<a href="https://kyzylorda-news.kz/">Kyzylorda-news.kz</a>&nbsp; Қармақшы аудандық білім бөлімінің ұйымдастыруымен 2024-2025 жылдарға арналған құқық бұзушылық, буллинг, есірткі, лудомания, вейп темекі, интернетке тәуелділіктің алдын алуға бағытталған профилактикалық бірлескен іс-шаралардың қадамдық жұмыс жоспарына сәйкес Жосалы кенті орталығындағы №183, №30, №26 мектептерде оқушы ер балаларды қатысуымен арнайы жиын өткізілді.Келелі жиынға аудан прокурорының аға прокуроры С.Абдулғазиз, төтенше жағдайлар бөлімінің инженері Серіккүл Әбжаева, аудандық полиция бөлімінің бастығының орынбасары полиция капитаны Е.Жандарбеков, аудандық ата-аналар комитетінің төрағасы М.Әлдиев арнайы қатысты.Жиын барысында аудандық білім бөлімінің басшысы Гүлзира Абдазиева өткізіліп отырған шараның маңыздылығына тоқталып, құқық бұзушылықтың алдын алу, жасөспірімдердің беймезгіл уақытта көшеде жүрмеуі, зиянды заттардың адам ағзасына әсері және сондай- ақ биылғы мектеп бітіруші түлектердің қоғамдық тәртіпке қайшы келетін әрекеттерге бармауы керектігі жөнінде қатаң ескерту жасап, осы мәселелерге қатысты құқық қорғау органдары қызметкерлеріне өзіндік ұсыныс талап тілектерін жеткізді.Сонымен қатар бүгінгі шараға қатысушы алқалы әкімшілік тараптарынан да жасөспірімдер болашағына қатысты ой- пікірлер айтылып, құқық бұзушылықты алдын алу оны болдырмау мақсатындағы атқарылып жатқан жұмыстар барысы туралы ақпараттар берілді. &nbsp;

Қармақшыда оқушыларға құқық бұзушылықтың алдын алу бағытындағы түсіндірме жұмысы жүргізілді

<a href="https://kyzylorda-news.kz/">Kyzylorda-news.kz</a> Бүгін Жалағаш ауданының әкімі А.Ибраимов Жалағаш кентіндегі Шоңбай ақын көшесін аралап, көше тұрғындарының ұсыныс-пікірлерін тыңдады.&nbsp;Аудан әкімімен кездескен тұрғындар Шоңбай ақын көшесін күрделі жөндеуден өткізіу мәселесін қозғады.&nbsp;Бұл ретте, аудан әкім Ардақ Ибраимов тұрғындардың ұсыныс-тілектеріне сәйкес ағымдағы жылы аталған көшеге күрделі жөндеу жұмыстары жүргізілетінің жеткізіп, жауапты сала басшыларына нақты тапсырма берді.Сондай-ақ Жалағаш ауданының әкімі тұрғындармен кездесу кезінде көркейту-көгалдандыру жұмыстарына тұрғындар тарапынанда қолдау білдіруді сұрады. Айта кетейік биыл да көшелерді абаттандыру, жөндеу жұмыстары қарқынды жалғасатын болады.<blockquote><ul><li style="text-align:justify;">«Таза Қазақстан» акциясы барысында көршілермен де, туыстармен де бірігіп көше тазалығына көңіл бөліп жүрміз. Расында тазалық тұрғындардың өздеріне қажет нәрсе ғой, әркім тазалықты сол табалдырықтарынан бастаса ауданымызда таза аудандар қатарынан көрінетін еді. Сондықтан да барлық аудан тұрғындарын тазалық жұмыстарына ат салысуға шақырамыз. Бірігіп таза аудандардың қатарынан етейік, – дейді аудан тұрғыны Болат Аққасынов.</li></ul></blockquote>Иә, расымен бәріміз бірігіп, бір жағадан бас, бір жеңінен қол шығарып, бір ауыздан тазалыққа үлес қоссақ, ауданымыздың көркеюіне ат салысушы едік.

Жалағаш ауданының әкімі тұрғындармен кездесті

<a href="https://kyzylorda-news.kz/">Kyzylorda-news.kz</a>&nbsp; &nbsp;Қазалы ауданы әкімі Мейрамбек Шермағанбеттің төрағалығымен бірқатар өзекті мәселелерге байланысты арнайы мәжіліс өтті. Жиынды бастамас бұрын Қазалы ауданы басшысы алдымен, орын алған кадрлық өзгерістерге тоқталды.<blockquote>– Ағымдағы жылдың 21 сәуірінде өкілеттілігі мерзімінен бұрын аяқталған Сарыкөл ауылдық округ әкімінің сайлауы өткізіліп, ауыл халқы өз таңдауларын жасады. Өткізілген сайлаудың қорытындысымен кандидат Бердімұрат Рахымжан Дабылұлы Сарыкөл ауылдық округі әкімі болып сайланды. Сондай-ақ, Қазалы аудандық отбасын қолдау орталығының директоры болып, Сералиев Нұркен Жарболұлы тағайындалды, – деген Қазалы ауданы әкімі Мейрамбек Шермағанбет жаңа ауыл әкімі мен орталық директорының алдағы қызметіне сәттілік тіледі.</blockquote>Мәжілістің күн тәртібінде аудан көлеміндегі егін егу науқанының өту барысы, әлеуметтік маңызы бар азық-түлік тауарларының қоры мен бағасын реттеу және санитарлық тазалық, көркейту-көгалдандыру жұмыстары мәселелері талқыланды.Мәжілісте қаралған егін егу науқаны мен азық-түлік бағасын тұрақтандыру мәселелері бойынша аудандық ауыл шаруашылығы мен жер қатынастары бөлімінің басшысы Еркін Сейтов баяндама жасады.Ал, аудандағы санитарлық тазалық, көркейту-көгалдандыру жұмыстары жайында Қазалы аудандық тұрғын үй коммуналдық шаруашылығы, жолаушылар көлігі және автомобиль жолдары бөлімі басшысының міндетін атқарушы Жасұлан Сыдықов баяндады.Биылғы жылы ауданымызда – 17 377 гектар жерге ауыл шаруашылығы дақылдарын орналастырылуда. Оның ішінде, негізгі дақыл күрішті – 6200 гектар жерге егу жоспарланған.Мәжілісте Қазалы ауданы әкімі Мейрамбек Шермағанбет егіс науқанына аса жауапкершілікпен қарап, тиісті жұмыстарды жоғары деңгейде ұйымдастыру қажеттігін айтты. Негізгі дақыл – күріш егу жұмыстарын жоспарға сәйкес, орындауды тапсырды. Ал, жауапты мекемелерге бұл науқандағы ең маңызды мәселе – суға қарыз болған шаруашылықтардың қарыздарын өтеу жұмыстарын жеделдетуді қатаң тапсырды. Мәжіліс барысында, ауыл әкімдеріне тұрғындардың бау-бақша егіп, өздеріне қажетті картоп, жуасын және өзге де, қажетті дақылдарын егіп алуына қажетті жағдайды жасау жөнінде де нақты тапсырмалар берілді.Мұнан соң, аудан басшысы Мейрамбек Зинабдинұлы нарықта халық тұтынатын әлеуметтік маңызы бар азық-түлік тауарларының қоры жеткілікті, әрі бағасы тұрақты болуы қажеттігін айтты. Бұған қатысты арнайы жұмысшы тобы құрылып азық-түлік бағаларының өсім алмауына күнделікті мониторинг жүргізуді тапсырды. Осы орайда, ауыл шаруашылығы мен жер қатынастары бөлімінің басшысы Еркін Сейтовке әлеуметтік дүкендермен сауда орындарында әлеуметтік бұрыштар ашып, тұрақтандыру қорының өнімдерін белгіленген бағада сату жұмыстарын жүргізу жөнінде тапсырма берілді.Ал, Қазалы қаласы мен Әйтеке би кенті және ауыл әкімдеріне аудандағы санитарлық тазалық мәселесі күн тәртібінен түспейтінін айтып, Әйтеке би кентіндегі белгіленген жеті аймақ пен барлық округтерде тазалық жұмыстарын ұдайы жүргізіп отыруды ескертті.

