшін бірігіп жұмыс жасауға шақырды.«Аталған жол учаскесін «Қазатомөнеркәсіптің» уран өндіруші мекемелері, «Гежуба Шиелі цемент компаниясы» және басқа да ірі кәсіпорындар күнделікті пайдаланады. Өздеріңізге белгілі, «Самара-Шымкент-Еңбекші» жолының 6 шақырымы (оның ішінде 4,5 шақырымы Еңбекші ауылына дейінгі жол) 2015 жылдан бері «КАП логистикс» серіктестігіне 10 жылға өтеусіз пайдалануға берілген. Қазір жолдың тозығы жетіп, күрделі жөндеуді қажет етуде. Өткен жылы қараша айында Шиелі ауданына жұмыс сапарымен барғанымда, Еңбекші ауылының тұрғындары осы жолдың жағдайына наразылық білдірді. Мендегі ақпаратқа сәйкес, «КАП логистикс» серіктестігі биыл Еңбекші ауылынан басталатын 13 шақырым жолға күрделі жөндеу жүргізуді жоспарлауда. Оған қосымша Еңбекші ауылына дейінгі 4,5 шақырым жолды күрделі жөндеуді ұсынамын. Құрметті әріптестер, бұл – үш ауылдағы 2871 тұрғынның (Еңбекші – 1605, Жиделіарық – 1025, Қосүйеңкі – 241) өтініші. Сол себепті бірлесіп жұмыс атқару маңызды», – деді Н.Нәлібаев.Еске салайық, өткен жылғы 6 қарашадағы облыс әкімінің Сырдария, Шиелі аудандарына жұмыс сапарының нәтижесімен қабылданған хаттамалық шешімге сәйкес облыстық кәсіпкерлік және өнеркәсіп, жолаушылар көлігі және автомобиль жолдары басқармаларына қолданыстағы заңдылықтар аясында «Батыс Еуропа – Батыс Қытай» автожолынан Еңбекші ауылына дейінгі бұзылған 4,5 шақырым жолды күрделі жөндеуді тас өнімдерін шығаратын кәсіпорындар арқылы қаржыландырылуды 1 желтоқсанға дейін үйлестіру тапсырылған.Еңбекші ауылына дейінгі 4,5 шақырым – Шиелі аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің теңгеріміне жататын 4 санаттағы жол. Өз кезегінде кәсіпорын өкілдері аталған жол ортақ пайдалану үшін керек екенін, бастаманы қолдайтынын жеткізді.<img src="https://knadmin.beoblood.kz/uploads/432651004_708805411440706_5211165407213317557_n_1f60e3209e.jpg" alt="432651004_708805411440706_5211165407213317557_n.jpg">&nbsp;

Еңбекші ауылына дейінгі 4,5 шақырым жол жөнделеді 

<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp; Бұл туралы Өңірлік коммуникациялар қызметінде өткен баспасөз мәслихатында Павлодар қаласы әкімінің орынбасары Светлана Гладышева айтты, деп хабарлады Elorda.info.Басылым мәліметінше, мерекелік концерт 22 наурызда Орталық алаңда өтеді.Ақшаның негізгі бөлігі, әрине, біздің жұлдыздарға кетті. Роза Рымбаева мен Қайрат Нұртастың қымбат екенін түсінеміз. Олардың жалпы гонорары шамамен 10 млн теңгені құрайды, - деді Светлана Гладышева мерекелік бағдарламаға қатысты қаланың жалпы шығыны туралы сұраққа жауап бергенде.Павлодарлықтар Наурыз мерекесін 21-22 наурыз күндері тойлайды.&nbsp;Фото: nur.kz

Наурыз мерекесі: Роза Рымбаеваны шақыру үшін қанша ақша жұмсалады?

