Фото: m24.ru<a href="https://kyzylorda-news.kz/">Kyzylorda-news.kz</a> Telegram негізін қалаушы Павел Дуровтың өзін үш баласының анасымын деп атаған Ирина Болгар кәсіпкердің ата-аналық құқығынан айырылғанын мәлімдеді. Бұл туралы Stan.kz ақпарат агенттігі хабарлайды.Әйел бұл жөнінде өзінің Instagram парақшасында (Ресейде тыйым салынған әлеуметтік желі. Экстремистік ұйым деп танылған және Ресей Федерациясында тыйым салынған Meta компаниясына тиесілі) жария етті.<blockquote>"Балалар мен ересектерді қорғау трибуналы Женеваның қорғаншылық органдары жүргізген тергеуді бастады. Осылайша Дуровты үш балаға қатысты ата-аналық құқығынан айыру туралы шешім қабылдады", – деді Дуровтың құрбысы.</blockquote>Болгардың айтуынша, 2022 жылдың соңында кәсіпкер оған балаларымен бірге БАӘ-ге көшуге мәжбүрлеу үшін шарт қойған. Ол Дуровтың оның банк карталарына қол жеткізуіне тыйым салғанын, сонымен қатар медицина, білім және жол жүру шығындарын төлеуді тоқтатқанын түсіндірді.<blockquote>"Мен өз құқықтарым мен балаларымның құқықтарын заң саласында қорғайтынымды айтқан кезде, ол біздің еуропалық иммиграциялық құжаттарымызды жаңарту және жаңа құжаттарды беру туралы келісімге қол қоюдан бас тартты. Әрине, бізге Еуропада қалуға мүмкіндік бермеу үшін істеді", – деп жазды Болгар.</blockquote>Айта кетейік, осы шілдеде Болгар Telegram негізін қалаушының үш баласының анасы екенін мәлімдеді. Қазір Швейцарияда тұратын әйелдің айтуынша, балалары одан бұл ақпаратты жария етуді сұраған. Ол сондай-ақ журналистерге Дуровтың әке болуды мойындағанын дәлелдеді. Көп ұзамай кәсіпкер өзінің шәует доноры және 100-ден астам баланың биологиялық әкесі екенін жария етті.Павел Дуров үш баласының анасы Ирина Болгар Швейцария сотына шағымданғаннан кейін ата-ана құқығынан айырылды. Бұған дейін Болгардың Дуровқа қарсы Швейцария сотына шағым түсіргені белгілі болған. Ол 2021 жылдан 2022 жылға дейін кіші ұлына бірнеше рет физикалық зорлық көрсеткенін айтты.

"Зорлық көрсеткені үшін": Дуров ата-ана құқығынан айырылды

&nbsp;<a href="https://kyzylorda-news.kz/">Kyzylorda-news.kz</a> &nbsp;Президент Тоқаев 2 қыркүйекте Қазақстан халқына Жолдау жасайды, - деп хабарлайды <a href="https://massaget.kz/">Massaget.kz</a> тілшісі.2 қыркүйек күні Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына Жолдауын жариялайды.▪️Жиынға Сенат пен Мәжіліс депутаттары, орталық мемлекеттік органдардың басшылары, Ұлттық құрылтай, Адам құқықтары жөніндегі комиссия, Әйелдер істері және отбасылық-демографиялық саясат жөніндегі ұлттық комиссия мүшелері, қоғам өкілдері және еңбек ұжымдары қатысады.▪️Президент Жолдауында еліміздің саяси және әлеуметтік-экономикалық даму перспективаларына қатысты мәселелер қамтылады.

