<a href="https://kyzylorda-news.kz/">Kyzylorda-news.kz</a> Көктем-жаз мезгілдерінің келуімен орман және дала өрттерінің туындау қаупі күрт артады. Құрғақ шөптің көбеюі, жоғары температура, желдің күшеюі және адам факторлары табиғи өрттердің негізгі себептері болып табылады. Мұндай төтенше жағдайлар тек табиғатқа ғана емес, адам өміріне, ауыл шаруашылығына және ел экономикасына да орасан зиян келтіреді.Статистикалық деректерге сүйенсек, орман және дала өрттерінің басым бөлігі адамдардың салғырттығынан орын алады. Атап айтқанда, сөндірілмеген от, бей-берекет жағылған қоқыс, темекі тұқылын тастау, құрғақ шөпті әдейі өртеу сияқты әрекеттер қайғылы жағдайларға әкелуде.Осыған байланысты Қызылорда облысында орман-дала өрттерінің алдын алу мақсатында кешенді профилактикалық жұмыстар жүргізілуде. Төтенше жағдайлар департаменті орман шаруашылығы мекемелерімен және жергілікті атқарушы органдармен бірлесіп, рейдтік іс-шараларды күшейтті. Өрт қаупі жоғары аймақтарда мониторинг жүргізіліп, минералданған жолақтар жасалуда.Сонымен қатар, ауыл тұрғындары мен шаруа қожалықтарына түсіндіру жұмыстары кеңінен ұйымдастырылуда. Халыққа өрт қауіпсіздігі ережелерін сақтау қажеттілігі туралы жадынамалар таратылып, бұқаралық ақпарат құралдары мен әлеуметтік желілер арқылы ақпараттық-насихат жұмыстары күшейтілді.Мамандар келесі қауіпсіздік шараларын қатаң сақтауды ескертеді:<ul><li style="text-align:justify;">Орман мен дала аумағында ашық от жақпау;</li><li style="text-align:justify;">Шөп пен қоқысты рұқсатсыз өртемеу;</li><li style="text-align:justify;">Темекі қалдықтарын бей-берекет тастамау;</li><li style="text-align:justify;">Балаларды қараусыз қалдырмау;</li><li style="text-align:justify;">Өрт байқалған жағдайда дереу 101 немесе 112 нөміріне хабарлау.</li></ul>Табиғатты қорғау – әрбір азаматтың борышы. Өрттің алдын алу – оны сөндіруден әлдеқайда тиімді әрі қауіпсіз. Сондықтан қарапайым қауіпсіздік талаптарын сақтау арқылы біз үлкен апаттардың алдын ала аламыз.Орман мен дала – болашақ ұрпаққа аманат. Оны өрттен бірге қорғайық!Фото: freepik.com

