<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс өтті. Жиынның күн тәртібінде 2026 жылғы қаңтар-маусым айларындағы ауданның әлеуметтік-экономикалық даму қорытындылары мен бюджеттің атқарылу барысы қаралды.Мәжілісте жауапты сала басшылары есеп беріп, негізгі макроэкономикалық көрсеткіштердің орындалу деңгейіне жан-жақты талдау жасалды.Аудан бойынша 2026 жылдың алғашқы 6 айының қорытындысымен жоспарланған макроэкономикалық көрсеткіштердің басым бөлігінде оң өсім қалыптасып, бекітілген межелер орындалды.Есепті кезеңде өнеркәсіп өнімінің көлемі 19 824 млн теңгені құрап, нақты көлем индексі 110,7 пайыз болды. &nbsp;Негізгі капиталға тартылған инвестициялар көлемі 11 872 млн теңгеге жетіп, жоспар 113,2 пайызға орындалды.Ауыл шаруашылығы өнімінің көлемі 3 337,7 млн теңгені құрап, нақты көлем индексі 101,9 пайыз болды. Тұрғын үй құрылысы бойынша пайдалануға берілген тұрғын үй көлемі 14 914 шаршы метрді құрап, жоспар 100,5 пайызға орындалды.Бөлшек сауда көлемі 1 584,4 млн теңгеге жетіп, көрсеткіш 100,3 пайызды құрады. Құрылыс жұмыстарының көлемі 6 143,1 млн теңгені құрап, нақты көлем индексі 108,7 пайызға жетті.Жиын барысында Жалағаш ауданының әкімі Ардақ Ибраимов әрбір көрсеткіш бойынша нақты міндеттерге тоқталып, бюджет қаражатының тиімді әрі мақсатты игерілуін қамтамасыз ету, мемлекеттік бағдарламалардың сапалы іске асырылуы және жыл соңына дейін жоспарланған көрсеткіштердің толық орындалуын тапсырды.Жиын қорытындысында аудан әкімі сала басшылары мен кент және ауылдық округ әкімдеріне &nbsp;әлеуметтік-экономикалық көрсеткіштерді арттыру бойынша нақты міндеттер жүктеді.

Жалағаш ауданының әлеуметтік-экономикалық даму қорытындысы мен бюджеттің атқарылу барысы қаралды

<a href="https://kyzylorda-news.kz/">Kyzylorda-news.kz</a> Әке – отбасының қорғаны, тәрбиенің темірқазығы, ұрпаққа бағыт-бағдар беретін асыл тұлға. Әкенің ақылы мен еңбегі, сабыры мен жауапкершілігі - отбасының берекесі мен бала тәрбиесінің берік негізі. Әке өнегесі арқылы ұрпақ адалдыққа, еңбекқорлыққа, елжандылыққа, жауапкершілік пен адамгершілікке тәрбиеленеді. Осы орайда, өмірін баласының бақыты мен отбасының берекесіне арнаған, қоғамда сыйлы, отбасында өнегелі, ұрпақ тәрбиесіне ерекше үлес қосып жүрген әкелерді ұлықтау мақсатында «Жаңа Қазақстан» инновациялық орталығы мен «Даму» халықаралық инновациялық орталығы бірігіп «АРДАҚТЫ ӘКЕ - ҰЛЫ ТҰЛҒА» атты республикалық байқауын ұйымдастырады.Байқауға еліміздің барлық өңірінен отбасында өнегелі, қоғамда белсенді, еңбегімен елге үлгі болып жүрген ардақты әкелерді қатысуға шақырамыз!Іс-шараның мақсаты: отбасылық құндылықтарды дәріптеу, әкенің бала тәрбиесіндегі орны мен жауапкершілігін насихаттау, қоғамда өнегелі өмір жолымен танылған әкелерді республика көлемінде таныту және олардың еңбегін бағалау. Сонымен қатар байқау арқылы жас ұрпаққа әке тәрбиесінің маңызын түсіндіру, отбасындағы сыйластықты, ұлттық тәрбие мен адамгершілік құндылықтарды кеңінен насихаттау көзделеді.Республикалық байқауға қатысушылар:✓ отбасында өнегелі əке атанған, «толық отбасы» қағидасын берік ұстанған азаматтар; ✓ бала тəрбиесіне ерекше көңіл бөліп жүрген əкелер; ✓ қоғамдық өмірге белсенді қатысатын азаматтар; ✓ еңбек жолында табысқа жеткен сала мамандары; ✓ білім, медицина, мəдениет, спорт, өндіріс, кəсіпкерлік жəне басқа да салаларда еңбек етіп жүрген азаматтар; ✓ ұрпағына үлгі болып жүрген зейнет жасындағы ардақты əкелер; ✓ қайырымдылық, қоғамдық жəне тəрбиелік бағыттағы жұмыстарға үлес қосып жүрген азаматтар.Байқаудың шарттары:Байқау екі кезеңнен тұрады. Бірінші кезең бойынша қатысушы өтініш кестесін толтырып, әкесі жайлы жазылған 2 беттен артық емес өмірбаянын (Word форматында, 14 кегл, Times New Roman, 3-ші жақта), сапалы 3х4 суретін, сондай-ақ өмірбаяндағы жеткен жетістіктерін растайтын құжат көшірмелерін (мыс.: алынған алғыс хат, сертификат, куәлік және т.б.) жіберуі тиіс.Құжаттар &nbsp; &nbsp;elorda_bilim@mail.ru &nbsp; &nbsp;электронды &nbsp; &nbsp;почтасына &nbsp; &nbsp;немесе +7 747-126-95-05 WhatsApp номеріне 2026 жылдың тамыз айының 15-не дейін қабылданады.БАЙҚАУ ЖЕҢІМПАЗДАРЫНА:✓ «Ардақты әке-ұлы тұлға» атты тегін Құрмет грамотасы; ✓ Астана қаласында өтетін салтанатты марапаттау рəсіміне Елімізге белгілі тұлғалардың қолынан арнайы марапаттарды иелену мүмкіндігін алады.Байқаудың марапаттау рəсімі Астана қаласында конференция түрінде өтеді.Іс-шара бағдарламасы іріктеліп алынған қатысушыларға жіберіледі.Қорытынды конференция барысында елімізге белгілі тұлғалардың қолынан арнайы марапаттар табыс етіледі. Әкеңіздің еңбегі мен өнегелі өмір жолын республика көлемінде дәріптеп, оған ерекше құрмет көрсетіңіз. Әркімнің өз әкесі – мақтанышы, құрметке лайық ардақты тұлғасы. Әкеңіздің еңбегі қашанда бағалануға лайық!Ұйымдастыру алқасының сайты:&nbsp;https://bilim-ork.kz/ Электронды почта: elorda_bilim@mail.ru Инстаграм паракшасы: @bilim_orkenietyҰйымдастыру алқасы:+7 747-126-95-05, +7 747-702-52-62, +7 707-142-74 -40<img src="https://knadmin.beoblood.kz/uploads/Whats_App_Image_2026_07_14_at_17_24_57_70ec98d740.jpeg" alt="Республикалық байқау.jpeg">