<a href="https://kyzylorda-news.kz/">Kyzylorda-news.kz</a> Өрт пен суды айтпағанда, қара жолда жермен жексен ететін апат аз емес. Айдың-күннің аманында төрт дөңгелектің тайқуы, яки өзге көлікпен тіресіп қаларлық қауіп жиі кездеседі. Амандық пен ажал апаңы таразыға түскенде тез жететін құтқарушылардың еңбегі ерлікпен пара-пар. Ауыр халдегі адамның күйін көзбен көріп, өмір сыйлауға ұмтылатын өрлігі қошеметке лайық. Қиын да күрделі саланың жай-жапсары жалпақ жұртты таңқалдыратыны анық. Осы орайда облыстық ТЖД жедел құтқару жасағының құтқарушысы Берікбол Жетебаев жұмысы жайында баяндап берді.<h2 style="margin-left:0cm;">Көлік мета­лының өзі мыжылады&nbsp;&nbsp; &nbsp;&nbsp;&nbsp;&nbsp;&nbsp;</h2>Тосыннан төнетін қауіп пен айтып келмейтін апат орын алғанда тез арада адамды құтқаруға асығамыз. Бізге жүктелген жауапкершілік пен негізгі міндетіміз де осы. Адамға көмек беру қаныма сіңген қасиет. Бала күнінен құтқарушы «мықты болу керек» деген ұстаныммен спортпен шұғылданып, өзімді жетілдірдім десем де болады. Сондықтан қалаған мамандығыма машықтанып, қызметімді абыроймен атқарып жүргеніме қуанамын. Апаттан адамды аман сақтап, дер уақытында құтқара алсақ, миссия­мыздың орындалғаны.Қазіргі таңда еңбек өтіліме – 4 жыл. Осы уақыт ішінде түрлі құтқару опера­циясына қатысып, қауіп пен қатердің бел ортасында жүрмін. Темір тұлпар бір-бірімен тіресіп, ойда-жоқта оқыс оқиға орын алады. Мұндай жағдайда көлік металына дейін мыжылып, адамға зақым келеді. Әрине, майысқан темір-терсек арасынан жарақаттанған адамды шығару оңай емес.&nbsp;Хабар түскен сәттен жылдам барып, алдымен жағдайды анықтаймыз. Көлікте қысылып, зардап шеккен жанды құтқару құралдарын қолданып қауіпсіз жерге шығарамыз. Жедел-жәрдем қызметі келгенше дә­рігерлікке дейінгі алғашқы көмек көрсетеміз.<h2 style="margin-left:0cm;text-align:justify;">Жүрек тұсына арматура қадалған адамды құтқардық</h2>Жол-көлік оқиғасы әртүрлі болады. Қай-қай­сысының да қиын­дығына мойымай, міндетті мінсіз орындау басты мақсатымыз. Мұны тек қызметтік борыш емес, азаматтық парызым деп ұғынамын. Бір кездері автокөлік жанармай бекетінің қоршауына соғып, жүргізушінің жүрек тұсына арматура кірген болатын. Әлбетте құтқарушыға қарап тұруға, бөгелуге уақыт жоқ. Тез арада әрекет етіп, істің шешімін табу маңызды. Сондықтан гидравликалық және спредер құралдың көмегімен арматурды кесіп алып, жарақаттанған адамды ауруханаға апардық. Осылайша жүргізушіні өлімнен арашалап қалдық. Сонда дәрігерлер дер уақытында келгенімізді, сәл кешіксек жағдай қиындайтынын айтқан еді.Апаттың салдары қашан да ауыр болады. Қайғылы оқиғаның қабырғаны қайыстыратыны белгілі. Сондай жайттың бәрін көз алдымнан өткіземін. Екі көліктің ортасында адам қалып қояды немесе қорқынышпен айқайлап жататындар бар. Мұның бәрі оңай емес. Кейде қатты соққыдан есін жия алмай, ішек-қарны ақтарылып қалатын сәттер де болады. Дей тұрғанмен қолымыздан келгенше көмек беруге тырысамыз. Жантүршігерлік оқиғалар төбеден мұздай су құйып жібергендей өн-бойымызды шымырлатып жібереді. Дегенмен, құтқарушы болғандықтан барлық жағдайға дайын боламыз.<h2 style="margin-left:0cm;">Төтенше жағдайға 1 минутта жиналу керек</h2>Адам алдында не боларын білмейді. Табан астынан тығырыққа тіреліп, қауіппен бетпе-бет келуі мүмкін. Сондықтан құтқарушылар құлағына хабар жетсе көп аялдамай, жиналамыз. Сайып келгенде, бұл мамандық иесіне жеделдік пен жылдамдық тән. Шымырлық пен ширақтық танытқанда ғана шешімге сай әрекет ету жеңіл болмақ. Талап пен тәртіпті ескеріп, жұмысты бүге-шүгесіне дейін білгені ләзім. Жалпы төтенше жағдай орнына жедел кезекші бөлімше 1 минутта жиналады. Ал ауқымды төтенше жағдай орын алса, жасақ қызметкерлеріне жиын дабылы беріліп, 1 сағат көлемінде шығып кетеді. Негізі бір айда шамамен 60-65 төтенше жағдай тіркеледі.<h2 style="margin-left:0cm;">Қаннан қорқатын адам құтқарушы бола алмайды</h2>Құтқарушының тек физикалық емес, психикалық жағынан да мықты болғаны абзал. Оқиға мезетінде өзі маза­сыз­данып, күйзеліске ұшыраса жұмысты әрі қарай алып кетуі екіталай. Бойда сенімділік бекіп, ептілік танытса адам құтқару қолынан келетіні айдан анық. Әрине қан-жоса болған жанды немесе мүрдені көзбен көру оңайға соқпайды. Кейде өзімізге де зақым келеді. Бірақ техникалық қауіпсіздікті сақтай отырып, жұмысты жүргіземіз. Арнайы бас киім, қорғаныш көзілдірігі, қолғап киеміз. Құтқару операциясын жүргізу үшін тез әрекетке көшеміз. Бізде психологиялық тұрғыда сынып қалу деген жоқ. Өйткені маман бар. Әр құтқарушымен байланысып, жаттығу жүргізіп, көмек көрсетеді.Қысқасы, екінің бірі құтқарушы бола алмайды. Алғашында құтқарушы мамандығын алуға 3 ай беріледі. Осы мерзімде түрлі құтқару жұмыстарына қатысып, мәйітханаға барады. Бірақ шошынып, қаннан қорқып, жүрегі шыдамай қайтып кеткендер аз емес.&nbsp;Жігері жасымайтын, қайсар құтқарушы ғана мамандықтың машақатын сезбейді.