Қазалы: Санитарлық тазалық, көркейту-көгалдандыру жұмыстары мәселелері талқыланды

<a href="https://kyzylorda-news.kz/">Kyzylorda-news.kz</a> 2024 жылы Жалағаш ауданында барлығы 22 жоба жүзеге асады деп күтілуде. Бұл мақсатқа бюджеттен, яғни ҚР Ұлттық қоры мен республикалық және жергілікті бюджеттен 3,2 млрд. теңге қаржы бөлінген. Ұлттық қордан 1,0 млрд. теңге, республикалық бюджеттен 119,4 млн. теңге, облыстық бюджеттен 2,1 млрд. теңге және аудандық бюджеттен 33,1 млн. теңге қаралған.Нақтылап айтқанда биыл ауданда 2 елді мекен газдандырылады. Жобалардың жалпы сметалық құны 1,2 млрд теңгені құрап отыр. Бүгінде Ақсу елді мекені мен Мөрәлі Шәменов елді мекендерін газдандыру жұмыстары басталып кетті.&nbsp;Сондай-ақ, 3 елді мекеннің электр желілері қайта жаңғыртылады. Жобалардың жалпы сметалық құны 929,3 млн теңгені құрап отыр. Алдағы уақытта Мырзабай ахун ауылдық округі, Аламесек елді мекені мен Мақпалкөл елді мекендерінің электр желілері толық жаңғыртылып, халықтың игілігіне берілмек.&nbsp;Жиырма екі жобаның ішінде 3 аудандық маңыздағы жол құрылысы бар. Яғни алдағы уақытта Таң-Самұрат, Таң-Жаңақоныс, Мөрәлі Шәменов ауылына кіреберіс және 3 елді мекеннің, яғни Бұқарбай батыр ауылдық округіндегі 11 көше, Аққұм ауылдық округіндегі 10 көше, Аламесек ауылдық округіндегі 5 көше, барлығы 26 көшесі күрделі жөндеуден өткізу де осы жылдың еншісінде Жобалардың жалпы сметалық құны 2121,1 млн теңгені құрайды.&nbsp;<blockquote>– Былтыр да бірқатар жоба жүзеге асқан, бүгінде халық олардың игілігін көріп отыр. Қуантарлығы, биыл да жарқын жобалар жалғасын тауып жатыр. Мұның барлығы елдің игілігі үшін жасалып жатқан жұмыстары екені айтпаса да түсінікті. Сондықтан құрылыс жұмыстарының уақытылы әрі сапалы аяқталуы басты назарда болады. Мұның барлығы мемлекеттің қолдауымен жүзеге асып жатыр. Бюджеттің әрбір тиынына дейін мақсатты жұмсалуы керек. сондықтан біз сапасына және әрбір жобаның уақытылы аяқталуына басымдық береміз, – дейді Жалағаш ауданы әкімінің орынбасары Арнұр Әлібекұлы.</blockquote>Аудан әкімінің орынбасары соңғы жылдары әсіресе ауылдық елді мекендердегі тұралаған мәселелерді шешуге басымдық беріліп жатқанын айтады. Аудан әкімі Ардақ Ибраимовтың ауылдарға жасаған сапарында, халықпен есепті кездесулерінде тұрғандардың талап-тілегіне арқау болған мәселелердің көбісі ауданның әлеуметтік-экономикалық даму жоспарына арқау болған.&nbsp;Айта кетейік, биыл Жалағаш кентіндегі 2 көппәтерлі тұрғын үй қайта жаңғыртылады. Жалпы сметалық құны 5,8 млн теңгені қрап отыр. (Т.Үркімбаев №1, Т.Үркімбаев №2); Сондай-ақ, Таң елді мекеніндегі мәдениет үйі күрделі жөндеуден өтеді. Жалпы сметалық құны 377,4 млн теңгені құрайды. Дәл осы ауылда шаруашылық ауыз сумен жабдықтау үшін жерасты суларын өндіруге арналған №2-Т барлау-пайдалану ұңғымасы бұрғыланады. Жалпы сметалық құны 47,3 млн теңгеге жетіп отыр.&nbsp;<blockquote>– Жалпы ауданда ауылдық елді мекендердің ішінде Таң ауылы ерекше дамудың даңғыл жолына түсті. Әлбетте, мемилекет тарапынан да ауылда дамытуға қолдау басым. Бірақ ауылдағы жергілікті шаруашылық «Таң ЛТД» жауапкершілігі шектеулі серіктестігінің директоры, Еңбек Ері Имамзада Шағыртаев та туған жерін түлетуге ерекше ден қоюда. Бүгінге дейін шаруашылық төрағасы ауылды абаттандыруға, әлеуетін арттыруға ерекше басымдық беріп, жеке қаржатынан қыруар қаражат жұмсады. Алдағы уақытта да Имамзада ағамыз игі бастамаларды жалғастыруға ниетті, – дейді Арұр Әлібекұлы.</blockquote>Расында Жалағаш ауданындағы «Таң ЛТД» шаруа қожалығы бірнеше жылдан бері ауыл шаруашылығы өнімдерін өндіру және өңдеумен айналысады. Шаруашылықтың жалпы егістік көлемі – 5236 гектар. Оның ішінде Сырдың басты дақылы күріш – 3000 гектар. Мұнан бөлек 1480 гектар жоңышқасы тағы бар. Шаруашылық биыл егісті әртараптандырып, 74 гектарға жүгері, 82 гектарға мақсары, 20 гектарға бақша салған. Ал қалған 580 гектары – жайылымдық жер. Шаруашылықтағы төрт түлік саны 600-ге жуықтаған. Іскер азамат бүгінде шаруасын ширатып, 400-ден астам адамды жұмыспен қамтып отыр. Оның 225-і – Таң ауылының тұрғыны. 2011 жылдан бастап шаруашылықтың техника паркі түгел жаңартылған. Серіктестік жалпы құны 1,8 млрд теңгені құрайтын 6 күріш оратын және 13 күріш бастыратын «Джондир» комбайны, 10 лазерлік жер тегістегіш, 36 трактор, 13 автомашина, 2 астық тиегіш, 1 экскаватор, 2 погрузчик, 1 автогрейдермен қамтылған. 2012 жылы облыста алғаш рет жалпы құны 30 млн теңгені құрайтын жаңа технологияларды пайдалана отырып, тамшылатып суару әдісімен картоптың «Gala» сұрпын екті. 2019 жылы «тұқым шаруашылығы» статусын алып, қазіргі таңда аудан шаруашылықтарын I репродукциялы «Лидер» сұрпымен қамтамасыз етуде. Сапалы тұқым дайындау үшін 86 млн теңгеге тұқым тазалау қондырғысын алдырды. Кәсіпкер осыған дейін жалпы құны 400 млн теңгені құрайтын үлкен 2 күріш зауытын іске қосқан. Қазіргі таңда өндіріс орнында 30 адам тұрақты жұмыс жасайды. Тәулігіне 200 тонна күріш ақтайтын қос цехта күрішті егуден бастап, сатуға дейінгі жұмыстар бір ізге түскен. Былтыр іскер азамат Ресей, Иран, Өзбекстан, Қырғызстан мемлекеттеріне 2 мың тонна күріш экспорттаса, биыл 5 мың тонна өнімді шет мемлекеттерге сатуды көздеп отыр. Қазір аяқ су қат болған шақта суды үнемдеу ерекше маңызға ие. Оны кешегі Жолдауында Мемлекет басшысы да айтқан болатын. Имамзада Шағыртаев басшылық ететін шаруашылықта аяқ суды үнемдеу де жолға қойылған. Суды 60-70 пайызға үнемдеу және ауыл шаруашылығы саласын әртараптандыру мақсатында қытайлық инвесторлармен бірге Шиелі ауданында жалпы көлемі 3 мың гектар жерге жүгеріні тамшылатып суару әдісімен егу жобасын қолға алды. Жобаның жалпы құны – 1,2 млрд теңге.&nbsp;Мұнан бөлек Еңбек Ері 2018 жылы жалпы құны 150 млн теңгені құрайтын ет өңдеу цехын салып, бүгінде жартылай дайын өнімдерді әзірлеуде. Қазір өндіріс ошағы тәулігіне 1 тонна консервіленген ет шығарады. Ол тапқанын «тек өзіме болсын» дейтіндердің сұрпынан емес.&nbsp;Қай жерде кәсібін бастаса, сол өңірдің халқының әлеуметтік жағдайы оны бейжай қалдырмады. Туған жерін түлету мақсатында да ауылынан ілкімді жобаларды қолға алып, елдің игілігіне жұмыс жасады. Осыған дейін Таң ауылдық округіне жалпы құны 1 млрд 56 млн теңге, Ақжар ауылына 100 млн теңге демеушілік етті. Іскер азамат туған жерінде жалпы құны 300 млн теңгеге 120 орындық «Таң бөбегі» балабақшасын салып берді. Қазіргі таңда онда 21 адам жұмыспен қамтылған. 56 млн теңгеге спорт кешенін ашып, 16 адамның тұрақты жұмыспен қамтылуына қолғабыс етті. Ертең аядай ауылдағы шағын кешеннен байрағымызды биіктен желбіретіп, әнұранымызды әлемдік додаларда шырқататын жастардың шықпасына кім кепіл.&nbsp;Міне, осы ретте оның тек ауылдың әлеуетіне ғана емес, жастардың да болашағына алаңдайтын азамат екенін аңғару қиын емес. Мұнан бөлек кәсіпкер 70 млн теңгеге Таңда Ұлы Отан соғысында қаза тапқан ардагерлерге арналған ескерткіш орнатты. 2021 жылы ауыл ішін абаттандыру мақсатында 130 млн теңгеге үлкен М-32 трассасы мен ауыл ортасындағы жол бойына жарық шамдарын орнатып, көшенің қос бетіне қоршау жұмыстарын жүргізді. Шаруашылық еңбеккерлерін ынталандыру және еңбек өнімділігін арттыру мақсатында 2011 жылдан бері жыл сайын үздік нәтиже көрсеткен диқандар мен механизаторларға 6 жеңіл автокөлік, 300 млн теңге қаржылай сыйақы беруді дәстүрге айналдырды. Игі дәстүр былтыр да жалғасын тауып, серіктестік еңбеккерлері темір тұлпар тақымдады. Енді Еңбек Ері биыл аудандағы әлеуметтік аз қамтылған бірнеше отбасына тұрғын үй салып беруді жоспарлап отыр. Осындай игі істердің нәтижесінде И.Шағыртаев былтыр меценаттық қызметі үшін республикалық «Жомарт жүрек» байқауында «Туған өлке» номинациясын иеленген болатын. Иә, ол қандай жетістікке жетсе де аймақ жұрты қуанады.&nbsp;Жалағаш ауданында халықтың әлеуметтік жағынан осал топтарына тұрғын үй қорынан тұрғын үй сатып алынады. Бөлінген қаржы көлемі 63,6 млн теңгені құрайды. Биылғы жылдың еншісінде жұмыстар қатарында мұнан бөлек Таң елді мекеніне кіреберіс Бозарық каналы көпірі қайта жаңғырту жобасы да бар. Жалпы сметалық құны 350,6 млн теңгені құрайды.&nbsp;Сондай-ақ 2 әлеуметтік нысан газ отынына қосылады. Жалпы сметалық құны 28,1 млн теңге (жұмыспен қамту бөлімі, кент әкімі аппараты). 2 елді мекенде, яғни Ақсу ауылдық округі мен Мәдениет елді мекенінде балалар ойын алаңдары ағымдағы жөндеуден өткізілсе, Жаңаталап елді мекенінде 1 балалар ойын алаңы орнатылады. Жобалардың жалпы сметалық құны 19,4 млн теңгені құрап отыр.&nbsp;