«Ардақты әке – ұлы тұлға» атты республикалық байқау ұйымдастырылады

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаевтың төрағалығымен өткен мәжілісте 2026 жылғы қаңтар-маусым айындағы әлеуметтік-экономикалық даму және республикалық бюджеттің атқарылу қорытындылары қаралды. Мәжіліске аудан әкімі Алмасбек Есмаханов селекторлық режим арқылы қатысты.Одан кейін аудан басшысының төрағалығымен өткен аппарат мәжілісінде көтерілген мәселелер жан-жақты талқыланып, тиісті сала басшыларына нақты тапсырмалар берілді.Аудан басшысы мәжілісті бастамас бұрын Қазақстан Республикасының «Сайлау туралы» Конституциялық заңына сәйкес, 2026 жылдың 12 шілдесі күні өткен Бозкөл ауылдық округі әкімінің сайлауында халықтың басым дауысына ие болып, қайта сайланған Бөлебай Ақылбек Бекқожаұлын аудан активіне таныстырды. Ауыл әкімін құттықтап, ауыл шаруашылығын дамыту, кәсіпкерлікті қолдау, жаңа жұмыс орындарын ашу, халықтың әл-ауқатын арттыру, қоғамдық-саяси тұрақтылықты сақтау, сондай-ақ «Таза Қазақстан» бағдарламасы мен «Заң мен тәртіп» қағидаты аясындағы жұмыстарды жүйелі ұйымдастыруды тапсырды.Биылғы жылдың 6 айының қорытындысымен ауданда негізгі макроэкономикалық көрсеткіштер бойынша оң динамика қалыптасып, экономикалық өсім қамтамасыз етілді. Өнеркәсіп өнімінің көлемі – 130,2 пайызға, өңдеуші өнеркәсіп – 134,6 пайызға, бөлшек сауда айналымы – 100,3 пайызға, ауыл шаруашылығының жалпы өнімі – 105,3 пайызға, негізгі капиталға салынған инвестициялар – 104,6 пайызға, құрылыс жұмыстары – 119,2 пайызға және пайдалануға берілген тұрғын үй көлемі – 101,4 пайызды құрады.Жиында аудан әкімі экономикалық өсім қарқынын төмендетпей, әрбір макроэкономикалық көрсеткіштің орындалуын тұрақты бақылауда ұстап, қаржының уақытылы әрі тиімді игерілуін қамтамасыз етуді тапсырды. Сонымен қатар, орындалу қаупі бар көрсеткіштерге апта сайын талдау жүргізіп, нақты шаралар қабылдау қажеттігін атап өтті.Мәжілісте жұмыспен қамту және әлеуметтік төлемдердің орындалу барысы да жан-жақты сараланды. Жұмыспен қамтудың өңірлік жол картасы, «10 мың тұрғынға – 100 жаңа жұмыс орны» бастамасы, жастар тәжірибесі, әлеуметтік жұмыс орындары және «Күміс жас» жобасы бойынша бірқатар көрсеткіштердің төмен орындалуы сынға алынды.Осыған байланысты аудан әкімі жауапты бөлімдер мен кент, қала және ауылдық округ әкімдеріне халықты мемлекеттік бағдарламалар туралы кеңінен ақпараттандыруды, жаңа жұмыс орындарын құруды, жоспарлы көрсеткіштердің толық орындалуын қамтамасыз етуді тапсырды. Сонымен бірге, атаулы әлеуметтік көмек көрсету және мүгедектігі бар азаматтарды оңалту бағытындағы жұмыстардың заң талаптарына сәйкес сапалы ұйымдастырылуы қажеттігін ерекше атап өтті.Күн тәртібінде елді мекендерді абаттандыру және стихиялық қоқыс орындарын жою мәселесі де қаралды. Аудан басшысы бұған дейін берілген тапсырмалардың толық орындалмағанын айтып, анықталған кемшіліктерді қысқа мерзімде жоюды міндеттеді.Сондай-ақ кент, қала және ауылдық округ әкімдеріне аудандық полиция бөлімімен бірлесіп, «Таза Қазақстан» бағдарламасы мен «Заң мен тәртіп» қағидаты аясында тұрғындар арасында экологиялық мәдениетті қалыптастыруға бағытталған түсіндіру жұмыстарын және рейдтік іс-шараларды тұрақты ұйымдастыру тапсырды. Абаттандыру қағидаларын бұзған азаматтарға заң талаптарына сәйкес тиісті шаралар қабылдау қажеттігін ескертті.Мәжіліс қорытындысында аудан әкімі берілген барлық тапсырмалардың уақытылы әрі сапалы орындалуы тұрақты бақылауда болатынын айтып, жауапты басшыларға нақты міндеттер жүктеді.