Аймақтағы құтқару жасағының жұмысы жүйелі

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қылмыстық-атқару жүйесі департаментінің №60 мекемесінде жалпы саны 4600 кітаппен толыққан, 300-ден астам жазасын өтеуші оқырманды қамтып отырған кітапхана жұмыс істейді. Алайда, қазақ тіліндегі әдеби шығармалар жиынтығы тапшы. Осы орайда, Ә.Тәжібаев атындағы Қызылорда облыстық әмбебап ғылыми кітапханасының қызметкерлері оқырмандар сұранысына сай мекеме кітапханасына алпысқа жуық түрлі ақын-жазушылардың шығармашылығындағы кітаптарды тарту етті.<blockquote>Жазасын өтеушілер мекемеде қалаған мамандығы бойынша білім алады. Сәйкесінше, білімдерін тереңдету мақсатында бірнеше әдебиетке сүйенеді. Өз қалаулары бойынша да түрлі ақын-жазушылардың шығармашылығын оқиды. Мысалы, жақында сотталғандардың бірі ас мәзірлер жиынтығын сұрады. Мекеме мен облыстық кітапхана қызметкердерінің біріккен жұмысы нәтижесінде жазасын өтеушілердің сұранысына ие кітаптар мекеме кітапханасының сөрелерінен табылды. Жаза басып жаңылса да, кітапқа құштар оқырманның бары көңіл қуантады, – дейді мекеменің тәрбие бөлімінің бастығы М.Әбдімажит.</blockquote>А. есімді сотталған мекеменің өндірістік аймағында аспазшы болып жұмыс жасайды. Жаза мерзімін тағдырластарына ас әзірлеумен өткізіп жатқан ол, түрлі тағамдардың жасалу тәсілін білу үшін мекеме кітапханасына жиі барады.<blockquote>Бостандықта жүргенде қаладағы қоғамдық тамақтану орындарында жұмыс жасадым. Бастапқыда тамақтың түрлері мен жасалу тәсілдерін кітаптан қарап жүретінмін. Қолымнан тағам даярлау келгендіктен мекеме асханасына жұмысқа орналастым. Бұл жақта бекітілген ас мәзірі бойынша тағам дайындаймыз. Әрине, бостандықта жүріп даярлаған ас мәзірі мүлде бөлек. Темір тордың арғы жағына шығатын күн де алыс қалмағандықтан, кітапхананың ас әзірлеуге қатысты түрлі кітаптарын жиі оқимын. Бүгін де жаңа кітап келгенін естіп, өзіме қажеттіні &nbsp;оқуға келдім,- дейді жазасын өтеуші.</blockquote>