Жалағашта жарқын бастамалар жалғасын табады

<a href="https://kyzylorda-news.kz/">Kyzylorda-news.kz</a> Жалағаш ауданында соңғы жылдары құрылыс қарқын алып, ел ішіндегі тұралаған мәселелер шешімін табуда.&nbsp;Былтырдың өзінде қаншама отбасы баспаналаы болып, қоныс тойын тойлады. Жол&nbsp;құрылысы қарқынды жүріп, өңірдегі жол сапасының жақсаруы да нәтижелі жұмыстың барын аңғартса керек. Аудан бойынша құрылыс саласында атқарылған және әлі де атқарылып жатқан жұмыстар жөнінде салаға жауапты бөлім басшысы Ғалымжан Қайнарбаев кеңінен тарқатып, мейлінше барлық жобаны сапалы әрі уақытында аяқтауға басымдық беріліп жатқанын айтты.&nbsp;<blockquote>–&nbsp;Бөлім – белгілі құзырлық шегінде аудан бойынша құрылыс тарапында, мемлекеттік саясатты жүзеге асыруға уәкілдік берілген мемлекеттік органы болып табылады.&nbsp;Жалпы 2024 жыл бөлім бюджеті 1 239,4 млн теңге болған. Оның ішінде 2024 жылдың бірінші тоқсанындағы бюджет көлемі 296,3 млн теңгені құрайды. Игерілген қаржы көлемі 296,3 млн теңгеге жетті немесе 100 пайыз (ҚР ҰҚ – 270,8 млн теңге, АБ – 25,5 млн теңге). Біз мейлінше барлық жобаның уақытылы әрі сапалы жүзеге асуына басымдық береміз, – дейді Ғалымжан Қайнарбаев.</blockquote>Айта кетейік, Жалағаш ауданында жыл басынан бері 3 нысанның құрылыс жұмыстарын жүргізу жоспарланған болатын. Оның ішінде 2 нысанның бүгінде бойынша құрылыс-монтаждау жұмыстары басталды. (олар&nbsp;Есет батыр елді мекенінің&nbsp;тұрғын үй секторларының инженерлік-коммуникациялық инфрақұрылымын (электр&nbsp; желілері) салу – 338,8 млн.теңге, мердігер мекеме «Сәт Сервис» ЖШС. Т.Жүргенов елді мекенінің&nbsp;тұрғын үй секторларының инженерлік-коммуникациялық инфрақұрылымын (электр&nbsp; желілері ) салу - 435,1 млн теңге. мердігер мекеме «Энергомера» ЖШС.&nbsp;Бір нысан бойынша келісім-шарт мемлекеттік сатып алу порталынан түзетулер енгізілуде. (Ол Мырзабай ахун елді мекенінің&nbsp;тұрғын үй секторларының инженерлік-коммуникациялық инфрақұрылымын (электр&nbsp; желілері ) салу - 148,4 млн.теңге, мердігер мекеме «Нұрай Ақжол РГ» ЖШС.Құрылыс монтаждау жұмыстар мерзімі - 6 ай. Үстіміздегі жылдың қыркүйек айына нысандар толықтай пайдалануға беріледі.Жалағаш кентіндегі дене шынықтыру – сауықтыру кешенінің құрылыс жұмыстары 2021 жылдан бері сақалды құрылыс&nbsp;болып, құрылыс жұмыстары аяқталмай отыр. Сәуір айында нысанды пайдалануға қабылдау жоспарланып отыр. Қалдық қаржы көлемі – 29,2 млн теңге.Халықтың әлеуметтік жағынан осал топтары үшін жалға берілетін жаңа тұрғын үйлерді сатып алу жұмыстарына келсек, азаматтарды баспанамен қамтамасыз етіп, олардың әлеуметтік-экономикалық жағдайын жақсартып, халықтың даму мақсатында 2023 жылға Қазақстан Республикасы Ұлттық қорынан 538,5 млн. теңге бөлініп, 51 тұрғын үйлер сатып алынып, кент әкімі аппаратының теңгеріміне өткізілген. 2024 жылға Қазақстан Республикасы Ұлттық қорынан 5 тұрғын үйлерді сатып алуға 63,5 млн теңге бөлінді. Қазіргі таңда жер телімін орналастыру бойынша жұмыстар жүргізілуде.Мемлекеттік сатып алу бойынша атқарылып жатқан жобаларды кеңінен тарқатсақ, Қызылорда облысының мемлекеттік сатып алу басқармасы арқылы қаңтар, ақпан, наурыз айларында конкурстар жарияланған. Олардың қатарында&nbsp;Жалағаш кентінде емдеу мекемелеріне (100 төсек/орындық орталық аурухана, 20 төсек/орындық жұқпалы аурулар аруханасы, аусымына 250 адам қабылдайтын аудандық емхана) жаңадан кәріз жүйесі құрылысы бар. Жоба құны – 1 млрд. 290 млн. теңгені құрайды. Сондай-ақ Жалағаш кенті, «Ақтерек» учаскесі 170 гектарға тұрғын үй секторының инженерлік инфрақұрылым құрылысы (электрмен жабдықтау желілері-2 кезең, ПС-35/10 кВ қосалқы станция) нысаны құрылысы да бар. Жобаның жалпы құны – 1 млрд 72 млн.теңгені құрайды. Мұнан бөлек «Аламесек ауылдық округі, Есет батыр елді мекеніне ауыз су жүйесін жаңғырту және кеңейту» жұмыстары да бар. Жобаның жалпы құны-391,8 млн теңгеге жетіп отыр. Сонымен қатар, Аққыр ауылдық округіндегі «Аққыр» каналын қазу құрылысы да тізімнен табылады. Жобаның жалпы құны-542,4 млн. теңгені құрайды. Бөлім басшысы Ғалымжан Қайнарбаев Жалағаш ауданы, Аламесек ауылдық округі Есет батыр елді мекенінің дамыту және құрылысын салу схемасына түзету енгізу де жолданғанын айтады. Жобаның жалпы құны-10,1 млн теңгені құрайды екен. Сондай-ақ Жалағаш ауданы, Мәдениет елді мекенінің дамыту және құрылысын салу схемасына түзету енгізу де бар. Жобаның жалпы құны-11,0 млн теңгеге жеткен. Бұдан бөлек Жалағаш ауданы, Бұқарбай батыр елді мекенінің дамыту және құрылысын салу схемасына түзету енгізу де қатарда. Жобаның жалпы құны-10,4 млн теңгені құрап отыр. Соңғысы Жалағаш кентінің бас жоспарына түзету енгізу жобасы болып табылады. Жобаның жалпы құны-37,0 млн теңгені құрайды.