Мәжілісте Қазалы ауданының әлеуметтік-экономикалық дамуы мен бюджеттің атқарылу барысы сарапталды

<a href="https://kyzylorda-news.kz/">Kyzylorda-news.kz</a> Қызылорда облысы бойынша ҚАЖД №37 мекемесінде сотталғандар арасында дойбыдан жарыс өтті. Іс-шараны мекеменің әлеуметтік-психологиялық тәрбие жұмыстары бойынша бөлім қызметкерлері мен Қызылорда қаласы дене тәрбиесі, спорт және туризм басқармасы бірлесіп ұйымдастырды.Спорттық шараға жазасын өтеп жатқан азаматтар қатысып, өзара мықтыны анықтады. Ойын барысында қатысушылар бар шеберлігін көрсетті. Жарыс нәтижесімен жеңімпаз атанған қатысушылар марапатталды.<blockquote>“Бала кезімнен дойбы ойынын жақсы көремін. Дойбы – тек ойын ғана емес, логиканы дамытып, шапшаң ойлануға мүмкіндік береді. Бүгінгі жарыста жеңімпаз атану үшін бар күшімді салдым. Осындай жарыстар біздің көңілімізді бөлеп, алға ұмтылуға күш береді. Мекемеде түрлі шаралар жиі ұйымдастырылады. Барлық мәдени-спорттық шараға қатысамын”, – дейді жазасын өтеуші азамат.</blockquote>Мекеменің тәрбие бөлімінің жасақ бастығы Сұлтан Айғараның айтуынша, мұндай шаралар сотталғандардың уақытын тиімді өткізуіне, ой-өрісін дамытуына және оң әлеуметтік орта қалыптастыруға септігін тигізеді. ҚАЖ мекемелерінде сотталғандардың бос уақытын пайдалы өткізу мақсатында түрлі спорттық және мәдени іс-шаралар тұрақты түрде ұйымдастырып тұрамыз. Бұл олардың қоғамға бейімделуіне оң ықпал етеді ,-дейді әділет майоры.

Жазасын өтеуші азаматтар спорттық сайыста бақ сынады

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен мәжіліс өтіп, онда ауданның әлеуметтік-экономикалық даму көрсеткіштері қаралды.Мәжілісте аудан бойынша 2026 жылдың алғашқы 6 айының қорытындысымен жоспарланған макроэкономикалық көрсеткіштердің басым бөлігінде оң өсім қалыптасып, бекітілген межелердің орындалғаны айтылды. Салалар бойынша атқарылған жұмыстар сараланып, алдағы кезеңге жоспарланған міндеттер мен индикаторлардың орындалу барысы талқыланды.Аудан басшысы әрбір көрсеткіштің сапалы орындалуы өңірдің тұрақты әлеуметтік-экономикалық дамуының басты кепілі екенін атап өтті.<blockquote>– Макроэкономикалық көрсеткіштердің орындалуы – ауданның даму қарқынын айқындайтын негізгі өлшемдердің бірі. Сондықтан әрбір сала бойынша бекітілген жоспарлы индикаторлардың уақытылы әрі сапалы орындалуын қамтамасыз ету қажет. Бұл бағыттағы жұмыстар тұрақты бақылауда болады. Әрбір жауапты мекеме өзіне жүктелген міндеттерді жоғары жауапкершілікпен орындауы тиіс, – деді Берік Әбдіғаппарұлы.</blockquote>Мәжіліс қорытындысында жауапты сала басшыларына көрсеткіштердің орындалуын тұрақты бақылауда ұстауды тапсырды.<img src="https://knadmin.beoblood.kz/uploads/Syrdariya_audany_m_zhilis_otyrysy_2_f71ae72a7d.jpg" alt="Сырдария ауданы мәжіліс отырысы 2.jpg">