Орман мен дала өрттерінің алдын алу – ортақ міндет

<a href="https://kyzylorda-news.kz/">Kyzylorda-news.kz</a> Бүгін Тәжік-Ауған шекарасынан қазақстандық әскерилердің шығарылғанына 25 жыл толуына және 7 сәуір – «Ерлік күніне» орай Қазалы мәдени – демалыс кешеніндегі «Тағзым» аллеясында әскери қақтығыстарда қаза тапқан жауынгерлерді еске алуға арналған тағылымды іс-шара өтті.Іс-шарада аудан әкімі Алмасбек Есмаханов, аудандық мәслихат төрағасы Ғазиз Әліш, аудандық мәслихат депутаттары, ел ағалары және Тәжік шекарасында әскери қызметін өтеген ардагерлер мен жас сарбаздар Тәжік-Ауған соғысының ардагерлеріне арналған ескерткішке гүл шоқтарын қойып, ерлікпен қаза тапқан азаматтарды бір минут үнсіздікпен еске алды. Сондай-ақ рухтарына арнап құран бағыштады.&nbsp;Еске алу рәсімінде аудан әкімі Алмасбек Әбілқасымұлы елден жырақ шекара шебінде жүріп, ел тыныштығы жолында күрескен азаматтардың еңбегі мен ерлігі жайында айтып сөз қозғады.<img src="https://knadmin.beoblood.kz/uploads/T_zhik_Au_an_so_ysy_25_zhyl_3_1caecdcc0d.jpg" alt="Тәжік-Ауған соғысы 25 жыл 3.jpg"><blockquote>– Тәжік шекарасына біздің ауданымыздан 26 азамат аттанып, әскери борыштарын өтеді. Өкінішке қарай, қақтығыстар кезінде сол ерлердің бірі Отан алдындағы борышын өтеу барысында жерлесіміз Есетов Қанат жат жерде ерлікпен қаза тапты. Тағы үш азаматымыз елге аман оралғанымен, кейіннен өмірден өтті. 1995 жылдың 7 сәуірінде Дарваз ауданындағы Пшихавар тау шатқалында қанды шайқас болып, Қазақстандық жетінші біріктірілген ротаның жауынгерлері тосыннан жасалған шабуылға тап болып, бес сағат бойы ерлікпен қарсы тұрды. Сол ұрыста 17 жауынгеріміз ерлікпен қаза тауып, ондаған сарбаз жарақат алды. Пшихавар тау шатқалында болған шайқасқа қатысқан қазақстандық ротаның ішінде қазалылық Оңталап Кашимовта болып, ерліктің үлгісін көрсетіп, елімізге аман-есен оралды. Бүгінгі таңда ауданымызда тәжік-ауған шекарасындағы қақтығыстың 22 ардагері ортамызда. Олар — тірі тарих, ерліктің куәсі, батырлықтың белгісі. Сын сағатта ел қорғаған ерлердің өнегелі жолы бүгінгі және келер ұрпақ жадында мәңгі сақталады, – деді аудан әкімі.</blockquote>Жиында Ардагерлер одағының Тәжік-Ауған шекарасында жауынгерлік қимылдарына және әскери қақтығыстарына қатысушылардың Қазалы аудандық қоғамдық бірлестігінің төрағасы Руслан Баймбетов сөз сөйлеп, қарулы қақтығыс кезеңіндегі естеліктермен бөлісті.Айта кету керек, осыдан 33 жыл бұрын, яғни 1993 жылы қаңтар айында Тәуелсіз Мемлекеттер Достастығына мүше елдердің басшылары тәжік-ауған шекарасын заңсыз қарулы топтардан бірлесіп қорғау туралы маңызды келісімге қол қойды. Бұл келісім – өңірлік тұрақтылық пен қауіпсіздікті қамтамасыз етудегі маңызды қадамдардың бірі болды. Осы міндетті орындау мақсатында Қазақстан Республикасынан арнайы құрама батальон жасақталып, оның құрамында Қорғаныс министрлігі, Ұлттық қауіпсіздік комитетінің Шекара қызметі және Ішкі істер министрлігінің Ішкі әскерлерінен құралған жауынгерлер 8 жыл бойы тәжік-ауған шекарасында қызмет атқарды. Осы жылдар ішінде 2 мыңнан астам қазақстандық сарбаз бен офицер ТМД-ның оңтүстік шекарасын қорғауға қатысып, бауырлас Тәжікстан халқына көмек көрсетті. Олар тек әскери міндетін ғана орындап қойған жоқ, сонымен қатар адамгершілік пен достықтың, халықаралық ынтымақтастықтың үлгісін көрсетті.<img src="https://knadmin.beoblood.kz/uploads/T_zhik_Au_an_so_ysy_25_zhyl_4_5203fffcc0.jpg" alt="Тәжік-Ауған соғысы 25 жыл 4.jpg">

Майданда қаза тапқан жауынгерлерді еске алды

<a href="https://kyzylorda-news.kz/">Kyzylorda-news.kz</a> Аймақ басшысының тапсырмасымен облыс әкімінің бірінші орынбасары Данияр Жаналинов Жалағаш ауданына жұмыс сапарымен барып, елді мекендердегі жол құрылысы, пайдалануға берілген және қайта жаңғыртудан өткен ғимараттардың қазіргі жай-күйімен танысты.Алдымен Аққұм ауылдық округіне аялдап, жол құрылысы жұмыстарының нәтижесін көрді. Мұнда 2023-2024 жылдары 457,1 млн теңгеге 10 көше күрделі жөндеуден өткен болатын.&nbsp;«Ауыл – ел бесігі» жобасымен 2022 жылы 140,0 млн теңгеге салынған Таң ауылдық округіндегі дәрігерлік амбулаторияның, «Ауылда денсаулық сақтауды жаңғырту» ұлттық жобасымен &nbsp;өткен жылы пайдалануға берілген Қаракеткен ауылындағы дәрігерлік амбулаторияның жұмысы да назардан тыс қалмады.Ал Жалағаш кентіндегі Мемлекет басшысының тапсырмасымен және аймақ басшысының қолдауымен бой көтерген «Руханият орталығына» бүгінде музей, кітапхана, архив, неке қию залы, сондай-ақ ардагерлер мен аналар кеңесі, жастар орталығы, азаматтық қоғам өкілдері, тарихи-мәдени ұйымдар біріккен.Былтыр Жалағаш ауданында әлеуметтік жағынан осал топ санатындағы 111 отбасыға жаңа баспана кілті табысталған болатын. Облыс әкімінің бірінші орынбасары осы тұрғын үйлерді де көріп шықты.&nbsp;<img src="https://knadmin.beoblood.kz/uploads/Zhanalinov_Zhala_ash_audany_is_sapar_2_5232b2a301.jpg" alt="Жаналинов Жалағаш ауданы іс-сапар 2.jpg">