Жеке тұрғын үй құрылысына келсек, Жалағаш ауданында&nbsp;2024 жылдың 3 айында 4355 шаршы метрді құрайтын 9 үй пайдалануға беріліп, өткен жылдың осы кезеңімен салыстырғанда 107,9 пайызға өсім байқалып отыр. Кенттің сәулеттік келбетіне кері әсерін тигізіп тұрған жеке меншік және кәсіпкерлік нысандарды қалыпқа келтіру мақсатында атқарылған жұмыстар да жоқ емес. Жалағаш ауданының орталығында орналасқан кәсіпкерлік нысандардың сәулеттік келбетін жақсарту мақсатында, меншік иелеріне бөлім тарапынан әзірленген эскиздер ұсынылып, жұмыстар жүргізіліп жатыр. Сонымен қатар, кенттің сәулеттік келбетіне кері әсерін тигізіп тұрған, ретсіз жатқан құрылыс материалдарын алып тастау барысында 30 меншік иесіне ескерту беріліп, ішкі істер бөлімі қызмектерлері арқылы 5 меншік иесіне айыппұл салынған. Бұл жұмыстар әлі де жалғасын табуда.Ауданда шешімін таппай тұрған мәселелер де жоқ емес, Олардың қатарында Жалағаш кенті, «Ақтерек-170 га» гектарға инженерлік-инфрақұрылым құрылыстарын (тас жолдар) қаржыландыру мәселесі бар. Бұл жайында Қызылорда облыстық құрылыс, сәулет және қала құрылысы басқармасына бюджеттік өтінім тапсырылған. Жобаның жалпы құны – 2 млрд 506 млн. теңгені құрайды.Жалпы құрылыс қарқын алған кез келген өңірде өсу де бар, даму да жоқ емес. Жалағаш ауданы соңғы жылдары құрылыс алаңына айналып, ауданда айтарлықтай мәселелер шешімін тапқан. Осының өзі жоғарыда сөзімізді қуаттайды.&nbsp;

Жалағаш ауданында құрылыс қарқын алған

<a href="https://kyzylorda-news.kz/">Kyzylorda-news.kz</a> Сарапшылардың пікірінше, бүгінгі күнде елімізде білікті дәрігерлер, сәулет және инженерия саласы мамандары, шығармашылық дизайнерлер, күзетшілер, аспаздар мен бала күтушілер, ауыл шаруашылығы, өнеркәсіп саласы мамандары жеткіліксіз. Ал астрофизик, астроном сынды ғарыш саласы мамандары мен механик, картогроф, геодезист мамандығына еліміз аса зәру. Сонымен қатар күнделікті өмірімізде ауыл шаруашылығына қажетті мал дәрігерлері, агрономдар, өсімдіктерді қорғау мамандары, инженер-механиктер, инженер-электриктер, жерге орналастырушылар, зоотехниктер жетіспейтінін де көзіміз көріп жүр.Бір қызығы бұл мамандықтар бойынша білім алғандардың дені өз саласында еңбек етуге де құлықсыз. Бұған себепті біріншіден жалақының аздығы болса, екіншіден жастардың дені ауылға барып, еңбек еткісі келмейді. Осылайша оқымады деген аттан алыс болып, балы төмен грантты ұтып алып, әупірімдеп білім алып, артынша дипломды сырлы сандықтың түбінде сақтап, басқа салаға бет бұрып жүргендер сан көбеймесе азаймай тұр. Ж.Аймауытов: «Мамандықтың жаманы жоқ, бірақ мұның кез келгеніне икемділік қажет, бұл – жай күнелту, тамақ асыраудың ғана жолы емес, үлкен өнерді, зор шеберлікті қажет ететін нәрсе», – дейді. Рас, жеткіншек тек өз жүрек қалауымен ғана таңдаған мамандықтың шебері бола алады, яғни мамандық таңдау – жай ғана оқып, диплом ала салу емес, өмірлік жолыңды айқындау.&nbsp;Бірақ кейбір ата-ана, туған-туыс оған мән бермей, жеткіншектің көңілі қаламаған мамандыққа еріксіз апарады. Оның нәтижесі қандай? Олардың бірі – оқудан шықса, бірі – қаламаған мамандығы бойынша ілініп-салынып жұмыс істеп жүреді.Бұл үшін мамандар баланы жастайынан түрлі салалармен таныстырып, таңдауына құлақ асып, өзіндік пікірін қалыптастыру маңызды екенін айтады. Балаға таңдау жасатпаудың салдары «өз ісін» таба алмаушылар қатарын толықтырады. Бұл – үйде де, мектепте де, қоғамда да назарда ұсталуға тиісті қағида. Осы мақстатта Шиелі аудандық кәсіпкерлер палатасы мен білім бөлімі бірлесіп, мектеп оқушыларымен кездесу өткізді. Оған Шиелі ауданының құрметті азаматы, аудандық кәсіпкерлер Кеңесінің төрағасы, «Шиелі Шұжық» ЖШС директоры Патима Маханбет, «Океан» бассейн, қонақ үй кешенінің иесі, аудандық кәсіпкерлер Кеңесінің мүшесі, «Бест Сервис LTD» ЖШС директоры&nbsp; Бекболат Қожақов, «Grand Damdi» мейрамханалар желісінің иесі, «Дауренбеков» ЖК директоры Дінмұхамед Дәуренбеков №45 «Ақ Орда» мектеп-гимназиясы, №46 «А.С.Пушкин» атындағы мектеп-лицейі, №270 Ғ.Мұхамеджанов атындағы мектеп оқушыларымен тілдесті. «Мамандықты дұрыс таңдау – маңызды» атты кездесуді аудандық кәсіпкерлер палатасының директоры Бекзатхан Бауыржанұлы жүргізді.Бұл кездесу көп жастың көкірек көзін ашып, болашақ мамандығын жаңылыспай таңдауға бір қадам болса да оң ықпал еткені анық. Сол себепті Шиелі аудандық кәсіпкерлер палатасының директоры Бекзатхан Бауыржанұлының айтуынша, осындай шаралар алдағы уақытта жалғасын таппақ. «Бүгінде жоғары оқу орнын бітіргендердің 40,1 пайызы оқыған мамандығы бойынша жұмыс істемейді екен. Себеп бала кәсіп таңдауда жаңылады. Мамандығын жаңылмай таңдауы үшін жеткіншек әр кәсіптің қыр-сырын игеруі тиіс. Сондықтан да біз аудандағы әр сала мамандарымен жастарымызды кездестіріп, олардың өмірлік жолдарын адаспай табуына титтей де болса ықпал етсек, біздің бір мақсатымыздың орындалғаны», – дейді ол.