Президент Тоқаев 2 қыркүйекте Қазақстан халқына Жолдау жасайды

<a href="https://kyzylorda-news.kz/">Kyzylorda-news.kz</a> &nbsp; Конституция күні қарсаңында облыс әкімі Нұрлыбек Нәлібаев Жаңақорған кентіндегі «Қамқорлық» оңалту орталығының ашылу салтанатына қатысты. Іс-шарада «Қазақстан халқына» әлеуметтік қоры денсаулық сақтау және әлеуметтік қолдау саласындағы бағдарламаларды басқару орталығының басшысы Гүлзия Бидатова, «Қамқорлық» корпоративтік қоры директорының орынбасары Гүлмира Әбілдинова болды.Аймақ басшысы тұрғындарды жаңа нысанның ашылуымен құттықтап, «Қамқорлық» қоры басшылығына алғыс білдірді.<blockquote>«Мемлекет басшысы Қазақстан халқына арнаған Жолдауында медициналық көмекті қолжетімді ету, ана мен бала өлімін азайту, балалар мүгедектігінің алдын алу бағытында нақты міндеттер жүктеді. Біз адам жанының арашасы болған дәрігерлерді жан-жақты қолдауға әрдайым мүдделіміз. Қазір ел Президентінің, Үкіметтің қолдауымен өңірімізде ана мен бала саулығын сақтауға бағытталған маңызды жобалар сәтті жүзеге асырылуда. Биыл денсаулық сақтау саласына 140 млрд. теңге қаржы бөлінді. Бұл мақсатқа бюджеттен тыс ресурстар да тартылуда. «Қазақстан халқына» қоғамдық қорымен тұрақты әріптестік байланыстамыз. Қор соңғы екі жылда өңірдің денсаулық сақтау саласына 2 млрд. теңге қаржы бағыттады. Бұл қаржыға облыстық балалар ауруханасы базасында «Қамқорлық» реабилитациялық орталығы ашылып, аса қымбат дәрі-дәрмек алынды. Қор облыстық онкология орталығын республикада 3 облыста ғана бар, құны 1 млрд. 100 млн. теңге тұратын скринингке арналған жылжымалы медициналық кешенмен қамтамасыз етті. Бюджет қаражатын оңтайлы пайдалану мақсатында осы «Қамқорлық» оңалту орталығының ғимараты күрделі жөндеуден өткізілді. Озық үлгідегі жабдықтармен жарақталды. Орталықта жылына 2000-ға жуық баланы оңалтуға мүмкіндік бар. Жоғарыда атап өткеніміздей, осындай заманауи орталық бұған дейін облыстық балалар ауруханасының жанынан ашылған. Ол жүйелі және кешенді тәсілдермен жұмыс жасап, тиімділігін көрсетті. Сондықтан біз мұндай орталықтарды аудандарда да ашу туралы шешім қабылдадық. Алғашқысын Жаңақорған ауданында пайдалануға бермекпіз. Дәл осындай нысан жыл соңында Арал ауданында да ашылады», – деді аймақ басшысы.</blockquote>Салтанатты іс-шарада «Қазақстан халқына» әлеуметтік қоры денсаулық сақтау және әлеуметтік қолдау саласындағы бағдарламаларды басқару орталығының басшысы Гүлзия Бидатова, «Қамқорлық» корпоративтік қоры директорының орынбасары Гүлмира Әбілдинова жаңақорғандықтарды орталықтың ашылуымен құттықтап, қоғам қайраткері Әбибулла Ахимов бата берді. Мұнан бөлек, ардагерлер мен белсенді азаматтар, «Қамқорлық» оңалту орталығының қызметкерлері облыс әкімінің Алғысымен марапатталды.Іс-шара соңында қонақтар орталық жұмысымен танысты.Айта кетейік, Сыр өңірінде «Ауылдық денсаулық сақтауды жаңғырту» ұлттық жобасы аясында 27 нысан салу жоспарланған. Өткен жылы елді мекендерде 15 дәрігерлік амбулатория, 1 медициналық бекет ел игілігіне табысталды.<img src="https://knadmin.beoblood.kz/uploads/457569362_809817804672799_9062554133706185491_n_52dcf5fb42.jpg" alt="457569362_809817804672799_9062554133706185491_n.jpg"><img src="https://knadmin.beoblood.kz/uploads/457499547_809817691339477_5234426023903284637_n_c17b7d43ec.jpg" alt="457499547_809817691339477_5234426023903284637_n.jpg"><img src="https://knadmin.beoblood.kz/uploads/457371156_809817944672785_4253152748980288886_n_145256a4c7.jpg" alt="457371156_809817944672785_4253152748980288886_n.jpg"><img src="https://knadmin.beoblood.kz/uploads/457613759_809817501339496_8793584676314215555_n_003dc8a148.jpg" alt="457613759_809817501339496_8793584676314215555_n.jpg"><img src="https://knadmin.beoblood.kz/uploads/457396803_809817618006151_1547722549101984695_n_564f4f3b08.jpg" alt="457396803_809817618006151_1547722549101984695_n.jpg"><img src="https://knadmin.beoblood.kz/uploads/457493528_809817694672810_1617408428086566631_n_ef29d6c0cd.jpg" alt="457493528_809817694672810_1617408428086566631_n.jpg"><img src="https://knadmin.beoblood.kz/uploads/457183965_809817704672809_4785368746118424264_n_a71efd3c5e.jpg" alt="457183965_809817704672809_4785368746118424264_n.jpg"><img src="https://knadmin.beoblood.kz/uploads/457182390_809817514672828_7407805970062096767_n_c41a8fe26d.jpg" alt="457182390_809817514672828_7407805970062096767_n.jpg">