Әлеуметтік нысандар халыққа қалтқысыз қызмет көрсетуде

<a href="https://kyzylorda-news.kz/">Kyzylorda-news.kz</a> Өңірде қоғам саулығына тікелей қауіп төндіретін &nbsp;есірткіге қарсы күрес &nbsp;жұмыстары жүйелі түрде жүзеге асырылып келеді. Осы ретте өңірде атқарылып жатқан жұмыстар нәтижесіз емес. Өңірлік коммуникациялар қызметінің баспасөз алаңында облыстық полиция департаментінің есірткі қылмысына қарсы күрес басқармасының бастығы Біржан Багисовтың айтуынша, құқық қорғау органдары бұл бағытта кешенді әрі нақты шараларды қолға алған.<blockquote>– Облыс орталығында полиция қызметкерлері күнделікті көпқабатты үйлердің аулалары, гараждар мен құрылыс нысандарын тексеріп, жедел басқару орталығының бейнекамералары арқылы тұрақты бақылау жүргізуде. «Amanat» партиясының өкілдерімен бірлесіп есірткі жарнамасы бар 20 граффити жойылды. Нәтижесінде мұндай заңсыз жазулардың саны азайды. Сонымен қатар, «Кибернадзор» жүйесі арқылы синтетикалық есірткіні жарнамалаған 115 сайт бұғатталды. Қазіргі уақытта іздеудегі қылмыскерлерді анықтау бағытындағы жұмыстар жалғасуда. Жергілікті бюджет есебінен тұрғындардың нашақорлыққа қарсы иммунитетін қалыптастыру мақсатында 210 профилактикалық іс-шара өткізілді, - деді Біржан Бабырұлы.</blockquote>Оның айтуынша, қазіргі таңда ұйымдасқан қылмыстық топтардың әрекеттерін анықтау және қылмыстық жолмен алынған қаражаттарды заңдастыру деректерін әшкерелеу бағытында кешенді жедел-іздестіру шаралары жүргізілуде.

«Кибернадзор» жүйесі арқылы 115 сайт бұғатталды

<a href="https://kyzylorda-news.kz/">Kyzylorda-news.kz</a> Төтенше жағдайлар және дүлей зілзалалар қаупін азайту орталығының базасында Қазақстан тарапының төрағалығымен Орталық Кеңестің он сегізінші отырысы өтті.Отырыс жұмысына Қазақстан Республикасының Төтенше жағдайлар министрі генерал-лейтенант Шыңғыс Әрінов және Қырғыз Республикасының Төтенше жағдайлар министрі Канатбек Чыныбаев, сондай-ақ Кеңес мүшелері мен бейінді бөлімшелердің өкілдері қатысты.Іс-шара барысында орталықтың 2025 жылғы қызметінің қорытындысы ұсынылып, 2026 жылға арналған жұмыстың басым бағыттары айқындалды. Қатысушыларға Орталық Азия елдерінде апаттар қаупін азайту, климаттың өзгеруіне бейімделу және ақпараттық-коммуникациялық технологияларды енгізу салаларындағы жобаларды іске асыру барысы туралы ақпарат ұсынылды.2025 жылы Орталық өңірлік ынтымақтастықты дамытуға, халықаралық ұйымдармен өзара іс-қимылды нығайтуға, сондай-ақ мемлекеттік органдар мен халықтың төтенше жағдайларға дайындығын арттыруға бағытталған кешенді іс-шаралар жүзеге асырылғаны атап өтілді.Өз сөзінде Шыңғыс Әрінов Орталықтың өңірлік мемлекеттердің күш-жігерін үйлестіру, тәжірибе алмасу және төтенше жағдайлардың алдын алу мен оларды жою саласында келісілген шешімдер әзірлеу үшін тиімді алаң ретіндегі маңыздылығын атап өтті. Орталықты одан әрі дамыту және халықаралық ынтымақтастықты кеңейту мәселелеріне ерекше назар аударылды.Отырыс соңында ынтымақтастықты одан әрі дамытуға және оның қызметінің тиімділігін арттыруға бағытталған Орталық Кеңесінің тиісті шешіміне қол қойылды.