Бекзатхан Бауыржанұлы: Мамандықтан жаңылмау керек

<a href="https://kyzylorda-news.kz/">Kyzylorda-news.kz</a> Кеше аудан әкімі Аманжол Оңғарбаев Арал қаласындағы құрылыс нысандарын аралап, көркейту және абаттандыру жұмыстарымен танысты.Алдымен аудан басшысы жаңадан салынып жатқан аспалы темір жол көпірі құрылысы барысын көрді. Көпір өткелінің мердігері – «РИТМ» жауапкершілігі шектеулі серіктестігі. Құны 3,1 млрд. теңге болатын көпірдің ұзындығы 940 метр, екі жағына жаяу жүргіншілер жолы мен түнгі жарық шамдары орнатылады. Жақын жерде орналасқан тұрғындарға қолайсыздық тудырмас үшін дыбыс басқыш құрал-жабдықтармен қамтамасыз етіледі.Әрі қарай аудан әкімі № 4 мөлтек ауданын газдандыру жұмыстарымен танысты. Жоба құны 350 млн. теңге құрайтын газ құбырын тарту жұмыстарының құрылысын «Транс Азия Констракшн» ЖШС жүргізуде. Аталған аумаққа жалпы ұзындығы 14 шақырымды газ желілерін орнатады. Құрылыс жұмыстары жылдың аяғына дейін жүзеге асырылмақ.Мұнан әрі Аманжол Сақыпұлы «Жайлы мектеп» ұлттық жобасы аясында салынып жатқан мектептің құрылыс алаңына барды. Биыл аталған ұлттық жоба шеңберінде Арал қаласынан екі мектеп салынуы жоспарланған. Қазір бір мектептің құрылысы басталса, екінші мектептің жер телімі белгіленген. Құрылысы жүргізіл жатқан білім ордасына Ж.Әлімбетов көшесі арқылы баратын жол жарық шамдар мен жаяу жүргіншілер жолағын салу арқылы абаттандырылмақ.Аудан басшысы К. Дәрібаев көшесіндегі аяқталмаған жаяу жүргіншілер жолының жағдайын көрді. Одан соң, «Моно және шағын қалаларды дамыту» мемлекеттік бағдарламасы аясында жүргізіліп жатқан көшелердегі автомобиль жолының құрылыс жұмыстарын бағамдады.&nbsp;Аманжол Оңғарбаев бірінші кезекте атқарылатын жұмыстардың сапасына назар аударуды тапсырды.<blockquote>–Ең бірінші кезекте жұмыс сапасына мән беру керек. Мейлі, ол ғимарат құрылысы, жол құрылысы болсын, су немесе газ жүргізсін, ең бастысы – сапа. Сондықтан жұмыс барысын күнделікті бақылау керек. Жобаны мақұлдау сатысынан бастап толық аяқталғанға дейін жіті қадағалаңыздар, – деді аудан басшысы.</blockquote>Аталған жұмыстар М. Дулатов, Ә. Төлегенұлы, К. Өтенов көшелерінде де қолға алынуда.&nbsp;Қазіргі таңда Бақтыбай батыр көшесіндегі №77-ші, С. Көбеков №20-шы және Ә. Бисембаев көшесі бойындағы №13-ші көппәтерлі тұрғын үйлер қайта жаңғыртудан өтіп, аулаларында жөндеу жұмыстары жүргізілуде.&nbsp;Аудан әкімі ескі прокуратура ғимараты мен денсаулық нысандарын да аралады. «А. Байтұрсынов» ауылдық емханасы мен жүйке аурулар бөлімшесін көріп, бу қазандық ғимаратын қайта жаңғырту жұмыстарымен танысты.&nbsp;Ғасырға жуық тарихы бар «Арал» индустриалды-техникалық колледжіне бас сұққан аудан басшысы білім ұясының бүгінгі тынысын бақылады. 1927 жылы балық аулау артельдері жанынан осы кәсіп саласына керек жұмысшы-мамандарға алғашқы біліктілікті үйрету негізінде құрылған оқу орны күні бүгінге дейін мыңнан астам түрлі мамандықтар бойынша негізгі және жалпы орта мектеп бітірген жастарды оқуға қабылдап, білікті кадр етіп шығаруда.&nbsp;Қала аумағын аралау барысында Жаңауыл мөлтек ауданындағы «Мансұр» құрылыс заттары нысаны алдындағы жаяу жүргіншілер жолымен танысып, «Жасыл белдеу» аймағын да көріп өтті. Аумақты абаттандыру жұмысын қарап, жасыл желек қалыптастыру және оны сақтау жұмыстарын жандандыру жүктелді.