Макроэкономикалық көрсеткіштердің орындалуы тұрақты бақылауда

<a href="https://kyzylorda-news.kz/">Kyzylorda-news.kz</a> Бүгінде әйелдер Қазақстан Республикасы Қарулы күштерінің ажырамас бөлігіне айналып, елдің қорғаныс қабілетін нығайтуға елеулі үлес қосып келеді. Олар ер азаматтармен қатар әскери қызметтің түрлі бағыттарында кәсіби міндеттерін абыроймен атқарып жүр. Қазіргі таңда Қазақстан армиясының қатарында 7 мыңға жуық әйел қызмет етеді. Олардың мыңға жуығы – офицерлер, ал 6 мыңнан астамы – келісімшарт бойынша әскери қызметшілер. Сонымен қатар 11 әйел басшылық лауазымдарды атқарады.Әйел әскери қызметшілер Қарулы күштердің барлық түрлері мен әскер тектерінде қызмет етеді. Олар әскери медицина, психология, қаржы, заң, байланыс, кадр жұмысы, материалдық-техникалық қамтамасыз ету, іс жүргізу және ақпараттық технологиялар салаларында жауапты міндеттерді атқарып келеді. Бұл олардың тек көмекші қызметтерде ғана емес, әскери басқару жүйесінің маңызды буындарында да табысты еңбек етіп жүргенін көрсетеді.Соңғы жылдары әйелдердің әскери қызметтегі мүмкіндіктері едәуір кеңейді. Бүгінде олар жауынгерлік қамтамасыз ету бөлімшелерінде де қызмет атқарып, штаб офицері, нұсқаушы, ұшқыш, мерген және арнайы мақсаттағы бөлімшелердің әскери қызметшісі сияқты күрделі әскери мамандықтарды меңгеруде. Сонымен қатар әйелдер ерлермен бірге парашютпен секіріп, ұшқышсыз ұшу аппараттарын құрастырып, басқарады және Қарулы күштердің жауынгерлік әзірлігін қамтамасыз ету жөніндегі маңызды міндеттерді орындайды.Әскери мансапты таңдаған қыз-келіншектер үшін кәсіби білім алуға да барлық жағдай жасалған. 2002 жылы Құрлық әскерлерінің әскери институтында алғаш рет «Байланыс» мамандығы бойынша әйел әскери мамандар даярланып шықты. Сол түлектердің көпшілігі бүгінгі күні де әскери қызметін жалғастырып, жоғары офицерлік шендерге, оның ішінде полковник әскери атағына дейін көтерілді.Әйелдерді әскери мамандықтарға даярлау жұмысы бүгін де жүйелі түрде жалғасып келеді. 2023 жылдан бастап екі мәрте Кеңес Одағының Батыры Талғат Бигелдинов атындағы Әуе қорғанысы күштерінің әскери институты әскери-медициналық факультетке қыздарды қабылдай бастады. Оқуды аяқтаған түлектерге «лейтенант» алғашқы офицерлік атағы беріліп, олар Қазақстан Қарулы күштері қатарында әскери қызметін жалғастырады.Айта кету керек, қолданыстағы заңнамада әйелдерді мерзімді әскери қызметке міндетті түрде шақыру көзделмеген және қазіргі уақытта мұндай норманы енгізу мәселесі қарастырылып жатқан жоқ.Қарулы күштермен келісімшарт жасасуға ниет білдірген азаматтар әскери қызметке қабылдану тәртібі, үміткерлерге қойылатын талаптар және қызмет өткеру шарттары туралы толық ақпарат алу үшін тұрғылықты жері бойынша жергілікті әскери басқару органдарына немесе әскери бөлімге жүгіне алады.<img src="https://knadmin.beoblood.kz/uploads/Whats_App_Image_2026_07_14_at_15_43_30_04694642a7.jpeg" alt="WhatsApp Image 2026-07-14 at 15.43.30.jpeg">