Қазақстан мен Қырғызстан төтенше жағдайлар саласындағы ынтымақтастықты нығайтуда

<a href="https://kyzylorda-news.kz/">Kyzylorda-news.kz</a> ҚР Премьер-министрінің орынбасары – мәдениет және ақпарат министрі Аида Балаева мен Туризм және спорт министрі Ербол Мырзабосынов Алматы облысындағы туристік нысандардың жазғы маусымға дайындығын тексерді.Жұмыс сапарына орталық мемлекеттік органдардың, Үкімет аппаратының өкілдері, сондай-ақ Алматы облысының әкімі Марат Сұлтанғазиев қатысты.Тексеру барысында Қонаев қаласындағы коммуналдық жағажайлар мен «ASP Arena» көпфункционалды кешені қаралды. Облыс әкімдігі мен бейінді қызметтер санитариялық дайындық, қауіпсіздік шаралары, медициналық, құтқару және құқық қорғау қызметтерінің жұмысы, сондай-ақ демалушыларға қолайлы жағдай жасау жөнінде баяндады.Аида Балаева нысандардың толық дайындығын дәл қазірден бастап қамтамасыз ету қажеттігіне ерекше назар аударды. Сонымен қатар халықпен уақытылы түсіндіру жұмыстарын жүргізудің, судағы қауіпсіздікті, азық-түлік қауіпсіздігін қамтамасыз етудің және қоғамдық тәртіпті сақтаудың маңыздылығын атап өтті.Сонымен бірге барлық жағажайлар мен демалыс аймақтары әкімдіктердің қарауында емес екені де арнайы айтылды. Осыған байланысты Аида Балаева жекеменшік нысандардың иелері де тазалыққа, қоғамдық тәртіпке, инфрақұрылымның жай-күйіне және ең алдымен адамдардың судағы қауіпсіздігіне толық жауапкершілікпен қарауға тиіс екенін айтты. Облыс әкімдігіне демалыс аймақтары иелерінің атына қауіпсіздікті қамтамасыз ету, санитариялық талаптарды сақтау және жазғы маусым кезеңінде жұмысты тиісті деңгейде ұйымдастыру жөніндегі ұсынымдар қамтылған тиісті хабарламалар әзірлеу тапсырылды.Бұдан бөлек, туризм және спорт министріне туристік нысандар иелері мен жеке компаниялардың қажетті инфрақұрылымды қамтамасыз етуіне, қауіпсіздік талаптарын сақтауына және белгіленген нормаларды орындауына қатысты жауапкершілігін реттейтін құқықтық тетіктерді пысықтау тапсырылды. Жекеменшік демалыс аймақтары азаматтар мен мемлекет алдындағы тиісті жауапкершіліксіз тек коммерциялық қызметпен ғана шектелмеуге тиіс екені баса айтылды.Премьер-министрдің орынбасары туристік аймақтарда жұмыс істейтін қоғамдық тамақтану орындары мен өзге де сервистік нысандар қызметінің заңдылығын бақылау қажеттігіне де айрықша назар аударды. Уәкілетті органдарға еңбек заңнамасының сақталуын, қызметкерлермен, оның ішінде жұмысқа тартылатын жастармен және студенттермен жасалған еңбек шарттарының болуын, сондай-ақ еңбек қауіпсіздігі талаптарының орындалуын тексеруді қамтамасыз ету тапсырылды. Азаматтардың құқықтары толық көлемде сақталуға тиіс екені атап өтілді. Бұл демалушылардың да, жергілікті тұрғындар мен қызметкерлердің де құқықтарына бірдей қатысты.Сонымен қатар көлік логистикасы, автотұрақтардың жеткіліктілігі, жол қозғалысын ұйымдастыру және жаппай демалыс орындарындағы көлік ағынын реттеу мәселесі де көтерілді. Қоғамдық тәртіп пен қауіпсіздік талаптарын бұзуға қатаң әрекет ету қажеттігі бөлек көрсетілді. Аида Балаева барлық белгіленген талаптар мүлтіксіз сақталуға тиіс екенін, ал құқық бұзушыларға қатысты шаралар уақтылы әрі заңнамаға сәйкес қабылдануы қажет екенін атап өтті.<blockquote>“Таза Қазақстан” идеологиясы жай ұран болып қалмай, туристік нысандардың жай-күйінен көрініс табуы керек. Ол тазалықтан, тәртіптен, кеңістіктің түсінікті ұйымдастырылуынан және ортақ демалыс орнына деген құрметтен байқалуға тиіс. Ал “Заң мен тәртіп” қағидаты барлық қызметтің нақты әрі үйлесімді жұмысынан және қауіпсіздік талаптары мен қоғамдық тәртіп нормаларын бұзғандарға қатысты шаралардың бұлтартпай қолданылуынан көрінуі қажет», — деді Аида Балаева.</blockquote>Жұмыс сапарының қорытындысы бойынша Премьер-министрдің орынбасары аумақтардың санитариялық жағдайын күшейтуді, инфрақұрылым мен қауіпсіздік қызметтерінің дайындығын қамтамасыз етуді, халықпен профилактикалық түсіндіру жұмыстарын жандандыруды, сондай-ақ коммуналдық және жекеменшік демалыс нысандарына жүйелі бақылау орнатуды тапсырды. Сонымен бірге заңдылықтың сақталуына, азаматтардың еңбек құқықтарын қорғалуына және меншік иелерінің қауіпсіздік, тәртіп пен көрсетілетін қызмет сапасы үшін жауапкершілігіне ерекше мән берілді.