Жаңақорған ауданында «Қамқорлық» оңалту орталығы ашылды

<a href="https://kyzylorda-news.kz/">Kyzylorda-news.kz</a> &nbsp;Қазақстан Халық партиясының республика аумағында АЭС салу мәселесіне қатысты үндеу жасады.Құрметті қазақстандықтар!Жуық арада біздің алдымызда мемлекет үшін өмірлік маңызы бар мәселе – Қазақстанда алғашқы атом энергетикалық станциясын (АЭС) салу бойынша шешім қабылдау міндеті тұр. Біз – Қазақстан Халық партиясы, сіздерді еліміздің болашағына, оның дамуы мен әл-ауқатына тікелей ықпал ететін бұл шешімді ақылға қонымды түрде әрі жан-жақты саралай отырып қабылдауға <a href="https://halykpartiyasy.kz/kz/novosti/kazakhstan-halyk-partiyasynyn-respublika-aumaynda-aes-salu-maselesine-katysty-undeui">шақырамыз.</a>Бүгінде елімізде ЖЭО-дағы апаттар жиілеп, жылу станциялары жабдықтарының әбден тозығы жеткен, оған қоса бірнеше өңірдің электр энергиясы тапшылығынан зардап шегіп отырғаны бәрімізге мәлім. Біздің континенттік климатымыз күн және жел қондырғылары арқылы қажетті энергияны өндіруге қолайсыз. Сәйкесінше, Республика электр қуатын көршілес елдерден сатып алуға, яғни, импорттауға мәжбүр болып отыр.Бізге мұра болып қалған еліміздің энергетикалық ресурсы қазіргі таңда физикалық тұрғыдан сарқылып келеді. Осы ретте мынадай маңызды сұрақтар туындайды: Біз өскелең ұрпаққа нені мұра етіп қалдырамыз? Ескірген қазандық қондырғыларын ба? Күл үйінділері мен ластанған ауаны ма? Әлде, көршілес елдердің алдындағы электр энергиясының өтелмеген қарыздарын ба?Мемлекет басшысы Қасым-Жомарт Тоқаев өте маңызды әрі ұтымды шешім қабылдай отырып, АЭС салу мәселесін жалпыұлттық референдумға шығаруды ұсынды. Енді халқымыз өз тағдыры мен болашағы үшін өзі таңдау жасауы тиіс. Біз қандай ел боламыз? Электр энергиясы үшін көршісіне тәуелді ел боламыз ба? Әлде өзін-өзі қамтамасыз ету мақсатында заманауи технологияларды тиімді қолданатын, энергетикалық тұрғыда тәуелсіз мемлекетке айналамыз ба?АЭС салу бойынша Референдум өткізу маңызды экономикалық ғана емес, сонымен қатар ауқымды саяси қадам болып та саналады. Жаңа Қазақстанның қағидаттары мен «халық үніне құлақ асатын мемлекет» стратегиясы билік пен халықты біріктіруге бағытталған. Демек, аталған мәселе бойынша соңғы шешімді бірге қабылдаймыз.Ал Қазақстан Халық партиясы осындай ауқымды шараға өз үлесін қосып, қазақстандықтардың ел болашағы үшін ұтымды әрі оңтайлы таңдау жасауына бағытталған қажетті ұйымдастырушылық, ақпараттық және түсіндіру жұмыстарын жүргізуге дайын.