Қазақстан Қарулы күштерінде 7 мыңға жуық әйел әскери қызмет атқарады

<a href="https://kyzylorda-news.kz/">Kyzylorda-news.kz</a> Арал ауданы әкімдігінде аудан әкімі Аманжол Оңғарбаевтың төрағалығымен кеңейтілген әкімдік мәжілісі өтті.Жиында 2026 жылдың қаңтар–маусым айларындағы ауданның әлеуметтік-экономикалық даму қорытындылары мен республикалық және жергілікті бюджет қаражатының игерілу барысы қаралды.Алты айдың қорытындысымен ауданда негізгі макроэкономикалық көрсеткіштердің оң өсімі қамтамасыз етілді. Өнеркәсіп өндірісі, өңдеу өнеркәсібі, ауыл шаруашылығы, құрылыс жұмыстары, тұрғын үйді пайдалануға беру, инвестиция көлемі және бөлшек сауда салаларында өсім байқалды.Аудан әкімі сала басшылары мен аудан әкімінің орынбасарларына жыл соңына дейін оң динамиканы сақтап, жоспарлы индикаторлардың толық орындалуын қамтамасыз етуді тапсырды. Сонымен қатар, бюджет қаражатын тиімді әрі уақытылы игеру мәселесі қатаң бақылауда болатынын ескертті.<img src="https://knadmin.beoblood.kz/uploads/Aral_audany_kim_zhinalysy_2_02fb791262.jpg" alt="Арал ауданы әкім жиналысы 2.jpg">Мәжілісте санитарлық тазалықты сақтау, әкімшілік құқық бұзушылықтарды рәсімдеу кезінде планшеттерді тиімді пайдалану, электрондық цифрлық қолтаңбаны заң талаптарына сәйкес қолдану және елді мекендердегі интернет сапасын жақсарту мәселелері кеңінен талқыланды. Аталған мәселелер бойынша жауапты сала басшылары мен ауылдық округ әкімдеріне нақты тапсырмалар жүктелді.Сондай-ақ, «Таза Қазақстан» экологиялық бағдарламасын жүйелі түрде жалғастырып, барлық елді мекендерде санитарлық тазалықты тұрақты бақылауда ұстау қажеттігі атап өтті.Жиында өткен аптада іске қосылған түйе сүтінен құрғақ ұнтақ өндіру және жоғары сұрыпты ас тұзын шығару зауыттарының жұмысы, сондай-ақ жыл соңына дейін жүзеге асырылатын инвестициялық жобалардың орындалу барысы қаралды. Аудан әкімі жаңа өндіріс орындарының тұрақты жұмысын қамтамасыз ету және жергілікті тұрғындарды жұмыспен қамту бағытындағы жұмыстарды күшейтуді жауапты тұлғаларға жүктеді.&nbsp;Мәжіліс қорытындылаған аудан әкімі Аманжол Сақыпұлы барлық берілген тапсырмалардың мерзімінде әрі сапалы орындалуы тұрақты бақылауда болатынын атап өтті.<img src="https://knadmin.beoblood.kz/uploads/Aral_audany_kim_zhinalysy_3_51dd22865d.jpg" alt="Арал ауданы әкім жиналысы 3.jpg">

Арал: Алты айдың қорытындысы бойынша бюджет қаражатының игерілу барысы қаралды

<a href="https://kyzylorda-news.kz/">Kyzylorda-news.kz</a> &nbsp;Бүгін ҚР Премьер-министрі Олжас Бектеновтің төрағалығымен өткен Үкімет отырысында 2026 жылдың қаңтар-маусым айларындағы әлеуметтік-экономикалық даму көрсеткіштері және республикалық бюджеттің орындалуы қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейінгі мәжілісте өңірдің жартыжылдықтағы әлеуметтік-экономикалық көрсеткіштері талқыланды. Аймақта негізгі макроэкономикалық көрсеткіштер бойынша оң динамика, өңдеу өнеркәсібінде 14 пайыздық өсім қалыптасқан. Инвестиция тарту бойынша Үкімет бекіткен 789 млрд. теңге меженің 43 пайызына қол жетті.<blockquote>–Дегенмен бірқатар ауданда өнеркәсіп өндірісі, негізгі капиталға салынған инвестиция көлеміне қатысты жоспар орындалмаған. Салаға жетекшілік ететін жауапты басшылар, негізгі көрсеткіштерге талдау жасаңыздар. Шілденің 1-індегі есеп бойынша облыс бюджетінің кірісі 111,9 пайыз орындалды. Республикалық бюджеттен бөлінген нысаналы трансферттер мен облыс бюджеті 100 пайыз толығымен игерілді. Осы ретте басқарма басшылары, қала және аудан әкімдері, жыл аяғына дейін қаржыны жиынтық жоспарға сәйкес толық игеру керек.Елді мекендердің қала құрылысы жобаларына түзетулер енгізіліп, оларды цифрлық форматқа ауыстыруға 2024 жылы облыстық бюджеттен тиісті қаржы бөлінген. Бірақ бұл жұмыс баяу жүргізілуде. Аудан әкімдері облыстық құрылыс, сәулет және қала құрылысы басқармасымен бірлесіп, жобаларға мемлекеттік сараптаманың оң қорытындысын алуды үйлестіріңіздер, – деді Мұрат Нәлқожаұлы.</blockquote><img src="https://knadmin.beoblood.kz/uploads/Zh_ARTY_Zh_YLDY_TY_LEUMETTIK_EKONOMIKALY_2_ec0aec61e7.jpg" alt="ЖАРТЫЖЫЛДЫҚТЫҢ ӘЛЕУМЕТТІК-ЭКОНОМИКАЛЫҚ 2.jpg">Айта кетейік, бүгінде Қызылорда қаласының бас жоспарына өзгерістер енгізілуде. Мәжілісте қала аумағында салынып жатқан және салынуы жоспарланған нысандарды ескере отырып, бас жоспардың жобасын жеделдетіп аяқтау, мемлекеттік сараптама қорытындысын 1 қазанға дейін алып, Үкімет қарауына енгізу тапсырылды. Негізгі көрсеткіштерге келсек, облыста өнеркәсіп 2,4 пайыз, өңдеу өнеркәсібі 13,8, ауыл шаруашылығының өнімі 3,9, құрылыс жұмыстары көлемі 31,3, пайдалануға берілген тұрғын үйлер көлемі 1,3, сауда көлемі 2,6, инвестиция тарту 7,1 пайыз артқан.Бұдан бөлек, мәжілісте мерзімді әскерге шақыру науқанының қорытындысы және алдағы кезеңге дайындық барысы талқыланды. Жауапты мамандарға әскерге шақырылатын азаматтар тізімін20 тамызға дейін жасап, қала, аудан әкімдіктеріне ұсыну, оларды шақыру пункттеріне толық жеткізу, әскерден жалтарушыларды іздеу, оқушыларды медициналық тексеруден өткізуге қатысты тапсырмалар берілді.<blockquote>–Соңғы күндердегі ауа райы өрт қаупін күшейткендіктен, төтенше жағдайлар, орман шаруашылығы мекемелері толық дайын болуы тиіс. Төтенше жағдайлар департаменті жұмылдыру дайындығы басқармасымен бірлесіп, ахуалды күнделікті қатаң бақылауда ұстаңыздар. Сондай-ақ суға шомылатын орындардағы, рұқсат етілмеген су айдындарындағы рейдті күшейтіңіздер. Тұрғындарға түсіндірме жұмыстарын жүргізіп, балалардың қауіпсіздігін қатаң бақылауға алыңыздар, – деді аймақ басшысы.</blockquote>