Аида Балаева Алматы облысындағы туристік нысандардың жазғы маусымға дайындығын тексерді

<a href="https://kyzylorda-news.kz/">Kyzylorda-news.kz</a> Ыстанбұл қаласындағы Түрік және ислам өнері музейінде «Оғыз феномені: Ұлы Даладан Анадолыға дейін» атты халықаралық конференция және көрме өтті.Мазмұнды әрі тағылымды шараны Қызылорда облысы әкімдігінің, ТҮРКСОЙ халықаралық ұйымының қолдауымен ҚР Ұлттық музейі және Қызылорда облыстық тарихи-өлкетану музейі бірлесіп ұйымдастырды.&nbsp;Негізгі мақсаты – оғыз мұрасы негізінде Ұлы Дала мен Анадолы арасындағы тарихи-мәдени сабақтастықты айқындау, түркі әлемінің ортақ құндылықтарын зерделеу және &nbsp;ғылыми ынтымақтастықты дамыту.Конференция Парламент Сенатының депутаты Руслан Рүстемовтің алғысөзімен ашылды. Оған Қазақстан Республикасының Түркиядағы Бас консулы Аманқұл Нұриддинов, &nbsp;Ұлттық музей директоры Берік Әбдіғалиұлы, Түркияның Мәдениет және туризм &nbsp;министрлігінің департамент директоры Бироль Инджеджикоз, ТҮРКСОЙ халықаралық ұйымының өкілдері қатысты.Пленарлық отырыста қатысушылар оғыз тайпаларының шығу тегі мен тарихи рөлі, олардың қазіргі түркі өркениетіне ықпалы, Анадолы аумағындағы археологиялық зерттеулер, Сырдарияның төменгі ағысындағы ортағасырлық қалалардың урбанизациялық үдерістері жөнінде мазмұнды баяндамаларын ұсынды. Жаңа археологиялық деректер мен музейлік тәжірибелер кеңінен талқыланып, мамандар өзара пікір алмасты.Жиыннан кейін көрменің салтанатты ашылу рәсімі ұйымдастырылды. Оны &nbsp;Руслан Рүстемов, Аманқұл Нұриддинов, Берік Әбдіғалиұлы және Халықаралық ТҮРКСОЙ ұйымының Бас хатшысы Сұлтан Раев аралап шықты. Шараның жоғары деңгейде өтуіне атсалысқан Түркия мемлекетінің және Түрксой ұйымының өкілдеріне облыс әкімінің Алғыс хаты, Сыр өңірінің бренді – күріштен салынған картина табысталды.Сонымен бірге, Сырдың дәстүрлі жыр-термелері орындалып, қобыз сазы арқылы ұлттық рухани мұра кеңінен насихатталды. Көрме экспозициясында оғыз дәуіріне тиесілі бірегей археологиялық жәдігерлер көпшілік назарына ұсынылып, сол арқылы түркі халықтарының ортақ тарихи-мәдени мұрасы жан-жақты таныстырылды.Қазақ даласындағы түркі халықтарына ортақ рухани құндылықтарды бір тамырдан нәр алған туысқан түркі бауырлармен бірге дәріптеудің маңызы зор. Қызылорда облысының әкімдігі Сыр бойындағы оғыз мәдениетін ғылыми зерделеуде қарқынды жұмыстар жүргізіп келеді. Соңғы үш жыл бойы ҚР Ұлттық музейімен бірлесіп Елорда төрінде бірнеше халықаралық көрме, конференциялар өткізілді.Бүгін осы мәдени шаралардың ауқымы кеңейіп, Ұлы Даладағы оғыз мәдениетінің тарихи сабақтастығын зерделеуге бағытталған халықаралық конференция мен көрме ұйымдастырылды. &nbsp;Тарихы ортақ халықтардың келешегі үшін мұндай шараларды бірлесіп өткізудің идеялық мазмұны айрықша және ол екі ел арасындағы ортақ тың жобаларға жол ашары айқын.<img src="https://knadmin.beoblood.kz/uploads/O_yz_fenomeni_34498937c0.jpg" alt="Оғыз феномені.jpg">

«Оғыз феномені: Халықаралық конференция өтті

<a href="https://kyzylorda-news.kz/">Kyzylorda-news.kz</a> Қала әкімдігінің баспасөз орталығында «Көшбасшылар мектебі» жобасы бойынша баспасөз конференциясы өтті. Онда жобаға қатысу шарттары мен іріктеу кезеңдері туралы кеңінен ақпарат берілді.Аталған жоба белсенді, бастамашыл жастардың көшбасшылық қабілетін дамытуға, тәжірибе жинақтауға, қоғам өміріне белсенді араласуына мүмкіндік беретін маңызды алаң.Жобаға қатысуға ниетті жастар арнайы сілтеме арқылы тіркеліп, белгіленген ережемен таныса алады. Іріктеуден өткендер оқыту бағдарламасына, түрлі тренингтер мен тәжірибелік сабақтарға қатысады.&nbsp;