АЭС құрылысы Қазақстанды халықаралық деңгейге шығарады. Былтыр Атом энергиясы жөніндегі халықаралық агенттіктің (АЭХА) сарапшылар миссиясы мен ҚР Үкіметі арасында 2023-2028 жылдарға арналған елдік негіздемелік бағдарламаға (Country Programme framework) қол қойылды. Қазақстанның өзінің алғашқы атом электр станциясын салуды жоспарлап отырған ел ретіндегі мәртебесін ескере отырып, жоба МАГАТЭ және атом электр станцияларын пайдаланатын ұйымдардың Дүниежүзілік қауымдастығы (АЭС ДҚ) тарапынан қатаң халықаралық бақылауда болады.<img src="https://knadmin.beoblood.kz/uploads/9_5d071aeb94.jpg" alt="9.jpg">Алдағы уақытта Қазақстан атом энергетикасы бойынша өз мамандарының мектебін құруы тиіс. Бұл жолда бізге Батыс Еуропа, Қытай, Ресей, Франция, Оңтүстік Корея және Жапония елдерінің табысты тәжірибесі негіз бола алады. Ал Қазақстанда уран шикізатының өзіндік қоры және оны отынға қайта өңдеу технологиясының бар екенін ескерсек, бейбіт атомның біздің елімізде болашағы зор.Алдымен, біздің қоғам радиофобиядан арылуы керек! Тұтас бір өңір тұрғындары қатты зардап шеккен Семей полигонының қасіретін ешкім жоққа шығармайды. Алайда, әскери қару-жарақ эксперименттері мен дәлелденген технологияларды бейбіт мақсатта пайдаланудың арасындағы айырмашылық жер мен көктей! Чернобыль және Фукусима атом электр станцияларының тағдырын меңзеп, АЭС-ті қауіпті деп тану да орынсыз. Қазір әлемде 200-ге жуық атом станциясы жұмыс істейді, оның құрамына 400-ден астам энергоблок кіреді. Жарты ғасырға жуық уақыт бұрын құрылған екі станцияда үлкен апат болғаны рас. Бірақ оған негізінен ескірген технология мен адами фактор себеп болды. Ал біз әлі де қорқамыз!Бүгінде әлемнің әртүрлі елінде елуден астам атом энергоблоктар салынуда. Егер шынымен де қолайсыз әрі қауіпті болса, оларды ешкім салмас еді. Қазақстандықтар осы фактіге де мән беруі тиіс!Соңғы шешім күзде, ұлттық референдумда қабылданады. Шешімді біз бәріміз, тұтас Қазақстан халқы қабылдайды. Оған және оның алдағы салдарына біз және біздің балаларымыз жауапты боламыз. Осы ретте халқымыз өзінің ең асыл қасиеттерін – патриотизм, азаматтық сана, рационализм және объективтілік танытуы тиіс.Өткен шақты ойлап, қорқынышпен өмір сүруді доғаруымыз керек! Саяси инфантилизмнен арылатын уақыты келді! Біз келешек ұрпаққа энергетикалық егемендік пен тәуелсіздікке кепілдік беріп, оларды жылумен және жарықпен қамтамасыз ете отырып, лайықты мұра қалдыруға тиіспіз! АЭС Қазақстанға қажет!Қазақстан Халық партиясы