Жартыжылдықтың әлеуметтік-экономикалық көрсеткіштері талқыланды

<a href="https://kyzylorda-news.kz/">Kyzylorda-news.kz</a> Өткен аптада Қызылорда облысында «Заң мен тәртіп» қағидаты және «Саналы ұрпақ» жобасы аясында кәмелетке толмаған жасөспірімдер арасындағы құқық бұзушылықтардың алдын алу және балалардың қауіпсіздігін қамтамасыз ету мақсатында кешенді профилактикалық рейд ұйымдастырылды.Іс-шараға Қызылорда облысы Полиция департаментінің, облыстық білім басқармасының, балалардың құқықтарын қорғау басқармасының және облыстық прокуратураның қызметкерлері қатысып, тұрғындар арасында кең көлемді ақпараттық-түсіндіру жұмыстарын жүргізді.Рейд барысында бала қауіпсіздігіне қатысты өзекті мәселелерге ерекше назар аударылды. Ата-аналарға балалардың терезеден құлап кетуінің алдын алу, судағы қауіпсіздік талаптарын сақтау, жазғы демалыс кезінде балаларды қараусыз қалдырмау және олардың өмірі мен денсаулығына қауіп төндіретін жағдайлардың алдын алу жөнінде түсіндіру жұмыстары жүргізілді.Сонымен қатар, бірлескен топтар ойын-сауық орындары мен компьютерлік клубтарды аралап, кәмелетке толмағандардың түнгі уақытта заңды өкілдерінсіз жүру деректерін анықтау және құқық бұзушылықтардың алдын алу бағытында бақылау жұмыстарын жүргізді.Профилактикалық іс-шаралар нәтижесінде Қазақстан Республикасының Әкімшілік құқық бұзушылық туралы кодексінің 132-бабының 2-бөлігі бойынша 3 дерек, ал 442-бабы бойынша 101 кәмелетке толмаған жасөспірімнің құқық бұзушылық жасағаны анықталды. Олардың заңды өкілдеріне әкімшілік хаттамалар рәсімделді.Сондай-ақ ӘҚБтК-нің 127-бабы бойынша балаларды тәрбиелеу, олардың құқықтары мен қауіпсіздігін қамтамасыз ету жөніндегі міндеттерін тиісінше орындамаған 5 ата-анаға (заңды өкілге) қатысты әкімшілік хаттама толтырылды.

Облыс аумағында бала қауіпсіздігіне бағытталған рейд ұйымдастырылды

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «ҚазАтомӨнеркәсіп» ҰАК» АҚ басқарма төрағасы Мейіржан Юсуповпен кездесті. Кездесуде өңірдегі уран өндіру саласының қазіргі ахуалы, өндірістік жобалардың жүзеге асырылу барысы талқыланды.Аймақ басшысы компанияның әлемдік уран нарығындағы, Қазақстанның өнеркәсіптік әлеуетін нығайтудағы орнын атап өтті.<blockquote>«ҚазАтомӨнеркәсіп» компаниялар тобы біздің облысымыздың әлеуметтік-экономикалық дамуында маңызды рөл атқарады. Өңірде уран өндіру жылдар бойы тұрақты дамып, жаңа жұмыс орындарын ашуға, өндірістік әлеуетті арттыруға және жергілікті экономиканың дамуына елеулі үлес қосып келеді. Бұл бағыттағы өзара тиімді әріптестік алдағы уақытта да жалғасатынына сенім білдіремін», – деді Мұрат Нәлқожаұлы.</blockquote>Бүгінде аймақта уран өндірумен «ҚазАтомӨнеркәсіп» құрамындағы еншілес кәсіпорындар айналысады. Олар – «Байкен-U», «Тураниум», «Семізбай-U» және «РУ-6» серіктестіктері. Өңдеу өнеркәсібінің құрылымында металлургия саласының үлесі 39,4%.Басқосуда тараптар өзара ынтымақтастықты одан әрі нығайтуға және өңірдің тұрақты әлеуметтік-экономикалық дамуына бағытталған бірлескен жобаларды жалғастыруға дайын екендігін білдірді.