«Көшбасшылар мектебі» жобасына тіркеу және іріктеу басталды

<a href="https://kyzylorda-news.kz/">Kyzylorda-news.kz</a> А.Тоқмағамбетов атындағы мәдениет үйінде Тәжік-ауған соғысының боздақтарын еске алуға және олардың ерлігін ұлықтауға арналған салтанатты шара өтті.<img src="https://knadmin.beoblood.kz/uploads/T_zhik_Au_an_shekarasyna_25_zhyl_konczert_2_jpg_7fd9a4553b.jpg" alt="Тәжік-Ауған шекарасына 25 жыл концерт 2.jpg.jpg">Тағылымды жиында Тәжік-Ауған шекарасындағы қақтығыстың ел тарихындағы орны ерекше екені атап өтілді. Сонымен қатар, қазақстандық сарбаздардың батылдығы мен адалдығы, Отан алдындағы борышын абыроймен атқарғаны кеңінен сөз болды.&nbsp;Жиында Тәжік-ауған соғысының ардагерлеріне құрмет көрсетіліп, қала әкімінің алғыс хаттары табысталды. Іс-шара концерттік бағдарламамен ұласып, патриоттық рухтағы әндер шырқалды.<img src="https://knadmin.beoblood.kz/uploads/T_zhik_Au_an_shekarasyna_25_zhyl_konczert_3jpg_30227b0866.jpg" alt="Тәжік-Ауған шекарасына 25 жыл концерт 3jpg.jpg">

Ерлік елге мұра, ұрпаққа ұран

<a href="https://kyzylorda-news.kz/">Kyzylorda-news.kz</a> Спорт дамыту – мемлекеттің стратегиялық басым бағыттарының бірі. Себебі спорт арқылы ұлт саулығы нығайып, халықаралық аренадағы беделі артады.&nbsp;Осы орайда, Мемлекет басшысы Қасым-Жомарт Кемелұлы Тоқаев «Спортты насихаттау, оны әсіресе балалар мен жасөспірімдер арасында дәріптеу – ұлт саулығының кепілі», - деп ерекше атап өткен болатын.Бұл бағытта өңірдегі байыпты бастамалар мен жарқын жетістіктер Сыр спортын дамытуға ерекше ықпал етті. Мәселен, соңғы төрт жылда облыста аймақ басшысының тікелей бастамасымен заманауи үлгідегі 24 спорт нысаны салынып, спортшылардың игілігіне пайдалануға берілді.&nbsp;Бұдан бөлек, 2024 жылы қаланың сол жағалауында «Samruk Kazyna» ұлттық әл-ауқат қорымен бірлескен түрде құны 3,4 млрд теңгені құрайтын халықаралық талаптарға сай «Тениис орталығы» ашылды. Орталықта бір мезетте 32 спортшы ойнайтын 16 үстел теннисі алаңы және 350 көрермен орны жабдықталған. Сондай-ақ, жаттығу залы мен әкімшілік бөлмелер орналасқан. Қазіргі таңда 7 оқытушы-жаттықтырушы 300-ден астам спортшыны кәсіби бағытта шыңдауда.&nbsp;Сондай-ақ, облыс әкімі Нұрлыбек Машбекұлының қолдауымен былтыр жеке теңгерімдегі «Тарлан» спорт кешені басқарма меншігіне беріліп, Қызылорда ерлер және әйелдер бокс клубы болып ресми түрде ашылды. Ғимарат демеушілер есебінен күрделі жөндеуден өтіп, заман талабына сай толық жаңғыртылды. Қазіргі таңда бокс клубында ерлер мен әйелдерге арналған екі бокс залы, 40 адамдық қонақ үй, соңғы үлгідегі жаттығу залы (фитнес залы) және спортшыларға арналған асхана жұмыс жасайды.