Қазақстан Халық партиясының республика аумағында АЭС салу мәселесіне қатысты үндеуі

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының тапсырмасына сәйкес, 1 наурыздан бастап еліміздің барлық өңірлерінде, республикалық маңызы бар қалаларда және Астанада өңірлік кадрлық резервтерге іріктеу жұмыстарының басталғаны белгілі. Жобаның басты мақсаты – жас басқарушылардың өңірлік пулдарын қалыптастырып, өңірлерді дамытуға талантты жастарды тартуды көздейді. Облыс бойынша іріктеудің алғашқы кезеңінде 235 үміткердің құжаты қабылданып, 23 тамыз күні өткен комиссияның соңғы отырысы бойынша 25 үміткер жеңімпаз боп танылды. Бұл туралы Өңірлік коммуникациялар қызметінің ақпарат алаңында ҚР Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев мәлімдеді.<blockquote>&nbsp; &nbsp; &nbsp;– Өңірімізде өткізілген кадр резервіне іріктеуге қатысты тапсырмаға орай, өткен жылдың 11 қазанында Қызылорда облысының кадр комиссиясы құрылды. Комиссияның алғашқы отырысында өңірлік резервтерге іріктеудің сапалық бағыттары айқындалды. Іріктеудің бірінші кезеңінде өңірлік кадрлық резервке 235 үміткердің құжаты қабылданды. Екінші кезең екі блокта өтті. Алғашқы блогы – заңнаманы білуге арналған тестілеуге 226 үміткер тіркеліп, оның 220-сы тестілеу тапсырды, 6 үміткер тестілеу өтуден бас тартты. Ал, екінші блок – жеке қасиеттерді бағалауға арналған тестілеуге 115 үміткер жіберіліп, оның 114-і тіркеліп, тестілеуден өтті. Нәтижесінде, 51 үміткер кадр резервінің үшінші кезеңіне жіберілді. Бұл «Құзыреттерді бағалау» кезеңі осы жылдың 13-29 мамыр аралығында Астана қаласында Мемлекеттік басқару академиясының базасында оффлайн форматта жүргізілді. Аталған 51 үміткердің басым бөлігі мемлекеттік қызметшілер, халыққа қызмет көрсету орталықтарының және жеке сектордың қызметкерлері мен мұғалімдерді құрады. Конкурстың 4 кезеңіне ниет білдірген үміткерлер саны 48 адам болды. Қазақстан Республикасы Президенті жанындағы басқару академиясында жүргізілген ассесмент қорытындысымен 40 үміткер конкурстың төртінші кезеңі комиссияның құрылымдық сұқбаттасуына жіберілді. Олардың 3-еуі жеке себептерімен конкурсқа қатысудан бас тартып, 37 үміткердің қатысуымен 20 және 22 тамыз күндері өңірлік комиссияның құрылымдық сұқбаты өтті. Айта кету керек, құрылымдық сұқбат барысында іс-сапардағы немесе өзге өңірлерден қатысушы кандидаттарға қашықтықтан «ZOOM» платформасы арқылы қатысу мүмкіндігі берілді. Ал, 23 тамызы күні комиссияның соңғы бесінші кезеңі өңірлік комиссия жұмысының қорытындысы шығып, 25 үміткер жеңімпаз болып танылды. Олардың 12-сі әлеуметтік салада, 4-еуі индустрия және өнеркәсіп саласында, 3-еуі агроөнеркәсіп, 3-еуі экономика, 2-еуі экология және 1 үміткеріміз цифрландыру саласы бойынша өңірлік кадрлық резервтің тізіміне енгізілді. Резервте болу мерзімі 2 жылды құрайды. Алдағы екі жыл ішінде кадр резервіне қабылданған үміткерлерге жергілікті атқарушы органдардың «Б» корпусының мемлекеттік әкімшілік лауазымдарына конкурс өткізілместен орналаса алады, – деді Ерлеген Жәрдемұлы.</blockquote>Конкурс жеңімпаздарының тізімін&nbsp;https://pkrezerv.gov.kz/ сілтемесінен көре аласыздар.Фото: Қызылорда облысының Өңірлік коммуникациялар қызметі &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Қызылорда облысы бойынша өңірлік кадрлық резервке 25 адам қабылданды