Өңірде уран өндірісін дамыту мәселелері талқыланды

<a href="https://kyzylorda-news.kz/">Kyzylorda-news.kz</a> Қазалы ауданында Су шаруашылығы мен Ветеринария саласы қызметкерлерінің кәсіби мерекелеріне орай салтанатты шара өтіп, қос саланың үздіктері марапат төрінен көрінді.Әйтеке би кенттік мәдениет үйінде өткен мерекелік шараға аудан әкімі Алмасбек Есмаханов арнайы қатысып, сала мамандарын мерекелерімен құттықтап, ізгі лебізін білдірді.<img src="https://knadmin.beoblood.kz/uploads/azaly_marapat_a69a908c58.jpg" alt="Қазалы марапат.jpg"><blockquote>– Мемлекет басшысы Қасым-Жомарт Кемелұлы Тоқаев еліміздің орнықты дамуы үшін су қауіпсіздігі мен ветеринариялық қауіпсіздіктің стратегиялық маңызын үнемі айтып келеді. Қазалы ауданында су шаруашылығының қалыптасу тарихы да тереңнен бастау алады. Бүгінде аудан аумағында су жүйелерінің қалыпты жұмысын қамтамасыз етіп, су пайдаланушыларға суды уақытылы жеткізу, каналдар мен гидротехникалық нысандардың жұмысын күнделікті бақылау бағытында «Қазсушар» республикалық мемлекеттік кәсіпорны Қызылорда филиалының Қазалы өндірістік учаскесі, Ә.Тыныбаев атындағы су торабы, «Арал-Сарбұлақ топтық су құбырларын пайдаланушы» Қазалы өндірістік бөлімшесі, «Қазалы-Су Сервис» және Байқожа топтық су құбыры сынды 5 мекеме халыққа қызмет көрсетуде. Бұл мекемелерде 400-ге жуық маман ел игілігі жолында аянбай еңбек етуде. «Медицина адамды емдейді, ал ветеринария адамзатты емдейді» деген қанатты сөздің мәні өте терең. Ветеринария – тек мал саулығын ғана емес, адам денсаулығын, азық-түлік қауіпсіздігін, экологиялық тұрақтылықты қамтамасыз ететін маңызды сала. Бүгінде ауданымыздың ветеринария саласында 128 қызметкер халық игілігі жолында қызмет атқаруда. Қос саланың қалыптасуы мен дамуына, өлшеусіз үлес қосқан сала ардагерлері мен қызметкерлеріне ерекше ризашылығымды білдіремін, - деді аудан әкімі.</blockquote>Мерекелік жиында қос салада жемісті еңбек етіп жүрген сала үздіктеріне ҚР Су ресурстары және Ирригация министрлігінің Құрмет грамотасы және Алғыс хаты, ҚР Ауыл шаруашылығы министрлігі Ветеринарлық бақылау және қадағалау комитеті басшысының, облыс әкімі мен облыс әкімі орынбасарының және аудан әкімінің Алғыс хаттары, Қазалы ауданының Құрмет грамотасы, Ауыл шаруашылығы қызметкерлерінің салалық кәсіптік одағының ІІІ дәрежелі «Еңбек даңқы» медалі табысталды.Салтанатты шара әрі қарай аудан өнерпаздарының мерекелік концертімен жалғасты.Президентіміздің, Үкіметтің және аймақ басшысының қолдауымен ауданымызда су шаруашылығы мен ветеринария саласына ауқымды жобалар жүзеге асырылуда.Мәселен, өткен жылы Сарбұлақ, Шилі, Шәкен және Шитүбек елді мекендерін таза ауыз сумен қамтамасыз ету мақсатында мемлекетке қайтарылған активтер есебінен, республикалық және облыстық бюджеттен, сондай-ақ арнайы есепшоттан 1,5 млрд. теңге бөлініп, аудан халқы 100 пайыз таза ауыз сумен қамтамасыз етілді. Ауданның сол жағалауындағы 1-ГД, 2-ГД және К-3-2 қашыртқылар жүйесін реконструкциялау мен механикалық тазалау жұмыстары қолға алынды. Қызылқұм ауылдық округіндегі «Нартай» каналын механикалық тазалау жұмыстары қолға алынып, бүгінде 2-ГД қашыртқысын тазалау жұмыстары жүргізілуде. Қазақстан Республикасы Су ресурстары және ирригация министрлігі тарапынан 2027 жылы Қазалы ауданында 7 каналды бетондау жобасы жүзеге асырылады. Қазіргі уақытта жобалық-сметалық құжаттары әзірленуде. Ал, ветеринария саласы бойынша соңғы төрт жыл ішінде ауданның ветеринария саласына 11 арнайы техника берілген. Биылғы жылдың соңына дейін тағы 11 арнайы техниканы жеткізу жоспарланып отыр. Бұдан бөлек өткен жылы ауылдық округтердегі ветеринариялық пункттерге 20 компьютер жиынтығы мен 20 термочемодан берілді. Бұл – сала қызметкерлерінің еңбек жағдайын жақсартып, қызмет сапасын арттыруға бағытталған нақты қолдау.<img src="https://knadmin.beoblood.kz/uploads/azaly_marapat_3_10c60a144a.jpg" alt="Қазалы марапат 3.jpg">