Арал ауданының әкімі бірқатар нысанның жұмысымен танысты

&nbsp;<a href="https://kyzylorda-news.kz/">Kyzylorda-news.kz</a> Ел бейбітшілігінің түп тамыры халықтың татулығы мен біртұтастығында келгені анық. Бірлікті ту етіп, қоғам ішіндегі ынтымаққа үндейтін ұлттық ұстанымды тірек еткен мемлекетіміз бүгінде достық шаңырағының берік тұғырына айналған. Арманы мен мақсаты қиылысқан, кемел келешекке бір көзбен қарап, ізгі қасиеттерді ұштастырған ұлттар достығы біздің ауданда да көркем көрініс береді. Олардың өзара түсіністігі мен нығайған келісіміне тағы бір мәрте куә болдық.Жұма күні Шиелідегі Б.Қабылұлы атындағы аудандық мәдениет үйінде Қазақстан Республикасында тіл саясатын дамытудың 2023-2029 жылдарға арналған тұжырымдамасын іске асыру мақсатында «Тіл – достықтың тірегі» тақырыбында дөңгелек үстел жиыны өтті. Салтанатты шараға Шиелі аудандық ақсақалдар кеңесінің төрағасы Исабек Байкенжеев, «Қазақ тілі» қоғамы» қоғамдық бірлестігі Шиелі аудандық филиалының төрағасы Сағындық Сұлтан, «Қоғамдық келісім» КММ-нің Шиелі ауданы бойынша этносаралық қатынастар жөніндегі сарапшысы Біржан Өтебаев, Шиелі аудандық қоғамдық даму бөлімінің әдіскері Гүлжанат Сейтова, мектеп мұғалімдері, сондай-ақ шежірелі өлкедегі этнос және БАҚ өкілдері қатысты.Тәуелсіз елде өмір сүріп жатқан түрлі ұлт өкілдері арасындағы достық пен бірлікті нығайту барысында мемлекеттік тілге құрмет сезімін қалыптастыру халықтың бір-біріне деген сый-құрметін арттырып, татулық, ынтымақ секілді ортақ құндылықтарды насихаттауды мақсат еткен жиынның берері мол болды. Түрлі ұлт өкілдерінің басын қосқан бұл күні қонақтар бір-бірін мерейлі мерекемен құттықтап, жылы лебіздерін арнап, пікірлерін ортаға салды. Өз кезегінде аудандық ақсақалдар кеңесінің мүшесі, шешен ұлтының өкілі Хамзат Чолондуров, салық саласының ардагері, корей ұлтының өкілі Агаша Ким сөз сөйлеп, мемлекеттік тілдің маңызына, оны қастерлеудің орны биік екеніне тоқталды.Сонымен қатар этнос өкілдері арасында сергіту сәті ұйымдастырылып, қонақтар қазақ мақалдарының ауылына сапар шекті. Бұдан бөлек викториналық сұрақтарға кезек беріліп, әр ұлт қалыптасқан салтдәстүрлерімен бөлісті. Қонақтар жиын барысында әуезді ән тыңдап, патриоттық рухқа кенеліп, жақсы көңіл-күйге бөленді.Мерекелік шара соңында ынтымақты ырысына балаған ауданның этнос өкілдеріне арнайы алғыс хаттар ұсынылып, гүл шоқтары үлестірілді.

Шиеліде тіл саясатын дамытуда жүйе бар

Бүгінде айдынды Арал қаласы күн санап дамып келеді. Иә, түрлі биік ғимараттар бой көтеріп,көшелеріміз жарық шамдармен әсемделуде. Сонымен бірге қаланың ажары айшықталып, сәулеті сән берген келбетіннің қалыптасуы жолында айтарлықтай жұмыстар істелуде. Бүгінде 40 мыңға жуық халық қоныс тепкен қаланың әлеуметтік экономикалық даму динамикасы туралы сөз қозғасақ.Қазір жастардың басым көпшілігі өздерінің сүйікті істерін кәсіпке айналдырып, халық қажетін өтеп отыр. Түрлі сән сәулеті келіскен кәсіпкерлік нысандар бой көтеріп қаланың көркеюуіне үлес қосуда. Мәліметке сүйенсек, өткен жылы 3469 кәсіпкерлік субъектісі тіркелген. Олардың ішінде, тамақтану орындары, көлік жуу, балалар ойын-сауық орталығы, шағын маркеттер бар.&nbsp;Жалпы алғанда қаржылық несие ұйымдары арқылы&nbsp; қала кәсіпкерлері тарапынан 154 жоба бойынша несие алуға қол жеткізді. Мемлекеттің қолдауы арқасында кәсіпкерлер өз кәсіптерін дамытуға мүмкіндік алып отыр.&nbsp; &nbsp;Жұмыссыздық мәселесі де күн тәртібінен түспейтіні анық. Бұл жөнінде Мемлекет басшысы Қасым-Жомарт Тоқаев:<blockquote>–Азаматтардың əл-ауқаты жəне əлеу­меттік көңіл күйі мемлекеттің басты на­зар­ында болуы керек. Цифрлармен ойнауды қойып, нақты істерге көшетін кез келді. Мемлекеттік аппарат көп жағдайда «өзін өзі тиімді жұмыспен қамтушылар», «ресми емес жұмыспен қамту» секілді терминдерді қолданып, жағдайды жасыруды жақсы көреді. Соның салдарынан көп­теген адам жұмыссыздықпен бетпе-бет келіп, əлеуметтік қорғаусыз қалып жа­тыр. Бұл əлеуметтік-еңбек саласын са­палы жаңартуды қажет етеді. Осы мақ­сатпен мынадай шараларды қабыл­даған жөн. Халықтың табысын арт­тыру бағ­дар­ламасын əзірлеу қажет. Жұмыс нақ­ты əрі əрбір азаматқа бағдарлан­ған болуы керек. Бас­қарудың əр дең­гейінде кедейлікті төмен­детудің нақты көрсеткіштерін бекіту қажет,– деген болатын.</blockquote>Өткен жылы Арал қаласының санитарлық тазалау жұмыстарына 99 адам қоғамдық жұмысқа алынды. Жылдың қорытындысымен 99 адамның 60-ы тұрақты жұмысқа орналасқан болатын. Биыл, көше тазалығына 99 қоғамдық жұмысшыларды қамтуға тапсырыс берілді. Ал, жаңа жұмыс орындарына меже бойынша 507 адамды жұмысқа орналастыру қажет болса, бұл көрсеткіш 592 болып артық орындалды.Сонымен бірге жер учаскесі мәселесі де әр адамға маңызды. Иә, кезегі келген адам жер алуға асығатыны анық. Бұл жөнінде Арал қаласы әкімі Батыржан Ұзақов:<blockquote>–Арал қаласы бойынша жер учаскесін алу үшін 7823 азаматтың өтініші арнайы есепке алынды. ҚР Жер Кодексінің 41-1-бабына сәйкес азаматтарға қолжетімді болу мақсатында жер кезектілігінің тізімі біздің әкімдік ғимаратының 1 қабатында орналасқан. 2008-2009 жылдары жер кезектілігіне 730 өтініш алынған болса, 2022 жылы 230 өтініш иесіне жер учаскесі табысталды. 2023 жылдың тамыз айында Арал қаласының&nbsp;су және электр желісі жүргізілген аймақтарынан дайын болған жер учаскелерінің санына қарай&nbsp; 500 өтініштің тізімі жасақталып, аудандық құрылыс, сәулет және қала құрылысы бөліміне жолданды. Ағымдағы жылдың соңғы төрт ай мерзімінде, дайын болған алаңдардан 262 өтініш иесіне жер учаскесі табысталса, 24&nbsp;өтініш мерзімі бойынша қаралуда. Қалған жер алуға өтініш түсірмеген 214 азаматтар үшін аудан әкімдігін белгілей отырып, Арал қаласының «фейсбук» әлеуметтік желі парақшасына бірнеше рет «хабарландырулар» берілді. Бұдан бөлек, аталған жұмыстар Арал қаласының №6 және №8 мөлтек аудандарында жалғасын табуда. Аймақтар бойынша электр және су желісін жүргізуге қаражат бөлініп, құрылыс жұмыстары аяқталды. Бұл аймақтардан қосымша 661 азаматтарға жер учаскесін беру жоспарланып отыр. Аталған аймақтардан жер учаскесін бөліп беру схемасының дайын болуына орай ағымдағы жылдың сәуір айынан бастап жер учаскелерін табыстау жұмыстары жүргізілуде,–деді.</blockquote>Әр ел мен жердің сәні ол тазалығына байланысты. Тазалық пен көркейту-көгалдандыру жұмыстарына қала тұрғындары белсене атсалысады.&nbsp;&nbsp;&nbsp;&nbsp; Арал қаласындағы 228 көшенің 131 көшесі түнгі жарық шамдарымен қамтылған. 2023 жылы 46 көше жарықтандырылған болатын.&nbsp; Атап өту керек, 15 көшеге күн сәулесінен қуат алатын жарықшамдар орнатылған.Сонымен қатар &nbsp;ұзындығы 0,6 шақырым әскери қалашыққа барар қиыршық тасты автомобиль жолын тегістеу және жарықтандыру жұмыстары жүргізілді. Қалада барлығы 31 сквер, саябақ, балалар және шағын спорт алаңдары бар. Өткен жылы&nbsp;«Рәміздер алаңының» артқы бетін периметрі бойынша үрінді құм мен қардан қорғау, абаттандыру мақсатында аудандық бюджеттен бөлінген 6,2 млн. теңгеге бұрынғы қоршаулары де монтаждалып, жаңадан қоршаулар орнатылды. Сондай-ақ саябақтар мен скверлер, аллеялардағы көгалдандыру нысандарына тамшылатып суару әдісін қолдану үшін су құбырлары жүргізілді. Бұған дейін қаланың санитарлық тазалығын қамтамасыз ету жұмыстарына ғана бюджеттен қаржы сұралатын болса, биылдан бастап барлық сквер, саябақ, парктер мен алаңдарды абаттандыру мен күтіп ұстау үшін қомақты қаржы бөлінуде. Ал қала көшелерінің санитарлық тазалық жұмыстарын&nbsp;өткен жылы «Қуанышбек» ЖШС мен «Қуаныш» жеке кәсіпкерлік субъектісі қамтамасыз еткен болатын. Және мердігер мекеме «Н.Мырзагулова» шеткі аймақтардағы қоқыстарды тазалау жұмыстарын жүргізді. Бұдан бөлек, қаланың оңтүстік-батыс беткейінде орналасқан полигондағы қатты тұрмыстық қалдықтарды көму, тегістеу, нығыздау және сұрыптау жұмыстарын «Қуанышбек» ЖШС жүргізді. 2013-2017 жылдар аралығында қала көшелеріне барлығы 32 дана бейнебақылау камералары орнатылған. Қазіргі таңда оның 25 данасы істен шығып, жарамсыз күйге жеткен. Қалған 7 камераның аздық етуіне байланысты 2022 жылы 6 дана және 2023 жылы 11 дана бейнебақылау камералары орнатылған екен.<blockquote>–Биылғы жылға Арал қаласының әлеуетін көтеріп, қаланы көркейте түсу мақсатында халықтың ұсыныс пікірін тыңдай отырып, алға көптеген жоспар құрып отырмыз. Соның ішінде қала көшелеріне видеокамералар орнату, «Алаш ауылы» мөлтек ауданы аумағындағы ескі «Тас мола» қорымын қоршау, Ж.Әбдірашев көшесіне ағаш көшеттерін отырғызуға арналған қоршаулар орналастыру, Абай көшесінің кіре-берісіндегі ағаш көшеттерінің қоршауларын қайта жөндеуден өткізу,&nbsp;Жарықтандырылмаған 18 көшеге түнгі жарықшам орнату жоспарлануда. Және демеушілер есебінен екі балалар ойын алаңын салу да назарға алынып отыр. Және негізігі проблема жалпы аумағы&nbsp; 76,5&nbsp; гектарды құрайтын &nbsp;жерде орналасқан 5 ірі сор көлдерді көму және қала тұрғындарын қоқыс жинайтын жәшіктермен қамтамасыз етуді биылғы жылы шешімін табуды қарастыратын боламыз,–деді қала әкімі Батыржан Ұзақов.</blockquote>