Түрме кітапханасы жаңа кітаптармен толықты

<a href="https://kyzylorda-news.kz/">Kyzylorda-news.kz.</a> «Байқоңыр» әлеуметтік-кәсіпкерлік корпорациясы» акционерлік қоғамының қолдауымен әлеуметтік маңызы бар азық-түлік өнімдерін арзан бағамен сататын «Үй жанындағы дүкендер» ашылуда.Үй жанындағы дүкендер - бұл тауарларды бөлшек саудада өткізуге арналған арнайы әлеуметтік бұрыштар. Сауда бұрыштарын ашудағы басты мақсат - азық-түлік қауіпсіздігін қамтамасыз ете отырып, тұрақтандыру қорындағы әлеуметтік маңызы бар азық-түлік тауарларын (ӘМАТ) төмендетілген бағамен халыққа тиімді түрде ұсыну болып табылады.Бүгінде қаламызда 14 үй жанындағы дүкенде арнайы сауда бұрыштары ашылып, онда келісімшарт негізінде әлеуметтік маңызы бар азық-түлік тауарлары орташа нарықтағы бағадан 10%-15%-ға төмен бағада сатылуда.<blockquote>Үй жанындағы дүкендерде ашылған әлеуметтік бұрыштар бүгінде халыққа қолжетімді сипаттағы сауда алаңына айналып отыр. Тұжырымдамаға сәйкес, сауда дүкенінің тұтынушылары жақын маңдағы тұрғындар болмақ. Әлеуметтік бұрыш сөресінен күнделікті тұрмысқа қажетті әлеуметтік маңызы бар 19 түрлі азық-түлік өнімдерін белгіленген төмен бағада алуға мүмкіндік бар, - деді Басқарма төрағасының орынбасары Асхат Жорабекұлы.</blockquote>Айта кетейік, өз дүкендеріңізде әлеуметтік бұрыштарды ашу үшін бүгінде өтінім беру қабылдануда. Өтінімді 8 (701) 672-19-71, 8 (701) 222-44-49 (Whats’App) байланыс нөмірі арқылы немес әлеуметтік желілеріміздегі жеке мессенджерлер арқылы қалдыруға болады.Фото: aqmeshit-aptalygy.kz

Қызылордада 14 үй жанындағы дүкеннен әлеуметтік бұрыш ашылды

Оқиға Қостанайдағы бөлшек және көтерме сауда ауданында болған, деп хабарлайды <a href="https://el.kz/qostanayda-ayel-oz-ozin-ortep-zhiberdi_110679/">El.kz </a>ақпарат агенттігі.Әйел үстіне белгісіз бір сұйық зат құйып, өзін өртеп жіберген. Төтенше оқиға мекеме аумағында болған. Полиция аталған фактіні растады.Полиция өз-өзіне қол жұмсауға дейін жеткізу фактісі бойынша қылмыстық іс қозғады. Қазіргі уақытта тергеу әрекеттері жүрәп жатыр. Оқиғаның мән-жайы анықталды. Өзге мәлімет жария етуге жатпайды, - делінген Қостанай облыстық Полиция департаменті таратқан мәліметте.Фото: <span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Pixabay.com