Сала үздіктері марапат төрінен көрінді

<a href="https://kyzylorda-news.kz/">Kyzylorda-news.kz</a> Қазалы ауданындағы Руханият орталығында аудан әкімі Алмасбек Есмахановтың төрағалығымен «Заң мен тәртіп» идеологиясы аясындағы «Қылмыссыз өңір – кемел келешек кепілі» жобасына арналған кеңейтілген мәжіліс өтті.Мәжіліске аудан прокурорының орынбасары Биқожа Жұмаш, аудандық полиция бөлімінің бастығы Нұрлан Ибраев, құқық қорғау органдарының өкілдері, дербес бөлімдер мен мекеме-кәсіпорын басшылары, қала, кент және ауылдық округ әкімдері және аудан кәсіпкерлері қатысты.Жиында аудан әкімі қоғамдық қауіпсіздікті қамтамасыз ету, заң үстемдігін нығайту және құқық бұзушылықтың алдын алу – мемлекеттің басым бағыттарының бірі екенін атап өтіп, «Қылмыссыз өңір – кемел келешек кепілі» жобасы құқық қорғау органдарының ғана емес, барлық мемлекеттік мекемелердің, жергілікті атқарушы органдардың, білім беру ұйымдарының, үкіметтік емес ұйымдардың және жалпы қоғамның ортақ жауапкершілігін көздейтін маңызды бастама екенін жеткізді.Мәжілісте Мемлекет басшысының «Заң бәріне ортақ, тәртіп бәріне міндет» қағидатының мәні, жаңа Конституцияның елдегі заң үстемдігін, азаматтардың құқықтары мен бостандықтарын қорғауды қамтамасыз етудегі маңызы ерекше екені айтылып, аудан аумағындағы криминогендік ахуал жан-жақты талқыланды.&nbsp;Бүгінде аудан көлеміндегі қылмыстылық деңгейі өткен жылдың сәйкес кезеңімен салыстырғанда 10,9 пайызға төмендеген. Дегенмен, тіркелген құқық бұзушылықтардың бірқатары алкогольдік ішімдікке байланысты жасалғандықтан, бұл бағыттағы профилактикалық жұмыстарды күшейту қажеттігі айтылды.Осыған байланысты аудан басшысы «Ішімдіксіз ауыл» жобасының жүзеге асырылу барысына кеңінен тоқталып, бүгінде ауданның 42 елді мекенінің ішінде Ү.Түктібаев ауылымен қатар Ажар және Байқожа елді мекендері ғана «Ішімдіксіз ауыл» мәртебесіне ие екені айтты. Бұл көрсеткішті арттыру бойынша ауылдық округ әкімдері мен тиісті сала басшыларына нақты тапсырмалар берді.Аудан әкімі қала, кент және ауылдық округ әкімдеріне тұрғындар арасында құқықтық мәдениетті қалыптастыру, заң талаптарын түсіндіру және «Ішімдіксіз ауыл» жобасын кеңінен насихаттау бағытындағы жұмыстарды жүйелі түрде ұйымдастыруды тапсырды.Кеңейтілген мәжілісте күн тәртібіндегі екінші мәселе ретінде кәсіпкерлердің инвестициялық жобаларын жүзеге асыру барысында олардың құқықтарын қорғау және инвестициялық ахуалды жақсарту мәселесі қаралды.Жиында прокуратура органдары тарапынан инвестициялық жобаларды прокурорлық сүйемелдеудің бірыңғай тәртібі енгізілгені, бұл инвесторлардың құқықтарын қорғауды күшейтіп, жобаларды іске асыру барысында кездесетін кедергілерді жедел шешуге мүмкіндік беретіні айтылды.Бүгінде Қазалы ауданы бойынша Бірыңғай жалпыұлттық жобалар пулының Ұлттық цифрлық инвестициялық платформасына жалпы құны 8,22 млрд теңгені құрайтын 8 ірі инвестициялық жоба енгізілген.Бұл мәселеге қатысты аудан басшысы аудан көлемінде жүзеге асырылып жатқан инвестициялық жобаларға тұрақты түрде сүйемелдеу жұмыстарын ұйымдастырып, мемлекеттік қолдау шараларының тиімді орындалуын қамтамасыз ету қажет екендігін айтты. Осыған сәйкес жауапты сала басшыларына әрбір жобаның іске асырылу барысын тұрақты бақылауда ұстап, туындайтын мәселелерді жедел шешу бағытында тиісті мекемелермен үйлесімді жұмыс жүргізуді тапсырды.Мәжілісті қорытындылаған аудан әкімі қоғамдық қауіпсіздікті қамтамасыз ету, құқық бұзушылықтың алдын алу, тұрғындардың құқықтық мәдениетін қалыптастыру және инвестициялық жобаларды сапалы әрі уақытылы жүзеге асыру бағытындағы жұмыстарды барлық жауапты мекемелер бірлесе атқаруы қажеттігін атап өтті.Жауапты бөлімдер мен мекеме басшыларына берілген тапсырмалардың сапалы орындалуын қамтамасыз етіп, әрбір көрсеткіш бойынша нақты нәтижеге қол жеткізуді міндеттеді.<img src="https://knadmin.beoblood.kz/uploads/azaly_ke_ejtilgen_m_zhilis_2_6ff08c406a.jpg" alt="Қазалы кеңейтілген мәжіліс 2.jpg">

Қазақстан және Қызылорда облысының жаңалықтары: Қоғам