Арал қаласында ауқымды істер атқарылмақ

<a href="https://kyzylorda-news.kz/">Kyzylorda-news.kz</a>&nbsp; «Жеңіс күні» деген сөзді естігенде &nbsp;әрқайсысымыздың жүрегімізді ерекше бір қуаныш сезімі кернейді. &nbsp;Ұлы Жеңістің арқасында &nbsp;бүгінгі буын мамыражай, бейбітшілік заманда өмір сүріп жатыр. &nbsp;Биыл &nbsp;Ұлы Жеңіске 79 жыл толып отыр. Дүйім елге жақсылық пен берекесін қоса әкелген жеңіс мерекесіне орай қан майдан ортасынан оралған жауынгер аталарымыз туралы бүгінгі жас ұрпақ біліп өссін деген ниетте марқұм атам, &nbsp;Ұлы Отан соғысының ардагері Жұматай Мұстафаев туралы сыр шертпекпін.Майданда ерлік көрсеткен ардагер атамыз тоқсан бір жасқа келіп дүниеден озды. &nbsp;Ол сонау 1925 жылы &nbsp;24 сәуірде қасиетті Қармақшы топырағында қарапайым шаруа Әбу ақсақалдың отбасында дүниеге келген. Ес білгеннен еңбекке араласқан Соғысқа өзі сұранып, әскер қатарына алынады. 1943 жылдың сәуірінде облыстан бір эшалон адам жинақталып, Қиыр Шығыстан Жапон еліне жіберіледі. Алдымен оларды Қытай елімен шекаралас Матцевская деген стансасында әскери жаттығудан өткізіп, соғыс өнерінің қыр-сырын меңгертеді. «Мен Герман соғысында болған жоқпын, Жапониямен соғыста болдым» деуші еді атам. Жапондарға қарсы тайталасқан жауынгер атамыз №94 дивизия, 9 полкінің 2 ротасында әскери өмірді бастан кешіреді. Жапондардың шабылуынан қорғану үшін қақаған қыста дамылсыз күзетте болып, 1945 жылы 8 тамызда Хайдар деген қаланың бекініс қорғанына шабуыл жасайды. 18 тамызда жапон әскері жеңіліске ұшырап, қаланы өздеріне бағындырады. Осы он күн ішінде небір қиыншылықты, өмір мен өлім арасындағы жанталасты талай көреді. Полк басшысы Горшков, екі қазақ азаматы Б.Үкібаев пен Т.Тоқташов та осы жапондарға тойтарыс беру кезінде қаза болыпты. – Жапондар ақ жалауын көтеріп берілгеннен кейін бөлімшеге қайтқан бізді қайтыс болған жауынгерлерді жерлеуге жіберді. Ұзын саны 1500-дей қайтыс болған сарбазды Нудахан деген деревняда жерледік. Әр жауынгердің басына жезден тақта жасап, оған жауынгердің аты-жөні мен туған, өлген жылдарын ойып жазып қалдырдық. Туған жерінен бір уыс топырақ бұйырмаған қаншама жауынгер қалды ғой алыста, – деп ардагер атамыз сонау сұрапыл жылдарды еске түсіріп, күрсініп айтып отыратын.Соғыс біткеннен кейін де басқолбасшы Сталиннің бұйрығымен 1925 жылы туған сержанттарды ерекше жағдаймен әскерге қалдырады. Содан кейін Иркутскіде, Нижний Удинскіде жауынгерлік борышын өтеу мақсатында әртүрлі жұмыстарға жіберіледі. 1950 жылдың маусымында елге оралғаннан кейін Жосалыдағы әуежайда мотор жөндеуші болып жұмыс істейді. 1956-1958 жылдар аралығында Төретамдағы электр стансасында машинист болса, 1958-1964 жылдары №25697 әскери бөлімінде электрик, 1964-1980 жылдарда №74510 әскери бөлімінде слесарь болып жұмыс істеп, кейін зейнеткерлікке шығады.Ардагер атамыз сол сұрапыл соғыста көрсеткен ерлігі үшін 1 дәрежелі Отан соғысы ордені және «Соғыс ардагері», 1941-1945 жылдағы «Ұлы Отан соғысына» 20, 30, 40, 50, 60 жылдық мерекелік медальдарымен марапатталды. Кеңес Одағының Маршалы Г.Жуковтың медальдарымен мадақталды. Аяулы әкелерін, асқар таудай аталарын балалары мен немерелері ешқашан ұмытпайды. Майдангер атамыз Пәмен әже екеуі 10 бала тәрбиелеп өсірген. Бүгінде солардан тараған &nbsp;немере, шөбересі қанатын кеңге жайған қара шаңырақта атамыздың көзіндей әжемізді жас баладай мәпелеп, бағып отырған жайымыз бар.Отан үшін, Ұлы Жеңіс үшін, бейбітшілік үшін жан аямай күрескен ардагер аталарымыздың ерлік істерін ұрпақтары әрдайым мақтан тұта отырып, жадымызда мәңгі сақталып қала бермек.&nbsp;Айгүл Қанибекқызы,&nbsp; келіні &nbsp;