<a href="https://kyzylorda-news.kz/">Kyzylorda-news.kz</a> Енді қазақстандықтарға мемлекеттік қызметті алу үшін ХҚКО-ға жүгінудің қажеті жоқ. Азаматтар халыққа қызмет көрсету орталығының қызметкерін үйге шақыруға мүмкіндік беретін жаңа сервисті пайдалана алады. Белгіленген уақытта маман көрсетілген мекенжай бойынша келіп, мемлекеттік қызметті көрсете алады.ХҚКО-дан тыс жерде менеджерлер төлқұжат, жеке куәлік, жүргізуші куәлігін алу және көлік құралдарын тіркеу жөніндегі қызметтерді қоспағанда мемлекеттік қызмет түрінің кез келгенін көрсете алатынын ескеру қажет.Айта кетейік, пилоттық жоба Қазақстанның барлық өңірлерінде іске қосылды. Сервисті пайдалану үшін Мемлекеттік корпорацияның ресми сайтында «жеке менеджерді үйге шақыру» батырмасын басып, қажетті мәліметтерді толтыру қажет. Сондай-ақ, өтінімдерді 1414 бірыңғай байланыс орталығы арқылы да беруге болады. «Азаматтарға арналған үкімет» мамандары мәліметтерді &nbsp;нақтылау мақсатында және менеджердің келу уақытын белгілеу үшін қызмет алушымен байланысатын болады.<blockquote>​​«Мемлекеттік корпорация тұрақты түрде сервистерді жетілдіру үшін жұмыс жүргізуде. Бұған дейін біз &nbsp;жеке менеджерлер арқылы ХҚКО-да басым кезек арқылы қызмет алу мүмкіндігін іске асырған болатынбыз. Енді халыққа қызмет көрсету орталықтарының мамандарын үйге шақыртып, қызметті үйден шықпай алуға болады. Бұл уақыт үнемдегісі келетін азаматтар үшін өте ыңғайлы", - деп атап өтті «Азаматтарға арналған үкімет» Басқарма Төрағасы Арман Кенжеғалиев.</blockquote>​​Естеріңізге сала кетейік, Мемлекеттік корпорация ХҚКО-дан дайын құжаттарды жеткізу жобасын да іске асырған болатын. Қазіргі уақытта 144 мемлекеттік қызмет бойынша құжаттар жеткізіледі. Олардың ішінде жылжымайтын мүлікке құқықтарды (ауыртпалықтарды) мемлекеттік тіркеу, жер учаскелеріне актілер, апостиль қойылған құжаттар, мұрағаттық анықтамалар беру қызметтері бар.

Жаңа сервис: ХҚКО қызметкерлерін енді үйге шақыра аласыз 

<a href="https://kyzylorda-news.kz/">Kyzylorda-news.kz</a> &nbsp;Бүгін Үкіметтік емес ұйымдарға арналған сыйлықақы алу үшін, жыл сайын өтетін конкурсқа өтінім қабылдау басталды. Конкурстың мақсаты – ҮЕҰ әлеуетін нығайтуға және қоғамдық пайдалы жобаларды іске асыру үшін, олардың мотивациясын арттыруға бағытталған маңызды институционалдық қолдау көрсету.Сыйлық 16 әлеуметтік маңызды бағыт бойынша беріледі, ал бір салаға арналған сыйлықақы мөлшері 2000 АЕК құрайды.Айта кетейік, соңғы 7 жылда 420 ҮЕҰ қоғамдық мәселелерді шешуге өз үлесін қосып, осы беделді марапатқа ие болды.Қоғам өміріне белсенді араласатын, өз саласында көшбасшы атанған, әлеуметтік мәселелерді шешуге елеулі үлес қосқан және инновациялық идеяларды іске асырған ұйымдар конкурсқа қатысуға өтінім бере алады. Өтінімдерді қабылдау 2024 жылғы 2 қыркүйекте Астана уақыты бойынша сағат 18:30-да аяқталады.Қатысу шарттары туралы толық ақпарат мына сілтеме бойынша қолжетімді: www.gov.kz/memleket/entities/mam/documents/details/685056?lang=kkҚосымша ақпарат алу үшін мына телефондарға хабарласуға болады: +7 (7172) 74-09-97, 74-13-41, 74-02-17.