&nbsp;Сыр спортындағы тағы бір байыпты бастама – сол жағалауда бой көтерген 11 мың орындық «Kaysar Arena» стадионы. Құны 26,5 млрд теңгені құрайтын жаңа стадионның жасыл алаңы халықаралық стандарттарға сай жабдықталған. Сондақ-ақ, бірегей нысанда жыл он екі ай олимпиадалық спорт түрлеріне арналған жаттығу залдары қарастырылған. Атап айтқанда, бокс, спорттық-гимнастика, ауыр атлетика, таеквондо, күрес түрлеріне арналған залдар және фитнес залы бар. Жаңа стадионның негізгі ерекшелігі - УЕФА Классификациясы бойынша – IV &nbsp;санатты категориясына ие.<img src="https://knadmin.beoblood.kz/uploads/Syr_sporty_4_3aa882cc62.jpg" alt="Сыр спорты 4.jpg">Жыл басында Қызылорда қаласының сол жағалауында «Қазақстан Халқына» қоғамдық қорының демеушілігімен құны 2 млрд. 900 млн теңгеге ерекше қажеттілігі бар жандарға арналған «Инклюзивті спорт орталығы» ашылды. Жаңа нысанда волейболды отырып ойнау залы, күрес, пара пауэрлифтинг, жалпы дене дайындығын жасауға арналған залдар қамтылған. Мұнда бір мезетте 150 адамнан астам спортшы емін-еркін спортпен шұғылдана алады.&nbsp;Өңір спортын дамыту мақсатында заманауи спорттық инфрақұрылымдармен қамтамасыз ету жұмыстары қарқын алуда. Соның бірі – құны 20 млрд.500 млн теңгені құрайтын аумағы 25 мың шаршы метрлік көпбейінді «Қызылорда Арена» спорт кешені. Кешенде олимпиадалық стандартқа сай 50/25 метрлік жүзу бассейні &nbsp;және олимпиадалық спорт түрлеріне арналған жаттығу залдарымен қамтылады. Сондай-ақ, Әлем және Азия ойындары секілді халықаралық жарыстарды өткізуге арналған 2500 орындық зал, &nbsp;ауқымды жиындар, форумдар және кездесулер өткізуге арналған соңғы үлгідегі 150 адамдық жиын өткізу залы қарастырылады. Одан бөлек, халықтың салауатты өмір сүру салтын қалыптастыруға арналған кәсіби фитнес залдары салынады. &nbsp;Жалпы, Қызылорда облысында халықтың спорттық инфрақұрылымдармен қамтылу көрсеткіші 56, 5 пайызды құрайды. Сыр спортына жасалған осындай ауқымды қолдаулардың нәтижесінде өңірде бұқаралық спортпен айналысушылар саны да жылдан жылға артып келеді. Бүгінде облыста 377 мыңнан астам тұрғын спортпен жүйелі түрде шұғылданады. Бұл облыс тұрғындарының 44, 6 пайызын құрайды.Сыр спортын дамыту аясындағы нәтижелі жұмыстардың арқасында өңір спортшылары Әлем және Азия чемпионаттарынан 5 алтын, 1 күміс, 1 қола медаль жеңіп алса, ҚР чемпионаттары мен кубоктарынан 54 алтын, 43 күміс, 52 қола жүлдеге қол жеткізді.&nbsp;Аймақ спортын дамытудағы игі бастамалар мен жүйелі жасалған жұмыстардың нәтижесінде Қызылорда облысы - Үздік спорт өңірі атанды.<img src="https://knadmin.beoblood.kz/uploads/Syr_sporty_3_4b09c9803b.jpg" alt="Сыр спорты 3.jpg">