Өшпес ерлік өнегесі 

<a href="https://kyzylorda-news.kz/">Kyzylorda-news.kz</a> «Қазақтың тағдыры, келешекте ел болуы да мектебінің қандай негізде құрылуына барып тіреледі. Мектебімізді таза, берік һәм өз жанымызға, қазақ жанына үйлесетін негізде құра білсек, келешегіміз үшін тайынбай-ақ серттесуге болады» деп ақын Мағжан Жұмабаев айтқандай білім ордаларының жай-күйі әркез маңызды. Бүгінде Шиелі ауданында ғасыр жасап, сан мыңдаған шәкірттің қанатын қомдаған киелі шаңырақтар бар. Олар кенттегі №45 «Ақ Орда» мектеп гимназиясы мен №40 Алма Қыраубаева атындағы мектеп.Иә, мектеп – іргелі білім ордасы, кешенді ғылым орталығы, заманының заңғар перзенттері қызмет еткен қасиетті қара шаңырақ. Білім мен ғылымның ғана емес, көрнекті мемлекет пен қоғам қайраткерлерін тәрбиелеп өсіретін шеберхана іспетті.№45 «Ақ Орда» мектеп гимназиясы қойнауына талай тарихты бүгіп, осы жылдар ішінде қаншама шәкірттің жүрегіне нұр құйып, түлетіп ұшырды. Білім ордасынан Шиелі өңірінің даңқын шығарған 500-ден астам жарияланымның авторы, оның ішінде 40-тан астам монографиялар, оқулықтар мен кітаптардың авторы, философия ғылымының докторы, профессор Досмұхамед Кішібеков, Қазақстан Мемлекеттік сыйлығының лауреаты, белгілі жазушы Оразбек Сәрсенбаев, отыздан астам ғылыми мақаланың авторы, математика ғылымдарының докторы, профессор, академик Асқар Жұмаділдаев шықты. Сондай-ақ соғыс және еңбек ардагері, «Еңбек Қызыл Ту» орденінің иегері Ғафур Мұхамеджанов, «Құрмет белгісі» орденінің иегері Сейілбек Шаухаманов, генерал-лейтенант Құрбан Қаражанов, қарымды қаламгер Дәулетбек Байдрахманұлы, ауданның Құрметті азаматы, білім саласының ардагері Рахым Мауяев, ҚР Президенті телерадиокешенінің креативті директоры Нұрлан Қоянбаев, белгілі тележүргізуші Руслан Бөлебай секілді айтулы азаматтар білім алған. Бүгінде сол сара ізді жалғап, соңғы он жылдан бері Айнұр Архабаева осы ұжымды басқарып келеді.<blockquote>«Ағаш жапырағымен, адам ұрпағымен, ал ұстаз шәкіртімен көрікті» деген осы шығар. Бұл мектептен көктеген талай жас шыбықтың тамыры тереңдеп, алып еменге айналғанына аудан жұртшылығы куә. Талай ұрпақ білім алып, тәрбие көріп, болашаққа қадам басты. Берісі – қала, облыс, әрісі республиканың экономикасы мен мәдениетіне үлестерін қосуда, – дейді мектеп басшысы.</blockquote>1922 жылы ең алғаш іргетасы қаланған «Сары шығанақ» бастауыш мектебі, бүгінгі таңда қазақтың көрнекті ғалымы, филология ғылымдарының докторы Алма Қыраубаеваның атымен аталады.<blockquote>– «Толған ел тарихын таспен жазады» демекші, талайдың тағдыр жолын түзу таңдап, білім көкжиегін кеңейтуіне түрткі бола білген – №40 Алма Қыраубаева атындағы орта мектебі деп шүбәсіз айта аламын. 2022 жылдың қаңтар айынан бастап аудандағы алар орны мен басар салмағы бар айтулы білім ордасына басшылық қызметте жұмыс істеп келемін. Тұтастай бір ғасырды артқа тастаған оқу ошағының толайым тірлігі мен ілкімді істері ауыз толтырып айтарлықтай. Тарих беттеріне көз жүгіртсек, қасиетті қара шаңырақта ұлт көсемі М.Шоқайұлы бастаған танымал саясаткерлер, театр тарландары, дарынды драматургтер, айтыскер ақын, ғылым докторлары, халық ағарту ісінің озық қызметкерлері сауатын ашқан. Сондықтан бізге артылар жүк те жеңіл емес, – дейді мектеп директоры Дәуренбек Насибеков.</blockquote>№40 орта мектеп – әр тірлікте тандемде жұмыс істейтін, педагогтардың, оқушылар мен ата-аналардың дарынды арсеналы бар монолитті оқу орны екені сөзсіз. Әркез уақытпен санаспай жұмыс істейтін жандардың еселі еңбегі – соның айғағы болса керек-ті. Бұл ұйыған ұжым бірлігінің бекемдігі, шығармашылық қабілетінің қарқынын одан әрі айшықтай түседі.

Шиеліде бір ғасыр білім берген қос мектеп бар

<a href="https://kyzylorda-news.kz/">Kyzylorda-news.kz</a>&nbsp; Танымал коуч, психолог, эксперт Роза Әшірбаева оқырмандарымен сырласып, түрлі сұраққа жауап берді. Бұл туралы<a href="https://stan.kz/30-zhastagi-zhigit-avtobuspen-zhuredi-zhelide-roza-kouc-399689/"> Stan.kz</a> ақпарат агенттігі хабарлайды.Желі қолданушыларының бірі 30 жастағы жігіттің автобуспен жүруіне қатысты көзқарасын сұрады.<blockquote>“Жасы 30-ға толған еркек үй алу үшін ақша жинап автобуспен жүрсе, түсінуге болады. Ал егер ақшасын оңды-солды шашып, түк бітірмей автобуспен жүрсе, онда мәселе болады. Кейбір жігіттер бар сондай. Айлығын үш күнде жаратып, ішіп-жеп құртып тастайды. Бәрі бірдей емес. 30 немесе 35 жасқа жеткенде бизнес ашу үшін тірнектеп ақша жинап, үй алу үшін депозитке құйып жатса, ондай жігіттерге “жарайсың!” деп қана айтамыз. 30 жасында ешқандай жетістікке жетпеу, ауыз толтырып айтатын заты болмайтын ер азамат болу – ұят! Қыздарға қарағанда жігіттердің қолы бос. Студент кездерінде түк ойламай жүреді. Сосын көзді ашып-жұмғанша 30 жасқа толғанын сезбей қалады. Мақсаты айқын болуы керек”, – деді коуч.</blockquote>Желі қолданушыларының пікірі екіге жарылып, психологты сынап тастады. Олар қоғамдық көлікке кім мінсе де, өзі біледі деп жазып жатыр.<blockquote>“Тең-теңімен жүрсін”, “Жақсы көрген жігітті автобуспен жүресің деп тастап кетпейтін шығар?”, “Роза осы жолы артық қылам деп, тыртық қылды”, “Ақыл айттым деп отырсың ба?”, “30-дан асқан жігіт самокатпен жүрсе де, өзі біледі”, “Талқылайтын басқа мәселе жоқ па?”, “Автобусқа ақшасы бар, соған қуану керек”, “Кейбір жігіттердің үйі жоқ, ол ұят емес”, – деп жазып жатыр оқырман қауым.</blockquote>Еске салайық,&nbsp;Роза Әшірбаева кинопродюсер Гүлнұр Мамасариповамен ұрысып қалғанын жасырмады.&nbsp;Фото: https://www.instagram.com/roza.coach/

Қазақстан және Қызылорда облысының жаңалықтары: Қоғам