ҮЕҰ-ға арналған сыйлықақы үшін өтінім қабылдау басталды

<a href="https://kyzylorda-news.kz/">Kyzylorda-news.kz</a> &nbsp;Әлеуметтік желі белсендісі Ержан Алданазаров өзінің <a href="https://www.facebook.com/profile.php?id=100005064030986">фейсбук </a>әлеуметтік&nbsp;парақшасында Жезқазған трассасында&nbsp;жолда бұзылып қалған автобус туралы жазды. Оның айтуынша, қызылордалықтар 14 сағат бойы жолда тұрып, бұзылған автобустың жөнделуімен қоса көмек күткен.<blockquote>– Жезқазған трассасынан қызылордалықтар хабарласып, автобустарының шекарада бұзылып қалғанын айтып көмек сұрауда. Далада қалғандарын айтып, жазуымды өтінді. Байланыс өте нашар дейді. Қызылордалықтар 14 сағат бойы Қызылорда-Жезқазған трассасында күтуге мәжбүр болды, – деп жазба қалдырды.</blockquote>Бұл хабарламаға Қызылорда облысы Тжд былай деп жауап берді.<blockquote>"Оқиға бойынша көлік жөнделді, жүру жоспарлануда”, – деген автобустың жүргізушісінің хабарламасына орай құтқарушылар оқиға орнына бармаған. Бүгінгі таңда сол маңға қарай жақын аумақ болғандықтан Ұлытау облысы ТЖД мамандары жіберілген. Қазіргі кезде, яғни кеше сағат 10-нан 25 минут өткенде Ұлытау облысы ТЖД мамандары 50 адамды мемлекеттік мекеменің (Ұлытау облысы ТЖД “Кунг-вахтовка” автокөлігіне) мінгізіп, Жезқазған қаласына қарай жолға шығып кетті. Жөндеу жұмыстарын қажет етуіне орай аталған автобус&nbsp;көлік жүргізушісімен бірге автобусқа жөндеу жұмыстарын жасау мақсатында оқиға орнында, яғни Асфальт зауыттың маңында қалдырылды. (Аталмыш зауыттың жұмысшылары автобустың жөндеу жұмыстарына көмек беруде.), – деді.&nbsp;</blockquote>Фото: damu.kz/news (әлеуметтік желіден алынды)

Қызылордалық 50 жолаушы 14 сағат жолда қалды

<a href="https://kyzylorda-news.kz/">Kyzylorda-news.kz</a> Әзірбайжан президенті Ильхам Әлиевтің бұрынғы оққағары Махир Мамедов Түркияның батысындағы Айдын қаласында орналасқан Кушадасы курорттық аймағындағы қонақүйде өлі күйінде табылды, деп хабарлайды <a href="https://nege.kz/news/turkiyada-azrbayzhan-prezidentnn-buringi-okkagari-ol-kuynde-tabildi-470628">nege.kz</a>.Өлімнің нақты себебі әлі анықталған жоқ. Бұрынғы оққағар Махир Мамедов&nbsp;50 жасында қайтыс болды.Махир Мамедов отбасымен Түркияға үш күн бұрын демалысқа келген. Олар бес жұлдызды қонақүйге орналасады. Сол жерде Мамедовтың мәйітін сырттан серуендеп, баласымен бірге бөлмеге оралған әйелі тауып алған. Оқиға орнына келген жедел жәрдем қызметкерлері ер адамның қайтыс болғанын анықтады.Өлімнің себебі сараптамадан кейін белгілі болады. Қазіргі уақытта тергеу амалдары басталды.Түрік ақпарат құралдары Махир Мамедовтың «біраз уақыт» Илхам Әлиевтің жеке күзетшісі болғанын айтады.Фото: Түрік басылымдарынан

«Мәйітін әйелі тауып алған»: Әзірбайжан президентінің бұрынғы оққағары өлі күйінде табылды

<a href="https://kyzylorda-news.kz/">Kyzylorda-news.kz</a> Судья Telegram-ның негізін қалаушы Павел Дуровты алдын ала жауап алу және тағылған айыптар үшін полицияда ұстауды тоқтатты, деп хабарлайды <a href="https://kaz.inform.kz/news/pavel-durov-sot-zalinan-bosatildi-c21eaf/">Казинформ</a>.<blockquote>– Тергеу судьясы алдын ала жауап алу мен айыптау қорытындысын күткенге дейін полицияда ұстауды тоқтатты, – деп хабар берді француз журналистері.</blockquote>26 тамызда Дуровты қамауда ұстау мерзімі 28 тамызға дейін ұзартылды. Франция заңы 96 сағатқа дейін қамауға алуға рұқсат береді. Осыдан кейін сот сотталушыны босату немесе оған айып тағып, қажет болған жағдайда қамауда ұстау туралы қаулы шығаруы керек.Павел Дуров 24 тамыз күні кешке Париж әуежайында қамауға алынды.