Қостанайда әйел өз-өзін өртеп жіберді

<a href="https://kyzylorda-news.kz/">Kyzylorda-news.kz</a> Аудан әкімі Берік Сәрменбаевтың төрағалығымен дала өртін болдырмауға қатысты мәжіліс өтті.Аудан басшысы өрт қауіпсіздігін сақтау керектігін ескертті. – Өздеріңізге белгілі, соңғы жылдарда республиканың кейбір өңірлерінде орман-тоғайлар өртке оранып, бұл өзекті мәселеге айналды. Сондықтан орман-тоғайда өрт қауіпсіздігін қатаң бақылауда ұстауымыз қажет, – деді Берік Әбдіғаппарұлы.Мәжілісте Сырдария орман және жануарлар дүниесін қорғау жөніндегі мемлекеттік мекемесінің директоры Болат Бисенбаев хабарлама жасап, орман және дала өртінің алдын алу бағытында атқарылған жұмыстарды жеткізді. Мекеме директоры шаруашылық құрылымдарына, елді мекен тұрғындарына түсіндірме жұмыстары жүргізіліп, ақпараттық жұмыстарға басымдық берілгенін атады.Көп жағдайда дала өрті адамдардың абайсыздығынан пайда болады. Табиғат аясына шыққан азаматтардың жаққан оттарын өшірмей кеткендіктерінен немесе көлік жүргізушілерінің жол жиегіне өшірмей тастай салған темекі тұқылынан, ашық алаңқайда қоқысты немесе құрғақ шөптерді жағуы және т.б. жағдайда өрт тұтанып, өршиді. Дала аймақтардың өртке қауіпті кезеңдері жаз мезгілінің ортасы мен соңында орын алады. Әсіресе дала өрттері күн жылынғанда пайда болады. Себебі құрғақ өсімдіктер мен шөптердің өте тез жануына байланыс­ты. Сондықтан көктем шығып, күн жылынғанда дала өртіне өте сақ болуымыз қажет. Оны болдырмау үшін дала аймақта отқа арналған орынды құрғақ шөптен, қоқыстан мұқият тазалау, жаққан отты қараусыз қалдырмау, кетер алдында отты толық сөндіргенін көзбен жеткізу қажет. Сондай-ақ пайда болған өрт ошақтарын тез арада сөндіру керек.Есте сақтаңыз! Өрт қауіпсіздік ережесін сақтау – әр азаматтың міндеті. Өртті сөндір­геннен, алдын алған оңай!Аудан басшысы орман қорын молайту, өрттен сақтау ұдайы бақылауда болу керектігін назарға салып, тапсырмалар жүктеді.

Дала өртін болдырмау жұмыстары пысықталды

<a href="https://kyzylorda-news.kz/">Kyzylorda-news.kz.</a> ҚАЖ департаментінің қызметкерлері Қызылорда қаласында орналасқан 5547 әскери бөлімінің сарбаздарымен кездесіп, ҚР ІІМ Ш.Қабылбаев атындағы Қостанай академиясына шақыру бойынша түсіндірме жұмыстарын жүргізді.Қызметкерлердің құрамында Қызылорда облысы бойынша Қылмыстық - атқару жүйесі департаментінің №60 мекемесі кадр саясаты бөлімінің инспекторы &nbsp;Айгерім Баймұрзаева, Қарағанды облысы бойынша ҚАЖД №35 мекеме бастығының тәрбие ісі жөніндегі орынбасары Айдос Метжанов, Ұлытау облысы бойынша ҚАЖД №30 мекеме бастығының тәрбие ісі жөніндегі орынбасары Виталий Пепеляев, Жезқазған облысы бойынша ҚАЖД №62 мекеме бастығының тәрбие ісі жөніндегі орынбасары Жалғас Марленовтер бар. &nbsp;<blockquote>5547 әскери бөліміндегі сарбаздар – елінің ертеңін ойлаган азаматтар. Отан алдындағы борышын абыроймен атқарып, ішкі істер органдарында қызмет ету үшін бағыт-бағдар беру біздің міндетіміз. Сол себепті болашақ мемлекет қызметкерлерін академияға оқуға шақырамын, - деді Қарағанды облысы бойынша ҚАЖД №35 мекеме бастығының тәрбие ісі жөніндегі орынбасары Айдос Метжанов.</blockquote>Кездесу барысында қызметкерлер оқуға түсу шарттарымен таныстырып, сарбаздардың сұрақтарына жауап беріп, Қылмыстық-атқару жүйесінде қызмет етуге шақырды.