Төрт жылдағы сыр спортының жарқын белесі

<a href="https://kyzylorda-news.kz/">Kyzylorda-news.kz</a> 7 сәуірде «Азаматтарға арналған үкімет» мемлекеттік корпорациясына 10 жыл толды. Осы уақыт ішінде ол мемлекет пен азамат арасындағы негізгі қызмет көрсету арнасына айналды. Бүгінде жүйе жыл сайын ондаған миллион өтінішті қамтып, мемлекеттік қызметтердің басым бөлігін «бір терезе» қағидатымен ұсынады.Осы жылдар ішінде елде мемлекеттік қызмет алудың біртұтас жүйесі қалыптасты. Соның арқасында қызмет алу бұрынғыдан әлдеқайда жеңіл әрі қолжетімді болды.Азаматтар енді қызметті өзіне-өзі қызмет көрсету терминалдары арқылы да, бейне ХҚКО арқылы да ала алады. Биометриялық сәйкестендіру енгізіліп, көптеген қызмет цифрлық форматқа көшті.Өзгерістердің ауқымы нақты көрсеткіштерден де көрінеді. Бүгінде ХҚКО арқылы жыл сайын орта есеппен 23 миллионнан астам қызмет көрсетіледі. Бұдан бөлек, миллиондаған өтініш мобильді қосымшалар мен онлайн-сервистер арқылы рәсімделеді.Цифрландыру бұл өзгерістердің негізгі қозғаушы күшіне айналды, &nbsp;бүгінде мемлекеттік қызметтердің басым бөлігі онлайн қолжетімді. «ЦОН» мобильді қосымшасы арқылы мемлекеттік қызметтерді үйден шықпай-ақ алуға болады. Тек 2025 жылдың өзінде қосымшаны 2 миллионнан астам адам жүктеген. Қосымша арқылы азаматтар кезекке жазылып, өтініштерін бақылап, бірқатар қызметті қашықтан рәсімдей алады.Цифрлық сервистермен қатар, азаматтарға қолдау көрсету бағытында 1414 Бірыңғай байланыс орталығы да маңызды рөл атқарады. Биыл 15 жылдығын атап өтетін орталық тәулік бойы жұмыс істейді және 2021 жылдан бері Мемлекеттік корпорация құрамында қызмет көрсетіп келеді. Жыл сайын мұнда 20–25 миллионға жуық өтініш өңделеді, ал бүгінде әр оныншы қоңырау жасанды интеллект негізіндегі ассистенттің қатысуымен қабылданып, азаматтарды қажетті қызметке жедел бағыттауға көмектеседі.Сонымен бірге, корпорация тек қызмет көрсетумен шектелмей, халықтың цифрлық сауаттылығын арттыру бағытында да жұмыс жүргізіп отыр.Оқыту сабақтары еліміздің барлық өңіріндегі ХҚКО-ларда практикалық форматта ұйымдастырылып, қатысушыларға цифрлық қызметтерді еркін пайдалануды және өз бетінше онлайн алуды үйретеді. Тек наурыз айының өзінде бүкіл ел бойынша шамамен 700 қазақстандық цифрлық дағдыларын жетілдірді.<blockquote>«Мемлекеттік корпорацияның басты миссиясы – мемлекеттік қызметтер жүйесін жаңғыртудың негізгі қозғаушы күшіне айналу. Осы жылдар ішінде біз азаматтардың нақты қажеттіліктеріне сай келетін қызмет көрсету моделін қалыптастырдық. Нәтижесінде қызметтер қолжетімді, сапалы әрі ыңғайлы бола түсті. Біз азамат мүддесіне бағытталған мемлекет қағидатымен жұмыс істейміз, мұнда әрбір шешім азаматтың қажеттілігіне сай қабылданады. &nbsp;Біздің мақсатымыз тек қызмет көрсетумен шектелмей, азаматтарға сенімді серіктес болу, баршаға қолжетімді, ашық цифрлық ортаны қалыптастыру», – деді «Азаматтарға арналған үкімет» Мемлекеттік корпорациясының Басқарма төрағасы Арман Кенжеғалиев.</blockquote>Мемлекеттік корпорацияның жұмыс тәжірибесі халықаралық деңгейде қызығушылық тудырады. Моңғолия, Жапония, Өзбекстан және өзге де елдерден келген делегациялар Қазақстандағы мемлекеттік қызмет көрсету жүйесімен танысып, тәжірибе алмасқан болатын. Бұл қызығушылықтың негізінде соңғы он жылда қалыптасқан жаңа модель жатыр: бұрын әртүрлі мекемелерде көрсетілген қызметтер бүгінде бір инфрақұрылымға біріктіріліп, азаматтар үшін әлдеқайда ыңғайлы форматқа көшті. Қазір корпорация ХҚКО мен МХҚКО қызметтерін, жер кадастрын, әлеуметтік және зейнетақы бағыттарын, сондай-ақ АХАТ пен жылжымайтын мүлік салаларын қамтиды.Бұл жүйеде бүгінде 16 мыңға жуық маман еңбек етіп, қызметтердің қолжетімділігі мен сапасын қамтамасыз етіп келеді. Нәтижесінде мемлекеттік қызмет көрсету тек цифрлар мен процестер ғана емес, ең алдымен азамат пен мемлекет арасындағы байланысты жеңілдетіп, оны түсінікті әрі ыңғайлы еткен жүйеге айналды.

«Азаматтарға арналған үкімет» мемлекеттік корпорациясына 10 жыл толды

<a href="https://kyzylorda-news.kz/">Kyzylorda-news.kz</a> Тәжік-Ауған шекарасында атқарылған әскери қызметтің аяқталып, қазақстандық жауынгерлердің елге оралғанына 25 жыл толуына арналған іс-шара өтті. Тағылымды жиында ел тыныштығы жолында ерлік көрсеткендерге тағзым жасалды.<img src="https://knadmin.beoblood.kz/uploads/T_zhik_Au_an_shekarasyna_25_zhyl_2_23fb38e794.jpg" alt="Тәжік-Ауған шекарасына 25 жыл 2.jpg">Жиында қала әкімінің орынбасары &nbsp;Ділмұхамед Абизов, қалалық ардагерлер кеңесінің төрағасы Өмірбек Шәменов, Тәжік-ауған ардагерлері одағының облыстық төрағасы Марат Орынбайұлы сөз сөйлеп, бір минуттық үнсіздік жарияланды.&nbsp;Іс-шарада қаза болған жауынгерлердің рухына құран бағышталып, батырлар ерлігі мәңгі ұмытылмайтыны айтылды.<img src="https://knadmin.beoblood.kz/uploads/T_zhik_Au_an_shekarasyna_25_zhyl_3_db3751f0e5.jpg" alt="Тәжік-Ауған шекарасына 25 жыл 3.jpg">

Қазақстан және Қызылорда облысының жаңалықтары: Қоғам