Павел Дуров сот залынан босатылды

<a href="https://kyzylorda-news.kz/">Kyzylorda-news.kz</a> «Қазгидромет» РМК ел&nbsp;аумағында 29 тамызда болатын қауіпті метеорологиялық құбылыстарға болжам жасады.Атмосфералық фронтальды бөлімдер ҚР аумағының басым бөлігінде ауа райының тұрақсыз сипатын сақтайды: найзағаймен, бұршақпен, дауылмен жаңбыр жауады. Оңтүстік-шығыстың таулы аймақтарында қатты жаңбыр жауады. Тек батыста, оңтүстік-батыста, солтүстік-батыста, республиканың орталығында антициклон сілемінің әсерінен жауын-шашынсыз ауа райы күтіледі.Республика бойынша жел күшейіп, солтүстікте, солтүстік-батыста, елдің орталығында түнгі және таңертеңгі сағаттарда тұман түседі.<blockquote>«Абай, Ұлытау облыстарда, Батыс Қазақстан облысының батысында, орталығында, Атырау облысының орталығында, оңтүстік-шығысында, Маңғыстау облысының солтүстік-шығысында, орталығында, Қызылорда облысының солтүстік-батысында, орталығында, Ақтөбе облысының оңтүстігінде, Алматы облысының батысында, солтүстігінде, Шығыс Қазақстанның батысында, Қарағанды облысының батысында, шығысында, Жетісу облысының солтүстік жартысында жоғары өрт қаупі күтіледі»,&nbsp;— деп жазады синоптиктер.</blockquote>Қызылорда, Жамбыл, Атырау, Маңғыстау облыстарында, Түркістан облысының оңтүстігінде, орталығында және шөлді аудандарында, Шығыс Қазақстан, Қарағанды облыстарының оңтүстігінде және Ұлытау облысында, Батыс Қазақстан облысының оңтүстігінде, шығысында, Абай облысының батысында, солтүстік-батысында, оңтүстігінде, орталығында төтенше өрт қаупі сақталады.

Бейсенбіге арналған ауа райы болжамы 

<a href="https://kyzylorda-news.kz/">Kyzylorda-news.kz</a>&nbsp; ҚР Қаржылық мониторинг агенттігі бастамасымен қаржы құралдарының заңсыз есірткі айналымына тартылу тәуекелдерін азайту шараларын әзірлеу мақсатында қаржы реттеушілері, қаржы нарығы субъектілері және құқық қорғау органдарының қатысуымен кезекті комплаенс кеңесінің отырысы ұйымдастырылды. &nbsp;Шара барысында ҚМА төрағасы Дмитрий Малахов есірткі таралуы ұлттық қауіпсіздікке төнетін негізгі қауіптердің бірі екенін атап өтті. &nbsp;<blockquote>«Есірткі қылмыскерлері сауда әдістерін үнемі жетілдіріп, байланыссыз есеп айырысу тәсілдерін жиі қолдануда. Миллиардтаған қаражат заңсыз әрекеттің белгілерімен қаржы мекемелері арқылы өтіп жатыр», - деп атап өтті ол.</blockquote>Кездесу барысында қатысушылар есірткі заттарының заңсыз айналымына қарсы күрестің маңыздылығын атап өтіп, еліміздегі есірткі саудасын бірлесе жоюға мүдделі екендіктерін білдірді. &nbsp;Биыл есірткі саудасынан 22 млрд теңге аударылған банктер мен төлем жүйелері (бұл өткен жылмен салыстырғанда 18%-ға көп) күдікті операцияларды мұқият тексеруді күшейтуге бағытталған. Егер заңсыздық расталса, олар сенімсіз клиенттермен қатынасты тоқтатып, қылмыскерлердің барлық қызметтер мен өнімдерге қол жеткізуін бұғаттайды.Қаржылық мониторинг агенттігі есірткі саудасына қатысты 60 материалды анықтап, құқық қорғау органдарына жолдағанын атап өту қажет. Бұл іс-шаралар нәтижесінде шамамен 70 қатысушы ұсталып, 25 адам сотталып, 7 жылдан 10 жылға дейін бас бостандығынан айырылды.Кездесу нәтижесінде қатысушылар есірткі заттарының заңсыз айналымына қарсы күрес шараларын жетілдіру және қылмыскерлердің жаңа әдістері мен схемаларын зерттеуге барынша қолдау көрсету бойынша бірқатар ұсыныстар талқылады.Қаржылық мониторинг агенттігі есірткі қылмыстарынан түскен кірістерді заңдастыруға қарсы күрес бойынша комплаенс кеңесін өткізді.Фото: ҚМА&nbsp;

Қазақстан және Қызылорда облысының жаңалықтары: Қоғам