ҚАЖД қызметкерлері жас сарбаздарды оқуға шақырды

Соңғы 2 жылда соғыс болып жатқан Мьянма елінде 200 қазақстандық құлдықта болған. 100-ге жуығы әлі сол жақта жүр.&nbsp;Табысы жақсы отандастарымыз шетелге шығып, саяхаттағанды жақсы көреді. Қалғандары тамтұмдап тапқан таянғанын тиынынан құрап, тропикалық елдерді көріп келіп жатыр. Биыл трендте Тайланд. Алайда қызық қуып барған көп қазақ құрыққа түсіп қаламын деп ойламайды. Жарқ-жұрқ еткен қонақжай қалалардың арғы жағында адам жоғалатын жұмбақ жер барын көбі білмейді, деп хабарлайды&nbsp;<a href="https://sn.kz/sn-akparat-agyny/110809-aldyn-ala-satyp-zhiberedi-zhumys-izdep-shetel-askan-kazaktar-ku-ldykk-a-tusip-zhatyr">Skifnews.kz</a>&nbsp;ақпарат порталы&nbsp;Еуразия&nbsp;арнасына сілтеме жасап.Тайланд, Мьянма және Лаос елдерінің арасында алтын үшбұрыш аталып кеткен тропикалық ну орман арасында 100-ге жуық азаматымыз жоғалып кетті. Арада байланыс жоқ. Соңғы екі жылда қылмыстық топтардың құрығынан 28 қазақстандық құтқарылды. Қалғандарының тағдыры беймәлім. &nbsp;<blockquote>Дубайдағы жақсы танысымның кеңесімен бардым. Сендім. Мені Бангкокта ағылшынша білмейтін адамдар қарсы алды. Қымбат қонақ үйге орналастырды. Ертең Чианграй деген қалаға жұмысқа шығасың деді. Ол 20 минуттық жерде орналасқан. Бірақ екі жарым сағат орман мен жанартауы көп жаққа алып келді. Сол кезде үрей басталды. Қайықпен суды кешіп, өтіп, әкелген жерді көргенде шошып кеттім. Амал тауып ағама хабарласып үлгердім. Әйтпесе жағдай қиын еді, – деді Анель.</blockquote>Анель былтыр құтқарылды. Парақшасын қарасаңыз көптеген елде саяхаттаған, бірнеше тіл біледі.Интернеттен жоғары айлық көріп, соған сеніп қалады. “Біз құлдыққа түспейміз, барамыз, ақша табамыз, тез ораламыз” деп ойлайды. Ұсталып қалады, – деді СІМ өкілі Айбек Смадияров.Соңғы 2 жылда соғыс болып жатқан Мьянма елінде 200 қазақстандық құлдықта болған. 100-ге жуығы әлі сол жақта жүр.<blockquote>Ол жаққа барған кезде барлығының ойы "біз Таиландқа бара жатырмыз" деп ойлайды. Таиланд пен Мьянманың арасында белгілі бір шекара жоқ. Тек арық және сумен ғана өтеді. Белгілі бір компания жұмыс ұсынып шақырады. Жалақысын жоғары етіп көрсетеді. Көбіне аудармашылар, қытай тілін білетіндер. Өйткені Мьянма қытай тілінде сөйлейді. Сосын билет шығынын өтеп береді. Көбіне түнде өткізеді, адамдар қайда бара жатқанын білмейді. Сосын Мьянмадан бір-ақ шығады, – деді халықаралық заңгер Мейірман Шәкеев.</blockquote>Заңгердің сөзінше, азаматтар қандай қиындыққа тап болғандарын сонда ғана сезеді. Бостандық сұраса,&nbsp;өздерін сатып алған ақшаны қайтар немесе сойып органға тапсырамыз дейді. Амалсыз жұмысқа кіріседі.Мұнда бара жатқан кезде оларды алдын ала сатып жібереді. Сол сатқан құнын есептейді де 10 мың доллар заңсыз жұмыстарды ұсынады. Ол жақта да Қазақстанда таралып жатқан алаяқтық жүйесі сынды жұмыс ұсынады, – деді халықаралық заңгер Мейірман Шәкеев.Өкініштісі бірнеше тіл білетін жастар осындай қулыққа алданып қалып жатыр.Жыл басынан бастап бізде 1400-ге жуық адам Қазақстаннан тыс жерде тұруға кетті. Оның ішінде Ресейге 900-ге жуық, Германияға 200-ге жуық, Польша, АҚШ, Канада және Түркия елдеріне 30-ға жуық азамат тұрақты тұру үшін кетті, – деді ІІМ ерекше тапсырмалар жөніндегі аға инспекторы Лесбек Айташов.Қазақстандықтар қазір шетелге демалуға, ем алуға, жұмыс істеуге жиі шығатын болған. Көш басында Біріккен Араб Әмірліктері, Түркия, Мысыр мен Таи елдері.Фото: Еуразия арнасы

Қазақстан және Қызылорда облысының жаңалықтары: Қоғам